طب ما تيجوا نسأل النبي صلى الله عليه وسلم. النبي صلى الله عليه وسلم في مرة بيقول يؤتى يوم القيامة بالقرآن واهله. الحديث في صحيح مسلم. وفي رواية يأتي القرآن واهله. تقدمه سورة البقرة وال عمران تحاجان عن صاحبهما الى نهاية
الحديث. الكلام ماشي ولا مش ماشي؟ صح ولا مش صح؟ ماشي. ان القرآن يأتي واهله تمام كده؟ لكن لا لا لا النبي ما قالش كده. في ده ناقصة احنا شلناها. قال يؤتى يوم القيامة بالقرآن واهله الذين كانوا يعملون به في الدنيا
الذين كانوا يعملون به في الدنيا اه كيف كان ممكن يمشي من غير الجملة دي؟ دي في اللغة بيسموها جملة ايه؟ اعتراضية صح؟ هي في النحو كده. طب والجملة الاعتراضية هدفها ايه؟ بيقولوا عليها تفسيرية
يعني النبي قاصد؟ ايوة صلى الله عليه وسلم قاصد. قاصد انه يقول مين اهل القرآن؟ تمام؟ خوفا من ان ييجي في الامة ناس يظنوا ان اهل القرآن هم حد غير العاملين بالقرآن. وصلت؟ ايه ده
اهل القرآن طلعوا اللي بيعملوا به. مم. هم دول. ايه ده يعني مش الحافظين؟ اه ده بقى موضوع مهم جدا جدا جدا هناقشه بالتفصيل اه هناقشه بالتفصيل مين اهل القرآن؟ العاملين بالقرآن
ان شاء الله من المواد العلمية اللي انتم هتاخدوها ان شاء الله هيبقى فيه كتاب اسمه رحلة البحث عن اهل القرآن احنا جايبين كلام اربعين عالم بيقولوا ان اهل القرآن هم العاملين بالقرآن. احكي لكم عبارة واحد منهم بس الامام ابن القيم في زاد المعاني
اسمعوا العبارة دي كويس جدا. بيقول واهل القرآن هم العالمون به العاملون بما فيه وان لم يحفظوه عن ظهر قلب. واما من حفظه ولم يفهمه ولم يعمل بما فيه فليس من اهله. وان اقام حروفه اقامة السهم
ايه ده! يعني اللي هو مش آآ اه هو كده. هي كده فعلا. هو الموضوع كده. يعني احنا في ناس كانت عايشة في وهم سنين. ناس عايشة في وهم في تغرير. احفز عشان تبقى من اهله. بالحفظ بس. اه ناس كانت عايشة في
ده يعني فيه ناس كتيرة كانت عايشة في اليأس والاحباط ده انها مش ممكن يكونوا من اهل القرآن ابدا عشان مش قادرين يحفزوا؟ اه. كانت في ناس عايشة. عشان كده الكلام ده كلام سيدنا النبي صلى الله عليه وسلم. كلام مهم جدا
ليه؟ لانه قطع اليأس اللي عند كتير من المشاهدين وكتير من السامعين. انا ما ينفعش اكون من اهل القرآن. انا مش حافز. وفي نفس الوقت قطع التغرير الفهم الغلط اللي كان عايش فيه ناس متصورين ان انا لو حفزت ابني القرآن يبقى من اهل القرآن وانا لو حفزت
وبس ابقى من اهله بس. طيب كده يعني ما فيش آآ فرق ما بين الواحد يحفز ولا ما يحفزش؟ طب ما كده بقى ما احسن. يعني كده ما لوش لازمة الحفز. هو اهل القرآن دول كلهم حاجة واحدة كلهم زي بعض؟ لأ
اهل القرآن درجات. درجات ازاي؟ ده اللي هنعرفه في الحلقة اللي جاية ان شاء الله. اقول قولي هذا واستغفر الله لي ولكم. سبحانك اللهم ربنا وبحمدك اشهد ان لا اله الا انت استغفرك واتوب اليك