احداث كانت في السيرة ما اعظم تلك الايام جمعتها ايات شتى ما اصدق قول لعل ووصايا جاءت تبنينا نزلت قطعا للالزام الحمد لله تعالى نحمده ونستعين به ونستغفره ونعوذ بالله تعالى من شرور انفسنا ومن سيئات اعمالنا انه من يهده الله تعالى فلا مضل له هم يضلوا في الهادي لك واشهد ان لا اله الا الله وحده لا شريك له واشهد ان محمدا عبده ورسوله ثم اما بعد. الكلام عن غزوة خيبر طيب واحنا في العادة لما بنتكلم عن الغزوات النبي صلى الله عليه وسلم تحديدا بنقول دايما احنا عندنا تلات فصول من الفصل الاول اللي هو ما قبل الغزوة والفصل التاني الغزوة نفسها والتالت ما بعد الغزوة ان قلنا مهم ان احنا نفهم الحاجات اللي قبل الغزو ايه اللي حصل بالضبط اليوم ده هيساعدنا كتير ان احنا نفهم الغزوة نفسها وآآ ما بعد الغزوة عشان برضو نفهم اللي هم بيسموه اثار الغزوة او اللي اترتب عليها طبعا دايما بنأكد ان على عكس ما هو متخيل اول ما ينبغي البدء به من السيرة الغزوات يعني قصة ومش عارف قصة الفيل وحصل اول ما ينبغي البدء به من السيرة الغزوات لدرجة ان كان من سنة الصحابة ان هم كانوا يعلموا اطفالهم المغازي بيقولوا كنا نعلم المغازي كما نعلم السورة من القرآن كانوا لان وبعض الصحابة يعني كان اوصى واحد من من معلمي الصبيان ان هو يعلمهم الغزوات فكان بيوصيه ان هو الاطفال يتعلموا آآ المغازي علشان ده يعني تاريخ الاجداد ومجد الاسلام. يعني المغازي بالزات فيها مجد للاسلام خصوصا في الزمان اللي هو احنا بنشوف فيه اختراع القدوات الفاسدة اختراع انا بقول اختراع لان ما فيش اصلا اه لدرجة مسلا من الحاجات الشهيرة ان مسلا امريكا لما بتلاقي طبعا امريكا دولة لصوصية ان ما عندهاش تاريخ اصلا دول بلطجية وحرامية بريطانيا طلعتهم من السجون ورمتهم على خلق الله في ايه؟ في الارض الجديدة اللي اسمها امريكا قعدوا يدبحوا يقتلوا في الناس لغاية ما استتب لهم الامر فاللصوص دول ما عندهمش تاريخ اصلا فهم عايزين يعملوا اي تاريخ فيبدأوا يخترعوا شخصيات حرفيا لدرجة ان بيقال مسلا ان سلسلة الافلام الشهيرة اللي اسمها رامبو هم عملوها بعد ما خدوا على قفاهم في فيتنام وقفاهم ورم جامد والشعب بدأ يفقد الثقة بشكل كبير فاخترعوا شخصية رامبو دي واخترعوا الشخصيات المتعلقة بقى باللي مش عارف الكوماندوز الامريكي ومش عارف ايه والكلام ده ان هم ما عندهمش تاريخ اصلا اه فمعظم الشخصيات التاريخية حتى اللي في اوروبا يعني هي شخصيات بطبيعة الحال اصلا ما عندهمش قدوات اه مغازيهم كلها لما حد فيهم يعني يقعد يتشاخر ولا بتاع مسلا في الحرب العالمية مسلا فرحان قتله عشرين مليون عشرين مليون تسعتاشر مليون من المدنيين يعني قاتلين تسعتاشر مليون مدني في الحرب العالمية طبعا هم ما عندهمش تاريخ فاحنا المغازي المغازي في الاسلام يعني دي مفخرة تاريخية مفخرة تاريخية لان ما اه المهم يعني الشاهد ان المغزي في الاسلام مفخرة تاريخية يعني مسلا اه احنا مسلا لو لو قرينا مسلا حنين وتحديدا ما بعد حنين مش حنين تحديدا يعني ما بعد حنين والنبي ازاي اتصرف مع ثقيف وازاي يعني فعلا شيء مبهر انه شيء مبهر حاجة كده لم يشهد التاريخ لها مثيلا ولن يشهد لها مثيلا لان ما مش هيجي حد زي النبي تاني صلى الله عليه وسلم المهم المغازي مهمة في في الاسلام ده ده يعني آآ مش هقول اللي عليه السبب الاول ده السبب التاني انما السبب الاول ان احنا ان القرآن لما سجل سيرة المساحة الكبيرة من السيرة اللي سجلها القرآن هي المغازي يعني قصة النبي صلى الله عليه وسلم اصح التعبير او الفصول من قصته اللي سجلها القرآن هي اللي ايه؟ المغازي عندنا صورة كاملة تمحضت لغزوة بدر اللي هي مس سورة الانفال عندنا مثلا قرابة اربعين آية طوال موجودين في آل عمران عشان احد عندنا صورة للاحزاب عندنا في كتير من سورة الفتح اللي هي فيها الفتوح المختلفة يعني اللي القرآن سجله من السيرة المساحة الكبرى اللي سجلها من السيرة سجل فيها ايه؟ غزوات واحنا للاسف الشديد الترتيب ما هواش كده. فطال الغزوات دي يعني احنا بنشوف فيها يعني مش بنشوف فيها الاسلام بس طب نشوف الاسلام في الصراع مع الاخر وده كمان اللي يزهر الاسلام اكتر ان اللي يخلي المسلم يشوف الاسلام بشكل اكبر لان احنا بنشوف فيه بقى طموحات الاسلام بنشوف آآ توجهات الاسلام بنشوف اولويات الاسلام بنشوف ازاي الاسلام فعلا بيزهر بيزهر لما لما بنشوف الضد يعني حتى لدرجة العرب يقولوا وبضدها تتميز الاشياء والضد يظهر حسنه الضد وبضدها تتميز الاشياء ضد مفعول به. يظهر حسنه الضد. خلاص؟ اللي هو الفاعل. وبضده تتميز الايه؟ الاشياء. فبيبان يعني اللون الابيض يبان كويس جدا لما يكون جنبه اسود واللون الاسود يبان كويس جدا ويكون جنبه ابيض فاحنا في المغازي بنشوف اللون الابيض بتاع الاسلام وعشان بنشوف السواد اللي جنبه فبنشوف الى اي مدى الاسلام فعلا حاجة حاجة عزيمة يعني المهم فدايما احنا بنبقى محتاجين نشوف التلات فصول دول لان بطبيعة الحال في في سنن الله اه الاحداث بيبقى لها يرحمك الله ممهدات ولها متممات في سنن الله ففي حاجات بتمهد لهذا الحدث ما فيش حاجة اسمها الحدث ده بيجي فجأة كده وكل ما يرحمك الله وكل ما فهم الانسان لما يسبق هذا الحدث آآ زاد كل ما هو قدر يفهم الحدث بشكل كويس ويستفيد به وخصوصا لا سيما زي ما قلنا ان احنا بنحاول نقرا قراية ايه تحليلية لو احنا مش عايزين نحكي قصة وكده وبتاع نحكي القصة وتمامهم زي الفل وكل واحد يروح لحاله لكن ازا كنا بنقرأ للامر قراءة تحليلية فاحنا عايزين نعرف ايه اللي خلاهم يتصرفوا بالشكل ده وازاي الامر ده اثر في كزا مهم لان هزه القراءة التحليلية هي هدفها بالاساس للتأسي ان احنا عايزين نتأسى فلزلك انا مسلا لما اجي اشوف النبي صلى الله عليه وسلم سلك سلوكا ما في خيبر. او الصحابة سلكوا سلوكا ما في خيبر. انا يهمني اللي هو كيف ولد هزا السلوك. انا شايف السلوك دلوقتي في الاخير بس ازاي السلوك ده جه اصلا؟ انا شايف الموقف الاخير دلوقتي ان الصحابة انا شايف الف وربعمية الف وخمسمية انسان بيصمدوا صمود غير عادي قدام قوة عسكرية كبيرة جدا في هزا الزمان احنا لو انت بتتفرج على المشهد هتشوف الصحابة ايه هتشوف الصحابة ناس اقوياء وناس مش عارف ايه وناس اهل دين وناس اهل ايمان بس مش هو ده المقصود المقصود ايه اللي خلى الناس دول كده منين جا الالف وخمسمية بني ادم دول واضح؟ فهي هي دي اللقطة عشان كده بقول من الضروري انه يتفهم اه ايه اللي ادى بينا للكلام ده وبرضو من الضروري يتفهم ان احنا آآ ايه اللي هيترتب على الكلام ده لان مش التحدي في الحقيقة دايما النجاحات تحدي هو صيانة هذه النجاحات حفظ عليها الحفاظ عليها ازاي ان النجاح ده يترتب عليه نجاح تاني والا في فكرة مسلا لو تحدي النجاحات فعادي ممكن الانسان ينجح كده ويطلع كده مرة واحدة وبعد كده ايه يتردى ويروح بعد كده ربما للهاوية فعشان كده احنا برضه بنبقى عايزين نشوف ازاي تم صيانة واستثمار هذه النجاحات؟ يعني كتير جدا انا كنت مسلا ممكن اتكلم مع اه الاخوة مسلا والاخوات هم ما شاء الله ممكن يكون عندهم جهد جهد رائع في مسلا في انها مسلا ايه؟ مسلا في معرض الكتاب يكلموا فلان ده مسلا عن المنهج انا بفتقان مع مع القرآن او مع الوحي. ومش عارف ربما ايه؟ انا بقول لهم انتم بالضبط بتقعدوا تجمعوا يعني بتعملوا مكتسبات وبتضيعوها كلها ثاني لان طالما ما فيش ما فيش تعاهد لهذه المكتسبات والصيانة لها حسن استثمار لها فما لهاش معنى. وده اللي بيحصل معنا احنا شخصيا ان احنا كتير جدا ممكن بعضكم مثلا الفترة اللي ممكن ممكن يعني لو ربنا من علي بتاعة العمرة دي هيحصل منها مكتسبات كويسة هيرمم اشياء جواه في اشياء مسلا هيتممها وكده بس بيرجع ما بيصونش هزه المكتسبات فربما للاسف الشديد يعني يعود ادراجها وربما ينقلب على عقبها فهو دي هي دي الفكرة كلها. فكرة صيانة المكتسبات. احنا في الحقيقة في الفصول دايما اللي بعد الغزوات بنشوف بنشوف ازاي تم صيانة المكتسبات. بل بنشوف تم ازاي تم استثمارها آآ ازاي النبي صلى الله عليه وسلم استثمر صلح ده بيه يعني الحقيقة انا مسلا انا انبهرت باستثمار النبي لسوق الحديبية استسمار رهيب يعني هو يعني بنشوف الصلح الدهبية مجرد ايه للوهلة الاولى الصلح ده عبارة عن ايه؟ عبارة عن صلح جرى بين النبي وبين قريش الحقيقة لأ النبي صلى الله عليه وسلم بعد سحب بها مباشرة بدأ يتوجه لمش عارف لقبائل مش عارف ايه بعد صحبة اليوم مباشرة راح تفرغ لخيبر بعد صلح نبيا النبي صلى الله عليه وسلم بعث الخطابات للايه؟ للملوك والامراء المسلمين انساحوا في جزيرة العرب يعني استسمار مبهر حرفيا استسمار مبهر جدا جدا جدا لصفحة ابيه على انه يبدو في الحياة ان هو عبارة عن ايه؟ ظلم صلح سياسي لأ صلح سياسي يعني مش مجرد ما ان مسلا النبي مسلا ما حصلش بقى غنائم ما عملش ايه فهو المكاسب كلها مكاسب ايه سياسية تبدو سياسية بس استسمارها جدا جدا مرة بشكل مبهر لافت للنزر فدي من الحاجات اللي دايما مغفول عنها في السير مش يعني بيبقى مكتوب في كتب السير احيانا اثار غزوة كزا بس الحقيقة انا مش مش شايف ان احنا نقول اسار بقدر ما احنا نشوف استثمار اللي حصل في في المكتسبات اللي احنا حصلناها في الغزوة دي ودي ودي فعلا سبحان الله من توفيق الملكي انه الانسان يوفق انه يستثمر المكتسبات اللي هو ايه؟ اللي هو حصلها وطبعا هذا الاستثمار انا يمكن من من اكتر الحاجات اللي بالمعها فيه ان احنا على ما يبدو ان احنا قدام حد عنده رؤية استراتيجية قدام حد عنده خطوة تمت فالخطوات اللي وراها ايه جاهزة ولزلك ده دايما الفارق الفارق ما بين الناس اللي ربنا بيمن عليهم ان هم عندهم مؤهلات الامامة ماشي؟ دايما الفارق بين الامام والمأموم. طبعا هم دايما يقعدوا يقولوا القيادة ومش القيادة والهري ده. كلمة القيادة انا قلت قبل كده في سلسلة بناء الائمة او بناء ائمة المتقين الحقيقة كلمة مش مش دقيقة مش صحيحة. احسن منها الامامة واجعلنا للمتقين ايه؟ اماما. فاحسن منها كلمة الامام. خلاص فيقول لك مؤهلات القيادة اعداد القادة الهريدة. اللي جه في الوحي دايما كلمة الايه؟ الامامة. خلاص والامامة ايمانية وعمرانية وكلام في تفاصيل كده فالناس اللي عندهم اللي عندهم مؤهلات الامامة من اهم من اهم صفاتهم على الاطلاق ان هم يكون عندهم الرؤية الاستراتيجية الناس دايما انت بتفكر في اللحزة الراهنة بس هم دايما بيفكروا في الايه العشر سنين اللي جاية المرحلة اللي جاية العشرين سنة اللي جاية دايما هم يستشرفون المستقبل. بيستشرف الايه؟ المستقبل عشان لما ييجي المستقبل ده خلاص ما يفاجئوش ما يفاجئوش بقى هو الى حد كبير ايه؟ كان جاهز ليه؟ طيب جاهز ليه؟ جاهز له بنسبة كم في المية؟ مية في المية اطلاقا جاهز به على الاقل ونسبة خمسين في المية لان انت المستقبل ده في يد الله. انا مش في ايدي فهتحصل احداس ولا شك هتخلي الامور ايه؟ تتغير يرحمك الله لكن دايما زي ما كنت مسلا بكلم الطلبة بتاع الجامعة واقول لهم ايه؟ احنا ما بنعملش جداول مسلا للمزاكرة عشان نلتزم بها احنا بنعمل جداول عشان احنا مع الجداول احسن مننا بدون جداول واضح؟ انا بعمل مسلا الجدول عشان التزم به بنسبة خمسين في المية. انت مسلا حضرتك ولا حضرتك هتعملي جدول مسلا في الفترة دي عشان تلتزم به بنسبة خمسين في المية مش عشان مية في المية لان انت مش ماكينة مش الة والانسان لو عمل جدول التزم عليها بنسبة مية في المية هييجي بعدها يبوزه مية في المية بالعكس لازم الانسان دايما الجداول يكون ما يكونش ايه يعني يعني ما يبقاش صلب في التعامل معه لازم يبقى مرن ده الصلب لان هزه الصلابة هتخليه ينجح بس بعد ما ينجح مش هيعرف يواصل كده انما لما يبقى مرن هيبقى على طبيعته النهاردة مش عارف كنت تعبان ساب جدول اتضرب مسلا بنسبة عشرين نسبة تلاتين بس في الجملة انا بجدول احسن مني بدون ايه بدون جدوى. انا بخطة احسن مني بدون خطة. ماشي؟ ربنا قال ولو ارادوا الخروج لعدوا له ايه؟ عدة بشكل عام الناس الائمة بيبقى عندهم الرؤية الاستراتيجية مش عندهم الرؤية الاستراتيجية عشان خاطر يعملوا ايه عشان خاطر ان هم رؤاهم دي هتتحقق بنسبة ايه مية في المية. لأ علشان هم برؤى افضل منهم بدون ايه؟ رؤى كالعمياء يعني مسلا دلوقتي انا واحد مسافر من من ايه من من مكة الى المدينة فانا بقول ايه؟ انا اغلب على الزن ان السفر ده المسافة يعني ممكن تتراوح لها كده هي مش ممكن تكون مسلا الفين كيلو لان الفين كيلو دي معناها ان احنا مسلا طلعنا برة حدود السعودية اصلا. خلاص طيب وازا كانت ليه مسلا السعودية كلها من فوق لتحت مسلا هي مسلا الفين وخمسمية كيلو متر مسلا من شمالها لجنوبها فيعني يغلب على الزن كده انها مسلا ايه ممكن تكون سبعميت كيلو تمنميت كيلو فلما تطلع خمسمية ما بعدتش قوي خلاص هو يكون متصور انها الفين كيلو او انه يكون متصور انها متين كيلو فهي دي الفكرة. الفكرة دايما ان الانسان باستشراف المستقبل بهزه الرؤية المستقبلية هو الى حد كبير وطبعا الرؤية المستقبلية دي مش مش تخرصات ولا رجم بالغيب ودي مسألة مهمة هو الفارق ما بين الناس اللي عندهم الرؤية المستقبلية ماشي؟ السديدة او السليمة والناس اللي عندهم الرؤية المستقبلية السقيمة. بتوع الرؤية المستقبلية مستقيمة قائمين على الحدس. الحدس بالسين ماشي؟ الحدس اه اللي هو الحس. وحاسس انها كزا. اتوقع آآ يخمن في الغالب كده انما الناس بتوع الرؤية الاستراتيجية السليمة عندهم معادلات واحد زائد واحد يساوي ايه؟ اتنين بيحسب معادلاته بصورة ما يعني ممكن تيجي بالظبط وتيجي مسلا ولزلك المعادلات دي مسلا في استراليا في المستقبل بالزات بتبقى قائمة على قراءة التاريخ. ماشي؟ وعلى قراءة السنن وعلى ادراك الواقعة على قراءة التاريخ وعلى قراءة السنن وادراك الايه؟ الواقع. حتى على المستوى الفردي فرائض تاريخي انا الشخصي انا في العادة لما ببقى في سترس بعمل ايه تمام؟ والواقع بتاعي دلوقتي ايه هل انا فعلا مسلا دلوقتي لما هتحط في انا ممكن هبقى يعني هأدي كويس ولا خلاص بقى الواحد كبر بقى وما عدش فيه بالاستريس ده ممكن يسيبها تضرب وبتقلب تخرب ما يوجعش دماغه وقراءة السنن ان في الجملة فيه سنن عامة حاكمة للايه؟ حاكمة للحراك البشري الحراك البشري له سنن في النهاية الانسان زي ما قلنا ربنا زي ما دي سنن في الاكوان ليه سنن في الايه؟ في الانسان. فالانسان لو توفرت لديه قراءة الايه رأت التاريخ ولو توفرت لديه اللي هو يعتبر الايه؟ اللي بنسميه الماضي الغابر ولو توفر قراءة الايه؟ قراءة الواقع اللي بنسميه الايه؟ الحاضر المعاصر خلاص؟ ولو توفرت الايه؟ ليه السنن فهم السنن؟ السنن العامة الى حد كبير هيقدر يبني على هزه الايه الاشياء او ينطلق من هزا المسلس ويقول والله يغلب على الزن ان انا هقدر اعمل كزا يغلب على الزن ان انا اعمل كزا بس فهنا مع مراعاة امرين في منتهى الاهمية ان هزه القراءة بتبقى قراءة على منهاج الربانية يعني هي قراءة ابتغاء وجه الله خلاص؟ وفي نفس الوقت على المنهاج الذي يرضي الله مفتقرا لله مستعينا بالله ما ما يحسش نفسه بقى ايه الواد بقى الزكي وخصوصا لو نفعت معه مرة ولا نجح مرة وده اللي بيحصل معزم الناس المتخرصين او اللي بيرجموا بالغيب بتيجي معه مرة وخلاص بقى تعال اقعد لنا بقى هنا ده ده هيقعد ايه يقرا لنا المستقبل ولا بيقرا ولا بيتنيل اللي جت معه كده فده يكون على منهاج اقرأ باسم ربك او على منهج الربانية. والنقطة التانية المهمة نقطة المصدرين ان بقى المصدر اللي انا هقرا فيه التاريخ. المصدر اللي انا هقرا فيه السنن هو الوحي وليس الا الوحي ليس الا الوحي ما فيش اي حاجة تاني الوحي هو المصدر الوحيد اللي قلنا فيه الصحة والصلاحية والامان والايه والاتزان. حتى المصادر التاريخية وان كانت حتى من تاريخ المسلمين عندنا تاريخ القرن السابع الهجري مسلا القرن السابع الهجري ده كاتبين كاتبينه مين مسلا كاتبينه العباسيين طيب العباسيين دول لما هتيجي سيرة الامويين هيعملوا ايه عادي يعني التاريخ التاريخ اللي هو حتى انا بقولها اهو عشان برضو ما نقعدش نضحك على نفسنا التاريخ بيتكتب من زاوية او من وجهة نزر كاتب التاريخ وانا دايما كنت الحاجات اللطيفة جدا كنت اقول لهم مسلا لو فيه مصري هيكتب تاريخ ثورة يناير ثورة يناير في مصر ماشي؟ حدس كبير حدس ضخم لو فيه لو فيه مصري هيكتب التاريخ ده. لو جبنا كده ميت مصري وقلنا لهم اكتبوا التاريخ ده ميت رواية ميت رواية حرفيا ميت رواية بلا مبالغة ميت رواية مين بقى اتقى ربنا؟ مين ما اتقاش ربنا؟ لأ مين فعلا هو بيتقي ربنا بس هو شايف الحدس كده هو دي قناعته وحصل مسألة فاحنا ما عندناش امان خالص الا في الوحي يعني ده الحاجة الوحيدة المأمونة المضمونة الموزونة عشان كده انا بالنسبة لي تاريخ البشرية هو التاريخ اللي ربنا ستره في القرآن ما سواه نسمعه ونتسلى به انما تاريخ نبني عليه لأ ما يتبنيش عليه فاهمين انتم فاهمين انا بقول ايه؟ عشان برضه الحتة دي احيانا الناس بتفهمها التطرف شوية يقول لك يعني نطرح تاريخ البشرية ونولع فيه لأ ما نولعش فيه. نستأنس به. نتسلى به بس ما نبنيش عليه التاريخ الوحيد اللي اتبنى عليه تاريخ الوحي هو ده اللي هنبني عليه افكارنا هنبني عليه السنن هنفهم الدنيا في دور. وفي وفي الحقيقة مش بس عشان خاطر التاريخ ده في الصحة والصالحة والامان والاتزان. لأ علشان هو ده التاريخ اللي له لازمة اللي ما لوش لازمة كله كل الباقي ما لوش لازمة. هري ما لوش اي لازمة في اي لازمة انا مالي انا ان كليوباترا كانت بتحب انطونيو وانطونيو ومش عارف ايه مش عارف مفلسع لها وانا مالي انا وكليوباترا وانطونيو ما يولعوا انا مالي انا انا احرق دمي ليه انا بفلان وفلان؟ ما ليش دعوة بالهري ده او كلام كتير وشجرة الدر ومش شجرة الدر وعز الدين ايبك واقطاي ومش اقطاي ومش عارف ايه واتجوزت ده وضحكت على ده وعملت في ده وودت ده ومش عارف وجابت الولية ام علي وخنقتها وانا مالي انا ومالها ومال ام علي ومال امها بتتاكل انا ما لي انا هري من الايه؟ ما لوش لازمة في اي لازمة وله مشاكل ليشكل بعد كده انا مالي اصلا والهري ده ولزلك اول تاريخ لو ان الامور تعود الى نصابها وترد الى اصحابها اول تاريخ يدرس لحد هيتخصص في التاريخ هو تاريخ الوحي التاريخ اللي ربنا ستره في الوحي تاريخ ادم تاريخ ابراهيم تاريخ المعالم الضخمة في حياة الايه؟ البشرية ده في التاريخ الماضي والتاريخ اللي جاي في المستقبل هيحصل ويحصل ويحصل ويحصل. ايه قيمة ان انا انا ما لي انا اقعد اعرف؟ انا واحد النهارده مسلا انا شغال في شركة مسلا جنرال موتور وانا راجل مسلا مهندس سيارات ماشي؟ انا اعرف تاريخ الطب ليه انا مال انا واقعد اتشاغل بتاريخ الطب ده عشان مسلا حلم قديم اني كان نفسي اخش كلية طب. يا عم انا مالي انا انا ادرس الاول تاريخ الايه؟ تاريخ السيارات دي وصناعتها ومين اللي صنعوها وعملوا ايه وتطور السيارة والكلام ده كله. تمام؟ زي الفل. وبعدين ادرس اللي عايز يدرسه ولزلك لدرجة ان فعلا كتير من الدعاة وكتير مسلا من الناس المتصدرين وخصوصا على السوشيال ميديا دلوقتي هم بيعزفوا على الوتر ده ان هي ايه بيعزفوا على شغف الناس بان هم يعرفوا قصص جديدة وخلاص سواء كان صح ولا غلط بقى ويقعدوا يعملوا كتب كده ويجيبوا قصص كده واحداس كده وبطولات وحوارات ويسخن الناس في الحقيقة ان كان من تاريخ سيدرس هو تاريخ الايه؟ الوحي ده التاريخ اللي له قيمة يدرس ابتداء وبعد كده اللي عايز يروح يروح هو حر بقى لان النقطة الاهم على الاطلاق في هزه المسألة ايه ان تاريخ الوحي هيبقى انا مليت الوعاء بالتاريخ السليم اللي هيساعدني هيساعدني على فهم التاريخ السقيم. وتمييزه. بس هي دي النقطة الاهم على الاطلاق. وده كان ازا كان فحوى فحوى وصية سيدنا عبدالله ابن مسعود في القصة الشهيرة. اما جه اتنين من اصحابه معهم ايه؟ صحف من صحف بني اسرائيل فالصحف دي فيها فيها قصص قالوا ان فيها حديثا عجبا. يعني فيها قصص ايه؟ قصة غريبة كده وحلوة وبتاع يجعل يأتني بالتست جاب جابت له البتاع وحط فيه وقال بقى الكلمة دي. قال ان هذه القلوب اوعية فاشغلوها بالقرآن ولا تشغلوها بايه من اجمل من اجمل من اجمل ما يفهم من تشبيه سيدنا عبدالله بن مسعود ان الوعاء فيه محدودية موديل مصر ما تفهموش الوعاء فيه ايه محدودية. الوعاء ده عنده حدود ولا ما عندوش حدود عنده حدود الوعاء مش مش يعني مش فاهم اللي هو لأ الوعاء في ان هي عنده ايه محدودية فانا شغلت الوعاء ده بما هو اقل شأنا هيعمل ايه ما فيش مكان للحاجة الكويسة بس واحد ملى قلبه ملى قلبه بالقصص والاساطير والخرافات والحاجات اللي في الكارتون والهري ده. هيبقى قلبه فيه مكان للوحي وللكلام للازمة ما فيهوش مكان بس فدي دي مسألة مهمة ومسألة خطيرة جدا جدا جدا ولزلك انا كنت دايما بقول فكرة ان يكون كل اسرة او يكون كل مؤسسة عندها مشروع المسارعة لقلب لملئ وعاء الطفل بالوحي المسارعة احنا في سباق احنا نملا له يملأ له في المدرسة احنا نملا له يا اما له في الكارتون. احنا نملى له مصارعة مصارعة المسألة فعلا مسألة ما تحتملش التأخير باي حال من الاحوال لا تحتمل التأخير ان يلحق يتملى بالوحي ان يبقى ختمة الفهم دي تتعمل للطفل وان شاء الله يرصدوا له عليها عشر تلاف درهم بس بسرعة عشان نلحق نملي الوعاء ده بالايه؟ بالوحي لان احنا لان للاسف الشديد هو لو احنا ما ملناهوش فيه مليون واحد واقف عايز يملاها واللي واللي هيسكن اولا هيبقى من الصعب اقتلاعه فمن الصعب اقتراحه احنا حتى عزرا لو الوعاء ده اتملى اتملى بمسلا بقطران اسود خلاص وانت بعد كده عمال تجيب تحط لبن عليه خلاص انت خدت القطران وكبيته ويفضل اثار القطران مالها؟ عالقة فيفضل دايما الشخص ده قلبه فيه بياض مشوب بسواء وده اللي بيحصل بسبب الفتن واثار الفتن. احنا حتى لما الوحي بيخش قلوبنا بتفضل دايما اثار الايه؟ السواد اللي كان قبل الوحي ما يبقاش من السهل الانسان بيحتاج بقى ايه شوية اللبن دول ياخدهم ويفضيهم. واللبن ياخدهم ويفضيهم. وياخدهم ويفضيهم يفضل فترة طويلة جدا عمال ايه عمال يملى ويفضي يملى ويفضي يملى ويفضي لغاية ما يدوب اللبن ايه يبيض شوية انما سيزل سيزل هزا اللبن دايما ايه؟ فيه ايه دي شوائب سواء بسبب السواد الاول الزي كان في هزا القلب عشان كده المسألة مسألة ايه؟ مسألة سباق يعني سباق حرفي فعلا سباق سباق حرفي. ان احنا ازاي نسارع نجري بسرعة. نلحق نملى قلوب العيال دي بالكلام ده. وان احنا نفسنا بقى ازاي نعمل ايه؟ ازاي اشتغل بمبدأ المكاثرة ما هو المحزن في الامر بقى ان القلب اللي مليان سواد ده فاحنا عشان خاطر نبيض الدنيا شوية بنحط لنا ايه الاشكال الكبير؟ ان هو مليان سواد مليان بلاوي وبدع وخرافات ومش عارف ايه واهواء واراء وحوارات حاجات بقى حصاد سنين واحنا بنيجي ايه؟ فهو مليان واحنا في الحقيقة برضه ما بنحطش بنفس الايه؟ الكسافة احنا هو مسلا مليان وليكن مسلا هنا في في مسلا ميتين ملي فانا يعني عشان عايز بقى انجز بسرعة المفروض احط ايه احط متين مللي تانيين عشان يطردوا المتين مللي دول. تمام وبعد شوية احط ميتين مللي تاني ميتين مللي تاني متين مللي تاني. فممكن اكون عايز الفين مللي مسلا الفين ملليمتر مكعب عشان يدوب كده ابدأ اللون يايه؟ يبيض. انما المحزن في المسألة ان هو فيه متين مللي سواد. وانا كل اللي بحطه اتنين مللي اتنين مللي عشان كده قلت للانسان دي من الحاجات ما بنلمحش تأثير بدري ليه بس اوقات كتير والسواد ده غالب على البياض فهزا السواد انا بحط اتنين مللي واحد اتنين مللي واحد اتنين مللي واحد فده معناه ان القلب ده هيبيض بعد عشرين سنة بعد عشرين سنة مش يعني المسألة ما هياش سهلة فلزلك الانسان محتاج انا قلت قبل كده هو محتاج مش بس المداومة هو المحتاج المداومة على الجرعة اللازمة ان انا النهاردة ممكن الام تقول لي يا دكتور والله العظيم لي عشر تيام بديه الدواء بتديه قد ايه يا ست الكل؟ تقول لي بدي له واحد مللي او واحد سنتي تلات مرات في اليوم يا بنت الناس انا قايل لك ادي له خمسة ملي يعني هي بتدي خمس الجرعة مفهوم؟ فهي مش التحدي بس المداومة. التحدي المداومة على الجرعة الايه؟ اللازمة. انت جرعة ارتباطك بالوحي ايه جرعة الجرعة اللي الانسان بيملى قلبه منها الوحي قد ايه؟ فيفضل هزا السواد فالشاهد يعني اللي اقصده ان ازا ازا تم رد الامور الى نصابها وتم اعادة الامور الى اصحابها فساعتها ما ما هنهريش في تاريخ الى تاريخ الوحي وهنقعد ايوة نشتغل عليه ونشتغل عليه كويس ونشتغل ان احنا نخرجه بشكل كويس. ونشتغل تبقى ان تبقى مناهج مناهج الاخراج احنا كفينا الانتاج هنا الايه؟ الانتاج. ما احناش محتاجين ننتهي القصة ولا ننتج تاريخ خلاص بس احنا عندنا تحدي الاخراء للاسف الشديد اسوأ اسوأ اخراج هو اللي بيكون لايه لتاريخ الوحي ومش لازم دايما مش لازم دايما الاخراج الجيد يبقى ان في موسيقى وفي مزيكا وفي الممسلة فلانة الفلانية وفي المسخرة والمخالفات الشرعية الاخراج بتاع حد حتى فهمه كويس يقراه كويس يجيد عرضه بالعكس اصلا الصورة مضرة. الصورة مضرة. الفيديو مضر لان هو قلنا قبل كده ان هو بيجهض قدرات اللي عند الانسان لان النهاردة انا لما بحكي لواحد قصة انا بحكي قصة هو هو بيعمل ايه؟ طالما ما فيش صورة بيتفاعل خلاص خلصنا بسم الله الرحمن الرحيم بيتفاعل يتفاعل بايه؟ بيبدأ يرسم الصورة وكل واحد بيرسم الصورة في ضوء رؤيته هو فمسلا بنتكلم عن مسلا بطل راجل صالح بنتكلم عربية ابن خسيم مسلا وبنحكي القصة كل السامعين هيرسموا صورة الصورة دي العجيبة ان احنا لما هنحطها هنلاقي صور ايه مختلفة قل للسامعين بيبدأوا اه بالموقف ده الربيع بن خثيم كان بيصلي وعدى واحد وسرق المش عارف بتاعه. شف انا بحكي كده ايه اللي بيحصل في في ازهاننا كله عمال يرسم صورة الانسان متركب على كده بيرسم صورة الصورة اللي هو بيرسمها دي الى حد كبير برضه مش صورة ايه يعني مسلا الربيعة ابن خثيم راجل بيصلي هيرسم هيشوف مسلا هيرسم صورة ربيع ابن خسيم عامل سكسوكة ماسك سيجارة وحالق كابوريا وعمال كده مش هيرسموا كده فكمان دي ده الجمال في المشهد. الجمال في المشهد ان برضه الانسان بيرسم صورة في الايه؟ في الاطار او النسق اللي الكلام فيه كمان كل ما كان هزا هزا القاص القاص اللي بيقص القصة كل ما كان عنده براعة براعة في رسم السور بالكلمات ويسهل المسألة جدا ودي واحدة من معجزات القصص القرآن قص قرآني القرص القرآني معجز في مسألة ايه؟ ان بيخليك ترسم السورة في الصورة بالايه؟ بالكلمات. وطالع وان شئتم قص سيدنا يوسف كلنا قصة سيدنا يوسف في دماغنا في من غير ما نشوف فلان صح؟ كلنا في دماغنا فيلم من غير ما نشوف لأ كلنا في دماغنا وهم واخدين سيدنا يوسف وبيرموه وهم راجعين والقميص وده من كذب والصورة هنا بقى الصورة بقى هي دي بقى الروعة. ان السورة دي تقريبا احنا كلنا بنبقى متفقين في رسمها بنسبة تسعين في المية على الاقل ليه علشان علشان البراعة في ايه في رسم ايوة الصورة بالكلمات لان الكلمات معجزة جدا لدرجة انها خلتنا كلنا نرسم صورة شبه كلنا نرسم صورة واحدة على ان احنا احنا ايه متفاوتين جدا بس تقريبا كلنا راسمين صورة واحدة. كلنا راسمين صورة واحدة للقميص اللي جايين به ده. وجاءوا على قميصه بدم كذب. كلنا راسمين صورة واحدة للقميص ده. راسمين صورة واحدة مسلا اخوة سيدنا يوسف هم هم جايين وجاءوا اباهم عشاء يبكون. راسمين كلنا راسمين الصورة ولزلك في الحقيقة انا كنت بقول الكلام ده وقلت واحنا مسلا بنتكلم عن المتدبر لأه اصلا احنا مسألة اللجوء للصورة ده اضطرار لكن في الحقيقة الصح ما يبقاش في صورة بل بالعكس انا دايما كنت اقول للمعلمة انت تحكي القصة قبل ايه قبل ما يشوفوا الكتاب خالص نحكي قصة انا مسلا جايب كتاب النهاردة اكون وبادرسه لابني ما اروحش اقرأ معها القصة احكي القصة كده بالبلدي تمام زي الفل مية مية واخلي الواد يرسم الصورة في راسه وبعدين نقرا بقى الايه؟ نقرا القصة باللغة العربية مع بعض ونشوف بقى الصور ومش عارف ايه وكلام من ده لما يتساب هو يرسم الصورة الاول المهم التاريخ بتاع الوحي في احنا عندنا اشكال في ايه في عرضه. عرضه اخراجه الاخراج فيه ازمة فيه ازمة كبيرة الاخراج المهم في ازمة تانية بقى غير اخراجه فهي في في قراءته وتحليله ان دايما القصص قصص الوحي هو مش قصص اه للتسلية فبعد الانتفاع غالب فيه على بعد الايه؟ الاستمتاع لانه ممتع. بس طبعا مش ممتع اللي زي حالاتنا عشان احنا الزائقة اللغوية عندنا مضروبة بالنار ماشي؟ ولا هي منتحرة مسلا من تلات قرون الزائقة اللغوية فهو ممتع جدا بس ممتع للي عنده الذائقة اللغوية لسه ايه؟ لسه حاضرة فالمهم فاحنا الى حد كبير بسبب ان الذائقة مش حاضرة فكتير مننا بيايه لا ما بيحسش ان لان القصة بتاعة الوحي ممتعة. خلاص؟ بيحس انها ممتعة. ما بيقدرش يشوف المتعة آآ اللي فيها. تمام اه وده الى حد كبير بيبقى هو اه له اسباب من اسبابه ان القصة القصة القرآنية بطبيعتها هي دايما هي كعادة القرآن. انها انها موجزة ومركزة ومعجزة معجزة في هزا الايجاز والتركيز فهي موجزة جدا ما فيهاش الدش ما فيهاش الهري ما فيهاش ميت صفحة بيوصف واحد قاعد في البلكونة ويرتشف رشفة من الشاة وبيوصف في البلكونة والحديد اللي في البلكونة والصرصار اللي ميت اللي تحت في البلكونة وبيوصف في مش عارف البتاعة الجلابية اللي هو لابسها وبيوصف مش عارف في ايه وممكن يقعد يوسف واحدة خمسين صفحة مش عارف شعرها الكستنائي اللي مش عارف ماله ومش عارف مناخيرها الطويلة اللي بتعمل مش عارف ايه القرآن طبعا ما فيهوش الهري ده والناس طبعا من كتر الفراغ فبتحب الفراغ ده فهنا في نقطة في في ازمة حصل ان حصل حصل فساد للذائقة الفطرية فساد للذائقة الايه؟ الفطرية. واحد طول الوقت بيشرب ماية مالحة ملحة سنة مالحة سنة مالحة سنة مالحة سنة مالحة سنة فجه مرة واحدة شرب ماية عزبة ايه المية المسخة دي وهي مسخة هو بالنسبة له دي مية ماسخة. فايه المية الماسخة دي لان حصل فساد للذائقة الايه للذائقة الفطرية بتاعته فحصل الفساد ان الناس بتقعد تسمع الافلام عشان خاطر الفيلم ايه عبارة عن ساعتين من اول الفيلم لغاية اخره فكرة ايه كالعادة لو فيلم عربي واحد بيحب واحد هتحصل مشكلة وفي الاخر هيرجعوا يتصافوا تاني ويحبوا بعض ويخلص الفيلم مع شوية تحبيشات بس تغييرها لو فيلم هندي يبقى هيعمل شوية حاجات وهيطول وينط من فوق القطر وهيموت ويصحى عشر مرات وهيستشهد يجي اربعين مرة عادي لو هندي فيعني حاجات ايه يعني الناس وصلت انهم مسلا بيتفرجوا على مصارعة المحترفين وهما عارفين ان المحترفين دول ممسلين وبيتفرجوا برة وبرضو عمالين يقولوا ها مين اللي هيكسب وهيعمل ايه يعني الناس وصلوا لمرحلة من فساد الذائقة الفطرية ان هم بيتضحك عليهم وعارفين انه بيتضحك عليهم ويزعلوا لو ما يتضحكش عليه يا عم اضحك علي يا عم اضحك علي. اكدب علي ما تقوليش القصة كده ما تقوليش فلان وفلان وحصل. ففلان قابل فلان فحصل. اكدب علي. اديني شوية تحابيش زود شوية حاجات ولزلك مسلا يقوموا يعملوا مسلا كنت بقول لهم مسلا من اشهر الحاجات البتاعة اسمه ارطغرل ده هو ارطغرل كل اللي صح عنه في التاريخ نص صفحة نص صفحة نص صفحة حرفيا يا عم مش مشكلة اكدب يعني يعني كل الحلقات دي بيعملوا في نص صفحة ولا البتاع التركي ده اللي هو الحلقة رقم ستمية اتنين وتلاتين ده مين البني ادم التافه الفاضي اللي قاعد لستمية اتنين وتلاتين ده اقسم بالله ستمية اتنين وتلاتين وايه بقى القصة بقى مسلا في لغاية ستمية اتنين وتلاتين عيلة والخناقات اللي في العيلة والواد مش عارف مهند بيحب البت مش عارف مين وعملوا ايه وودوا ايه وككزا وعورها وطلقها وكلوا في المطعم وسنتها اتكسرت وراحوا للدكتور. الحلقة دي كلها في سنتها اللي اتكسرت فساد الزائقة الفطرية. هزا الانسان اللي فسد الزائقة الفطرية بقى هيستمتع وهو بيقرا قصة سيدنا موسى هيقول لك ايه يعني قصة النمل؟ سيدنا سليمان ماشي آآ النملة قالت له كزا خلصني. فين القصة غرضت فين قالت فين القصة يا عم فين القصة فين القصة لان هو زائقته الفطرية ايه تلوثت ادمرت فاصبح الناس اتعودت في الزائقة الفطرية بتاعتها اتعودت ما تسمعش مسلا انشاد الا بموسيقى انتم متعودين على الاغاني متعودين على الموسيقى متعودين ان الدرس بتاع الشيخ لازم يبقى عبارة عن ايه لازم يبقى قصص وحكايات وخزعبلات وخرافات ونطلع ونيجي وصلوا على رسول الله. اعمل كده. فالناس تايه ايوة كده ويخدرنا واحنا حلوين وداخلين الجنة ونشوف ايه في الجنة ويحصل ايه فساد الذائقة الفطرية ده ده واحد من اكبر امراض هزا العصر هذا الذي فسدت ذائقة الفطرية هيبدأ بقى تقريبا كل الفطري مش هيعمل حاجة كل الحاجات الفطرية مش هتعمل حاجة لان الوحي جاء بالفطري جاء بالحاجات الايه؟ الفطرية جايب التعاملات الفطرية. جايب كل بالتعليم الفطري كل حاجة في الطريق. يعني هي متماشية مع فطرة انسان. هزا الانسان انتكست فطرته قطرته تلوثت خلينا نقول تلوثت يعني على احسن التقديرات. هذا التلوث الذي حصل لفطرة هذا الانسان خلاه في الاخير هو مش ايه؟ ما الحياة ما بقاش ما بقاش ليستمتع ولا يستفيد يعني هو عشان نوصل لحضرته العبرة لازم احنا نقعد تلت ساعات بنحكي ايه؟ بنحكي فيلم ما لوش اي لازمة في اي لازمة. لا والاول لقوه ما ما بيجبش معه الصورة. ما بيعملوا الموسيقى التصويرية اللي ماشية مع الايه؟ مع الصورة. وبعدين لقوا كمان لا الصورة ولا مش الصورة. لا نجيب الممسلة الجميلة اللي بتسير الغرائز عشان تعمل ايه؟ عشان توصل الفكرة اكتر مهم يعني يستميت في فكرة ان هو يعمل ايه؟ ان هو يحاول يوصل الفكرة لهزا الشخص. الله المستعان فاللي اقصده ان الوحي الوحي بشكل عام او التاريخ اللي في الوحي هو الحقيقة مميز جدا مميز جدا لكن لو لو احسنا اخراجه خلاص؟ واحسنا قراءته ولزلك الانسان في الاول اه ممكن ما بيايه ما بيحسش به ما يستمتعش به. لكن ما مع الوقت الامور بتتحسن. عشان كده بارجع تاني واكد على فكرة يعني آآ ادركوا ادركوا ادركوا ذائقة الاطفال الفطرية ادركوا ذائقة الاطفال الفطرية. الحقوها بسرعة ادركوها ادركوا ذائقة الاطفال الفطرية. قبل ما تتلوث قبل ما يحصل فيها اشكال. ولذلك سبحان الملك الاطفال في الاول خالص بنقعد نحكي لهم القصة بتاع الوحي دي احنا كلنا واحنا صغيرين اللي جدته اللي مش عارف والدته اللي حد قريبه قعد حكى له سيدنا ابراهيم وعمل يعني انا يعني اصلا ما ازكره من قص الانبياء بعض وحكاية جدتي لابي رحمها الله ليه انك انت تقعد تحكي لي بست امية بعبارتها البسيطة كده فسيدنا ابراهيم ومش عارف ايه وحصل وحصل وحصل وحصل وحصل والقصة فعلا لما نيجي نبص على معالم الامتاع اللي فيها مبهرة معالم الامتاع مبهرة بس الجميل ان ده ايه؟ ان هزا لهو الايه؟ القس الحق ما فيش بقى خرافات ما فيش خزعبلات ما فيش اساطير تعيش الانسان في عالم وهمي الجميل ان القصص دي على منهاج الحلول الجميل انها على منهاج الايه؟ الحلول بتورينا انسان عادي جدا انسان طبيعي. بيواجه مشاكل وبيعمل ايه؟ وبيحل المشاكل دي بوضع بشكل طبيعي فهزا الانسان اللي متربي على الواقعية لما تجي له مشكلة يعمل ايه؟ عادي. انما العيال النهاردة اللي متربية على سوبر مان ولعلي متربية النهاردة على هاري بوتر واللي متربيين مسلا على الماجيك ابيليتز على القدرات السحرية دايما هم متصورين ان الحل هيبقى ايه يدور بقى على اي حاجة. ما فيش ما فيش مصباح يقعد يخش المطبخ ويمسك البرادات بتاع امه ويقعد يفرك فيها. يمكن يطلع منها جني ولا حاجة ويقعد يقلب في الحاجات بتاعة جدته يمكن يلاقي سجادة مسلا يمكن السندباد نسي السجادة عند سته بجد يبقى كل حياته عمال بيدور على ايه ؟ طب لما ركزوا بقى عشان حتيجي مهمة. لما ما بيلاقيش ماجيك ابيليتز من او قدرات سحرية من طريق مشروع بيروح تقرير المشروع ولزلك مسلا من اكتر الحاجات السحر هزا السحر السحر الزي هو الكفر مش سحر عادي وخلاص مش كمان خفة يد وكلام من ده السحر الزي هو الكفر انتشر انتشار رهيب في هزه الاجيال ليه؟ لان هو عايز يحل مشاكله فمش لاقي طرق شرعية يروح لطرق ايه؟ غير شرعية فيروح للسحر الزي هو كفر مش آآ خايف من السحر وخايف يحصل له حاجات وبتاع ويطلع له عفاريت وكلام من ده. الواد قلبه رهيف ينصب يبقى نصاب بيشتغل في النصب والخداع والسرقة حرامي زي مسلا كتير من البيزنس من حرامي قد الدنيا يعني حرامي محترم حرامي حرامي نقضيها بالايه؟ بالنصب لان هو ما عندوش تصبر ولا عنده طاقة انه يعمل ايه ؟ انه يعرف يكسب بشكل طبيعي ان ياخد اللي يمشي الامور في سلكها الايه؟ الطبيعي. لانه تربى على ايه؟ على الحلول السريعة اتربي على الحلول السحرية ولزلك ده بتلاحزوه جدا هتلاحزي الفرق بينك وبين بنتك العيال ما عندهمش ايه؟ ما عندهمش صبر. ما عندهمش طول نفس. ما عندهمش استعداد للاجتهاد ما عندوش خالص يعني بيستسهل البتاعة دي مش فاهمها عايز اخد درس مش بقى تباعد اقرأها واعيد وازيد واروح واجي ومش عارف ايه بيستسهل ولزلك فعلا حرفيا حرفيا يعني ان كنتم تريدون بهم خيرا فلازم تمرمطوهم والله لازم اتمرمطوا لازم يتعبوا يتعب يعني انا مسلا في اوقات كده انا ممكن اكون ماشي ماشي مسلا انا ومسلا عبدالملك ولا حاجة ومسلا معي شنطة شنطتين مسلا اشيلهم له وامشي انا جنبه مية بس انا عايزه يتعود يعمل ايه روح هات كزا اعمل كزا قم اطلع اتشقلب عشان هو يتعود انه بيتعب عايز اه ابي انا عايز اجيب الكوباية دي حوش لو وصلت لنص تمنها هكمل لك النص التاني ما فيش حاجة اسمها ان انا هاديك الايه؟ انا ما هديكش فلوس. الحاجة انت عايز تجيبها تتعب فيها حوش وتوصل لمبلغ معين وبعدين ايه؟ نتكلم ليه؟ لان في الحقيقة هم اتعودوا الجيل ده مش مش الحمد لله مسلا ربما ولادنا يعني احسن حالا بالنسبة لغيرهم. بس اتعود ان هو بيدوس على الزر هو متخيلين بقى ان بابا ده هو الجن اللي في المصباح خلاص؟ وامه الجنية والله قصدي انا بهرج فابوك جن امه الجنيه بس اللي هو ابوه يقول لي شبيك لبيك عبدك وبين ايديك. وامه شبيك لبيك يعديك وبين ايديك يا حبيبي انت بدأ ده ده احنا اللي هنخليك انت الجني. فتتعفرت اه مش ليه ده لمصلحته مصلحته انه يتحمل المسؤولية دلوقتي لمصلحته لمصلحة البنت انها تقوم تخش تغسل المواعين. لمصلحتها ان هي تمسك الكوتش بتاعها وتغسله. لمصلحته ان هو يقوم مش عارف يعمل ايه ده لمصلحته. هو احنا ليه ما هنركبش ونركب ليه؟ على رجل نقش الحنة! امشي يلا ادي دي شركة بيمشي امشي مش هيجرى حاجة انت انت عاجز؟ امشي فيعني للاسف فكرة ان هو الدنيا سهلة سهل سهل سهل وده كله للاسف الشديد حصاه بايه حصاد الاعلام والتعليم اللي هو دايما بيوريهم الحلول الايه؟ السحرية انا حتى كنت بقول بقى ودي نقطة كده في يعني نقطة عميقة شوية عميقة شوية ومصحصح لها بل حتى كل ما سوى تاريخ الوحي لان مسلا انا كنت اشرت لملمح بسيط قوي الولاد مسلا تصوراتهم ان احنا فتحنا القدس ازاي ان في بطل مغوار انسان فريد من نوعه اسمه صلاح الدين فتح بيت المقدس على ان برضو زي ما قلت يعني من قريب قلت ان جيل صلاح الدين مش صلاح الدين لوحده لكن التاريخ لما بيكتب ما بيكتبش ما بيكتبش كتابة جماعية بيتكتب كتابة ايه كتابة كتابة فردية كتابة الهيرو البطل ماشي؟ كتابة البطل فاحنا لا نكاد نرى الا البطل الفلاني. رغم ان البطل ده وراه ايه وراه منزومة كاملة انا كنت بقول لهم الواحد مسلا في مرحلة من حياته انا مسلا كشخص انا بحب انجح وبحب انجح لوحدي. وما احبش النجاح بتاعي يتعلق باي شخص يعني مسلا لو عندي مسلا بروجكت ايا كان او عندي مشروع انا عايز اشتغل عليه وجاي مسلا على سبيل المسال استاز احمد حسن قال لي ايه يا دكتور طب انا معك في الحتة دي اقول له لأ شكرا انا احب كل حاجتي تكون ايه؟ انا ماسكها في ايدي علشان ما حدش يعطلني قط ودي برضو الحمد لله ليها اثار طيبة ان انا مسلا احب يكون معايا شرحني معايا حاجتي معايا قصتي انا حاجتي معاه انا اخد حاجتي اشتغلها عشان اضمن ان كل كل عوامل امر في ايه؟ في ايدك انت. ولما حاجة منهم تضيع ما ازعلش. انا اللي ضيعتها بقى انا اللي غلطت فيها. انا اللي قصرت فيها. ما عنديش ازمة لان مسلا ييجي الانسان يبقى بيحب ينجح ما بيستحملش ان في حد يبوز له حاجة. حد يعطل له حاجة. حد نفسيا ما بيعرفش يستحمل هزه المسألة فخلاص انا حاسس كنت بشوف ساعتها ان انا عشان ما ازعلش من حد. تمام؟ وما ازعلش حد خليني في حاجتي في ايه؟ في ايدي. انا اتولى قصتي كلها. مش عارف محتاجة اكتبيه اكتبه انا محتاج اروح اجيب ايه انزل انا اجيبه واشتريه واعمله واختاره احس ان انا حاجتي كلها مع نفسي. الحمد لله بعد وقت بقى مع المشروع والواحد مسلا بقى بيشوف بفضل الله عز وجل ان لو نجح انه يعرف يشتغل في منزومة فهيعمل قفزات ضخمة قفزات قفزات ضخمة في الانجاز الحتة اللافتة للنزر جدا ان كتير في الناس من الناس ممكن يشوفوا مسلا في الانجاز ده يشوف لك مسلا زي ما انا بحكي بس يشوف عشرين مرة كنت بتكلم مع رئيس قسم التعليم المعاون اه في مصر. المهندس طاهر ربنا يحفظه. فبقول له بص يا باشا انا وانت خلاص انا وانت احنا الناس اللي بناخد اللقطة في الاخير انما في ورانا ناس تانية الناس دي هم اللي شايلين كل حاجة هم فعلا اللي المفروض ينسب لهم النجاح الايه؟ الفعلي. انا وانت بناخد الصورة رئيس مجلس الادارة ورئيس القسم انما انا انا وانت بنعمل ايه؟ مسلا على سبيل المسال لو انا انا وانت قارنا نفسنا بمديرة فرع مسلا بالفروع مش متخيل يعني ايه واحدة تقعد مع مسلا مع مع مية وعشرين عيل المية وعشرين عيل دول يعني مية وعشرين عفريت وكل يوم ومن تمانية لتلاتة وبرضو مسلا احنا مسلا مقراتنا بقى مش فيلا ومش عارف ايه والمدرسة الانترناشيونال اللي فيها ملعب يرمح فيه الريح فهي معزمها اماكن يعني متواضعة بالنسبة للمدارس يعني الحملة نضيفة وكل حاجة بس متواضعة مش بقى ملاعب ومش عارف ايه انت مش متخيل يعني ايه واحدة مية تقعد مع مية وعشرين ايه؟ مع مية وعشرين عفريت حرفيا. وكمان احنا عندنا حاجة تانية احنا البيئة عندنا سوية فالولد على حريته منطلق مش مرعوب وخايف ومش عارف ايه سوي بينتقد ويعترض والباشا يعني فكمان فكمان واخد ايه؟ واخد ايه؟ حريته. حريته. لان هو مبسوط وفرحان في المكان وبيتنطط فهزا المية وعشرين عفريت المسكينة دي قاعدة معهم ايه كل يوم ومع هزا المرار الطافح ناجحة ففي الحقيقة قلت له بقى انا وانت لو انا مسلا رحت مسكت العيال دي يوم واحد بس اولع فيهم وامشي حرفيا انا هقعد مع مية وعشرين عيل انا يقدر يتنطط ويا استاز وخد مني البتاعة والكراسة والواد محمد قرصني وعلي مش عارف خبطني في دماغي ما فيش الطاقة دي ما فيش الطاقة دي عند فقلت له مسلا انا وانت احنا بنعمل ايه؟ احنا كده زي ايه؟ تسيبه بيجي ياخد اللقطة ويمشي انما في الحقيقة النجاح الحقيقي هو نجاح مين؟ نجاح الناس اللي موجودين على الارض اللي مش متشافين. اللي دايما انا باقول عليهم اللي ورا الستارة اللي ورا الستار. الناس اللي ورا الستارة دول هم النجاح الحقيقي آآ للاسف الشديد احنا ما بنلمحش هزه المسألة ما ناخدش بالنا من هزه المسألة من ان هزا الشخص اللي انت بتشوفه النجاح اللي بتشوفه فيه وراه ايه ؟ فيه وراه مجهودات ضخمة عشان النجاح ده يزهر في الاخير التاريخ لما بيتكتب بقى بيتكتب بيتكتب ايه؟ يعني مسلا لما يتكتب تاريخ مشروع القرآن ايه المعنى وقام الدكتور حفزه الله بمش عارف بمدارس بهجة وفعل وفعل وتمكن من فتح فروع ومن كزا ومن كزا ومن كزا وهو كل اللي بيعمله في الدنيا ان هو بيروح يشرب كوباية القهوة وياخد اللقطة طب يروح انا كنت مسلا دايما اقول لمسل الاخوات وخصوصا اللي في التشغيل انا في التأهيل اقول للجماعة اللي بيقعدوا يسمعوا معي المحضرات دول منفض لهم اللي بيسمعوا محاضرات بس مش بنفض لهم ليه انت جاي هنا بتسمع مني محاضرات بخشود افكار وبتروح الناس اللي الناس بيشتغلوا بيشتغلوا الناس دول انا دايما بشوفهم اكتر حد له فضل علي لانه هو خد افكاري ونزلها في ارض الواقع احل افكارك دي في الواقع فده اكتر حد له فضل علي لان هو هزه الافكار اللي انا هي في سماء في سماء عقلي في سماء فكري مستورة في كتابي واحد خدها وعمل ايه؟ ايوة عملت له الخطة وايوة ربما حاولت اتابعه واتعاهده بس هو في الحقيقة اللي له الفضل علي انه خدها عمل فيها ايه ان هو احلها في الواقع انه ينزلها في الواقع انا بشوف كنت مسلا اقول لهم لو انت عايز ترد لي جميل ما تردليش جميل. لا عايز جميل ولا مش جميل. لو عايز ترد لي جميل الكلام اللي انت خدته ده انفع به المسلمين ينفع به اطفال المسلمين. انفعي به النساء المسلمات الكلام اللي انت خدته ده احله في الواقع. لو انت عايز تبقى بترد لي فدايما اشوف الناس اللي هي اللي في التشغيل بالزات انا الناس اللي في التشغيل انا يعني مسلا الاخت بتتأهل تمام زي الفل ماشي نحترمها ونقدرها وكل حاجة ماشي اهي كده لو لو هي اللي بتتأهل دي قامت اشتغلت بتبقى هنا على طول هنا جزمتها هنا مش هي جزمتها هنا ليه؟ لان خلاص دي دي بقى ايه راحت لحاجة تاني انما واحد بيتفرج وبيسمع وبيسمع وبيتفرج وده كان مميز في الصحابة الصحابة ياخدوا ويتأهلوا ويروحوا ايه؟ يشتغلوا يتأهلوا. ما كناش احنا اسلمنا. ما كناش اسلمنا صحابة ناس بيصلحوا يصلحوا يصلحوا يصلحوا يصلحوا يصلحوا الصحابة دول لو ما كانوش لو ما كانوش اتحركوا في الارض كان كل ما جاء به محمد صلى الله عليه وسلم كان هزا بايه ؟ ادراج الريح صح؟ انزل قدام الريح بس ولزلك اصلا الشخص المعلم ده دايما انا بقول ان هو يفهم انه مش معلم. ويمكن ده المميز عندنا في المؤسسة. ان انا لا انا مش عايز اعلم شخص انا عايز ازكي الشخص ده انا عايزه هو يتزكى ويزكي ما عنديش ولزلك احنا مسلا معزم برامجنا بيبقى وراها تشغيل جزء تأهيلي وراه ايه تشغيل جزء تأهيلي وراه تشغيل متشددين في التشغيل شوية متشددين في التأهيل شوية مش مشكلة بس في لان عشان احنا عايزين الكواليتي او الجودة بس اللي اقصده المشهد في اللقطة مين اللي بيتاخد في اللقطة بيتاخد في اللقطة مين؟ الرئيس ميكس ده ونجح حفزه الله في ان مش عارف ايه ومن انجازاته حفزه الله انه عمل ايه ومن انجازاته انه يعني انا حتى كنت اقول الاخ اللي ضايقني والاخت اللي حرقت دمي فعملت كتاب كتر خيرها حقيقي ما حرقتش دمك مش هتعمل الكتاب يعني في النهاية المسألة دي مهمة جدا ده انا انا ده الامر ده بقى استشعرته لما انا بقيت في الايه لما انا بقيت بقى في اتون الامر بقت لأ انت ما انت مش انت في الحقيقة انت ما نجحتش لوحدك وانت لوحدك مش ممكن كنت تنجح ولما تنجح ما تنساش ابدا ان انت ان انت ما نجحتش لوحدك الازمة بقى ان اللي بيكتب التاريخ ما بيكتبش الا لمين اه انا الشخص اللي في الاول لاسباب احيانا برضو لان الناس بتحب البطولة وبتحب يحسوا دايما ان في شخص ايه بيكمل النقص عندهم في شخص بيكمل النقص عندهم. في شخص بايه؟ ليه احنا بنحب الشيوخ وبنحب الناس المميزين والابطال عشان بنشوف فيهم اللي ناقصة عندنا اه لا الحتة الناقصة عند حضرتك بالزات بتشوفها فيه علشان كده ما بنقبلش ان هم يغلطوا لو غلطوا بنعمل ايه بنجلدهم لان في الحقيقة احنا انت ما غلطتش انت اغلط ما تغلطش ولع بجاز مش فارقة معي. انت هدمت الصورة الجميلة اللي انا راسمها في عيني ولزلك بيبقوا متطرفين جدا في التعامل مع اخطائهم متطرفين بيطرف مش طبيعي لدرجة يجلدوهم حرفيا لان الناس بطبيعتها بتبقى حابة ترسم بطل البطل ده بيعمل الحاجات اللي هم عجزوا ان هم يعملوها بيحقق المعادلة اللي هم ما قدروش يحققوها ولزلك هزا البطل لما يغلط بيعملوا فيه ايه؟ بيجلدوه حرفيا وما يقبلوش طيب بيجلدوه امتى؟ بيجلدوه بعد ما يتأكدوا انه غلط انما قبل ما يجلدوه بيفضلوا يدافعوا باستماتة عن غلطته برضو عشان هو مش مسألة ان هم عاجبينه. عاجبهم ولا بيوالوه. عشان هم نفسهم مش قابلين ان صورته تنهدم في عنيهم هم مش عشانه وده بيحصل كتير جدا في الجامعات وفي الاحزاب وفي الطوائف بيدافعوا باستماتة عن اخطاء مسلا رؤساؤهم بيدافعوا باستماتة عن اخطاء الناس المتصدرين فيهم هو في الحقيقة الشخص ده مش فارق معه هو ما بيدافعش عنه هو بيدافع عن ايه عن الصورة اللي هو راسمها انه مش مستحمل يتصدم في الصورة اللي هو راسمها عشان كده بيدافع باستماع تاني لان في الحقيقة الشخص ده مش شاغله لان هو ما اختاروش عشان خاطر هو اختاره عشان انت انت الصورة اللي انا نفسي اكون عليها الحاجة اللي اتمنى كونها المهم فبطبيعة الحال لما الراجل ده بيجي يكتب التاريخ فاكيد انه هيكتب تاريخ ايه والبطل ولزلك انا بشوف ان التاريخ مكتوب معزمه بايه؟ بمنهاج الهيرو بمنهاج البطل معزم التاريخ مكتوب منهاج البطل لدرجة فعلا احنا ممكن ما نتخيلش ان ورا البطل ده فيه ناس ايه في ناس اشتغلت وعملت وودت وعزرا وربما تكون دورها اهم من دوره ما يتشافش. اختم اختم باني لا اثق الا في تاريخ الوحي لا اثق الا في تاريخ الوحي ولا ابني الا على تاريخ الوحي لان التاريخ اللي في الوحي هو اللي يستحق ان احنا ننشغل به بالاساس انا كلامي ربنا وبحمدك عشان تصبري وتقولي احداث كانت في السيرة ما اعظم تلك الايام جمعتها ايات شتى ما اصدق قولك لعل ووصايا جاءت تبنينا نزلت قطعا للالزام