باحث

فما لنا بذلك يا رسول الله؟ نحن وفينا بذلك؟ بكل هذه التضحيات ايه اللي هناخده ؟ الرسول صلى الله عليه وسلم رد واحدة كلمة واحدة بس يا اخوان. قال الجنة. يا الله! الجنة. التمن لكل التضحيات ديت - 00:00:00ضَ

الجنة ما فيش وعد باي حاجة تانية. لا وعد بدولة ولا وعد التمكين ولا وعد بنصر. مع ان لازم يحصل في يوم من الايام لازم النصر يحصل والتمكين يحصل. لكن قد تموت شهيدا قبل التمكين بسنوات - 00:00:20ضَ

قد تموت طريدا شريدا معذبا قد يحدث كل ذلك. بس المهم انت رايح الجنة هو ده المهم. الانصار يا اخواني سمعوا الكلمة ديت من فم رسول الله صلى الله عليه وسلم الجنة وما كانش عندهم غير كلمة واحدة قالوها بعد كده. قالوا ابسط يدك يا رسول الله. عايزين - 00:00:37ضَ

يبايعه ابسط يدك يا رسول الله الرسول يا اخواني مد ايديه. فرد ايديه للانصار عشان يبايعه. لكن سبحان الله قبل ما اي انصاري يحط ايديه في ايدين الرسول صلى الله عليه وسلم قام الصحابي الجليل الواعي جدا جدا اسعد ابن زرارة رضي الله - 00:00:57ضَ

عنه وارضاه ومسك ايدين الرسول سبحان الله! بعدها عن ايدين الانصار. اعتراض تالت بعد الاعتراض اللي اعترضه ابو الهيثم والعباس ابن عبادة رضي الله عنهم اجمعين وقال وهو بيكلم الانصار في منتهى الهدوء. يقول رويدا يا اهل اثر. انتم ليه مستعجلين؟ متسرعين ليه - 00:01:17ضَ

رويدا يا اهل يثرب انا لم نضرب اليه اكباد الابل الا ونحن نعلم انه رسول الله. احنا عارفين كويس اوي ان هو وعارفين ان في جنة بس خلي بالكم الكلام سهل. الناس كلها عايزة الجنة لكن لازم تعرفوا كويس العمل المطلوب. لازم - 00:01:37ضَ

تعرفه كويس ان انتم عشان تخشوا الجنة هتعملوا حاجات صعبة جدا جدا. يا ترى فاهمين الحاجات ديت ؟ يا ترى فاهمين ايه هو التمن الحقيقي للجنة قال اسعد بوضوح وان اخراجه اليوم مفارقة العرب كافة. هتحاربوا كل العرب - 00:01:57ضَ

وقتل خياركم وان تعضكم السيوف. شف الكلمة وان تعضكم السيوف. فاما انتم تصبرون على ذلك خذوه اجركم على الله. واما انتم تخافون من انفسكم خيفة فذروه. فهو اعذر لكم عند الله. الموضوع مش نزهة يا اخوان - 00:02:17ضَ

الصحابي الجليل اسعد بن زرارة رضي الله عنه يؤكد على نفس المعنى من جديد. الفاز تانية بس الموضوع مش نزهة. من اراد ان ان يحيا حياة امنة يعبد الله عز وجل في بيته او في مسجده لا يسرق ولا يزني ولا يقتل ولكن ليس له - 00:02:37ضَ

له علاقة بتمكين دين الله في الارض ولا بالجهاد في سبيل الله ولا بالدعوة الى الله ولا بالعمل الدؤوب لله ولا بالتضحية من اجل لله عز وجل فعليه ان يبايع بيعة النساء. هذه تكفيه. اما من اراد ان يبايع بيعة الرجال وبيعة الحرب فعليه ان - 00:02:57ضَ

يفقه هذه البيعة فقها جيدا. الاعتراضات دي يا اخوة كلها بتيجي من ناس فاهمة كويس اوي. ناس من الناس السابقين اصحاب بيعة العقبة لكن عايزين يوضحوا للانصار ويوضحوا لنا الصورة بكاملها. لكن الانصار كلهم يا اخواني كلهم كانوا فاهمين كويس اوي - 00:03:17ضَ

كانوا فاهمين شروط البيع وبنود البيعة بند بند. قالوا في منتهى الوضوح وفي منتهى الحماسة. يا اسعد عنا يدك ابعد عنا ايديك. ما تضيعش وقت فوالله لا نذر هذه البيعة ولا نستقيلها. يقول جابر بن عبدالله رضي - 00:03:37ضَ

رضي الله عنهما فقمنا اليه رجلا رجلا فاخذ علينا البيعة يعطينا بذلك الجنة. يا سلام! تمت البيع بيديهم الجنة يا اخوان بهذه الشروط لانه عارف ان جواهم صدق كبير. بيديهم الجنة. تمت البيعة الخالدة بيعة العقبة الثانية - 00:03:57ضَ

البيعة اللي فعلا فعلا غيرت من وجه التاريخ. والتمن ايه؟ الجنة. فضل بعض الامور الادارية لتنزيم العلاقة بين الرسول صلى الله عليه وسلم وبين الانصار. اولا الرسول صلى الله عليه وسلم هيتعامل مع مين من الانصار. مش معقول لما يكون عايز حاجة يبلغها لكل الانصار واحد واحد. دول - 00:04:17ضَ

خمسة وسبعين وهيبقوا اكتر بعد كده لازم يكون هناك من يمثل الانصار. الحاجة التانية التعامل بين المهاجرين والانصار هيكون ازاي؟ لو حصلت مشكلة من الانصار نرجع لمين ؟ ولو حصلت مشكلة من المهاجرين نرجع لمين ؟ امور ادارية هامة. الرسول شاف انه لازم يكون هناك من يمثل الانصار - 00:04:37ضَ

فكر ان كل خمسة من الانصار يكون عليهم واحد. سماه نقيب. فيبقى كل ستة مجموعة والانصار كانوا تلاتة وسبعين. يبقى عايز يطلع منهم كم اتناشر نقيب طيب يطلعهم ازاي؟ اتناشر واحد. الرسول يا اخواني كان ممكن ينقيهم بنفسه. وكان ممكن ياخد بتوع باقية العقبة الاولى. ما هم كانوا اتناشر. وكان ممكن - 00:04:57ضَ

يخلي مصعب ابن عمير ينقيهم. وكان ممكن يخلي البراء بن معرور رئيس الوفد هو اللي ينقيهم او اسعد بن زرارة من السابقين. كان ممكن اي وسيلة من دول لكن الرسول صلى الله عليه وسلم ما عملش كده. لكن عمل حاجة تانية خالص. سبحان الله! لقد اقر قاعدة عظيمة من قواعد الحكم في الاسلام - 00:05:19ضَ

وهي قاعدة الانتخاب. على الشعب ان ينتخب ممثليه انتخابا حقيقيا. ليس فيه تدخل من القائد الاعلى. سبحان الله. قال الرسول صلى الله عليه وسلم للانصار اخرجوا الي منكم اثني عشر نقيبا. ليكونوا على قومكم بما فيهم - 00:05:39ضَ

سبحان الله! الحرية كاملة للانصار في اختيار ممثليهم. هم ادرى بحالهم. وبعدين لما الشعب بيختار حكومته بحرية حقيقية ما فيهاش اي تدخل من اي جهة بيسمع لها بعد كده بمنتهى الحب. بيطيعها بمنتهى الامانة. بيحس فعلا ان هي حكومته مش مفروضة عليه. هو - 00:05:59ضَ

هو ده اللي كان الرسول صلى الله عليه وسلم عايز يزرعه جوة الانصار وجوة الامة الاسلامية بكاملها الى يوم القيامة وقعد الاوس والخزرج سبحان الله لاول مرة في تاريخهم قعدوا مع بعض يختاروا حكومة ائتلافية بالانتخاب. اول مرة قبل كده كانوا بيتخانقوا - 00:06:19ضَ

وبيدبح كل واحد التاني علشان ايه علشان الكرسي بتاع الحكم. لكن سبحان الله امنوا. لما امنوا كل حاجة اتغيرت. حالهم اتغير تماما كل واحد حاطط ايده دلوقتي على كتف التاني وقاعدين في حب يختاروا حكومة شرعية للمدينة المنورة. اللي جمع الاوس والخزرج يا اخوة - 00:06:37ضَ

الاخوات هو نبل الغاية سمو الهدف لما كان الكرسي هو الهدف كان الخلاف والنزاع الذي لا نهاية له بقت الجنة هي الهدف وهي الغاية خلاص ما عدش للكرسي قيمة. بالعكس بقى مسئولية وتكليف ما عدش تشريف. انقلب التنافس على الكرسي - 00:06:57ضَ

الى التنافس على الجنة. وفي ذلك فليتنافس المتنافسون. وهي ديت عظمة الاسلام وفي دقايق سبحان الله ومن غير اي مشاكل او اعلانات او تزكية للنفس ومن غير برامج انتخابية وهمية شكلها جميل لكن عمرها ما بتتطبق - 00:07:17ضَ

من غير الكلام ده كله انتخب الانصار نوابهم. تم الانتخاب يا اخواني بنسبة التمثيل في البيعة. يعني الخزرج كانوا خمسة وسبعين في المية من المبايعين وكذلك كان نواب الخزرج خمسة وسبعين في المية من النواب او من النقباء. نقباء الخزرج كانوا تسعة خمسة وسبعين في المية من - 00:07:36ضَ

فكانوا مين ؟ اسعد بن زرارة البراء بن معرور عبدالله بن عمرو بن حرام. سعد بن عبادة عبادة بن الصامت سعد بن الربيع عبدالله بن رواحة رافع بن مالك والمنذر بن عمرو رضي الله عنهم اجمعين. دول كانوا نقباء الخزرش - 00:07:56ضَ

اما نقباء الاوس فكانوا تلاتة اسيد بن حضير وسعد بن خيثمة وابو الهيثم ابن التيهان وقيل بدلا منه رفاعة ابن عبدالمنذر رضي الله عنهم اجمعين. طبعا بيختفي من اسماء الاوس البطل الاسلامي العظيم سعد ابن معاذ رضي الله عنه - 00:08:16ضَ

هو الحقيقة ما قدرش ان هو ييجي اصلا من المدينة المنورة الى مكة كان في ظروف منعته من الحضور علشان كده لم يزهر اسمه في المنتخبين. المهم بعد هذا الانتخاب الحر عقد رسول الله صلى الله عليه وسلم اجتماعا هاما على مستوى القمة مع هؤلاء النواب او النقباء. قال لهم انتم على قوم - 00:08:36ضَ

بما فيهم كفلاء ككفالة الحواريين لعيسى ابن مريم. يعني انتم مسؤولين عن كل الانصار. وانا كفيل على قومي المسلمين من اهل مكة فقالوا نعم. يبقى دلوقتي قسم مسؤوليات الاتناشر دولت مسؤولين عن الانصار والرسول صلى الله عليه وسلم مسؤول عن المهاجرين - 00:08:56ضَ

وبعدين طلب منهم بعد كده انهم يختاروا واحد منهم تاني بالانتخاب. يختاروا واحد منهم يكون رئيس برلمان المدينة. واحد بيمسل الاتناشر وبالتالي يسهل عملية الاتصال والمتابعة والادارة وغير ذلك من الامور. سبحان الله! اختاروا مين؟ اختاروا اصغر واحد فيهم. اختاروا اسعد ابن - 00:09:16ضَ

زرارة رضي الله عنه وارضاه اصغر النقباء رضي الله عنه. طبعا كان واضح ان هو موهبة فذة فعلا. وبكده يا اخواني انتهت مراسم البيعة سبحان الله فعلا فريدة انتهت بنجاح. وسبحان الله كل هذا النجاح يتم في عقر دار المشركين. وسط الاعداد الهامة - 00:09:36ضَ

من اعداء الله عز وجل. وصدق الله عز وجل اذ يقول ان الله يدافع عن الذين امنوا وقبل ما نسيب الانصار تعالوا نبص على بعض الاحصائيات اللطيفة جدا. عملتها على اسماء الانصار المشاركين في هذه البيعة. كلها احصائيات الحياة لها معنى - 00:09:56ضَ

لما دورت في اسماء الناس اللي حضرت هذه البيعة من الانصار لقيت سبحان الله قرابة السبعين من هؤلاء يعني تقريبا كلهم هم اصلا كل الرجال تلاتة وسبعين اشترك في غزوة بدر الكبرى. يعني ما كانش مجرد كلام على البيع على الجهاد. لأ كلهم فعلا نفزوا. سبعين تقريبا من دولا - 00:10:15ضَ

حضروا غزوة بدر الكبرى. حوالي نصف هذا العدد اشترك مع الرسول صلى الله عليه وسلم في كل المشاهد والغزوات. نص التلاتة وسبعين دولة اشتركوا في كل غزوات الرسول. وطبعا النص مش الكل لان منهم كتير كان بيستشهد في الغزوات الاولى. فما كانش يلحق ان هو يشارك - 00:10:36ضَ

في الغزوات اللي جاية بعد كده. حوالي التلت تدي التلاتة وسبعين دولت مات شهيدا في سبيل الله عز وجل. سبحان الله! اربعين في المية من النقباء ماتوا شهداء في سبيل الله. اربعين في المية خمسة من اتناشر. يعني القيادة في نظرهم كانت مسئولية. ما كانتش ابدا تشريف او منصب - 00:10:56ضَ

لم يؤثر عن اي واحد من هؤلاء الانصار المبايعين في بيعة العقبة الثانية لم يؤثر عنه الفرار ابدا لا في احد ولا في حنين ولا في في غيرهما لم يؤثر عن اي واحد من هؤلاء طلب للدنيا ولا للامارة ولا للمال ابدا يا اخواني. خلاصة القول - 00:11:16ضَ

ان الصدق الكامل في قلب الرسول صلى الله عليه وسلم وفي قلوب الانصار المبايعين في هذه البيعة هو الذي كفل النجاح لهذه البيعة قيل ليجزي الله الصادقين بصدقهم. صدقوا الله عز وجل فصدقهم الله عز وجل - 00:11:36ضَ

لكن سبحان الله يا اخوان لم يمر الامر دون تنغيص اكتشف المعاهدة شيطان. سبحان الله! طبعا كان اتعس مخلوق عرف البيعة ديت هو الشيطان. شف سيدنا كعب الملك بيقول ايه؟ يقول لما بايعنا رسول الله صلى الله عليه وسلم صرخ الشيطان من رأس العقبة بابعد صوت سمعته قط - 00:11:54ضَ

قال طبعا هو عرف منين انه الشيطان؟ الرسول هو اللي قال لهم. قال يا اهل الجباجب. الجباجب يعني المنازل. يعني بينادي على اهل مكة. يا اهل الجباجب هل لكم في مذمم؟ طبعا يقصد سيدنا محمد صلى الله عليه وسلم. هل لكم في مذمم والصبات معه؟ قد اجمعوا على حرب - 00:12:18ضَ

بكم؟ قال رسول الله صلى الله عليه وسلم هذا ازب العقبة اي شيطان العقبة. اسمع اي عدو الله اما والله لافرغك لك وبعدين الرسول يا اخواني حس ان المشركين خلاص هيجوا على طول. فبسرعة قال للانصار ارفعوا الى رحالكم بسرعة اجروا. المفروض ان الانصار - 00:12:38ضَ

يجروا بسرعة دلوقتي لانهم عرفوا ان قريش ممكن تيجي في اي لحظة. لكن سبحان الله الكلام ده ما حصلش. قام العباس ابن عبادة رضي الله عنه وارضاه فاكرينه اللي لسة من شوية كان بيقول للانصار خلي بالكم انتم تبايعون على حرب الاحمر والاسود من الناس. قام وقال والذي بعثك بالحق - 00:12:58ضَ

لان شئت لنميلن على اهل منى غدا باسيافنا. يا الله يا اخواني! يا الله! لا يهمك يا رسول الله من اكتشاف بامرنا لو اردت ان نقاتل الالاف المؤلفة من اهل منى المشركين لفعلنا ذلك. خلي بالكم يا اخواني - 00:13:18ضَ

في منى لم يكن من الامور التي بايع عليها الانصار. هم كانوا مبايعين انهم يدافعوا عن الرسول هناك في المدينة المنورة لكن مش في منى لا في مكة لكن سبحان الله العباس ابن عبادة يعطي ما هو فوق البيعة. هو يبحث عن الجنة يا اخواني. يبحث عن الثمن عن الجنة - 00:13:38ضَ

طيب يا ترى الرسول صلى الله عليه وسلم رد عليه وقال له ايه؟ قال صلى الله عليه وسلم في منتهى الوضوح لم اؤمر بذلك. لم اؤمر القتال بعد. اه الانصار بايعوا على الجهاد. لكن لسه ده مش وقت التطبيق. فقه الموازنات. لو تقاتل الانصار الان مع - 00:13:58ضَ

المشركين فلا شك ان الانصار سيبادون عن اخرهم. نعم سقطوا شهداء ولكن اين الدولة؟ اين الدعوة؟ اين التخطيط لنصر وتمكين وسيادة لهذا الدين. اين بناء الامة الاسلامية؟ فعلا يا اخواني كان لازم المسلمين يتجنبوا القتال - 00:14:18ضَ

تماما في الوقت ده علشان كده الانصار رجعوا فعلا بسرعة لخيامهم. وناموا مع الوفد المشرك اللي هم جايين معه ولا حد حس بهم ولا حد من الوفد بتاعهم عرف اي حاجة عن البيعة. وتاني يوم سبحان الله اكتشفنا ان قريش عرفت. عرفت بموضوع اللقاء. مين اللي - 00:14:38ضَ

الله اعلم. اما الشيطان اللي هو صرخ بالليل ده. واما حد شافهم. المهم قريش عرفت في الاخر ان في وفد من يثرب قابل مع الرسول صلى الله عليه وسلم. طب يعملوا ايه؟ عملوا وفد وراحوا يقابلوا زعيم يثرب. زعيم يثرب اللي هو عبدالله ابن ابي ابن سلول. بدأت قريش تتكلم - 00:14:58ضَ

معه في خطاب يجمع بين الترغيب والترهيب. قالوا يا معشر الخزرج بيكلمه عبدالله بن ابي بن سلول. يا معشر الخزرج انه قد بلغنا انكم قد جئتم الى صاحبنا هذا تستخرجونه من بين اظهرنا وتبايعونه على حربنا وانه - 00:15:18ضَ

والله ما من حي من العرب ابغض الينا من ان تنشب الحرب بيننا وبينهم منكم. يعني احنا بنحبكم جدا جدا ترغيب لكن لو فضلتم على هذا الامر هنحاربكم وانتم عارفينكم ايش من هي قريش. فعبدالله بن ابي بن سلول طبعا سمع الكلمات ديت قام يقول بمنتهى - 00:15:38ضَ

محامية هذا باطل وما كان هذا وما كان قومي ليفتاتوا على مثل هذا ولو كنت بيثرب ما صنع قومي هذا حتى يآمروني طبعا الراجل من جوة صادق هو ما يعرفش اي حاجة عن موضوع اللقاء ده. المسلمين تكتموا كل شيء عن موضوع اللقاء او عن موضوع الاسلام اصلا - 00:15:58ضَ

ما كانوش عارفين مين فيهم المسلمين جوة الوفد بتاعهم. ده كان رد فعل عبدالله ابن ابي ابن سلول. طب ايه رد فعل المسلمين اللي جوة الوفد؟ اللي عملوا البيعة فعلا - 00:16:18ضَ

نظر بعضهم الى بعض ولم يتكلموا. ولا كلمة ولا اكن في حاجة حصلت سبحان الله. طبعا ده كله تخفي علشان الموضوع يمشي. المهم قريش اقتنعت بكلام الوفد اليسربي وسابوه ورجعوا تاني الى مكة. لكن سبحان الله بعد ما رجعوا مكة عرفوا ان ظنهم كان في محله. فرجعوا تاني - 00:16:28ضَ

بسرعة علشان يمسكوا بوفد يسرب لقوه خلاص مشي. سبحان الله! لان احنا كنا قايلين ان هم بيتقابلوا في اخر ليلة من ليالي الحج علشان نفس النقطة ديت لو حصلت كان عامل حسابها. فالوفد كان خلاص مشي. لكن من بعيد سبحان الله شاف زعماء مكة اتنين من المسلمين. شافه سعد بن عبادة رضي الله عنه - 00:16:48ضَ

وارضاه والمنذر بن عمرو رضي الله عنه وارضاه. الاتنين دولت من النقباء لو انتم فاكرين. فجريوا وراهم. المنذر بن عمرو قدر يهرب. لكنهم مسكوا سعد بن عبادة سيد الخزرج. رجل عزيز لم يهن في حياته قط. لكن سبحان الله! زعماء مكة مسكوه وقعدوا يضربوا فيه - 00:17:08ضَ

على الارض ويشدوه من شعره لحد ما رجعوه مكة. موقف في منتهى الخطورة. المسلمون في مكة يا اخواني ينظرون الى اخيهم المؤمن وهو يضرب ولا يستطيعون حراكا لان هم لو اتحركوا عشان ينقزوه. الناس هتعرف ان فيه بيعة تمت وان فيه لقاء تم. حتى الرسول صلى الله عليه وسلم نفسه ما اتحركش علشان ينصر - 00:17:28ضَ

سعد بن عبادة الموقف حرج للغاية يا اخواني فقه الموازنات. لكن سبحان الله ربنا حلها من عنده. جبير بن المطعم بن عدي حارث بن حرب بن امية الاتنين دولت من المشركين شافوا الموقف. سعد بن عبادة رضي الله عنه كان يجير لهم القوافل عندما تمر على المدينة المنورة - 00:17:48ضَ

فاجروه من قريش. ورجع سعد بن عبادة سبحان الله لقافلة الانصار ووصلوا للمدينة بحمد الله في امان. وبدأ الانصار هناك في المدينة يمهدوا البلد لاستقبال الرسول صلى الله عليه وسلم والمهاجرين من مكة. بدأوا جميعا يستعدون لوضع النواة - 00:18:08ضَ

اولى للعاصمة الاولى في الاسلام المدينة المنورة. دي كانت بايعة العقبة الثانية بكل الشروط اللي فيها وبكل الملابسات والحقيقة فيها دروس تانية كتير جدا جدا لكن الوقت لا يتسع. طبعا كده بقى الوضع مستقر الى حد كبير في المدينة المنورة. والموقف بقى اكثر صعوبة في - 00:18:28ضَ

مكة زعماء قريش دلوقتي عارفين ان في تدبير اسلامي خفي. لشيء هم مش عارفينه. يا ترى هجرة ولا يا ترى حرب ولا يا ترى ايه هم مش عارفين يعني الموقف فعلا بقى متأزم في مكة - 00:18:48ضَ

هنا صدر الامر الالهي للرسول صلى الله عليه وسلم. ومن ثم للمؤمنين في مكة ان يهاجروا الى المدينة. كل من يستطيع ان اجر فليهاجر. بل يجب ان يهاجر. الضعفاء والاقوياء الفقراء والاغنياء الرجال والنساء الاحرار والعبيد كل الناس كل - 00:19:02ضَ

المسلمين لابد ان يهاجروا الى المدينة المنورة. فيه مشروع كبير قوي قوي هيتعمل في المدينة. فيه مشروع ضخم محتاج كل في مشروع يا اخواني اسمه بناء الامة الاسلامية. وبدأت الهجرة. والهجرة يا اخواني ويا اخواتي ما كنتش حاجة سهلة. ما كنتش - 00:19:22ضَ

عمل جاي لهم في بلد غني ابدا. الهجرة كانت تعني ترك الديار وترك الاموال وترك الاعمال وترك الزكريات. الهجرة كانت الاستعداد لحرب هائلة ضد كل المشركين في جزيرة العرب بل ضد كل المشركين في الارض. كانت استعدادا - 00:19:42ضَ

الاحمر والاسود من الناس. هي دي الهجرة. ما كنتش ابدا هروب سلبي ابدا. دي كانت استعداد لتكاليف اشق ولواجبات اكتر واعظم والرسول يا اخواني امر الناس بالهجرة واستنى سبحان الله هو للاخر خالص. ما هاجرش في الاول كل الناس هاجرت قبله - 00:20:02ضَ

لم يكن من همه صلى الله عليه وسلم ان ينجو بنفسه. لم يكن من همه ان يؤمن حاله او يحافظ على امواله بالعكس. كان كل انه يطمن على حال المسلمين المهاجرين علشان يعلمنا ان القيادة ليست نوعا من الترف او الرفاهية لأ - 00:20:22ضَ

القيادة مسئولية وتضحية وامانة وزي ما قلنا الرسول صلى الله عليه وسلم اصدر اوامره لكل المسلمين في مكة. كل المسلمين بالهجرة. ومش بس في مكة. اي مسلم موجود على الارض كان لازم يهاجر للمدينة المنورة الا اذا الرسول صلى الله عليه وسلم قال له يفضل في مكانه لسبب من الاسباب. فده كان الوضع في الهجرة الاخيرة ديت هجرة - 00:20:42ضَ

المدينة المنورة وده مختلف زي ما انتم شايفين عن هجرة الحبشة. الحبشة مش كل المسلمين هاجروا. بعض المسلمين هاجروا والبعض فضل في مكة. طبيعة المكان ظروف المكان يا اخواني بتختلف من الحبشة الى المدينة. المهاجرين الحبشة كانوا عايزين بس يحفزوا نفسهم علشان لا يستأسر الاسلام اذا تعرض المسلمون - 00:21:06ضَ

في مكة للابادة. ما كانش الغرض هو اقامة حكومة اسلامية في الحبشة ابدا. بل كان المسلمون مجرد لاجئين الى ملك عادل. اما الهجرة المدينة فكان الغرض منها اقامة دولة اسلامية تكون المدينة هي المركز الرئيسي لها. طيب اشمعنى المدينة تنفع لاقامة امة اسلامية والحبشة - 00:21:26ضَ

ما بتنفعش. الهبشة كان فيها عوامل كتيرة جدا معوقة لبناء الامة الاسلامية. يعني زي اختلاف اللغة واختلاف التقاليد واستقرار الوضع هناك في الحبشة لكن اهم حاجة في نزري هي ان الاعتماد في الحبشة يا اخواني ويا اخواتي كان على رجل واحد فقط النجاشي - 00:21:46ضَ

رحمه الله ملك لا يظلم عنده احد. اذا مات هذا الرجل او خلع فان المسلمين سيصبحون في خطر عظيم. لكن في الوضع غير كده. الهجرة لم تكن تعتمد على رجل معين. بل تعتمد على شعب المدينة. تعتمد على انصار المدينة. الجو العام في - 00:22:06ضَ

المدينة يا اخواني اصبح محبا للاسلام او على الاقل الجو العام كان قابل للفكرة الاسلامية. ومن ثم كانت الهجرة فهناك هجرة جماعية كاملة كل المسلمين. وبدأت الهجرة العظيمة. الهجرة فعلا كانت عظيمة يا اخواني والله. تضحيات - 00:22:26ضَ

اصرار عزيمة لكن الحقيقة في حاجات كتيرة جدا كانت بتخفف من الام الهجرة. احساس المسلمين انهم خلاص قاب قوسين او ادنى من بناء امة. شعورهم بالمعية مع الله عز وجل. شعورهم ان القائد بتاعهم معهم وهيهاجر زيهم - 00:22:46ضَ

زيهم ويتعب زيهم استقبال الانصار لكل من هاجر بحفاوة بالغة. زي ما يكونوا اخواتهم من قديم. سبحان الله! زي ما نشوف بازن الله في دروس المدينة لما نيجي لها ان شاء الله. الحاجات دي كلها كانت بتخفف كتير اوي اوي من الام الهجرة. ومع ذلك الهجرة كانت صعبة جدا - 00:23:06ضَ

قصص الهجرة كتيرة جدا وعظيمة. الحقيقة الوقت لا يتسع لتفصيلات. احنا محتاجين مجموعة من المحاضرات. مجموعة كبيرة كمان عشان نتكلم بس عن الهجرة وقصص الهجرة ودروس الهجرة. كل واحد من المهاجرين كان سايب وراه حاجة عزيزة قوي قوي عليه. يعني مثلا ابو - 00:23:26ضَ

رضي الله عنه وارضاه هاجر وساب وراه مين؟ ساب وراه زوجته وابنه في قصة مشهورة مؤلمة. لكن ابو سلمة كان فاهم واجبه كويس قوي وكمان ام سلمة رضي الله عنها وارضاها كانت فاهمة دورها كويس وصبرت واستحملت كتير سنة كاملة. سنة كاملة بعيد عن زوجها وسنة كاملة - 00:23:46ضَ

بعيد عن ابنها اللي خدوا قرايب زوجها بعد ما زوجها هاجر. وفين سبحان الله! بعد سنة كاملة هاجرت لزوجها ومع ابنها. هاجرت يا اخواتي وخليكم فاكرين الكلام ده كويس. هاجرت مسافة خمسمية كيلو متر - 00:24:06ضَ

خمسميت كيلو متر هاجرت لوحدها. طالعة في الصحرا لوحدها ومعها طفلها خمسميت كيلو متر. تضحيات مهولة يا اخواني حاجات مهولة فعلا صهيب الرومي رضي الله عنه وارضاه ساب وراه كل سروته. كل سروته سبح وسط العمر زي ما بيقولوا. تعب السنين الطويلة. ساب كل رصيده - 00:24:22ضَ

رصيده وهاجر للمدينة. ساب وظيفته اللي كان مستقر فيها تماما. ساب كل حاجة وهاجر وغيره وغيره وغيره. كل قصص الهجرة فيها تضحيات ضخمة وطبعا فوق ان الصحابة كانوا سايبين كل حاجة وراهم كان في خطورة حقيقية على حياتهم. الكفار ما كانش عندهم اي مانع - 00:24:44ضَ

يقتلوا اي واحد ازا مسكوه وعرفوا ان هو مسلم بيهاجر. ده كانوا هيقتلوا الرسول صلى الله عليه وسلم نفسه. ما بالك لو اي واحد ضعيف ولا حليف ولا اي واحد من قريش حقه - 00:25:04ضَ

علشان كده كل الصحابة تقريبا كانوا بيهاجروا في السر بدون ما حد ياخد باله. كل الصحابة تقريبا حتى هجرة الرسول صلى الله عليه وسلم زي ما هنشوف بعد كده كانت سرية لكن سبحان الله في هجرة واحد بس من الصحابة كانت علنا امام كل الناس تلك هي هجرة واكيد طبعا عرفته - 00:25:16ضَ

عمر بن الخطاب رضي الله عنه وارضاه. وقف عمر رضي الله عنه وارضاه في المسجد الحرام وقال بصوت مرتفع. يا معشر قريش على كل الناس. طب اطلع حتى كده سكتي. قدام الناس كلها مش مشكلة. لأ ده بيستفز الناس. يا معشر قريش من اراد ان تثكله - 00:25:36ضَ

او يوتم ولده او ترمل زوجته فليلقني وراء هذا الوادي. اللي مستبيع بقى ومستغني عن نفسه يجي لي سبحان الله يقول هذا الكلام وهو متقلد سيفه وايده التانية فيها ايه؟ بضعة اسهم. جاهز يعني. كم واحد قاموا لسيدنا عمر؟ ولا واحد - 00:25:56ضَ

ولا واحد. وهاجر رضي الله عنه وارضاه امام الناس اجمعين. سبحان الله! رهبة كبيرة كانت لعمر عند عموم الناس. طيب واحد ممكن يسأل ازاي عمر رضي الله عنه يهاجر علانية؟ والرسول صلى الله عليه وسلم يهاجر سرا. سؤال برضو - 00:26:17ضَ

الواقع ان رسول الله صلى الله عليه وسلم مشرع وعموم المسلمين كل المسلمين هيقلدوه سواء في زمان مكة او في الازمان التي ستلي بعد ذلك. وعموم المسلمين يا اخواني لا يطيقون ما فعله عمر رضي الله عنه وارضاه. ما يقدروش. وليس مطلوب منهم ذلك - 00:26:37ضَ

لكن المطلوب هو الحذر والاحتياط والاخذ بالاسباب الكاملة لتأمين عملية الهجرة. عملية الهجرة يا اخواني في حد ذاتها ما كانتش هدف. الهدف الوصول للمدينة لاقامة الدولة هناك. يجب الاخذ بكل الاسباب لتجنب كل المعوقات لاقامة هذه الدولة. ده اللي كان مفروض - 00:26:57ضَ

لكن على الناحية التانية برضو موقف عمر بن الخطاب رضي الله عنه وارضاه كان سليم. ما كنتش مخالفة شرعية يا اخواني. بدليل ان صلى الله عليه وسلم ما اعترضش على الكلام ده. لو كانت مخالفة شرعية كان الرسول صلى الله عليه وسلم اعترض وقال له يا عمر اللي انت عملته ده ما ينفعش. وعدل - 00:27:17ضَ

المسلمين لكن ده ما حصلش. هجرة عمر يا اخواني بالصورة ديت عملت رهبة كبيرة جدا جدا في قلوب الكافرين. خلتهم يتسمروا في مكانهم دلت تفكيرهم تماما وده كان فيه فوايد كتير منها انه هاجر معه عشرين واحد من ضعفاء الصحابة. تخيلوا! ما استطاع - 00:27:37ضَ

احد من المشركين ان يقترب منهم. لو كانوا خارجين لوحدهم كان ممكن يتمسكوا ويتقتلوا. لكن الهجرة مع عمر رضي الله عنه وارضاه وقد اذل المشركين بهذه الصورة سهلت هجرة الضعفاء دولت. وصدق عبدالله ابن مسعود رضي الله عنه وارضاه اذ يقول ان اسلام عمر - 00:27:57ضَ

كان فتحا وراجعوا كده معنى الفتح دهوت في المحاضرة اللي اتكلمنا فيها عن اسلام سيدنا عمر رضي الله عنه وارضاه. يقول عبدالله ابن مسعود ان اسلام عمر كان فتحا وان هجرته كانت نصرا وان امارته كانت رحمة. وصدق عبدالله بن مسعود رضي الله عنه ورضي الله عن صحابة رسول - 00:28:17ضَ

صلى الله عليه وسلم اجمعين. هي دي يا اخواني كانت هجرة الصحابة. كان فيها خطورة كبيرة فعلا على معظم المهاجرين. لكنها كانت خطوة لابد منها على خطورتها لبناء الامة الاسلامية. وبكده هاجر معظم المسلمين في مكة. والكلام ده كله تم في شهرين اتنين بس - 00:28:37ضَ

مسافر من السنة الرابعة عشرة من البعثة. يعني بعد حوالي شهر واحد بس او اقل من بيعة العقبة الثانية. ولم يبق في مكة الا ثلاثة فقط. الرسول صلى الله عليه وسلم وابو بكر الصديق رضي الله عنه وارضاه. طبعا لعبتم معه وعلي بن ابي طالب رضي الله عنه وارضاه. وكان - 00:28:57ضَ

بقاء ابي بكر وعلي بامر من الرسول صلى الله عليه وسلم. يا ترى هجرة الرسول صلى الله عليه وسلم هتكون ازاي؟ وايه رد فعل المشركين وايه هي تفاصيل الخطة البارعة اللي هيحطها الرسول صلى الله عليه وسلم وصديقه الصديق رضي الله عنه وارضاه هذا ما سنعرفه - 00:29:17ضَ

اهو ان شاء الله في الدرس القادم فستذكرون ما اقول لكم وافوض امري الى الله ان الله بصير بالعباد. وجزاكم الله خيرا كثيرا. السلام عليكم ورحمة الله وبركاته - 00:29:37ضَ