ان الحمد لله نحمده ونستعين به ونستهديه ونستغفره ونعوذ بالله من شرور انفسنا ومن سيئات اعمالنا. انه من الله فلا مضل له. ومن يضلل فلن تجد له هاديا مرشدا. يا ايها الذين امنوا اتقوا الله حق تقاته. ولا - 00:00:00

الا وانتم مسلمون. يا ايها الناس اتقوا ربكم الذي خلقكم من نفس واحدة. وخلق من زوجها وبث منهما رجالا كثيرا ونساء واتقوا الله الذي تساءلون به والارحام ان الله كان عليكم رقيبا. يا ايها الذين امنوا اتقوا الله وقولوا قولا سديدا. يصلح - 00:00:30

لكم اعمالكم ويغفر لكم ذنوبكم. ومن يطع الله ورسوله فقد فاز فوزا عظيما. اللهم صل على الحبيب محمد وعلى ازواجه امهات المؤمنين وعلى ذريتي وال بيته انك حميد مجيد. اما بعد يعني نص مليون - 00:01:00

طالب من طلبة السانوية العامة بيستعدوا استعداد جبار. ليل نهار لدخول امتحانات السانوية العامة. انا مش قصدي امتحانات السانوية اما اللي بعد ساعات اللي هتبدأ بكرة مش قصدي دي. لان دول بقى الام سنة بيستعدوا. انا قصدي امتحانات السانوية العامة اللي بعد سنة. اللي لسه - 00:01:20

سنة الوقت الطلبة بيجتهدوا في الدروس وحجز الدروس واخذ المذكرات ده هم عشر ايام امتحانات. هم كلهم عشر تيام سنة كاملة البيت طوارئ. الاب والام طوارئ. الطالب او الطالبة طوارئ ليل نهار. عشان عشرة ايام امتحانات ليه؟ لان - 00:01:40

هم اخطر عشر تيام بيفرقوا في مستقبله. لان هم عشر تيام هم مفرق في مستقبله هيروح فين بعد كده. فالاستعداد مش على قد الايام قد ايه. الاستعداد على قد خطورة الحدس. وهو فاصل قد ايه. يا جماعة بعد اسبوع واحد هيبدأ - 00:02:00

عشر تيام في حياتك كلها. افضل ايام الدنيا ايام العشر. كما قال النبي صلى الله عليه وسلم. يعني ايه افضل ايام الدنيا؟ دي اخطر عشر تيام في حياتك. يعني دي اهم عشر تيام في حياتك. بل العلماء قالوا ركعتين في رمضان. وركعتين في عشر ذي الحجة. كما قال ابن عثيمين - 00:02:20

ركعتين عشر ذي الحجة افضل عند الله. واعظم ثوابا عند الله وارجى عند الله. وازكى عند الله فالعشر تيام دول اكتر عشر تيام مهمين. اكتر عشر تيام هيفرقوا في دنيتك واخرتك. عشان كده دول احب ايام الدنيا الى الله. واعظم - 00:02:40

اعظم ايام الدنيا عند الله. يبقى لما نيجي نقول يوم الخميس الجاي بازن الله اول يوم من عشر زي الحجة. يعني من اول مغرب الاربعاء الجاي تبدأ اول ليلة من الليالي اللي ربنا اقسم بها في سورة الفجر وقال وليال عشر. يبقى المفروض ان احنا نستعد قد ايه؟ يعني يوم عرفة السنة دي ان - 00:03:00

ان شاء الله هيبقى يوم جمعة. لان عشر ذي الحجة هتبدأ الخميس يبقى التروية هيبقى الخميس اللي بعده. يبقى عرفة يوم الجمعة ان شاء الله والعيد يوم السبت اللي هو يوم - 00:03:20

النحر اللي هو اعظم ايام الدنيا عند الله. عايزين نستعد يا جماعة لان هم اخطر عشر تيام في حياتنا. تخيل لو رحت انت شركة من الشركات العالمية عندك اي مصلحة فيها بالشركات المالتي ناشيونال. دخلت لقيت موزفين قاعدين وكل واحد له المهمة بتاعته بيأديها. بعد خمس سنين - 00:03:30

ست سنين سبع سنين احتجت تروح الشركة دي تاني في مصلحة تاني. دخلت الشركة غالبا هتلاقي معظم الموزفين اللي كانوا من خمس سنين كتير منهم لسة موجود. وكتير منهم لسة في مكانه. ولكن هتلاقي فيه بعضهم ما عادش موجود. ما عادش موجود ليه ؟ اصل ده بقى ما اترقى - 00:03:51

وبقى مدير كبير في الشركة وده اترقى وبقى مدير فرع في دولة من دول العالم. وده اترقى وبقى مسئول او مدير في قارة تانية اصلا. وده اترقى ففيه في اي مصلحة. في اي وزيفة في اي شركة. معظم الموزفين بيفضلوا موزفين - 00:04:11

عاديين لحد ما بيموت بقى ولحد ما مهمته بتخلص في المكان. وفيه ناس قليلة واعية بتطور نفسها. بتقنص الفرص ما بينامش وما بيهداش ، دول بيترقوا دايما. وبيمسكوا المناصب القيادية دايما. انت بقى انت الوقتي قارن بين نفسك الوقت وبين نفسك - 00:04:31

من خمس سنين انت اترقيت قد ايه ؟ انت ايمانك زاد قد ايه ؟ انت علاقتك بربنا زادت قد ايه ؟ انت صيامك وقيامك زاد قد ايه ؟ انت فين ؟ - 00:04:51

انت بتزيد ولا ما بتزدش ؟ انت بعد السنين اللي فاتت انت لسة مسلم عادي. ولا انت اترقيت للايمان وللاحسان وللتقوى. يا اخواننا انا عايزك غمض عينك الوقتي كده تغمض عينك وتعيش في لحزات جاية جاية. يقين راسخ جاية جاية. عش في لحزة وانت داخل على الميزان. داخل على الميزان - 00:05:01

تتوزن اعمالك. انت رايح تتوزن بكام سنة؟ خمسين ستين سنة. هم دول اللي معزمنا داخل يتوزن بهم على الميزان. خمسين ستين سنة هم دول عمرك اللي هم دول العمر انت مليتهم ايه بقى ؟ اتفرجت فيهم على مباريات صمت وقمت طلبت علم وحفزت قرآن، اشتغلت في الدعوة الى الله - 00:05:21

وصلت رحمك قعدت اعيش عادي بتسعى على لقمة عيشك. في سبيل طاعة الله وتاكل حلال وخلاص. انت عملت ايه؟ كل واحد بقى من البشر سيناريو وغير التاني وقصة غير التاني تخيل بقى وانت داخل على الميزان غمض عينك كده وعيش اللحزة دي. داخل هيتحط خمسين ستين سنة من عمرك جوة الميزان. جوة الكف - 00:05:41

فالخمسين ستين سنة دول هيفرقوا في مصيرك. الخمسين ستين سنة دول بيحددوا برحمة الله وحده. طبعا مصيرك. تخيل ثقلهم قد ايه؟ هيبقوا تقال ولا لا؟ الليلة من عمرك هتوزن على الميزان قد ايه؟ اليوم من حياتك هيوزن على الميزان قد ايه - 00:06:01

شهر من عمرك هيوزن على الميزان قد ايه. هتوزن قد ايه ؟ عمرك هيوزن ولا هيخف ؟ عمرك هيبقى له قيمة ولا ما لوش قيمة. عمرك انت عملت فيه حاجة لها قيمة ولا للاسف كانت حياة ما لهاش اي وزن عند ربنا. الساعة من عمرك بتوزن قد ايه؟ عايزك تغمض عينك - 00:06:21

وتعيش لحظة تانية خالص بقى. لحظة بعد ساعة من موتك. وانت داخل قبرك في اول ليلة من القبر. وانت بتشوف مشاهد اول مرة تشوفها في حياتك لقد كنت في غفلة من هذا اول مرة تشوف ملايكة الرحمة. او ملايكة العذاب نعوذ بالله من عذابه وناره. اول مرة تشوف ملك الموت. اول مرة تشوف - 00:06:41

ملايكة السماوات وانت طالع طالعين بروحك للسماء السابعة. اول مرة تشوف منكر ونكير وينطبق عليك قول الله سبحانه وتعالى في سورة قاف لقد ان كنت في غفلة من هذا ما كنتش داري. انت ما كنتش داري ايه اللي بيحصل ولا ايه اللي هيحصل. فكشفنا عنك غطاءك. فجأة شفت - 00:07:01

فجأة الملايكة حواليك الوقتي زي ما انا ما انت شايفني فيه ملايكة حواليك الوقتي. وزي ما انا شايفك سامعينك وشايفينك. ربنا سبحانه وتعالى بس انت مش شايف. انت مش حاسس. انت مش داري. فكشفنا عنك غطاءك فبصرك اليوم حديد. عارف لما واحد يحد بصره في - 00:07:21

حاجة مذهول مش مصدق انها طلعت موجودة. هو ده كان معنا! هو الواقع ده جوانا! يعني انت مش داخل قبر! انت داخل عالم تاني خالص داخل عالم تاني شايف حاجات تانية متخيل بقى في اللحزة ديت وتيجي ملايكة عشان تحاسبك على زنوبك اللي هم اسمهم ملايكة العزاب - 00:07:41

انت بقى امنت نفسك في اللحزة دي بايه ؟ مش في تأمين على الحياة. وفي تأمين على السيارات وفي تأمين على المشاريع. فين التأمين على القبر فين التأمين على الحياة البرزخية؟ يقول النبي صلى الله عليه وسلم فان كان مؤمنا كانت الصلاة عند رأسه الصلاة كان بيصلي كان - 00:08:01

صلوا جماعة كان عابد لله في الصلاة. الصلاة تيجي تقف عند راسه مودي جارد كده. حارس واقف عند راسه. وكان الصيام عن يمينه. كان صوام بالله وكانت الزكاة عن شماله. وكان فعل الخيرات عند رجلي الصدقة والدعوة وحفز القرآن - 00:08:21

بكل انواع الاعمال الصالحة عند رجليه فيؤتى من عند رأسه. ملايكة العزاب جاية له تعزبه من عند راسه. فتقول الصلاة ما قبلي مدخل ما حدش هيدخل من هنا. ما فيش ملك هيوصل له ملك من ملايكة العزاب من هنا. ده كان مزنب. ده عصى ربنا بكزا. ده اتفرج على كزا. ده وقع في معصية كزا - 00:08:41

ما حدش هيعدي من هنا. فيؤتى من عن يمينه. فيقول الصيام ما قبلي مدخل. فيؤتى من عن شماله. فتقول الزكاة ما قبلي مدخل يؤتى من عند رجليه فيقول فعل الخيرات من الصدقة والاحسان الى الناس ما قبلي مدخل. ما حدش هيعدي. ما حدش هييجي من هنا. الله اكبر - 00:09:01

الراجل ده كان كان مجتهد للحزة دي عشان يبقى فيه حراس له انت بقى في اللحزة دي. مين حراسك؟ مين اللي هيقفوا يدافعوا عنك من زنوبك ومن ملايكة العزاب اللي جاية تحاسبك على زنوبك. مين اللي هيجي يدافع عنك في اللحزة دي ؟ انت خططت لدي ولا لأ ؟ خليك مغمض عينيك - 00:09:21

وعيش معي في لحظة بقى لو جه ابتلاء. يعني ايه لو جبت لاء؟ لو جه لو جبت لاء بحق وحقيقي. لو جت صخرة زي الصخرة اللي نزلت سدت باب على التلاتة اللي كانوا مسافرين. لو جبت لأ انت عندك عمل صالح تتوجه الى الله ان ربنا يشيل الابتلاء عنك به. انت جاهز - 00:09:41

ما هو الدنيا دي دار ابتلاء وان كنا لمبتلين. الدنيا دي دار ابتلاءات. لو جه ابتلاء بقى صعب. مرض صعب نسأل الله العفو والعافية. ازمة صعبة صعب مشكلة صعبة وحاسس انك فعلا هتقع. انت التلاتة لما اتقفل عليهم الصخرة. كل واحد لقى عمل صالح. يدعي ربه - 00:10:01

بنبيه فربنا فرج الصخرة عنهم. انت الوقتي بقى لو جا لك الابتلاء ده ايه العمل الصالح اللي انت مدخره عشان ربنا يفرج الصخرة عنك به لو نزلت هزه الصخرة. انا عايز اقول لك ان عشر زي الحجة العشر تيام اللي هتبدأ الخميس الجاي دي بازن الله - 00:10:21

هتغير اجابتك على كل الاسئلة اللي انا سألتها لك. اللحزة بتاعة دخولك القبر هتلاقي عبادات ربنا يحميك بها. وربنا يحاوطك بها وربنا يحرسك بها. لحزة دخولك على الميزان مش هتلاقي عمرك فاضي. هتلاقي عمرك مليان اعمال صالحة - 00:10:41

هتلاقي الخمسين ستين سنة بتوع عمرك بيسقلوا في الميزان برحمة الله. لان العبادة في عشر ذي الحجة بتثقل الموازين. ساعة الابتلاء هتلاقي زكر بينك وبين ربنا. على فكرة يا جماعة عشر زي الحجة وان كانت اعظم ايام الدنيا عند الله. وافضل ايام الدنيا عند الله. وارجى ايام - 00:11:01

الدنيا عند الله وازكى اعمال الدنيا عند الله هي مش اصعب ايام الدنيا عند الله. يعني متوقع بقى اصل الايام دي هنتعب فيها اوي وهنموت نفسنا فيها لأ لأ على فكرة السواب عند ربنا مش آآ مش قصته بس ان الحاجة كل ما تبقى اصعب كل ما يبقى سوابها اعلى - 00:11:21

النبي عليه الصلاة والسلام يقول الايمان بضع وسبعون شعبة. اعلاها اعلاها اعلى حاجة في الدين قول لا اله الا الله. وادناها ها اماطة الازى عن الطريق. ان مسلا آآ كاوتشة عربية ولا اي حاجة صلبة وقعت في نص الطريق قدام المسجد. فانت خرجت شلتها - 00:11:41

عشان ما تأزيش حد معدي. او ما تخبطش في عربية معدية. الاسهل لا اله الا الله انك تقولها كده بلسانك الوقتي ولا انك تخرج تميط الازى؟ الاسهل لا اله الا الله. ومع زلك هي الاعلى. ومع زلك هي الافضل. ومع زلك هي الارجى عند الله سبحانه وتعالى. يبقى الدين مش قصة المشقة. انما - 00:12:01

قصة قصة قلبك وانت بتعمل العمل عشان كده عشر ذي الحجة العمل الاساسي فيهم ايه؟ ذكر الله وذكر ربنا ده اسهل عمل ولكن هي اعظم ايام الدنيا عند رب العرش العظيم سبحانه وتعالى. عند الله الحي القيوم الحميد المجيد البر المحسن - 00:12:21

سبحانه وتعالى لحد امتى ؟ لحد امتى ؟ هنفضل حاطين شلن على عنينا. واحد حاطط شلن على عينيه وانت بتكلمه بيقول لك الدنيا سودا. يا ابني ابعده عن عينك بعده. لقى الدنيا - 00:12:41

كبيرة ومنورة وكل اللي كان سادد النور عنه حتة شلن. اهو بالزبط كده احنا شوية مشاكل بسيطة خطفانة من ربنا. شوية هموم الرزق اللي ربنا كفله لنا. في مشاكل الدنيا اللي ربنا يتولانا فيها. ايه اللي شاغلك عن الله؟ اللي شاغلك عن العبادة. انت محتاج - 00:12:54

تعبد ربنا فلولا انه كان من المسبحين للبث في بطنه الى يوم يبعثون. لولا عبادته؟ لولا عبادته؟ لولا لولا ذكره كان فضل في سجن الابتلاء ليوم القيامة. اللي هيخرجك من سجن الابتلاء اللي انت فيه. هو عبادة الله. ودي ايام - 00:13:14

العبادة دي ايام الابتلاءات دلوقتي عادت زلازل. لازم تبقى جبل عشان ما تنهرش. لازم يبقى اليقين في قلبك جبل راسخ عشان ما انت محتاج تعبد ربنا. احنا يا اخوانا كتير من المشاكل اللي خاطفانا من ربنا. كتير من الانشغالات اللي خاطفانا من ربنا. كتير من الشهوات اللي خاطفاني - 00:13:34

من ربنا لا قيمة لها على وجه الحقيقة. مريض وقع رجله اتكسرت. نقلوه بسرعة لمستشفى الطوارئ. جروا به على مستشفى طارق وبيصرخ من الالم وعارف ان رجله مكسورة. دخلوا يعملوا اشعة. الاشعة طبعا طلعت كسر الرجلين. جروا على الدكتور بالاشعة - 00:13:54

يا دكتور جبس له رجليه عشان الالم يخف. عشان الالم يرتاح. عشان الالم الرهيب اللي هو حاسه. الدكتور بص للاشعة وقال لهم انقلوا فورا على العناية المركزة. عناية ايه! حرام عليك! انت ما فيش في قلبك رحمة! انت ما انتاش بني ادم! انت دكتور ولا ولا الة من الات التعزيب - 00:14:14

حرام عليك انا بقول لك رجلي مكسورة انا بقول لك جبر لي رجلي جبس لي رجلي عشان الالم يرتاح. وانت بتقول دخلوا عناية مركزة واعملوا له اشعة تانية وفي ايه الدكتور لما بص في الاشعة اكتشف ان الراجل جاي عشان وقعة وكسر ولكن الاشعة بينت سرطان ما كانش واخد باله منها - 00:14:34

والسرطان يتلحق لسة في درجة مبكرة. فالدكتور الوقتي ما عدش مركز على الالم. اللي بيألمه واللي مخليه مش هو مشكلته. مش الالم خطر على راحته. انما السرطان خطر على عمره. فالدكتور بيبص للاختر. بيبص - 00:14:54

هو ده بالظبط. المشكلة اللي تعباك. ممكن تكون مش هي مشكلتك اصلا. المشكلة اللي عاملة لك الم ممكن تكون اصلا مش هي المشكلة الحقيقية. ممكن يكون جواك مشكلة اخطر. احنا مشغولين بمشاكل الدنيا. وناسيين مشاكل الاخرة. احنا مشغولين بمشاكل زاهرية وسايبين مشاكل جوة قلوبنا - 00:15:14

هو نفسيتنا وجوانا. احنا عايزين نفوق. يا عم فق. يا عم ركز. فوق وشف المشاكل اللي بحق وحقيقي. انت مشغول بايه عن ايه؟ مشغول بمشاكل الدنيا عن مشاكل الاخرة. مشغول بمشاكل بسيطة هتتحل هتتحل في الدنيا. عن مشاكل قلبك. واللي - 00:15:34

جوة قلبك ده لما يعرض على الله هتقابل ربنا هتقول لربنا ايه هتقول لربنا سبحانه وتعالى ايه يا اخوانا حبيب الله محمد عليه الصلاة والسلام يقول افعلوا الخير دهركم. افعلوا الخير دهركم. اعملوا الخير طول عمركم. خليكم ناس بتوع ربنا ليل نهار. مش فارقة عندكم بقى - 00:15:54

رمضان من شعبان من شوال من جمادى من سفر من ربيع من محرم. افعلوا الخير دهركم. خليكم ناس بتوع ربنا على طول طول الضهر طول الليالي والايام وتعرضوا لنفحات رحمة الله. الله اكبر بس استنوا بقى انتم هتشتغلوا في العبادة - 00:16:14

بدل طول السنة ولكن فيه اوقات وفيه مواسم سماها حبيب الله محمد عليه الصلاة والسلام نفحات رحمة رحمة الله مش نفحات سواب الله. نفحات رحمة. هو يعني ايه النفحة؟ النفحة هبوب الريح - 00:16:34

الرياح لما تيجي شديدة يبقى ده النفح. نفحات رحمة الله. يعني فيه رحمات ستهب رياح الرحمات ستهب رياح الفرج. ستهب رياح الكرامات والعطاءات من الله. دي مواسم العبادات بقى. دي المواسم التعبدية. النبي عليه الصلاة - 00:16:54

بيقول لك خد بالك وتعرضوا لنفحات رحمة الله. كلنا محتاجين رحمة. كلنا يا كل واحد الدنيا كسرته. يا كل واحد الابتلاء يا كل واحد الديون حسرته. يا كل واحد بيفكر ينتحر من الهم اللي هو فيه. والابتلاءات والسواد اللي هو - 00:17:14

يا كل واحد نفسه يتخلص من حياته. يرمي نفسه من حتة ولا ينزل بالعربية في من فوق كوبري ولا يعمل اي حاجة في نفسه ويخلص من الدنيا. ربنا باعت لك طوق من اطواق النجاة. ربنا باعت لك باب من اوسع ابواب الرحمة. اسمه عشر ذي - 00:17:34

ذي الحجة اسمه الايام الاولى من عشر ذي الحجة. اسمه افضل ايام الدنيا عند الله. قال حبيب الله محمد صلى الله عليه وسلم في صحيح البخاري عن عبد الله ابن عباس ما من ايام - 00:17:54

ما من ايام ما فيش. العمل الصالح احب الى الله فيها من هذه الايام. ربنا بيحب العبادة في الايام دي. ربنا بيحب حب الصيام في الايام دي. ربنا بيحب الذكر في الايام دي. ربنا وتخيل بقى لما انت تعمل لربنا اللي بيحبه هيعمل لك اللي انت بتحبه - 00:18:08

هو كده كده الكريم سبحانه وتعالى. لما انت تتحبب اليه. هيتحبب اليك. بالعطاء. ما من ايام العمل الصالح احب الى الله فيها من هذه الايام. قالوا ولا الجهاد في سبيل الله يا رسول الله؟ قال ولا الجهاد في سبيل الله. فكرروا مرة ثانية. ولا الجهاد - 00:18:28

في سبيل الله يا رسول الله. قال ولا الجهاد في سبيل الله. الا رجل خرج يخاطر بنفسه وماله. يخاطر. يعني احتمال كبير ما يرجعش. خارج يجاهد والجهاد مش سهل. والمعركة مش متكافئة. والاعداء اعداء عددهم اكبر - 00:18:48

ومقتول مقتول الا رجل خرج يخاطر. يعني عاش احساس الخوف وهو رايح. بنفسه وماله. فلم يرجع بشيء اتقتل وفلوسه راحت وكل حاجة راحت فلم يرجع بشيء. هو ده بس يبقى اعظم صفقة مع الله ان تموت شهيدا - 00:19:08

تترك الدنيا كلها لله. تاني اعزم صفقة مع الله في حياتك هي العبادة في عشر زي الحجة. مش ممكن يا جماعة. مش ممكن بعد الكلام بتاع النبي ده عليه الصلاة والسلام - 00:19:28

واحنا مش واخدين بالنا. الايام دي مهمة قد ايه. دول اخطر عشر تيام في حياتك. يا عم فق! يا عم ركز! ركز ركز في في الحاجة اللي فيها مصلحتك بحق وحقيقي. كما قال الله عز وجل لا خير في كثير من نجواهم. كلام في الفاضي لا خير منك في - 00:19:38

كثير من الشات بتاعهم على السوشيال ميديا. لا خير في كثير من مكالمات التليفونات والموبايلات والباقات بتاعتهم لا خير في كثير من قعدتهم قدام الواتس وقدام الانستا وقدام لا خير في كثير من نجواهم. لا خير في كثير من سهراتهم على القهاوي - 00:19:58

لا خير في كثير من اعدتهم يتكلموا مع بعض وخلاص. اعداد ما فيش فيها خير. اعمار ما فيش فيها خير. اوقات مش هتجيب لك خير. ولا هتزقك لقدام ولا هتحل لك مشكلة. نازلين نكلم الشباب في الشارع. شباب واقفين على ناصية. واحد حبيبي قال لهم كلمة اسرت في قوي. قال لهم انتم بقى لكم - 00:20:18

عشر سنين واقفين على الناصية. ومشاكلكم ما اتحلتش. يبقى الوقفة على الناصية مش هتطلعكم لقدام. مش هتحل لكم مشاكلكم. روحوا شوفوا تحلوا مشاكلكم ازاي؟ في بيت ربنا. انما على الناصية لا خير. لا خير. ربنا بيقول لك كده الاعداد دي مش هتجيب خير - 00:20:38

تضييع الاوقات ده مش هيجيب خير. لا خير في كثير من نجواهم. الا من امر بصدقة او معروف او اصلاح بين الناس الاعمار اللي لها قيمة بقى. الاعمار اللي تساوي. اللي صاحبها اتشغل بالدعوة الى الله. اتشغل بحفز القرآن. اتشغل بالعبادة والذكر. اتشغل بطلب العلم - 00:20:58

انشغل بصلة الارحام. اتشغل بالعمل الصالح. فجاية الايام دي تذكرك بالمعاني دي. افعلوا الخير دهركم وتعرضوا لنفحات رحمة الله. وتعرضوا لنفحات رحمة الله. الله! كلنا مشتاقين والله يا جماعة. كلنا - 00:21:18

مشتاقين لهذه الايام العظيمة. ايام المعجزات. ايام المعجزات. وتعرضوا لنفحات رحمة الله. يعني ان شاء الله بازن الله يوم الخميس الجاي هتبتدأ هزه الايام هنستعد لها قد ايه ؟ اقول قولي هذا واستغفر الله لي ولكم. الحمد لله وكفى وصلاة وسلاما على عباده الذين اصطفى - 00:21:39

اما بعد هزه الايام العظيمة. بدايتها كانت معجزة اصلا. عبدالمطلب جد النبي عليه الصلاة والسلام. نايم في حجر اسماعيل. نايم وشايل الهم هيعمل ايه في الحج؟ هو المسئول عن السقاية. هو المسئول انه يسقي الناس. والابار بعيدة عن الكعبة. وكان في زمان بنسمع ان من قرون - 00:21:59

طويلة كان فيه بير هنا اسمها زمزم. وكان الحجاج بيشربوا منها ايام سيدنا اسماعيل. ولكن البير دي اتردمت البير دي قامت حرب من جورهم وخزاعة على مين اللي يسيطر على الكعبة وعلى وعلى مكة واتردمت البير دي في الحرب دي من قرب - 00:22:19

طويلة فبقى عبدالمطلب بيطلع روحه عشان يروح يجيب الماية من بعيد عشان يسقي الحجاج. وهو نايم في الحجر لقى واحد جا له في المنام وقال له والحديس صححه الشيخ الالباني. يعني دي مش رواية مرسلة كده. هو في ابن كثير في البداية والنهاية. ولكن صححه الشيخ الالباني رحمه الله - 00:22:39

وجزاه الله عن الامة كل خير. الاهجاء واحد في المنام. فقال له احفر برة. احفر برة. فقال وما فقال له احفر المضمونة. برة دي يعني اللي كلها خير. اللي كلها خير. اللي كلها بركة. فقال احفر المضمون - 00:22:59

المضمونة يعني زي اللؤلؤة. الجوهرة اللي ما لهاش زي. اللي ما لهاش مسيل. فقال وما المضمون؟ فقال احفر طيبا. طيبا. يعني شفاء مصدر الشفاء طاب يعني راق. فزمزم ده اخطر ترياق شفاء على وجه الارض. ماية زنب - 00:23:19

هي اعظم ازازة دواء على وجه الارض. فقال احفر طيبة. فقال وما طيبا. فقال احفر زمزم ثم على مكانها. عبدالمطلب قام وراح للمكان اللي ادل عليه. وحفر فتفجر ماء زمزم. وده السبب ان نقرا - 00:23:39

ان النبي عليه الصلاة والسلام وهو بيحج عليه الصلاة والسلام. وهو في الحج فكان العباس ابن عبدالمطلب آآ هو المسئول عن سقاية الحجاج عشان كده النبي ادى له رخصة في مسألة المبيت في منى. في الحج. طب والعباس ابن عبدالمطلب يمسك سقاية الحجاج ليه؟ لانه ابن عبدالمطلب. اللي حفر - 00:23:59

كبير اصلا. يعني السقاية بعد كده بقت في زرية عبدالمطلب. من بعد هذا الموقف من بعد ما حفر هذه البئر. البداية كانت معجزة. عشر ذي الحجة بمعجزات في المكان ده. بدأت بمعجزة لما جبريل حفر البئر اصلا بجناحه لسيدنا اسماعيل. ليسقي اسماعيل وهاجر. وبعد كده الرؤية - 00:24:19

بتاعة عبدالمطلب ايام معجزات. دي الايام اللي ربنا فدى فيها اسماعيل. ايام الفرج. ايام الفرج. تخيل الازمة اللي كان فيها سيدنا ابراهيم هو بيحط السكينة على رقبة ابنه وربنا فدى ابنه بذبح عظيم. دي ايام الفرج. دي ايام النفحات دي الايام اللي ربنا كلم فيها موسى - 00:24:39

الله كلم الله موسى تكليما. ايام عظيمة ايام مباركة. حظك من الايام دي ايه؟ حظك من بشريات الايام دي ايه حظك من نفحات رحمة الله فيها ايه ؟ حظك اجتهد ما تضيعش وقتك. ركز الاسبوع اللي جاي ده فاصل ولا يقل - 00:24:59

اهمية عن عشر ذي الحجة نفسها. ليه؟ ده الاسبوع ده من ذو القعدة. اه وذو القعدة شهر حرام. وشهر عظيم يغلظ في عقوبة المعاصي زي كل الاشهر الحرم ولكن الاسبوع ده هو الطريق والقنطرة لعشر زي الحجة. انت لو دخلت نايم كده في عشر زي الحجة مش هتعمل حاجة - 00:25:19

انت محتاج الاسبوع اللي جاي ده تصحصح. تفوق. تبدأ بقى تقعد جلسات زكر. تبدأ بقى تقرا في المصحف. تبدأ بقى تصوم لك يومين ولا حاجة تبدأ تستعد تبدأ تتجهز ولو ارادوا عشر ذي الحجة لاعدوا لها عدة. رمضان يا جماعة الصحابة كانوا بيبدأوا يستعدوا ليه؟ من - 00:25:39

قبله بعشر شهور. ام سليم لما جوزها ابو طلحة خرج يحج وما خدهاش. راحت للنبي عليه الصلاة والسلام. قالت له خرج زوجي يحج ولم يأخذني النبي عليه الصلاة والسلام قال لها اما علمت ان عمرة في رمضان كحجة معي؟ النبي بيشوقها لرمضان وهم في زو القعدة. يعني رمضان كان لسة - 00:25:59

عليه عشر شهور وبيستعدوا لرمضان. طب ازا كان عشر زي الحجة افضل عند الله من رمضان. واعظم عند الله من رمضان. كما قال الحبيب عليه الصلاة والسلام في الحديث سي السابت افضل ايام الدنيا ايام العشر. يعني اكتر ايام ربنا هيتفضل عليك بها. وهيتفضل عليك فيها من عطاء. ازا كان هزه - 00:26:19

الايام ازا كان استعداد الصحابة لرمضان كان بالحجم ده. امال الاستعداد لعشر زي الحجة يبقى قد ايه؟ عايزين نركز الاسبوع ده جدا. يا جماعة احنا النهاردة الجمعة اهو وهي تبدأ الخميس الجاي بازن الله سبحانه وتعالى. يعني قدامك ست ايام تستعد فيهم. تسمع على النت بقى. يعني بدل ما بنضيع اوقاتنا على النت في - 00:26:39

فيما لا يفيد لا خير في كثير من نجواهم. افتكرها وانت داخل الفيس وانت داخل الواتس. ما تضيعش عمرك في الفاضي. ما تضيعش عمرك وواجب الحاجة اللي فيها مصلحتك كما قال النبي صلى الله عليه وسلم. احرص على ما ينفعك. يعني خليك بتاع مصلحتك. يعني خليك فاهم مصلحتك. يعني خليك فاهم ايه اللي - 00:26:59

وايه اللي ما لوش لازمة. خليك بتاع مصلحة بمفهوم الدنيا والاخرة. خليك حريص على مصالحك الحقيقية. وما فيش مصلحة اعظم من اخطر عشر تيام في حياتك اخواني واحبابي في الله. اسأل الله اللهم بلغنا عشر ذي الحجة. اللهم اجعلنا فيها من الفائزين - 00:27:19

اللهم ارزقنا ذكرك فيها ليلا ونهارا على الوجه الذي يرضيك عنا. اللهم اجعلنا ممن يتلون كتابك حق تلاوته اناء الليل واطرافه فالنهار على الوجه الذي يرضيك عنا. اللهم اعنا على ذكرك وشكرك وحسن عبادتك. اللهم انا نسألك العفو - 00:27:39

والعافية في ديننا ودنيانا واهلنا ومالنا. اللهم انا نسألك العفو والعافية في ديننا ودنيانا واهلنا ما لنا. اللهم انا نسألك العفو والعافية في ديننا ودنيانا واهلنا ومالنا. اللهم اغثنا واغثنا بلطفك واغثنا بودك يا رحمن يا صمد. اللهم اجعلنا من الفائزين في عشر ذي الحجة. اللهم اجعلنا من عتقائك من النار - 00:27:59

فيها. اللهم اجعلنا من المقبولين الفائزين المحسنين فيها. اللهم اجعلنا لك صوامين لك قوامين لك ذكارين لك شكارين لك رهابين لك مطواعين اليك مخبتين منيبين. اللهم اعنا على ذكرك وحسن عبادتك سبحانك اللهم وبحمدك اشهد ان لا اله الا انت استغفرك واتوب اليك - 00:28:29

- 00:28:59