اكمل خلق الله تعالى. من ارسلهم للانسان بالشارع تجاؤوا والمنهج. جاءوا حقا بالميزة وشموس كانت للدنيا ونجوم تهدل حي قد زكى ربي منهجهم سيراتهم امنوا وامان بسم الله والحمد لله والصلاة والسلام على رسول الله صلى الله عليه وسلم. ان شاء الله نستأنف في المحاضرة الثامنة. آآ من هذه السلسلة المباركة سلسلة بناء الابناء على ضوء منهاج الانبياء. كنا بنتكلم عن اركان تاني البناء وقلنا فيه باني وفيه مبني وفيه بناء طيب كلمنا شوية عن الباني واكدنا على شوية امور اختصرها في ما استعنا على اصلاح ابنائنا بمثل اصلاح انفسنا قاعدة كده كنت حتى بقولها في اطفالنا والقرآن وقاعدة لازم تبقى سارية تبقى حاضرة عند الانسان ان احنا زي ما قلنا احنا المفروض ناخد بالاسباب على قدر الطاقة ولا ننسى المسبب سبحانه وبحمده. خلاص؟ طيب. ولازم نكون فاهمين ان احنا بنربي عباد الله على مراد الله نربيهم لربنا يعني تمام؟ طب نروح للمبني بقى مين المبني؟ دي مسألة في غاية الاهمية لابد ان انا يبقى عندي معرفة كافية بالمبني معرفة كافية بالمبنى ازاي معرفة كافية بالمبني انا يعني احنا طبعا نستخدم المسال ده كتير انا مهندس دلوقتي آآ مفروض مطلوب مني آآ اعطوني قطعة ارض وقالوا لي احنا نريد نبنيها فيلا او نبنيها عمارة. خلينا نقول عمارة. ماشي دلوقتي فيه باني اللي هو هذا المهندس مش هنقول بقى معماري ولا مقاولات المهم هو هيبني المسئول عن البناء المكان ده. وفي عندنا مين؟ قطعة ارض اللي هي تتبني ماشي؟ وفيه عملية بنائية هتتم بقى البناء اللي هيتم ده وتفاصيله ده اللي لسه هنتكلم عنه ان شاء الله. اتكلمت انا عن الشخص اللي هيبني ده زاته وقلت ان هو الشخص ده نفسه اللي هيبني قطعة الارض ده يكون عنده اختصاصاته يكون ومقوماته دي قصة طويلة. بس انا اكدت على مقوم ما استعنت بالله سبحانه حمدي وانطراح قلبه على باب الله نروح بقى للي هيتبني ايه اللي هيتبني؟ قطعة الارض انا محتاج اعرف ايه اتعرف على قطعة الارض. يعني ايه اتعرف على قطعة الارض اشوفها الاول طيب هي موقعها فين بالزبط طب مساحتها قد ايه طيب هي نوعها ايه يعني دي ارض صخرية ولا طينية ولا رملية. طب الارض دي تحتها مسلا في في مية ممكن تنشع مية ولا لأ ارض صلبة ما فيهاش مشاكل كل ده هيفرق في طبيعة البناء اللي انا هقوم ابنيه هيفرق جدا وجهلي بهذا النوع من المعلومات واهمالي لهذا النوع من المعلومات هيتسبب في ضياع الموضوع كله هيتسبب في اني ابني بناء يعني مسلا لو وجدت ان الارض دي مسلا ارض هشة مش صلبة فمهما وضعت فيها من اساسات ما تتحملش اكتر من تلت تدوار يبقى فكرة العمارة مرفوضة فيها مرفوض اعمل عمارة خمس تدوار وعشر تدوار فيها مرفوض اصلا يبقى اصلا فهمي لطبيعة الارض دي زاته مرتبط بنوعية البناء اللي هيتبنى عليها هبني ايه بالضبط؟ ايه اللي هبنيه؟ ولذلك لما بقى كنا بنتكلم عن فكرة صناعة الطموح مش صناعة الطموح وابني لابني ايه وما ابنيش ان ايه ما تزعلوش مني احنا ما بنعرفش عيالنا ما نعرفهمش اصلا يعني ازاي ما نعرفهمش هو النهاردة مسلا مسلا انت حضرتك تعرفيني منين طب ببلاش هقول مسلا ايه اه الدكتورة نادية استازة سمية تعرفوا بعض منين يعني ازاي عرفتم بعض؟ ازاي انتم عارفين بعض؟ عادي اي اتنين اي اتنين منكم اي دويتو عشان دول انا عارفهم جامد. اي دويتو مسلا جيران بيعملوا ايه الجيران دول بيقعدوا مع بعض وبيتكلموا مع بعض وحضروا مناسبات مع بعض. ومش عارف ايه فتعرفوا بيتكلموا بيتكلموا احنا بنتكلم بقى مع عيالنا قد ايه نقعد كده نتكلم كده في حديث مفتوح محمد انت حبيبي بتحب ايه ؟ مش بتحب بتاع مش عارف ايه كزا. كلمني عني. يقعد يتكلم يتكلم كده. يتكلم لأ ده هو ما بيتكلمش هو بيتلقى اوامر افعل ولا تفعل او بيتزنب يعني جاي معمول له طابور زنب عشان هو آآ عمل غلطة معينة فبيتكلم بيبرر موقفه او وبيجيب عن نفسه انما فكرك كده ان انا اخد ابني مسلا ونطلع مع بعض مشوار في ايه يا بابا؟ عايزين نتكلم مع بعض شوية. ايه يا بابا انت هتموت ولا ايه؟ انت ايه اللي جرى لك؟ انت كويس كويس اه ومزيان يا ابني مزيان يلا نتكلم مع بعض شوية. مصدوم يعني هو اصلا اصحابه دول مصاحبهم ليه زمان بيتكلموا مع بعض يعني بيتكلموا مع بعض النبي صلى الله عليه وسلم كانت السيدة فاطمة لها مجالس كده تيجي تقعد ايه تحادثه اللي في السيدة عزول في حادثته ساعة تقعد السيدة عائشة نفسها على صغر سنها النبي كان يقعد يسمعها لدرجة تقعد تحكي له حديث ام زرع النبي وكل انشغالاته بكل اللي هو فيه ده يقعد يسمع حديس تسع ستات بيتكلموا عن اجوازهم اه تقول له تقول له زوجي قال عشان انطق اطلق او شيء ويسمع القصة يسمع ومتفاعل معها خالص. ويجي في الاخر يقول لها كنت لك كابي زرع لام زرع انا شايفها شايفها عاجبها قوي ايه ابو زرع ده مع ام زرع فهل كنت لك كابي زرع لام زرع وحكاية طويلة يعني وتحكي الحكاية وتفاصيل فنسمعهم عدا حتى في ايه؟ انا اسف في تفاهتهم لأ انت واقعد يا استاز الواد يقعد يقعد يقول لي البلاي ستيشن ومش البلاي ستيشن ومش عارف ايه وبتاع. ولا تقعد تقول لي يا ماما انا كنت في الفصل البنوتة الصغيرة اللي معنا داست على ديل القطة فالقطة مش حاجة اسمها قطط ومش قطط ده اسمه لان يعني انا مقتنع جدا بالنقطة دي. تكلم اعرف من انت انا مقتنع جدا بديه يمكن انا حتى مسلا في الانترفيوهات اللي بنعملها مع المعلمات آآ مسلا قبل ما يدخلوا الولاد في التدريس يعني الواحد بعد وقت بقى الى حد كبير بيقدر يعرف الشخص من الايه من الكلام بتاعه. الشخصية دي بالضبط ايه؟ فيها حدة ما فيهاش حدة هادية مش هادية مش عارف مهما الناس تجملت برضه بس ايه لو هو الواحد عنده خبرة ومستفز هيعرف يطلع كل حاجة سيبيه يتكلم تشوفي افكاره ده بالعكس ده حتى مسلا معلمتي المتدبر عندنا كنت بقول لها اصلا آآ احنا عندنا نوع كده من الحاجات اسمه الاسئلة التشخيصية اللي هو بعد مسلا اما تحكي للولد قصة تقعد تسأله. عجبك مين طب ليه عجبك طب ليه ما عجبكش فلان؟ طب لو كنت مكان فلان تعمل ايه؟ اقول لها احنا مش عايزين اجابات صح ده احنا عايزين نشخص بالاسئلة دي. نعرف هو بيميل لايه؟ بيميل للعنف اكتر ولا الهدوء؟ بيحب مين؟ ما بيحبش مين؟ بيعمل كل ده بنبني تصور حتى كنت بقول كده كنت بوصي المعلمة وانا بوصي كل ام حتى وكل اب يبقى عندها كده بلوك نوت او عندها بتكتب فيها ملاحزاتها على الطفل ملاحزات ملاحزات ملاحزات انطباعات انطباع انطباع انطباع انطباع انطباع انطباع وبعد وقت الانطباعات دي اهم حاجة ان الانطباعات او الملاحزات ما يترتبش عليها تصرفات الا لما تبقى حقائق واضحات بس بتبني انطباعات بتبني انطباعات تبني انطباعات الواد ده شكله بيحب كزا كزا كزا. تيجي تجرب معه الحاجات دي ما بيحبهاش. لأ خلاص ده انا شكلي ما كنتش واخدة الموضوع صح التعرف على الولد والبنت عزرا وخصوصا بقى وخصوصا وخصوصا وخصوصا الحاجة بتكون يعني ملحة للغاية للغاية اول ما بنتخطى العشر سنين وندخل في البلوغ بتبقى ضرورة لا مناص منها اول ما يبلغ ده السن اصلا اللي بيهرب فيه من البيت وبيبدأ يتمرد على البيت ومش عاجبه ابوه وامه وبيبقى له ما يسمى بجماعة الرفاق ما هو محتاج وما حدش بيقوم في الدور ده في البيت امها مش مصاحباه خدي بالك من حاجة هو انت صاحبتك لازم تكوني قاعدة معي اربعة وعشرين ساعة لأ هو انا صاحبي لازم نكون قاعدين مع بعض اربعة وعشرين ساعة بنشوف بعض حتى كل يوم؟ لا مش لازم بس انا مهتم به وباحاول اقتنص فرص اني اقعد معه واجالسه ولزلك يعني انا مسلا بالنسبة لي بلاقي نفسي مش فاضي بس مسلا وانا في مصر اعمل ايه؟ رايح من سفر باخده معي. مشوار اخدها معي. نازلين نجيب حاجة من ماركت بالعربية طب ما تيجوا مع بعض واحنا في العربية ايه؟ نتكلم وتبقي فاهمة انها جرعات ما خدتش الجرعة بتاعة التمانية واربعين ساعة دول فمش لازم انا ممكن كده مسلا في وسط ما اني مشغول في وسط ما حضرتك تيجي ماسكة التليفون سلام عليك حبيبتي عاملة ايه ؟ عملت ايه النهاردة ؟ مش عارف ايه وكزا وخصوصا البنات. يا قلبي البنات بتحب الرغي يعني ما لا يا ماما اصل انا مش عارف ايه وكزا وكزا طب ليه طب بصي طب انت ما فطرتيش لأ طب افطري طب كزا طب انت شكلك النهاردة مش طب ما تنسيش انا يا ماما هلبس بكزا ال بي سي اه شكله حلو جميل بيبقى انت بتبقى قمورة فيه. حد بيايه عايش معها يعني عايش معها موجود حاضر في حياتها انما هو انتماء هي بتصبح الصبح تروح المدرسة تيجي من المدرسة تاكل تتغدى وتخش تعمل الواجبات بتاعتها. ننام عشان عندنا مدرسة الصبح. تنام عشان يعني فين يعني مش لازم يكون ايه انا ما بقولش بقى قاعد معها طول الوقت. لا انت ممكن ما بتشوفيهاش اصلا اليوم كله ما شفتهاش بس دلوقتي الحاجات بتاعة التواصل والكلام ده سهلت الدنيا لأ مسلا كده احنا ايه عدينا مسلا تلات اربع تيام اجي خاطفة لي كده نص ساعة تعالي تخش علي اوضتها تعالي انت فين قلت اقعد معك شوية وحشتيني ما بقعدش معك من زمان اخبارك ايه؟ انت شكلك عندك حكايات كتيرة وانا مش عارفة عنك حاجة لي تلات تيام. لا يا ماما ما كانش فيه حاجة وتقعد تحكي لها يعني اللي انتم بتستثقلوه من الجهد في بزل المسألة دي هتحاولوا تبزلوا اضعافه لما يضيعوا مننا ومش هتعرفوا تستردوه لان هي خلينا نكون واقعيين آآ البنت اللي في سنها في صالحها عوامل كتير تخليها تهزمك في معركتك ان انت تصاحبي بنتك اولا هي في سنها دماغها دماغها واهتماماتها اهتماماتها وفكرها فكرها ثانيا وده اهم انها بتتعامل معها بحرية ما بتخافش تقول اللي عايزة تقوله وتعمل اللي عايزة تعمله وتتكلم اللي عايزة تتكلمه. لان صاحبتها مش وصي عليها سالسا عندها مساحة من الوقت لها اكتر منك وفرص ملازمتها اكتر منك لازم انت تبقي واعية وتبقي حريصة على ان انت بنتك تكسبي في معركة مين هيصاحبها فلزلك كنت دايما اقول ابني او بنتي انا لازم انزل لدماغه النبي صلى الله عليه وسلم يخش يا ابا عمير ما فعل النغير محمود ابن ابن الربيع يقول عقلت مجة مجها رسول الله في وجهي كان يخش كده على طفل وهو كان عمره خمس سنين ياخد شوية ماية يبخه في وشه ده انت لو شفتيني بعمل كده مع الطفل الصغنون ده هو الشيخ ده اتجنن ولا ايه! ده عبيط بس كباري كما يفعل صلى الله عليه وسلم بينزل ليه؟ لمستواه لدماغه لطريقة تفكيره لأ انت بتتعاملي مع بنتك انت بدماغك اللي هي النهاردة اربعين سنة ولا خمسة واربعين سنة ولا تلاتين ولا خمسة وتلاتين سنة ولا حتى ستين سنة طب ما انت وانت في سنها كنت دماغها ونسيا دماغي مش عارف ايه لازم تنزلي لدماغها. والانسان عنده قدرة يعمل كده اهتماماتك اهتماماتها لازم تديها مساحة الحرية اللي بتلاقيها مع صاحبتها بصي يا حبيبتي اولا انت كبرتي بقيتي بالغة ما انتيش صغيرة وانت محاسبة على افعالك قدام ربنا. انا صاحبتك مش مش امك يعني انا صاحبتك انا اه بتحترميني وانا برضه بحترمك فانا صاحبتك يعني مش عايزاكي تايه حتى لو فيه حاجة غلط جت في دماغك قعد يحكي لي عليها ونشوف ازاي نحلها وعادي يعني فمش عايزاك انت كده كده ربنا يكرمك بكرة وبعده تتجوزي يبقى لك بيتك. فالسنين اللي احنا عايشينه مع بعض خلينا عايشين ايه ؟ كويسين. خلي امك صاحبته وانا الفرق ان ما حدش هيكون بيحبك قدي ولا بيخاف عليك قدي وانت انا لو زعلت انا بزعل عليك مش منك بازعل لك مش عليك بس انا اوعدك لأ ان انا بالزبط زي واحدة صاحبتك وانت حرة في تصرفاتك تديها مساحة الحرية اللي هي ايه اللي هي بتلاقيها مع صاحبتها برة ما هي عارفة انك بتحبيها وهي بتحبك ما انت فيه نقط في صالحك برضه تديها المساحة دي من الحرية عشان تبقى تديها المساحة من الاهتمام اللي بتديها لها صاحبتك البنات او الولاد في السن ده هو لا متجوز ولا مراته كل شوية ترن عليه جبت الخبز ولا ما جبتش جبت مش عارف ايه هو كده كده حياته فاضية. وابوه وامه مش مش فاضيين يقول له فبيبقوا هم اللي البعض يعني العيال ده في السن ده بيبقوا ايه يعني بيصحى من النوم بيمسك تليفونه بيعمل ايه هو عنده مين اصلا مهتم به صاحبو قام يمسك سماعة التليفون يتصل بصاحبه وصاحبه يتصل به انت فين قابلني هقابلك فادوهم مساحة الاهتمام اللي اصحابهم بيدوها لهم انت مسلا صحيت من النوم اه عاملة ايه يا حبيبتي؟ تمام مش عارف ايه كويسة كزا كزا طب يلا في واحدة ما تسألش في صاحبتها برضو كده لان دي حاجة نفسية وقلنا ملايين المرات مبالغة يعني ان الحاجات النفسية اهم من الحاجات البدنية ومن الحاجات حاجات الوجدان اهم من حاجات الابدان هي مش عايزة تاكل وتشرب وتلبس هي عايزة حد معها. وعايز حد معه فلما احنا نحضر في حياتهم الحضور ده انا بقول اهو مش محتاج وقت ولا محتاج كلفة. ايه المشكلة؟ يعني ايه المشكلة؟ ان هي مسلا في السن ده تبقى انت جاية من برة كده وتيجي ايه انا كنت معدية على السوبر ماركت وعرفت ليه انت بتحبي الشوكولا دي فجبتها لك كده. بصي خليها كده عشان انا ايه يعني عشان اخواتك ما يزعلوش ان انا مش عارف ما جبت لهمش مش عارف ايه انا كنت ماشية اسكتي ده انا النهاردة وانا ماشية شفت ان انت مهتمة بها وبتحبيها وبتهديها خلاص شوية تعب تتعبيهم انت طب وتعب ليه انت بتبقي مبسوطة ان انت بنتك في حضنك مبسوطة ان ابنك في حضنك ان ابنك في حضنك مبسوط بكده فهو في النهاية احنا يعني انا ما باكلمكوش والواحد بقى ايه ملاك طاهر ولا كلام من ده وما ابرئ نفسي يعني احنا ما الواحد مقصر نسأل الله نعفو عن تقصيرنا آآ لكن اهو يعني بنحاول بس على قد ما نقدر في الامور دي على اللي نفهم يعني نفهم ان الكلام ده له حلول برضه وان الولاد دول هذه السورة التي وصلوا اليها. يعني سبحان الله من الحاجات الجميلة اللي انا لاحزتها في آآ في آآ في طول التعامل مع الاطفال كنا بنقول السلسلة دي ان ان اغلب اللي حوالين النبي صلى الله عليه وسلم مصاحبينه انا وهو صاحبهم ان سيدنا انس يقعد معه ويحكي له ويقول له لدرجة من الحاجات اللي العجيبة جدا ان النبي صلى الله عليه وسلم لما كان ييجي من السفر كان اول ناس يستقبلوه على ابواب المدينة صبيان المدينة اطفال عارفين انه جاي يطلعوا كلهم يستنوه على ابواب المدينة قبل اي حد فالنهاردة ان يعني انت ابنك في البيت بنتك في البيت يبقى مش اول ما تخش نعوز بالله من غضب الله ما احنا كنا احنا قاعدين في هدوء وسلام هتيجي تقول له زاكرت ما زاكرتش مش عارف ايه انا عارف القصة دي. اللي هو بتيجي يعني يعني مسلا سبحان الله انا كنت بس انا اوصي بعض الاخوة وخصوصا الرجال اللي زينا احنا بنبقى مش موجودين في البيوت كتير فاول ما تيجي من برة احيانا برضه غصب عنك بتبقى زوجتك مضغوطة شوية. العيال مدايقينها ومش عارف ايه وبتاع. فتقول لك الواد عمل وعمل فانت اول ما تخش هتيجي الحزام وتيجي نزل فيهم بالحزام لأ ما يعني يعني انا شخصيا بقول لهم ايه؟ انا بعد ما ارجع من السفر معكم تمانية واربعين حسب السفر لو طولت يبقى اربعة وعشرين ساعة الاربعة وعشرين ساعة دي فري ما حدش بيتعاقب على اي حاجة بعد لو طويل شوية تمانية واربعين ساعة لو طولنا يبقى اتنين وسبعين ساعة انتم في منطقة الايه؟ حتى امهم قالت طب وانا اخش في التمانية واربعين خش في التمانية واربعين بس برضو ما حدش ينكد علي انا في الدنيا اربعين ساعة دي لأ فكرة ان انا فعلا هبقى مسلا يعني مسافر مسلا اسبوع ولا تلت تيام ولا كزا واول يوم يشوفوني بنكد عليهم ان انت مسلا انت من طول النهار برة واول ما دخلت لقيت بنتك مش عارفة ايه ؟ انت وانت بتزعقي لها طب يعني مش مش وقته يعني ما خلاص اقعدي وتمام وزي الفل وكزا وهناك بقى بعدين ابقى اتكلمي برضو دي امور ايه تراع ان هو الانسان يعني لما بيدخل بتيجي البهجة انه انه يحب يستقبل تفرح بمجيئه. وتحزن لذهابه ان انما سيدنا انس بيقول لما دخل رسول الله صلى الله عليه وسلم المدينة اضاء منها كل شيء فلما قبض اظلم منها كل شيء صحيح يعني الصحابة كان انه فعلا لما ايه لما لما يغيب بيفتقد ان هو وجوده ما بينهم كان رحمة بمعنى كلمة رحمة وفرحة سعادة وجوده وكده ان يبقى فعلا احنا وجودنا في بيوتنا رحمة عند عيالنا يعني هذا اللون من التواصل الاهتمام. انا يعني سبحان الله آآ باقول فيه احيانا حاجات لا نشعر بها الا لو احنا كبدناها ازاي؟ يعني المرأة قد لا تشعر بقيمة ان بنتها محتاجة تواصل واحتواء الا لما جوزها يهملها فتحس قد ايه ومن المحزن ان الانسان يشرب من كأس ويسقي منه غيره يعني انا شربت من كأس الاهمال اجي ساقياه لعيالي لزلك الفكرة بتاعة فاقد الشيء لا يعطيه مش فكرة دقيقة تمام. هي لها وجه يعني كده ممكن نقول عليه صح بس بالعكس فاقد الشيء المفروض ان اكتر واحد يقدر يعطيه لانه كان اكتر واحد حاسس به اكتر واحد حاسس بوجعه اللي عاش الم اليتم هيعرف كويس يفيض على ابنائه وبناته من حنانه انه حاسس بكده. الام اللي عايشة في بيت في اب بيهملها المفروض ان آآ قلوبها او قلبها يفيض بالحنان على اولادها احتواء وتواصلا انما كالعادة بنعاقبهم بذنوب ابائهم او بنعاقب آآ بنعاقبهم بزنوب امهاتهم من ناحية الرجال يعني. دي اللي اقصده من النقطة دي هي فكرة التواصل البناء الفعال مع المبني بمراحله يعني ايه بمراحله؟ ربنا سبحانه وبحمده ما كلفش الصحابة قبل ما يحببهم يعني التكاليف اغلبها نزل في اخر العهد المكي وبداية العهد المدني يعني على الاقل قرابة عشر سنين لو صحابي مسلم من اول السنة في الهجرة في في البعثة هو بيحب في ربنا بيعرف ربنا بيتعرف عليه بيتقرب منه وبعدين ييجي التكليف ولذلك من الحاجات اللي احنا بنهملها ما يسمى بمرحلة التعريف والتأليف البني ده لازم المبني قصدي لازم لازم في مرحلة اسمها التعريف. ودي صراحة اصطلاح بيطلقوه الجماعة بتوعه جماعة التبليغ كتير. ماشي اللي هو تعريف تأليف تكليف خلاص وهو له شواهد من الشريعة بشكل واضح او هو اصلا منطلق من الشريعة التعريف ان لازم نعرفهم كويس ويعرفونا كويس. مرحلة بنتعرف على بعض ومرحلة بنحب بعض معلش يا جماعة بلاش الافتراضات اللي للاسف في الزمن ده ما بقتش واقعية لأ ابني ما بيحبنيش ايوة عادي ممكن ما بيحبكيش لأ ازاي اهو ده اللي قلته محبة الابناء للاباء اختيارية ما محبة الاباء للابناء جبل ليه فانت بتتصوري دايما ان ابنك زيك. لأه. انت بتحبيه وبتضحي عشانه وهو احب لك من كتير من الناس بس العكس مش صحيح يعني هو بيحبك انت ايه؟ اختيارا راضي عنك ومبسوط منك بقى بيحبك ولزلك تتصدم ام لما مسلا في وسط شوية مشاكل وبنتها تقول لها ما بحبكيش اصلا او تيجي تحصل مشكلة وحد يكون مش عارف ايه يقول لها يا بنتي دي ماما انت مش بتحبي ماما تقول لها ما بحبهاش عباس لا سيما لو حطينا عليها بقى ان الانسان كفور وانه قانون لا سيما لو حطينا عليها ان البنت كل ما بتبعد عن ربنا ما بتعرفش لحد حقوق ما هتعرفش لحد مش هيعرف لحد حقوق اصلا بالعكس هيبقى متسخط على كل حاجة ومش عاجبه اي حاجة ومتزمر على كل حال الافتراض ان انا لأ دي بنتي بتحبني مش محتاجة الكلام ده. لأ محتاجة الكلام ده محتاجة فعلا انها تحبك بجد انك تقربي منها تحدديها فيك كان انت واحدة بتتعرفي عليها لسه ده بالعكس بقى بهية عندها باد هيستوري انت لازم تمسحيه ان هي عندها زكريات سيئة لازم تعملي ايه؟ تمسحيها شايلة لك لما ضربتيها في اليوم الفلاني عشان الغلطة الفلانية ولما كسفتيها قدام صاحبتها في اليوم الفلاني ولما كان نفسها تشتري البتاعة الفلانية عندها صندوق اسود وهو اغلب البشر عندهم صندوق اسود بيطلع في وقت الازمات فعندها صندوق اسود الصندوق الاسود ده شايلة فيه الحاجات دي كلها ده بالعكس انت عايزة تعملي ايه؟ تمسحي باستيكة ده عشان هي تبدأ تتفهم. في لقطة بقى في غاية الاهمية هم لا يثقوا في نزاهة تصرفاتنا يعني ايه لا يثق في لذات تصرفاتنا؟ يعني بنتك كده بدأت تقربي منها تتكلمي معه مم عشان المزاكرة. مم ماشي. وتمسل انها ايه انها متجاوبة معك بس مش مصدقاكي برضو حبيبتي نبدأ مع بعض صفحة جديدة مم صفحة جديدة. اه شكلك عايزة حاجة بس هتجيبيها بعد اسبوع كده. ما انا عارفة الحركات دي ما هو اصلا في السن ده بقى هم بيبقوا بيستزكوا شوية وبتبقى عاملة نفسها بقى المفتش كرومبو واضح يبدو ان ماما بتعمل كده عشان خاطر مش عارف ايه وذلك السبب رغم ذلك لازم استمر بس انا بنبهكم بس للقطة دي ان هم مش هيثقوا في نزاهة ولا هيثقوا في التوبة بتاعتنا هتقولي لها بصي يا حبيبتي انا صراحة راجعت نفسي وقعدت مع نفسي كده وحسيت ان انا كنت مقصرة معك الفترة اللي فاتت كنت مهملاكي شوية وانا غلطانة المفروض كنت انا اللي ابقى صاحبتك. او اه انا ندمانة على ان انا كنت شددت عليك في كزا او عملت كزا او وديت كزا ماشي حتى ما بتلاقيهاش ايه؟ فرحانة والحمد لله ماما حبيبتي انت بقى متصورة تحضنك وتعيط وانت تعيطي وتعيطي وانت تعيطي وبتاع خالص بتلاقيها ايه ماشي يا ماما ماشي انا تبت. ماشي يا ماما ربنا يوفقك يا بنتي تبت خلاص ربنا يقبل منك انا هعمل ايه انا يعني اما نشوف توبتي ولا ما توبتيش يعني صحيح هي بتبقى ايه مش مش آآ لان برضه للاسف الشديد برضه يمشي عاطفة حاضرة يعني فبتبقى في الوقت ده اساسا هتبقى برضو شاكة في التوبة لو انت حتى قلت انا تبت شكة في التوبة ولزلك هنا بقى نصبر على المسألة دي لغاية ما هي لأ ده تصدق ده بجد فعلا ده ماما ماما اتغيرت في ايه اللي بيحصل؟ كان عندنا الاخوات اللي بيحضروا في الدبلومة الحمد لله مسلا بيتعلموا حاجات فبيبدأوا يتصلحوا مع ايه؟ مع عيالهم فواحدة تقول لي يا دكتور بنتي بتقول لي يا ماما هو انت اتصلحت اتصلحت بجد ولا زي كل مرة بجد يا ماما هو انت يعني كده بس مش عارفة حاسة المريض انك متغيرة كده يعني شكلي فيه حاجة جديدة انت اتغيرت اتغيرت بجد المهم يعني فلازم ناخد بالنا ان هم برضو يعني هو انا كنت اصلا بقول من المشاكل اصلا في مسألة التعامل مع الاطفال او التعامل مع ولادنا افتراض انا اسف سامحوني غبي ان هم اغبيا لأ هي اذكى منك وعندهم قدرة غير عادية على ترييح الزبون. اه والله. يعني اساتزة في ايه؟ في انها تديكي كده اللي تسبتك بالمصري تمسمرك وتحسسك ان كل حاجة تمام وعاملة فيها عبيطة كزا كزا كزا كزا وانت يا بنتي؟ اه يا ماما طبعا طبعا يا ماما طبعا طبعا. هي عارفة ان ايه ؟ فاحنا يبقى تفكير غبي لما نتصور انهم اغبيا عن الزكاء الاجتماعي وفهم الامور والتصرفات هم الاطفال اصلا في مجتمعاتنا بيبقوا قاعدين هم يعني هم ناس ملاحزين بس بيلاحظوا وفاهمين كل حاجة عارفين كل حاجة لانهم قاعدين دماغهم فاضية مركزين في تصرفات وبيحللوها كويس وكل قدراتهم العقلية البكر الغضة الطرية بيستعملوها في الكلام ده ما عندهمش ما بيزاكروش يعني هيعملوا ايه؟ يعني ما بيقضوش مصلحة. فقاعدين مركزين جدا ومحللين التصرفات وفاهمين كل حاجة ولذلك التصور بتاع الغفلة بتاعتنا ان احنا نتصور بقى ان الولاد مش عارفين ولا مش فاهمين لأ وان البنت مش فاهمة لأ فاهمة اه يعني بس انت بقى تكوني ازكى منها يعني تفهميها ان انت فاهمة انها فاهمة يعني فالشاهد اللي اقصده ان هذه المرحلة اه بطبيعة الحال هتحتاج مننا صبر شوية على اساس ان احنا نبدأ نصل للتأليف المطلوب انها فعلا تحبك وانت تحبيها وسبحان الله يعني كنت يعني دي نقطة انا كنت بقول مسلا عندنا المعلمة في المتدبر اقول لها المرحلة الاولى اكتر حاجة ان الولاد يحبوكي والكلام ده اصلا في الاطفال وفي الاولاد حاضر جدا بلاش حتى في الكبار الانسان لما يحب حد بايه؟ بيسمعه وبيستجيب له وبيثق فيه فكل وقت هتنفقوه في المرحلة بتاعة التأليف دي مش ضايع مش ضايع ولابد ان دايما يا جماعة احنا نقول ان الباني لازم يتحلى بطول النفس. اه طول النفس طويل خالص خالص لان هو الموضوع في الحقيقة مين اللي نفسه يتقطع الاول بس يعني انت رافعة ايدك اه رافعة ايدك مين اللي هينزل ايده الاول؟ بس اللي هيفضل ايده ايده سابتة وصامدة هيكل اللي هينزل ايده هو ده المشكلة فهو محتاجين طول النفس لا سيما لا سيما انا في رأيي الامر بيشتد لما بيكون في صراع بقى على ولادنا اصراع عليهم الصراع ده المفروض آآ فيه اصحاب سوء وفيه مش عارف ايه وفيه مش عارف الامر بيشتد ويحتد وبيحتاج ان الانسان لأ ينتبه انتباه كبير. طيب محتاجين المرحلة بتاعة التعريف دي عشان اتعرف على طبيعة الارض اللي هبنيها المبني اهم حاجة انا محتاجها بالنسبة له التعريف والتأليف خلاص تعريف التأليف. التعريف ده مهم جدا عشان تتعرفي وانا قلت اهو احنا هنعرف عيالنا منين يعني افتراض ان انا عارفة ابني مش صحيح انت بتحكمي على اللي بتشوفيه من تصرفاته الزاهرة انما ممكن تلاقيه بقى لما مسلا كبر شوية وقعدت تتكلمي او آآ قعدتي تتكلمي معها لأ ده انت خدتي بالك ان في حاجات كتيرة طب والله يا بنتي انا كنت متخيلاتي كزا ده انا كنت افتكرك بتحبي كزا. يا ماما ما بحبوش اصلا فمن الضروري ان يكون هناك من الحوارات ضروري جدا الحرة الحرة هي بتتكلم براحتها خالص وهو بيتكلم براحته خالص اللي احنا من خلاله نستبين شخصيته. نعرف هم بيحبوا ايه وما بيحبوش ايه وبيكرهوا ايه وبيميلوا لايه. ونقاط ضعفهم ايه؟ ونقاط قوتهم ايه؟ الفرص المتاحة لهم التهديدات اللي بتواجههم كل ده نقدر نعرفه منهم وما يعني الموضوع يستحق ان احنا ندي له وقت وزي ما قلت مش لازم توقفي حياتك او تعطليها. الموضوع مش اكتر من حاجة حطيها جنبي كده وامشي فيها انما احنا احنا ما اعرفش احيانا عندنا فلسفة اورورنان يعني يفيها ما فيش يعني مسلا الاقي اخت تقول لي ايه دكتورة انا شغالة معلمة لاطفال اه قرآن ومش عارف بشارك مش عارف ايه وباعمل ايه. بس الصراحة حاسس ان انا مقصرة مع عيالي ومش عارف ايه وكزا فانا خلاص انا هسيب كزا واقعد مع عيالي يعني هو اتحرقي يا تمرقي يعني ما في الا بجد اللي هو ناس مقضياها بردود الافعال طب ما توازني اوزن اعمل ايه؟ حطيها في الوسط اعتبريها حلقة من الحلقات يعني كنت دايما بقول القصة دي ايه المشكلة؟ لو انا النهاردة معلمة في مؤسسة وعندي بنت مش حابة تيجي امها وابوها اللي جايبينها كده انا بقول لهم خدوها مع الف سلامة مش عايزاها ولا بطفشها ده انا بحاول ايه؟ احببها وارغبها اللي برضو تقول لي اصل انا ابني في البيت ولا بنتي في البيت مش غاوي الكلام ده هو لازم يعني يبقى في صورة قعدة ومش عارف ايه. نعتبر له موعد اسبوعي زيه زي ايه؟ انا اصلا ناديت بالقصة دي. قلت اغلب الامهات العاملات اللي شغالة حتى في حكومة واللي شغالة في نعتبرهم موعد زيهم زي اي حد لميعاده انت ميعادك من الساعة كزا للساعة كزا كل اسبوع في ميعادك من الساعة كزا للساعة كزا كل اسبوع انا هعمل ايه؟ نقعد مع بعض شوية بتوحشيني بقى عايز اقعد معك. يا ماما مش فاضية. معلش عشان خاطر امي لما تقعد المرة وتتبسط تلاقيه جايبة لها هدية واتكلمت معها ومش عارف ايه وايه هي بعد كده اللي هتطلب المجلس ده. تاني انما آآ كنت عايز اقعد معك ليه؟ سندرس تدبر القرآن الكريم ما هي كارهة التدبر ده اصلا عشان انت طارحة فين يا ماما جاية رايحة التدبر جاية منين جاية من التدبر وحاسة بقى ان انت التدبر ده هو اللي خدك منها ومش عارف. مش يعني مش مش دي خالص نقعد كده ونتصهرب نتصهرب عادي بنتكلم بتقولوا بتهدر تهدري معه عادي خلاص؟ ليه؟ اهو الهدرة تعملي الهدرة دي خلاص هي كلمة حلوة فعلا لان الهدرة دي من الاهدار. لانه فعلا كلام مهدر شايلة المهم يعني تقعدي تتكلمي معه او تقعدي تتكلم معه يعني وفي وسط الكلام نقول اللي احنا عايزين نقوله هو لازم يعني انا بقى لازم البس الطاقية واعمل مش عارف ايه وامسك السبحة في ايدي واعمل فيها شيخ عشان اتكلم عن ربنا عادي يعني ما هو الكلام العادي جيت في وسط الكلام وتيجي سيرة مش لازم نكون ايه لما يبقى هذا المجلس حاضر آآ المرة اللي بعدها المرة اللي بعدها المرة اللي بعدها بدأت تحب الكلام ده. في وسط الكلام دايما انا كنت بقول النبي صلى الله عليه وسلم كنا بنقول الكلام ده لما اتكلمنا في مهارات تعليم النبي بسورة الفاتحة كنا بنقول ان بابي هو وامي كان عنده استراتيجية لطيفة قوي اللي هو اختبار رغبة المتعلم فاهمين تيست كده لرغبة الانسان في الحياة فيقول له ايه؟ يقول له ساخبرك بسورة هي اعظم سورة في القرآن قبل ان تخرج من المسجد ويجي سايبه يجي ماشي ينشغل بحاجة تانية ويستنى يشوفه هيسأل ولا ما يسألش نوع من اختبار ايه؟ من قياس رغبته في الايه؟ في الامر فمش لازم بقى انت ايه احنا هنعمل كزا لأ ده انت في وسط الكلام كده ومش عارف وكت آآ صاحبتي فلانة بتقول لي انها قاعدة مع بنتها بتعمل كزا كزا كزا وتسكتي ماما احنا نعمل كده زيهم خلاص غير لما انت تقولي ايه رأيك نعمل كزا كزا زي صاحبتك هتصدمك وخصوصا السن ده السن بتاع اللي هو ده من مشاكله ان هو بيحب يعمل حاجة بمزاجه هو انا ما يحبش حد يقول له ايه ؟ تعال نعمل كزا هو يحبه هو اللي ياخد القرارات هو اللي يطلب لدرجة انا كنت مسلا بوصي الامهات اقول ليه ما تعيشيش ابنك دور القائد في الوقت ده يعني من مشاكلهم ان هم بيشوفوا ان احنا شايفينهم ان هم صيع وضيع ولا لهم فايدة في اي فايدة واحنا بقى الصالحين القانطين اللي مش عارف ايه فما مسلا ما تقولي لبنتك مسلا بقول لك ايه انت ما شاء الله عليك انت مميزة انت اميز مني في موضوع المواعيد ده انا عايزاكي بس تفكريني كده كل يوم الساعة تمانية ان انا عندي ورد لازم اقرأ في التفسير ما تفكرين الله يبارك لك ربنا يبارك فيكي تخدمي امك تجيبي ابنك بقول لك ايه الله يكرمك ما تقعد تقرأ معي في الكتاب ده انا ما ما ليش في العربي اوي انت ممكن سعيد امك الله يبارك لك يا حبيبي انت ما شاء الله احسن مني في الحتة دي بقول لك ايه ابقى تعال اقرا لي بس الورد كده قبل ما اصلي به احب اسمعه فاقروا لي بصوتك كده وما شاء الله صوتك جميل يعني ونحسسه ان هو ايه ان هو اللي له الفضل علينا ان هو اللي بيقود المشهد البنت تحس ان هي اللي بتايه انا اللي باصحي ماما على فكرة انا اللي بصحي ماما كل يوم الفجر. بتبقى قاعدة سهران. ما بتعملش حاجة. اوعي يا حبيبتي تفوتي عوم الفجر. ربنا يبارك فيك. انت اللي هتصحيني. انت نومك اخف فمن ماما بتعرفي تصحي كويس فانت المنبه يرن عندك تيجي تصحي ماما الله يبارك لك يعني تشوف الحاجة اللي هي بتعملها ايه بس طبعا ما تروحيش تجربيها في حاجة هي فاشلة فيها اصلا خلاص فتعمل لها اكتئاب يعني تشوف الحاجة اللي هي اصلا بتايه بتعملها كويس وتقعدي تفكري فيها وتعمليها هتلاقيها فعلا هي بتحب الحاجة دي وهي بتبقى فرحانة انها بتخدمك بشكل ما فرحانة ان هي اللي بتقود المشهد مش هي دلوقتي بقى ده مش بس صالحة دي مصلحة هي بتفكرك مرة مع مرة جت تصحيك الفجر هي ما بتصليش المرة التانية ايه سيبيها كده شوية. مع الوقت. انا صاحي وما بيصليش تيجي رامية كلمة كده يا رب يكرمك يا بنتي ما تيجي تصلي معي بدون تشديد سيبيها مرة تانية مرة تالتة مرة رابعة وما شدتيش عليها وما زعلتيش منها عشان قالت لأ ولا اي حاجة. المرة التانية التالتة والرابعة محتاج طول نفس طول نفس يعني الانسان ده مهم جدا في مرحلة التعريف والتأليف دي ان الكلام ده يكون حاصل ويكون عندي معرفة ودي مهمة يا جماعة معرفة بخصائص المبني ده. خصائص الولد خصائص البنت يعني لازم تفهمي ان البنت غير الولد واحنا جزء كبير من مشاكلنا انا كنت بقول آآ ان حتى ما بنعرفش ان السن اتغير يعني قلت من اكبر مشاكل السن اللي هو بتاع ما بعد العاشرة ده ان الام ما بتاخدش بالها ان الولد ما بقاش هو يعني ما عدش تشخط فيه زي الاول بيسمع الكلام ما عدش تقول له اوعى تنزل تحت احسن مش عارف الكلب يعضك. ده هو اللي هيعض الكلب دلوقتي يعني ما ما عندوش ايه اتغير هي مش قادرة تاخد بالها ان ايه ان الاول كانت تقول له كلمة اقول لها ماشي حاضر يا ماما. دلوقتي بقى بيقول ليه؟ عشان ايه؟ وايه السبب؟ واشمعنى والاهانة بالزات وهي بتعد ده اعتراض وقلة ادب وتطاول لأ هو مش كده هو بقى اكتر فبيسأل كتير محتاج يستبين الامور فكل الحاجات دي نفسها هي الام او الاب لازم ياخد باله ان المرحلة العمرية نفسها اختلفت واحدة مربية بنات عندها بنوتة والتانية والتالتة وربنا رزقها بولد عايزة اربيه زي البنات لا تقول لك ده اللي مطلع عيني فيهم. مطلع عيني فيهم. ده البنات دول كانوا ملايكة. يا ملايكة يا ملايكة. ما هو حد مختلف. انا لحد مسلا لما بتيجي لي ام مسلا في العيادة وهي مخلفة مسلا بنوتة قبل كده باقول لها اول حاجة لازم تعملي حسابك ان انت خلفتي دراكولا يعني البنت اللطيفة الزريفة اللي كانت بترضع بالراحة دي وانت تصحيها من النوم عشان ترضع لأ ده ده هيمص دمك هتلاقيه ما بيعملش حاجة غير ان هو قاعد بيرضع طول الوقت. وبعدين يرضع وبعد كده مش عارف ايه يعيط. البنت كانت ايه بتعيط بشكل كده انت هتحسي ان انت مخلفة بوحش. تنين انما دي كانت حاجة تانية خالص. فلازم تعملي حساب فهي برضو ما بتاخدش ولا وفعلا ده على المستوى كده. ما بتاخدش بالها بقى ان هي لما الولد ده بيطلع بيبقى تنين هو مش عادي مش بنت خالص هو مش بنت يعني مش هو البنت في ايه؟ في هدوئها في انكسارها في طيبتها في مرحلة كمان ممكن ما يبانش قوي المشكلة التباين الحقيقي بيزهر عند العاشرة يعني البنت عند العاشرة بتبقى اهدى بتبدأ تهدى خالص كده كانت حركتها كتير ولا هيبر اكتفى بتهدا وبتبقى اعقل ممكن يتكلم معها وهي بطبيعتها بتخاف ومش حد يعني بقى متمرد بشكل كبير هو بقى عند العاشرة دي يتمرد ده هو لازم يخرج من جلباب امه بقى ما ينفعش يفضل آآ ودي دايما بيقول المرحلة اللي بيحتاج فيها الطفل الى رجل يعني هو المرحلة اللي قبل دي هو يميل الى عكس جنسه بيميل اكتر لامه بقى عند العاشرة البنت تميل لجنسها والولد يميل لجنس فاصبح محتاج راجل يصاحبه ولزلك حضور الاب في اللحزات دي مهم جدا جدا جدا حضوره في حياته ضروري زي حضور البنت يعني تلاحزي ان انت بنتك بتبقى مايلة لابوها اكتر قبل العاشر. بعد العاشرة لانها هتبقى انثى فمحتاجة انثى مش هتنفع مع ابوها خالص فبطبيعة الحال بتلاقيها مايلة لامها اكتر وفي خط امها وفي ركابها. يعني العوامل الفسيولوجية في نموها العادي الطبيعي بتقول كده هي سيكولوجيكاني كده بس الدنيا بتضطرب لما احنا بنعمل اضطراب يعني مسلا مسلا من المشاكل اللي كتير بتحصل ان انت مش فاهمة ان طبيعي ان البنت تبقى مايلة اكتر لابوها قبل مسلا العاشرة فتيجي ايه ؟ خليك مع ابوك بقى ابوك يبقى ينفعك مش عارف ايه فهي لما بتيجي بعد العاشرة بقت محتاجة تملك انت اصلا حطيتي حواجز بينك وايه ؟ وبينها. بتفضل مكملة مع ابوها وبتسترجل وجوزها اللي بيشرب بعد كده صحيح ما هو انت كان جزء من انها تربية راجل يعني افكارها نزرتها للامور صلابتها في مش عارف ايه راجل. هو الواحد يحس انه متجوز واحد شبهه في النهاية صحيح لان في الطبع فانت اللي اضطرتيها تروحي الخط ده او الاب اضطر ابنه يروح الخط بتاع امه يطلع واد مش راجل اصلا فيبقى مسلا متجوز واحدة هي ارجل منه يبقى هو فعلا مش يعني ما بيتحملش مسؤوليات مش عارف لما يحصل حاجة يخاف زيه زيها. ايه يا عم احنا مش انت ايه صحيح تحس انه تحس انه مسلا بيتصرف معه بنفس طريقة الستات يتقمص منها ومش عارف آآ حاجات كده وتربية امه تربية نسائية محضة طب احنا بنتكلم عالطبع مش عالرعاية اهو في الرعاية المرأة هي يعني صاحبة الدور الاول بامتياز خلينا نقول للمرأة هي اللي بتربي انا بتكلم عالطبع طبع المرأة هي اللي بتربي طبعا في الزمن اللي احنا فيه ده الرجال لا يربون ما يربيش الراجل بيحط الخطة العامة للتربية والمرأة هي اللي بتنفز لان عندها قدرة عالية على الكلام ده. هو لو عليه هيضيعه هو بيحط الخطوط العريضة وبيحضر كده بقى حضورات معينة بشكل ما في الواقع اللي احنا فيه بس الطبع بقى هو مع مين؟ حاضر عند مين فلما احنا بنعمل الدربكة دي من بدري فبنخلي خلاص الولد بقى مايل لايه؟ ما هو فيه الولاد مسلا في اغلب البنات اللي احنا فيها دي. الولاد في السن ده بيبقى عندهم مشاكل مع ابائهم ودايما اسرارهم عند امهاتهم وكلامهم مع امهاتهم وحكاياتهم مع امهاتهم ليه عشان خاطر ابوه بيعامله وحش بيعامله بندية بيزعق له بيقول له انت اصلا فاشل وما لكش اي لازمة وما فيكش فايدة فهو اهو بيبقى ماشي مع امه كده مش اللي هو برضه ايه فلا يجد في الاسرة شبيها له فيبحث عنه في الخارج بس نفس القصة اللي البنت ما تلاقيش شبيه لها في الاسرة فتبحث عنه في الايه؟ في الخارق. رغم ان ربنا في التكوين الطبيعي للاسرة جعل للولد شبيه لما يحتاجه يكون موجود وللبنت شبيه لما تحتاجه بتحتاجها تكون موجودة بس احنا هذه الامور ولذلك بابي وامي صلى الله عليه وسلم في النبي صلى الله عليه وسلم مسلا سيدنا انس كان ربما يجلس ويدخل عليه فقال يا بني بيقول لما بلغت لما بلغت فقال يا بني انه لا يحق لك اليوم ان تجلس مع انت خلاص كده ما تقعدش مع الايه؟ مع الستات انت هنا معنا الرجالة لا خلاص كده فجلسش في مجالس النساء انت رجل تجلس في مجالس الرجال خلاص انت حتى تبدأي تفهمي ابنك في التكوين انت راجل بقيت راجل فخلاص بعد كده المفروض انت المسؤول عننا انت اللي هتحمينا انت مش عارف ايه اصل هو يهيأ لذلك ان اا والبنت لأ هو المفروض برضو الوالد يهيئها لكده انت اا خلاص حبيبتي انت امورة اا بكرة بعتب اشوفك زي ماما كده ان شاء الله وربنا يكرمك بقى وتتزوجي وتبقي مش عارف حياتك كده يعني بايه؟ بيهيأ لذلك الولد او بتهيأ لذلك البنت. المهم الخلاصة المنطقة بتاعة المبني زاته فهم الخصائص بتاعته يعني الخصائص. طب حد يقول لي ايه؟ اه كويس بقى يا دكتور. انا بقى هقرأ بقى في ايه؟ قل لي كتاب اقرأ فيه في علم نفس النمو او عايز اقرأ ولا الجزء ده قل لي بقى اقرأ في ايه؟ ولا اي حاجة من الهري ده ولا انتم محتاجين حاجة هو علم احنا بنحتاجه كمختصين بس انتم مش محتاجين ليه؟ لان انت هتقري كلام مش في ابنك لان احنا الكلام ده بنجيبه ازاي ملاحزات يعني مسلا احنا عندنا مسلا مرض اسمه مرض اسمه اللي هو بيقول عليه الطفل المنغولي ده. خلاص الولد الداون ده احنا عشان نحط خصائصه في المرجع الكبير بتاعنا. عملنا ايه؟ جبنا ميت حل للداون جمب بعض وطلعنا الخصائص اللي فيها وجينا حطينا وقلنا خصائص الدواء. لما تلاقي منها يبقى دواء بس مش كلها في الدواء واضح؟ انت هتقري في الكتب كلام وتيجي تبصي على عيالك تلاقيه مش ايه مش منطبق لان الكلام ده ملاحزات لاعداد كبيرة ومش عايز اقول كمان اغلبه ما تعملش حاجة محترمة في البيئة الاسلامية. اغلبه معمول في البيئة الغربية بل اغلبه اصلا ممكن يكون معمول في زمن غير الزمن يعني اشهر الكتب اللي اللي بتتكلم في الكلام ده اساسا بتبني مسلا على كلام جانبي يا جيه من سنين طويلة الولد بتاع النهاردة غير الولد بتاع من عشر سنين فاتت ده غير الولد بتاع من خمس سنين فاتوا حتى في نمو الجسدي حتى بالنسبة لنا احنا برضو مختلف فاللي اقصده فكرة الكلام ده انت محتاجاه لا مش محتاجاه طب انا اعرف منين ؟ ده اللي قلت التعرف عليه هتعرفي منه كل حاجة والموضوع مش مكلف يعني مش مكلف في الوقت ولا في الجهد ولا في الفكر ولا في المال هتبدأي تعرفي ابنك بيحب ايه وما بيحبش ايه وكزا يعني السؤال اللطيف الزكي اللي هو دايما ايه يعني عندي عيشة الصغيرة والدتها بتهرج معها بتقول لها عائشة بتحبي بابا ولا ماما؟ قالت لها بحب ربنا يا امي. ما هو العيال من كتر السؤال ده ما بيبقى محرج بيبقى عندهم ايه استراتيجيات رهيبة في ان هم ايه يخرجوا منها. تمام يعني حمودي الصغير. تحب يابا؟ والله بحب ماما يعني فهو الطفل يعني احنا بناخدها معهم كمزاح يعني. بس برضه فكرة ان احنا دايما نحطه في ايه يعني ليه نحطه في اطار يعني عادي هو انت انا عارفة انت بتحب باباك السعادة انا مبسوط انك بتحب باباك وباباك صلاح هيتحب يعني انا لو زاك وفي سنك احب باباك. يعني حسسه ان الوضع ايه قالت لا ده احنا بنحس انها معركة بقى ومين اللي هينتصر وياخد حب الولد؟ هو انت هتاخدي حب رسول الله؟ يعني والله صحيح يعني عمالين ايه وبقى معركة ومتضايقة بقى نفسيا قوي وبيحب ابوها اكتر مني. هو قال لك انا باحب ايهود باراك ابوه مش هيحب ابوه. طب ما عادي يعني يحب ابوه. ايه المشكلة؟ لأ اصل هو مقصر معهم وكمان بيحبه خلاص يا ستي بيحبه يعني انت زعلانة ليه هو قال لك انا بكرهك يا ماما هاني بيحب والده مش مشكلة ما هو المحبة دي رزق برضه ما انا عادي هو رزق الانسان رزق الانسان انه يحب يحب ده رزق برضه الصحبة دي رزق يعني والف بين قلوبهم لو انفقت ما في الارض جميعا ما الفت بين قلوبهم ولكن الله الف بينهم فرزق من الله سبحانه وبحمده. تمام؟ طيب آآ خلاص نكتفي بالقدر ده ان شاء الله