باحث

بسم الله الرحمن الرحيم. السلام عليكم ورحمة الله. الحمد لله والصلاة والسلام على سيدنا رسول الله آآ بالنسبة واجب الاخوة آآ للاسف الشديد معظم الناس المواظبة على الواجب هي الناس اللي كانت مواظبة من الاول - 00:00:12ضَ

آآ انا اتمنى اشوف الناس بتتفعل اكتر من كده. ومش هقعد اكرر وازيد واقول يا اخوانا والله المحاضرة دي مش هي المهمة. المهم الواجب اليومي. فلو سمحتم الناس اللي بتعمل الواجب اليومي. وانا في ناس على التويتر بتكتب لي تقعد تغيظني. على فكرة احنا بنعمل دلوقتي بس ما بنبعتش ايميل. طب ليه؟ ما تبعت - 00:00:32ضَ

عشان تفرح اخوك يا اخي. فلو سمحتم اعملوا الواجب وابعتوا الايميل الله يكرمكم. مش هاخش في موضوع الواجب النهارده لان في شوية لخبطة بسيطة في التفريغ بتاع الواجب لكن هيتعاد تاني ما اعرفش المتطوع اللي معنا من المسجد. ما يرفعش ايده عشان ربنا ستار - 00:00:52ضَ

احل لكم الواجب النهاردة وبكرة وبعده. يعني لما لما فرغ بالغلط بدل ما يفرغ هو مش عارف ان كل عمود بالتاريخ بتاعه. فلقيت واجبات النهاردة وبكرة وبعده معمولة. فطبعا دي هتتعاد تاني تفريغها من اول وجديد. لكن برضو انا شايف ان معظم الناس اللي عملت الواجب وبعتته هي اللي كانت ماشية - 00:01:12ضَ

طول عمرها في الموضوع ده. عايز اعرف منكم بقى بالنسبة للواجب بتاع التأمل في الكون. انك تمشي كده تتأمل في الكون. اللي عمله لو سمحت يرفع ايده عشان اشوف وعدد الناس اللي ماشية بتعمل كويس سهل بتقل الواجب ده يعني. بس هو جميل جدا ويشعرك بقدرة ربنا في كل شيء حواليك. طيب - 00:01:32ضَ

احصاء النعم. مين فينا بدأ يكتب النعم في كراسة او في ورقة صغيرة او حاجة. مين مين كتب النعم يا جماعة؟ تمام. كم نعمة طلعت عندك تقريبا خمسة وخمسين تقريبا ها كم؟ ما عدتش لأ ده عايزينك تحصيها. هم. كم تقريبا - 00:01:52ضَ

حوالي خمسين في الحدود دي ها؟ معك تلاتين دلوقتي. طيب كويس اه موضوع النعمة هنتكلم فيه دلوقتي لان هو موضوع مهم جدا. طيب دعاء الحب الناس بتقوله اللي بيقول دعاء الحب - 00:02:12ضَ

بصوا يا جماعة يوميا. كويس قوي. افكركم تاني بدعاء الحب يا جماعة. وده دعاء مهم جدا. اللهم اني اسألك حبك وحب من من يحبك وحب عمل يقربني الى حبك. اللهم ما رزقتني ما احب فاجعله قوة لي - 00:02:32ضَ

فيما تحب وما زويت عني مما احب فاجعله فراغا فيما تحب. اللهم اجعل اجعل حبك احب الي من اهلي. ومالي ومن الماء البارد على الظمأ. اللهم حببني اليك والى ملائكتك والى انبيائك والى رسلك والى عبادك الصالحين - 00:02:52ضَ

واجعلني ممن يحبك ويحب الملائكتك وانبيائك ورسلك وعبادك الصالحين اللهم احيي قلبي بحبك. واجعلني لك كما تحب. اللهم اجعلني احبك كله وارضيك بجسدي كله. اللهم اجعل حبي كله لك وسعي كله في مرضاتك - 00:03:22ضَ

عقد من اهم ما يمكن احنا في الدورة دي احنا بنبني بنبني علاقتنا بربنا. علاقة الحب. فمهم جدا هذا الدعاء بالنسبة بقى لاحصاء النعم احصاء النعم ده عبادة مهجورة. احنا هجرناها - 00:03:52ضَ

وربنا امرنا بها في القرآن الكريم. ربنا سبحانه وتعالى بيقول يا ايها الناس ده ما بيقولش يا ايها المؤمنين يا ايها الذين امنوا ده بيكلم الناس كلها المؤمنين وغير المؤمنين المسلمين ولغير المسلمين. يا ايها الناس اذكروا نعمة الله عليكم - 00:04:10ضَ

اذكروا نعمة الله عليكم. هل من خالق غير الله يرزقكم من السماء والارض؟ لا اله الا هو فانى تؤفكون. ما تساعدني الله يخليك. ويقول ايضا في سورة الاعراف فاذكروا الاء الله لعلكم تفلحون - 00:04:34ضَ

جزاكم الله خير. فاذكروا الاء الله لعلكم تفلحون. فاحصاء النعم امر مهم جدا. ليه؟ لان احنا ما بنعرفش النعمة الا لما بنفقدها كتبت نعمة الصحة طبعا. كتبت نعمة المال. كتبت نعمة كتبت نعمة البلع. لأ. ليه - 00:04:54ضَ

انظروا ما يوجعوش الاسبوع ده. الواحد ما بيعرفش قيمة النعمة الا اما بيفقدها. ده احنا محاطين بالنعم. طول وقت في نعم هنتكلم المرة الجاية غالبا في الصلاة ونشوف من نعم ربنا علينا واحنا بنقرا الفاتحة الحمد لله - 00:05:24ضَ

رب العالمين الرحمن الرحيم. من نعم ربنا علينا انه اختار الاسمين دول من اسماؤه الحسنى يبقوا في الفاتحة. انت متخيل لو كانوا ربنا اختار اسمين تانيين مسلا الجبار المنتقم. ما هي من اسماء ربنا. وتبقى الفاتحة كده. الحمد - 00:05:46ضَ

لله رب العالمين الجبار المنتقم. ويبقى لازم تفتكر سبعتاشر مرة كل يوم على الاقل انه جبار منتقم. لكن لا ده هو بيلزمك ان انك تتذكر رحمته سبعتاشر مرة على الاقل كل يوم وانت بتصلي. وانت بتتذكر انه رحمن رحيم. يعني مجرد ان ربنا اختار - 00:06:06ضَ

الاسمين دول يبقوا في الفاتحة اللي انت ملزم تقراها كل يوم على الاقل سبعتاشر مرة ده له اثر على حياتك انت لا تتخيله لا تتخيلوا هناك نعم لابد ان احنا نحاول نحصيها عشان نعرف كده فضل ربنا علينا. ليه بقى كمان - 00:06:26ضَ

احنا دلوقتي بيقول لك بنبني مشاعر الحب بينا وبين ربنا. طبيعة الانسان ان مشاعر الحب عنده تتوجه نحو اللي بيديك ، نحو اللي بينعم عليه، نحو اللي بيدي له العطايا، بيدي له الهدايا. وكمان من غير مقابل - 00:06:46ضَ

فيزيد الحب. المشكلة احنا عشان غرقانين في النعم غرقانين في النعم. مش مديين فرصة لقلبنا يتذكرها فبقينا بنألف النعم. خلاص الفنا هذه النعم. لغاية ما بقينا مش شايفينها واحنا غرقانين فيها. فبقينا نعيش - 00:07:07ضَ

في حالة جحود لله. الكافر الملحد اللي بيقول لا اله كل ذرة من ذرات لسانه بتقول الا الله كان هو غرقان في النعم. هنا كلمة بيقولها الدكتور مجدي الهلالي الحقيقة في كتابه احب اقرأها. من طبيعة - 00:07:27ضَ

ان تتوجه مشاعر الحب داخله لمن يعطيه. وكلما زاد العطاء او كان من غير مقابل زاد الحب في القلب. ولاننا غرقى في النعم لا نترك قلبنا يتذكرها فالفناها حتى اصبحنا لا نراها ولا نتذكرها. فاذا بنا نعيش في حالة من - 00:07:50ضَ

الجحود لربنا المنعم الودود. النهاردة هنتكلم عن القلب. عنوان درس النهاردة الايمان والقلب والمشاعر ده موضوع مهم جدا. القلب هو ايه؟ القلب مش هو العضلة اللي بتضخ الدم في سدرك. لأ. القلب لما يذكر في القرآن وفي السنة وفي النصوص الدينية معناه - 00:08:23ضَ

وعاء المشاعر. مجموعة المشاعر اللي جواك بتكون القلب عندك كل المشاعر حب كره ايثار انانية حسد آآ توكل اي مشاعر. كل المشاعر دي مجموعها هو القلب لذلك يقول فيها ابو حامد الغزالي هو اللطيف الربانية. التي هي وعاء المشاعر. يعني شيء شفاف مش موجود - 00:08:57ضَ

كده في الحقيقة. لكن هو من اهم مكوناتك بيحتوي المشاعر بتاعتك. القلب اللي عندك ده مشدود بحبلين. كل حبل بيشد منه قوة بتحاول تجذبه ناحيتها القوة الاولى اللي بتحاول تجذب القلب هي الهوى. الهوى المزاج. الميول - 00:09:27ضَ

النفس بتميل الى ايه؟ الهوا. والقوة التانية هي العقل قناعات اللي جواه اللي هو مقتنع بها. والتصورات اللي داخله سواء صح او غلط. فالعقل بيشد من ناحية والهوا بيشد من الناحية التانية - 00:09:58ضَ

قدر تمكن الهوى من المشاعر هو قدر تمكن الهوى من القلب. كل ما كان الهوى المزاج ده متمكن من مشاعرك يبقى متمكن من قلبك. ما هواش المشاعر دي هي القلب - 00:10:18ضَ

مسلا الهوا واحد الهوا عنده بيميل الى الكسل نوم فهو مجرد هوى. لو انتقل الامر الى تحريك شعور من مشاعر القلب اللي هي الحب فبقى بيحب النوم ويحب الكسل ما اصبحش بقى اصبح الهوا متمكن - 00:10:34ضَ

لينقلب الامر الى تحريك شعور الكراهية. فبقى فيه كراهية للعمل والنشاط. اصبح دلوقتي هوى الكسل متمكن من القلب لكن كلنا جوانا هوا لكن يكون مش متمكن من القلب لسه. لزلك مهم ان احنا دلوقتي بنقوي القلب ضد الاهواء اللي جوانا - 00:11:07ضَ

لو القناعة اللي في العقل بقى انتقلت الى المشاعر يصبح ايمان. ده العكس بقى كمان يعني انا عقلي في شيء انا مقتنع به. بدأ يحرك المشاعر جوايا. اصبح ده مش مجرد فكرة موجودة عندي. اصبح ايمان - 00:11:31ضَ

بالفكرة دي. يعني عقل مقتنع ان فيه نوع معين من الطعام مضر. لو ده انقلب الى الشعور بكراهية هزا النوع من اصبح انا مؤمن بان هزا الاكل هيضرني. واحد مسلا مقتنع - 00:11:48ضَ

بفكرة ان ابو تريكة هو سبب انتصار الاهلي في الماتشات. بعقله مقتنع بهزه الفكرة ان ابو تريكة هو اهم واحد في الاهلي ومن غيره الاهلي هيخسر لو وصل الامر ان لما يلاقي التشكيل نازل من غير ابو تريكة يقوم رازع على الترابيزة ومتنرفز ومتدايق ولأ يعني في مشاعر اتحركت جواه - 00:12:08ضَ

اصبح مش مش مسألة فكرة اصبح مؤمن بان ابو تريكة هو اهم لاعب في الاهلي ومن غيره الاهلي هيخسر فهو ده اللي بنقوله. العقل فيه فكرة. لو الفكرة دية سيطرت على المشاعر وحركت الشعور اللي جوايا اصبح ده اسمه ايمان - 00:12:40ضَ

الايمان ده ممكن يكون ايمان بالباطل مش لازم يكون ايمان بالحق لكن بفهمك يعني ايه ايمان. الايمان هو ان الافكار اللي في العقل تبدأ تؤثر في المشاعر اللي عندك ومش مش لازم يكون الايمان بالحق. افبالباطل يؤمنون. ازا هناك ايمان بالباطل. الم تر - 00:13:00ضَ

الى الذين اوتوا نصيبا من الكتاب يؤمنون بالجبت والطاغوت اهو ناس مؤمنة وجالهم كتب قبلينا ولكن يؤمنوا بالجبت والطاغوت. لكن مؤمنين. واذا ذكر الله وحده اشمئزت قلوب الذين لا يؤمنون بالاخرة. فيه ناس ملحدة. لما يذكر قدامها الله تلاقيه بيتشال وبيتحط - 00:13:22ضَ

بيتنطط مع ان مفروض ان هو ملحد. يعني ما عندوش دين. يعني المفروض ان هو ما بينتميش لدين. يعني عنده فراغ المفروض. لما حد يقول الله قدامه المفروض يعدي الموضوع لكن لأ ده يتشال ويتحط ليه ؟ لان عنده شعور اشمئزاز - 00:13:52ضَ

واذا ذكر الله وحده اشمأزت قلوب الذين لا يؤمنون بالاخرة. واذا ذكر الذين من دونه اذا هم يستبشرون. يشعر بالبشر لما يذكر اشياء اخرى او الهة اخرى هو بيؤمن بها - 00:14:10ضَ

الفلوس وليكن العلم وليكن اشياء كثيرة. دا موضوع تاني موضوع الحد موضوع تاني هنتكلم فيه بعدين ازا اي فكرة يقتنع بها العقل ويطمئن اليها القلب تصبح اسمها ايمان. طيب عند اتخاز القرار اي قرار بتتخزه بيحصل بقى عندك صراع بين الايمان - 00:14:30ضَ

والهوا يعني في الفجر بتسمع الادان. او الايه؟ المنبه اللي انت زابطه. ماشي؟ الساعة خمسة الصبح خمسة الا ربع الصبح. يبدأ يحصل صراع. بين الايمان بانك لازم اترك الفراش وتقوم تتوضى وتصلي - 00:14:57ضَ

وبين الهوا بتاع حب الراحة والنوم والكسل مين اللي بينتصر ؟ الاقوى فيهم. كل واحد فينا مختلف. فينا اللي جواه الهوى بتاع حب الكسل والنوم اقوى ومن الايمان بوجوب ترك الفراش. وفينا ان الموضوع بالنسبة له محسوم. محسوم. ايوة باحب النوم. لكن باحب ربنا - 00:15:24ضَ

ايوة باحب النوم. لكن استحالة هانام ، وربنا مديني معك في الوقت ده اقوم اصلي. مش ممكن خلاص. فيبقى في واحد عنده الايمان بوجوب ترك الفراش ما هو بيقوم عشان الامتحان. عنده طيارة الساعة ستة الصبح. بيبقى اربعة الصبح في المطار - 00:15:49ضَ

يبقى تلاتة هيقوم من النوم. عنده هوا الكسل اه. لكن هو عنده ايمان اقوى بوجوب اللحاق بالطائرة. ليه مسطرة مش هتستنى. اه ما قدروا الله حق قدره. لكن انت عندك ربنا - 00:16:14ضَ

مسطرة ما تستناش. لكن انت عندك ربنا هو اللي يستناك لما تصحى الساعة تمانية الصبح تصلي هنا بقى. يجي الفرق الايمان ام الهوى؟ الاقوى فيهم هو اللي هيدي اوامر للجوارح تنفز - 00:16:34ضَ

لو الايمان بوجوب ترك الفراش اقوى امر للجوارح واقوم من السرير فز على طول بيقوم. الحب الكسل والهوى هو الاقوى بيدي امر للايد ومخطط منبه مسكتاه ونايم. خلص الموضوع. دي اليات لازم نفهمها. عشان نعرف احنا - 00:16:51ضَ

بتاعتنا شكلها ايه؟ انا انا مكوناتي ماشية ازاي؟ عشان اعرف اتعامل مع نفسي والايمان كده ينتقض كالوضوء. بيقول لا يزني الزاني حين يزني وهو مؤمن. ولا يسرق السارق حين يسرق وهو مؤمن. في اللحزة دي بتهتز عنده فكرة وجود ربنا - 00:17:15ضَ

لو هو مؤمن بوجود ربنا لن يذنب. فالايمان زي ما قلنا المرة اللي فاتت بيزيد وينقص. وينتقد. الايمان بقى محله فين؟ الامام فين مكانه؟ القلب حلو. والقلب اللي هو ايه؟ وعاء المشاعر. ازا الايمان موجود فين - 00:17:40ضَ

في المشاعر يبقى انت في كل مشعر من مشاعرك حب كره ايثار انانية آآ توكل استبشار تشاؤم كل المشاعر اللي عندك دي كلها ممكن يكون جواها ايمان. ضعيف او قوي. الايمان هو ايه؟ الايمان يعني التصديق - 00:18:00ضَ

والذين يصدقون بيوم الدين. يعني يؤمنون بيوم الدين. عكس ارتياب انسان متشكك. انما يستأذنك الذين لا يؤمنون بالله واليوم الاخر وارتابت قلوبهم. فهم في ريبهم يترددون ان هم لا يؤمنون بالله واليوم الاخر فيبقوا مرتابين. حتى النهاردة - 00:18:27ضَ

في طائفة يعني مش بس الايه فيس مش بس الملحدين لا هناك من يسموا بالمرتابين. اللي هو مش بينكر وجود الله ولا بيؤمن بوجود الله. تردد مرتاب. انما المؤمن الذين امنوا بالله ورسوله ثم لم يرتابوا - 00:19:07ضَ

ينادونهم الم نكن معكم؟ فاكرين انتم؟ هم كانوا ماشيين مع بعض على الصراط ومرة واحدة نور منور عند مين؟ عند المؤمنين. بين ايديهم يعني قدامهم وبايمانهم. الجماعة التانيين المنافقين ما عندهمش نور - 00:19:35ضَ

وعمالين يقولوا لهم استنوا شوية. انظرونا نقتبس من نوركم. عايزين يقطروهم يمشوا وراهم في النور بتاعهم. قالوا ارجعوا ورائكم فالتمسوا نورا هم تدوروا من هنا نزل بينهم سور له باب. باطنه فيه الرحمة وضميره من قبله العذاب. ابتدوا ينادوا. ينادونهم الم نكن معكم - 00:19:55ضَ

احنا مش كنا معكم فقالوا لهم رحت انا ايه ؟ قالوا بلى. ايوة كنتم معنا ولكنكم فتنتم انفسكم وتربصتم وارتبتم وغرتكم الاماني حتى جاء امر الله وغركم بالله الغرور. خطيرة الاية دي يا جماعة - 00:20:14ضَ

احنا مش كنا معكم ايوة انتم كنتم ما هو من ورا السور. ايوة انتم كنتم معنا. بلى كنتم معنا مش بس على الصراط وكنتم معنا في الدنيا كمان. ولكنكم فتنتم انفسكم. ده راحوا مرجعينهم للدنيا بقى - 00:20:37ضَ

ده السبب الفرقة بينا خلاص على الصراط ان في الدنيا ايضا احنا افترقنا لما انتم فتنتم انفسكم وتربصتم وارتبتم الاماني. يبقى الايمان هو تصديق القلب. واطمئنان القلب. وثقة القلب في الفكرة التي تطرح - 00:20:55ضَ

على العقل. واحد بيقول لك هناك اله. دي فكرة تطرح على العقل. كل ما قلبك صدق بها. ووثق فيها يبقى معناك انك مؤمن بها. وايمانك بها قوي لما يكون تصديقك قوي. الثقة دي ممكن تبدأ صغيرة - 00:21:15ضَ

وتنمو ازا تم تغزيتها زي ما الدكتور مجدي الهلالي بيقول اذا ما تم تغذيتها حتى تصل الى الثقة المطلقة بلا ادنى ريب او شك. يعني انت دلوقتي الفكرة دي موجودة عندك. وانت مؤمن بها. لكن ممكن يكون ايمانك - 00:21:35ضَ

بها صغير. انت تستطيع انك تبدأ تروي البزرة دي بزرة الايمان في قلبك. ويبدأ ينمو نبتة الايد ايمان في قلبك الى ان يصير فكرة مسلا وجود الله امر بالنسبة لك محسوم اكتر ما انت متأكد - 00:21:55ضَ

انك قاعد قدامي دلوقتي لان بقى في علاقة بتبني العلاقة بينك وبينه. في ظواهر احنا بنشوفها. ممكن نشوف واحد مسلا مقتنع بالاسلام بيدافع عن الاسلام. دايما يقرا في التاريخ الاسلامي. لكن تلاقيه مش مواظب على الصلاة - 00:22:15ضَ

او بيعمل حاجة حرام. او بيدخن مسلا. ما هو عارف ان التدخين حرام بيدخن. طب ايه الموضوع الموضوع ان الفكرة محبوسة في العقل ما انتقلتش لسه الى القلب الى المشاعر عشان يبدأ المشاعر تنفعل بالفكرة - 00:22:38ضَ

تقوم تبتدي تغير في اعماله فالايمان موجود. لكن كل ما يزيد الايمان كل ما يبدأ المشاعر تتحرك اكتر وتبقى عندها رغبة في ارضاء ربنا اكتر تبتدي تدي اشارات للجوارح بقرارات خطيرة مصيرية - 00:23:00ضَ

ما فيش حاجة اسمها صلاة هتعدي خلاص. ده ماضي ما فيش حاجة اسمها صلاة هيفوت وقتها. انتهى الموضوع دوا. ده امتى يحصل؟ لما يوصل لمرحلة معينة ايمانية. بقى له عشرين سنة بيدخن - 00:23:23ضَ

عند لحزة معينة المشاعر بتتحرك فورا بيبطل وانت ونقول له طب بس بالتدريج يقول لك ما فيش تدريج خلاص امتى عند لحزة معينة ايمانية بتوصل بيحصل اوردر لان القلب ده هو ايه هو المتور - 00:23:38ضَ

اللي بيحركك بيحرك المشاعر بتاعتك. المشاعر دي هي اللي بتحرك الجوارح انا اسف. زواهر بنشوفها مسلا استاز مسلا عقيدة في الازهر الشريف او في جامعة ام القرى مسلا. مؤسسة العقيدة الاسلامية. وبعدين يموت احد افراد - 00:23:57ضَ

اسرتك تلاقيه يجزع ويصرخ واه في نعم العقيدة. المشكلة ان القضاء والقدر عنده هو فكرة حبيسة العقل بيدرسها للطلبة لكن لسه ما انتقلش الى المشاعر ما انتقلش الى مشاعر الرضا - 00:24:17ضَ

لذلك هو من اركان الايمان ايه؟ مش فهم القضاء والقدر لا الايمان بالقضاء والقدر الايمان مش الفهم. فده اللي بنقوله. لزلك تلاقي واحد ممكن يكون فاهم حاجة كويس اوي وبيعمل عكسها ليه؟ دي لسه - 00:24:43ضَ

ما انتقلتش الفكرة الى القلب. ما حركتش المشاعر. الايمان بقى يا جماعة بيزيد امتى ؟ انا عايز احنا دلوقتي جينا هنا الدورة دي ليه ؟ عشان نزود ايماننا. بيزيد مع العمل الصالح. وافضل العمل الصالح - 00:25:02ضَ

قراءة القرآن. يبقى احنا جايين عشان نزود ايماننا بقراءة القرآن. اعرف ازاي وانا باقرا القرآن قال ان ايماني بيزيد. لما اشعر بحركة في المشاعر بتحصل تشعر بشيء من التأثر عند اية معينة. تشعر بدموع بتنزل - 00:25:22ضَ

بكاء عند اية معينة. حالة رضا شديدة بتنزل عليك وانت بتقرا ايات معينة. سكينة حصلت وانت حزن رهبة حركة مشاعر. حركة المشاعر دي معناها ان عندك هزة في الايمان ابتدت تحصل وابتدى يزيد. دي اللحزة اللي بنبحث عنها - 00:25:52ضَ

هي دي. لزلك بعض الصالحين كان يقول ايه؟ وانا اقرأ القرآن امس وجدت قلبي يعني يعني حسيت بالحركة دي. عشان كده قلنا لما بنعمل الواجب بتاعنا بنحاول قدر الامكان اننا نكون - 00:26:22ضَ

في مكان هادي بيساعد على التركيز. مش مش وانا في الميكروباص. مش ده المقصود. انا بعمل بتاع التربية الايمانية دوت بحاول اني اعتكف في مكان هادي. رح اقعد بين المغرب والعشاء في مسجد واعمل الواجب بتاعك - 00:26:42ضَ

لوحدك خش كده مكان اوضة في البيت ما حدش بيقعد فيها. خش فيها لوحدك. قدر الامكان لو تقدر لازم تعمل كده ليه؟ عشان التأثر ده الحركة دي تحصل. اول ما تلاقي قلبك مش متأثر عمال تقرا لغاية خلاص في حاجات في زهنك. عمالة تجيبك وتوديك اقفل وخلص الحاجة دي الاول وارجع بقى تاني - 00:27:02ضَ

لكن مش هينفع ان انت تبقى في زهنك مشغول. احنا بندور عن حركة المشاعر. لابد انك تحرك مشاعرك. ربنا سبحانه وتعالى بيقول ايه انما المؤمنون الذين اذا ذكر الله وجلت قلوبهم - 00:27:23ضَ

واذا تليت عليهم اياته زادتهم ايمانا. وعلى ربهم يتوكلون. ففي زيادة ايمان مع تلاوة الايات. وفي حركة قلب وجل. القلب يتهز. لما تتلى ايات ربنا لما يذكر الله الايمان اللحظي بيجيب نتيجة كويسة في السلوك لكن بيزول اسر السلوك - 00:27:42ضَ

مع زوال الايه؟ السبب اللي سبب الايمان اللحزة. مسلا قلنا واحد حضر خطبة جمعة جميلة كده الراجل اتكلم عن الموت وذكر الناس بالموت فحصل ايه؟ استقامة في احوال الانسان. نتيجة الخطبة - 00:28:12ضَ

يلا ما بتطولش كتير. واحد شاف حادسة وبيطلعوا الناس يا عيني ميتين من العربية. فافتكر الموت وافتكر ان هو في اي لحزة ممكن يموت ويقبض فابتدى ايه؟ ايمانه زاد. لكن برضه نتيجة حاجة لحظية حصلت. ايمانه يفضل زايد يوم اتنين خلاص انت - 00:28:32ضَ

كتير. واقول لكم ناخد مسلا كيس مسلا ناخد حالة معينة. شاب مسلا السلام دخل في المسجد هنا حضر خطبة. خطبة الجمعة وكانت عن الموت مسلا. وتأثر جدا في الخطبة دي - 00:28:52ضَ

والامام قرا بسورة قاف. والشاب تأثر جدا في الصلاة. وكان يبكي ودموعه على خده وخلص سلم بيقوم ياخد الحذاء لقى الجزمة اتسرقت. جزع وقعد يرفع صوته في المسجد ومش معقول كده. احنا الجهة هنا تسرق وانا جايبة بستمية جنيه وانا لسة ما لحقتش البسها غير مرتين وانا بتاع - 00:29:13ضَ

جزع شديد تفسره بايه هزا الجزع؟ ازا كان هو ما زال في لحزات تأثر خلي بالك ده الدموع لسة ما نشفتش. ايه اللي حصل؟ لأ ده هو ومتأثر جدا وما زال متأثر لعلمك بالخطبة. ولكن التأثر عنده في مشعر معين وهو مسلا شعور - 00:29:42ضَ

الرهبة لكن مش عند شعور الرضا. يبقى كمان التحدي اللي بيقابلنا ان احنا عشان نزود ايماننا لازم نشتغل على كل المشاعر اللي عندنا. ما يبقاش عندك شعور في ايمان عالي وشعور تاني واطي. لأ - 00:30:12ضَ

هتشتغل على كل المشاعر اللي عندك كلام صعب اوي ده. لا مش صعب ولا حاجة. تمشي على الواجب مش هيبقى صعب. واشرح لك دلوقتي ليه ربنا سبحانه وتعالى بيقول ان الذين قالوا ربنا الله ثم استقاموا. يبقى الاصل انك تؤمن بالله - 00:30:33ضَ

وده ينعكس على سلوكك. تستقيم ثم استقاموا. تتنزل عليهم الملائكة الا تخافوا ولا تحزنوا. وابشروا بالجنة التي كنتم توعدون. الرسول عليه الصلاة والسلام بيقول عجبا لامر المؤمن ان امره كله خير - 00:30:56ضَ

ليس ذاك لاحد الا للمؤمن. ان اصابته سراء شكر. فكان خيرا له. وان اصابته ضراء صبر فكان خيرا له. يبقى المؤمن دايما احواله مستقيمة في السراء والضراء في السراء يشكر ياخد ثواب. في الضراء يصبر ياخد ثواب - 00:31:16ضَ

يبقى يعني المشاعر عنده كلها عشان هو مؤمن مرتفع. الايمان فيها في كل المشاعر على مستوى مرتفع بس واحد يقول لي ايه ؟ يا عم ايمان ايه اللي هننميه ؟ هو الايمان ده احنا بنجيبه ولا ربنا بيديه لنا - 00:31:43ضَ

الايمان فضل من الله. ربنا سبحانه وتعالى بيقول سورة الحجرات ولكن الله حبب اليكم الايمان وزينه في قلوبكم. يبقى ربنا هو اللي بيحبب الينا الايمان ويزينه في قلوبنا فكره اليكم الكفر والفسوق والعصيان - 00:32:05ضَ

يبقى انت قاعد بقى بترسم علينا ولا ايه ؟ الايمان من عند ربنا. طب كمل بقى ولكن الله حبب اليكم الايمان وزينه في قلوبكم وكره اليكم الكفر والفسوق والعصيان اولئك هم الراشدون - 00:32:30ضَ

يعني اللي عندهم مخ اللي يستخدموا عقولهم استخدام صحيح في البحث عن الحق. يبقى اللي بيبحث عن الحق ربنا يعطيه الايمان يحبب اليه الايمان. لانه راشد مش غافل. طب ما يمكن حد يعدي؟ لأ مش ممكن حد هيعدي من ربنا. ليه - 00:32:55ضَ

كمل الاية فضلا من الله ونعمة والله عليم. والله عليم حكيم يبقى ربنا عليم بكل واحد راشد سيطلب الايمان وسيحبب اليه الايمان ويزينه في في قلبه. ما فيش حد اطلب الايمان ثم يعطى الكفر. ده لا يمكن - 00:33:17ضَ

فاحنا هنا بنطلب الايمان. ونطلب من عشان كده بقول لك ورد الالحاح مهم. الالحاح على الله انه يصلح قلبك. انه يهدي قلبك انت جئت لتطلب ستعطى. انا بتكلم مش على الحضور بتكلم على اللي بيعملوا الوجه - 00:33:41ضَ

الواجب الواجب الواجب قدر الايمان قدر الامكان وما كان لنفس ان تؤمن الا باذن الله. ويجعل الرجس على الذين لا يعقلون. وما كان لنفس ان تؤمن الا باذن الله. باذن الله النفس تؤمن. ويجعل الرجس هنا عكس الايمان اللي هو الكفر - 00:34:01ضَ

على الذين لا يعقلون. الانسان لا ما بيعقلش. فانت عندك عقل بتستخدمه وبتطلب الرشاد وتطلب الهدى وتطلب الايمان تعطى الايمان. ده وكذلك فتنا بعضهم ببعض ليقولوا اهؤلاء من الله عليهم من بيننا؟ اليس الله باعلم بالشاكرين؟ فيه ناس يقول لك ايه؟ من الكفار - 00:34:29ضَ

يعني هم بيقصدوا يعني هو ربنا ما لقاش غير دول عشان يهديهم من بينا شوية الفقرا اللي حوالينا آآ محمد اشي عبد الله بن مسعود راعي غنم على اشي بلال عبده حبشي على ايشي مش عارف مين ودول بقى مين سادة قريش - 00:34:56ضَ

فيقولوا ايه؟ اهؤلاء من الله عليهم من بيننا فالقرآن يرد عليهم. اليس الله باعلم بالشاكرين هم الشاكرين. هم اللي يستحقوا الايمان ربنا سبحانه وتعالى بيقول ساصرف عن اياتي. الله! ده ربنا هيصرف عن اياته مين؟ الذين يتكبرون في - 00:35:16ضَ

فهم اللي جابوا لنا نفسهم هم اللي تكبروا في الارض. بغير الحق. وان يروا كل اية لا يؤمنوا بها. لو جالهم كل دي معجزة ما بيؤمنوش. وان يروا سبيل الرشد لا يتخذوه سبيلا. وان يروا سبيل الغي يتخذون - 00:35:43ضَ

سبيلا. يبقى هو الانسان اللي بيوجه نفسه ذلك بانهم كذبوا باياتنا وكانوا عنها غافلين. يبقى احنا ازا يا جماعة عشان نزود ايمانا عندنا تلات اشكاليات. اول حاجة يجب نستعمل وسيلة تخاطب الفكر والعاطفة مع بعض. العقل والقلب مع - 00:36:03ضَ

مع بعض الوسيلة اللي هنستخدمها في تقوية الايمان. الحاجة التانية يجب انه يستمر استعمال الوسيلة دي حتى يحدث الاستقرار الايجابي ايماني لان الايمان هو ايه؟ ما وقر في القلب وصدقه العمل. ما ينفعش تبقى وسيلة لحظية زي الحادسة اللي بنشوفها على الطريق وتأسر فيها لمدة اربعة - 00:36:27ضَ

اربعة وعشرين ساعة ما ينفعش. ما ينفعش تبقى زي خطبة الجمعة اللي بسمعها مرة كل اسبوع ما ينفعش. لازم تبقى وسيلة مستمرة معي عشان ترفعني وتوصلني للاستقرار الايماني. الحاجة التالتة لازم تكون وسيلة بتتعامل مع جميع المشاعر - 00:36:49ضَ

يبقى اول حاجة وسيلة تخاطب العقل والقلب وسيلة تتعامل مع كل المشاعر بتاعتي. ووسيلة تستعمل باستمرار الى ان يحدث استقرار ايماني. القرآن هو هو الحل. هو دي الوسيلة اللي عندنا. بيخاطب العقل والقلب - 00:37:08ضَ

بيستثير كل المشاعر اللي عندك. كله كله وفي نفس الوقت بتقراه كل يوم يبقى يحصل عندك استقرار ايماني. خلاص؟ نقراه بالطريقة اللي احنا قلنا عليها. بتدبر بتفهم بجمع قلب بتحريك مشاعر. كده هيجيب معك نتيجة. ان شاء الله. بازن الله. اسمع يا ابن - 00:37:30ضَ

ايمن الجوزاء بيقول ايه في كتاب من استحضار السعادة لا شيء انفع للقلب من قراءة القرآن بتدبر وتفكر فهو الذي يورث المحبة والشوق والخوف والرجاء والانابة والتوكل الرضا والتفويض والشكر والصبر وسائر الاحوال. يعني المشاعر احوال القلب. يبقى المشاعر - 00:38:00ضَ

التي بها حياة القلب وكماله. ما فيش حاجة ابدا زي القرآن في التعامل مع المشاعر بتاعتك الانسان يا جماعة لما بيقرا قرآن ويتدبر القرآن بيشعر ان هو انفصل عن الحياة اللي هو فيها دي ودخل في حياة اخرى - 00:38:31ضَ

الروح فيها هي القرآن. وكذلك اوحينا اليك روحا امرنا القرآن ده روح يحيا بها القلب. فالانسان وهو بيقرأ القرآن بيغوص بيدخل بيدخل في حياة اخرى. انا بقرا كده مسلا قصة سيدنا نوح خلاص بشعر ان انا شايفه قدامي وبتحرك معهم وبركب معهم السفينة بشعر بمشاعرهم. هو ده اللي لازم كده - 00:38:53ضَ

تتقمص ادخل في هذه القصص. ادخل في هذه الاحوال. بدون القرآن اموات سورة النحل بتقول اموات غير احياء وما يشعرون ايام يبعثون. الايمان في القلب يحيي القلب. مش في القلب القلب يموت. والقرآن هو الروح التي يحيا بها القلب - 00:39:23ضَ

عايزين كده واحنا بنقرا القرآن وبالزات في القصص. ادخل جوة القصة. شف بقى انت ماشي مع نوح ومرة واحدة بتلاقي نوح واتباعه بيسلموا الراية. راية الاسلام الى ابراهيم واتباعه. وانت معهم. ثم تسلم الراية الى موسى واتباعه. وانت معهم - 00:39:53ضَ

ثم تسلم الراية الى عيسى عليه الصلاة والسلام واتباعه. وانت معهم الحواريين ثم تسلم الراية الى عليه الصلاة والسلام واتباعه وانت معهم المهاجرين والانصار وبتسمع وتشوف الحكايات والمنافقين عملوا ايه والغزوات حاجة جميلة ادخل - 00:40:19ضَ

وفي الحياة دي تأمل روعة الايات. شف الخيال اللي في الايات. خيال القرآن فيه خيال. سنلقي في الذين كفروا الرعب. هي كلمة سنرعبهم هتؤدي نفس المعنى ولكن مش هتؤدي الاثر - 00:40:39ضَ

سنلقي في قلوب الذين كفروا الرعب. الرعب شيء معنوي ربنا جعله شيء محسوس وكمان حركه بقى بيلقى زي ما يكون حجر بيلقى. زي ما يكون صاروخ طاير. سنلقي في قلوب الذين كفروا الرعب. شيء معنى - 00:41:01ضَ

خيال. مع القرآن تعيش قصة. تحس انك بتتفرج على تمسيلية اقرا كتاب التصوير الفني في القرآن. لسيد قطب وتأمل بيكلمك عن الروعة البلاغية. انت اكنك بتتفرج بالزبط على شيء مصور. فين اللي قدامك؟ ان الذين اجرموا - 00:41:25ضَ

كانوا من الذين امنوا يضحكون. واذا مروا بهم يتغامزون. واذا انقلبوا الى اهلهم انقلبوا فكيهين واذا رأوهم قالوا ان هؤلاء لضالون. وما ارسلوا عليهم حافظين. فاليوم الذين امنوا من الكفار - 00:41:52ضَ

يضحكون على الارائك ينظرون. هل ثوب الكفار ما كانوا يفعلون؟ ده يا جماعة بالزبط اكني بتفرج على فيلم ان الذين اجرموا كانوا من الذين امنوا يضحكون. شوية بلطجية قاعدين وبيضحكوا على المؤمنين اللي قاعدين بيقروا قرآن في مسجد. واذا مروا بهم - 00:42:12ضَ

يتغامزون يغمزوا البعض عليهم. واذا انقلبوا الى اهلهم انقلبوا فكيهين. ولما يروح يقعد يايه؟ يقول فكاهات على الناس دي يفكه عليهم. يقعد يحكي نكت ده احنا شفنا عالم تعبانة يا عم النهاردة وقال ماسك لي مصحف وحاطط لي الكراسة تحت - 00:42:36ضَ

وخارج من المسجد يقول نكت عليهم ها واذا رأوهم قالوا ان هؤلاء لضالون. البلطجية دول يشوفوك آآ خارج من المسجد يبصوا بقى يقول لك ايه عالم دي ماسكة اه يعني كده فعلا - 00:42:56ضَ

فتشعر وانت بتقرا الكلام ده انك عايش مع قصة. عايش مع القصة. وربنا بقى يعيشك في ايه؟ في يوم القيامة كمان فاليوم الذين امنوا من الكفار يضحكون على الارائك ينظرون. هل ثوب الكفار ما كانوا يفعلون - 00:43:14ضَ

القرآن يخاطب العقل والوجدان. ان الذين جاءوا بالافك عصبة منكم. لا شرا لكم بل هو خير لكم. مخاطبة للعقل كل شيء يا جماعة فيه خير وفيه شر. الموضوع دوه مش شر كله. الموضوع دوه ما تفتكروش شر. ده فيه خير كتير لكم. لكل امرئ منهم ما اكتسب - 00:43:34ضَ

من الاثم هو الذي تولى كبره منهم له عذاب عظيم. يخاطب بقى الوجدان لولا اذ سمعتموه ان المؤمنون والمؤمنات بانفسهم خيرا وقالوا هذا افك مبين. يعني المفروض كنتم لما تسمعوا اشاعة دي - 00:44:00ضَ

شائعة طلعت اطلقها المنافقين اتهموا فيها ام المؤمنين السيدة عائشة بانها ارتكبت جريمة الزنا. مع احد الصحابة. تخيلوا فطبعا اهتز المجتمع المسلم. هزة كبيرة جدا. ثم نزلت براءة السيدة عائشة من فوق سبع سماوات - 00:44:20ضَ

وتقول للمؤمنين ان ده خير لكم الموقف ده. عشان هتتعلموا منه. هتتعلموا حاجة مهمة جدا وهي ايه اسلوب القرآن في وأد الشائعات المجتمع المسلم لا تسري فيه الشائعات لا تحسبوه شرا لكم بل هو خير لكم. لكل امرئ منهم ما اكتسب من الاثم. والذي تولى كبره منهم له عذاب - 00:44:42ضَ

عظيم. المنافقين دول كل واحد فيهم وله عذابه ومنهم ابن آآ ابن سلول له آآ ايه؟ العقاب بتاعه. لكن بتعملوا ايه بقى؟ لولا اذ سمعتموه. اسمع بقى توأد الاشاعات ازاي؟ ظن المؤمنون والمؤمنات بانفسهم خيرا - 00:45:12ضَ

هو الطبيعي بتاعها تبقى ايه؟ ظن المؤمنون والمؤمنات ببعضهم بعضا خيرا. لكن لأ خلاها بانفسهم. انت لما تسمع على اخوك او اختك اشاعة ظن بنفسك انت الخير. لان اللي هيسيء اخوك واختك - 00:45:32ضَ

انت ففيها تعطيف للمسلمين على بعض. تعطيف للمؤمنين على بعض. فالمفروض انك تظن في نفسك هنا ييجي ابو ايوب الانصاري اعتقد يعني. وزوجته يقولوا ايه؟ يقول لها لو انا مكان هذا الصحابي اللي اتهم في السيدة عائشة. لو انا مكانه - 00:45:52ضَ

كنت اعمل حاجة زي كده ؟ قالت له لأ طبعا. قال لها وهو احسن مني. لو انت مكان السيدة عائشة تعملي كده ؟ قلت له لأ طبعا. قال لها وهي احسن منك. فازا كان انا ما عاملهاش وانت ما تعمليهاش. وهو احسن مني وانت احسن منها - 00:46:22ضَ

وهي احسن منك يبقى ما يطلعش منهم حاجة زي كده. فظنوا بانفسهم خيرا. لازم الواحد يحسن الزن في الناس. وقالوا هذا مبين. يبقى اول حاجة تعملها اما تسمع الاشاعة تقول ايه؟ هذا افك مبين. افك يعني ايه؟ يعني كزب صريح. تفرضنا مش كزب - 00:46:42ضَ

هو كزب حتى لو كان مش كزب طالما ان النصاب لم يكتمل من الشهود. طالما ان ما فيش مصدر موسوق فيه اعتبر كزب خلاص خلص الموضوع ما دام ما فيش مصدر موسوق فيه. لولا جاؤوا عليه باربعة شهداء فاذ لم يأتوا بالشهداء فاولئك عند الله هم الكاذبون - 00:47:02ضَ

ما فيش اربع شهود ما تتكلمش. ما تاخدش في اعراض الناس. ولولا فضل الله عليكم ورحمته في الدنيا والاخرة لمسكم في بما افضتم فيه عذاب عظيم. اسمع اذ تلقونه بالسنتكم. وتقولون بافواهكم - 00:47:23ضَ

اليس لكم به علم وتحسبونه هينا وهو عند الله عظيم. يعني ايه اذ تلقونه بالسنتكم؟ بصوا الخيال اللي في هو الانسان بيتلقى بلسانه ولا بودانه؟ الطبيعي اذ تلقونه باذانكم لكن لأ ده القرآن بيقول لك - 00:47:43ضَ

انت تلقيت بلسانك. ده انت سمعت بلسانك ورحت مردد. زي البغبغان بتردد. فالقرآن يلوم من يردد الكلام بلسانه دون ان يمرره على عقله. اذ تلقونه بالسنتكم وتقولون بافواهكم ما ليس لكم به علم وتحسبونه هينا وهو عند الله عظيم. المفروض كنا نعمل ايه؟ ولولا - 00:48:03ضَ

اذ سمعتموه قلتم ما يكون لنا ان نتكلم بهذا. سبحانك هذا بهتان عظيم. واحد ييجي يردد شائعات قدامك لو سمحت احنا ما بنتكلمش في الحاجات دي ما يكون لنا ان نتكلم بهذا سبحانك هذا بهتان عظيم. يعظكم الله ان تعودوا لمثله ابدا - 00:48:33ضَ

ان كنتم مؤمنين تشعر هنا بطول ابوي بيحذر تحذير يبين الله لكم الايات والله عليم حكيم. فالايات دي ما تعديش منك ادخل غوص جوة الاية وشف الشاعر بتاعتك بتتحرك معك. ربنا مسلا بيوصف قارون - 00:48:56ضَ

قارون فخرج على قومه في زينته. قال الذين يريدون الحياة الدنيا يا ليت لنا مثل ما اوتي قارون. انه لذو حظ عظيم. وقال الذين اوتوا العلم ويلكم ثواب الله خير لمن امن وعمل صالحا ولا يلقاها الا الصابرون. تدبر الاية - 00:49:22ضَ

فخرج على قومه في زينته. خرج بالعربية المرسيدس بتاعته. الاس قال الذين يريدون الحياة الدنيا يا ليت لنا مثل ما اوتي قارون. يا بخت يا ريت احنا كمان خلي بالك بقى انه لذو حظ عظيم. ده عنده كل حاجة. ده غني اوي. يا ريتنا كنا نبقى كده باصين - 00:49:50ضَ

وقال الذين اوتوا العلم ويلكم ثواب الله خير لمن امن وعمل صالحا ولا يلقاها الا انما الانسان اللي عنده ايمان وعنده علم. علم يقول لا ده فيه متع الحياة الدنيا. هنيئا له به. ربنا يبارك لهم فيها. لكن مش هو ده طموحي. مش ده - 00:50:20ضَ

ابدا يكون هو كل اللي انا عايزه. مش هو ده الحظ العظيم. فتتدبر هذه الايات كل انسان فينا مبتلى يتدبر ايات العنكبوت. احسب الناس ان يتركوا اي يقولوا امنا لا يفتنون - 00:50:46ضَ

ولقد فتنا الذين من قبلهم فليعلمن الله الذين صدقوا وليعلمن الكاذبين. انت محمد واحمد وهدى كل الناس احسب الناس خلي بالك الناس ما قالش الذين امنوا كل كل الناس مسلمين وغير مسلمين. جورج وماريان وكله ربنا بيكلمهم بالاية دية. احسب الناس ان يتركوا - 00:51:07ضَ

ان يقولوا امنا وهم لا يفتنون هي الناس فاكرة انها هتتساب تدعي الايمان من غير ما تختبر يبقى انت دلوقتي قاعد قدامي وعندك ابتلاء. تقرا الاية دي اكنها نازلة لك انت. احسب احمد انه يترك ان يقول امنت وهو لا - 00:51:34ضَ

انت وانت بتقراها بتتدبرها. تعرف ان ربنا بيكلمك. فاكر نفسك هتدعي الايمان وتتساب من غير ما تختبر ولقد فتنا الذين من قبلهم وليعلمن الله الذين صدقوا وليعلمن الكاذبين. الاية تأثر فيك كده - 00:51:54ضَ

مش بالقراية اياها بتاعة زمان. كل واحد عاصي يفهم انه مش هيعدي ام حسب الذين يعملون السيئات ان يسبقونا ساء ما يحكمون في ناس فاكرة بتعمل سيئات انها آآ هتسبق ربنا ايه يعني هتروح بدري يوم القيامة بسرعة بسرعة ايه ما فيش مش هتعدي ما حدش بيعدي - 00:52:11ضَ

الا بقى برحمة ربنا. فكل عاصي يفهم مش هيعرف يزوغ. فيه زوغان. بصوا على مشاعر الندم والحسرة. في سورة البقرة اذ تبرأ الذين اتبعوا من الذين اتبعوا ورأوا العذاب وتقطعت بهم الاسباب. بيتبرأوا من بعض. الذين اتبعوا - 00:52:38ضَ

اللي الناس كات ماشية وراهم ها اللي اتبعوا دول هيتبرأوا من اللي اتبعوهم في الدنيا. وكانوا فرحانين بهم ومسمينهم الفانز بتوعهم ها وقال الذين اتبعوا الاتباع بقى يوم القيامة يقولوا ايه؟ لو ان لنا كرة فنتبرأ منهم كما تبرأوا منا - 00:53:08ضَ

لو بس يجي لنا فرصة نرجع الدنيا تاني عشان نتبرأ منهم. زي ما هم تبرأوا منا الناس اللي كانت بتحث الناس على الخمرة وعلى الشرب وعلى الرأس اللي مش عارف الشرقي واللي بتاع واللي الكلام ده كله. رأس الشرقي الحرامي يعني اقصد يعني - 00:53:36ضَ

هو في راس شرق حلال! ايوة فيه طبعا. الله! لو واحدة بترقص لجوزها خلاص. لكن اقصد يعني اقصد الحاجات الحرام يعني. انا ايدي كده اخش في الحاجات ماشي؟ فهنا تجد في الاية دي مشاعر الندم والحسرة موجودة. فانت تقراها دلوقتي عشان - 00:53:54ضَ

ما تشعر ما تشعرش فيه بها بقى ان شاء الله يوم القيامة تقراها وتأثر فيك. اسمع اسمع الندم والحسرة. يوم يعض الظالم على يديه يقول يا ليتني اتخذت مع الرسول سبيلا. يا ويلتى ليتني لم اتخذ - 00:54:14ضَ

فلانا خليلا. لقد اضلني عن الذكر بعد اذ جاءني. وكان الشيطان للانسان خذولا خدونا في يوم القيامة ييجي يوم القيامة الظالم اللي زلم نفسه بالمعاصي يعض على ايديه يعض صوابعه ويقول - 00:54:34ضَ

اتخزت مع الرسول سبيلا. يا ويلتى يا ويلي! ليتني لم اتخذ فلانا قليلا يا ريتني ما صاحبتش فلان ده ليه؟ لقد اضلني عن الذكر بعد اذ جاءني وكان الشيطان ده يوم القيامة بقى هيخذله. ما هو يروح بقى للشيطان طب انا سمعت - 00:54:54ضَ

كلامك انت انا ما ليش دعوة بك يا عمي. ندل. يستبدل بقى يوم القيامة. نعلة الشيطان ده. مشاعر عز مع القرآن واحنا بنقراه. جيت يا جماعة حطيت نفسي مكان الصحابة في احد - 00:55:17ضَ

انت متخيل انا لو واحد من الصحابة معنا رسول الله صلى الله عليه وسلم. ثم نهزم ويقتل منا سبعين والرسول عليه الصلاة والسلام يجرح وكبار الصحابة يقتلوا شعور بالمرارة فظيع - 00:55:37ضَ

شعرت ان انا في الوقت دوا لو مكانهم هشعر ان انا هموت. عايز حد كده ياخدني في حضنه ويطبطب علي ويقول لي معلش معلش يوم لك ويوم عليك. ما هم برضه اتغلبوا في بدري يا اخي. ما تعملش كده في نفسك - 00:56:01ضَ

مين اللي عمل كده في الصحابة؟ وواساهم كده؟ القرآن. اسمع الاية هتلاقيها بتحضنهم وبتطبطب عليهم وبتواسيهم وبتقول لهم معلش ويوم لك ويوم عليك. ولا تهنوا ولا تحزنوا. وانتم الاعلون ان كنتم مؤمنين - 00:56:21ضَ

ان يمسسكم قرح فقد مس القوم قرح مثله. وتلك الايام نداولها بين الناس. وليعلم الله والذين امنوا ويتخذ منكم شهداء والله لا يحب الظالمين. ياه! بالظبط. طبطبة ويوم لك ويوم عليك. ومش كله وحش. السبعين ماتوا اتخزهم شهداء. فتحس بالمواساة. مشاعر المواساة - 00:56:41ضَ

بتفيض من الاية بصراحة. بس هشعر بها ازاي وانا بقراها زي زمان. ولا تهنوا ولا تحزنوا وانتم الاعلون ان كنتم مؤمنين اصل انا باحفظ ان شا الله حفزت يا اخي بالشكل دا. الله - 00:57:11ضَ

فين التدبر؟ ربنا نازله عشان نتدبره عشان يأثر في ويحرك مشاعري لكن اقراه بالشكل ده لأ مشاعر الحذر صورة يوسف سيدنا يوسف راح حكى الرؤية على ابوه قال يا بني لا تقصص رؤياك على اخوتك فيكيدوا لك كيدا. حذر - 00:57:26ضَ

ايه حضر سورة يوسف مليانة مشاعر مش ممكن بتشيلك وتحطك وتجيبك وتوديك بس المهم تقراه بقلبك. مشاعر الحسد تشعر بها في الصورة. اذ قالوا ليوسف واخوه احب الى ابينا فمنا ونحن عصبى. ان ابانا لفي ضلال مبين - 00:57:55ضَ

يوسف واخوه ابوهم بيحبهم اكتر مننا. مع ان احنا عشرة وجامدين وكبار وبنعمل له شغل كله ابونا ده في ضلال مبين. شعور الحسد بتشعر به في الله. اسمع بقى بص المؤامرة اللي بتحصل. شعور بالمؤامرة. انت حاسس انك بتفكر - 00:58:21ضَ

على مؤامرة وهتتجنن عايز تحزر سيدنا يوسف. اقتلوا يوسف او اطرحوه ارضا يخلو لكم وجه ابيكم وتكونوا من بعده قوما صالحين قال قائل منهم لا تقتلوا يوسف والقوه في غيابة الجب يلتقطه بعض السيارة ان - 00:58:41ضَ

انتم فاعلين مؤامرة ناس قاعدة بتتآمر. وايه بقى؟ بيدوا نفسهم الاعذار. نعمل الحكاية دي بس وما نعملش في اي زنوب تانية وبعد كده نبقى كويسين على طول مع ربنا. كتير مننا بيقع في الزنب وهو عارف ان الزنب يقول لك اخر مرة بس اجرب - 00:59:01ضَ

اقتلوا يوسف او اطرحوه ارضا يخلو لكم وجه ابيكم وتكونوا من بعده قوما صالحين. مش نعمل حاجة تانية حرام ده بس نقتل ده بس. لمصلحة الامة. اه. تجرأ الناس على بعض - 00:59:21ضَ

وعلى قتل بعض دلوقتي. ليه؟ كل واحد بيبرر ده لصالح الامة. خديعة. خديعة بص في المشاعر. قالوا يا ابانا ما لك لا تأمنا على يوسف وانا له لناصحون انت مش بتبعتوا معنا ليه؟ ما تخافش ده احنا هننصحه ده احنا هنعلمه. ارسله معنا غدا يرتع ويلعب. وانا له لحافظون - 00:59:41ضَ

الاب والام عايزين ابنهم ايه ياكل. فقال لك نضحك عليه بالحتة دي. ابعتوا معنا بكرة ياكل ويلعب هو ما كانش عمره بيبعته معه. اول ما سمع كلمة ياكل اه الواد ما بياكلش بقى له يومين. رح يا ابني معه. يرتعي ويلعب - 01:00:11ضَ

في احدى القراءات يرتعد من المرعى ابعته ياكل معنا هياكل ويلعب. راح باعته. اتشعر بالخديعة؟ الحزن. يا خبر على الاية دي الاية اربعة وتمانين في سورة يوسف. الاية بتفيض حزن. وتولى عنهم وقال يا اسفا على يوسف - 01:00:30ضَ

وابيضت عيناه من الحزن فهو كظيم. الاية سطر ونص مليانة حزن وتولى عنهم خد جنب تشعر يقول لك واخد جنب مكتئب كده. واخد جنب. وتولى عنهم. وقال يا اسفا على يوسف - 01:00:53ضَ

وابيضت عيناه. كمان ده اتعمى من الحزن. من الحزن فهو كظيم بيكظم غيظه. يكظم كاتم في قلبه. مش ممكن. بص مع ذلك الامل اللي عنده يا بني اذهبوا فتحسسوا من يوسف واخيه. ده اخوه اللي ضايع. يوسف يوسف ضاع من يجي خمسة وعشرين تلاتين سنة - 01:01:19ضَ

لسة عنده امل يا بني اذهبوا فتحسسوا من يوسف واخيه ولا تيأسوا من روح الله انه لا ييأس من روح الا القوم الكافرون. ياه على المشاعر الامل اللي في الاية. انت متخيل انت من اول السورة والمشاعر كل - 01:01:47ضَ

اية بتشيلك وتحطك وتجيبك وتوديك بس انت سب نفسك معها. سب نفسك بص مشاعر الفرح فلما ان جاء البشير البشير يعني اللي معه البشرى اللي معه الايه؟ الاخبار الحلوة القاه على وجهه فارتد بصيرا - 01:02:10ضَ

قال الم اقل لكم اني اعلم من الله ما لا تعلمون. مشاعر الفرح بص مشاعر الندم والتوبة عند اخوات يوسف قالوا يا ابانا استغفر لنا ذنوبنا. انا كنا خاطئين. من كسوفهم مش قادرين حتى يستغفروا - 01:02:35ضَ

يا ابانا استغفر لنا ذنوبنا. انا كنا خاطئين. بص بقى سيدنا يوسف. الاية تسعة وتسعين والاية مية يا جماعة مش ممكن الشعور الاول عنده شعور بالتمكين هو ممكن الان هو هو نمرة واحد في مصر. هو ملك مصر هو عزيز مصر - 01:02:55ضَ

وعنده شعور بالرضا بكل اللي حصل وادب مع الله فلا ينسب الشر الا للشيطان فيقول ايه ؟ فلما دخلوا على يوسف اوى اليه ابويه وقال ادخلوا مصر ان شاء الله امنين - 01:03:16ضَ

هو الامر نائي هو بيسمح للناس بالدخول والخروج. ادخلوا مصر ان شاء الله امنين ورفع ابويه على العرش وخروا له سجدا. وقال يا ابتي هذا تأويل رؤياي من قبل. قد - 01:03:36ضَ

لها ربي حقا. اسمع بقى وقد احسن بي اذ اخرجني من السجن. هو اصلا عمل ايه عشان يخش السجن ما قالش انا ايه اللي دخلني السجن هو انا عملت ايه يا رب عشان اخش ابدا. ده بيقول ربنا احسن بي اذ اخرجني من السجن. هو يعني كان دخل - 01:03:52ضَ

تسريقة ده داخل مظلوم. لكن عنده الرضا بكل شيء. دخل السجن وعارف انه دخل السجن عشان فيه شوية ميه مكتوب يشربهم جوة السجن هيشربهم ولما يخلصوا هيخرج وما فيش قوة تخليه جوة السجن غير كده. يبقى فيه مهمة له جوة. فيه اتنين كان هيدعوهم جوة السجن دخل ودعاهم. انتهى الامر - 01:04:12ضَ

كل شيء راضي وقد احسن بي اذ اخرجني من السجن وجاء بكم من البدو من بعد ان نزغ الشيطان بيني وبين اخوتي ما نسبش الشر لاخواته. يعني اقرا كده السورة من اولها ما تلاقيش الشيطان جاي وقاعد معهم - 01:04:32ضَ

ولا بيوسوس لهم ولا حاجة خالص ده هو سيدنا يوسف نسب الشر للشيطان ورفع الحرج عن اخواته. ان ربي لطيف لما يشاء انه هو العليم الحكيم ازا لازم الاسبوع ده من الاسبوع ده نبدأ نزود عندنا حتة تحريك المشاعر - 01:04:55ضَ

حرك مشاعرك وتلاقي اية جابت معك اثر في المشاعر وبدأ يحصل سكون بدأ يحصل آآ بكاء بدل بدأ يحصل اي حركة في المشاعر سكينة ما تسيبش الاية ابوس ايدك. هاتها من الاول تاني وتالت ورابع. ده معناها انك - 01:05:18ضَ

بتشحن ان الشحن شغال بتاع البطارية بتاعتك خلاص الواجب القرآن ساعة في اليوم نص الصبح نص بالليل يبقى جميل يبقى احسن يعني ماشي؟ وبتدبر وتحريك قلب ومشاعر التأمل في الكون من عشرة الى ربع ساعة كل يوم تنزل تمسك وردة تتفرج عليها ورقة شجر وتتأمل فيها - 01:05:38ضَ

القمر كل شيء حواليك من صنع ربنا وتقول صنع الله الذي اتقن كل شيء. دعاء الحب نقوله كل يوم مرة واتنين وتلاتة ورد الالحاح على الله دايما قبل ما تقرا قرآن تلح على الله لمدة دقيقتين او تلاتة انه يصلح قلبك - 01:06:03ضَ

بهذا القرآن. جزاكم الله خيرا وبارك الله فيكم - 01:06:23ضَ