لما يتقال بقى ما دينك يعني ايه ؟ الاسلام. حد يعرف يقول لي بقى يعني ايه الاسلام؟ مم قل اتفضل ايوة اتفضلوا لا هنخلي الاسئلة للاخر ماشي؟ احنا دلوقتي هنسمع وبعدين نخلي الاسئلة للاخر. شاطرة قولي قولي اسماء اسماءك تروحي الى الاول. احسنت صح. يعني انا مش هتسأل ما دينك ان انا مسلا اقول اه دي هي الاسلام دين الاسلام دي هي الاسلام طب ما احنا كلنا نعرف نقول كده. لأ. يعني انت كنت بتديني بايه ؟ يعني يا دكتورة هاني بتديني بايه؟ يعني ايه؟ يعني انت كنت في الدنيا عايشة كده مع مع نفسك بمزاجك ولا فيه حاجة حاكماك يعني بصوا بصوا يا جماعة دلوقتي آآ الاسلام يا بنات حط لنا حدود صح؟ حط لنا حدود طيب يعني ايه حدود دي؟ يعني مسلا قال لك خدي بالك انت حدودك في حدودك في الفلوس تصرفي فلوسك براحتك. بس تيجي عند فلوس غيرك ده فيه هنا ايه ؟ خط احمر مش بتاعتك ما لكيش دعوة بها يعني مسلا اهو لو انت شوفي لو مسلا احنا حاطين خمستاشر جنيه هنا. وفي خمستاشر جنيه تانية. الخمستاشر جنيه دي بتاعتك الخمستاشر جنيه دي مسلا بتاعة فاطمة صاحبتك ماشي؟ انت حدودك فين؟ الخمستاشر بتاعتك ما ينفعش تروحي فين؟ اللي مش بتاعتك. حدودك في النزر في حاجات ينفع تنزري لها وحاجات ما ينفعش تنزري لها عشان حرام. تمام؟ حضرتك في الكلام بتتكلمي اتكلمي براحتك قولي اللي انت عايزاه بس فيه كلام ما ينفعش ايه ؟ تقوليه. دي كلها اسمها حدود، صح كده ؟ طيب. الحدود اللي حطها ربنا في الاسلام الجميل فيها انها حدود ضابطة مش ضاغطة تاني يعني الواحد الضابطة دي. يعني مسلا هو ربنا في الاسلام حط لك حدود. الحدود دي قال لك عايزة تلبسي وتتشيكي اتشيكي براحتك في تلبسي ضيق تلبسي مش عارف ايه تعملي شعرك مش عارف ايه كل ده في بيتك ايه براحتك. تمام؟ بس انت خرجتي برة البيت يبقى لبسك لازم يكون له شكل ايه؟ معين. ليه ليه شكل معين؟ علشان خاطر ده احسن لك. واحسن لغيرك. فدي حدود اهي. صح والحدود دي ضغط ضغط ولا ضبط؟ ضبط صح؟ بتضبطني انا ان ربنا بيقول لك يا مي تكلمي زي ما انت عايزة. بس يا مي خلي بالك في كلام مش كويس ما ينفعش تقوليه. لان الكلام ده لو قلتيه هو اصلا ينافي انت تكوني انسانة محترمة. يعني واحدة مسلا تشتم واحدة تقول كلام ما ينفعش مسلا يليق ببنوتة مسلا. الحد ده ضغط علي ولا ضبطي لي ضبط ليه؟ ليه ضبط ليه؟ عشان ربنا بيحبني عشان ربنا يريد لي الخير. زي باباك النهاردة مسلا او مامتك يقول لك حبيبتي لأ انت ما ينفعش تقولي الكلام التالي. ما ينفعش تعملي التصرف التالي. يبقى انا لما اتسأل عن ما دينك؟ ما يتسألش عن ايه؟ عن المعلومة اللي هو دينك ايه؟ ما هو ديني الاسلام. لا هتسألي عن انت لما كنت عايشة في الدنيا هو انت كنت في الدنيا دي في الدنيا؟ انت كنت عايشة مع نفسك كده ولا في حاجة بتحكمك؟ في قواعد بتحكمك زي مسلا انت بتروحي المدرسة. المدرسة دي مش لها معاد في الحضور. صح؟ ويعني تخيل واحد رايحة المدرسة. النهاردة المفروض هي تروح المدرسة الصبح. قالت لأ انا مش رايح المدرسة رايحة فين انا رايح اتفسح في النادي الرياضي جت تاني يوم طب خلاص تروح المدرسة المفروض تروح المدرسة مسلا الحصة تبدأ الساعة تمانية. هي راحت الساعة عشرة ونص. ليه ؟ انا مزاجي كده دي هتنفع في اي حاجة في حياتها؟ لأ طب ما هو يعني هي مش دلوقتي هي دلوقتي ماشية على ايه بقى ؟ ماشية على نظام ولا ماشية على هواها؟ ماشية على ماشي على هواه. فالاسلام يا بنات الاسلام نظام. الاسلام ايه؟ نظام. نظام طيب ليه النزام ده احنا مش عايزين ضغط لأ الاسلام مش نزام ضغط الاسلام نزام. برافو عليكم هايلين هايلين هايلين. الاسلام مش نزام ضخم لسان نزام ايه؟ ضبط. ضبط. يضبطني. طب ضبطي ليه؟ ربنا بيضبطني ليه هو مين اللي حط الاسلام؟ مين اللي حط نزام الاسلام ده؟ ربنا صح؟ مش مش انا ولا حتى سيدنا محمد صلى الله عليه وسلم. فكل اللي عمله محمد انه جاء قال لنا اللي ربنا ايه؟ حطه لنا صح كده؟ وشرحه لنا وورانا منه نموزج عملي. في نفسه مفهوم البلد؟ فدلوقتي الاسلام نزام. نزام ضغط ولا ضبط؟ نزام ضبط. جاي من عند مين؟ من عند ربنا يا طيب فرقت في ايه يعني؟ لأ فرقت كتير فرقت ان ربنا اعلم بك من نفسك ربنا يعرفك اكتر منك. انت دلوقتي مسلا ممكن مامتك تقول لك تقول لك آآ يا سمية انا عارفاكي يا حبيبتي اكتر من نفسك. يا منة ده انا انا عارفة انت كنت ده انا عارفاكي من وانت صغيرة. انت بتؤمني فعلا ان ماما عارفاكي. طب احنا مين اصلا اللي اوجدنا من العدم؟ الله! صح في حد هيعرفنا اكتر منه؟ يا بنات هو دلوقتي لو انا اللي صنعت الشاشة دي انا اللي صنعتها عندي في مصنعك وانا اللي اخترعتها. حد فيكم يعرف فيها اكتر مني لأ. طب حد في العالم يعرف فيها اكتر مني احنا مين اللي خلقنا اوجدنا بالعدم؟ ربنا صح كده؟ يبقى ربنا ما حدش هيكون اعلم بنا منه. طيب ولزلك ربنا قال ايه؟ قال الا يعلم من خلق وهو اللطيف الخبير. يعني ازاي تتوهمه او تتصوره ان ربنا مش هيبقى اعلم بكم وهو اللي خلقكم مش بس هو اللي خلقنا ده هو اسم لطيف. اللطيف يا بنات ركزوا لها معنيين. اللطيف لها ايه؟ معنيين. يلا نركز مع بعض المعنى الاولاني معنى اللطف والرحمة. يبقى ربنا لطيف بنا يعني ايه رحيم بنا ورؤوف بنا ماشي؟ طيب. الله لطيف بعباده. خلاص؟ انت النهاردة تقولي مسلا انا بابا بيعاملني بلطف ماما بتعاملني بلطف ده انا مش اختي فلانة بتعاملني بلطف المعلمة بتعاملني بلطف. اللطف ده اللي هو الرأفة والايه؟ والرحمة. ايوة والحنان جميل طيب في عندنا بقى معنى تاني للطف الحاجة الحاجة الصغيرة قوي لما تبقى ما حدش قادر يعرفها يقولوا عليها حاجة لطيفة النهاردة لما تيجي تقول لي ايه ده فلانة دي مسلا عملت حاجة لطيفة. يعني ايه حاجة لطيفة؟ في اللي احنا عارفينها يعني حاجة جميلة وزريفة وفيها رأفة ورحمة صح كده؟ لكن الحاجة اللطيفة هي الحاجة الدقيقة اوي الصغيرة اوي اسمها حاجة ايه؟ لطيفة. فانت تقولي تقول لك باقول لك ايه ، هو الموضوع ده آآ كبير ولا صغير؟ تقولي لا لا لا ده حاجة لطيفة جدا. لطيفة يعني ايه ؟ صغيرة اوي دقيقة اوي اوي اوي فربنا اسمه اللطيف المعنى الاولاني عارفينه بقى والسهل والجميل ده سهل اللي هو معنى الايه؟ اللطف والرحمة والحنان وكده تمام؟ طيب انما بقى لطيف المعنى التاني يعني ايه؟ يعني يعرف الحاجات الايه؟ الله ينور عليك. يعني ما فيش حاجة تستعصي على ربنا في العلم يعني مش هيعلى من الحاجات الكبيرة بس والحاجات الصغيرة ما يعرفهاش. مش هيعلم مسلا الكلام اللي احنا بنقوله والاسرار ما يعلمهاش. لأ. ربنا ما فيش حاجة ما فيش حاجة تعصى لعلمك. ايوة هو سيدنا لقمان بيقول لابنه ايه؟ بيقول له يا بني انها ان تك مثقال حبة من خردل ستكن في صخرة او في السماوات او في الارض يأتي بها الله يعني ما فيش حاجة هتستعصى على ربنا خالص في المعلومة. ماشي؟ طيب. يبقى الا يعلم من خلق وهو ايه؟ وهو اللطيف ايه؟ الخبير وهو اللطيف الخبير. طيب اللطيف عرفناها كده. خلاص؟ طيب الخبير بقى لما تقولي فلانة عندها خبرة يعني ايه قل يا حبيبي. يعني يا عيني اه يعني الخبرة دي اكمل اه انواع العلم مسلا. جميل صح. يعني علم بس علم ما له بقى ايوة علم مش انا عارف المعلومة مرة. ده انا مسلا مسلا النهاردة الدكتور ده بيعمل عملية اللوز. عملها مرة اتنين كده عنده علم بها ولا ما عندوش عنده علم بها. طيب عملها خمس تلاف مرة. يبقى عنده علم ولا عنده خبرة؟ عنده خبرة. عنده خبرة. تمام كده؟ وعملها لخمس الثلاث مرة دول صح مية مية. فلما النهاردة نقول ربنا خبير يعني ايه؟ يعني ربنا مش عنده علم عادي. ده ربنا خبير فلانة وفلانة وفلانة يعني الحاجة دي اتكررت على ربنا ايه ؟ كتير لان هو كل دول خلقه. مفهوم؟ طيب. طب ايه ايه اللي دخلنا في القصة دي اللي دخلنا في القصة دي ان احنا بنقول ما حدش اعلم بنا من مين؟ من ربنا. ايه برضه اللي دخلنا في القصة دي؟ ما تتوهنيش. اللي دخلنا في القصة دي ان احنا بنقول ان النزام اللي اسمه الاسلام مين اللي وضعه؟ الله! والله اللي وضع الاسلام اللي هو النزام اللي اسمه الاسلام هو اعلم بنا من ايه؟ من نفسنا صح؟ يعني انت كده مامتك تقول لك حبيبتي انا عارفة مصلحتك انا حاطة لك نزام كويس امشي عليه ان شاء الله تبقي كويسة. تمام؟ انت بتصدقي ماما علشان خاطر ان انت مقتنعة ان فعلا ماما تعرف اكتر منك طيب بقى احنا اللي نعرف اكتر ولا ربنا؟ صح؟ فيه حد في الدنيا يعلم اكتر من ربنا؟ ما حدش يعلم اكتر من ربنا. ودي اول حاجة لازم تاخدي بالك فيها من النزام ده. ان النظام ده اللي وضعه مين؟ الله. الله. والله ما له اعلم بنا من نفسنا ماشي يا بنات؟ ربنا قالها كده صريحة. قال ربكم اعلم بكم قال هو اعلم هو سبحانه وبحمده. اعلم بكم اذ انشأكم من الارض. واذ انتم ايوة في بطون امهاتكم انت بقى قصتك الكاملة مع مين ؟ ده لا مع بابا ولا مع ماما مع ربنا بس ربنا هو الوحيد اللي كل لحزة في حياتك عنده. متسجلة عنده واعلم بكم اذ انشأكم من الايه؟ مين؟ اللي هو سيدنا ادم من الاول خالص تمام؟ يبقى احنا قلنا دلوقتي اللي وضع النزام اللي اسمه الاسلام هو مين؟ الله سبحانه وبحمده. جميل. والله الله اعلم بينا من نفسنا صح كده؟ اعلم بنا من اي حد. طيب برافو عليك