باحث

السلام عليكم ورحمة الله وبركاته. اهلا بحضراتكم في المقطع رقم ستمية خمسة واربعين من مقاطع حظر التجول والحلقة الاولى والاخيرة باذن الله. بس تكون حلقة طويلة شوية اللي هي حلقة تدبر سورة البينة - 00:00:01ضَ

ارجو من حضراتكم تجيبوا المصاحف سورة البينة مختلف في كونها مكية او مدنية لكن الجمهور على انها سورة مدنية بل نزلت آآ يعني قريبا من النصف منتصف الفترة المدنية. عارفين الفترة المدنية كانت عشر سنوات. دي تقريبا في السنة الرابعة - 00:00:27ضَ

اه بعد الهجرة في ترتيب النزول هي ما بين ممكن تبقى الصورة تمانية وتسعين او تسعة وتسعين او مية في ترتيب المصحف هي تمانية وتسعين يعني برضو سبحان الله في ترتيب نزولها وترتيبها في المصحف العثماني تقريبا قريب من بعضه او واحد - 00:00:52ضَ

اسمائها كتير اسماء سورة البينة وهو الاسم المشهور والمستخدم في المصاحف وسورة لم يكن الذين كفروا. وهو ده الاسم الوارد في السنة اللي قاله النبي صلى الله عليه وسلم عن انس ابن مالك رضي الله عنه ان النبي صلى الله عليه وسلم قال لابي بن كعب رضي الله عنه ان الله امرني ان اقرأ - 00:01:11ضَ

اعليك لم يكن الذين كفروا فقال ابي وسماني لك. يعني ربنا قال اسمي قال نعم فبكى بكى ابي في يدي خلينا نقفل الايه البخاري وابن كثير والسيوطي سموها سورة لم يكن. من باب الاختصار - 00:01:36ضَ

وسميت ايضا سورة البرية وسورة اهل الكتاب وسورة الانفكاك وسورة المنفكين كل دي اسماء اطلقوها عليها اهل العلم وفي كتب التفسير وكده طيب تعالوا نقرأ السورة مع بعض اعوذ بالله السميع العليم من الشيطان الرجيم. هي طبعا الصورة تمن ايات - 00:01:59ضَ

بسم الله الرحمن الرحيم لم يكن الذين كفروا من اهل الكتاب والمشركين منفكين حتى تأتيهم البينة رسول من الله يتلو صحفا مطهرة فيها كتب قيمة وما تفرق الذين اوتوا الكتاب الا من بعد ما جاءتهم البينة - 00:02:22ضَ

وما امروا الا ليعبدوا الله مخلصين له الدين حنفاء ويقيموا الصلاة ويؤتوا الزكاة وذلك دين القيمة ان الذين كفروا من اهل الكتاب والمشركين في نار جهنم في نار جهنم خالدين فيها. اولئك هم شر البرية - 00:02:57ضَ

ان الذين امنوا وعملوا الصالحات اولئك هم خير البرية جزاؤهم عند ربهم جنات عدن تجري من تحتها الانهار. خالدين فيها ابدا. رضي الله عنهم ورضوا عنه ذلك لمن خشي ربه - 00:03:26ضَ

اول اربع ايات قال عنهم المفسرون انهم مشكلة يعني اشكلوا عليهم قالوا هم من اصعب ايات القرآن تفسيرا واعرابا ونظمن وصلوا فيهم لحوالي عشرين تفسير مش هنقول عشرين تفسير حاجة. انا هقول تفسير واحد يعني. لكن - 00:03:51ضَ

دي فرصة اللي عاوز يتعلم كده حتة كده من في علوم التفسير هتكون فرصة النهاردة ان انا حتة لطيفة اوي وهي هل في كتاب الله يوجد تناقض بين الايات يعني ممكن يكون في ايتين متناقضتين في المعنى - 00:04:27ضَ

طبعا لأ امر غير وارد ولا وضد عقيدة الاسلام. لا يمكن تبقى مسلم وتؤمن ان فيه ايات متناقضة فدي اول حاجة لازم تفهمها. ربنا قال في سورة النساء افلا يتدبرون القرآن - 00:04:48ضَ

ولو كان من عند غير الله لوجدوا فيه اختلافا كثيرا الاية افلا يتدبرون القرآن ولو كان من عند غير الله لوجدوا فيه اختلافا كثيرا. ده مش معناه ان القرآن فيه اختلاف قليل. لا معناه ان القرآن ليس - 00:05:06ضَ

في اي اختلاف اطلاقا ولكن لو كان من عند غير الله كتاب بالحجم ده وبيشمل كل الموضوعات دي كان هيبقى فيه كم من اخطاء كمن الاختلافات كم من التناقضات كتير - 00:05:29ضَ

لكن هناك ايات في ظاهرها لفزها الالفاز بتاعتها ممكن توهم الانسان او تصور للانسان ان هناك تناقضات او اختلافات بينها هنا بنعمل حاجة اسمها الجمع بينما يوهم ظاهره التناقض لازم نجمع بين الايات اللي شكلها انها متناقضة لكن هي ما فيش حاجة اسمها ايتين متناقضتين. هنا الاية واحد والاية اربعة في ظاهرهم - 00:05:45ضَ

متناقضتين اقرأ كده معي الاية واحد لم يكن الذين كفروا من اهل الكتاب والمشركين منفكين حتى تأتيهم البينة الاية قسمت الكفار الى نوعين اللي كفروا من اهل الكتاب يهود ونصارى - 00:06:21ضَ

والمشركين يعني اللي بيعبدوا الاصنام والاديان التانية وقالت انهم مش هينفكوا يعني مش هيتركوا الكفر مش مش هينفكوا عن مناهجهم الا لما تأتيهم البينة حاجة توضح لهم وتبين لهم ايه هي البينة بقى دي ؟ اللي هتوضح لهم - 00:06:46ضَ

اقرأ اتنين وتلاتة رسول من الله يتلو صحفا مطهرة فيها كتب قيمة يعني رسول ومعه كتاب دي البينة الكفار سواء من اهل الكتاب مسيحيين ويهود او المشركين مش هينفكوا عن الكفر الا لما يجي لهم - 00:07:10ضَ

اصول وكتاب لما يبقى عندهم رسول يتلو يعني يتلو يعني يقرأ صحفا صحف يعني اوراق. يعني حاجة يعني شكل كتاب كده. ماشي؟ وده على فكرة من الدلالات ان القرآن هيبقى في شكل كتاب. لحد دلوقتي ما كانش كتاب - 00:07:35ضَ

هذه الصحف صحفا مطهرة يعني ربنا طهرها يعني ما يقرأه الرسول عليهم لازم يكون مطهر يعني مش ملعوب فيه ربنا حفظه وطهره من ان يمس اي احد ويغير في كلامه - 00:07:57ضَ

في الصحف المطهرة دي هيكون فيه كتب قيمة ايه بقى الكتب القيمة؟ كتب قيمة يعني مستقيمة كلمة قيمة يعني مش ما فيش فيها اعوجاج. ما فيش لف ودوران. اقرا كده في سورة الكهف اول تلات ايات. ربنا بيقول - 00:08:15ضَ

الحمد لله الذي انزل على عبده الكتاب ولم يجعل له عوجا قيمة يعني ما لوش عوج قيم ما فيش فيه عوج وهو ده القرآن. القرآن يحتوي على كتب مش محرفة - 00:08:36ضَ

يحتوي على محتوى الكتب الاخرى زي التوراة والانجيل وغيرهم من من كتب ربنا. بس بالعقيدة الصحيحة وبدون تحريف لغاية كده كله تمام وواضح في اول تلات ايات. الكفار مش هيتركوا الكفر الا بمجيء بينة. والبينة ديت تكون رسول من الله بيتلوا عليهم كتاب - 00:08:57ضَ

بيحتوي على العقائد اللي في الكتب الاخرى بتاعتهم هم كمان وتكون مش ملعوب فيها وتكون واضحة وقيمة وما فيش فيها اعوجاج. كده حلو اقرا بقى اربعة وشوف المشكلة وما تفرق الذين اوتوا الكتاب الا من بعد ما جاءتهم البينة - 00:09:20ضَ

بس النبي لما جه زي ما اول تلات ايات قالوا بالكتاب اهل الكتاب لم ينفكوا عن الشرك بل تفرقوا اكتر فالايات زاهرها متناقض. ازاي ان الايات الاولى بتقول انهم مش هيتركوا الشرك الا لما يجي لهم نبي ومعه كتاب يقراه لهم؟ والاية الرابعة تقول - 00:09:41ضَ

وهم ما ما تفرقوش الا من بعد ما جه الكتاب الا من بعد ما جه البينة زاهر الايات انها متناقضة لازم نجمع بينها طالما كلام ربنا لا يمكن يكون فيه تناقض حقيقي يبقى المشكلة مش في كلام ربنا المشكلة في فهمنا احنا للايات مش صحيح. ما تفهمش كده - 00:10:01ضَ

اياد يبقى نفكر في المعنى هناك تفاسير كثيرة اتحطت جمعت بين الايات الاربعة الاولى دي بس انا هجيب لكم مثال واحد بس وهو اكثر مثال مقنع فيها كلها انا لما اقول الطلاب دول مش هينجحوا الا لو جا لهم مدرس كويس - 00:10:29ضَ

وبعدين يجي لهم مدرس كويس ما يسمعوش كلامه وما يزاكروش وتطلع النتيجة انهم سقطوا هل انا قلت حاجة غلط؟ لا ما قلتش حاجة غلط انا ما باقولش حاجة غلط بس هم في اللي عليهم هم ما عملوهوش - 00:10:50ضَ

فعلا لو جه مدرس كويس ده ده يخليهم ينجحوا لكن ما هو لازم هم ياخدوا من المدرس ويتقبلوا من المدرس. فبالتأكيد وقع ان انا اقصد انهم مش هينجحوا الا لما يسمعوا كلام المدرس الكويس - 00:11:06ضَ

بقى معقول ربنا يقول انهم لن ينفكوا عن الكفر الا لما يجي لهم البينة. والبينة يكون رسول ومعه كتاب. وربنا يقصد ان مجرد ان الرسول يأتي معه كتاب هينفكوا عن الكفر حتى لو عصوا الرسول؟ طبعا لأ - 00:11:22ضَ

يبقى كلامي الاولاني صح. ولا يتعارض مع انهم سقطوا. لما جه المدرس ما سمعوش كلامه. اقرا بقى الاية واحد كده معي لم يكن الذين كفروا من اهل الكتاب والمشركين منفكين حتى تأتيهم البينة - 00:11:36ضَ

يعني هو ده اللي المفروض يحصل وبعدين جت البينة اللي هي ايه ؟ الرسول ومعه القرآن الكريم وبعدين ايه وما تفرق الذين اوتوا الكتاب الا من بعد ما جاءته من بينة. لكن اهل الكتاب ما تفرقوش الا لما جه الرسول - 00:11:55ضَ

صلى الله عليه وسلم ركز في دي. ما تفرقوش الا لما جه يعني ايه ما هو قال الكتاب اصلا متفرقين فرق. كثيرة من قبل بعثة النبي عليه الصلاة والسلام قرص وكاتوليك ومليون فرقة ودا مسيحيين وعندك اليهود والرسول صلى الله عليه وسلم قال ان النصارى متفرقين الى - 00:12:14ضَ

آآ حاجة وسبعين فرقة واليهود حاجة وسبعين فرقة. طب ليه ربنا قال وما تفرق الذين اوتوا الكتاب الا من بعد ما جاءتهم البينة اللي هو النبي سيدنا محمد لان هم كانوا متفرقين اه لكن في النهاية كلهم كانوا على الكفر - 00:12:37ضَ

انما بعد تفرقوا حول البينة البعض امن بالبينة. والبعض كفر بالبينة. البينة قلنا هي النبي والقرآن. مع بعض اسمائهم البينة. فهم بعض هم حول موضوع البينة حول البينة تمام؟ طيب. الا من بعد ما جاءتهم البينة - 00:12:55ضَ

سؤال بقى في الاية اربعة مع ان الاية واحد اتكلمت عن نوعين من الكفار الاية واحد بتقول ايه لم يكن الذين كفروا من اهل الكتاب والمشركين. نوعين من الكفار. منفكين حتى تأتيهم البينة - 00:13:18ضَ

كلام عن اليهود والنصارى اللي هم كفار بس اهل الكتاب. والمشركين اللي بيعبدوا الاصنام. او بيعبدوا النار زي المجوس ليه الاية اربعة اتكلمت عن تفرق اهل الكتاب فقط؟ ما جابتش سيرة المشركين ليه ؟ - 00:13:40ضَ

بص يا رب اهي وما تفرق الذين اوتوا الكتاب الا من بعد ما جاءته من بينه. طب ما المشركين نفس الكلام. ما المشركين منهم اللي امن ومنهم اللي كفر لان ده شيء طبيعي ومتوقع من المشركين الجهلة اللي بيعبدوا اصنام. يعني هو الغريب ان حد من اللي بيعبد اصنام - 00:13:54ضَ

يؤمن مش العكس لكن اهل الكتاب مهما كان برضه صحيح هم يعتبروا من الكافرين ولكن عندهم علم اكتر من الوثنيين. ورافضين الوثنية ورافضين عبادة الاصنام. المفروض ان هم كانوا يوصلوا للصح وللحقيقة اولى منهم ان هم يوصلوا اكتر من المشركين - 00:14:16ضَ

فهنا العتاب جاي عليهم هم اكتر خلاص نقرا كده اول اربع ايات علشان ناخد الاية خمسة بقى بعدهم لم يكن الذين كفروا من اهل الكتاب والمشركين منفكين حتى تأتيهم البينة - 00:14:41ضَ

رسول من الله يتلو صحفا مطهرة فيها كتب قيمة. دي البينة. وما تفرق الذين اوتوا الكتاب الا من بعد ما جاءتهم اقرا بقى خمسة معي وما امروا الا ليعبدوا الله مخلصين له الدين حنفاء - 00:14:57ضَ

ويقيموا الصلاة ويؤتوا الزكاة. وذلك دين القيمة اهل الكتاب دول لسه الكلام عنهم برضو الناس اللي هي رفضت الايمان دي رفضت ليه وما امروا ده ما اتأمروش الا ان هم ليعبدوا الله مخلصين له الدين - 00:15:17ضَ

يعني هم لم يؤمروا بعبادة اله جديد يهود او نصارى بيعبدوا الله المفروض ده شيء وبعدين هم امروا بايه غريب؟ هم بيأمروا بالعبادة وهم اصلا مأمورين بالعبادة؟ في اديانهم اصلا - 00:15:39ضَ

والعبادة شيء طبيعي انك لابد انك تعبد الاله. يعني ايه العبادة؟ فيه ناس بقى هنا يقول لك ايه ؟ هو آآ ربنا محتاج عبادتنا ايه الاله اللي محتاج عبادتنا؟ مين اللي راكب محتاج عبادتنا؟ انت اللي محتاج العبادة - 00:15:53ضَ

خلي بالك يعني ايه عبادة العبادة هي مزيج من الحب والطاعة والشكر مع بعض انت ممكن تحب انسان بس مش بتعبده لان راسك براسه زيك زيه مش بتطيعه ولا بتشكروا على حاجة. وممكن تطيع انسان بس مش بتحبه. بتطيعه ان هو مديرك في الشركة وغصب عنك هتطيعه. لكن انت مش طايقه. وممكن - 00:16:07ضَ

تشكر انسان على خدمة او فضل تفضل به عليك. لكن برضه مش بتطيعه. ومش بالضرورة يعني العبادة بقى مزيج من التلاتة مع بعض اطعت وشكرت واحببت الانسان كده بيحب الهه وبيطيع الهه وبيشكر اله على - 00:16:35ضَ

مع الاحساس بالعبودية لله سواء مسلم بيعبد الاله الواحد الحق سبحانه وتعالى او كافر بيعبد اله الزائف بتبقى هي دي مشاعره ناحية الهه الحب والشكر والطاعة يعني البوزيين مسلا بيعبدوا بوزة - 00:16:55ضَ

يشعر ناحيته بحب بيطيعوا تعاليمه الموجودة في كتابه بيشكروه وان كان بوزة مش اله يعني بس هو معبود بيعبدوه بس الدقة يعني. على فكرة البوذية ديانة الحادية ليس فيها اله لكن فيها عبادة - 00:17:20ضَ

وعلى فكرة الاسلام من الاديان القليلة. اللي بيعبد فيها الاله. اديان كثيرة جدا يعبد فيها اللي مش اله. مش عايز اللغبطكم دلوقتي. طيب هم يعني لم يؤمروا بحاجة لم يؤمروا ان هم يرموا نفسهم فوق الجبال يعني. اؤمروا بحاجة طبيعية وما امروا الا ليعبدوا الله. مخلصين له الدين - 00:17:40ضَ

يعني بدون شرك حنفاء. يعني ايه حنفاء؟ الحنيف هو الذي ينحرف عن دين قومه الباطل يعني بينحرف عن الباطل يبقى بيصحح طريقه لما يكون معظم الناس على الباطل بيصبح اللي ماشي في الطريق الصحيح شكله انه منحرف - 00:17:59ضَ

انه متطرف انه ضايع انه ربنا يهديه يقعدوا يقولوا كده عليه. ماشي فينظر له على انه خارج عن المجتمع. بس هو في الحقيقة هو اللي على الطريق الصحيح اصلا الحنيفية - 00:18:28ضَ

هي الانحراف عن الباطل خلي بالك الكلام ما زال عن الذين اوتوا الكتاب اللي ذكروا في الاية اربعة تعجب من موقفهم في رفض الاسلام الذي لم يأتي بجديد او غريب بالنسبة لهم المفروض. يعني المفروض هم كانوا كلهم يؤمنوا اصلا - 00:18:48ضَ

لكن قلة منهم اللي امنت ومعزم اللي امنوا كانوا من المشركين وما امروا الا ليعبدوا الله. وهم المفروض ان هم بيعبدوا الله. مخلصين له الدين. يعني منهيين في كتبهم اصلا سواء التوراة او الانجيل عن الشرك - 00:19:08ضَ

فايه الغريب يعني؟ حنفاء يعني على ملة ابراهيم اللي كتبهم مليانة بالحديث عنه وتعظيمه وتبجيله ويقيموا الصلاة ويؤتوا الزكاة اساس تعاليم اليهود والنصارى وعبادتهم مأمورين فيها بالصلاة وبالزكاة وذلك دين القيمة. وهو ده الدين السليم المستقيم - 00:19:23ضَ

ايه بقى؟ ليه كفروا به مع انه بيصحح مسارهم وبيرجعهم للخط الاصلي اللي المفروض يكونوا ماشيين عليه ايضا الاية فيها اشارة لخطورة تفرق المؤمنين الاية اربعة وما تفرق الذين اوتوا الكتاب الا من بعد ما جاءتهم البينة - 00:19:51ضَ

انتم مؤمنين ليه تتفرقوا المسلمين بقى احنا في حالتنا ربنا بيقول لنا واطيعوا الله ورسوله ولا تنازعوا فتفشلوا وتذهب في حكم واصبروا ان الله مع الصابرين. سبحان الله! الدكتورة كائنات النهاردة من فلسطين - 00:20:24ضَ

لفتت نزري لمسألة ترتيب صورة البينة بعد سورة القدر اللي انا تعمدت اني افوت حتة فيها لانها كانت هتبقى خارجة عن سياق الكلام في سورة القدر. وكنت عارف ان احنا هنرجع لها تاني - 00:20:44ضَ

فيه باب من ابواب البخاري صحيح البخاري اسمه باب رفع معرفة ليلة القدر لتلاحي الناس يعني لما الناس اتخانقت ربنا رفع اخبار الصحابة بموعدها النبي عليه الصلاة والسلام كان خارج - 00:21:01ضَ

يقول للناس في رمضان من رمضان من من شهور رمضان ليلة القدر السنة دي يوم كزا فاتنين اتخانقوا مع بعض رفعت شف الحديد بيقول حاطط لكم الحديس اهو خرج النبي صلى الله عليه وسلم ليخبرنا بليلة القدر - 00:21:22ضَ

فتلاحى رجلان من المسلمين يعني اتخانقوا مع بعض او شتموا بعض وقال خرجت لاخبركم بليلة القدر تتلاحى فلان وفلان فرفعت وعسى ان يكون خيرا لكم التمسوها في التاسعة والسابعة والخامسة - 00:21:44ضَ

يعني عشان اتنين من المسلمين اتخانقوا مع بعض ربنا لم يعلم المجتمع كله متى ليلة القدر امال اختلافاتنا وزلمنا لبعضنا هيسبب لنا ايه لما يبقى طلبة العلم والشيوخ والناس اللي المفروض تكون بتأمر بالمعروف وتنهى عن المنكر. بيتخانقوا مع بعض ويحاولوا افشال بعض - 00:22:11ضَ

بيقولوا للناس ما يسمعوش بعض اللي بيشرحوا كلام الناس اللي بتسمع بتشرح كلام ربنا يتقال للناس ابعدوا عنه ما تسمعوا متوقعين ايه هذا الدين هو البينة القرآن والسنة قرآن كتاب - 00:22:35ضَ

صحفا فيها كتب قيمة ها النبي الرسول ازا القرآن والسنة ما هو الرسول انت مات لكن السنة موجودة. لا يجب ان هم يستخدموا في تفريق الناس المهم انا يهمني ما تعتمدوش على الحديث ده - 00:22:52ضَ

في تحديد ليلة القدر حد منكم يقول ايه؟ اه بس خلاص يبقى هي يا ليلة خمسة وعشرين يا سبعة وعشرين يا تسعة وعشرين. يبقى اكيد مش تلاتة وعشرين واكيد مش واحد وعشرين. لأ خلي بالك ممكن - 00:23:09ضَ

يكون ليلة القدر ممكن تكون متغيرة كل سنة. غير اللي قبلها ده رأي ايضا وارد عشان تبقى عارف. بل ورد حديث في ليلة الواحد وعشرين كمان عشان تبقى عارف. فما تعتمدوش على الموضوع ده قوي - 00:23:21ضَ

وربما بصراحة هو ده السبب اللي خلاني افوت الحتة دي امبارح انا كنت عايز اوصل لكم امبارح ان العمل في ليلة القدر والعبادة في ليلة القدر تبقى دافع للانسان ولازم الانسان يتحراه في العشر الاواخر كلها - 00:23:33ضَ

اقرا معي الاية ستة وسبعة ان الذين كفروا من اهل الكتاب والمشركين في نار جهنم خالدين فيها. اولئك هم شر البرية ان الذين امنوا وعملوا الصالحات اولئك هم خير البرية - 00:23:46ضَ

الذين كفروا يعني اخبر وانذر ومع ذلك كفروا برسالة القرآن وبالنبي صلى الله عليه وسلم سواء بقى من اليهود والنصارى يعني من المشركين يا عم اسف من اهل الكتاب او من المشركين اللي بيعبدوا اصنام او الاديان الاخرى - 00:24:12ضَ

دول فين ؟ في نار جهنم ان الذين كفروا من اهل الكتاب والمشركين في نار جهنم ما قالش سيكونون في نار جهنم لا لا لا خلاص محكوم على هم في نار جهنم خلاص - 00:24:37ضَ

زي بالزبط الايات اللي بتتكلم عن الاخرة بصيغة الماضي دي بتتكلم عليه بصيغة المضارع ان هم يدلوا وقتي في نار جهنم ازاي محكوم عليهم خلاص هم ما دام هيموتوا على كده اللي هيموت على كده هو في نار جهنم خالدين فيها - 00:24:53ضَ

اولئك هم شر البرية البرية يعني المخلوقات من برأ البارئ. الله اسمه البارئ البريئة وبتسهيل الهمزة تبقى البرية. يعني المخلوقات وبنقراها في رواية ورش البريئة. وفي قانون البريئة وابن ذكوان عن ابن عامر البريئة. ففي - 00:25:16ضَ

قراءات البريئة البرية يعني المخلوقات كلها شر المخلوقات يعني اقل يعني اسوء من الانعام من البهائم؟ اه تصور بقى ليه الانعام ما عندهاش عقل بالتالي مش بتتحاسب يعني لما اسد يقتل غزال - 00:25:38ضَ

وياكلوا مش بنقول الاسد ارتكب جريمة القتل. لأ خالص لما قرد يخطف موزة من ايد طفل. ما بنقولش القرد ارتكب جريمة السرقة. لأ. ليه ؟ لانهم غير مكلفين ما عندهمش عقل يحكمهم. عقل يعقلهم يشدهم يوقفهم عند حدهم. بالتالي اللي يرتكب القتل والسرقة مثلا - 00:26:03ضَ

من البني ادمين وهو يعلم ويفهم ويعقل خطورة اللي عمله وتم انذاره هو اسوأ من القرد واسوأ من الاسد. بس ولما ربنا يرسل رسول ومعه كتاب يوضح. هم حتى تأتيهم البينة - 00:26:28ضَ

رسول من الله يتلو صحفا مطهرة فيها كتب قيمة يبقى خلاص قامت عليهم الحجة لما بعد كل ده يصر على الكفر وعلى التكذيب يبقى اسوأ المخلوقات كلها قال في الاية اتنين وسبعين وكذلك ذرأنا لجهنم - 00:26:50ضَ

آآ كثيرا من الجن والانس لهم قلوب لا يفقهون بها ولهم اعين لا يبصرون بها ولهم اذان لا يسمعون بها طيب سؤال بقى هل هذه اهانة يعني هل ربنا بيهين الانسان - 00:27:14ضَ

زي ما هو ممكن يكون شر البرية ربنا ايضا قال انه ممكن الانسان يكون خير البرية. المسألة مش مسألة اهانة للانسان لأ خالص. ربنا لا يهين الانسان. بس هو الانسان اللي بيهين نفسه - 00:27:34ضَ

نسمع الاية سبعة ان الذين امنوا وعملوا الصالحات اولئك هم خير البرية. افضل المخلوقات كلها وهناك علماء قالوا الكلام واضح هذا يشمل حتى الملائكة. الملائكة من البرية يعني ازا الانسان ممكن يبقى احط من الحيوانات. وممكن يبقى اعلى من الملائكة - 00:27:50ضَ

ليه قلنا هو لما يكفر ويظلم بيبقى احط من الحيوانات لان الحيوانات ليس لديها عقل يعقلها يعني يفرملها عن الخطأ اما الملائكة فالملائكة لا يعصون الله ما امرهم ويفعلون ما يؤمرون - 00:28:19ضَ

صحيح لكن خلي بالك ما عندهمش شهوات ما عندهمش شهوات تجعل ايمانهم يقل زي الانسان عنده شهوات بتشده لتحت بتشده للارض. بتشده للطين. الاصل الطيني بتاعه وروحه بتقاومه وبتحاول تسمو به للسماء - 00:28:42ضَ

الملائكة ما عندهمش الشهوات اللي بتشدهم لتحت فما عندهمش الصراع بين الحق والباطل والصح والغلط. ما عندهمش الكلام ده. مش مخيرين اصلا فلما الانسان اللي عنده شهوات واهواء يسيطر عليها ويؤمن بالله ويعمل الصالحات يبقى احسن من الملائكة - 00:29:03ضَ

وفي علماء قالوا بس يا جماعة نستثني الملائكة الكبار زي جبريل واسرافيل احتراما لهم ما هياش خلاص ماشي مش مشكلة. ما فيش دليل على كده لكن الكلام عام لكن حد عاوز ينافس يعني سيدنا جبريل يعني خلاص مش مشكلة لكن الكلام واضح ان الذين امنوا وعملوا الصالحات اولئك هم خير البرية - 00:29:24ضَ

طب جزائهم ايه عند ربنا بقى هؤلاء الناس عند الله. جزاؤهم ايه ؟ اسمع بقى وركز معي في الحتة دي. انا الاية دي بقى النهاردة انا ارى ان اهم اية في السورة كلها - 00:29:44ضَ

هي الاية الاخيرة والنهارده لفيت بها على العلماء كلهم باسألهم في رأيهم في التدبر بتاعي وخدت عليه الموافقة الحمد لله. من الدكتور بسام جرار والشيخ الدادو هم اللي ردوا علي - 00:29:55ضَ

اقرا معي الاية تمانية جزاؤهم عند ربهم جنات عدن تجري من تحتها الانهار خالدين فيها ابدا رضي الله عنهم ورضوا عنه ذلك لمن خشي ربه ضيعت الشعور كلمة خلي بالك جزاؤهم عند ربهم - 00:30:11ضَ

يدي لك شعور انهم وديعة عند الله. هم امانة عند الله. حاجة غالية ربنا بيعتني بها. هم عند الله يعني هم ضيوف عند الملك. شف بقى هيكرمهم ازاي جزاءهم ايه بقى ؟ - 00:30:43ضَ

الخلود في جنات عدن جنات مستقرة موجودة ابدية مش هتزول غير مؤقتة تجري من تحتها الانهار اتكلمنا في الموضوع ده بقى خلاص يعني جنات عالية على ربا وعلى جبال ومناظر جميلة وخضرة واشجار وكمان في الوديان شايفين الانهار حاجة جميلة - 00:30:59ضَ

العلماء اللي قالوا خلي بالك بقى هم خالدين فيها ابدا للابد مش فترة مؤقتة العلماء اللي قلت لكم قبل كده ان في علماء يرون ان النار ستفنى في وقت معين - 00:31:28ضَ

باللي فيها ماشي هو مش هيطلعوا منها على الجنة باللي فيها هتافنا العلماء دول اخدوا الايات دي دليل من ضمن ادلتهم في الاية ستة ربنا لما اتكلم على النار ما قالش ابدا - 00:31:48ضَ

ربنا في الاية يا ستي قال ان الذين كفروا من اهل الكتاب والمشركين في نار جهنم خالدين فيها. ما قالش ابدا يعني مش مؤبد مش تأبيد اولئك هم شر البرية - 00:32:06ضَ

بينما في الاية التمانية قال جزاؤهم عند ربهم جنات عدن تجري من تحتها الانهار خالدين فيها ابدا رضي الله عنهم ورضوا عنه ذلك لمن خشي ربه الجزء اللي الحقيقة بقى - 00:32:22ضَ

يعني مش يعني يعجز لساني عن شرحه الشرح اللي في قلبي من ناحيته بقية الاية رضي الله عنهم ورضوا عنه ذلك لمن خشي ربه الاية دي بتحمل او الجزء ده بيحمل معنيين - 00:32:41ضَ

المعنى الاول هم خلاص في الجنة في جنات عدن تجري من تحتها الانهار. حاجة منتهى النعيم. طب ازاي وصلوا لده عايزين نعرف ازاي وصلوا لده عايز تعرف ازاي؟ اه اقرا - 00:33:04ضَ

رضي الله عنهم ورضوا عنه ذلك لمن خشي ربه. هو ده الطريق رضي الله عنهم انت ممكن تعمل عمل صالح واعمال صالحة كتير وناس كتير بتعمل اعمال صالحة لكن هل انت ضمنت - 00:33:21ضَ

انك ارضيت ربنا بهذا العمل ان ربنا راضي عنك في هذا العمل الاكيد نيتك كانت سليمة وصافية لله ونقطة مهمة جدا نكون مركزين فيها النية في كل شيء سيدنا سليمان قال ايه - 00:33:43ضَ

وقال ربي اوزعني ان اشكر نعمتك التي انعمت علي وعلى والدي وان اعمل صالحا ترضاه امال اعمل صالحا لا ترضاه ده ايه لزومه؟ اعمل صالحا ترضاه الهدف هو ارضاء الله - 00:34:03ضَ

ازاي رضي الله عنه ورضوا عنه اكبر عمل ممكن تعمله ربنا يرضى عنك به هو ان انت ترضى عن الله. يعني ايه يا ترضى عن الله؟ هو فيه حاجة اسمها كده؟ يعني الصغير ازاي يرضي عن الكبير؟ هقول لك ازاي - 00:34:28ضَ

انت ممكن تكون موزف في شركة وبتاخد تعليمات وبتعملها بس وانت مش عاجبك الكلام ده ومش عاجبك مرتبك ومش عاجبك ان الشركة من غير اسانسير مش عاجبك حاجات فممكن الصغير يرضى عن الكبير - 00:34:47ضَ

الصورة اللي فاتت كانت سورة القدر وقلنا الليلة دي هي الليلة التي ربنا بيقدر فيها المقادير اقدار العباد فيها يفرح كل امر حكيم الاعمار فيها مين هيتولد السنة دي ومين هيموت السنة دي؟ مين هيمرض السنة دي ومين هيشفى السنة دي؟ مين هيرزق السنة دي؟ ومين آآ يعني - 00:35:05ضَ

فيها كل فلوسه والسلام. مين ربنا هيبسط له الرزق السنة دي؟ ومين ربنا هيضيق عليه في الرزق السنة دي هل رضيت بقدر الله احنا مش بنسمع احيانا الناس تقول لك ايه ؟ انا زعلان من ربنا. نعم يا اخويا - 00:35:30ضَ

يعني ايه؟ حد يقول كده هو احنا جايين الدنيا عشان احنا نختبر ربنا ولا عشان ربنا هو اللي يختبرنا؟ يعني ايه تقول انا زعلان من ربنا ما تنسوش نفسكم العبودية لله اساسها الرضا بكل ما يقدر - 00:35:49ضَ

ده من اقسام الايمان الستة. الايمان بالله والملائكة والكتب والرسل واليوم الاخر والقضاء والقدر حلوه ومره خيره وشره ترضى العبودية اساسها الرضا بكل ما يقدر الله فيه مستويات عالية جدا من البشر. مش بس بترضى بقدر الله دي بتحب كل ما يفعله الله بها. حتى الابتلاء. بس انا مش باطالبكم - 00:36:06ضَ

بالدرجة دي لكن لكن لازم يكون عندنا صبر ورضى بقدر الله اللي هو بيجلب رضا الله. فازا انت رضيت عن الله بمعنى رضيت اولا رضيت بالاسلام دينا رضيت به ربا رضيت بمحمد رسولا رضيت بالقرآن كتابا رضيت بمنهجك رضيت - 00:36:34ضَ

بقدر ربنا بما اعطاه الله لك برزقك اللي ربنا رزقك به. ازا رضيت ربنا يرضى عنك واللي يوصل لده هو اللي عنده خشية انما يخشى الله من عباده العلماء اللي عنده علم بالله - 00:36:56ضَ

وباسماء الله وبدينه ايخشى الله والخشية تؤدي الى الهداية واهديك الى ربك فتخشى ده اللي يدخل الواحد الجنة. لما الواحد يدخل الجنة بقى هناك ايضا رضا في الجنة. ازاي؟ ربنا بقى بيرضى عن الناس - 00:37:16ضَ

الرضا الكامل يكون في الجنة اه يا ايتها النفس المطمئنة ارجعي الى ربك راضية مرضية. الرضا التام يكون في الجنة مهما كان العبد راضي باقدار الله وبقضاء الله الرضا مش مية في المية. الرضا التام سيكون في الجنة - 00:37:37ضَ

ده ده بيقول لك في الجنة اللي هيشوف اللي بيشوف آآ جزاؤه على الصبر بتاعه في الدنيا هيتمنى يرجع الدنيا يبتلى تاني عشان يصبر تاني الخشية ذلك لمن خشي ربه - 00:38:01ضَ

ربنا قال ومن اما من جاءك يسعى وهو يخشى. الخشية بتدفع للحركة. دفع الضرير انه يسعى في طلب العلم وهو مش شايف رضي الله عنهم ورضوا عنه ذلك لمن خشي ربه - 00:38:23ضَ

اللهم اجعلنا منهم. وبذلك تم تدبر سورة البينة. وغدا باذن الله نبدأ الزلزلة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب - 00:38:40ضَ

فزويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك - 00:38:59ضَ

وانبياءك ورسلك وعبادك الصالحين اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك بكل اجسادنا اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا وجلاء احزاننا - 00:39:19ضَ

وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناته وحسناتكم جميعا اللهم بحق كل حرف في كتابك تلوناه او تدبرناه. ايد بنصرك المرابطين المجاهدين في الارض المباركة فلسطين - 00:39:45ضَ

مع اخواننا في تركستان الشرقية وفي الشام وفي بكاشميرا والهند. وانصر من نصرهم واخذل من خذلهم وطهر المسجد الاقصى. من الدنس فانه هم لا يعجزونك. اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من - 00:40:05ضَ

علمائنا مريضا به او حاملا له فيلبسه ثوب الصحة والعافية عاجلا غير اجل ومن لم يصب به فيقيه شره. وابعده عنه. ولا تسلطه الا على اعدائك واعداء دينك واعداء اوليائك - 00:40:25ضَ

اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم رابطتها. وادم ودها واهدها سبلها واملأها بنورك الذي لا يخبو - 00:40:40ضَ

اشرح صدورها بفيض الايمان بك. وجميل التوكل عليك. واحياها يا ربنا بمعرفتك وامتها يا مولانا على الشهادة في سبيلك انك نعم المولى ونعم النصير. والسلام عليكم ورحمة الله وبركاته نراكم غدا باذن الله في نفس هذا الموعد ان كنا من اهل الدنيا - 00:41:00ضَ