اربعتاشر وخمستاشر يا ايها الذين امنوا ان من ازواجكم واولادكم عدوا لكم فاحذروهم. وان تعفوا وتصفحوا وتغفروا فان الله غفور رحيم انما اموالكم واولادكم فتنة والله عنده اجر عظيم بعض الزوجات وبعض الاولاد اعداء الانسان بيضروا بس هو مش عارف
البعض المرأة اللي توصل زوجها لغاية باب البيت كل يوم وتدي له كده لستة مشتريات لازم يشتريها قبل ما يرجع البيت النهاردة تكون جايب الحاجات دي ويا ويله لو رجع من غيرها
والقايمة دي قيمتها ربع مرتبه الشهري وكل يوم تدي له قايمة بربع مرتبه وكل يوم يشتريها. وما تسألوش جبت الفلوس منين دي عدو له خلاص هتتسبب في دخول النار. ما هو الفلوس جابها يا من السرقة! يا من الاختلاس! يا من الرشوة
انما الصحابية كانت توصل زوجها لغاية باب البيت وتقول له ايه ؟ اتق الله فينا فانا نستطيع ان نصبر على جوع الدنيا. ولا نصبر على حر جهنم. فلا تطعمنا من حرام فان كل جسد نبت
من حرام فالنار اولى به  شفت الفرق؟ يبقى العدو بعض الازواج وبعض الزوجات وبعض الاولاد مش الكل الاية واضحة. يا ايها الذين امنوا ان من ازواجكم واولادكم عدوا لكم فاحذروهم. منهم
ومنهم لأ بالعكس ده منهم اللي بيعين الانسان على التقوى وبعضهم بيبقوا اعداء دون ان يقصدوا احيانا على فكرة بعض الناس هقول لكم على حاجة انت بتحصل لي انا زمان دي
لما باراجع بقى من الشغل متأخر كده يبقى نفسي قوي بقى الواحد بقى مسلا لو عنده طفل صغير مسلا وعنده مسلا سنتين كده وبتاع عايز يشوفه ايه فبيبقى واحد راجع من الشغل متأخر ونفسه انه يرجع يلاقي ابنه او بنته صاحيين مش نايمين لسه
عشان يلحق يشوفهم ويستمتع برؤيتهم كده يتكلم معهم يلعب معهم او يتفرج عليهم حتى هم بيلعبوا يعني فبيرجع عشان يلحقهم قبل ما يناموا اول ما يدخل البيت بيلقوهم صاحيين وبيلعبوا
يسمع اذان العشاء يبدأ صراع انزل اصلي الجماعة الصلاة في المسجد بس غالبا هرجع الاقيهم ناموا ولا افوت بقى اصلي في البيت وخلاص هنا بقى الاولاد بقوا عدو للانسان دون قصد منهم هم
حبهم لو زاد عن حب الله اصبح عدو بعض الصحابة ارادوا الهجرة مع النبي عليه الصلاة والسلام بس زوجاتهم واولادهم في مكة تعلقوا بهم وقالوا لهم ما تتركوناش واحنا مش عاوزين نسيب مكة ومرتبطين بعائلاتنا واصدقائنا
الناس دول لا هم هاجروا ولا تركوا اباؤهم يهاجروا رغم الامر بالهجرة. يعني العيال والزوجات دول ما هاجروش ومش عايزين يسيبوا آآ ابائهم يهاجروا وازواجهم يهاجروا ازا الازواج لم يطيعوا الله ورسوله. وكان امر بالهجرة
بسبب زوجاتهم واولادهم فلما عرفوا بعد كده هاجروا وبعد كده عرفوا ان ده كان غلط وان ده كان يعتبر معصية لله وللرسول. قرروا يعاقبوهم يعاقبوهم ربنا قال ايه في الاية اربعتاشر
وان تعفوا وتصفحوا وتغفروا فان الله غفور رحيم. ما حدش يزعق لزوجته وولاده عشان كانوا هم السبب في ان هو يعني ايه ما قطعش الله ورسوله ربنا قال لهم ما يعاقبوش حد. وان تعفوا وتصفحوا وتغفروا. ايه الفرق بين العفو والصفح والمغفرة
العفو هو ترك العقوبة. انك تقارنك تقرر انك مش هتعاقبه خلاص دلوقتي وتصفح الصفح وترك اللوم والعتاب ولا حتى هاكلمها. هاصفح وتغفر المغفرة هي تغطية الخطأ يعني اسقاط العقوبة تماما كانه ما عملش حاجة
طيب  سؤال بقى طب ليه ديما يعاقبوهمش مش هم اللي كانوا السبب؟ اقول لك ايه اقرا بقى الاية خمستاشر عشان ما حدش ايه آآ يشيل حد مسئولية مش مسؤوليته هو
انما اموالكم واولادكم فتنة والله عنده اجر عظيم. اموالكم واولادكم دول مجرد اختبار لكم. ما حدش ضربك على ايدك وقال لك تسرق علشان طلباتهم ما هو ما قالكش اسمه فلو انت عملت كده وسرقت
هي غلطتك انت هي مش غلطتهم هم. هم فتنة هم اختبار لكن ما تشيلهمش هم غلطتك. لذلك الاية اربعتاشر بتخليك تعفو وتصفح وتغفر والاية خمستاشر بتقول لك هم مجرد اختبار لو انت سقطت في الاختبار دي غلطتك
انت مش غلطتهم هم في نفس الوقت لو انت نجحت في الاختبار فربنا هو اللي هيأجرك. مش هم انما اموالكم واولادكم فتنة. والله عنده اجر عظيم وقدرت تمسك نفسك تبدي حب الله على حبهم
ساعتها انت مش هتغلط وساعتها اجرك عزيم
