باحث

السلام عليكم ورحمة الله وبركاته. اهلا بحضراتكم في الحلقة الثالثة من حلقات تدبر اسماء الله الحسنى والحلقة دي هي الحلقة الثالثة من حلقات المقدمة والحلقة الاخيرة في المقدمة المرة الجاية ان شاء الله هتكون يوم الاربعاء القادم - 00:00:02ضَ

برضو الساعة تسعة مساء بتوقيت القاهرة وهتكون مع اول اربع اسماء هنتدبرها الاول والاخر والظاهر والباطن يبقى اول اسم هنتدبره الاول عشان واحد صاحبنا بعت لي قال لي اول اسمها ايه ؟ قلت له الاول. قال لي لأ بجد؟ قلت له الاول. قعدت تقول له الاول هو افتكرني مش عايز اقول له. هو اسم الله الاول - 00:00:30ضَ

يلا نبدأ ان شاء الله الحمد لله والصلاة والسلام على رسول الله. طيب طالما ان دي اخر حلقة من حلقات المقدمة الطويلة اللي احنا بناخدها دي تلات حلقات مقدمة اذكركم بقى بان الهدف من هذه الحلقات هو ان احنا نحصي اسماء الله الحسنى - 00:00:59ضَ

اللي تدخلنا الجنة لقول النبي صلى الله عليه وسلم في الحديث الصحيح عن الذي رواه ابو هريرة رضي الله عنه قال قال رسول الله صلى الله عليه وسلم ان لله تسعة وتسعين اسما - 00:01:21ضَ

مائة الا واحدة من احصاها دخل الجنة لان مهم جدا ان الواحد يذكر نفسه دايما بالهدف اللي هو به. احنا بنعمل كل ده ليه؟ عشان ندخل الجنة. لان والدليل ايه؟ الدليل هو حديث النبي - 00:01:38ضَ

دايما كده طول ما انت بتشتغل في اي حاجة. هدفك واضح قدامك كل حاجة بتعملها كل كلمة بتقولها لو هتوصلك لهدف اعملها وقلها. مش هتوصلك لهدف؟ ما تضيعش وقتك. هو ده. فاحنا بنعمل ايه هنا؟ احنا بنحصي اسماء الله - 00:01:58ضَ

الحسنى. عشان النبي قال لنا ان منهم تسعة وتسعين اسم وما قلناش ايه هم التسعة وتسعين دول منهم تسعة وتسعين اسم. اللي هيحصيها هيدخل الجنة. تمام. طيب. بالنسبة لاسماء الله الحسنى بقى - 00:02:13ضَ

يقول الحق تبارك وتعالى في سورة الاعراف ولله الاسماء الحسنى فدعوه بها. وذروا الذين يلحدون في اسمائه سيجزون ما كانوا يعملون ووصلنا في الحلقتين السابقتين في المقدمة الى ان الاحصاء احصاء مش مجرد عد - 00:02:28ضَ

ولا حفز لأ الاحصاء هو الالمام بمعنى كل اسم ومقتضياته مثلا اسم الرحيم يقتضي ان الله يرحم. اذا انا لما احصي اسم الرحيم يعني افهم اسم الرحيم افهم مقتضيات اسم ابراهيم اللي ربنا عنده رحمة اعدها لعباده. ان فعل مع الاسم ده باني اعمل ايه؟ ادعو الله - 00:02:57ضَ

انه يرحمني اذا دعوت الله انه يرحمني انا قد دعوته باسمه الرحيم او باسمه الرحمن كمان سواء بقى طلبت منه وذكرت الاسم او لم اذكره فلو قلت له يا رحمن يا رحمن ارحمني يا رحمن يا - 00:03:26ضَ

رحيم ارحمني كويس لو قلت له يا رب ارحمني انا دعوته باسمه الرحيم برضو خلاص فاحنا كده دي احنا خلصناها بقى. تمام؟ طيب وحذرنا في الحلقة السابقة من الالحاد في اسماء الله. يا جماعة كلمة الحاد مش يعني انكار وجود الله. ده ده الكلمة - 00:03:49ضَ

مصطلح عليها اليومين دول كده لكن كلمة الحاد يعني الزيغ والميل الانحراف يعني. ماشي اه الالحاد في الاسماء هو آآ آآ الميل بهذه الاسماء عن معانيها الحقيقية او استغلالها غلط. فيه ناس بتعمل بها حجبة وتمائم ومش عارف ايه وبتاع وكلام فارغ - 00:04:12ضَ

ربنا امرنا بالبعد عن هؤلاء وترك هؤلاء. وذروا الذين يلحدون في اسمائه. وقال لنا هيحصل فيهم ايه؟ سيجزئنا ما كانوا يعملون وشرحنا اختلاف العلماء في مسألة مسألة مهمة جدا هي اللي سببت مسألة الاختلاف حول الاسماء وعدد الاسماء وفيه ناس راحت لالف اسم واربعة - 00:04:44ضَ

اسمه وناس يعني معظم العلماء على قبول متين حاجة وتمانين اسم. متين اتنين وتمانين اسم. حاجة كده قلنا بقى سبب اختلافه مع بعض ايه السبب الرئيسي هو مسألة اشتقاق اسماء لله من صفاته ومن افعاله - 00:05:08ضَ

واظن اصبح واضح عند حضراتكم بعد حلقة امبارح ان انا باخد بالرأي المتشدد شوية اللي لا يبيح لا يجيز اشتقاق اسماء لله وضربنا مثل باسم البديع المشهور عند الناس ان من اسماء الله البديع - 00:05:30ضَ

وقلنا انه لا يوجد في القرآن اسم البديع. ولا في السنة الصحيحة اسم البديع لكن هو مشتقوه. من ايتين اية اية البقرة مية وسبعتاشر بديع السماوات والارض. واذا قضى امرا فانما يقول له كن - 00:05:49ضَ

سيكون واية الانعام. بديع السماوات والارض انى يكون له ولد ولم تكن له صاحبة وخلق كل شيء وهو بكل شيء عليم. طيب. ازا القرآن جاب جاب بديع مضاف الى السماوات والارض فممكن تسمي الله بديع السماوات والارض. ما حدش يقدر يكلمك فيها. لكن تشتق منها وتسميه البديع - 00:06:08ضَ

ده آآ يعني انا في المدرسة اللي انا باتبعها غلط مش صح لم يسمي نفسه بهذا لكن لا شك ان الاية بتقول ان الابداع او البدع من صفات الله لكن ده لا لا يعطينا الحق في اشتقاق اسم البديع. حتى لو اسم مسلا وده اسم معناه جميل على فكرة يعني هو اسم جميل قوي - 00:06:36ضَ

بس مش ما يديكش الحق انك تسمي ربنا اسم. لم يسمي به نفسه وقلنا فيه ناس اشتقت اسماء لله كثيرة بقى من صفاته. مسلا الموجود يعني انا لي صديق اسمه الدكتور عبدالموجود - 00:07:03ضَ

موجود دردير فيه اسماء عبدالموجود وبيسموا ولادهم عبدالموجود. ودليلهم على ده ايه آآ يعني هناك ادلة كثيرة ان الله سبحانه وتعالى موجود دليلهم على كده اية سورة النور سورة النور - 00:07:18ضَ

آآ انا مش حاططها تقريبا اية سورة النور آآ الاية آآ تسعة وتلاتين والذين كفروا اعمالهم كسراب بقيعة يحسبه الظمآن ماء حتى اذا جاءه لم يجده شيئا ووجد الله عنده فوفه - 00:07:45ضَ

حسابه والله سريع الحساب. ازا ووجد الله عند هدي يعني الله موجود قال لك طالما الانسان بيجد الله ازا نشتق لله اسم الموجود. وفي حديث صحيح اه ربنا بيتكلم فيه الانسان بيقول له - 00:08:10ضَ

ابن ادم مرضت ولم تعدني فقال كيف اعودك وانت رب العالمين؟ قال ان عبدي فلانا مرض فلم تعده ولو عدته لوجدتني عنده حلو يبقى ازا الانسان ممكن يجد الله. حلو اوي - 00:08:30ضَ

هل ممكن تطلب من الله وتناديه وتقول له يا موجود اغفر لي الحديث ده والاية دي دليل على ان الوجود صفة من صفات الله. بالتأكيد لكن الموجود مش اسم من اسماء الله لم يسمي نفسه الموجود - 00:08:55ضَ

وليس من اسماء ولو ولو هو اسم مش من اسماء الكمال يعني يشترك يشترك في هذه الصفة كل شيء موجود في الدنيا. فمش ما فيش حاجة كاملة يعني انا بقول الكلام ده ليه - 00:09:18ضَ

لان منكم ناس هتقرأ بقى في كتب الاسماء الحسنى وهتجد علماء كبار بيقولوا ان دي اسماء وبياخدوها كاسماء من الاسماء اللي قال حسنى. ما حدش بقى الله يخليكم ييجي يقول لي انت قلت الموجود وانا لقيت في كتاب فلان الفلاني والعالم الكبير الفلاني - 00:09:36ضَ

ما حدش انا عارف كويس ان فيه مدارس اخرى في المسألة دية انا متشدد معناها طبيعتي مش متشدد انا متشدد لان دي مصلحة مصلحتنا ان احنا نقلل الاسماء على قد ما نقدر. ليه؟ لان احنا يا جماعة ما تنسوش بندور على تسعة وتسعين اسم - 00:09:55ضَ

هنفضل نكتر الاسماء ليه كل ما قدرنا نشدد في الشروط بتاعة قبول الاسماء كل ما عدد الاسماء اللي اصبحت مطروحة قال ولما يقل قدرنا نقترب من التسعة وتسعين اسم فهمتوا بقى؟ انا انا بعمل كده برجماتيا برضه انا بعمل كده عشان مصلحتي انا بدور على تسعة وتسعين اسم. طيب - 00:10:17ضَ

هندخل بقى ايه يعني لكن بقى لو احنا هنفتحها على البحري وندخل معنا بقى الشيء الكائن الموجود. ده فيه ناس سمت ربنا المذكور المذكور وايه بقى لك تقدر تنكر ربنا قال كده ولا لأ؟ ايه قال كده فين؟ قال لك اهو. في البقرة فاذكروني اذكركم - 00:10:42ضَ

وقال لك برضه في سورة ال عمران الذين يذكرون الله قياما وقعودا وعلى جنوبهم. يذكرون الله اذا ربنا مذكور فسموه. المذكور واحنا يعني احد مشايخي على فكرة اسمه له اسمه المذكور. لكن لكن آآ لكن فيه ناس بتسميه عبدالمذكور - 00:11:03ضَ

انا بصراحة بتحرج لا ارى ان دي اسماء من اسماء الله اصلا. او لو هي لو حتى هنشوف بقى دلوقتي كمان ان في حتى بعض الاسماء هي بتاخد حكم الاسم فعلا زي الضهر - 00:11:32ضَ

لكنه مش من الاسماء الحسنى بقى ازا احنا كده بدأنا نفهم الطريقة اللي نصل بها الى الاسماء الحسنى. الحسنى. الحسنى يعني اللي في منتهى الحسن والجمال على وزن الفؤلة من الفعل الحسنى من الحسن - 00:11:46ضَ

منتهى الجمال في هذه الاسماء. فده شرط ان الاسم يكون جميل في شيء من الجمال والكمال لكن لو اسم لا يعبر عن الكمال يعني لازم يكون اسم يغير حياة الانسان لما يحصيه - 00:12:04ضَ

يعني يفهمه ويعيش بمعانيه. لكن هعيش بمعنى الشيء ازاي هعيش بمعنى الضهر ازاي اه ربنا قال انا الدهر. ماشي وعايز اقول لكم ان معزم علماء السلفيين على ان الدهر مش من اسماء الله. لكن يعني هنضحك على نفسنا. يا جماعة ما حقق شروط الاسمية هو اسم وربنا قال - 00:12:20ضَ

الآن الدار خلاص وقف لكنه هنا بقى اللي بنقوله ليس من الاسماء الحسنى اللي امرنا ندعوه بها. ما حدش قال له يا دهر آآ ارزقني مسلا ازا هو ما قال لك لأ - 00:12:40ضَ

هم عملوا ايه بقى؟ خرجوا الاسماء اللي لا تدل على الكمال وقال لك مش اسماء حتى لو ما حققش شروط الاسم في اللغة العربية وكل اسماء الله بقت حسنة. خلاص اوكي يعني دي طريقة تانية لكن آآ يعني خير - 00:12:56ضَ

المهم احنا قلنا ان هناك شروط للاسماء. اهمها ان مصدرها يبقى القرآن والسنة الصحيحة. ما حدش يجيب لي اسم من حتة تانية ما حدش يجيب لي حاجز ضعيف واحتج به مش هاحتج بحديس ضعيف. بالزات ده عقيدة. طيب. ثانيا - 00:13:15ضَ

انه ينطبق على الاسم او على اللفظ ده شروط الاسم في اللغة العربية وحفزنا مع بعض بيت آآ من من الفية ابن ما لك اللي هو آآ في آآ مميزات الاسم. آآ آآ الامام العلام - 00:13:34ضَ

لاما النحوي ابن مالك بيقول بالجر والتنوين والندا ومسند للاسم. تمام حصل. لكن ليس كل اسم معرف بال او منون هيبقى من الاسماء الحسنى. وادينا خلاص مسال الضهر وقلنا ان ربنا قال مم قال الله - 00:13:56ضَ

عز وجل يؤذيني ابن ادم يسب الدهر وانا الدهر بيدي الامر اقلب الليل والنهار. هم وهكزا. طيب اه وقلنا ده ازا انطبق عليه شروط الاسم لكن ليس من الاسماء الحسنى اللي ندعو الله بها يعني. ماشي؟ طيب - 00:14:18ضَ

آآ الخلاصة بقى ركز معي الله سبحانه وتعالى له صفات كثيرة له صفات كثيرة بعض هذه الصفات بينتقل من خانة الصفات الى خانة الاسماء. لما تتوفر فيه شروط اسمية ثم بعض الاسماء ينتقل الى خانة الاسماء الحسنى - 00:14:38ضَ

يعني الله سبحانه وتعالى رحيم يعني من صفاته الرحمة هي صفة. الرحمة صفة من صفات الله يستحب ان الانسان يتصف بها والنبي عليه الصلاة والسلام نفسه وصف بها في القرآن الكريم في اخر سورة تدبرناها. سورة التوبة - 00:15:09ضَ

الاية الاية مية تمانية وعشرين في سورة التوبة بتفصف النبي بتقول ايه ؟ لقد جاءكم رسول من انفسكم عزيز عليه ما عنتم حريص عليكم بالمؤمنين رؤوف رحيم. تلات اسماء من اسماء الله. العزيز الرؤوف الرحيم - 00:15:32ضَ

وصف بهم النبي لكن ما اتقالش عليه العزيز قال عليه عزيز ما اتقالش عليه الرؤوف وصف بان هو رؤوف مش الرؤوف الرؤوف الله فقط وما تقلش عليه الرحيم اتقال عليه الرحيم - 00:15:52ضَ

انما الرحيم الله فقط ازا يستحب او لابد ان احنا نتصف بهذه الصفات الالهية الجميلة حلو قوي صفة الرحمة دي زي ما قلنا انتقلت من خانة الصفات الى خانة الاسماء - 00:16:08ضَ

فالله وحده هو الرحيم باضافة القلم الالف واللام يعني بقى هو الوحيد الرحيم. الله! طب ما احنا لسة قايلين النبي رحيم. ولسه قايلين ان فيه ناس رحماء واحنا المفروض نبقى رحماء؟ ايوة. ما احنا الرحمة اللي عندنا - 00:16:28ضَ

والرحمة اللي عند النبي عليه الصلاة والسلام كانت احنا كلنا كده مستلفينها من رحمة ربنا يعني ايه؟ يعني ربنا هو مصدر الرحمة بنقول مسلا ايه جرح اليم على وزن فعيل يعني مصدر الالم - 00:16:50ضَ

فبالتالي الرحيم هو مصدر الرحمة. كلنا مستلفين رحمة من رحمته كل رحمة في الكون من عند الله قال رسول الله صلى الله عليه وسلم ان لله تعالى مائة رحمة ربنا خلق مائة رحمة - 00:17:08ضَ

فمنها رحمة واحدة. يترحم بها الخلق بينهم وتسع وتسعون ليوم القيامة. بس انا في اخر الحلقة دي هافهمكم الفرق بين رحمة ربنا اللي هي صفة والرحمة دي. عشان دي رحمة مخلوقة - 00:17:27ضَ

ربنا خلق الرحمة وقسمها ونزل واحد في المية بنتراحم به كلنا احنا والحيوانات والدابة اللي بترفع حفيرها عشان ما تعورش صغيرها والكلام ده. كل دي رحمة مخلوقة وتسعة وتسعين في المية ربنا ادخرها عنده يرحمنا بها يوم القيامة. لكن - 00:17:43ضَ

صفة الرحمة دي صفة في الله ليست مخلوقة. فاحنا لما بنطلب يقول لك اللهم برحمتك انا باطلب بصفة الرحمة فيه وليس المخلوق معلش الحتة دي يعني شوية كده ايه بتبلي في العقل لكنها جميلة جميل الواحد برده ايه فلسفة - 00:18:04ضَ

طيب بالتالي يا جماعة اسماء الكمال والجلال والجمال واضحة جدا واضحة ما تقوليش الضهر والشيء والكائن لأ الرحيل الغفور كل ده واضح جدا. هم. طيب فيه بقى مسألة النهاردة مهمة جدا هقول لكم عليها - 00:18:22ضَ

شرح الاسماء الحسنى مسألة روحانية تؤثر في الانسان في زيادة الايمان. او في نقص الايمان لما الانسان يترك آآ دراسة الاسماء الحسنى لكنها ليس لها انعكاسات فقهية او قانونية. يعني ايه ؟ اديكم مسال - 00:18:42ضَ

الانسان الغني مطالب في الشريعة بانه يدفع الزكاة صح وربنا بيأمره انه يعطف على الفقراء. صح؟ وله احكام يعني النبي عليه الصلاة والسلام مسلا في حديث بيقول مطل الغني ظلم يحل عرضه وعقوبته - 00:19:05ضَ

يعني ايه مطل؟ مطل يعني مماطلة يعني واحد غني معه فلوس يبقى غني مش فقير يبقى غني استلف فلوس اقترض قرض وماطل في رد الدين بتاعه. مع انه غني مع ان معه فلوس. هم - 00:19:30ضَ

ده مطل الغني ازا الغني ماطل ها ده يبقى ظلم. يبقى هو كده ظلم والظلم ده يحل عرضه وعقوبته. عرضه يعني يجوز انه يغتاب واحد يروح للحاكم او للقاضي ويشتكيه في عدم وجوده هو اغتابه. لكن يجوز الغيبة في التقاضي - 00:19:49ضَ

راح عمل محضر في القسم. طب انت بتقول كلام على واحد مش موجود. دي غيبة؟ اه غائبة لكنها جائزة. خل بالك. وحل عرضه ازا يجوز كمان الشهادة عليه يعجبه شاهد وفي عدم وجود الراجل - 00:20:16ضَ

هو الشاهد لما يشهد ضده هو اغتابه لكن يجوز. لان عرضه استحل خلاص بالظلم ده خلي بالك وبالنصيحة واحد ييجي يقول لك ايه فلان آآ قال لي ادي له آآ قرض فانت عارف ان الراجل ده ما بيرجعش فلوس فتقول له ايه لأ انا ما انصحكش - 00:20:31ضَ

انا اللي اعرفه انه اخد فلوس قبل كده من كزا واحد وما رجع لهمش دي غيبة لكن تجوز لان مماطلته احلت ارضه عرضه يعني يجوز الكلام عليه في ناس اسمها العرض حاجة تانية لأ ده المعنى العرض - 00:20:49ضَ

ما بيرجعش الدين وعقوبته ليه الاسلام لا يعاقب فقير مش قادر يدفع الديون ما فيش حاجة اسمها واحد بيخش السجن عشان عليه ديون لو فقير خلص الموضوع امال الغلطة عند مين؟ الغلطة عند اللي سلفه - 00:21:07ضَ

انت عارف ان الراجل دوا مش هيقدر يرجع ما عندكش طب خلاص سلفته ليه؟ ما خدتش قدامه رهن يعني دي النقطة لكن ما فيش حاجة اسمها فقير يعاقب في الشريعة - 00:21:27ضَ

علشان مش قادر يرجع الديون. فيه بقى طرق اخرى بقى نظرة الى ميسرة والناس تساعد بعض والغارمين ويعطى من الزكاء والكلام ده كله لكن لو غني يعاقب اذا ثبت انه غني القاضي ممكن يحبسه. ما في مشاكل ابدا - 00:21:40ضَ

يجلده يضربه ياخد يصادر الفلوس بالقوة. حلو قوي. طيب ايه دخل الكلام دوه باسماء الله الحسنى احنا قريب كمان اسبوع اتنين تلاتة هندرس اسم من اسماء الله اسم الغني خلاصة دراستنا ان الله فقط هو الغني - 00:21:57ضَ

وربنا قال لنا في القرآن الكريم يا ايها الناس انتم الفقراء الى الله هل ينفع ان الغني اللي ما يرجعش القرض اللي عليه يقف قدام القاضي يقول له لا يا فندم انا اسف جدا. مش من حقك تعاقبني ليه - 00:22:17ضَ

لان انا فقير والاية اهي في القرآن. يا ايها الناس انتم الفقراء الى الله. ازا انا فقير ومش بس كده وكمان في العقيدة الاسلامية من اسماء الله الحسنى ان الله هو الغني. ازا ما فيش غني الا الله - 00:22:38ضَ

ويخرج منها زي الشعرة من العجين وما يرجعش لأ. الفقه يتعامل مع الناس بالمصطلحات غني اصطلح عليها يعني مش فقير يعني معه فلوس يعني غني ماديا انما اه صحيح لما هندرس اسم الغنية هنشوف ان المليارديرات. المليارديرات. ماتوا في الكورونا من وما عملتلهمش حاجة فلوسهم ليه؟ لانهم مش - 00:22:58ضَ

اغنياء محتاجين لسه ستر ربنا محتاجين الشفاء من ربنا. محتاجين بقى الامن محتاجين حاجات كتيرة ففي حقيقة الامر لا غني بحق الا الله. لكن كلمة الغني اللي بتستخدم في الفقه وفي وفي التعاملات القانونية معناها الغني ماديا بس - 00:23:27ضَ

خلاص؟ بس دي نقطة بقى مهمة ليه؟ عشان عشان ما نخلطش الامور ببعض. خلاص فازا الغني ده هيعامل صحيح الله فقط هو الغريق لكن اللي معه فلوس هيعامل كغني في الايه؟ الشريعة الاسلامية. طيب - 00:23:50ضَ

سؤال بقى هو ليه ربنا ما قلناش التسعة وتسعين اسم بقى وخلاص لان قلنا قبل كده في الاسلام الوصول للمعلومة مش مهم يعني انك توصل للعلم مش مهم المهم هو انك تطلب العلم باستمرار - 00:24:07ضَ

وتجتهد باستمرار. والمجاهدة دي مطلوبة. ده مطلوب. العصف الذهني اللي بنعمله ده مطلوب. ربنا يريدك ان انت تبحث وتفكر وتعمل عقلك وتتدبر الايات وتطلع منها بمعاني لحياتك لكن ديك تسعة وتسعين اسم تحفزهم وتقولهم في اغنية وخلاص كده تخش الجنة كده لأ ربنا يريدك انك تتدبر وتتفكر في الاسماء - 00:24:26ضَ

الحسنى وتطلع منها بما يغير حياتك عشان تدخل الجنة وانت فاكر الاسماء الحسنى دي هتدخلك الجنة ازاي ما انت حياتك هتتغير. انت شخصيتك هتتغير اخر حاجة بقى عاوز اقولها لكم الليلة - 00:24:54ضَ

بس عاوزكم تركزوا فيها شوية صعب اوي ان الانسان يعبد اله ما يعرفوش الدكتور خالد ابو شادي ربنا يا رب يفرج كربه له كتابين في الاسماء الحسنى. انا لسة لم اقرأهم الحقيقة اهم - 00:25:09ضَ

اسمه اه ده اسمه اسماء الله الحسنى تقريبا. اسماء ده اسمه اسماء الجلال وده اسمه اسماء الجمال. خدتهم هدية وانا في كندا شيخ اه نشأت جزاه الله خير اداهم لي هدية - 00:25:29ضَ

آآ وبتصفحهم فلقيت في اول صفحة خالد كاتب ايه كلمة حلوة قوي الا تعس من ضاع عمره ولم يعرف فيه ربه ولو عرفه لاحبه. ولو احبه لما اثر عليه غيره - 00:25:43ضَ

يعني ايه؟ الا تعس يعني انسان تعيس اللي ضاع عمره من غير ما يعرف ربه عمر طويل قضاه بالطول وبالعرض زي ما بنقول لكن ما عرفش ربه في العمر ده - 00:26:09ضَ

ولو عرفه لاحبه. لو كان عرف ربه كان احب ربه ولو احبه لما اثر عليه غيره لو كان احب ربه ما كانش هيفضل غيره عليه المشكلة ان احنا بنفضل حاجات كتير دنيوية على ربنا - 00:26:25ضَ

وعلى رضا الله شوفوا يا جماعة احنا انا برجعكم تاني للاساس احنا ليه بندرس الاسماء الحسنى؟ الاسلام بصراحة عنده مشكلة مش موجودة في الاديان الاخرى. الاديان الاخرى مرنة الموضوع بتاع الاله ده - 00:26:45ضَ

عاوزين يتعرفوا على الههم عشان يعبدوه فيعملوا له صورة ويعملوا له تمسال وكل واحد بقى يشتري تمسال صغير كده عشان اوضة النوم تمسال كبير عشان يحطه في الصالون سل الاله بتاعه ويفضل بقى يبص بقى ويسبل عينيه ويعيط ويبكي وبتاع ويسجد للصورة ويسجد للتمسال - 00:27:03ضَ

احنا بقى ما عندناش لا صورة لله ولا تمثال احنا عندنا الاسماء والصفات بتاعته علشان نتعرف عليه ونعبده نعبد الاله اللي احنا عارفينه من اسماءه وصفاته هو الرحيم هو الغفار هو الحليم هو الودود هو الجميل بهذه الصفات بنعرفه - 00:27:21ضَ

وكل ما هذه الصفات اكبر جواك كل ما هتعرفه اكتر الحتة دي مهمة اوي تركزوا فيها كل ما الصفات بتاعة ربنا تكبر جواك كل ما هتقترب من معرفة الله اكتر. ليه بقى ؟ اديكم مسال - 00:27:46ضَ

زوج وزوجة عندهم في البيت اربع خمس حاجات. عندهم سمك زينة. عارفين سمك الزينة اللي لونه دهبي دوا وازرق وبتاع. محطوط في ايه؟ في حوض. في في الصالون كده مربين سمك زينة - 00:28:06ضَ

وعندهم عصفور في قفص. انا بقولش ده حلال. انا انا ضد ده. لكن عندهم عصفور في القفص حاطينه ايه بغبغان كده غلباوي بنص لسانه ومش عارف ايه. طيب ومربيين قطة في البيت - 00:28:24ضَ

وعندهم ولد وبنت مين في كل دول فاهم الاب والام اكتر الولد والبنت فاهمين الاب والام اكتر يليهم مين ؟ يليهم القطة يليها العصفور يليها سمكة الزينة. ليه الترتيب ده - 00:28:36ضَ

لان الولد والبنت عندهم صفات كثيرة من صفات ابوهم وامهم فهيكون الاتصال بينهم اكبر. يليهم القطة لانها يعني بتتعامل معهم اكتر بتتنطط حواليهم وتقعد جمبهم وتقعد على حجرهم وتقعد معهم بتتفرج معهم على التليفزيون بتاع فبتشاركهم في صفات - 00:28:57ضَ

وافعال اكتر من العصفورة واكيد اكتر من سمكة الزينة حلو اوي ازا بالتأكيد اولادي علشان في بيني وبينهم صفات مشتركة علاقتهم بي هتبقى اقوى من اي مخلوق اخر حتى القطة - 00:29:17ضَ

طيب ليه معزم الناس يا جماعة حبهم لابوهم وامهم بيزيد لما يتجوزوا ويخلفوا يعني ممكن شاب في مرحلة شبابه بيبقى علاقته بابوه مش يعني وحشة. وفيه اشد وجزب ومش متفاهمين خالص لكن لما يتجوز ويخلف تجد العلاقة اتحسنت - 00:29:37ضَ

ليه لانه شعر بمشاعر الابوة اللي ابوه كان بيشعر بها ناحيته فلما كبرت الابوة جواه اتصل بابوه في الحتة دي اكتر لان وقت ما كان صغير ما كان شاب ما كانش مدرك - 00:29:58ضَ

شعور الابوة وشعور الامومة والكلام ده كله. لكن لما اجرب الصفة دي خلي بالك لما جرب الصفة دي اتصل بها قلبيا بابوه ولله المثل الاعلى كلما اتصفت بصفات الله اكتر كل ما حبيته اكتر - 00:30:16ضَ

كل ما اصبحت رحيم اكتر. كل ما بقيت انسان ودود اكتر. كل ما بقيت انسان كريم اكتر. كل ما قدرت تتصل بمنبع الرحمة منبع الود ومنبع الكرم. فتحبه اكثر فلما ربنا يأمرك بالاتصاف بهذه الصفات - 00:30:33ضَ

فده لانه بيحبك ويريدك ان تقترب منه بحب ربنا كان ممكن يخضعك غصب عنك يريد انه يجيبك بحب لذلك هيكون من واجبات التدبر في الاسماء واحصاءها هو التخلق بصفات الله - 00:30:53ضَ

اللي يجوز نتخلق بها ان في صفات ربنا احتفظ بها بها لنفسه يعني في الحديس القدسي آآ يقول الله سبحانه وتعالى الكبرياء ردائي. والعظمة ازاري. فمن نازعني واحدا منهما القيته في النار - 00:31:17ضَ

وفي رواية عذبته ازا ربنا لا يجيز ان الانسان يتكبر المتكبر فقط هو الله. اما الانسان المتكبر هذه صفة مذمومة يلقى بها في النار فدي صفة لا يجوز. بالنسبة للانسان انه يتصف بها - 00:31:38ضَ

ولا انسان يتعظم العظمة ازار. ازار الله. لا يجوز ان انسان ينازع الله في العظمة. ولا في ولا في ولا في التكبر او في الكبرياء. طيب ازا احنا بقى اسناء تدبرنا هيبقى عندنا واجبات كده - 00:31:58ضَ

او نحاول نفهم ازاي ان احنا نتخلق بهذا الخلق وهتشوفوا حاجات عجيبة ان شاء الله يعني مسلا اسم التواب طلع معي في تدبره حاجات جميلة جدا جدا جدا. طيب يبقى لا يجوز ان احنا يعني نتصف بكل صفات الله هناك صفات اللي بتسمى صفات الجلال وهي دي اللي احنا دي خاصة بالله والصفات - 00:32:16ضَ

جمال هي اللي احنا بايه بنتخالع ويمكن انا ارى ان كلها اسمها صفات ايه؟ الكمال يعني. طيب هيبقى عندنا زي ما قلنا استفادة من كل الاسماء دي وهنشوف من المرة الجاية. الاول والاخر والظاهر والباطن. طبعا ما حدش فينا هيقدر يبقى الاول - 00:32:39ضَ

ولا الاخر ولا الظاهر لكن لكن ازاي الاسم يدخلك الجنة؟ هنشوف من المرة الجاية ان شاء الله في نقطتين مهمين جدا بقى اسماء الله مختلفة لكن كلها تدل على الله - 00:32:57ضَ

مختلفة يعني مختلفة في المعنى الرحيم تدل على صفة الرحمة لكنها الرحيم تدل على ذات الله الغفور تدل على صفة اخرى هي صفة المغفرة لكنها ايضا تدل على ذات الله - 00:33:13ضَ

اذا الاسماء كلها مترادفة من حيث الذات يعني ما تقوليش ان الرحيم لها نفس معنى الغفور. لأ. مش نفس معنى الغفور من ناحية الصفة. لكن الرحيم هو الغفور هو الله - 00:33:36ضَ

ما عندناش احنا عدة يعني مش هنعمل زي الثالوث المقدس بتاع المسيحيين اللي بيقولوا الاب والابن والروح القدس. الاب هو الله. والابن هو الله. والروح القدس هو الله. عايز اقول لكم لغاية هنا كان ممكن يبقى ما فيش مشكلة لكن - 00:33:56ضَ

وكل واحد فيهم مش هو التاني تلت زوات مختلفة. دي الخطوط بقى في تلات الهة خلاص. جعلوا الله ثالث ثلاثة. لكن لأ. عندنا بقى تسعة وتسعين اسم. عندنا متين وتمانين اسم. عندنا - 00:34:12ضَ

اربعتلاف اسم صفات مختلفة لذات واحدة ذات الله خلاص طيب يعني دي مهمة جدا اقول لكم ليه بقى مهم. احيانا مسلا وانا بشرح اتنين بشرح مسلا اسم الواحد واسم القهار - 00:34:26ضَ

فبقول ان القهار بيوضح كزا في اسم الواحد. والواحد بيوضح كزا في اسم القهار. عشان كده جم مع بعض فمش عايز حد يفهم ان الواحد غير القهار لأ هو نفس الذات هو الله. لكن الواحد صفة والقهار صفة اخرى - 00:34:43ضَ

خلاص؟ تمام كده احنا تقريبا خلاص يعني خلصنا آآ مسألة حساسة جدا. ان شاء الله هنتقابل الاربع القادم ويومها هقول لكم هنتقابل الخميس غالبا هيبقى الخميس والجمعة. يعني غالبا احنا هيكون عندنا كل اسبوع مرتين او تلاتة ما بقدرش اعرف على حسب - 00:35:02ضَ

طب الاسم اللي معي هياخد مرتين او هياخد مرة او كده. فموعدنا القادم يوم الاربع ان شاء الله الساعة تسعة مساء بتوقيت القاهرة وهنتدبر مع بعض اربع اسماء هي الاول والاخر والظاهر والباطن - 00:35:28ضَ

اني داع فامنوا اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما - 00:35:47ضَ

تحب اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين - 00:36:07ضَ

اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا. ونرضيك بكل اجسادنا اللهم اجعل حبنا كله لك وسعينا كله في مرضاتك اللهم اغننا بالافتقار اليك ولا تفقرنا بالاستغناء عنك - 00:36:34ضَ

نعوذ بك من الفقر الا اليك اللهم اجعلنا ممن احصوا اسماءك الحسنى. وبلغنا يا ربي بها جنتك. اللهم اجعل القرآن الكريمة ربيع قلوبنا ونور صدورنا وجلاء احزاننا وذهاب همومنا وغمومنا ومغفر - 00:37:02ضَ

ذنوبنا اسأل الله العلي العظيم ان يجعل هذا التدبر في ميزان حسناته وحسناتكم جميعا اللهم فاطر السماوات والارض عالم الغيب والشهادة. انت تحكم بين عبادك فيما كانوا يختلفون فبحق كل حرف في كتابك تلوناه او تدبرناه. اكفنا واهلينا واخواننا واخواتنا - 00:37:26ضَ

كل من يكيد لنا ولهم. واحفظنا واياهم من شرورهم. ونجعلك اللهم في نحورهم فانت الوكيل ولا حول حول ولا قوة الا بك اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين - 00:37:56ضَ

اللهم سدد رميهم وخيب رمي عدوهم وتقبل شهداءهم وكن مع اخواننا في تركستان الشرقية وفي الشام وفي كشميرا وفي الهند واخذل من خذلهم طهر المسجد الاقصى من الدنس فانهم لا يعجزونك. اللهم كن مع اخواننا المنكوبين في في الشام وفي تركيا - 00:38:19ضَ

اللهم كن معهم. اللهم تقبل شهدائهم اللهم ثبتهم على دينك يا رب العالمين وارفع درجاتهم اللهم اشفي مرضانا واهدي شبابنا وارض عنا ورضنا واجمعنا في ظل عرشك يوم لا ظل الا ظلك. واسقنا من يد سيدنا محمد شربة هنيئة لا نظمأ بعدها - 00:38:39ضَ

اه ابدا ولا تحرمنا يا ربنا لذة النظر الى نور وجهك الكريم اللهم انك تعلم ان هذه القلوب قد اجتمعت على كتابك وعلى محبتك والتقت يا ربنا على طاعتك وتوحدت على دعوتك وتعاهدت على نصرة شريعتك. فوثق اللهم - 00:39:06ضَ

قابضتها وادم ودها واهدها سبلها. واملأها بنورك الذي لا يخبو واشرح صدورها بفيض الايمان بك وجميل التوكل عليك واحييها يا ربنا بمعرفتك. وامتها يا مولانا على الشهادة في سبيلك انك نعم المولى ونعم النصير. والسلام عليكم ورحمة الله. ونراكم يوم الاربع ان شاء الله في نفس هذا الموعد ان كنا من اهل الدنيا. سلام عليكم - 00:39:31ضَ