السلام عليكم ورحمة الله وبركاته الحمد لله رب العالمين له الحمد الحسن والثناء الجميل واشهد ان لا اله الا الله وحده لا شريك له واشهد ان محمدا عبده ورسوله. وبعد فما زال حديثنا حول مؤذن نبينا صلى الله عليه وسلم
داعي السماء بلال رضي الله عنه. ويتكلمن قلنا قد وصلنا الى قول عمر لما قال سيدنا اعتق سيدنا جميل قوي من قول عمر ان ان الانسان يعرف قيمة اصحابه اللي حواليه. انك تعرف قيمة اخواتك اللي حواليك. قيمة اهل الخير
الناس اللي حواليك من اهل الفضل والكرم والاكرام والدعوة الى الله سبحانه وتعالى. انك تعرف ان هذا سيدنا اعتق سيدنا وهو ينظر لابي بكر يجل هذا المشهد من ابي بكر الصديق رضي الله عنه
ويرى اخاه كان يستحق هذا الاجلال رضي الله عنهم كانت نفوسهم صافية نقية راقية. فسبحان الله نفتقد نحن هذه النفوس للعمل لدين الله يكون عندك النفس السلسة النفس اللي ربنا سبحانه وتعالى اختارها لهذا النقاء. لما اذن الله سبحانه وتعالى لنبيه
الهجرة للمدينة. هاجر بلال رضي الله عنه في جملة من هاجر. تعرفوا لفز المهاجرين اللي سمعتوه قبل كده صح المهاجرين. اللفظ ده مسموع ومطروق لديكم. كلكم عارفين يعني ايه هجرة. الهجرة لما نيجي نتكلم فيها هندرك
كويس قوي ان الموضوع مش بمجرد ان هي حاجة بسيطة وان موقف واتاخد وخلاص. لان بعض الناس ممكن يكون يقول لك اه والمهاجرين وبعدين هاجروا. انت بس يعني قلبك منتبه للكلام اللي انت بتقوله. عقلك مستوعب. يعني ايه لفظ هجرة؟ الموضوع ده ضروري استيعابه
ده حدث مش سهل. طيب يعني ايه حدث مش سهل؟ تخيل الاتي انك نازل دلوقتي تجيب فينو لاولادك. جميل؟ تخيل انك مازن دلوقتي يجيب طلب من اي مكان وراجع. وبعدين مرة واحدة تقرر وانت تحت انك ما نتاش راجع وسايب عربيتك تحت
وسايب محفزتك في عربيتك وسايب مفتاح العربية مفتاح السيارة في البيت وسبت باب البيت مفتوح وما فيش حد في البيت وقررت ان تغادر هذه البلاد. ومش معك فلوس. ها الموضوع ده سهل ولا صعب؟ انت نازلة رايحة الجامعة
ابقى رايحة الشغل وتكرري الاتي وانت برة تاخدي قرار بالاتي. طبعا وانت برة مش معك محفزتك عفشك فيها كل تفاصيل حياتك فيها الدهب اللي انت عارفه عينه فين وفيها الفلوس اللي انت عارف انت عاينها فين ومرة واحدة تروح نازل من بيتك سايب الباب مفتوح
مش قافله خلاص باب الشقة وباب العمارة مفتوح. ونازل بلبس عادي جدا ورايح تجيب حاجة. ومرة واحدة ما ترجعش. هو ده اللي حصل للمهاجرين في مكة. كانوا نازلين ما ينفعش ياخد اي حاجة تشير انه مسافر. لان هو عاوز يسافر
في خفاء فلو هو واخد حاجة على كتفه وواخد الجمل بتاعه وراكب انت رايح فين ؟ اه يبقى انت رايح لمحمد. فهم كانوا ماشيين بهدوء خالص  ما ينفعش ياخد الغنم بتاعته ما ينفعش ياخد اي شيء يعني يظهر منه انه مسافر. طبعا بيته سايبه تماما
ما فيهوش اي حاجة من جوة. وما يتحرك. واللي مسكوه معه فلوس سبتوه وخدوها منه. رابع البيع ابا يحيى. سبحان الله! صهيب لما جه يتحرك وكان يعني خد شوية فلوس كده قالوا له رايح فين
لأ اخدوا منه وكمان ساوموه على الايه؟ على الباقي. اه عرفت يعني ايه كلمة مهاجر؟ وهيروح بقى يقابل شعب كامل حياة جديدة ولا فيه بيت ولا معه فلوسه. وخلي بالك يمكن يمكن اللي يعمل كده انسان يكون بسيط. فيقبل
الحاجة دي لا ده اللي بيعمل الحاجة دي واحد زي ابو بكر الصديق من علية القوم عمر اسد كل دول ؟ لأ اشراف اشراف الناس. يعني مش واحد بسيط كده وواخد على الشقة زي ما بيقولوا. لا. ده له حسابات مختلفة
تمام؟ يعني بلال قاعد بيتعزب وبتاع فبالنسبة له مرة يعني بالنسبة له الهجرة يعني امر كويس فهيسيب مكان البلد اللي اتربى فيه وكان عايش فيها سيد. يمكن انت ممكن تقول عادي لوحده يسيب بلده. عشان البلد بتاعتك مش مريحاك
لكن لو البلد بتاعتك انت فيها سيد السيد المطاع ومن علية القوم والناس بتهابك وبتحترمك. ومرة واحدة لقرار بنت اخترته وانتماء افتضته وانك بقيت موحد ورفضت انك تسجد لصنم. وده انك تطوف حوالين اللات والعزى. بمجرد
احترمت عقلك ومشيت ورا فطرتك وارتضيت انك تؤمن بالله الواحد الاحد الفرد الصمد. وانك تصدق ان محمدا صلى الله عليه وسلم نبيا تدفع الضريبة. فييجي يدفع. وكمان بيتفق هو واسرته نتقابل ازاي؟ انت هتطلعي ازاي؟ فيقول لها انا ممكن انا اتحرك وبعدين انت تتحركي بعدي وتاخدي الاولاد
وفي واحدة تيجي تتحرك يشدوا ابنها منها. لغاية ما الولد دراعه يتقطع دول عاوزينه دول عاوزينه يقول لها ما انتيش مسافرة به. شفتم البعد عامل ازاي وفي بنات سافرت لوحدها سافر ازاي
طبعا ده ما كنش لسه موضوع المحرم والكلام ده والاستقرار. كله بينجو بنفسه. ينجو بدينه يفر بدينه. فدول بيتحركوا بيجي يهاجر فين فلوسك هناك؟ حتى في القصة المشهورة في في كتب السير ان ابو بكر عشان يعني ده الوحيد اللي عرف ياخد شوية
عشان خرج في خفة وما حدش خد باله. لكن تعالوا بقى اتفرجوا على المشهد من فوق ياه راحوا فين بقى؟ رايحين لناس شعب جديد بيئة جديدة هم كانوا واخدين على السفر وبيروحوا رحلة الشتاء والصيف وواخدين على التجارة وكده
وفي الصيد ما عندهمش فكرة البيئة الزراعية لا هيروحوا يحتكوا بمجتمع القوت اليومي متعلق بالزراعة. مش متعلق بالصيد فبالتالي ده اشكال جديد. طب انا ما بعرفش ما ليش في الارض الزراعية. انا طول عمري بعرف اصطاد وبعرف اتاجر وكده. البيئة دي ما فيهاش تجارة
فكمان البيئة اللي انت داخلها دي بيئة لا تجيد انك تعرف تشتغل فيها. وكمان ما لكش فيها زوجة متطلبات الحياة مش موجودة ما لكش فيه سكن وكمان المجتمع مشكل اليهود طول عمرهم بعاد عنك واول مرة تقرب من اليهود
هيبقى فيه يهود هتحتاج تقرب منهم. طب هي انا ايه اللي جابني هنا بقى؟ شفتم يعني عارف بقى يعني اما تيجي تلاقي لفز كده المهاجرين والانصار اما تلاقي لفظ الهجرة
ده تتعامل معه ازاي؟ تدرك يعني ايه مهاجرين؟ وليه كل القرآن المهاجرين لازم يتقالوا الاول. لان عملوا قرار مش سهل قرار انا ممكن انا وانت كده نقول ايه اه والمهاجرين. اه عمر من المهاجرين ولا الانصار. اه حمزة اه انت ممكن تعمل الاسئلة التي يلغز بها ديت
من باب الالغاز وتهزر وتشوف يعني لكن انك تفهم يعني ايه هجرة؟ لأ الدين ده مش جالك كده. الدين ده جالك عشان فيه جسر من دماء هؤلاء او من بزل هؤلاء
دول اللي كانوا سبب ان الدين ينتقل. دفعوا دول دفعوا فاتورة الاستقامة. لما دفعوا فاتورة الاستقامة جيت انا وجيت انت والدنيا بقت جميلة. طب الانصار اتورطوا في التوريطه ديت هيعملوا فيها ايه بقى؟ والانصار يبدأوا ينافسوا
يقول لك يا اخويا ده عمل كل اللي عمله. طب انا هعمل ايه؟ يلا ورينا هتعمل ايه؟ ييجي انا عندي بيت اه تعال يا عم. خد نص البيت. لا قبل ما نقول تعال
انا يا عم في حاجة كمان حصلت في حاجة قبلها حصلت ايه هي؟ كما يقول انس ان النبي صلى الله عليه وسلم وزع واخى بين الانصار والمهاجرين في بيتهم. يا سلام على بيتك يا انس
المهم ان النبي قعد ويا اخي بين المهاجرين والانصار. يعني ايه؟ هاديكوا مسال دلوقتي عملي عشان تاخدوا بالكم من بعده عامل ازاي. يمكن بعضنا ما يستوعبوش قوي الا ايه؟ بالمثال. فيه اختين دلوقتي او احد كتب دلوقتي واحدة اسمها صابرين وواحدة اسمها اسراء. اه صابرين يلا
ده انت هتبقى اخت اسراء طب اسراء ديت اه ده ده طويلة ده رفيعة ده مش عارف ايه ده شكلها ده انا ما ارتحتش لقلبها ده انا مش عارف ايه لما دخل اصمت طب انا عاوز اعرفها طب انا ممكن انقي انا
الله! طب انا عاوز صهي صهيب. ممكن مصعب يبقى يكون معي؟ لأه. انت ما تعرفش اصلا مين اللي جاي معك؟ انت واخد بالك؟ انت بتاخد واحد مسلم انت بتاخد واحد مسلم. المسلم ده يطلع حبشي
المسلم ده يطلع صهيب رومي المسلم ده يطلع مصعب ابن عمي المسلم ده يطلع عمر انت ما تعرفش مين هيكون جاي معك. ابو عبيدة ابن الجراح يكون من نصيبك ممكن ممكن مش عارف
شيء ممكن انت ما تعرفش اللي جاي ده ويا ترى جاي واحد انت مقاييس الدنيوية والارضية دي بقى هنعمل فيها ايه؟ انا مش عارف ايه اصل رسول الله اصل اصل انا حسيت كده ان هو قافش كده اصل انا ما بحبش الناس اللي بتقفش. انا بحب الناس اللي مش عارف ايه لا احيانا فعلا
زي ما حد بيقول بيكون في مشروع الجامعة انت بتبقى خلاص في شوكة في ايه؟ في زورك من حد معك. او في الاعتكاف او في الحرم او ايا كان سبحان الله! فما بالك بقى ان فيه حد انك واحد ان يتم المؤاخاة! طب هتاخد اخوك هتعمل ايه؟ تيجي تقول له بص
انا عندي فيلا في التجمع الاول. الدور الارضي بالجنينة بتاعته والدور التاني ده اللي احنا ساكنين فيه. تحب الدور الارضي بالجنينة ولا الدور لفوق لا لا هو ما كنش عنده حاجة زي كده هو كان عنده بيت واحد. سكن واحد. فيقول له السكن ده نقسمه بالنص. ايه رأيك؟ نقسمه بالنص. انت
تاخد النص وانا اخد النص. خلاص؟ اه. يعني لكي تتخيلي كده عارفة الشقة اللي انت شايفاها ضيقة دي يعني مية وخمسين متر اللي مكسرة الدنيا دي؟ اه. هنجيب بقى مهندس
كده اه ويعمل لنا بابين من برة ويقسم الصالة نصين ويعمل لك حمام وايه وان الناس التانية حمام ياه ايه ده؟ لا لا لا احنا لسه ما بدأناش فدي كده ايه اللقطة الاولى فلاحة لقطة السكن
طب اللقطة التانية اللقطة التانية يقول له بص انا عندي حساب بنكي فيه كل ما املك. تعال نقسمه بالنص. خد نص وانا نص. ايه رأيك؟ اه شفت بقى هو هياخد نص الحساب بتاعه نص الايه؟ المبلغ بتاعه. انت تاخد النص طب ما تدي له يا عم الف جنيه في الشهر وخلاص. يعني اما يليه ادي له النص يعني
ما تديله حاجة كده خلاص دينار في كل اسبوع كده يصرف نفسه. لا ده انا هادي له نص فلوسي نص فلوسك اه ايه المشكلة يعني؟ مش اخويا؟ فيدي له النص. الحاجة كمان التانية سبحان الله! لامر ما خاص بهؤلاء قدره الله
زي بالزبط كده سيدنا ادم لما رزق وحواء وبعد كده رزقه الاولاد. ايه اللي حصل؟ عشان النسل يبدأ فكل بطن اتجوزت البطن التانية. فالولد والبنت الاولانيين اتجوزوا الولد والبنت التانيين. خلاص؟ فديت حاجة خاصة
الراعيل الاول باول ايه؟ البشرية ونفس الكلام برضه من الحاجات الخاصة قال له ايه انا متجوز اتنين. اشوف بقى اللي انت ايه عاوزهم. كان عندهم بقى موضوع التعدد فطرة. ماشي؟ فهم هيختار
تخيل يعني نص المال ماشي. طب اكيد الناس ديت بقى عندهم ايه؟ الغيرة كانت ضايعة. ده حاسب. ده دول عندهم غيرة ان الناس انبهروا بها لدرجة ان النبي قال لهم انتم انتم عجباكم الغيرة بتاعتهم دي ؟ اه انا اغير منهم. انا اغير من سعد والله اغير
مني يعني واضح ان غيرة الانصار دي في السما. ده اعجب من ذلك النبي لم يعدد من الانصار قال ان نساء الانصار بهن غيرة نساء الانصار غايرة عندهم غيرتهم شديدة قوي زايدة عن الحد. فازا الانصار كانوا عندهم غيرة عالية قوي. زي حب المال ما حب المال ده الانسان
يحب المال حب عالي داس عليه. داس على حب المال. حب السكن داس عليه. داس على حب السكن. وانتم عارفين ان الله سبحانه وتعالى جعل ان موضوع السكن ده حاجة آآ مش سهلة. لان بعض الناس ممكن يقول لك ايه عادي يعني والله انا انا حاسس ان ايه موضوع السكن ده
ممكن اي واحد يعمله لا لا لا ولو انا كتبنا عليهم ان ان اقتلوا انفسكم او اخرجوا من دياركم. ربنا سوى بين الامرين ان قتل النفس والخروج من الديار. دي مش حاجة سهلة
انك تخرج من ايه؟ من بيتك وتسيب بيتك. دي مش حاجة سهلة خالص. فما بالك بقى ده انت سبت وآآ سايب كل الايه الحاجات دي الماديات دي كلها. وبعدين رايح لواحد هيبدأ يسيب جزء. فهما حابين البيت وحابين الفلوس وحابين الازواج وعندهم غيرة. لكن كل ده اتعمل ايه؟ اتمسح
ليه؟ ولو كان بهم حصاصة. عرفتم يعني ايه انصار؟ يعني عرفتم يعني ايه مهاجرين؟ اللفظ ده يعني يا جماعة مع القرآن حاشاه ان يكون فيه كلام في آآ لغو ينبغي ان يلغى. لا لفز الانصار عاما تلاقيها في القرآن والمهاجرين له لأ دي وراه
اه كشاكيل وراها مجلدات فاما تيجي كلمة الانصار دي تضغط عليها تفتح لك تضحيات. كلمة مهاجرين تضغط عليها تفتح لك ملف تاني خاص فاما تيجي كده تقرأ كده المهاجرين والانصار وتعديها كده انتبه ما تعديش. انت فين منهم؟ انت اسمك ايه عند ربنا
هم اسمهم مهاجرين ودول اسمهم انصار انت اسمك ايه بقى؟ على الاقل على الاقل حبهم وحاول تقلدهم. احنا النهاردة ممكن يكون انت عندك سكن عندك سكن اضافي وعندك شقة اضافية مش مستعملة وعارفة ان اقرب الناس لك سواء من النسب او الاخوة
محتاج ومش بتديها له حتى ولو بايجار منخفض. لأ الا من رحم ربي اللي بيفعل كده. فسبحان الله! والله يا شيخ انت ما عارف حاجة معلش يعني انا ادي له سكن من هنا وبعدين ييجي بقى يطلع عيني وما يطلعش
وامتى من البداية مدهوله عشان وناوي يطلع هما الانصار مكنوش عندهم نية ان هما يطلعوهم عشان كده كانت الدنيا سلكة سالكة معاهم ولكن مشكلة يعني لان بعض الناس يقول لك لا ما انا ممكن لو اديته المكان ده وعمره ما يطلع منه. يعني اخوانا السوريين لما حدث لهم ما حدث فرج الله كربهم وازال همهم وابدلهم
خيرا ان شاء الله. لما حصل للكلام ده ويجوا هل انت كنت ممكن تقبل اسرة وتسكنها في جزء من مكانك وتمكنهم منه يا شيخ اصل انا هقول لك على حاجة انا جدي رحمة الله عليه كان برضه قبل ناس من العراق ايام حرب الخليج وما طلعوش وطلعوا عينينا بعد كده. يا حبيب قلبي وانت ليه عاوز
تطلعهم اصلا انت لو انصاري خلاص اديت الموضوع وانتهى. فمكنت هؤلاء من الحاجة دي تقدر تعملها طيب تقدر تديلو نص مانعك طيب تقدر تديلو ربع مالك طيب تقدر تديلو الف جنيه شهريا؟ طيب طيب شوف بقى
لانك تنازل مع الناس وكده. لا ده ممكن بعض الناس عاوز يستسمر من هؤلاء. نقول له تعالى ونفتح محل مع بعض. تعال ومش عارف ايه. واتجوزني بنتك تعالى مش عارف جوزني اه اختك الارملة. يعني تحس ان ايه الموضوع داخل في حتة يعني نسأل الله ان ايه يحفز القلوب. فازا
ضع ما نيجي نقول كلمة انصار دي مش كلمة سهلة. واما نيجي نقول كلمة مهاجرين دي مش كلمة سهلة. اتفقنا؟ فاول ما نيجي نقول هلال كان من مهاجرين دي مش لفظ تروحي كده اه صح اه وكم المهاجرين وايه كمان؟ لا ايه كمان ايه؟ انت لازم تبقى قلبك واقف هنا. المهم
نزل هو والصديق وعامر بن اه فهر في بيت واحد. وده كان ممن من احد السابقين للاسلام. وده سبحان الله اشتراه ابو بكر ايضا تنوي اعتقا واستشهد في بئر معونة رضي الله عنه. فهو والصديق وعامر ابن فهر نزلوا بيت واحد وقعدوا فيه. فاصيبوا بالحمى. وكانت المدينة
مليانة حمى وكان فيها مرض وباء منتشر. وما رفع الا بعد دعاء النبي صلى الله عليه وسلم ان الحمى تبعد عن المدينة. فكان بلال اذا اقلعت عنه الحمى يعني كل اما شوية تسيبه كده يرفع صوته ويبدأ يترنم بصوته العزب قائلا الا ليت شعري هل ابيتن ليلة بواد
حولي اذخر وجليل وهل ارد يوما مياه مجنة؟ وهل يبدون لي شامة وطفيل؟ يعني قاعد يقول لي ياه يا ترى هرجع في يوم تاني وارجع تاني بوادي واشوف اللي يصخر واشوف اللي ايش اشجار واشوف الايه يعني هشوف الحياة زهقان هو من المدينة زهقان من المدينة وامال يحن انسان
وفي الاخر خالص فقاعد بقى ايه يلعن مين؟ يلعن اللي اخرجوهم اللهم العن عتبة وشيبة وامية كما اخرجونا من ارضنا الى ارض الوباء. انت كنت حاسس بكده؟ حسيت انت ببلال ان دي من ضمن الفواتير اللي دفعها عشان يكون الاسلام
يأتيك غضا طريا ويجي لك متشفي كده وانت تعرفه وتعمل به. فسبحان الله! فكان بلال بيحن لمكة وشعب مكة كان يشتاق لها لكن سبحان الله ازاق حلاوة الايمان خلاص في الغربة. واستعذب استعذب المشقة في جنب الله
وانتصر على نفسه وعلى الشيطان. فيه ناس انت مش عاوزه تقول له بقى سب بيتك. عاوزه تقول له يا عم سب الله يكرمك. سب البنت دي بقى. يا بنت الحلال سيبيه بقى. عيب انت متجوزة
عيب هتدمري حياتك. انت لسة في الحتة دي. فبلال دفع وساب ترك لله سبحانه وتعالى. فما الذي اكرمه الله؟ استقر في المدينة بعيدا عن اذى قريش. وتفرغ لنبيه وحبيبه محمد صلى الله عليه وسلم. وكان يغدو معه اذا غدا ويعود
اذاعة خلاص كان يلازم النبي كزله. صلى الله عليه وسلم. كان يصلي معه اذا صلى ويغزو معه اذا غزاه حتى اصبح الزم له من زله. ياه! يا ترى انت لك زل مهتم به؟ يا ترى فيه حد من اهل العلم وحد من الدعاة؟ وحد من المصلحين
حد من الصالحين تلازمه كزله المعنى ده مهم اوي. صدقني انك محتاج ان يكون فيه ملازمة والحمد لله مواقع التواصل وصل قربت جدا جدا الملازمة. وان كانت افتراضية لكن رب البرية يبارك في الايه؟ الموجود الى ان يأتي المفقود
وقاعدة في التزكية اجتهد فيما تملك يفتح لك ما لا تملك. اجتهد في اللي قدامك اللي بايدك استعمل المساحة اللي موجودة واصدق خليك صادق مع الله سبحانه وتعالى في المساحة دي. ولما ترزق الصدق ترزق بقى كل الخير
بعد زلك بلال لازم النبي صلى الله عليه وسلم. ازيك يا جماعة ما حدش هيتربى الا بملازمة. اللي بيربيه الكتاب ده عمره ما في يوم من الايام هيكون انسان اتصبغ صبغة صحيحة. لأه طبعا. لازم يكون سمى مربي. ولولا المربي ما عرفته ربي حق المعرفة. بس
معكم مربي صح ما يكونش واحد مزهبه ان انا جيت الاول. وخلاص انا الشيخ. وبالمناسبة يا جماعة المربي ما بيقولش انا مربي. المربي ما بيقولش انا مربي ربي ما بيعملش حلقة عشان يربيها
المربي الله سبحانه وتعالى يقدر عليه ان يربي. خلاص هو ابتلي بشيء. فيلاقي نفسه مرة واحدة يكون ايه؟ موجود المربي ده فيه مربي تربية رسالية وفي مربي التربية العامة على الاسلام. التربية العامة على الاسلام المفترض الكل يمارسها بابا وماما والمدرس والمدرسة. والدكتور والدكتورة كلنا نمارسه
خاصة الناس اللي متصدرة بتعلم الناس. سواء بقى بيعلموا صغار ام كبار. في التربية الرسالية التربية بقى اللي هي ايه؟ انك ربنا بيستعملك انك تصبغ الناس صبغة على منهج السلف الصالح. اذا رآك الناس قالوا سبحان من
ان يسر له التربية والادب. ان ناس يشوفوك كده يقولوا ياه! ايه ده! ايه ده! ما اكرم من رباه! فيه شخصيات كده! شف يجلسها تسمع معها الشخصية دي مؤدب ومتربي ومربي. في ناس كده وده موجود الحمد لله ما زال موجود
رجالا ونساء. لكن هم عملة نادرة ولهم طريقة في البحس عنهم. بلال رضي الله عنه لازم النبي صلى الله عليه وسلم. ولما النبي صلى سلم بنى مسجده في المدينة وشرع الاذان كان في واحد شاف رؤية وشاف رؤية الاذان. فالنبي صلى الله عليه وسلم قال له ايه؟ يا عبدالله بن زيد
قال له يا عبدالله القيها لبلال فانه اندى منك صوتا يا سلام على الجمال! هو فيه واحد النبي صلى الله عليه وسلم قاعد مع الصحابة وبيقول لهم احنا عاوزين دلوقتي وسيلة ننبه فيها على الصلاة. خلاص؟ ليه؟ يقول لك احنا النهاردة
هنقول ايه؟ يعني اليهود بيستعملوا الضوق ودول بيستعملوا الاجراس. طب احنا نستعمل ايه؟ فعبد الله بن زيد خرج مهتما مهموما مهموم قاعد مع النبي فشاف ان اه صحيح فبدأ يبقى مهموم في ناس بتبقى مهمومة على دينها فلما كان مهموم رزقه الله سبحانه وتعالى
فشيئا رأى رؤيا ان في واحد كان معه يعني ادوات زي الجرس وكده. وفي النهاية يعني قال له انا عاوز الجرس ده عشان ائزن فقال له لأ ادلك على خير من ذلك؟ فحكى له رؤيا ان تقول الله اكبر الله اكبر الله اكبر الله اكبر اشهد ان لا اله الا الله
الى اخر الاذان. وقال له في الاقامة تقول كزا. فلما استيقز فرج عنه. زهب للنبي صلى الله عليه وسلم. عشان يحكي له الرؤيا. وهو بيحكي الرؤيا عمر اقسم انه رآها. سبحان الله
شوفو العمق الجميل فقال له ايه النبي صلى الله عليه وسلم؟ انت شفت الرؤيا وفعلا رؤيا حق والنبي صلى الله عليه وسلم بوحي من الله اكد هذا الكلام. خلاص ده يبقى الاذان. بس قال له ايه بقى؟ قال له بلال اندى منك صوتا. بلال اندى
منك صوتا حاء. ما قالوش يعني ايه يا رسول الله انا مش فاهم برضو. يعني يعني انا شفت الرؤية. انا اللي كنت نايم وانا شفت الرؤيا وبلال ما كانش شوفوا الرؤيا والله بلال اندى منك صوتا. بلال صوته هيبقى اجمل. واحنا دلوقتي دي دعوة الى الله. وده نداء
الى الصلاة نريد من يسمعه يطرب لسماع هذا. مجرد ما يسمع الاذان يقول ياه. في ناس كده يعني في حد كده اسمع صوته في الازان فسبحان الله تحس انك كان في حد بيقول لي
مرة بقول له ما شاء الله انت جاي بدري يعني قال لي هو ينفع بعد ما اسمع الازان ده ما نزلش. انا لازم انزل. ده بيخليني اصلا مش قاعد على بعضي وانا
في البيت في ناس كده سبحان الله وفي ناس بتسبت عندك ما تنزلش اما تسمع صوتها. ودول لازم يتغيروا بالاجبار. لو ان الامر ايدينا لمنعنا هؤلاء من الاذان. ليه؟ لان القصة مش قصة ايه؟ مش قصة ان ندي راتب وبتاع. لا نساعدك في كل حاجة. لكن هذا دين الله. انت تنادي
في تقول اشهد ان لا اله الا الله. اسيبك؟ تقول حي على الفلاح. اسيبك؟ تقولها لي بطريقة. انا عاوز عاوز اسمع حي على الفلاح دي يعني هيا هيا اقبل لتحيا. انا عاوز اسمعها كده. انا عاوز اسمع اشهد لي ان في واحد بيتكلم في قضية
انا اشهد بان الله واحد احد. سبحان الله! معنى ده مهم اوي انك تدركه. فاول ما تسمع الصوت ده فاندى منك صوتا الدعوة محتاجة يا جماعة محامي جيد. الدعوة محتاجة محامي جيد. هي كده كده قضية ناجحة. بس محتاجة واحد يعرف يتكلم. سبحان الله
كنت في يوم من الايام في مدينة ما وفي واحد حب يعمل مسجد فحكى لي على تصور المسجد وبعد كده شفته. قال لي المسجد اللي انا عاوزه. قال لي المسجد ده
كن كالاتي من برة هو يكون في منطقة مركزية ومن برة ازاز فالناس تشوف من اول كده ايه وسط الناس فيما فوق. اللي من برة في الشوارع. وان يكون في واحد مؤزن صوته جميل قوي
وواحد قارئ صوته اجمل منه. بس هو ده اللي انا عاوزه. وفعلا جه وراني المسجد ورحت شفته حاجة كده سبحان الله. صعب انك المحو بالسيارة وما تروحش له. صعب انك تسمع صوت القارئ وما تروحش. وكان عامله بفن كده ان القارئ ما يطولش. لان هو كان المسجد ده
اه في عالطريق او في اماكن يعني شوية مطرفة. فسبحان الله! ما كانش فيه هو بيقول لي انا عاوز الناس كلها تصلي بدون ما حد يقول كلمة. مش عاوز حد يتكلم
انا عاوز ان الناس تشوف حد طالع من الوضوء وواحد لحيته قاعدة بتنقط ماية وشايف طفل صغير بيجري ورا باباه عشان رايح يصلي وبيفرش المصلية جنب وعايز نشوف ان ايه يسمع صوت مبدع في القرآن. انا مش عاوز انا بس انا عاوزه يصلي. عاوز اللي يشوف المسجد يصلي. فسبحان الله حتى
السجاد اللي كان عامله كان لونه كده سماوي حاجة عجيبة اوي. سبحان الله! الشاهد انك تبص على المسجد المسجد ممكن البعض يكون شايفه مكلف جامد اوي اوي اوي هو المسجد ده موفق قوي. موفق قوي لكن مش مكلف قوي. وهي توفيق بقى. في ناس بتعمل مساجد ضخمة قوي قوي قوي
تمام؟ وما فيش حد بيخش وفي ناس القه بلال فانه اندى منك صوتا. والنفوس بقى السالكة بقى النفوس السالكة بيقول له ايه؟ كزا اللي منكم عنده مسلا مؤسسة مصنع مدرسة جامعة بتاع المساجد اللي بالطريقة ديت رائعة
وتكون مصدر دعوة للجميع. هتكون حاجة خاطفة. وبالنسبة للنساء ممكن يبقى فيه ستارة طبعا عشان ما حدش ياخد كلامي وايه ويشوش لان الزكر للجفاء وقت الصفاء جفاء. عموما النبي صلى الله عليه وسلم قال له القه بلال فانه اندى منك صوتا. وتلاقيه بسهولة جدا قبل
وعادي جدا اخويا صوته الاجمل بصوا يا جماعة كل عمل لدين الله هو عبارة عن ايه؟ كانه سهم سيلقى في نحر الشيطان. سهم سيلقى في نحر الشيطان لانك كل اما حد بيستقيم او بيقرب من ربنا
انت خطفت واحد من اسرى الشيطان. ما الشيطان ده قاعد اومال يأسر في الناس. قاعد اومال ايه؟ يأسر ده وياخد بقى اسير وياخد ده اسير. فانت كل اما تجيب واحد
من الشيطان. فخدته في معسكر الحق. فكلما القيت تكلمت عن الدعوة. عملت اي حاجة لدين الله انت القيت بسهم. فتعمل ايه بقى شوف مين اكتر واحد يعرف يمسك الرمح ويلقيه ومين اكتر واحد يقدر يأسر وممكن اكتر هي محسوبة كده مش انا اللي جبت الرمح فانا اللي هرميه لأ انا جبته انا صنعته
بس ممكن ما اعرفش ارميه. انا باعرف اعمل باور بوينت. انا احسن واحد اعد محتوى. بس ما اعرفش القيه. انا في الالقاء مش قوي خلاص انا ممكن اكون انا اللي باعد المحتوى. واخويا هو ايه؟ اللي يلقي المحتوى. ليه؟ لان هو اندى مني. يا سلام لو اتعايشنا بالعيشة ديت. هنلاقي انفسنا الدنيا
مرتاح خالص. ده ربنا فتح له في الالقاء. وده ربنا فتح عليه فين؟ في الاعداد. وده فتح له في الانفاق. وده فتح له اندى منك صوتا. فراح بلال وعبدالله وايه؟ وعلم بلال الازان. ويعلمه كامل ها؟ مش الدين يسيب حتة كده عشان كل شوية يرجع له يقول له طب الحلم كان ايه
يقول له بص اه هي على فكرة انت حي على الفلاح انت ما بتقولهاش صح. لان هو قالها لي في الحلم بطريقة تانية وبيمد له. انت هتدنك بقى ماسك لي حتة كده في الحلم مش عاوز تقولها لي
رايح جاي عليك انا انتم عارفين كده لما واحد بيبقى في القيادة وعاوز يعني يمكن حد تحته في القيادة الوسطى مسلا يصعد حد. ادنه كده في حتة دايما طبيها. يا عم ما تقول لي قل لي حاجة بقى خلص. فسبحان الله! النبي صلى الله عليه وسلم جعل بلال هو المؤزن. مؤزن النبي صلى الله عليه وسلم. وده اول مؤزن
في الاسلام. وكان اذا فرغ من الازان خلاص الناس تصلي بقى وبتاع والكلام ده وبيت النبي كما اخبرتم من قبل في سراج منير. بيت النبي صلى وسلم ملتصق بالمسجد. بيني وبينهم ستارة. الستارة بتفتح على مكان اشبه بالجنينة كده وبعد كده ايه؟ غرفة النبي صلى الله عليه وسلم. فكان بلال اذا انتهى
فمن الاذان الناس تصلي وبتاع وينتظر الى وقت الاقامة. طيب اما ييجي بقى وقت الاقامة وقربنا قبل ما يقيم الصلاة يعمل ايه؟ يقرب من بيت النبي ويقف على باب بيت رسول الله صلى الله عليه وسلم. ويقول حي على الصلاة حي على الفلاح يا رسول الله. الصلاة يا رسول الله
يعني يخبر النبي بقرب وقت الاقامة. اه ده كان المنبه بتاع النبي صلى الله عليه وسلم. الميقات ساعة سبحان الله! رضي الله عنه فكان آآ بلال هو المنوط به المهمة دي. ياه
ايه الجمال ده! بينه وبين النبي وصلة. بينه وبين النبي انتماء. فيه حاجة بينه وبينه. ايه الحاجة اللي بينك وبين النبي صلى الله عليه وسلم؟ ايه الحاجة اللي انت معروف بها في وسط عيلتك
وهما رابطينها بيك بالنبي صلى الله عليه وسلم يقول لك احلى واحد بيستعمل السواك ودايما دايما دايما محافز عليه نيرة. اكتر واحدة ما شاء الله عليها عمرها ما نسيت الازكار في
وبتقولها زي النبي بالزبط ازكار النوم وازكار الصلاة والكلام ده نورهان اكتر واحدة مش عارف ايه انت معروف بايه وسط عيلتك. يا ترى ايه اللي انت معروف به اذا ذكرت ذكرتهم برسول الله صلى الله عليه
وسلم فيك ايه الحاجة اللي فيك بتزكرهم بالنبي صلى الله عليه وسلم. فاذا خرج النبي صلى الله عليه وسلم بعد ما يقول له كده بلال واول ما بلال يشوفه يروح على طول يبتدأ
بالاقامة الله اكبر الله اكبر اشهد ان لا اله الا الله ويكمل بقى. سبحان الله! بيوت جميلة حياة سكينة بيت وبيت النبي ومسجد النبي. واستشعر بقى ان ايه ان ده مجرد ما بلال يقول كده كله يستعد وخلاص ابو بكر بيتعدل
عبيدة بيقوم منزر في غاية الجمال. النجاشي في يوم من الايام اهدى النبي صلى الله عليه وسلم ثلاثة رماح. قصيرة من نفائس ما تنيه الملوك. فالنبي صلى الله عليه وسلم اعطى بلالا منها رمحا. كان بلال دايما يسعى بين يديه ايام حياته كلها. دايما ماشي بالرمح
ليه؟ يعني حاجة النبي اداها لي دايما معي على طول. ياه! السؤال لو كان فيه شيء من حاجات النبي صلى الله عليه وسلم رمح مسلا. ممكن دمك رايح جاي اوعى تقول اه اهدى بس. هل لو ده موجود ممكن تبقى رايح جاي به؟ بتفتخر به؟ ده فيه ناس بتتكسف تلبس زي امهات المؤمنين
مكسوفة وفيه واحد مكسوف يتأسى بالنبي في سمته الخارجي. مكسوف انه يطلق لحيته. مكسوف ان يعمل حاجة كان النبي بيفعلها مكسوف من السواك. يبقى انت مسلا في ايه؟ تقدر تبقى في جامعة محترمة ومدفوع فيها رقم بين مية الف. او تكون يعني في شركة
اي حاجة كده ايه ملطي خالص وتطلع بكل الاريحية السواك بتاعك وتستك خلي بالك الحاجات ديت رغم ان هي بس بتشير لمعاني كبيرة قوي. اوي. سبحان الله! وبتدي عزة عالية. بس دي عاوزة ناس عايشة الفكرة. مش ناس حاطة
في دماغ ونظرات غيرها. شوفوا من جمال السعادة اللي ربنا يمكنك منها ومن روعة السكينة. اللي ترزق اياها ان اصلا انا مش مشغول بعيون الناس ولا نزرات الناس. انا بادخل عليهم بسمتي وانا في غاية الانشكاح والعزة. خلاص
ليه انا ما عنديش انا ما عنديش نقص وانا داخل عليهم. مش حاسس اصل انت كده في منطقة وما ينفعش وتطلع ولو تجيب مش عارف ايه وتعدل دي كده يا حبيب قلبي ده شغل الكاميرات انت تعمله قدام الكاميرا. انت تنشغل به ليه؟ عشان عيون غيرك. سبحان الله! المعنى ده
عابك له بيخليك انسان مختلف. انسان يكون مختلف. وانت ماشية بسامتك وماشية بنقابك. ما بتحسيش ان غيرك آآ سبقك بدرجة ان هما نازلين بطريقة معينة وراكبين بطريقة معينة وعايشين حياتهم بطريقة معينة لان انا قيمتي ليست في ثوبي
انا قيمتي فيما احمله في قلبي وعقلي. هي دي قيمتي. وانا اقيم الناس هكذا. انا لا انشغل ابدا بدخلتك علي انت دخلتك علي بعربية تقلك دهب زي دخلتك علي نازل من توكتوك. اللي هيشغلني جدا هو كلامك
وفكرك. انت بقى ابن مين سامتك ايه؟ قصتك ايه؟ لابس ايه؟ القصص دي كلها. دي قصص ارضية اللي مشغول بها بقى يقيمك بها  لكن مع ما بيكون الناس مشغولة وده اللي سبحان الله من رحمة الله سبحانه وتعالى بالنساء ان نبه الرجال وحث الرجال اي النبي
وسلم على هذا المعنى. لما قال لهم تنكح المرأة لاربع حاجات. انت ممكن تتجوز عشان الجمال. وممكن تتجوز عشان المال. وممكن تتجوز عشان الحسب طب التلاتة دول البنت ليها ارتباط ليها علاقة بيهم يعني انا البنت دلوقتي الي اتولدت مش جميلة دي بايديها يعني ده كان قرار
بص بها طيب هل العدل انك تحاسب حد على قرار لم يكن فيه اختيار ولا العدل انك تحاسبه على القرارات اللي فيها اختيار؟ يعني انا اتولدت في الهند واحد اتولد في السند واحد اتولد في باكستان واحد اتولد في بيرو واحد اتولد في نيوزلندا واحد اتولد في الكونغو. واحد اتولد في اسبانيا هنحاسب
بالناس ازاي عدلا من جمال الاسلام ولو فهمتوها هتفهموا حاجات كتير قوي في قيمة العدل. من جمال الاسلام ان العدل مرتبط بالقرار الاختياري لا اضطراري بالاختيار لا الاضطرار. هيحاسبك عليه قراراتك اللي انت اخترتها. مش الحاجات التي انت قدرت عليك. قدرت
عدلا لا تحاسب عليها. مش دي معايير التقييم. فاهمين؟ مش معايير التقييم اللي انا اتولدت في قرية. مش معايير التقييم اللي انا اتولدت في المدينة. او واتولدت في اسرائيل دي مش معايير التقييم. معايير التقييم القرار اللي انت هتاخده. طيب. فهي تنكح لجمالها. ده قرار بتاعها ان هي تبقى جميلة او مش
ده قرار كان بايديها ان هي اختارت كده؟ لا. جميل. طيب تنكح المرأة لمالها. ان هي اتولدت في اسرة بسيطة الحال. او فقيرة ده كان قرارها ده كان اختيار هي اختارته؟ جميل
طيب تنكح لنسبها. اللي النسب ده ان هي من عيلة بسيطة. ده كان قرار بتاعها؟ لأ. طب تنكح لجمال الاختيار وهو الدين والاخلاق بتاعتها اه ده اختيارك انت بقى. فييجي الاسلام يقول لك ايه؟ لو عاوز تختار حد اختار اللي قراراتها كانت
صائبة ودي اللي تنفعك. البنت اللي اللي بتختار صح وعقلها صحيح تعرفها منين؟ من خلال اختياراتها. فهي طالما اختارت الدين واختارت الاخلاق البنت دي تستاهل تقلق فخدها. فاهمين فلسفة الحديس لان الحديس ده مش مجرد بس ان هو ايه معنى بسيط كده. يعني بعض الناس ممكن يتعامل مع الحديس ده اللي هي يعني كلمة عفوية كده والكلام ده كله. طبعا الحديس
الحديس يا جماعة ولزلك اللي يفهمه بالطريقة دي لن يشوش عليه يعني هو ممنوع ان انا اختار جميلة الاسلام اصلا ما قالكش خالص موضوع الجميلة موضوع الغنية ولا الفقيرة ما قالكش الكلمة دي. هو قال لك ان المحرك بتاعك يكون ايه؟ انك خليك عادل وانت بتقيم اللي قدامك. انت بتقيم
اخت فلانة قيمها ازاي؟ معايير التقييم تكون عندك رقم واحد ايه؟ المؤسر ايه؟ القرار اللي بايديها القرار اللي بايديها واصلة ليكم الفكرة اما تتعامل مع الناس كده ترحمها ولزلك ولزلك اما تيجي تحاسب الناس متحاسبهمش ودي من جمال الاسلام
ومن جمال تشريع الحجاب والحاجات دي كلها ان معلش يعني هو البنت اللي ماشية ونسيت تلبس دي معلش يعني ما هي البنت ديت معلش يعني لو لو شكلها يقترب من الليل قبيل الفجر. هتفتن بعض الناس لكل ساقطة اليوم لاقطها. كل حاجة مرمية لها ناسها. صح؟ ففي الاخر لها ناسها
تجزبهم اليس كزلك ؟ مهما كان بقى شكلها يعني بعيد وشكلها منفر ومش عارف ايه في الاخر خالص. ازا تخففت جذبت بس جذبت الناس ليه؟ جذبت الناس ليه؟ لشيء لا يتعلق بجودة الايه؟ بجودة الشخصية ديت
صح؟ بعيد عنك حتى كمان الحلال والحرام دلوقتي لان الكل عارف الحكم ايه هنتكلم في فلسفة اعمق من ذلك. لكن النهاردة لما في واحدة تكون متزية بزي منضبط وزي الاسلام حث عليه. اه انت بتقيمها بايه بقى دلوقتي؟ بالجمال الحقيقي. الجمال الخالد. جمال القرارات جمال
الافكار التفكير وهو ده الجمال اللي بيكمل يا جماعة. لزلك الاسلام النبي صلى الله عليه وسلم قال لك اختار مين؟ اختار الجمال الخالد. سيبك من الجمال الفاني لان الغنية ممكن تفتقر بكرة. او ممكن تبقى ابخل من يعني ايه ابخل واحد انت عرفته في حياتك. وممكن تكون عيلتها ديت عيلة في الاخر راس
لهم مع اي تغيير قادم في اي حاجة كلهم يتسجنوا. وتطلع عيلة في الاخر خالص عيلة مش عارف فيها مشكلة فده جمال مش خالط لكن جمال الروح هو ده اللي مكمل معك. الجمال الخالق جمال الاخلاق جمال المبادئ جمال القيم. فالمعنى ده لو
فهمه على الاقل على الاقل يؤثر في في تقييم الناس وما ينبهرش عادي جدا واحد داخل عليك يقول لك انا معي شهادة كزا كزا ودي السيرة الزاتية بتاعتي. عادي كده. انا يعني انا من ضمن الحاجات
انا وكنت مؤسسة عربية ويجي اي حد يقدم لي السيرة الزاتية بتاعته باللغة الانجليزية انا ما بنبهرش اول حاجة اصلا بنطفي معه بحيس ان هو عنده مشكلة. لان انت جاية مدرسة اسلامية وجاية معلمة عربي او معلمة قرآن ومقدمة السيرة الزاتية بتاعتك بلغة اجنبية من
بداية كده في انهزام نفسي عالي قوي. يعني اللي انا هانتفع بها ولا حضرتك هتنطقي باللغة دي ولا حضرتك جاية تدرسي حاجة باللغة دي. طب حضرتك عاملة اللقطة دي ليه؟ هي لقطة. طب اللقطة دي بسبب ايه
خلاص سلطة السقافة اللي موجودة ففي مشكلة فنسأل الله ان ايه يربينا ويرزقنا التوفيق يعني. حد عاوز يتطوع في مؤسسة خيرية هي مؤسسة خيرية يعني ناس عرب وبيقدموا خدمة للاسلام والمسلمين. باعت لي سيرة زاتية من تلات صفحات بلغة اجنبية. انبهرت انا يعني كده
عادي جدا ولا ولا فارق معي اي حاجة. زيها زي اي ورقة جردان انا شفتها ودست عليها. مع احترامي يعني للجميع. بس انا طبعا بتكلم في نقطة اكيد في داخل
مفهومه كويس قوي. النقطة دي ضروري ان الانسان يكون طبعا ما حدش هيتعامل بالطريقة ديت يا جماعة في حياته الا اما يكون عنده ثقة في الدين المندملي الثقة للدين المنتمين وان الدين ده منسجم جدا مع عقلي. وان دي فعلا قرارات حقيقية مائة في المية وتنسجم مع فطرتي ان انا
الناس بما اختاره لا بما اختير لهم. خلاص. بلال سبحان الله من المواقف اللي اختم بها كان يوم بدر غزوة بدر بقى شافت بعينه مشهد عالي قوي. طبعا انتم عارفين ان كان في واحد دايما بيأزيه. وكان بيعزبه في بدر. الراجل ده هو امية. امية ده
كان مجرم وبهدل بلال كان بيعزبه في صحراء مكة فاول ما بلال شافه في غزوة بدر خلاص بقى قال ايه بقى؟ قال لا انجوت ان نجاة؟ يعني قل يمين بالله ما هيعدي. لا انا لا هو
خلاص بقى جات له فرصته. سبحان الله! وكان امية ده بينه وبين عبدالرحمن بن عوف عهد واتفاق. اللي هو ايه؟ ان انا انت تحمي لي حاجتي وانا احمي حاجتك. فكان فيه اتفاق بينهم وبين بعض. فيا سبحان الله اول ما بلال شافه في المعركة خرج وراح واقف عند مجموعة من
صار قال لهم امية بن خلف موجود واول ما شافه قال امية ابن خلف لنجوت ان نجى امية. وخرج معه فريق من الانصار يجروا وراه. وهو طبعا كان بدين يعني راجل تقيل في الحركة. فعبدالرحمن بن عوف شاف عبدالرحمن بن عوف شاف المشهد. يقول فخشيت ان يلحقونا. خلاص ده هيجيبوه
سبحان الله بيقول كان معه ابنه. فبعت ابنه عن امية عشان يجري ورا ابنه شوية وانا اخبي امية في اي حتة. ليه؟ لان هو بينهم اتفاق وهو عاوز يعني يسلموا اسير وما يتقتلش. يعني يعمل معه جميلة يعني. هو عاوز يسلمه للنبي صلى الله عليه وسلم. خلاص اصل بينا وبين بعض تجارة وبتاع والكلام ده. وطبعا لا تنسوا
ان ان الشرع لم يكن مكتمل بعد بكل ايه؟ آآ قوانينه واوامره ونواهيه. عشان عبدالرحمن فكان فيه مساحة عادي. كان في الوقت ده لسه ايه شرب الخمر ما زال موجود ففي لسه ترتيبات لم تنتهي بعد
فعبدالرحمن بيقول عادي ما احنا بنسلم يا جماعة ما تقتلوش هنسلمه اسير. لكن خلاص هم ابوا وبدأوا يجروا وراه. فسبحان الله يقول فلما ادركونا قلت له ابرك يعني نم على بطنك فنام على بطنه فراح عبدالرحمن ابن عوف عمل ايه؟ قال فبركت عليه. انتم واخدين بالكم؟ يعني هم بيجروا وراه
بقيت عليه نفسي لامنعه فتخللوه بالسيوف من تحتي حتى قتلوه. انتم عارفين الفكرة دي؟ يعني عارف زي ما تدخل حاجة من تحت الباب كده انهم يغزوا بالسيف من تحت بطن عبدالرحمن. بيقول فتخللوهم بالسيوف من تحتي حتى قتلوه واصاب احدهم رجلي بسيفه
نقول الله يهديهم والله انا اتعورت فيها سبحان الله. يقول وآآ حتى ان عبدالرحمن كان يري الصحابة بعد زلك اسر الضربة دي في ظهر قدميه يبقوا شايفين الخبطة دي والله من يومها وانتم معورين. وماتوا امية في اليوم ده. فسبحان الله ده كان ملمح ومشهد من مشاهد بلال
استطردنا يمينا ويسارا لكن هي ديت جمال الاستطراد وجمال متابعة الاطلاع على قصص الصحابة لان قصص الصحابة مش مجرد قصة كده يعني نقول سمعنا واستمتعنا لأ احنا عاوزين حاجة اعلى من كده فلازم ان الواحد يكون مستحضر اوي ان القصص ديت
الواحد بيسمعها من باب ان يفهم حاجات كتير قوي في دينه يستمتع. لو ما خرجش الا ان هو بدأ يحب تاني ويجدد الحب في قلبه لهؤلاء. دي عبادة لوحدها كمان زي ما انت بتاخد اجر ان حب النبي بيعلى في قلبك بتاخد اجر ان حب الصحابة بيعلى بيعلى في قلبك وان حب افرادهم بيعلى في قلبك
فاما بتسمع عن ابو بكر فحبه يعلى في قلبك ده اجر. ليه؟ لان من ضمن الاعمال ان ربنا سبحانه وتعالى بيأجرك عليها هو قول القلب. اعتقاد القلب فمن اعتقاد القلب وعمل القلب انك تحب هؤلاء زي الاخلاص عزيز قوي ليه؟ لان حاجة في القلب. الحب عزيز قوي برضو. ليه؟ لان حاجة في القلب
فاما تحب هؤلاء ياه! ده بيتقل صحيفتك قوي. فلو ما فيش في اي حاجة انك بتحبهم اكتر فهنيئا لك لان المرء مع من احب فانك تشهد الله انك تحب هؤلاء. فلعل هذا الحب ينفعك يوما من الدهر. فاسأل الله سبحانه وتعالى ان يسددنا واياكم لما فيه خير. السلام عليكم
ورحمة الله وبركاته
