السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله وبعد فاسأل الله سبحانه وتعالى
ان يسددنا واياكم لما يحب ويرضى ويتقبل مني ومنكم صالح الاعمال ويعفو عني وعنكم وغيصلح بالي وبالكم ويشرح صدري وصدركم ويمن علينا وعليكم بعلم نافع وعمل صالح ورزقا طيبا مباركا
ما زلنا مع اصحاب رسول الله صلى الله عليه وسلم حبا لهم ووفاء له صلى الله عليه وسلم عندما يؤتى بكم يوم القيامة وتجدون في اوقاتكم انكم كنتم منشغلون بثمرة نبيكم
اصحابه رضي الله عنهم فهل تظنون ان هذا يثلج صدره صلى الله عليه وسلم انك كنت مشغول في اوقاتك بان تتعرف على من رباهم وان تقتضي بمن صنعهم محمد صلى الله عليه وسلم
فهذا معنى وعمل نرجو ان يكون ان شاء الله فيه التوفيق جرير صاحب مسحة ملك هذا رجل مبارك الله سبحانه وتعالى اصطفاه انه اتى النبي صلى الله عليه وسلم قبل وفاته بايام. بعض السير اصحاب السير يقول
وان هو اسلم تقريبا قبل وفاة النبي صلى الله عليه وسلم باربعين يوم. اربعين يوم. سبحان الله جرير بن عبدالله البجلي اربعين يوم لحق النبي صلى الله عليه وسلم وقيل اشهر قليلة
يعني اكثر من اربعين بس ايه اوقات قليلة اوي فرضي الله عنه من الابحاس اللي كنت باحسها فترة وهي الاحاديس التي رواها جرير عن النبي صلى الله عليه وسلم فسبحان الله
احاديس كتيرة يعني احاديس واحد مش مجرد ان هو ايه خلاص يعني انا جاي بقى متأخر مش متحاسب انا بقى لا يا جماعة ده جاي متأخر اه وما عندوش بقى فكرة ان هو يروح يسأل النبي صلى الله عليه وسلم
سؤالين وخلاص لأ سبحان الله ويمكن قلنا ان جرير كان سامته وسيم جدا يعني فكان بتقابله برضه هنات ومشاكل من الحاجات اللي هو سبحان الله اثر انه سأل النبي صلى الله عليه وسلم عنها
ان راح سأل النبي صلى الله عليه وسلم على نظر الفجأة. سبحان الله فجرير رضي الله عنه بيقول سألت النبي صلى الله عليه وسلم عن نظر الفجأة فامرني ان اصرف بصري
نزر الفجاءة اللي هو ان الواحد ايه؟ يعني البغتة يعني. النظرة الاولى يعني. فهو بيسأل النبي صلى الله عليه وسلم. فامره ان يصرف بصره فلان النزرة الاولى لك والثانية عليك
والاولى اللي مراد بها هنا هي الاولى التي ايه ليس لك فيها اختيار الاولى التي ليس لك فيها اختيار فده مهم جدا جدا الشاهد ان جرير تاخد بالك ان هو رايح يسأل النبي بيقول اسأله عن نزرة الايه؟ الفجأة. حاجة كده هوب ببص كده لقيتها. فبيقول له يعني انا دي هتحاسب عليها
وسبحان الله لو خدتوا بالكم كل واحد ربنا بيمن عليه بنعمة هذه النعمة قد تكون لك اختبار فيها بطريقة الى الله. صوتك حلو واختبر هتوجهي هذه النعمة في طاعة الله او في غضب الله
هتوديها في اغاني وموسيقى وقرف ولا هتوديها فين رزق في الله رسم ترسمي كويس قوي هبدأ انك ترسمي اشياء حذر النبي صلى الله عليه وسلم من رسمها ولا هتوجهي الرسم ده
حاجة تانية الباب ده مهم قوي خاصة موضوع الصوت عند النساء منتشر جدا الصوت الطيب طب الصوت ده هيروح فين كل واحد بقى ايه ياخد باله جسمك شكلك عيلتك ما لك
وظيفتك دي كلها نعم. النعم دي ليبلوكم. هتبتلى فيها وحضرتك ناوي تعمل ايه فيها واخدين بالكم فديت فهو سامته جميل اوي. فتيجي له ايه ؟ بلاء في الحتة دي يجي له بلاء في الحتة دية
سبحان الله عشان كده في ناس انت ما بتحسش بازمتها. شاب وسيم في الجامعة وشكله كويس يجي ايه بقى؟ يقرر قرار الاستقامة. كمان اللحية زادته جمال يعني اللحية كمان مشيت عليه. فده مشى
فايه اللي يحصل يبتلى ايبتلى بلاء شديد جدا انت مش حاسس به وهو طبعا بيسرح وطبعا يقول لك لله والصمت الصالح للرجل الصالح. ونجزب به الناس وبرضه بنستعمل انت بتستعمل ايه يا مسكين
انت مستعمل والشيطان مبهدلك يا سبحان الله فالباب ده مهم قوي خلاصة ان في ناس بتيجي لهم فلقتهم النعم اللي معهم. الحاجات اللي حواليك بتأثر فيك. كان لازم تاخد بالك ويكون معك الفلترة بتاعتك
فجرير راح للنبي صلى الله عليه وسلم ايه اللي حصل؟ راح يبايعه على الاسلام فقام راح يبايعه على الاسلام النبي صلى الله عليه وسلم طبعا في القصة راجعوا بقى المرة اللي فاتت لما دخل ولقى النبي صلى الله عليه وسلم يبص له والكلام ده كله
وهو بيقول منذ ذلك لما باعى النبي صلى الله عليه وسلم نظر اليه وهو بايع النبي على التوحيد وعلى الاتباع من اليوم ده والعلاقة بينه وبين النبي صلى الله عليه وسلم عالية قوي. سبحان الله من اليوم ده وهو خد مكانة عالية جدا من النبي صلى الله عليه وسلم
لدرجة هو يقول ما حجبني النبي صلى الله عليه وسلم منذ اسلمت حتى مات وما لقيه النبي مرة الا هش له وبش. يا سلام على الجمال وتبسم في وجهه. الله اكبر
بيقول دخل علي النبي صلى الله لو هو دخل على النبي صلى الله عليه وسلم في يوم من الايام فرحب النبي به ولم يجد شيئا يجلس عليه فالنبي ادى له الرداء بتاعه وطوى يعني تناه يعني وطرحه له عشان يجلس عليه
جرير ياخد الرداء ويقبله ويخون اكرمك الله يا رسول الله كما اكرمتني. واعزك الله كما اعززتني يا سلام النبي يلتفت يقول لمن معه ان اتاكم كريم قوم فاكرموه دي نقطة مهمة قوي يا جماعة. انزلوا الناس منازلهم
في بعض الشخصيات كده لازم يتم التعامل معه التعامل الخاص ما ينفعش تتعامل معه زي ما بتتعامل مع الناس العادية. لأ. ده كريم قوم؟ اه. ياخد ايه ليه وضع معين
جرير سبحان الله اسلم من هنا ما نمش بقى يا جماعة واحبائي في يبقى جاي شعور التنافس ده جميل قوي في سباتك في طريق ربنا سبحانه وتعالى فمجرد ما اسلم
تشوف الانسان لما بيكون قماشته نضيفة والجودة عالية ومهاراته متمكنة وصاحب مكانة ومكان عالي في النفس على طول سهل انك تستسمره فالضم على طول لكتائب الايمان وكان سقة عالي قوي عند النبي صلى الله عليه وسلم. فالنبي صلى الله عليه وسلم بيقول له هل انت مريحي من ذي الخلصة
آآ دي الخلصة ده ده راجل كان آآ مجرم وكان راجل على الكفر وكان مؤزي جدا يعني صح كده ايوة في حد صاحي اهو زي الخبز ده مش مش راجل كان مجرم
لقى ولا جنب للخوارج ده كان صنم النبي صلى الله عليه وسلم بيقول له ايه ؟ ما تريحني من ايه ؟ من دي ؟ قال خلصت يا جارية. دي الخلصة ده كان صنم بيعبد من دنيا
الا نسأل الله العفو والعافية. بس هو صنم عامل زي الاهرامات كده مجموعة سلسلة مش حاجة واحدة لا مجموعة فالنبي صلى الله عليه وسلم بيقول له ما تخلصني منه القصة دي سبحان الله
اما انت تيجي تشوفها يعني تقول الله اكبر للخلصة ده او الخليصة على آآ قراءة على رواية ده صنم مترسخ في نفوس الناس والناس اللي بتطلع من آآ من اليمن ورايحة مكة عارفينه كويس قوي
ان من اول يوم تاخد مهمة تقيلة قوي كده من اول يوم تاخد المنزلة ديت والسقة دي من اول يوم النبي يشوفه بيقول له ايه انا عاوزك تخلص الموضوع ده دي الخلاصة او دي الخلاصة
كان يا جماعة عندهم الكعبة اليمانية كان ده بيشوفوه كده زي الكعبة كده بس كان الكعبة يمانية. فشوف سبحان الله من اول يوم والنبي صلى الله عليه وسلم يختاره للمهمة دي
ده معناه ايه؟ من وجهة نزر حضراتكم ده معناه ايه اول حاجة اللي احنا ناخد بالنا منها ان المربي بيلقط الروائح معه كشاف يدرك كويس قوي مين بتاع المهام التقيلة
واخدين بالكم فلازم تكون ان انت معك ادوات لاكتشاف طيب بعد ادوات الاكتشاف ادوات ان تبوء المؤمنين المقاعد استسمارهم بقى ما انت اكتشفتني استعملني بقى فهنا ودي الحكمة ان تضع الرجل المناسب في المكان المناسب
بشوف العمق ان النبي صلى الله عليه وسلم يلتقط هذا ودي بقى دي مهارة عالية قوي انك لازم تايه تكون واخد بالك منهم. يعني النهاردة ايه اللي بيميز ولادك وازاي نستسمرهم؟ انت ممكن يكون كل اللي انت شايفه في ابنك ان هو آآ بينسى
آآ تشوف بنتك ان هي بتسرح انك كل اللي انت شايفه في آآ اخوهم الكبير ان آآ ما بيزاكرش مجموعه ضعيف هو ده اللي انت شايفه بس مش شايف الا القصة دي
طب انت مش شايف ان اللي تحصيله في المدرسة ضعيف زكي جدا جدا جدا اجتماعيا ولما بيجي الضيوف كلهم بيحبوا يتكلموا معه وبيعني ما شاء الله بيجملك قدام ضيوفك ومش شايف ان الولد ده رجل مهام تطلب منه اي شيء لا يرجع الا غالبا. ليه انت مش شايف المميزات دي
ليه انت حاطه في حتة كده طول عمره هو شايف نفسه ان هو وقاعد بقى جلد زات ليل نهار ليه؟ ما انا المجتمع شايفني اللي انا فاسد وان انا مش كويس وفاشل فاشل في المدرسة وفاشل في حفز القرآن رغم ان الولد ناجح في حاجات كتير اوي اوي
احيانا بيكون هو ابر الناس بك ما هو ناجح في البر اهو خلاص؟ يعني ناجح نجاحات توديك الفردوس الاعلى لما بتكون الاخرة في المشهد هتشوف فالنبي صلى الله عليه وسلم اكتشف على طول زي ما اكتشف زيد ابن ثابت من اول جلسة قعد النبي صلى الله عليه وسلم معه سمع منه تلاوته للقرآن قال له اني
خلاص تعلم لغة يهود انت اتحرك شاف ابن مسعود قال له انك غلام معلم انت انسان انت عندك قابلية التعلم عالية قوي. انك تلقط اللي قدامك بدري وتسكنه بدري النبي صلى الله عليه وسلم
اكتشفوا على طول. في ناس النهاردة هو تخصصه قتل قياداتهم وقتل قدوات ومؤثرين يبقى ممكن يبقى معه في الشغل وحواليه او في البيت ناس متميزة جدا لكن هو مش بيمكن حد
هو ما يصدرش حد ما يأهلش حد فدايما على طول الخط كل الناس اللي تحته وشايفهم غير متمكنين. لأ هو انت لازم تعترف بحاجة من اتنين انت واقع فيها اما ان حضرتك اصلا ضعيف فلا تستطيع ان تؤهل الناس
دي مشكلة عندك كبير ما بتعرفش تأهل اللي تحتك لا تمكن الناس. آآ اول حاجة التانية ان انت كراجل عندك آآ صورة سلبية عن الناس وصورة ايجابية عنك ان الناس كلها لن تحسن ما حد ما هو ما حدش هيعرف يسمع زيي. وما حدش هيعرف يعمل المحاضرة دي زيي. هو ما فيش حد هيعرف يكتب المقال ده زيي
وما فيش حد هيعرف مش عارف يحاسب المعلمين زيي. وما فيش حد هيعرف يحط مش عارف الخطة زيي طيب ليه الامكانيات اللي معك آآ يعني الخزعبلية اللي مش من عند الناس؟ نعلم الناس عليه يا سيدي
فنسأل الله العفو والعافية. النبي صلى الله عليه وسلم على طول مكن اهل اول حاجة انك تقبل وتبقى متفهم سم تؤهل سم تمكن سم تفوض فالنبي صلى الله عليه وسلم على طول قال له انت
ما تخلص لي من الموضوع ده. راجل المهام صدع الجير على طول بامر النبي صلى الله عليه وسلم واختر لي الموضوع ده مية وخمسين واحد من الشجعان واتحرك. ولما همد الرحيل اقبل يودع النبي صلى الله عليه وسلم
اقبله يودع النبي صلى الله عليه وسلم اقبل ايه كمان ؟ يودع النبي صلى الله عليه وسلم يا جماعة انا لسان حالي لو انسان حلو يعني لو انا مكانه لسه جاي
طب عاوز اتعرف حتى على الاخوة هو مين الاخ اللي بيأزن ده اصل هو شكله كده مش من المنطقة يعني. لا ده هو ده من الحبشة بلال رضي الله عنه
فهو رضي الله عنه ما هم يا جماعة من اول يوم النبي صلى الله عليه وسلم فهمهم واتعلموا منه ان هو نبي. نبي يعني ايه؟ نبي يعني مجرد ان هو رسول
وان هم بيعودوا رب هذا الرسول رب العالمين. فما ترتبطش بي انا كشخص. فيه ناس بعض الناس مرتبط بالشيخ انا هبعت استشارتي للشيخ انا هرن على الشيخ. الشيخ ما ردش
ايه اللي يحصل؟ مشكلتي ضاعت وولادي ضاعوا وزوجي هيعدد علي او هيطلقني او هيموت. ومش عارف ايه مش عارف ايه وانا هسقط. وكل ده حسبي الله ونعم الوكيل في الشيخ واوعوا في يوم من الايام تثقوا في اي لحية شوفوا انا بقالي ست سنين بحضر له اقسم بالله فعلا يا اخي الواحد ما يعرفش الناس الا لما يختبرهم
طب ايه اللي حصل بقى؟ عشان انت آآ اكتشفت الدنيا دي كلها. قال لك بعت له وشافها شافها. اقسم بالله اتنين صح خلاص ومتصل الان واقول له انت حضرتك ما بتردش علي ليه
فعلا اقسم بالله وروحي بقى وبعدين تمسح الرسايل كلها روح انت ماسح الرسايل كلها وبعدين تبدأ ايه؟ تعاتبه على حاجة هو مش فاكرها. يعني بعد ما تمسح الرسايل تقول له ايه
حسبي الله ونعم الوكيل فيك. استشعر كده اما تيجي لك رسالة على الواتس كلها حسبي الله ونعم الوكيل فيك ليه يا عم حسبي الله ونعم الوكيل فيا عشان مش عارف ايه وخلي بالك انا اقسم بالله لو زوجي حصل له حاجة والله لاخاصمك امام الله. طب هو زوجك فين طيب؟ ما هو كل الرسايل اتمسحت
دي احد المشاكل ايه احد المشاكل ان انت كنت انت شايف الشيخ هو الرب هو كل حاجة في الحياة. لا هو الراجل ده بس موصلاتي تيسرت زروفه آآ هو كويس هو وحش وهو في الاخر سبب
الدنيا تبقى ايه سلسة. فهو الجرير ما راحش قال للنبي صلى الله عليه وسلم طب انا هتسيبوني ده انا لسه جاي. طب انا اقعد شوية وبعدين اشمعنى انا طب ما في اخوة كتير طب ما هو ابو بكر موجود وخالد موجود وابو عبيدة موجود وعمر موجود يعني رسول الله يعني طب انا لسه جاي طب حتى اتعلم طب
فافهم طيب ده انا سمعت واحد امبارح بيقرا سورة الاعراف طب عاوز اكملها ببقى احفز سورة هود طب حد يسمعني التوبة لا يا جماعة الدين ده شغل من اول يوم الدين ده جيش مش مستشفى نفسي ولا جنينة هنقعد اننا ايه نشتغل دعم
ايه؟ روحي من اول يوم تخش على طول الايه؟ وعلى فكرة ده من احسن الدعم لك. انك تدخل في رسالة تشغلك وترقيك وترفعك وتنقيه فهو سبحان الله لما هم اقبل يودع النبي صلى الله عليه وسلم. فشكى للنبي صلى الله عليه وسلم ان هو عنده مشكلة صغيرة كده. ايه هي المشكلة بتاعته الصغيرة دي؟ بيقول له يا رسول الله
انا ما بعرفش اسبت على ظهر الخيل انا ما بعرفش اسمع اما بركب الخيل انا هو جسمه هو طويل اوي وعظيم الهامة قوي يعني حاجة كده ايه سبحان الله سمته جميل قوي
وبعدين جسمه الله اكبر عليه حد كده يعني بيلعب جيم سامته جميل. فهو بيقول له يا زهق اما باركب على الخيل باجي بقى يمين باجي شمال الدنيا بتفلت مني فضرب النبي على صدره. خبط على صدره كده حط ايده على صدره. وقال اللهم ثبته
واجعله هاديا مهديا يا سلام على الجمال سبته واجعله هاديا مهديا احيانا الشكوى بتكون يعني النبي صلى الله عليه وسلم كان ممكن يقول له ايه؟ يعني ايه ما انا مش فاهم يعني ايه ما تنزلش على ظهر الخير ما تسبت
ما تخليك راجل ايه واحد رئيس قبيلة ومن سادات الدنيا وقاعد ما تقول لي بقى على الخيل ومش باقي على الخيل. انا ما لي ومال القصة دي! لا سبحان الله! النبي صلى الله عليه وسلم لديهم مساحة
والصحابي عنده من اول يوم حس بالامن والامان معه اللي انا اروح اقول له مشكلتي ايه المشكلة يعني؟ عندي مشكلة اما اجي اركب الدنيا بتفلت مني ما بعرفش اسوق خلاص انا بخاف بالليل من آآ الكلاب
فيروح يحكي مشكلته. فهو بسهولة جدا وبالعفوية ديت راح قال للنبي صلى الله عليه وسلم انا عندي مشكلة وبالسهولة الاعلى ان النبي صلى الله عليه وسلم عادي جدا الدنيا يا جماعة سكينة في التورتة. الدنيا سهلة خالص. الموضوع بسيط خالص
طيب عادي. طيب النبي صلى الله عليه وسلم قال له ايه قال له بص خالد ابن الوليد درعا سيف الله ده بيركب الخيل وهو بيجري آآ خلاص انا هركبك معه
ولا اخليك تتعلم من اسامة ابن زيد القفزة بتاعة الخيل وتتمكن منه ازاي؟ لا لا لا احيانا بتكون مشكلة اللي قدامك محتاج يشعر انك معه ولو بلسانك كدعاء. هو بيحتاج بس انك ايه
اللمسة الحانية فوضع ضرب يده على صدره خلاص؟ والكلمة الشافية بعد كده في بعض الناس انا ببقى مستغربهم يعني يستشيروني في حاجة ومشاكل كبيرة يعني فانا باقول لهم ربنا يعينكم ويسبتكم وادعي لهم شوية وخلاص وعاملين ايه واخباركم؟ طب آآ الموضوع اتحل ولا ما اتحلش
احس ان الناس شايفة ان ده جبر كبير قوي ويشهدوا به عند الله. يا جماعة الموضوع مش محتاج القصة دي كلها. بس هو من وجهة نزرك انت لا يحتاج من وجهة نزرك انك اه وضعت اليد على الصدر وقلت اللهم سبته واجعله هديا مهديا. حاجة بسيطة لأ هي حاجة كبيرة اوي اوي
هو سبحان الله هو كان هيموت في الصحرا وانت اديته مية من وجهة نزرك ان هي متعكرة ودافية بس هي من وجهة نزره انتشلته من الموت. فسيشهد لك عند الله انك احييته. واخدين بالكم
فهنا النبي صلى الله عليه وسلم ضرب على صدره وقال اللهم ثبته واجعله هاديا مهديا بيقول ايه بقى رضي الله عنه؟ قال فما وقعت عن فرس بعدها ابدا بيقول عمري ما وقعت بعد كده عن فرس ابدا
سبحان الله وراح ذي الخلاصة او الخليصة وعمل فيه ايه انها كسروا واوقد النار في الاصنام وبعث للنبي صلى الله عليه وسلم يبشره. والنبي برضه دعا له سبحان الله ما وقفش
خلصت بقى؟ رجع قال للنبي صلى الله عليه وسلم انا خلصت المهمة ديت وخلصت وهدمت ايه دي الخلاصة واصل السير وقال لا وقت وانا هطلع على اليمن. اكمل بقى. رايح فين؟ ادعو الملوك ملوك اليمن الى الاسلام
وخد ازن من النبي صلى الله عليه وسلم. هو كده يا جماعة اللي بقلبه يا جماعة اللي كان في الضلمة واكتشف واشترى كشاف وهو ساب ناس كتير في الضلمة عند المدينة المزلمة بيرجع بالكشافات دي
يقول للناس تعالوا الدنيا منورة الناحية التانية انت ايه اللي مقعدكم هنا؟ ده لو كان صادق وبيحبهم فراح لدي القلاع الاصفر ده كان اعظم ملوك اليمن دعاه وعرض عليه محاسن الاسلام وقرأ امامه شيء من القرآن وبشره وانذره
طرح الله صدره صدر الملك ده للايمان. يدوب اسلم هب القرية تخش على طول الراجل دول القلاع ده سبحان الله ايه اللي حصل قال ايه اعتق هذا الرجل اللي هو الملك ده اعتق اربعة الاف عبد. اربع تلاف عبد
ده ده دي طالعة دعوية واحدة راح زار واحد هوب الدنيا خلصت سبحان الله يدوب وخلص والدنيا وبتاع وواخد القوم وراجع للنبي وجد النبي قد فارق الحياة توفي النبي صلى الله عليه وسلم. ودي من الحاجات عادي يبقى النبي موجود وانت شغال
ان الكبار موجودين وانت بتصنع الاسر بتاعك الكبير. اصل ابو بكر بقى موجود وواخد المساحة وعمر واخد المساحة والدنيا واخدة مساحة. لا يا جماعة تقدر تزرع ويمكن انا قلت لكم دلوقتي في اخوة كده واخوات
يعني عاملين معايا جميل جميل قوي ربنا يجملهم بسترة وهما ارشيف الدعاة انا ما اعرفهمش فعلا ما اعرفش حد منهم خالص. ولا لي تواصل مع اي حد مني. وتقريبا كل المحاضرات اللي على اليوتيوب هم اللي حاطينها. الناس ديت يعني ايه من الحاجات الجميلة اللي بتعجبني
في الشخصيات اللي زي ديت ان هو مش بيني وبينك اي علاقة ولا بينك وبينه اي مصلحة ولا بينك وبينه اي حاجة. وتلاقيه مرة واحدة خلاص هو فكر عاوز يخدم صحيفته ازاي فلقى فكرة
فاتحرك واخدين بالكم ممكن في حد تاني قاعد ويقول لك انا مش لاقي حاجة اعملها ومش عارف ايه والكلام ده كله. فنسأل الله ان يجملهم بستره ويرزقهم القبول وحسن عليه
فهنا هذا الصحابي رضي الله عنه لما اتحرك لما دخل الاسلام على طول قلبه اتفتح واجمل حاجة عند في الاسلام هي التوحيد. ان هو وحد قلبك ووحد همتك لمين؟ لواحد
عشان كده الافكار المؤزية جدا في طوائف كتير زي الطوائف اللي بيخليك دايما مرتبط باب فمرتبط بشيخ الطريقة مش عارف ايه الكلام ده كله هو بيدبح انسانيتك راح تكريم الله لك
وبيشوش على التوحيد. فبيخليك دايما قاعد عمال تطوف حوالين ايه عبد حوالين بشر فمش عارف تتحرك انت حاسس انك مقيد فاجمل ما اعطاك الله انه كرمك وحررك في منهجية بقى وفي طوائف كده معينة تصمم ان الحرية بتاعتك ديت
بتخليك دايما مرتبط لازم يشيخ الطريقة اللي يقول لي. شيخ الطريقة يأذن لي اقول اسم الله العزيز كم مرة عشان ربنا يعطيني. ازن يا سلام! يقول لك ازن الشيخ الشيخ اللي يأزق باجمل ما في ديني
اما وصلة السماء مفتوحة لا يحجبهن عنها ولو نبي. ربنا يقول للنبي صلى الله عليه وسلم ليس لك من الامر شيء في امور كده حصرية لله سبحانه وتعالى. سبحان الله! الة الخلافة للصديق. جرير على طول بيعمل ايه
انا كنت بشتغل ايام النبي بس انا ما كنش لي في القصة ديت. انا كنت مع النبي بس انا لا لا لا على طول. وضع كل امكانياته لمين؟ عمام الصديق. ليه؟ لان يا جماعة انا سهم في كنانة الاسلام. انا مش في سهم في كنانة الاخ فلان والاخت فلانة ولا الشيخ فلان ولا الشيخ علان. انا ساهم في
الكنانة الاسلام يلقي يلقي به الاسلام حيثما شاء عشان كده ابو بكر الصديق رضي الله عنه استعمله في القضاء على فتنة الردة في بلاد اليمن قال له تعال انا عاوزك
تعمل ايه؟ تزل الفتنة شف اما يبقى معك واحد تخصصه ازالة فتن تخصصه حفاز التوحيد في قلوب الناس. بيحفز التوحيد واحد زي جرير ده مش مشغول بقى بسامته ومش مشغول مش عارف ايه رغم ان بعض الاسار كده تحس ان هو ايه كان ايه يعني برضه ان ان الامكانيات ديت عاملاه تشويش. ومع زلك لأ
بق واقف على السغر ده النبي صلى الله عليه وسلم يقول له خلصت من فتنة عبادة الاصنام. يقول له ايه؟ تم ابو بكر يقول له ايه؟ فتنة الردة. الناس لما النبي صلى الله عليه وسلم مات حصل شوشرة. ناس ارتدت عن الاسلام. خلص فتنة الردة في اليمن. يقول له تم. اعادي الناس لحظة
الاسلام وراح خلص المهمة لا يعود الا غالبا. في واحد يوترك وفي واحد يطمنك في شخصيات بتندم ان احلت عليه. وفيه شخصيات سبحان الله يشرفك بالاحالة بيقول لك انت احالتني على مليء
واحد مليان سادد السغر ربنا يرزقكم الرواحل دي انك تحيل على حد خلاص انتهى يا اخي الموضوع ده عندي فيه شخصيات كده ربنا يحفزها من الشخصيات اللي حواليا اما اتكلمه كده في حاجة يقول لي خلاص الموضوع عندي انتهى
خلاص الموضوع عندي انتهى يا عم شيلوه من دماغك فابو بكر الصديق انا خليفة والدنيا والنبي مات وبتاع عاوز رجالة يشيلوا معي. طب مين يخلصني من موضوع اليمن ده ؟ يلا يا جريد شيل الموضوع ده. يقول لك خلاص
انتهى. الموضوع انتهى. جميل قوي انك تشيلي هم زوجك ست خلاص شيلي موضوع المزاكرة والكلام ده يقول له ربنا فتح لك فيه اه مش ادنك بقى كل شوية تمني عليه. فخلاص انت شلت الهم ده احتسبي
ويا رب اللهم اني اشهدك ان هذا الهم انا اكفي زوجي فيه رجاء ان تفرغه لما تحب انت وترضى. جميل قوي انك تخلي زوجك وقف لله وتحتسبيه. وجميل قوي انك تقول يا رب
ان زوجتي مشغولة بكزا حاجة اللهم انا محتسب هذا العمل. طالما ده يا رب يرضيك فانا اوقفت هذا الحق الذي لي لك. فتلاقي الموضوع في حتة هادية ابو بكر الصديق مين يشيل عني
يا جريد تخلص الموضوع ده؟ اه اخلص انا الموضوع ده. الموضوع انتهى. بس خلاص. لما صارت الخلافة لعمر ما خلاص بقى احنا شفناك. شفناك من اول ده انت لسة اول ما جيت للنبي
اشتغلت على طول جاي سخن اه يا جماعة انا جاي سخن لان انا خلاص انا التزمت انا مش مولود ملتزم انا التزمت متأخر وفهمت الدين متأخر فما فيش وقت تاني اضيعه
خلاص ملك الموت قاعد باصص لي في اخر الكمين انا شايفه اهو هناك اهو. فانا عاوز اروح له وانا ايه عشان يقول لي آآ هذا يومكم ده يومك يا عم تعال
فساعتها بقى يقول لي لا خوف علي. انا بجهز للقاء المشرف ده فلما صارت الخلافة لعمر رضي الله عنه كان جرين نعم الجليس ونعم المسير ونعم القائد سعد ابن وقاص بيطلب مدد
يوم القادسية عمر يقول له ايه؟ هبعت لك فريق وعليك بجرير ما انت ما انت معك الوحوش. انت مش معك جرير. طيب ما هو جرير يخلص. اعينه على ميمنة الليل. الجيش يومها. الميمنة كده الشق الايمن كله. عارف كده عمال يقول لك
الجيش الاول والتاني ومش عارف ايه البري والبحر ده قائد فريق فرقة خد الميمنة كلها يوم القادسية ويقوم القادسية ده يوم من ايام الله خلاص مش مشغول بقى بشكله ايه رأيك في التسريحة دي يا ابو عبيدة؟ ايه رأيك شعري كده عمال بيجي كده ولا شعري كده؟ اصل انا في القمد بنجيبه الناحية دي. ايه رأيك في اللقطة دي
ده عارف بقى العطر ده شفت الحزاء الحضرموي اللي بنجيبه من الحضرموي ده حاجة بقى تحفة ده بقى ايه مش بيخليك تحس ان دي تبص تمشي في الصحرا تحس بالبرد
لا يا جماعة في حتة تانية خالص عشان كده عمر كان بيأنس به اشد الانس. وكان بيبقى عنده اعجاب بزكاؤه عالي قوي عمر في يوم من الايام كان في مجلس مع جرير
وجرير في واحد خرج منه ريح فسكت الناس فعمر يعني طلب ان يا جماعة اللي خرج منه ريح يقوم اتوضأ. فهو يعني آآ جرير حسان موقف شديد شوية فايه اللي يحصل
فجعل الناس يعني محرجين يعني. فجرير قال له ايه يا امير امرنا ان نتوضأ جميعا. احنا كل ما نقوم نتوضأ كلنا يا جماعة نجدد وضوءنا. ايه رأيكم فقال عمر رحمك الله نعم السيد كنت في الجاهلية. ونعم السيد انت في الاسلام
قل له يا عم الجمال ده ، انت رايق اوي ليه كده ؟ ده انت ماشية معك اوي ، ده انت جميل سمتا ومعنا وحالا وفكرا وكل حاجة يعني. مش كل شوية بقى ايه
يا جماعة ما تخلوا هو كده عندكم مش عارف ايه كده. امير المؤمنين بيقول ما خلاص يعني. آآ ما الموضوع مش حلو يعني لكن لأ عنده برضه رقي عالي جدا ويحرج اخوه له
فايه رأيك يا عمر ما احنا عايزين نجدد للوضوء ما كلنا نجدد وضوءنا يا جماعة خلاص كله كان في يوم من الايام هو وعدي ابن حاتم وحنظلة رضي الله عنه. بيسكنوا الكوفة
وبعدين انتشر سب عثمان وفتنة عسمان عدي وحنظلة وجريح خدوا قرار واتناقشوا مع بعض لازم نطلع من من البلد دي فواحد بيقول لهم ليه ترحلوا عنهم؟ قالوا لا نسكن بلدا
يسب فيها صاحب رسول الله صلى الله عليه وسلم ياه ايه كده؟ الناس دي يا جماعة نضيفة اوي اوي ده بيطلع من بلد بيتسب فيها صحابي. مش بلد يكفر بها ليل نهار بالاسلام. وحزر للواحدة لابسة
حجاب ولابسة نقاب وشزوز بيدرس عمدا في الاماكن ديت لا يا جماعة انا يتحرك يسيب المكان. مم. مكان ايه اللي يقعدني هنا هو حاسس ان لأ ده دول سبقونا دول
دول اجمل بكتير جدا ان آآ ادل حاجة كبيرة قوي. طب ما انت صحابي برضه. لأ بس عسمان ده من الاوائل يا عم. معناها انت هتجيب لي جيب ايش جاب لي
ايجابي يعني فشخصية جرير دي حاجة جميلة قوي يعني الجارية ده قائد ملك مربي آآ عظيم هاروني حاجة كده عزمة من الحاجات سبحان الله منسية ان هزا الاسم مش منتشر بيننا
لا منتشر بيننا كاسم يعني نادر انك تلاقي واحد اسمه جرير عرسة اللي يجري للطبري مش عارف ايه كده لكن نادر انك تسمي ايه تسمي حاجة جرير يعني. لكن ممكن تكنى ابو جرير ام جرير
لكن مكتبة جرير شوفوا مكتبة جرير حلوة مش بنتريق عليها لكن اول ما نقول هنسمي جرير يقول لك لا يا عم لا نتريق هي بس كل الموضوع انتماءات. ربنا يحفظكم ويبارك فيكم ويسددنا واياكم ما تروحيش النهاردة لزوجك وتقولي له انا هسمي جرير يقول لك لا انا جرير والله العظيم ما انت حاضرة له تاني
يعني الموضوع بسيط خالص وابسط من البساطة يعني. فربنا يسددنا واياكم وينفع بنا وبكم حيثما كنا وكنتم نسأل الله ان يحفظنا واياكم ويتقبل مني ومنكم صالح الاعمال. جزاكم الله خيرا
