السلام عليكم ورحمة الله وبركاته. اهلا بحضراتكم في المقطع رقم سبعمية وخمسين من مقاطع حظر التجول والحلقة الحادية والثمانون من حلقات تدبر سورة البقرة ارجو من حضراتكم تجيبوا المصاحف. وارجو تكونوا مستعدين. الليلة بازن الله سنتدبر
اعظم اية في القرآن آآ اللي انا بقوله ده مش من دماغي. يعني ده في آآ صحيح مسلم عن ابي بن كعب رضي الله عنه قال تبقوا عارفين ابي بن كعب ده من علماء القرآن. يعني هو من كان فيه مجموعة من الصحابة هم علماء القرآن في الصحابة
اه ومن اوائلهم يعني ابي بن كعب رضي الله عنه وارضاه عن ابي بن كعب رضي الله عنه قال قال رسول الله صلى الله عليه وسلم يا ابا المنذر. كان بيكلمه
اتدري اي اية من كتاب الله معك اعظم؟ ابي ابن كعب كان حافز القرآن كله فقال له فزورة تعرف يا ابا المنذر ايه اعزم اية في القرآن معك معك ان هو حافزهم كلهم
قلت الله لا اله الا هو الحي القيوم. فضرب في صدري وقال ليهنك العلم ابا المنذر يعني يا رب تتهنى بالعلم ايه ؟ هنيئا لك هذا العلم يا ابا المنذر. عشان عرف يحل الفزورة. قال له
اه اه اية الكرسي اللي هي الله لا اله الا هو الحي القيوم. طيب ايضا ورد عن اسماء بنت يزيد ابن السكن  قالت سمعت رسول الله صلى الله عليه وسلم يقول في هاتين الايتين
الله لا اله الا هو الحي القيوم والف لام ميم الله لا اله الا هو الحي القيوم. اللي هي ايه؟ اللي هي تاني اية في سورة آآ ال عمران  ان فيهما اسم الله الاعظم
يعني اسم الله الاعظم في الايتين دول الله والحي القيوم يعني اية الكرسي واية ال عمران الاولى دي فيها اسم الله الاعظم اسم الله الاعظم الذي اذا دعي به اجاب. واذا سئل به اعطى
تعالوا كده نقرأ اية الكرسي مع بعض اعوذ بالله السميع العليم من الشيطان الرجيم الله لا اله الا هو الحي القيوم لا تأخذه سنة ولا نوم. له ما في السماوات وما في الارض
من ذا الذي يشفع عنده الا باذنه يعلم ما بين ايديهم وما خلفهم. ولا يحيطون بشيء من علمه الا بما شاء  وسع كرسيه السماوات والارض ولا يؤوده حفظهما. وهو العلي العظيم
اولا ايه علاقتها بالموضوعات اللي قبلها  في عدة ايات بيعالجوا مسألة القتال في سبيل الله مسلا على سبيل المسال الاية مية وتسعين وقاتلوا في سبيل الله الذين يقاتلونكم ولا تعتدوا ان الله لا يحب المعتدين
مية تلاتة وتسعين وقاتلوهم حتى لا تكون فتنة ويكون الدين لله. فان انتهوا فلا عدوان الا على الظالمين متين اربعة واربعين وقاتلوا في سبيل الله واعلموا ان الله سميع عليم
متين تسعة واربعين  قال الذين يظنون انهم ملاقوا الله كم من فئة قليلة غلبت فئة كثيرة باذن الله. والله مع الصابرين. وحتى الايات اللي بعدها اللي ما فيش فيها كلمة قتال او لكنها كانت عن القتال وقتال آآ طالوت لجالوت وقتل داود
وهكزا. فالايات معظمها اللي فاتت كانت عن القتال. طيب  القتال في سبيل الله معناه تضحية بالنفس وبالمال هي مش يعني هو مش طلب سهل مش طلب سهل. بالزات انه بيطلب دلوقتي من ناس ما بيعتش عليه وهي داخلة الدين ده
يعني الانصار لما بايعوا بايعوا على ان انهم يحموا النبي عليه الصلاة والسلام مما يحمون منه نسائهم واطفالهم يعني يعني اذا اعتدي عليهم آآ اذا اعتدي على النبي عليه الصلاة والسلام والمهاجرين هيدافعوا لكن ما بايعوش على انهم هيطلعوا بقى ويقاتلوا برة وبتاع
فالطلب مش صغير طبعا احنا قلنا ان في الاسلام الحرب حرام ما فيش حاجة اسمها حرب نهائيا في الاسلام الا لو جهاد في سبيل الله يعني ايه جهاد في سبيل الله؟ يعني حرب عادلة بس لا بنحارب عشان نسرق بترول حد ولا غاز طبيعي بتاع حد ولا نقلب الانزمة بتاعة دول ولا الكلام ده خالص
كل الاطماع المادية القزرة بتاعة السياسيين والعقلية المادية بتاعتهم دي. شكرا ما لناش دعوة بكم خلاص؟ امال احنا بنقاتل في سبيل ايه في سبيل الله مش فاهم يعني ايه في سبيل الله
مين هو اللي هنقاتل في سبيله اهو بعدها على طول الله لا اله الا هو الحي القيوم. لا تأخذه سنة ولا نوم له ما في السماوات وما في الارض من ذا الذي يشفع عنده الا باذنه. يعلم ما بين ايديهم وما خلفهم. ولا يحيطون بشيء من علمه
الا بما شاء وسع كرسيه السماوات والارض ولا يؤده حفظهما. وهو العلي وهو العلي العظيم ده اللي انت هتقاتل في سبيله. فالاية بتعرفك يا انسان بالله سبحانه وتعالى اية من اعظم ما يمكن فيها حوالي ستاشر سبعتاشر اسم واصفة من اسماء الله وصفاته. سبحانه وتعالى
العلاقة التانية بقى هي انك لما تنظر كده في التلات ايام بس اللي قبلها بص معي من من متين اتنين وخمسين لمتين اربعة وخمسين هتجد اقسام الايمان متين اتنين وخمسين
تلك ايات الله نتلوها عليك بالحق وانك لمن المرسلين ايمان بالوحي ايات الله الكتب وانك لمن المرسلين والرسل  والاية اللي بعدها الاية اللي بعدها. تلك الرسل فضلنا بعضهم على بعض
منهم من كلم الله ورفع بعضهم درجات. واتين عيسى ابن مريم البينات. كل ده ايمان بالرسل وايدناه بروح القدس ايمان بالملائكة هات الاية متين تلاتة وخمسين ولو شاء الله ما اقتتل الذين من بعدهم من بعد ما جاءتهم البينات ولكن اختلفوا فمنهم من
فمنهم من امن ومنهم من كفر ولو شاء الله ما اقتتلوا ولكن الله يفعل ما يريد ولو شاء الله ما اقتتلوا ولكن الله يفعل ما يريد ايمان بالقضاء والقدر الايمان بقدر ربنا
متين اربعة وخمسين يا ايها الذين امنوا انفقوا مما رزقناكم من قبل ان يأتي يوم لا بيع فيه ولا لا خلة ولا شفاعة. الايمان باليوم الاخر يبقى باقي ايه اهم
اهم آآ آآ قسم من اقسام الايمان التوحيد الايمان بالله لا اله الله لا اله الا هو الحي القيوم. تنزل اعزم اية فيها التوحيد. الله لا اله الا هو الحي القيوم
لا تأخذه سنة ولا نوم له ما في السماوات وما في الارض. من ذا الذي يشفع عنده الا باذنه. يعلم ما بين ايديهم ما خلفهم ولا يحيطون بشيء من علمه الا بما شاء. وسع كرسيه السماوات والارض ولا يؤوده حفظهما
وهو العلي العظيم. طيب عشان نتدبرها تعالوا نقسمها بلوكات انتم لاحظتم وانا بقراها بقسمها بلوكات  قسم معي بقى الله لا اله الا هو الحي القيوم واعمل شرطة ادي بلوك لا تأخذه سنة ولا نوم. شرطة نايلة تاني كده
له ما في السماوات وما في الارض شرطا من ذا الذي يشفع عنده الا باذنه؟ شرطا يعلم ما بين ايديهم وما خلفهم شرطا ولا يحيطون بشيء من علمه الا بما شاء. شرطا
وسع كرسيه السماوات والارض شرطا. ولا يؤوده حفظهما وهو العلي العظيم تمام دول كده تسعة بلوكات تعالوا بقى نفهمهم كلمة كلمة ناخد اول بلوك فيهم الله لا اله الا هو الحي القيوم. الله لفظ الجلالة
وهو الاسم الجامع للاسماء الحسنى. لان كل الاسماء الحسنى الاخرى كل الاسماء التانية بتصف اسم الله  يعني تجد مسلا في سورة الحشر ربنا بيقول ايه هو الله الذي لا اله الا هو الملك القدوس السلام المؤمن المهيمن العزيز الجبار المتكبر. كل اسم من دول سبقوك
الله! فهو بيوصف الله! يعني ما فيش مسلا تلاقي ايه مسلا ايه هو الملك الذي لا اله الا هو الله السلام لأ الله بتيجي في الاول. فهو كأنه كل الاسماء بتوصف الله. ده معناه ان هو الله الذي لا اله الا هو. الله الملك. الله القدوس. الله السلام. الله
المؤمن الله المهيمن الله العزيز الله الجبار الله المتكبر الاية اللي بعدها في سورة الحشر نفس الكلام هو الله الخالق البارئ المصور له الاسماء الحسنى الخالق بتصف الله. الله الخالق. الله البارئ. الله المصور. الله له الاسماء الحسنى
تمام؟ طيب. يبقى الله اسم علم على واجب الوجود. يعني ايه بقى واجب الوجود الموجودات اي حاجة موجودة بما فيهم حضرتك وحضرتك اما ممكن الوجود او واجب الوجود ممكن الوجود
يحتاج لموجد يوجده انت ممكن الوجود لكن وجودك محتاج بابا وماما يجيبوك آآ وبرضه بابا وماما كانوا محتاجين جدو وتيتة عشان يجيبوهم وهكزا. يبقى واجب ممكن الوجود معتمد على وجود اخرين يوجدوه
وهم ايضا وجودهم معتمد على اخرين قبلهم. لزلك السلسلة دي لابد لها من نهاية. التسلسل اللانهائي مستحيل. لابد من اخر لهذه السلسلة لازم واحد في اخر السلسلة هو اللي اوجد
وما حدش اوجده. لان لو حد اوجده يبقى هو مش اخر السلسلة في اخر السلسلة هيكون في حلقة هي اللي اوجدت ولم توجد خليني ابسطها لكم دلوقتي واحد معه دكتوراة
اخدت دكتوراه ازاي في حد ادى له درجة الدكتوراة مناقش ناقش البحس بتاعه ومنحه درجة الدكتوراة. ليه ؟ لان هو معه دكتوراة ومن حقه ادي دكتوراه خد الدكتوراه بتاعته منين ؟ في قبل واحد تاني من عشرين سنة ناقشه وادا له منحه درجة الدكتوراه. طب والاولاني ده ؟ برضو فيه واحد قبله
خد اكتر من درجة للسلسلة لابد في اخرها من واحد هو اول من منح الدكتوراه ولم يمنحها من احد امال هو ايه؟ هو اللي حط النزام بتاع الدكتوراه التسلسل الى ما لا نهاية هذا مستحيل. عقلا مستحيل. الفلاسفة قالوا مستحيل. المفكرين قالوا مستحيل
لازم يقف عند واحد هو اول واحد منح الدكتوراه. هو اللي اخترع السيستم بتاع الدكتوراه هو الخالق لازم يبقى واجب الوجود. هو هو اللي آآ هو هو اللي خلق فهو نفسه مش مخلوق. بيسموه واجب الوجود
ده اسمه بقى الله سيباويه عالم اللغة سمى لفظ الجلالة الله علم الاعلام نرجع بقى للبلوك الاولاني في اية الكرسي كده الله لا اله الا هو الحي القيوم اول صفة التفرد والوحدانية. لا اله الا هو
لا اله غيره. لانه في عدول لأ في الهة تانية. لأ مش الهة حقيقية. يبقى لا اله بحق. لا اله لا معبود بحق غيره هو يبقى الا هنا مش استثناء. هو مش احد الالهة لأ. الا هنا بمعنى غير لا اله غيره هو
الحي القيوم الحي اسم والقيوم اسم لكن القيوم ما جتش غير مرتين اتنين في القرآن الكريم. المرتين مع الحي  اية الكرسي والاية اللي في بداية ال عمران الف لام ميم الله لا اله الا هو الحي القيوم
والاية اللي احنا فيها. الله لا اله الا هو الحي القيوم  ازا ممكن نعتبر الحي القيوم اسم قائم بذاته ما دام القيوم ما جتش غير غير معه يبقى عندنا اسم الحي ده اسم
لانه جه لوحده والحي القيوم طيب عايز اقول لكم ان هناك اراء قوية جدا تقول ان الحي القيوم ان الحي القيوم ده هو هو اسم الله الاعظم الذي اذا دعي به اجاب واذا سئل به اعطى. فيه ناس تقول الله وناس من العلماء قالوا الحي القيوم
سيدنا علي بن ابي طالب منهم. قال روى انه في غزوة بدر كان يقاتل ثم يعود الى النبي صلى الله عليه وسلم ليطمئن عليه فيجده ساجدا ينادي ربه يا حي يا قيوم يا حي
يا قيوم اسناء القتال فيذهب يقاتل تاني ويرجع يلاقي نادي في نفس الوضع ساجد وبينادي يا حي يا قيوم. الحي صفة اساسية في الاله بالتأكيد ولكن ما الفرق بين الله
واي حي اخر من الاحياء. يعني ازاي يعني ربنا يتصف بصفة موجودة عند اي عند الاحياء كلهم معقول يعني! لأ هناك فرق كبير جدا وان حياة اي حي من الاحياء سبقها عدم
وسيتبعها هلاك حضرتك قبل ما تيجي قبل ما بابا يتجوز ماما انت كنت معدوم. مش موجود انت كنت عدم وستهلك في يوم من الايام يبقى حياة الاحياء يسبقها عدم ويتبعها هلاك
اما الله سبحانه وتعالى فهو الحي منذ الازل والى الابد الحي تشمل اسماء اخرى زي الاول والاخر فهو الاول بلا بداية والاخر بلا نهاية فاسم الحي اسم شامل لعدة معاني
القيوم تشمل صفات كثيرة جدا واسماء كثيرة زي البصير السميع القوي. كل دي يشملها اسم القيوم انا انا مبصر ما انا عندي بصر. لكن بصري ممكن يكون حاد جدا وبعدين يبدأ يضعف مع الوقت
سمعي يتقل مع الوقت بقيتش اسمع كويس بودني الشمال قوتي قوي بس ممكن اضعف مع الوقت الله هو البصير اللي بصره لا يضعف. السميع اللي سمعه لا يضعف. القوي اللي قوته لا تفتر. اه
يبقى هو القيوم القائم بنفسه المقوم لغيره لا يحتاج لاحد والكل يحتاجه الله لا اله الا هو الحي القيوم هات بقى البلوك التاني اللي بعده لا تأخذه سنة ولا نوم
لا تأخذه سنة ولا نوم. هم  البلوك اللي بعده لا تأخذه سنة ولا نوم. السنة هي النعاس الخفيف. يقول لك هو اسنان كده آآ السمة نعاس خفيف النوم نوم عميق
ربنا لا ينام ولا حتى بينعس كده سانية واحدة كده اسمها السنا الواحد لو نام او نعس وهو بيقود السيارة هيخرج من الطريق ويضرب في شجرة القائم القيوم على امر هذا الكون كله بمجراته وكواكبه ونجومه وكل نجم وكل كوكب
في مسار خاص به  والملائكة اللي فيه والبشر اللي فيه والجن اللي فيه والحيوانات اللي فيه والاسماك اللي فيه. كل ما فيه من متحرك او ساكن ربنا لا يغفل لحظة
والا الكون هيتدمر هيتدمر في سانية يتدمر اقل من سانية فهو لا تأخذه سنة ولا نوم. هم له ما في السماوات وما في الارض. ده البلوك التالت له ملكيته يعني يملك
له ما في السماوات وما في هو ما لك كل شيء. انت لما تبص في املاك في املاكك انت تملكت تلات انواع من الحاجات اما ورثت اشياء من ابائك واجدادك
يعني املاك الت اليك بالوراثة او اشتريتها يعني املاك الت اليك بالشراء بالبيع والشراء واما اهديت اليك من الغير. املاك الت اليك بالهدية  ملك الله لا ال اليه بالوراثة ولا بالشراء ولا بالهداية انا بس بوريك ان حتى لما ربنا يتصف بصفة موجودة في في الخلق هي
مختلفة عن الخلق كون ربنا هو الملك لم يملك بوراثة ولا بشراء ولا بالهدية هو خلق فملك بقول لك حاجة يعني مسلا فيه مسلا واحد يكتب قصيدة يكتب قصة بيصبح مين مالك الحقوق بتاعتها هو صاحبها لان هو خلقها هو بدعها ده اقوى سند ملكية
الخلق اللي بيهديك هدية ممكن يرجع في هديته اللي باع لك ممكن يرجع في بيعته اللي انت ورثته ممكن يكون جزء منه من حق ورثة الاخرين وانت مش عارف او انت اخذتها بالغلط
تمام؟ يبقى له ما في السماوات وما في الارض. يعني ايه يعني الكون كله وعلى فكرة ممكن يكون كمان السماوات والارض ما هو اكبر من الكون. ليه لو السماء والارض معناها الكون
يبقى السماوات هيبقى معناها الاكوان يعني ايه كون؟ الكون يعني كل ما هو كائن. يعني كل ما تستطيع ان ترصد فانت جوة الكون لسه كل ما قدرت توصل لحاجة وتشوفها كل ما انت عملت تلسكوب ذري اكبر اطلقته بعيد جدا على خارج المجرة مش عارف ايه
كل ده طول ما انت بترصد بتقدر ترصد اصوات او صور او اي حاجة يبقى انت جوة الكون هل هناك ما يمنع عقلا ان يكون خارج هذا الكون؟ كون اخر لا يوجد ما يمنع عقلا من هزا. ازا لو هناك اكواد
اخرى فالله هو مالك هذه الاكوان. وده اللي قلناه من كم سنة لما صارت قضية الدحيح وقلنا يا جماعة مش معنى ان حد بيقول ان فيه آآ ممكن يكون فيه اكوان اخرى ان ده معناه انه انه بينكر وجود الله. لأ مش حقيقي
ما هي نفس المعضلة موجود طب مين اللي خلق الكون ده ؟ هتبقى مين خلق الاكوان؟ بالعكس ده كل ما بتزيد يزيد الخلق تعقيدا كل ما كان هذا دليلا على وجود الله
لكن آآ اسمه ايه ده العالم اللي كان نتكلم فيها ده آآ في كتابه انا مش فاكر اسمه ايه والله اللي هو كان مشلول آآ ستيفن هوكينج كان جابها من ناحية نزرية الاحتمالات ودي قصة تانية. واتكلمنا فيها. لكن المهم يعني. ازا هو مالك لو هي السماوات يعني اكوان
اذا هو مالك هذه الاكوان هات بقى البلوك اللي بعده من ذا الذي يشفع عنده الا باذنه مين ده اللي يقدر يشفع عند ربنا الا لو ربنا ازله انه يشفع. يعني المتحكم الوحيد في كل شيء هو الله
لدرجة ان اللي هيطلب منه يغفر لحد. مش هيطلب الا لما ربنا يأزن له يطلب للدرجة دي لازم الطالب يستحق انه يطلب ولما ربنا يأزن له يطلب لازم المطلوب له يكون يستحق انه يطلب له. يا خبر ابيض
منتهى السيطرة على هزا الكون في سورة المدثر ربنا قال عن بعض الناس فما تنفعهم شفاعة الشافعين يعني بعض الشافعين ربنا لن يأذن لهم يشفعوا اصلا في ناس معينة. طيب ليه مش هيأذن لبعض الشافعين؟ دي بقى شبهة
يعني ممكن ناس تحب تشفع وربنا ما يأزن لهمش طيب هو مين ارحم هم ولا ربنا هتقولي ربنا ارحم طب ازاي ارحم؟ ما هم عايزين يشفعوا لحد وربنا مش ازن لهم يشفعوا له ففي الحتة دي واضح ان هم عندهم رحمة اكتر لأ ما ينفعش
ما فيش ارحم من الله. الله! امال هم ليه مش ليه هم عايزين يشفعوا وربنا مش بيأزن وبعدين تقول لي ربنا ارحم منهم ازاي عمركم فكرتوا في الشبهة دي ؟
لا يوجد من هو ارحم من الله الشافعين دول هيحاولوا يشفعوا لبعض المجرمين مش لانهم ارحم من الله لأ لانهم مش عارفين كل حاجة عملوها لو كانوا عارفين كل حاجة ما كانوش شفعوا. ايه الدليل؟ البلوك اللي بعده؟ يعلم ما
بين ايديهم وما خلفهم الله عالم كل شيء فعلم ان هؤلاء المجرمين لا يستحقوا الشفاعة. فلما حد حاول يشفع لهم مش لانه ارحم من الله. لكن لانه لا يعلم ايعلمه الله
انت لو شفت واحد قتل مسلا الاف الاطفال وقطعهم حتت وحطهم مش عارف في التلاجة ولا شواهم ولا عمل فيهم انت مش  لكن لما انت بتبقى مش عارف حجم جريمته قد ايه ممكن تحاول تشفع له. واللي يعلم حجم جريمته هو اللي ما يأزن لكش تشفع له. ده مش معناه ان انت ارحم منه
يعلم ما بين ايديهم وما خلفهم. الله فقط هو من يعلم. ما بين ايديهم اللي قدامهم المستقبل وما خلفهم الماضي وطبعا يبقى يعلم الحاضر دي نقطة عقائدية مهمة جدا واتكلمنا فيها قبل كده. شوفوا يا جماعة
الله سبحانه وتعالى يعلم ما كان الماضي وما يكون في الحاضر وما سوف يكون في المستقبل. ويعلم الرابع اللي هو يعلم ما لن يكون اذا كان كيف يكون يعني يعلم المستحيل
لو حصل هيحصل ازاي وهو مش هيحصل جبناها منين؟ سورة الانعام ولو ترى اذ وقفوا على النار فقالوا يا ليتنا نرد ولا نكذب بايات ربنا ونكون من المؤمنين المجرمين يقفوا على النار قبل ما ينزلوا في النار هيقولوا ايه ؟ يا ليتنا نرد نردد للحياة الدنيا
ولا نكذب بايات ربنا. ساعتها مش هنكذب بايات ربنا. ونكون من المؤمنين وهنبقى مؤمنين. اسمع بقى الاية اللي بعدها بل بدا لهم ما كانوا يخفون من قبل. ولو ردوا لو ردوا. لو رجعوا للحياة الدنيا وده مش هيحصل. ده مستحيل
لعادوا لما نهوا عنه وانهم لكاذبون. لو اتردوا لو المستحيل حصل ورجعوا الحياة الدنيا هيرجعوا يعملوا النفس ونفس خطاياهم ونفس جرائمهم تاني. وانهم لكاذبون يبقى ربنا يعلم ما كان في الماضي. ما يكون في الحاضر. ما سوف يكون في المستقبل. ويعلم ما لن يكون اذا كان كيف يكون
البلوك ده بقى اللي هو خلي بالك بقى اللي احنا فيه دلوقتي يعلم ما بين ايديهم المستقبل وما خلفهم الماضي ده هنا نص اية الكرسي بالزبط احنا هنا في نص اية الكرسي
خلاص طيب ليه بقى بقول كده عشان لو قفلنا اية الكرسي والتنيناها كده من النص هتبقى مراية هي كمان وهتجد سيمترية في الجزء اللي جاي بص معي العجب العجاب   يعلم اوكيه ولا يحيطون بشيء من علمه الا بما شاء
من بعد يعلم ما بين ايديهم وما خلفهم بعدها ايه؟ ولا يحيطون بشيء من علمه الا بما شاء والعليم بكل شيء يعلم ما بين ايديهم وما خلفهم ولا يحيطون بشيء من علمه الا بما شاء
يعني ايه؟ يعني حتى العلم اللي عند الناس حتى العلم اللي عند الملائكة حتى العلم اللي عند اي حد عنده علم ربنا شاء انه يحيط علما بهذا العلم ربنا اذن بهزا الجزء من العلم يروح له
في السمترية مع البلوك اللي قبله عاملة ازاي يعلم ما بين ايديهم وما خلفهم. قصادها ولا يحيطون بشيء من علمه الا بما شاء ركز معي بقى في البلوك اللي جاي ده
واسع كرسيه السماوات والارض ورد في كلمة كرسي عدة تفاسير منها العلم ان علمه وسع السماوات والارض  ورد فيه ايضا ان الكرسي هو مجموع كل مخلوقات الله ان الكل يعني مسلا كلمة كراسة. لانها بتجمع الاوراق بتكرسها
فلان كرس حياته للطب يعني جمع وقت وجهد وكل حاجة يعني كل حاجة في حياته جمعها وخليها في خدمة الطب عكرسيه ربنا جمع او جمع داخل كرسيه ده السماوات والارض. فمش معنى الكرسي يعني كرسي. مش بالضرورة
كرسي شيء بيجمع زي كراسة  بتقابل في المراية ايه البلوك اللي قبل اللي قبلها له ما في السماوات وما في الارض فهتجد وسع كرسيه السماوات والارض قصادها له ما في السماوات وما في الارض. في النصف الاولاني
وده وانت راجع هات البلوك اللي بعده ولا يؤده حفظهما لا يتعبه حفظ السماوات والارض على عكس العقائد المنحرفة التي تقول ان الله سبحانه وتعالى يتعب يعني في اه سفر التكوين
في التوراة يعني في الكتاب المقدس بتاع اليهود والمسيحيين ربنا خلق الدنيا في ستة ايام وفرغ في اليوم السابع من عمله الذي عمل فاستراح في اليوم السابع من جميع عمله الذي عمل
طبعا المسيحيين العرب شاطوا وحرفوا بقى في الجملة دي ده على فكرة ده ده محرف. يعني ده ده تحريف التحريف. هقول لكم انا دلوقتي عشان المسلمين ما يستغلوهاش بقى. احنا طبعا يعني يعني آآ آآ ربنا يعني آآ ما بيتعبش. احنا عندنا لا يؤوده حفظهما. ها لا
يناله نصب لأ ما فيش ربنا ما بيتعبش المسيحيين العرب عملوا ايه بقى جمعة النسخة العبرية والارامية وقالوا اولا كلمة استراح مش معناها انه تعب معناها ان هو توقف عن العمل خلاص وعمله انتهى. بس في اللغة العبرية والارامية
في كلمة هم ما ترجموهاش عربي استراحة وتنفس فيتنفس باللغة العبرية تتنفس ليه بياخد نفسه تعب فبياخد نفسه. هم. ولا يؤده حفظهما في المراية قصادها البلوك اللي قبل قبل اللي قبله
لا تأخذه سنة ولا نوم هو ما بيتعبش. مش محتاج ينام ولا يغفل شوية خالص. مش بيتعب عشان ينام ولا يستريح تشعر انك عاوز تقول ايه دلوقتي على اللي قالوا عنه انه بيتعب
تعالى الله عما يقولون علوا كبيرا البلوك اللي بعده وهو العلي العظيم يبقى وهو العلي العظيم قصادها لا اله الا هو الحي القيوم قصادها وهو العلي العظيم يعني هو اعلى واجل مما تصفون. هو العلي الاعلى المتعالي كل دي اسماء تنزل تحت اسم العلي
وهو العظيم رجعنا تاني بقى لصفات الله واسماء الله في المراية الله لا اله الا هو الحي القيوم وهو العلي العظيم. شفتم اعزم اية في القرآن؟ عاوز اقول لكم على حاجة بقى
مين اللي لاحز السيميترية اللي في اية الكرسي دي دكتور امريكي اسمه ريمون فارن عندي صورته حتى اهو هذا الرجل هو اللي لاحز السمترية في آآ اية الكرسي وفي سورة البقرة. مش قلت لكم انا ان فيه سمترية فيها هو الراجل ده
دكتور ريموند آآ فارن وهو آآ استاز اللغة العربية في الجامعة الامريكية في الكويت انا في الكويت آآ بيدرس لغة عربية في الكويت المهم اية الكرسي اعزم اية في القرآن
اية تقارن بصور كاملة صورة زي قل هو الله احد اية الكرسي تقارن بها اية تقارن بسورة زي سورة الفاتحة تقارن بها اية الكرسي يعني الاية قوية ووزنها عزيم جدا
انا كنت مستمتع متعة رهيبة النهاردة ما حستش بنفسي وما حستش بالوقت وانا باشتغل وانا باقرا وانا باشغل مخي وباحاول اتدبرها بس المهم تعالوا بقى نتفق اتفاق كل يوم قبل ما ننام هنقرأها
بس نقرأها بتدبر وبتفكر. هنقرأها كده الله لا اله الا هو الحي القيوم لا تأخذه سنة ولا نوم. وتفكر ان ربنا ما بينامش وخل بالك كون ربنا ما بينامش عشان كده انت بتنام
ليه ما انت لو حسيت ان الكون ده متساب ممكن في اي لحزة حاجة تنفجر الحاجة مش هتعرف تنام. لكن كونه ما بينامش. انت بتنام لا تأخذه سنة ولا نوم. له ما في السماوات وما في الارض
من ذا الذي يشفع عنده الا باذنه. يعلم ما بين ايديهم وما خلفهم. ولا يحيطون بشيء من علمه الا بما شاء واسع كرسيه السماوات والارض ولا يؤوده حفظهما وهو العلي العظيم
اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا
ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوب
بنا ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وهمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا
اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظ
واياهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع اخواننا
في تركستان الشرقية وفي الشام وفي كشميرا وفي سريلانكا وفي الهند وانصر كل من نصرهم واخذل كل من خذلهم وطهر المسجد الاقصى من الدنس فانهم لا يعجزونك. واكتب لنا ختم القرآن فيه
اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبس ثوب الصحة والعافية عاجلا غير اجل. ومن لم يوصف به ثقه شره وابعده عنه ولا تسلطه الا على اعدائك
اعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك. وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها
واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك  وامتها يا مولانا على الشهادة في سبيلك انك نعم المولى ونعم النصير. وصلي اللهم وسلم على سيدنا محمد وعلى اله وصحبه ومن تبع
والسلام عليكم ورحمة الله وبركاته. ونراكم غدا باذن الله في نفس هذا الموعد. ان كنا من اهل الدنيا سلام عليكم
