باحث

السلام عليكم ورحمة الله وبركاته اهلا بحضراتكم في المقطع رقم خمسمية وستاشر من مقاطع حظر التجول والحلقة الثانية من حلقات تدبر سورة الحجرات ارجو من حضراتكم تجيبوا المصاحف وابدأ اقرأ معي من الاية رقم تلتاشر - 00:00:00ضَ

الاية رقم تلتاشر في سورة الحجرات اعوذ بالله السميع العليم من الشيطان الرجيم يا ايها الناس انا خلقناكم من ذكر وانثى وجعلناكم شعوبا وقبائل لتعارفوا. ان اكرمكم عند الله اتقاكم ان الله عليم خبير - 00:00:37ضَ

عارفين يا جماعة مين حافز الاية دي صم اقصد يعني مين حافزها عن ظهر قلبي يعني صم غير المسلمين في الغرب ليه ؟ لان كل ما المسلمين يعملوا احتفال او ينزموا فعالية - 00:01:17ضَ

عشان يصححوا صورة الاسلام عند غير المسلمين ويثبتوا لهم ان المسلمين ناس مسالمين ومستعدين للتعايش يستخدموا الاية دي يطبعوها على بوسترز كبيرة ويعلقوها على المساجد من الخارج. ويطبعوها في كروت ويوزعوها على الناس في المترو وفي الاتوبيسات - 00:01:31ضَ

ابدأوا بها دايما احتفالاتهم وكلماتهم لدرجة ان غير المسلمين ابتدوا يقولوا لنا هو انتم ما عندكوش غير الاية دي في القرآن كله اعداء الاسلام بيجيبوا عشرات الايات بقى اللي فيها قتال وعنف - 00:01:50ضَ

هو انتم ما عندكوش غير الاية دي طبعا احنا غلطانين لاننا استخدمنا الاية تلتاشر في سورة الحجرات بطريقة في منتهى السطحية نتيجة عدم التدبر اللي قاد الى عدم فهم القرآن - 00:02:07ضَ

او نقدر نقول الى فهم منقوص للقرآن الايات اللي هنتدبرها النهاردة الاية الستة وسبعة وتمانين بكرة ان شاء الله نتدبر تسعة وعشرة وحداشر ويمكن اتناشر كمان لو قدرنا الايات من ستة لاتناشر هتفهمنا الهدف من الاية تلتاشر اصلا - 00:02:25ضَ

اللي للاسف بنستخدمها زي البغبغانات بدون فهم لمدى العمق الشديد اللي فيها اقرأ بقى معي الاية ستة وهنبدأ تدبر او ايات تدبر الليلة هنبدأ تدبر ايات الليلة. من الاية رقم ستة. اقرا معي الاية ستة - 00:02:47ضَ

يا ايها الذين امنوا ان جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين لها قراءة اخرى قراءة الاخوان قلنا الاخوان هم مين؟ حمزة والكسائي. ومعهم خلف - 00:03:05ضَ

قرأوا فتبينوا قرأوها فتثبتوا قرأوها ان جاءكم فاسق بنبأ فتثبتوا هي نفس الرسم بتاع الكلمة لكن النقاط اختلفت فتبينوا فتثبتوا طبعا اول ملحوظة في الاية هي انها بدأت يا ايها الذين امنوا دي تالت مرة ترد في السورة - 00:03:30ضَ

اول مرة في الاية واحد الادب مع الله او مع شرع الله يقرا معي الاية واحد يا ايها الذين امنوا لا تقدموا بين يدي الله ورسوله وتاني مرة الادب مع رسول الله صلى الله عليه وسلم - 00:04:00ضَ

بعدم رفع الصوت في حضوره وعدم رفع الصوت في مخاطبته وعدم النداء عليه من مسافة ورفع الصوت الاية اتنين يا ايها الذين امنوا لا ترفعوا اصواتكم فوق صوت النبي ولا تجهروا له بالقول كجهر بعضكم لبعض - 00:04:22ضَ

اقرا بقى الاية ستة تالت يا ايها الذين امنوا ان جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين ان جاءكم فاسق الفاسق هو الذي يخالف شرع الله - 00:04:53ضَ

مش بالضرورة يكون منافق يعني المنافق هو الذي لا يريد تحكيم شرع الله حتى وان التزم بشرع الله لان هو مطبق كقانون لكن ازا كان لا يريد شرع الله يبقى منافق انما الفاسق - 00:05:19ضَ

هو آآ مرتكب المعاصي الكبيرة المصر عليها يعني في هذه الاية الفاسق هو الكاذب يعني اذا جاءكم كاذب بنبأ فاسق هنا فسقه هو انه بينشر الانباء الكاذبة ينشر يكذب بيشيع الكذب - 00:05:36ضَ

تبينوا تبينوا يعني راجعوا اللي قاله هذا الشخص جه قال لك الحقوا فيه جيش جاي هيهجم على القرية من برة وعلشان نتباين نقول له لا لا لا اقف اقف اقف سانية واحدة. خد نفسك كده واشرب شوية مية وقل تاني كده انت قلت ايه - 00:05:59ضَ

تبينوا منه هو كان بيقول ايه طب قل كده نفس الكلام اللي انت قلته ده طيب سؤال بقى انت شفت الجيش بعينيك ولا انت سمعت من حد تاني؟ فالتبين من الشخص نفسه باننا نتأكد انه مش بيخرف ما كانش بيحلم ما هواش مجنون - 00:06:20ضَ

مش بينقل كلام عن شخص اخر فتثبتوا قراءة حمزة والكسائي وخلف يعني بعد ما تتبينوا منه انتم بقى اعملوا تحريات عن الكلام ده ان كان صحيح ولا لأ يا جماعة انا عاوز تلاتة - 00:06:39ضَ

يطلعوا خارج المدينة ويبصوا من فوق الجبال في جميع الجهات ويكون معهم تلسكوبات ولا نضارات معزمة وينقلوا لنا هم شافوا ده اسمه التثبت اللي هو احنا نعمل تحرياتنا بعيدا عن الشخص بقى اللي جه بالنبأ ده - 00:06:57ضَ

مسال تاني برضو ان لو واحد جه وقال لك مسلا انه آآ زوج بنتك آآ عضو في آآ عصابة بتبيع مخدرات فتبينوا يعني تستوجبوا تستجوب الشخص اللي جه قال لك الكلام ده - 00:07:16ضَ

لأ سانية واحدة آآ انت عرفت منين الكلام ده؟ ايه مصادرك؟ تتبين من الشخص ده. تتثبت يبقى انت تعمل تحرياتك بنفسك بقى عن جوز بنتك قبل ما تروح ايه تفضي الجوازة دي. تمام - 00:07:33ضَ

كمل الاية ستة فتبينوا ان تصيبوا قوما بجهالة ستصبحوا على ما فعلتم نادمين انت اذا صدقت الكلام ده كده بدون تثبت وبدون تبين يبقى انت رحت رحت بقى عملت اجتماع للاسرة وجبت مراتك وجبت بنتك وآآ وجبت ابو الولد اللي - 00:07:48ضَ

طلع عليه الاشاعة وامه وتقول لهم اتفضلوا ابنكم المحترم وحضرته عضو في عصابة بتبيع مخدرات وبيأكل بنتي حرام الواد جبت الكلام ده منين ده فلان قال لي كده يطلع ان فلان ده كان متقدم للجواز قبل الولد ده آآ من من اخت الولد واترفض مسلا. وقرر ينتقم بانه يشيع اشاعات - 00:08:11ضَ

حول اسرة البنت وحول اخو البنت ده كزب وقال كلام ما لوش اي اصل من الصحة. وحضرتك صدقت بدون دليل. واحرجت نفسك واحرجت بنتك واحرجت اسرتك. وشكلك بقى وحش اوي - 00:08:34ضَ

يبقى فتبينوا ان تصيبوا قوما بجهالة فتصبحوا على ما فعلتم نادمين. شكلك بقى وحش يبقى احسن لك تتأكد مش طول النهار تعمل شير لاخبار على الفيسبوك. ما لهاش اي اساس من الصحة - 00:08:47ضَ

هنا في عندنا اشكالية بقى في فهم الاية طب الاية بتقول اني ما صدقش الفاسق وتحقق من كلامه ان جاءكم فاسق بنبأ طب لو الخبر جاي من شخص محترم مش فاسق - 00:09:10ضَ

او شخص ما نعرفوش واحنا المفروض نحسن الظن بالناس هل نصدق الكلام بدون تبين وتثبت ايه رأيكم ان سبب نزول هذه الاية هو ان احد فضلاء الصحابة واحد من الصحابة المحترمين جدا - 00:09:27ضَ

نقل خبر غير صحيح كاد ان يشعل حربا دون قصد النبي عليه الصلاة والسلام ارسل الوليد بن عقبة بن معيط ليستلم زكاة المال بتاعة قبيلة بني المصطلق ويبدو انه تأخر في الطريق - 00:09:50ضَ

وهم كانوا عارفين ان حد جاي من طرف النبي عليه الصلاة والسلام عشان ياخد فلوس الزكاة فلما تأخر خرجوا وهم يبحثوا عنه ومعهم السلاح فرآه من بعيد ومسلحين فظن ان هم ارتدوا وخرجوا يقتلوه. فرجع جري على المدينة وقال للنبي ارادوا قتلي واستطعت ان انا اهرب - 00:10:10ضَ

النبي عليه الصلاة والسلام تبين منه الاول وسأله حد حاول يقتلك لأ بس انا يعني القي في روعي ان هم خرجوا لقتلي فلا يوجد دليل على صحة كلامه مجرد فكرة خطرت له قد تكون صح وقد تكون غلط - 00:10:32ضَ

وارسل النبي خالد بن الوليد على رأس جيش وقال له لا تهاجمهم الا بعد ان تتثبت يا خالد راح فوجد الاذان بيرفع والناس بتروح تصلي في المسجد بتاع القبيلة فرجع بالجيش وقال النبي ما فيش حاجة خالص ده الامور طبيعية جدا. يبقى الوليد ابن عقبة رضي الله عنه وارضاه - 00:10:50ضَ

قال خبر غير صحيح ممكن يوشع الحرب ده معناه ان اي خبر يأتيك طالما لا يوجد عليه دليل تعامله كأنه خبر جاي من فاسق حتى لو الشخص ده شخص محترم - 00:11:16ضَ

الخبر نفسه يبقى ما لوش اي اهمية لغاية ما تتثبت منه حتى لو كان انسان محترم ومتدين وما لوش اي علاقة بالفسق خالص. كل خبر ياتيك اعتبره كزب الى ان تتبين صدق هذا الخبر - 00:11:30ضَ

هو احنا ليه بنحتاج على العقد اتنين شهود يعني لو عقد بيع او قرض حسن او اي حاجة ووقع عليه سيدنا ابو بكر الصديق شاهد لا يكفي لازم شاهد تاني. ده ابو بكر الصديق برضو مش كفاية. لازم فردين. لان الانسان ممكن يخطئ ممكن ينسى. ممكن يخيل اليه - 00:11:48ضَ

ليه في اثبات جريمة الزنا؟ عايزين اربع شهود لانها جريمة وعليها عقوبة شديدة جدا. وطالما العواقب زادت يبقى التثبت والتأكد لازم يزيد يبقى لو ابو بكر وعمر بن الخطاب وعلي بن ابي طالب شهدوا على شخص انهم شافوه بيزني لا تؤخذ شهادتهم - 00:12:09ضَ

لازم رابع. رابع لمين؟ دا دا ابو بكر وعمر وعلي. برضه ما ينفعش هل معنى كده ان احنا لا نثق يعني في ابو بكر او عمر او علي؟ لأ طبعا - 00:12:32ضَ

لكن دي قوانين اجرائية اجراءات الاسلام وضعها لضبط المجتمع. النهاردة دي بتسمى في امريكا وفي يعني لو الاجراءات غلط الموضوع كله مهدوم لو مش موجودة الاجراءات الصحيحة المجتمع يبقى فوضى - 00:12:42ضَ

وتشوه سمعة الابرياء لذلك معظم الفقهاء لا يأخذوا بشهادة المجهول ما ينفعش واحد مجهول الحال واحد ما حدش يعرفه اه ان احنا ناخد شهادة ما ينفعش تقبل شهادته. لو واحد مجهول الحال - 00:13:06ضَ

مع ان حسن الظن واجب لكن مش معنى حسن الظن اننا يبقى عندنا السذاجة بنضيع سمعة الناس الاية سبعة واعلموا ان فيكم رسول الله لو يطيعكم في كثير من الامر لعنتم ولكن الله حبب اليكم الايمان وزينه في قلوبكم - 00:13:32ضَ

وكره اليكم الكفر والفسوق والعصيان اولئك هم الراشدون فضلا من الله ونعمة. والله عليم حكيم الحديث للصحابة واعلموا ان فيكم رسول الله. لو يطيعكم في كثير من الامر لعنتم. اعرفوا ان اللي معكم ده رسول الله - 00:13:55ضَ

لذلك هو موفق من الله. مؤيد من الله ممكن كلكم تبقوا على رأي وهو على رأي اخر ويبقى انتم اللي غلط ولو سمع كلامكم وغير رأيه في بعض الاشياء ممكن انتم اللي تتعبوا لعنتم اقرب مثال الحديبية - 00:14:20ضَ

كل الصحابة تقريبا كانوا شايفين ان صروح شروط الصلح مهينة جدا مذلة جدا وتعتبر نصر لقريش على الاسلام النبي عليه الصلاة والسلام ثبت على موقفه ولم يطيعهم ولو كان اطاعهم - 00:14:38ضَ

طبقا للاية خمسة وعشرين في سورة الفتح كانوا هيقتلوا اخوانهم المسلمين الموجودين في مكة. وهم مش عارفين ان هم مسلمين. اقرا معي الاية خمسة وعشرين في سورة الفتح ولولا رجال مؤمنون ونساء مؤمنات لم تعلموهم ان تطأوهم فتصيبكم منهم معرة بغير - 00:14:52ضَ

يعني يعني ما كانش هتفتح خيبر. وكنتم هتموتوا ناس. حاجات كتيرة اوي. ما هو خيبر اصلا من اهم عوامل فتح خيبر هو تحييد القبائل العربية عن القتال ضد المسلمين آآ في صلح الحديبية - 00:15:16ضَ

ازا خير كتير اوي كان هيروح لو كان النبي سمع كلامكم اقرا بقى كده كمل الاية سبعة خلينا نقراها من الاول الاول واعلموا ان فيكم رسول الله لو يطيعكم في كثير من الامر لعنتم - 00:15:32ضَ

ولكن الله حبب اليكم الايمان وزينه في قلوبكم. وكره اليكم الكفر والفسوق العصيان اولئك هم الراشدون يعني ايه بقى ده كلام خطير جدا انتم فاكرينه كلام روحاني وخلاص دي فلسفة خطيرة جدا - 00:15:54ضَ

خلينا في الحديبية دلوقتي حط نفسك مكان صحابي من الصحابة الغاضبين الغير راضين عن شروط صلح الحديبية. حط نفسك مكانه والنبي امركم كلكم بالحلق والذبح والتحلل من الاحرام وانتم ما شفتوش مكة ولا شفتم الكعبة. فما حدش فيكم قام ونفذ كلام النبي عليه الصلاة والسلام - 00:16:21ضَ

وكل واحد قاعد منتظر يشوف اللي حواليه هيعملوا ايه الاول فالنبي دخل خيمته غاضبا على ام سلمة انت ما تعرفش هي قالت له ايه جوة طبعا احنا عارفين دلوقتي ان هي نصحته يخرج ويدبح ويحلق من سكات وهم هيقلدوه - 00:16:47ضَ

وبعد كده انت فوجئت بالنبي خارج من الخيمة بيحلق وبيدبح بعير ايه اللي يخليك تتحرك وتنفز امر النبي دلوقتي ايه اللي حرك الصحابة وخلاهم يطيعوا طب ما هو امرهم قبل كده ولم يطيعوه لم يعصوا لكن لم يطيعوا. قعدوا بيتفرجوا ويبصوا له ويقولوا - 00:17:06ضَ

احلقوا ما حدش بقى محن طب هم ترددوا تباطؤوا سوري كادوا يكفروا. ما هو قال هلك القوم ايه اللي خلاهم يطيعوا؟ الناس كانت على وشك الكفر والفسوق والعصيان ايه اللي حصل - 00:17:28ضَ

اللي حصل ان ربنا حبب اليهم الايمان اكتر من الكفر وزين الايمان في قلبه في قلوبهم فرأوا الايمان اجمل واحلى من الكفر والفسوق والعصيان حتى لو صعب كمل الاية سبعة - 00:17:50ضَ

ولكن الله حبب اليكم الايمان وزينه في قلوبكم وكره اليكم الكفر والفسوق والعصيان هو ده بقى التدبر انك تحط نفسك في الاية وتشوف الاية بتتعامل مع مشاعرك ازاي انت النهاردة في الفين واحد وعشرين - 00:18:08ضَ

كل يوم بيبقى قدامك اختيارين. اما الايمان او الكفر او لو مش الكفر الفسوق يعني الاصرار على المعاصي الكبيرة او لو مش العصيان يعني الواحد يختار المعاصي وهو عارف انها محرمة - 00:18:30ضَ

كل يوم انت في هذا الموقف ويجب عليك الاختيار ايه اللي بيحصل ليه بتتمسك بالايمان؟ لان ربنا بيحببه الى قلبك قال النبي صلى الله عليه وسلم ثلاث من كن فيه ذاق حلاوة الايمان - 00:18:47ضَ

من كان الله ورسوله احب اليه مما سواهما ومن كان يحب المرء لا يحبه الا لله ومن كان يكره ان يرجع الى الكفر بعد اذ انقذه الله منه كما يكره ان يلقى في النار. شفت اخر واحدة دي - 00:19:08ضَ

من كان يكره ان يرجع الى الكفر بعد اذ انقذه الله منه كما يكره ان يلقى في النار واحد بيكره الكفر وكأنه بيكره النار اللي بتحرق الناس كرهك الكفر وحبك للايمان ده ربنا هو اللي حطه في قلبك - 00:19:29ضَ

طب ليه انا قلت الكلام ده كلام خطير؟ ان ده معناه ان الايمان منحة من الله اقرا الاية تمانية تاني. كمل بقى الاية تمانية فضلا من الله ونعمة والله عليم حكيم. الله! ازاي يبقى الايمان نعمة وفضل من الله ويحاسبنا عليه - 00:19:49ضَ

ما هو ربنا بيديه لي هدية طب لو ربنا ما ادهوش لواحد هدية هيحاسبه ازاي يبقى الانسان طبقا لظاهر الكلام يبقى الانسان ما لوش دور بقى في انه يكون مؤمن او كافر - 00:20:09ضَ

لأ طبعا له دور عارف الكلمة اللي بتحل المعضلة دي كلها ايه هديكم تلاتين سانية تستخرجوا لي الكلمة اللي بتقول ان الانسان عليه دور في وجود الايمان في قلبه في الاية سبعة وتمانين - 00:20:24ضَ

يلا خدوا تلاتين سانية واكتبوا لي في التعليقات. ايه هي الكلمة اللي في الاية سبعة او تمانية اللي بتقول ان الانسان عليه دور عشرين سانية بي اس رايمللي كريم غالي - 00:20:45ضَ

ماشي علاء الدين. طب بصوا يا جماعة برافو عليكم ما شاء الله عليكم واعلموا ان فيكم رسول الله بصوا معي في الاية. لو يطيعكم في كثير من الامر لعنتم ولكن الله - 00:21:16ضَ

حبب اليكم الايمان وزينه في قلوبكم وكره اليكم الكفر والفسوق والعصيان اولئك هم الراشدون شفت بقى برافو عليكم اولئك هم الراشدون العاقلون الناضجون الناصحون الاذكياء اللي بيعملوا عقلهم فيبحثوا عن الايمان. يبقى احفظ بقى الايمان منحة من الله - 00:21:29ضَ

فضل من الله يعطيه لكل من يبحث عنه بصدق تمام كده حضراتكم تصبحوا على خير اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب - 00:22:03ضَ

وما زويت عنا مما نحب فاجعله فراغا لنا فيما تحب اللهم اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين - 00:22:28ضَ

واجعلنا ممن يحبك ويحب ملائكتك وانبيائك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل في اجسادنا اللهم اجعل حبنا كله لك - 00:22:51ضَ

وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا - 00:23:13ضَ

اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون وبحق كل حرف في كتابك تلوناه او تدبرناه. اكفنا واهلينا واخواننا شر كل من يكيد لنا ولهم. واحفظنا واياهم من شرورهم - 00:23:35ضَ

ونجعلك اللهم في نحورهم وانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وكن مع اخواننا في - 00:23:53ضَ

وانصرهم وانصر من نصرهم. واخذل كل من خذلهم وطهر المسجد الاقصى من الدنس فانهم لا يعجزونك اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا - 00:24:10ضَ

مريضا به او حاملا له فالبسه ثوب الصحة والعافية عاجلا غير اجل ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك - 00:24:29ضَ

توحدت على دعوتك وتعاهدت على نصرة شريعتك فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان بك وجميلك التوكلي عليك واحييها يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير - 00:24:54ضَ

السلام عليكم ورحمة الله وبركاته. ونراكم غدا باذن الله في نفس هذا الموعد ان كنا من اهل الدنيا - 00:25:19ضَ