بسم الله والحمد لله والصلاة والسلام على رسول الله صلى الله عليه وسلم رب اشرح لي صدري ويسر لي امري واحلل عقدة من لساني يفقهوا قولي يقول النبي صلى الله عليه وسلم ما اجتمع قوم في بيت من بيوت الله يتلون كتاب الله ويتدارسونه بينهم. الا نزلت عليهم السكينة وغشيتهم الرحمة وحفتهم الملائكة وزكرهم الله فيمن عنده ويقول النبي صلى الله عليه وسلم من سلك طريقا يلتمس فيه علما سهل الله له به طريقا الى الجنة ويقول النبي صلى الله عليه وسلم غنيمة مجالس الذكر الجنة وخرج رسول الله صلى الله عليه وسلم يوما على اصحابه في المسجد فقال ما اجلسكم النبي عليه الصلاة والسلام خرج لقى الصحابة عاملين ايه مجلس علمي كده فقال ما اجلسكم؟ قالوا يا رسول الله جلسنا نزكر الله ونحمده على ما هدانا للاسلام قال الله ما اجلسكم الا هذا يعني احلف كده ان انت ايه قاعد عشان كده قالوا يا رسول الله والله ما اجلسنا الا ذاك قال اما اني لم استحلفكم تهمة لكم يعني سؤالي اياكم لم يكن اتهاما لكم بالكزب. يعني مش بقول لك احلف عشان ايه انا بكزبك يعني ولكنه اتاني جبريل فقال ان الله يباهي بكم الملائكة فتخيل كده ان انت تقعد في مجلس المجلس ده تقعد لك فيه نص ساعة ساعة ربنا سبحانه وتعالى طبعا احنا ما عندناش نص ساعة قبل كده يعني تخيل ان مجرد بس ان انت تقعد في المجلس ده ربنا سبحانه وتعالى يباهي بك الملائكة شف الحديث الاول قال ما اجتمع قوم في بيت من بيوت الله يتلون كتاب الله ويتدارسونه بينهم ان احنا نقعد نتلو الايات وندرس الايات نتدارس الايات مع بعض الثواب ده ايه؟ الا نزلت عليهم السكينة الا نزلت عليهم السكينة والله السكينة دي مش هتلاقيها في اي حتة غير في طريق ربنا سبحانه وتعالى غير في مجالس العلم الا نزلت عليهم السكينة وغشيتهم الرحمة وحفتهم الملائكة واحنا بنتكلم كده في ملايكة تحف المجلس ده الى السماء الدنيا وذكرهم الله فيمن عنده. ان فلان وفلان وفلان بالاسماء كده. الله سبحانه وتعالى يباهي بك الملائكة فاي فضل ان ربنا سبحانه وتعالى يمن علينا ان احنا نحضر الدرس ده زي ما دايما بقول ان انت ما بتجيش الدرس ده بشطارتك يعني من معاني اسم الله الهادي ان ربنا سبحانه وتعالى ييسر لك طريق الهداية يخليك تسمع ربنا بيقول ايه؟ ولو علم ولو علم الله فيهم خيرا ايه لاسمعه ان ربنا سبحانه وتعالى هو اللي بيسمعك هو اللي بيسماك عنه سبحانه وتعالى فتشكر ربنا على النعمة دي. ان ربنا جابك هنا. انت ما جتش في شطارتك ربنا ساقك للدرس ده فاللهم لك الحمد آآ طيب احنا الدرس اللي فات كنا بنتكلم عن ايه سورة القيامة. اتكلمنا عن سورة الانسان وسورة القيامة النهاردة ان شاء الله هنكمل في دروس قصص القرآن واحنا لستنا فيها كم قصة كده وبعدين ايه هننتقل كده لحاجة تانية بازن الله هتبقى حاجة ليها علاقة بالقرآن برضو اه قبل ما نبدأ درس النهاردة وده درس مهم جدا بازن الله ربنا يا رب يفتح علينا كده ويسددنا. وان شاء الله نحاول نخرج بفوايد من درس النهاردة على قد ما نقدر اه خلينا نسأل سؤال احيانا الواحد كده بيتخيل ان هو لو كان عايش ايام النبي عليه الصلاة والسلام لان هو هيعمل بقى البطولات بتاعة الصحابة وان هو هيبقى ايمانه عالي جدا. وهيستجيب لاوامر ربنا سبحانه وتعالى بكل سهولة. صح؟ مش احنا بس انا كنت ارجع بس كنت انا بأيام الصحابة كده كنتم هتشوفوا مني واحيانا انت بتتخيل ان انت لو كنت مسلا ايام سيدنا موسى وشفت بقى الايات تسع ايات سيدنا موسى مع آآ مع بني اسرائيل مع فرعون الطوفان والجراد والقمل والضفادع والدم والعصا لو شفت الايات دي كلها هيبقى ايمانك عامل ازاي عالي جدا يعني لو انت في المشهد مع سيدنا موسى وهو كده ايه يقول لك فلما تراءى الجمعان سيدنا موسى ومعاه بني اسرائيل ماشي؟ ووراهم ايه جيش فرعون وقدامهم البحر فلما تراءى الجمعان قال اصحاب موسى ايه انا لمدركون قال كلا ان معي ربي سيهدين. فالمشهد ان سيدنا موسى ضرب البحر والبحر اتفلق نصين وبني اسرائيل عدوا. وشافوا فرعون اللي كان بيعذبهم يذبح ابناءهم ويستحيي نسائهم شافوه ايه بيغرق شافوا فرعون بيقول امنت انه لا اله الا الذي امنت به بنو اسرائيل. فرعون بيقول كده. والبحر ايه نازل عليه هو والجنود ازن ان انت في اللحزات دي ايمانك هيبقى عامل ازاي تخيل نفسك كده كنت مع سيدنا موسى وانت بتعدي البحر بعد ما شفت الاية والمعجزة دي ايمانك هيبقى عامل ازاي هتبقى محتاج حد يقول لك مسلا يسبت لك او يديك حكمة امر من اوامر ربنا عشان تنفزه لأ انت خلاص انت شفت ايه شفت بعينيك مش محتاج حد يقول لك صح ولا غلط فاحيانا احنا في حياتنا بتجي لنا التصورات دي ان انا لو جت اية قوية ومعجزة شفتها خلاص هسلم لربنا سبحانه وتعالى وهستسلم للشرع واي امر من اوامر ربنا هنفز على طول فبتتفاجئ ان انت بيجي لك ايات ورسايل في حياتك قوية جدا بتهزك وبعد ما الرسالة دي بتخلص خلاص انت فقت مسلا واحد صاحبه مات اتكلم مع واحد كان راكب مع صاحبه في العربية وصاحبه مات وهو كان معه والدكاترة بيعملوا له الشوك ده وبعدين وكان معه وهو بيتغسل فهو شاف صاحبه اللي هو كده مع وعايش معه نفس حياته بالظبط شافه مات قدامه فخرج بعدها قعد معي قال لي انا لازم اتغير ولازم ارجع انت جات لك رسالة عارف فوقتك صدمة في حياتك الرسالة دي كانت عندها نقطة تحول. عندها انت كنت متيقن ان انت لازم ترجع وبعد الرسالة دي ايه اللي حصل نسيت صح؟ ورجعت تاني لنفس الحياة الطبيعية عادي كانت فترة بس سخنت شوية ايمانيا وخلاص وبعدين ايه رجعت تاني. احنا بندعي ان انا لو شفت ايات واضحة ومعجزات صريحة كده قدامي. وربنا بعت لي رسايل وهداني ان انا ايه لا لا خلاص ههتدي وهسيب الزنوب اللي انا بعملها دي وهلتزم في طريق ربنا سبحانه وتعالى. تتفاجأ ان بعد ما تجيلك الايات وتشوف الايات دي بعينيك ان انت ترجع ايه لنفس الطريق تاني بعد فترة ربنا سبحانه وتعالى يقول ولقد عهدنا الى ادم الى ادم من قبل فنسي ولم نجد له عزم ان احيانا ربنا بيبعت لك رسايل يوضح لك الطريق يفوقك. ولقد عهدنا الى ادم من قبل فنسي هو نسي هو نسي ان هو ممكن يموت فجأة زي صاحبه. هي نسيت ان صاحبتها اللي ماتت وهي مش محجبة ان هي كانت ممكن تموت في نفس الوقت ومع زلك ما خدش خطوة ما تغيرش فلما نسي لم نجد له عزما يعني هو نسي اصلا نسي انا كنت جاي هنا ليه فاكرين لما كنا بنتكلم عن درس الغاية في صورة الانسان؟ هو نسي انا موجود هنا ليه اصلا فاهمين المعنى ده فقصة النهاردة بتتكلم عن ناس شافت آيات واضحة وصريحة قدامهم ومع زلك نسيوا الاتي طبعا مش ده المحور الاساسي في درس النهاردة في محور تاني مهم جدا لكن قبل ما نتكلم احنا هنتكلم عن قصة في سورة البقرة في بداية سورة البقرة ربنا سبحانه وتعالى قال الف لام ميم ذلك الكتاب لا ريب فيه هدى للمتقين يعني انت كده لسه ايه لسه داخل في الاسلام جديد وبعدين فتحت ادوا لك المصحف كده فتحت فلقيت اول ايه اول صفحة كده بيقول لك ايه؟ بسم الله الرحمن الرحيم. الحمد لله رب العالمين. الرحمن الرحيم. ما لك يوم الدين. اياك نعبد واياك نستعين. اهدنا اهدنا الصراط المستقيم صراط الذين انعمت عليهم غير المغضوب عليهم ولا الضالين ده ايه البداية كده؟ المنهج قال ان في صراط مستقيم صراط الذين انعمت عليهم فانت مش عارف مين بقى الذين انعمت عليهم؟ دول مين بعدين يقول لك غير المغضوب عليهم ولا الضالين وبعدين بدأ يحكي لك مين هم المغضوب عليهم سورة البقرة بتتكلم عن بني اسرائيل. النبي عليه الصلاة والسلام قال المغضوب عليهم ان هم مين؟ اليهود والضالين اللي هم ايه النصارى سورة البقرة اغلبها بتتكلم عن بني اسرائيل. اليهود وال عمران بتتكلم عن ايه عن النصارى ففي بداية سورة البقرة بيقول لك الف لام ميم ذلك الكتاب لا ريب فيه هدى للمتقين يعني الكتاب ده ما فيش فيه شك. يعني انت ممكن بقراءة تقول الف لام ميم ذلك الكتاب لا ريب فيه هدى للمتقين. يعني لا شك ان القرآن ده فيه ايه هدى للمتقين او ذلك الكتاب لا ريب فيه ما فيهوش اي خلل او شك هدى للمتقين. طيب احنا اتفقنا ان الكتاب ده فيه هداية للمتقين. مين هم بقى المتقين اول صفة من صفات المتقين ايه الذين يؤمنون بالغيب ويقيمون الصلاة ومما رزقناهم ينفقون يعني ايه يؤمنون بالغيب يا عم الشيخ علاء يعني ايه الغيب اه يعني الغيب ده حاجة انت بتشوفها وبتحسها كده وبتلمسها بايدك؟ لا لا دي حاجة انت ايه؟ يعني يقول لك مسلا الايمان بالملائكة يعني ايه ايمانك؟ الملايكة دي انت شفت الملايكة قبل كده؟ احنا لما بنقول ربنا سبحانه وتعالى يقول ما يلفظ من قول الا لديه رقيب عتيد. يعني انا مؤمن دلوقتي ان وانا بتكلم في ملك دلوقتي قاعد ايه بيكتب اكتب كده كان بعض السلف يصحى من النوم يكلم ايه الملك اه اكتب سبحان الله والحمد لله ولا اله الا الله والله اكبر. هو عنده ايمان ويقين ان فيه ملك دلوقتي ايه بيكتب بيكتب كل كلمة بيقولها فده ايماني بالملائكة. ان انا ما شفتهمش بس مؤمن بوجودهم يعني لما في حديس اه عمر رضي الله عنه لما قال بينما نحن جلوس عند رسول الله اذ دخل علينا رجل شديد بياض الثياب شديد سواد الشعر لا يرى عليه اثر السفر ولا يعرفه منا احد قاعدين عند النبي عليه الصلاة والسلام ربنا يا رب يرزقنا رفقة النبي في الجنة. اللهم امين فالصحابة قاعدين في المسجد فلقوا ايه راجل داخل شديد بياض الثياب شديد سواد الشعر لا يرى عليه اثر السفر ولا يعرف منا احد. وهو بيقول لك لابس هدوم بيضاء ولا يرى عليه اثر السفر يعني المفروض اللي جاي من سفر ده ايه الهدوم بتاعته هتطرب شوية هو مش مسافرين في في التكييف يعني. في صحراء. فهدومه هتطروا رغم ان هو لا يرى عليه اثر السفر المفروض ان هو مسافر ولا يعرفه منا احد فهو من ايه؟ مش من اهل المدينة فجلس فاسند ركبتيه الى ركبتيه ووضع كفيه على فخذيه وقال يا محمد اخبرني عن الاسلام فقال الاسلام ها اه ان تشهد ان لا اله الا الله وان محمد رسول الله وتقيم الصلاة والزكاة وتصوم رمضان وتحج البيت ان استطعت اليه سبيلا فقال صدقت سيدنا عمر بيقول فعجبنا له يسأله ويصدقه يعني اللي بيسأل ده المفروض ما يعرفش يعني فعجبنا له يسأله ويصدقه قال فاخبرني عن الايمان قال ان تؤمن بالله وملائكته وكتبه ورسله واليوم الاخر وتؤمن بالقدر خيره وشره. فقال صدقت الشاهد لما سأله عن الايمان النبي عليه الصلاة والسلام رد اغلب اركان الايمان غيبيات تؤمن بالله انت شفت ربنا لأ ملائكته كتبه ورسله واليوم الاخر انت ما شفتش اليوم الاخر وتؤمن بقدر خيره وشره. فاغلب اركان الايمان اصلا غيبيات فاشكال اللي بتتكلم فيه اللي بتعالجه سورة البقرة هي اكتر مرض عند بني اسرائيل هو مرض ايه المادية ان هو مش عايز يؤمن بحاجة هو مش شايفها عارف انت لو انت قلت له ان في حاجة اسمها موبايل ماشي؟ هيقول لك لا لا مش هتصدقك. لازم امسكه كده بايديا كده واحسس عليه. فاسدقك ان فيه موبايل لكن بالخبر بس كده لأ لأ ما يصدقش هم قالوا لسيدنا موسى ايه؟ قالوا ايه لن نؤمن لك حتى ايه حتى نرى انا مش مصدق اشوف بس بعنيا حتى نرى الله جهرا فمن اكتر الامراض اللي عند بني اسرائيل اللي هنتكلم عنه النهاردة هو مرض المادية. ان هو مش عايز يوم قالوا اه اه ادعو لنا ربك يخرج لنا ايه؟ مما تنبت الارض هو بيجي لهم المن والسلوى ده طعام من من السما قال لك لا لا انا مش عايز اللي بييجي من السما ده. اللي بيجي من السما ده مش مضمون. ممكن لو عصيت ايه اتمنع فانا عايز حاجة ايه مما ايه؟ تنبت الارض. حاجة كده امسكها بايديا. من بقلها وفومها وعدسها وبصلها فدي طبيعة بني اسرائيل قالوا ايه؟ اذهب انت وربك ايه فقاتلة انا هنا قاعدون. رح انت بس انت وربك حاربه واحنا قاعدين ايه مستنيين هنا القصة هقولكو كل ده ايه علاقته بالكلام اللي احنا كنا بنتكلم فيه انتو نمتو ولا ايه يا جماعة؟ احنا كنا بنقول ايه في الاول الدرس هم اه يعني عشان بس ما توهوش ان انت احيانا بتجي لك ايات ورسايل ماشي؟ والرسايل دي بتتوقع ان انت بعد ما الرسايل دي بتجي لك ان انت ايه فايمانك هيعلى وان انت خلاص هتستمر على الطاعة وكده. بتتفاجئ ان بعد ما الايات دي بتيجي والرسائل دي بتيجي ان انت بتنام تاني ماشي؟ وبعدين دخلت كلمتكم في حتة تانية خالص. كلمني عن سورة البقرة. اتكلمنا عن الايمان بالغيب. وبعدين هنرجع نتكلم عن قصة البقرة. وفي الاخر هربط لكم بقى ايه ايه رأيكم في ده طيب صلوا على النبي قبل ما ندخل في قصص النهاردة آآ للاسف احنا لما بنسمع كده كلام عن بني اسرائيل بنقعد كده اه بني اسرائيل دول شايف بيقولوا لسيدنا موسى ايه ايه ايه ايه الفجور ده يا اخي بعد ما شافوا الايات يعني بعد ما شافوا البحر بيتشق قدامهم كده ويعدوا ويقولوا لسيدنا موسى آآ اجعل لنا الها كما لهم الهة. يا اخي ده ايه ايه الفجور ده! ده الناس دي جاحدة جدا فتقعد كده ايه تسمع عن بني اسرائيل تحس كده ان ايه قد ايه دول ناس وحشين خالص فلما تتفاجأ مع تعامل المسلمين النهاردة مع الشرع هتحس ان انت ايه مش بعيد خالص عن بني اسرائيل يعني ربنا سبحانه وتعالى ما جبلناش القصص بتاعة بني اسرائيل في سورة البقرة علشان ايه؟ نقعد اه شف بني اسرائيل والله ده ناس وحشين خالص. ايوا انت مش واخد بالك ان ان بقى فيه تطابق دلوقتي ان احنا ماشيين على يعني على اثر بني اسرائيل خطوة بخطوة مش واخد بالك من ده خالص يعني لما تيجي تأمر حد او تقول لحد من المسلمين النهاردة امر من اوامر ربنا امر شرعي. في فضل يجادل ويفلفص من الامر ويايه ويقول لك لا لا اصل هي مش معناها كده. اصل اكيد ربنا ما قلش كده. ويفضل ايه؟ يتكلم في الدين بمزاجه وبرأيه وبهواه. مش ملاحظ ان ده بنشوفه في الواقع بنيجي نسمع قصة اصحاب السبت هم عملوا ايه اصحاب السبت ربنا قال لهم ما تصطادوش يوم السبت والسمك بيجي يوم السبت ايه؟ يتنطط كده على وش المية فقالوا هنعمل ايه؟ احنا احنا بنعزم الشرع احنا اكيد مش هنستوديو استوديو يوم السبت حرام فاحنا نعمل ايه؟ هنحط الشبك يوم الجمعة وناخده يوم الحد احنا كده اصطدنا يوم السبت فهو ايه هو بيتحايل على الشرع فده نوع من ايه دلوقتي مسلا تقول له يا عم الحاج ده اسمه ربا اللي انت بتعمله ده اسمه ربا. يقول لك لا لا دي اسمها فوايد. يا عم والله ده ربا. هو الربا ايه عبارة عن ايه الربا عبارة عن ايه يعني مسلا في الجاهلية ايام زمان ايام زمان كان ما كانش عندهم الربا زي عندنا دلوقتي. يعني كان زمان يقول لك ايه الربا الجاهلية ان واحد يدي لواحد قرض ماشي؟ انا معي الف جنيه الف دينار فاديت للراجل ده ايه الف دينار باجل الاجل ده شهر مسلا على ان هو يرد لي الالف دينار خلال ايه؟ الشهر فلما الاجل يخلص يجي بعد شهر اقول له ايه تقضي ام ترابي يعني هتدفع الالف زي ما هم ولا اديك مدة اجل زيادة وتدفع لي على الاجل ده ايه فلوس ده اسمه ايه؟ ربا الجاهلية فهو كان في البداية كان كان يعتبر مش ربا احنا متفقين على اتفاق انا اديتك الف وبعدين هترجعهم لي الف ده اسمه قرض حسن تمام احنا بقى عندنا دلوقتي في زماننا قريبة يعني اصعب من ربا الجاهلية. ده احنا من البداية بنتفق. انت هتحط كزا ايه هتاخد قرض بمية الف هترجعهم مية وعشرين الف. ولو اتأخرت في غرامة تأخير كزا وبعدين يجي واحد يقول لك لا لا على فكرة ده مش ربا هيقوم وانا بيبقى ايه يعني لما هو ما فيش ربا دلوقتي بتيجي تتعامل انت كل ما تقول لحد الربا حرام هو طب خلاص فين الربا بقى؟ يعني انا ايه كنت قاعد مع مدير بنك بره وعملنا بقى مجلس جوة البنك وبتاع ونقاشات ومش عارف ايه اقول له طب انا عايز اسألك سؤال يعني فين بقى الربا لما اللي انت بتقوله ان القرض ده الاقراض والاقتراض ده مش ربا طب فين الربا اللي ربنا حرمه؟ يعني ربنا حرم الربا. انا عايز اعرف فين بقى الربا في الواقع بقى؟ لما هو اللي احنا بنتعامل به في البنوك ده مش ربا يبقى فين بقى في الواقع فالشاهد ان تلاقي المسلمين دلوقتي بيعملوا ايه بيهرب من اوامر ربنا بيجادل بيتحايل على الشرع قصة البقرة بقى قصة البقرة بني اسرائيل احنا هنتكلم عنها النهاردة بتزهر نوع تاني اه اه من انواع التعامل مع الشرع هو ان انت ربنا سبحانه وتعالى يأمرك بامر فانت تتباطأ في تنفيز الامر او ان انت عندك هوا عكس الامر ده فانت مش عايز تنفز فتبتدي ايه عارف طب نشوف لها بس اي ايه؟ اي مخرج كده فاهم؟ يعني ينزل مسلا ايه راجل طلق مراته خمس طلقات فبعدين ينزل عايزين بقى نستفتي بقى شيخ فينزل يعمل ايه يروح للراجل اللي بيأزن في المسجد اللي جنب البيت عندهم. يقوم قاعدينه يا عم الشيخ انا ايه اه اه المرة الاولانية قالت لي كزا فروحت قايل لها انت طالق. المرة التانية قلت لها علي الطلاق لو خرجت مش عارف كزا فراحت خارجة. وقعد بقى يحكي له خمس طلقات يعني خمس صلوات وقعوا فايه يقوم قايل له يا عم الشيخ وشوف لنا حاجة كده يقوم قايل له لا لا لا اه هات بس خمسين جنيه تصدق بخمسين جنيه كفارة يمين دي طلقة واحدة بس دلوقتي يلا بس ايه يلا يا عم ايه بوس راس مراتك يا عم انت بتعمل ايه يا عم الحاج يعني مرة الشيخ احمد جلال بيحكي ناس واحد قعد معه هو وابوه والتلات طلقات وقعوا فابوه كده ايه خلاص هو الشيخ قال له خلاص يعني دي لا تحل لك فابو الراجل قال له ايه اغمز الشيخ بيغمزه كده بيقول له اغمز الشيخ. قال له اغمز يعني انا اقول لك حلال تروح انت ترجع مع مراتك ولا هتشوي في نار جهنم الشاهد ان الناس بقت ما بتستسلمش للشرع تقول لحد يا جماعة ده حرام النبي عليه الصلاة والسلام بيقول كزا ربنا بيقول كزا تلاقيه ايه لأ طب اسبت لي طب انا عايز افهم الحكمة الاول طب لو انت ما فهمتش الحكمة هتعمل ايه يعني هل يعني انا قرأت كلمة كده للشيخ فريد الانصاري امبارح كتبها عجبتني قوي. بيقول ايه؟ الحجة قائمة على المؤمن بمجرد ورود الامر لا بمعرفة الحكمة يعني هو ربنا امرك بامر وانت عرفت ان الامر ده جاي من عند ربنا فانت ايه اقيمت عليك الحجة انت ما دام عندك يقين ان الامر ده جاي من عند ايه من عند ربنا سبحانه وتعالى فانت خلاص فهمت الحكمة او ما فهمتش انت عبد المفروض تنفذ وتستسلم للامر ده فهمت الحكمة دي حاجة كويسة ان احنا عايزين نفهم الحكمة علشان ايه عشان نزداد يقين يعني سيدنا ابراهيم لما قال لربنا ايه؟ قال رب ارني كيف تحيي الموت ربنا قال له ايه قال اولم تؤمن هو انت معترض مش مصدق قال بلى ولكن ليطمئن قلبي. انا عايز ايه عايز يقين يعني فرق بين سيدنا موسى وهو بيقول ربي ارني انظر اليك وفرق بين بني اسرائيل وهم بيقولوا ايه قالوا لن نؤمن حتى نرى الله قال لأ انا مش هنفز غير لما تفهمني مش هتحجب غير لما تفهمني وتقول لي والتفاصيل لأ انت عبد سواء فهمت الحكمة او ما فهمتش الحكمة فانت عبد ولزلك ان سورة البقرة كان من من المواقف اللي نزلت فيها الايات لما ربنا سبحانه وتعالى قال ان تبدوا ما في انفسكم او تخفوه يحاسبكم به الله فيغفر لمن يشاء ويعذب من يشاء يعني ايه الاية دي يا عم الحج يعني ايه يعني ايه ان تبدوا ما في انفسكم او تخفوه يحاسبكم به الله يعني هتتحاسب على كل اللي بتفكر فيه يعني لو انت ماشي في الشارع ولقيت واد كده مش عاجبك حسيت ان انت عايز تروح تضربه فانت ايه اتحاسبت على ده. لو انت لقيت آآ حاجة قدامك عايز تاخدها تتحكم ان انت سرقتها اي خواطر بتجيلك تتحاسب عليها كأنك عملتها فطبعا ده شيء ايه؟ ناس بلمت دلوقتي يعني. صح؟ ده شيء آآ صعب جدا. ان انت بتجيلك افكار وخواطر شريرة انت ما بتتحكمش فيها صح فالصحابة راحوا للنبي عليه الصلاة والسلام قالوا يا رسول الله يعني امرنا بالصلاة والزكاة والجهاد ولكن نزلت ما لا طاقة لنا بها احنا دي مش هنقدر عليها الامر ده صعب علينا فتخيل لما الصحابة يروحوا يقولوا للنبي كده عليه الصلاة والسلام فقال لا تقولوا مسلما قالت بنو اسرائيل سمعنا وعصينا ولكن قولوا سمعنا واطعنا غفرانك ربنا واليك المصير فكانت الاية دي اختبار للصحابة ان انت هل انت لما تسمع ان قال الله قال رسول الله صلى الله عليه وسلم هتستسلم للامر ولا هتقعد تجادل وتهرب وتشغل دماغك وتستنبط انت الاحكام الشرعية من الاحاديس والايات وتقعد تفصل الدين على مزاجك هتستسلم ولا هتجادل وتهرب من الشرع فالصحابة قالوا سمعنا واطعنا غفرانك ربنا واليك المصير. فنزل التخفيف قال تعالى لا يكلف الله نفسا الا وسعها لها ما كسبت وعليها ما اكتسبت الى اخر الايات فكانت الاية دي اختبار للصحابة قصة بقى بقرة بني اسرائيل بتتكلم عن المعنى ده معنى ايه الاستسلام للشرع ان انت لو خرجت من الدرس ده بمعنى واحد ان انا ايه انا عبد انا بستسلم لاوامر ربنا سبحانه وتعالى فرق كبير يا جماعة وركزوا في الحتة دي. فرق كبير بين ان انت تكون بتعمل معصية تعمل زنب وتعترف ان انت غلطان وان انت عندك مشكلة يعني مسلا واحد مسلا بيشرب سجاير فتروح تقول له السجاير حرام يقول لك لا مش حرام فرق بين واحد تاني تقول له السجاير حرام يقول لك ايه والله عندك حق انا عارف ان هي حرام وانا نفسي ابطل والله ادعي لي فرق بين اللي هي مش مزبطة لبسها ومش محجبة وبتقول والله انا نفسي اتغير ونفسي اخد خطوة ونفسي انا عارفة ان انا غلط. وفرق بين ايه اللي بيبرر لنفسه وبيحلل نفسه بيقول لا ده انا كده عادي واصلا مش لازم والحجاب اصلا مش فرض وفيه اقوال ماشي فرق فرق كبير بين الاتنين ان انت لما تكون عندك مشكلة لما تكون عندك مشكلة ما تجادلش بغير علم يعني فرق بين سيدنا ادم عليه السلام لما عصى ربنا سبحانه وتعالى. قال ايه قالا ربنا ظلمنا انفسنا وان لم تغفر لنا وترحمنا لنكونن من الخاسرين دولة ابليس لما عصى عمل ايه؟ قال لم اكن لاسجد. قال له لا لا انا ما اسجدش قال انا خير منه فرق بين ان انت تقول انا غلطان وانا فاهم ان ده كلام ربنا وانا مش قادر اعمله وفرق بين ان انت ترد الحكم رد الحكم ده فيه مشكلة كبيرة جدا رد الحكم ده ان انت تتكلم بمزاجك وترد احكام ربنا ده فيه مشكلة كبيرة يعني مسلا تروح تقول لواحد مسلا ان حلاقة الدقن الحلاقة دي فيها اجماع علماء ان حلاقة الدقن حرام اغلب المسلمين ما يعرفوش الاحكام دي. هو يعني ان النبي صلى الله عليه وسلم قال اطلاق اللحية وكده. وفي خلاف بين القدر الكافي في اللحية. ماشي؟ لكن اجماع العلماء ان الحلاقة ان الرجل يحلق دقنه كده ده حرام ما فيش حد من العلماء اختلف في ده فتيجي تقول لحد الحكم ده هو عارف هيقول لك ايه انت متشدد ومتزمد ومش عارف ايوة طب انت دلوقتي محتاج ان انت اه تسأل شوف كلام اهل العلم انت ممكن تقول اه انا عارف ان ده حكم ربنا فاهمين انا عايز اقول ايه انا عايز اقول ان انت لو انت في حاجة مقصر فيها تعترف ان ده حكم ربنا وده كلام ربنا بس انا ايه انا مقصر يعني الشيخ الطنطاوي شفت طنطاوي لما لما اتسأل في في حكم ايه اللحية قال لا اجمع بين تقصير وكذب على الله شوفي شوفي الكلام لا اجمع بين تقصير يعني انا مقصر انا انا غلطان وكذب على الله ومش هكزب على ربنا مش هفتري على ربنا وقبل ما يموت ربنا من عليه ايه ولتحت تمام؟ الشيخ علي طنطاوي آآ بتاع سوريا تعرفه الشاهد يعني احنا ايه خرجنا بره الموضوع لكن ركزوا معايا في اللي احنا عايزين نتكلم فيه النهاردة. هنتكلم النهاردة في قصة اه زي ما ورد في في الاسرائيليات واحنا بنقول الاسرائيليات بنحكيها على سبيل ايه؟ الاستئناس. يعني ان انت بتحكيها وهي خصوصا في القصة دي يعني ماشية مع ايه؟ مع سياق القصة كان حصل في بني اسرائيل جريمة قتل راجل اتقتل آآ اللي حصل ان واحد كان بيحب بنت عمه. وعمه ده كان راجل غني وقرر ان هو ايه علشان يورث عمه ويتجوز بنته ان هو يقتل عمه فقتل عمه وخد الجسة بتاعته حطها قدام آآ بيت حد من بني اسرائيل وقعد يعيط قدام البيت واتهم الناس دي ايه آآ بقتل عمه فبدأ يحصل اه خلاف ونزاع بين بني اسرائيل. الكلام ده كان في سنين التيه في وقت التيه وقالوا نرفع الامر لسيدنا موسى فراحوا سألوا سيدنا موسى على جريمة القتل. عايزين نعرف مين القاتل فانت تخيل كده رايح سيدنا موسى قل له حصل جريمة قتل واحنا عايزين نعرف مين اللي قتل الراجل ده فقال لهم ايه قال ان الله يأمركم ان تذبحوا بقرة ايوة ايه علاقة البقرة بالموضوع؟ يعني احنا عايزين نعرف مين اللي قتل الراجل ده فاحيانا بيجي امر من اوامر ربنا انت بالنسبة لك يعني مش فاهم مش منطقي احيانا بيبقى في اوامر العلة منها ايه تعبدية انت رايح عايز تعرف مين اللي قتل ربنا بيقول لك ادبح بقرة قالوا ايه قالوا اتتخذنا هزوة يعني الاية دي كلها يعني كلنا حافزين الايات بس لما لما تتأمل ان انت تلاقي واحد يعني مسلا ايه تخيل انت رحت مسلا تستفتي شيخ شيخ كبير وبعدين ايه وشيخ بقى وله مكانة وهيبة وكده وبعدين الشيخ بعد ما قال لك الحكم فانت رحت قايل له ايه انت بتهزر يا عم الشيخ ولا ايه؟ شيخ كبير فاهم فتخيل بقى ان ده يعني مش شيخ سيدنا موسى عليه السلام كليم الله نبي من يعني نبي من اولي العزم من الرسل وبني اسرائيل دول مش مش ناس يعني ما بيتكلمش مع ناس ايه ملحدين مسلا او كفار ده ده هم مؤمنين يعني دول يعني السلة المؤمنة اللي مع سيدنا موسى دول اللي شافوا الايات بعينيهم اللي شافوا فرعون وهو بيغرق يعني وشافوا التسع ايات شافوا كل ده فبيقول سيدنا موسى ايه اتتخذون هزوة انت بتهزر معنا يقول لك ان بني اسرائيل كان عندهم سوء ادب مع الانبياء قال اعوذ بالله ان اكون من الجاهلين طب ليه سيدنا موسى قال اعوذ بالله ان اكون من الجاهلين ان ان لو حد بيهزر في الاحلام الشرعية بيهزر كده يعني بيهزر في الحلال والحرام ويقول لهم ربنا بيأمركم بكزا وبيهزر ده ده انسان من الجاهلين. سيدنا موسى استعاذ بالله ان هو يكون من الناس دي قال اعوذ بالله ان اكون من الجاهلين فكان المفترض على بني اسرائيل ان هم عندهم يقين سيدنا موسى قال لهم اعوذ بالله ان اكون من الجاهلين. فخلاص تأكدوا ان الامر ايه الامر الهي فالمفروض ان هو يعمل ايه يدبحوا بقرة يدبح اي بقرة عملوا ايه طيب خلاص احنا هندبح البقرة ادعو لنا ربك اه تيجي تاخد بالك بس كلمة ربك دي هو هو رب وسيدنا موسى لوحده ولا هم دول مؤمنين ولا نظامهم ايه ادعوا لنا ايه ربك هو ربك انت ادع لنا ربك يبين لنا ما هي طيب ماشي البقرة دي شكلها ايه ايوة هو بيقول لك ادبح بارا اي بقرة يعني لو انت نفزت الامر على طول وكان في مسارعة في التنفيز هتدبح اي بقرة الموضوع هينتهي قالوا له لا احنا عايزين نعرف البقرة دي اه قل لنا صفاتها ايه؟ ادعو لنا ربك يبين لنا ما هي. شكلها ايه البقرة دي؟ طبعا هم في فرق بين ان انت بتسأل سؤال سيدنا ابراهيم؟ قال بلى ولكن ايه؟ ليطمئن قلبي ان انت بتسأل علشان زيادة الحكمة وفرق بين اللي بيسأل علشان ما ينفزش يعني هو في فرق بين واحد بيجادل وبيماطل وبيتلكأ في تنفيز الامر عشان هو مش عايز ينفز عشان الامر خلافا لهواه وفرق بين اللي بيسأل طب اه انا نفسي اعرف الحكمة من الامر ده ويبحس ويدور في الموضوع علشان ايمانه يزيد لكن في الاول وفي الاخر انت عبد المفروض ان انت تستسلم للامر فقالوا له ايه؟ ادعو الى الله ربك يبين لنا ما هي سيدنا موسى بدأ يحس ان من كلامهم كده ان هم داخلين على ايه؟ على مشكلة كبيرة. ان هم هيبتدوا يجادلوا قال انه يقول انه يقول يعني ده ايه ده مش كلامي قال انه يقول انها بقرة لا فارض ولا بكر عوان بين ذلك فافعلوا ما تؤمرون يعني قال لهم يا جماعة قال انه يقول ده كلام ربنا وتلاقي الكلمة دي مترددة في كلام سيدنا موسى عليه السلام. قال انه يقول كأنه بيفكرهم ان ده ايه امر ربنا سبحانه وتعالى وانت لما اه يعني علامة تعظيمك لربنا سبحانه وتعالى سرعة استجابة للأب يعني فرق بين اه اللي داخل الجيش يعرف ان الفرق بين العسكري اللي ادك مسلا ولا الشاويش لما مسلا يقول لك حاجة فانت ممكن ايه بيقولوا ايه؟ بيقولوا عليها اه يعني هو قال لك اعمل بس عشان ماشي حاضر. فهمت؟ شوية تلاقي ايه الصول بدأ يقول لك فتحس ان الموضوع فيه شوية اهمية بس ايه عادي يعني عادي اه شوية تلاقي ايه تلاقي مسلا ايه العميد مسلا موقفك قائد المطار مسلا موقفك. اولا. تعال يا ابني انت باشا انا فاهم؟ اه يعني آآ شف ده مسل يعني كنا لسة الاسبوع اللي فات بنتكلم عسكري العميد يعني مجرد ان العسكري ده منتسب للعميد القائد بتاعي في الجيش مجرد ان هو بيكلمني ده كان مكدر علي حياتي. بيكلمني اللي عايزين كلب عايزين عايزين اكل للكلب بتاع العميد الساعة ستة الصبح يا عم الله يهديك يا عبدالسلام عايز ايه؟ عايزين زبادي اه انا بجيب له كنت بجيب له الايه بتاع عارفين خالي الفراخ اللي هو العضم بتاع الفراخ ده والباقي وبينزل مية في العربية ويعمل ريحة يعني يوميا لازم اجيب ايه خالي الفراخ للكلب واجيب له كبدة وزبادي ومش عارف ايه ده فهو كان عايز زبادي اللي هو الزبادي ايه الدايت للكلب هو في كزا كلب فانا جبت زبادي عادي. يعني للاسف جبت زبادي عادي فرحت بعد ما اديت له الحاجة ومشيت ورجعت بقى واديت له الحاجة المطار ورجعت البيت لسه داخل انام لقيت العسكري بيرن علي آآ انت جايب زبادي عادي قلت له ايوا يعني ايه فاهم مش انت قلت عايز زبادي يا ابني؟ قال لي ما قلت لك الزبادي دايت قلت له الحاجات دي منين؟ قال لي للكلب قلت له يا عم هو الكلب لو كل الزبادي العادي هيحس بمشكلة يعني مع ان انت هتوجعه! يا عم ما تأكله الزبادي العادي وهو مش هيقول للعميد ما تقلقش قال لي لأ هاتوا دلوقتي قلت له يا ابني انا تعبان وعايز انام ما نمتش من امبارح هاته دلوقتي. يعني ادخل اقول للعميد ان انت مش عايز تجيبه؟ قلت له يا عم انا جاي يعني اصل هدخل اقول للعميد دي خلاص انت ايه مش هتنزل اجازة هيحبسك هيعمل فيك اي حاجة فشوف ان مجرد انتساب العسكري ده للعميد ان هو تخيل بس يدخل كده العميد يقول له يا فندم عسكري المشتروات ما بيردش علي. دي كده خلاص انت كده سافرت كلمة منه بس فمجرد انتسابه انا عايز اقول لكم ايه ان شف انت عظمت الامر عظمت الامر مهما كان الامر ده بالنسبة لك مش منطقي يعني ايه يعني انزل اجيب آآ شوية آآ زبادي وفي الاخر ايه يعني الزريف ان انا بعد ما رحت له وبدي له قال لي لأ خلاص خلاص هو كل تاني فانا بصيت له كده قلت له والله يعني انا خلاص انا التزمت فبطلت يعني الحاجات اللي انا كنت بعملها دي فالشاهد ايه؟ الشاهد ايه ان شف انت عظمت الامر عظمت الامر فاستجبت للامر استجابة الامر ولله المثل الاعلى. طبعا سيبنا ايه من من المسل ده؟ وهنمنتج في الفيديو آآ ان استجابتك لاوامر ربنا سبحانه وتعالى دليل على تعظيمك لربنا دليل فلما انت تسمع ان قال الله قال رسول الله الصحابة مش مستنيين ان هم ايه اه ان محتاج تفصيل ومحتاج الحكمة ومحتاج يعني يقول لك دلوقتي ايه لما تسمع ان دي سنة يقول لك اه اصل دي سنة. ايوة يعني السؤال ده اصلا ما كانش بيتسأل زمان. ان هل ده الصحابة يقولوا ايه؟ هي دي سنة ولا مش عارف ايه ده النبي صلى الله عليه وسلم لما كان بيصلي ونزل سيدنا جبريل واخبر النبي ان في نعله نجاسة النبي صلى الله عليه وسلم خلع خلع النعل فالصحابة خلعه بعد الصلاة النبي صلى الله عليه وسلم سألهم قال ما بالكم خلعتم نعالكم قالوا يا رسول الله ايه؟ رأيناك خلعت فخلعنا هو الموضوع بسيط خالص انت انت قلعت الجزمة فاحنا قلعنا بس مش انت دي سنة عشان ما اعملهاش دي سنة عشان فهنا بني اسرائيل بتجادل عشان ما تنفزش. المفسرين قالوا الطبري قال ان ان هم ما كانوش عايزين ينفزوا الامر علشان هم عندهم بخل فهما مش عايزين يدفعوا فلوس ايه البقر هو عارف واحد مش عايز يتصدق لان هو بخيل فمش عايز يسمع الامر بالزكاة فحاسس ان هو ايه بيقطع من لحمه بيطلع الزكاة والصدقة وهو ايه بيتقطع من جواه ربنا سبحانه وتعالى قال قالوا ادعو لنا ربك يبين لنا ما هي. قال انه يقول انها بقرة لا فارض ولا بكر يعني ولا هي بقرة كبيرة عجوزة ولا بكر ولا هي صغيرة عوان بين ذلك. يعني بقرة ايه؟ وسط كده تفعلوا ما تؤمرون خلاص المفروض المفترض ان هم يعملوا يدبحوا اي بقرة قال انه قالوا ادع لنا ربك يبين لنا ما لونها. طيب هي لونها ايه؟ وتحس ان هو فيه نوع من التلكأ. خد بالك في عملية يعني فيه جزء من القصة محذوف وان سيدنا موسى بيروح يسأل ربنا سبحانه وتعالى وربنا بيرد عليه وبعدين سيدنا موسى بيرجع يقول لبني اسرائيل. الجزء ده محذوف فين القصة صح ليه لان المماطلة والجدال ده لا يليق بالله يعني ان ربنا سبحانه شوف تتأمل في المعنى ده معنى حلم الله يعني تخيل انت عارف ربنا سبحانه وتعالى يعلم ان بني اسرائيل بتماطل عشان ما تنفزش الامر وكل مرة ربنا ايه بيرد على سيدنا موسى ويقول له مواصفات زيادة الله سبحانه وتعالى حليم سبحانه وتعالى لا يعاجل العبد بالعقوبة فهنا قالوا ادعو لنا ربك يبين لنا ما لونه قال انه يقول انها بقرة صفراء فاقع لونها تسر الناظرين وهنا محتاج تقف وقفة كده هو كان في البداية لما سمع امر ربنا كان سهل عليه ان هو ينفز صح؟ هيدبح ايه اي بار ما فيش مواصفات لما بدأ يسأل ويجادل ويتباطأ الامر بدأ ايه يبقى صعب عليه وده حال كتير مننا في المعصية. يعني اقعد اتكلم مع واحد آآ شاب مسلا معجب مسلا بواحدة معه في المدرسة اه ولسه الموضوع ايه عارفين في البداية كده الشرارات اللي في البداية دي الحاجات اللي لسه في البدايات فانا اقول له يا ابني اقطع الموضوع ده اعمل لها بلوك من عندك على الفيسبوك وما تتكلمش معها واقطع العلاقة دي خالص. اصل احنا ما فيش بينا حاجة اصل احنا زمايل اصل لسه ما فيش حاجة وانا مسيطر على الموضوع فضل آآ يجادل ويهرب من الامر لحد ما الموضوع ايه بدأ يتطور بدأ التعلق يزيد بدأ يحصل تجاوزات بينهم بدأوا يتكلموا مع بعض ويقفوا مع بعض. بدأوا يحبوا بعض تيجي تقول له سب دلوقتي الموضوع بالنسبة له ايه صعب جدا يعني اضرب لك مسال انت واحد كده ماشي فلقيت بركة كده كلها طين بركة كلها طين وحل كده فانت دخلت كده شوية مشيت فاول لما دخلت لقيت الايه الجزمة بتاعتك بقى عليها طين اتوسخت فواحد قال لك خد بالك يعني لسه في قدام في عمق فانت لو دخلت قدام هتتطين اكتر الموضوع هيزيد فانت تقول له لا لا لا بس انت مش فاهم انا بس هدخل وانا هعرف اخرج في اي وقت وانا يعني انا مسيطر على نفسي وبتحكم في في مشاعري وكده وانا اقدر ان انا اقطع الموضوع في اي وقت بتقول له يا ابني لو دخلت انا انا عارف اخر الطريق ده ايه. لو دخلت مش هتقدر تسيب بسهولة. هتتعب عشان تسيب. قال لك لا لا هكمل واشوف في فضل يدخل فيلاقي ايه؟ الطينة قاعدة تزيد عشان بقى تخرجه من المستنقع ده بعد ما كان هيغسل الجزمة بتاعته بس ده هو محتاج ايه محتاج ينضف محتاج يتغسل كله فاهمين معنى ان احيانا في البداية لو انت تركت في البداية الامر او استسلمت لامر ربنا وسارعت على طول هيبقى سهل عليك هيبقى سهل عليك. لو سبت المعصية في بدايتها هتبقى سهلة لو القلب شرب المعصية بيبقى صعب عليك انت تسيبها انت اللي بتعزب نفسك يعني دايما اقول للشباب ان ربنا لما امرك بغض البصر ده لك انت يعني الله سبحانه وتعالى غني غني الطاعة مش هتزيد ربنا. يعني لما انت تمشي تبص في الارض ما تبصش على البنات ده هيزود في ملك ربنا حاجة يعني نزرتك في الشارع في الارض دي هتفرق من ان انت تبص لقدام مش هتفرق لكن ده ايه؟ ده لك انت ان انت لما تبص انت اللي هتتعب انت اللي عندك مشكلة. انت اللي هتتحمل تبعات النظر ده انت اللي هتحمل تبعات النظر. فقال لك من البلاء غض بصرك رأفة بك رحمة ليك انت فانت تفضل تقول ايه؟ اصل النظرة الاولى حلال نظرة ويفضل يبص النزرة الاولى جايبها من اول النادي لحد اخره يقول لك النزرة الاولى حلال يا عم اتق الله تحليل معنى ده ويرجع في الاخر يقول لك انا مش قادر اتحكم في نفسي وحاسس ان الموضوع زيادة عندي ايوة انت انت اللي بتعمل في نفسك كده انت اللي انت ربنا سبحانه وتعالى قال عن ناس يوم القيامة بيقول ولكنكم ايه؟ فتنتم انفسكم ان من البداية ما تفتحش الابواب دلوقتي صاحبي ده اللي بيتكلم معي الموضوع مسلا شهور شهور بنتكلم في القصة دي وبيعاني ان هو دلوقتي مش قادر يقطع العلاقة يعني هو دايما سايب ايه الباب مفتوح كده هو هو عارف هو مقتنع يقعد معي واكلمه خلاص مقتنع تماما. بس لسه الحتة ان انا اقطع خالص دي مش موجودة. دايما سايب الباب مفتوح موارد وده التوبة هنا لا تقبل ليه لان شرط من شروط قبول التوبة العزم على عدم الرجوع وقطع اسباب الزنب ان واحد قال لك ايه هو كان بيكلم بنات وبعدين قال لك ايه خلاص انا قررت ان انا ايه سمعت درس وهتوب خلاص واحد صاحبي مات وهقطع علاقتي بالبنات. ماشي فرقمه زي ما هو والبنات عنده على الواتساب زي ما هم. وما عملش لحد بلوك وعنده على انستجرام وفيسبوك وتويتر فهو عادي يعني ايه هو بس ايه خد القرار داخلي بس فقعد اسبوع وهو سخن دلوقتي وايمانه عالي قعد اسبوع فلقى ايه صاحبته باعتة له مسج يقاوم كده خلاص عشر تيام وخلاص هتلاقي الموضوع انتهى كانت مجرد بس ايه نزوة وخلاص ليه؟ لان هو ما قطعش اسباب الزنب يعني لو تفتكروا في حديس قاتل مائة ما قلوش بقى ارجع وصلي وقال له اترك ارضك قال له اترك ارضك. لان انت لو رجعت تاني هترجع للزنب فمشكلتنا ان احنا بنرجع لنفس الزنب تاني ليه عشان اول حاجة بنفضل نجادل ونفضل ما نستسلمش لامر على طول فبنصعب الامر علينا. تاني حاجة ما بنقطعش اسباب الزنب فهتفضل ترجع له وهتفضل في نفس الحلقة دي تاني فهنا اللي حصل ايه قالوا ادع لنا ربك يبين لنا ما لونه فبدأ الامر يبقى صعب عليهم. قال انه يقول انها بقرة صفراء فاقع لونها تسر الناظرين. يعني ما بقتش اي بقرة دلوقتي يا علاء هي بقت بقرة صفرا متوسطة ومش اي بقرة صفرا ده انت تشوفها كده تقول ايه ايه البور الحلوة دي اه ايه البقرة الحلوة دي فتخيل ايه يعني هتبقى بقى حاجة مميزة ان بقرة كده ماشية كده بتتدنجل قدامك كده وانت تقول البقرة دي حلوة قوي فدي ايه احتماليات دي ايه بقت صعبة شوية صح فقالوا ايه؟ قالوا ادعوا لنا ربك يبين لنا ما هي ان البقرة تشابه علينا. بصراحة احنا مش عارفين هو فعلا هم صادقين. هم فعلا ما عدوش عارفين. هو ما عدش عارف ينفذ الامر لان هو صعب الامر على نفسه صعب الامر على نفسه ان البقرة تشابه علينا وان ان شاء الله لمهتدون ان شاء الله هنهتدي بس ايه المرة دي بس قل لنا قال انه يقول اسمع بقى المواصفات تعقيد بقى لزلك هم شددوا في السؤال فربنا شدد عليهم قال انه يقول انها بقرة لا زلول تثير الارض ولا تسقي الحرث مسلما. لا شيئة فيها يعني ولا هي بتشتغل في الارض مش مهانة في اه حرف الارض الزراعية ولا تسقي الحرف مسلمة لا شيء فيها ما فيهاش اي علامة. يعني بقرة كده ايه اه يعني ست بيت لا مش قصدي اهانة يعني خالص يعني بقرة ايه هانم كده ما بتشتغلش مسلمة لا شيء فيها ما فيهاش اي علامة تخيل بعد كل ده قالوا قالوا الان جئت بالحق وكأن كل اللي كان سيدنا موسى سيدنا موسى عليه السلام بيقولوا قبل كده ايه ما كانش حق يعني لما قال لهم ان الله يأمركم ان تزبحوا بقرة ده ما كانش حق لما قال لهم قال انه يقول انها بقرة لا فارض ولا بكر ده ما كانش حق لما قال صفراء يعني لما قال الوصف التالت قالوا الان جئت بالحق وده سوء ادب من بني اسرائيل ان انت ازاي تعظم شرع؟ تعظم اوامر ربنا انت مش محتاج كل ده المؤمن يا جماعة مش محتاج غير ان هو يسمع يتأكد ان ده امر من ربنا سبحانه وتعالى لان انا عندي يقين ان اوامر ربنا سبحانه وتعالى كلها فيها خير لي كلها في مصلحتي. الشريعة يا جماعة مش مصادمة للمصالح يعني مش هيجي الشرع في اتجاهه ومصلحتك العكس لأ الشرع في مصلحتك انت يعني ربنا لما بيحرم حاجة ده خير لك انت سواء انت فهمت الحكمة او ما فهمتش لكن الشرع ده من عند ايه عليم حكيم خبير سبحانه وتعالى فقالوا الان جئت بالحق اسمع بقى اقوال فذبحوها وما كادوا يفعلون يعني حتى وهو بينفز امر ربنا بيعمل ايه؟ يعني عايزين الزكاء خد يا عم اهي الزكاة بيطلع الزكاة كانه كده بيقطع من لحمه. يا عمي اصلا ده حق الفقراء يعني الفلوس دي اصلا بتاعة ربنا المال مال الله انفقوا مما جعلكم ايه؟ مستخلفين فيه. هي دي فلوسك اصلا ربنا هو اللي ادى لك المال ده فانت بتطلع حق ربنا وحق الفقرا. وانت كده ايه حاسس فذبحوه وما كادوا يفعلون. ان هي محتاجة خطوات عشان تقنعها ان هي الارتباط والصحوبية والحب ده حرام. فتفضل تتكلم وتعيد ويا بنتي ومش عارف ايه وتفضل ايه واقتنعت تمام بعدين ترجع تلاقي ايه صاحبها باعت لها بس هو برضو طيب ومش عارف ايه فترجع تضعف تاني فترجع تسمع عشان تنفز امر ربنا محتاج كل الوقت ده كم سنة عشان ياخد قرار ان هو هيبتدي يحفز قرآن؟ وكم سنة عشان ياخد قرار ان هو يبتدي يصلي في المسجد؟ وكام سنة عشان تاخد قرار ان هي تلبس آآ خمار وعشان تلبس النقاب وعشان ابطل اسمع اغاني وعشان ابطل اعمل معصية. يعني خلاص هو العمر فيه كم سنة يا جماعة ايه التباطؤ ده في التنفيز اوامر ربنا فين المسارعة ربنا سبحانه وتعالى قال انهم كانوا يسارعون في الخيرات ان انت اول لما تسمع ان ده امر تسارع اول واحد. ليه الناس تسبقني ليه ابقى دايما متأخر عن اوامر ربنا سبحانه وتعالى فقال تعالى فذبحوها وما كادوا يفعلون ثم قال واذ قتلتم نفسا فادارأتم فيها. والله مخرج ما كنتم تكتمون. فقلنا فقلنا اضربوه ببعضها كذلك يحيي الله الموتى وايه ويريكم اياته لعلكم تعقل فاكرين كنا بنقول ايه في اول الدرس ايه لا غير قصة زينة اه ان انت بتجيلك ايات ورسايل وربنا ايه بيوريك بيعرفك بيدلك على الطريق وبعدين ايه بتعرض تاني وبتنسى فربنا يعني كل ده احنا بنتكلم عن التباطؤ والجدال والاستسلام وبعدين هنرجع نتكلم في الحتة دي. بس قبل ما ندخل فيها لما تتأمل في سياق تعبتوا احنا خلاص قربنا نخلص يعني لسه في نقطتين بس لما تتأمل في سياق القصة كان المفترض ان في بداية القصة القصة تبقى يعني متسلسلة يعني اللي بيحكي قصة بيحكي ايه الاحداس بالتسلسل والله حصل جريمة قتل القاتل كنا احنا عايزين نعرف مين القاتل فروحنا سألنا سيدنا موسى سيدنا موسى قالنا كزا صح فايه اللي حصل ترتيب القصة يعني ربنا جاب لنا في الاخر قال واذ قتلتم نفسا فادارأتم فيها دي فين دي في الاخر يعني دي ما جتش في الاول. كان المفترض ربنا في بداية القصة يقول لنا ايه؟ يقول لنا ان احداس القصة اللي حصل جريمة قتل وحصل كزا والناس دي راحت لسيدنا موسى علشان تاني يقول لهم ان الله يأمركم ان تذبحوا بقرة دي سببها ايه؟ فجاب لك السياق ده فين في الاخر فمين عايز يقول ايه ولا فصلتوا ماشي؟ طب ليه واذ قتلتم نفسا فالدارة فيها دي اتأخرت. يعني سبب القصة وسبب الامر دي اتأخرت وبدأ يجيب لك في البداية تفاصيل حوار سيدنا موسى مع بني اسرائيل مرهق ليه ربنا اخر سبب القصة وجاب لك ده في البداية كده ايه دخلة القصة واذ قال موسى لقومه ان الله يأمركم ان تذبحوا بقرة رأيكم ايه كده قل يا عم الشيخ لا انت قل انت عارف مم ايه رأيك يا حس قل السؤال تاني عيد السؤال ده عيد السؤال تاني احنا بنقول ان المفترض لما يبقى في قصة القصة تبقى ايه متسلسلة تسلسل الاحداس ان حصل جريمة قتل وبعدين بني اسرائيل كانوا عايزين يعرفوا مين القاتل فراحوا لسيدنا موسى فقال ان الله يأمركم ان تزبحوا بقرة. القصة في سياق القرآن بدأت ايه؟ واز قال موسى لقومه ان الله يأمركم ان تزبحوا بقرة. وبعدين في الاخر قال لك ايه ايه السبب؟ واذ قتلتم نفسا فادارأتم فيها والله مخرج ما كنتم تكتمون ليه بدأ الكلام بتفاصيل الحوار والنقاش بين سيدنا موسى وبني اسرائيل ده المراد من القصة ان انت تركز وتشوف طبيعة حوار بني اسرائيل مع سيدنا موسى عشان ما تعملوش عشان لما تسمع ان الله يأمركم ايوة امرنا بايه فتستسلم للامر ما تعملش زيهم ما تقعدش تجادل تتباطأ في تنفيز الامر عشان كل ما هتتباطأ كل ما هيصعب عليك فربنا سبحانه وتعالى قال واذ قتلتم نفسا فادارأتم فيها بدأوا يخفوا التهمة والله مخرج ما كنتم تكتمون. فقلنا فقلنا اضربوه ببعضها كذلك يحيي الله الموتى ايه ويريكم اياته لعلكم تعقلون بني اسرائيل يا جماعة شافوا كمية ايات غير عادية يعني انا عايزك تتخيل ان انت واقف دلوقتي ماشي في وسط بني اسرائيل اه وهم اه بيدبحوا البقرة فالبقرة دي ايه ماتت خلاص بقرة ماتت فجابوا جزء من البقرة ايا كان الجزء والراجل ده ميت جسة هامدة وضربه بجزء بالميت ضربوا به الميت. فالراجل صحي وقال فلان قتلني. وبعدين مات تاني انت ده شايفه ايه شايفه بعينيك شايفه قدامك المفترض ان انت يا عم الشيخ ايمانك دلوقتي وقلبك يبقى عامل ازاي في السما ده ربنا احيا قدامك ايه؟ ميت يعني ضربوا الميت بميت فصحي قدامك ده انا ما بكلمكش عن الايات اللي هم شافوها قبل كده. يعني ما بقولكش شق البحر وتسع ايات وكل الايات ونطقنا فوقهم الجبل كل الايات دي ايه ده دي قدام عنيهم. الراجل كان ميت وصحي قال فلان قتلني ومات تاني المفترض ان القلب ده بعد ما شاف الاية دي بعينه هيبقى عامل ازاي انت مستبعد الموضوع شوية صح؟ حاسس ان هو ايه؟ يعني حاسس ان ايه الناس دي ازاي الناس دي جاحدة قوي كده؟ ازاي يشوفوا اية ومعجزة قدامهم وبعدين بعدها ايه يكفروا لما تيجي تقيس بقى على كلامنا في اول الدرس ان انت جات لك رسايل من ربنا وايات مرة واتنين وتلاتة وبعدين ايه اللي حصل ايه ايه التغيير اللي حصل في حياتك؟ نسيت نسيت يعني صاحبي اللي كان قاعد معي بعد ما دفن صاحبه قال لي انا لازم اتغير وعايز اتوب وعايز ابدأ احفز قرآن واصلي في المسجد واقطع علاقتي بالبنت اللي انا بكلمها وابطل شرب سجاير ده ده كان ايه دي ويريكم اياته وراك الايات علمك فهمك قال لك ان ده غلط. قال لك ان ده الطريق قال لك ان انت خد بالك ممكن تموت في سانية ايه اللي حصل بعدها فنسي ولم نجد له عزم نسي عدت الايام بقيت اعدي كده اشوفه ايه يا فلان مش هتيجي؟ نفسي والله اجي لك كل ما يقابلني هو جواه كده ايه عارف احراج كده ان انا انا عرفت الطريق خد بالك بعد الاية احساسك غير قبل الاية يعني ايه؟ يعني بعد لما ربنا سبحانه وتعالى يبصرك بالطريق ويبعت لك رسايل ايا كانت الرسالة وانت تفهم وتعرض بعدها بمزاجك. احساسك بعدها بيبقى مختلف تماما احساس اللي بيتقطع يعني غير الغافل غير اللي ايه؟ اللي هو اصلا ما داقش الطريق لكن اللي داق حلاوة القرب وربنا بصره بالطريق. وبعدين قرر ان هو ينسى ويعرض ده بيحس بعدها ايه ربنا وصف الاحساس ده بشعور ايه؟ السلخ واحد بيتسلخ جلده بيتسلخ ان هو لا هو عارف يرجع للحياة القديمة وينطلق في الشهوات وضميره مأنبه في وخزة كده جواه في الم جواه ولا هو عارف يرجع للطريق ايه المستقيم تاني فبقى يشوف الناس اللي هي اللي كان بيحاولوا يقربوه فحاسس بايه؟ والله نفسي نفسي نقعد مع بعض ونفسي اقابلك طب هكلمك ونيجي مش عارف ايه وبتاع ويختفي شهر ويقابلني تاني نفسي والله فبقى عايش في حالة من ايه؟ من اماني انا والله كان ربنا وراني حاجات ونفسي ارجع للحاجات دي تاني فهنا قال لك ايه؟ ويريكم اياته لعلكم تعقلون ثم قست قلوبكم من بعد زلك استغرب بعد ما شافوا ده قدامهم الراجل اللي كان ميت صحي ثم قست قلوبكم من بعد زلك فهي كالحجارة او اشد غصبا