بسم الله الرحمن الرحيم السلام عليكم ورحمة الله وبركاته. اهلا بكم في فيديو جديد على قناة الدعوة الاسلامية على اليوتيوب. والنهارده معنا كتاب جديد في غاية الاهمية. متخصص جدا وعميق جدا ومليء بتفاصيل كثيرة جدا ومحتاج يتذاكر بقوة كتاب متخصص في مجال الادلة العلمية والمنطقية على وجود الله كتاب اسمه اللاهوت الطبيعي في البداية لو انت مهتم بالقضايا الفكرية المعاصرة ومواضيع الايمان والالحاد يبقى انت لازم تشترك في هذه القناة. اضغط على زر الاشتراك الاحمر واضغط على علامة الجرس علشان تدي لك كل رد كل الحلقات الجديدة من اهم الكتب اللي اثرت في في مجال اثبات وجود الله. وكان يعتبر كتاب سهل وللمبتدئين. لكن اتعلمت منه كتير جدا جدا كتاب القضية الخالق لليست روبن. اكيس فور ايكريوتر لليستروبل. الكتاب ده مترجم وعبارة عن مجموعة كبيرة من المقالات المكتوبة في مواضيع مختلفة كلها تدور حول الادلة العلمية والمنطقية لاثبات وجود الله. النهاردة بقى بنتكلم عن كتاب مش للمبتدئين خالص. ده كتاب ليفل الوحش زي ما بيقولوا اعلى مستوى ممكن تقراه ويعني فيه ناس كتيرة جدا جدا اشتكت من صعوبة الكتاب. لكن فيه سؤال هنا اذا كان الكتاب صعب جدا ومعقد جدا ليه بتنصح بالكتاب؟ انا بقول ان الكتب اللي زي كده يعني لازم يكون عندك دراية بها. في بعض الناس قالوا لي في الحلقة اللي فاتت عن آآ فيو الكتاب ده يتقري امتى؟ يتقري بعد ما تكون خلصت المنهج اللي انا عامله في اه منهج دراسة الالحاد او منهج لنقد الالحاد اللي موجود على قناة الدعوة الاسلامية على اليوتيوب فانت خلاص قريت الكتب دي كلها المفترض ان حتى لو الكتاب صعب جدا انت تكون على مستوى ان انت تحصل اكتر من ستين او سبعين او حتى تمانين في المية من الكتاب. ومش عيب ان انت تقرا كتاب ويسقط منك اجزاء كتير منه اجزاء كتير بمعنى عشرة او عشرين في المية من الكتاب. مش مهم. احرص على انك تحاول تستفيد باكبر قدر ممكن خصوصا لو انت عايز تبقى متخصص في هذا المجال. لازم تكون قاري كتاب ناتشيالوجي اللي هو الكتاب ده برضه من تحرير اتنين من اكبر الفلاسفة نفس الفلاسفة بتوع فيو ويليام لين كريد وجي بي مورلاند ويليام لينك ريد عرفناه قبل كده وهو شخص عمل مناظرات كثيرة جدا جدا مع الملاحدة وجي بي مورلين فيلسوف مسيحي مشهور جدا جدا وله مجهودات كبيرة في الرد على الملاحدة. في البداية يعني ايه انها تشرب سيولوجي. اللاهوت الطبيعي المفترض ان ده قديم من ايام ويليام بيلي اللي كان بيتكلم عن فكرة الساعة والتصميم وان انت لما تشوف الساعة هتقدر تدرك بشكل بدهي ان الساعة دي لها مصمم. كذلك الكون لما تتأمل فيه او جسم الانسان وجسم المخلوقات لما ما تتأمل فيها هتدرك قطعا ولا شك انها مصممة. الفكرة دي اثبات وجود الله مش من ادلة شرعية لكن من خلال التأمل في العالم الطبيعي. فده معنى ناتشورالسيولوجي. ان انت تثبت وجود الله من خلال ان انت تأمل في الطبيعة وتتأمل في الكون وتتأمل في الانسان وفي المخلوقات المختلفة فتدرك ان كل هذه الظواهر الطبيعية لابد ان لها خالق وصانع. الكتاب بتاع من تحرير ويليام لينك ريد وجي بي مورلاند لكن ما هواش زي بالزبط في الكتاب بتاع اقرب لكتاب آآ القضية الخالق. بحيس هو عبارة عن مجموعة من المقالات العلمية القوية جدا جدا في مواضيع كثيرة مختلفة متعلقة باثبات وجود الله من الناحية العلمية ومن الناحية المنطقية. لكن كتاب في لاسافق الفاونديشينز المفروض الكتاب نفسه مادة الكتاب من تأليف وليام كراج وجي بي مورلاند هم اللي كاتبين الكتاب. لكن هنا هم اللي محررين الكتاب يعني مراجعين كل المقالات الاخرى وويليام له مقالة وجي بي مورلاند له مقالة. كالعادة في تعليق الغلاف بتاع كأن عليه عسكري ما تفهمش يعني شكله اقرب للصليبيين بالنسبة لي. لكن على كل حال الكتاب ده برضه ما لوش علاقة بالمسيحية اي نعم في جزء في النهاية خالص في اخر فصل او اخر مقالة بيتكلم فيه عن المعجزات وبعدين في سياق الكلام عن المعجزات بيتكلم عن قيامة المسيح من الاموات وده جزء مسيحي او تنصيري. لكن كل الكتاب باقي الكتاب يعني بحوالي نسبة تسعين مية او خمسة وتسعين في المية من الكتاب بيتكلم عن الادلة العلمية والمنطقية على وجود الله. نيجي نبص بصة سريعة على الفهرس علشان نشوف في الكتاب بيتكلم عن ايه طبعا في مقدمة عامة كتبها ويليام كريج وجي بي مورلاند. وبعدين في فصل عن ده بروجيكت اوف ناتشرالثيولوجي. فكرة فكرة اثبات وجود الله عن طريق التأمل في الطبيعة. وايه الشبهات اللي بتطرح حوالين هذا المنهج؟ وبعدين شارلز تاليا فرو في الجزء ده بيجيب شبهات كسيرة جدا عن المذهب الالوهي بشكل عام واعتراضات فلاسفة الملحدين او واشهر الملاحدة على المذهب الالوهي بشكل عام وبيرد عليها. فيه بقى فصلين عن الكوزمولوجيك الارجومنت. احنا قلنا قبل كده ان ويليام ليون كريج له كتاب كبير اسمه اللي هو بيدرس الحجج الكونية من اول افلاطون لغاية الفيلسوف وعالم الرياضيات الشهير الالماني ليتنتس. الحجج الكونية معناها كل الحجج اللي بتثبت ان الكون يحتاج في وجوده الى اله خالق وصانع. وان وجود الكون ما ينفعش يكون ذات الوجود او مكتفي بوجوده. الكون ممكن الوجود او مرجح الوجود ويحتاج الى اخر لكي يوجد. فهنا فيه مقالتين عن الحجة الكونية. المقالة الاولى الحجة الكونية حسب ليبنتس الفيلسوف وعالم الرياضيات الماني والمقالة التانية لوليام لين كريج ذا كلام كازملازق الحجة الكونية حسب ما تم صياغتها عند علم الكلام المسلمين. ليبنتس اعتمد في صياغته للحجة الكونية على كلام فلسفي اكتر لكن الحجة الكونية الكلامية مبنية اكتر على ادلة علمية. ايضا فيها نقاشات فلسفية لكن مبنية اكتر على ادلة علمية. بيتكلم بشكل عام ان في كائنات ممكنة الوجود وكائنات واجبة الوجود. وان الكائن ممكن الوجود يحتاج لكي يوجد الى اخر. وبعدين بيتكلم عن في حالة تسلسل الاسباب بلا نهاية في الماضي وبعدين بيقول يبقى معنى كده بما ان الكون ممكن الوجود ويستحيل تسلسل اسباب بلا نهاية في الماضي يبقى لازم يكون في كائن اول واجب الوجود. طبعا ميزة الكتاب انه بيتناول كل الادعاءات اللي بتحاول تفند هذه الحجج وبيردوا عليها باكثر تفصيل ممكن في الدنيا هي دي نقطة صعوبة الكتاب ان في بعض الناس لما بتيجي تدخل في هذه النقاشات الصعبة والفلسفية احيانا وما بتفهمش ، ممكن الحجة لما تيجي تعرضها وتعرض ادلة صحتها لوحدها الامر يكون مفهوم اكتر بكتير مما لما تيجي تعرض كل الاعتراضات على الادلة اللي انت بتقدمها وتناقش ان هذه الاعتراضات على ادلتك باطلة. الحجة الكونية الكلامية مبنية على مقدمتين ونتيجة. المقدمة الاولى قانون السببية ان كل شيء حادث له سبب لحدوسه. او كل شيء له بداية هناك سبب ابتدأوا او كل مخلوق له خالق ايا كان صياغة قانون السببية وبعدين المبدأ الثاني ان الكون حادث يبقى النتيجة اللي احنا بنستنبطها ان الكون له سبب احدثه خلاه يبتدي في الوجود. ويليام لين كريك بيضع ادلة كثيرة جدا جدا في اثبات ان قانون السببية صحيح ويجب الاعتماد عليه بيقدم الادلة العلمية الكثيرة جدا على ان الكون حادث. وبيقدم المناقشات الفلسفية الكثيرة جدا على ان الكون حادث وايضا بيتكلم عن فكرة استحالة تسلسل الاسباب بلا نهاية في الماضي. وبعدين بيبتدي يتكلم يبقى معنى ان الكون له سبب قبل حدوسه ده استنباط صحيح وبيبتدي يتكلم اكتر بقى عن الصفات التي نستطيع استنباطها بعقولنا لهذا السبب الذي احدث الكون واثبات ان الاله زي ما احنا بنعتقد وفق المذهب الالوهي هو السبب الذي احدث الكون. بعد كده في ذاتالولوجيك الارض حجة الضبط الدقيق او حجة ان الكون مصمم لما بنيجي نتكلم عن حجة التصميم اللي هو معناه ان لما نيجي نتأمل في الكون نجد في الكون علامات التصميم يبقى ده دليل ان الكون هناك من احكموا وصمموا وضبطوا واتقنوا المفروض ان حجة التصميم لها عناصر كثيرة جدا جدا. بتبتدي بالضبط الدقيق للكون وفي مستويات كثيرة للضبط الدقيق للكون وبعدين فيه بقى نشأة الحياة وعناصرها وبعدين الكلام عن التصميم في المخلوقات الحية اللي هي فكرة نقد بنظرية داروين وبعدين بنيجي نتكلم عن الانسان وخصائصه او الكائنات الحية وخصائصها التي لا يمكن تبرير وجودها بشكل مادي. وان ده دليل ان الاله هو الذي خلق هذه الكائنات الحية ووضع فيها انصر غير مادي هي السبب في وجود هذه الخسائر. الموضوع ده ممكن يكون معقد شوية. لكن اللي انا عايز اقوله ان كتاب هنا ما بيتناولش غير والكثير جدا من الناس ما بياخدوش بالهم انه لما بييجوا يتكلموا عن الضبط الدقيق للكون ما بيتكلموش عن كل مستويات الضبط. لكن بيتكلموا عن شيء واحد فقط القيم الاولية والثوابت الفيزيائية مضبوطة بشكل دقيق جدا جدا. هذا الضبط هو الذي سمح بنشأة الحياة على الارض. ومش بمجرد نشأة الحياة بنشأة الانسان. وانه يقدر يعيش حياة تكنولوجية حديثة متقدمة على الارض لو الضبط الدقيق للقيم الاولية والثوابت الفيزيائية ما كانش موجود بهذا الشكل الدقيق جدا من البداية الكون ما كانش هيقدر يستمر النجوم والكواكب ما كانتش هتتكون ما كانش هيبقى فيه ارض ما كانش هيبقى فيه حياة. المفترض ان الضبط الدقيق للكون من الناحية الفيزيائية ده مستوى واحد من مستويات الضبط المفترض ان فيه ضبط على المستوى الفيزيائي وفيه ضبط على المستوى الفلكي وفيه ضبط على مستوى ظروف الكرة الارضية سواء في المجموعة الشمسية دي هتبقى من ضمن الضبط الفلكي او داخل الكرة الارضية. وبعدين بقى نتكلم عن نشأة الحياة كمظهر من مظاهر التصميم الحياة نفسها دليل على التصميم وبعدين مناقشة بقى خصائص الكائنات الحية بما فيها الانسان دليل ايضا على التصميم والخصائص اللي المادة ما تقدرش تبررها دليل على وجود الله الغير مادي اللي اودع هذه الخصائص غير المادية في الكائنات الحية. لكن على كل حال لو انت عاوز تقرا اكتر عن موضوع الضبط الدقيق في الكون وحجة التصميم تقدر تقرا كتاب الصنع المتقن للاستاز مصطفى نصر قبيح وده اخ حاصل على الماجستير في مجال الفيزياء. يبقى هنا روبن كولينز شخص متخصص جدا جدا في موضوع الضبط الفيزيائي. الضبط الفيزيائي زي ما قلت معناه ان القيم الاولية للكون زي سرعة الضوء زي سرعة تمدد الكون وتوسعه. زي كتلة الكون وكثافته دي قيم تم تحديدها من البداية خالص. هذه القيم مضبوطة بشكل دقيق جدا جدا. يعني مثلا زيرو بوينت زيرو زيرو زيرو زيرو زيرو وان. يعني ده كتيرة جدا مضبوطة بشكل دقيق جدا جدا بحيث يستحيل ان الضبط ده يكون مجرد صدفة. وان ده دليل على تصميم الاله هو اللي خلى الكون بالشكل ده. اغلب الناس بيعتقدوا ان حجة الضبط الدقيق للكون ده يونيفرز اقوى دليل علمي على اثبات وجود الله. في تلات مقالات بيتكلموا عن تلات خصايص موجودة في الكائنات الحية خصوصا الانسان المادة لا تستطيع تبريرها. اول حاجة تاني حاجة تالت حاجة وفي بعد كده ان فكرة وجود الخير والشر دي مفاهيم غير مادية وده دليل على وجود غير اللي هو الاله وبعدين الحجة من الخبرة الدينية الخبرة الدينية والخبرة الشخصية النقطة دي نقطة في غاية الاهمية ممكن ما تكونش من اقوى الصياغات المنطقية لكن الشخص اللي يستوعبها ويفهمها كويس هيدرك ان قطعا ولا شك مجرد وجود هذه الخبرات ان في ناس اختبرت هذه الخبرات وعدد ضخم جدا جدا من الناس. وطوال التاريخ البشري هذه حجة قوية جدا. تبطل المادية وتبطل الحاد. زي ما الفيلسوف كيس وورد كان بيقول ان مجرد اثبات ان واحد بس طوال التاريخ البشري. ربنا استجاب لدعائه يبقى ده دليل على صحة المذهب الالوهي ونقد الالحاد. واحنا عندنا ملايين الملايين من الناس بتحكي خبراتها الدينية ومجرد وجود الفكرة في عالم مادي لا يستقيم. طبعا احنا عندنا حلقة عن موضوع الالحاد ومعضلة الوعي وفكرة ان انت انسان واعي عندك شعور باللي حواليك وشعور بوجودك الذاتي المستقر الذي لا دي معضلة كبيرة جدا بالنسبة للالحاد. جي بي مورليند كاتب هذه المقالة متخصص في الموضوع ده. ده ارجمنت فرام ريزن انا ده ايمن لما بقرأ هذا الموضوع بفتكر قول الله عز وجل سنريهم اياتنا في الافاق وفي انفسهم حتى يتبين لهم ان له الحق. يعني ايه الكلام ده؟ قدرة الانسان على انه يفهم العالم اللي حواليه علماء كثر جدا جدا تكلموا ان ده في حد ذاته معجزة اكثر شيء غير مفهوم في العالم هو انه مفهوم. زي ما اينشتاين قال ايه تبرير ان في حاجتين بيتقابلوا مع بعض فالنتيجة ان احنا بنقدر نفهم العالم اول حاجة ان العالم نفسه مفهوم. خلي بالك العالم كان ممكن يكون مفهوم وانت مش قادر تفهمه. يعني هل باقي الكائنات الحية بتقدر تفهم العالم زي ما انت فاهمه هل باقي الكائنات بيقدروا يفهموا قانون الجاذبية والكهرومغناطيسية والنووية القوية والضعيفة والثوابت الفيزيائية والقيم الاولية والفيزياء والكيميا والاحياء احنا فاهمين عن العالم كم كبير جدا جدا من الفهم باقي المخلوقات لا تستطيع ذلك. طيب حتى لو احنا ما كناش قادرين نفهم. هل ده معناه ان العالم مش مفهوم يعني ايه ان العالم مفهوم؟ يعني ان العالم تم تصميمه بناء على اسس وقواعد وضوابط. الكثير جدا من العلماء كانوا بيقولوا ان يعني ايه ان الله عز وجل خلق الكون على اسس رياضية وعلى اسس تتفهم مبنية على مبادئ وقواعد فالكون بالفعل مخلوق بهذه الطريقة احنا بقى ليه عندنا القدرة ان احنا نقدر نفهم الكون ونفك هذه الالغاز وعندنا القدرة ان احنا نقدر نفهم بناء على نفس الاسس ونفس القواعد اللي ربنا خلق عليها الكون يبقى بالتالي لازم طرفين يتحققوا لازم يكون احنا عندنا القدرات العقلية والقدرات الذهنية والمبادئ المنطقية والعقلية والفلسفية مزروعة فينا والكون نفسه مبني على نفس القواعد والمبادئ اللي موجودة في اذهاننا وعقولنا فبالتالي يحصل التلاقي. فيه بقى نقطة تالتة كمان. احنا عندنا القدرة والكون بالفعل مخلوق. لكن الظروف تمنع الاكتشاف يعني ايه الكلام ده؟ ربنا خلق الكون وفق قواعد واسس وخلقنا وعندنا فهم لهذه القواعد والاسس علشان نقدر نكتشف العالم والظروف اللي احنا فيها على كوكب الارض تسمح لنا بالاكتشاف. الغلاف الجوي مثلا شفاف بيقدر يخلينا نشوف الفضاء عنينا عندها القدرة على ادراك الواقع وابصارها. عندنا حاسة اللمس وحاسة الشم والحواس اللي تخلينا نكتشف الواقع اللي حوالينا فبالتالي كل دي ظروف سمحت ان احنا نقدر نستخدم قدراتنا العقلية والذهنية علشان نفهم الكون المؤسس على ضوابط وعلى اسسه وعلى مبادئ وقواعد. الامر مزهل علشان كده لما تيجي مرة تانية تتدبر قول الله عز وجل سنريهم اياتنا ده فعل ربنا ربنا خلق الكون بشكل معقول وخلقنا احنا كائنات عاقلة. والسمح لنا ان احنا نعيش في ظروف تسمح بالكشف العلمي من اقوى الكتب اللي تناولت هذا الموضوع كتاب بريفليدج بلانت بيجمع ما بين النقطتين ان الكون الفعل مصمم ومضبوط ومحكم ومتقن وفي زروف سمحت لنا ان احنا نقدر نكتشف لكنه لا يتناول الجزء التالت. اللي احنا عندنا القدرات العقلية والمنطقية فهنا كل ده يدل دلالة واضحة على وجود الله. لا يمكن اجتماع كل هذه المواضيع تكون مجرد صدفة. او ان المادة تبرر كل هذا اصلا الحجة الاخلاقية. وجود قيم اخلاقية موضوعية دليل على وجود الله. وعلماء قالوا ان البداية الحقيقية للميتافيزيقا هي الاخلاق. فكرة الاخلاق وفكرة الصح والغلط وفكرة ان احنا عندنا ضمير وعندنا نزعة اخلاقية وفكرة ان احنا كائنات عندنا الشعور بالمسئولية الاخلاقية كل دي حاجات لا تستطيع المادة تبريرها. كثير جدا من العلماء الملاحدة مدركين ان فكرة الخير والشر اصلا افكار غير مادية. ولو كنا بالفعل ابناء المادة الخلص زي ما الدكتور هيسم طلعت بيحب يقول ما كانش هيبقى فيه اصلا مفهوم قوم الخير والشر والصح والغلط والكلام ده. اتكلمت عن بعدين ده انطلوجيكال ارجمنت. ده انطلوجكال هارجيمنت محطوط هنا في الكتاب اخر حجة وفي ناس كتيرة جدا جدا بتجد ان الحجة الانطولوجية ليست حجة اصلا لكن انا بعتقد هي الفكرة صعبة شوية ومحتاجة تتشرح بشكل اوضح بقدر الامكان انا بعتقد ان الحجة دي معناها معناها ان زي ما فكرة المنطق وان احنا كائنات بنتمتع بان احنا قادرين على التعقل والتفاهم والتفكير عقلاني المنطقي المبدأ ده في حد ذاته غير مادي والمادة لا تستطيع تبريرها فكرة الوعي فكرة في حد ذاتها المادة لا تستطيع تبريرها. فكرة الاخلاق والصح والغلط والخير والشر. فكرة غير مادية لا تستطيع المادة تبريرها. فكرة المعلومات الجيناتيك انفورميشن. فكرة المعلومات فكرة لا تستطيع المادة تبريرها. انا بعتقد ان لذا انطلاجك الارجومنت معناها ان فكرة الله فكرة الاله فكرة لا تستطيع المادة تبريرها وان بما ان البشر عندهم الفكرة دي يبقى اكيد الفكرة دي صح لان المادة لا تستطيع تبرير وجود هذه الفكرة انطولوجية تم ده المعنى ده معنى الحجة. بعد كده هو طبعا بيتكلم عن قيامة المسيح دي اهم معجزة عند النصرانية. وبيقولوا لو المسيح قام يبقى المسيحية صح. لو المسيح ما قامش يبقى المسيحية غلط. الموضوع فيه تفصيل اكتر من كده لان حتى لو المسيح قام ده يعني ده مش بالضرورة معناه صحة المسيحية في كل اجزاءها على الاقل في جزء يبقى في جزء من المسيحية صح لكن على كل حال فكرة ان كان حدوث المعجزة فكرة في غاية الاهمية بالنسبة لاتباع المذهب الالوهي بشكل عام. حدوث المعجزة المعجزة معناها شيء خارق للطبيعة في العادة لا يحدث او بمعنى اخر لو احنا بنتكلم عن معجزات الانبياء يبقى شيء النبي بيقدر يعمله سائر المخلوقات ما بيقدروش يعملوه. ده معنى المعجزة. ميريكال بمعنى معجزة اعجاز عجز انت ما تقدرش تعمل ده او في العادة ده ما بيحصلشي وهكذا. ففي بعض الناس بيقولوا ان بما ان قوانين الطبيعة ثابتة يبقى ده معناه ان ما فيش حاجة اسمها معجزة. وبعدين في نقاشات فلسفية كثيرة جدا. هل معنى حدوس معجزة ان القوانين الطبيعية بتبطل ولا فيه فعل يحدث مقابل للقوانين الطبيعية. بمعنى ان لو واحد مشي على الماية زي معجزة منسوبة للمسيح المفترض ان كثافة جسم الانسان اعلى من كثافة الماية فهيغرق طيب هل ده معناه ان القوانين الطبيعية وقفت الجاذبية وقفت مثلا علشان كده بيقدر يمشي على الماية ولا قوانين طبيعة الماية غيرت فبقت كثافة الماية مسلا مساوية لكثافة جسم الانسان فما بيغرقش ايا كان. ولا ده معناه ان فيه فعل خفي يحدث بالاضافة لتفعيل قوانين الطبيعة. يعني فيه جاذبية بتجذبني لتحت لكن فيه فعل خفي بيزقني او بيساوي الجاذبية اللي مفروض تغرقني فعلشان كده انا ثابت على وش الماية. فيه طرق كثيرة جدا للتفكير الفلسفي في موضوع ان كان المعجزة وكل ده مبني على فكرة اصلا ان احنا اثبتنا وجود الله. وما ينفعش نتكلم عن المعجزات وفكرة وجود الله في حد ذاتها لسه مش او مش واضحة. على كل حال انا هكتفي بهذا القدر فيما يخص الكلام عن هذا الكتاب لكن حابب انبه على نقطتين في غاية الاهمية يخلوا والكتاب ده لازم تقراه لو انت عاوز تبقى متخصص. اول شيء ان كالعادة زي كتاب في صفق الفاونديشنز فور كريستيان ويلد فيو في نهاية كل فصل في اشارة لقراءات اثرائية كثيرة واشارة لمراجع كثيرة جدا. اغلب الكتب الاجنبية اللي انا قريتها في موضوع اثبات وجود الله عرفتها من الكتاب ده ومن كتاب ده فيلوسيفيكال فاونديشنز فور كريستان ويلد يو. دي اول نقطة. تاني نقطة واللي هو اهم نقطة وبرضو موجود في كتاب فيو لكن هنا يمكن اشد واعمق بكتير لا يوجد رأي مخالف لاي حجة تم طرحها في الكتاب الا وتم الرد عليها وتفنيدها مش عايز اقول لك ان مثلا في الجزء بتاع ويليام لينك ريد بتاع ده كلام كوزمولوجيك الارجمينت لما بيبتدي يسرد الادلة العلمية على حدوس الكون وان المادة ليست ازلية جاب كل النماذج الفيزيائية اللي بتقترح ازلية الكون ورد عليها وفندها كل النماذج متخيل كل النماذج الفيزيائية فده امر مبهر برجع مرة تاني واقول الكتاب صعب ما تقراهوش غير لما تخلص المنهج اللي انا وضعته في دراسة الالحاد. وحتى بعد كده ممكن تلاقي ان في اجزاء كثيرة في الكتاب صعبة. لكن كونك ان انت تحصل خمسين ستين سبعين او اكتر من الكتاب وتستفيد منه هتلاقي ان الموضوع فرق معك فرق السما والارض. انا هكتفي بهذا القدر في هذا الفيديو لو كان الفيديو عجبك لايك وشير وسابسكرايب لو حابب تدعم بترعى محتوى القناة زور صفحتنا على بيترون هتجد الرابط اسفل الفيديو. لو الفيديو ما عجبكش اعمل له ديسلايك مش مشكلة. الى ان نلتقي في فيديو اخر قريبا جدا باذن الله عز وجل لا تنسوني من صالح دعائكم والسلام عليكم ورحمة الله وبركاته