غريب ان ان الناس دي بتتعب اوي عشان تعمل حرام. وما تتعبش عشان تعمل الطاعة. في واحد عنده استعداد يتعب ويسافر وبتاع عشان يجيب بيجيب عربية ولا يجيب مش عارف ايه
تعال قل له صدقة تعال قل له قيام ليل ما اقدرش اغسل رجلي اصل ما اقدرش مع اني بيقعد باتناشر ساعة بيشتغل. تمام؟ فهو المسألة متعلقة بالحب. وايه اللي حرك الراجل ده قرار يروح يشتغل
مش هجيب الفلوس بيحب دايما اللي بيحب بيبزل. علامة الحب ليه؟ البزل. ما فيش بزل. ما فيش حب ولزلك النبي عليه الصلاة والسلام كان يقوم حتى تتورم قدماه. مش كده؟ ما فيش ما حسش اصلا. حب فيه حب بيدفعه للايه؟ للقيام. كان احد السلف ازا دخل
الصلاة ما بيحسش بحاجة. كان زوجته تقول كان ازا دخل في الصلاة لعبنا. وازا خرج من الصلاة سكتنا ليه ؟ هو بيقول انا بخش الصلاة هو مش معنا خلاص لدرجة ان هي بتقول لو دخل في الصلاة كلنا بنقعد نلعب بقى ما هو مش حاسس بنا كده كده مش هيضايق ان هو مش موجود مش معنا
اول ما يطلع من الصلاة كلنا بنسكت يبتدي يفوق بقى كده ويركز معنا. ففي ناس وصل درجة الحب ان هو ممكن يتعب ما يحسش بحاجة. فكل ما تحس ان انت بتتعب بسرعة من الصلاة
المشكلة فيك مش في الصلاة انت ما بتحبش معلش واحد لو بيحب واحدة وآآ قال لها تعالي ننزل نتمشى مع بعض ممكن ينزل يتمشى معه قد ايه ممكن ياخد ياخد البحر ده كله من اوله لاخره. من منتزه القلعة مسلا
يتمشى معه ولا يحس باي حاجة. تقول له احنا انت تعبت ولا يا حبيبتي والله ده انا مش حاسس مش حاسس هو فعلا مش حاسس بحاجة. الكلام انت ممكن تمشي مع حد ممكن تمشي مع واحد صاحبك حتى بتحبه. الكلام ياخدكم تلاقوا نفسكم مشيتوا ساعتين
ايه ده احنا مشينا ساعتين تبص في الساعة تلاقيه ايه ده! ده احنا جبناه من من سيدي جابر للقلعة مسلا احنا مشينا ازاي؟ صاحبك وحبيبك وبتاع الكلام خده فدايما الحب بايه
بيأتي على الالم كل ما تحب كل ما تحسش بالالم. اول ما الحب يقل تبتدي يتألم. تعال امشي بقى مع واحد مش طايقه. شوية همت خمس دقايق بتبتدي تلبسك رجليك وجعانك ومش قادر
وكذلك المعاملة في الايه؟ في الصلاة والصيام والكلام ده. لما تلاقي نفسك بتتعب بسرعة اعرف ان الحب مش قد كده. النسوة في قصة يوسف قطعن ايديهن قطعوها كلها لا هي قطعنا يعني جرحنا يعني. يعني فتخيل واحدة قطعت حاجة لغاية ما ايديا اتجرحت
وما حستش دي متاخدة عينيها متاخدة بيوسف عليه السلام. عشان كده بقول لك الحب بينسيك حاجات كتير بينسيك الالم مشكلتنا مش ان الصلاة طولت مشكلتنا مش ان الصيام ساعات كتير مشكلتنا مش قيام الليل اصلي ببقى تعبان
مشكلتنا اننا ما بنحبش ربنا قوي
