طيب يا شباب نقول بسم الله والحمد لله والصلاة والسلام على رسول الله يا اهلا وسهلا ومرحبا. اهلا وسهلا. احنا في ابجديات الثقافة ايش اخذنا مو كموضوعات تفصيلية ايش اخذنا كمسار مسار كامل السيرة النبوية والخلفاء الراشدين وايش؟ لا لا ما في شي اسمه فتوحات لحالها لا شخصيات اخذنا مسار اسمه شخصيات. شخصيات اخذنا فيها من الصحابة ابو بكر الصديق واخذنا من من السلف اخذنا عبد الله بن المبارك واخذنا ابو بكر بن العربي واخذنا ابن تيمية واخذنا شخصيات متعددة صح؟ صحيح هذا مسار ثاني هذا راح نكمل فيه ان شاء الله. تمام؟ في مسار ثالث في ابجديات الثقافة ما اتوقع منكم احد يتذكر لانه احنا اخذنا فيه درس واحد فقط تاريخ الاسلام درس واحد فقط لا. لا لا هو اول درس كان تاريخ بس انه قلنا نرجع وناخذ من البداية السيرة النبوية. فيعتبر ضمن السلسلة. في درء مساق في الثقافة ما هو قصص اخذناه في عيد الفطر الماضي. حتى كان في الخلفية في نفافيخ ما ادري بلونات معلقة. اه. ها واقف لا مو مواقف كان مساق اسمه العلوم الاسلامية. اه العلوم الاسلامية كلمتكم كلمتكم في ذاك الفيديو عن علم اصول الفقه هذي السلسلة حاب اقول لكم انه احنا راح نستمر فيها باذن الله. يعني ابجديات الثقافة مرة خلفاء راشدين. مرة شخصيات مرة ايش علوم اسلامية مرة علوم اسلامية تمام؟ ننتقل بين هذي المسارات والهدف منها واحد وهو انه يكون عندكم ابجديات في الثقافة الاسلامية ونرفع الجهل عن انفسنا في ابواب مهمة ما يحسن بنا انه نجهلها. مجموع ما ستأخذه ان شاء الله من هذي المسارات الثلاثة راح يزيد ثقافة الانسان كثير ممكن نفتح مساق رابع ومساق خامس فنحاول نغطي مساحات واسعة من الثقافة الاسلامية باذن الله تعالى. ممتاز؟ اليوم راح يكون الشخصيات راح يكون بساط مين؟ الشخصيات وراح اكلمكم عن شخصية اسلامية عظيمة وجميلة جدا وسبق انه احنا في الدرس الماضي في قصة عثمان بن عفان ذكرناه كاشارة اسم بس ما ذكرناه كتفاصيل كقصة الزبير ابن العوام رضي الله تعالى عنه يا سلام. انا انا بالنسبة لي شخصيا احب الزبير بن عوام جدا جدا وهو ايش مين يعرف لقبه مين اللي قال حواري والرسول مرحبا اهلا وسهلا. طيب آآ الزبير بن العوام لقبه اللي لقبه الرسول اياه حواري الرسول صلى الله عليه وسلم سمعنا حواري انا اقول ايش معنى حواري في متابعين او شيخ الصديق المنصرين لهم صحيح بعضهم قال الحواري هو الصديق المقرب بعضهم قال الحواري هو ناصر يعني المناصر قولي تنين واذ قال عيسى ابن مريم يا للحواري يا يا بني اسرائيل والحواريين من انصاري؟ الى الله. قال الحواريون نحن الله الرسول صلى الله عليه وسلم لما كان في غزوة لما كان في معركة الخندق كان جاء الخبر انه في خيانات هذي الخيانات ناتجة من جنوب المدينة من بني قريظة. بني قريظة هم ناس من اليهود كان الرسول صلى الله عليه وسلم لمحمد حمزة اتفق معاهم وعمل معاهم صلح ان هما ما يتعرضوا للمسلمين وللرسول صلى الله عليه وسلم ممتاز؟ ممتاز. الرسول صلى الله عليه وسلم تفرغ وعسكريا لشمال المدينة. حفر خندق وجلس هو والصحابة في عند الخندق والمشركين جاءوا باعداد كبيرة عشرة الاف شخص وكان حصار شديد جدا ما كان احد من المسلمين قادر على انه هو يترك مكانه تخيلوا في تلك اللحظة اللي الله وصفها في القرآن مين يعرف الاية اللي الله وصف فيها تلك اللحظة يا سلام عليك اعطوه نقطة كذا مزبوطة ريان ريان اذ جاؤوكم من فوقكم ومن اسفل منكم واذ زاغت الابصار وبلغت القلوب الحناشر من الخوف وتظنون بالله تظنونا جاء الخبر جاء الخبر للنبي صلى الله عليه وسلم بانه بني قريظة اللي في جنوب المدينة اللي على اساس انه بيننا وبينهم صلح اللي على اساس انهم راح يسووا شي ترى بدأت عندهم تحركات هذي التحركات تدل على انه نسقوا مع المشركين وممكن يهجموا من تحت والمشركين اصلا قدموا محاصرين من فوق. كانت لحظة مرة صعبة النبي صلى الله عليه وسلم اراد ان يرسل يرسل يرسل شخصا يثق به جدا حتى يأتيه بخبر بني قريظة وهل هم بالفعل غدروا او ما غدروا وارسل الزبير بن العوام رضي الله تعالى عنه فذهب الزبير وجاء بالخبر الى النبي صلى الله عليه وسلم الزبير بن العوام يا شباب واباكم توقفوا كذا عند هذي النقطة الزبير ابن العوام لمن قرر انه يسلم ولاحظوا كلمة قرر انه يسلم. قرر لانه في ذيك اللحظة في ذاك الوقت ما كان في احد يولد مسلم صح؟ صح ليش ما كان في احد يولد مسلم؟ توه الاسلام بدأ تو الاسلام بدأ ما كان يمدي انه في احد يولد اصلا الاسلام هذا تكلم بداية الاسلام الزبير لما قرر قرار شخصي ان هو يدخل في دين محمد صلى الله عليه وسلم الذي يبدأ بلا اله الا الله محمدا رسول الله. لما قرر انه يدخل هذا الدين كان شاب صغير جدا. قيل انه عمره كان بحدود الاثنعش ثلطعش وقيل عمره ستطعش يعني باعمار مين؟ باعماركم خلينا نقول انه عمره ستطعش عمره ستاش يا جماعة يقرر قرار عظيم زي كذا انه هو يدخل في الاسلام هذا قرار كبير جدا يدل على شخصية قوية قوية قادرة على اتخاذ القرار ويدل على شخصية ايش؟ ذكية تفكر شباب هو لمن دخل في الاسلام تعرفوا ايش فارق فارق كل شي كان يعرفه من يوم ما ولد الين ما صار عمره ستطعش خلاص انت قول كل شي وانتهينا ما يحتاج تعدد كل شي تمام؟ عشان ايش؟ طيب شباب الان في ناس مننا يعني اعمارهم خمسطعش ستطعش اربعطعش ما هو مستعد يفارق صاحب واحد سيء مو مستعد يفارقه مع انه هو يعرف انه هذا الصاحب سبب لدلالته على الذنوب والمعاصي وسبب انه هو يقصر في كثير من الطاعات بس صاحبي احبه مم اسلوبه حلو عنده نكت يضحك فما هو مستعد انه يترك صاحب سيء صاحب سوء صاحب داعي الى الحرام. عشان هو مبسوط بس هذا اللي ما يقدر يترك صاحب واحد هل ممكن يكون مثل الزبير بن العوام؟ لا بعيدة ما ممكن صح عشان كذا يا شباب لما احنا نقول الصحابة الكرام والزبير بن العوام وفلان من الناس ترى هو مو انهم بس راحوا مع رسول الله صلى الله عليه وسلم ورجعوا وانتهينا لا هي القضية فعلا انه هم قدموا اشياء تستحق انها تجعلهم افضل عباد الله بعد بعد الانبياء. بعد الانبياء. طيب آآ الزبير بن العوام رضي الله تعالى عنه معروف انه باول من رفع سيفا في الاسلام اول من رفع سيف في الاسلام وهو كم عمره؟ سبعطعش ستطعش هذا على القول بانه اسلم ابو سطعش في بعظ الروايات تقول انه من رفع السيف كان عمره اتناش طناش يقولوا ماشي في مكة معاه السيف حتى صاروا يقولوا شوفوا الغلام معاه السيف ايش في؟ ايش في؟ يقول لك سمع ان الرسول صلى الله عليه وسلم تعرض لاذى في مكة سمع فخرج مين مين مين مين اللي عينه في راسه تعرض للرسول صلى الله عليه وسلم. شاب صغير ولكن عنده روح وقادة في داخل يحملها بين جنبيه ولا عجب ولا عجب لان ام الزبير هي من ربته على هذه المعاني تعرفوا ام الزبير مين هي؟ مين هي؟ هي بنت عبد المطلب. صفية. رضي الله تعالى عنها طبعا ابن الزبير رضي الله تعالى عنه مين اولاد الزبير؟ عبدالله بن الزبير. عبدالله ومين؟ وعروة. مم. عروة ما هو صحابي يعني عروة لمن ايوة تابع يعني ولد بعد وفاة النبي صلى الله عليه وسلم تمام او ولد في اخر عهد النبي صلى الله عليه وسلم ما رأى النبي صلى الله عليه وسلم المهم صغير عروة يقول لك كان يلعب يلعب في في كتف ابوه الزبير. هم هنا في عاتقه كان في حفرة تخيل انه يمسك كتفه زي كذا شوية يلقى حفرة هنا يقعد يدخل اصبعه فيها ويقعد يلعب فيها. هذي الحفرة ضربة سيف ضربها الزبير ابن العوام في معركة بدر كان في ثلاث ضربات ثنتين في بدر ووحدة في اليرموك. ضربات ضربات يعني تمام؟ يعني كذا حفرة هذا الزبير بن العوام كان يوم بدر تخيلوا الرسول صلى الله عليه وسلم الجيش ثلاث مئة واربعطعشر واحد ما كان معاهم الا فرسين تمام وفارسين طبعا تخيل واحد منهم الزبير. المقداد. الثاني المقداد الزبير المقداد هذا معناه انه الزبير ايش كان بالنسبة للمسلمين؟ كان بالنسبة للمسلمين رقم صعب رقم صعب الرقم الصعب هو اللي اذا غاب ايش اذا غاب ايش؟ اذا غاب يفقد اذا غاب يفقد يفقد فكن رقما صعبا اذا غبت تفتقد كن رقما صعبا انا ما اقول لك رقما صعبا تصير شخصية مشهورة لا رقم صعب يعني وجودك مهم في الحياة وجودك مهم شباب في ناس وجودهم في الحياة غير مهم في ناس وجودهم في الحياة ايش؟ عبء ومشكلة وضرر. تعرفوا ان الرسول صلى الله عليه وسلم لما قال لمن مرت في جنازة قال مستريح ومستراح منه حديث صحيح. حديث عبادة ابن الصامت في البخاري ومسلم مستريح ومستراح منه ايش معنى مستريح ومستراح منه؟ يعني الناس ارتاحوا مستريح للغات خلاص؟ يعني الرسول صلى الله عليه وسلم قال انه الجنازة دائما الناس احد امرين اما تكون جنازة مستريحة واما ان يكون مين؟ مستراحة. مستراحة منها. المستريحة قانون هو شرح الرسول صلى الله عليه وسلم قال اما العبد المؤمن فيستريح من نصب الدنيا واذاها الى رحمة الله واما العبد الفاجر فيستريح منه العباد والبلاد والشجر والدواب مستراح منه هذا شباب كن اذا جاءت لحظة وفاتك كن ممن يوصف بانه ايش مستريح وليس وليس مستراحا منه. الزبير رضي الله تعالى عنه كان ممن اذا غاب يفقد كان الزبير له ثقل له قيمة له قدر. تخيلوا من بين ثلاث مئة واربعطعش هو في فارسين هو واحد منهم في فارسين في واحد منهم الرسول صلى الله عليه وسلم كان يفتقد الزبير يوم احد لمن انطبق المشركون على المسلمين من الامام ومن الخلف وانهزم حقين الرماة الزبير رضي الله تعالى عنه كان من القلة اللي ثبتوا كانوا من من اللي مع النبي صلى الله عليه وسلم في في اقرب المواطن الى النبي صلى الله عليه وسلم وكان من اللي دافعوا عن الرسول عليه الصلاة والسلام. طيب الزبير بن العوام رضي الله تعالى عنه كان ما روى احاديث كثيرة مع انه اسلم من بدري واغلب الاحاديث سمعها عن النبي صلى الله عليه وسلم ولكن كان عنده ورع يعني خاف ليروي الحديث غلط ايوه كان عنده ورع يعني كان يخاف انه هو يحدث بحديث عن النبي صلى الله عليه وسلم ويخطئ فيه لانه عبد الله ابنه كان يقول له يا ابتي انت الان صاحبت الرسول صلى الله عليه وسلم وما تروي احاديث كثيرة وفلان وفلان وفلان من الصحابة يرووا كانه يبغى ابوه انه ايش؟ انه يرويه فالزبير بن العوام قال اني اخشى او اني سمعت النبي صلى الله عليه وسلم يقول من كذب علي متعمدا فليتبوأ مقعده من النار. شوفوا هذا الصحابي اللي من اول الاسلام وهو مع النبي صلى الله عليه وسلم كان مع ذلك حريص جدا انه هو ما يخطئ بشيء عن النبي صلى الله عليه وسلم. وهذا شيء آآ يدل على على ورع عبدالله على ورع الزبير رضي الله تعالى عنهم. طيب شباب لما آآ لما انتهت معركة احد مين اللي كان فايز في المعركة. مشركين تمام المشركين طبعا لمن فازوا في المعركة قالوا يوم بيوم يوم بيوم بدر كانوا توهم طالعين من معركة بدر مهزومين هزيمة شديدة جدا جو في معركة احد في البداية انهزموا بعدين لمن الرماة عصوا انقلبت الكفة وفاز وانتصر المشركون. طيب لما غادر المشركون المدينة بعد انتصارهم النبي صلى الله عليه وسلم اراد انه يرهب ويخوف المشركين اللي توهم خارجين من المدينة لانه في احتمال كانه سمع النبي صلى الله عليه وسلم انه ممكن يرجعوا مرة ثانية لانه صاروا فيما بينهم يقولوا يا جماعة انتوا الان هزمتوا المسلمين في معركة احد ترى الجيش مكسور ظهره ايش رأيكم نرجع ونغير عالمدينة وننهي امر النبي صلى الله عليه وسلم تماما وتنتهي القضية فهم يتكلموا في هذا الكلام بلغ هذا الكلام الى النبي صلى الله عليه وسلم فسار النبي صلى الله عليه وسلم يكلم الصحابة اللي كانوا معاه في احد اللي توهم خارجين من الجراح والدماء ويقول لهم من يذهب ويطارد كاين اللي توهم خرجوا من المدينة منتصرين اصبروا معه وتطوعوا. سبعين واحد انتدب لهذه المهمة الخطرة جدا واللي وصفها الله وسجلها في القرآن الكريم الذين استجابوا لله والرسول من بعد ما اصابهم. القرح للذين احسنوا منهم واتقوا اجر عظيم. الذين قال لهم الناس ان الناس قد جمعوا لكم فاخشوهم فايش؟ الله. الناس جمعوا لهم ويقولون لهم اخشوهم خافوا ترى راجعين لكم فالنتيجة تكون انه ايش؟ زادتهم ايمانا فزادهم ايمانا وقالوا حسبنا الله ونعم الوكيل. عائشة رضي الله عنها كانت تقول لعبدالله ابن الزبير كانت تقول له ان ابواك او ان ابويك منهم مين مين ابواه؟ بنت عبد المطلب لا صفية ما كانت معاه. الزبير ابن العوار. الزبير وابو بكر الصديق وابو بكر الصديق. ليش تقول ليش ابو بكر الصديق؟ تقول له من انه ابوك؟ من جدك. ايه جدك كيف كان جده من من؟ مين زوجة الزبير امه صفية زوجته مين اسماء بنت ابي بكر الصديق. اخت مين؟ اخت اه عائشة رضي الله تعالى عنها. جميل جميل طيب في معركة اليرموك تتذكروا احنا اخذنا معك تليفونك صح؟ صحيح. جيش عرمرم جدا للمشركين جو المسلمين يبحثوا عن مبادرة. هذه المبادرة يبغوها تسوي اعادة شوية اعادة توازن وتسوي خلل في جيش المشركين راحوا اجتمعوا وقفوا عند مين؟ الزبير. الزبير ابن عوام. قالوا يا زبير نبغى احد رجال بطل يقتحم جيش المشركين وحنا وراه وحنا وراه. تمام؟ فالزبير بن العوام قال لهم يا جماعة ترى انا ما عندي مشكلة انا اقتحم الجيش. حياك الله. بس انتم ما راح تقدروا تصبروا مايا فقالوا ابدا هندخل معاه هندخل معاه فمسك الخيل الزبير وكان معاه مين كان معاه ولده عبد الله ابن الزبير عمره كم؟ سنة يعني كان شاب صغير كان شاب صغير تقريبا عمره ما بين عشرة الى خمسطعشر سنة عبد الله بن الزبير فراح اخذ عبد الله بن الزبير اعطاه المدرمين شد الخيل ومعاه السيف والدرع وبسم الله وقال لهم انتوا بس احموا ظهري. واذا كانكم احموا مين؟ اه عبد الله اه الزبير. الزبير اركان عمره يعني يمكن في الاربعة وثلاثين خمسة وثلاثين كان شاب في عنفوان الشباب او او قريب من ذلك فاقتحم الزبير بن العوام رضي الله تعالى عنه الجيش الى اخره ولمن وصل الى اخر الجيش اكتشف انه ما كان في ولا احد معاه وصار الرجوع الان اصعب فرجع من اخر جيش المشركين الى ان وصل الى جيش المسلمين وحده وكان هذا كانت هذي بطولة انت الان انت الان تتكلم فيها كلام بس انت تتخيلي على ارض الواقع فعلا شي صعب صعب صعب جدا انه هو ممكن يصير. لكن الزبير ابن العوام رضي الله تعالى عنه كان من اشجع من مشى على الارض بالمناسبة كان رجل طويل جدا يقال انه لمن يجلس على الخيل رجوله توصل الارض لما يركب على الخيل رجوله توصل الارض يسموها تخط الارض يعني طويل الرجل ضخم تمام؟ يعني او انها تكون قريبة من من الارض هي اكتر من شخص كان يوصفه بهذا بهذا المعنى. طيب في انتوا تعرفوا الان الضباط الكبار حقين الجيوش يعلقوا عليهم نياشين واوسمة صح؟ صح تلقى هنا عنده في صدره خمسطعشر وسام وعلم وما ادري ايش صح؟ طيب الزبير كان عنده نياشين واوسمة يروح بس كان عنده نياشين واوسمة ولكنها نياشين واوسمة من النبي صلى الله عليه وسلم فكان من اعظم الاوسمة اللي كانت على صدره وسام العشرة المبشرين بالجنة يمشي على الارض وهو مبشر بالجنة. هيجيب لي اوسمة الدنيا كلها ويحط لي هذي مقابل وسام ان هو مبشر بالجنة. هذا الوسام الاول الوسام الثاني حواري الرسول عليه الصلاة والسلام. الوسام الثالث شهد بدرا تعرفوا ان عمر ابن الخطاب رضي الله عنه كان دائما يكرم اهل بدر لانه هذول اهل بدر كان لهم شأن خاص في المسلمين. في الاسلام. تخيل احنا يعني كذا مثلا تجلس يقول لك والله هذول لهم سنتين هذول مدري ايش هذول اهل بدر اهل بدر اهل بدر هذا وسام شرف لا يعادله شيء لا يعادله شيء. فالوسام الثالث عند الزبير ايش انه بدري الوسام الرابع عند الزبير رضي الله تعالى عنه سابق من السابقين الى الاسلام من السابقين للاسلام كان من اوائل من دخل في الاسلام وهو شاب. واسلم على يد مين؟ على يد ابي بكر الصديق رضي الله عنه. فايش رأيكم في هذه النياشين الاربعة او الاوسمة الاربعة ها احسن من اي نيشان او اي وسام يمكن ان يعلق على صدر الانسان حسان ابن ثابت رضي الله تعالى عنه تعرفوه طبعا. ايه ايش كانت شغلته وصف بايش؟ شاعر شاعر النبي صلى الله عليه وسلم. هذا حسان بن ثابت كان محب للزبير وكتب فيه ابيات شعرية راح اقرأ عليكم هذي الابيات عاد اللي يفهم الشيب واللغة العربية كويس راح يفهمها واللي ما يفهمها ها يحاول يفهم ايش يقول عن الزبير؟ يقول اقام على هدي النبي وعهده حواريه والقول بالفعل يعدل اقام على منهاجه وطريقه يوالي ولي الحق والحق اعدل. هو الفارس المشهور والبطل الذي يصول اذا ما كان انا يوم محجل اذا كشفت عن ساقها الحرب حسها بابيض سباق الى الموت يرقله الابيض اللي هو السيف اذا كشفت عن ساقها الحرب حسها بابيض سباق الى الموت يرقل وان امرأ كانت صفية امه ومن اسد في بيتها لمؤثر. له رسول الله قربى قريبة ومن نصرة الاسلام مجد مؤثر هذا اجمل بيت في القصيدة بالنسبة لي فكم كربة ذب الزبير بسيفه عن المصطفى. والله يعطي فيجزل ثناؤك خير من فعال معاشر وفعلك كيابن الهاشمية افضل هذا حسان في الزبير رضي الله تعالى عنه عنهم الزبير رضي الله تعالى عنه كان من الثابتين على الاسلام وشوفوا يا شباب كل اللي رباهم النبي صلى الله عليه وسلم في بداية الاسلام ثبتوا على الاسلام. لما نحن نقول ثبتوا على الاسلام يعني في ناس ايش؟ ممتدة. في ناس ارتدوا في ناس ما ثبتوا لما تعرضوا للفتن ما ثبتوا ارتدوا مباشرة شباب في قبائل اسلمت بعد فتح مكة الرسول صلى الله عليه وسلم لما فتح مكة اصلا من قبل فتح مكة كانوا في قبائل في الجزيرة العربية يقولوا يا جماعة الخير احنا نبغى نشوف ايش النهاية مع هذا الرجل اللي خرج ويقول انه رسول من عند الله نريد ان نرى النهاية هل النهاية له ام النهاية؟ عليه. اذا كانت النهاية له سنبايعه على الاسلام. واذا كانت النهاية عليه لن ندخل الاسلام. لما فتحت مكة اللي هي كانت بلد اكبر اعداء النبي صلى الله عليه وسلم قريش اللي هم كانوا حملة لواء الحرب ضد النبي وسلم جاءت القبائل والوفود الى النبي صلى الله عليه وسلم تدخل في الاسلام. الاسلام. سنتين تقريبا ثلاث سنوات بعد فتح توفي النبي صلى الله عليه وسلم. لما توفي النبي صلى الله عليه وسلم قالوا ما عاد في خلاص بدينا برة. فالقبائل العربية الكثيرة اللي دخلت في الاسلام دخلت في الردة. تمام؟ وهم على طوائف ناس منهم قالوا احنا ما نعترف اصلا الان بالاسلام بل بنعترف بنبي جديد اسمه مسيلمة الكذاب وفي ناس منهم قالوا لا احنا ما نترك الاسلام الاسلام دين كويس ولكن ما نتبع خليفة المسلمين ولا نكون والزكاة هذي اللي طالبها احنا ما ندفعها ولا نؤديها له. هم. تمام؟ شباب اللي ثبتوا على الاسلام هم اهل المدينة واهل مكة واهل الطائف ومسجد جواثة في البحرين. بس هذول اللي ثبتوا عن الاسلام. ابو بكر الصديق رضي الله عنه وسلم طلع الله من كان يعبد محمدا فان محمد. صح. فقد مات. ومن يعبد الله فان الله. صح. الاصنام ممكن يكون رجعوا للاصنام ايه ممكن بس هو اصلا ابو بكر الصديق ما خلاهم يتنفسوا ابو بكر الصديق رضي الله تعالى عنه وقف وقفة لولا هذه الوقفة لما كان الاسلام انتشر الانتشار اللي تعرفه. شباب احنا ان وصول الاسلام الى اسوار الصين بعد سنوات قليلة من وفاة النبي صلى الله عليه وسلم احنا نتكلم عن وصول الاسلام بعد مئة سنة بس الى قريب من باريس باريس عاصمة فرنسا الاسلام وصل الى ثلاثين كيلو عن باريس تلاتين كيلو يعني مصر وليبيا الجزائر تونس المغرب هذي من بدري من زمان من بعد وفاة النبي صلى الله عليه وسلم كم سنة انفتحت بعدين بدأوا دخلوا ايش؟ في عام تسعين دخلوا اسبانيا دخلوا الاندلس. اخذوا اسبانيا كاملة دخلت في الاسلام. وبعدين دخلوا الى جنوب فرنسا وصلوا الى باريس قريب باريس تمام؟ هذا بس مئة سنة بعد وفاة النبي صلى الله عليه وسلم ولا شي هذا كله من جهة ايش من جهة المغرب من جهة المشرق باكستان ايران افغانستان اوزباكستان شباب انتوا عارفين انه في صحابة في صحابة مدفونين في هذيك البلاد يعني مدفونين في بعد اربعة الاف وثلاثة الاف كيلو عن المدينة والفتوحات نشر الاسلام. نشر الاسلام. في عهد النبي بعد النبي صلى الله عليه وسلم. الصحابة طيب. ايش الصحابي تعريفه انه يموت مع النبي صلى الله عليه وسلم ايوب الانصاري ابو ايوب الانصاري. ابو ايوب الانصاري غيره صحابة كثيرة رضي الله تعالى عنهم دفنوا في اقطار الارض تراب هذول كم كان اعدادهم اللي ثبتوا الاسلام ما كان الا عدد قليل ومنهم ابو بكر الصديق رضي الله تعالى عنه الذي احيا الاسلام بثباته في الخلافة ومحاربته للمرتدين ومنهم الزبير ابن العوام رضي الله تعالى عنه الذي كان ثابتا وبطلا من ابطال الاسلام شباب نحن نتحدث عن هذه القصص ليس لاجل التسلية والمتعة يعني مجرد انه الانسان يسمع نحن نتكلم عن هذه القصص لان الله سبحانه وتعالى في القرآن قص علينا القصص. ولما قص علينا القصص قال لقد كان في قصصهم عبرة لاولي الالباب. ما كان حديثا يفترى ولكن تصديق الذي بين يديه. واحنا نقول يا شباب نحن نقص عليكم هذي القصص ليس لاجل تسمية والمتعة وانما نقص عليكم هذه القصص لكي نستفيد منها ونتشبه بهؤلاء الابطال. شباب احنا في زمن اكثر الرموز اللي هم قدوات للشباب رموز جيدة ولا سيئة؟ رموز سيئة رموز لا تستحق ان تكون رموزا رموز لا تستحق ان تصدر. رموز ما يستحقه انه احد يتابعهم. ولكن مع ذلك مع الاسف يتابعون بالملايين لذلك احنا نحتاج انه نبرز لكم قدوات ابطال من ابطال المسلمين حتى نعرف انه احنا امة عظيمة امة كبيرة امة لها رموز ولها قادات ولها رجال فتشبهوا ان لم تكونوا مثلهم ان التشبه بالكرام فلاح وصل اللهم على نبينا محمد وعلى اله وصحبه اجمعين