بسم الله الرحمن الرحيم السلام عليكم ورحمة الله وبركاته. معكم محمد شاهين التاعب من قناة الدعوة الاسلامية على اليوتيوب. وباذن الله عز وجل هنتناقش في تلخيص كتاب من حضارتنا للدكتور مصطفى السباعي. في البداية في على القناة حلقتين من سلسلة حكاوي الكتب بنتكلم فيها وبنناقش كتاب من روائع حضارتنا
مع الاخ عمر امين والاخ محمد ريان. لكن في بعض الاجزاء من الكتاب انا ارى انها مهمة جدا وما لحقتش اسلط عليها الضوء في سلسلة حكاوي الكتب. عشان كده هناقش المواضيع دي في فيديو مستقل. باختصار الكتاب بيتكلم عن الحضارة الاسلامية وافضلية الحضارة الاسلامية وتفوق
الاسلامية على كل الحضارات الاخرى. ومؤلف الكتاب بيقول ان الحضارة الغربية الى افول وموت. وهنشوف بقى ما هي الحضارة التي ستستلم الراية بعد موت الحضارة الغربية. وبيقول طبعا ان الحضارة الاسلامية هي الاحق في الريادة والقيادة. لان الحضارة الاسلامية قادة العالم من قبل
وبعدين افرد مجموعة من المواضيع اللي فيها حضارتنا الاسلامية تفوقت على كل الحضارات الاخرى. فيبقى ده دليل على ان الحضارة الاسلامية تستطيع ان تقود العالم من جديد بعد موت الحضارة الغربية. في سلسلة حكاوي الكتب احنا اتكلمنا عن النزعة الانسانية والمساواة العنصرية والتسامح الديني
واخلقنا الحربي. المفروض ان الاخ عمر امين ربنا يحفظه ويبارك فيه اشار بعض الاشارات البسيطة الى هذه النقاط. لكن انا ارى ان فيها مواضيع هامة جدا تستحق ان احنا نسلط عليها بعض الضوء بالتفصيل. الرفق بالحيوان المؤسسات الخيرية المدارس والمعاهد العلمية المستشفيات
المعاهد الطبية المكتبات الخاصة والعامة المجالس والندوات العلمية والعواصم والمدن الكبرى. نبدأ اولا بموضوع الرفق بالحيوان. النقطة المهمة اللي انا عايز اشير اليها ان هذه القضية الرفق بالحيوان مع قضايا اخرى بتوضح ما يسميه العلماء بالكمال التشريعي
بمعنى ايه؟ ان الشريعة الاسلامية لا تهتم فقط بما للانسان. ولا تهتم فقط بكل التفاصيل المتعلقة بحياة الانسان وعلاجه باقات الانسان مع الناس التانيين. على مختلف اشكالهم والوانهم. وعلى مختلف دياناتهم واخلاقهم. دي قضية. لكن دين الاسلام
له نظرة شمولية كونية كبرى. فبنلاقي ان الاسلام بينظم كيف ينبغي ان يتعامل الانسان مع باقي الكائنات الاخرى اخرى اللي على كوكب الارض. من حيوان ونبات وبيئة وبر وبحر وهكذا. ودي من عظمة التشريع الاسلامي. لان لما الانسان
كان بيتساب لعقله كيف ينبغي ان يعيش وسط هذه البيئة وكيف ينبغي ان يتعامل مع باقي الكائنات الحية؟ بيضل ضلالا بعيدا. سواء بشكل يميني او بشكل يساري. بمعنى ان في بعض التصورات البشرية بتهتم بمصلحة
انسان فوق اي حاجة تانية. وبالتالي يجوز ولا حرج ان انا اجور على باقي الكائنات الحية. واجور على البيئة في مقابل ان انا احقق مصالحي كيفما اريد انا. ان كان بقى تقدم علمي تكنولوجي بناء مصانع ايا كان. في المقابل في تصور اخر
متطرف بيجعل الانسان مجرد حيوان اخر مع باقي الحيوانات. ومن الممكن ان نجور على الانسان من اجل صالح باقي الحيوانات الاخرى. لان في الاخر الانسان مجرد حيوان اخر مع باقي الحيوانات بيشاركهم هذه البيئة. التصور الاسلامي
في توازن بيبين اولا ان فيه افضلية للانسان على باقي الحيوانات الاخرى وعلى باقي الكائنات الحية الاخرى وان باقي الاخرى مسخرة لمصلحة الانسان. لكن في الوقت نفسه في حدود وضوابط لما هي مصلحة الانسان. حتى لا يجور على باقي
الكائنات الاخرى فيظهر الفساد في البر والبحر بما كسبت ايدي الناس. والله العظيم الاسلام دين عظيم جدا. واللي يتأمل في هذا الكمال التشريعي اللي ما بين ايدين المسلمين من الف وربعمية سنة ويشوف حال البشر وكوكب الارض كما هو عليه الان. وازاي الناس
خلاص شايفة ان كوكب الارض الى دمار والى ضياع. وان الانسان افسد هذا الكوكب واحنا رايحين في طريق ما لوش رجعة. تخيل بقى في المقابل لو كان الانسان ملتزم بتعليم الاسلام من الف وربعمية سنة. كان حال الكوكب ده بقى عامل ازاي؟ هنا المؤلف بيقول بعض الامم
ما زالت تتلهى بقتل الحيوان في اعيادها وافراحها ورياضتها. والامثلة على كده كثيرة جدا وموجودة في الغرب. ومش بس حيوان احيانا ايضا النباتات او الفواكه او الخضروات او ايا كان. بيقول لك مش عارف اعياد ايه اللي بيرموا بعض بالطماطم واعياد
في طبعا في اسبانيا اللي بيجروا وراء الثيران وفي الاخر بيموتوها او اليران بتجري وراهم ايا كان. في المقابل ممكن واحد يقول لك طب ما انت كمان عندك عيد الاضحى
الرد ان ما فيش مقارنة. المسلمون لا يتلهون بقتل الحيوان. المسلمين بيقدموا الاضاحي قربة لله عز وجل اولا ثانيا علشان تتوزع على المسلمين. لمنفعة المسلمين والحيوانات اللي الشريعة الاسلامية بتخصصها للاضحية
عمرها ما انقرضت بسبب ممارسة المسلمين للاضحية في عيد الاضحى. هنا برضه المؤلف بيشير الى خصيصة في الشريعة الاسلامية. عالم الحيوان كعالم انسان له خصائصه وطباعه وشعوره. وده ملمح يمكن العلم الحديث لم يصل اليه الا مؤخرا. فيه بقى تشريعات
بطريقة التعامل مع الحيوان. الرحمة بالحيوان قد تدخل صاحبها الجنة. لما الصحابة سألوا النبي صلى الله عليه وسلم وان لنا في البهائم اجراء فقال رسول الله صلى الله عليه وسلم في كل ذات كبد رطبة اجر. طبعا لو انت بحثت في الشريعة الاسلامية في القرآن الكريم والسنة النبوية الشريفة
هتقدر تألف كتب تحت عنوان حقوق الحيوان في الاسلام. وزي ما قلت قبل كده الشريعة الاسلامية فيها خصيصة نصوص الايجابية والنصوص السلبية. النصوص الايجابية المقصود بها تفعل كذا. النصوص السلبية المقصود بها بيان ان هذا خطأ
فلا تفعل كذا. فتجد ان فيه حض على اشياء وفيه نهي على اشياء. فمسلا القسوة على الحيوان تدخل النار حديث النبي صلى الله عليه وسلم مع صاحب الجمل. ان الجمل جه للنبي محمد صلى الله عليه وسلم شكى اليه ان صاحب الجمل يجيعه
يدأبه بمعنى يهلكه في العمل القاسي الشديد. ودي طبعا من معجزات النبي محمد صلى الله عليه وسلم. انه عرف الكلام ده من الجمل وصاحب الجمل اقر بذلك. وبالتالي بتفهم من النصوص الشرعية دي في بمفهوم المقابلة. ان هذا
الحيوان له حق في الاطعام. وان هذا الحيوان فيه حدود معينة لما يخص العمل. يعني تخيل لو احنا اتكلمنا عن قوانين العمل للبشر. عايزين نفكر فيما يخص قوانين العمل للبشر. لأ الشريعة الاسلامية تخطت هذه الحدود
فبقى فيه قوانين للعمل للحيوان. ان انت لو هتستخدم حيوان في العمل الحيوان ده له حقوق عليك. انك لابد ان تطعمه طعاما يجعله قادرا على انه يقدر يقوم بالعمل. وان في حدود لمشقة العمل. والكلام ده بقى
الفقه مليئة بها. لذلك واحد زي ويليام مونتجمري وات وغيره من المستشرقين. عارفين قد ايه ان كتب الفقه الاسلامي كنوز كنوز للمعرفة البشرية. كلام النبي صلى الله عليه وسلم فيما يخص الذبح. ذبح الحيوان ان الله كتب الاحسان عليه
على كل شيء. وطبعا فيه تفاصيل كثيرة كيف ينبغي ان نذبح الحيوان؟ كلام النبي اتريد ان تميتها موتات؟ انه بيشحذ شخص السكين امام الحيوان. وان ده مرعب للحيوان. فينبغي مراعاة شعور الحيوان. سبحان الله! حديس النبي
صلى الله عليه وسلم لما وجد بعض الصحابة بيتلهوا بكتاكيت لفرخة او حاجة زي كده. خدوا يعني كتاكيت من الام آآ بيشوفوا بقى الام دي هتعمل ايه وهتدور عليهم ازاي وبيتسلوا يعني. فالنبي صلى الله عليه وسلم قال من فجع هذه بولدها
ولدها اليه. النقطة اللي ذكرتها قبل كده موقف الحيوانات يوم القيامة. وده امر ايضا الشريعة الاسلامية اختصت بها. او نقدر نقول ده شيء موجود في الشريعة الاسلامية مش موجود في اي شرائع اخرى. فكرة ايه؟ ان الدنيا ليست دار عدل. وان دار العدل يوم الحساب
يوم القيامة. وان الله عز وجل سيقتص من اي وجه من وجوه الظلم. سواء ما بين الحيوانات وبعضها كما يعلم فالله عز وجل بان هذا هو العدل او ما بين الانسان والحيوان. والتصور الاساسي هنا ان انت هتتحاسب وان
ظلم ربنا ما بيفوتوش. ويوم القيامة هتتحاسب عليه وهتاخد جزاء ظلمك. وبالتالي ممكن الانسان يستخف فيما قصة تعامله مع الحيوان. ولا يظن ان ممكن ربنا يحاسبه على حاجة تصوره ان ده تافه. لكن الواقع وتحسبه
هينة وهو عند الله عظيم. الروايتين المشهورين جدا ان المرأة التي حبست الهرة لغاية ما ماتت فلا هي اطعمتها ولا تركتها تأكل من خشاش الارض. دي دخلت النار امرأة من الامم السابقة من بني اسرائيل دخلت النار فيها
ربنا هيعذبها علشان حبست هذه الهرة. في المقابل راجل كان عطشان وجد بئرا شرب من هذا البئر بعدين لقى كلب بيتلوى من الم العطش. فالراجل قال ان هذا الكلب اصابه ما اصابني من العطش. فملى تقريبا
حذاء او حاجة زي كده في البئر وملاه ميه وسقى الكلب. فدخل الجنة لانه سقى كلبا. فربنا بيقول لك الموضوع كبير ان تعاملك مع هذا الحيوان ممكن يكون سبب دخولك الجنة او ممكن يكون سبب دخولك النار. فدي رواية عن النبي صلى الله عليه وسلم آآ قتل
عصافير او الطيور تسلية. يعني الصيد تسلية. من ضمن عظمة الشريعة الاسلامية. لان ده مشهور في العالم كله تقريبا وطبعا بدرجات كثيرة مختلفة. لكن اغلب العالم كأن يعني ما دام هذا الحيوان ليس معرضا للانقراض
يجوز ان انت تصطاده. حتى لو تسلية. يعني مثلا عصافير لن تأكلها. فبتصطادها تموتها ليه؟ استفدت انت ايه؟ فالنبي صلى الله عليه وسلم بيعلمنا ان هذه الحيوانات التي تقتل عبثا بغير منفعة هيقفوا امام الله عز وجل يوم
القيامة عشان ربنا يحاسبك على ده. يا ربي ان فلانا قتلني عبثا ولم يقتلني منفعة. وايضا بمفهوم المقابلة فكرة اذا يجوز للانسان ان يقتل الحيوان في منفعة. وطبعا الشريعة الاسلامية بتحدد ما هي هذه المنافع. لان
ايشطف الانسان بفكره؟ فيظن مثلا لا يجوز للانسان ابدا ان يقتل حيوان. لان الحيوان ده في الاخر زيه زي الانسان ليه يعني الانسان يكون له الحق في انه يقتل حيوان اخر زيه؟ من هو الحق؟ هو الله عز وجل. الله عز وجل هو الذي
يحدد لنا ايه الحاجات اللي من حقي اعملها وايه الحاجات اللي مش من حقي اعملها. سبحان الله العظيم. الباب ده في النهاية الى ان الانسان لابد ان يدرك حاجته الى الدين. لكي نقضي على خلافات كثيرة ما بينا وما بين الناس
الصحابي ابو الدرداء يقول يا ايها البعير لا تخاصمني الى ربك. فاني لم اكن احملك فوق طاقتك. فهذا الصحابي مدرك انه لو ظلم بعيره ربنا هيحاسبه. زي ما قلنا فكرة قوانين العمل للحيوان. هنا بقى فيه مهازل في الغرب في
يخص المسئولية الجنائية للحيوان. المؤلف بيقول في الاسلام الحيوان لا يعاقب. فمن ضمن تفضيل الانسان على الحيوان ان الانسان هو اللي مسؤول عن الحيوان. فلو هذا الحيوان ممكن يؤذي غيره لو انت بتربي مثلا ثيران لو بتربي خرفان
لو بتربي فراخ. اي بقى درجة من درجات الاذية. ان الحيوانات اللي انت تربيها ممكن تاكل من مرعى مش بتاعك مرعي خاص بناس اخرين يبقى انت اتعديت حدودك وملكيتك. انت اللي مسؤول عن انك تضع حدود لحيواناتك لا تتخطى
المراعي بتاعتك وارضك والا انت اللي تتحاسب. مش هنحاسب الفرخة اللي شردت وراحت تاكل من اراضي تانية. لو حيوانات كبيرة ممكن تأذي الغير زي الثيران مثلا انت اللي مسؤول انك تضع الحدود لهذه الحيوانات حتى لا تؤذي غيرها وهكذا. هو طبعا بيشير في المقابل ان الغرب كان عنده مصيبة
انه بيحمل الثور مسئولية جنائية. وبيحاكم الثور. وهو طبعا المؤلف وضح في ثنايا الكتاب ان ده بناء على نصوص تشريعية موجودة في العهد القديم. فبنلاقي في سفر الخروج اذا نطح ثور رجلا او امرأة فمات يرجم الثور
ولا يؤكل لحمه. واما صاحب الثور فيكون بريئا. اللي هي ايه؟ الثور ده اول مرة يعمل كده. ولكن ان كان ثورة ان الطاحن من قبل اللي هو كأن فيما معناه يعني حاول ينطح حد قبل كده او معروف ان هو شرس او بيهجم على الناس. وقد اشهد
تعال صاحبه ولم يضبطه. الناس قالت له خلي بالك الثور بتاعك ده هيعور حد وهو كبر دماغه وما خدش موقف. فالسور النطاح قتل رجلا او امرأة. فالثور يرجم وصاحبه ايضا يقتل. تخيل! فهي الفكرة ان السور كده كده هيتحاسب
وده بناء على نصوص موجودة في التوراة عند اليهود. المؤلف ذكر مجموعة من القصص العجيبة جدا في الغرب. وانا كنت اتمنى ان هو صقر المراجع اللي نقل منها القصص دي لكن للاسف يعني. بيحكي عن محاكمة الجماد اذا سقط على انسان فقتله. وده امر في غاية
عجب هو الجماد ده بيسقط وحده بيتصرف من دماغه يعني الواحد لما بيتأمل هذا الكلام ولما بيشوف التواريخ يعني لما هو بيتكلم هنا عن محاكمة الفئران بفرنسا في القرن الخامس عشر. قال لك عدد الفئران زاد بشدة في فرنسا. فقالوا احنا لازم نحاكم الفئران
لانها بتؤذي الناس ايا كان يعني. فاقاموا محكمة وبقى في محامي للفئران. ومطلوب ان الفئران تحضر الجلسة اللي هيتحكم فيها والكلام ده في القرن الخامس عشر مهزلة يعني. حس ان انت بتتكلم مع ناس مجانين. وفي الاخر محاكمة الديك الذي باض
همشي ازاي لكن ما علينا. في الاخر المؤلف بيتكلم عن ان في الحضارة الاسلامية ظهرت مؤسسات اجتماعية خيرية العناية بالحيوان. وده طبعا جزء من الموضوع بقى اللي هو هيتكلم عنه بعد شوية. المؤسسات الخيرية والعمل الخيري في الاسلام. الملمح ده
لو نظرنا اليه سندرك قد ايه الحضارة الاسلامية حتى بعيون الغرب المعاصر كانت متقدمة جدا. وبلغة الغرب المعاصر كانت انسانية جدا. او بكلمة اخرى رحيمة جدا. لان سبحان الله العظيم لو جيت تدور على مثل هذه
تصرفات هل هي الصحيحة ومقبولة؟ من وجهة نظر مادية من وجهة نظر الحادية من وجهة نظر داروينية. من وجهة نظر نفعية يتحكم على هذه التصرفات انها عبث. وانها اهدار للمال واهدار للموارد. لكن الشريعة الاسلامية علمتنا
ان الدنيا مش هي كل حاجة. وان فيه بعد الموت يوم حساب. وهيبقى فيه ثواب او عقاب. فعلى سبيل المثال تطبيب الحيوانات المريضة ممكن واحد يقول لك طيب احنا هنعالج الحيوانات اللي احنا بنستفيد منها. طيب حيوانات تانية مثلا زي القطط او غيرها؟ الله المستعان. قال لك في مراعي
الحيوانات المسنة العاجزة. مش هنسميهم بقى يوسلس ايترز وخلاص. لأ. فيه رحمة وشفقة. والمؤلف لانه اصلا من سوريا فبيتكلم عن اوقاف دمشق للقطط. وخلي بالك برضو الملمح اللي انت بتقدر تفهمه من النقطة دي. ان الحضارة الاسلامية اقامت مؤسسات خيرية
لرعاية الحيوان. ده معناه ان قطعا ولا شك في المقابل ما كانش فيه اي تقصير فيما يخص رعاية الانسان وحقوق الانسان. لان الاولى ان تتعمل حاجات زي كده للانسان. تطبيب الانسان مستشفيات وحاجات زي كده. رعاية الانسان عندما
اكون مسنا او عاجزا واوقاف للانسان بشكل عام بقى نشوف بقى محتاجين اوقاف لانهي اغراض مختلفة لمصلحة الانسان طبعا قطعا ولا شك الكلام ده كله كان خلاص اتعمل في بلاد المسلمين. فوصلنا الى درجة من الرفاهية
ان احنا نشوف نقدر نعمل ايه بقى كماليات اخرى من رعاية الحيوان وخلافه. وفيه بس ملمح عايزك تاخد بالك منه. زي ما قلت المؤلف سول فبيذكر اشياء في سوريا ودمشق وهكزا
الامر ده بالنسبة لي حزين جدا لواقع سوريا الحالي. وللدمار والخراب الشديد اللي اصاب سوريا حاليا في مرة ان احد الشباب السوريين اللي في مصر كان يعرفني وكان عنده مطعم سوري فعزمني يعني على الغدا. والمطعم
كان مليئا ببوسترات وصور لاماكن اثرية من سوريا. فكان بيقول لي ده المكان الفلاني وده المكان الفلاني وده المكان الفلاني. ثم وجدته يبكي. لان اخر مكان ذكره كان تقريبا اتدمر تماما بسبب الحرب. لو احنا كمسلمين قادرين
ندرك ونتصور قد ايه اعداء المسلمين فرحين بان بلاد المسلمين بيتم تخريبها بايدي المسلمين وطبعا عن هم الذين عملوا على ان بلاد المسلمين والمسلمين اللي فيها يوصلوا الى هذه المرحلة. لكن ده بالنسبة لهم انتصار عظيم. لان هم كانوا
مدركين جيدا ان هذه العواصم الاسلامية الكبرى قد ايه كان لها قيمة ودور طوال التاريخ والحضارة الاسلامية بيتكلم بعد كده عن المؤسسات الخيرية والعمل الخيري بشكل عام. وبيقول ان ده قطعا ولا شك
زي ما قلنا من شوية مظهر من مظاهر التقدم الحضاري الشديد. فبيقول بشكل عام لو جينا نتكلم عن المؤسسات الخيرية في الحضارة الاسلامية والمؤسسات الخيرية في العالم الان هنلاقي ان في فرق كبير ما بين الاتنين بما يوضح تفوق
الحضارة الاسلامية ايضا في هذا الباب. لان المؤلف بيقول ان باب المؤسسات الخيرية والعمل الخيري يعتبر من ضمن الابواب اللي الحضارة الغربية الحالية متفوقة فيها بشكل كبير. وتعتبر من الملامح الجيدة الخيرة الاساسية في الحضارة الغربية الان
وقد يظن المرء ان الحضارة الغربية تفوقت على الحضارة الاسلامية في هذا الباب. لكن ده غير صحيح. ليه بقى؟ قال لك اولا مؤسساتنا الاجتماعية تفتح ابوابها لكل انسان على الاطلاق. وحابب هنا علشان الانسان يدرك ايه المقصود بالنقطة دي؟ ان انت تجمعها مع النقطة
التانية اللي بعديها ان الحضارة الاسلامية اقامت مؤسسات اجتماعية خيرية لوجوه لم يعرفها الغربيون حتى اليوم. لما تيجي تفكر في العمل الخيري والمؤسسات الخيرية غالبا بييجي في بالك المنظمات الاغاثية اللي هي ايه؟ في مجال الرعاية الطبية
ومجال الرعاية الغذائية وممكن بعض المجالات الانسانية الاخرى المتعلقة الحقوق الرئيسية للانسان من كسوة وغذاء. الواقع ان المؤسسات الخيرية في الحضارة الاسلامية مجالاتها كانت اوسع من كده بكتير جدا. في
قابل هتجد ان في الحضارة الغربية هذه المجالات الاخرى ما كانتش ضمن العمل الخيري. كانت ضمن اتعمل الاجتماعي الذي لا يخدم الا افراد المجتمع الغربي نفسه. هو ده الفرق الجوهري. وهو طبعا في
كتابه زي ما هنشوف بعد شوية بيذكر امثلة على ذلك. لكن الاهم بالنسبة لي الاصول والمبادئ الشرعية المتعلقة بالعمل الخيري في الاسلام اسلام هو ده اساس التفوق. فهنا بيقول ينادي الاسلام بالدعوة الى الخير نداء تنهزم معه في النفس الانسانية
بواعث الشح ووسوسة الشيطان في التخويف من الفقر. النقطة دي في غاية العظمة. وهي نقطة عقائدية ايمانية في اساس وبتذكر حديث عن النبي صلى الله عليه وسلم بيصف النبي صلى الله عليه وسلم ان النبي صلى الله عليه وسلم يعطي عطاء ما
ان لا يخشى الفقر. وان النبي صلى الله عليه وسلم كان يجود بالخير دائما. ولما تأتي مواسم الطاعة زي رمضان كان اجود بالخير من الريح المرسلة. فدي معالجة ايمانية عقائدية تؤدي في النهاية انك تعطي في العمل الخيري
عطاء لا يستطيع ان ينافسه احد. لان التصور المادي الطبيعي الدرويني دايما هيبقى حاطط لك حدود نفعية معينة برضو نقطة تانية في غاية الاهمية. الشريعة الاسلامية بتفهمك متسع العمل الخيري. يعمم الدعوة الى الخير
على كل مقتدر بل كل انسان. فقيرا كان او غنيا. اما الغني في فعل الخير بماله وجاهه. واما الفقر كيف يفعل الخير بيده وقلبه ولسانه وعمله؟ الباب ده في التشريع الاسلامي باب كبير جدا وعظيم. بدأ بقى يتكلم على
على التطبيق العملي اتكلم عن الصحابي ابو دحداح اللي باع البستان بتاعه للنبي صلى الله عليه وسلم. وملمح اجتماعي في غاية الاهمية دعم الزوجة لزوجها فيما يخص العمل الخيري. وادراكها بان الثواب في الاخرة اعظم بكثير من
اي زروف دنيوية ممكن تكون اقل بسبب عملي الخيل. وده امر ايضا لا يستطيع اي انسان ان تفوق فيه على المسلمين. لانها في الاساس مبنية على ايمان وعقيدة. زوجته تقول له ربح بيعك يا ابا الدحداح
انا هنا كاتب هذا في مقابل الزوجة التي كانت تغار من الكتب. ده مثال هو اتكلم عنه لما جه يتكلم عن المكتبات. ليه الزوجة ممكن تغار من من الكتب لسببين. اولا ناحية مادية شراء الكتب تحس ان ايه هذا جانب من الانفاق بياخذ مما
ينبغي ان ينفق علي وعلى اولادي. فيبقى دي كانه متجوز علي الكتب. ده بيصرف على الكتب قد ما بيصرف علي واكتر الجانب الثاني الوقت ده بيقعد مع الكتب اكتر ما بيقعد معي ومع اولادي. فبقت مكتبة هذا العالم او الباحث ضرتي. مكتب الشغل ده
ده بيقعد في مكتب الشغل وفي مكتبته اكتر ما بيقعد معي. فهذه الزوجة بعد ما جوزها مات آآ قعدت آآ قطع له الكتب ولا مش عارف عمل ايه. الصحابي ايضا ابو طلحة وبيروحاء. بئر طيبة الماء. اول وقف في الاسلام. مفهوم
في الاسلام هذا مفهوم عظيم جدا. المقصود به ايه؟ اي حاجة ممكن يتم استخدامها بدل ما تجيب لك انت منفعة دنيوية يتم استخدامها لخدمة المسلمين. ايا كانت بقى الطريقة. اللي انت هتتفق عليها يعني. فمثلا البير دي كان ممكن ايه
بيع المية للناس. فقال لك لأ دي هتبقى وقف. يعني هنحافز عليها زي ما هي. لكن بدل ما تستفيد انت منها بشكل شخصي هنخلي مسلمين يستفادوا منها. الثقافة دي في الاسلام احنا بنقدر نشوفها لغاية النهاردة لكن الفكرة بقى ايه؟ فيما يخص كيفية استغلالها استغلال صحيح
لمنفعة المسلمين حقا لغاية النهاردة عندنا وزارة الاوقاف ان المسلم مثلا يشتري شيء ويقول للدولة المسلمة هذا وقت لله تعالى. فاديري هذا الوقف لمنفعة المسلمين. اي بزنس يجيب فلوس الفلوس لمنفعة المسلمين. وهكذا. بينقل هنا
نقل نفيس جدا عن جابر بن عبدالله الانصاري رضي الله عنه. بيقول فما اعلم احدا ذا مقدرة من اصحاب رسول الله صلى الله عليه وسلم من المهاجرين والانصار الا حبس مالا من ماله صدقة موقوفة. لا تشترى ولا
ولا توهب. ان خلاص آآ بقت ملك الدولة الاسلامية لمنفعة المسلمين. تخيل الصحابي ده بيقول لا اعلم احدا من صحابة رسول الله صلى الله عليه وسلم. من المهاجرين والانصار كان مقتدرا. الا حبس مالا من مالي. حاجة بتجيب له
وفلوس بس بدل ما الفلوس دي تبقى له يبقى للمسلمين. عمل بقى قايمة بالمؤسسات الخيرية في الاسلام. بدءا بالمساجد وفي نقطة مهمة جدا هذه الامة لن تقوم لها قائمة. وانا اعني هذا الكلام بجدية الا بعودة
اجد المسلمين لدورها. وشف بقى ايه دور المسجد في حياة المسلمين منذ بعثة النبي محمد صلى الله عليه وسلم. لا شك ولا ريب ان المساجد في ايامنا الحالية اصبح دورها محدود جدا جدا. وهذا قطعا ولا شك يؤثر على المجتمع الاسلامي بالسلب. لازم المسجد
يرجع له دوره الريادي في حياة المسلمين. المسجد مش مجرد مكان للصلاة المسجد عمره ما كان كده. طوال التاريخ الاسلامي. بعد المساجد في المدارس. وبعدين في المستشفيات والفنادق والتكايا جمع تكية. والمقصود به مكان زي ما تقول كده يعني لضيافة الناس. ياكلوا يشربوا
لخدمة المسلمين. السقايات وده مشهور جدا لغاية النهاردة. المطاعم ان المطعم ده لاطعام المسلمين الغير قادر على شراء الطعام. وخلي بالك احنا هنا مش بنتكلم عن مائدة الرحمن في رمضان. في بعض الملامح كده اختفت للاسف
للاسف الشديد من بلاد المسلمين هل يوجد اليوم مطعم مخصص لاطعام المسلمين؟ لا شك طبعا ان في بعض المطاعم لما بيجي لها حد فقير غير مقتدر بيصرفوا له وجبات وحاجات زي كده. لكن انا باتكلم عن ملمح اوسع بكتير. حاجة كده زي موائد الرحمن. في
لكنها موجودة طول السنة. حفر الابار. خدمة المرابطين. التكافل الاجتماعي. واشكال التكافل الاجتماعي في الحضارة الاسلامية امر مذهل. من ضمن الحاجات اللي اتكلم عنها تحسين احوال المساجين. وتزويج الشباب والفتاة. في ملمح من ملامح
اتكلم عنها هنا كان العلماء يفتون بتحريم بيع السلاح للاعداء. فانظر كيف انقلب الامر. فاصبحنا عالة على الغربيين في سلاح لا يسمحون لنا به الا بشروط تقضي على كرامتنا واستقلالنا. ولا حول ولا قوة الا بالله. بعد كده بيتكلم عن
المدارس والمعاهد العلمية. وهذا باب عظيم جدا في الحضارة الاسلامية. وغياب هذا الباب من ضمن اسباب انتكاسنا وانحطاطنا هو بيقول لم تخلو مدينة ولا قرية من المدارس او المستشفيات. خلي بالك رعاية الانسان كأنها في القسمين دول
جسده وعقل ومعرفته. النقطتين دول تبنيهم في الانسان ستسود هذا العالم. لما تتأمل احوال بلاد مسلمين تجد ان الملمحين دول في الضياع وممكن يكون فيه عندنا مستشفيات كثيرة لكن خدمتها رديئة. مدارس كثيرة لكن خدمتها رديئة. فالقضية ليست مجرد توفر هذه
المنشآت لكن ايضا مدى جودتها وفاعليتها. بيتكلم عن البناء العلمي في الحضارة الاسلامية. وتجد ان الموضوع عند المسلمين دروس بعناية ودقة. وان الموضوع فيه مستويات فقال لك رقم واحد اول حاجة المسجد المسجد ده له دور اساسي وهام جدا ومحوري فكأن المسجد مؤسسة
علمية معرفية روحية متكاملة. ثم في بقى عندك الكتاب والمدرسة والجامعة. الكتاب المقابل للمرحلة الابتدائية. والمدرسة مقابل اعدادي وسانوي. والجامعة التعليم العالي. لما تيجي تشوف تاريخ المسلمين كنت بتجد ان غالبا المسجد ده كان بيبقى ملحق به الكتاب. والكتاب ده اهم حاجة فيه قراءة القرآن وحفظ القرآن الكريم
كريم مع علوم اساسية اخرى لازم كل مسلم يكون عارفها. للاسف الشديد هذه الكتاتيب تكاد تكون اندثرت للاسف في بلاد المسلمين. وهو طبعا فيه هدف مقصود من ده. في الحضارة الاسلامية وفي الشريعة الاسلامية من اساسيات
التعليم المسلم قراءة القرآن الكريم. سيدنا محمد صلى الله عليه وسلم كان اعلم الناس وما كانش بيعرف يقرا ولا يكتب. وهذا لا ايجعله جاهلا؟ وخل بالك المستوى ده من الوعي. الامة الاسلامية كانت مدركاها كويس اوي. انا ممكن اهتم
بيمحو امية الناس. ولكن الناس ما زالوا في جهل شديد. في المقابل ممكن يكون بين الناس امية بعدد كبير لكنهم في غاية العلم والاطلاع والوعي. والله ده ملمح عظيم. والله ملمح عظيم
يبقى بالتالي الاهتمام بمجرد محو الامية مش هو اللي هيرتقي بالامة. الموضوع له ملامح اعمق من كده كتير المسلمين كانوا عارفين الكلام ده من زمان. ومن هنا جاء دور المسجد ودور الكتاب. هعلمه يحفظ قرآن هعلمه يتدبر قرآن
هعلمه تفصيل القرآن. هعلمه كل ما في القرآن من منافع. فحتى لو هو ما بيعرفش يقرا من المصحف ولا يعرف يكتب على ورقة هو اصبح عالما جليلا مع الاخذ في الاعتبار ان برضه الكتاب كان فيه تعلم القراءة والكتابة. عادي جدا. فلما بنجد ان ممكن في عصرنا الحالي تجد ان فيه
جاء على الكتاب والكتاتيب وكأنه درجة منحطة دنيا من التعليم. الكلام ده غير صحيح وهذه الكتاتيب ياما خرجت للمسلمين علماء كبار. برضو فكرة ان كأن الكتاب ده متعلق بالريف. والريف ده
رمز التخلف. اما بقى الحضر والمدن ما فيهاش كتاب. برضو ده تصور خاطئ جدا. ليس هو التصور الحقيقي لواقع التعليم في الحضارة الاسلامية. المؤلف بيقول المسجد هو النواة الاولى للمدرسة في حضارتنا. يتعلم فيها المسلمون القراءة
الكتاب والقرآن وعلوم الشريعة واللغة وفروع العلوم المختلفة. ده فين؟ في المسجد. من ضمن الحاجات الهامة جدا التعليم لم تكن محصورا بفئة من ابناء الشعب دون فئة. فكرة اولا مجانية التعليم ثانيا اتاحة التعليم للجميع. ثالثا
مستوى التعليم اللي تم توفيره للجميع. لان في بلادنا للاسف الشديد ممكن يكون في عندنا اتاحة مدارس للجميع ومجانية تعليم للجميع. لكن هذا المستوى من التعليم. المتاح للجميع المجاني في غاية السوق
وبالتالي الناس بيتنحل وبرهم علشان يدخلوا اولادهم مدارس بتكون باهظة الثمن جدا عبء ثقيل جدا جدا على كاهل الاباء والامهات. بس علشان بيستثمروا في الابناء لان بيبقى عندهم تصور ان اهم حاجة في الدنيا
التعليم مع الرعاية الصحية. وان التعليم ده هو اللي هيخرج انسان يستطيع ان ينفع امته. يبقى بالتالي روعة الدولة الاسلامية والحضارة الاسلامية. ان المدارس في كل مكان وهي مجانية ومتوفرة لكل فئات الشعب الغني والفقير. وان
جودة التعليم اللي بيتلقاها الجميع واحدة وما فيش حاجة اسمها ان الغني قادر على الحصول على درجة من التعليم اجود من المسلم الفقير. ده ما ينفعش. ما ينفعش في ظل الحضارة الاسلامية. قال لك الدراسة في المدرسة كان فيها قسمين. قسم داخلي الغرباء وقسم خارجي. المسلمين هم اللي عملوا المدارس الداخلية. يعني ايه
داخلية يعني انت جاي من برة مغترب. فاحنا بنجيب لك السكن وكل حاجة انت محتاجها. عشان تفضل بجانب المدرسة لغاية ما تخلص تعليمك وترجع بلدك. كانت كل مدرسة تحتوي على مسجد وقاعات للدراسة. وغرف لنوم الطلاب ومكتبة ومطبخ وحمام
واحيانا ملاعب للرياضة البدنية في الهواء الطلق. ده في الحضارة الاسلامية زمان. كان ده شكل المدرسة. في الحضارة الاسلامية المسلمين كانوا مدركين تماما ان نظام التعليم كان مبني على شقين. البنايات زي ما نقول كده يعني البنية التحتية
باني والكلام ده كله. والبشر بقى القائمين على هذا العمل. فيصبح المدرس على رأس هذه المنظومة التعليمية. يبقى لازم نزبط المدرس ده علشان يقدر يزبط لنا الليلة دي كلها. وفكرة ان الاهتمام بالمدرس وبحاجات المدرس المختلفة
اللي ممكن من اهمها المادية ده اللي في الاخر سيقيم لك الامة كلها. ادراك الاولويات. اصرف على المدرس كويس هو اللي هيربي لك عيالك ويعلمهم هو اللي هيطلع لك شعب قادر على ان يقوم بكل ما تحتاج اليه
فيها الامة الاسلامية. فكان فيه اهتمام باحوال المدرسين ورواتبهم. وقال لك احوالهم يعني احوالهم. المدرس ده لازم يكون له سكن المدرس ده لازم يكون له مسلا دابة يركبها وسائل مواصلات وهكذا. كل ده لازم يتزبط. وفكرة بقى
مراعاة الكفاءات. ده موجود في الشريعة الاسلامية وفي الحضارة الاسلامية. لم يكن يجلس للتدريس الا من شهد له الشيوخ بالكفاءة من ضمن الملامح اخذ الغربيون عن مدرسي الاندلس زيهم. اللبس يعني. عندنا مسلا في الازهر فيه لبس معين اللي هي
فكرة ايه؟ الهوية. برضو هو كسوري بيقول لك دمشق كانت مشهورة بكثرة المدارس والاوقاف. والمدارس كانت متعددة الغايات فكرة بقى المجالات العلمية المختلفة. احنا اه كأمة اسلامية مدركين ان العلوم الشرعية اهم حاجة في الدنيا. لكن الاسلام بيحثنا
احنا نتعلم كل العلوم اللي هتنفع المسلمين. الدين اولا ثم الدنيا. فقال لك رقم واحد تدريس القرآن الكريم وتفسيره وحفظه قراءته. العلوم القرآنية. القرآن وعلومه. الحديث والسيرة والسنة وعلومها. الفقه بمدارسها ومدارس للطب
العلوم اللي المسلمين كانوا متقدمين اصلا فيها. ذكر كتابا اسمه الدارس في تاريخ المدارس. في الاخر بيقول كم كان للاسلام من يد في نشر العلم ورفع مستوى الثقافة العامة وتيسير سبلها لسائر ابناء الشعب. نيجي لكلام عن المستشفيات والمعاهد الطبية
بشكل عام الحضارة الاسلامية والمسلمين كانوا متفوقين في علم الطب. وزي ما قلنا في الكتاب بتاع فضل الاسلام على الحضارة الغربية. الغرب كان بمجرد تلاميذ عند المسلمين. والطب الغربي كان مجرد امتداد للطب العربي الاسلامي. فهنا المؤلف بيذكر ان الحضارة الاسلامية جمعت
عاد بين حاجة الجسم وحاجة الروح. وبيقول المستشفيات نوعان نوعا متنقلا ونوعا ثابتا. طبعا المسلمين برعوا في المستشفيات متنقلة بسبب الغزوات والفتوحات الاسلامية. شف كده هذا الملمح وتأملوا المستشفيات كانت مجهزة بما لا يوجد الا
افي خزائن الملوك مع الجملة دي شف الجملة اللي بعديها. دخول المستشفيات كان مجانا للجميع. فكرة جودة الخدمة المقدمة في المستشفى الى درجة انه يتقارن ان الحاجات اللي موجودة في المستشفى المقدمة مجانا للجميع لا يوجد مثلها الا
في خزائن الملوك. سبحان ربي الاعلى. اتكلم عن اشهر المستشفيات واقتبس من كتاب اسمه تاريخ البيماريستانات في في الاسلام البيمارستانات كلمة البيمارستان المؤلف بيزكر ان المسلمين خدوا المسمى ده من الفرس. فالفرس كان عندهم مستشفيات
وما فيش اي مشكلة ان المسلمين يتعلموا من الحضارات الاخرى. ويبنوا عليها. وزي ما قلت قبل كده التشريع الاسلامي والنصوص الشرعية في القرآن الكريم والسنة النبوية الشريفة. التي تحث على التداوي من اهم الاسباب ان المسلمين برعوا في علم الطب. وايضا في علم
وايضا في علم النبات. علشان موضوع المستحضرات الطبية. ولازم برضو اشير الى نقطة ان الحضارات الاخرى غير الثورة الاسلامية كانت ممكن تستفيد زي ما الحضارة الاسلامية استفادت. يعني فكرة ان الفرس كان عندهم البيمارستان فكرة
يعني وكانوا بارعين في الطب. ليه الرومان ما اتعلموش من الفرس نفس الكلام؟ وبانوا عليه وهكذا. فدايما بقول فكرة فلتر الاسلامي وفكرة ان النصوص الشرعية بتقود المسلم الى المزيد من التقدم والازدهار في اي علم من العلوم. فالمهم
كتاب تاريخ البيمارستانات في الاسلام اقتبس منه شوية كلام وذكر شف بقى عواصم المسلمين الكبرى واكبر المستشفيات في هذه العواصم. ده برضه ملمح مهم جدا. بغداد العراق. دمشق سوريا. القاهرة
مصر والمغرب مراكش المغرب. برجع مرة تانية واقول اللهم احفظ بلاد المسلمين. لان واضح جدا ان الغرب شايل في نفسه التقدم الكبير اللي كان موجود في بلاد المسلمين سابقا. وفي هذه العواصم الاسلامية الكبرى. فللاسف الشديد بغداد لم
تعد كما كانت والغزو الامريكي على العراق. ثم دمشق وسوريا والدمار والخراب اللي حصل فيه. ربنا يحفظ مصر واهلها وربنا يحفز المغرب واهلها. طبعا البلاد دي لم تسلم من محاولات تخريب. وهذه المحاولات قائمة الى اليوم. وفكرة ان احنا نحاول
الاضعاف المسلمين حوالين العواصم الكبرى علشان لما نيجي نخرب هذه العواصم الكبرى لا تجد لها المدد. ودي مسألة في غاية الاهمية. يعني زمان لما مصر كانت تقع في مشكلة كانت تجد سوريا وكانت تجد الاردن وكانت تجد السعودية وهكذا. لما تيجي تنظر
للبلاد المحيطة بمصر تجد ليبيا فيها ما فيها. والسودان فيها ما فيها. وطبعا على حدود مصر مع سيناء دولة الاحتلال والمشاكل اللي موجودة في فلسطين. اللهم احفظ بلاد المسلمين يا رب العالمين. فهنا بيقول فيه مستشفى العضدي ببغداد. ومستشفى
النور الكبير بدمشق ومستشفى المنصوري الكبير بالقاهرة ومستشفى مراكش بالمغرب. دول امثلة على المستشفيات شراء الضخمة اكبر مؤسسات الرعاية الصحية في بلاد المسلمين. بيقول ان المسلمين سبقوا الغربيين الى تنظيم المستشفيات
بتسعة قرون على الاقل. قرابة الالف سنة. المسلمين كان عندهم حاجة الغرب بالنسبة لهم الكلام ده كان سحر كانوا اسبق الامم الى معرفة مال الموسيقى والادب المضحك والايحاء الذاتي من اثر بالغ في شفاء المرضى. موضوع الموسيقى ده فيه كلام
الخلاصة ان المسلمين كانوا مدركين جيدا ان في نواحي نفسية وفي نواحي اجتماعية بتأثر على صحة المريض في مقابل ان الغرب كان لسه نايم في ماية البطيخ. بيدخل بقى على المكتبات الخاصة والعامة. انا بس حابب نمشي بالترتيب مرة تانية. اولا موضوع
ثانيا المستشفيات. ثالثا المكتبات. موضوع المكتبات ده بقى يعني المسلمين كانوا متقدمين فيه بشدة شديدة كده متناهية بالمقارنة للغرب اللي كان فعلا في عصور الظلام. المؤلف بيشير اولا ان انت لازم تاخد بالك ان احنا كنا في زمن
موضوع نسخ الكتب وصناعة الكتب كانت مكلفة جدا. احنا بنتكلم عن زمن ما قبل الطباعة. وبالتالي تكلفة الكتابة كانت عالية جدا ومع ذلك المسلمين كانوا مدركين تماما ان الكتب والمكتبات تعد من الكنوز
يجوز ولا حرج انفاق كميات ضخمة جدا من المال في مقابل العلم الذي لا يقدر بثمن. وبالتالي اي ايا كانت تكلفة الحصول على الكتب. المسلمين كانوا مدركين ان العلوم والمعارف الموجودة في هذه الكتب لا تقدر بثمن
ومهما بذل في الحصول على هذه المعارف فده يعتبر رخيص في مقابل العلم والمعرفة اللي في الكتب مع الاخذ في الاعتبار ان المسلمين كان عندهم وعي شديد جدا فيما يخص معرفة ما ينفعهم. فالقضية ما كانتش عشوائية
ده ما يدرك المسلم ان هذا الكتاب نافع ونفيس لازم نحصل عليه. مهما كانت الاثمان المبذولة ويحضرني في هذا المجال اللي انا ناقشته مع الاخ محمد ابو الوفا ربنا يحفزه ويبارك فيه. اللي عامل رسالة ماجستير عن الاستشراق البريطاني وصورة النبي محمد عند المستشرقين
بريطانيين في القرن السبعتاشر لما كان بيتكلم عن ازاي المستشرقين كانوا بيجمعوا الكتب والمخطوطات الاسلامية وبيجوبوا في بلاد المسلمين يحاولوا يحصلوا على كتب ومخطوطات نفيسة باي ثمن. فجمعوا الاف المؤلفة من الكتب اللي كتبها المسلمين بقت موجودة في مكتبات العالم الغربي. الوعي ده بقيمة الكتاب الغرب
بتعلموه مننا. وبعدين في الاخر بعد انتكاس وانحطاط المسلمين يتقال العرب دول ما بيقروش ولو قروا ما بيفهموش ولو فهموا ما وهكزا. وانت يا بني ادم لما كنت بتلاقي الورق عند المسلمين كنت بتعتبرها اعجوبة من الاعاجيب
وبتاخد حتة ورقة معك للذكرى تفرجها على اهلك في الغرب. فالمهم يعني تكلفة الكتب كانت باهظة ولكن مع ذلك العلم لا يقدر بثمن والمسلمين مدركين ده كويس اوي. المسلمين يرون نكبتهم في اموالهم وبيوتهم ايسر عليهم من نكبة
في كتبهم. فالمؤلف بيحكي قصة واحد بيته تقريبا اتعرض للسرقة والخراب. فخاف ان مكتبته تكون خربت هي كمان واتسرقت اما وجد ان مكتبته السليمة زي ما هي قال سائر الخزائن يوجد عنها عوض. وهذه الخزانة هي التي لا عوض لها. فكرة بقى
العلاقة ما بين المكتبة والمدرسة. ولا يمكن يكون فيه تعليم الا لو في مكتبة. فبيقول قلما كانت مدرسة ليس بجانبها مكتبة انا بس النقطة المهمة هنا ان الحضارة الاسلامية قديما كانت مدركة تمام الادراك لقيمة المكتبة. فالمكتبات منتشرة
شدة وهي عامرة بطلبة العلم. اما الان ففي عندك ندرة للمكتبات ليست منتشرة الانتشار الكبير اللي كان موجود في العالم الاسلامي قديما. ثانيا اصبح عندك مشكلة اجتماعية ضخمة بسبب عدم معرفة الناس لقيمة الكتاب وعدم اهتمامهم بالقراءة اصلا. وسبحان الله العظيم وانا صغير كان فيه مشروع مكتبة الطفل بتاع
ماما سوزان والكلام ده كله. وفي الصيف كنا بنروح نعمل اشتراك في مكتبة الطفل. وكانت مكتبة كبيرة وعامرة. وفيها انشطة ثقافية هكذا الموضوع ده خلاص اتمحل تقريبا. بسبب الظروف المنتشرة في بلاد المسلمين نشاط المكتبة ده تقريبا ما بقاش موجود
اهتمام الناس بالقراءة والمكتبة والكتب تقريبا ما بقاش موجود. فحتى لو المدرسة فيها مكتبة ما حدش بيعبر المكتبة دي اصلا ولا بيدخلها ولا استفاد منها. المؤلف بيذكر ملامح عجيبة من الاهتمام بالعلم والكتب. فبيقول ان كانت في مكتبات في بلاد المسلمين اذا جاءها غريب
يطلب الادب وكان معسرا ما معهوش فلوس. المكتبة اعطته ورقا وورقا ورق الفضة النقود. فكرة دعم طالب العلم. ودعم الباحس ماديا. انا لو قعدت طول النهار اقف على الكتب. هشتغل امتى وهكسب امتى ؟ فبقى فيه مكتبات
بتعطي المنح المادية لطلبة العلم. صباح التقدم العلمي. صباح الازدهار الحضاري. هذا لم يعد موجودا في بلاد المسلمين الا النادر القليل. بيتكلم عن حركة الترجمة. الخليفة المأمون كان يعطي حنين ابن اسحاق من الذهب
ابي زناة ما ينقله من الكتب الى العربية. مثلا بمثل. تخيل! يا عم تخيل! والله العظيم اللي يقرا الكلام ده يقول ده خيال علمي ده موجود فين الكلام ده؟ فين في التاريخ ان انت لما تترجم لي كتاب اعطيك
ازن الكتاب اللي انت ترجمته ذهب. انت متخيل بقى قيمة المترجم؟ الله المستعان. بتبتدي تدرك بقى ان فيه خلل لان احنا في عصر لم يعد هناك ندرة في المترجمين. لكن هي مشكلة بالاهتمام بالكتب من اساسه. سواء المترجمة
او غيرها. وطبيعة اهتمامات الناس بالمجالات اللي هم عايزين يترجموها وهكذا. وان للاسف الشديد الكثير من المشاريع الضخمة المتعلقة الترجمة بتبقى ممولة من جهات معينة بتبقى عايزاك تترجم تصورات معينة واتجاهات معينة. وده بيوضح
قد ايه مهم جدا البوصلة الاسلامية. والفلتر الاسلامي والرجوع الى الضوابط والقواعد والقوانين الاسلامية حتى ترشدك الى ما ينفعك وما يضرك فتحرص على ما ينفعك وتبتعد عما يضرك. بيقول لك عندما انتصر المأمون جعل من شروط الصلح ان يسمح ملك الروم
ترجمة ما في خزائنه من كتب بواسطة العلماء الذين يرسلهم المأموم. ادراك قيمة العلم. توزيف اخصائيين وتجار يجوبون البلاد ليه بقى؟ عشان يجمعوا الكتب المفيدة من البلدان النائية والاقطار الاجنبية. ده ايه
توظيف دول ناس هي دي شغلتهم. انت متخيل الموضوع واصل لغاية فين؟ الدولة هتعين ناس شغلتهم يسافروا البلاد المختلفة يبحثوا عن مكتباتهم. وعن كتبهم وعن اهم مصادر معارفهم. عشان نتعلم منها
بيذكر مرة اخرى اشهر المكتبات في الاسلام. فقال لك مكتبة الخلفاء الفاطميين في القاهرة ومكتبة دار الحكمة بالقاهرة. وبيت الحكمة في بغداد التي انشأها هارون الرشيد واللي فيما بعد المأمون طورها اكتر. ومكتبة بني عمار في طرابلس. وبيلفت بقى الانظار الى ان للاسف
شديد اعداء المسلمين لما غزوا بلاد المسلمين عملوا ايه في المكتبات الاسلامية؟ وخل بالك كانت في شبهة منتشرة جدا. المسلمين لما فتحوا مصر هم اللي حرقوا مكتبة الاسكندرية. والكلام ده من ابطال باطل. لان مكتبة
اتحرقت قبل ما الاسلام يدخل مصر وقبل بعثة النبي محمد صلى الله عليه وسلم اصلا في القرن الخامس الميلادي ايام كريلس الاسكندري والنصارى هم الذين حرقوا مكتبة الاسكندرية. فسبحان الله العظيم! فكرة
ان في نوع من انواع الحقد والغل او عدم الاهتمام اصلا وعدم المعرفة بقيمة هذا العلم. فنكاية في لمين هحرق كتبهم؟ يا عم بدل ما تحرقها. يا عم اسرقها وترجمها يا عم. استفيد منها واحتفظ بها يا عم. فهنا بيقول ان ده شيء
يملئ القلوب بالحزن. عندما نتذكر مصائر هذه المكتبات وما تعرضت له من بواور وحرائق. لا يمكن ان تقدم خسارة العلم فيها ابدا. لان هذه الكتب من اثمن ما خلفه الفكر الانساني في التاريخ. بيقول ان الصليبيين في طرابلس اتلفوا
حوالي تلاتة مليون مجلد. وبعد الاستيلاء على الاندلس على الاقل مليون كتاب في ميدان غرناطة حرقوها. بيحكي قصة الزوجة التي كانت تغار من الكتب. فبيقول بعد موت زوجها اخذت ترمي الكتب في بركة ماء كبيرة. وبيقول ان لا يزال في زوجاتنا من يغر
ان من الكتب ربنا يصلح احوالنا جميعا. بيقول نقطة ما تفهمش هل هي ايجابية ولا سلبية؟ زي ما قلت الغرب حصل على مخطوطات اسلامية عربية كثيرة جدا جدا من بلادنا. سواء بطرق شرعية او غير شرعية. لكن واحد ممكن يقول على اقل تقدير اهل الكتب ما زال
كانت موجودة ومحفوظة. فهو بيقول دور الكتب في اوروبا حفظت لنا كثيرا من البقية الباقية من هذا التراث. وان فيها من ذخائر العربية ما لا يوجد مثله في العالم الاسلامي كله الان. لكن للاسف الشديد اغلب هذه المقتنيات
اللي موجودة عندهم اخذوها بطرق غير شرعية. وفي برضو عندك مشكلة في غاية الاهمية. عدم السماح للجميع بالاستفادة من هذا التراب عكس ما المسلمين كانوا بيعملوا. اخر حاجة هنتكلم عنها موضوع المجالس والندوات العلمية. والمؤلف بيذكر هذه النقطة من اجل
اشارة الى ادراك مدى المستوى الرفيع العالي جدا اللي الحضارة الاسلامية وصلت له. وهذا الملمح للاسف الشديد تقريبا اختفى في واقعة انا المعاصر لم تعد هناك مجالس عامة ثقافية علمية. وخلي بالك في التاريخ والتراث الاسلامي بتجد ان في بلاد المسلمين
هذه المجالس والندوات في الغالب كانت برعاية الخليفة او الامير او الحاكم. اللي هو فيما معناه رأس الدولة كان مهتما اهتماما كبيرا جدا بالعلم. والفكر والثقافة. بل انه غالبا كان من روادها
يعني هو نفسه مفكر وعالم وباحث ورجل له شأن كبير جدا في العلم. او على اقل تقدير كان من مهتمين بالموضوع جدا. وكان يرعاه وكان في مجلسه كبار العلماء والمثقفين. فالمؤلف بيقول ان هذه
والندوات كانت من اسباب رفع المستوى الاجتماعي والذوق العلمي في الاوساط الثقافية. وكانت منتشرة في العواصم والمدن الكبرى. وذكرت اقتباس رائع لجوستاف لوبون. بيقول ان حب العرب للعلم كان عظيما. وانهم بلغوا درجة رفيعة من الثقافة. بعد ان
اتموا فتوحهم بزمن قصير. حتى استطاعوا ان يبدعوا حضارة اينعت فيها الاداب والعلوم والفنون وبلغت الذروة في نهاية مناقشة هذا الكتاب حابب بس اكد على نقطة في غاية الاهمية وهو الهدف الرئيسي من هذا الكتاب. ان الحضارة الغربية الى موت وافول. وهييجي وقت
والناس هتدور على البديل. لازم المسلمين يستعدوا ان هم يكونوا قادة العالم في المستقبل. ولازم المسلمين مين يهتموا ببناء انفسهم علميا وفكريا وروحيا وكل حاجة. علشان لما تأتي لحظة القيادة
يكون عندنا بالفعل القادم. ونقدر بالفعل نخرج هذا العالم من الظلمات الى النور. لو حاز هذا الفيديو على اعجابك ما تنساش تعمل لايك للفيديو ان ده بيساهم في انتشار محتوى القناة. وما تنساش مشاركة الفيديو مع اصحابك. وما تنساش الاشتراك في القناة وتفعيل الجرس علشان تقدر تتابع كل جديد. ولو تقدر
محتوى القناة لو انت شايف ان هذا المحتوى يستحق الدعم والرعاية تقوم بزيارة صفحتنا على بيتريان او بيبالا وحتى قم بالانساب للقناة ستجد كلها تحت في وصف الفيديو. الى ان نلتقي في فيديو اخر قريبا جدا باذن الله عز وجل. لا تنسوني من صالح دعائكم. والسلام عليكم ورحمة الله وبركاته