رحمان يا رحمن واسق حياتي قرب السلام عليكم ورحمة الله وبركاته ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا ومن سيئات اعمالنا انه من يهده الله تعالى فلا مضل له. ومن يضلل فلا هادي له واشهد ان لا اله الا الله وحده لا شريك له واشهد ان محمدا عبده ورسوله ثم اما بعد اهلا وسهلا ومرحبا بحضراتكم وحلقة جديدة من حلقات اطفالنا والقرآن وكنا اه شرعنا في الحديث عن الالية بعد ما تحدثنا بفضل الله عن الاهمية والنية والدافعية وتحدثنا عن كمان المنهجية كل الكلام ده المتعلق بالقرآن الكريم احنا شرعنا في الحديث عن الالية الالية والطريقة والوسائل وما يتعلق بها وكنا بفضل الله في الحلقات الماضية اتكلمنا عن مسألة مهمة جدا او في رأيي انها قضية في غاية الاهمية قضية بنائية في غاية الاهمية وهي قضية المحتوى من ناحية الكم ومن ناحية الترتيب وهنبدأ بعد كده نتكلم في بعض مكونات العملية التعليمية. والنهاردة الحقيقة انا عايز اقف مع حضراتكم مع مكون مهم جدا من مكونات العملية التعليمية. لكن قبل ما اتكلم عن المكون ده عايز اخد اطلالة كده على الواقع بتاعنا الاطلالة اللي على الواقع بتاعنا بتقول ان لما نيجي نبص النهاردة لعملية التعليم القرآني او نيجي نبص حتى يمكن بسكوب اوسع او او بنظرة اوسع لعملية التعليم الديني ككل نجد ان هو تقريبا اقل العمليات التعليمية اللي بيتم فيها استخدام وسائل توضيحية او بيانية اه اكيد حضراتكم عارفين ايه اللي اقصده بكلمة وسائل في بعض الاوقات من المعضلات ايضاح الواضحات او في حاجات كده كده معروفة. وسيلة تعليمية هي طول او اداة انا عشان خاطر خاطر اوصل الفكرة بتاعتي في اوقات المعاني المعنوية المحسوسة بتتجسد فيها في صورة مادية ملموسة فمثلا ممكن استخدم رسمة معينة ممكن استخدم مسلا ايه حركات جسمي او ايدي ممكن استخدم بعض الحاجات مكونات من البيئة اللي حواليا بيستخدموا فوم احيانا يستخدموا يعني كل دي اسمها وسائل تعليمية او توضيحية خادمة بالعملية التعليمية. تمام؟ يبقى فانا عندي فكرة دلوقتي وانا عايز الوسيلة التعليمية دي تخدمها ان هي تبينها. سواء كان بقى البيان ده على المستوى القولي او البيان العملي على مستوى بيان المعنى بس او تفهم المعنى او على مستوى بيان آآ آآ التطبيق ازاي يتم التطبيق او العمل او على مستوى بيان العواقب المهم اي جزء من من المعلومة ده انا باستخدم الوسيلة انها تبينه او توضحه اكتر او تقربه له وتخليه ايسر بالنسبة لي في الاستيعاب والتذكر تمام طيب مش هتكلم كتير في فلسفة الوسيلة التعليمية وايه هي الوسيلة التعليمية بالضبط يعني ده مش هيخفى على شريف علمكم في الغالب. لكن انا عايز اتكلم هنا عن الوسائل التعليمية في عالم التعليم القرآني او الوسائل التعليمية في التعليم الشرعي يمكن زي ما قلت للاسف الشديد مثلا هو معلم القرآن بيعمل ايه؟ بيقعد والدور اللي بيقوم بيه بالضبط ان هو بيقرأ الولد بيسمع آآ بعد كده الولد بيقرأ هو بيسمع بيصح له وخلاص يلا ويعني او اي صورة بقى من الصور اللي بتم صور التسميع اللي بتم دي عند الايه عند يعني ما بين المعلم والمتعلم هي الصورة في الاخير آآ لا تعدو كونها عملية كده لا يتم فيها تقريبا آآ استعمال اي وسائل يعني. ويمكن اللي خلى شكل عملية التعليم كده ان هي بالاساس آآ هي اشبه بعملية التلقين انا بتكلم على مستوى الحفظ لو هيجي مسلا بقى يعلم تجويد لأ بيستخدم وسائل ابداعية وطرائق ومش عارف ايه عشان هو مش عايز يعرفه التجويد ولا ولا يحفزوا قواعد التجويد هو عايزه يمارس التجويد فلما شاف انه محتاج يمارس فحاول يجتهد في ان هو يستخدم وسائل وطرائق كتيرة علشان يعينه على الممارسة. لكن برضه من اسباب ان احنا ان بيئات التعليم القرآني عندنا آآ فيها يعني اقول ايه ندرة ايه يعني ايه ده تقريبا لا يكاد يكون فيها وسائل تعليمية مستعملة ان اصلا احنا العملية التعليمية هي ببساطة بتنحصر في انا اسف في اللفظ واتمنى كلامي ما يزعلش حد اه في دور ممكن يقوم به جهاز اه الكتروني. ان انا اقعد اه اسمعه واسمع له ولو كلمة غلط بيديني لون احمر لو كلمة صح يديني لون اخضر وكده يعني يعني خلاص هو الدور ده بس اللي بيقوم به اه وان اه كان اه شايف ان الموضوع طبعا ابعد من كده بس ده اللي بيتم في بيئات التعليم القرآني بتاعتنا الموضوع ما وقفش عند كده. الموضوع كمان تطرق لمسألة ان لما حد يحاول يجيب وسيلة تعليمية توضيحية. الوسيلة دي ما فيهاش مخالفة شرعية. ولا خروج عن الضوابط الايمانية او العقدية او الفكرية اه للاسف يتهم بانه ابتدع او بانه خرج او بانه فعل طبعا باب الوسائل مختلف عن باب الغايات. وطبعا اكيد الاحكام آآ يعني آآ او الوسائل لها احكام المقاصد وغيرها من الامور بس يمكن الشيخ العثيمين رحمة الله عليه له كلام لطيف في باب الوسائل الوسائل وقال ان وسائل لا ينحصر لكنه ينضبط يعني ما هينحصرش ده حاصل كلامه يعني لكنه ينضبط مش هينحصر لانه كتير جدا بس هينضبط هينضبط بضوابط معينة لاستعمال الوسائل دي تمام فاصبح بعض الناس عنده عداء او عنده آآ نفور من بعض الوسائل الا ان مسلا بيتم استعمالها في تعليم الطب او في تعليم الهندسة او في تعليم كزا شوف ان من امتهان القرآن ان يتم استعمال الوسائل دي. تمام؟ زي ما مسلا كان في وقت ما الفيديو والتليفزيون والراديو وغيرها ودلوقتي اليوتيوب وغيرها والسيلفي الحاجات دي كانت في في وقت ما كان في بعض ناس واخدين منها موقف لان حتى هي في نشأتها ما نشأتش في خدمة الوحي او في خدمة القرآن الكريم آآ المشكلة بقى الاكبر ان بعض الفضلاء هو آآ قد لا يلتفت ان الشيء اللي بينكره النبي صلى الله عليه وسلم فعله قد لا يلتفت ان الشيء اللي بينكره النبي صلى الله عليه وسلم فعله خليني اقول ان بصراحة كل يوم ازداد يقينا ما احنا قصرنا جدا في حق النبي صلى الله عليه وسلم قصرنا جدا في اه فعلا في نصرته والدعوة آآ الى اتباع منهجه وابراز معالم العظمة في جوانب كتيرة في حياة سيدنا النبي صلى الله عليه وسلم يمكن الواحد كان له اهتمام شوية بمسألة التعليم والتعليم القرآني والكلام ده وانا كل يوم ازداد انبهارا بما اجده عند النبي صلى الله عليه وسلم ازداد انبهارا بالمهارات التعليمية اللي استعملها النبي صلى الله عليه وسلم ازداد انبهارا مساحة استخدامه للوسائل ازداد انبهارا بالقواعد والاسس والاصول اللي انطلق منها. حقيقة يعني حاجة مبهرة للغاية ويمكن من اكثر ما كان يحزني ان احنا ما عندناش دراسة موسوعية يعني شاملة حصلت كل ما يتعلق بالتعليم في آآ حياة النبي صلى الله عليه وسلم. وبدأت تحط الوسائل اللي استعملها والطرائق والاستراتيجيات. فيه محاولات هايلة وجميلة جدا انا تابعتها يعني في يعني انا طلعت ما يربو على متين تلتميت اه مادة اه علمية ما بين رسالة ماجستير ودكتور دكتوراة وكتابات كتيرة ومواد مقروءة ومسموعة آآ وغيرها لكن يبقى في الاخير ان احنا عايزين نؤسس لعلم اسلامي كده مش يبقى القصة كلها ان احنا نشوف نجيب الكلام اللي عند الغرب ونشرعنه. بنقدم لهم خدمة في الحقيقة هم ما كانوش يحلموا بها ان الكلام بتاعهم ده ييجي ناس مسلمين يقولوا لهم بص ده انا كمان هاطلع لك دليل من عندي اكد كلامك وممكن يكون تعسف او تكلف اه او انحرف في انه ياخد الدليل ده ويدلل به على الفكرة دي او المسألة دي اللي ممكن تكون في اصلها مناقضة للاسلام فاصبحنا بنقدم لهم خدمات مجانية ان احنا بنشرعن الحاجات اللي هم بيعملوها وده في رأيي ان هو انطلاقا من الانهزامية اللي احنا عايشينها. ان احنا مش عارفين قيمة اللي عندنا اه زي بالزبط اه البيت بتاع طرفة بن العبد في ناس تقول طرفة ابن العبد. لما يقول كلعيسي في البيداء يقتلها الظمأ والماء فوق ظهورها زي الجمال اللي بتسير في البيداء الصحراء الواسعة يقتلها الظنا تكاد تموت من العطش والماء فوق ظهورها محمول. احنا عمالين ندور يمين وشمال واحنا عندنا الكلام ده ببساطة شديدة جدا لو قلنا النبي صلى الله عليه وسلم عايزين ندي له توصيف فهو بابي وامي كان معلما. هو قال انما بعثت معلما ميسرا ولم ابعث متعمتا ولا معنتا هو كده النبي صلى الله عليه وسلم معلم بعث معلما. ولو قلنا ان الانبياء والرسل كلهم هنلخص مهمتهم في عبارة واحدة فهي تعليم الوحي تعليمه علما وعملا. بيان الوحي علما وعملا. بلاغ الوحي بلاغ معانيه علما وعملا وبلاغ مبانيه فدي دي مهمة الانبياء والرسل اصلا. فهم معلمين بعثوا معلمين. ولذلك كنت اقول يعني قصرنا ان احنا ننظر مسلا لسير الانبياء او الصالحين من زاوية تعليمية ونستفيد من المهارات التعليمية والوسائل التعليمية اللي هم والطرائق والاساليب اللي هم استعملوها بل زي ما قلت هنبقى عندنا اصلا تراث زاخر هنحتاجه حتى في العلوم الكونية مش بس في العلوم الانسانية فانا شخصيا يعني يمكن اقول سلكت سبيلي في ان انا آآ اهتميت بجانبين جانب القرآن وجانب الاطفال. جانب القرآن اني بقيت مهتم جدا اني احاول اشوف الوسائل التعليمية اللي نبي استعملها في باب التعليم القرآني والمهارات اللي استعملها في باب التعليم القرآني وباب بقى الاطفال ان الوسائل اللي استعملها مع الاطفال في تعليمهم في في بنائهم في تزكيتهم في تربيتهم لو صح التعبير وغيرها. ده باب محدد جدا في اطار او يعني في داخل ذلك الباب الواسع في النهاية ان احنا عايزين حاجة يعني حاجة فعلا تخصصية جدا للنقطة اللي احنا عايزين نتكلم فيها انا بس حابب يعني ان انا اه اوجه انظار حضراتكم مثلا مثلا لحاجة ممكن ما تكونش في حسباننا. في كتير من المحاضرات انا بطرح طرحة بقول يا جماعة دلوقتي انا عندي تلت كلمات عندي كلمة انسان وكلمة اجل وكلمة امل يا ريت حتى السادة المشاهدين والمشاهدات آآ يتابعوا معي القضية دي انا بطرح على حضراتكم طرح اهو عندي تلت كلمات اجل انسان واجل وامل وانا عايز آآ في جملة بتصف علاقة التلات حاجات دول ببعض الجملة دي بتقول ان الانسان اجله اقرب اليه من امله يعني هو عنده امل طويل بس الاجل اقرب له. هو متخيل ان الامل اقرب له والاجل بعده متأخر عنه. لأه في حقيقة بتقول ان الانسان ده الاجل اقرب اليه من الامل تمام هي الجملة كده الاجل اقرب الى الانسان من الامل تمام الانسان اجله اقرب اليه من امله. تمام؟ انا طرحت اديت حضرتك الجملة دي التعليمية المعلومة دي. لا عايزين نوصلها. المفهوم ده اللي عايزين نرسخه القاعدة دي اللي عايزين نوصلها وباقول لحضرتك اهو ياللا عايز زهن حضرتك يتفتق عن وسائل من حوالينا نستعملها في بيان الكلام ده فكر هتعمل ايه ارسم رسمة ممكن ترسم رسمة. ايه كمان تجيب مسلا مجسمات تستعملها ممكن تجيب مجسمات تستعملها. ايه ايه؟ دماغك هيتفتق عن كم وسيلة؟ هتجيب كم وسيلة؟ واحد اتنين تلاتة اربعة خمسة ستة سبعة انا يعني هحكي لحضرتك دلوقتي وانا حريص جدا على اني اقرأ الكلام بنصه عشان ما حدش بس يتصور انها مسلا تصرفت فيه زودت ولا نقصت هجيب لحضرتك دلوقتي النبي صلى الله عليه وسلم ازاي آآ استعمل سبع وسائل تعليمية عشان يوصل علاقة التلات كلمات دول ببعض عشان يوصل الفكرة دي للمتعلم او المتلقي اصلا سبع مواقف تعليمية. كل موقف قصة لوحده. انا هركز على بعد الوسيلة نستخدم وسيلة مش بيتكلم وخلاص. ما بيتكلمش وخلاص. لان يعني بيقولوا اللي مهتمين بالتعليم ومهتمين بما يسمى بالبريزنتيشن سكيلز او مهارات العرض بيقولوا ان ان البودي لان جودج او لغة الجسد اللي هي فيها حاجات مرئية يعني دي المفروض انها يعني المفروض انها لها نصيب الاسد في طال المعلومة الى الذهن وترسيخها في الذهن ييجي بعد كده اه نبرة الصوت وييجي بعد كده المحتوى زاته هو جازبيته وترتيبه وجودة عرضه وكده. تمام المهم فدي طبعا الوسائل دي بتخلي المعنى ده يدخل عالم تاني خالص احنا استخدمنا فيها او او استخدمنا فيها لغة جسد واستخدمنا فيها حاجات فبتخلي الامور مختلفة خالص انا يمكن لعلي بستعمل تعبيرات معاصرة زي البريزنتيشن سكيلز وبودي لانجوج او مهارات عرض ولغة جسد عشان بس اوصل الافكار يعني. تمام ويمكن علاقة الانسان باجله وامله آآ العلاقة دي آآ احنا اغلبنا اللي يعرفوا عنها الحديث اللي هو المشهور بتاع الرسم ده. تمام؟ لكن انا آآ يعني كل الاحاديث اللي هتكلم فيها دلوقتي احاديث صحيحة آآ صححها او حسنها اساطين آآ يعني علماء الحديث طيب نبدأ الموقف الاول واتمنى تعدوا معي. يعني اتمنى تعدوا معي. انا ازعم ان عندي سبع مواقف تعليمية وازعم ان انا هاوريكم آآ سبع وسائل استعملها النبي صلى الله عليه وسلم طيب نبدأ باول موقف آآ عن سيدنا عبدالله بن مسعود بيقول خط النبي صلى الله عليه وسلم خطا مربعا رسم مربع وخط خطا في الوسط خارجا منه وفي رواية انهما خطان خط في وسط المربع وخط خارج من المربع المهم ان هو النبي صلى الله عليه وسلم دلوقتي رسم رسمة رسم رسم. الرسم دي فين؟ على الارض طب عزرا لو قام واحد رسمها على سبورة واستخدم مسلا مركر ولا حاجة او استخدم قلم. لو قام واحد رسمها مسلا بالفوتوشوب لو قام واحد رسمها بانفوجراف. يبقى خلاص بقت مشكلة وبقت بدع وبقت مخالفة للسنة لو قام واحد الصورة اللي اترسمت على الارض. النبي صلى الله عليه وسلم بابي هو وامي استعمل المتاح له في بيئته وانا على تمام اليقين ان يعني كل اللي هو مفيد في التعليم في زمنا ومش مخالف للشريعة او في اطار الضوابط الشرعية لو كان متاح لسيدنا النبي صلى الله عليه وسلم فكان استعملها. انك هتشوف معي دلوقتي النبي صلى الله عليه وسلم تقريبا استعمل كل المتاح في بيته. المهم ده الموقف الاول مربع والمربع ده خارج منه خطه وفي رواية ان خارج منه في خطه في الوسط وخط خارج فوق طيب وخط خططا آآ صغارا الى هذا الذي في الوسط من جانبه الذي في الوسط. الخط اللي في الوسط ده خطوط على الجنب كده يبقى عندنا مربع اهو وخط خارج منه والخط اللي خارج ده فيه خطوط كده في الايه؟ في الوسط طيب وفي رواية قال طيب بعد ما رسم الرسمة دي سيدنا النبي صلى الله عليه وسلم. شف بقى ركز معي في ايه مش بس الوسيلة التعليمية في استعمال الوسيلة التعليمية. دي وسيلة اهو وسيلة هو استعملها الرسم على الارض استعمل ايده واستعمل الكلام ده ورسم على الارض او استعمل حاجة او عود رسم به. المهم دي رسمة دي وسيلة. شف بقى ازاي سيدنا النبي استعمل الوسيلة التعليمية ما جاش قال لهم تعال بص ده كزا وده كزا وده كزا. شف قال ايه؟ قال اتدرون ما هذا؟ استثارة ذهنية عشان يبقى متشوق ومستعد ان هو يسمع قالوا الله ورسوله اعلم. ايه ده ده بيهيأ السامع للمعلومة اللي جاية. كان ممكن يقول يا جماعة المربع ده يرمز لكزا وده يرمز لكزا وده يرمز لكزا هو النبي صلى الله عليه وسلم تلك المعاني المعنوية المحسوسة بيحاول يوصلها لنا بصورة مادية ملموسة مرئية بالنسبة لنا. المعاني اللي مش مرئية دي بيوصلها لنا بصورة مرئية. المهم فالنبي صلى الله عليه وسلم آآ ما انه قال ده كزا وده كزا. قال لهم اتدرون ما هذا؟ عشان يستفيد ذهنهم ويشد انتباههم ويخليهم متهيئين للمعلومة اللي جاية. قالوا الله ورسوله اعلم. قال هذا الانسان الخط الاوسط اللي هو في الوسط ده اللي في وسط المربع يا ريت حضراتكم تكونوا متخيلين معي. الخط اللي في وسط المربع قال هذا الانسان. اشار اليه هذا الانسان وهذا اجله محيط به او قد احاط به. اللي هو الخط المربع. يبقى الخط اللي في الوسط ده الانسان واللي برة ده ايه المربع ده ايه؟ اجله محيط به او قد احاط به. وهذا الذي هو خارج امله يبقى مين الابعد كده؟ الامل برة اهو هو اللي خارج برة المربع انما الاجل ما له اقرب للانسان اللي في النص ده من الخط اللي طالع تمام وهذه الخطط الصغار النبي بيعلي بقى ده هو مش بس النبي صلى الله عليه وسلم هنا بيأصل ده بيأصل ويفصل ويعلل ويحلل ويمثل وينزل على الواقع بابي وامي صلى الله عليه وسلم اه هو هنا بنشوف النبي بيأصل الفكرة وبيفصل فيها في انسان فيه خطط صغار وفيه خط مربع وفيه كزا وفيه كزا وفيه كزا لأ يعلل الكلام ده ليه الانسان اجله اقرب اليه من امله؟ وبيحلل الظاهرة دي هو الانسان بيعمل كده ليه ؟ ايه مشكلته؟ والنبي صلى الله عليه وسلم بيمثل بيدينا مثال يعني ضرب الكلام ده عمله في صورة مثال ضربه لنا قدامنا. والنبي صلى الله عليه وسلم بينزله على واقعنا عشان الانسان تبقى حاضر له دايما كده كل ما يبقى ماشي يفتكر القصة دي المهم فبيقول وهذه الخطأ الخطط الصغار الاعراض فان اخطأه هذا نهشه هذا وان اخطأه هذا نهشه هذا يبقى هنا المربع ده بيمثل الاجل الخط اللي في الوسط بيمثل الانسان الخطوط الصغيرة اللي على جنبه دي بتمثل الاعراض الاعراض ايه مرض حادسة مش عارف ايه ساكتة حاجات اعراض كتيرة جدا. الاعراض دي كلها مع مين هي بتتواطأ مع مين؟ مع الاجل مش مع الامل. في صالح الاجل مش في صالح الامل. فالانسان الاجل قريب له والاعراض كمان اقرب له من الاجل وهناك بعيد الامل بتاعه وصلت الفكرة ولا ما وصلتش؟ وصلت باروع صورة. انا مش بس بيستوقفني ان النبي صلى الله عليه وسلم استعمل وسيلة تعليمية. بيستوقفني دقة استعمال الوسيلة التعليمية دقة رهيبة ان هو ما ما فوتش اي معلومة عايز يوصلها. كل معلومة ممثلة وممثلة بشكل واضح جدا وبارز ومش مختلط بحاجة تانية. واتضحت الصورة بشكل هايل وشكل رهيب فعلا فده اللي يستوقفني دقة مش بس فكرة اني لما يكون عندك وسيلة. دقة الاستعمال ان الكلام منطبق فعلا انه وضح كل اللي انت عايز تقوله في شكل كويس جدا تمام؟ ده آآ في صحيح البخاري والروايات الاخرى تجدها في سلسلة الاحاديث آآ الصحيحة اللي احنا قلناها. طيب ده كده ايه؟ المفروض الحديث اللي احنا كلنا عارفينه في في المسألة دي طيب تعالى نشوف بقى ده كده رقم واحد وعدتكم بسبعة رقم اتنين استخدم التخطيط مرة تانية بس كان بشكل تاني. ازاي عن انس رضي الله عنه قال خط رسول الله صلى الله عليه وسلم خطا وقال هذا الانسان من الاول بقى خط ادي الانسان يا جماعة طب مستنيين ما له الانسان هو برضو النبي صلى الله عليه وسلم بيعمل على التشويق ويشوقهم هم مستنين المعلومة الجاية وخط الى جنبه خطا. جنبه كده وخط تاني وقال هذا اجله وخط اخر بعيدا عنه. بعيد خالص كده فقال هذا الامل فبينما هو كذلك اذ جاءه الاقرب يا سلام! دي بقى ده مخطط بس ابسط من المخطط اللي فات هم تلات خطوط بس خط كده وقال هذا الانسان. وخط جنبه وقال هذا اجله. قريب منه. وجه خط بعيد عنه وقال هذا ايه هذا امله. تمام؟ بيقول فبين هو كذلك اذ جاءه الاقرب. يعني دلوقتي ايه الاقرب له؟ الاجل. يبقى الاجل هييجي قبل الامل. يعني هي الرسالة ايه الرسالة ان انت ما تقعدش تطول املك خالص ان تنتبه ان ممكن اجلك يقطع عليك املك فانت ما تقعدش تطول املك وتسوف اه زي ما ربنا يقول ذرهم يأكلوا ويتمتعوا ويلهيهم الامل فسوف يعلمون لأ انت تبادر قبل ان تبادر ان انت تسرع ان انت ما تنتزرش ما تقعدش تؤخر عمل الى الغد. طيب ودي ده المفروض الوسيلة التانية وده موجود في صحيح البخاري. واللي احنا الرواية اللي اوردناها دي موجودة في الساحة الترغيب والترهيب لانها اوضح في في ايصال اغلب الافكار بس اصله في صحيح البخاري ده ده الموقف التاني. ادي كده استعمل مرة المربع ومرة ده تخطيط. ادي كده اتنين تخطيط اهو. ماشي؟ اتنين من سبعة المرة التالتة عن انس قال جمع رسول الله صلى الله عليه وسلم اناملة وفي رواية اصابعه. الانامل اللي هي دي اطراف الاصابع. وفي رواية فنكتهن في الارض كده جمعهم وجلكاتهم في الارض فقال هذا ابن ادم وقال بيده خلف ذلك وفي رواية ثم رفعها فوضعها خلف ذلك قليلا وقال هذا اجله. واومأ بين يديه وفي رواية ثم رمى بيده امامه قال وثم امله ثلاث مرات. خد بالك بقى الكلام ده موجود فين؟ الكلام ده موجود في سلسلة الاحاديث الصحيحة في مسند الامام احمد وآآ طبيعة الرسالة وصححه الشيخ الارنوطي طيب خد بال حضرتك معي. هنا النبي عمل ايه؟ هنا وسيلة مختلفة اهو. استعمل ايه؟ جسده هو جمع اصابعه او انامله ونكتهن في الارض. قال هذا ابن ادم وبعدين جه جامع صوابعه تانية وجه وراها وقال ايه؟ وهذا اجله. رفعها كده اهو وحطها وراه وقال هذا اجله. خلاص اه واومأ بيده وفي رواية ثم رمى بيده امامه وقال وثم امله. ثم يعني هناك يبقى هزا ابن ادم هذا اجله ممكن تبقى دي صورة او هذا ابن ادم هذا اجله وثم امله وثم امله وثم امله. تلات مرات يكررها النبي صلى الله عليه وسلم لان التكرار يقرر المعنى. التكرار يقرر المعنى. تمام؟ وبيلفت انتباه الانسان برضو. تمام؟ طيب. كده كم؟ انا وعدتكم بسبعة. لكم عندي اربعة. كده تلاتة اهو طيب سيدنا انس ابن مالك بيروي ايضا بيقول قال رسول الله صلى الله عليه وسلم هذا ابن ادم وهذا اجله ووضع يده عند قفاه ثم بسطها وعند ابن ماجة وبسط يده امامه ثم قال آآ فقال وثم امله وثم امله وثم امله ايه الصورة دي بقى؟ صورة مختلفة؟ اه صورة مختلفة. بس نشوف الكلام ده فين الاول؟ انا حريص بس ان انتم تتأكدوا. بسنن الترمزي وسنن ابن ماجة وهو في صحيح الترغيب والترهيب ايه اللي حصل المرة دي بقى؟ اللي حصل المرة دي برضه احنا بنستخدم لغة الجسد زي الصواب بس احنا بنستخدم الجسد المرة دي. النبي صلى الله عليه وسلم قال هذا ابن ادم استخدم جسده الشريف جسمه هو بقى هذا ابن ادم وهذا اجله. وضع يده عند ايه؟ قفاه ثم بسطها وفي رواية ان بسط يده امامه فقال وثم امله. وثم امله وثم امله. يبقى اما بصت ايده دي او باسط ايد تانية يبقى هزا ابن ادم عندنا تلات مكونات شوفي ازاي المرة دي استعمل حاجة تانية المقتاد مكوناتها والانسان هذا هذا ابن ادم وهذا اجله وضع يده عند قفاه خلاص؟ وبعدين اما ان هو نفس اليد قال آآ ثم بسطها وقال ايه؟ وده الظاهر وثم امله وثم امله وثم امله. الكلام ده بايد واحدة بس ان او انه الايد التانية قال وثم امله وثم امله وثم امله كده اربعة اتنين مخططات واتنين استخدم فيهم صلى الله عليه وسلم جسده لان ما فيش حواليه حاجة يستعملها وسيلة تعليمية برضه استعمالها عشان يجسد المعنى. عشان تفتكر ان ده ابن ادم والاجل قريب منه ازاي والاقامة هناك زي هنا الصوابع ودي قريبة منها وديكها بعيدة. طيب الخامسة عن انس ان رسول الله صلى الله عليه وسلم اخذ ثلاث حصيات تلات حصوات ووضع واحدة ثم وضع اخرى بين يديه ورمى بالثالثة فقال هذا ابن ادم وهذا اجله وذاك امله التي رمى به. الله اكبر فين الكلام ده؟ الكلام ده موجود في مسند الامام احمد طبعت الرسالة وصححه الشيخ الارنوط تمام؟ تاني بقى هنا النبي بدأ يستعمل ايه؟ حصى. فيه حصى في البيئة من حواليه فاستعمله النبي صلى الله عليه وسلم. جاب تلات حصوات حط حصاة وقال وضعوا واحدة كده قدامه وحط واحدة تانية وراها قريبة منه بين يديه. ادي حصاة وحط الحصاة التانية وجا مسك التالتة وجه عمل فيها ايه؟ رماها بعيدا وقال هذا الانسان اللي هو الحصاة الاولى وهذا اجله اللي هي الحصاد التانية وذاك امله. الله اكبر. شف استخدم الحصوات وصل الرسالة صلى الله عليه وسلم طيب النبي استخدم الحصوات تاني؟ ايوة انتم كده خدتوا مني كم؟ كده خدتوا مني خمسة اتنين مخططات واتنين بجسده الشريف وعندنا واحدة اهي بالحصوات فيه بقى حصوات تاني عن بريدة رضي الله عنه قال قال رسول الله صلى الله عليه وسلم هل تدرون ما مثل هذه وهذه؟ ورمى بحصاتين؟ قالوا الله ورسوله اعلم. قال هذا الامل وذاك الاجل الله النبي صلى الله عليه وسلم الكلام ده فين؟ في صحيح الترغيب والترهيب هنا النبي استخدم ما كنش معه الا حصتين بس حصتين بس مع النبي صلى الله عليه وسلم. فالنبي صلى الله عليه وسلم استعملهم حب يستعمل الحصتين. طب عايزين نمثل الانسان مثل الانسان بايه؟ بجسده الشريف او باللي قاعد ده وبعدين رمى واحدة قريبة وقال دي ايه؟ هذا الامل ورمى التانية وقال له ذاك الايه؟ الاجل. رمى بحصاتين. واحدة رماها قريبة وواحدة رماها ايه؟ بعيدة. فقال الأجل وايه؟ وذاك الايه؟ او هذا الامل وذاك الاجل. فالنبي صلى الله عليه وسلم وضح المسألة دي برضو بايه؟ باستخدام حصتين بس مش هادي دي سادس وسيلة استعملها النبي صلى الله عليه وسلم. الوسيلة السابعة والاخيرة الحقيقة هي لطيفة جدا وجميلة. طب ما هنا ما فيش حصى وعايز يستعمل وسيلة تانية. وفيه حاجة تالتة متاحة يعمل ايه الكلام اللي انا هقوله لحضراتكم ده موجود في مسند الامام احمد طبيعة الرسالة وحسنه الشيخ الارنقوط والشيخ الالباني. الشيخ شعيب الارنقوط. انا بقول الشيخ الارنقوط اقصد الشيخ شعيب طيب اه عن ابي سعيد الخدري وهنا معلش محتاج وقفة. بعض الناس تقول لي معلش يا دكتور ده هو شكله موقف واحد. موقف واحد ازاي ومرة هنا حصوات ومرة جسد ومرة يعني ممكن موقف واحد لو افترضنا حتى انه موقف واحد بس تعددت الوسائل التعليمية المستعملة ان مرة وصلها كده ومرة وصلها بالحصوات ومرة وصلها بالمخطط بس على الظاهر من النصوص ان دي مواقف تعليمية مختلفة عن ابي سعيد الخدري ان النبي صلى الله عليه وسلم غرز بين يديه غرزة وفي رواية في الصحيحة عودا. جاب حاجة عود او غرز اي حاجة بتغرس في الارض ثم غرز الى جنبه اخر ثم غرز آآ ثم غرز الثالث فابعده ثم قال هل تدرون ما هذا؟ قالوا الله ورسوله اعلم. قال هذا الانسان وهذا اجله وهذا امله يتعاطى الامل والاجل يختلجه دون ذلك. الله اكبر. شف الموقف الجميل الرائع ده. النبي توفر لديه حاجات ممكن يغرزها في الارض. مش حصوات المرة دي فجاب واحدة وجا غرزها وبعدين جه غرز واحدة جمبها تمام بين يديه قريبة منه وبعدين غرز واحدة بعيدة خالص وبرضو عشان النبي صلى الله عليه وسلم يهيئ اذهانهم لتلقي المعلومة ويشوقهم ويستثير افكارهم. فقال لهم اتدرون ما هذا؟ ايه ده هل تدرون هل تدرون ما هذا عشان يفكروا فالنبي صلى الله عليه وسلم يقول لهم هذا الانسان اللي هو العود الاول اللي غرزه وهذا اجله وهذا امله اللي هو البعيد ده امله. تمام؟ يقول اعطى الامل هو عمال بيفكر في الامل جامد جدا وشاغله الامل طيب وايه؟ والاجل يختلجه دون ذلك. الاجل مش هيديه فرصة يعمل الكلام ده. بابي هو وامي صلى الله عليه وسلم سبع وسائل تعليمية بسبع مواقف تعليمية مختلفة النبي ما كررش حاجة يعني حتى بنفس الشكل ويجي حد النهاردة يقول لي محتاج اخد استورد الوسائل التعليمية من فلان ولا من علان. يجي حد النهارده سامحوني يبقى في عملية التعليم الشرعي او الديني او عملية التعليم القرآني كل تعليمه مقتصر على قول قول اسمع قل قل اسمع احنا فعلا قصرنا في حق آآ كتاب ربنا في حق الوحي ان احنا ما نجتهدش في ان احنا نشوف الوسائل المشروعة المنضبطة في ايصاله الى الناس قصرنا في حق النبي صلى الله عليه وسلم لما مبيناش للناس آآ النبي صلى الله عليه وسلم قد ايه بابي هو وامي كان عنده ابداعية غير عادية. عنده قدرة هايلة جدا على انه يوصل معلومات بشكل جميل وبشكل بسيط بدل ما يعني معلومة وتحشى في الذهن وخلاص الكلام ده يرسخ المعلومة في الذهن. بييسر عملية استقبال غير المعلومة وييسر عملية استرجاعها وتذكرها لان حتى لو هنتكلم على مستوى الحفظ الحفظ عبارة عن مرحلتين. الاولى اللي هي احنا بنسميها آآ والتانية اسمها ريكولي اللي هو الحفظ والاسترجاع او تخزين واسترجاع فكل ما يكون عندنا وسائل كويسة ويكون عندنا طرائق جميلة نقدر نعمل تخزين بشكل ممتاز ويسهل الاسترجاع فاستخدام الوسائل دي والطرائق دي بيسهل عملية التخزين ان خلاص تخش الزهن بسهولة ولما نيجي نسترجعها في حاجة مربوطة بالواقع تخلينا نسترجعها بسهولة ليه؟ لان الوحي يا جماعة هو مش كلام وخلاص ده هو خطاب آآ يعني خطاب واقعي خطاب يحتاجه الناس في حياتهم لا يستغنون عنه ابدا انا عايز اقول ايه؟ انا عايز اقول دلوقتي ان الكلام اللي بقوله لحضراتكم ده اذا كان في حق الكبار مهم فهو في حق الاطفال اهم تاني ازا كان في حق الكبار مهم فهو في حق الاطفال اهم. ليه لان البشر في التعلم انماط منهم سمعيين ومنهم ناس بصريين ومنهم ناس حسيين او حركيين. في ناس آآ وناس اكوستيك وناس قاينستات الناس انماط والذاكرة انواع في ذاكرة سمعية وذاكرة بصرية وده يعني مشهور عند اهل الاختصاص لما نيجي نبص على الانسان في الوضع بتاعنا الانسان اصلا آآ كل واحد بيبقى عنده حاجة آآ غالبة على التانية يعني في ناس عنده الذاكرة البصرية غالبة قوي على الذاكرة السمعية او النمط البصري بالنسبة له غالب على النمط السمعي والنمط الحسي في ناس العكس وهكذا لكن الافضل للانسان والاحسن له ان هو يتعلم بالانماط التلاتة. او يستخدم التلات انواع من الذاكرة دول اصلا لما نيجي نبص على عالم الاطفال نجد الحقيقة ان الذاكرة السمعية عند الاطفال على عكس ما يتصور البعض ان الذاكرة السمعية هي الافضل والاجود والاحسن في التعلم. فيقول لك لقنه وحفزه هي الاحسن والاجود في انك تخزن معلومة جوة ذهن وخلاص انما في حتة تفهيمه وبناء مهاراته والارتقاء بشخصيته وتأسيس كيانه لأ مش مش ده الاصل اصلا انما ايوة لو انت اعتبرته مخزن عايز تحط فيه معلومات معلومات معلومات وتيجي تسترجعها في وقتها تسترجعها في وقتها بس لما يكبر هينساه وخلاص انك انت عملت كويس او عملت كويس لما يجي للريكولينج او اللي هو الاستدعاء مش هعرف استدعي كويس انما لو بنتكلم على بناء بقى مهارات بنتكلم على على بناء انسان على على تربية الانسان ده وتزكيته والارتقاء به. لأ احنا محتاجين غير كده خالص. احنا محتاجين نشوف هو الولاد البصريين يعني النمط الغالب بقى في التعليم اللي هو من النوع ده النمط البصري والحسي ولذلك الوسائل التعليمية بالنسبة للاطفال في غاية الاهمية. الوسائل التعليمية في غاية الاهمية. اللي بيسموها بعد كده انشطة او كلمة انشطة اوسع شوية لانها بيبقى فيها وسائل وفيها مراحل وفيها قصص كده. المهم الوسيلة جزء من النشاط. فالوسائل التعليمية مهمة جدا للاطفال. مهمة جدا جدا جدا لان زي ما قلنا تلك المعاني المعنوية المحسوسة اللي هي بالنسبة للطفل غير مرئية او احيانا في عالم الغيب. انت طلعتها له في صورة مادية ملموسة مرئية في عالم الشهادة جسدتها له في صورة. التجسيد ده زاته عمل فيها ايه؟ خلى المعاني دي قريبة جدا له قريبة جدا للانسان مش مش سهل ينساها فبتدخل بسهولة ذهنه وبيسهل عليه استدعائه. لا سيما كمان بقى لو كان هو عبارة عن نشاط والطفل نفسه مارسه ولذلك انا كنت بقول ليه مساحة الوسائل التعليمية او استعمال الوسائل التعليمية في عملية التعليم القرآني عندنا مساحة ضئيلة للغاية تكاد تصل الى الصفر احيانا في بعض الاماكن والمؤسسات. ليه ده مرتبط اصلا باهداف العملية التعليمية لان هذا النص القرآني او المحتوى القرآني انا اصلا مش عايز فكرة ان انا ايه ان انا اوصل معانيه ولا يفهمه ولا يتدبره ولا يعمل به. انا كل اللي عايزه ان انا اخزن مبانيه في راسه وهو يستدعيها لما نحتاج اليها. بس لما يبقى في مسابقة ولا يبقى في امتحان ولا يبقى في كزا. انما هل انا فكرتي ان انا افهمه ويتدبر ويعمل فبناء عليه مش محتاج وسائل فالازمة الحقيقية مش بس في الوسائل التعليمية. الازمة الحقيقية في اهداف عملية التعليم القرآني اصلا في المخرجات اللي انا منتظرها في الاخر لو دي نفسها اتزبطت ما انا قلت المخرجات لو اتزبطت هتزبط العمليات. والعمليات دي هيبقى لابد فيها من وسائل انا يمكن كنت حريص اوري حضراتكم استعمال النبي صلى الله عليه وسلم في الوسائل اللي في البيئة المحيطة به في معنى ممكن يعني بسيط جدا تلات كلمات وعلاقتهم ببعض لما نقعد نتعمق اكتر بقى وندخل اكتر في مسلا مسلا في باب التعليم القرآني نجد النبي صلى الله عليه وسلم عمل كده يعني مسلا في حديث يعني اية زي قول الله عز وجل واقم الصلاة طرفي النهار وزلفا من الليل ان الحسنات يذهبن السيئات ذلك ذكرى للذاكرين انا هحكي لحضراتكم على موقف تعليمي موقف تعليمي يعني صحة اسناده وصححه الشيخ الالباني وغيره. آآ النبي صلى الله عليه وسلم عمل موقف بس هنجيبه الموقف من تحت شوية منين؟ من عند ابو عثمان النهدي الراوي عن سيدنا سلمان اللي بيروي عن النبي صلى الله عليه وسلم ابو عثمان المهدي بيحكي ان سيدنا سلمان الفارسي كان ماشي معه وفي رواية ان هو جالس معه تحت شجرة خلاص كده ؟ اهو يعني خدوا بالكم من مسألة البيئة برضه البيئة التعليمية مش لازم تكون مكان مغلق مقفول ومش عارف ايه وكأنه اشبه بالسجن. لأ التعليم القرآني في شارع التعليم القرآني آآ في البيت التعليم القرآني في في المكان اللي بيتنزهوا فيه عادي يعني يعني البيئة التعليمية مش لازم تكون مكان كده المهم فهما ماشيين في شارع مروا على شجرة او جالسين تحت شجرة فسيدنا سلمان الفارسي آآ اخذ غصن من اغصان الشجرة وهزه هزا عنيفا حتى تساقطت اوراقه تمام وقال لسيدنا ابو عثمان النهدي الا تسألني لم افعل هذا تقول لي انا بعمل كده ليه يستفهموا يعني او نحو من هذا الكلام ما تعرفش انا بعمل كده ليه مسك الغصن وهزه هز عينيه في حالة الساقات الاوراق. مش تسألني انا بعمل كده ليه فسيدنا آآ ابو عثمان النهدي سأله طب ليه كده ؟ قال له واقم الصلاة طرفي النهار وزلفا من الليل ان الحسنات يذهبن السيئات ذلك ذكرى للذاكرين. يا الله! شفت الوسيلة المتاحة ببيئته اللي حواليه بيبص كده المعلم ده القرآن يحد نبيه جدا. بيحاول يستثمر كل حاجة حواليه في ايصال المعاني اللي هو عايز فيمسك غصن الشجرة ويهزه هزة عنيف لغاية ما تتساقط الاوراق ويجي يقول له كده وسبحان الله عمل ايه؟ وكأن الصلاة هي اللي بتهز الغصن ده حتى تتساقط الايه؟ الاوراق. اقم الصلاة طرفي النهار وزلفا من الليل. هي دي هزة الايه؟ هزة الغسل ان الحسنات اللي هي الهزة دي يذهبن السيئات الورق اللي نزل ده. سبحان الله! المعنى وصل والفكرة وصلت وبشكل يعني ما فيش تفصيل بعد كده سبحان الله حاجة جميلة جدا ورائعة جدا استخدم الوسيلة التعليمية دي. ان هو جسد المعنى ده في الصورة بالنسبة لنا مادية مرئية. ما ينسهاش اصلا ربطها بالواقع كمان يعني ربطها بالواقع خلاه مش هيعرف ينسى كده. ان هو الهز بتاعه ده بيمثل اقم الصلاة طرفي النهار وزلفا من الليل اللي هو الحسنات تمام؟ والتساقط ده يمثل السيئات. وصلت رسالته وصلها للشخص ده بشكل هايل وبشكل جميل جدا لان هم كانوا يريدوا لهذه المعاني انها تفضل باقية على طول في الواقع. ما تبقاش مجرد كلام وخلاص بايه؟ بيتردد او بيتلى. وهم مش عايشينه في الواقع. كل ما هيمر اكيد ابو عثمان المهدي على الشجرة هيفتكر الكلام ده كل ما هيشوف شجرة يفتكر الكلام ده الكلام ده يفضل حاضر جوة قلبه. هيبعث جواه الامل زي ما انا اقدر اهز الشجرة دي غصنها لغاية ما اسقط اوراقه انا اقدر باذن الله بعون الملك بالصلاة وبالحسنات اهز نفسي حتى اسقط تلك ذنوب عني ولذلك الحقيقة انا بس يعني لولا ضيق الوقت كنت ما يعني ما نفوتش فكرة الانسان واجله امله. ان انا وانت يعني معلش محتاجين نقصر الامل شوية لان للاسف طول الامل ينسي العمل ويتسبب في الخلل ولا يعين على على على ان الانسان يصلح الزلة فاحنا محتاجين الحقيقة ويوقع الانسان في كثير من الجدل صراحة. محتاجين ان احنا وصية النبي صلى الله عليه وسلم دي اللي هو الانسان والاجل والامل ان الانسان كن حاضر دايما عنده ان اجله اقرب اليه من امله. برضه هنا انا نفسي برضه المعنى ده انا وانتم يعني نستفيد منه بفكرة ان احنا ليه يعني ما ما يبقاش عندنا حسنات بتسقط تلك السيئات طب والله موقف هايل وجميل ورائع جدا من سيدنا سليمان الفارسي. احنا انبهرنا لأ خد بالك بقى سيدنا سلمان الفارسي يخبر سيدنا ابو عثمان النهدي من النبي صلى الله عليه وسلم عمل معه كده الله اكبر خدت بال حضرتك؟ يعني النبي عمل كده ياخد المتعلم لبيئة تعليمية تانية خالص ويخرج به عشان اية واحدة؟ اه عشان اية واحدة ايه المشكلة ويعلمها له بالشكل ده؟ اه. طب هو بيعلمه ايه بقى دلوقتي؟ هو بيعلمه مثلا يقراها ازاي ويجودها ازاي؟ بيعلمه معانيها. طب بيعلمه العلم بتاعها بس؟ لا ده تركيز العمل بتاعها ازاي يعمله وازاي ينفذه بابي ان انت وامي يا رسول الله صلى الله عليه وسلم. شف استخدامه للوسائل ازاي وشوف هو ازاي التعليم القرآني القرآني عنده مش مجرد ان هو واحد قاعد رص رص قل قل وخلاص لا بابي وامي صلى الله عليه وسلم. تنبهر ان النبي صلى الله عليه وسلم عمل معه كده. يعني النبي يستهلك من وقته وياخد صحابي واحد بس ويعلمه كده ده ما بتفريد التعليم؟ اه ما فيش مشكلة. ويعلمه الكلام ويركز على الابعاد دي. يركز على الابعاد دي. وليكن ما يكون ما فيش مشكلة انا عايز اقول لحضرتك وده نختم به ان شاء الله ان الكلام ده ما كانش في الموقف ده بس. في مرة سيدنا عثمان بن عفان جالس مع اصحابه فقال يا غلام ائتني بوضوء ما اتوضأ به آآ ده مش وقت صلاة. فتوضأ وضوءا مصبغا وبعد ما توضأ وضوء مصبغ قال لهم واقم الصلاة طرفي النهار وزلفا من الليل ان الحسنات يذهبن السيئات ذلك ذكرى للذاكرين يعتبر ان الوضوء بتاعه ده من الحسنات استعدادا للصلاة من الحسنات اللي بتسقط تلك السيئات. ربط الاية دي بالواقع ده ركز على المعنى المهم ده وابرزه لهم في الصورة الملموسة دي عشان ما ينسهوش. الاروع ان سيدنا عثمان يحكي لهم ان النبي عمل معهم كده صلى الله عليه وسلم وشف ازاي الصحابة ما كانوش كمان برضه بيسمعوا وخلاص. لأ كانوا بيحاولوا ينقلوا الكلام ده وينقلوا الخبرات دي. وكان حاضر عندهم الكلام ده. فكانوا من افضل المعلمين في تاريخ ولذلك امل ان شاء الله رب العالمين ان احنا فعلا نقبل على على سنة النبي صلى الله عليه وسلم وسيرته وعلى سيرة الانبياء والصالحين. ونتعلم منها الوسائل استعملوها والطرائق اللي استخدموها وساعتها تكون عملية التعليم بتاعتنا فعلا على اكمل صورة على الصورة التي يحبها الله ويرضاها. كنا من النهاردة بنتكلم على وسائل التعليم ان شاء الله هنتكلم عن مكون اخر من مكونات عملية التعليم القرآني بازن الله رب العالمين وخصوصا فيما يخص الاطفال في الحلقات القادمة. اقول قولي هذا واستغفر الله لي ولكم وانتم بخير السلام عليكم ورحمة الله وبركاته الشرع صدري قرآن