وعايز اقول لكم يعني قصص كتيرة على فكرة. انا ما بتكلمش من الخيال. انا بيجي لي قصص وصلت للزنا فعلا الموضوع ما كانش متخيل ابدا ولا متصور ابدا. ولا في الحسابات ابدا. خاصة القصص دي اكثرها بين اتنين مخطوبين
ان ديت ديت الفرصة الايه الاسهل اسهل فرصة بتبقى بين المخطوبين ان الاهل في العادة بيدوا الامان وبيروحوا وبيجوا. وممكن بقى بنجهز الشقة وبنخش الشقة وبنشوف وحاجات فبكام مرة بيخلوا بها
فلو ما فيش ديانة في الخطوبة فعلا في حالات الخطوبة دلوقتي كتير بتوصل للزنا احنا في واقع مأساوي. بتيجي بعد كده المشكلة مش في مش في الزنا اللي حصل بقى. المشكلة انه سابها
دي الكارسة المشكلة انه سابها ابعت لك سؤال تقول لك اعمل ايه عمل كده يعني انت فاهم متخيل مأساة بقى متخيل البنت دي هتوصل ليه دلوقتي ؟ البنت بتكلمني وعايزة تنتحر
ده اللي عندها ده الاختيار اللي عندها. ان هي ناوية تنتحر ده تخيل انت بقى في مأساة زي كده. عمل اللي عمله في الخطوبة وهي طبعا هي طاوعت يعني معلش هي ما قاومتش برضو
هي لو قاومت خلاص ما كانت خلصت. هي طاوعت وهي بتقول انا طاوعته ليه وصلنا لكده قطرات ونزرات وكلام وتساهلات لقينا نفسنا لوحدنا في الشقة يلا بنا خلصت اعيط بقى بعد كده
وبعد كده سابها وبعد كده بتفكر دلوقتي في الانتحار ابن القيم داخل علينا بالايه بالدخلة ديت بقى هو بيتكلم في تحريم الفواحش ووجوب حفز الفرج قال ايه هل النبي عليه الصلاة والسلام قال
اكثر ما يدخل الناس النار الفرج وقال في الصحيحين لا يحل دم امرئ مسلم الا باحدى سلاسة. الثيب الزاني. والنفس بالنفس والتارك لدينه المفارق للجماعة. دي طبعا انتم عارفين ان لو واحد زنا وهو متجوز
آآ او اتزق اتجوز قبل كده. يعني مش لازم يكون متجوز حاليا. كونه سبق له الزواج ده اسمه محصن فلو زنى ده حده في الشريعة ان يقتل. يعني ده مبدئيا كده اول انطباع عن الزنا ان الزنا اقل حاجة فيه لو انت مش متجوز جلد مائة
وان انت تغريب عام. تغريب عام ايه؟ يعني ينفى عن البلد بتاعته سنة. ما يقعدش فيها سنة تمام ليه ما يقعدش سنة؟ في حكم للشرع؟ هو هي عقوبة من باب من باب ومن باب ان هي بيحموه من ان الناس تقعد تزكره بالمعصية ديت فلو الناس طبعا كل ما يشوفوها يقولوا
فممكن من كتر ما هم بيقولوا له كده يقول لهم طب يلا بنا بقى ايه طالما كده كده جانا مفضوح يخربها ويرجع تاني لنفس المعصية. ومنها ان ده حماية لايه؟ لسمعة
سمعة اسرته والكلام دوت وحماية وعشان الموضوع يتقفل. والناس تنساه فلما يبعد عن نظر سنة الموضوع ينام فيرجع يبقى الوضع احسن شوية بس الفكرة يعني ان هو اقل حاجة لو زاني غير محصن اللي هو ما اتجوزش قبل كده خالص. ده بيتجلد مائة. قدام الناس كلها. ويغرب عام
لو هو بقى سبق له الزواج او متزوج حاليا او او فدوت يرجم بالحجارة حتى يقتل ودي من اصعب الحدود يعني من من من الحدود اللي هي المؤلمة هو الحد دوت ان هو بيضرب بحجارة لا كبيرة تقتله على طول ولا صغيرة مش هيموت ابدا متوسطة اللي هي تؤلمه جدا وبعد كده ايه
يموت وده مقصود الالم مقصود لانه مقابل اللزة الطويلة اللي حصلت في جسمه كله. لما تلزز بالمحرم. فجزاء كده ان يتألم الم شديد في جسمه كله فبيضرب في جسمه كله بالحجارة الى ان الى ان يموت. فتخيل انت ده بقى حلال الدم اللي يزني وهو ايه متزوج. كم تسمع الان من حالات زنا متزوجين
الموضوع بقى سهل. الموضوع الان بيعرض دلوقتي بكل بساطة في التليفزيون وفي وفي الافلام وفي كل كل المسلسلات تقريبا اي مسلسل اجتماعي مش مسلسل بوليسي مسلا او رعب او كده. اي مسلسل اجتماعي دلوقتي لازم الفقرة دي لازم اساسية فيه. ان واحد متجوز بيخون مراته. مش
اخونا ان هو بيحب واحدة لأ. بيخونها ان هو عامل علاقة كاملة مع واحدة تانية. تمام؟ وده بيعرض عادي يعني. وكمان المسلسل احيانا بيبرر. اصل هي مش بتهتم بي اصلية مش عارف ايه. اصلية مش بتتزين. اصلية نكدية. فانت بقى خلاص المشاهد حصل له ايه؟ تعاطف بقى. فبدأ الموضوع يبقى مقبول
وبدأ فيه جمهور متعاطف مع الايه؟ مع الحالة ديت. واحنا ناسيين ان اللي حصل ده اسمه في الشرع جريمة عقوبتها ايه اقصى نوع من القتل اللي هي عدت دي عادي واحنا بس بنتكلم ايه هو خانها خانها احنا مالنا ومال خانها
الموضوع اسوأ من كده بكتير. اللي حتى اللي بيعرض يوم ما يوم ما المسلسل بيحاول يعني ينفر الموضوع ده. بيعتبرها خيانة زوجية بس يعني ده المشكلة عندهم يعني مش ان محصن وزنا وعقوبته الرجم في الشرع والكلام بقى الايه الدنيا ديت. لا هو ما حدش بيعرض الموضوع كده. واقصى حاجة بيعرضها كخيانة زوجية وكمان
بيخليك تتعاطف كمان لان هي اصلية بسبب وهي نكدية وهي عاملة له ان هي مش مهتمة به ما بتقولوش ما بتقولوش كلام حب والتاني دي احتوته ومن كتر لاحتواء آآ احتويته جامد شوية. ايه ده
احنا فين احنا؟ وعادي كده احنا بنتقابل كده وبنتك بتشوف المسلسل ده وزوجتك بتشوف المسلسل ده احنا احنا احنا ايه الدياثة اللي احنا فيها دي معلش مش انتم يعني اقصد يعني عموما اللي يرضى ان زوجته وبنته او وامه تشوف الحاجات ديت عادي كده يعني. حاجة صعبة جدا الواحد بيقشعر لما يسمع الكلام دوت
فينبغي ان احنا نصون اسماعنا اصلا من الكلام ده ان كتر الكلام بيحصل الف كده ربنا حرم نشر الفواحش. تمام؟ ان الذين يحبون ان تشيع بس. هو ما بيعملش الفاحشة. بس بيحب ينشرها. تشيع الفاحشة في الذين امنوا لهم
عزاب اليم في الدنيا والاخرة. ليه؟ لان الشيوع الفاحشة بيهونها فلما انت تسمع طول النهار قاعد تسمع ايه فلان زنى فلان عمل الواد ده عمل مع البت دي والبت دي عملت مع الواد ده. انت مع الوقت هيبتدي الموضوع ايه
يسهل عليك يعني. فممكن تسمع حاجة زي كده يقول لك ممكن تلاقي شاب يقول لك عادي يا عم هم بيحبوا بعض يعني. خلاص بقى ايه بقى عادي دلوقتي معلش مع احترامي في في فئة معينة من المجتمع
بقى دي عادي لان هم مخطوبين في فئة الان من المجتمع الفئة في فئة كاملة من المجتمع من مستوى معين وطالع بيعتبروا ان الخطوبة تبيح ابيح الموضوع دوت بل في اباء بيبقوا عارفين وبيعتبروه عادي
انا بقول لك اب عارف ان ان بنته وخطيبها بيعملوا علاقة وعادي دي في في طبقة كده في المجتمع عندنا الموضوع ده مقبول من اول الخطوبة هو مقبول حتى معرفة الاهلي
احنا وصلنا لايه وصلنا في طبق المجتمع بتعتبر ده عادي بيبقوا اتنين مخطوبين. يا جماعة فيه اتنين مخطوبين. ما هو هيتجوزوا بياخدوا احتياطاتهم بس في الحمل وخلاص. عشان ما تحملش. لكن هي مجرد ان هم عملوا كده ما خلاص عادي. عادي. طب احنا بننزل الطبقة دي على فكرة بتنزل بتبتدي تخش في الطبقة
اللي اقل واللي اقل واقل لغاية ما يلاقي المجتمع كله قابل للموضوع دوت. ليه؟ عشان نشر الكلام. فبنقيم بقى بيخش هنا بايه ايه اللي بيحصل ده يا جماعة بص بقى بيقول ايه؟ بيقول له هو بدأ النبي عليه الصلاة والسلام لما قال التلاتة اللي يقتلوا قال مين؟ قال للسيب الزاني الاول وبعد كده النفس بالنفس والتارك لدينه. فبيقول بدأ بالاكثر شيوعا
ثم الاقل شيوعا. ايه الاكتر في التلاتة؟ سايب الزاني. ده الاكتر. واللي قال القتل. واللي قل الردة. اقل حاجة الردة. وبعد كده القتل اكتر شوية وبعد كده الزنا بيبقى طريق شوية. بدأ بالاكتر لانه ايه اكتر وقوعا. تمام
