بسم الله الرحمن الرحيم السلام عليكم ورحمة الله وبركاته. معكم محمد شاهين التاعب من قناة الدعوة الاسلامية على اليوتيوب ومن قناة اكاديمية رسوخ لعقيدة وعلومها على التليجرام وفيديو وجديد لمناقشة الاسئلة في سياق شرح كتاب اظهار الحق للعلامة محمد رحمة الله الكيراناوي الهندي سؤال بيقول من ادلتنا كمؤمنين على وجود الله هي السببية. وتعني ان لكل حادث له سبب. الكون حادث اذا له سبب. طيب. هل نعرف ظروف وقبل كوننا ما هي لكي آآ نحط عليه مبدأ سببية. لا نعلم ما هي احوال ما قبل الكون. هل سببية تعمل خارج الكون ام لا النقطة دي انا اتكلمت عنها كتير موضوع السببية ده آآ في فيديو خاص بنتكلم فيه عن مبدأ السببية وانه مبدأ ميتافيزيقي وليس قانونا فيزيائيا. وهعلق على الكلام ده دلوقتي وبرضه موضوع حدوس الكون اتكلمنا عنه في اكتر من فيديو والسبب وراء حدوس الكون يعني في ناقشنا الموضوع ده بتفاصيل التفاصيل في فيديوهات على قناة الدعوة الاسلامية هحاول ان انا احط تحت في الوصف. النقطة المهمة ان احنا لما نيجي نتعامل مع الادلة على وجود الله لازم نتعامل وفق اسس او مبادئ او طرق تفكير معينة بمعنى ان احنا لو احنا ملاحدة خلاص وعايزين نوصل لنتيجة ان الله موجود. احنا عندنا حقائق معينة العلم الحديث اثبتها واكتشفها وصدق عليها وبقت من العلوم الثابتة حاليا واللي عليها ادلة كثيرة جدا جدا اللي هي ايه؟ ان الكون حادث. انه كان بعد ان لم يكن. انه لم يكن هناك لا مادة ولا طاقة اول زمان ولا مكان وكل الحاجات دي لها بداية محددة في الماضي. بمعنى ان احنا لما نرجع للزمن ورا هيبقى فيه نقطة صفر ما كانش فيه لا مادة ولا طاقة ولا زمان ولا مكان وفجأة بدأ الوجود وبدأ الزمكان واتوجدت ادى والطاقة والزمان والمكان. وبعد كده بقى القوى الكونية الاربعة والدنيا تمشي يعني. فيبقى فكرة ان الكون حادث ده شيء تابت علميا وثابت آآ فلسفيا وثابت بكل طريقة عقلية وعلمية ممكنة. فيه نقطة تانية بقى ان الناس لما بتيجي تتكلم عن كون من الناحية الفيزيائية ما فيش حاجة اسمها برة الكون. يعني فكرة ان انت تفكر بشكل عقلاني اه ميتا فيزيقي بانك تقول ان الكون بتاعنا ده كأنه شيء داخل وجود اكبر منه فهناك داخل الكون وخارج التفكير ده اصلا تفكير ديني بحت ليس تفكيرا فيزيائيا ولا علميا. هاقول النقطة دي تاني عشان النقطة دي مهمة جدا. لما العلماء بييجوا يعرفوا كلمة يوني يونيفرس يعني الوجود. الوجود الفيزيائي. الذي لا يوجد غيره في المقابل في تصور ان الكون بتاعنا ده عبارة عن فقاعة. فقاعة من الوجود فيه وجود اكبر منه يحتوي على ايضا فقاعات اخرى من الوجود اللي هي فكرة المالتي فيرس ده خيال علمي وليس عليه اي دليل على الاطلاق واقع الفيزيائي او طريقة التفكير الفيزيائية. الكلام ده انا شارحه برضه بالتفصيل في كتاب آآ الكتاب بتاعي اللي هو منهجية الوصول الى الحق وانا للاسف يعني هو كتابي وانا فخور به لكن لا اعطيه حقه من الدعاية يعني. بارجع مرة تانية لفكرة يوني فكرة اليونيفيرست من الناحية الفيزيائية من الناحية العلمية هو الوجود الذي لا يوجد غيره. كويس؟ القضية هنا ان لو الذي هو الوجود الذي لا يوجد غيره. هذا التصور ان الكون هو المنتهى. برضه شرحتها في الكتاب. الله عز وجل هو المنتهى بنص القرآن الكريم. حسب التصور الالحادي الكون هو المنتهى. ولا يوجد الا الكون. وان الكون هو الاول والاخر والظاهر والباطن. وهو الاول الذي ليس قبله شيء وهو الاخر الذي ليس بعده ده التصور الالحادي الكون كده. لو الكون مش كده يبقى الالحاد يسقط يعني فكرة ايه ده! ده الكون ليس هو المنتهى وليس هو كل الوجود. والدليل على كده انه حادث كان بعد ان لم يكن يبقى بشكل تلقائي بنقفز الى تصور ميتافيزيقي بمعنى ان فيه حاجة قبل الفيزياء او اعلى من الفيزيا او هو المعنى ده. فبالتالي ده في حد ذاته بيفتح لك الدليل على وجودك الله مجرد انك تسأل ده خارج الكون ولا داخل الكون انت كده خلاص دخلت في الايمان بالله. لان التصور ده ليس له وجود مع الالحاد الالحاد ما ينفعشي ان الكون فيه يكون حادس هي دي الفكرة. لو انت قلت ان الكون حادث يبقى انت هتفتح مساحة للميتافيزيكا. ولو فتحت مساحة للميتافيزيقا لازم ان توصل لسبب اول واجب الوجود. الاساس اللي كل شيء بيتبني عليه. اصل كل الوجود. هي دي الفكر. فيبقى اصلا لو احنا ملحنا حنبقى زي اينشتاين كده. قبل ما يوصل للنسبية العامة ان الكون سابت وازلي ومستقر هو ده التصور الالحادي. كون ليس له اول وليس له اخر. وثابت ومستقر وهو هو الامس واليوم وغدا يعني ما بيتغيرش. كده. وبعدين المشكلة ان اينشتاين اكتشف من خلال معادلاته ان لازم يكون للكون بداية فعمل السابت الكوني علشان يوازن التمدد او التوسع او ايا كان اللي كانت بتدل عليه معادلاته. وبعدين ادون هابل رصد التوسع الكوني والانحياز نحو الطيف الاحمر ومش عارف مين فده اكد اكتر ان اينشتاين كان غلط وان الثابت الكوني ده دوره في المعادلة مش انه يخلي الكون ثابت. ده دوره في المعادلة انه يشرح ازاي الكون بيتمدد وعلى اي رتم او اي درجة. فغير اينشتاين في معادلاته وبقى الكون بيتوسع ويتمدد وبعد كده في ناس تانيين اشتغلوا على معادلاته وفي رصد تاني كتير جدا حصل ففي النهاية المقصود ايه ما دام احنا اثبتنا ان الكون حادث يبقى خلاص لابد ان المقابل يكون الايمان بوجود الله. لان انت كده دمرت اساس الالحاد. وخلي بالك فكرة مبدأ السببية ده بيشتغل خارج الكون ولا ما يمكن ما بيشتغلش يا اخي. كل هذه الافكار لا تأتي في عقل الذي يظن انه يفكر الا لتعطيل فكره يعني ايه؟ يعني ايه؟ انت كنت في خانة ان الكون ده هو كل الوجود. ولا يوجد وجود غيره. اذا مبدأ يعمل في كل الوجود بكل آآ الادلة المتاحة بكل المعارف الانسانية المتراكمة بكل الخبرات بكل بديهيات بكل انت لا تملك الا ما يؤيد ده. خل بالك انت اصلا في دايرة ان انت ملحد تؤمن باليونفرس فمبدأ السببية يعمل في الوجود كله. ده الواقع والعلم قائم على مبدأ السببية. وكل رصد رصدناه طفي الدنيا بيؤيد السببية. وزي ما قلت كل علومنا وكل خبراتنا وكل تجاربنا وكل اذا لا يوجد اي شيء ممكن يشكك في السماء حتى الناس الغلابة اللي بيقول لك بيشكك ومش ده كل ده كلام فاضي. الكوانتام لا يشكك في السببين. العلم قائم على السببية لو حاولت تهدم يبقى انت بتهدم العلم يعني دي مغالطة منطقية ناس مريضة هي اللي بتحاول تثبت ان ما فيش حاجة اسمها او سببية ده منطق بكل طريقة ممكنة. فيبقى انت الاصل عندك ان مبدأ السببية ده يعمل في كل الكون. وكل حاجة كل يعني يعني اي شيء حادث بنرصده لازم يكون فيه سبب احداسه وان لا يوجد شيء يحدث الا وله سبب. لو ما فيش سبب لا شيء يحدث. وخل بالك فكرة الكوز اند اف فاكت والكوز اند افكت يعني انت شايف معين في حاجة معينة. فدرست عرفت بتاعتها السبب. فانت بترجع لورا زمنيا لان الحاجة حصلت فانت عرفت السبب اللي احدث الحاجة اللي حصلت. وبعدين طب السبب ده اللي احدث الحاجة دي. هل له سبب بتبتدي ترجع لورا زمنيا. تفضل تدور لغاية ما غصب عنك في الاخر لازم توصل لسبب ليس وراؤه سبب. السبب الاول زي ما افلاطون كده كان بيقول المحرك الذي لم يتحرك او لم يحركه هو احد او ايا كان سبب كل الاسباب والحوادث. لان العقل والمنطق بيرفضوا التسلسل الى ما لا نهاية في الماضي ايه في الاسباب؟ يعني تسلسل الاسباب بلا نهاية في الماضي ده مستحيل عقلا. الجملة دي مهمة الجملة دي مهمة استحالة تسلسل ايه الاسباب بلا نهاية في الماضي. لازم هتوصل لسبب اول واجب وجود. ليس له سبب احداسه او سبب سببه. والا خط الزمني ده مش هيمشي. الكلام ده والله له شرح طويل جدا جدا وتفاصيل كثيرة جدا. لكن في النهاية بنأكد على فكرة الاصل عند الملاحدة انه لا يوجد الا هذا الوجود الفيزيائي اللي احنا فيه. فبما اننا اثبتنا انه حادث يبقى ده اوتوماتيك بيدل على وجود الله. بيدل على ان في وجود اخر غير وجودنا. فلما تيجي انت تسأل طب السببية بتشتغل برة ولا لا؟ انت كده بتضحك على نفسك خلي بالك برضو نقطة مهمة. الله عز وجل يقول في القرآن الكريم سنريهم اياتنا في الافاق وفي انفسهم. حتى يتبين لهم انه الحق فكرة ان الله عز وجل وضع في الانسان الاسس والمبادئ العقلية الاولية قوانين العقل والمنطق والقدرة على التفكير والوصول الى نتايج. دي قدرات ربنا وضعها في الانسان. سم في المقابل الله عز وجل خلق كون على الهيئة المعقولة والهيئة التي تسمح لنا برؤية الافاق ودراسة الكون والكلام ده كله كان ممكن جدا نبص في السما سنريهم اياتنا في الافاق. قدرتنا على اننا نرى في السماء النجوم والكواكب والشمس قمر وكام ؟ دي طبيعة للكون ربنا سمح بها واوجدها. والعلماء اتكلموا في ده كثيرا. لماذا الليل او يعني السماء بالليل مظلم. لماذا السماء بالليل مظلم؟ حسب التصور الالحادي دي فاضلة ده اسمه بارادوكس نايتس كاي بارادوكس ليه هي مزلمة ليه السماء بالليل مظلمة بالطريقة التي تسمح لنا ان احنا نشوف النجوم ونشوف الكواكب ليه ؟ ايه ايه المشكلة يعني؟ قال لك لو الكون ده كان سابت ومستقر والنجوم في مكانها وعمالة تشع ضوء كان كنا هنوصل لدرجة ان الضوء ده ملى الكون كله. لكن بما ان ده مش حاصل فده بيشير الى ده شيء معين. العلماء قالوا انه ده بسبب التوسع الكوني. انه الضوء بتاع النجوم اللي حواليه ده بسبب ان الكون بيتوسع بسرعة معينة وهكذا وبما ان النجوم دي حادثة وليست ازلية بتشع منذ الازل يعني. كل ده ادى الى ضوء النجوم لم يملأ الكون بالكامل فبالتالي سماء الليل مظلمة. وبالتالي نقدر نرى في الافاق. خلي بالك الناس اللي بتشتغل في حاجة اسمها استروفيتوجراف بما ان لي في التصوير والكاميرات يعني ان ان انت تصور النجوم بيبقى فيه كاميرات معينة افضل في الاستروفيتوجرافي وفيه مقاسات معينة افضل في الاستروفيتوجرافي. لكن الفكرة ايه ؟ اسأل اي حد بيصور النجوم. هيقول لك ايه ؟ آآ عايز اطلع السحرة في مكان ما فيهوش ضوء خالص عايز اكتر مكان مظلم اصور منه. ليه؟ علشان الضوء اللي جاي من المكان حواليا لا يؤثر على الضوء اللي انا باحاول ارصده من السماء فهي الفكرة كده يعني انه لو السماء كانت ثابتة وازلية والنجوم دي ثابتة في مكانها وازلية. كان المفروض الضوء يملى الكون كله. فصباح وليل الدنيا تكون نور. خل بالك برضو من من ضمن الحاجات لما عملوا تلسكوب جديد ومش عارف مسمينه جون ايه! نسيت اسمه يعني. تلسكوب جديد وصور آآ بدايات الكون. هم العلماء يعني بيقولوا ايه الحاجات دي يعني؟ دي اضاءة او ضوء جاي من مصدر قديم جدا لسه ما وصلناش او صلنا لسه الفكرة ايه؟ انه لو كان الكون ثابت ومستقر والنجوم دي ازلية كان زمان اضاءتها وصلت لنا من كل اتجاه فاتعمينا لكن ده مش حاصل. الخلاصة يعني ان لما بنيجي نفكر في الادلة على وجود الله ما ينفعش تاخد مبدأ السببية لوحده. تاخد مبدأ السببية ده معه هو ليه اصلا الكون فيه مبادئ وقوانين؟ وليه المبادئ والقوانين دي مستقرة ويونفرسالة في الكون كله في الوجود بالكامل. ونقدر نعتمد عليه هواء فيه اسئلة كثيرة لا ابررها الا وجود الله عز وجل. فموضوع مبدأ السببية وجوده ده في حد ذاته مع باقي القوانين والمبادئ العقلية والفيزيائية دليل على وجود الله قدرتنا على التفكير العقلاني والمنطقي دليل على وجود الله. كون ان الكون اصلا مبني على مبادئ عقلية ومنطقية ده دليل على وجود الله قدرتنا على الكشف العلمي ده دليل على وجود الله. لان ربنا في النهاية يريد منك ان تستطيع ان تصل اليه. هي دي الفكرة سنريهم اياتنا في الافاق وفي انفسهم حتى يتبين لهم انه الحق. عشان يقدروا يوصلوا للحق. علشان كده احنا بنقدر عقل ونفكر وعلشان كده في مبادئ وقوانين عقلية ومنطقية وفيزيائية بنفكر على اساسها فنوصل لنتايج علشان كده الكون معقول طول ومبني على اسس ومبادئ. وعلشان كده احنا قادرين ان احنا ندرس الكون وهكذا. انا اسف على الاطالة بس هو فعلا زي ما قلت موضوع وجود الالهي ما ينفعش يدرس كده نقطة بمعزل عن باقي النقاط. لان هو بمجموع كل هذا ان انت فعلا سنريهم اياتنا في الافاق وفي انفسهم. في الكون في نفسك مجموع كل ده حتى يتبين لهم انه الحق لكن هتقعد تفصص وتكسر وفكرة الاختزال لم تصل الى شيء. لازم تشوف الصورة كاملة مش تقرب اوي منها وتركز على نقطة بعينها منفصلة عن باقي النقاط وتظن انك هتقدر في الاخر توصل لحاجة. في النهاية راجع اللينكات اللي انا هجمعها تحت في وصف الفيديو في الموضوع ده لانه مهم جدا جدا. في تعليق تاني انا سببي حتى راودتني هذه الشكوك هي كنت ادخل الى قنوات الملاحدة والنصارى بدون علم لا في فلسفة ولا في اسلام ولا في شيء حتى دخل لهذا الشك ماذا تنصحني الان؟ بص يا اخي مرة قعدت مع شخص ترك الاسلام. كويس؟ اتقابلنا في حديقة عامة وقعدنا نتكلم مع بعض واضح عليه يعني قل لي كده الادلة على وجود الله انت تعرف وما فيش اصلا اي ادلة على وجود الله. ابيض يا ورد. عمره عمره ما فات الحجج العقلية والمنطقية الدالة على وجود الله. قعدنا نتناقش كثيرا ووصلنا الى نتيجة ان اي شخص عقلاني ومنطقي عايش بشكل عام في هذه الدنيا وفق المبادئ والاصول العقلية والمنطقية لابد ان يسلم. في النهاية ان هناك شيء قبل الكون سبب في وجود الكون اللي هو فكرة بقى ايه؟ السبب في وجود الكون ده نقدر نعرفه ازاي؟ ما يمكن آآ ده وحش الاسباجيتي الطاير مش اله الاسلام. فالدنيا بتمشي يعني خطوة بخطوة من خلال حدوث الكون ومن خلال الاحكام والتصميم والاتقان اللي في الكون بنقدر نوصل الى ان السبب في وجود الكون متصف بصفات متسقة مع تصور اتباع المذهب القلول بيكمل باقي الصورة. لن تستطيع ان تعرف كل شيء عن الله فكرة ان انت تعرف ان هذا السبب اللي اوجد الكون اسمه الله ده بالوحي. هتعرف اسمه منين يعني؟ وهتعرف ماذا يريد منك في هذه الدنيا ازاي من غير الوحي؟ فالوحي العقل بيمشينا لغاية ما نوصل للوحي الوحي بيكمل ما لا نستطيع نستطيع ان نعرفه الا من خلال وحي. ماشي. فقعدت مع الراجل ده شاب صغير يعني وقعدت اتكلم معه وبتاع واحنا مروحين قال لي حاجة سابتة في دماغي لغاية النهاردة. ولا انساها. قال لي ايه؟ قال لي انا نفسي ارجع زي زمان صاحب ايمان بسيط وقلبي مطمئن وعقلي مرتاح. ومش عايز كل شوية لما احب اعرف حاجة ادخل قل في اعماق التفاصيل عشان اطمن ان ده صح ولا غلط هو ليه وصل لكده؟ لان هو سمح لنفسه بان يفتن في دينه. فتنتم انفسكم بانكم وضعتم نفسكم في الظروف التي تؤدي الى الفتنة. انت خدت القرار ان انت تسمع لملاحدة ونصارى. خلي بالك ممكن الذنب ما يكونش عليك انت لوحدك. ممكن يكون في تقصير شديد من الامة الاسلامية حواليك في ان انت نشأت مسلم كان مفروض تتعلم عن الاسلام ما يجعلك شبعان مش عايز تسمع من اي دين تاني. انت اتولدت مسلم درست الادلة على صحة اصول دين خلاص انتهى. يعني انت شبعان من دينك انت. وخل بالك الاسلام فعلا بيعمل كده. الاسلام بيعلمك اللي انت انت المفروض تعرفوا الادلة على وجود الله وادلة صدق نبوة سيدنا محمد صلى الله عليه وسلم وادلة وحي القرآن وموسقية القرآن وموسقية السنة الخمس حاجات اللي انا باقول لازم كل مسلم يعرفها. غير كده لما بتقرأ في القرآن وفي السنة بتتعلم عن الاديان الاخرى اتعلم سبب نشأة الاديان الاخرى. ليه في اديان؟ وليه الناس منحرفة كده؟ وليه في ملاحدة؟ وليه في وثنيين؟ وليه في يهود طرة وصابئة ومجوس فانت لو كنت نشأت في بيئة اسلامية علمتك وشبعتك ما كنتش وجدت في نفسك الحاجة الى انك تروح تسمع من نصراني ولا تسمع من ملحد. طب خلاص حصل اللي حصل. للاسف الشديد زي ما العلماء قالوا القلب زي السفنجة. انت تبقى عارف ان القلب زي السفنجة وبعدين تقوم واخد خد قلبك ده السفنجة دي وتحطها في ماية وسخة. وخلي بالك في موضوع انه القلب ابيض وينكت فيه نكتة سوداء وانه الدين كالثوب ويتبقع ولا ولا يتمزق الامثلة دي موجودة في السنة الفكرة ايه؟ ان التوسيخ اسهل من التنضيف. التوسيخ اسهل من التنضيف. وان قلبك يرجع زي ما كان هو مش مش مستحيل بس احيانا بيكون صعب. وممكن واحد تكون مشكلته في شبهة وممكن واحد تكون مشكلته في شهوة لكن في حديث عظيم عن النبي محمد صلى الله عليه وسلم بيتكلم عن الابواب وعلى كل باب شيطان وعمال يقول لك ايه ادخل الباب والحديث بيقول انك ان تفتحه تلجه. هتفتح لنفسك هتفتح باب شهوة او شبهة اعرف ان انت هتقع فيها. اعرف ان انت هتقع فيها. ومصداق كلام رسول الله صلى الله عليه وسلم ان هو ده اللي بيحصل فعلا فعلا لما بتفتح على نفسك باب شهوة او شبهة بتقع فيها. قلت قبل كده كتير جدا الناس بتستهون مع دين اكتر من اي حاجة تانية. يعني ايه؟ انت لو شاري موبايل جديد بتجيب له كفر جراب عشان ما يتخدش وسكرينة احفز عليه كويس قوي عشان دي ايه حاجة غالية. كويس؟ طيب. بتوع الكاميرات بيجيبوا لها كيدج. قفص حديد كده بتفصل عليها يحميها لو ورقة مهمة بتشيلها في خزنة ولا بتاع الحاجات المادية بنعرف نحافز عليها زي الفل. يعني انا كنت هقول مش محتاجين حد يعلمنا ازاي نحافظ عليه ولو مش عارفين بنسأل ازاي نحافز عليه. انت لو ما كنتش فاهم او عمرك ما شفت في دنيتك ان الموبايل ده بيتجاب له جراب وآآ وانت دافع فيه مبلغ محترم هتسأل هو انا احافز عليه ازاي ؟ انا خايف لا يتكسر ولا يتجرح ولا لما احطه في جيبي مع المفاتيح جرح ولا عشان هو غالي عليك فهتسأل لو انت مش عارف ازاي تحافز عليه. مسألة القلب بقى والدين بسبب ان الانسان مش بيدرك انه غالي يبقى هين عليه. طب ايه المشكلة يعني لما ادخل واسمع ماشي اصل التجارب الايمانية والروحية غير التجارب المادية. والناس يعني كثيرا جدا حالها ان لا يا عم ده انا غير كل الناس. انت لو جبت لي الكون ده الكوكب الارضي ده عايش عليه كم واحد؟ سبعة مليار مسلا سبعة ولا ازن عدينا ستة بقينا سبعة مليار. لو السبعة مليار كلهم الا انا وقعوا في حاجة ساظن لأ مش انا اللي هاقع زي ما كل السبعة مليار طبعا مش بيبقى للدرجة دي يعني بس فيه ناس كتير كده حاجة يا ابني انت لو عملت كده هيحصل لك كده اسمع الكلام السعيد من وعظ بغيره مش لازم تتلسع علشان عشان تفهم. لكن هو حب فضول كده او يعني سبحان الله قليل ونادر يدرك الامر بدون ان يخوض فيه بنفسه فيؤذى فيعلم ويعرف. ويزبط بقى الدنيا عاملة ازاي طب يا عم خلاص كفاية تأنيب وانا جنابي ورمت منك ايه الحل؟ الحل دايما بقول فيه شق علمي وشق ايماني. الشق الايماني ان انت تدور على كل بما تستطيع ان تصل اليه فيما يخص تكفير الذنوب وتطهير القلوب وترقيق القلوب والكلام ده كله واعمال القلوب والموضوع ده المسلمين كاتبين كاتبين فيه كثير جدا. والموضوع ده لسة ما خدش حقه في قناة الدعوة الاسلامية ان شاء الله ياخد حقه الناحية التانية ان انت تقرأ من مصادر موثوقة محترمة لمسلمين متخصصين في موضوع صحة ادلة للدين الاسلامي ادلة وجود الله صدق نبوة سيدنا محمد صلى الله عليه وسلم. وحي القرآن الكريم موسوقية القرآن موسوقية السنة. في كتب كتير جدا الموضوع ده في المكتبات دور النشر المختلفة مركز تبصير مركز تكوين مركز دلايل في مراكز كتير مركز براهين كتير جدا جدا ممكن احط لينكات تحت في الوصف. برضو على قناة الدعوة الاسلامية في قايمة فيديوهات مناهج دراسية. انا بقول والله يعني لو تنصح بشيء خلي بالك لا استطيع قراءة الكتب لضيق الوقت وشكرا اللي هو ايه؟ شاب صغير عنده حاجة عشرين سنة. واقع في الشبهات والشهوات لشوشته بس يعني سبك من الشهوات دي خلينا في الشبهات. ومسحول يا عيني ويريد ان ان قلبه عقله يطمئن. طيب يا بابا عندك سلاسل فيديوهات. عندك مجموعة كتب. انا هقرا لك الكلام ده امتى؟ هجيب لك وقت انا عايز اتجوز ولسه بدرس وبشتغل شغلانتين عشان اصرف على نفسي. ده حقيقي. طيب يا اخي والله انا ان مفرمة البلوبيف او مفرمة البوفتيك او مفرمة الدكتور حسام البخاري كان بيسميها مفرمة البسطرمة. او مكنة البسطرمة اللي احنا فيها دي. الضغط المادي خلي بالك. لعبة كده هبقى اعمل انهى فيديو اللي هو راد بدري دمشن لعبة اسطورية فيديو جيم حاجة جيمز يعني لعبة اسطورية رقم واحد مبيعا في العالم. لعبة جرافيكس وفلسفة حوار ضخم. في وسط آآ المهمة من مهمات اللعبة البطل بيكلم راهب. فالراهب بيقول له ايه ؟ الناس اللي حوالينا عندها ابا في ابا سيز عندها لا مبالاة. فبطل اللعبة اللي انت بتلعب به. قال لك ايه؟ قال لك مايمنتور المدرب او المدرس بتاعي لا انا متتلمذ على يدي قال لي بان امريكا امريكا مصممة لكي تبث في اس الابافيز اللامبالاة. جملة في غاية الحكمة. وحتى يعني في اللعبة قال له دي يعني اللي انت ادركته ده في غاية الحكمة. يعني ايه الجملة؟ الحياة وعصر المادية الرأسمالية مصممة ديزايند علشان الناس يبقى عندها لا مبالاة ابا سيز. ليه؟ لانها مطحونة في لقمة عيشها. انا علشان افكر لماذا نحن هنا فلازم اكون مرتاح ورايق البال. لكن انا لو مش عارف ااكل عيالي وفيهم اللي عيان ومحتاج دواء ومصاريف مدرسة ومش قادر مش مش عايز ومش قادر مش قادر يفكر مش فاضي يفكر مش رايق يفكر لانه بياخد على دماغه كده لأ لازم تدرك ايه المهم ولو وصل الامر انك شف يعني انا مش عايز ادخل السياسة في موضوع لكن عارف انت بيقول لك نجوع ايه يعني منجوع ليه من اجل تحقيق هدفنا؟ احنا فيه هدف عايزين نحققه؟ طب لو الهدف ده ادى الى ان احنا المفروض نجوع ما نجوع. ما ناكلش يعني ما كلش ايوة لو فعلا هو ده الهدف ان انت يعني تحقق اللي مطلوب منك تعمله في الدنيا دي لو علشان تحقق الهدف ده هتضطر تاخد من وقت كان ممكن تشتغل فيه عشان تجيب وتاكل ما تاكلش. طب هو مين يقدر يعمل كده ؟ الله المستعان. المفروض المسلمين يتكاتفوا في مسألة زي كده. ان شخص يحتاج الى المال علشان يفضي لنفسه وقت يزاكر فيه ليه دينه هو دين الله الحق لا اله الا الله. موضوع صعب والله الموضوع صعب. بس لازم تفهم انه الدنيا دي الى زوال. وربنا الله عز وجل هو منتهى كل شيء سينتهي الى الله. فيمكن يمكن. اه ضغوط الحياة حقيقية وقرصة جوع شديدة وتعب المرض شديد والي ولحظي ونشعر به بشدة. كان كل ده في النهاية سيزول وعلى اقل على الاقل يعني حاول ان انت تري الله عز وجل منك خيرا. يا رب صادقا من قلبك لو يسرت لي الوقت هزاكر وهقرا وهسمع وخلي بالك والله الذي لا اله الا هو انا انا انا عمري في حياتي ما قلت سواء في نفسي او ايا كان اني يا رب لو ده حصل هعمل الا وحصل. علشان ربنا يختبرني هتعمل ولا لأ. خلي بالك الموضوع ده عليه دلالات من القرآن والسنة. لكن انا خيبان في الحفز شوية. ان انت تعد بشيء لو حاجة حصلت فيحصل وتشوف بقى هتوعى هتوفي بوعدك ولا هتخلف. وموضوع ان انت تخلف مع ربنا ده امر صعب جدا لكن انا بقول لك اصدق الله عز وجل لكن خلي بالك بقى اصل الامتحان في لقمة العيش صعبة. هيجي تقول فجأة كده ايه ده! فلوسي اتيسرت طب ما اعمل علشان اجيب فلوس اكتر ؟ يا ابني ما الفلوس اتيسرت دي علشان انت توفر نفسك افهم. افهم الدنيا ماشية ازاي. في الاخر هتختار تمشي في انهي طريق؟ كان في دايما ودي اخر ده تعليق اخر تعليق في الجملة دي اللي هي ماذا تنصحني الان لا استطيع قراءة كتب؟ كنت دايما اتمنى ان يبقى فيه كتاب واحد من الجلدة للجلدة يقودك زي ما الاخ اللي اسمه ممدوح ياسر ممدوح ده. هو عامل كتاب مسميه من الصفر. والمفروض ان هدفه ياخدك من الصفر لغاية الاسلام. ان انت ابيض يا وردي وخلي بالك كتاب من الصفر ده كتاب صغير. بارجع تاني واقول ممكن ممكن بالفعل اكتمل الصفر وده يكون مناسب لك. كل واحد بقى زي ما كنت هقول يعني كل واحد ومشكلته. كل واحد ومدى تأثره بالشبهات. كل واحد وهو كحول قد ايه؟ ممكن يفتح كتاب من الصفر ده يقول لك ايه الكلام التافه ده. لأ انا انا المشاكل عندي اكبر من كده بكتير. ممكن واحد تاني يقول لك لأ ده كتاب عظيم وانقذني ونقلني من حتة لحتة. على كل حال كتاب من الصفر ده بتاع ياسر ممدوح. كتاب منهجية الوصول الى الحق لعبده الفقير الى الله الكتابين بتوع الدكتور سامي عامري. هم كتابين ضخمين براهين وجود الله براهين نبوة. لو قيل لي قل لي كتاب واحد اقول لك الكتاب العظيم بتاع الدكتور سلطان العميري انا بدور عليه اهو. الكتاب ده مجلدين يعني بس هو كتاب واحد كتابين. الكتاب اسمه ايه؟ ظاهرة نقد الدين في الفكر الغربي الحديث المجلد الاول ممكن تسيبك منه خالص هو مفيد جدا بس يعني ادي اهو. كتاب واحد. الجزء التاني بتاع ظاهرة نقد الدين في الفكر الغربي الحديث. لو بصينا في الفهرس لان الفهرس بيبدأ بايه؟ الاعتراض على وجود الله وكماله. بيتكلم في اول حاجة الاعتراض على وجود الله وكماله بيتكلم في ادلة وجود الله وانتقادات الملاحدة على ادلة وجود الله. وبعدين الجزء ده حلو يعني شوية حلوين. وبعد كده الاعتراض على النبوة والوحي وبيدخل بقى في موضوع ايه ؟ نبوة سيدنا محمد ووحي القرآن. وبيناقش الاعتراضات، وبعدين فيه جزء كمان من الكتاب بيناقش فيها اشهر الشبهات الالحادية. فهو بيتكلم زاهرة نقد الدين. الدين من من وجهة اتباع المذهب الالوهي اللي بيقولوا بان فيه اله والاله ارسل انبياء ورسل وانزل معهم الكتب ففي دين. فيبقى لازم جود الله رقم واحد للاصل الاول. رقم اتنين الوحي والنبوة. فالجزء ده بيناقش الفكرة دي. الجزء الاولاني بيناقش ظاهرة بيت نقد الدين. يعني الجزء الاولاني بيناقش الظاهرة والمدارس الفلسفية وليه ده ظهر؟ الجزء التاني بيناقش النقد. بيضع الادلة ويناقش النقد. كتاب عظيم. كتاب عظيم للدكتور سلطان عمين. والكتاب ده يعتبر اغلب المادة العلمية بتاعة آآ صناعة المحاور وفي النهاية انت وقتك ضيق عليك بالجزء الثاني على الاقل من كتاب ظاهرة نقد الدين. للدكتور سلطان عمير. والكتاب موجود على النت برضه طب انت مش قادر تقرا على الاقل على الاقل اسمع فيديوهات على قناة الدعوة الاسلامية سلسلة براهين النبوة وصحة دين الاسلام. على الاقل. وخلي بالك يعني هذه القضايا الفكرية العظمى لن تصل فيها الى اليقين الا ببذل الوقت والمجهود علشان تقدر تراكم الادلة التي تؤدي الى اليقين. يعني هي الدنيا كده للاسف. انت بقى ستقع امام نفسك في اختبار والله الموضوع ده يستاهل وقتي ولا لأ. وهل ساهتم به ام لا؟ وهل اختار ان ابذل فيه ولا اتجنبه واطنشه وانفض له واعيش حياتي وخلاص. الله المستعان. واسأل الله عز وجل انه يعني ما حدش يتحط في اختبار عزيم زي كده. ان انا مفتون في ديني مش عارف بقى هل سأبذل الوقت والمجهود علشان الفتنة دي تروح ولا هفضل كده وخلاص واتسهل في الدنيا لغاية بقى ما ربنا يسر كأن يعني الموضوع مش بايدي انا الظروف اقوى مني والكلام اللي احنا بنسكت به نفسنا. لماذا جعل الله عز وجل القرآن له سبع قراءات؟ وهل كل قراءة تختلف في المعنى عن الاخر. اولا الاصل ان القرآن الكريم نزل على سبعة احرف ففي الاحرف السبع ده طريقة التنوع اللي نزل به القرآن الاحرف السبع. مين الاحرف السبع جت بقى القراءات القراءة المفروض معناها انه هناك من قرأ القرآن على رسول الله صلى الله عليه وسلم سواء خد بحرف واحد من في السبعة او خد منها اليسير وبقت هذه قراءته للقرآن قرأ الكلام ده على النبي. النبي قال له زي كل تمام القراءة جميلة وما فيهاش اخطاء بقت دي قراءة. فبقى فيه عندنا القراءات العشر. القراءات العشر المتواترة. هي دي فكرة القراءة في النهاية يعني ان الاصل ان القرآن نزل على سبعة احرف وبعدين الصحابة انتقوا من السبعة احرف القرآن اللي يقرأوا به سواء التزموا بحرف او اكثر. وقرأوا على النبي النبي اكد قرائتهم وبقوا يعلموا بعض. يعني خلاص انا قراءتي مضبوطة النبي اكد لي عليها اعلمها لغيري. فوصل بقى بتاريخ انتشار القرآن ونقل القرآن شفهيا ان بقى فيه عشر قراءات متواترة وبيسموها القراءات الكبرى ومش عارف ايه ولها طرق ولها دنيا مضبوطة يعني الاحرف السبع دي عبارة عن ايه؟ نقدر نقول باختصار انه القرآن الكريم ليس كتابا تقليديا. يعني ايه كتاب يعني ده كتاب تقليدي له نص واحد فقط الكتب السماوية السابقة كانت كده. كانت نص واحد ثابت مكتوب في السطور وبينسخ يدويا وما كانش محفوظ. يعني اتباع الاديان اساطير هي اللي بتقول ان فلان كان حافظ ويعني احاد الناس طوال التاريخ عند اليهود والنصارى اللي تجد اللي قيل عنهم ده كان حافز الكتاب ودي غالبا اساطير او مبالغات. يعني هو كان ممكن حافز اجزاء مشهورة فاتقال ده حافز. اغلب آآ عوام المسلمين وعوام النصارى بيقعوا في ده. ان هم يشوفوا واعظ حافظ بعض المقاطع وكذا. اللي بيستخدمها كثيرا ويقول لك ده حافز. حافز الانجيل ما فيش حاجة اسمها حافز الانجيل. الموضوع ده اصلا فيه اشكالات كتير لكن ما علينا مش مهم. فالقرآن الكريم ليس كتابا تقليديا له نص واحد القرآن الكريم في الاصل كلام يقرأ وقرآنا فرقناه لتقرأه على الناس على مكس. ونزلناه تنزيلا. الايات دي يعني جوهرية في الباب. لا تحرك به كانك لتعجل به. ان علينا جمعه وقرآنه. فاذا قرأناه فاتبع قرآنه. ثم ان علينا بيانا. فهو قرآن ان مقروء النبي نفسه سمعه مقروء ويقرأ مثل ما سمع. الهدف من الاحرف السبعة انه تسهيل على الامة الاسلامية. لان بطون العرب مختلفة ولهجاتهم ولغتهم طريقة كلامهم. طيب. بس الاحرف السبع مش متوقفة فقط على الاختلاف في النطق وطريقة القراية وطريقة التلفظ. لأ في تنوع في النص. ان القراءة دي بتقول ما لك يوم الدين. والقراءة دي بتقول ملك يوم الدين وده راجع للاحرف السبع. الاختلاف ده راجع لاحرف السبع. طيب ما لك غير ملك؟ اه طبعا. لكن في النهاية لا يوجد تناقض او تضارب. دايما في غنى في المعنى. واضافة ومزيد من العلم والمعرفة. وثراء وهكذا الاحرف السبع وان كان فيه اختلافات لفظية وده معروف. الا انه كله يصب في جانب ده. ثراء وغنى وهكذا. وكلها معاني متوافقة ليس فيها اي تناقض بس كده. اي شبهة بتيجي من باب ان المسلم ما يعرفش ده عن تاريخ القرآن. رغم ان نزول القرآن على سبعة احرف من قول في السنة باحاديث متواترة. وده المفروض يعني ما لا يسع المسلم جهله عن القرآن لازم تكون عارف ان القرآن نزل على سبع احرف السبع احرف ده تنوع في في القرآن هدفه التسهيل والاثراء والغنى واضافة المعاني والمزيد من المعرفة والعلم نشأ عن الاحرف السبعة القراءات المختلفة. المسلم مش مطلوب منه انه سور كل ما يخص القرآن الكريم اللي وصل لنا عن طريق النبي محمد صلى الله عليه وسلم. ده حتى يعني المسلم مش مطلوب منه انه يحفظ القرآن الكريم كاملا المسلم المطلوب منه انه يحفظ من القرآن ما يستطيع ان يصلي به الفرائض وانه يعرف معلومات اللي جت في القرآن والسنة اللي هي ما لا يسع المسلم جهله. يعني انت ممكن تعيش عمرك كله تعيش وتموت وما انتش حافز غير قصار الصور اللي في جزء عم لكن الاحكام الفقهية والامور العقدية انت اتعلمتها. مش مفروض عليك انك تحفز دليلها ان القرآن او دليلها من السنة. بس على الاقل تبقى عارف ان فيه هي ده اللي ده هو ما يدل عليه القرآن والسنة. يعني مثلا الايات الفقهية ايات الاحكام اللي موجودة في القرآن. هو مطلوب من كل مسلم يطبق الاحكام دي انه يحفز كل ايات الاحكام؟ لأ طبعا. يعني مسلا اللي بتطبق المواريث حسب الشريعة الاسلامية. حافظة يعني ايات الميراس وكزا لأ طبعا. ولا درسها ولا اي حاجة. بس عارفة ان انا مفروض اعمل بها ولما ييجي الوقت اللي المفروض اعمل به بلجأ للمتخصص وباعمل به فعلا. فيعني الموضوع فيه سعة اه وده من رحمة الله عز وجل على المسلمين. والواقع في النهاية انه بحسب التقسيم الجغرافي لبلاد المسلمين. وحسب خلاف لسانهم ولهجاتهم بقى معروف ان بلاد معينة تقرأ القرآن بقراءة معينة ومصر معروف عنها انها بتقرأ بقراءة حفص عن عاصم بس. فيبقى اختصارا القرآن نزل على سبعة احرف السبعة احرف ده هو التنوع اللي احنا بنلاقيه في النص القرآني اغلبه في طريقة الكلام والنطق على حسب السنة العرب المختلفة. لكن فيه ايضا تنوع في المعنى. وهذا التنوع في المعنى راء وزيادة وليس فيه اي تناقض. روميا خمسة تلتاشر فانه حتى الناموس كانت الخطايا في العالم على ان الخطية لا تحسب ان لم يكن ناموس لكن قد ملك الموت من ادم الى موسى كزتان. طيب هل قول بولس قد ملك الموت من ادم الى موسى دليل على ان الناموس رفع خطيئة ادم خلي بالك رسالة بولس الى اهل روميا من اهم رسايل بولس. وكان فيه محاضرات صوتية مدخل الى دراسة المسيحية وقراءة في اعمال الرسل رسايل بولس اللي هم السبع رسايل اللي احنا متأكدين ان بولس كتبهم. اللي من ضمنهم رسالة بولس الى اهل روميا. لازم علشان تفهموا اللي العلماء بيسموه مو لاهوت بولس بمعنى العقيدة التي علمها بولس. مش ان بولس اله. اللاهوت المريمي عقيدتنا في مريم اه لاهوت بولس العقيدة اللي علمها بولس عشان تفهم لاهوت بولس لازم تقرا رسايله وتعرف اسلوبه وبيتكلم عن ايه وهكذا. النص ده هو يقصد يعني هو مقسمها جزئين. هو يعني بيحاول يشرح ليه في ناموس وبعدين بولس بيأكد على فكرة ان اتباع الناموس لا يؤدي الى التبرير لانك عمرك ما هتقدر توفي اتباع الناموس حقه. فهتفضل مدان في حق الله فيبقى الناموس ما عملش حاجة. فهو هنا لما بيقول قد ملك الموت من ادم الى هو يقصد الخطية الاصلية. ان ادم لما جه آآ ربنا خلقه ووضعه في الجنة ربنا قال له يوم تأكل من الشجرة موتا تموت فهو اكل من الشجرة فموتا تموت. فالموت ملك هو ده اللي يقصده. ملك الموت من ادم الى موسى. طيب يعني من ادم الى موسى. هو يعني بعد موسى الموت ما ملكش؟ لأ مش هو هو ده اللي يقصده. وهو المفروض شرح الكلام ده كتير في نصوص تانية. وخلي بالك برضو هي الفكرة ايه؟ انت بتقرأ كلام بشري. فممكن كان بعكس ما يدعيه النصارى لا يحسن عرض فكرته قد كده. فانت لما بتقرأ في اماكن اخرى تجمع او حتى باقي رسالة بولس الى اهل روميا يعني تجمع من رسايل بولس تصوره عن الموت والخطية والكلام ده تعرف ان لأ الموت فضل يملك الى ان قام المسيح من الاموات. وان بقيامة المسيح من الاموات آآ الموت فقد سلطته علينا. فهو هنا بيقول قد ملك من ادم الى موسى يقصد والنقطة دي يعني من ضمن مصايب بولس. كأن ربنا يعني بيحاول يلاقي حل بس الدنيا مش ماشية. فهو بيقول الى موسى لان على ايام سيدنا موسى بقى في ناموس موسى. طيب ناموس موسى ده يحل الموضوع يعني؟ هل نستطيع ان نحصل على التبرير امام الله من خلال اتباع الناموس؟ هو المفروض هيكمل وهيقول لك لأ ما في بقى من موسى للمسيح. انا طبعا مش مستحضر نصوص دلوقتي بس هي الفكرة كده. انه انت مفروض على الاقل تقرأ الفقرة كلها والاصحاح كله يعني. فهو هنا لما بيقول لك من ادم الى موسى يقصد لغاية موضوع الناموس ونزول الناموس لان هو يعني حيبذل وقت لا بأس به في محاولة التدليل على ان الناموس لا يؤدي الى واتباع الناموس لا يؤدي الى البر. يبقى لازم بقى من موسى المسيح. وان احنا اتعتقنا من الناموس وان الناموس ده هو نظام العهد القديم. واحنا بقى عندنا العهد الجديد. فبيقول لك وذلك على الذين هو كلام بولس اصلا صعب ورخم وكنت كثيرا ما احتاج الى اني اترك آآ ترجمة الفاندايك وابص على ترجمات تانية علشان افهم وارجع للكتب المختصة في ازاي المفروض نترجم النص؟ في حاجة اسمها يو بي اس هاند بوك. اون ترينزليشن او حاجة زي كده. هابقى احط الغلاف في تاج. كتب عاملاها اتحاد جمعيات الكتاب المقدس عبارة عن هاند بوك هاند بوك المقصود به ايه ؟ كتاب ياخد بايدك ده المعنى هو هاند بوك يعني كتاب في الايد. لكن المفروض المعنى يعني المقصود كتاب ياخد بايدك في الموضوع ده ففي عاملين هاند بوك بخصوص الترانزليشن الترجمة. كل سفر له يو بي اس هاند بوك فسفر التكوين له كتاب يعني ايه؟ يعني لكل نص بيعلقه النص ده المفروض يترجم ازاي. وتراعي انهي معاني لما تيجي تترجم النص حسب لغتك وعلماء لغويين متخصصين بيقولوا احيانا في لغتك لا تستطيع التعبير عن كذا فتعبر بطريقة عشان تحفر شغل جامد جدا يعني. طبعا على اساس ما يعتقدون ان هو الترجمة الصحيحة للنص يعني. لكن ما علينا. المهم يعني اننا كثيرا محتاجت ان انا ارجع لمراجع زي كده علشان خاطر افهم الراجل ده بيقول ايه وعاوز يفهمنا ايه فهو اختصارا يعني هو لا يقصد ان الناموس رفع خطية ادم. هو بيتكلم عن فكرة العهد القديم والجديد وان العهد القديم بدأ عند سيدنا موسى لم الله عز وجل انزل الناموس وهيبتدي بقى يحكي في ان الناموس ده فشل فيبقى احنا محتاجين طريقة تانية اللي هو العهد الجديد. نكتفي بهذا القدر في هزا فيديو وجزاكم الله خيرا على الاهتمام. واتمنى انه يعني اي حد عنده اسئلة يحاول يجمعها وبعدين تتباعت آآ يوم البث المباشر وربنا ييسر الامور ان شاء الله ونقدر نجاوب على اسئلتكم الى ان نلتقي في فيديو اخر قريبا جدا باذن الله عز وجل لا تنسوني من صالح دعائكم والسلام عليكم ورحمة الله وبركاته