قال رسول الله صلى الله عليه وسلم من سن في الاسلام سنة حسنة فله اجرها واجر من عمل بها من بعده من غير ان ينقص من اجورهم شيء ومن سن في الاسلام سنة سيئة كان عليه وزرها. ووزر من عمل بها من بعده من غير ان ينقص من اوزارهم شيء
يعني ايه من سن في الاسلام سنة حسنة يعني انسان يبتدي يعمل عمل عمل ده سنة حسنة عمل صالح طاعة لله او عمل خير. والناس تقتدي بالعمل ده يعني مسلا من الافكار الجميلة جدا ان واحد يبتدي
ان هو ينزل مسلا ورد القرآن على الفيسبوك مسلا. حد شاف الفكرة دي فبدأ ان ينزل ورد كل يوم فبدأت الناس ده فكرة جميلة سنة حسنة. فبدأت الناس تقلد الفكرة دي
واحد مسلا قرر ان هو يعمل اه يقعد مسلا في المسجد من الفجر للشروق في المسجد عندهم في المسجد فما كانش فيه حد بيعمل الجلسة دي في المسجد فهو اول واحد بدأ العمل ده. هو اللي سن السنة الحسنة دي. فبدأت الناس بعد كده تقعد لما هو بدأ العمل ده
فالانسان يتعود ان هو يبدأ عمل صالح الناس تقلدوا فيه فيبقى كل اللي جاي بعد كده في ميزان حسنات اللي بدأ العمل فهنا نفهم بقى الحديس بالراحة كده قال رسول الله صلى الله عليه وسلم من سن في الاسلام سنة حسنة
ان انت بدأت عمل صالح بدأت تفكر الناس بعبادة معينة بسنة من السنن المهجورة بدأت تبتكر طريقة معينة في الدعوة الى الله فعمل الخير ناس عجبتها الطريقة دي فبدأت الناس تقلدك
وتعمل العمل اللي انت كنت بتعمله قال رسول الله صلى الله عليه وسلم من سن في الاسلام سنة حسنة فله اجرها واجر من عمل بها من بعده من غير ان ينقص من اجورهم شيء
يعني واحد بدأ ان هو يعلم الناس او يعمل مسلا حاجة كويسة او يعمل عمل خير والناس اقتضت به في المسألة دي وبدأت تقلده كل اللي جاي ده في ميزان حسنات العبد ده
انت علمت اصحابك زي في الحديس التاني في رواية قال من دعا الى هدى فله اجره واجر من عمل به الى يوم القيامة من غير ان ينقص من اجورهم شيء. من دعا الى هدى
واحد علم الناس حاجة كويسة او اه دعا الى هدى يعني نصحهم نصيحة مسلا او علمهم اية كل ما حد يعمل بالعمل ده ده في ميزان حسناتك ده في ميزان حسناتك
فهنا حاجة مهمة جدا الانسان يبقى حريص ان هو يبدأ الاعمال الصالحة يبقى انا اول واحد اول واحد في الشلة بتاعتي مسلا بدأت ان انا ايه اصلي في المسجد الفجر وبدأت اكلم اصحابي اصحيهم
فالفكرة عجبتهم فبدأوا والله نصحي بعض فانا اللي بدأت الفكرة كل اللي جاي في ميزان حسناتي او ان بنت مسلا قررت ان هي ايه تعمل مسلا جروب على الواتساب وتصحي صاحباتها او ان هي تبعت لهم اه اه صفحة قرآن يقرأوا كل يوم او تعمل اي عمل تبتكر عمل
صالح وتبتدي ايه تدخل الناس فالناس تتحمس وتعمل العمل ده كل اللي جاي ده في ميزان حسناتها ان شاء الله في المقابل قال رسول الله صلى الله عليه وسلم ومن سن في الاسلام سنة سيئة
كان عليه وزرها ووزر من عمل بها من بعده من غير ان ينقص من اوزارهم شيء يعني اول واحدة مسلا قررت ان هي تقلع الحجاب في فرحها دي سنة سنة سيئة
فكل البنات اللي قلدوها ده في ميزان سيئات البنت دي لو هي ما تابتش وتبرأت من العمل ده حتى في الحديس اللي بعده على طول حديس ابن مسعود في البخاري ومسلم
وعن ابن مسعود رضي الله عنه ان النبي صلى الله عليه وسلم قال اسمع الحديس ده ليس من نفس تقتل ظلما الا كان على ابن ادم الاول كفل من دمه
لانه اول من سن القتل يعني ليس من نفس تقتل ظلما يعني ما فيش نفس بتقتل من بداية الخلق من ايام سيدنا ادم عليه السلام حتى قيام الساعة ما من نفس تقتل
ظلما الا كان على ابن ادم الاول اللي هو اللي قتل اخوه كفل من دمها يعني نصيب من دمها يعني ياخد وزر ليه بقى؟ لانه اول من سن القتل فالانسان يحذر
ان هو يكون اول واحد في الشلة بدأ يشرب سجاير ويعلمه اول واحد بدأ يزبط اصحابه مع البنات اول واحد بدأ يعلم اصحابه ويبعت لهم افلام اباحية. يعني ان الواحد يبدأ يسن او يعمل سنة سيئة والناس تقلدني من بعدي
ده حاجة صعبة جدا. كل السيئات اللي جاية بتبقى في ميزان سيئات العبد ده قال تعالى وليحملن اثقالهم واثقالا مع اثقالهم يعني يشيل الذنوب بتاعته وذنوب الناس اللي هو ايه؟ ومن دعا الى ضلالة كان عليه وزرها وزرها. ووزر من عمل بها الى يوم القيامة من غير
ان ينقص من اوزارهم شيء الا لو العبد ده تاب الا لو العرض ده تاب لو العبد انا واحد مسلا اه انا اللي كنت عودت صحابي على اه ان هم مسلا يكلموا بنات او ان هم يتفرجوا على افلام مش كويسة او ان هم يشربوا مخدرات
ولا ان هم يشربوا سجاير ولا يروحوا اماكن مش كويسة. انا انا اللي بدأت السنة السيئة دي وبعدين انا اكتشفت ان دي حاجة حرام وتبت منها لو انا تبت وجيت قلت لاصحابي رجعت قلت لهم يا جماعة والله الحاجة دي انا اكتشفت ان هي حرام وما ترضيش ربنا
وانا اه بتوب الى الله وبتبرأ. خلاص انت كده عملت اللي عليك. هم بقى استمروا في العمل ده. او ما استمروش انت خلاص تبرأت قدام ربنا سبحانه وتعالى وتبت الى الله
من الزنب ده لكن الخطورة ان الانسان يدعو الناس لعمل سيء او لسنة سيئة والناس تقلده يعني واحد مسلا آآ ممثل او يطلع يقول كلام مش كويس او يعمل عمل مش كويس والناس كلها تطلع تقتدي به ده حاجة صعبة جدا جدا
يعني كل اللي جاي ده يبقى في ميزان سيئات العبد ده الا لو تاب فالانسان يبقى حريص ان هو دايما يبقى يفتح للناس ابواب الخير ويزكرهم بالطاعة فكل واحد يفتكر الطاعة ويعمل العبادة بسببك ده في ميزان حسناتك
او ان الانسان يبعد عن ان هو يبقى يفتح ابواب السنن السيئة وان هو يعلم الناس حاجة مش كويسة. فالناس تقتدي به في الحاجة اللي مش كويسة دي فيبقى في ميزان سيئاته
جزاكم الله خيرا وان شاء الله نكمل فيه آآ حلقة جاية بازن الله والسلام عليكم ورحمة الله وبركاته