الحج يا جماعة لا يقل اهمية عن الصلاة والصوم والزكاة. الرسول عليه الصلاة والسلام لما يقول آآ بني الاسلام على خمس. معنى كده ان الخمسة دول مش هم الاسلام بناء الاسلام واقف عليهم على الاعمدة دي
فبني الاسلام على خمس اي عمود من دول لو اتكسر ممكن يتكسر الدين نفسه في قلب الانسان لزلك الحج احد هذه الاعمدة الهامة جدا عندنا. طيب المشكلة ان الناس بتروح تحج وترجع نسكت نتفرج دلوقتي على فيديو على الفيسبوك بتاع آآ
ناس قاعدين في مزدلفة او في منى بيلعبوا كوتشينة المشكلة ان الناس بتؤدي الشعائر دون ان تفهم هي بتؤدي ايه بالزبط الحجر والتلبية اللي بنقولها في الحج ورمي الجمرات اللي في الحج. كل ده
عبارة عن كمالة القصة القصة اللي بدأت عند بدء الخليقة ربنا سبحانه وتعالى خلق ادم بص ربنا سبحانه وتعالى بيقول ايه ولقد خلقناكم ثم صورناكم ثم قلنا للملائكة اسجدوا لادم فسجدوا. ربنا بيكلمنا كلنا ولقد خلقناكم ثم صورناكم. ثم قلنا للملائكة اسجدوا
يعني احنا كمان ادم قصة ادم وحواء يا جماعة ليست كاي قصة اخرى في القرآن الكريم كل قصص القرآن عشان ناخد منه عبرة اما قصة ادم وحواء والشيطان التلاتة دول
هي اهم من كل هذه القصص لانها ليست للعبرة. هي قصص تأسيسي بيؤسس حياتنا يعني المبنى اللي انت بتشوفه عشرين دور دوت فيه تحت اساسات مرمية وعمق عدة ادوار انا ما اعرفش قد ايه يا بشمهندس مدني لكن هناك اساس مبني عشان المبنى يقف قوي. قصة ادم وحواء هي اهم قصة في القرآن الكريم لانها بتؤسس
بتضع الاسس بتاعة حياتك ربنا بيكلمنا كلنا ولقد خلقناكم ثم صورناكم ثم قلنا للملائكة اسجدوا لادم فسجدوا الا ابليس لم يكن من الساجدين  ربنا قال ما منعك الا تسجد اذ امرتك
قال انا خير منه خلقتني من نار وخلقته من طين يعني انا ابيض وهو اسود يعني انا اوروبي وهو عربي يعني انا عربي هو هندي  دي العنصرية ان انسان يفتكر نفسه او ان اي شخص يفتكر نفسه افضل من الاخرين بسبب لونه او عنصره او اللغة اللي بيتكلمها او فاكر نفسه افضل من الاخرين بسبب شيء ذاتي فيه هو
وليس بسبب قربه من الله دي اللي بيسموها الخطيئة الاصلية عند اخوانا المسيحيين الخطيئة الاصلية عبارة عن اه اه ثمرة فاكهة اكلت من شجرة محرمة. احنا عندنا نفس القصة ان في ثمرة اكلت
من شجرة محرمة ولكن ليست هذه هي الخطيئة الاصلية في الاسلام. الخطيئة الاصلية يعني اول خطيئة. اول خطيئة مش خطيئة ادم وحواء خالص. اول خطيئة هي خطيئة ابليس الذي ان يسجد لادم. احنا كلنا لادم
لانه فاكر نفسه افضل لان هو من نار واحنا من طين العنصرية هي الخطيئة الاصلية في الاسلام قال قال فاهبط منها. فما يكون لك ان تتكبر فيها. اطلع برة ما فيش مكان في الجنة للعنصريين. يبقى الاساس الاسلامي اللي الاسلام جاي به الرسالة اللي الاسلام جاي بها للعالم
هي الاساس في الاساس ايه؟ انكم كلكم زي بعض. وكل مخلوقات ربنا زي بعض مش بس البني ادمين. وما فيش حد افضل من حد الا بقربه من الله بالتقوى. والعنصرية هي
اول خطيئة وهي التحدي الاساسي اللي بيواجه كل الناس والعنصريين لا مكان لهم في الجنة اخرج انك من الصاغرين وبعدين ايه علاقة كاملة بالحج؟ لا له علاقة بالحج. هتشوف دلوقتي. كل ده له علاقة بالحج
نهاية القصة بتحصل في الحج ابليس دعا ربنا. قال انظرني الى يوم يبعثون قال فانك قال انك من المنظرين. ربنا استجاب وقال له انا هدي لك مهلة لن اعاقبك فورا الان
فبص بقى التحدي. قال فبما اغويتني لاقعدن لهم صراطك المستقيم انا هستناهم على الصراط وهخليهم ايه ثم لاتينهم من بين ايديهم يعني من قدامهم. ومن خلفهم وعن ايمانهم وعن شمائلهم. ولا تجدوا اكثرهم شاكرين
ركز في الكلمة دي. ده بيتحدى ربنا. ولا تجدوا اكثرهم شاكرين نخرج منها مذئوما مدحورا. لمن تبعك منهم لاملأن جهنم منكم اجمعين. ربنا ما قالش ان مش هيحصل من الناس
لا في ناس هتتبعه. وفي ناس مش هتشكر ربنا. لكن في النهاية مصيرها ايه؟ النار هم وابليس مع بعض ازا الشيطان تحدى ربنا وقال له ان هو هيخلينا معزمنا معزم الناس معظم بني ادم
الحج بقى احنا بنلبي ونقول ايه لبيك اللهم لبيك. لبيك لا شريك لك لبيك. ان الحمد والنعمة لك والملك. لا لا شريك لك ان الحمد والنعمة لك والملك لا شريك لك
انت بتعلن تحديك للشيطان وتعلن انحيازك الى الله سبحانه وتعالى. بتنحاز الى الى المؤمنين اللي بيتحدوا ويعلنوا انهم شاكرين. مش هو قال ولا تجدوا اكثرهم شاكرين؟ لا احنا احنا بقى شاكرين
وبعدين بتلبس حتتين قماش والستات بتلبس لبس آآ بسيط زينا البيض زيهم زي السود زيهم زي الهنود زيهم زي العرب زي زينا كل بعض. فبنعلن انحيازنا ضد الشيطان وضد المبدأ الشيطاني مبدأ العنصرية وان الانسان يضل نفسه افضل
مسألة خطيرة لزلك الاسلام فلسفة لابد ان احنا نفهمها الطلبية هي اعلان في اي فريق انت انت في الفريق الذي مع الله وليس الذي مع الشيطان تنحاز الى طريق المؤمنين
وبعدين بنفضل نلبي ولا نقطع الطلبية حتى انه المفروض ان في الحج المحرم لما بيقابل المحرم الاخر ما يقولوش السلام عليكم المفروض السنة يقول له لبيك اللهم لبيك. لبيك اللهم لبيك
وما فيش قص شعر وما فيش قص ضوافر دي معناها معناها ان انت لبست اللبس ده اللي هو لبس الاحرام دوت اللي هو يمثل الكفن وانك سلمت نفسك لربنا وليس لك آآ اي آآ سلطة حتى على جسمك. لا بتقص ضوافرك ولا تقص شعرك وتقابل حد تقول له لبيك اللهم لبيك. لا تقطع الطلبية الا لما
ترجم الشيطان رحت ورميت جمرة العقبة ساعتها بتقطع الطلبية انت جبت جون خلاص تعلن فرحك بقى. الله اكبر الله اكبر الله اكبر. لا اله الا الله. الله اكبر. الله اكبر ولله
انت كسبت الشيطان في الماتش ده
