بسم الله الرحمن الرحيم السلام عليكم ورحمة الله وبركاته. معكم محمد شاني التاعب من قناة الدعوة الاسلامية على اليوتيوب وفيديو جديد من سلسلة اعتراف خطيب. اتكلمنا قبل كده عن اشهر اسطورة او خرافة موجودة في الكتاب المقدس موجودة في سفر التكوين الخرافة والاسطورة اللي بتقول ان الملائكة نزلوا من السماء واشتهوا بنات الناس ويمارسوا معهم الجنس ويخلفوا منهم الجبابرة. هذه الخرافة والاسطورة عملنا عنها قايمة فيديوهات كاملة. هتلاقوا اللينك موجود تحت في الوصف. لكن في بعض المصادر التراثية الهامة جدا اللي ما كنتش قرأتها. سواء كانت يهودية او مسيحية من كتابات الاباء الاوائل النهاردة هستعرض معكم هذه المصادر الهامة جدا جدا. اللي بتأكد ان هذا التفسير ان الملائكة اشتهوا بنات الناس ومارسوا معهم الجنس وخلفوا منهم الجبابرة هذا التفسير كان موجود من قبل المسيحية وايام المسيحية الاولى اطهر اباء الكنيسة الاوائل قالوا بهذا الرأي. لكن قبل ما ندخل في اي تفاصيل يا ريت تعمل لايك للفيديو لان ده بيساهم في انتشار محتوى القناة. وما تنساش اشتراك في القناة وتفعيل الجرس علشان تقدر تتابع كل جديد. علشان نعمل انعاش بسيط للذاكرة هنرجع لنصوص سفر التكوين اللي بتتكلم عن هذا الموضوع. القصة موجودة في بداية الاصحاح السادس من سفر التكوين. وحدث لما ابتدأ الناس ويكثرون على الارض وولد لهم بنات ان ابناء الله رأوا بنات الناس انهن حسنات فاتخذوا لانفسهم نساء من كل ما اختاروا. وبعدين في العدد رقم اربعة كان في الارض طغاة في تلك الايام. وبعد ذلك ايضا اذ دخل بنو الله على بنات الناس وولدن لهم اولادا. الاولاد دول هؤلاء هم الجبابرة الذين منذ الدهر ذوو اسم. انا مش حابب اعيد تفاصيل شرحتها بالتفصيل في الفيديوهات اللي فاتت. علشان بس الموضوع ما يكونش تكرار. لكن اهم حاجة عايز تأكد عليها ان اباء الكنيسة الاوائل اللي تبنوا التفسير اللي بيقول ان ابناء الله هم الملائكة وان الملايكة رأوا وبنات الناس ان هم حلوين فاتخذوا لانفسهم نساء من كل ما اختاروا. اختاروا من البنات الحلوين اللي يمارسوا معهم الجنس. وده ادى الى وجود الجبابرة. اذ دخل بنو الله على بنات الناس. مارسوا معهم الجنس وخلفوا من اولاد هؤلاء هم الجبابرة. لو افترضنا ان في خلاف في التفسير. رغم ان حسب استقرائي لا يوجد خلاف في التفسير. هو رأي قديم مستقر وبعدين الكنيسة غيرت رأيها فيما بعد. وهذا الرأي القديم المستقر كان موجود قبل كده عند اليهود اقر عندهم. سياق النص بيوضح ان ابناء الله دول مش ناس عاديين. والا ليه هيخلفوا الجبابرة؟ لكن الاهم من ده كله ان احنا اؤكد ان اباء الكنيسة الاوائل كانوا بيستخدموا الترجمة السبعينية اليونانية للكتاب المقدس. وغالبا النص على ايامهم الترجمة السبعينية كان بيقول بدل ابناء الله رأوا بنات الناس ملائكة الله رأوا بنات الناس انهن حسنات. طبعا احنا اكتر من ترجمة عربية لسفر التكوين من الترجمة السبعينية. لكن لازم نأكد على نقطة في غاية الاهمية. ان الترجمة السبعينية دي زيها زي كل النص الكتاب المقدس زي الكتاب المقدس نفسه اصوله مفقودة ومخطوطاته ما بينها وما بين بعض اختلافات. فهناك خلاف اصلا هل الترجمة السبعينية كانت بتقرا النص؟ ملائكة الله ولى ابناء الله؟ بنجد في النسخة النقدية للترجمة السبعينية سابتوجينتا بتاعة الفريد رالفز. دا غلاف المجلد الاول ودا الغلاف الداخلي للكتاب. ودي الصفحة اللي فيها سفر التكوين الاصحاح السادس العدد الثاني في المتن بيقول ابناء الله وبتلاقي في الهامش بيقول ان المخطوطة السكندرية بتقول ملائكة الله. بفرض ان المخطوطة السكندرية هي المخطوطة الوحيدة اللي بتقول ملائكة الله ده بالنسبة لنا مش مشكلة. لو افترضنا ان النص في كل المصادر في التكوين ستة اتنين والتكوين ستة اربعة. بتقول ابناء الله وما فيش ولا مخطوطة بتقول ملائكة الله. رغم ان ده مش صحيح. هنعمل ايه في ان هذا هو تفسير اليهود؟ ان ابناء الله هم الملايكة وان كبار اباء الكنيسة الاوائل قالوا بهذا التفسير ايضا. سريعا كده الترجمة السبعينية للكتاب المقدس سفر التكوين يوناني عربي اعداد الراهب ابيفانيوس اللي قتلوه في الدير. ودي معلومات الطبعة اللي بنقرا منها. النص بيقول ان ابناء الله رأوا بنات الناس ان اهن جميلات. في الهامش بيقول تأتي في النسخة الاسكندرية ملائكة الله. ومنها اخذت الترجمة القبطية. يعني الترجمة ان الكنيسة القبطية الارثوذكسية بتعتز بها جدا. بتقول في سفر التكوين ستة اتنين ملائكة الله بدل ابناء الله لو فتحنا ترجمة عربية للسبعينية توراة موسى بتاعة خالد جورج اليازجي ودي معلومات الطبعة هنلاقي برضو في الاصحاح السادس رأى بنوا الله بنات الناس. وهنا لما بتقرا الترجمة السبعينية بيقول لك ووجدت الجبابرة على الارض في تلك الايام وفيما ابعدها. عندما راح بنو الله يدخلون على بنات الناس فيلدون لانفسهم. اولئك كانوا الجبابرة الذين منذ الدهر الناس الذائعة اسماؤهم. فالجبابرة دول جم منين؟ علشان بنو الله دخلوا على بنات الناس وخلفوا منه هنا بنلاقي في الهامش كذب وقح من الدكتور خالد اليازجي. بيقول فسر جميع اباء الكنيسة بل الله ببني شيث الصالح وبنات الناس بزرية قايين. ده اجرام. التعليق ده اجرام. جميع اباء الكنيسة على كل حال باكد مرة تانية ان المشكلة بالنسبة لنا مش مشكلة نصية نقدية. بمعنى هل النص بيقول ابناء الله ولا بيقول ملائكة الله؟ مش مهم. حتى لو النص العبري بيقول ابناء الله حتى لو الترجمة السبعينية بتقول ابناء الله. لو كل اليهود فسروا ابناء الله بانهم الملائكة. واباء الكنيسة الاوائل فسروا ابناء الله انهم الملائكة يبقى خلاص مع التأكيد على ان دي مش اول مرة يستخدم فيها لفظ ابناء الله بمعنى الملائكة فبنلاقي بقى هنا في سفر ايوب النص اللي بيقول وكان ذات يوم انه جاء بنو الله ليمثلوا امام الرب الاباء بيفسروا بنو الله على انهم الملائكة. نفس الموقف ده اتكرر في ايوب اتنين واحد. وكان ذات يوم انه جاء بنو وليمسلوا امام الرب. بنوا الله عند الجميع هم الملائكة. يبقى عادي ممكن ممكن في سفر كوين ستة اتنين ان ابناء الله هم الملائكة وفي التكوين ستة اربعة بنوا الله هم الملائكة. الفيصل المصادر التراثية الابائية التقليدية. التقليد بيقول ايه؟ قبل ما نقرا تقليد النصارى نقرا تقليد اليهود. لان ده مهم جدا هنقرا المرة دي من مرجع تاني ما قريناش منه. ده غلاف الكتاب من السلسلة الرائعة على هامش الكتاب. كتاب اليوبيلات او التكوين الصغير للخوري بوليس الفغالي من اصدار الرابطة الكتابية. ودي معلومات الطبعة اللي بنقرا منها. في مقدمة الكتاب بيدينا معلومات عن هذا الكتاب كتاب اليوبيلات. فقال كتاب اليوبيلات ده كتاب بايبيلي منحول. يعني هو كتاب له علاقة بالبايبل بالكتاب مقدس لكن السفر ده نفسه منحول. ليه له علاقة بالبايبل ؟ لانه يقسم سلسلة الاحداث التي يرويها سفر التكوين وسفر في الخروج في يوبلات اي في حقبات تمتد تسعة واربعين سنة. فالصفر ده بيفسر التكوين والخروج. لكنه ليس كتابا مقدسا هو تفسير عرف كتاب اليوبيلات ايضا باسم التكوين الصغير لانه يكرر قسما كبيرا من سفر التكوين مقاطع من سفر الخروج. دون هذا الكتاب حوالي سنة مية قبل الميلاد. وجاء قريبا من وثيقة صدوق كما من من من حول التكوين وبما انه وجدت مقاطع منه في قمران فقد ارتبط بالاسينين وجماعة قمراوي. فالسفر ده بيمثل تراث اليهود وفهم اليهود. في الفصل الخامس بيتكلم عن الطوفان وما قبله. وبيتكلم عن خطيئة الملائكة غضب الله. هو ده نفس اللي موجود في التكوين اصحاح السادس. ده تفسير وشرح له. حين بدأ الناس يتكاثرون على وجه الارض ولد لهم بنات. رأى ملائكة الرب. في السنة الاولى من هذا اليوبيل انهن جميلات المنظر. فاخذوا منه هن نساء بين كل اللواتي اختاروا يعني قعدوا ينقوا منهم. فولدنا لهم بنين هم الجبابرة وتزايد يد العنف على الارض. فيه هنا نقطتين في غاية الاهمية. اول نقطة طبعا ان هم بيفسروا سواء النص بيقول ابناء الله ولا ملائكة الله المقصودين ملائكة الرب ملايكة يهوى. وان ملايكة الرب مارسوا الجنس مع بنات الناس الجميلات. وخلفوا الجبابرة اهذا هو تفسير وجود الشر على الارض اداء الكنيسة الاوائل تبنوا النقطتين. ان الملايكة هم اللي عملوا كده. وان ده سبب وجود الشر النقطة دي في غاية الاهمية. ليه ازداد الشر على الارض؟ علشان الملايكة ما قدروش يمسكوا نفسهم الملايكة عندهم توم شهوة رأوا ان بنات الناس جميلات فمارسوا معهم الجنس وخلفوا منهم الجبابرة. نسل جبار في قدراته مش بني ادمين عاديين. في بعض التعليقات الهامشية ملايكة الرب هم الذين يسميهم التكوين بنو الهيم. او ابناء وهنا رأى النص في سقوط الملائكة تفسيرا لفساد البشر. او سبب لزيادة الشر. يبقى احنا احنا هنا بنقرا من كتاب اليوبيلات او التكوين الصغير. تفسير لسفر التكوين الخروج. بيقول ان ملايكة الرب ما قدروش يمسكوا شهوتهم تجاه من بنات الناس فخلفوا منهم الجبابرة وده سبب وجود الشر والعنف. نيجي بقى لمرجع مهم جدا جدا جدا من التراث اليهودي ايضا لكنه قطعا ولا شك. كان له تأثير ضخم جدا على الكنيسة الاولى. بنتكلم عن مين ؟ غلاف الاصدار الفيلسوف اليهودي في لوس سكندري. الاعمال الكاملة. الجزء الاول اغفلوه على المسيحية ضخم جدا جدا ولا ينكره الا جاحد. سواء فيما يخص كلام في لو عن اللوجوس اللي بنلاقي اثره في بداية انجيل يوحنا او حتى في اقوال اخرى كثيرة جدا من ضمنها سقوط الملائكة وان هم مارسوا الجنس مع بنات الناس. ده الجزء الاول من الاعمال الكاملة للفيلسوف اليهودي فلوس سكندري من اصدارات الناس المجتهدة جدا مدرسة الاسكندرية. ودي معلومات الطبعة اللي احنا بنقرا منها. فلوس سكندري عنده كتاب او مقال عن العمل ده بداية الكتاب خالص هو بيفسر التكوين ستة من بدايته. لكن هو للاسف بيقعد يرغي كتير اوي. المهم جه عند النص تكوين ستة اتنين وبيقرا النص ازاي؟ وعندما رأى ملائكة الله ملائكة الله بنات الناس انهن جميلات اخذوا لانفسهم زوجات من الكل ممن اختاروهن. ده النص عند في لو بيقرا نص ملائكة الله ده هو ما بيفسروش ده بيقتبس النص الاول وبعد كده بيعلق عليه وبيفسره. تعليقات في لو خطيرة جدا لان هو عارف في زمنه القرن الاول ميلادي ان في ناس بتنكر هذا التفسير. بغض النظر من مين؟ لكن هو بيأكد ان دي مش خرافة ولا اسطورة دي الحقيقة انها عادت موسى ان يطلق تسمية الملائكة على من يسميهم الفلاسفة الاخرون الشياطين هو بيتكلم عن الساقطين من الملائكة. هو عايز يقول لك الكتاب المقدس سيدنا موسى يطلق تسمية الملايكة والله العظيم الكلام ده خطير. هو ما بيقولش ابناء الله تفسيرها الملايكة لأ ده هو بيقول سيدنا موسى يطلق تسمية الملايكة على الشياطين يعني هو النص بيقول ملائكة الله بس الملايكة دول في منهم حلوين وفي منهم وحشين المقصودين هنا الملائكة الساقطين اللي هم الشياطين هذا التصور المسيحيين ايضا بيتبنوه بشدة. ان فيه ملايكة حلوين وفيه ملايكة وحشين. الملايكة الوحشين دول هم الشياطين. بيقول ان الشياطين دول نفوس تطير وتحلق في الهواء. وبعدين بيأكد وبيحذر. ولا يفترض عدنا احد ان ما يقال هنا ما هو الا خرافة. اوعى ملايكة الله رأوا بنات الناس اخذوا لانفسهم زوجات منهم ملايكة اتجوزوا بنات الناس. يا محمد هو بيقول دول شياطين. اه ما انت مش واخد بالك. عقيدة النصارى في الملائكة والجن والشياطين مضروبة بالنار. زي عقائد كثيرة جدا عندهم. وعملنا فيديو اتكلمنا فيه عن عقيدة النصارى في الملائكة اضع اللينك تحت في الوصف. النصارى ما بيقولوش ان في بشر من طين وملائكة من نور وجن من نار. فيبقى الشياطين من الجن جن دول جنس مختلف عن الملايكة. من ناحية النوع. ملايكة من نور بشر من طين جن من نار. لأ النصارى مش قولوا كده. النصارى بيقولوا فيه ملايكة بشكل عام. وفيه منهم ملايكة حلوين وفيه منهم ملايكة وحشين. الملايكة الوحشين بنسميهم شياطين. هم مش جنس اخر من الملائكة. لأ هم ضمن الملائكة. فئة منهم سقطوا اصو. فدول اتسموا شياطين. في الفقرة رقم تلتاشر. جه بقى يفسر النص بتاع التكوين ستة اربعة. الان كان هناك العمالقة على ارض في تلك الايام. بيأكد مرة تانية. ما هو ده مربوط بده. العمالقة دول جم منين؟ ان الملايكة خلفوا من بنات الناس. بيأكد قد يظن البعض ان المشرع ربنا يشير الى خرافات الشعراء عن العمالقة. ايه ده؟ التايتنز في التراب اليوناني الخرافات والاساطير اليونانية. النقطة دي مهمة جدا جدا. لان الاباء الاوائل في الكنيسة قبضوا هذا الربط. هو في الاخر بيقول لك ليس في الامر اي خرافة على الاطلاق. بخصوص العمالقة الذين يصفهم لنا. بل يود المشرع ان يريك ان بعض الناس مولود من الارض والبعض مولود من السماء والبعض مولود من الله. على كل حال بغض النزر عن رغي فلو الطويل والممل دي اهم فقرة اتكلم فيها عن الموضوع هو بيقتبس النص عندما رأى ملائكة الله بنات الناس انهن جميلات اخذوا لانفسهم زوجات من كل ممن اختاروهن. وقال لك سيدنا موسى سماهم الملائكة. وهو بيتكلم عن الشياطين. الشياطين يعني الملائكة الساقطين. وبيأكد لا يفترضن احد ان ما يقال هنا ما هو الا خرافة. ولما اتكلم عن العمالقة اللي هم ابناء الملايكة من بنات الناس اكد مرة تانية ان هذه ليست خرافة. نيجي بقى لكلام اباء الكنيسة الاوائل اللي تبنوا هذا التفسير. هنلاقي ان احنا عندنا اقدم واشهر اباء الكنيسة تبنوا ان الملايكة اتجوزوا من بنات الناس وخلفوا الجبابرة. هنبدأ الاول بالقديس يوستينوس الفيلسوف والشهيد. وهنقرا من المجلد بتاع دار بناريو. ده الغلاف الداخلي للكتاب القديس يوستينوس الفيلسوف والشهيد الدفاعان والحوار مع تليفون ونصوص اخرى. ودول الناس اللي قاموا على هذا المجلد. ودي معلومات الطبعة اللي احنا بنقرا منها. بنلاقي في متقدمة خالص كلام عن تصور يوستينوس عن الملايكة والشياطين. فبيقول هنا وجاء في الحوار مع تليفون ان الملائكة الارواح طبيعة تشبه الانسان. ده امر في غاية العجب. والكلام ده اكد عليه اكتر من اب. ان الملايكة زيهم زي البشر عندهم حرية ارادة ممكن يرتكبوا الخير وممكن يرتكبوا الشر. احنا كمسلمين ما بنقولش كده. بنقول ان فيه بشر وملايكة تا وجن والجن منهم الشياطين. الشياطين دول مجرمين اشرار. لا يفعلون الخير. كل افعالهم وراها نوايا سيئة. باقي الجن زي البشر عندهم حرية ارادة. يقدروا يعملوا الخير ويقدروا يعملوا الشر. الملايكة عندهم ارادة. لكن ارادتهم متفقة مع ارادة الله عز وجل. لا يعصون الله ما امرهم ويفعلون اما يؤمرون ما بيعملوش الشر طائعين دائما لله. ما لهم بقى الملايكة دول؟ قال لك وان بعضهم بعض الملايكة سقط لانهم اشتهوا نساء العالم. فخلقوا الشياطين. وجاء في الدفاع الاول. الفصل التامن ان هؤلاء سيكون جزائهم نارا ابدية بعد مجيء المسيح. وان عملهم الان هو ان يمنعوا اهتداء الناس وقد جاءت فكرة زواج الملائكة من البشر نتيجة ده المقدمة. الكلام ده مش كلام يوستينوس. ده كلام القائمين على قدما اللي عمله هذا الاصدار. قال لك ده نتاج تفسير خاطئ للاية الواردة في سفر التكوين في الاصحاح السادس. قال لك ايه فسروا ابناء الله غلط على انهم الملايكة. احنا بنأكد اولا ان ده تفسير يهودي موجود قبل النصارى. وبعدين قال لك تعود اصول هذه المشكلة والله العزيم الكلام ده خطير. تعود اصول هذه المشكلة نتيجة وجود ترجمة يونانية للكتاب المقدس ظهرت فيها عبارة ملائكة الله بدلا من ابناء الله. احنا لما شفنا كلام فلوس سكندري هو بيقتبس النص كده. ملايكة الله في التفسير اليهودي قم بيفسروا ابناء الله على انه ملايكة الله. يبقى انا باكد مرة تانية على نقطة ان المشكلة مش مشكلة نصية نقدية هو النص بيتقري ابناء الله ولا ملايكة الله؟ اه ده احنا دخل لنا تفسير غلط بسبب ان فيه ترجمة سبعينية بتقول ملايكة الله ان كل نسخ الترجمة السبعينية بتقول ابناء الله زي النص العبري المسئول. اليهود فسروا ابناء الله على انه ملايكة الله النقطة بقى القاسمة لظهور النصارى. هو هنا بيتكلم على استحياء. اصول المشكلة بتعود نتيجة وجود ترجمة مهنية للكتاب المقدس ظهرت فيها عبارة ملايكة الله بدلا من ابناء الله. الترجمة اليونانية دي احنا ما نعرفهاش ما لهاش اسم. ترجمة لقيطة احنا المفروض بنتكلم عن الترجمة السبعينية اليونانية. وغالبا لما فيلو قرا النص ملايكة الرب او ملايكة الله هو كان بيقرا من السبعينية نص السبعينية عنده كان بيقول ملايكة الله. هنا بقى احنا عندنا مشكلة فيما يخص عقيدة الاباء الاوائل في الترجمة السبعينية. واتكلمنا عن الموضوع ده بالتفصيل وفي عندنا قايمة فيديوهات كاملة بنتكلم فيها عن الترجمة السبعينية اليونانية. اباء الكنيسة الاوائل الامن وان الترجمة السودانية اليونانية موحى بها من الله. فلو الاباء دول كانوا بيقروا في الترجمة السبعينية اليونانية. ملايكة الله رأوا بنات ناس واخدوا منهم زوجات يبقى ربنا قال ان ملايكة الله اتجوزوا من بنات الناس بس كده. برضه هنا في نقطة قال لك اما العبارة في الاصل العبري فهي ابناء الله. مش مهم. اليهود بيفسروا ابناء الله ازاي قال لك برضو في الفولجاتا ابناء الله. مش مهم اليهود اصحاب الكتاب بيفسروا ابناء الله ازاي؟ قال لك ولكنها في الترجمة القبطية بمعنى ملايكة الله. طب وده غلط؟ خلي بالك ابناء الله منصوص عليها في الترجمة القبطية ملائكة الله وده مفروض بناء على ان الترجمة السبعينية بتقول ملائكة الله باكد مرة تانية انا مش بتكلم عن الترجمة السبعينية بتاعة ادولف رالف. النسخة دي مبنية على المخطوطات الباقية بين ايدينا اليوم. اللي هي اقدمها السنائية والفاتيكانية اسكندرية ومخطوطات القرن الرابع والخامس. انا بتكلم عن النص اللي كان ما بين ايدين ابا الكنيسة في القرن الاول والتاني الميلادي. اللي كان ما بين ايدين اليهود قبل المسيح وايام الكنيسة الاولى. غالبا النص اللي كان ما بين ايديهم كان بيقول ملايكة الله. وحتى لو كان بيقول ابناء الله هم بيفسروا ابناء الله على انهم ملايكة الله. هنا قال لك ايه؟ وقد اشار لذلك القديس اوغاستينوس طب اخبار الاباء اللي قبل اوغاستينوس هل النصارى لا يتقون الله؟ المفروض تعمل استقراء تاريخي هات لي كل المصادر اللي اتكلمت عن الموضوع ده من الاقدم للاحدث. لما اجد ان الاقدم كله تقريبا متفق على ان ابناء الله هم ملايكة الله. او بيقرا النص اصلا ملايكة الله. يبقى هو دا التصور الاقدم والاصح. لا ازاي للاسف الشديد النصارى عاملين بالزبط زي مدرسة اسلامية بتقول ان الخلف اعلم واحكم السلف الاوائل سيبك منهم. احنا ناخد بعلم المتأخرين اللي جم بعديهم بقرون. فسيبك انت من يوستينوس وسيبك انت من ايرانوس وسيبك انت من كلمندس وسيبك من ترتيلانوس وسيبك من اوريجيانوس حتم اللي بعده. قرن رابع وخامس وانت طالع. اما القرون التلاتة الاولى دول رأيهم يعني آآ معلومة بنعرف قالوا ايه وخلاص. لكن ناخد به لأ. احنا هنسيب كل الاباء الاوائل وناخد بكلام وغازتين ونص. قال لك وغازتين ده رفض فكرة زواج الملايكة من البشر. مفسرا عبارة ملايكة الله بمعنى رسله او خدامه. ايه ده؟ يعني هو كان بيقرا النص ملايكة الله بس بيأولها برضو. ملايكة الله دول مش الملايكة الملايكة يعني. ورسل الله وخدامه اللي هم ابناء شيف. اي كلام فاضي طب ابناء شيف دول ليه نسلهم يبقوا جبابرة؟ لا يوجد رد عقلاني ولا منطقي. هنا بيقول وقد ظهرت فكرة زواج الملايكة كان في كتب ابوكري في العهد القديم. ابوكري في العهد القديم ده مش معناه بالضرورة انه مرفوض. هي مش اسفار مقدسة. لكنها فسر الكتب المقدسة. الفيصل لما الاقي ان فلوس سكندري بيتبنى هذا التفسير يبقى تفسير صح. بيقبله اليهود ومش بس فلوس سكندري. ايضا يوسيفوس. لكن انا ما قدرتش اطلع يوسف واسأل الكلام ده فين. سبك من اليهود لما الاقي النيوستينوس وايريناوس وكليمندس السكندري وتيرتيليانوس الافريقي واورجانوس العلامة وغير تبنوا هذا التفسير يبقى التفسير ده صحيح. ازاي اسيب كل الاباء الاوائل تقريبا واجي بعديهم وابقى متأخر عنهم واقول لأ كل القديم ده تفسير غلط ازاي؟ هو ده نقد التقليد الكنسي. وكلام اريناوس تحديدا زي ما هنشوف بعد شوية هو الاهم في الموضوع ده. عايز يقول لك ده تفسير ظهر عند اليهود بكتب يبدو ان القديس يوستينوس قد تأثر بها نظرا لنشأته في فلسطين. ويمكننا ان نرى هذا في سفر اخنوخ. هو مش بس في وفي اليوبيلات وعندي فلو وعندي اوسيفوس. هو خلاص مستقر عند اليهود. خلاص امشي يا تفسير يهودي يا وحش. هو مش وسطينه الشهيد ده كان مدرك تمام الادراك زيه زي اريناوس وغيره من اللي اتعاملوا مع نص العهد القديم. قادرين يفرقوا كويس اوي ما بين التفسير اليهودي الوحش والتفسير المسيحي الصحيح ولا هم مختومين على قفاهم؟ والله العظيم هذا الكلام فيه اساءة لهؤلاء الاباء. يوستينوس كان بيحاور التليفون اليهودي المفروض انه مدرك كويس اوي. ده كلام انا كمسيحي اقبله ولا لا اقبله؟ النقطة العجيبة في الموضوع كلام المسيح ان في القيامة هنبقى زي ملائكة الله. وما بنتجوزش. طيب يوستينوس الشهيد ما كنش يعرف النص ده؟ كان عارفه. النصارى يعني ما كانوش الاباء الاوائل اللي قبلوا هذا التفسير ما كانوش عارفين النص ده كانوا عارفينه. يبقى هم كانوا شايفين ان فيه طريقة معينة للتوفيق ما بين نصوص على سبيل المثال ان هذه هي الحالة في السماء. لكن ما دام انت سقطت في الارض يبقى خلاص تقدر تمارس الجنس في الارض. لكن ده مش بيحصل في السما. ايا كان ما ينفعش اجد ان هذا التفسير موجود عند كل الاباء الاوائل واقوم قايل لأ دول هم ما كانوش دريانين ان ده تفسير يهودي غلط. نفس الكلام اللي بيقولوه عن الملك الالف. طيب وبعدين يوستينوس كان عايش في فلسطين فتأثر بالفكر اليهودي الوحش. ابو التقليد الكنسي. اريناوس اسقف ليون. ايه ردكم على ان انه تبنى نفس العقيدة هنديله بعد شوية. بنلاقي في الدفاع الاول في الفصل الخامس كلام يوستينوس عن الشياطين. بل فعل غير معقول وبتحريض من الشياطين الاشرار. مكتوب هنا تعليق هامشي مهم. هو هنا اصلا بيقول ايه؟ بيقول انتم يا يا وثنيين ليه عمالين تأذونا ده بتحريض من الشياطين فكرة ان اي شر الشيطان هو سببه طب ده كان تفسير منتشر جدا عند اباء الكنيسة الاوائل. اي حاجة مرض قتل عنف اي حاجة وحشة موجودة على الارض ارض الشياطين هي السبب. والشياطين دول جم منين ؟ ما هم الملايكة اللي سقطوا اللي اتجوزوا من بنات الناس وخلفوا. هنا في الهامش موجود ايه كان التأثير الشيطاني بوجه عام والتحريض الشيطاني على الاضطهاد بوجه خاص واحدا من الافكار المفضلة لويستينوس وقد جاء ذكر الشياطين في مواضع كثيرة في الدفاعين وهذه الفكرة تظهر مرة اخرى عند ترتليان في الدفاع. ولاك تانتيوس في كتابه القوانين الالهية. يستخدم القديس يوستينوس كلمة دايمون او دايمون اللي هي الديمون. ديمن الانجليزية. ديمون دي معناها ايه ؟ اقل رتبة في هرم الالهيات عند الوثنيين. فبيستخدم كلمة ديمن ليقصد بها روح شرير. الذي هو نسل ما لك شرير وانسان. اه اه نسل ما لك شرير وانسان. انظر الدفاع الثاني الفصل الخامس. هنا احنا في الدفاع الاول الفصل الخامس بيكمل كلامه وبيقول ولكن الحق لابد ان يقال. لان الشياطين الاشرار منذ قديم الزمان كانوا يظهرون ويدنس تون السيدات بيمارسوا الجنس مع السيدات. ويفسدون الغلمان. يقصد ايه بقى بالزبط؟ انا مش عارف. وظهروا بمناظر عباءة لرجال حتى ان كل من لم يحتكم للعقل في الحكم على هذه الاعمال الشيطانية كان يصاب بالرعب والفزع. فهنا بيشير ان الشياطين دول يدنسون السيدات. في الدفاع الثاني الفصل الخامس ايضا. الدفاع الاول الفصل الخامس الدفاع التاني الفصل الخامس. بيقول ايه عندما خلق الله العالم ووضع كل شيء على الارض تحت سلطة الانسان ورتب الاجرام السماوية من اجل تغير المواسم وكثرة الثمار ووضع لها قانونا الهيا لانه خلقها من اجل الانسان عين ملائكة ليعتنوا بالبشر وكل الاشياء تحت ده بيحكي لك القصة من الاول. ربنا عين ملائكة ليعتنوا بالبشر وكل اشياء تحت السماء. ولكن الملائكة عصوا هذا الامر ووقعوا في الخطية مع النساء وانجبوا اطفالا وهم من يدعون شياطين. ايه ده يعني الملايكة اللي عصوا مش هم الشياطين هم مصدر الشياطين. خلفتهم من النساء بنات الناس هم الشياطين وفضلا عن ذلك اخضعوا الجنس البشري لهم عن طريق كتابات سحرية من ناحية وبزرع الخوف وانزال العقوبات عليهم وتعليمهم تقديم الذبايح هم سبب كل شر. بتجد هنا بقى ان الملايكة خلفوا من النساء شياطين تعليق هامش قال لك ايه بقى ؟ كان هناك رأي منتشر عند اليهود وبعض الكتاب المسيحيين من بعدهم بان بني الله مزكورين في النص بنوا الله رأوا بنات الناس دخل بنو الله على بنات الناس وخلفوا الجبابرة ان بنو الله دول هم ملائكة وقد ظن القديس يستينوس ان الجبابرة المذكورين هم الشياطين. نفس الكلام ده عند تيرتيليانوس وعند اوس شكرا. يبقى احنا كده جبنا كلام اول اب من اباء الكنيسة الاوائل اللي عندنا كلامه عن الموضوع. القديس الفيلسوف الشهيد تينوس في الدفاع الثاني الفصل الخامس بيقول بصراحة الملايكة عصوا امر الله ووقعوا في الخطية مع النساء فاحشة الزنا وانجبوا اطفالا هم الشياطين. وهنا في الهامش قال لنا ان نفس الكلام اللي قاله يوستينوس موجود عند وعند اريناوس هنشوفهم بعد شوية. ايضا في الدفاع الثاني فيما يخص الكلام عن الملايكة والشياطين. بيقول لكن بما ان الله منذ البدء خلق جنس الملائكة بس ولهم ارادة حرة فهم بعدل سوف يدفعون ثمن خطاياهم في النار الابدية. فالانسان بطبيعته له امكانية الفضيلة هزيلة. نفس الكلام عن الملايكة. يقدر يعمل خير يقدر يعمل شر. يستينوس ده وحش. امسك في اريناوس اسقف ليون ابو تقليد الكنسي. كتاب مهم جدا. حجة على النصارى انا عايز اسمع نقدهم لهذا الكلام. كتاب الكرازة الرسولية للقديس اريناوس من اصدارات مؤسسة القديس انطونيوس المركز الارثوذكسي للدراسات الابائية. ده الغلاف الداخلي كتاب ودي معلومات الطبع. اهم حاجة انك تفهم قيمة اريناوس عند النصارى وقيمة كتاب الكرازة رسولية. المفروض ان ايرنوس بيتسمى ابو التقليد الكنسي له. لان هو اللي نقل لنا التقليد الكنسي. معلومات كثيرة جدا جدا هامة هو اول واحد يقول لنا متى كتب انجيل ومرقص كتب انجيل ولوكا كتب انجيل ويوحنا كتب انجيل. ذكر لنا الانجيل اربعة ومين اللي كتبهم؟ المفروض ان اريناوس اسقف ليون هو تلميذ القديس بوليكاربوس اسقف سميرنا واللي المفروض هو بدوره تلميذ القديس يوحنا الرسول اللي هو تلميذ يسوع المسيح. طيب يعني ايه الكرازة الرسولية؟ المفروض ان كتاب الكرازة الرسولية ده عبارة عن رسالة ملخص العقيدة المسيحية اللي الرسل علموه. هو ده معنى الكرازة الرسولية. العقيدة المسيحية التي علم بها الرسل في بداية الكتاب اريناوس بيقول وارسل اليك مذكرة ملخصة في شكل نقاط اساسية حتى تفهم امورا كثيرة بواسطة هذا القليل. وهذا العرض الموجز سوف يمدك بمحصلة عن كل اعضاء جسد الحقيقة وبراهين العقائد الالهية. في الهامش مكتوب ايه؟ تعبير جسد الحقيقة سوما تيس الف تيأس تعني الكرازة الرسولية. والتي تمثل تعليم وعظي كامل. محتواه الايمان سلم للرسل القديسين من قبل المسيح الذي تحققت فيه كل نبوات العهد القديم يعني زي ما قلنا كتاب الكرازة الرسولية بتاع القديس اريناوس اسقف ليون ابو التقليد الكنسي هذا الكتاب عبارة عن العقيدة المسيحية التي علم بها المسيح. هذه العقيدة علمها التلاميذ رسل المسيح. وهذه العقيدة هي عقيدة اترصوا للمسيح. ده معنى الكرازة الرسولية. اريناوس اسقف ليون بيعلم ايه في الكرازة الرسولية؟ في الفقرة رقم تحت عنوان تكاثر الشر. ليه فيه شر في العالم؟ نفس الكلام اللي لقيناه في كتاب اليوبيلات التكوين الصغير حقيقة صار هناك زيجات مخالفة على الارض. ملائكة صنعوا على قبر زيجة مع بنات الناس وانجبوا منهم ابناء الذين بسبب قامتهم غير المعتادة في الطول دعوا جبابرة. جايينز العماليق. ده مش بس كده. الملايكة اعطوا لزوجاتهم دروسا في الشر والسحر والزنا وكل حاجة وحشة في الدنيا. يبقى الشر سببه ايه؟ الملايكة عملوا علاقات جنسية مع بنات الناس خلفوا منهم ام الجبابرة والملايكة دول اللي كان لهم زوجات من بنات الناس علموا زوجاتهم دروس الشر والسحر الزنا وكل حاجة وحشة. الكلام ده مين اللي بيقوله؟ القديس اريناوس اسقف ليون في كتابه الكرازة الرسولية. والكتاب ده المفروض يكون عبارة عن العقيدة المسيحية التي علم بها الرسل. هو ما بيقولش انا متأثر بتفسير يهودي وحش. هو يقول دي الكرازة الرسولية. العجيب بالنسبة لي هذا كتاب عقيدة مختصر زي كده الرسالة الوسطية اللي كتبها شيخ الاسلام ابن تيمية. رسالة صغيرة اوجز فيها عقيدة اهل السنة. نفس الكلام هنا واحد طلب من ايرناوس اسقفيون اكتب لنا رسالة صغيرة فيها موجز العقيدة المسيحية الصحيحة. اريناوس اسقف ليون وجد حاجة انه يذكر هذه العقيدة. دي نقطة مهمة هو ذكرها قاصدا. رغم انه بيصف كتابه انه مذكرة ملخصة. الملخص ده معناه ايه؟ الخلاصة اهم المهم اللي انت لازم تعرفه من ضمن الحاجات الهامة اللي اريناوس وجد الحاجة انه لازم يذكرها هذه العقيدة ان الملايكة صنعوا علاقات مع بنات الناس وانجبوا الجبابرة وعلموا زوجاتهم الزنا والسحر وكل حاجة وحشة. لو انت انتقدت يوستينوس على اي اساس هتنتقد الاب اللي بعد كده القديس كليمندس السكندري مدير مدرسة اللاهوتي في كتابه المتفرقات استروماتيس ذكر هذه القصة. ده غلاف النسخة اللي هنقرا منها دي النسخة الوحيدة اللي انا وجدت ترجمة عربية كاملة لكتاب المتفرقات القديس كليمانس الاسكندري. ترجمة وليام ويلسون وتعريب الدكتور بولا ساويرس. وده الغلاف الداخلي للكتاب. ودي معلومات الطبعة هم واخدين النص من عربه الاب بولا ساويرس ومشروع الكنوز القبطية بتقول احنا عندنا اذن يعني ان احنا ننشر اعمال بولة ساويرس. بيتكلم القديس كليمنتس السكندري احد اشهر اباء القرن الثاني الميلادي عن ضبط النفس ضبط النفس فقال لك كمثال ازاي عدم ضبط النفس ممكن يودينا في ستين داهية في الواقع حدث ان بعض الملائكة في ضبط النفس وتغلبت عليهم الرغبة الجنسية وسقطت من السماء الى الارض. واضح جدا انت بتتكلم عن ايه؟ وبيتعامل مع الموضوع ان ده حصل في الواقع حدث ان بعض الملائكة فشلت في ضبط النفس تغلبت عليهم الرغبة الجنسية. شافوا بنات الناس حلوين ما قدروش يمسكوا نفسهم. في الهامش مكتوب ايه؟ الكلام ده خطير. لاحظ هنا ان رأي القديس كليمندوس المبني على الاية اللي في التكوين ستة اتنين لم يكن من عندياته. هو ما اخترعش الكلام ده من دماغه. هو قتل ولا شك مش اول واحد يعلم بالكلام ده. في قبله القديس اريناوس اسقف ليون ابو التقليد الكنسي. وقبله القديس والفيلسوف يسطينوس الشهيد وكبار فلاسفة اليهود. فقال لك انما استمدوا في الواقع من التراث الفكري يهودي الذي يذهب الى ان جنس الجبابرة هم نتاج تزاوج ملائكة ساقطين. مع بنات البشر. الكلام ده موجود فين؟ قال لك ورد هذا التفسير في النسخة اليونانية للكتاب المدعو سفر اخنوخ. والذي اخذ به ايضا في لول يهودي ويوسفوس المؤرخ اليهودي بلو ده في القرن الاول الميلادي. ويوسفوس ده في القرن الاول ميلادي. ومن الكتاب المسيحيين القدامى. الشهيد شفنا كلامه. العلامة ترتيليانوس هنشوفه بعد شوية. القديس كليمانس السكندري اللي احنا بنقرا كلامه دلوقتي. واوريجيانوس هنشوف بعد شوية ويوسابيو ما قدرتش اطلع كلامه. قال لك بقى فيه ناس تانيين زي يوليوز افريكانوس اللي كان معاصر لاوريجانوس. وذهبي الفم وغاستينوس وجيروم وكيرلوس عمود الدين. والبابا شنودة. ايش جاب لي جاب. يعني انا بتكلم عن كبار اباء القرن التالت والرابع والخامس اقوم جايب البابا شنودة ما علينا. النقطة اللي انا باكد عليها ان كل الاباء الاوائل قالوا بهذه العقيدة. رفضها ده موقف تأخر فهنا القديس كليمنس الاسكندري مدير مدرسة الاسكندرية اللاهوتية احد اشهر اباء القرن التاني الميلادي اواخر القرن التاني الميلادي زي اريناوس اسقف ليون بيقول الملايكة ما قدرتش تمسك نفسها وغلبتها شهوتها الجنسية بسبب البنات الجميلات وخلفوا الجبابرة بقى. وسقطت من السماء الى الارض. وعلشان بس انسب الفضل لاهلي. الاخ كرم محمد ربنا يحفظه ويبارك فيه. من فريق اطراف خطير على قناة الدعوة الاسلامية هو الذي ارسل لي هذا الاقتباس من خلال هذا الاقتباس في الهامش تذكرت اسماء باقي الناس يوستينوس فت على كلامه ترتيليانوس ندور نشوف فين اورجانوس على كلامه وقلت له ان هو للاسف نسي اسقف ليون. نيجي بقى للعلامة ترتيليانوس الافريقي. في كتابه المنافحة او الدفاع الكتاب ده مشهور اكتر بالدفاع الدفاع عن التوحيد. للعلامة ترتيليانوس ترجمة عمار الجلاصي في الفصل رقم اتنين وعشرين التعريب ده مايل للاسلوب الاسلامي شوية بس ما علينا. الشياطين اصل بلاء النصارى. فهو بيقول انهم يستحضرون ابليس. امير هذه الفئة المريدة. هنا بقى تيرتيليانوس بيناقش الشياطين دول ايه اصلهم وفصلهم فقال لك لكن كيف انبثقت من الملائكة زمرة الشياطين الغوية. الترجمة هنا مش بتبين قوي. علشان كده بعد شوية هنستعرض ترجمة انجليزية اوضح. كيف انبثقت من الملايكة زمرة الشياطين الغوية. ضالة بمحض ارادتها. نفس كلام يوستينوس ملعونة من الله مع زعماء جنسها ومع اميرها الذي ذكرنا. قال لك ذاك ما نجد تفسيره في الكتب المقدسة الشياطين ازاي جم من الملايكة الكلام ده في الكتاب المقدس ممكن سؤال؟ القصة دي موجودة فين في الكتاب المقدس؟ هو ده مربط الفرس. تيرتيليانوس بيقول ظهور الشياطين طين من الملائكة موجود في الكتاب المقدس طلع لي النص انت تقصد انهي نص. ما احناش محتاجين متخصص عشان يقول لنا ان ترتليانوس يقصد قصة سفر التكوين اللي موجود في الاصحاح السادس برضو من ضمن الحاجات اللي هو بيقولها كلام في غاية العجب. فمنذ البداية شرعت ارواح الشر. الملايكة الشياطين في السعي الى هلاكها الانسان هكذا تسلط على اجسام البشر الاسقام والافات المضنية. المرض سببه الشياطين الكلام ده مش رأي ترتيليانوس لوحده. ده رأيه ستينوس الشهيد من قبله. برضه هنا بيقول كلام عجيب جدا عن الشياطين ان ان الشياطين دول اسرع من الضوء. كل روح مجنح. فالشياطين دول عندهم اجنحة. كذلك هي املاكي والشياطين. الملاك والشياطين. لذا توجد في لحظة في اي مكان. عندها سوبر باورز العالم كله مكان واحد عندها. يلفوا العالم كده وبنفس السهولة تعرف ما يحدث في كل مكان وتنبأ به. فتؤخذ سرعتها خطأ على انها لها الوهية. الملاك ده في سواني يكون في اي مكان في العالم يعرف ايه اللي بيحصل في سواني يرجع لك يقول لك ايه اللي حصل. المهم هنا بيقول انبثقت من الملائكة زمرة الشياطين الكلام ده في الكتاب المقدس بس يعني بلاش ندخل في التفاصيل. سيبك من الترجمة العربية دي. للاسف ما عندناش ترجمة غيرها لكتاب الدفاع بتاع ترتيليانز نيجي لسلسلة هامة الكتابات الدفاعية بتاعة تيرتيليانوس. ده الغلاف داخل الكتاب وده غلاف اخر بيبين محتويات هذا الجزء. اعمال ترتيليانوس الدفاعية. في الفصل اتنين وعشرين بيقول فيما يخص تفاصيل كيف ان بعض الملائكة بارادتهم الحرة؟ هنا بقى النص مختلف تماما عن الترجمة العربية التعبانة الكلمة دي معناها ايه ؟ تم اغواء هم جنسيا او ممكن برضو تتفهم بسبب عدم سيطرتهم على شهوتهم الجنسية. المهم ان برفورت دي اشارة واضحة ان الامر متعلق بالجنس. قال لك هم السبب في نسل اكثر فسادا اللي هم هو الشياطين. ده نفس كلام يوستينوس الشهيد بالحرف. ان الملايكة خلفوا من بنات الناس الشياطين. نسل ملعون من الله. هم والامير بتاعهم. قال لك بقى الكلام ده بالتفصيل موجود في الكتب المقدسة هو بيقول ان الملايكة بسبب الشهوة الجنسية خلفوا الشياطين ده في الكتاب المقدس فين في الكتاب المقدس؟ قال لك في الهامش ترتليان يشير الى التكوين ستة اتنين. بدلا من ابناء الله المخطوطة السكندرية في التربية الحجامة السبعينية بتقرأ ملائكة الله. باكد تالت ولا رابع مرة. بغض النظر النص بيقول ابناء الله ولى ملائكة الله هو اهم ان النص بيتكلم عن الملايكة. سواء النص بيقول ده صراحة ملائكة الله. او بيقول ابناء الله. اخر واحد هنعرض كلامه النهاردة العلامة اوريجانوس. انا ما اعرفش اوريجانوس ذكر الكلام عن الملايكة والجبابرة وبنات الناس. في كتاب اخر غير هذا الكتاب ولا لأ ؟ لكن بسبب ان انا لسة مراجع كتاب ضد كالسيس فجبت الكلام اللي انا لقيته في هذا الكتاب. ده الغلاف الجزء الثاني من ضد كالسيوس للعلامة اورجانوس الجزء ده فيه الكتاب التالت والرابع والخامس ده من اصدارات كنايس عزبة النخل بطريركية الاقباط الارسوزوكس. دي ترجمة القس بولا رأفت عزيز دي معلومات الطبعة اللي بنقرا منها. هنا بنلاقي ان اوريجانوس بيأيد كلام ترتيليانوس بيأيد كلام اريناوس بيأيد كلام يوستينوس فانه لن يستطيع احد معرفة اصل الشرور ما لم يعرفه حقيقة ما ندعوه ابليس وملائكته. وكيف كان قبل ان شيطانا وكيف اصبح شيطانا؟ وما هو السبب الذي جعل الملائكة تعصي معه؟ اي شخص اراد معرفة هذا يجب ان يكون لديه فهم دقيق بطبيعة الشياطين. هو النقطة بالنسبة لي ان كأن اوريجيانوس كان مكسوف يتكلم عن الموضوع بشكل واضح وصريح لانه كان بيكلم كلسوس الوثني وكان عمال يطرقع له فيما يخص الخرافات والاساطير الوثنية. فيمكن ما كانش عايز يبان ان حاجة شبه اللي عند كالسيس الوثني. فهنا قال لك لازم يكون لديه فهم دقيق بطبيعة الشياطين. وان يكون على علم بان الله لم بطبيعة شيطانية هم كانوا ملايكة اصلا ولكن فقط بقدر ما هم كائنات عاقلة من نوع ما وعليه ان يفهم كيف اصبحوا شياطين هكذا بسبب قدراتهم العقلية. في مكان اخر اوريجيانوس بيلمح لقصة سفر اخنوخ هنا بيقول فهو لا تعترف بما اكده كالسيس على ما يبدو لانه اساء فهم ما كتب في سفر اخنوخ. ايه اللي اتكتب في سفر اخنوخ بالزبط؟ قال لك ولكن بما انه كان مشوشا جدا في مناقشته عن الملايكة الذين اتوا الى الناس. استخدم امورا لم يفهمها كاتب سفر اخنوخ ويبدو انه لم يقرأها او لم يكن على علم بان الكتب التي تحمل عنوان اخنوخ لا تعتبرها الكنايس الهية. كذلك من ممكن ان هذا هو المصدر الذي اخذ منه قول ان ستين او سبعين ملاكا نزلوا في وقت واحد واصبحوا شياطين. هنا بيقول ولكن لنكن منفتح العقل ونعلمه انه حسب كلمات التكوين التي لم يلاحظها ابناء الله رأوا بنات الناس انهن حسنات فاتخذوا لانفسهم النساء من كل ما اخطوا. انا بقول بما انه جاب النص ده في وسط كلامه عن الملايكة يبقى هو بيأيد ان الكلام عن الملايكة. اللي هو فيما معناه ما تروحش تجيب من سفر اخنوخ. سفر اخنوخ لا تعتبرها الكنايس الهية. هو انت مش واخد بالك من الكلام اللي موجود في سفر التكوين هو ده المعنى. انت مش واخد بالك ان القصة في سفر التكوين. ابناء الله رأوا بنات الناس قال جملة تحس ان هو مكسوف. ولكن مهما كانت الحقيقة بشأن ابناء الله الذين رغبوا في بنات البشر. فان الفكر لا تساعده على الاطلاق في اظهار ان يسوع اذا كان ملاكا ليس هو مش عارف ايه. يعني هو كانه اورجانوس عاوز يقول القصة دي ما لهاش علاقة باللي انت بتحاول تثبته ايا كان القصة دي معناها ايه ؟ له كلام برضو هنا قوي جدا. نحن نرى ان هناك بعض الشياطين الشريرة. واذا جاز لي القول الجبابرة. ايه ده! انت بتأيد نفس كلام ترتليانوس. اللي هو نفس كلام كلمنداس اللي هو نفس كلام اريناوس. اللي هو نفس كلام يوستينوس ان الشياطين دول هم الجبابرة يبقى انت قطعا ولا شك مؤمن بان الملايكة خلفت من بنات الناس الشياطين. نحن نرى ان هناك بعض الشياطين الشريرة. واذا جاز لي القول الجبابرة والعمالقة الذين اصبحوا غير اتقياء تجاه الله الحقيقي والملائكة في السماء. وسقط من السماء ليتجولوا حول الاجساد البشعة على الارض التي هي نجسة. لديهم بعض الادراك للمستقبل بسبب انهم عراة من الاجساد الارضية وينخرطون في هذا النوع من النشاط لانهم يريدون ان يقودوا الجنس البشري بعيدا عن الاله الحقيقي. بمقارنة كلام بكلام الاباء اللي جم قبل منه غالبا بنسبة تسعين في المية وما فوق اورجانوس متفق معهم بان الملايكة تزوجوا بنات الناس خلفوا الشياطين اللي هم الجبابرة. ويمكن يكون لاوريجانوس كلام اوضح في كتاب اخر له انا لسة ما فوتش عليه. لكن بقول حتى لو اورجانوس ما قالش مش مهم ملخص اللي عرضناه من التراث اليهودي اليوبيلات او التكوين الصغير. وفلوس سكندري. بغض النظر عن التراث اليهودي عند استقراء الادب المسيحي بترتيب تاريخي بتجد ان قطعا ولا شك الاقدم قال بهذا الكلام بعض الاباء اللي جم بعد كده غيروا رأيهم واعترضوا على هذا. الشهيد ايرناوس اسقف ليون كلمندس الاسكندري الافريقي والعلامة اورجانوس وغيرهم مصدر الشر في العالم وسبب وجود الشياطين زواج الملائكة من بنات الناس اذا كانت هذه عقيدة مستقرة. اريناوس بيقول عنها انها الكرازة الرسولية. العقيدة التي علم بها رسل وتلاميز المسيح. ليه الكنيسة فيما بعد؟ رفضت هذه العقيدة. انا ساكتفي بهذا القدر في هذا الفيديو لو حاز هذا الفيديو على اعجابك ما تنساش تعمل لايك للفيديو لان ده بيساهم في انتشار محتوى القناة. وما تنساش مشاركة الفيديو مع اصحابك وما تنساش الاشتراك في القناة وتفعيل الجرس علشان تقدر تتابع كل جديد. ولو تقدر تدعم ترعى محتوى القناة لو انت شايف ان هذا المحتوى يستحق الدعم والرعاية فقم بزيارة صفحتنا على بتريان او بيبالا وحتى قم بالانتساب للقناة ستجد اللينكات كلها تحت في وصف الفيديو. الى ان نلتقي في فيديو اخر قريبا جدا باذن الله عز وجل لا تنسوني من صالح دعائكم. والسلام عليكم ورحمة الله وبركاته