واحد وعشرين والذين واحد وعشرين بقى عايزة تركيز قوي فيها كم معاني خطير. والذين امنوا واتبعتهم ذريتهم ايمان الحقنا بهم ذريتهم وما التناهم من عملهم من شيء كل امرئ بما كسب رهين
قلنا الجنة ما فيش فيها غم خالص سجلنا درجات واحد قاتل في سبيل الله وجاهد واستشهد في سبيل الله ده مش زيه زي اللي كان بيسقي الناس ميه الاتنين عمل صالح
بس ده مش زي ده سورة التوبة اجعلتم سقاية الحاج وعمارة المسجد الحرام. كمن امن بالله واليوم الاخر وجاهد في سبيل الله لا يستوون عند الله. الدنيا مش ابيض واسود يا جماعة
لا لا ده فيه وكل حاجة لها تمن وكل حاجة لها جزاء  واحد قاعد راكب في الطيارة درجة اولى. واولاده قاعدين في الدرجة السياحية مش قاعدين معه مش هيبقى مبسوط
يبقى مغموم  نفرض ان اب دخل الجنة في درجة عالية جدا وله تلات اولاد كل واحد منهم في درجة مختلفة. كمان يعني حتى مش مع بعض برضو. كل واحد بقى حسب عمله
الاية دي بتقول ان هيتعمل ابجريد للتلات عيال بحيس يبقوا معه في نفس الدرجة بتاعته يستمتع بصحبته الشرط الوحيد انهم يبقوا مؤمنين علشان يبقوا من اهل الجنة اقرا واحد وعشرين وشوف الدقة
والذين امنوا واتبعتهم ذريتهم بايمان خلي بالك ايمان نكرة ما قالش واتبعتهم ذريتهم بالايمان. لأ بايمان نكرة الحقنا بهم ذريتهم وما التناهم من عمله من شيء. ايمان نكرة يعني اي ايمان
مش لازم درجة عالية اوي اي ايمان مقبول مبروك يتعمل له ويطلع يقعد مع بابا فوق طب ولو ابنه كافر وراح النار مش هيتغم؟ لأ مش هيتغم. ليه؟ لان بتنقطع عرى القرابة دي
الدرجات الصلة الصلات متعلقة بالله خلاص انما بتنقطع عرى القرابة والصلة تماما بالكفار. ربنا قال لسيدنا نوح ايه؟ قال يا نوح انه ليس من اهلك  انه عمل غير صالح. فسيدنا نوح لم يأس على ابنه اللي في النار
مش هيزعل عليه ده. هو يمكن في الجنة مش هيفتكره اصلا خلاص القرابة بتبقى على اساس الايمان وليس على اساس الدم في الاخرة لكن لو ابنه دخل الجنة بس مش معه
مش هيستمتع هيبقى مغموم لان ابنه موجود بس مش معه ربنا قال لو حد من الذرية كان عنده ايمان اي درجة من درجات الايمان هيتعمل له اب جريد ربنا يجمعه مع اهله فوق
واحد وعشرين الحقنا بهم ذريتهم وما من عملهم من شيء من غير ما يعني ربنا هيجمعهم باهلهم من غير ما ربنا ينقص حد فما فيش حد هينزل درجة عشان يبقى مع قرايبه. لأ اللي تحت هو اللي هيطلع فوق. بس هنا فيه شبهة
ايه بقى يعني انا يتعمل لي ابجريد واستمتع اكتر من اللي انا استحقه لمجرد ان ابويا في درجة عالية ايه زنب الناس اللي في نفس الدرجة بتاعتي اللي ما لهمش اهل في الدرجات الاعلى
ما يتعملهمش ابجريد هم ليه فاهمين يا صديق؟ الجنة مائة درجة كما ورد في الاحاديس الصحيحة مثلا خد بقى مثال سامي في اعلى درجة في الجنة كان شخص محترم جدا واستشهد في سبيل الله ودخل بقى ايه اعلى درجة في الجنة
ابن احمد الدرجة رقم سبعين مصطفى زميل ابنه احمد في المدرسة كان احسن من احمد ابنه بكتير جدا وكان بقى بيصلي الفجر في المسجد كل يوم وبيطعم الفقراء كان ممتاز. الواد يا عيني ما شاء الله عليه
بيغض البصر كل حاجة مصطفى زميل احمد ده دخل الدرجة رقم اتناشر. خلي بالك بقى. سامي في درجة واحد هنا واحمد ابنه هنا في الدرجة رقم سبعين. مصطفى زميل احمد في الدرجة اتناشر. هيتعمل لمصطفى ابجريد
ويبقى مع سامي ابوه واسف لاحمد ابو جريد ويبقى مع سامي ابوه. والواد اللي في في اتناشر ده هيفضل زي ما هو هنا بقى ايه فين العدل بقى كمل الاية واحد وعشرين
كل امرئ بما كسب رهين بنقراها دايما ومش فاهمينها. ايه علاقتها بالاية دي درجة نعيم كل واحد هتبقى زي ما هي على قد عمله ايه كون ان في ناس الحقت باهلها في درجات اعلى
وده علشان اهلهم يتنعموا بصحبتهم. اللي في الدرجات العالية. لكن درجة النعيم بتاعة احمد اللي في الدرجة سبعين هيفضل يتنعم بنفس الدرجة دي ازاي ؟ ما هو معه اهله خلاص ما ممكن انا وانت نكون قاعدين بناكل كنافة
ودرجة استمتاعي بها غير درجة استمتاعك انت بها. احنا الاتنين بنستمتع بنفس الحاجة. وفي نفس الوقت لكن مش بنفس القدر قدر النعيم هيختلف. لان كل امرئ بما كسب رهين كلمة رهين زي رهينة ما يقدرش يغير وضعه
المتحكم في عمله عملك الصالح وايمانك وعبادتك في الدنيا هي اللي هتحدد تنعمك في الاخرة حتى لو انت الحقت بابوك وامك في درجة عالية
