بسم الله الرحمن الرحيم. السلام عليكم ورحمة الله وبركاته. اهلا بكم في فيديو جديد من سلسلة مدخل الى دراسة الكتاب المقدس. وتعالوا نشوف السؤال اللي احنا نجاوب عليه النهاردة العهد القديم اسم تم اطلاقه على مجموعة الكتابات المقدسة اليهودية. اللي تم كتابتها قبل المسيح عليه السلام. في نقطة في غاية الاهمية لازم نكون عارفينها. في حاجة اسمها قانون الكتاب المقدس. يعني ايه قانون الكتاب المقدس قانون الكتاب المقدس ببساطة واحنا هنتكلم على موضوع القانون باستفاضة فيما بعد. لكن على الاقل لازم نكون عارفين ان قانون الكتاب المقدس معناه قائمة الاسفار المقدسة اللي مفروض تكون في الكتاب المقدس. ففي حاجة اسمها قانون الكتاب المقدس. قانون العهد القديم قانون العهد الجديد. قانون الكتاب المقدس يعني قائمة الاسفار المقدسة. اللي موجودة في الكتاب المقدس ككل بالعهدين. قانون العهد القديم يعني قائمة الاسفار المقدسة اللي مفروض تكون في العهد القديم. وقانون العهد الجديد يعني قائمة الاسفار المقدسة اللي مفروض تكون في العهد الجديد من موضوع القانون ده بندخل في موضوع ان عدد الاسفار بيختلف من طائفة لاخرى. كويس جدا. لما بنيجي بقى نتكلم عن العهد القديم وان العهد القديم هي مجموعة الكتابات المقدسة اليهودية اللي اتكتبت قبل المسيح عليه السلام. لازم نلاحز الا في غاية الاهمية ان التراث اليهودي والكتابات المقدسة اليهودية كانت كثيرة جدا جدا. وبعدين في مرحلة قال من المراحل اليهود اجتمعوا علشان يقرروا قانون العهد القديم. كذلك المسيحيين في مرحلة من المراحل جلسوا ليقرروا ما هو قانون العهد الجديد. وكذلك لان المسيحيين تقبلوا الكتابات المقدسة اليهودية. فهم جلسوا ايضا او ليتأكدوا من قانون العهد القديم. فبالتالي ده معناه ان العهد القديم اللي ما بين ايدينا مش هي كل الكتابات المقدسة اليهودية. فيه كتابات مقدسة تانية يهودية. ممكن كون عليها خلاف ما بين الطوائف اليهودية المختلفة بمعنى ان في يهود بيقبلوها كاصفار مقدسة في يهود ما بيقبلوهاش كاسفار مقدسة او بشكل عام هي كتابات مرفوضة من الجميع لكنها بتدخل تحت بند حاجة بتسمى ابو كريفا وهنتكلم عن الموضوع ده باستفاضة فيما بعد. لكن حاليا لازم نعرف ان كلمة ابو كريفا معناها كتابات المنحولة او الكتابات المزورة او الكتابات الغير مقبولة كمقدسة. لكنها بتبقى راجعة تراس معين. ففيه ابو كريفا العهد القديم وفيه ابو كريفا العهد الجديد. ابو كريفا العهد القديم يعني الكتابات المنحولة الكتابات المزورة الكتابات التي لم تقبل كمقدسة. لكنها في التراث اليهودي منسوبة لنبي من انبياء بني اسرائيل او كانت ممكن تبقى من ضمن الكتابات المقدسة. كذلك ابو كريفا العهد الجديد نفس النظام. انها كتابات تراثية مسيحية منسوبة لرسول من رسل المسيح عليه السلام لكنها ما دخلتش ضمن قانون العهد الجديد اسم العهد القديم مسمى مسيحي في الاصل. يعني ايه؟ يعني اليهود ما بيسموش مجموعة كتاباتهم المقدسة بالعهد القديم. لكن بولس هو اول واحد يسمي الكتابات المقدسة اليهودية بالعهد القديم. بسبب ان المسيحيين عندهم فكرة العهد القديم والعهد الجديد. ودي مسألة مرتبطة بسيدنا ابراهيم عليه السلام ووعد وعهد قد وقسم ما بين الله وما بين ابراهيم عليه السلام بان الله عز وجل يباركه ويعطيه ارض ويكثر من نسله وهكذا مسألة مرتبطة بالعهد القديم وبسيدنا ابراهيم ومن بعده بسيدنا موسى ومن بعده بسيدنا داود والمسألة اللي اليهود بيتكلموا وعليها ارض الموعد او ارض الميعاد والارض المقدسة الموعودة لهم والمسيح المنتظر قصة كبيرة جدا جدا مختصرها ان اليهود بيؤمنوا ان هم اصحاب العهد. وان عهدهم مش قديم ولا حاجة. لكن المسيحيين بقى بيؤمنوا انك خلاص بقى في عهد قديم مع اليهود لم يعد ساريا وبقى في عهد جديد مع مجموعة جديدة اللي هم المسيحيين. المسيحيين بيعتقدوا ان ربنا خلاص اه لعن اليهود ولم يعد راضيا عنهم. واصبح عهدهم مع الله قديما. لان هم ما صانوش هذا ما عملوش بالوصايا والشرائع والاحكام فربنا غاضب عليهم خلاص وبما ان اليهود نكسوا عهدهم الله عز وجل آآ لم ينفذ آآ ما كان سيعطيه لليهود لو كانوا التزموا بطرفهم من العهد يعني العهد عبارة عن طرفين. اليهود لو عملوا كذا الله عز وجل سيعطيهم كذا. لو اليهود ما عملوش الله عز وجل لن يعطيهم. هذا هو العهد. بدايته كان مع سيدنا ابراهيم الالتزام بالوصايا والشرائع والاحكام. وبعدين مع سيدنا موسى ونزول التوراة وبعدين مع داوود عليه السلام في بعض التفاصيل قمت بشرحها باستفاضة في سلسلة آآ مدخل الى المسيحية وقراءة في تأجيل واعمال الرسل والنص بتاع اعمال الرسل آآ اللي كان في آآ قسم لداوود عليه السلام شرحت الموضوع ده بالتفصيل. لكن المهم ان المسيحيين دلوقتي يؤمنوا ان هم اصحاب عهد جديد واليهود اصحاب عهد قديم لم يعد ساريا مع الله عز وجل. فبالتالي بولس اعتقد بقى ان العهد هو المرتبط بالصلب والفداء وان المسيح عليه السلام آآ سيأتي ويصلب ويموت ويقوم من بين اموات لتغفر لنا خطايانا السالفة. وبعدين احنا ندخل الجنة بالايمان بالصلب والفداء وان المسيح اتصلب علشانا وهكذا فبولس اعتقد ان هو ده العهد الجديد. عهد جديد مش مرتبط بتنفيذ الوصايا والشرائع والاحكام. لكن مرتبط بالايمان هندخل الجنة. العهد القديم كان ما بين الله واليهود مرتبط بالشريعة وتنفيز وتنفيز الشريعة والوصايا والشرائع والاحكام لو اليهود التزموا بالشريعة ربنا هيعطيهم الارض وهيعطيهم البركة وهيعطيهم النسل. هم ما التزموش فبالتالي ربنا ما اعطاهمش ففي مرحلة من المراحل العهد ده اصبح قديم وغير ساري بقى في عهد جديد. العهد بتاع يسوع المسيح والصلب والفداء ودخول الجنة بالايمان ودي بدعة بوليسية يبقى في النهاية بعد الكلام الكثير ده كله لازم نكون عارفين ان مسمى العهد القديم ده مسمى مسيحي. اليهود ما بيسموش كتبهم المقدسة العهد القديم. ايه هو العهد الجديد دخول الجنة عن طريق الايمان بالصلب والفداء. وايه هو العهد القديم؟ العهد القديم دخول الجنة عن طريق اتباع الوصايا والشرائع والاحكام. مين اللي اخترع موضوع العهد القديم والعهد الجديد بولس. بولس هو اللي قال خلاص عهد بتاع تنفيز الوصايا والشرع والاحكام عشان ندخل الجنة ما بقاش شغال. بقى في عهد جديد دخول الجنة عن طريق الايمان بالصلب والفداء طيب اذا كان اليهود ما بيطلقوش على كتاباتهم المقدسة العهد القديم. امال بيطلقوا على كتاباتهم المقدسة اسم ايه؟ اليهود بيطلقوا على كتاباتهم المقدسة اسم تناخ. تناخ. والتناخ المفروض ان هو اسم عبري مأخوذ من الحرف الاول من الاقسام اللي اليهود وضعوها لكتاباتهم المقدسة. يعني اليهود بيقسموا كتاباتهم المقدسة اقسام. القسم الاول تراه. القسم التاني نفيين. القسم التالت كيتوفين. والمفروض كيتوفين اه حرف الكاف في العبرية لما بتكون في اخر الكلمة بتنطق خا. مش مشكلة يعني مش قضيتنا في النطق. لكن المهم ان اليهود بيقسموا كتاباتهم مقدسة تراه ونفيين وكيتوفين يعني التوراة والكتابات الانبياء والكتابات المقدسة الاخرى. تلات اقسام هم خدوا اول حرف من اسماء الاقسام العبرية وخلوها اسم. فته من توراة نون من نفيين كاف من كيتوفين فبقت المناخ والكاف في العبرية لما بتيجي في الاخر بتنطق حرف الخاء في نقطة ممكن تكون مش مهمة قوي بالنسبة للمسيحيين لكن انا بحب اسلط عليها الضوء. مسألة ان تقسيم الاسفار بالنسبة لليهود وبالنسبة للمسيحيين مختلف. ودي نقطة هنسلط عليها الضوء دلوقتي وهنتكلم عليها باستفاضة فيما ابعد. اليهود بيقسموا كتابهم ترا وكيتوفين. التوراة اللي هي اسفار موسى الخمسة. وبعدين النفيين هي اسفار الانبياء الكبار والانبياء الصغار وهنتكلم عن ده بالتفصيل بعد شوية وبعدين الكتابات الاخرى هي الكتابات التاريخية والكتابات الحكمية والشعرية والمزامير والكلام ده كله. الترتيب اليهودي ده مختلف عن الترتيب المسيحي. الترتيب المسيحي اكتبوا التوراة وبعدين الكتابات التاريخية وبعدين الكتابات الحكمية والشعرية وبعدين كتابات الانبياء. يعني اليهود بيحطوا الانبياء قبل الكتابات الاخرى المسيحيين بيحطوا الكتابات الاخرى قبل الانبياء ممكن تكون دي مشكلة او اه خلاف بسيط لكن انا بحب انوه على مسألة ان الكتاب المقدس كتاب بشري من بدايته والى الى نهايته. لما تكلمنا عن تقسيم الكتاب المقدس الى اصحاحات وتقسيم الكتاب المقدس الى اعداد. وبعدين تكلمنا عن العيوب آآ اللي نتجت عن هذا التقسيم البشري وان حتى مسألة في غاية البساطة مثل تقسيم الكتاب الى فصول واعداد ما عملوهاش بشكل جيد ولم تخلو من العيوب وده بين بشرية الكتاب. ايضا مسألة ترتيب الاسفار. لعل فيه ترتيب من ترتيب وترتيب يعني ماشي بشكل تاريخي افضل من ترتيب اخر. هل الترتيب اللي وضعوه النصارى توراة وبعدين آآ الكتابات التاريخية والكتابات الحكمية والشعرية وبعدين كتابات الانبياء ولا ترتيب اليهود التوراة والكتابات الاخرى بعد كده اسف التوراة بعد كده الانبياء بعد كده الكتابات الاخرى. المسألة دي مش مهمة بالنسبة لي. لكن في النهاية انا عايز اقول ان مثلا ترتيب السور في القرآن الكريم ترتيب توقيفي من قول عن النبي محمد صلى الله عليه وسلم. ولما كانت بتنزل سورة النبي محمد صلى الله عليه وسلم كان بيقول لكتبة الوحي ان ضعوا الايات دي في السورة الفلانية او ضعوا السورة دي ما بين السورة دي والسورة دي كان بيرتب لهم الصور لكن حتى مسألة في غاية البساطة مثل آآ ترتيب اقسام العهد القديم او ترتيب اسفار الكتاب المقدس امر اختلف فيه ما بين المسيحيين. طب سؤال في غاية الاهمية. اذا كان المسيحيين اخذوا اسفار العهد القديم من اليهود. ايه اللي خلى فيه فرق في الترتيب ما بين اليهود وما بين المسيحيين. لأ السؤال الاهم من كده هل الاسفار اليهودية المقدسة اللي ما بين ايدين المسيحيين هي نفسها الاسفار اليهودية المقدسة اللي ما بين ايدين اليهود بمعنى ان التوراة اللي ما بين ايدين اليهود هي نفسها التوراة اللي ما بين ايدين المسيحيين الاجابة اه ولأ. يعني ايه اه لأ في نفس الوقت يعني الموضوع له علاقة بالنسخة او النص اللي احنا بنتكلم عنه. لو احنا بنتكلم عن النص العبري يبقى اه النص العبري اللي ما بين ايدين اليهود هو نفسه النص العبري اللي ما بين ايدين المسيحيين لان المسيحيين واخدين النص العبري من المخطوطات العبرية اليهودية بتاعة اليهود. فمش هيختلفوا معهم في هذه النقطة. امال الاختلاف بييجي منين؟ في مرحلة من المراحل للتاريخية المؤسرة جدا جدا على اسفار العهد القديم مسألة السبي البابلي السبي البابلي نبوخة النصر هدم مملكة اسرائيل ويعني التفاصيل اليهودية دي انا مش متعمق فيها قوي لكن مهم ان نبوخ منصر ملك بابل سبا اليهود عنده في باب العراق وبعدين اليهود قعدوا فترة من الزمن مسبيين واسناء السبي بدأوا ينسوا لغتهم العبرية وبدأوا يتكلموا باللغة الارامية. اي نعم اللغتين قريبين من بعض يعني لغات سامية زي ما نقول مسلا ان اللغة العربية قريبة من اللغة العبرية. لكن ده مش معناه ان انا لو اتكلمت عربي خد واحد يهودي بيتكلم عبري انه هيفهم كلامي. ممكن يلقط بعض الكلمات الشبيهة باللغة العبرية. فيقدر يفهم معناها ايه؟ لكن معظم الكلام اللي انا بتكلمه مش هيفهمه. المهم اليهود في سبي بابل نسوا اللغة العبرية بدأوا اللغة الارامية راجعوا من السبي. بعد ما رجعوا من السبي بدأ آآ انبياء بني اسرائيل خصوصا آآ عزرا ونحميا عزرا بحسب اسفار العهد القديم بدأ يقرا عليهم نص التوراة باللغة العبرية الكتاب المقدس بيقول ان اليهود لما رجعوا من السبي ما بقوش فاهمين نص الكتاب المقدس بالعبرية فزهرت حاجة اسمها الترجم. ترجوم يعني ترجمة فبدأوا يترجموا النص العبري الى اللغة الارامية. مع الوقت دخلت الامبراطورية اليونانية والاسكندر الاكبر ونشر اللغة اليونانية في محيط البحر الابيض المتوسط. بدأوا يهود اللي تشتتوا مش اللي عايشين في فلسطين. تشتتوا شوية في اسكندرية شوية في بلاد اخرى من بلاد الامبراطورية الرومانية بدأوا يتكلموا اللغة اليونانية. ما هماش فاهمين لا عبري ولا ارامي فايه اللي حصل؟ بدأوا يترجموا نص العهد القديم الى اللغة اليونانية من العبرية الى اللغة اليونانية. لما نص العهد القديم ترجم من العبرية الى اللغة اليونانية بدأت تظهر فروقات. النص بتاع العهد القديم العبري كان بيتحرك عبر الزمن او كان بيتحرى في اسناء الترجمة ايا كان كان بيتحرف. ده الثابت الدليل انه كان بيتحرك ان احنا لما بنقارن العبري بالارامي بنلاقي فرق. لما بنقارن العبري باليوناني بنلاقي فرق. يبقى حصل تحريف يا اما نص العهد القديم كان بيحرف اسناء آآ انتقاله تاريخيا يا اما اثناء الترجمة من العبرية الى الارامية او من العبرية الى اليونانية كان بيحصل تحريف المهم ان الترجمة من العبرية الى اليونانية دي ترجمة في غاية الاهمية سموها الترجمة السبعينية وهنتكلم باستفاضة عن الترجمة السبعينية فيما بعد فبقت فيه اسفار يهودية باللغة اليونانية لما ظهر المسيح في القرن الاول الميلادي ولما بعث في بني اسرائيل زي ما قلت كانوا تحت حكم الامبراطورية الرومانية فمعظم بلاد محيط البحر الابيض المتوسط كانوا بيتكلموا باللغة اليونانية. اللغة اليونانية كانت منتشرة جدا. معظم مسيحيين في القرن الاول والقرون التي تليها بسبب ان بولس نشر المسيحية بشكل عالمي في حوض البحر الابيض المتوسط. معظم المسيحيين من الجيل التاني والتالت كانوا بيتكلموا اللغة اليونانية معظم المسيحيين لما كانوا بيرجعوا للعهد القديم طبعا كانوا بيتكلموا يوناني. فلما كانوا بيرجعوا للعهد القديم كانوا يرجعوا للنص العبري ولا النص اليوناني كانوا بيرجعوا للنص اليوناني. الترجمة السبعينية. فبالتالي لما نيجي بقى نقول طب يبقى نص العهد القديم اللي كان ما بين ايدين المسيحيين مختلف عن نص العهد القديم اللي كان ما بين ايدين اليهود اه ولا. اه لو اتكلمنا عن النص العبري لأ لو اتكلمنا عن عن النص اليوناني نص الترجمة السبعينية. نص الترجمة السبعينية كان مختلف كثيرا جدا عن النص العبري كان مختلف من حيس النص نصوص تلاقيها هنا مش موجودة هنا اصفار كاملة تلاقيها هنا مش موجودة هنا وبعدين برضو في ترتيب فار بشكل عام يبقى العهد القديم المسيحي اليوناني مختلف عن العهد القديم العبري اليهودي من ضمن الامور اللي احنا تكلمنا عنها قبل كده لكن نشير اليها مرة اخرى دلوقتي ان العهد القديم هو الذي يحتوي على توصي الغريبة والمحيرة والحروب والاعتداءات والقصص غير الاخلاقية المبغضة للنساء النصوص التي لا فائدة لها والكلام ده كله. المسألة دي لها علاقة بان التراث اليهودي تراث كبير. وحتى هذا التراث اللي تم اختياره ضمن قانون العهد القديم او ضمن قائمة الاسفار المقدسة اللي مفروض تكون من العهد القديم كم كبير جدا من الاسفار التي تحتوي على غرائب ونصوص محيرة دخلت قانون العهد القديم. فبالتالي ممكن اسفار كاملة محتواها غريب جدا جدا ومحير او محتواها ما لوش فائدة او الصفر من اوله لاخره امور غير اخلاقية. ولا حول ولا قوة الا بالله. لما تكلمنا عن ان العهد القديم هو اسم اطلق على الكتابات المقدسة اليهودية اللي تم كتابتها قبل المسيح عليه السلام وقلنا ان آآ مش كل الكتابات المقدسة اليهودية او مش كل التراث اليهودي دخل تحت اسم العهد القديم. احنا بنتكلم على تلت طوايف يهودية رئيسية اساسية اختلفوا في فيما بينهم في العهد القديم. فاكرين لما قلنا ان اليهود ما بينهم وما بين بعض بيتهموا بعض بالتحريف؟ وبعدين المسيحيين ما بينهم وبين بعض بيتهموا بعض بالتحريف وبعدين اليهود بيتهموا المسيحيين بالتحريف والمسيحيين بيتهموا اليهود بالتحريف. المسألة دي في غاية الاهمية. في تلات طوايف يهودية في غاية الاهمية. في طائفة يهودية بيسموهم الطائفة اه اه اليهود العبرانيين او اليهود الارسوزوكس. يعني ايه اليهود العبرانيين او اليهود الارسوزوكس؟ يعني اليهود الملتزمين باللغة العبرية اللي يعني تابعين للعبرانيين وبيربطوا نفسهم بسيدنا ابراهيم وبيعتبروا نفسهم اصحاب العهد اللي هو فيما معناه اليهود التقليديين العاديين كويس؟ ففي يهود عبرانيين ارثوذكس. وبعدين في اليهود السامريين. وبعدين في يهود الشتات ايه الفرق ما بين التلاتة؟ هم بيعتقدوا ان اليهود العبرانيين هم الاصل وان هم اليهود اللي على الصراط المستقيم. ده معنى كلمة ارثوذكس. قلنا ان في حاجة اسمها ارثوذكس وفي حاجة اسمها هرطقة. ارثوذكسية معناها صاحب الايمان السليم المستقيم. المؤمن الايمان الحقيقي والمهرطق هو الذي اختار طريق الباطل عن عمد. يعني مهرطق ضد ارثوذكسي. فاليهود العبرانيين اليهود العاديين. دول بيؤمنوا بتسعة وتلاتين كتاب في العهد القديم. بيؤمنوا بالتوراة والكتابات التاريخية كتابات الحكمية والشعرية وكتابات الانبياء الكبار وكتابات الانبياء الصغار. او بيؤمنوا بالتناخ. اللي هو التوراة برضه والكتاب وكتابات الانبياء والكتابات المقدسة الاخرى سواء بالترتيب المسيحي او بالترتيب اليهودي مش مهم. بالمناسبة اللي عاوز يعرف الترتيب اليهودي لاسفار العهد القديم يستطيع ان يرجع لمرجع في غاية الاهمية اللي هو كتاب العهد القديم عبري عربي ترجمة ما بين السطور بتاع بولس الفغالي وهحط الرابط بتاع المرجع المهم ده اسفل آآ الفيديو. والمرجع ده بيبقى سطر لغة عبرية سطر ترجمة الى العربية ومرتب بحسب النص العبري. والمرجع في غاية الاهمية بيسهل عليك ان انت تحاول تفهم العهد القديم رجوعا الى اللغة العبرية. المهم يبقى في عندك اليهود العبرانيين العاديين بيؤمنوا ان العهد القديم تسعة وتلاتين صفر. بعدين في يهود السامرة. جم منين يهود العبرانيين ويهود السامرة لهم علاقة برضه اه اه الانشقاق اللي حصل في مملكة سيدنا سليمان عليه السلام. المسيحيين واليهود بيؤمنوا ان سيدنا داود كان ملك عزيم وبعدين ابنه سيدنا سليمان مسك من بعده وبعدين والعياذ بالله وده امر احنا ما بنؤمنش به. اليهود والنصارى بيعتقدوا ان بسبب ان سيدنا سليمان كفر وعبد الهة اخرى. وبعدين كان متجوز نساء كثر ونساؤه امل ان قلبه عن الرب. يعني نساؤه اغووه. هو اتجوز من آآ آآ القبائل او الشعوب اللي حواليه ما كانوش مؤمنين كانوا كفار. فهو علشان كان بيحبهم بحسب الاعتقاد اليهودي والمسيحي لان ده مكتوب في اسفار العهد القديم سيدنا سليمان علشان كان بيحب نساؤه فهن املن قلبه واقنعوه انه يكفر بربنا ويبني معابد للالهة الوثنية وهكذا. فربنا غضب على سيدنا سليمان بحسب ادعاء اليهود والنصارى بسبب انه كفر بالله وعبد الهة اخرى فربنا دمر مملكته وحصل انشقاق. الانشقاق ده اليهود بيعتقدوا ان آآ المملكة انشقت لمملكتين مملكة فضل فيها اليهود العبرانيين الاصليين لك فضل فيها اليهود السامريين. اللي كان لهم علاقة بجبل السامرة والكلام ده كله. وفي نص مشهور جدا في انجيل ان ان المسيح قعد على البئر وشاف المرأة السامرية والمرأة السامرية قالت اباؤنا عبدوا الله في هذا الجبل واحنا المفروض نعبد ربنا بنافين وراح المسيح قال لهم نبوءة قال لهم صدقيني يا امرأة آآ العابدون الحقيقيين مش هيعبدوا ربهم لا في هذا الجبل ولا في اورشليم. اومال هيعبدوا ربنا فين؟ يعبدوا ربنا في في مكة المكرمة. ما علينا ساعات بقول كلام كده في الوسط ما تاخدوش بالكم منه فالمهم ان حصل انشقاق في مملكة سيدنا سليمان وبقى فيه آآ مملكة اليهود العبرانيين وبقى فيه مملكة اليهود السامرين كل طائفة من الاتنين بتدعي ان الطائفة الاخرى هي التي انحرفت وهي التي اختلطت مع الوثنيين وهي اللي حرفت كتاب ربنا. يعني ايه؟ يعني اليهود السامريين. اليهود العبرانيين بيتهموهم انتم رحتوا اتجوزتوا من الوثنيين وانتم حرفتوا كتاب ربنا. السامرين بيتهموا اليهود العبرانيين انتم اللي رحتوا اتجوزتوا من الوثنيين وانتم اللي حرفتوا كتاب ربنا. طب ايه الفارق الاساسي ما بين اليهود العبرانيين واليهود السامريين اليهود السامرين ما بيقبلوش غير التوراة ما بيقبلوش غير اسفار موسى الخمسة فبالتالي اليهود السامرين بيتهموا اليهود العبرانيين ان هم اضافوا على كتاب ربنا اربعة وتلاتين صفر بالمناسبة اليهود ما بيقسموش اسفار الكتاب المقدس تسعة وتلاتين صفر. لكن اليهود كانوا بيجمعوا اكتر من سفر في سفر واحد. يعني ايه؟ يعني مسلا آآ اخبار الايام الاول اخبار الايام الثاني. وارجعوا لحرق حلقة تصفح الكتاب المقدس وفيهرس العهد القديم. وراجعوا آآ رابط ادوات دراسة الكتاب المقدس عشان تشوفوا الفهارس والكلام ده. اخبار اخبار الايام الاول اخبار الايام التاني في صفر واحد. الملوك الاول الملوك التاني في صفر واحد. صموئيل الاول صموئيل التاني في صفر واحد. صفر ارميا ومراسي ارمية في صفر واحد. الانبياء الصغار الاتناشر كلهم في صفر واحد وهكذا. فاليهود كانوا بيجمعوا لتسعة وتلاتين كانوا بيضغطوهم. اكتر من صفر في صفر واحد فبقى العهد القديم بالنسبة لليهود العبرانيين اتنين وعشرين كتاب مش تسعة وتلاتين عشان هم بيجمعوا الاسفار اكتر من صفر لصفر واحد. لكن المفروض ان الاتنين وعشرين مقابله التسعة وتلاتين اللي احنا بنلاقيهم في ترجمة الفانديك اليهود السامريين ما بيقبلوش كل ده بيقبلوا الاسفار الخمسة اللي هم بيسموهم التوراة بس. فبالتالي اليهود السامرين بيتهموا اليهود العبرانيين انتم اضفتوا على كتاب ربنا عدد كبير جدا من الاسفار. اليهود العبرانيين بيتهموا السامريين انتم حذفتم من كتاب ربنا اسفار مقدسة موحى بها من الله. طيب الطائفة التالتة بقى اللي هم يهود الشتات ايه نزامهم؟ يهود الشتات دول اللي احنا جبنا سيرتهم قبل كده اليهود اللي انتشروا في محيط البحر الابيض المتوسط واللي كانوا بيتكلموا اللغة اليونانية. واللي بدأوا يترجموا صار العهد القديم من العبرية الى اليونانية. وعملوا الترجمة اللي اسمها الترجمة السبعينية سبحان الله مع الوقت واليهود بتوع الشتات دول بيترجموا من العبر لليوناني بدأت تظهر اسفار باللغة اليونانية ما احناش لاقيين اصلها العبري. فاليهود العبرانيين اتهموا يهود الشتات انتم اخترعتم هذه الاسفار. كتبتم هذه الكتابات بايديكم وبعدين قلتم هذا من عند الله. اليهود بتوع الشتات بقى قالوا لليهود لا ده انتم اللي اخفيتم هذه الكتاب. هذه الكتابات تبيضونها وتخفون كثيرا فبالتالي الطوايف في التلاتة اليهودية بيتهموا بعض بالتحريف. اليهود العبرانيين اليهود السامريين يهود الشتات اليهود العبرانيين تسعة وتلاتين صفر اليهود السامريين خمس اسفار توراة موسى اليهود بتوع الشتات بقى اكتر من تسعة وتلاتين صفر في اتناشر صفر اتناشر صفر كاملين بنجدهم في الترجمة السبعينية اليونانية مش لاقيين اصلها في العهد القديم العبري ودي مسألة سنسلط عليها الضوء بالتفصيل فيما بعد ودي من اكبر ادلة تحريف الكتاب المقدس اخر حاجة هنتكلم عنها النهاردة مسألة تأسر كتابات العهد القديم بالشعوب الوثنية اللي كانت محيطة ببني اسرائيل. تكلمنا عن السبي البابلي جابوه خد نصر اخد اليهود وداهم باب العراق واليهود بشكل عام عبر عبر تاريخهم تأثروا كثيرا جدا بالشعوب الوثنية اللي كانت محيطة بهم. تعثرهم بالشعوب الوثنية ظهر في كتاباتهم المقدسة اليهودية. لذلك تجد في اسفار العهد القديم كثير جدا من وكثير جدا من الاساطير وكثير جدا جدا من الكائنات الخرافية التي ليست لها اي وجود. هذه الكائنات والخرافات الاساطير مقتبسة اما من خرافات واساطير الرومان واليونان يا اما مقتبسة من خرافات واساطير اه شعوب بابل وفارس والعراق والكلام ده كله في بحث ممتاز جدا انصحكم بالرجوع اليه. بحث اسمه علم الميثولوجيا. يسبت تحريف الكتاب المقدس لاستازه الفاضل الشيخ عرب واتمنى ايضا تراجعوا بحث آآ الاساطير الخرافية في الكتب المقدسة المسيحية. وساضع رابط البحثين في اسفل الفيديو البحسين بيتكلموا عن ان العهد القديم تحديدا في اساطير وخرافات وكائنات خرافية هذه الكائنات جغرافية ليست له وجود في الواقع. الكتاب المقدس بيعتبرها كائنات حقيقية. ده دليل تحريف. ان الخرافات والاساطير وهام دخلت نص الكتاب المقدس. اتمنى تراجعوا البحثين وان شاء الله تستفيدوا جدا من هذا الموضوع. ولعلنا نطرح هذا الموضوع فاض اكثر فيما بعد. في نهاية هذا الفيديو الواجب اللي احنا المفروض نقراه من ملزمة فكرة شاملة عن الكتاب المقدس. من الصفحة رقم خمستاشر للصفحة رقم اربعتاشر. من عنوان اقسام الكتاب المقدس لغاية عنوان العهد الجديد. ايضا تابعوا صفحة اه فيديوهات مدخل الى دراسة الكتاب المقدس وصفحة ادوات دراسة الكتاب المقدس على المدونة علشان خاطر هرفع باذن الله عز وجل مراجع قيمة جدا عن العهد القديم تحملوها وتتصفحوها وان شاء الله تستفيدوا منها في نهاية هذا الفيديو كالعادة لو كان الفيديو عجبكم اتمنى تدعمونا بلايك وشير ومنتظر ارائكم ومقترحاتكم في التعليقات ولو ما كنتوش تركتم في القناة اعملوا سبسكرايب وما تنسوش ايضا تتابعوا قناة البينة الدعوية الى ان نلتقي في فيديو اخر قريبا باذن الله. استودعكم الله الذي لا تضيع ودائعه. والسلام عليكم ورحمة الله وبركاته