فوسوس اليه الشيطان. قال يا ادم هل ادلك على شجرة الخلد وملك لا يبلى طيب بسم الله السلام عليكم ورحمة الله وبركاته بسم الله والحمد لله والصلاة والسلام على رسول الله صلى الله عليه وسلم رب اشرح لي صدري ويسر لي امري واحلل عقدة من لساني يفقهوا قوله. قال رسول الله صلى الله عليه وسلم ما اجتمع قوم في بيت من بيوت الله يتلون كتاب الله ويتدارسونه فيما بينهم الا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده. وقال صلى الله عليه وسلم ما اجتمع قوم يذكرون الله الا ونادى مناد من السماء ان قوموا مغفورا لكم قد بدلت سيئاتكم حسنات وقال صلى الله عليه وسلم من سلك طريقا يلتمس فيه علما سهل الله له به طريقا الى الجنة وقال صلى الله عليه وسلم غنيمة مجالس ذكر الجنة وقال صلى الله عليه وسلم خيركم من تعلم القرآن وعلمه فبفضل الله ان شاء الله نبدأ في المجلس اه الثاني من مجالس اه تاجرة الخلد وعليكم السلام ورحمة الله وبركاته شد الستارة اللي وراك آآ مراجعة سريعة للناس اللي ما كنتش حضرت الدرس اللي في الاول. وما سمعتوش ماشي اهلا وسهلا آآ كنا في الدرس اللي فات بدأنا فيه سلسلة آآ بدأنا نتكلم عن الشيطان عن مداخل الشيطان وعداوة الشيطان للانسان وطرق اغواء الشيطان لبني ادم ومعلش الصوت اللي الناس اللي بتتكلم وبدأنا في المرة اللي فاتت اه اه نوضح اهمية الكلام عن عداوة الشيطان للانسان وان الشيطان عدو مبين ولما تيجي تبحث في القرآن وفي السنة في الاحاديث عن اه اه كلمة الشيطان او عن ابليس هتلاقي كمية ايات واحاديث غير عادية فالامر ده في القرآن واخد ايه واخد حجم كبير يعني عداوة الشيطان وخذة في القرآن الكريم حجم كبير. يعني ربنا سبحانه وتعالى كلمنا عن الشيطان وعن اساليب الشيطان في الاغواء وعن طرق الشيطان وعن فعداوة الشيطان كتير جدا في مواضع مختلفة والقصة اتحكت اكتر من مرة فده ان دل على شيء يدل على اهمية الامر ده يدل على اهمية العداوة. وبرغم ان الامر ده واضح وبرغم ان الامر ده متكرر كتير جدا في القرآن الكريم. الا ان زي ما قلنا في الدرس اللي فات ان الشيطان قدر ان هو ينسي الانسان العداوة دي الشيطان قدر ان هو ينسي الانسان العداوة اللي ربنا سبحانه وتعالى قال ان الشيطان للانسان عدو مبين مبين يعني مش عدو مستخبي لأ ده عدو ايه ظاهر واضح وواضح العداوة آآ اصيل في العداوة رغم ان هو عدو مبين الا ان كتير مننا ايه نسي العداوة. قسمنا قلنا المرة اللي فاتت ان في ناس نسيت اصلا عداوة الشيطان. وفي ناس اه بدأت تتخذ الشيطان ولي قال يا قال يا ابتي لا تعبد لا تعبد الشيطان ان الشيطان كان للرحمن عصيا قال يا ابتي اني اخاف ان يمسك عذاب من الرحمن فتكون للشيطان وليا ان هو بقى ولي للشيطان. يعني ما يتخذوش عدو. يعني ربنا ما قلكش ان انت ايه آآ ان انت آآ تاخد احتياطاتك من الشيطان بس لأ ما قالكش تدافع عنك ضد الشيطان بس لا. قال لك ايه تتخذوه ايه عدو يعني انت مأمور ان انت تتخذ الشيطان عدو نويب يرحمكم الله قلت الحمد لله انت مأمور ان انت ايه تتخذ عدو مش ان انت تدافع عن نفسك بس لأ ده يبقى في ايه في عداوة بينك وبينه ظاهرة وواضحة ان الشيطان لكم عدو فاتخذوه عدوا. انما يدعو حزبه ليكونوا من اصحاب السعير وقلنا ان في ناس بدأت مش بس ان هي تتخذ عدو لأ ده هي مش بس نسيت ده بدأ يتخذ الشيطان ولي صديق وفي ناس وصلت للمرحلة اللي هي الايه اللي اعلى من كده ان هو بقى جندي من جنود الشيطان. كل الكلام ده قلناه في الدرس اللي فات. وقلنا اصل العداوة وحكينا القصة في الايات في سورة الاعراف رفض لما قال صلى الله عليه وسلم لما خلق الله ادم وصوره وتركه في الجنة ما شاء الله ان يتركه جعل الشيطان يطيف به لما ربنا سبحانه وتعالى خلق سيدنا ادم قبل النفخ قال تعالى فاذا سويته ونفخت فيه من روحي فقعوا له ساجدين. قبل النفخ في الروح سيدنا ادم كان عبارة عن ايه؟ جسد فيش روح فتركه ما شاء الله ان يتركه فجعل الشيطان ايه يطيف به. الشيطان قعد يعني ايه يطيف بيلف حواليه كده فلما رآه اجوف يعني اجوف يعني ايه فارغ من جوة ايه ايه اعلم انه خلق خلقا لا يتمالك لا يتمالك. الشيطان في اللحظة دي حدد نقطة ضعف الانسان عرف ان هو ضعيف. عرف ان هو جواه جوف فراغ محتاج ان هو يسد ايه؟ يسد الفراغ ده لا يتمالك يعني زي ما قلنا في الدرس اللي فات لا يتمالك نفسه عند الشهوة. او لا يتمالك نفسه عند الغضب. او لا يستطيع دفع الوسوسة لا يتمالك هنا بدأت العدوة قيل في بعض الروايات قال لئن سلطت عليه لاهلكنه لسه ما حصلش اي حاجة. قبل النفخ في الروح وقبل امر الملائكة بالسجود هو قال لك ايه هو خلاص فيه عداوة قال لامر ما خلقت انت مخلوق عشان حاجة لان سلطت عليك لاهلكنك من البداية كده وبعدين قلنا الايات اللي فيها ربنا سبحانه وتعالى لما خلق ادم وصوره خلقه بيديه سبحانه وتعالى وآآ نفخ فيه من روحه وعلم ادم الاسماء كلها وامر الملائكة فبالسجود لادم تكريما لادم ابى ابليس قال تعالى واذ قلنا للملائكة اسجدوا اسجدوا لادم فسجدوا الا ابليس ابى واستكبر وكان من الكافرين رفض السجود فدي كانت بداية العدو. قال تعالى قال ما منعك الا تسجد اذ امرتك قال انا خير منه خلقتني من نار وخلقته من طين وبازن الله هيبقى لنا وقفة مع رد ابليس يعني ليه ابليس رد الرد ده وان ازاي ده اللي لما قلنا في الدرس اللي فات ان ابليس عمل قياس فاسد. يعني زي لما الانسان دلوقتي يؤمر بامر من اوامر ربنا سبحانه وتعالى. وبعدين يبتدي ايه يشغل مخه يعني في فرق بين ان انت بتجتهد في مسألة ما فيش فيها نص فرق بين ان لما يجي اية او امر من ربنا واضح ان انت تقول ايه شغل دماغك يعني ربنا سبحانه وتعالى سأل ابليس قال ما منعك الا تسجد اذ امرتك. يعني هنا في ايه في امر واضح ما ينفعش ان انت مع وضوح الامر ان انت تعمل ايه تشغل دماغك او تقيس برأيك الشيطان عمل عمل قياس. قال اللي منعني من السجود ايه؟ انا خير منه خلقتني من نار استدل ان هو احسن بسبب ايه اصل الخلقة انا احسن منه ليه احسن منه انا عشان احسن منه وعشان انت خلقتني من نار وخلقته من طين فعشان كده انا هرد الامر يعني ما قالش مباشرة ايه ركز في الحتة دي. ما قلش مباشرة ايه لا لا انا مش ساجد انا لا لا هو عنده مبرر لرد الامر وكذلك لما بيخليك تخالف امر ربنا بيديك ايه بيديك مبرر يعني ما بيجيش وش في وش كده لأ هو بيدي لك المبرر اللي انت تعرف ايه ترد به الامر ودي من طرق الشيطان في الاغواء اه واللي بعدها ان ربنا سبحانه وتعالى لما امر ابليس بالسجود رفض وبعدين اتطرد من رحمة ربنا سبحانه وتعالى قال اخرج منها مذئوما مدحورا لمن تبعك منهم لاملأن جهنم منكم اجمعين ابليس طلب طلب في اللحظة دي اللي كان المفترض ان هو يتوب لربنا سبحانه وتعالى ويرجع او يتراجع عن القرار بتاعه ده قال انظرني الى يوم يبعثون وقلنا ان ده من علو همة الشيطان الشيطان عنده ايه عنده همة عنده همة عالية مش عايز يفوت واحد من البشر يعني من بداية سيدنا ادم لحد قيام الساعة لا يريد ان يذوق الموت انظرني الى يوم يبعثون قال تعالى قال انك من المنظرين وفي اية قال الى يوم الوقت المعلوم. يعني ربنا ما استجابش دعاء ابليس باللي هو ان هو لا يذوق الموت. لا لا ده هو هيعيش لحد ايه لحد النفخة الاولى نفخة الصعق يعني هيدوق الموت برضو مفهوم كل ده كان يعني مراجعة سريعة الدرس اللي فات وممكن اللي ما سمعش الدرس يسمع الدرس هيبقى فيه بالتفصيل اكتر وقلنا قلنا ان الشيطان ما بيسبش الانسان في اي لحظة من لحظات حياته يعني هو عدو واضح اصيل ومركز معك وظيفة الشيطان الوحيدة ان هو ايه اغواء الانسان يعني الشيطان ما عندوش حاجة تانية يعملها ما لوش شغل مش متجوز ومخلف ما عندوش مسلا ان هو بيروح الشغل مسلا ويرجع يتغدى ويقيل شوية وبعدين يصحى بقى يكمل الوردية بتاعة بالليل لا لأ الشيطان ما بينامش ما بيريحش. وظيفة الشيطان الوحيدة هي ايه اغواء الانسان بس بيعمل ايه مركز معك انت قال قال فبعزتك لاغوينهم ايه اجمعين مش عايز اسيب حد فبعزتك لاغوينهم اجمعين. بيبدأ معك من امتى ها قبل ما تتولد قبل ما تتولد الشيطان بيبدأ معك في لحظات الجماع بين الرجل والمرأة قال تعالى واستفزز من استطعت منهم بصوتك. واجلب عليهم بخيرك ورجلك وشاركهم في الاموال والاولاد. وعدهم وما يعدهم الشيطان الا غرورا قال صلى الله عليه وسلم وقلنا الحديس اذا اتى الرجل اهله فقال اللهم جنبني الشيطان وجنب الشيطان ما رزقتنا فان قدر بينهما الولد لم يسلط عليه الشيطان او لم يضره الشيطان يبقى هو ايه من البداية اول لما الانسان بيتولد وهو لسه نازل بطن امه كده يقوم الشيطان ايه نغزو كده يمسه الشيطان انا موجود فيستهل صارخه من مس الشيطان الا ايه؟ الا ما مريم الا مريم وابنها ما بيسيبكش طول الطريق بقى. يعني بيقعد لك في كل خطوة عايز تاخدها لربنا سبحانه وتعالى يعني عشان تيجي الدرس وتعمل طاعة الشيطان ايه هو الاول بيحاول يصرفك يصدك عن السبيل مباشرة ما تعملش فلو لقاك ايه مصر شوية طب يحاول يأخرك قدر الامكان يأجلك. طب آآ هتسمعه اسمع الدرس تسجيل طب مش لما انت عارف الكلام ده فيقعد ايه يأخرك ويديك مبررات ماشي؟ قال صلى الله عليه وسلم ان الشيطان قعد لابن ادم باطرقه كلها فقعد له بطريق الاسلام ولسه عايز يسلم لسه بس عايز يسلم قال تسلم وتذر دينك ودين ابائك واباء بك اتسلم ياه هتدخل بقى وتتدين وتحضر وتصلي الدروس وتتغير بقى ويا عم انت هتسيب الناس دي تسيب الصحبة والبيئة والجو بتاعك ده وبعدين انت بقى تلبسي حجاب وتنتقبي وتعملي وهتتجوزي ازاي ويقعد بقى ايه يخوفك تسلم وتذر دينك ودين ابائك واباء بك. قال فعصاه فاسلم فعصاه فايه فاسلم فعايز يهاجر بقى قال تهاجر فقعد له في طريق الهجرة. قال تهاجر وتذر ارضك وسماءك قال له يا راجل انما مثل المهاجر كمثل الفرس في الطول قال له ده المهاجر ده انت هتروح هناك كأن فرس مربوط البلد اللي انت هتهاجر لها هتبقى ايه متقيد فيها. انما انت هنا ايه في وسط ارضك وسمائك وتروح زي ما انت عايز. مقنع برضو قال فعصاه فهاجر عايز بقى يجاهد قال تجاهد فقعد له في طريق الجهاد. قال تجاهد انما الجهاد جهد النفس والمال. قال له ده انت هتموت وفلوسك هتخلص عايز تجاهد تجاهد فتقتل فتنكح المرأة ويقسم المال قال له هتطلع هيموتوك ومراتك هتتجوز عليك وفلوسك هتتقسم قال فعصاه فجاهد كتاب الحديس قال صلى الله عليه وسلم فمن فعل ذلك يعني عاصف الشيطان كان حقا على الله ان يدخله الجنة الى اخر الحديث الشاهد من حديس ايه ان الشيطان قاعد لك في كل طريق في كل طريق قال لاقعدن لهم قال فبما اغويتني؟ لاقعدن لهم صراطك المستقيم ثم لاتينهم من بين ايديهم ومن خلفهم وعن ايمانهم وعن شمائلهم ولا تجد اكثرهم شاكرين حتى في لحظات الموت ما بيسبش الانسان قال صلى الله عليه وسلم كان يقول في دعائه عند الموت اللهم اني كان يقول في دعائه اللهم اني اعوذ بك ان يتخبطني الشيطان عند الموت روي بقى في في الاثار ان الشيطان يأتي للانسان ومعه شيطانان آآ فواحد ايه؟ على هيئة على صورة ابيه. والتانية على صورة امه فيقول الاب يقول للولد ايه؟ مت على اليهودية والام تقول له مت على النصرانية ايه يا عم اللخبطة دي وهو بيموت فتنة الممات فتنة الممات. ان الشيطان ييجي يلبس عليه دينه وهو بيموت مش عايز يفوت اللحزة دي كل الكلام اللي احنا قلناه ده المقدمة دي ده كله موجود في الدرس اللي فات يعني دي كانت ملخص للدرس اللي فات ان الشيطان عدو مبين وان احنا امرنا ان احنا نتخذ الشيطان عدو هنتكلم ان شاء الله النهاردة عن اه هنكمل الايات اللي كنا بدأنا فيها في سورة الاعراف قال تعالى ويا ادم اسكن انت وزوجك الجنة فكلا من حيث شئتما. ولا تقربا هذه الشجرة فتكونا من الظالمين ويا ادم اسكن انت وزوجك الجنة فكلا من حيث شئتما ولا تقربا هذه الشجرة فتكونا من الظالمين ربنا سبحانه وتعالى قبل ما يحرم الشجرة على ادم قبل ما يقول له ما تاكلش من الشجرة قال له ان في حاجات كتير جدا في الجنة مباحات. ممكن تاكل من اي شجرة من شجر الجنة. الا الشجرة دي قلنا ان وظيفة الشيطان رغم ان حاجات كتير جدا حلال وما فيش غير شجرة واحدة بس هي اللي حرام وزيفته ان ييجي الحاجة الواحدة الحرام دي ويقول لك ايه يزينها. دي حلوة ازاي بيعمل التزيين ده يعني ربنا سبحانه وتعالى قال لسيدنا ادم ما تاكلش من الشجرة قال له لأ تقربا هذه الشجرة فتكون من الظالمين. ان مجرد القرب من الشهوة هنا انت عملت ايه وظلمت نفسك يعني تتعامل مع الشهوات ازاي تتعامل مع الشهوات ازاي ان انت تبعد ما تقربش لان انت لما بتقرب انت بتضعف انت ضعيف. فربنا لما نهى سيدنا ادم عليه السلام من الاكل ان الشجرة ما قالوش ما تاكلش. قال له ايه ما تقربش فتكون من الظالمين الكلام بقى اللي هنقوله النهاردة ان من اول خطوات الشيطان ان هو يخليك تعمل ايه تقرب طب بيخليك تقرب ازاي خد بالك في نقطة خطيرة الوسوسة جت في سورة طه وفي سورة الاعراف في سورة طه الكلام مختلف تماما اسمع الايات احنا قلنا الكلام ده في المرة اللي فاتت لكن هنقف هنا وقفة مهمة بازن الله في سورة طه قال تعالى ولقد عهدنا الى ادم من قبل فنسي ولم نجد له عزما واذ قلنا للملائكة اسجدوا لادم فسجدوا الا ابليس ادم. فقلنا يا ادم ان هذا عدو لك ولزوجك يعني ربنا سبحانه وتعالى عرف سيدنا ادم ده الشيطان ده ايه عدو عدو لك ان هذا عدو لك ولزوجك فلا يخرجنكما من الجنة فتشقى. قال له ان ده عدو؟ قال له هدفه ايه ان هو يطلعك من الجنة ان لك الا تجوع فيها ولا تعرى وانك لا تظمأ فيها ولا تضحى فوسوس اليه الشيطان قال سورة الاعراف قال فوسوس لهما الشيطان ليبدي لهما ما ووري عنهما من سوءاتهما وقال يبقى في سورة طه بيقول لك الوسوسة كانت ايه في سورة الاعراف دي مرحلة بعد ايه بعد سورة طه يعني الوسوسة الكلام اللي هو بالمناسبة كان في اه حد من البنات باعتة بتقول لنا المفروض ان في خلاف في طريقة الوسوسة وازاي الشيطان وسوس لان ادم الخلاف ده ما فيش منه فائدة يعني احنا ده من الغيب فمش عايزين ان احنا ننشغل بالحاجات اللي هي ايه؟ لان الاسرائيليات في الابواب دي كتير فمش هتنشغل بالحاجة انشغل بالمهم. هو الشيطان عنده قدرة على الوسوسة. ازاي الوسوسة دي الله اعلم ده من الغيب. لكن هو ايه بيوسوس الوسوسة نوع كلام خفي اه وفيها نوع من ايه من التكرار يعني ما بيجيش يوسوس لك مرة فانت تقول له لأ يقول لك مسلا ايه اعمل الحرام ده تقول له لا لا لا اقول لك طيب ماشي براحتك ويقوم ماشي الحالة ما بيعملش كده الشيطان بيجي لك اه بيدرسك بيقعد بيطيف بالانسان يطوف حوالين الانسان بيشم الانسان يشوف انت ايه انت بتاع ايه؟ ويدرسك ويدخل لك من المدخل ده ما نفعش معك يجي لك من مدخل تاني فهنا فوسوس اليه الشيطان قال يبقى الكلام اللي بعد ده هو ايه ده الوسوسة قال يا ادم هل ادلك على شجرة الخلد وملك لا يبلى هنا في نقطة مهمة لحد دلوقتي سيدنا ادم ما يعرفش ان الشجر اللي الشيطان بيتكلم عنها هي ايه هي الشجرة المنهي عنها. الله يفتح عليك يعني انت بتبقى انت لو قرأت الايتين ممكن ما تاخدش بالك من الحتة دي هو اول مرة ما جالوش مباشرة قال له دي الشجرة الحرام اصلا ما عرفوش الشجرة قال له في شجرة موجودة في الجنة اسمها شجرة الخلد احب اقول لك عليها احنا قلنا المرة اللي فاتت ان الشيطان هو اللي حط مصطلح ايه الخلد يعني ربنا قال في سورة الاعراف ايه لا تقربها هذه الشجرة ما لهاش اسم. يعني ما فيش فيها ميزة اللي حط لها الاسم بتاع الخلد ده مين الشيطان وقلنا ان ده من طرق التزيين ان هو يغير الاسم ما هو مش هينفع يجي لك مرة واحدة كده يقول لك دي دي الشجرة الحرام. دي الشجرة اللي انت لو اكلت منها ربنا يغضب عليك. لا مش ما بيعملش كده. هو بيزين اسم المعصية. بيغير الاسم عشان النفس تتقبل ده فيجي للزنا يقول لك لا يا عم ده مش زنا ده دين ده حب صحوبية ده ده مش تبرج ولا عري ولا لا لا ده ايه ده ده موضة وتفتح وتقدم وفاشونستا وحجابي ومش عارف كده. ويلف لك فبيغير المسميات وقلنا ده المرة اللي فاتت المرة دي هو الشيطان ايه اصلا ما قالش لسيدنا ادم ان هي هي الشجرة الشيطان بيعمل ايه يا جماعة؟ بيرمي لك حتة يعني شيطان بيرمي لك الحبل كده وانت تعمل ايه وانت تشد هو جه لسيدنا ادم وعايز يستهدف شهوة عند بني ادم عند الانسان ويخلي الانسان ايه يقعد يفكر ويمني نفسه يعني هو بيعمل ايه مسلا مع الشاب طب مسلا عمره ما دخل على مواقع اباحية ولا شاف الحاجات دي خالص ولا يسمع عنها مؤدب. فييجي ايه يقول له يا عم طب ما ادخل بس كده ايه خد فكرة انا ما بقولكش اعمل حرام. انت بس ايه ادخل اتفرج عيب عيب ان الناس كلها تبقى عارفة وعارفين المواقع وبيدخلوا وانت ايه وانت مش عارف انا ما بقولكش ان انت تتفرج خد بس ايه فكرة كده من برة فهو ايه؟ يقول له لا لا لا يا عم انا مش بتاع الكلام ده ده حرام فيقوم شوية جاي له ايه؟ بعد شوية يلف له من لفة تانية يا عم احنا دلوقتي انت لازم ده دي سقافة والناس كلها بتتكلم في الحاجات دي وانت لازم يبقى عندك خلفية زي اللي كان بيقول لي هو يقول له ايه انت دلوقتي ما بتكلمش بنات صح؟ يقول له اه صح. يقول له طيب انت دلوقتي هتتجوز واللي هتتجوزها دي ايه دي بنت هتتعامل معها ازاي وانت ما عندكش خبرة؟ ما تتكلمش بنات فيقول له ايه ده تبدأ فعلا طب اعمل ايه؟ قل له ما انت لازم بقى تكلم بنات وتصاحب علشان يبقى عندك ايه؟ خبرة. تاخد خبرة. ما هو هيضحكوا عليك فهي لو بيجي له ايه ده كلام شيطان يا جماعة ما حدش ياخد الكلام ده واقتنع به احنا مش بنقول كده عشان تقتنع بده هو ده ده ايه ده من طوق من الاغواء ان هو بيغير الاسم يلفها لك. ما بيجيش وش في وشه. ما يقول لكش يلا يلا نعمل معصية. يلا نعمل في الزنا. لأ. هو بيرمي لك ايه يجي الشاب يدخل على مسل موقع من مواقع الاباحية هو بس ايه دخل سمع كلام الشيطان في الحتة الاولانية بعد لما دخل فجأة تظهر كل الشهوات اللي كانت ايه استخبي فوسوس لهما الشيطان ليه؟ ليبدي لهما ما ووري عنهما من سوءته هنا يتفاجئ ايه ده وانا كان جوايا كل الفجور ده مستخبي ما كنتش متوقع ان انا جوايا كل الامكانيات دي تفاجأ بده. الشيطان هدفه ان هو يعمل ايه؟ ان هو يخرج الحتة دي بيخرجها ازاي بالوسوسة؟ بالتزيين فوسوس اليه الشيطان قال يا ادم هل ادلك على شجرة الخلد وملك العبلة؟ لو مش عايز خلاص بس انا ايه كنت عايز ادلك على الشجرة. سيدنا ادم لحد دلوقتي ما يعرفش ان دي ايه الشجر الحرام فبدأ يمني نفسه بفكرة ايه؟ ان في شجرة في الجنة اسمها ايه شجرة الخلد واي انسان جواه الشهوة دي مش عايز اموت عايز اكون مخلد شجرة الخلد وملك لا يبلى فصادف عند ادم عليه السلام في زيف الاعراف قال ما نهاكما ربكما عن هذه الشجرة الا ان تكونا ملكين او تكونا من الخالدين اذا تكون خالد او تكون ملك فسيدنا ادم هو شايف الملايكة وشايف قرب الملائكة من ربنا سبحانه وتعالى وصفات الملائكة فحب ان هو ايه؟ ايه ده اه. طب ما انا اكون ايه الخلد والملك فصادف شهوات عند ايه عند الانسان فوسوس اليه الشيطان قال يا ادم هل ادلك على شجرة الخلد وملك لا يبلى؟ يجي للشاب مسلا ماشي في الجامعة يبقى ماشي كده عارف امان ربنا يقول لي ده الحق البنت دي معجبة بك بص عليك فهي تبص كده يقول لي انا يا راجل ما اكيد لأ. يقول لي يا عم قاعدة تبص لك. انت لما بصيت لها راحت بص الناحية التانية انت اصلك النهاردة مسرح ولابس كده ايه شكلك حلو يبص كده هو رمى له ايه رمى له الفكرة ومشي سابه فصاحبنا ينزل تاني يوم ايه نازل بقى ايه نازل مركز مركز هي فيفضل قاعد ايه يسأم وهو نازل بقى قعد يسرح ويزبط اموره ونازل هو الشيطان عمل ايه بس رمى له فكرة وهو هو كمل بقى ويقعد يقول له يا عم ده معجبة بك ده انت مش عارف ايه يا راجل ازاي بس ما تقولش الكلام ده قل له اسمع بس ده هي بصت لك فيجي تاني يوم قاعد ايه مركز معها مركز معه فهو هي البنت ايه؟ الشيطان برضو ما بيروح لها يقول لها الواد ده بيبص لك كده ليه قال لها ايه الحكاية دي؟ قاعد مركز معك هو في ايه انت فين طيب تقوم هي باصة له فيقول شفت مش قلت لك اهي اهي ببص لك اهي فهيدخل من ايه هو هنا شغله يعني هو جه حط له حتة كده وهو كمل عليها فجأة تلاقيه مكمل نكمل بقى في المشوار بقى خلاص بقى متعلق بها معجب بيحاول ان هو يكلمها خد ايه التدرج وده اللي ان شاء الله بازن الله هيبقى لنا وقفة معه. مسألة التدرج ان هو ازاي ايه بينزل فدلاهما بغرور ان هو التدلية دي جاية منين زي ما قلنا الدلو عارف البئر انت بتحط فيه ايه الدلو كده مربوط بحبل فانت ما بتنزلوش مرة واحدة خايف وممكن يقابل حاجة تتقطع يحصل فبتنزله ايه واحدة واحدة تعال بس معي. واحدة واحدة فبياخدك ايه تدلاهما يعني ايه؟ قال تعالى واذ قلنا للملائكة اسجدوا لادم فسجدوا الا ابليس ابى واستكبر. وكان من الكافرين في سورة البقرة قال فاذلهما الشيطان ايه عنها فاذلهما يعني ايه يعني فضل يوسوس له لحد لما وقعه في الزلل فازلهما الشيطان عنها فاخرجهما مما كان فيه. يبقى هدف الشيطان ان هو يعمل ايه؟ ان هو يخرجك من اللي انت فيه يخرجك من جنة الطاعة زي ما خرج سيدنا ادم عليه السلام من الجنة حقيقة الى الارض فهو هدفه ان هو يخرجك من جنة طاعة ربنا في الدنيا الى جحيم المعصية الى ظلمة المعصية. من نور الطاعة ظلمة المعصية وزي ما هنتكلم بازن الله في الاخر ان هو ما بيكتفيش عند ده. يعني حتى لو انت سمعت كلامه وعصيت ما بيسيبكش بقى ويخليك تستمتع لأ ده ده بينغص عليك حتى وانت ايه وانت بتطيع قال فقلنا نرجع تاني ان وسوسة الشيطان في طه دي ايه؟ الخطوة الاولانية. اللي هو بيعمل له ايه بيرمي له حتة كده ويسيبه فبدأ سيدنا ادم ايه فكر في الامر هو كل ده ما يعرفش ان الشيطان بيتكلم عن ايه على الشجر. في سورة الاعراف عرفه بقى شف الايات. قال تعالى ويا ادم اسكن انت وزوجك الجنة. فكلا من حيث شئتم. ولا تقربا هذه الشجرة فتكون من الظالمين فوسوس لهما الشيطان ليبدي لهما ما ووري عنهما من سوءته يبقى الشيطان قال لك اللام دي لام ايه لام تعليل يعني الشيطان كان بيوسوس علشان يخرج السوقات بتاعتهم عشان هو عارف ان لو هم عصوا ربنا سبحانه وتعالى السواقات بتاعتهم تزهر ولا دي اسمها لام العاقبة؟ اللي هو زي مسلا ايه؟ فالتقطه ال فرعون ليكون لهم عدوا وحزنا هم لما التقطوه كانت مرات فرعون بتقول ايه قرة عين لي ولك لا تقتله عسى ان ينفعنا ونتخذه ولدا فكانت اللام دي هنا لام العاقبة فالتقطه ال فرعون ليكون لتكون عاقبة التقاط ال فرعون لموسى عليه السلام اه اه ليكون لهم عدوا وحزبا هم ما يعرفوش. ماشي؟ عد الحتة دي ما لكش دعوة بها. مش مهم المهم ان الشيطان هدفه ان هو يظهر السوءات اللي جوة الانسان اما ان الشيطان هدفه ان هو يخرج السوءات اللي هي المعنوية اللي هو انت جواك شهور ونفس وما سواها فالهمها فجورها وتقواه. فالشيطان هدفه ان الفجور اللي جوة الانسان ده يطلع او هدفه ان حقيقة الانسان ايه يقلع يعني من اهداف الشيطان التعري قال قال تعالى يا بني ادم لا يفتننكم الشيطان كما اخرج ابويكم من الجنة ينزع عنهما لباسهما. ليريهما سوءاتهم يعني من احداث الشيطان نزع ايه نزع الستر نزع اللباس ان الانسان ايه يتخفف من الهدوم. ان البنت كل شوية ايه تتخفف الشيطان الراعي الرسمي بتاع التبرج بتاع العري قال صلى الله عليه وسلم المرأة عورة فاذا خرجت استشرفها الشيطان هي عايزة تشربها الشيطان وهي خارجة كده الشيطان ايه يخليها في نفسها كده ايه تعظم نفسها وجمالها يقول لها ايه ده ده ما فيش واحد هيشوفك الا وايه هينبهر بيكي هيفتن بيكي استشرفها الشيطان ومش بس كده هو ده عمل الشيطان مع المرأة فهو بيساعدها ان هي كل شوية ايه اه تتبرج زيادة. يبقى في عري زيادة. ما بيعملش كده مع المرأة بس. وهي ماشية في الشارع يعمل ايه مع اللي بيبص لها يزينها في عينه شف يعني هو بيشتغل ايه في الناحيتين. هي يشتغل معها الشغل ان هي تنزل. متبرجة علشان ويخليها تستشعر بلذة كل لما حد يبص لها نظرة اعجاب او ان هو يعني شايفها جميلة هي تحس ايه وبنوع من النشوة كده ويقوم جاي للي بيبص لها ايه ده ايه ده ايه ده! الحق ايه اللي ماشية دي هناك دي ولا ولا ولا اياك يا حبيبي فيقول له ايه؟ وهي تبقى واحدة عادية جدا عادية جدا. الشيطان بيعمل ايه؟ يجملها في عينيه حقيقة يا جماعة ده فعلا واقع. الشيطان بيزينها في عينه فهو بيشوفها بتزيين الشيطان من اهداف الشيطان نزع الستر نزع اللباس لا يفتننكم الشيطان كما اخرج ابويكم من الجنة ينزع عنهما لباسهما ليريهما سوءاتهما ماشي؟ قال نرجع تاني الايات. فوسوس لهما الشيطان ليبدي لهما ما ووري عنهما من سوءاتهما وقال وقلبي يبقى ده كلام جاي بعد ايه ركزوا احنا في سورة طه قال ايه فوسوس اليه الشيطان قال ما قالش واه في طه قال ايه؟ على طول قال يا ادم يبقى وسوس بعدها قال ما فيش واو يبقى ده ايه؟ هي دي الوسوسة في الاعراف لأ ده كان في كلام بعد الوسوسة. الكلام ده كان ايه قوي شوية مصادم شوية هنا الشيطان بدأ يدخل المرحلة التانية. وشه في وش فوسوس لهما الشيطان ليبدي لهما ما ووري عنهما من سوءاتهما وقال ما نهاكما ربكما عن هذه الشجرة هذه ده اسم اشارة لايه قريب الله طب هو ايه اللي جاب سيدنا ادم جنب الشجرة مش ربنا قال له ايه ولا تقربا هذه قال له ابعد عن الشجرة فالخطوة الاولانية اللي هي الوسوسة بتاعة سورة طه وصلت سيدنا ادم فين عند الشجرة لما وصل عند الشجرة وبقى قريب منها دي مرحلة الضعف انه وانت بعيد عن الفتنة انت لسة ايه في امان كل لما بتقرب بتضعف ساعتها لما انت تتبع الخطوات بتاعة الشيطان قال تعالى يا ايها الذين امنوا لا تتبعوا خطوات الشيطان ومن يتبع خطوات الشيطان فانه يأمر للفحشاء والمنكر. ايه ده هو الشيطان ازاي ان هو يأمرني بامر مباشر كده وانا انفزه لأ وهو انت لما فضلت ماشي واحدة واحدة مع الخطوات وقربت وخدك كده من ايدك ووصلك لحد الفتنة لحد الشهوة وامرك انت ما قدرتش ايه ما قدرتش تقاوم. لان كان في مقدمات كتير قبلها ايه انت مشيت فيها فهنا فوسوس لما وقال ما نهاكما ربكما عن هذه الشجرة يبقى هنا خطورة ان الانسان يقرب خطورة الانسان يقرب. دور الشيطان ايه ان هو لو انت بعيد ياخدك الحتة دي الانسان هنا ما بيبقاش ايه مركز مش واخد باله. طب ما اشوف بس بيعملوا ايه اخد فكرة وفي الحديث ان النبي عليه الصلاة والسلام قال ضرب الله مثلا طراطا مستقيما على جنبتي الصراط سوران على السوران ايه ابواب مفتحة على الابواب سطور مرخاة ركز في الوصف ده انت ماشي في طريق مستقيم عليه ايه سور هنا وسور هنا السور ده عليه ايه ابواب الابواب دي ايه مفتحة مش مقفولة. طب ليه مش مقفولة ما هي لو كانت الابواب دي الابواب دي اللي هي ايه؟ الشهوات الفتن الذنوب. لو كانت مقفولة فين الاختبار بقى ما فيش اختبار ما هي اصلا انا مش عارف افتحها انا عايز ادخل عند الزنوب وايه ومش عارف مقفولة هي مفتوحة وفي نفس الوقت عليها ايه قال ايه يا ستائر طب انا دلوقتي لو انا عايز اعدي من ورا لاعد عند الايه البنات ورا اعمل ايه هدخل في ستارة كده وش وش؟ لازم اعمل ايه لازم تفتح الستارة يعني ربنا سبحانه وتعالى ما سابلكش الابواب مفتوحة من غير ستارة وفي نفس الوقت ما عملهاش ايه؟ مقفولة ما تعرفش ايه تفتح بس عشان تدخل لازم تعمل ايه لازم تشد الستارة لازم تقرب وتقوم ايه شادد. وزيفة الشيطان ايه ان هو هو بيزين لك الستارة دي يقول لك انت مش عارف ايه اللي ورا. بس ادخل بس خد فكرة ايه الستارة وراها ايه ان الفاحشة الزنا والاختلاط ويجي يقول لك تقول للشاب يا عم ما تروحش الخروجة دي. ما تقعدش القعدة دي. ما تدخلش على الموقع ده. انت عارف ان انت لما بتنزل ما بتعرفش تغض بصرك. وبعدين بترجع انت عارف السلسلة من الذنوب اللي بتحصل انت فاهمها فيقول بس هروح وايه وانا عارف انا هغض بصري انا همسك نفسي انت عارفة ان انت لما هتمشي في وسط الصحبة سيئة ودي هتتريق على حجابك ودي هتتريق على النقاب بتاعتك بتاعك ودي هتقول لك انت مش عارف انت هتضعفي بس اصل هم اصحابي اصل مش عارف هو الشيطان ايه عايزك تفضل في الحتة دي. اللي هي اللي بيعرف يزين فيها ان انت تقرب من الستار وهو يزينها لك بيجي يقعد ينادي بقى من ورا واستفزز من استطعت منهم بصوتك انت قاعد سامع ورا الستارة بتاعة الايه؟ الزنا وهو حاطط لك شعار الحب بقى والرومانسية وتعيش حياتك وانت عايز ايه عايز اشوف اتفرج يجي كده الشاب يقرب ويشد عشان يبص ايه اللي يحصل يقوم واخد الزحلية ونازل على طول طب بس ايه وكل واحد بيدخل له مدخله ايه الاخ بقى الاخ بقى اللي شغال بقى في الدعوة وتجي له بقى ايه المسجات بقى يقول له بقى ايه ينفع كده يا شيخ تسيبها اكتبها كده شيخي لازم ترد عليها ولازم تنصحها. طب ايه طب تعالي يا اختي على الخاص علشان ايه اشرح لك المسألة دي اصل هي مسألة ايه عميقة شوية فمحتاجة تفصيل فيقوم ايه ما هو بيدخل لكل واحد ايه من مدخله يعني اللي ماشي من زي ما قلنا في الدرس اللي فات لاتينهم بين ايديهم ومن خلفهم وعن ايمانهم يجي لك من ناحية ايه؟ من ناحية الطاعة وعن شمائلهم من ناحية المعصية شوف انت بتاع ايه تعال يقوم واخدك من ايه من الناحيتك من السكة دي فيقول لك ايه ويحك اول لما ييجي يقرب كده وعايز يشد الستارة يقول لك ايه؟ ويحك لا تفتحه. ايه يا عم في ايه انك ان تفتح تلجه. لا لا لا ما تقلقش انا عارف بس يا عم هتفتح هتقع هتفتح هتقع ما تقربش انت لما قربت وشديت الستارة ما قدرتش تقاوم وقعت انك ان تفتحه قال توسوس لهما الشيطان ليبدي لهما ما ووري عنهما من سوءاتهما وقال ما نهاكما ربكما عن هذه الشجرة الا ان تكونا ملكين او تكونا من خالدين شوف الفرق بين الكلام ده والكلام اللي في سورة طه هنا قال له ان دي الشجرة هذه الشجرة يعني عرف سيدنا ادم ان هي هي الشجرة اللي ايه اللي منهي عنه ما نهاكما ربكما عن هذه الشجرة الا ان تكونا ملكين او تكونا من الخالدين. على فكرة بقى ربنا لما حرم عليك الاكل من الشجرة ربنا لا يريد بك الخير ربنا لا يريد ان انت تكون ملك او تكون مع الخالدين فهنا هو بيجرأ سيدنا ادم على المعصية بان هو يخليه يسيء الظن في امر ربنا نقطة خطيرة هو بيعمل معك كده. يقول لك ايه يا عم انت آآ اصلا التدين ده خنقة وانت تخنق نفسك ويا عم الناس دول دراويش. يا عم الناس دي مش فاهمة اجد عايشين حياتهم غلط ده انت بس عيش حياتك ولف كده والناس ايه فيقعد يكرهك في التدين يكرهك في الدين ويحسسك ان شرع ربنا ايه؟ قيود. وهي كل حاجة حرام. والناس دي حرمت علينا في عمل ايه تبقى انت ايه خايف مش عايز اروح ما نهاكما ربكما شيل بقى الشجرة دي وحط اي معصية هو بقى شايف ان شرع ربنا نازل علشان ايه عشان يؤيده مع ان احنا قلنا في المرة اللي فاتت ان ربنا بيحرم ايه الخبيث وبيحل الطيبات يعني لما بيحرم حاجة سبحانه وتعالى الحاجة دي خبيثة تضيعك تضرك الله سبحانه وتعالى يعلم فييجي الشيطان يخلي لك الحاجة الخبيثة دي ايه؟ حلوة. مش بس كده يقول لك ربنا حرمها عليك لان هو ما بيحبلكش الخير طب ازاي ما نهاكما ربكما ازاي يبقى ربكما وتقول معها دي يعني ازاي يبقى رب؟ الرب اللي بيرزق وبيخلق ويربي وازاي بعد ما سيدنا ادم ربنا خلقه واكرمه وعلمه الاسماء واسجد له ازاي الشيطان يخليه يسيء الظن في ربنا هي دي اللعبة بيجيبك من دي ان انت تسيء الظن في في اوامر ربنا سبحانه وتعالى. قال الا ان تكون ملكين او تكونا من الخالدين وقاسمهما اقسم بالله انا بحبك وخايف عليك تفسيره بعض المفسرين قالوا ان هو بيقول لهم ايه ان انا هنا اقدم منكم انا مخلوق قبلك فانا عارف ايه زي يقول لي انا عارف الدنيا ماشية ازاي وقاسمهما اني لك ما لمن الناصحين والله انا بنصحك هنا انت خد بالك الشيطان بيجي لك كده يا عم ويجيب لك الدليل ويقول لك على فكرة ده في حديس بيقول كزا والاية فانت تقول القدس فعلا جزاك الله خيرا هيجي لك وقاسمهما اني لك ما لمن الناصحين. انا بنصحك وخايف عليك الشيطان يا جماعة كذاب يعني ما فيش كلمة الشيطان قالها لسيدنا ادم الا وهي ايه؟ كزب عد كده لما في سورة طه قال يا ادم هل ادلك على شجرة الخلد؟ هي دي شجرة الخلد؟ لا كذاب. وملك لا يبلى. دي شجرة الملك كذاب لما قال له ما نهاكما وربكما عن هذه الشجرة الا ان تكونا ملكين كذاب. او تكونا من القديم كذاب وقاسمهما وهو بيقسم ايه كزاب برضه يعني كل الكلام اللي الشيطان ركز. كل الكلام اللي الشيطان قاله لسيدنا ادم في في القرآن كلام ايه كزب كزب ومع زلك بنصدقه وقاسم اهو بيحلف بالله لدرجة ان المفسرين قالوا ان سيدنا ادم استعظم ان حد يقسم بربنا كزب مش متخيل يعني عارف لما تبقى انسان بريء في حد ممكن يحلف بربنا كزب وقاسمهما اني لكما لمن الناصحين قال صلى الله عليه وسلم قال ابو هريرة الحديث البخاري قال سيدنا ابو هريرة بيحكي قصة آآ قال آآ امرني رسول الله صلى الله عليه وسلم ان احفظوا زكاة الفطر قال له انت تقف ايه؟ حارس على زكاة الفطر زكاة رمضان قال فجاء فجاء ات يحثوا من الطعام هو سيدنا ابو هريرة قاعد بيحرس ايه الاكل فلقى واحدة مرة واحدة واحد راح ايه بيعمل ايه بيسرق يحثو من الطعام قال فاخذته مسكه. بتعمل ايه يا عم انت قالها ان بحاجة سيدنا هريرة قال له والله لارفعنك الى رسول الله صلى الله عليه وسلم. قال دعني فان بحاجة وعلي عيال فقال ابو هريرة فرحمته تخليت ايه؟ فخليت سبيلي فلما اصبحت ذهبت الى النبي صلى الله عليه وسلم فقال يا ابا هريرة ما فعل اسيرك البارحة اخبار الاسير بتاعك ايه؟ سيدنا هريرة ما قالوش طب عرفت منين قال ما فعل اسيرك البارحة؟ قال يا رسول الله زعم ان به حاجة شديدة وعليه عيال. فرحمته فخليت سبيلي فقال اما انه قد كذبك وسيعود قال له ضحك عليك وايه هيرجع تاني. سيدنا ابراهيم سمع الكلمة النبي عليه الصلاة والسلام قال له ان هو ايه هيرجع فقعد ايه وقال فرصدته ما هو النبي عليه الصلاة والسلام قال ان هو يرجع فانا ايه يبقى هييجي. فقعدت مستني. قال فجاء يحثو من الطعام فاخذته وقلت والله لارفعنك الى رسول الله فقال دعني فان بحاجة شديدة وعلي عيال قال فرحمته فخليت سبيلي فلما اصبحت ذهبت الى رسول الله صلى الله عليه وسلم فقال يا ابا هريرة ما فعل اسيبك البارحة فقلت يا رسول الله شكى حاجة شديدة وعيال فرحمته فخليت سبيلا. قال اما انه قد كذبك وسيعود قال فرصدته الثالثة فجاء يحثو من الطعام فاخذته فقلت والله لارفعنك الى رسول الله. وهذه ثالث ثلاث مرات تزعم انك لا تعود ثم تعود. قال له والله ما انا سايبك ده تالت مرة تقول لي قال دعني اعلمك كلمات ينفعك الله بهم قال له بص هعلمك حاجة اه وكان الصحابة عندهم حرص على الخير اه قال له اعلمك حاجة حلوة. ربنا ينفعك بها قال ابو هريرة وما هي قال اذا اويت الى فراشك فاقرأ الله لا اله الا هو الحي القيوم لا تأخذه سنة ولا نوم الى اخر الاية فانه لن يزال او لا يزال عليك من الله حافظ ولا يقربك شيطان حتى تصبح فإياه فسب حاجة حلوة؟ قال له لما تيجي تنام بالليل اقرأ ايه اية الكرسي فلما اصبح قال ذهبت الى النبي صلى الله عليه وسلم فقال يا يا ابا هريرة ما فعل اسيرك البارحة قلت يا رسول الله زعم انه يعلمني كلمات ينفعني الله بهن فقال وما هي قال قال لي اذا اويت الى فراشك فقل الله لا اله الا هو الحي القيوم الى اخر الاية فانه لن يزال عليك من الله حافظ ولا يقربك شيطان حتى حتى تصبح. قال ايه؟ ما فيش شيطان هيقرب لك. وربنا يحفظك قال اما انه قد صدقك وهو كذوب تعلم يا ابا هريرة من تخاطب منذ ثلاث قلت لا. قال ذاك شيطان ذاك شيطان الشاهد ايه اما انه قد صدقك وهو ايه كذوب كذوب الشيطان كذاب كل الاماني والوعود اللي الشيطان بيقولها لك دي ايه؟ كزب هو بيعيشك في الايه بالوهم بيضحك عليك فلما يقول لك ان طريق التدين ده خنقة وان انت لما تقرب من ربنا وان انت لما آآ تلبسي حجابك ما حدش هيتجوزك وان انت لما تعملي مش عارف ايه هو ايه؟ كذاب كذاب بيضحك عليك وحتى لما الانسان بيطيعه ما بيسيبوش يعني مش هو انت ايه بتسمع كلامه فبعدين ايه آآ تبقى انت مبسوط وسعيد لأ ده انت لما بتتبع الشيطان وتخالف امر ربنا سبحانه وتعالى هو من اهداف الشيطان ان انت تعيش في ايه في هم وفي غم يا جماعة الشيطان شيطان لما الانسان لما ربنا سبحانه وتعالى بيتنزل برحمات على اهل عرفة الشيطان كما قال النبي صلى الله عليه وسلم ما رؤي الشيطان ازل ولا ادحر من يوم عرفة ليه لما يرى من رحمات الله على عباده. ان يوم عرفة ربنا بيعتق المسلمين شغله بيضيع. انا قاعد شغال معهم. وبعدين فجأة ده خلاص فلك مني فالشيطان اليوم ده بيبقى اخز يوم له وازل يوم ليه الشيطان لو لو شافك بتسجد وانت بتقرأ مسلا في القرآن وجيت عند ايه؟ سجدة تلاوة يعني قاعد بتقرأ قرآن وبايه وهتسجد قال صلى الله عليه وسلم اذا قرأ ابن ادم السجدة فسجد اعتزل الشيطان يبكي. انا بس تخيل المشهد ده. انت عارف تقرأ قرآن والشيطان قاعد يوسوس لك بيصدك عن ايه؟ الفهم القرآني ولذلك الانسان امر ان هو يستعيذ بالله من الشيطان الرجيم قبل القراءة فانت قعدت تقرأ وجيت عند سجدة سجدت الشيطان بيعمل ايه بيروح يعيط اعتزل الشيطان تخيل المشهد ده يقول يا ويلي امر ابن ادم بالسجود فسجد فله الجنة. وامرت بالسجود فابيت فلي النار الشيطان بيكره للانسان الخير مش بس ان هو هدفه ان انت تخلد في النار. لا لا لأ. ده هدفه ان انت تعيش حياة كئيبة. تعيس فحتى بعد لما يوقعك في المعصية ما يسيبكش. حديث حديس جميل ولعل ان شاء الله نبقى ايه لنا وقفة مع الحديس ده لان هو بصراحة فيه فوايد كتير. ونختم به ان شاء الله. آآ آآ سيدنا الحديس في مسلم سيدنا المقداد ابن الاسود بيحرك قصة ظريفة يعني بيحكي بيقول ان انا اا اا اقبلت انا وصاحبان لي بيقول حتى اه اه ذهبت اسماعنا وابصارنا من الجهد. يعني بيقول من شدة الجوع كأن ايه مش شايف ما قلت شايف ولا سامع حاجة من كتر الرجوع قل فارضت فعرضنا انفسنا على اصحاب النبي فما فيش حد ايه الصحابة كلهم فقراء فما فيش حد اكلهم فراحوا للنبي عليه الصلاة والسلام عرضوا نفسهم على النبي. فالنبي عليه الصلاة والسلام خدهم ايه يأكلهم فدخل النبي عليه الصلاة والسلام ومعاه سيدنا المقداد واتنين الصحابة فدخلوا ايه البيت بتاع النبي عليه الصلاة والسلام فلقوا تلات اعنز تلات معيز فقال صلى الله عليه وسلم احتلبوا هذه الاعنز بيننا فكانوا بيحلبوا وكل ايه واحد بياخد ايه كوباية كوباية لبن نبي واحدة وسيدنا المختار وواحدة والاتنين صحابة ايه؟ كل واحد وحده فالنبي عليه الصلاة والسلام يدخل كان برة بقى في زيارة الانصار ويدور على الناس والصحابة وكده وبعدين يرجع فيسلم سلام يسمع اليقظان ولا يوقظ النائم وبعدين يروح يصلي ما شاء الله ان يصلي ويشرب الايه؟ يرفع الاناء ويشرب الشراب بتاعه فقال سيدنا المقداد ده بيحكي بيقول في ليلة بعد لما النبي عليه الصلاة والسلام بعد لما حلبنا الاعنز وشربت الشراب بتاعي وسبنا الشراب بتاع النبي والاتنين الصحابة شربوا وناموا فبعد ما شربت كوباية اللبن بتاعتي قال فجاءني الشيطان اشوفك وده من فقه الصحابي ان هو ايه مركز ان ده ايه ده شيطان ان انا فاهم ان الشيطان ايوا وهو بيوصف لي دلوقتي انا كده عارف ان دي وسوسة شيطان فجاءني الشيطان قال محمد صلى الله عليه وسلم. طبعا الشيطان ايه؟ لا بيصلي ولا بيسلم يعني. محمد صلى الله عليه وسلم عند الانصار يتحفونه يعني قال له ايه النبي عندي الانصار هياكلوه ويشربوه وانت ايه انت جعان وهو اصلا يعني لا حاجة له في هذه الشربة الكوباية دي يعني ايه مش هتفرق معه في حاجة. قم اشربها. سيدنا يا عم اشرب ايه ده كوباية النبي عليه الصلاة والسلام اشربها وبعدين يرجع ما يلاقيهاش يبقى مشكلة. يا عم هو مش محتاجها هو يشرب برة. وفضل ايه يجيله كده سيدنا المختار جعان مش قادر عايز يشرب فبدأ ايه يقتنع بالفكرة فقام فرفع الاناء قال فشربت الشراب شرب اللبن قال فما ان وغرت في تني وعلمت ان لا سبيل اليها جاءني الشيطان. اول لما شربتها ونزلت بطني جاءني الشيطان يندمني قال ويحك ما صنعت ايه اللي انت عملته ده؟ الله ده انت لسه قايل لي ما هو لسه جاي له دلوقتي قال له اشرب بس وما لكش دعوة وهو مش محتاجها. لما رحت عملت المعصية ويحك ما صنعت ايه اللي انت عملته ده شربت شراب رسول الله الان يجيء فلا يجد شرابه فيدعو عليك فتهلك فتذهب دنياك واخرتك. قال له هيرجع مش هيدعي عليك ضعت انت خلاص قال قال اما صاحباي فناما ولم يصنعا ما صنعت هو بقى قال اما انا فعلي شملة اذا غطيت بها رأسي بدت رجلي. واذا غطيت رجلي بدت رأسي. قاعد بقى مش عارف ينام واصحى ناموا وما عملوش اللي هو عمله. فقاعد بقى مستخبي. فاول لما النبي عليه الصلاة والسلام دخل راح ايه راح مغطي راسه وبص كده من تحت ايه من تحت الغطاء قال فدخل فسلم سلاما يسمع آآ اليقظان ولا يوقظ النائم فجه بقى عند الايه اللبن قال فرفع الاناء فرفع يديه الى السماء فقلت الان يدعو علي خلاص ضعت فقال صلى الله عليه وسلم اللهم اطعم من اطعمني واسق من سقاني قال فقمت فشددت الشمل فشددتها علي واخذت الشفرة السكين وراح طالع جري على ايه على الغنم يشوف ايه اكتر واحدة ايه سمينة فيهم عشان ايه عشان يدبحها ما هو عايز يصيب دعوة النبي عليه الصلاة مش النبي عليه الصلاة والسلام قال اللهم اطعم من اطعمني واسق من سقاني. فهو قال له اقوم ادبح اي واحدة في يوم واكلها واشويها واكلها النبي عليه الصلاة والسلام قال فوجدتهن كلهن حفل يعني هم لسه لسه حالبينها دلوقتي. فراح لقى التلات التلاتة ايه؟ الدرع بتاعها مليان لبن معجزة قال فاتيت باناء باناء لال محمد لم يطمعوا ان يحتربوا فيه. لكانوا يطمعون ان يحتربوا فيه فحلبت فيه حتى علته الرغوة يعني جبت زي حلة كده ما كانوش يتخيلوا ان هم يحلبوا فيها. فحلبت لحد لما اللبن ايه جاب ملاهي حتى على طول رغوة فذهبت الى النبي عليه الصلاة والسلام فقال اشربتم شرابكم الليلة النبي عليه الصلاة والسلام بيسأل عن يعني وهو ايه لقى كوباية فاضية وما سألش قال انتم شربتم؟ فقلت يا رسول الله اشرب اشرب بس الاول وبعدين نتكلم فقلت يا رسول الله اشرب. قال فشرب فقلت اشرب فشرب فقلت اشرب فشرب فلما علمت ان النبي صلى الله عليه وسلم قد روي خلاص قال القيت على ظهري من الضحك وقعت على ضهري من كتر الضحك فقال صلى الله عليه وسلم احدى سوءاتك يا مقداة احدى سوءاتك يوم القيامة. عملت ايه بقيت شكلك عملت عملة فقلت يا رسول الله كان من امري كذا وكذا وحكى له ايه القصة فقال صلى الله عليه وسلم انها رحمة يعني امتلاء الشاي باللبن انها ايه انها رحمة. هلا اذنتني فنوقظ صاحبانا او صاحبينا فيصيبان منها كما اصبنا. فقال والذي نفسي بيده ان اصبت منها واصبت منها لا ابالي من اصاب منها من الناس. قال له انا اشتريت دهون اشتريت واشتري معي من اللي يشرب الشاهد من الحديس ايه؟ الحديس فيه فوايد كتير لكن الشاهد ان الشيطان جا له امتى ؟ قبل المعصية طب لما عصى سابه لا لا مش هيسيبك يعني لو فاكر ان انت لما تتبع الشيطان ان هو يسيبك بقى بعد كده؟ لا مش هيسيبك هو جا له قبلها يسهل له المعصية. يا عم الناس كلها بتعمل كده. ربنا غفور رحيم. يا عم هي جت عليك! ما هي الناس كلها عايشة كده وفلانة على فكرة عمل كده وما حصلوش حاجة. ويقعد ايه يسهل لك المعصية. اول لما يعمل معصية حس بالندم عايز يتوب بقى تتوب مين هي سايبة ولا ايه انت فاكر الدين ده لعبة؟ انت عايز تعمل معصية وتروح تتوب بعدها؟ انت فاكر ان ربنا هيقبلك؟ يا ابني انت منافق اصلا. انت فيقوم ايه يلف لك ييأسك فده من مداخل الشيطان قال قال تعالى وقاسمهما اني لك ما لمن الناصحين فهو ايه كذاب الشيطان كزاب اوعى تصدق وعود الشيطان اوعى تصدق والشيطان له وعود على ركز الشيطان ليه وعود على لسان بني ادم يعني الشاب اللي هو دلوقتي في سانوي وقاعد بيوعد واحدة وباحبك وهنكمل مع بعض وهتجوزك دي وعود ايه وعود شيطانية دي وعود الشيطان. ما تعش الوهم. ما تعشيش الوهم يعني ما يجيش شاب في سانوي عايش وهم ان هو ايه الشاهد يا جماعة ان الشيطان كذوب كذوب كزاب بيوعد الانسان وعود كلها فيها ايه خداع قال تعالى قال وقاسمهما اني لك ما لمن الناصحين من الناصحين فدلاهما بغرور فلما ذاق الشجرة بدت لهما سوءاتهم اول لما الانسان يتذوق المعصية بدت لهما سوءته يبقى هو هدفه ان هو عايز يعمل ايه خلاص قربنا نخلص هدفه ان هو عايز يعمل معك ايه؟ ان انت بس ايه ان انت تقرب وتدوق مجرد ما الانسان هيدوق الزنب بعد كده هيبقى الخروج منه ايه اصعب بكتير فلما ذاقا الشجرة بدت لهما سوءاتهما وطفقا يخصفان عليهما من ورق الجنة وناداهما ربهما الم انهكما عتاب بصراحة يعني رهيب الم انهكما مش انا قلت لك ما تمشيش ورا الشيطان. الم انهاكما عن تليكما الشجرة اسم الشر ايه؟ بعيد. دلوقتي بعدت عن الشجرة. ما هو بعد لما كل منها وبدت السواق ايه اللي حصل؟ جري انت ايه اللي خلاك تقرب انت فضلت ماشي وبتسمع كلام الشيطان ومشيت وقربت دلوقتي بعدت الم انهكما عن تلكما الشجرة واقل لكما ان الشيطان ان الشيطان لكم عدو مبين قال تعالى الم اعهد اليكم يا بني ادم الا تعبدوا الشيطان انه لكم عدو مبين وان اعبدوني هذا صراط مستقيم ولقد اظل منكم جبلا كثيرا انت مش عايز تعتبر بالناس كتير جدا اللي مات على ضلال ولقد اضل منكم جبلا كثيرا افلم تكونوا تعقلون كم واحد نجح الشيطان ان هو يخليه من من اصحاب السعير انما يدعو حزبه ليكونوا من اصحاب السعير. كم واحد مات على الكفر كم واحد مات وهو ما بيصليش كم واحدة ماتت وهي مش محجبة ولسه بنصدق الشيطان ولقد اضل منكم جبلا كثيرا. افلم تكونوا تعقلون. ما عندكش عقل تنظر فيه في عواقب الامور في اللحظة دي ادم عليه السلام اعترف قال ربنا ظلمنا انفسنا قال له يا رب انا غلطان انا اسف انا غلطت وان لم تغفر لنا وترحمنا لنكونن من الخاسرين رغم ركز في الحتة دي. رغم ان ادم عليه السلام تاب واعترف بالذنب الا ان هو ايه اهبط من الجنة المعصية لها ايه لها اثر لها شؤم لها عاقبة حتى لو تبت يعني قلنا قبل كده ان في فرق بين ان ربنا يقبل التوبة بتاعتك ويبدل السيئات حسنات وبين اثر الذنب. بين ان انت تدفع التمن للرجوع للمقام نفس المقام خلاص ربنا تقبل التوبة. قال تعالى فتلقى ادم من ربه كلمات فتاب عليه انه هو التواب الرحيم. رغم كده قال قال اهبطوا بعضكم لبعض ماتوا ولكم في الارض مستقر ومتاع الى حين. قال فيها تحيون وفيها تموتون ومنها تخرجون. وبعدين وصايا يا بني ادم قد انزلنا عليكم يواري سوءاتكم وريث ولباس التقوى ذلك خير ذلك من ايات الله لعلهم يتذكرون. يا بني ادم لا يفتننكم الشيطان كما اخرج ابويكم من الجنة ينزع عنهما لباسهما ليريهما سوءاتهما انه يراكم هو وقبيله من حيث لا ترونهم. انا جعلنا الشياطين اولياء للذين لا يؤمنون ده في بهزا القدر ثم نكمل بازن الله المرة القادمة آآ سريعا سريعا بس آآ طيب فيه سؤال بس بتقول والدتي ما كنتش موافقة على ارتداء النقاب وتيسرت الامور وجهزت حاجات النقاب الحمد لله وبعد الحاح عليها ان البسه والدتي وافقت ولكن في رمضان وعلمت ان انه واجب وانا مش عايز استنى لرمضان فمازا افعل طب خلاص هي يعني انت الحيتي عليها لحد ما وافقت ان انت تلبسيه في رمضان فيعني ايه اجتهدي بالصدق والدعاء والالحاح عليها تاني والاقناع وممكن ان انت لو انت تعلمي كعواقب الامور مش هتبقى وخيمة عليك. وانت هتقدري تتحملي العواقب حطيهم قدام الامر الواقع والبسي النقاب على طول يعني لو انت تعلمي من اهلك ان هم اه يعني ايه؟ يعني في واحد لقى بنته لابسة النقاب مرة واحدة حطته قدام امر واقع فايه؟ فهو برضو حطها قدام امر واقع وراح جايب المكواة ورازعها في وشها فده ايه يعني ما لناش دعوة طبعا به يعني ده يعني ده ده اجرام اللي هو عمله ده لكن لو تعلمي من من اهلك ان هم خلاص ان شاء الله موافقين وكده خلاص قولي لا قررت ان انت تلبسي فالبس خلاص ومش ما تأخريش. الانسان لا يدري والله ان هو يعيش اصلا رمضان يعني. فما دام انت خلاص تبين لك ان ان خلاص واخدة بقول ان هو واجب او واخدة بقول ان هو مستحب وعايزة تلبسيه البسيه على طول. ما تستأزنيش في طاعة ربنا سبحانه وتعالى. وما دام ده ده ما لوش علاقة بالبر يعني وبرضو بلاش الشباب او البنات يتعاملوا مع الاهل بنوع من الايه من الخناق والحدة لأ يعني نتعامل بنوع من الادب فرق بين الحزم معلش الصوت يعني الصوت ايه؟ زي ما الولاد يعني. زي ما الولاد بيعملوا كده اهو. طيب آآ سريعا بس عشان الناس اللي عايزة تمشي ايه كمية الاسئلة ديت طيب بسم الله بالنسبة للاسئلة الفقهية فانا ما بجاوبش عليها ممكن تسألوا حد من المتخصصين الاسئلة الفقهية ان البنات بعتاها ممكن تسألي حد من اهل العلم المتخصص في الفقه طيب ماشي اه بالنسبة اه السؤال بتاع علاج الرياء علاج الرياء ممكن الانسان آآ آآ انصح ان انت تقرأ او اللي بعت السؤال يعني تقرأ في تنزل كتاب الترغيب والترهيب بتاع الشيخ الالباني آآ موجود بي دي اف في المجلد الاول فيه باب الترغيب في الرياء والباب الترغيب في الاخلاص والباب اللي بعده الترهيب من الرياء. تقرأ الاحاديس اللي موجودة في الباب ماشي؟ ده رقم واحد رقم اتنين في كتاب جميل جدا انصحكم ان انتم تقرأوه اسمه تحقيق كلمة الاخلاص آآ بتاعة ابن رجب والشيخ الشيخ يعقوب معلق عليه يعني. كتاب موجود بي دي اف برضو ابن رجب ابن رجب الحنبلي والشيخ يعقوب هو اللي ايه عامل مقدمة تقريبا او معلق على الكتاب مش فاكر يعني. بس كتاب مهم جدا مش كبير يعني هو تقريبا مية صفحة حاجة زي كده. مزبوط كتيب تحقيق كلمة الاخلاص ماشي آآ وبالنسبة نصايح اه لعلاج الرياء ربنا يا رب يرزقنا الاخلاص آآ اول حاجة ان هو يتعلم يفهم يعني ايه رياء. ممكن تسمع محاضرة مسلا او حاجة على اليوتيوب حاجة زي كده تبقى انت فاهم ايه اصلا صفة الرياء وتاني حاجة ان انت تكثر من عبادة ايه السر؟ يعني لما انت تدرب نفسك على قيام الليل على العبادات اللي في السر على اخفاء الصدقات على الذكر على الصيام وان انت لا تبادر ان انت تعرف الناس العبادات اللي انت بتعملها اه ده من التدريب على آآ الاخلاص فالانسان يجتهد في الباب ده وطبعا يدعي ربنا سبحانه وتعالى ان هو يرزقه الاخلاص في في كل شيء يعني الشيخ الالباني هو موجود تلات مجلدات صحيح واتنين ضعيف طيب بقية الاسئلة في الغالب يعني دلوقتي اه اسئلة فوقية والوقت مش هيتسع يعني فممكن اللي عندها اسئلة اسئلة فقهية تسأل السؤال بتاع ما الفرق ما الفرق بين الجن والشيطان؟ وهل قد يسلم احد ابناء الشيطان؟ خلينا ايه يعني ممكن نبقى نعمل في مرة واحيلكوا على اه حاجة تقرأوها في مسألة التفصيل بقى العقدي في مسألة ايه الجن والشياطين اه يعني نصايح الجن في اللغة هي كلمة اللي هو ما يستجن يعني حاجة خفي خفي كان فيها تفصيل شوية يعني المسألة محتاجة تفصيل شوية طيب جزاكم الله خيرا سبحانك اللهم وبحمدك اشهد ان لا اله الا انت استغفرك واتوب اليك