اقرا معايا الاية اربعة وفي الارض قطع متجاورات وجنات من اعناب وزرع ونخيل صنوان وغير صنوان يسقى بماء واحد ونفضل بعضها على بعض في الاكل. ان في ذلك لايات لقوم يعقلون
انا كراجل دماغي شوية هندسية بفكر دايما في الثوابت والمتغيرات اللي في الاية وفي الارض ثابتة قطع متجاورات قطع اراضي جنب بعضها بس هي كلها نفس الارض وجنات من اعناب. حدائق من اعناب جمع عنب. اللي هو اصلا جمع
لكن اعناب تدل على تنوع انواع العنب عنب احمر وعنب اسود وعنب اخضر وعنب بناتي وعنب ببزر وعنب بدون بزر. الله! كل انواع الاعناب وزرع بمختلف انواع الخضروات والحبوب والقمح والشعير وكله
ونخيل صنوان وغير صنوان. صنوان اللي هم النخلات اللي بتطلع من نفسي ممكن تلاقي نخلتين او تلات نخلات طالعين من نفس الجدر اسمهم صنوان وغير صنوان نخل فرضاني كده النخلة بنخلتها
اقرا معي كل التنوع ده يسقى بماء واحد دي اللي خلتني افكر الحقيقة كلمة واحد  ماء واحد هم كلهم في نفس الارض الله كل التنوع ده من الزروع والنباتات والاشجار والنخيل. الله! مزروع في نفس الارض وبيسقى بنفس الماء ويطلع بهذا
اختلاف احنا لسه هيدخل على الاية عوامل متغيرة اخرى يبقى احنا عندنا الثابت الماية والارض ثابتة وفي تنوع طالع  في عامل متغير اخر هيدخل يقلب الدنيا من الناحية الرياضية دلوقتي
لانه هيزود عدد التبادل والتوافيق هو التفضيل في الطعن. ربنا جعل بعضها طعمه افضل من بعض جعل ده حلو وده حادق وده مر وده ماسخ وده مسكر وده ماشي؟ طيب
هذا التفضيل كمان بيختلف بمتغير رابع وهو الانسان وهناك اللي بيحب انواع اكتر من انواع في واحد عنده الفاصوليا اجمل الف مرة من آآ البامية. واحد تاني ما بيطقش الفاصوليا ويحب البامية
فربنا غير الطعم وادى وخلى كل بني ادم عنده زوق مختلف فشوفوا دلوقتي اربع متغيرات داخلة ازاي وهي نفس الماية ونفس الارض المفضل عند ده مش مفضل عند شخص اخر. كل التنوع ده في النهاية انتجته ارض واحدة وسقي دماء واحدة. هتقولي لا الارض مش واحدة. بتختلف التربة. صحيح. في تربة سوداء وفي تربة
رملية وفي تربة حمراء وفي تربة كزا كل تربة بتغير لونها معناها ان المعادن اللي فيها مختلفة عن التانية. صحيح بس انا هاقول لك على حاجة عشان انا راجل فلاح
ممكن في التربة الواحدة بتزرع انواع جنب بعض ايضا وبتطلع مختلفة. انا كنت فلاح وكنا بنزرع شجر البرتقان آآ وهو صغير في اول تلات اربع سنين احنا لازم نحط الشجر بعيد عن بعضه مسلا ستة متر او سبعة متر. عشان الشجر ده لما يكبر ما يخشش في بعضه. بس اول تلات اربع
خمس سنين المسافة البينية السبعة متر دي متهدرة ما فيش حاجة مزروعة. فبيبقى عندنا فرصة نزرع في المسافات البينية بين الشجر. كنا نزرع بقى درة بقى موسمية تلات اربع شهور واقلب. درة مش عارف ايه فول
ازا في نفس التربة اهو مزروع برتقان وجنبه درة او فول فهمتوني نفس التربة ونفس الماء بيخرج برتقان وبيخرج درة بل في الشجرة الواحدة بتلاقي الثمرة طعمها احلى من ثمرة اخرى
ده اعجاز لان التنوع ده مش صدفة. والدليل هو انه ما فيش ولا مرة شجرة التين طلعت برتقان ولا مرة شجرة البرتقان طرح الدرة مش صدفة ما فيش صوتها في دي؟ اشمعنى دي ما فيش فيها صدفة
معناه نفس الارض ونفس المي بعد كده حد يجي يقول لي عاوز اثبات ان ربنا موجود. يا اخي كمل الاية وهي هتقول لك ان في ذلك لايات لقوم يعقلون. الموضوع محتاج بس مخ والله
كل الايات دي محتاجة بس مخ بيعقل. لان الانسان هو المخلوق. على فكرة ما الحيوانات عندها مخ بس الانسان هو اللي عنده مخ بيعقل فبنسميه عقل عنده عقل. انما الحيوان عنده مخ بناكله سندوتشات. ما فيش سندوتشات مخ ما فيش سندوتشات عقل خالص

