يا ايها الذين امنوا اتقوا الله حق تقاته ولا تموتن الا وانتم مسلمون. طب وايه كمان عشان يبقى بتقي الله حق تقاته. اقرا كده مية وتلاتة واعتصموا بحبل الله جميعا ولا تفرقوا. يعني مش بس حتموتوا يعني مش بس تتمسكوا بالاسلام كل سانية في حياتكم. لأ وكمان
واعتصموا بحبل الله جميعا ولا تفرقوا واذكروا نعمة الله عليكم اذ كنتم اعداء فالف بين قلوبكم فاصبحتم بنعمته وانا وكنتم على شفا حفرة من النار فانقذكم منها. كذلك يبين الله لكم اياته لعلكم تهتدون. يبقى عشان تتقوا الله حق تقاته لا تموتن
وانتم مسلمون وقلنا ازاي ؟ تتمسك بالاسلام كل لحزة في حياتك. وايه كمان ؟ تعتصموا بحبل الله جميعا ولا تفرقوا وايه كمان؟ وتذكروا نعمة الله عليكم اللي هي ايه؟ اللي هي الوحدة بعد التفرق
قلنا لا تموتن الا وانتم مسلمون تتمسكوا بلسانكم لحزة لحياتكم. طب واعتصموا بحبل الله جميعا ولا تفرقوا يعني تتمسكوا بحبل الله. يعني بشرع الله يعني بالقرآن بكتاب الله. يعني بالسنة
اللي هي وحي من الله ولكن عبر عنها النبي بالفاظه هو وتتمسكوا بشرع الله ده وانتم مجتمعين وكلمتكم غير مفرقة. واعتصموا بحبل الله جميعا ولا تفرقوا. الكلام ده ليه بقى
عشان الناس اللي بيقول لك موضوع ان احنا نقيم دولة الاسلام ونوحد كلمة المسلمين. الكلام ده ما لوش اي مكان من الاعراب. والكلام ده مش موجود في الاسلام. واهم حاجة العقيدة
اهم حاجة وهو ما بيتكلمش غير في الموضوع ده. مين قال لك كده ؟ ده انت من عقيدتك الاعتصام بحبل الله جميعا ولا تفرقوا يعني الوحدة. وحدة المسلمين. ووحدة كلمة المسلمين
اساس في العقيدة اساس في العقيدة واساس في ملة ابراهيم واساس في دين الاسلام ما ينفعش ان حد يدعي ان هو مسلم ويعلم الناس وبعد كده يهمل مسألة توحيد كلمة المسلمين
يبقى تتحدوا على الحق مش على الباطل. ما هو ما هو قال لك اعتصموا بحبل الله جميعا ولا تفرقوا. ما ممكن ناس تعتصم بحبل الشيطان وما تتفرقش. ممكن ناس يوحدها الباطل. احنا نرى ان الحق هو الذي يوحدنا. كمل بقى
اذكروا نعمة الله عليكم اذ كنتم اعداء فالف بين قلوبكم فاصبحتم بنعمته اخوانا. افتكروا الايام اللي كنتم متفرقين ومتشرذمين فيها يا جماعة العرب كانوا قبائل متناحرة بتتخانق على شوية معيز وحاجة كانت فضيحة
جه الاسلام في زرف عشرين سنة كانوا بيوقعوا دولة الفرس ودولة الروم اكبر حضارتين دي الفين وخمسمية سنة ودي الفين سنة. وبيقيموا دولة واحدة اكبر دولة عرفها العالم. دولة العدل
والاحسان اللي حصل ازاي ده! ده معجزة دي نعمة الله. واذكروا نعمة الله عليكم اذ كنتم اعداء فالف بين قلوبكم واصبحتم بنعمته اخوانا اعداء كنتم بتسفكوا دماء بعض لاسباب تافهة. بتقتلوا بعض. لما تتذكروا هذه الايام
مش هتحبوا انها ترجع تاني ابدا عشان تحافزوا على وحدتكم. وعشان الشيطان ما يدخلش بينكم. افتكروا الضرر بتاع الفرقة والتشرذم علشان تخافوا على وحدتكم. واذكروا نعمة الله عليكم اذ كنتم اعداء فالف بين قلوبكم
يعني ايه؟ يعني الالفة يعني الحب نعمة من الله نعمة الله عليكم ليه ايه ؟ كنتم اعداء فالف خلى فيه حب بين قلوبكم. يبقى الحب نعمة من الله فاصبحتم بنعمته اخوانا. كنتم تتصوروا وانتم بتحاربوا بعض. وبتسفكوا دماء بعض انكم في يوم من الايام هتحبوا بعض
وزي الاخوات الاخوة جمعت بين الاوس والخزرج اللي كانوا بيقتلوا بعض بقوا اخوة الانصار ضحوا بكل حاجة عشان اخواتهم المهاجرين بص في عدد اللي خرجوا في غزوة بدر تجد الاقلية من المهاجرين والاكثرية من الانصار. مع ان الانصار ما لهمش حاجة عند آآ عند عند قريش
ايه اللي يخليهم يطلعوا ويضحوا بحياتهم دفاعا وانتقاما لاخوانهم المهاجرين حب في الله. حالة من الحب غريبة مين اللي انقزكم من النار؟ وكنتم على شفا حفرة من النار فانقذكم منها
ده انتم كنتم بتعبدوا اصنام من الحجر وكنتم بتطوفوا بالبيت عرايا انتم على وشك تقعوا في النار خلاص وكنتم على شفا حفرة من النار فانقذكم منها. كذلك يبين الله لكم اياته لعلكم تهتدون
كنتم على حرف حفرة وهتقعوا في النار فانقذكم منها! مين اللي انقذكم منها ربنا! طب انقذنا ازاي يعني ناس هتقع في النار خلاص هتقع حصل ايه ؟ فيه حبل اتدلدل. فمسكوا فيه وتشبثوا فيه في اخر لحظة. اطلع لاول الاية واعتصموا بحبل
جميعا يبقى الاعتصام بالحبل ده هو اللي خلاهم ما يقعوش في النار. شف التشبيه خطير. كلام له معنى عقائدي وفي نفس الوقت بيرسم لك صورة زهنية كانك اتفرج على فيلم
فيلم انتاجه متكلف ملايين الدولارات عشان يجيب لك الصورة الزهنية دي ناس هتقع في النار ولقوا حبل ويتمسكوا فيه مش معقول. قال النبي صلى الله عليه وسلم ان هذا القرآن سبب
صرفه بايديكم سانية واحدة اشوف هنا اهو ان هذا القرآن سبب طرفه بيد الله. وطرفه بايديكم. فتمسكوا به فانكم لن تضلوا ما ان تمسكتم به. كلمة السبب يعني حبل السبب يعني حبل. ربنا قال في سورة الحج
اللي تدبرناها فليمدد بسبب الى السماء ثم ليقطع اذا سبب يعني حبل. فالرسول بيقول القرآن ده عبارة عن حبل من ناحية في ايد ربنا ومن الناحية التانية في ايديكم انتم تمسكوا به علشان لا تضلوا ابدا بعد ما تتمسكوا به
تمسكوا بالقرآن. طب نتمسك بالقرآن ازاي ازاي نحطه نعلقه على الحيطان نحطه في التابلوه بتاع العربية نعمل ايه عشان نتمسك بالقرآن دي الطريقة اللي ربنا قال عليها كتاب انزلناه اليك مبارك ليدبروا اياته. وليتذكر اولو الالباب يعني بالتدبر لا مفر من التدبر
وبقولها لكم تاني هو. انا لا اقلل ابدا من اهمية حفز القرآن لكن حفظ القرآن بدون تدبر لا يكفي ولا يحفظ الانسان من الكفر. وانا اعني ما اقول. اقولها لكم بصراحة. لو حد فاهم ان هو لو حفز القرآن كله
بدون فهم وبدون تدبر هو كده ربنا هيحفزه ويحفز ايمانه بيضحك على نفسه كذلك يبين الله لكم اياته لعلكم تهتدون. التذليل ده بتاع الاية يرجعك تقرا الاية كلها تاني. يعني انت بتقرا اية
ربنا بيقول لك ايه؟ كذلك يبين الله لكم اياته لعلكم تهتدون يعني ايه الكلام اللي فات ده؟ فيه الهداية تخليك ترجع بقى تقرا الاية تاني من اول وجديد  يعني يعني بيقول لك ان لو ادركت المعاني اللي في الاية دي
انت كده ربنا هيهديك. يوم ترجع بقى وتقرا تاني واعتصموا بحبل الله جميعا ولا تفرقوا واذكروا نعمة الله عليكم اذ كنتم اعداء فالف بين قلوبكم واصبحتم بنعمته اخوانا وكنتم على شفا حفرة من النار فانقذكم منها. كذلك يبين الله لكم اياته لعلكم
تهتدون
