يلا نبدأ بقى ايه الاية مية تمانية وتسعين ليس عليكم جناح ان تبتغوا فضلا من ربكم فاذا افضتم من عرفات فاذكروا الله عند المشعر الحرام واذكروه كما هداكم وان كنتم من قبله لمن الضالين
المشركين كانوا بيمنعوا التجارة والتكسب في الحج ربنا بقى سمح بهم لان انت هناك في الحج انت محتاج تشتري اكل وتشتري ازازة ماية يعني لو لو ربنا منع البيع على الحجاج
يبقى اللي عاوز يتاجر هييجي مش محرم وهييجي مش مش هيحج وهيقف يبيع ويفوت فرصة ان هو يحج. فربنا ترك فرصة للعمال الغلابة اللي مش هيقدروا يطلعوا يحجوا على حسابهم لو هو بيشتغل في شركة ولا في بتاع يقف بالاحرام بتاعه ويعمل شغله
وياخد ثواب الحج وياخد اجر كمان من الشركة اللي بيشتغل فيها طالما انه ادرك الوقوف في عرفات وعمل المناسك ومحرم ليه ما ياخدش ثواب الحج؟ وفي نفس الوقت بيعمل اعمال فيها خدمة للحجيج
ليس عليكم جناح ليس عليكم جناح ان تبتغوا فضلا من ربكم الفضل من الله والفضل هو الزيادة ليه؟ لان الاية اللي قبلها قال وتزودوا. فالمفروض ان كل حاج رايح بالزات الضروري بتاعه
فلو كمان بقى واخد معه حاجة وباعها وتاجر هناك او اشترى حاجة فده زيادة ده فيه فضل من الله ماشي المهم تلتزم ولو انت حتى قمت بعمل او بتجارة او غيره نفس الكلام. فلا رفث ولا فسوق ولا جدال في الحج. لا فيه فصال
ولا في صخب ولا في علو صوت. هم في واحدة من الناس اللي سامعيني دلوقتي رحت معها الحج سنة ستة وتسعين وهي بتحب تفاصل مع البياعين. قلت لها ما فيش فصال مع البياعين. ما تبوظيش الحجة بتاعتك
يعني يعني يضحك علي؟ يعني حاجة بتلاتين اشتريها بتلاتين عشان قالي بتلاتين وهي تمنها عشرة مسلا قلتلها محدش قال كده بس مش عاجبك السعر قولي له السعر بتاعك قال لأ ما ترجعيش تاني خلاص. خلص الموضوع وتمشي وتسيبيه. وبعد الاحرام يا ستي ابقى اشتري اللي انت عايزاه
انا راكب الاتوبيس وشايفها تحت واقفة كده مع البياع لقيت البياع ابتدى يتكهرب وابتدى يتنرفز فنزلت بسرعة لقيتها بتعمل كده. ده بكام ؟ تلاتين بيقولوا عشرة يقول لها لأ طبعا
ما دام قال لها لأ انا قلت لها ما ينفعش ترجعي تكلمي ازاي ؟ تقوم ترجع لحاجة تانية خالص سلعة تانية وتتكلم عنها. يقول الدولة ستاشر قلت له طب تمانية. يقول لها لأ تقوم راجعة للاولانية وتقول
عشرين وقال رحت بقى طبعا ايه يعني في ناس في دمها المسألة دي. لا يا جماعة خلاص عايز تشتري عايز تبيع عايز تعمل حاجة؟ بس التزم بايه لا جدال في الحج
لا فسوق في الحج لا في عل وصوت ولا في شتيمة ولا في خناق ولا في لو التزمت بده تقدر تبتغي فضلا من ربك. اعمل اللي انت عايزه دي رحمة من عند ربنا
وعلى فكرة وده علشان احنا كمان نتعلم لما نتعامل في البيع والشراء نشتري بطريقة صح. هو اصلا الصح بلاش جدال قال النبي صلى الله عليه وسلم رحم الله رجلا سمحا اذا باع
واذا اشترى واذا اقتضى عنده سماحة في البيع. وسماحة في الشراء وسماحة في قضاء اموره. امور ماشية بسهولة بسلاسة. مش كل حاجة خناق مش كل حاجة افصال مش كل حاجة
انما الواحد ينظر للصيغة بتاعة الاية الحقيقة دي بعد الامر بتاع وتزودوا يعني عشان ما تطلبوش من اي انسان اي حاجة تيجي الاية دي تقول لك لأ بس ربك اللي خلقك ورزقك
اطلب منه هو ما فيش مشاكل شف الاية ليس عليكم جناح انت ابتغوا فضلا من ربكم ما تبتغيش من الناس حاجة. وتزودوا عشان تحتفزوا بعبوديتكم. بس من ربكم ابتغوا اطلبوا واسألوا
شوفوا الوسطية هنا لكن مجرد ترتيب الاوامر بالتناسق ده يشعرك ان الكلمات دي وكانها الوان في لوحة مرسومة. الالوان متناسقة جدا مع بعضها كمل معي بقى تمانية وتسعين
