الحمد لله الواحد الاحد الفرد الصمد الذي لم يلد ولم يولد ولم يكن له كفوا احد اول فليس قبله شيء. واخر فليس بعده شيء. وظاهر فليس فوقه شيء وباطن فليس دونه شيء وهو على كل شيء قدير وبعد الحمد لله ان وفقنا للصيام والقيام ونسأله سبحانه باسمائه الحسنى وصفاته العلى ان يجعل عملنا الهزيل القليل في ميزاننا ثم يجبره بعفوه وكرمه ومنه فما عملنا شيئا يليق به. ولا تقربنا بما يليق به من الكرب ولكنه جهد مقل والذين لا يجدون الا جهدهم نسأل الله ان يبارك في هزا الجهد وان يقبله منا فهو لا يليق به ولكن رحمته سبحانه وتعالى اوسع ومغفرته ارجى من هذه الاعمال العمل له غمرات حتى يغلب على زن العبد انه قبل امرات وعلامات قبول العمل حتى نحرص عليها ولا نفرط فيها ونغتر بالعمل ولا نغتر باسباب ولا نلتفت لاسباب القبول واول امارة من الامارات ان يكون عملك مقرونا بخوف منك السارق يسرق ويخاف ان يقبض عليه وانت تصلي وتخاف الا يقبل منك اشد من السارق الزاني يزني ويخاف ان يفضح وانت تصلي وتتصدق وتخاف اشد منه الا يقبل عملك لانك على طاعة فربما تكون مغرورا وهو على معصية فربما يكون خائفا فرق كبير بين الغرور والخوف الخوف لازم يكون مقرون بالعمل وانت بتعمل تبقى خايف لاسباب كثيرة منها مثلا انك تعمل لغني ليس بحاجة الى ما تعمل اصلا طاعة ما تزيد شيئا والمعاصي ما تنقصه شيئا فهو غني بتخاف ده انت لو عاوز تقدم هدية لواحد ذو مقام عالي رئيس مسلا وعاوز تجيب له هدية ده انت بتقعد تسأل كم سؤال على بتعرف هو بيحب ايه هيقبلها ولا مش هيقبلها ولا هيرميها مرة ما يبصش لها اصلا اجيب لوزوز ريحة اجيب له بدلة اجيب له ايه بالزبط ده ده راجل راجل شبعان. هو ايه اللي هيعجبه اصلا عشان اجيبه له؟ وتقعد تفكر وتصرف وتسأل خبرا وايه اللي بيحبه عشان اجيبه له؟ مخلوق زيك وهينتن وهيموت وهيدود وعمال تفكر هتجيب له ايه يعجبه حمل رب العالمين بقى هل بتفكر بنفس المستوى؟ الصلاة دي تعجبه القراءة دي تعجبه الزكاة دي خالصة له. الحج ده يحبه ربي المخلوق قعدت تفكر ومتوجس ونهار ما يقبل منك الهدية تسجد شكرا لله ان قبل منك الهداية فما بالك برب العالمين الحي الزي لا يموت يبقى الخوف لازم يبقى مع العمل اللي انت بتعمله هيقبل ولا مش هيقبل ان الذين هم من خشية ربهم مشفقون. والذين هم بايات ربهم يؤمنون. والذين هم بربهم لا يشركون. والذين يؤتون ما آتوا وقلوبهم وجلة. انهم الى ربهم راجعون اولئك يسارعون في الخيرات وهم لها سابقون. السيدة عائشة تفسير الاية دي مش عارفاها او في دماغها ان الزاني اللي بيزني وبيخاف الله في الحديس رواه الترمزي في السنن وصححه الالباني. بتقول يا رسول الله الرجل يسرق ويزني ويخاف الله؟ هم دول المقصودين في الاية قال لها لا يا بنت الصديق لدول لا زناة ولا حرامية ولا اي حاجة. ده دول مين؟ قال الرجل يصلي يصوم ويصلي ويتصدق ويخاف الا يقبل منه هم دول اللي في اية سورة المؤمنون ان الذين هم من خشوا اقروها تاني ونزلها على نفسك ان الذين هم من خشية ربهم مشركون. الخليل عليه السلام ذو المرتبة الخليل. وربنا سبحانه وتعالى ما ادخلش الا اتنين بس من البشر هم دول خليل الله سبحانه وتعالى ابراهيم ومحمد عليهما الصلاة والسلام بس واتخذ الله ابراهيم خليلا. ومحمد خليل الله. بنص الحديث الا ان صاحبكم خليل الله بس ما فيش غيرهم يعمل وبيعمل ايه؟ بيبني قاعة افراح بيبني مسرح ياكل منه عيش بيبني بيت دعارة يحسن دخله بابن كوافير؟ ها ده بيبني الكعبة الكعبة وهنا يدوي معقولش اي عدة من عدة البناء ولا ونش ولا كلارك ولا اي حاجة. بني بني يقطم الضهر ربنا يهد الحيل ما فيش سقالة. حتى السقالة ما فيش. هيجيب خشب منين؟ وسلب منين واللي بيبني معه ابنه فقط ما حدش بيريحه ومكة وما ادراك ما مكة وحرها حرها الذي يزيب الصخور اديني عقلك من اول الشمس ما بتطلع اول الشمس ما بتطلع حر يفتت الصخر ولا في حاجة تشجع يبني وقل ربنا تقبل منا انك انت السميع العليم بيبني بيت الله وخايف لربنا ما يقبلش منه وبيقول له ربنا تقبل منا يعني بيشيع العمل بدعاء بيسندوا بدعة مش بيعمل غرور لا مش انا بنيت لك يا رب بيت اهو. ده احنا عملنا جامع ما فيش زيه ونقعد بقى نطبل ونزمر للجمل اللي عملناه. شوفوا الاول هو مقبول ولا مرفوض؟ قبل ما تشوفه قبل ما تطبله وتزمه للجامع شوفوا الاول مقبول ولا مرفوض هل كل طوبة حطيتوها؟ ولا كل خرسقصة حطيناها؟ بقينا نقول ربنا تقبل منا انك انت السميع العليم كان سيدنا ابراهيم بيعمل كده يا ابني ربنا يتقبل منا انك انت السميع العليم يبقى خوف مقرون بالعمل يعمل وهو خايف ده ربنا ما يقبلش وربك رحيم مش هتبقى خايف واخلاص وعملت كل ده وبرضو مش مقبول؟ لا. احسن الظن بربك بس خد بالمسألة ثانيا العمل يقبل من التقي بس طب والفاجر يوفر نفسه يعدي المساره الاول اتقي بس ده نص حصر وقصر انما يتقبل الله من المتقين. سورة ايه ده وده على لسان ابن ادم الاول القرآن بيحكيه او هي كلام رب العالمين تقرير للواقعة نفسها. انما يتقبل الله من المتقين. طب اللي مش اتقي يراجع نفسه الاول يراجع نفسه يفتش يحاول يبقى تقي ويشوف هو مشتقي ليه هو مش تقي ليه؟ وليه مش محسوب من المتقين والقصة دي زكرتها لكم قبل كده مرات ازكرها ابني ادم اللي جه يزكروهم في سورة المائدة واتلوا عليهم نبأ ابني ادم بالحق اذ قربا قربانا فتقبل من احدهما ولم يتقبل من الاخر. خلي بالك. الاتنين ولاد نبي الاتنين ولاد نبي يعني تربية نبي اتربوا على ايد النبي نبي خلقه الله بيده مشبكن بيده واسجد له الملائكة وشرع له الشريعة ينفذها في الوقت ده ايش الشريعة ادم ما لوش اخ وحواء ما لهاش اخت. يبقى لابد ان ادم يجوز ولاده لبعضيها فعشان يعني الزواج يبقى فيه صحة صحة بدنية وصحة شرعية لانه من رب العالمين ما حدش يقدر يتكلم فيه. وبعدين نسخ هزا الامر بعد زلك. المهم يجوز الولد اللي في البطن اولى للبنت اللي في البطن التالتة والبنت اللي في البطن الاولى للولد وهكزا يخلف البطون يخلف البطون. كل بطن فيها ولد وبنت ولد وبنت ولد وبنت لحد بقى ما الاولاد كبروا واتجوزوا وخلفوا بقى في اعمام وبقى في اخوال نسخ هزا الامر المهم دلوقتي ما فيش ده هو ولد وبنت ولدين وبنتين. الموجود دلوقتي معنا ولدين وبنتين بنتي جميلة وبنتي مش جميلة ما اعرفش الولاد بقى كانوا ايه لكن بنت جميلة وبنت مش جميلة والبنت الجميلة الاتنين بيتنافسوا عليها واحد هياخدها بحق والتاني هياخدها بغير حق اللي عاوز ياخدها بغير حق قلة ولد معها في نفس البطن. عاوز ياخدها ليه؟ يقول اختي. الله! طب ما هي اختي برضو. شقيقتي؟ ما هي شقيت انا بخاف لكن الشريعة بتقول لك اللي معاك في نفس البطن لا خد التانية لا مش عاوز اختم تاني اخد دي طب دي من حق الاخ التاني. اللي ما اتولدش معها في نفس البطن صار الخلاف اخين اشقاء ولاد نبي واخت محل نزاع امر هل ابوهم اللي قال لهم قربوا؟ ولا الامر كان من اين؟ الله اعلم. المهم امراء ان يقربا قربانا كل قربان يقبل زي القرعة. اللي قربان يقبل ياخدها التقوى اهي بقى واحد اللي هو بقى من حقه اللي هو ملتزم بالشريعة عشان تبان لك يعني ايه تقوى ملتزم بالشريعة خرج ايه؟ كبشا لان واحد كان بيرعى والتاني بيفلح اللي بيرعى جاب احسن كبش عنده الغنم والداه من عز الكبش عليه كان يشيله على كتافه والتالي جاب شوية سمبل بالقمح بتاعه حتى بعض العلماء يقول لك بص في السيمبل كده لقى سمبلة حلوة فركها وكلها وهيتبرع بالباقي هيتقرب بالباقي ده جابت كبش وحطه وده جاب السنابل وحطها. وكل واحد منتظر اشارة من رب العالمين. من المقبول فينا ده تخلي بالك القربان ده يفض النزاع بس. انما مين التقي بصرف النزر عن القربان يعني افرض اني اللي اقر بالكبش هو اللي قرب السنابل. واللي قرب السنابل هو اللي مش هي دي القضية. لا. ده القضية مين اللي مخالف الشريعة ومين اللي موافق الشريعة بس الغربان ده عشان ما فيش وحي لكل واحد على حدة. فهتيجي بس اشارة تقول فلان مقبول غفلان مرفوض بس دي وظيفة القرآن انما اصلا الله يبارك فيكم اللي اللي جنبه فراغ يسد يا اخوانا. اللي جنبه فراغ يسده فالقربان فقط اشارة للقبول. والقبول يجي منين؟ اللي اللي بيحترم شريعة الله اللي موجودة في الوقت ده يبقى تقي واللي بيتكسر شريعة الله يبقى مش تقي ايا كان نسبه بقى ابن نبي اخو نبي عم نبي خال نبي جدي نبي ايا كان نسبه طالما بيكسر شريعة رب العالمين يبقى مش تقي وفين التكسير؟ ان معروف يا ابني. يا ابني انت تتجوز البنت التانية مش اللي معك في نفس البطن. ده اللي موجود عندنا دلوقتي. خدي البنت تقول لك لا مش حلوة. انا هاخد طب دي من حق اخيك؟ لا ياخد هو ديكها وهكذا واحد عفي على الثاني نزلت نار من السماء اخزت قربان اللي ملتزم بالشريعة اللي هو هياخدها شرعا مش مش شهوة ولا عشان جمالها ولا حاجة هي من حقه اصلا. والنار اكلت الكبش او خطفت الكبش. وخدته حتى بعض العلماء يقول لك ده ده بقى اللي رعى في الجنة لحد ما نزل فداء لسيدنا ابراهيم لسيدنا اسماعيل بس ما فيش نص. على كل حال هل طلع الكبش اتاخد وخلاص يبقى كده قربانه مقبول ساعة النار ما خدت الكبش وسابت السمبل الهم والغم ركبوا طب لما دي اشارة من الله انك غلط صحح عدل خليك تقي زي اخيك عشان لو حصل موقف تاني تبقى مقبول عكس الدنيا كلها بقى. قال لاقتلنك طب دي التوبة بقى ده تعديل المسار تعديل المسار انك تزداد اجرام تزداد اجرام هو ده اللي حصل قال لاقتلنه هتقتلني ليه؟ انا في ايدي ايه اصلا؟ ده الشرع اللي احنا ماشيين به. وقلنا نقرب قربان وانت راضي والقربان بتاعك رفض مش بايدك. هتقتلني ليه؟ هو كده لدرجة ان مش عارف هو مش عارف يعني ايه يقتل ولا عارف يقتل ازاي ولا حد قتل قدامه ولا مع جنة في معجنة يحطه قال له يا منيمه ويجيب حجر ودق على دماغه لحد ما مات بعد ما مات احتاج والغراب فضحه وجرسه ها وسفهه وشال مصيبة لحد يوم الدين. يعني مخالفة صغيرة جرجرته لمخالفة ما لهاش اخر. كل بني ادم ادم يتقتل زلم في بلاد المسلمين في بلاد الملحدين في اي حتة. اي بني ادم يتقتل زلم شيء ابن ادم اللي قتل اخوه شريك معه لان هو اللي علمه الاكل وهو اللي سلي الاكل يبقى التقوى اتقي على قد ما تكون على شرع الله فان تتقي المعنى التقي عمره ما يغلط ابدا لا بيغلط بيغلط كل ابن ادم خطاء بس اتقي الفرق بينه وبين غير التقي ان ده ساعة ما بيعمل غلطة يتبع الايه؟ الحسن السيئة بحسنة تمحوها الذين اذا فعلوا فاحشة او ظلموا انفسهم ذكروا الله فاستغفروا لذنوبهم انما التوبة على الله للذين يعملون السوء. كلنا بنعمل السوء. بجهالة وحتى لو عملناها بعلم وحتى لو كنت عالم وعارف ان ده حرام وعملته اي واحد يعمل سوء فهو جاهل. ان شاء الله يكون اعلم بني ادم في الارض طالما عمل الزوق يبقى جد. الميزة فيه ايه بقى؟ انه يرجع. انما التوبة على الله. للذين يعملون السوء بجهالة ثم يتوبون من قريب فاولئك يتوب الله عليه يبقى العمل بيقبل يا جماعة من الخائف وربنا يخوف بيخوف النبي بيقول له لئن اشركت ليحبطن عملك اشركت يعني ايه؟ اعجبت بعملك. اشركت يعني ايه؟ حبيت الناس يشوفوك يثنوا عليك يشاوروا عليك. اشرت ايه كمان؟ خدت لربنا وسيلة على مزاجك يا ايها الذين امنوا اتقوا الله وابتغوا اليه الوسيلة وجاهدوا في سبيله لعلكم تفلحون. قلت انا هاخد الحسين وسيلة يوصلني ربنا. ليه قال لك الحسين يا جدع ابن بنت النبي واصل وقلبت النبي. الحسين واصل. انا هاخده وسيلة يوصلني. ويقوم ضارب لك مسل يقول لك مش انت لو عاوز تعين ابنك ولا بنتك مش بتشوف حد واسطة كده يعرفك باللي هيمضي على القرار فهي ايه يعني؟ تقول له لا ده الكلام ده عند العباد بس عند رب العباد لا الشفاعة دي عند العباد بس بشرط تكون منضبطة كمان دي بقت معجنة فالوسيلة عند رب العباد العمل. طب والحسين رضي الله عنه وارضاه لما حب يتقرب من ربنا خد مين هيقول لك خد ابوه مسلا سيدنا علي ولا خد امه السيدة فاطمة؟ ولا خد سيدنا النبي؟ خد مين عشان يقربه لربنا؟ هيقول لك ممكن خدهم التلاتة طيب والتلاتة لما حبوا يقربوا من ربنا خدوا مين لما رسولنا حب يتقرب الى الله. خد مين خد مين يوصله خادمين يا عباد الله عشان يوصلوا وربنا بيقول لنا سورة الاسراء اولئك الذين يدعون يبتغون الى ربهم الوسيلة. ايهم اقرب ويرجون رحمته ويخافون ده هم بيدوروا على وسيلة مش هو اللي قال لن يدخل احدكم الجنة بعمله هل وانت كمان برضو مش داخل بعملك يا رسول الله قال ولا انا ولنا حتى يتغمدني الله برحمة منه وفضل. امال بتعمل ليه؟ السبب سبب ربي شرعه لي باخد بالسبب فهنا ما تشركش ورب العالمين يقول انا اغنى الشركاء عن الشهير من عمل عملا اشرك فيه معي غيري تركته وشركه. خد رح للشريك شف هيدي لك ايه يبقى ما تشركش بالله لان اشركت ليحبطن عملك تكون من اهل التقوى. من علامات قبول العمل انك تفضل سابت على العمل تفضل ثابت عليه لحد امتى لحد ما خلصت رمضان؟ لا. طب هخلص شوال كمان. لا برضو. لحد ما تموت لحد ما تموت واعبد ربك حتى يأتيك اليقين حتى يجي لك الموت زمان سابت حديس ابن مسعود في الصحيحين بيقول فيه سيدنا النبي ايه؟ ان احدكم يجمع خلقه في بطن امه اربعين يوما ثم يكون علقة مسل زلك ثم يكون مضغة مسل زلك. اربعين لاول نطفة اربعين علقة اربعين مضغة كده مية وعشرين. ثم ينفخ فيه الروح ثم يؤمر الملك بكتابة اربع كلمات يكتب رزقه واجله وعمله وشقي ام سعيد ان الرجل بقية الحديس فان الرجل ليعمل بعمل اهل الجنة زينا كده ما احنا حاسين ان احنا بنعمل ده عمل اهل الجنة. نسأل الله ان يختم لنا بعمل اعمال اهل الله. لا يعمل بعمل اهل الجنة حتى ما يكون بينها وبينه الا ذراع زراع؟ ايوة زراع زراعة زراع خطوة فيسبق عليه الكتاب في عمل بعمل اهل النار فيدخلها وان الرجل ليعمل بعمل اهل النار حتى ما يكون بينها وبينه الا زراع برضه فيسبق عليه الكتاب فيعمل بعمل اهل الجنة فيدخلها الحديس ما فيهوش اي اشكال ولا مخك يروح لا شمال ولا يمين. ركز على كلمة فيعمل في عمل سواء عمل في المسافة الطويلة او المسافة القصيرة هو اللي بيعمل. قال لك يعمل بعمل اهل الجنة بقوا وبينها زراع خطوة هو برضو اللي عمل بعمل اهل النار وقام محود في الخطوة دي. يعني الخيبة جت في الخطوة في الخطوة الاخرانية والعكس لا بيعمل بعمل اهل النار لحد ما وصل عند الخط. وعند الخطوة حصل له اللي حصل له. مين اللي فرض عليك ولا حد مين اللي قال له اعمل بعمل اهل الجنة؟ هو والاولاني مين اللي قال له عامل عمل اهل النار؟ هو هو اللي عمل عشان ما تتوكأشي ولا تحتج بالكتاب اللي ربنا امر الملائكة يكتبوه لان ربنا مش هيحاسبنا بالكتاب اللي الملايكة كتبوه لا ده كتاب خاص بعالم الارحام ما لناش دعوة به خالص. ولا هنتحاسب على اساس يوم القيامة. انما هنتحاسب على الكتاب بتاعنا احنا اللي معك ملكين يمين وشمال يوميا انت بتمليهم. واللي بتمليه لهم بيكتبوه ان سبتي الدين هيكتبوه ان زكرت رب العالمين هيكتبوك. وهو ده الكتاب اللي مع الملايكة دول هو اللي هيتعلق في رقبتك. ونخرج له يوم القيامة كتابا يلقاه منشورا اقرأ كتابك اومال اللي كتبوا الملايكة بتوع الرحم؟ لا ما لناش علاقة به خالص ما لناش علاقة به يعني مش هنتحاسب على اساسه. هو فيه شقي وسعيد؟ اه بس ده مكتوب على علم رب العالمين وحكمته بس وهيوافق اللي مكتوب مع الملايكة. بس الحساب على اساس ايه؟ اللي كتبته الملايكة فيبقى تعبد ربك وتفضل على الطاعة لحد اخر لحظة لان الخطوة الاخرانية دي يا اخواننا هي كل حاجة. ولزلك انا بقول لاخوتي وابائي اللي على المعاشات كلهم ركز في الخطوة الاخرانية انت من ساعة ما طلعت معاش وانت في الخطوة الاخرة ليه عشر سنين خمس كلهم خطوة. الكام سنة اللي هتعيشوا معاش دول بعد المعاش هم دي اعتبرهم خطوة واحدة اعتبرهم كلهم خطوة واحدة خمس سنين ست سنين سنتين ست اشهر عشر سنين عشرين سنة ايا كان اعتبر ده كله خطوة. واحمد ربك ان سابك لحد المعاش ومدك تمن شوية. فركز في الخطوة دي اهتماماتك وحياتك هي دي الخلاصة هي دي انسى كل اللي فات هي دي الخلاصة. والزروف مهيأة لك ايدك بقت فاضية من المشاغل والامضاء والحضور والانصراف بقى فيه معاش عش على قده. فيه اولاد ربك يكفلهم ويشقوا طريقهم. ويسعوا زي ما سعيت. ركز ازعل خطوة والا لو خبت في الخطوة فمش هتلومي الا نفسك مش معنى زلك ان الشباب يبرطع لا الشباب برضه. لان الموت بييجي فجأة بس انا قصدي اقول مسألة المعاش دي واضحة وضوح الشمس انما الشاب ده الشاب اللي ناشئ في عبادة الله احسن من الشيخ اللي مات على عبادة اللي نشأ في عبادة الله ده ده ربنا بيزله في نشأ وشاب وكبر هيشيخ وهيكبر على الطاعة ان شاء الله رابع حاجة من قبول العمل بر الوالدين. سورة الاحقاف ووصين الانسان بوالديه احسانا حملته امه كرها ووضعته كرها وحمله وفصاله ثلاثون شهرا. حتى اذا بلغ اشده وبلغ اربعين سنة. خل بالك من الاربعين دي ميزان بعض العلماء قال لك ان كان لو واحد منحرف او او تايه كده ومش ضاربه الدنيا صرمة ولا عارف اخرته ولا عارف حاجة. ووصل لحد الاربعين وزي ما هو كده برضو قليل تغير غالبا بيموت على كده على الخيبة اللي هو فيها دي هلأ بنوصل عند اربعين وما نتغيرش. وبرضو ان شاء الله هيوصل عند الاربعين وهو على الطاعة بازن الله. هيكمل وهيموت على الطاعة ان شاء الله حتى اذا بلغ اشده وبلغ اربعين سنة قال رب اوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي اني تبت اليك واني من المسلمين. اخر الاية ايه؟ اولئك اهو البشرى اهي. اولئك الذين عنهم شف نتقبل عنهم احسن ما عملوا ونتجاوز عن سيئاتهم في اصحاب الجنة وعد الصدق الذي كانوا يوعدون يبقى البر الوالدين من امارات قبول العمل ما هو مش معقول تبقى صمت وصليت وحجيت. وزي ما انت زي ما انت في عقوقك ونهرك لوالديك لا مش ممكن ما تستقيمش. ما اعرف ان عملك ضاع حالك كما هو مع الوالدين بعد رحلة رمضان وانت زي ما انت او تيجي يوم العيد تمثل شوية تقول مسجدهم تدوس رجلهم اي همكة من الحاجات دي. وتاني يوم كل شيء ينجح كما هو. ها وانت وولادك ومراتك وفي وادي وهم في وادي عشان كده راح الدماغ هم مش عاوزين مني حاجة اصلا. لا يا حبيبي. اعرف منا اعمالك مدمرة اولئك الذين نتقبل عنهم احسن ما عملوا ونتجاوز عن سيئاتهم في اصحاب الجنة من امارات قبول العمل انشراح الصدر للطاعة الصدر ينشرح للطاعة تحس ان الطاعة حلوة وقلبك متشربها قلبك متشربها خلف من قلبك ده اعمله حاجتين بالنسبة للطاعة خليه زي السفنجة وبالنسبة للمعاصي خليه زي الازاز. والفتن. ازاز الفتن تيجي عليه تتزحلق. المعاصي تيجي عليه تتزحلق. اما الطاعة يشربها يشربها شرب فازا انشرح الصدر للطاعة اعرف ان الطاعة مقبولة ولزلك ربنا لما بيوصف الصلاة بيقول ايه؟ وانها لكبيرة الا على الخاشعين مش كبير سهل خالص وهينك خالص قليلة في عز البرد ولا عنده فكر. عز الحر احنا لما اروح الكهربا قطعت وكانت روحنا هتطلع يبقى احنا عندنا خلل في الخشوع اهو عاوزين نسلم ونطلع برة ليه؟ خلاص عصي. ها؟ يبقى ده خلل في خشوعنا. عنده حر عنده برد لانه في صلاة لكبيرة تقيلة الا على الخاشعين. الخاشع يا اخواني الصلاة بالنسبة له سهلة لان قلبه تشرب الطاعة. يبقى من امارات قبول الطاعة ان الصدر ينشرح له فمن يرد الله ان يهديه يشرح صدره وقال لنبيه الم نشرح لك صدرك والله العزيم يا اخواننا اللي يشوف غار حراء اجدع شنب ما يقدرش يروحه ولا يقعد فيه لوحده غار حراء مكان مقطوع ومكان عالي وموحش مخيف والنبي يقعد فيه الليالي زو وقت العدد ييجي يجهز تكون السيدة خديجة مجهزاه للزوات ياخدها ويروح. او هي توديها له. وقاعد صلى الله عليه وسلم. مكان مظلم ولا كهربا ولا مروحة ولا اي ولا انيس ولا جليس ممكن تبقى في عقارب في حيات في الجبال وجالس ينادي ربه في عالم تاني خالص ما لوش دعوة بعالم الارض اصلا ها لكبيرة الا على الخاشعين ويزل فيه حتى يأتيه الكرم من الله بالنبوة. ازا كل قلبي ينشرح ينشرح للطاعة يبقى الطاعة دي مقبولة ان شاء الله اقول ما سمعته واستغفر الله لي ولكم الحمد لله وحده والصلاة والسلام على من لا نبي بعده سيدنا علي كان لما يخلص ما هو اخر الا في رمضان كان يبكي يقول الا ليت شعري من المقبول فنهنيه ومن المرفوض فنعزيه. ويبكي يبكي على ايه؟ يبكي على حاله بيبكي على حاله. علي ربيب النبي صلى الله عليه وسلم ده ربيب النبي يا اخي. ربيبه. ربيبه. متربي في حجره وعلى ايديه وراضع من لبان الحكمة ورابع من لبان النبوة ما شاء الله ان يأخز وبعدين اكرم كمان بفاطمة رضي الله عنها ويعيط في اخر ليلة من رمضان تقول ليت شأني من المقبول؟ يا ترى انا مقبول؟ اهنئ او مرفوض فاعزى تخوف على العمل خوف على العمل يا عباد الله احنا بنبطل اعمالنا بحاجات كتير جدا وما احناش حاسين الم يقل رب العالمين ولا تبطلوا صدقاتكم بالمن والاذى بالمن والاذى تدي واحد قرشين سلف ولا حاجة مش صدقة لأ قرشين سلف. واللي بيسلف واحد تصدق عليه بنص المبلغ يعني لو سلفته الف يبقى انت تصدقت عليه بخمسمية اخر السداد شوية عمل موقف معكم مش ولابد ورجع لك برضو فلوسه تقعد بقى تقول وانا غلطان واول مرة واخر مرة وانا اللي استاهل الادب وانا خلاص يا سيدي كل اللي انت عملته روح لحاجة كله راح لحاله. بالمن والاذى. بنبطل اعمالنا بشيء من النفاق طبعا انت لما تسمع كلمة النفاق بتقول لا مش انا مش انا ده ناس تانية مش انا لا يا حبيبي ممكن تكون انت من غير ما تحس والله. من غير ما تحس لما رب العالمين قال للمنافقين في سورة التوبة وما منعهم ان تقبل منهم نفقاتهم. يعني بيطلعوا وبينفقوا بس ربه مش قابلهم وقال كده قال نفقتهم مش مقبولة كتير شوية مش مقبولة وما منعهم ان تقبل منهم نفقاتهم الا انهم كفروا بالله وبرسوله. وايه كمان ولا يأتون الصلاة الا وهم كسالى ولا ينفقون الا وهم كارهون. طب اهي امارات اهي الصلاة بكسل من امارات النفاق اتيان الصلاة بكسل من امارات النفاق. تمنع ايه؟ ممكن نفقتك ترفض. طاعتك ترفض. مش هقول لك كفروا بالله ورسوله احكم عليك بهزا الامر. ده امر ربنا هو اللي يعلمه. لما الامارة واضحة اهي. كفروا بالله ورسوله وبرسوله. ولا يأتون ان الصلاة الا وهم كسالى الا وهو وزكر لله برضو قليل يعني هو صلى بس صلى بكسل. والنبي وصف صلاته فقال تلك صلاة المنافق تلك صلاة المنافق يجلس يرقب الشمس يعني هو جائز مش شغال مش نايم مش مريض ما فيش حاجة شاغلاه يجلس يرقب الشمس. يعني عينه على الشمس هتغرب اهي هتغرب خلاص القرص اصفر هتسقط خلاص. قام فنقر اربعا صلى اربع ركعات سماها الرسول الصلاة قام فنقر اربعا لا يذكر الله فيها الا قليل. دي صلاة المنافق جلس يتفرج على الماتش ويرقب الشمس يشوف التمسيلية وعينه على وقت الغرور. يلعب وعينه على وقت الغروب. خلص يقوم يجري ينقر اربعة دي اعمال تحبط النفقة وترفض النفقة. واعمال تبطل الاعمال. وانت مش واخد بالك مش واخد بالك يا عبد الله حتى في الحديس التاني قال من فات من ترك صلاة العصر حبط عمله. تركها يعني ايه؟ يعني قعد لحد معادها ما خلاص ده ترك لصلاة العصر فنخلي بالنا من الاعمال دي اخر حاجة في قبول الطاعة ان اثرها يبان عليك لازم يبان عليك. لازم ما تمسلش. لا تحس فعلا ويبان عليك والناس تحس بها تحس انك فعلا طالع من الصيام تحس انك طالع من طاعة تحس انك راجع من الحج. تحس انك استقمت اعرف ان الطاعة مقبولة. لكن انت زي ما انت لا. او زدت واحد ايده ممدودة على طول ممدودة على طول وعمال يلهف من اي سكة ودخل رمضان وفطر ناس وعيط وصلى وطلع من رمضان ممدودة برضو وبدل كات اليمين بقت اليمين والشمال وبدل ما بقى ياخد بالدرج بقى الشيك على البنك على طول ما شاء الله. ده راجل صالح قوي صالح قوي بان عليه الهنا وهكزا قبل رمضان هو ابو زيد الهلالي مع النسوان والبنات كله واقف في دباديبه كل واحد في دباديبو يصحت يسقط اي واحدة يجيب مناخير اي واحدة فوق احنا رامي ودخل رمضان وعيط شوية وصلي وخرج ايه المحصول ازاي؟ بدل ما كانوا عشرة واقعين في دباديب بقوا خمستاشر بقوا عشرين اه اذا لابد ان يبان اثر الطاعة عليك. عشان تعرف ان هي قبلت. اذا اصر عليك اتلو ما اوحي اليك من الكتاب واقم الصلاة. ان الصلاة تنهى عن الفحشاء والمنكر ولذكر الله اكبر كل ما هو فاحش من قول وفعل. وكل ما انكره شرع الله من اقوال وافعال وعقائد كل ده فحشاء ومنكر. الصلاة تعمل ايه تنهى عن كل هذا. ده احنا يا اخي صلينا فرض ونفل وليل ونهار وضحى وقيام وتهجد. فلما تفضل برضو الفحشاء والمنكر كل اللي اتعمل ده في الهواء واحدة تبرجت للحداشر شهر ودخل رمضان لبست العباية ولا الاسدال خلص رمضان اخلع وارجع لاصلك وان الله جميل يحب الجمال والشيطان يلبس عليهم ازا لابد ان يبان اثر الطاعة على العبد مش يمسل لا فعلا اسرت فيه غيرت من فصيلة دمه فصيلة الدم تتغير محتوياتك الخارجية والداخلية تتغير. القلب اتلمع من الصدا اللي عليه. كلا بل ران على قلوبهم. يا اخي ده كل فترة بنجيب سلك المونيا ونليف المواعين. كان زمان بيجي مبيض النحاس ونطلع له الحلل والمواعيد ويجيب مواد معه ويولع نار ويسخن الحلل ويفرط فيها. ويلمعها والله العزيم قلوبنا عاوزة اكتر من كده عاوزة تتغسل وتبيض وتتصنفر كلا بل ران على قلوبهم ما كانوا يكسبون حداشر شهر ليل ونهار ازا لابد ان يبان علينا اسر الطاعة يا عبدالله عشان تحس ان طاعتك مقبولة رمضان فرض صيامه سنة قيامه سبقه سنة قبلية صيام ايام من من شعبان كتير ويتبعه صيام ايام من شوال زي السنة القبلية وبعديه. زي الضهر له سنة قبلية وبعدين. والجمعة سنتها بعدين فالسنة البعدية لرمضان ان تصوم ستا من شوال الست ايام دول بستين يوم. من جاء بالحسنة فله عشر امثالها ورمضان بعشر شهور يبقى عشر شهور وستين يوم شهرين يبقى سنة كاملة في السنة دي واللي بعديها وطول ما انت عايش تصوم تصوم رمضان ووراه ستة من شوال يبقى صمت الايه؟ الدهر كله كما قال النبي من صام رمضان ثم اتبعه ستا من شوال كان كمن صام الدهر كله عليك ايام من رمضان بسبب مرض او بسفر اقضيها الاول تقضيها الاول متفرقة او مجتمعة يقضيها الاول اه وبعدين صوم الستة من شوال. لو خلص شوال وانت لسه بتخلص في الايام اللي عليك صم من ذي القعدة طالما خدوا الشوال وانت لسه بتقضي اللي عليه صم من ذي القعدة على ان هو ده اللي تابع لرمضان بتاعك لان عقبال ما خلصت اللي عليك خلص منك شوال. صم من ذي القعدة. فصيامك صحيح وان شاء الله تؤجر وتاخد ببركة الحديث كان من صام الدهر كله اللهم ردنا الى دينك ردا جميلا. اللهم ردنا الى دينك ردا جميلا. اللهم ردنا الى دينك ردا جميلا. اللهم انصر ترضينك واعز اوليائك. اللهم من ارادنا وديننا وبلدنا بخير فوفقه لكل خير. ومن ارادنا وديننا وبلدنا بسوء فاجعل كيده في نحره واجعل تدبيره تدميرا. احفظ مصرنا وسائر انصار المسلمين من الفتن ما ظهر منها وما بطن. اللهم الف بين قلوبنا. اللهم الف بين قلوبنا. وازهف سخائم نفوسنا. اشف مرضانا وارحم موتانا واهلك اعداءنا. وصل اللهم وسلم وبارك على نبينا محمد. اذكروا الله يزكركم. واشكروا على نعمه يزدكم واقم الصلاة