باحث

هذا المجرم ده لما اراد انه يعزب زوجته عذبها عذاب لا يتخيله انسان. ذكره النبي صلى الله عليه وسلم حين الحديس الصحيح ان فرعون اوتد لامرأته اربعة اوتاد في الارض. عمل ايه - 00:00:00ضَ

جعل الاوتاد فين ؟ وصلبها بقى ايد ورجل كده. وده معناه ان هي تتحرق الاربعة في كل الاوقات بتاعة الشمس. ازاي ؟ طول ما الشمس اصلا طالعة الارض بتشرب النار دي حر الشمس وبتبخه على ضهرها. وجسمها - 00:00:30ضَ

من فوق هي كده كده الشمس اصلا بتاكل فيه فتخيلوا قدر العذاب اللي تعرضت له هذه المرأة. ومع ذلك تشوف الثبات على الطريق. انما كان المبدأ الاساسي منه هو ليعرف الانسان منا ربه. انك تبقى عارف ربنا كويس. المعرفة دي اللي بتخلي كل المحن دي تعدي عليك - 00:00:50ضَ

وضرب الله مثلا للذين امنوا امرأة فرعون. اذ قالت رب ابني لي عندك بيتا في الجنة ونجني منه فرعون وعمله ونجني من القوم الايه؟ الظالمين. سبحان الله المعرفة معرفة الله سبحانه وتعالى. ولو جينا بصينا ايضا لاصحاب الكهف - 00:01:15ضَ

الشباب اللي كانوا عايشين في واقع زيه الواقع اللي انتم عايشين فيه بالزبط. احنا عايشين الان في واقع فوجئنا فوجئنا ان رقاصة هي الام المثالية. وفوجئنا فوجئنا كده فوجئنا في الواقع - 00:01:45ضَ

اللي احنا عايشين فيه ده هو ان والعياذ بالله اللي بيتكلم في غناء بفواحش والفاز سيئة بيحتفل من قيمة كام يوم انه اشترى فيلا في مارينا. احنا عايشين في واقع ان المتدين في - 00:02:05ضَ

طيب من ربنا ده ارهابي. فالانسان منا سبحان الله انا دايما لما بقرأ سورة الكهف كل جمعة بحس اوي اوي والله العظيم يا اخواننا بحس قوي ان احنا حالنا قريب من حال الشباب دول. حال الشباب اللي - 00:02:25ضَ

مش طايقين الواقع بتاعهم مش كرها في بلدهم. ولكن كرها للقيم الفاسدة. انا كاره القيمة الفاسدة انا كاره في يوم من الايام ان الراقصة تكون هي الام المثالية. وعندنا الاف من اطباء الجامعة علماء علماء - 00:02:45ضَ

والله يا اخوانا علماء ولا حد يعرف عنهم حاجة. احنا نقرأ القيمة الفاسدة دي. لان المفترض البلد لما تكرم تكرم من ينفع ابناءها. ده المفترض. ولكن نشوف في الجهة التانية امر غير طبيعي - 00:03:05ضَ

لمن شفت للاسف كلية طب في احد جامعات مصر جايبين شعبان عبدالرحيم علشان يكرموه. ليه ليدا اصله ليه انتم انتم بيعملوا في ناس كده ليه؟ رئيس الجامعة كلية طب اللي جاي النهاردة بيكرم شعبان عبدالرحيم. ليه؟ عمل ايه للشعب؟ عمل ايه للمسلمين - 00:03:25ضَ

عامل ايه لاهل مصر؟ يعني عمل لنا ايه؟ يا اخواننا انا باتكلم على قيمة مش باتكلم على اشخاص. الشخص ده يعني فيه بينه وبين ربنا شيء هو ده بيني وبين ربنا انا لا بتكلم على شخص انا بتكلم على قيمة - 00:03:49ضَ

احنا كم عندنا والله يا اخوانا كم ام عندنا مات زوجها احنا كنا امبارح في سيرة ام من امهات مات زوجها وهي قايمة باولادها الاربعة لحد ما خليتهم كلهم ما شاء الله اساتزة في الجامعات وكليات طب والكلام ده. مش دي الاحق بهذا التكريم؟ احنا عندنا كم - 00:04:04ضَ

دكتور جامعة من الناس الشرفاء اللي بيبذل ليل نهار. علشان يعمل حاجة كويسة للناس. هو ده السؤال اصحاب الكهف اصحاب الكهف شباب ظهر في مجتمع ما كانوش راضيين على القيم اللي فيه - 00:04:24ضَ

المجتمع القيم اللي فيه باطلة تركوا الاله الواحد الاحد وراحوا لمجموعة من الاصنام طوب لا ينفع ولا يضر سبحان الله! رغم التهديد ورغم الوعيد قال الله عز وجل انهم فتية امنوا بربهم وايه؟ وزدناهم هدى وربطنا على قلوبهم اذ قاموا. يعني ايه اذ قاموا - 00:04:44ضَ

حد يعرف الملك لما جاء بهم لما جاء بهم وخيرهم بينه ان تعودوا لديننا عبادة الاصنام واما ان تقتلوا. عايزين تسبتوا على دينكم تقتل. فهم حاولوا يقنعوه بالعقل. يعني حاولوا يقنعوه بالعقل - 00:05:10ضَ

قالوا ربنا رب السماوات والارض. شف المعرفة. شف ده كلام يطلع من حد عارف ربنا اوي. قالوا ربنا رب السماوات والارض لن ندعو من دونه الها لقد قلنا اذا شططا. هؤلاء قومنا اتخذوا من دونه الهة. لو - 00:05:40ضَ

يأتون عليهم بسلطان بين فمن اظلم ممن افترى على الله كذبا. وتشوف الانسان في وقت المحنة وفي وقت الشدة ازاي ثبت شوف بداية القصة كانت ايه ونص القصة كانت ايه ونهاية القصة كانت ايه. اما بداية القصة اذ اوى الفتية الى الكهف فقالوا ها - 00:06:00ضَ

ربنا اتنا من لدنك رحمة وهيء لنا من امرنا ادي اللجئ الى الله اللي ما بيطلعش الا من قلب ابقى عارف ربنا كويس في مواطن زي ده. تعال نص القصة قال تعالى فاووا الى الكهف ها ينشر لكم ربكم من - 00:06:20ضَ

ويهيئ لكم من امركم ايه؟ مرفقا. سبحان الله! دي قلوب كانت عارفة ربنا قوي معرفة دي بيترتب عليها حاجات كتير جدا يا اخواننا. من اعظم ما يترتب او من اعظم الثمرات اللي ممكن انت تجنيها - 00:06:40ضَ

من وراء معرفتك بالله سبحانه وتعالى هي الربط على القلب والربط على القلب معناه ان ربنا يثبت قلبك. وده اللي احنا محتاجينه في زماننا ده. ده اللي احنا محتاجينه في زماننا ده. ان ربنا سبحانه - 00:07:00ضَ

تعالى يربط على قلوبنا. كما قال الله عز وجل وربطنا على قلوبهم اذ قاموا. الربط ده هو تثبيت القلب على طاعة الله سبحانه وتعالى الربط ده يا اخواننا اللي ربنا سبحانه وتعالى بيعطيه دايما للناس - 00:07:17ضَ

اللي عارفه ربنا زي ما حصل مسلا مع اهل بدر قال تعالى وينزل عليكم من السماء ماء ليطهركم به وايه ويذهب عنكم رجز الشيطان والايه؟ وليربط على قلوبكم. احنا فعلا في بعض الاوقات الواحد بيبقى واقف كده - 00:07:47ضَ

يا جماعة اقسم بالله اقسم بالله يكاد عقل الانسان يطيش والله يكاد عقل الانسان يطيش. ليه؟ لانك شايف حواليك كمية طاقات جبارة جبارة وشايف قدامك نماذج من الناس قمة الادب وقمة الخلق وقمة الصلاح وقمة الحب للبلد - 00:08:07ضَ

وتلاقي سبحان الله في وقت اهل الباطل بيحاربوا دول فانت شايف ان هنا اهل الباطل وهنا اهل الحق فالقلب بيتلخبط. طب ازا كانوا دول على الحق ما بيوصلوش ليه اصلا؟ فان الانسان بيبقى محتاج بقى ايه الحاجة تربط على قلبه - 00:08:33ضَ

وده اللي احنا محتاجينه ان ربنا سبحانه وتعالى يربط على قلوبنا في زمن اختلت فيه المفاهيم. في زمن الشباب فعلا اصبحوا تايهين في الشارع مش عارفين يعملوا ايه. تعالي لو بصيت ايضا لنموذج السحرة - 00:08:53ضَ

سحرة فرعون ونموزج الناس اللي عرفت ربنا اوي. وقلوبها اتملت بمعرفة ربنا سبحانه وتعالى. فعلا قلوب كده اتملت بمعرفة ربنا سبحانه وتعالى. وتلاقي سبحان الله هذه المعرفة اثرت عليها في - 00:09:13ضَ

موقفها وفي اقوالها وفي افعالها. قدام بطش فرعون لا اقطعن ايديكم وارجلكم من خلاف. ولاصلبنكم في ولتعلمن اينا اشد عذابا وابقى! بص بقى! بص الكلام طالع من قلب واحد عرف ربنا. لن - 00:09:33ضَ

انت قلت لنا دلوقتي هتدينا فلوس وقلت لنا ان احنا نكون من المقربين لك. فتشوف القلب بقى اللي عرف ربنا لن نؤثرك على ما جاءنا من البينات والذي فطرنا. فاقض ما انت قاض. انما تقضي هذه الحياة الدنيا الا ايه؟ ها؟ امنا بربنا - 00:09:53ضَ

فليغفر لنا خطايانا وما اكرهتنا عليه من السحر. والله خير وابقى. والله خير وابقى دي ما الوحش الا من قلب واحد عارف ربنا اوي. انا مش هاقدم في يوم من الايام دنيا على ربنا. ومش هاقدم في يوم من الايام شيء ايا - 00:10:13ضَ

ان كان هذا الشيء على ربنا لا بنت بحبها ولا وظيفة ارجوها ولا مال انا منتظره مش هقدم حاجة على ربنا. ده ما يطلعش الا من قلب واحد حب ربنا. ودي الثمرة التانية من ثمرات معرفة الله سبحانه وتعالى. ان من استقر ان من استقرت معرفة الله - 00:10:33ضَ

في قلبك اللي معرفة ربنا استقرت في قلبه لا يمكن بحال من الاحوال تلاقيه بيقدم حد على ربنا. حتى ولو كان الحد ده احب الناس الى قلبه والسر في هذه المسألة ان العبد اذا عرف ربه احبه. واذا احبه قدمه على كل - 00:10:53ضَ

كل محبوب يحبك. كما قال ابن القيم رحمه الله. لو عرفت ربنا تحبه اوي. ولو حبيته لا يمكن في يوم من الايام تؤثر شهوة او معصية على الله سبحانه وتعالى - 00:11:16ضَ

تلاقي اصحاب موسى بقى نقول له اصحاب موسى اللي هم كانوا من شوية سحرة فرعون. تلاقيه كان عندهم ثبات عجيب اوي. الثبات ده جاي منين هي مسألة معرفة الانسان منا لربه سبحانه وتعالى - 00:11:33ضَ

في اول عنصر المفترض تبدأ به حياتك. وتبني حياتك عليه. لو عايز فعلا تثبت على طريق الله سبحانه وتعالى حط قدامك دايما انك لازم تعرف ربنا يا ابني. حط قدامك كده انك لازم تعرف ربنا سبحانه وتعالى - 00:11:51ضَ

تعالوا بقى نتكلم ازاي نعرف ربنا وايه ثمرات معرفة ربنا سبحانه وتعالى علشان ابقى فاهم كويس جدا بقى يعني ايه بقى معرفة الله سبحانه عايز اقول لك من البداية انا حابب ان الدرس يكون ما يبقاش مجرد كلام بيتقال. ولكن انا عايز درس يتحول لواقع عملي ملموس - 00:12:11ضَ

حاجة اقدر امسكها كده واقيسها بعد اما اخرج من الدرس. اعمل ايه ؟ اول حاجة يا ابني. من ابدع من ابدع دع من تكلم في اسماء الله الحسنى في زماننا هذا الدكتور محمد لطيف النابلسي - 00:12:33ضَ

الناس اللي بتحب السماح تروح النهاردة تنزل السلسلة بتاعة الشيخ محمد الواطي بالنابلسي عن اسماء الله الحسنى اخر اصدار اخر اصدار للشيخ شرح اسماء الله الحسنى حوالي اربع خمس ست مرات. احنا عايزين بقى اخر اصدار خالص. اللي هو بقى ايه؟ خلاصة انا شرحت درس او خطبت خطبة - 00:12:52ضَ

هنا رحت مسجد تاني خطبت نفس الخطبة بس زدت عليها شوية حاجات. مسجد تالت زودت. مسجد رابع ده بقى ايه هتسمع خطبة ما فيش بقى بعد كده. اسمع بقى الدروس بتاعة الشيخ محمد راتب النابلسي كويس. نزلها على فلاشة خليها معك في في قلب عربيتك. نزلها على اسطوانة خليها معك في قلب عربيتك - 00:13:12ضَ

وطول ما انت ماشي انت ما بتعملش حاجة. احنا معنا ست شهور على الاقل. ما نعملش حاجة الا واحنا بنسمع بس عن اسماء الله الحسنى الناس اللي ما بتحبش تسمع وغاوية قراءة هاتوا الموسوعة بتاعة شرح اسماء الله الحسنى بتاعة مين ؟ برضو بتاعة الدكتور محمد راتب نابلسيات لو فيه طبعة مجلد وفيه طبعة تلات مجلات - 00:13:32ضَ

او هاتوا الموسوعة بتاعة اسماء الله الحسنى بتاعة الدكتور خالد ابو شادي. فك الله اسره. وكل مظلوم اللهم امين هاتوا الكتب بتاعته. هاتوا الكتب بتاعته. آآ اسماء الله الحسنى المتعلقة بالجمال. اسماء الجمال. واسماء العظمة والكبرياء واسمعوا بقى - 00:13:53ضَ

اقرأوا بقى اقرأ اقرأ. حاول تقرأ كتير ماشي كده؟ يبقى انا عندي اللي اللي عايز يقرأ عنده كتابين تلاتة اهم. هات كتاب للشيخ امين الانصاري المتعلق بشرح اسماء الله الحسنى - 00:14:13ضَ

في كتاب بقى لطلبة العلم والناس المتقدمين شوية بقى في العلم وده كتاب عالي قوي. هي رسالة الدكتوراه اسمها مجهودات ابن القيم رحمة الله عليه في اسماء تلات مجلدات كبار. ده بقى لطالب علم متين شوية. جمع كل ما يتعلق بشرح اسماء الله الحسنى من كتب ابن القيم. انتم عارفين ابن القيم - 00:14:28ضَ

يمكن حد كده يعني نفسه عالي قوي في مسألة الكتابة فيما يتعلق بمعرفة الله ماشي كده؟ فيه كتب تانية كتير قوي فيه شرح اسماء الله الحسنى بتاع الشيخ وحيد عبدالسلام بالي وده برضو من الكتب الجميلة قوي في شرح اسماء الله الحسنى - 00:14:48ضَ

زوج كل يوم يقضي معرفتك باسماء الله الحسنى. وزمان لما كنت بشرح لكم اسماء الله الحسنى من سنتين تقريبا كنت بقول لكم دايما اعظم كتاب تقدر وتفهم منه يعني اسماء الله الحسنى والقرآن - 00:15:05ضَ

بس ده خلوها بس مرحلة متقدمة شوية. هاتوا الكتب اللي انا قلت لكم عليها الان. وابدأوا النهاردة اقرأوا في الكتب دي. ما يتعلق باسماء الله الحسنى. اللي عايز يقرأ ادي كتب اللي - 00:15:22ضَ

عايز تسمع انا قلت لكم السلسلة بتاعة الشيخ محمد رطب النابلسي ودي رقم واحد. وصدقوني والله كل من جاء من بعد الدكتور محمد النابلسي في شرح اسماء الله الحسنى عال عليه. عال عليه. حتى سلسلة باسمك نحيا. انا هقول اسم السلسلة مش هقول اللي قالها - 00:15:32ضَ

حتى السلسلة باسمك نحيا. هو عالة على الكتاب. خد كل الكتاب ولخصه وقاله للناس. اول مصدر كنت بحضر منه دروسي في اسماء الله الحسنى. كان كتاب الشيخ. واللي هيقرأ الكتاب من اوله لاخره هيلاقي فعلا ان في كتير من الاوقات انا كنت - 00:15:52ضَ

في مواقف وبذكر احداث وبذكر معاني من كتاب الشيخ. سواء الدروس اللي كانت في رمضان او الدروس اللي كانت موسعة. اللي كانت من سنتين. عندك سلسلة شومال. سلسلة جميلة جدا في اسماء الله الحسنى. عندك الدكتور غريب رمضان عمل تلاتين درس في اسماء الله الحسنى. الشيخ امين الانصاري اقرأوا اسمحوا كتير عن اسماء الله - 00:16:12ضَ

جميل يعني الشباب آآ يعني نسأل الله سبحانه وتعالى انه يهدينا وان يهدي ابناءنا لو رحت في يوم من الايام الجيم علشان تجري شوية وتتحرك شوية او تروح تنادي تلاقي الشباب حاطين سماعة على ودانهم وبيعملوا اللي هم عايزينه. بيجري شوية على المشاية بيجري شوية مش عارف ايه - 00:16:32ضَ

في شوية في النادي حاطط السماعة اللي عليها الاغاني وبيجري. حري بك. زي ما هو كان مستعد ان حاطط الاغاني في ودانه حري بك وانت راكب عربيتك وانت رايح مشوار ان السماعات بتاعتك مليانة دروس عن اسماء الله الحسنى وماشية معك كده واحدة واحدة طول ما انت ماشي تزداد مع - 00:16:52ضَ

باسماء الله الحسنى. يبقى في ساعات نعرف اسماء الله الحسنى سماعا للناس اللي بتحب تسمع ما عندهاش وقت للقراءة. واللي عنده وقت للقراءة ذكرته لكم بعض الكتب. اتنين علشان فعلا معرفة الله سبحانه وتعالى تؤثر في حياتك. لابد وان تظهر معاني الاسماء عليك - 00:17:12ضَ

بمعنى ايه يا اخوانا؟ اهو انا اصل احمد بيقول لي دايما حاول دايما تخلي الكلام بتاعك يمكن انه يقاس. اعمل ايه بعد ما اخرج؟ اللي تعمله بعد ما تخرج. انا النهاردة - 00:17:32ضَ

اسم الله الرحيم. فدوري النهاردة بعد ما سمعت كويس عنه او قرأت كويس بسم الله الرحمن الرحيم. ان تتخلق باخلاق هذا الاسم الحديث اللي ورد في مسألة فيه ضعف. تخلقوا باخلاق الله. فيه ضعف ضعيف. ولكن معناه متفق عليه بين اهل العلم. لما - 00:17:43ضَ

تعرف ان ربنا سبحانه وتعالى ستير وتسمع عن ستر الله سبحانه وتعالى وحب الله عز وجل للستر لا يمكن ابدا هتفضح حد شفته في يوم من الايام معنا معصية. وهتلاقيك بدون ان تشعر بتشتغل في جمعيات خيرية علشان تعمل سقف تستر به عيلة او تجيب هدوم علشان تستر بها. آآ جسد حد - 00:18:03ضَ

نتخلق باخلاق الله سبحانه وتعالى. فتاني حاجة ان انا عايز الاسم ده بعد ما سمعناه ابدأ اطبق بقى مقتضى هذا الاسم في حياتي سمعت عن ربنا عز وجل اسمه العفو. يبقى تعفو عن الناس وتسامح الناس وتصفح. سمعت عن ربنا سبحانه وتعالى الكريم - 00:18:23ضَ

وشفت كرم الله سبحانه وتعالى بصوره التي لا تعد ولا تحصى في هذا الكون. يبقى دورنا على طول مباشرة انك تتعلم الكرم مع الناس. لما اعرف ان ربنا سبحانه وتعالى حليم. والحليم معناه هو الذي لا يبادر بالعقوبة. لا لا لا هو حليم سبحانه وتعالى. تطبق ده مع زوجتك وتطبق - 00:18:43ضَ

ودمع اولادك. لما تعرف ان ربنا سبحانه وتعالى حيي. ده يظهر اسره على اختنا. ربنا يا رب يحفزها في لبسها في هدومها في طريق مشيتها في طريقة كلامها ويظهر عليك في طباعك واخلاقك. انت انسان حيي. فالحاجة التانية بعد اما اسمع كويس او اقرأ كويس - 00:19:03ضَ

افضل ماشي طول اليوم. من بعد ما سمعت الدرس ده الى ان تلقى الله. انك ازاي احول الدرس ده ان ده يبقى خلق عندي الحياة طبعا الاخلاق اللي يسمح فيها شرعا انك تتخلق بها. لان احنا هنعرف برضو ان فيه اسماء لله سبحانه وتعالى ما ينفعش ان انا اتخلق بها - 00:19:23ضَ

دي حاجة خاصة بالله سبحانه وتعالى زي الكبرياء. دي صفة لله سبحانه وتعالى. ما تجيش عندنا احنا. ماشي؟ ما تبقاش متكبر على الناس. طيب نرجع تاني. نرجع تاني. عرفت ان ربنا سبحانه وتعالى جبار - 00:19:43ضَ

يجبر كسر المنكسر. حاضر حاضر. يبقى تتخلق بهذا الخلق. وطول ما انت قاعد تفكر ازاي بخاطر والدك ووالدتك. حتى ولو ماتوا ازاي اجبر بخاطرهم وهم في قبورهم؟ آآ ازاي اجبر بخاطر مراتي؟ ازاي اجبر بخاطر ولادي - 00:19:59ضَ

ازاي جارنا اللي عنده حد مات؟ ازاي يروح حاجبر بخاطره؟ آآ جارنا النصراني المسيحي اللي جنبي في البيت آآ حصل لكم مصيبة كبيرة باظ ولا اتحرق ولا ازاي اروح اجبر بخاطره. وازاي اسانده في وقت شدته. يا سلام بقى لما نحول معرفتنا باسماء الله الحسنى - 00:20:19ضَ

العلا الى واقع بقى مليان في حياتنا. تسمع عن اسم الله البر سبحانه وتعالى. وتلاقيه سبحان الله تلاقيه كده واحنا بنشرح اسم الله البر هو امرنا بالبر مع كل خلقه. حتى مع من عادانا في الدين. اللي مخالف لنا في الدين. عفوا مع من خالفنا في الدين. ازاي اتعامل معه بالبرز - 00:20:39ضَ

ازاي جار المسيحي اتعامل معه بادب وباحترام وبخلق ان تبرهم وتقسطوا اليهم؟ يا ربي الحاجة التالتة والاخيرة ان تكون داعية لاسماء الله الحسنى. نرفع الاذان ونتكلم بقى عن الجزئية دي بعد الاذان ان شاء الله. بسم الله والحمد لله - 00:20:59ضَ

والصلاة والسلام على رسول الله صلى الله عليه وسلم وبعد يبقى ازا يا اخواننا اول شيء بيثبت الانسان على الطريق هو ان الانسان منا يعرف ربنا سبحانه قلنا الان كيف نعرف الله سبحانه وتعالى ان احنا نسمع كتير - 00:21:16ضَ

اتنين نقرأ كتير وفي حاجة تالتة بقى مهمة قوي في الجزئية دي هي جزئية ايه يا اخوانا؟ ان ترى افعال الله عز وجل فيك وفي الكون من حولك بمعنى الاخ اللي كان عايز البصمة والدنيا واقفة فانت هنا تشوف فعلا اسم الله المجيب. صح؟ دعا ربنا - 00:21:36ضَ

وربنا اجابه بسم الله سبحانه وتعالى الكريم شف اسماء الله عز وجل وصفاته من خلال افعال الله سبحانه وتعالى في الكون. طيب الامر التاني بعد المعرفة القولية والفعلية والمتعلقة بالنظر في الكون. اتنين ان انا اتخلق بقى بهذه الاخلاق. يا اخوانا والله - 00:22:07ضَ

والله نحن في حاجة في هذا الزمان نحن نتخلق باخلاق الله سبحانه وتعالى نشوف اسماء الله الحسنى ونبدأ نطبقها بقى علينا في حياتنا. ربنا سبحانه وتعالى سمى نفسه البر فده لازم يزهر على - 00:22:33ضَ

لازم يظهر علي في بري لوالدي ووالدتي. لانه لان الله عز وجل هو البر فامر بالبر. سبحانه وتعالى. واول نوع من انواع البر البر بالاب الامر التالت بقى وده مهم اوي ان يكون حديثنا بينا وبين بعض عن ربنا سبحانه وتعالى - 00:22:50ضَ

آآ يمكن الفيس اتقلب اليومين التلاتة اللي فاتوا عن البرنامج اللي بيخلي صورتك وبيجيب لك صورتك وانت كبير يعني شاغل الكلي. شغل الناس انه عايز يشوف سنه لما يكبر هيبقى عامل ازاي؟ شكله لما يكبر عامل ازاي؟ وشغل حتى اهل العلم اه - 00:23:13ضَ

الحكم في المسألة دي ايه تخيلوا يا اخوانا لو في يوم من الايام الفيس كله كده اتجمع على معرفة الله سبحانه وتعالى. بغض النظر بقى عن حكم البرنامج والكلام ده كله. تخيل في يوم - 00:23:36ضَ

من الايام ان احنا كلنا كلنا اتجمعنا على ان احنا كل يوم نعرف الناس باسماء الله الحسنى وصفاته العلا احنا شكلنا هيبقى عامل ازاي وضعنا يبقى عامل ازاي؟ تخيل النهاردة ان كل صفحة موجودة عندك - 00:23:49ضَ

من صحابك كل واحد منهم يدلك على اللي يدل على شرح الاسم من اسماء الله فيديو مسلا. او اللي يدل على كتاب من كتب شرح اسماء الله الحسنى. او اللي - 00:24:10ضَ

اسمه ايه ؟ بما نشوف لا بالعروف. يكتب منشور مسلا عن شرح اسم من اسماء الله اول اللي يكتب سبحان الله موقف حصل له بتظهر فيه معاني اسماء الله. انتم متخيلين احنا هنتغير ازاي - 00:24:20ضَ

لما تزداد معرفتنا بالله سبحانه وتعالى تلت حاجات مهمة اوي في درس النهاردة مع اول سبب من اسباب الثبات. معرفة الله واحد نقرأ كتير ونسمع كتير عن اسماء الله الحسنى. اتنين ان انا اتخلق بهذه الاخلاق اللي موجودة في اسماء الله الحسنى - 00:24:40ضَ

تلاتة ان دورنا ان احنا نعلم الناس معنى اسماء الله الحسنى وصفاته العلى وفي اقل من اربع دقايق عايز اسألكم انتم سؤال عايز اختم بكم انتم الدرس. هو انا لو عرفت ربنا سبحانه وتعالى باسمائه الحسنى وصفاته العلى؟ ايه الاستفادة اللي ممكن تعود علي يعني من وراء ده - 00:25:00ضَ

اتفضل قوم الخشية اول حاجة اول حاجة تثمرها معرفة اسماء الله الحسنى وصفاته العلى في قلبك انك تخاف من ربنا. والله يا اخوانا انك تخاف من ربنا لذا قال النبي صلى الله عليه وسلم انا اعلمكم بالله واشدكم له خشيتي. النهاردة لما - 00:25:20ضَ

نعلم التاجر النهاردة لما هنعلم التاجر من هو الله هيخاف انه يغش ويسرق في الموازين. والله يا اخوانا انا النهاردة زي ما قلت لكم كنت بخلص اوراق في مصلحة حكومية. يعني بخلص اوراق في مصلحة حكومية - 00:25:55ضَ

الموزفين اللي موجودين نسأل الله سبحانه وتعالى السلامة والعافية. ان علشان حد يخلص لك ورقة انت بتسحب الكلمة من بوقه بالعافية وتسمع بقى لما دخلت المدير تكلمه الوضع كزا يقول لك انا ما عنديش موزفين انا عندي موزفين اربعة خمسة ومش عارف الحكاية ايه والرواية ايه اه مع ان هم اربعة خمسة يعطلوا - 00:26:12ضَ

صالح الناس فالموظف النهاردة لا يمكن بحال من الاحوال هيتقي الله في شغله ويخلص لك مصلحتك الا ازا كان خايف وربنا ولا يمكن بحمل احوال يخاف من ربنا الا اذا عرف الله. لما تروح المرور علشان تجدد الرخصة بتاعتك لا يمكن ابدا هتلاقي - 00:26:34ضَ

في حد بيرتشي او يطلب منك رشوة عشان يخلص لك ورقك. مش هتلاقي. ليه؟ لانه لو عرف ربنا هيخاف من ربنا. ولو خاف من ربنا لا يمكن يروح للحرم فمن اعظم الفوائد اللي اللي بتخلي حياتنا طيبة فعلا ان احنا نعرف ربنا. احد اخواننا الافاضل - 00:26:54ضَ

الافاضل ربنا ابتلاه بفشل كلوي فكان بيغسل. جهاز الغسيل الكلوي ده ربنا يعافيكم كده حاجة كده بتتعمل عملية في الدراع هنا او في الرقبة للمريض. علشان يسيبوا مكان يخشوا فيه كده خرطوم - 00:27:14ضَ

مسلا اللي اللي بيسحب الدم ومكان تاني بياخد منه الدم. الدم يطلع منه من خرطوم يخش على الجهاز. الجهاز ده يفلتر الدم جميل كده يعمل غسيل للدم ده وبعد كده الدم النضيف ده يقوم داخل ايه في المريض مرة تانية فلازم التعقيم بتاع الجهاز ده يبقى على - 00:27:34ضَ

احسن حال لما ييجي مسؤول في المكان ده عارف ان جهاز او جركن التعقيم اللي انا هعقم به بمية وخمسين جنيه الامريكي النضيف شوفوا شوفوا عدم معرفة ربنا بتوصل لايه - 00:27:54ضَ

فهو النهاردة المسئول ده عايز يعمل مصلحة. فيعمل مصلحة ازاي؟ فيروح يجيب جركن للتعقيم الامريكي لا يجيب المصرف بكم؟ خمسة وتلاتين جنيه. اللي هو اصلا لا بيعقم ولا بتاع. طب هو الجركن المصري دا وحش يعني - 00:28:10ضَ

ايه ده يا لالا اللي انت ما بتحبش بلدك وما بتحبش موتك! لأ يا اخواننا ما هو انتم مش فاهمين اصل الشركة اللي كانت بتعمل المنتج المصري ده كان فيها برضه موزف عايز يعمل - 00:28:31ضَ

فبدل ما يحطوا كمية التعقيم خمسين حاطة عشرة. عشان الاربعين دول يعمل مصلحة ماشي كده؟ فكانت النتيجة ان زميلنا ده دخل يغسل من هنا دخل يغسل وعنده فشل كلوي بس جابوا له الفيروس سي - 00:28:41ضَ

تخيل بقى قدر الكرب. طب تعالوا بقى ناخدها من تحت كده ونبدأ نطلع فوق. ان احنا كلنا النهاردة معرفة الله ملأت قلوبنا. معرفة ربنا. ان انا اعرف ان ربنا رقيب سبحانه وتعالى. انه يسمع وانه يرى يسمعنا ويرانا - 00:28:57ضَ

يرى حالنا ويسمع كلامنا ويرى ايضا ما عليه امرنا باللي احنا بنعمله هو يراه سبحانه وتعالى فانا لما شفت ده انا كواحد شغال في شركة بتعمل الجيركن بتاع التعقيم ده آآ انا ربنا بيراقبني. ولو ربنا سبحانه وتعالى رآني في يوم - 00:29:17ضَ

يوم من الايام ودي التربية بتاعة ابائنا زمان. لو ربنا رآني ان انا باغش في ده فممكن المريض يجي له فشل كلوي على طول ايه اللي هيحصل؟ انا في يوم من الايام - 00:29:37ضَ

ربنا يبتليني في ولادي او هيبتليني عقوبة من الله على اللي انا عملته. مش دي التربية بتاعة ابويا وابوك واتربى على كده. يا ابني ربنا يراك. لو شافك بتعمل كذا هيسلط عليك كذا. اتربى على كده. فكان ابويا وابوك ما يحبوش الحرام - 00:29:47ضَ

لما نشأت اجيال بقى على عدم معرفة الله بقى الهدف الاساسي للي شغال ده اعمل مصلحة ازاي؟ ازاي اعمل مصلحة؟ اهم حاجة. تيجي بقى على صحة الناس. تيجي على حياة الناس. تيجي ده كله راح - 00:30:05ضَ

ليه؟ مراقبة ربنا راحت من حياة بعض الناس. فهتلاقي اللي بيعمل الجركن بيعمله غلط. وهتلاقي المسئول اللي في المستشفى لما جه يعمل مصلحة الجركن اللي ممكن يموت ده ويعمل به مصلحة هو كمان وهكزا. سلسلة تسلم بعضها لبعض تلاقي المجتمع كله بينهار بسبب احنا عايزين - 00:30:22ضَ

مصلحة لما ييجي الحي النهاردة يشوف واحد عامل مصنع في قرية من القرى. وكل مخلفات المصنع يقوم راميها في قلب السط يقوم راميها في قلب الترعة اللي البلد كلها تروي منها وبتشرب منها - 00:30:42ضَ

وبيبقوا عارفين كده القرية الفلانية دي كل اللي فيها عندهم سرطانات او عندهم فشل كلوي او عندهم مرض الكبد بيبقوا عارفين طب يدوروا على الاسباب اصل المصنع ده طب اوقفوا المصنع ده يروح المسؤول علشان يوقف المصنع ده صاحب المصنع ده - 00:30:57ضَ

بيعمل معه مصلحة ياخد الفلوس يمشي المسؤول والناس بتموت علشان المصلحة ماشي كده؟ وبعد فترة تلاقي الموزف ده الموزف ده هو في يوم من الايام يعرف ان ابنه والعياذ بالله جا له فشل كلوي. ويبدأ الموظف ده يقول يا رب انت ليه بتعمل في كده؟ لا ما انت مش واخد بالك. ان كله - 00:31:15ضَ

سلف دين فالانسان منا اذا عرف الله خاف. فلا يفعل الا ما فيه الخير له مع الله وفيه الخير له مع الناس تلاقيه في يوم من الايام لما قالوا له هنجيب لك جراكي من المصرية عشان تطلع لك مصلحة يقول لهم وربنا وربنا اعمل ايه؟ وتلاقي - 00:31:46ضَ

اللي كان بيصف الطريق المفترض يحط خامات بكمية معينة. طريق جمصة طريق الموت. اسر كل يوم بتموت كل يوم بنشوف اعلان. اصل الموزف حب يعمل مصلحة. الموزف ده على فكرة اللي هو انا وانت في يوم من الايام. اسأل الله عز وجل ازا كنا موزفين - 00:32:10ضَ

ان يجعلنا ممن يخافون الله. عشان يعمل مصلحة ما رصدش الطريق كويس. فتلاقي الطريق عامل كده. عامل كده. ييجي واحد ماشي هو وزوجته واولاده ماشيين على الطريق ده ايه اللي يحصل؟ اقسم لكم بالله - 00:32:30ضَ

ويجي اللي كان عامل المصلحة في في الطريق دهو ابنه يضغط عليه انا لازم اروح راس البر مع ولادي مع اصحابي. يقول له لأ. يقول له هاروح خلاص رح يا ابني. وبعد كده يجي له خبر ان ابنه وهو ماشي على الطريق اللي والله يا اخوانا ده امر حقيقي من ازن الموزف ده - 00:32:46ضَ

لما جاي بيقول لي انا عايز اتوب. واحنا بنسرق في في الطرق ورصف الطرق يقول لي انا عايز اتوب قلت له من ايه؟ وكلمني بقى وحكى لي قلت له ايه سبب توبتك؟ قال لي اسلبني في يوم من الايام مشي على الطريق ده عربية تريلا بسبب حادسة على الطريق - 00:33:06ضَ

فرمته هو واصحابه. لازم نفهم بقى. ما هو لازم نفهم. ما فيش حاجة عند ربنا بتعدي كده. فالانسان منا لما يعرف ربه سبحانه وتعالى يبقى لازم يخف والخوف ده هو الخوف النافع لنا كلنا. اتنين الانسان منا اذا عرف الله احبه. واذا احب الله - 00:33:29ضَ

سهلت عليه الطاعة. ودي من اعظم ثمرات معرفة الله سبحانه وتعالى. انك لما تكون عاصي بالليل عملت معصية كبيرة والصبح رايح تخلص ورقة مهمة جدا في حياتك. او الصبح عندك مقابلة مع شركة انت رايح تقدم فيها اوراقك ونفسك تقبل - 00:33:55ضَ

تعمل المعصية بالليل وتروح الصبح. وانت بقى ماشي كده انت عارف ان انا هاترفض ومش هيسامحوني ومش هيقبلوني. وسبحان الله تروح هناك تلاقيهم رحبوا بك. وقبلوك وافقوا على تعيينك. فساعتها وانت نازل كده من الشركة حاطط وشك في الارض مش قادر ترفع وشك في السما - 00:34:15ضَ

حياء الجناية. بقى معقول انا اعصي ربنا بالليل والصبح يتعامل معي كده. فهنا يعرف الانسان ربه باسمه حليمة الذي ما عجل العقوبة ولكن امهلك ليريك تعامله معك. ففي الوقت ده اول ما تشوف تعامل ربنا معك - 00:34:45ضَ

تلاقي قلبك بيدوب في حب ربنا تحبه اوي فيسهل عليك بعد كده الطاعة. كفاية كده لان انا طولت عليكم النهاردة ونكمل الدرس الجاي كيف نثبت على طريق الله ولكن عايز اختم بس خمس حاجات قبل ما اقوم احنا خدنا كيف نعرف الله بتلات حاجات او - 00:35:05ضَ

وكيف اتعامل معرفة طلاب تلت حاجات كاول عنصر من العناصر اللي بها نثبت على الطريق كانت اول حاجة اسمع كتير عن اسماء الله الحسنى ما بتحبش تسمع اقرأ كتير عن اسماء الله الحسنى - 00:35:29ضَ

وذكرت لكم اسماء سلاسل صوتية واسماء كتب تسمعوا وتقرؤوا. اتنين اتنين انك تتخلق بهذه الاخلاق المنبثقة من اسماء الله الحسنى وصفاته تلاتة انك تعرف الناس تدردش مع الناس عن ربنا سبحانه وتعالى. بعد كده انتقلنا على جزئية مهمة هي جزئية ثمرات معرفة الله. دي احنا - 00:35:39ضَ

الدرس الجاي واحد انك لو عرفت ربنا تخاف منه اتنين لو عرفت ربنا سبحان الله تحبه وبالتالي تهون عليك الطاعة والعبادة. واول الدرس طبعا ما قبل العشاء احنا اتكلمنا عن ان كل النماذج اللي ربنا ذكرها في القرآن ثبتت عن الطريق ثبتت على الطريق كان اول عنصر من عناصر الثبات ايه؟ معرفة الله سبحانه - 00:35:59ضَ

وتعالى. جزاكم الله خيرا اكتفي ان شاء الله بهذا القدر. سامحوني على الاسئلة. انا والله يعني يعني حماة اخ حبيبنا قوي توفيت في عايز الحق بس ان شاء الله الجنازة. فاجيب على الاسئلة بتاعتكم ان شاء الله الاسبوع القادم. اذا شاء الله سبحانه وتعالى. هذا وصلى الله على نبينا محمد وعلى اله وصحبه وسلم - 00:36:19ضَ

- 00:36:39ضَ