من سيئات اعمالنا انه من يهده الله تعالى فلا مضل له ومن يضلل فلا هادي له. واشهد ان لا اله الا الله وحده لا شريك له واشهد ان محمدا عبده ورسوله ثم اما بعد اصل. مع انعام ربنا ده واكرام ربنا ده وتحذير ربنا له عصمة ربنا له. وكل الكلام ده كله. ينفع اصلا يفكر يعصي ربنا؟ لو فكر يعصي ربنا. حاجة وحشة جدا صح؟ ولكن من الحاجات العجيبة ان ربنا يقول اكتبوها له حسنة كاملة انما تركها من جراء يعني مش النقطة السلبية بقى انه ازاي اصلا نفسه اتساوى له يفكر في معصيته الجزء الايجابي الجميل انه عمل ايه انتهى عن المعصية. ربنا مسح به النقص. سبحان الله! قلت لكم تبصوا على العبارات كده يعني انا ما شفتش ترفق ولا تلطف زي ترفق وتلطف ربنا بالمزنبين. يعني هات لي كده ان ربنا ربنا بيفرح باللي بيصلي بيفرح باللي عمل كزا ما فيش. بس صريحة فين؟ في التوبة. ده خارب الدنيا وراجع يفرح به يبسط يده بالليل. افلا يتوبون الى النار؟ ها؟ كل ده. لان يا جماعة اللي عنده نقص او اخفق في حاجة بيبقى مكسور ما تزودوش كسره كسر. بالعكس انت لازم تاخده بايده عشان يعمل ايه؟ عشان يتجاوز كسرته. دي خليهم الوحي. ان النبي صلى الله عليه وسلم كان ترفقه بالمذنبين اكتر من ترفقه بالباقيين وده الطبيعي على فكرة انت لو عندك اربع خمس عيال وعيل منهم عين هتبقى عامل ايه؟ مركز مع العيان جاي ومترفق به خالص صح؟ هو اللي اللي اخلاقه وحشة ده عيان الايمانات وحشة ده عيان لازم نترفق به اكتر ده اولى بالترفق من غيره كانت تيجي مسلا كده اخوها تقول لي يا بابا مش عارف ايه انت اشمعنى هو قلت لها حبيبتي انت عارفة ان هو طبيعته انا لو ضربته او مش عارف عملت ايه هيزيد زيادة فهو لسه صغير ربنا صابرين عليه لغاية بس يكبر كده شوية ونقدر نتكلم معه ونفهمه انما انت ما شاء الله عاقلة وبعرف اتكلم معك وبفهمك واعرفك الغلط لازم تفهم ان هو حتى في القفل ان هو مريض دلوقتي سمري حتى ولادي مسلا ايه ويعاتبوني في محمد تلات سنين تلات سنين ونص يا بابا والواد اشمعنا احنا حبيبي وانا لسه صغير وانتم في سنه كده كنت انا بعمل كزا ومعلش هو لسة صغير لازم استحمله لغاية ما يكبر بس شوية والكلام ده. يعني هو مريض اولى بالرعاية من غيره ازاي تبص للحاجة الجميلة اللي فيه يعني سبحان الله يعني الصحابة بعضهم يقول ايه؟ لعنه الله كثيرا ما يؤتى به ما علمت الا انه يحب الله ورسوله. شف شيخ ايه وهو بيسمع الكلمة دي اللي هو جاي يجلد في الخمر ده للمرة وقال يا رسول الله والله لشربتها ابدا. سفن زي يغوص اعماق النفوس والقلوب يضع يده على واخد بالك؟ اه المرأة التي زنت ها؟ الصحابة يتكلموا عليها. والله لقد تابت توبة لو قسمت على اهل المدينة لوسعتهم شف يعني ايه واحدة ايه شف يعني لو قسمت على اهل المدينة لوسعت في الزيد بينزر الناحية الايه؟ الايجابية الجميلة اللي فيها انها فعلا تعبت وانابت. وده في حد زاته ايه؟ بيبعت رسالة لكل اللي وراها من المخطئين والمزنبين ان انت فعلا لو عملت كده انت ايه انت عند ربنا تبقى يا جماعة هو المخطئ مكسور ما تزودوش كسره. المخطئ محبط. ما تزودوش احباط. هو احوج الى الامل. اللي بيكابر في الغالب علشان خاطر يعني خطأه عند فينا. يعني هو برضه في نقطة لازم ناخد بالنا منها. مش لازم دايما يكون معي مفاتيح الناس كلها يعني من الحاجات يعني المحزنة ان احنا الباب اللي ما بنعرفش نفتحه بنكسره. يعني مسلا انت معك مسلا مسلا المفروض الباب ده فيه فيه طفل. وانت معك مفتاح عايز ايه؟ تفتحه. انت عارف ان حاولت المفتاح بتاعك ما فتحش مرة واتنين وتلاتة ما هي معروفة بقى لأ يفضل يعافر لغاية ما يكسر المفتاح جوة الايه القفل وما حدش يعرف يفتح وراه تاني وما حدش يعرف يفتحه تاني من وراه. لأ انت ما هتعرفش تفتح القفل ده سيبه لايه؟ لغيرك. ابعت غيرك خلي غيرك يروح. انا كنت دايما اسأل معلمة المتدبر اقول لها ايه؟ عندك ولد وبيشتمك في الحلقة. انا مش عارف اعمل ايه؟ بيشتمك تاني. كلمت ابوه بيشتمك تاني. مش عارف عملت ايه؟ بيشتمك تاني الحل ايه؟ نمشيه لا ما نمشيش نوديه معلمة تانية يمكن مفتاحه مش معك. ما هي يعني هي القصة كده. انت ممكن الشخص مفتاحه مش معك ممكن ابنك مفتوحه مع امه مفتاحه مع صاحبه ده ما هو ما فيش منطق في الدنيا بيقول ان انت عندك عيان في مستشفى ما بيخفش ما بيخفش ما بيخفش ترميه برة انت ممكن تحوله من القسم بتاعك لقسم تاني. حالته متردية اكتر طلعه من القسم العادي للعناية المركزة. ما فيش حاجة اسمها يترمي برة وهيترمي برة ليه اصل هو بص احنا في التعليم القرآني بالزات للاسف الشديد عايشين بمنطق ايه؟ وابرئ نفسي. مش وانا ابرئ لأ وابرئ نفسي هو في تصرف في الحلقة ليه ولو علم الله فيهم خيرا لاسماعهم. يا عم الناس شاغلها الدنيا وواكلة الدنيا ومش عارف ايه. طب ما انت زميلك الحلقة اللي جنبك ما عندوش التصرف بتاعك. طب ما هو انت نفسك شغال مدير المدرسة الفلانية ولما حصل تسرب اول اول واحد فكرت فيه المتهم الاول قلت مين ؟ جبت للمعلمين تعالوا هنا في تسرب ليه ؟ انتم السبب عرفت ان ما عندهمش زنب خلاص يبقى المناهج دي السبب. المناهج حلوة يبقى الوسائل اللي بتدرس مناهج السبب الوسايل الحلوة يبقى البيئة التعليمية السبب. واخر حاجة تفكر فيها المتعلم لأ احنا يا باشا اول حاجة نفكر فيها ايه ولو علم الله فيهم خير لاسمعهم. بنشتغل وبنطق وابرئ ونفسي لأ عشان دي كنت تقول لي المعلمة ايه ؟ اتهمي نفسك. قولي يمكن انا اللي المشكلة عندي هخسر حاجة مش هخسر يمكن زنوبنا استغفر ربنا واتوب اليه واستعين بالملك يقبل بقلبه. يمكن والله ربنا يعني مش كاتب ان انا الا اصلحه ما اترفق به لغاية ما يروح لغيري لعل ربنا ايه افتح عليه دي. تكون زروفه ملائمة. تكون حاجات ما حدش عارف. ما هو يا جماعة اكثر الامور تعقيدا في الحياة هو السلوك الانساني اكثر الامور تعقيدا في الحياة. السلوك الانساني. انت النهاردة ممكن تتصرف تصرف يكون وراك خمسميت سبب. يعني نفس التصرف يصدر مسلا من خمسمية شخص بخمسمية خلفية مختلفة. ما حدش عارف اي حاجة. فاهم قصدي؟ ولا انت عارف ايه اللي بيحصل انت اه ممكن تكون مش عارف انت بتعمل كده ليه السلوك الانساني معقد جدا جدا جدا. ولزلك بلاش الجو بتاع ان احنا عارفين كل حاجة عادي. انا ممكن ايه؟ يعني سبحان الله! انا دايما كنت من الحاجات اللي يعني بعض اخوانا الفضلاء اللي بيتكلموا في التربية وبيتكلموا في السلوك وفي علم النفس وفي الحوارات دي. يقعد على الكرسي كده يحسسك ان هو ايه؟ معه مفاتيح مشاكل العالم كلها اه والله وتقعد تقول له مسلا عندي المشكلة في ايه ؟ اصل انت مشكلتك انك لم تستعمل استراتيجية اللي مش عارف ايه. اللي هو ما استعملهاش اصلا. وتروح تبص عليه في البيت الايه فاشل تبص علينا اه والله بيلبس عباءة الايه؟ المستشار التربوي المحلل اللي مش عارف بلاش من عالم كده. لزلك سبحان الله! احنا كان عندنا حلقة في الرسالة عن الالحاد قلت يعني كنت بكلم الاخ المحور قلت له اول حاجة لازم ناخد بالنا منها ان احنا نسأل الله العافية. انت مش في نعمة من اي حاجة بلاش اللي هو منطق ان احنا ايه اصل عشان اخطائك وخصوصا الناس اللي بتبقى بتشتغل في اشراف ولا بتشتغل في كزا يعني انا كنت احيانا اكلم المعلمة واقول لها بصي انا اول حاجة عايز ابقى صريح معك. انا لو مكانك كان تصرفي بقى اسوأ منك. انت اكيد اتصرفت احسن مني. بس انا بنصحك يعني بنصحك لان اكيد انا اتمنى ان انا اكون احسن واتمنى ان انت تكوني احسن. انما بنكلمهم بطريقة ان هو قايل ان احنا اصلا ايه ان انتم يعني ما بتفهموش حاجة ما اعرفش حاجة يا معلم لو سمحت كزا ويا شيخ لو سمحت اعمل كزا وهو لو قعد مكانك هو اللي هيقضي مصلحته ولو مسك الحلقة بتاعتك دي هيسربها كلها. تاني يوم صح؟ بس اصلهم قاعدين في ابراج عادية ولا اخر علاقته بالتدريس مسلا من سنتين تلاتة هو مش مدرك ان كل شهر العيال بتتغير اخلاقهم بتتغير ودماغتهم بتتغير ومئاتهم بتتغير. والامور الى صعوبة مش الى سهولة اصلا ولزلك لابد لابد ان انت ما تتكلمش من عالم انا والله اقسم بالله ما في حد يحكي لي مشكلة الا بيني وبين نفسي كده الاول. الحمد لله الذي عافاني وابتلى بك فيما خلقني. يا رب يا رب يعافينا امشي. مش يعني انت القصة دي بس ايه بادرك آآ ان انا انا معافى مش مش بحاول واطول هو ما حد فضل وامتنان من الملك سبحانه وبحمده واخد بالك انت؟ انما دايما ايه؟ اصل هو انت اصلا ممكن تكون عايش ابتلاء في بيتك بسبب كلمة قلتها كده ايه؟ اصل انا الحمد لله عندي عيالي انت ازاي عامل مع عيالك كده بيته. ويبتلى في مراته يبتلى في عياله. واحد من السلف والافلست فجلست اتذكر طب مين اللي بيجيب الافلاس ده ؟ افلاس مفاجئ كده. يعني الدنيا ماشية حلوة وتجارته ماشية حلوة زي الفل، تاجر كبير. يقوم راح كده افلس فاذا انا قد عيرت رجلا منذ اربعين سنة فقلت له يا مفلس. طب ده احنا كده نخاف. بس هو ما تابش منها. فاهم الفكرة؟ ان هو عملها بس ما تابش منها انا انت ممكن احيانا تبتلى بلسانك. تبتلى بان انت دايما عايز تقول لغيرك ايه؟ آآ كزا. دايما دايما تقول له يعني للاسف مسلا ييجي مسلا يقول له ايه؟ ايه يا عم ما تربي ابنك شوية هو الواد ده عامل كده ليه ما تعمل كزا في الولد مش عارف كزا يبقى احد الاخ محرج ولا مستحي؟ تقول له ربنا يبارك فيك والله انا عارف يعني جزاك الله خيرا لو مكانك ما كنتش اعرف اربي العيال دول كده. ما كنتش اهتم بهم كده. بس حاول تركز في كزا وتشد والله اتمنى لك الايه؟ اللي اتمناه لنفسي. ومعلش واصبر عليهم هم كويسين فيهم خير والدنيا حلوة. انما بتتكلم ان انت من علي وانت رحت تلاقي نفسك مخزون في بيتك ليه ؟ انا كنت بقول لمراتي وانت مفتكرة ان احنا اللي بنربي قلبي ربنا اللي بيربيهم احنا لسه بنحاول نعمل المطلوب مننا. ده في النهاية اللي بيربيهم مين؟ ربنا. فمع الوقت بقى لما الواحد فينا بيحس ان هو اللي بيربي يوكل لنفسه وده اللي بيحصل في حلقاتنا. لما تحس ان انت بتنجز في الحلقات عشان خاطر ايه؟ اصل احنا عملنا نزام تربوي محكم. وعملنا نزام اداري مش عارف ايه؟ تخزل ولزلك كنت دايما اقول الافتقار هو عنوان التوفيق الاول. طول ما انت مفتقر انت في امان. والله يا اخوة ما في يوم من ساعة ما بدأت المشروع ده لغاية النهاردة عندي محاضرة الا وقلبي يستجمع افتقار اللحزة الاولى. والا اخزى. انا فقير اليك انا ما املكش اي حاجة انا هنا حصلت معي مرة واحدة بس من قريب من حوالي سنة. كان عندي دورة في محافظة من محافظات مصر وبعدين دخلت المسجد بصلي العصر عادي. الاخ يعني هو استاز في جامعة الازهر قال لي ايه آآ معلش دكتور اديهم نبزة كده في المسجد عشر دقايق عن المشروع بتاعك. فقلت ايه عشر دقايق سهلة كويس ما اجيش نص ساعة على ساعة اتكلم عن المشروع بتاعي اقول لهم كده شف الكلمتين يظبطوهم واجي طالع. اقسم بالله الذي لا اله الا هو كانت اول مرة تحصل لي في حياتي. يعني الواحد ممكن طبيعته رغاء. اول هتحصل لي في حياتي. آآ ان الحمد لله ان الحمد لله ان الحمد لله. ان الحمد لله ان الحمد لله. ان الحمد لله مش مش فاكر اقسم بالله دماغي بص وكأن صدر امر من ربنا ما فيش معنى يجري على اللسان ده. ولا عارف اقول اي كلمة ولا حتى ايه؟ انا اسف مش هقدر اكمل. ان الحمد لله ان الحمد مش عارف ليه وحش جدا والناس مش عارفة ايه اللي بيحصل هو ده ما له والله هو ما له؟ يعني يعني هو في ايه؟ عملت ايه؟ ان الحمد لله وصلوا الحمد لله يعني كانت اول مرة تحصل لي انا مش عارف ايه اللي بيحصل. انا يعني بالدماغ بتاع الطبيب بقى قلت ايه؟ انا جا لي جلطة ما فيش انا يعني حاسس باللي حواليا بس لساني ده مش ايه؟ مش راضي ينطلق بنصف كلمة. دي كانت المرة الوحيدة في حياتي اللي حسيت فيها ان انا ايه اقدر اقول. لا هقدر اقول عادي هقدر اقول ما فيش مرة بخرج من بيتي الا وجوايا احساس ان انا ما اقدرش اقول نص كلمة. ولزلك ربنا بيفتح. ما فيش مرة باخرج منها للحزة اللي احس فيها اني اقدر اقول ولزلك يا اخوة الافتقار هو عنوان التوفيق الاول. انت دايما كده تفهم ان افتقارك هو انتصارك كتير سبحان الملك ولزلك بقول كتير بنخزل تربويا بنخزل في بيوتاتنا مع زوجاتنا مع اولادنا مع اللي تحتينا لما نعجب بنفسك. ولما نظن في وقت من الاوقات ان احنا ايه لا انا هحاول واطول وقوة او للاسف الشديد لما ممكن ايه ننتقص غيرنا او نشعر غيرنا ان احنا ايه ازاي ما بتعملش كده ومش عارف ايه واخد بالك انت فبتنرفز انا قوي من الجواب بتاع الايه؟ المستشار التربوي اللي لابس عندنا اذا الكلام ده حتى في عالم الابدان مش هقول لك بس حتى في عالم الايمان. عندنا آآ نوع من مجموعة امراض كده بتحصل في الاطفال بيسموها اللي هي السخونة وبيزهر معها اه طفح جلدي ماشي؟ دي مجموعة من الامراض كده يعني مسلا حوالي خمستاشر عشرين نوع من الامراض. بس بقى كل واحد منهم يعني هو شكلهم الاكلينيكي سخونة مع طرح جلد بس ايه اللي وراه بقى ؟ احيانا يبقى وراه فيروس او احيانا وراه بكتيريا. احيانا وراه مشكلة في الحساسية. قصص كتيرة يعني. فواحد اشهر كتاب في العالم في طب الاطفال في الحتة دي. عامله واحد من الاجانب يعني فعامل كتاب عن الفيفا والزراش. كتاب هو عمدة في الباب يعني كلنا بنرجع له. من الحاجات اللطيفة ان الراجل اللي هو علمنا كلنا ازاي نفرق بين انواع السخونة دي انواع الطفح الجلد ده وازاي نشخص ونقول قال ومن المفارقات اللطيفة انها بعد فراغه من تصنيف هزا الكتاب طبعا احنا عندنا في الطب ما فيش حاجة اسمها حد بيكتب كتاب يعني هو ما بيمارسش لأ. يعني امارس اصلا ممارسات كتيرة جدا جدا. ويمكن انا حتى شخصيا بالنسبة لي كان من اوائل نقاط الانفصام عندي. او اللي عملت عندي دربكة في دماغي في العلم الشرعي كله ان انا الطب ما بنعملش كده ليه في الدين اللي هو اولى بكده ما بنعمل كده واضح؟ ان احنا في الطب بنتعلم معلومة عشان نستعملها ليفل الدين ما بيتعلمش يستعملها. ليه في الطب اللي بيعلمني المعلومة شايف ان واجبه انه يعلمني ازاي استعملها؟ والراجل بتاع الشريعة اللي بيعلمني العقيدة ولا الاسماء الحسنى ولا كزا ولا السنة ولا الاية ما بيعلمنيش ازاي استعملها في حاجة غلط يعني ده طبيعي جدا في حاجة غلط. المهم فيقول لك ان المفارقات اللطيفة ان انا ابني اصيب بطفح جلده فلم اتمكن من تحديد نوعه. بعد كل ده. رغم انه مات مسلا هو بيقول لك اللي بقى عمدة فهو يعني ولا يحيطون بشيء من علمه الا لم يشاء يا موسى ما علمي وعلمك وعلم الخلائق اجمعين. في رواية صحيحة. الا كما اخذ هذا العصفور من اجله. ايه ده القرض طول الوقت طول الوقت طول الوقت ورد الامر الى الله. ونسبة الفضل الى الله. فيا اخوة في في عين بتبص على ايه؟ على الجزء الايه؟ النقص والناس الجزء الجميل وعايشها من النفسية دي. لكن بابي وامي وامي حبيبي صلى الله عليه وسلم. ونشوف ربنا في تعامله مع عباده ما بيتعاملش كده. بنشوف النبي صلى الله عليه وسلم في تعامله مع الناس بيبص للجانب الايه الجميل اللي فيكم ويشجعه وينميه ويكون هزا الجانب الجميل يوما ما ان شاء الله سبب في اصلاح كل حاجة تمام؟ احيانا اه التاجر اللي ما بيعرفش يكسب بيبقى مستهدفه يحافز على زمايله ولزلك انتم ما بتاخدوش بالكم من دي. ان انتم حتى لو ما قدرتوش تكسبوا حافزوا على ايه. خلاص ما مش قادر تطور مراتك. حافز عليها كده انها ما تسوقش. مش قادر ترتقي بابنك. حافز عليه انه ما يضعش. هم. بس على الاقل يعني فاهم قصدي بالعقل يعني انما احنا لأ ما هيتطوروش ندهورهم. ما ما يتطهروش ندمرهم وارجو هو انا رأيي دايما في قصة سيدنا نوح وابنه يا اخوة احسن الله اليكم. الشاذ لا حكم له ربنا اخبرنا بالقصص دي لصنف من الناس اللي هو مين؟ اللي هو استفرغ وسعه ولم يوفق لنتيجة. عشان ما يحسش جهده راح قدره. فكتير من الاخوة بيايه يقول لك آآ الواد بايز يقول لك الحقيقة انا عادي يا عم ما هو كده كده ابن سيدنا نوح طلع كافر. والله. طب اعمل اللي عمله سيدنا نوح وبعدين ابقى قل لي اطلع كام فاهم انت؟ بيقول لك ما حس امرأة اعمل اللي عمله سيدنا لوط وبعدين ايه؟ لما تطلع بقى كافرة يبقى انت خلاص ما تبقاش عملت اي حاجة وتقول لي يا سيدنا نوح فربنا اخبرنا بالقصة دي لتسلية مين؟ الناس اللي بزلت كل حاجة ولم يوفقوا لنتيجة. انما مش عشان تبقى ايه قاعدة والا اصلا هيبطل كل اللي احنا مطالبين في الشريعة. صح؟ فخلاص بقى انت كده كده ايه انا ما ليش دعوة ولذلك الناس الناس عايشة على الفكر الجبري ده اللي ربك هيهديه هيهديه. الهداية من فوق احنا ما الفالح فالح ولو مش عارف قوالح ومش عارف يقعد ايه؟ يعني معلش عايز هو عايز يعمل ايه يبرق نفسه. طلع نفسه برة القصة. ريح دماغه. انا ما لي انا! لا انت عليك تعمل للي عليك والنتايج ما لكش دعوة بها. القصة دي كأنها بتقول لك النتيجة مش ايه؟ مش عليك. بس ما لكش دعوة بالنتيجة. نعم. لا تهدي من احببت. توفيقا وسدادا وانما تهدي ارشاد الهداية في القرآن وفي هداية الارشاد وهداية التوفيق والسداد. فانت ما حدش يملك الاية تفوق السداد الا الملك سبحانه وبحمده عملية الارشاد هي بيد الملك بس ربنا خول عباده انهم يمارسوها. يباشروها. ازاي يقول له انك لا تهدي الى صراط مستقيم. عايز اقول له لا تهدي قل له ازاي تهدي تهدي الى صراط مستقيم ارشادا. ولا تهدي توفيقا وسدادا. واضح؟ فانا اعمل اللي علي اللي انا مطلوب مني. ولزلك حتى اصلا سيدنا ابو بكر بيكلم الناس عن اية ايه؟ عليكم ايه؟ انفسكم. اه فيقول ان انتم تفهمونها خطأ. يبقى انتم تفهم خطأ اصلا لازم تظن ان انت ايه لأ ده انت عامل اللي عليك وبعد كده ايه عليكم انفسكم لا يضركم من ظل اذا هديتم خلاص بقى انت كده مش يعني ربنا مش هيحاسبك انه ليه ما امنش بس هيحاسبك ليه انت ما عملتش كده بس انا اقصد هو في النهاية انا مش مش مطالب بديه ده بالعكس ده انا كنت بقول من اعظم ما يضر اي انسان سواء كان داعية ولا مربي التعلق النتائج اكتر حاجة تضرك. ولزلك ربنا ربنا في طول القرآن وعرضه بيحرر النبي منها. لان عليك الا البلاء يلا لان بعض الناس متصور ان عليك الا البلاغ يعني ما لكش دعوة لأ ده ربنا بيسليه. قل له انت يعني انت مش مطالب الا بالبلاغ. انت مش مسؤول عنهم ان هم ليس عليك هداهم. فلعلك بايخة على اخره. طب ليه بقى التعلق بالنتائج المؤزية؟ لان حاجة من اتنين. لو الشخص ده انت اشتغلت معه وما لقتش نتيجة هتحبط فهتوقف. دي مصيبة يا اما لو حصلت نتيجة قد تعجب وتغر او تفرح او تحس انك خلصت وتوقف والاتنين مؤزين. انما انك تبقى عارف ان انت عليك ايه واجبات بتأديها. والله نجح ما نجحش نفع ما نفعش. فوق تحت حلو وحش او ايه انا ما ليش دعوة. انا موزف اعمل الايه؟ اللي علي. زي انت في الشغل. واحد شغلانته ايه؟ ان هو بضاعتك سات يطلبوا منه ايه؟ ابعت فاكس. طب الفاكس ده جاب صفقة بخمسة مليون. والفاكس ده عمل لنا مصيبة. انا ما لي انا! انا مطلوب مني اعمل ايه؟ ابعت فاكسات. ما ليش دعوة اصلا فده شغال سلطان زمان انت كده ربنا يريد انك تعيش سلطان زمانك ما لكش دعوة ما تحملش نفسك ما لا تملك انت لا تملك هداية حد ولا تملك ولزلك حتى انا لما كان باكلم معلومات المتدبر عندنا اقول لهم ايه ؟ ما يجيش ولي امر يقول لك مش عارف الواد ومش احنا يا جماعة بنعالج ما بنشفيش هو انت رحت خدت ابنك للدكتور وكشف عليه وفحصه وتمام وادا له العلاج وزي الفل ومية مية. ووريته الدكتور والتاني والتالت والعاشر وقال لك الدنيا زي الفل وتشخيص تمام وعلاج تمام. والواد ما خفش زنبه هو؟ لأ طبعا هو ما بيشفيش. هو بايه ؟ بيعالج. بس. ولزلك المربي ما بيشفيش. المربي بايه ؟ بس ربنا سنته اقتضت ان اللي هيمشي على خطوات سليمة في نتايج سليمة. وهناك استثناءات لا حكم لها. لها حكم بس ما لهاش حب. واضح؟ لها ايه؟ حكم بس ما لهاش حكم. لها حكم ربنا يعلمها بقى في امور معينة. بس ما لهاش حكم. مش هينفع عليه جبنا على قاعدة ان مش ده الاصل. زي احنا عندنا ما هو في في الخلق كل الولاد بينزلوا في مناخير هنا وفي مش عارف ايه وفي عين هنا. بس في ولاد بينزلوا لحكم من بطن امهم عينه دي مش عارف فيها ايه وكزا عادي يعني هي لها حكم بس ما لهاش ايه؟ هنقول بقى الستات ما حدش يخلف تاني ما نقدرش ده احنا حتى لو واحدة وعندها امراض وراسية وبتاع بنقعد نعمل لها حاجة اسمها ومش عارف نعمل ايه كزا ونحسب النسب والنسبة قد ايه ونقول لها كزا وخوضي تجربة انما ما حدش يقدر يقول له ما تخلفش تاني. في حد يقدر يقول له ما تربيش تاني كده كده التربية العيال ما تنفعش. ما لناش دعوة اصلا. فده الجزء ده اصل التعلق بنتائج مؤذي للمربي والداعية انت واحد بتقوم بدوره ما لكش دعوة بتؤدي الذي عليك زي ما قلنا النهاردة. وتسأل الله الذي لك. لان اخوة صعب صعب ان الانسان يعني ما يعجبش بعمله. دي يعني اصلا الانسان محتاج يستعصم بالله جامد جدا عشان ينجو منها ان انت يا ربنا اكرمك وحققت انجاز وكده وما تعجبش ازاي؟ ده نوع من الجهاد. انك تجاهد نفسك في دي فلزلك الانسان ما يعرضش نفسه لها اصلا. والحديس صحيح النبي يقول ايه؟ بيقول لا ينبغي للمؤمن ان يذل نفسه فقالوا وكيف يذل نفسه يا رسول الله؟ قال يعرض نفسه للبلاء بما لا يطيق في رواية يعرض نفسه من البلاء لما لا يطيق. فاهم انت؟ ده بتزل نفسك. لما تعرض نفسك لحاجة انت ما هتطيقهاش فاهمني؟ حطيت نفسك في فتنة وجيت قلت ايه؟ مش هقف تاني. لا هتفطر. ما تضحكش على نفسك. فما تذلش نفسك واضح؟ طيب. هنرجع نقول ان احنا عندنا ايه ماشي. اه يعني بنقول مثلا احنا قلنا المثال ده. مسلا واحد ايه على سبيل المسال هو يقول لك هو شغال في عمل امن والدنيا فيه كويسة. اي نعم يعني المقابل بتاعه مش كبير قوي بس امان ما بيتعرضش لرشوة ولا حرام ولا مش عارف يقول الكلام ده. جت له فرصة في شغلانة حلوة. ومرتب جميل. بس فيه مشاكل كتيرة. فرصة انه يقع في رشوة كبيرة. وفرصة مش عارف ايه كزا. بس هو قال ايه؟ ان شاء الله نتجاوز الكلام ده والكلام ده سهل علي وعديه. بس هو في ظروف صعبة ومحتاج لكل ريال. وفي نفس الوقت اساسا هو الناس مش لاقية شغل هيتضغط عليه. فيروح يقبل الشغلانة دي. هو كده عرض نفسه ليه؟ لبلاء هيوقعه في الفتنة. فكده يبقى ذل نفسه. لان العصيان ذل. ماشي؟ العصيان ذل ما اعز العباد انفسهم بمثل طاعة الله وما اهانوها بمثل معصيته. تمام؟ فالعصيان ذل للنفس. طيب حديس صحيح لأ مش من اعز العباد ده كلام حسن البصري ماشي طيب يبقى عندنا يا جماعة في حاجة ايه في عندنا دلوقتي حاجات جميلة وحاجات في عندنا حاجات موجودة وحاجات مفقودة. نركز فين؟ في شكري الموجود. والله العزيم مش عايز اقول لكم لأ مش عايز ايه؟ هاقولها لكم. بل وفي شكر المفقود اشكر المفقود؟ ايوة. لان ربنا ما ابتلاك الا ليعافيك. وما منعك الا ليعطيك حرمانه عطاء. قد يكون العطاء هو قمة الحرمان وقد يكون الحرمان هو قمة العطاء. اشياء تبقى هتموت كل واحد من الجالسين امام الان على الاقل مرة واحدة في حياته كان في حاجة هيموت عليها ونفسه تحصل باي شكل وبعد فترة حمد ربنا انها ما جاتش. يا رب الحمد لله انك حرمتني منها. ده انا لو كانت جت دي كنت اتدمرت. صح ما فيش واحد من اللي قاعدين قدامي الا وعنده موقف واتنين وتلاتة وعشرة كده. ولزلك هو عطاؤه رحمة وحرمانه عطاؤه ايه ؟ وحرمانه. مش بيحرم كده وخلاص. لأ الحكمة يعلمها. انت لا تعلم هو اعلم. هو كل حاجة عنده لها توقيت. اه ان كل شيء خلقناه لقدر. شف بقى دي الاوضح بقى ومن يتق الله يجعل له مخرجا ويرزقه من حيث لا يحتسب. ومن يتوكل على الله فهو حسبه. ان الله بالغ امريكا جاية جاية قد جعل الله لكل شيء ايه؟ قدرا. ده ايه؟ واضح؟ بس كل حاجة ايه؟ قد الله تعيش على دي ان الله بالغ امره. تبقى حاسس بدي ان ربك بالغ امره. بس قد جعل الله لكل شيء ايه قدرا. يعني زي والدي الله يصبحه بالخير ويمسيه بالخير. كان يقول لي ايه يا ابني كل حاجة بتوقيت. ده هو في تصرفاته هو يقولي انا مبحبش كل حاجة عندي بتوقيت وكنت وانا صغير اقول ايه؟ ابويا يعني ايه بيعدي الموقف يعني. واكتشف فعلا ان هو كل حاجة مرتبها في دماغه بايه؟ بتوقيت. فبقيت لما يقول لي كل حاجة بتوقيت او لا ده هو شكله مرتبها. انت ربك بيقول لك ايه؟ قد جعل الله لكل شيء ايه؟ والله سبحان الله حصل معي موقف قريب كده. واقف ولا ايه في الزيارة دي لما جينا مكة فاحنا كنا يعني انتقلنا لسكن جديد فيعني انا آآ جيت افتح النور بتاع الحمام دست على مفتاح المفاتيح فمنورش. فقعدت بدور على مفاتيح التانية المفتاح ده المفتاح ده المفتاح ده وهخبط في المفتاح واعمل كزا وبعدين اتصل بحد بقى النور وبتاع ومش عارف ايه واتكلم في يعني وبعدين ايه قعدت العب في المفاتيح لقيته نور فركزت كده في المفتاح ده دست قفل وبعدين دوست عليه تاني لقيته بيقعد كده دقيقة وبعد كده ينور. فجيت المرة اللي بعديها وانا داخل الحمام دست على المفتاح ده وفضلت قاعد مستني لغاية ما ايه ما ينور. معلش قد يبدو موقف تافه بس انا عقدت في قلبي معنى او زكرني بمعنى انا مهم جدا سبحان الله! ان انت ازاي يعني انا دست على المفتاح وانا متأكد انه هينور ورغم انه ما نورش بس مستني ينور ليه ؟ عشان عندي تجربة قديمة قالت لي انه بينور بس بعد وقت عندي يقين في انه هينور. يقين في المفتاح قلت لنفسي طب انت ما بتعملش كده ليه مع ربنا؟ لما بتدعي ما ليه ما عندكش يقين انه هيستجيب بس ايه؟ استنى في وقتها جيد انت قلت السبب ان انا ما طبقتش قبل كده حاجات ربنا وعدني بها فما شفتش النور نور بعيني. فعشان كده ايه ما بقتش بصبر على المرة التانية او ان انا يقيني في ربنا مش رأي عين زي اللي انا شايفه من المصباح اللي بينهم. لأ اقول لك تدوس وايه انا مطمن جدا وهنور ومش زعلان ولا مفزوع ولا زعلان ولا واخر علي وما اخرش علي لأ خلاص انا مستني نور. فانت ازاي تعرف ان انت لما هتقول هتنور بس ايه لها توقيت عند الملك. وطالما قال لك هتنور يبقى هتنور. قال لك ان الله بالغ امره يعني بالغ امره انت بس عليك ايه ؟ توكل على الله. بالغ امره بالغ امره. جاية نايمة. كان في مقالة كده كنت يعني حكيت فيها حاجة حصلت لي مع عائشة بنتي. مشروع الافكار الرئيسية بتاعة المشروع بس بشكل لطيف في صورة يعني ادبية قصصية خفيفة كده آآ وبعد كل موضوع فيه ورقة عمل. عشان نعلمكم فكرة انك اتعلمت لازم ايه؟ تعمل تخطط للعمل. تعمل ازاي؟ فبسألك شوية اسئلة كده بعد كل حلقة. طيب ناوي تعمل ايه؟ فهمت ايه؟ طب هتعمله ازاي؟ كده يعني خلاص؟ طيب فالشاهد ان فيه حاجات مفقودة عايز اقول لك ان انت حتى اشكر على المفقود ده. لان في الغالب ما منعكش الا ليعطيك. بجد بجد يعني ما حرمكش من حاجة الا الايه؟ لان فعلا هي ايه؟ هتضرك حكمة فعلا. هتضرك قد تؤذيك؟ واضح يا اخويا؟ ولزلك سبحان الملك! لما تيجي تبص كده يعني انا كنت مرة بتدارس معهم اية ايه؟ ولو بسط الله الرزق لعباده لبغوا وفي الارض ولكن ينزل بقدر ما يشاء. ليه؟ انه بعباده خبير. خبير بصير. هو اعلم بك من النفس ينزل بقدر ايه؟ ما يشاء. الوقت ده يضيق عليك رزقك وفي غيره يوسع عليك فاما الانسان اذا ما ابتلاه ربه فاكرمه ونعمه فيقول ربي اكرمني وما اذا ما ابتلاه فقد قدر عليه رزقه فيقول ربي اهاننني كلا. لأ انت اللي مش فاهم. ولزلك سبحان الله! في لحظات الم بتبقى معراج لابواب امل. لحزات الم بتبقى ايه؟ معراج لابواب ايه؟ امل. امل سبحان الملك ما كان ذاك الامل ليوجد في حياتك الا للالم اللي انت عشته ده. الحرمان يشعرك بالعطاء لما المرض يخليك تحس بقيمة الصحة لما تيجي. الفقر يخليك تحس بالغنى لما يجي فتشكر طب ليه يا اخوة؟ لان الانسان عنده ابتلاء اصلي. ان الانسان ليطغى ان رآه استوى. كنت اقول لانسان هل يسرك ان كلها تتحقق. يعني بس تخش النار هو ايه الفرق بين الشاب اللي لسه صغير في سن صغير مسلا كده زي عبدالله ومسلا اللي مسلا في سن مسلا زي الباشمهندس كده مسلا او في سن مسلا زي حد من الاول حتى والده. ايه الفرق؟ ان في السن ده انت شايف الدنيا بشكل تاني خالص. شايف متاعها وشهواتها او ملزاتها شايفة انها ايه؟ يا الله بقى لما يبقى عندي قصر وعندي عربية واقعد مش عارف ايه ومش هاتل اهم حاجة وعايز كزا يعني ممكن يكون في السن ده يعني من من من ازمات الانسان في الحياة ومن مشاكله الكبرى باقة الانترنت. عايز باقة ما بتخلصش. اه والله. يعني انا فاكر واحد زميلي واحنا في الاندية كان يقول لي تلات احلام فانا قلت بقى يقول ايه يعني مسلا ابقى المصلح مش عارف ايه انا كنت ساعتها بحب القراءة فيعني دماغي كانت يعني مهيبرة شوية. يعني عايش دور بقى المصلح اللي مش عارف ايه يعني قلت بقى قلت تلات احلام رهيبة فبقول له ايه ؟ قال لي كوتش وعجلة وركبة. كان في بتاع اسمه وكمان كده زمان زي تسجيل كده كاسيت تسجيل صغير كده وله سماعات بيتحط في الودن. دي احلام. ولزلك هو في الاخير مش قلت لا يعني عشان بس ايه بس يعني حياته النهاردة حوالين التلاتة دول. يعني هي دي همومه انما واحد نفسي اكون عالم رباني نفسي اكون من اهل الله نفسي اخش الجنة نفسي مع فسيدنا عمران لنفسا ذواقة انا ما بحبش ابقى زي الناس. انا دلوقتي نفسي تتوق الى الجنة تقابل في السنتين وشهور اللي تولى فيهم الخلافة بلاء ذكر الناس بالخلفاء الراشدين. بعض الناس طبعا بتخطئ يتصوروا ان سيدنا يعني عمر ابن العزيز افضل من سيدنا معاوية لأ طبعا يعني الغبار اللي مشى عليه سيدنا معاوية افضل من سيدنا عمر ابن العزيز طبعا. تمام؟ ده ده صحابي خال المؤمنين. ماشي؟ فما حدش يقول لي خمس خلفاء الراشدين دول مش خمس خلفاء الراشدين. لأ طبعا سيدنا وهي افضل منه. لكن ايه؟ اعاد على الناس ذكر الايه؟ الخلفاء الراشدين. حاجة رهيبة كانت حاجة رهيبة سنتين وبضعة اشهر رهيبة فعلا ما يتصور ان ده يعمل كده بس يعني واحد اهتماماته بتدور حوالين ايه؟ فسبحان الملك انت الانسان مش هيشعر في السن ده هو بيبقى دماغه انما بقى لما يبقى كبر بيبقى خبر الحياة. يوه كان خارب الدنيا على الجواز ويلاقي الدنيا في الاخر ايه. انا مش للدرجة دي. كان خارب الدنيا على مش عارف عرفت يا ابو عربية ما تركب عربية وهتعمل مش عارف ايه وهتروح كزا وهتودي كزا. يعني كنت قرأت قصة كده يمكن الناس الكفار حتى يعني عشان طبعا بجيب قصصهم في في العالم ده لان هم اصلا شغالين في يعني هم غرقانين في الشهوات فهم امسلتنا يعني خلاص كان اه بيحلم بشوية احلام كده ما تحققش منها حلم. فكان فيه برنامج عامله واحد اه رجل اعمال امريكي كبير جدا اسمه دريم هاوس بيت الاحلام. خلاص؟ فالرجل الامريكي ده عامل البرنامج ده فكرته كلها هو مش عايز فلوس. هو معه فلوس كتير. بس بيستمتع يعني بيستمتع بان يجيبوا واحد يقولوا حلمك ايه نحقق لك حلمك. ويشوفوه ويصوروه قبليها وصوروه بعديها جو كده فجه الشاب المحبط ده بعت لهم قال لهم انتم بتقعدوا تهيصوا وتقولوا الاحلام ونحقق الناس احلامها؟ لانه مش هيقدروا تحققوا لي احلام انا محبط انا مش عارف ايه انا كان لي كان كنت بحلم ان انا آآ اخطب فلانة دي مش عارف ايه واتجوزها وسابتني. وكنت باحلم ان انما كان في سيارة يعني حوشت لها وعملت مش عارف ايه ودخلت كزا واقترضت والكلام من ده كله. وجيت اشتريها سعرها غلي في السوق مرة واحدة وكان نفسي باي شكل اشتغل محاسب في بنك وابقى مش عارف ايه وما عرفتش اشتغل وشغال في سوبر ماركت مش عارف بتاع عاجبنا ومش عارف ايه وبتاع. انتم تملكوا اه اكل جبنة ببلاش. انتم تملكوا انتم احلامي مش عارفة. فضربت في دماغ الراجل اللي هو الغني ده بقى يعملها ايه؟ قصة. فايه؟ قال هاتوه. بعتوا له. خطيبته قعدوا كلموها قالوا لها ايه؟ انا اديك رجعي لي. ادي واحدة. هم. اه لو اتجوزت تطلقه وترجع. الناس دي ما عندهاش اي حاجة في اي حاجة. اه انا شفت تقرير عن واحد كان عامل برنامج في الشارع في امريكا برنامج مش عارف يعملوه كده حاجة زي شوارع زي مزيع شارع كده والكلام ده. قرأت تقرير عنه ان حلقة من الحلقات كانت عبارة عن ايه؟ ان واحد بيخش على واحد ماشي مع مراته يقول له تديها لك كم؟ يقول له خمس تلاف دولار عشرة عشرين تخيلوا مسلا قابل عشرة. العشرة تسعة منهم وقفوا مع تفاوت المبلغ. انا خمسة من عشرة يعني اللي بعد خمسين واللي بعد ستين الف واللي بعد سبعين الف. ياخدها ويمشي ما علينا الحمد لله نعمة الاسلام. اقول لها ترجعي لي. ماشي. وبعدين العربية جابوا لي العربية اللي هو عايزها. والراجل اصلا صاحب البرنامج ده هو عنده بنك قصر. فشغله في البنك. تمام؟ بس هنصورك قبل وبعد انا قبل الحاجات دي وبعدها يعني فقال ماشي صوروه وبيصوروه بقى بعد ما ادوا له الحاجات دي بقى وهو بصوته مستمتع وبعدين في وسط التصوير بس وقف انا عايز ارجع زي ما تاني انا ما حستش بقيمة الراحة اللي انا كنت فيها الا لما جا لي الهباب ده انا اصلا كده كده حسيت انها انتم عاطيينها فلوس. بتعاملني معاملة يعني مش ايه؟ ولا مبسوط معها ولا حاجة. وكنتم متخيل ان انا ابقى مبسوط معهم ولا الكلام ده الاصل. والبنك انا اساسا رايح ما عنديش خبرة اصلا في الشغل ده خالص. فكله بيبص لي بايه؟ وبقيت انا بقيت مسخرة البنك وبعدين ايه العربية انا اصلا كنت متخيل ان هي هتبقى مناسبة ليه؟ انا اساسا اكتشفت ان انا وزني زيادة جدا والعربية ضيقة اصلا القديمة ايوة بس كانت بس كانت واسعة ومريحة جدا. كنت مبسوط فيها. انا عايز ارجع تاني. شف هو الانسان يشتهي حاجة ما خبرهاش ولما يخبرها يشكر ربنا على اللي كان فيه. اه في اوقات كتيرة جدا جدا يعني سبحان الله لزلك اللي عايز اقوله ان المفقود او الحرمان ده مع ربنا عطاء ربنا هو الوحيد اللي حرمانه عطاء. البشر اغلب ممكن يحرموا ايه احيانا يحرمه عطاء بس بيحرمه ايه ؟ انما ربنا ثق ان حرمانه عطاء. ده عقوبة برضو عطاء. ان هو يعجلها لك هنا مش في الاخرة برضو ولزلك ابن عطاء كان يقول ايه؟ ربما اعطاك فمنعك وربما منعك فاعطاك. ربنا عطاه على انه من المتصوفة لكن الحياء كان له ايه كلمات كده يعني عليها بهاء السنة. خلاص؟ المسلم لازم احلامه تكون واضحة. ايه الفرق بينه وبين الكافر؟ ربنا قال والذين كفروا يتمتعون ويأكلون كما تأكل الأنعام ليه؟ والنار مثوى لهم. انا كمسلم عندي اللي مش عنده. عارف اللي مش عارفه انا هقولهالك بشكل تاني خالص انت النهاردة انت اهو قاعد هنا في مكة هنفترض انك كنت عايش في مصر لغاية مسلا الاعدادية. تمام؟ وجيت ابوك قال لك ايه؟ او لغاية السانوية. جه ابوك قال لك تعال يا عبدالله هنا. هنا السانوية حلوة وسهلة ولزيزة. هتاخد السانوية هنا تجيب مجموع حلو وهترجع مصر تعمل معادلة تخش كلية حلوة. بالميت نوديك السودان ولا اي حتة تخش كلية طبة دي وتمشي كويس. انت جاي سنين متقسمين دول تعمل ايه عندك هدف واضح محدد انك تجيب ايه؟ مجموع كويس. لما عشت بقى في مكة ولقيت اصحابك الواد ده بقى بيجي معك المدرسة راكب عربية تاني معه مش عارف والتالت مش عارف ايه. وبدأت انا ليه مش معي عربية؟ وليه مش عارف كزا؟ وبعدين بابا مكة دي حلوة. عايز اقعد هنا في مكة. وانا عايز بقى اشتري لي فيلا هنا في مكة واعمل مش عارف ايه وبعدين كمان ايه فيه نادي بتاع مش عارف ايه بتاع كورة اشتركت في النادي لقيت نفسك الدنيا ماشية معك حلو وبتاع وبتلعب حلو بجد قلت لا طب ما انا ليه احترف في الدوري السعودي وبدأت كل ده وناسي انت جاي ليه؟ والوقت عمال يعدي يعدي يعدي وانت مسكين متصور ان انت ايه رغم ان كل اللي بتحلم ده محتاج له عشر سنين وخمس سنين وسبع سنين وانت كده كده قاعد تلات سنين بس. وحدى الوقت عدى الوقت عدى الوقت. وفي وسط كل الحاجات اللي انت واصفها بانها احلامك امتحانات السانوية الاسبوع الجاي انا ما عملتش اي حاجة ما هم لان هم مش مؤمنين بان في اخرة. فلازم احلامهم كده هي بيعيشوا حياة واحدة ان هي الا حياة ايه؟ الدنيا. نموت ونحو ما نحن هو هم عايشين حال. انما احنا لأ. ده اللي احنا عايشينه ده اقصر فصل من فصول قصة حياته فصول قصة حياتك اللي بدأت وانت في ظهر في ظهر ابينا ادم فضلت في عالم الذر عالم الذر عالم الذر لغاية ما جيت النهاردة هتعيش لك ستين سنة هتقعد في القبر اضعاف اضعاف اضعاف اضعافه ويوم الحساب بس خمسين الف سنة. اقصر فصل في قصتك هو ايه؟ ولزلك لما بيفوق بيقولوا ايه؟ لبثنا يوما او بعض يوم لبثوا غير الساعة. لما تشوف القصة على بعضها تعرف ان ايه؟ لازم احلامك كلها تكون في ايه اه بص بقى انا بحلم ان انا ان شاء الله فيه عاملين فرصة هنا ان فيه لو لو واحد عمل ابحاس في المكتبة ومش عارف ايه وكلام من ده هياخد درجات تضاف لمجموع. فيه حاجة اسمها النشاط الرياضي ان انا لو اشتركت في النشاط الرياضي هيتضاف على مجموعي. شفت كل حاجة بس مركز فين؟ مهمته. وتخلص التلات سنين والحياة الحقيقية هتبدأ. فانا كمؤمن كمسلم احلامي حاصلة. بس في خدمة المهمة اللي انا جيت عشانها الناحية القصيرة قوي قوي يعني ربنا يعافيك يا لسة والله واحدة من الاخوات اللي عندنا في المشروع يعني اختي يعني يعني ربنا يحفزها يعني مضحية جدا وهي انا من الناس العزيزة عالية جدا جدا ان هي في اكبر من والدتي يعني لسة يا عيني ابنها ستاشر سنة. اولى جامعة شهر ستاشر او سبعتاشر سنة وراجعين من بره وطالعين يصحوه بالليل صحيه؟ ده بقى ما كملش الا تلات سنين ولا مش تلات سنين ما كملش. ما عاش منهم تلات شهور يعني انا نفسي انا مش قادر اتخيل ان هو مش موجود. انه مات مش قادر اتخيلها يعني. وقصته خلصت وبدأ قصته الحقيقية اصلا. لزلك كل سانية من عمرك لها قيمة. النبي صلى الله عليه وسلم يقول ما حسر العبد يوم القيامة على شيء حسرته على هتتحسر عليه يوم القيامة ساعة مرت لم يذكر الله عز وجل فيها فكيف عصى الله فيها. حديس حسنه الشيخ الالباني. ان الانسان يقول لا مش هتحصل الا على ساعة بس. الله المستعان. فاحلامنا مطلوبة. لكن تكون في خدمة المهمة اللي احنا جينا عشانه. مش في خدمة المهمة يبقى في النهاية تبقى وبال علينا لان انت لو امنت ان انت مختلف لازم تبقى مختلف. انما مشكلتنا ان احنا المجتمع اللي عشنا فيه حبيبي لو تبص على ربنا حذر النبي كتير من وان تطع اكثر ما في الارض دلوك عن سبيل الله. ما تبصش على اللي حواليك الناس اللي حواليك اصلا مش في دماغه اخرة وان كان مسلم. عايش طقوسية. بس يوم القيامة هو ليه ناس كتيرة تخش النار يوم القيامة؟ رغم ان دول مسلمين وموحدين وزي الفل يعني الالتزام هم. هم. هم الاخرة. الاستقامة هم. لا تغرك لحية ولا جلابية قصيرة ولا نقاب مش عارف ايه ولا الكلام ده ولا جامع ولا ناس بتصلي ولا ما بتصليش حتى. انا ما ليش دعوة بحتة مؤمنين ولا كفار ما اخشش في دي اصلا. يعني كده كده ما نتكلمش في كفر ناس ويعني اللي هو زاهره الاسلام نشهد له بالاسلام. ما بتكلمش في دي خالص. بس ده مش عنوان الصلاح. الصلاة في الزمن ده طقوس. جزء من بس تقدر تقول ان ده عنوان صلاح لأ ما تقدرش بس حاجة حلوة في المجتمع حلوة في المجتمع. ماشي في الشارع ما تتأزيش للي حاطة مش عارف ايه حاجة حلوة. كنظام دولة ونظام مجتمع حلو. بس ده عنوان صلاح؟ لا مش عنوان صلاح. اقول لك قاعدة لزيزة جدا. بص فساد الظاهر دليل اكيد على فساد الباطل وصلاح الظاهر ليس دليلا اكيدا على صلاح الباطل. ماشي؟ الفساد الظاهر ده ده دليل اكيد على وجود فساد في الباطل اي حد فسد حاجة من زاهره اكيد في حاجة فسدت في ايه في باطنه. انما صلاح الظاهر مش دليل اكيد على ايه؟ على صلاح الباطل لان في حاجة اسمها النفاق. في حاجة اسمها الطقوس. في حاجة اسمها شكل المجتمع كده. يعني احنا مسلا لما جينا السعودية متخيلين ايه كل اللي معه الدقن ولابس سماخ شيخ يعني السعودية شيوخ. فانا متخيل بقى ليه؟ لا هو مين الشيخ ومين من الشيخ مختلفة خالص اكتشفنا هنا ان بيقولوا اللي بيقولوا ايه؟ مطوع مطوع ومش كلهم بتقول اشمعنا ده مطوع يعني؟ لان اه فيه دقن شيخ ودقن مش شيخ في واحد لابس كده شيخ وواحد مش لابس كده يعني عادي يعني. بس احنا تصورنا في مصر الايه؟ اللي بيلبس بتاعة من دي بيلبسها الشيخ محمد حسان وبيلبسها الشيخ محمد حسين يعقوب والناس دي بيقولوا ايه؟ دول الشيوخ انما تيجي هنا اللي بيلبس بتاعة من دي لأ مش لازم يكون شيخ. بس هو الشكل دي سقافة المجتمع. ده كزا. حاجات كويسة بس مش مش دليل اكيد على ان الدنيا ايه فالشاهد ان انت هذا الشيء الذي يعني فقدته هذا نعمة من الله سبحانه وتعالى. انت ممكن ما تكونش مدركها. ارجع للمسألة الاصلية وهي ان انت لما تنزر انت لازم تاخد بالك من ان الانسان عنده ازمة وهي ازمة ايه؟ ان هو دايما عينه تقع على القبيح. ودايما مشغول بالمفقود. وما بياخدش باله خالص من الموجود. فبيحصل ايه الموجود؟ اهدار يروح ما هو ما بيشكرش ما يزدش ده بالعكس مش حاسس بقيمته. فيحصل له ايه؟ يروح منه وهو لا يشعر. لا بقى مفقود ولا ايه؟ موجود. والدنيا عمالة تسوء فطبيعة نزرة البشر للبشر ايه ان الانسان اصلا شحيح انه ايه؟ يعترف بفضل حد. ولزلك في وقت المشاكل ربنا وصانا وصية غالية جدا. قال ولا تنسوا الفضل بينكم ودي لها تفسيرين. لا تنسوا التعامل بالفضل لا بالعدل ماشي؟ ولا تنسوا الفضل السابق لهذا الشخص عليكم قبل ذلك. تمام؟ لو استحضرت النقطتين دول مع اي حد بينك وبينه المشكلة تخلص. لان اللي بيحصل في المشكلة عكس كده. ان كل واحد في المشكلة عايز يتعامل بالعدل مش بالفضل اخد حقي حقي الاول وبعدين نتكلم. يردوا لي اعتبار الاول. طب لو بالفضل مش مشكلة. التانية انه الاول ما بيحصل بينه وبين واحد مشكلة بيستدعي الصندوق الاسود. يطلع له بقى تاريخه الابيض. وانت وانت وانت ويضخ جامد جدا الاخطاء ويصغر جدا الحسنات. برضو ايوة هو عمل كتير قوي جزاه الله خير وكان له حاجات كويسة بس بص خلي بالك اللي عملها دي مسحت كل حاجة. مسحت كل حاجة. مسحت كل حاجة. ايه ده! تعكر بحر حطين حبر. نعكر بحر بوطين حبر. يعني رغم ان من الحاجات اللطيفة ان كتير من العلماء رغم انها في باب فقهي دي كان يستخدمها في باب ايماني معنوي. فكان يقول اذا بلغ الماء قلتيه لم يحمل الخبث. يعني اللي احسانه بلغ قلتين مهما اساء ما هيبانش فيه خلاص. فيه ناس عدت القلتين. وجوزت القنطرة مهما يعملوا لازم تعمل ايه؟ احترمهم. عادي ولا كأن في حاجة حصل. العلماء والناس اللي قابلت بلاء حسنا في خدمة الدين. دي ناس جوزت القنطرة. ماشي؟ دي ناس اه ماءها بلغ القلتين من زمان ننين من نفسنا بقى منين من لساننا؟ اخطأ خطأ خطأين تلاتة عادي. زلة في مسألة مش مشكلة مش تعمل ايه؟ مش تهدم كل تاريخه بايه بالزلة والزلتين دول بنطين الحبر دول ما لكم كيف تحكمون؟ لما خلاص يبلغ القلتين خلاص انت مراتك في بيتك يعني يا جماعة شوفوا شوفوا ربنا بيتعامل مع خالقكم ازاي! شف الصحابة وقفوا موقف في بدر. لعل الله اطلع الى اهل بدر قال اعملوا ما شئتم فقد غفرت لكم. انت لازم تتعامل مع البشر كده. ان في واحدة مراتك تقول لها بصي والله بعد وقفتك اللي وقفتيها مع امي دي والوقفة دي والله مهما عملت بعد كده عمري ما ركز معي. تقول لاخوك ده والله بعد الوقفة اللي قلتها دي انا بص مهما حصل عمري ما ما اركز معك. تقول المرأة لجوزها كده تقول لابنك كده ابنك يقول لك والله بعد الموقف ده مهما حصل ما هيركز معك. ما ضر عثمان ما فعل بعد اليوم. رضي الله عنه. انك فعلا تتعامل مع مع البشر بالمنطق ده والله ما هيضرك اي حاجة تعمليها بعد النهاردة عندي. تقول له والله ما هيضرك اي حاجة تعملها بعد كده عندي. انا هيكفيني بس احسانا. احسانك ده بالنسبة لي قصتك خلصت. ما درك ما فعلت بعد اليوم ايه؟ انت. مطلوب. ربنا بيتعامل مع خلقه كده. وحقوقه على خلقه اعلى من حقوقنا على اي حد صح؟ ولا واحد فينا له ان هو اصلا يقول اي كلمة على اي حد وده تعامله مع خلقه. فلزلك يا اخوة الانسان مشكلته ان هو ايه؟ بايه؟ بيبص دايما للجزء الناقص. وما ياخدش باله من الجزء اللي موجود. ومش عارف ايه ويركز في المفقود. هنخسر كل حاجة فلزلك لما ييجي يحكم على البشر تلاقي عينه مركزة في الايه ؟ في الصندوق الاسود مركز جدا في الحاجات الناقصة. خد بالك من اللي جاية دي. انا كل القصة الطويلة دي بقولها ليه؟ عشان تحس باللي جاية بقى. تحس باللي جاية دي. تتخيل لقى ان واحد شخص يقعد معه عشر سنين يقول لا انقم عليه شيئا. عشر سنين وعشر سنين معه ايه ؟ الريس بتاعه ده خادمنا. عشر سنين بيخدمني في العشر سنين على منوال واحد. طب ما فيش مرة كان متعصب؟ ما فيش مرة مش عارف ايه. ما فيش العادي بيصدر مننا ده ما فيش مرة كزا ؟ عشر سنين. سيدنا انس خدمت الرسول عشر سنين. انت واخد بالك؟ انا بس كل الليلة الطويلة دي عشان ابين لك ان الانسان اصلا بطبيعته بايه؟ بيركز في الحاجات اللي هي يعني عشر سنين مش لاقي له حاجة. ولزلك واحد من الكفار اسلم بكلام السيدة عائشة في النبي قال اصلا كده كده الرجل الانسان بطبيعته عينه بتقع النقص. سانيا الرجل لو خدع كل الناس ما يخدعش مراته في بيته. لانه في البيت لا يحتشم يعني ربما امور يحتشم منها في الخارج لا يحتشم منها في الايه؟ في البيت. هو في البيت على ايه؟ على سجيته يعني الصورة دي النسخة الاصلية منه. فاهمين ده؟ برة دي اللي هي النسخة الايه؟ اللي هي بقى. مش زواقاه. انما النسخة الاصلية دي في البيت. جوة دي النسخة الاصلية بتاعتك. ولزلك خيركم خيركم لاهله. اللي جوة خير هو عند ربنا خير. لان دي النسخة الاصلية. اللي عند ولاده خير هو عند ربنا خير. اللي عنده مراته خير هو عند ربنا خير. الست اللي عند جوزها خير هي عند ربنا خير. قال لها انما هو جنتك وايه؟ ونارك. صح؟ هو ده المقياس الرئيسي اصلا انت جوة خير او انت عند ربنا خير. انما بتاع برة ده ده المتزوق اللي احنا كلنا يعني بنبقى طالعين ايه ونتقي الله ونسأل الله الاخلاص نسأل الله الصدق. واحد يكلمك ولا يزعق فيك تبتسم وما يجراش حاجة. وفي البيت اي ما حد يكرش جنب مناخيرك ازا عملت هو ده المقياس الرئيسي. انت في البيت ايه؟ انت مع ابوك ايه؟ انت مع ولادك ايه؟ هو ده هو ده المقياس. ولزلك الراجل قال لك ايه؟ ده ده الست ده ده الراجل في بيته ما بيحتشمش. يعني على ايه؟ على سجيته. فاخطائه يحصل لها ايه؟ هتبان خالص يعني نخبيه برة بقى مش هنخبيه جوة. يعني انت عذرا ممكن عمرك ما تعرف ان انا مسلا وانا بنام باطلع صوت ولا ما طلعش صوت ولا مش عارف ايه. عمرك هتعرف دي الا لو شفتني نايم وممكن تقعد سنين بتابعني ما شفتنيش نايم. بس دي كل يوم بتنام على انغام الموسيقى دي. تمام؟ اه عارفاها يعني خلاص خدت عليها لو انت مش موجود ما يجيلهاش نوم تقول لك ايه ده ما انا هشغل الموبايل وانت ايه يعني ايه نام كده وحط الموبايل جنبك عشان ايه احس بالونس. صح؟ ما انت ايه ما بتحتشمش يعني ده الوضع العادي الطبيعي. وتعلم عنك ما لا يعلمه غيرها يعني كل بين الرجل وامرأته اسرار لا يعلمها اي احد. صح؟ كل واحد منهم مراته كده اسرار ما حدش يعرفها خالص اللي هم الاتنين حتى في تقصير في الاسرار. طيب النقطة التالتة بقى الستات اصلا. مشكلة الستات ايه اصلا؟ انهم بطبيعتهم انا طبعا بطول في الحتة دي عند الستات بس مش هطول فيا هنا. خلاص؟ ان هم بطبيعتهم بيركزوا في التفاصيل جدا. يعني كانت حتى مرة اخرى قالت لي يا دكتور عايزة تعرف الفرق بين الراجل الست شوف راجل بيحضر شنطة ازاي والست بتحضر شنطة ازاي وهم مسافرين الراجل بيعمل ايه يلا لأ هي جايبة كبريت وابرة وفتلة ومش عارفة عاملة حسابها لو رحنا هناك لقينا مش عارف يجيب البتاع بتاع الناموس كل حاجة. بص كأنها اتخيلت المكان كده وهتحط تحط تحط في الشنطة ولأ ده غير بقى الشنطة المترتبة بشكل معين وده في الجيب اللي برة والجيب اللي جوة والغير مرتبة لك الشنطة تتصل بالتليفون كل شوية مش حتى ايه مش مكلف نفسك تستكشف الشنطة. هو انت حاطة الاوبر فين؟ يا عم ما تدور في الشنطة هي فين يعني هتكون رايح في الطيارة! ما هي كده كده في الشنطة فبردو ايه ؟ هم بيركزوا في التفاصيل جدا. وبيركزوا في الكلام جدا. وعينهم نقادة جدا. هي طبيعة المرأة كده. لان المرأة يعني الراجل دايما في البيت بيعيش دور القائد. والمرأة دور المدير مش بتديره هو. بتدير الحاجات اللي هو عايزها تديرها. خلاص؟ الله اعلم بقى لو عايزها تديره حر بس هي بتقوم بدور المدير التنفيزي لانها فعلا قدرتها على التنفيز عالية. لان التنفيز بيحتاج تركيز بيحتاج حد عنده صبر وعنده وطول نفس وقاعد والستات فيهم المواصفات دي. انما الرجالة بلاش. سابت لك العيال يومين تلاتة على اليوم التالت في الغالب هتكون رميت نصهم من الشباك. رجع الدماغ ده لا ان هي تقعد تصبر عليهم وتصاب كل كل ايه؟ ميسر لما خلق له. هيأت لكده. فهي هيأت لانها تدير. فالمدير ده نعمل ايه؟ الراجل اللي بينفز لا يركز في التفاصيل جدا. ويبقى واخد باله يبص ونزره ويركز في الكلام. انما انت ممكن ايه؟ انت مسلا تبقى مسلا رحت انت ومراتك مسلا تزوروا جماعة قرايبكم ولا تزوروا اختك ولا بتاع وتيجي شفت اللي اختك قالته؟ قالت اختي ما قالتش حاجة. لأ قالت كزا كزا كزا. طب ما له الكلام ده؟ لا ما انت مش فاهم بقى ما هي وهكزا اللي هو بكزا يقول لها يخرب بيت شيطانك ده ابليس نفسه ما يفكرش كده. ليه؟ هي فعلا دماغها والكلام هيطلع صح لان هم عاملينهم لغة خاصة كده. او عندها بقى تدبر فزيع بص ولا تقول لي بقى اسرار ولا لطائف ولا ميكات ولا عشان كده دايما الست اقول لهم ايه؟ انتم متدبرات من الطراز الاول بس في الشر عايزين نجيبه بقى فين؟ في الخير. حقيقي هي يعني فبطبيعة المرأة انا عارف ان انتم منفصلين في الاخر فبفككم يعني. بطبيعة المرأة انها بتركز فين ؟ في التفاصيل اوي. فدي بقى ما هيغيبش عليها عيب النقطة اللي بعد كده في طبيعة المرأة كفران العشير. ابتلاء. يعني ايه صفة؟ توجد في الرجال وفي الايه؟ وفي النساء. يعني عادي في رجالة عندهم كفران عشيرة اكتر من الستات حقيقي بس هي المرأة برضو بطبيعتها لانها ضعيفة. آآ مشكلتها لما بتحصل مشكلة بتفقد اعصابها وتفقد كل حاجة. فبتلاقيها ايه عايزة بص تخدم المعبد على راسها على راس كل اللي مش فسادها الشيطان بيحضر قدام عنيها ايه الصندوق الاسود. كل واحد كده عنده صندوق اسود ما كله كده. بيزهر في وقت الايه؟ الشغل ده. خلاص؟ فالصندوق الاسود ده بيشتغل اللي هو ايه؟ ما رأيت معك خيرا قط. طب بلاش قط دي! يعني انت مخليها خيرا بدون ايه؟ يعني مرة مرة خليها تقول لي يا بابا انت ما خالص. قلت لها نعم! خالص! طب قولي مسلا وما تخرجناش الايه؟ الشهر ده مسلا. الاسبوع ده لك شهرين خالص قلت صدق رسول الله دي جينات. ده ده انتم يعني انتم ايه دي جينات. الجزم ده ما فيش خالص الناس لما رأيت معك خيرا يمكن اصداها النهاردة يمكن اصليها على الاسبوع ده انما قط. لأ امال انا كنت عايش مع مين بقى؟ انا كنت عايش مع امي في اه ما بتكلمش على المهر. يعني الفترة دي كلها انا كنت بعمل ايه؟ يا عيني انت طب وانت مستحملة السنين دي كلها ليه اصلا ده ايه بقى فهي يعني كامرأة بطبيعتها اصلا في مبتلاه يعني مش هي مبتلاه زي احنا من الرجالة مبتلين انت كرجل مسلا مبتلى بحاجات معينة هي مبتلاة بمسألة ايه ان كفران العشير لما بتحصل مشكلة تضعف ضعيفة في المشاكل. لزلك كنت دايما اقول لما حد مراته يحصل مشكلة يلم الدور بسرعة قبل ما تطرطش. ضعيفة ما بتتحملش المشاكل. ضعيفة فاول ما تحصل مشاكل تلاقيها ايه ما تسكتش يعني كنت دايما اقعد اقول لهم في المحاضرات اقول لهم ايه؟ الواحدة فيكم مسلا المشكلة يعدي يوم صابرة شوية وتاني يوم مم ما تستحملوش تقول لحد. تالت يوم تطرطش بقى رايحة تجيب بتاع الخضار اسكتي يا رجالة واللي في الرجالة تقول لها. وبعدين رايح اجيب تقول لها وتتصل اختها ما لك كده صوتك متغير. تحكي لها. بص بعد بالزبط تلات تيام هتلاقي اخبارك كلها فانت تلم الدور بدري بدري انها ضعيفة. لا تتحمل الايه؟ ما تتحملش الازمات النفسية. بص الست صوعها شغلها هي سبحان الملك عندها طاقة رهيبة في كده بس لا تتحمل الضغوط النفسية. ما تتحملهاش دي ابدا. ابدا هي كامرأة ما تتحملش كده. هو ربنا خلقها ضعيفة. وهي جمالها وهي مخلوقة من ضلع الرجل هي جزء منه اصلا. يعني هي احساسها بالسكون والامان والراحة. طول ما هي في ضلعك. اول ما تحس انها انفصلت عن ضلعة ايه او انفصلت عن هي طالعة لأ اول ما بتحس بكده خلاص يعني بتنهار فلزلك احسن الله اليكم آآ في زي كده انت ينبغي ان انت تبادر ما تسيبش الامر يستفحل. يبقى عندنا كم عامل دلوقتي؟ في الرجل مسلا امرأته؟ العامل الاول ما بيحتشمش من بيته؟ بتركز في التفاصيل وفي رنجة في حاجة رابعة انها قبل قبل ما يحسب شمته دي. لأ بنقول ايه العوامل اللي تخلي كلام الرجل المرأة عن زوجها يبقى له معنى كبير جدا. يعني لما الست تقول كلمة حلوة في جوزها دي حاجة عظيمة جدا قلنا ليه؟ لانها عندها كفران العشير. وهي وهي عندها بتركز في التفاصيل. وايه؟ ولا يحتشم منها وبيكون على ايه على سجيته في البيت. خلاص؟ بيكون على سجيته في البيت ما بيحتشمش منها. دي عوامل تخلي كلمة الست في جوزها لها معنى كبير جدا. لاجلها اسلم الراجل ده. لما سمع كلام امنا عائشة في النبي. يقول لما ست تقول كده عن جوزها لأ يبقى ده رجل عظيم. فاهمني؟ يبقى ده رجل عظيم. مش ممكن يكون ده يعني ايه؟ لا ما هو ده رجل عظيم وده اللي عايز اقوله لما تلاقوا سيدنا انس انا القصة دي كلها ليه؟ عشان هتسمعوا عن سيدنا انس كلام كتير قوي في ايه؟ في آآ في وصف علاقة النبي بالاطفال صلى الله عليه وسلم. فلما تجد بقى سيدنا انس كان في انهي وضع مش فاضي الابن حتى ده فاضل ايه؟ الخادم. صح اللي هو ممكن الانسان ايه؟ بقى دونه فممكن يتصرف تصرفات يعني هو دوره انه بيخدم اصلا انه بقى يقول ما رأيت ارحم بالعيال من رسول الله صلى الله عليه وسلم. هو خادم يقول ما شفتش ارحم منه بالعيال ابدا بيقول كان ربنا ما احسن الناس خلقا. ما شفتش زي اخلاقه. ويحكي مواقف لزلك وقفت جامد مع كلام سيدنا انس انه بطل مواقف كتيرة يحكيها لنا. يحكي لنا موقف عمي. اه يا ابا عمير مثلا وغيره. احك لنا موقف مشكلته. احكي لنا موقف تسليم النبي على الصبيان. احكي لنا مواقف كتيرة للنبي صلى الله عليه وسلم. بس بحسسك قد ايه ان طفل يقعد عشر سنين مع حد ولزلك كنت اقول لنفسي دايما ايه ؟ ابني وابنك يقدر يقول عننا كده ؟ يقدر يقول عن ابوه. يقول مم يعني ما رأيت احسن خلقا من ابي يقدر يقول ما رأيت ارحم بالصبيان من ابي. عشان بس مش حاسين بقيمة دي. ونروح نستورد من اليمين ولا من الشمال ولا من الغرب ولا من والمسخرة دي طب والاطفال والتعامل مع الاطفال احنا عندنا هذه العظمة. يعني والله جريمة جريمة فعلا. جريمة لا تغتصب يعني ربنا ما يغفرهاش بس حاجة عظيمة جدا. ازاي اصلا يعني يكون عندنا العزمة دي. لهذا وهو في مقام يكون هذا تعامل الحبيب صلى الله عليه وسلم معه. ويحتمل المواقف دي كلها. بس عظمة النبي صلى الله عليه وسلم في هذا الباب بابي وامي ونفسه يروح الحبيب صلى الله عليه وسلم نكتفي بهذا القدر ان شاء الله اه سبحانك اللهم ربنا وبحمدك اشهد ان لا اله الا انت استغفرك واتوب اليك