باحث

بسم الله الرحمن الرحيم والصلاة والسلام على رسول الله صلى الله عليه وسلم. آآ يعني ارحب بكم واسأل الله سبحانه وتعالى ان يجعل هذا اللقاء او الامسية التربوية له نافعة لي ولكم وان يتقبل الله سبحانه وتعالى اعمالنا جميعا - 00:00:00ضَ

لقاء اليوم عايز اقسمه الى قسمين. القسم الاول اشبه يعني بمقدمة بعض النصائح اه بخصوص الوضع الحالي يعني كثرة النقاشات والاسئلة اللي بتيجي وللاسف قلة يعني الدروس اللي الواحد بيديها فقلت يعني مجموعة من النصايح اقولها في الاول كده. ان شاء الله - 00:00:20ضَ

يعني نخلص من النصايح دي لمجلس اليوم ولقاء اليوم اللي هو بيتكلم بعنوان بناء الاعمال من خلال سورة الحشر وهو اصلا النصف التاني من اللقاء هو آآ يعني احد الحلول للقضايا اللي انا هتكلم عنها - 00:00:40ضَ

في النصف الاول يبقى النصف الاول ان شاء الله مش لازم يبقوا نصين يعني قصاد بعض يعني المهم الجزء الاول مقدمة اه فيها بعض النصائح. ثم بعد ذلك ان شاء الله نخلص - 00:00:56ضَ

موضوع الحق الاساسي للقاء وهو شعبة بناء الاعمال او مجموعات العمل. زي ما نتناقش مع بعض ان شاء الله باذن الله سبحانه وتعالى طيب آآ بالنسبة لمجموعة النصايح اللي حابب ابدأ بها في الاول قبل اللقاء - 00:01:11ضَ

اللي عاش وضع معين من التدين او الالتزام او ايا كان الاثم يعني من فترة طويلة ثم آآ مع انتشار السوشيال ميديا بقى وسائل التواصل حصل نوع من التغير في تصورات التدين والتصورات الالتزام - 00:01:26ضَ

والاعمال وطبعا تغيرات الظروف الكتيرة سواء تغيرات الظروف الاقتصادية والاجتماعية والسياسية. كل التغيرات دي حصل لها انعكاس على آآ طبيعة تدين الناس. وان شاء الله سبحانه وتعالى اسأل الله سبحانه وتعالى السداد والتوفيق. احاول - 00:01:44ضَ

يعني لو يعني لو يعني الموضوع اكتمل هحاول ان اللقاء الجاي والامسية التربوية القادمة تكون عن قضية التدين معنى تدين واركان لتدين يعني بتبقى جولة كده يعني قضية التدين وكنت - 00:02:01ضَ

كنت كتبت تغريدة قبل كده ان لو انا عايز اعمل درس عن قضية وبصراحة استقبلت مجموعة من الاجابات كانت جيدة بفضل الله فتحت الافاق عن تصورات الناس عارفة ازاي وده نقطة مهمة بل انا اصلا كان غرضي من الدرس الاول اللي هو سورة المرسلات والدرس التاني بتاع النهاردة ان شاء الله - 00:02:17ضَ

ان هي مقدمات تساعدنا في الكلام عن التدين بحيس وانا بتكلم آآ احيل الى هذه الدروس. او دروس اخرى الوضع الحالي آآ مختلف نوعا ما عن الوضع القديم. الوضع القديم - 00:02:37ضَ

كان النشاطات اكثرها نشاطات حركية على الارض يعني كان ما كنش فيه اصلا انترنت منتشر بهذه الطريقة وكان اغلب النشاطات الدينية بتكون نشاطات يعني انا انا ممكن اسميها نشاطات ارضية على الارض - 00:02:55ضَ

مش في الفضاء مش في الفضاء الالكتروني مش في الانترنت اغلبها نشاطات تحفيظ قرآن في مقرأة دروس علم مجالس وعظية آآ يعني كانت اغلب النشاطات حتى الخلافات اللي ما بين التيارات الاسلامية كلها كانت خلافات على الارض - 00:03:10ضَ

خناقة على مسجد تلاقي خلاف مش عارف على ايه تلاقي نقاش في مسائل فكان يعني كان الشخص منهمك وجزء كبير من طاقته بتخرج في الواقع الحقيقي على الارض. ايا كان بقى تقييمنا ان ده كان ممكن فيه نوع من طبعا كانت فيه اخطاء وكان فيه - 00:03:28ضَ

آآ وده مش نقاش النهاردة يعني استدراك هذه الاخطاء او تصحيح هذه الاخطاء. لا انا اقصد باوصف الحالة دلوقتي. انا بتكلم بصورة توصيفية قبل ما انتقل للصورة التقييمية فكان اغلب النقاشات واغلب الخلافات كانت على الواقع الارضي - 00:03:47ضَ

بعد كده حصل توقف لاغلب الناشطات الدينية على الارض. وانتقل ده اغلبه الى الواقع الافتراضي اللي هو وسائل التواصل او الانترنت عموما والخلافات آآ اكتسبت ايضا واقع كلامي اكتر منها الى واقع الافعال - 00:04:05ضَ

مع آآ انفتاح عموم المسلمين وعموم الاخوة والاخوات على مسائل كان آآ يعني كانت منغلقة شوية في الاروقة قضايا كلامية الخلافات الكلامية في المسائل العقائدية خلافات مزهبية كانت بتكون موجودة طبعا ولا زالت يعني هي موجودة في الماضي وفي الحاضر ولا تزال يعني - 00:04:22ضَ

لكن اقصد كانت منحصرة في اروقة معينة. وآآ كان اللي بيطلع عليها واللي بيقتحم في تفاصيلها اللي قطع شوط معين من العلوم الشرعية بل كان ممكن الاخ يسمع عن مسألة من المسائل اللي فيها خلافات - 00:04:44ضَ

وتكون يعني مسائل من اللي مولعة الدنيا يعني التيارات الاسلامية كان لانه مش متفهمة او ما عندوش وسائل الوصول اليها كان لا يلقي لها بالا هيعمل ايه يعني دلوقتي اي مسألة تتفتح في اي باب من الابواب في اي فرع في فروع العلم العامة - 00:05:01ضَ

آآ عموم الناس بيشارك في هزا الامر فده بيضخم القضية بتاخد حجم كبير وبتبقى عاملة زي النار لكل ما واحد يساهم فيها حتى لو بلايك بتبقى اشبه بالحطب اللي بتزود القضية دي - 00:05:20ضَ

فاصبح للاسف عندنا نوع من الفراغ الديني العملي في الواقع تاني اصبح عندنا نوع من الفراغ الديني العملي. على مستوى الاعمال. يعني تجد مجموعة من الناس ساكنين في مكان وتجد - 00:05:35ضَ

المسجد اللي بيصلوا فيه ما عدش فيه حرص حتى على صلاة الجماعة ما عدش فيه تعليم للناس قراءة الفاتحة حتى ضبط قراءة كتاب الله سبحانه وتعالى اي نشاط اجتماعي حتى او خيري - 00:05:48ضَ

بقى في تكاسل عنه. اي نشاط تعليمي. اي نشاط حركي على الارض في اسباب كتير جعل في زهد في هذه الامور او اه تكاسل وده هحاول اتكلم عنه ان شاء الله في خلال سورة الحشر النهاردة في مسألة بناء الاعمال - 00:06:02ضَ

الفراغ ده اللي هو التوقف العمل مش بتكلم على نقص معلوماتي. بتكلم على الفراغ العملي في حياتك. يعني لو كل واحد دلوقتي عايز يبحس عن مستوى الاعمال الواقعية في حياتي على الارض - 00:06:20ضَ

مش ان هو وده انا لا اقلل منه ابدا يعني. مش ان هو مشارك في آآ برنامج تعليمي او في معهد او في مساق او في ايا كان لأ انا بتكلم على مستوى اعمالي على الارض - 00:06:33ضَ

غياب الواقع العملي ده طبيعي جدا عند الانسان انه بيصنع حالة من الجوع النفسي للاعمال. النفس لما بتنشغلش باعمال وبرضو تاني هزا يعني ان الامور اللي على الانترنت ليست اعمال. نعم هي اعمال العلم من الاعمال - 00:06:48ضَ

لكن اقصد ان حركة الانسان على الارض بتفرغ جزء كبير من طاقتها حتى القضية الدنيوية يعني انا آآ الشخص اللي بيكون فارغ دنيويا بيحصل له مشكلة. ليه غياب الواقع الحركي في حياة الانسان الدنيا والدنيوية بيعمل نوع من آآ - 00:07:05ضَ

طاقة محبوسة داخل الانسان بتخلي الطاقة دي دماغه هنا بتبدأ تتحرك في في الاماكن عايزة تفرغ الطاقة فممكن تتجه للفرجة على اليوتيوب على القضايا التافهة الانشغال بخلافات مش هي اولى في حياته. هو بداخله طاقة - 00:07:28ضَ

لما الانسان بيفرغ الطاقة دي في مسارها الصحيح سواء الديني او الدنيوي بيشعر بنوع من التوازن النفسي على المستوى حتى العملي بيحصل نوع من التوازن سن بيحقق نوع من ان هو بيحقق زاته بروح شغله وبيرجع بينزل يعني حركته ديت بتفرغ جزء من طاقته. بتدي له نوع من التوازن فيه احتياجات - 00:07:45ضَ

نفسية اه سدت يعني تم تغذيتها من خلال الحركة لما ده غاب فاصبح في نوع من يعني عايز اقول اصبح كأن النفس بتتآكل قاعدة بتاكل في يعني تتآكل النفس وبتبحس عن سد الفراغ العملي ده باي انشطة بقى - 00:08:04ضَ

بخناقة على الفيسبوك في حفلة بيحفلوا على واحد دي مسألة داخل يناقش فيها وما عندوش فيها اي معلومات بخلافات ايا كان الفراغ ده هو بيبحس عن سده ازاي. آآ بيطلع طاقته دي. آآ طبعا مش كل الناس كده. فيه ناس بفضل الله بتطلع طاقتها في الاتجاه السليم - 00:08:24ضَ

زي بالزبط الفراغ اللي عملته كورونا لما جت كورونا كتير ليه ليه ناس كتير دخلت في ازمات نفسية بل احد انواع الاكتئاب وان كان يعني ده مش توصيف دقيق يعني. اللي هو بيسموه اكتئاب بييجي في الشتاء - 00:08:42ضَ

توقف الحركة في فصل الشتاء في بعض الدول توقف الشلل التام بيعمل نوع من الاكتئاب عند الناس برضو مش لاكتئاب بالمعنى الحرفي يعني لكن اقصد بمعنى الاحباط وو وده حصل في كورونا ناس كتير في ازمة كورونا - 00:08:56ضَ

في بداية الازمة والفزع والهلع اللي كان موجود مع حالة الحجر الصحي اللي كانت موجودة في اغلب الدول ده خلى الناس تدخل في آآ حالة من التوقف والشلل الحياتي لحياتها الحركية دخلهم برضه في نوع من الاحباط والاكتئاب - 00:09:10ضَ

وده واقع دلوقتي في حياتنا الديني لزلك احنا محتاجين نتفهم ده عشان نعرف ازاي نتغلب عليه او على الاقل نتعامل معه ما نخليهوش يسيطر علينا ما نخليش حالة الفراغ العملي اللي في حياتنا دي تدخلنا في اكتئاب وفي احباط وتدخلنا في انصراف بقى عن الدين او افكار خاطئة ممكن العقل يتجه اليه - 00:09:27ضَ

لان حالة التوقف الحركي دي خلاتك بتمارس اغلب دينك من بيتك حتى لو انت بتتصل بمئات والوف من الناس من خلال التواصل الاجتماعي لكن احيانا ده بيشعرك بنوع من الوحدة. وانك انت بمفردك. لان ما حدش مطلع على واقعك - 00:09:49ضَ

ما حدش متصل بك اتصال مباشر والثبات بمفردك صعب. الانسان بيمر بتقلبات الواحد بيجي له اسئلة احيانا الشخص بيكون داخل يسمع شيء علمي يروح يشوف حاجة اباحية فمسألة الاعتماد الكلي على التواصل الاجتماعي - 00:10:12ضَ

ده آآ برضه تاني باكرر ودي من النقاط اللي هاتكلم عنها في المقدمة مش معنى ان احنا بنذكر سلبيات شيء ان احنا نتوقف منه او نتركه. انا بكلمكم من خلال وسائل التواصل - 00:10:31ضَ

انا بتواصل معكم دلوقتي من خلال قناة تليجرام اللي هي وسائل التواصل اه لكن اقصد استحضارك يعني مسلا لما تسمع كان درس جميل آآ وان كان طويل شوية عايز تركيز بس رائع للشيخ عبدالله الوهيبي وبيتكلم عن اثر آآ - 00:10:43ضَ

فاكر اسمه درس القراءة باين في في زمن مواقع التواصل حاجة زي كده آآ والكتب الكتير والدراسات اللي اتعملت في سلبيات مواقع التواصل هل ده معناه انك تتركها لأ يعني لما - 00:10:59ضَ

القرآن ذكر الذم آآ للدنيا هل القرآن لما بيقدم الحل انك تترك الدنيا؟ لأ انت تكون على حذر وتكون على وعي وانت في هذه الدنيا كذلك انا لما بكلمكم دلوقتي على شكل الدين اللي اتغير او شكل التدين او شكل الحياة كلها مش بس الدين - 00:11:13ضَ

يعني في وظائف ظهرت آآ من بعد كورونا. يعني الوزايف اللي بقت اونلاين دي حاجات بقت زيادة جدا وزادت. وده حصل تغيرات كتير يعني موقع زي زوم الارقام انتقلت فيه تضاعفت آآ يعني عشرات المرات بسبب ازمة كورونا. ففي تغيرات لشكل الحياة بيحصل. وايضا التغيرات شكل الحياة - 00:11:34ضَ

بتسمع بشكل بقى وباخر فيه التدين بتاعنا والشخصيات وركزوا في النقطة دي الشخصيات اللي ما لهاش جهود علمية قوية فردية او عندها طاقة تعبدية لوحدها. اللي اللي ما عندوش الحاجتين دول - 00:11:56ضَ

بيتعب لوحده في زمن بقى الانفصال عن الحركة على الارض وزمن ان هو يكون لوحده اه بيشعر اه بنوع من الفراغ في حياته التاني وحتى مش كلهم يعني. بس الشخصيات العلمية والشخصيات التعبدية ان صحت التسمية - 00:12:14ضَ

بيعرف يمارس جزء كبير من دينه بمفرده. نوعا ما لكن غالب الناس ما بينطبقش عليهم الاتنين دول مش يعني مش جزء كبير من يومه. مش مسلا بيقضي ستاشر ساعة في طلب العلم. ولا بيقضي بقى بيتنفل وبيصلي قيام ليل كتير ونوافل واذكار - 00:12:35ضَ

فبالتالي آآ استطاع انه يسد جزء كبير من الجو في اللي بداخله لأ اغلبنا اللي هو انا زيي وزي اغلب الناس الواحد بيشوفهم في حياته بيقابلهم. لأ هو في جزء كبير من حياتي في بياخد طابع حركي محتاج يحتك مع الناس - 00:12:55ضَ

الطاقة ديت اللي للاسف ما وجدتش تفريغ لها بل انا عايز اقول لكم والله يا جماعة يعني وهي دي فكرة ان هي اسمها امسية تربوية ان هي نوع من الدردشة يعني - 00:13:11ضَ

كتير من الشباب كان بيحل بعض ازماته النفسية من خلال انه بينخرط في الواقع انه بينزل يلتحق بجمعية خيرية انه بيلتحق بمسجد بيمارس فيه نشاطات اللي بيقوم على عمل من اعمال الدين في الارض - 00:13:25ضَ

هو كان جزء كبير من الطاقة لان من وسائل آآ معالجة النفس او مش بس معالجة النفس انقاذ النفس قبل ان تسقط فيما اسميه انا المنطقة المظلمة ودي برضو ان شاء الله هنتكلم عنها في درس لوحدي - 00:13:42ضَ

انشغال النفس بالشيء النافع قعود النفس عن الانشغال بيدخل النفس في دايرة ان هو بيلوم نفسه انه فاشل. وبعد كده مش لاقي حاجة يعملها فيفشل اكثر فمش لاقي نفسه انه فاشل - 00:13:57ضَ

هيفرغ طاقته ديت في شيء تافه او شيء حرام. فنفسه ترجع تلومه لوم اكتر. والشيطان بيبقى فاهم الدايرة دي كويس بل بالعكس احيانا الشيطان بيلوموا بيلوموا على الوقوع في المعاصي. تخيلوا - 00:14:12ضَ

حينما يعظ الشيطان الشيطان يعظ ليه؟ لانه عايز يدخله لحالة الاكتئاب. وان انت فاشل هناك امل ويدخل في الدايرة دي. الدايرة دي كانت بتتكسر بلقاء اخوانك بحضورك للدروس بنشاطاتك الحركية على الارض - 00:14:26ضَ

لكن انت احيانا الدايرة ديت لما تيجي تدخل السوشيال ميديا وتلاقي خناقة على مسألة انت اصلا ما تعرفش عليها حاجة فتتخانق وتشتم وتقعد تحفل معهم انت بترجع بعد ده بترجع اكثر جوعا - 00:14:41ضَ

نفسك لم تتلقى الغذاء بالعكس فأصبح ان ده الواحد انا بكلمكم من واقع يعني سواء رسايل جاتلي او يعني بعض الشباب بعت لي آآ هو بيشعر بده. يعني انا بكلمه ممكن سواء لو حد بيسمعنا في دول تانية - 00:14:54ضَ

او ما عندوش الازمات بيبقى كويس يبقى خير يعني لكن انا بتكلم ان غياب تاني اللي انا بتكلم فيه. غياب الواقع العملي على ارض الواقع ثم تحول الدين الى الواقع الافتراضي - 00:15:12ضَ

وان اغلب الدين بتاعنا ده مجرد نقاشات كلامية لا يترتب عليها الشعور بالمعنى التعبدي حتى للعلم ولا شعور بالمعاني التعددية يعني جلوسك على مواقع على مواقع التواصل لم يثمر طاقة تعبدية او طاقة ايمانية بداخلي - 00:15:27ضَ

بالعكس احيانا بيزود حالة الجوع النفسي اللي اللي جوايا مع ممكن يكون الانسان بيمر بازمات دنيوية او عدم وجود فرصة آآ وخصوصا ده بيحصل مع كتير من الاخوات فرصة دنيوية مسلا تخرج فيها طاقتها - 00:15:47ضَ

يكون الامر فيه مباح يعني ده ممكن يدخل الانسان في حالات من الضغط والاحباط وو فالمطالب ان هو يتعامل مع الوضع ده ينتزع نفسه من هذا الوضع آآ احد وسائل بقى انتزاع النفس من الوضع ده انا فيما اسميه بناء مجموعات العمل - 00:16:05ضَ

احد وسائل لانتشال النفس من الوضع ده الحالي ما اسميه بناء مجموعات العمل وده اللي انا كنت عايز اتكلم بقى عنه من خلال سورة الحشر طيب قبل ما اتكلم على بناء مجموعات العمل اللي هي احد الحلول المطروحة - 00:16:25ضَ

للخروج من الوضع ده عشان الانسان ما يجدش نفسه محبط مكتئب بيمر بازمات نفسية وضغط مش يعني مش عارف يخرج طاقته بصورة جيدة عشان ما يوصلش لما اسميه بمنطقة المزلمة - 00:16:41ضَ

اللي ممكن ترتد يعني عليه بصورة عنيفة وللاسف تخليه يفقد توازنه لما الانسان بيفقد توازنه بياخد قرارات هوجاء يعني يترك بيت الايمان يسافر لاماكن يهاجر لبيئة آآ ما فيش لها اي علاقة بالدين - 00:16:58ضَ

آآ ممكن ينتحر. العياز بالله يعني ممكن ياخد قرارات عنيفة بصورة يعني مع كمان وضع الحالة الازمات المجتمع بيمر بيها وده برضو جه عايز درس لوحده انا ما اسمحش لنفسي من بدري زي ما بيقولوا الوقاية خير من العلاج. ما اسمحش لنفسي ان انا اوصل للوضع ده - 00:17:19ضَ

قبل ما ابدأ برضو بالكلام آآ عايز اقول نقطة مهمة كنت مجمع شوية نصايح كده آآ بحيس يبقوا في درس لوحدهم يعني نصايح عامة وكده بس هاخد منهم نصيحة اقولها دلوقتي. وارجع اعيدها في درس النصايح ان شاء الله - 00:17:41ضَ

ان احنا وده برضو غالب اللي بكلمكم فيه يا جماعة ده عبارة عن ردود افعال اللي هي اسئلة جات لي او لنقاشات او تعليقات قالتها من الحاجات الغريبة اللي انا وجدتها - 00:17:57ضَ

مش عاوز اسميها خطورة او اشكالية مسلا التطبيق الحرفي للمواعظ خليني اسميها كده. التطبيق الحرفي للمواعظ ممكن بادية الرأي كده الانسان لما يسمع الكلمة دي شايف ان هي حاجة كويسة. امال انت عايز ايه؟ ما احنا - 00:18:08ضَ

هو مش انت بتوعظ عشان نطبق ولكن احيانا الانسان لابد ان يكون عنده فكر لتطبيق اه اه هذه المواعظ التي يستمع اليها الى واقعنا لان المتكلم لا يحيط بواقعك ويستحيل. وارجو ان انتم تركيزوا جدا في النقطة ديت. يستحيل - 00:18:27ضَ

ان انسان في درس واحد يحيط بكل الامور احترازات ولوازم الكلام وده للاسف خلانا كتير واحنا بنتكلم يعني لو تراقبوا لغة الدعاة في الفترة الاخيرة تلاقيهم بدأوا يكرروا من كلمة ايه - 00:18:46ضَ

وده مش معناه واصل انا مش قصدي قاعد بيحترز من كتر ما هو ما عدش عارف يطلق الكلام في حين ان العرب كان طبيعي تطلق الكلام سم الكلام يقيد في موطن اخر - 00:19:04ضَ

لما حد كان باعت لي بيقول لي يعني ايه يعني اكتر من حد كمان يعني ان في بعض الدروس كل واحد في درس معين يعني ممكن يكون اذاه. حس بالدرس ده بيأذيه نفسيا او الدرس ده - 00:19:16ضَ

آآ مش بيأذيه نفسيا. الدرس ده عمل له مثلا بلبلة في طريقة تفكيره. آآ او واحد يقول لي انا كنت بسمع الشيخ فلان. فقال معلومة المعلومة دي بلبلتني جدا وتلاقي واحد تاني باعت لي يقول لي كنت بسمع فلان او فلان او بسمعك انت قلت كزا عملت لي نوع من البلبلة - 00:19:32ضَ

هو الصح هو انا المفروض مجموع كلام الشخص يعني انا عشان اقيم او حتى اخد فكرة لو لو انا يا جماعة عايز عايز اخد مسلا طريقة القرآن في التعامل مع الدنيا. ما ينفعش ابقى حتى القرآن اهو ده انا - 00:19:49ضَ

قلت لكم اشرف الكلام كلام الله. ما ينفعش اخذه بطريقة مجتزة كان دايما الشيخ مصطفى العدوي اول نصيحة كان من النصايح اللي كان بيقولها لي بيقول لي اجمع النصوص في المسألة الواحدة - 00:20:05ضَ

حتى له كتاب كده كتيب كان نزله زمان اسمه الفقه في الدين كان عامل بحس في المسألة دي انك انت آآ قبل ما تتكلم في حاجة حاول تجمع النصوص في المسألة الوحيدة ما تجتزأش - 00:20:18ضَ

الكلام. يعني في فارق بين ان احنا نقول هذا الكلام خطأ وبين الكلام ده ناقص. الكلام ده ينقص ما يكمله فكرة التطبيق الحرفي للمواعز بتخلي انسان يسمع كلمة انا كنت بقول ان يستحيل الداعية اللي متكلم يحيط - 00:20:30ضَ

ويستدرك ويحترز ويبين في درس واحد يعني انا مسلا انفعلت بقضية ما دنيوية اوي. فاتكلمت في درس ايه يعني لما تسمع شيخ بيتكلم عن حقارة الدنيا؟ هل معنى هذا الكلام ان دي دعوة عامة - 00:20:47ضَ

لكل طالب ان يتوقف عن المزاكرة. ولكل طبيب ان يتوقف عن العمل. ولكل لا طبعا هو ده مش معناه كده هو مين اللي قال ان ده بيستلزم ده خطورة بقى تطبيق الحرفي لده - 00:21:05ضَ

بيعمل نوع يا اما انا باحبط اقول انا فاشل وان هزا الدين لا ينفعني وان الدين ده اكبر مني او اتهم الدين واقول الدين ده لا يناسب الحياة هذا الدين نزل لواقع غير واقع - 00:21:21ضَ

الدين ده نزل لواقع الصحابي مثال جميل قوي سمعته من احد مشايخي الدكتور طه نجا ربنا يحفزه كان بيشرح حديس آآ راجل راح اشتكى للنبي صلى الله عليه وسلم بيقول - 00:21:34ضَ

ان جاره بيؤزيه. فالنبي صلى الله عليه وسلم قال له آآ الق متاعك في الطريق فالناس لما هتشوف متاعك ملقى في الطريق هتعدي عليك تقول لك انت ليه عامل كده؟ فتقول لهم والله فلان جاري بيأذيني - 00:21:52ضَ

فلما عمل كده الناس عدت عليه بالفعل قالت له انت ليه سايب متاعك في الطريق في نص الشارع كده ؟ قال لهم والله جاري بيأذيني فيلعنون جاره معقول جارك بايديك النبي صلى الله عليه وسلم وصى بالجار وازاي جارك ايديك فيلعنون الجار - 00:22:05ضَ

فجاره لما وجد نفسه يلعن من المارة على هذا الرجل خايف على نفسه فراح جري للنبي صلى الله عليه وسلم ايا كانت بقى روايات كتير هنا لعنة الله تسبقهم او قريب المهم الراجل خاف وراح صالح الراجل خلاه يرجع - 00:22:18ضَ

حديس مشهور موجود يعني وفي الادب المفرد وغيره فالشاهد الشيخ كان بيعلق تعليق بيقول ايه يا ميري ان نفهم فقه تطبيقات مسل هزه الاحاديس بين ان واقعة عامة ده نصيحة عامة للنبي صلى الله عليه وسلم ان - 00:22:35ضَ

هل قال النبي صلى الله عليه وسلم كل من اذاه جاره فلينقي متاعه في الطريق لا انا ما قلش كده. دي اللي حصل ده بيسموها واقعة عين يعني ايه واقعة عين؟ يعني دي مناسبة للراجل ده للحالة دي. زي ما في بعض الوصايا كانت بتناسب الشخص ده - 00:22:49ضَ

فمن اجتمعت فيه مسل هزه الزروف تنفع معه مسل هزه النصيحة. فالشيخ بيقول لكن انت ممكن الوقتي جارك يأزيك فتطلع متاعب في نص الطريق يتسرق عادي جدا ما تتصورش ان الناس يعني عادي يسرقوه او عادي ان يا سيدي انت ناس هتعدي هتقول لك لا حول ولا قوة الا بالله انت مطلع - 00:23:05ضَ

في نص الشارع ليه كده ؟ تلوم جارك بايديني يقولوا ايه يلعن الله هذا الرجل الذي اذاك آآ عادي الرجل التاني اللي بيتلعن قاعد عادي جدا ولا في دماغه بيقول لك سمعني احلى لعنة انا مش في دماغي جدا ولا - 00:23:25ضَ

فهنا ممكن الشخص يقول ايه ده؟ انا اشك في السنة. السنة لم تأتي بحلول لواقعنا. يا ابني هو هو يعني ليه الطريقة دي في التفكير؟ هو احنا اللي ما كناش - 00:23:39ضَ

مفهمين كيف نتعامل مع برضو لما واحد آآ مسلا اه يسمع عن مدح كتاب سير اعلام النبلاء. وده من اعظم كتب الاسلام حقيقة ويا سلام لو تقرا له مختصر بقى وتهزيب - 00:23:49ضَ

له تهزيبين كده تهزيب بتاع الدكتور محمد موسى الشريف وتهزيب تاني سبحان الله نسيت اسمه هافتكره دلوقتي له اكتر من تهديد يعني بس دول اكتر اتنين انا بحبهم فلما نقول ايه؟ يا جماعة آآ خلوا الكتب اللي زي دي جنبكم كده. آآ تهزيب سواء حلية الاولياء تهزيب آآ ايا كان الكتب اللي فيها اثار عن السلف - 00:24:05ضَ

مع فممكن واحد يقرأ ترجمة مسلا ابراهيم النخعي او اي ترجمة من التراجم وابن ادهم اي واحد وكان زاهد وكان عايز يطبق الكلام بصورة حرفية لأ بيقول لك زود ايمانك - 00:24:26ضَ

آآ عايش كلام السلف في فرق بين السماع عن المقامات العالية في الدين ثم كيفية الوصول اليها السماع يا جماعة عن المقام. ممكن ياخد منك خمس دقايق. يعني انا ممكن اكلمك عن مقام احنا لو هنتكلم عن مدارج السالكين هكلمك عن آآ درجة من هذه المدارج عالية جدا - 00:24:43ضَ

تاخد مني خمس دقايق. تطبيقها ممكن ياخد منك عشر سنين فاحنا عايزين واقعية في تصوراتنا للطريق الذي نسير فيه فتطبيق الحرفي احيانا انك تسمع كلمة لسيخ تبلبلك وكده تسمع واحد مسلا يسمع كلمة في درس - 00:25:04ضَ

والكلمة مش خاطئة. ان الدعاء بيحل المشاكل واحد تاني سمع ان الاستغفار بيحل المشاكل. واحد تالت سمع ان الصدقة كل واحد من دول راح يطبق يقول لك انا مشكلتي ما اتحلتش - 00:25:24ضَ

فيا اما يحبط ويترك الطاعة او يتهم الدين ايوة ما هو فيه قيود فيما نشاء لمن نريد او يعجل له في الدنيا او تدخر له في الاخرة ويصرف عنه من السوء. تقول لي اصل الشيخ ما قلهاش. ما هيش ممكن يكون قالها في حتة تانية. لا لا يعني لا اتعجل. يا سيدي - 00:25:37ضَ

غلط لا اتعجل في مسل هزه آآ الامور. نكمل بقى ندخل في الجزء التاني من الدرس اللي هو اصلا المفروض كان الدرس معمول عنه. لكن زي ما قلت لكم يعني ايه - 00:25:55ضَ

انا خدت جزء بس من النصيحة. انا كنت عامل مجموعة من النصايح لان طبعا هو يعني من نعم ربنا سبحانه وتعالى علي ان انا سبت الفيسبوك لكن للاسف يعني بتجيلي رسايل من بعض الاخوة وكده - 00:26:12ضَ

اه بتشوف فعلا قد ايه الناس ممكن تنشغل ممكن آآ يتضحك عليها ممكن يحصل نوع من آآ ضرب في المحكمات يعني فالواحد بيبقى مستغرب ليه؟ لزلك انا من من المنشورات الجميلة اللي قرأتها على التليجرام - 00:26:26ضَ

الشيخ خالد بهاء معلش هجيبها لكم اقرأها لكم عجبني قوي جدا فكرة المنشور بصراحة بيقول ايه بيقول بئس الطويلبة الجدد بئس الطويلمة الجدد طلبة العلم يعني لانهم بلا محكمات يميلون مع اهون نسمة - 00:26:46ضَ

يعني اي نسمة معدية كده اي رياح بسيطة بيميل معه خناقات ومشاكل تلاقيه على طول فيقول وبئس الاصبع اصبع الفيس يكون القول ظاهر الفساد لا يقره عقل ولم يقله احد وليس عليه برهان - 00:27:08ضَ

والحجة انه باطل فيعجل الولد باصبعه ويعجب به يعني يحط لايك يعني ثم يحامي يدافع عنه بيقول ايه بقى في الآخر؟ خذ دائرتك وتعالى بعد اربعين اخرى باكيا اللي بيحصل فعلا يا جماعة ان الناس الدين العلوم استقرت ومبنية واللي عايز يطلب العلم والعبادة يعني في في قضايا واضحة جدا في الدين - 00:27:24ضَ

وخصوصا لعموم الناس اللي زيي يعني اللي هو مش طالب علم متقدم ولا حاجة وتلاقيه شاغل نفسه. وفلان طلع نزرية جديدة في التفسير. واللي حق فلان بيزكر الخلافات. يا عم انت ما لك - 00:27:50ضَ

وتلاقيه ضيع يعني بيمشي وراه مئات من الاخوة والاخوات يعيشوا باربعين سنة في التيه. ولغاية لما ييجي الجيل اللي وراه. وهكزا وجيل وراء اجيال عمالة يعني ليه مش ليه ليه ليه نقفك؟ يؤفك عنه ما نؤفك. ليه مش عايزين نستقيم؟ - 00:28:03ضَ

يعني ليه ليه الانسان بيحب الغموض؟ بيحب الحاجات الخفية والدين واضح قدامك اهو يعني ليه منشغل قوي بالقضايا الكلامية يا عم ما تخليك مع ما تدخلش في اي خلافات خليك مع كلام السلف. يا عم الزم جمل الكتاب والسنة وظواهر كلام السلف - 00:28:25ضَ

واما تبقى خلاص تتقدم في طلب العلم. وتدرس علوم الادوات والفروع. انت مش هتسمعني خلاص انت مش محتاجني نرجع الجزء التاني من الدرس وهو انا كنت بقول الوقتي احد عوامل - 00:28:46ضَ

ركزوا بقى معي كده احد عوامل الخروج من الاحباط دايرة الفراغ مش بس الاحباط ودائرة الفراغ العملي الموجود في حياتنا يا جماعة انك تكون ما تكونش لوحدك. الا تكون بمفردك - 00:29:02ضَ

احد انا بحاول احتجز اهو احد وسائل الخروج من الفراغ الحركي والفراغ العملي والفراغ النفسي اللي بيمر به الناس الا يكون بمفردك وان اضطر لذلك فالله يعصمه. لان لا يكلف الله نفسا الا وسعها. ما حدش يقول لي اصل انا ظروفي مختلفة ولا استطيع خلاص - 00:29:20ضَ

الله سبحانه وتعالى يحفظك. لذلك انا كنت عامل درس برضو. زمان قوي بعنوان حتى لوحدك يعني حتى لوحدك ربنا سبحانه وتعالى يحفظك لكن انا بتكلم على اللي يستطيع ان هو لا يكون في هذه الدائرة بمفرده. طيب - 00:29:45ضَ

ايه الوسائل لده يا جماعة آآ زمان كان عشان برضو اكون اكثر وضوحا معكم يعني خصوصا في الواقع المصري يعني كان الخروج من انك تكون لوحدك بيبقى بحاجة من اتنين غالبا يعني - 00:30:01ضَ

اما ان في شيخ كبير مشهور فله درس كبير فانت بتحضر الدرس دوت فبتكون ضمن هؤلاء الحضور آآ بتجد ممن يتقاربون معك آآ فكريا لما بيسمعوا نفس الشيخ اه تجد صحبة - 00:30:16ضَ

او كان انه بينتمي لجماعة انا ما اعرفش اعيش لوحدي يا جماعة ويعني حقيقة بدون خوضه بقى في التفاصيل ده ممكن بس يعني لو ربنا اعاننا كده نتكلم عنه في درس التدين - 00:30:34ضَ

يعني النموذجين دول انا لا ارى ان هم يعني كانوا بيقدموا حلول جيدة. بالعكس انا شايف ان كان لهم بعض الاثار السلبية طيب ازاي بقى ما اكونش لوحدي وفي نفس الوقت - 00:30:50ضَ

الجماعة انا انا متاخد منها موقف سلبي لان في فارق بين جماعة انت بتعمل ايه انتماء كلي وبين مجموعة عمل يعني مجموعة العمل ده انت ضمن عموم المسلمين لكن بتعمل عمل زي بالزبط مسلا لما بيكون جمعية خيرية او ده - 00:31:04ضَ

لا تطالب الجمعية دي بانتماء كل المسلمين اليها ولا يفعلون العمل الخيري. لا دا هم مجموعة عملوا عمل. ايا كان بقى عمله مع معهد علمي عمله لكن لا يعمم على عموم المسلمين - 00:31:26ضَ

طيب ندخل بقى في النقطة المهمة انا قلت المقدمة دي ليه؟ عشان لما باقول كلمة مجموعة عمل انا لا اقصد بها لا النموزج ده ولا النموزج ده. اقصد ان انت مع بعض اخوانك - 00:31:42ضَ

ممن تشعر معهم بنوع تقارب ممكن تصنع ده لان للاسف وبرضو عشان اكون صريح معكم معلش هو درس النهاردة فيه تخبيص كتير غالب الناس دلوقتي لما بيمروا بالازمة هو بيبعث بالسؤال يقول لي نريد حلا - 00:31:52ضَ

ايوة من الذي سيصنع لك الحل ليه يا جماعة دايما احنا منتظرين الحل يأتي من خارجنا ليه مستني الدرس الكبير يرجع او جماعة تتعمل تانية ليه؟ ليه ما تكونش انت جزء من الحل؟ ليه ما فيش زاتية - 00:32:11ضَ

انا قلت لكم ان ان بنسبة ما يعني بنسبة ما بحترس برضو اهو. بنسبة ما اللي بينجو من القصة ديت اللي عندهم زاتية في العلم وفي العبادة فقدان الزاتية ان انا ابحث انا عن الحل - 00:32:28ضَ

مش بس ابحس عن الحل ده انا اكون اكسر جرأة واقول ان تصنع انت الحل وان تكون انت وانت جزءا من الحل اصلا انت تكون جزء من الحل اكون جزء من الحل ازاي - 00:32:44ضَ

من هذه الحلول ان تكون ان تصنع مجموعة عمل. انت اللي تصنعها ما انتزرش ان هي تحصل وبرضو آآ هيبقى في بعض النصايح بعد كده جاي منها انك ما تكونش مثالي في تصوراتك - 00:32:58ضَ

والنصيحة اللي قلتها قبل كده وكانت الناس بتزعل منها انك تتحرك بسرعة شوية افضل من انك تتوقف يعني هيبقى فيه شوية نصايح بعد كده بس خلينا النهاردة نتكلم على لما ربنا سبحانه وتعالى كلمنا - 00:33:14ضَ

عن نموزج عزيم بني نموزج الصحابة وفي سورة الحشر وسورة الحشر اللي فيها اجلاء اليهود وبتتكلم على قضايا كتير في الاخوة بين المسلمين وحتى الاخوة الزائفة بين المنافقين واليهود والاخوة الصادقة بين المهاجرين والانصار - 00:33:29ضَ

والبداية آآ بقدرة الله والختام بعظمة انزال القرآن. يعني سورة بصراحة عظيمة. يعني سورة الحشر لها في قلبي وقع خاص وزي ما كنت قلت في خواطر رمضانية دي من الصور اللي الواحد بيتهيب اصلا - 00:33:50ضَ

لكن كنت قلت برضو بنعمة ربنا سبحانه وتعالى عايز يسمع تفسيرها ان ربنا يعني يسر للدكتور محمد مصطفى عبدالمجيد فسرها بصورة اللي حابب يسمع السورة بطريقة تفصيلية لان انا مش هتكلم النهاردة على تفسير. انا هتكلم عن وقفة تربوية في ايتين بس او تلاتة - 00:34:05ضَ

مش هشرح تفسير التفسير بصورة تفصيلية ترجعوا ممكن تسمعوا اللي عايز يسمع يمكن يسمع شرح الدكتور محمد مصطفى او يقرأ لاي تفعيل تفسير من عايز اتكلم على اية تمانية واية تسعة واية عشرة - 00:34:25ضَ

التقط بس التقاطات تربوية منهم فقط. اية تمانية واية تسعة واية عشرة نموزج مبهر نموزج اه يعني عزيم جدا في سورة الحشر بييجي من اجيال الصحابة بصوا في سنن لاقامة اي بناء - 00:34:40ضَ

سنن يعني لو انا عايز اقيم بناء يقول لك آآ بتوع المهندسين مش عارف تحفر ايه وتحط اساسات وتعمل مش عارف اقامة اي بناء يحتاج الى فهم وادراك لطبيعة حياة الناس - 00:35:00ضَ

يعني لما يجي مسلا واحد يقول يا دكتور احمد انت بتقعد تقول الصحبة ومجموعات العمل ومش عارف ايه. الناس اصلا محبطة. انا باجي اقول لهم يلا نعمل حاجة ما حدش بيرضى ييجي. اقول لهم يلا - 00:35:16ضَ

نعمل نقرأ كتاب نعمل مجموعة قراءة يعني انا احيانا انصح يا عم اتقابلوا اتقابلوا مع بعض اقرأوا اقرأوا مجموعة رسايل ابن رجب اقرأوا تفسير اقرأوا مجالس القرآن لفريد الانصاري يقول لي وبعدين يا عم طب اقراها الاول - 00:35:29ضَ

هم تلات اجزاء خلاصم وبعدين ابقى قل لي بعدين لا تشترط ودي من النصايح السلوكية المنشورة يعني لا تشترط رؤية الطريق كاملا اقرأوا اقرأوا كتاب اقرأوا رياضة الصالحين التقي مع اخوانك على شيء من امور الدين - 00:35:46ضَ

يبعث فيكم طاقة تعبدية انما ربنا سبحانه وتعالى قال في الواقع المؤلم في خواتيم في صورة يونس قال ايه؟ اجعلوا بيوتكم قبلة. واقيموا الصلاة وبشر المؤمنين. ما هو هتدخل في احباط - 00:36:06ضَ

تعزيب تعزيب تعزيب وتضييق وتضيق وتضيق من فرعون خلاص ارجع للبيت وما قالش كل واحد يعمل كده قال اجعلوا سورة الجمع بيوتكم قبلة واقيموا الصلاة وابشر لا ازن في الواقع ده يكون الحديث عن البشريات والامال. وبشر المؤمنين - 00:36:23ضَ

اه لابد من فهم كيف تقام وان الامر يحتاج الى مجهود. الامر يعني يا جماعة مجرد انك تصنع مجموعة مع اخوانك او انت اختي مع الاخوات اعملوا تساهموا في اه مسلا في عمل مقرأة على الانترنت او في دعم اه موقع او في صناعة اه حاجة - 00:36:49ضَ

للاخوات او للبنات اي حاجة هتتعمل صعب الانسان يعملها مفردها. محتاج يشتغل مع المجموع. ودايما العمل مع المجموع مؤلم. لزلك كان في درس اسمه الاخلاق الاجتماعية وتديه درس آآ من واقع الخلافات اللي بتحدس اسناء العمل. شغلك مع اخيك لازم هيعمل مشاكل - 00:37:14ضَ

احتكاك مع الذي قال النبي والدرس كله كان قائم على شرح الحديث. الذي يخالط الناس ويصبر على اذاهم. شف النبي ربط على طول بين الخلاطة والازى طبيعي هيحصل لك ازى. لكن هذا الازى اللي من اخوانك اهون بكثير من اذى الوحدة - 00:37:39ضَ

ولا سيما انا بتكلم على عمومنا كلنا. اغلبنا لا يتحمل هذا ويتحمل الوحدة يعني طيب ربنا سبحانه وتعالى ذكر تلات اصناف وبنسبة ما اي مجموعة قوية بتنشأ مجموعة عمل بتبقى عبارة عن التلات اصناف دول - 00:37:58ضَ

بل غالبا اي عمل بيقام يعني اي عمل من الاعمال بيقام اه بيحتاج هذه الاركان السلاسة ليقوم يعني اي دعوة بتصنع يعني دعوة النبي صلى الله عليه وسلم كان فيها ركن اسمه الركن البشري - 00:38:19ضَ

يعني فيه اركان بشرية العنصر البشري عارف حتى في في لبناء الدول الدول البناء الاقتصادي للدول في عامل مادي وفي عامل للزمن في عامل بشري يقول لك مسلا الدولة الصين او دولة حتى مصر او كده عندها مسلا وفرة في العامل البشري. لكن ممكن يكون في نقص في كزا. فازاي اوفر - 00:38:42ضَ

العامل البشري آآ يكون ركن من اركان تطور مسلا اقتصادي انا هنا دلوقتي بتكلم هنا القرآن. ودايما القرآن بيركز على العامل ده. بل بل آآ وصية عمر بن الخطاب او بلاش امنية قصدي - 00:39:06ضَ

عمر بن الخطاب لما قال للناس تمنوا فواحد قال اتمنى ملء هذه الحجرة ذهبا وانفقوا في سبيل الله. والتاني قال اتمنى ملء هذه الحجرة عدة واعتاد. واحد فكر في المال واحد فكر - 00:39:24ضَ

صرف السلاح. سيدنا عمر قال اما انا فاتمنى ملء هذه الحجرة رجالا من امثال ابي عبيد من الجرار. هو شايف ان وجود العنصر البشري الصح اهم لبناء الدعوات ثم ياتي بعد ذلك - 00:39:35ضَ

الماء الواتي السلاح فهنا وجود اه اه شف حتى الترتيب هنا قبل ما ربنا سبحانه وتعالى في الترتيب الايات قبل ما تتكلم على الناس اللي انفخت اتكلم على الناس اللي ضحت - 00:39:54ضَ

يعني ربنا سبحانه وتعالى سورة الحشر في اية تمانية وتسعة وعشرة بيتكلم على تلت اصناف من الناس وجودهم بيصنع اي دعوة بتقوم ده النموزج الكامل على المستوى الواسع. يعني لو احنا بنتكلم على - 00:40:13ضَ

مستوى كبير زي دعوة النبي صلى الله عليه وسلم. طب لو انا هتكلم على مستوى صغير؟ برضو فيه الاركان التلاتة. بنسبة برضو ربنا سبحانه وتعالى بدأ بمين؟ بمن ضحى. اول طائفة مين هم؟ للفقراء المهاجرين. طبعا الاية لها سياق في توزيع الفريق وغير ذلك - 00:40:29ضَ

هتعرفوه اللي عايز يعني اللي عايز يسمع يعرف التفسير وسياقه بالتفصيل. انا قلت لكم يسمع تفسير ايه او يقرأ لكن انا بتكلم على واحد عشان لو حد سأل اللام دي متعلقة بايه للفقراء دي احنا قلنا دي خلاص دي هتسمعوها في في التفسير - 00:40:48ضَ

طيب الفقراء المهاجرين الذين اخرجوا من ديارهم واموالهم يبتغون فضلا من الله ورضوانا. وينصرون الله ورسوله اولئك هم الصادقون التاني والذين تبوأوا الدار والايمان من قبلهم. يحبون من هاجر اليهم ولا يجدون في صدورهم حاجة مما اوتوا - 00:41:09ضَ

ويؤثرون على انفسهم ولو كان بهم خصاصة ومن يوق شح نفسه فاولئك هم المفلحون. التالت والذين جاءوا من بعدهم يقولون ربنا اغفر لنا ولاخواننا الذين سبقونا بالايمان يبقى انا عندي هنا تلات اصناف - 00:41:32ضَ

من الاصناف البشرية اللي لما بيوجدوا ربنا سبحانه وتعالى بيقدر ويعني وجودهم في مكان بتنشأ الاعمال وبتنشأ الدعوات ايه اهم طائفة موجودة اول طائفة التي ضحت بكل شيء للفقراء يعني شف - 00:41:49ضَ

بدأت مش قبل ما يقول المهاجرين قال للفقراء اصبحوا فقراء ضحوا بكل شيء للفقراء المهاجرين. بذل وضحى وترك واوذي اخرجوا من ديارهم واموالهم. ليه ليه اصبح فقير؟ ليه هاجر؟ لاخرج التلات حاجات ليه - 00:42:11ضَ

يبتغون فضلا من الله ورضوانا وينصرون الله ورسوله اولئك هم الصادقون. اول طائفة لاقامة اي عمل ان تكون او ان يكون من يكون صادقا ان في واحد عنده رغبة صادقة. والله يا جماعة احيانا - 00:42:36ضَ

اسمع مسلا قصة في عمل مسلا حتى ابليكيشن تطبيق معين تلاقي واحد يقول لك انا كنت مؤمن جدا بالفكرة وقعدت اشتغل عليها. وقعدت عرضتها على كزا حد. وسافرت مش عارف فين عشان اتعلم ورحت لفلان اعرض عليه وفلان هزقني وقال لي دا فكرة اي كلام - 00:42:56ضَ

ورحت مش عارف فين ويقعد يشرح يقول لك وبعد مش عارف اربع سنين من البحث ولما الفكرة اكتملت لقيت واحد قال لي انا ممكن تبنى الفكرة وينفق عليها واحد تاني دعمني وبعد ما عملنا كده لقيت بعد كده مجموعة من الناس قالوا لي احنا ممكن نشتغل معك بصورة تطوعية وبعد كده البرنامج - 00:43:16ضَ

وده بالزبط نفس الخطوات لحاجات كتير من المواقع اللي موجودة على فكرة والاعمال الموجودة نشأت كده. ان بدأت الاول بشخص صادق في الفكر عايز يطبق فكرة عائد ايه نفسه يعمل حاجة - 00:43:36ضَ

حاسس مجرد ان ان يحس مسلا حتى ان الناس حواليه مش عارفة تقرأ القرآن. او عندها في بعض معلومات الدين اساسية عندها وهو مش مش عارفينها ان يكون صادق عنده صدق - 00:43:52ضَ

والصادق يبزل ولا ينتزر شيئا الصادق يبذل ولا ينتزر شيئا ما تتصوروش انه آآ لان ما ما كانوش منتظرين شيء. يعني هو مش بيعمل سي في معين. لا لا ده الفكرة بداخله حرقة - 00:44:05ضَ

لا يستطيع ان هو آآ ينام دون ان تطبق هزه الفكرة او ان تكون واقعا. قاعد مشغول كيف تصبح الفكرة التي بداخلها؟ على فكرة يا جماعة وده حتى في الامور الدنيوية - 00:44:29ضَ

ازا لم يمتلك الشخص مسلا الدعم الدنيوي انه يقوم فكرته ممكن يبقى صاحب فكرة ويسعى لها لغاية لما ربنا سبحانه وتعالى يبعث له من يساعده فاول طائفة طائفة الصادق الذي يبذل ويضحي ويبتغي فضلا من الله ورضوانه ويفعل ذلك نصرة لله ورسوله - 00:44:44ضَ

احنا عايزين مسل هزه الكوادر التي تبادر انا بسميه الكادر المبادر كنت اتكلمت بس للاسف مش فكرت درس ايه عن ما يسمى اظن تقريبا اتحاوروا بعد الكون. فيما يسمى بثواب الاوائل - 00:45:07ضَ

ان في مجموعة من الاوائل اللي بتبدأ اللي بتشق الظلام اللي ربنا سبحانه وتعالى بيفتح بهم زي ما ربنا قال فرقنا بكم البحر تعبير فريق الانصاري هنا في الاية دي كان رائع - 00:45:23ضَ

ان هنا انت ربنا بيشك بك الاحباط وبيشك بك الشلل والكسل الموجود بتستعمل في ذلك ان تكون انت النواة التي يلتف حولها الالكترونات مرة اخرى. وتنشط في الحياة الالكترونات لا تتحمل ان تتوقف - 00:45:38ضَ

في كتير ناس حواليك لا تتحمل ان تتوقف لكن تبحس عن نواة تدور حولها ومعها ودورها ان هي بتقدم البشرى والامل والطاقة والافكار والاعمال وتبذل طبعا يستحيل كل الناس تبقى كده - 00:45:56ضَ

لكن منا من يستطيع ان يكون هذا الرجل وهذه المرأة اللي تكون هي النواة اللي اللي تبدأ تحرك الناس وتسعى ويكون صادقا وتكون صادقة. في هذا الامر وكم من اعمال - 00:46:15ضَ

حتى لو الناس تراها صغيرة ولكنها عند الله عظيمة بدأت بنواة بدأت بصادق شخص يحمل فكرة يبذل ويضحي من اجلها كتير من المجالس الموجودة العلمية والمواقع التعليمية هي بدأت ان شخص مؤمن بهذه القضية - 00:46:35ضَ

ويضحي من اجلها. ويبذل ولا ينتظر شيئا. مش عاملها ايه مسلا يكسب من وراها؟ وده برضو هنا انا مش حكم انه يكسب من وراها. انا بتكلم حتى مش عاملها ده هو - 00:46:57ضَ

المحرك الاساسي والدافع الاساسي له اينصرون الله ورسوله يبقى دي اول طائفة التي حينما توجد الكبدة بقى ده زي ده الاساس اللي تحت الاساسات. عشان كده دول اول من يدخلون الجنة - 00:47:07ضَ

فقراء المهاجرين دول اول ما تدخلوا الجنة قال عنهم النبي صلى الله عليه وسلم في حديث في في يعني في حتة كده بالنسبة لي دايما مؤلمة اول ما بقرأها بتكون مؤلمة قوي. النبي بيقول ايه - 00:47:23ضَ

يموت احدهم وحاجته في صدره يا الله لا يستطيع لها يعني جواه كان جواه طموحات. زيه زي بقية الناس يا جماعة ما هو بني ادم. كان جواه امال لكن ضحى بها - 00:47:36ضَ

كان جو كان بداخله عادي زيه زي بقية الناس. الناس احيانا بتتصور ان اللي بيضحي عشان الدين انه اصلا ما كانش جواه اي طموح. مين اللي قال؟ هو جواه طموح دنيوي عادي جدا - 00:47:53ضَ

اه مش لازم على فكرة هو ممكن يكون بيضحي حتى باوقات لعبه واوقات فراغه. واوقات نومه وعشان يجمع الناس هو لازم يبذل لازم واحد يتحرك ده الصنف الاول لنا اللي ربنا بقى سماهم دول الصادقون الاول - 00:48:03ضَ

والصدق في شيء ليسهل هزا الامر قلت لكم حتى لو في الدنيا فلان كان صادق في انه كان عايز يعمل مشروع كزا ونجح فيه برضو لا يلزم ان كل مشروع ينجح سواء ديني او دنيوي ودي بيعمل الاحترازات اهو - 00:48:28ضَ

لا يلزم من زلك في سنة ربنا سبحانه وتعالى وفي مشيئة الله وفي ارادة الله. بل ربنا سبحانه وتعالى قال واخبرنا ورسلا لم نقفشهم عليك. والنبي صلى الله وسلم قال والنبي ليس معه احد - 00:48:49ضَ

خلاص يعني مش مش معنى ان احنا بنقول ان الدواء ده يساهم في العلاج ان كل اللي هياخده هيفيدك. تمام طيب يبقى الطائفة الاولى الذين ضحوا وبذلوا هم الصادقون لما الطائفة دي بتيجي - 00:49:02ضَ

انا عايز اقول لكم انا من كتر ما سمعت قصص اعمال ومعاهد علمية ومواقع يعني قصص كتير من ناس يعني بفضل الله على مدار مسلا ما يقارب عشرين سنة تحس ان هي نفس الفكرة شخص او مجموعة ناس صادقة - 00:49:21ضَ

وفي بداية الفكرة ما عندهمش لسة الادوات لذلك بعض الناس يسخر هتعمل ده ازاي مين اللي هيساعدك؟ انت معكش دعم لها؟ طب مش عارف ايه ثم مع استمرار صدقهم وبذلهم وتضحياتهم يبعث الله لهم من يعينهم - 00:49:45ضَ

يبعث الله لهم من يعينهم تاني معلش يبقى بقول مع استمرار بذلهم وتضحيتي. يعني عايز اقول ايه؟ هو ربنا بعت الانصار امتى؟ بعد كم سنة بعد تلتاشر سنة يوم واحد يقول لي بقى من اللي ايه تطبيق الحرف بقى. يعني انا لازم ادفعها التلاتاشر سنة عشان ربنا يبعت لي اللي يساعدني. اقول لك لا لا عادي يا اخي. انت ممكن - 00:50:06ضَ

اقل وممكن اكتر. لازم يبقوا تلاتاشر. ممكن ما يبعتلكش حد ممكن تموت في الطريق ويخرج من بيته مهاجرا الى الله ورسوله ثم يدرك الموت فقد وقع جوع الله طيب يبقى اذا الطائفة الاولى طائفة الصادقون انا بقولها هي الصادقين يعني كمضاف اليه لكن اقصد الصادقون عشان لفظ الاية هؤلاء الصادقون - 00:50:35ضَ

الذين خرجوا من ديارهم واموالهم يبتغون فضلا من الله ورضوان. بعد كده ربنا سبحانه وتعالى يبعث الانصار بقى. من يناصرك ويدعمك دعم بكل شيء ممكن ادعمك بالمال ممكن يدعمك بالصحبة ممكن يدعمك معنويا يدعمك بالتشجيع - 00:50:57ضَ

تجد ان هنا ربنا يبعث لك الانصار من يناصر فكرتك الذي يناصرك ربنا سبحانه وتعالى قال والذين تبوأوا الدار والايمان والذين تبوأوا الدار والايمان من قبلهم يحبون من هاجر اليه - 00:51:17ضَ

الطائفة دي يا جماعة مهم اوي اوي اوي وللاسف احنا بنغفل عنها في الواقع. ليه بقى عشان نكون واضحين وصرحاء مع بعض مش كل الناس عندهم مواهب ان هو يكون عنده فكرة ويبذل لها مش كلنا كده - 00:51:40ضَ

لكن جزء كبير مننا ممكن يساعد يعني يعني هقول لكم حاجة لسة قريب جزاهم الله خيرا القائمين على المكتبة الشاملة فتحوا باب التبرع انا ممكن ما يكونش عندي القدرة ان انا اعمل التطبيق بتاع المكتبة الشاملة - 00:51:57ضَ

ما يكونش عندي القدرة ان انا اضيف الكتب وانتقي الكتب واقوم بتشكيل ما عنديش القدرة لده. خلاص طب ما في باب انك تكون من الانصار ثواني الشاملة ولغيره يعني اقصد - 00:52:15ضَ

ان باب النصرة بيكون اوسع من باب تطبيق الفكر لكن في مشكلة بقى ما بين نصرة ده بقى ايه بقى المشكلة؟ يعني زي ما الصادق واجهته اه ابتلاءات انه هيضحي وانه هيترك - 00:52:29ضَ

نوعياته وكماله وارضه ويترك اوقاته لو احنا نسخط علينا ممكن يترك اوقات نوم وممكن ايا كان الانصار بقى بتواجههم ابتلاءات. ايه بقى الابتلاءات ديت انه ممكن يبذل من الخلف ولا يرى - 00:52:45ضَ

يعني هو قاعد بيتعب وبيصرف وبيتحرك عارف زي ما واحد مسلا احيانا يقول ايه انا سخر عربيتي مسلا ان انا اوصل الدعاية لفلان لخطب الجمعة او للدروس ممكن اللي بيسخر سيارته ده هو شخصية مرموقة اصلا مسلا لكن - 00:53:05ضَ

وبيضحي فقد لا ينظر له وبيضحي هو كمان لكن الناس لا تراه يكون في الخلفية وكان لزلك انا بحب برضو المقطع الجميل قوي بتاع نعمان خان اللي هو العمل لله ليس فيه ادوار للبطولة حاجة زي كده - 00:53:22ضَ

ان في ادوار كتير لنصرة الدين مش لازم يكون الدور ده البطل. احنا احيانا بتغلبنا فكرة ان عايز اكون البطل. طب وليه ده يا جماعة اللي بيبذل وما بيظهرش في الصورة ده - 00:53:42ضَ

يعني ربنا يتقبل ده بياخد ثواب شافي صافي لا يقعد ينازع رياء ولا مشكلة ده بالعكس ففي دور النصرة. مشكلة دور النصرة ده انه قد يجد الانسان في صدره تجاه من ينصره من - 00:53:57ضَ

انا اللي صرفت انا اللي بذلت انا اللي عملت. لولا ان انا صرفت ما كانش المشروع ده قام. لولا ان انا دعمت. لولا ان انا لولا ان الفريق مش عارف بيعمل ايه - 00:54:18ضَ

لولا اني المبرمج هو اللي مش عارف عمل ايه لولا ايا كان بقى اي حسب كل مشروع واحتياجاته ان في واحد ضحى وبذله صاحب فكرة وعنده قدرة على تطبيقها وضحى من اجلها لكن محتاج انصار محتاج اعوان - 00:54:28ضَ

نيجي بعد كده الاعوان دول ممكن منهم من يمن يبدأ يمن عليه بقى آآ ويدخل بقى الايه لزلك قول الله سبحانه وتعالى لا يجدون في صدورهم حاجة مما اوتوا انا هشرح الاية سريعة كده بس الاول يعني ايه حاجة. حاجة مش مش معناها حاجة بتاعتنا بالعامية المصرية. يعني مش معنى الاية ما فيش في صدره اي حاجة - 00:54:45ضَ

لأ حاجة اللي هو من الحوج من الاحتياج يعني مش محتاج حاجة من اللي قدامه بيبذل له بس. لذلك قال بعضهم حسدا. وقال بعضهم اذى. وقال بعضهم حزازة. وقال بعضهم منا - 00:55:12ضَ

ايا كان لا يجدون في صدورهم حاجة. يعني بيبذل لا يريد منه شيئا ولا ينتظر منه شيئا. ركز بقى معي حتى لو كان هذا الذي يبذل يحتاج بالفعل. ولو كان بهم خصاصة. ما هو جواه احتياج - 00:55:25ضَ

يعني انا واحد رايح انشر واحد بيعمل مشروع وانا اصلا عندي احتياج تقول لواحد ادعمه يقول لك طب ما انا محتاج ايه اللي يدعمني؟ ماشي يا سيدي لعل يعني لعلك ترزق ببركة اخيك - 00:55:47ضَ

حديس للاسف الناس عارفة الحديس الضعيف ومش عارفة الحديس الصحيح اللي هو الحسن. حسنوا كتير من اهل العلم. ان رجل كان يعني يتفرغ للعبادة ومجالس النبي صلى الله عليه وسلم - 00:56:02ضَ

ورجل كان بيحترف محترف يعني بيشتغل وبينفق على اخيه. فذهب ذلك المحترف. محترف يعني شغال الصنايعي اللي يقوم بحرفة يشتكي اخاه للنبي صلى الله عليه وسلم فقال له النبي صلى الله عليه وسلم لعلك ترزق ببركة اخيك - 00:56:14ضَ

لعلك ترزق بدعمك لاخيك ففكرة الدعم دي فكرة غايبة ليه طب ما تشوف حد ادعمه عندك وقت عندك اعمل اي حاجة وبصراحة اه برضه عشان يعني الخير في امتي مسلا. لكن انا بيجي لي رسايل - 00:56:33ضَ

آآ انا عايز اساعد اختي انا عايز اساعد آآ ممكن اعمل ايه طب اقوم بتفريغ طب اقوم بترجمة طب مين من المشايخ ممكن مش عارف محتاج مساعدات في ان احنا نعمل فريق - 00:56:52ضَ

الموقع تجد بفضل الله اه في ناس اه الواحد ممكن يكتب تغريدة ينشر مسلا اه عن موقع مسلا معين اه لنصرة النبي صلى الله عليه وسلم. تجد في التعليقات طب اللي عايز يدعم الموقع - 00:57:02ضَ

لنصرة النبي صلى الله عليه وسلم يعمل ايه؟ آآ لما حصلت المقاطعة. كتير من الناس يعني الناس بداخلها الخير. لكن احيانا مش ما بيكونش في تصوره في تصوره في الذهن ماذا يفعل - 00:57:15ضَ

لزلك احنا قلنا هنا اهمية وجود هذه الانوية لزلك ميزة يا جماعة مجموعات العمل عن فكرة الجماعة ان الجماعة بتقدم نواة واحدة الدين لا يسع زلك. الدين اكبر من ان يحتويه جماعة واحدة اصلا - 00:57:27ضَ

ودي قيمة تعدد الانوية. واختلافاتها وتصوراتها واتجاهاتها وده نواة علمية وده اه دعوية وده اجتماعية خيرية. فتنوع هذه الالوية بيعطي براح للاختيارات ساعات شخصيات الناس يبقى الطائفة الاخرى الذين الانصار تبوأوا والتبوأ في تمكن - 00:57:42ضَ

من هذه الدار اللي هي المدينة والايمان من قبله بيقول العلماء اتكلموا يعني ايه تبول الايمان من قبلهم؟ يعني هل سكنوا الايمان هل ده تعبير مجازي على تمكنه من الايمان - 00:58:05ضَ

ده مسألة تبوه الايمان ولا كلمة من قبليا برضو يعني ايه من قبل المهاجرين هل كان في ايمان خاص معين زي البزل والتضحية هم قدموه قبل الانصار؟ ولا من قبل مجيئهم؟ امنوا في المدينة من قبل؟ يعني اختلاف - 00:58:17ضَ

خدوا بالكم من اول آآ اول وصف خدوا بالكم بس ركزوا في دقائق الكلام. يعني عايزكم بعد ما اخلص تقروا تقروا التلات ايات كلمة كلمة كلمة كلمة كده اول وصف وصف به هؤلاء تجاه اخوانهم هو ايه يا جماعة - 00:58:34ضَ

والذين تبوأوا الدار وديوانهم قليل. اول وصف ايه يحبونه بتحب اخوك لانك بتحب الخير انت بتحب الدين ينتشر. فلما تلاقي فلان بيساعد في نصر الدين انت بتحبه. ليس بينك وبينه نسب - 00:58:53ضَ

ما كانوش يعرفوهم اصلا يحبون من هاجر. اللي بيضحي. حب يعني خليك دايما بداخلك بمشاعر حبي للي بيقدم للدين اللي بيبذل للدين حتى لو اخطأ اغفر لنا وزي الطوائف اللي هتيجي بعد كده بقى - 00:59:07ضَ

يحبون من هاجر اليهم ومهما حتى حاول ان يبحث في صدره عن شيء تجاه اخواني لا يستطيع لا يجد دي كانها بعد بحس لا اجد ما احملكم عليه لا يجدون في صدورهم حاجة - 00:59:24ضَ

مما اوتوا يعني انا آآ زي اللي هي ايه اللي هي قالت ان ده الدواب بتبلغ بكم حاجة لم تكونوا بالغيه الا بشق الانفس ده معنى الحاجة انك انت تكون محتاج لشيء او ان تصل الى شيء - 00:59:41ضَ

وتحمل اثقالكم الى بلده لم تكونوا بلده الا بشق الانفس مش دي الاية في اية تقريبا عن وفي برضو اه كلمة الحاج جت في سورة يوسف الا حاجة في نفس يعقوب قضاها - 01:00:02ضَ

فهم لا يجدون اي يعني هو يا جماعة يحب ويبذل ولا ينتظر شيئا لذلك هتجدوا اللي هيرجع بقى لكتب التفاسير وخصوصا الاثرية مش هيتم بنقل الاثار هيجد اثار جميلة عن علاقة الانصار بالمهاجرين - 01:00:18ضَ

وان النبي صلى الله عليه وسلم يقسم آآ يعني يتنازلون عن نصيبهم لاخوانهم ويرضون برجوعهم بالنبي صلى الله عليه ويبكون آآ شوقا لنبيه صلى الله عليه وسلم. ويثني عليهم النبي صلى الله عليه وسلم - 01:00:34ضَ

المشاعر دي مشاعر جميلة ان انت مش بتدعم وانت في نوع من المن والاذى والحسد والحقد والغيرة لا لا هو مش قصاده حاجة جاتنا كيرو ما فيش حاجة لا يجدون في صدورهم حاجة - 01:00:51ضَ

بالرغم مما اوتوا يعني المهاجر اللي ضحى بدأ يظهر او بدأ يحصل اشياء وانت بتبذل. انت مش منتظر حاجة لا يجدون في صدورهم حاجة. انت منتظر الثواب الاخروي فقط مهم قوي انك تستحضر قول عمر ابن الخطاب ولكن الله يعرفهم - 01:01:06ضَ

في كتير وانا اعني ما اقول كتير من الاعمال الدينية الموجودة ورائها اناس لا يعلمهم الا الله سبحانه وتعالى ولعل الله يبارك في هذه الاعمال باخلاص احدهم الذين لا يعرفهم الا الله سبحانه وتعالى - 01:01:28ضَ

الانسان لا يستنكف ابدا ان يكون من هذه الطائفة وقفت الذين يبذلون يعني ازا كانت طائفة الاولانية الصادقون ربنا سمى التانية المفلحون. وده يعني تسمية جميلة قوي انه نجح كان اختبار صعب. ليه يا جماعة اختبار صعب - 01:01:46ضَ

لان نفسه تنازعه طب وانا ادي لاخويا ليه؟ طب ما ادي لنفسي. طب ما انا يعني اقسم زي الانصار كده تخيل بيقسم بيته وحياته مع اخوه ليه اما يروح يشوف طب ما يروح يشتغل - 01:02:07ضَ

يقول لواحد مسلا انك الموقع ده او مش عارف زي ما قلنا المكتبة الشاملة وغيرها محتاج دعم راعي اخوانك يقول لك طب ما انا طب ما انا محتاج انا كمان. طب خلاص - 01:02:21ضَ

ذلك الذي يستطيع ان يتغلب على شح نفسه لان نفسه بتنازعه دايما اللي اللي بيبذل لدعم الاخر نفسه تنازعه. تاني الذي يبذل لدعم الاخرين ولا يظهر في الصورة نفسه تنازعه - 01:02:36ضَ

فمن استطاع ان يوق شح نفسه فهو المفلح. فاولئك هم المفلحون. يبقى دي الطائفة التانية اللي بوجودها بتقوم الاعمال يبقى انا ممكن شخص بيضحي ممكن شخص يدعم ممكن شخص مش ربنا قال اجعلوا بيوتكم قبلة. ممكن واحد يفتح بيته - 01:02:54ضَ

ممكن واحد يجيب كتب يديها للناس اللي عايز تقرأ عايز ناس عايز تقرأ في الحديس عايز تقرأ رياض الصالحين يجيب هو كتب للناس في المسجد نقدم دعم للاخرين اه حد كان بيقول لي ان هو يعرف واحد صديقه يعني كان بيوزع كتاب رياض الصالحين. عايز فكرة ان - 01:03:10ضَ

الناس تقرأ سنة النبي صلى الله عليه وسلم ولما سأله قال له انا مش عارف انا مش لاقي باب اعمله في الدين فقلت يعني آآ اجيب للناس كتب جايز ايه اللي تقرأه - 01:03:34ضَ

فاولئك هم المفلحون. الطائفة التالتة اللي بعد ما العمل بيقوم بتيجي تجد ان العمل قام بتستفيد منه لزلك برضو عشان برضو الناس تفهم ما تفهمش الكلام الغلط مش عايزين دايما احنا نتعود قضية النقد للسابقين دون ان آآ يعني للاسف بننسى فضلهم - 01:03:46ضَ

كتير من انتشار الدين الموجود بسبب السابقين فنحن ندعو لهم هتقول لي طب ما في اخطاء طب ما هو اصلا الاية بتقول بدأت ربنا اغفر لنا ولاخواننا. عادي ممكن يبقى اختي وانا بادعوا له بالمغفرة - 01:04:07ضَ

اغفر لنا ولاخواننا الذين سبقونا بالايمان يعني انا جاي بعده فاستفدت من اللي هو قدمه والذين جاؤوا من بعدهم يقولون ربنا اغفر لنا ولاخواننا الذين بلاش اجي ابقى عايز اهدم اللي قبلي وخلاص - 01:04:21ضَ

لا اغفر لنا حتى لو في خطأ انت بتتجاوزه وبتصلحه وبتدعو اغفر لنا ولاخواننا الذين سبقونا بالايمان. ولا تجعل في قلوبنا غلا لان هو سبقك فانت ممكن تشعر بنوع من الغل تجاهه. او مش قادر تتحمل خطأه - 01:04:38ضَ

طيب اسقاط ده على اللي انا عايز اقوله بقى في الواقع ان بتأتي احيانا طائفة تنتفع من العمل الذي قام اقل حاجة تعملها ان تنتفع وتدعو مش قادر تضحي وتبذل - 01:04:57ضَ

مش قادر تدعم وتنفق؟ انتفع دون ان تؤذيه انتفع وادعوا لهم ان يوفقهم الله سبحانه وتعالى. واحد يقول لي طب فيه اعمال كتير في الدين موجودة لا قادر اضحي واعملها. ولا قادر - 01:05:13ضَ

ولا استطيع ان ابذل معهم. وان اه ادعم معهم. وان اكون من المهاجرين ولا من الانصار. لا من المضحين الصادقين ولا من الباذلين المفلحين انا فقط من المنتفعين. وماله انتفع وادعو لهم - 01:05:29ضَ

طب ويعني معنى كده اني اسكت على الاخطاء؟ لأ طبعا. اسكت على الاخطاء ولكن في ادب لذلك والنصيحة دون ان تهدمهم هنا بتبدأ خلاص الصورة بتكتمل فاي عمل غالبا بيتكون من التلات اركان دول. ركن اللي ضحى وبذل - 01:05:48ضَ

وكان صادق في فكرته اللي دعم وبذل ونصر وكان صدره طاهر فكان مفلح انه وقي شح نفسي. الطائفة التالتة اللي جت واستفادت وانتفعت فكانت طائفة طيبة في لم تجد في صدرها غلا بل كانت تدعو الله سبحانه وتعالى ان يصرف اي شيء. يأتي في صدورها فانتفعت وكانت - 01:06:07ضَ

تدعو لهم ان يغفر الله لهم وان يلحقهم على الخير يبقى انا دلوقتي لو انا عايز استفيد بالكلام ده في واقعي انا مش لازم انتظر يا جماعة حل ان انا - 01:06:31ضَ

اكون من اللي عنده فكرة ولو فكرة بسيطة اعملوا اي حاجة اياكم والقعود اياكم والكسل النبي صلى الله عليه وسلم يستعيذ من الهم والحزن والعجز والكسل كنت حتى فاكر كتبت قريب او نشرت آآ اه كنت نشرت على قناة التليجرام - 01:06:44ضَ

آآ المنشور بتاع بدر السوعي الشيخ بدر على موضوع تسرير المتعة او المتعة اللي بيمارس كل حياته من على السرير قضية الكسل وخطورته فعلا هو بيدخل في كتاب حد من الاخوات ازن علق - 01:07:07ضَ

قال ولعل في علاقة بين الهم والحزن والعجز والكسل وكانت التقاطة لطيفة فعلا الجمع بين الدعاء ده في دعاء واحد من الهم والحزن والعجز والكتشرح الحديث ده في خطبة لوحده - 01:07:21ضَ

الهم والحزن والعجز والكسل والجبنة البخل. دي انا كنت باسميها المعوقات في معوقات داخلية ومعوقات خارجية والنبي صلى الله عليه وسلم بدأ بأكثر المعوقات الداخلية الهم والحزن وعجز وكسل وجبن وبخل - 01:07:35ضَ

وبعد كده بقى غلبة الدين الخارجية. المعوقات الخارجية في الآخر الانسان يتحرك اعمل اي حاجة اجتمع مع اخوانك على اي عمل صالح تجاوز الخلافات ابذلوا اي شيء لان يا جماعة الكسل - 01:07:48ضَ

آآ مؤلم والعجز مؤلم يصاحبه هموم والهموم بتتزايد وبيدخل زي ما قلت الانسان في المنطقة المظلمة اللي تخليه بيفقد نوع بيفقد التوازن النفسي. وبعد كده افكار سيئة بتتوارد الى ذهنه - 01:08:08ضَ

واحباط وترك للطريق انا ايه اللي وصلني للمنطقة دي ولو عمل بسيط لقاء كل اسبوعين التقوا اجعلوا بيوتكم قبلة. واقيموا الصلاة الفول والبشريات بشر المؤمنين لكن انا اكون قاعد متكاسل مهموم مغموم اكتفي بمجموعة من اللايكات - 01:08:23ضَ

اه اسمع الدرس وانا على السرير فده يعني ممارسة الحياة فعلا جزاه الله خيرا يا شيخ بدر. المشروب بتاعه رائع. ممارسة الحياة من على الشرير دي بالرغم ان هي بتعطيك ايحاء انك انت - 01:08:48ضَ

على العالم اجمع وانت بمفردك اصلا اتكلم فلان وتراسل فلان ولايك مع كزا وتعلق على كزا. تشعر بنوع من الدوشة انت بمفردك اصلا يعني انت في الاخر سم مازا؟ الكهربا قطعت مسلا كل ده بيختفي من حياتك - 01:09:01ضَ

لا ابحس عن واقع يعني برضو عشان ما نوصلش لفكرة التطبيق الحرفي. اللي زروفه اللي حياته اللي طبيعته اللي شخصيته ايا كان الكلام لا يؤخذ بحرفيته ده لازم يكون عندي فقه للتعامل مع المواعظ - 01:09:20ضَ

انا بحاول اجمع المادة دي ان شاء الله. فقه التعامل مع المواعظ التطبيق الحرفي. اسأل الله سبحانه وتعالى ان يفتح لي ولكم وان يستعملنا جميعا. نعوذ بالله من الهم والحزن والعجز والكسل والجبن والبخل. ولابد ان يقول الرجال. اسأل الله سبحانه وتعالى - 01:09:37ضَ

واياكم من اهل القرآن سبحانك الله وبحمدك اشهد ان لا استغفرك واتوب اليك والسلام عليكم ورحمة الله وبركاته - 01:09:51ضَ