باحث

السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله. اللهم صل على عبدك ونبيك محمد صلى الله عليه وسلم. في الاولين والاخرين وفي كل وقت - 00:00:00ضَ

الوحيد. اما بعد اخواني واحبابي في الله. النهاردة مع اسم جديد من اسماء الله الحسنى. اسم الله النهاردة رسالة للامة كلها رسالة لكل واحدة سنها كبر وما اتجوزتشي اوعي تيأسي رسالة لكل شاب لسه متخرج ومحتاج شغل ومحتاج بيت ومحتاج شقة ومحتاج زوجة - 00:00:38ضَ

ورسالة لكل واحد اتجوز ولسه ما رزقش الذرية. رسالة لكل واحد في الامة دا اهي كلها اسم الله الرزاق. اسم ضد فقر النهاردة هنعرف مع بعض اسهل الطرق انك انت تبقى انسان غني. غني بحق وحقيقي. بكل معاني الغنى. النهاردة يا اخواننا هنتعرف على - 00:00:58ضَ

مفاتيح خزائن الله سبحانه وتعالى اسم الرزاق اسم ضد الفقر. اسم للي عايز يحسن الاستاندر دريفيل بتاع حياته. اسم الله الرزاق اسم ضد الانتحار اربع تلاف واحد بينتحروا يوميا على وجه الارض. اربع تلاف. السبب الاول للانتحار الاكتئاب. والسبب الاول للاكتئاب الفقر. فاسم الله - 00:01:18ضَ

الرزاق ضد الانتحار. مرة رايحين لاسرة من الاسر الفقيرة. فاللي يعني بتعرفني الاسرة. بتقول لي كانوا سبع اولاد وبقوا ستة. فبقول لها ليه قالت لي واحد انتحر من الفقر ما قدرش يستحمل الفقر. واحد من الناس ما كانش معه غير عشرة جنيه. فزوجته بتقول له هات لنا اي حاجة ناكلها انا والعيال. هات لنا - 00:01:38ضَ

بطاطس وازازة زيت مشي بالعشرة جنيه على الكوبري وقاعد يقول الحاجة غليت. والاكل غلي والزيت غلي ورمى نفسه من على كوبري طلخا الفقر خلى ناس تنتحر كتير اوي يا جماعة. الفقر خلى ناس ياما تنتحر. والعياذ بالله وتعاجل الله بنفسها. من كتر ما هي - 00:01:58ضَ

عشان كده اسم النهاردة بيحل لك اكبر مشاكل في حياتك. بيخرجك من دايرة الاختناق ودايرة الفقر ودايرة الاكتئاب. معظم طب الطلاق بسبب ان ما فيش فلوس في البيوت. الست متوترة الراجل متوتر الاتنين يضغطوا على بعض. اسم النهاردة للي عايز يتجوز واللي عايز شقة. وللي مش لاقي - 00:02:18ضَ

قول للي عايز دخل وللي عايز يرفع مستوى معيشته. اسم الله الرزاق رسالة للامة كلها. رسالة للاغنيا. فلوسكم دي مش بتاعتكم انتم ممكن تحببوا الفقير في الرزاق؟ وممكن تشككوا الفقير في الرزاق. رسالة للفقراء. اوعى وانت ربك اسم الرزاق - 00:02:38ضَ

مد ايدك على مال حرام. اوعى وانت ربك اسم الرزاق. تذل نفسك لحد عشان لقمة العيش. او عشان الجنيه اسمه النهاردة رسالة. رسالة للي بيقولوا هيحصل اللي اقتصادي ومش هنلاقي ناكل. رسالة للي ما ولاده بيقولوا له عايزين طلبات يقول لهم اجيب منين؟ اجيب منين؟ هنعرف النهاردة نجيب منين؟ اسم النهاردة - 00:02:58ضَ

رسالة لجيل التسعينات. الجيل اللي بيعتبر نفسه مدمر. الجيل اللي بيعتبر نفسه اتظلم من الجميع. والدنيا قدامه سواد في سواد. والعياذ بالله اللي مش متصل بالله سبحانه وتعالى. اسم النهاردة رسالة للي بياكل حرام. اسم النهاردة رسالة لنا كلنا يا جماعة. رسالة للجميع. رسالة - 00:03:18ضَ

اسهل الطرق للدنيا. اسهل الطرق للزواج. اسهل الطرق لتحسين معيشتك. اسهل الطرق لتحصيل ارزاق كتير اوي اوي اوي اوي الرزق ما طلعش فلوس والنهارده هنبدأ ان احنا نعرف ان الرزق ما طلعش فلوس. رسالة النهاردة اسم النهاردة معركة مع اكبر حاجة قتلت البني ادمين - 00:03:38ضَ

اكتر حاجة امرضت الناس. واكتر حاجة ملت عيادات الامراض النفسية. الهم النهاردة اسم النهاردة معركة ضد الهم ضد هم الرزق وهم هعمل ايه بكرة؟ وهم هجيب منين لما اكبر وهم هتجوز منين؟ وهم شاب بيقول لي انا باشرب مخدرات - 00:03:58ضَ

اعمل ايه ؟ هي بايظة بايظة اصلا. لما عشرين جنيه خم سنة وتلاتة اصحابي في سيجارة حشيش بها. وننسى الدنيا ونفصل ما هي بايظة بايظة. يا اه ياه على اللي مش عارف الرزاق حياته صعبة اوي. حياته ضنك يا اخواني والله. اللي مش متصل قلبه بالرزاق وعارف مين هو الرزاق - 00:04:18ضَ

اقف معه تحس ان انت جا لك اكتئاب وانت واقف مع وهو مستحمل نفسه ازاي؟ اللي مش عارف يعني ايه الرزاق؟ اسم النهاردة حركة ضد اكبر قيد شل الناس عن ربنا. اكبر سبب طائف خلى الناس تسيب الجوامع. اكتر ناس اكتر شيء صرف الناس عنهم - 00:04:38ضَ

الرزاق هو الرزق. اكتر ناس اكتر حاجة شغلت الناس عن الله. اكتر حاجة خلت الناس تاكل حرام. وتعصي الرزاق هو الرزق العجب! يا للعجب العجاب! في مهرجان الضحك اللي احنا فيه! المفروض ان انا ابتغوا عند الله الرزق! لا يملكون لكم رزق - 00:04:58ضَ

ربنا لما جاب الرزق مع المخلوقين كلهم جابوا بالنكرة. لا يملكون لكم رزقا. ولما جاب الرزق معه هنا جابوا بالمعرفة فابتغوا عند الله الرزق لان هم ما يملكوش شيء اصلا. ما فيش اي نوع من انواع الرزق يملكوه. انما الرزق كله مش موله بكل انواعه عند الله - 00:05:18ضَ

الله والناس سايبة باب ربنا وبتجري على كل الابواب للاسف الشديد عايزين نفهم النهاردة القضية صح. وعايزين زي كل اسم من اسماء الله الحسنى. البوصلة بتاعة قلوبنا تتوجه صح. اخواني واحبابي في الله. اسم النهاردة ممكن يحمل تغييرات جبارة جوة حياة كل واحد مننا - 00:05:38ضَ

النهاردة بيبهرك وبيشوقك وبيفهمك. اسم النهاردة بيطمنك. اسم النهاردة بيخليك تحب الناس كلها. وما عدتش تغير من حد حد وتضايق من حد وده قطع عيشي وده جاي وهي جاية على قوتي انا ويموتي ما حدش يعرف يجي على قوتك اصلا. ما حدش يعرف يلعب في القضية دي اصلا. دي - 00:05:58ضَ

مش بايد حد نهائي هو الرزاق سبحانه وتعالى. اسم النهاردة بيعرفك حجم المخلوق الحقيقي ان لا يملك لك اي احد اي شيء في هزه القضية بالزات اسم النهاردة هيملى قلبك بالرضا عن اللي ربنا اداه لك واللي انت ما خدتوش. اسم النهاردة هيخليك ما تمدش - 00:06:18ضَ

ايدك على حاجة حرام عشان اسم النهاردة رسالة تحزير للامة. رسالة تحزير لكل واحد بيكسب الفلوس بتاعه من دي جي حرام كل اغاني حرام ولا حفلات حرام ولا ربا ولا مصدر حرام ولا واحدة عشان عشان يجي لها زوج مكياج ولبس ضيق - 00:06:38ضَ

وعلاقات محرمة وصور آآ سيئة وكل ده ليه؟ عشان عايز الرزق كل ده هيغير اسمه رزق اتكتب لك من قبل اتخلق بخمسين الف سنة قد ايه الناس عصت؟ الرزاق عشان الرزق فاسم النهاردة يعني اول حاجة هيبهرك لما تعرف ان - 00:06:58ضَ

كل سانية ربنا بينزل من السما ستاشر مليون طن مطر. ستاشر مليون طن مية في السانية. الف وربعمية مليار مليار لتر مية في البشر الانسان بس. خد بالك ده فيه عشرين مليون نوع كائن حي على وجه الارض. ده ده غير ارزاق ربنا - 00:07:18ضَ

في كل حوالي ستميت الف مليار طن من اللحوم الانسان بس بيستهلكهم. ستميت الف مليار طن من فواكه الانسان بس بيستهلكه. الانسان مش حاسس يعني ايه الرزاق. ربنا بيرزق بيخلق ارزاق قد ايه. اسم النهاردة بيطمنك ان انت رزقك - 00:07:38ضَ

انا فاكر يا اخواني ودي رسالة للشباب اللي متخرج واللي الدنيا قدامهم سودا. وبالزات جيل التسعينات اللي الدنيا كلها حاسين ان هي عليهم ومستنيين الشمس تطلع من مغربها ويتفتح لهم اي تأشيرة لاوروبا او للغرب عشان يسافروا وينقذوا نفسهم. يمكن شمس الامل في - 00:07:58ضَ

حياتهم تيجي تاني واحد من الناس مرة عزمني على العشا باتناشر جنيه. باتناشر جنيه كان العشا بتاعي حوالي اتناشر جنيه. انا فاكر وهو خارج من الضيق المادي اللي هو فيه قال يا ريتني ما عزمتك. يا ريتني مع زامتك. هزا الشخص الان عنده حوالي ربع مليار جنيه. ربع مليار جنيه - 00:08:18ضَ

شاب من الشباب محاسب فقير ده ده قصة تانية وحاجة تانية عايزين نضمن عايزين نطمن عايزين اسم الله الرزاق يطمنا وفي نفس الوقت يفهمنا نوصل ازاي نوصل ازاي للي احنا نفسنا فيه من الدنيا ومن سائر الارزاق بروشتة سهلة بسيطة ومضمونة ومضمونة ومفعولها مضمون لان فيه - 00:08:38ضَ

شباب للاسف الشديد بيتعامل مع ربنا كأن هو صندوق النقد الدولي. انت مش عايز تقبل على الله ليه ؟ اصل ربنا عشان يديني فلوس زي صندوق النقد كده هيشرط علي وهتزل. صندوق النقد الدولي وممكن يزل البلد عشان يديها فلوس وفي الاخر سلف كمان. ربنا مش كده. ربنا ايسر حد تاخد - 00:08:58ضَ

منه اكرم حد يعطيك. اسرع حد يفرج كرباتك. اسم الله الرزاق هيصحح مفاهيم كتير قوي عندنا. محاسب فقير. يعني بيقول اللي كان يجيب لي كرتونة بيض كنت يعني ارجع بيتي بقى لمراتي واقول اللهم لك الحمد على الرزق الواسع. بيقول بعد خمس سنين كنت - 00:09:18ضَ

اتصدق بالعربية. عربية كده يعني بيطلع صدقة عربية كده خلاص حتى ما عندوش وقت يبيع القديمة. القديمة يعني يعني بقى رزقه اوسع من انه يفكر تمن القديمة وبيتصدق بها. الرزق يا اخوانا قضية كبيرة اوي وشغلة الانسان. ويا ريت يا ريت تيجي في قلوبنا اليقين - 00:09:38ضَ

على اسباب الرزق العظمى. لو اليقين جه في قلب البنات. على ان الجواز سببه قيام الليل زي ما سببه الجمال. لو اليقين جه في الشباب على ان الشغل سببه صلاة الجماعة زي ما سبب الشغل كده يعني الوسايط لو اليقين دي في قلوبنا - 00:09:58ضَ

على اسباب السماء وعلى اسباب الرزاق العظمى لفتح الارزاق على البشر. حياتنا هتتغير. كلنا عندنا تجارب كتير قوي في الرزق. يلا نبدأ مع بعض بقى الرحلة الجميلة قوي ديت مع اسم الله الرزاق. نبدأها الاول بمفهوم الرزق. يعني ايه الرزق؟ طبعا الرزق مش فلوس يا جماعة ودي حاجة معروفة. العروسة الطيبة الجميلة - 00:10:18ضَ

السيدة المطيعة رزق. الولد الصالح رزق. الزرية المتفوقة رزق. الجار الصالح رزق. على فكرة الطاعة رزق. الدرس اللي انت حاضره ده رزق الصلاة قيام الليل ان ربنا يديك ركعتين رزق. الحج والعمرة ان ربنا يفتحهم لك تأشيرة وتسافر ده رزق الحجاب. ان واحدة تتحجب - 00:10:38ضَ

برزق كل حاجة في الدنيا دهيت هي رزق يا اخوانا انك يجي لك شقة انك انت يجي لك عربية انك انت يجي لك وظيفة ان يجي لك مصدر دخل ان رزقك يزيد كل ديت ارزاق. مجموع السانوية العامة نص درجة زيادة في طالب سانوية عامة. رزق وبيفرق في رزقه طول عمره. انك - 00:10:58ضَ

تزاكر سؤال هيجي في امتحان بكرة رزق ان ربنا يفتح نفسك للمزاكرة رزق انك انت انك ترزق صحبة صالحة قاعدة جنبك او قاعدة جنبك قاعدة جنبك او قاعدة جنبك رزق. الرزق ده مفهومه كبير اوي اوي اوي. الجنة اعظم رزق ولهم رزقهم فيها بكرة وعشية. اعظم رزق في - 00:11:18ضَ

وجود كله هو الجنة الحب رزق اني رزقت حبها. الايمان ومعاني العلم رزق كلما دخل عليها زكريا المحراب وجد عندها رزق بعض المفسرين قالوا يعني معاني من الايمان والعلوم. سيدنا زكريا وهو نبي يبهر بها. انت جبت العلوم دي منين؟ مين اللي علمك المعاني الجبارة - 00:11:38ضَ

اللي مخلياكي قاعدة ليل نهار في المحراب مش راضية تسيبيه. وانتم بست من اهلك مكانا شرقيا. مين اللي علمك العلوم المهولة دي يا مريم؟ مين ايه اللي فكيك في ايات الله الفقه المهول ده يا مريم؟ العلم الشرعي رزق الدنيا كلها يا جماعة الجمال جمال الملامح طولك بالسنتي وزنك - 00:11:58ضَ

بالكيلو كل ده ملامح زوجتك. ملامح اولادك تعليم اولادك شهادتك. كل ده رزق. وفيه رزق اجساد وفيه رزق ارواح انا معظم اللي انا قلته ده رزق اجساد. ولكن فيه رزق ارواح. ورزق الارواح اغلى واعظم مليون مرة من رزق الاجساد. يعني انت تختار ركعتين تبكي فيهم - 00:12:18ضَ

خشية الله في التلت الاخير من الليل ولا الف جنيه؟ انت تختاري تختاري ان ربنا يرزقك حجاب امهات المؤمنين ولا مليون جنيه؟ تختار ان قلبك يتملى حب ربنا وده رزق عظيم. ولا يجي لك شركة من الشركات تختار ايه؟ عشان كده احد الصالحين عصى. فما لقاش عقوبة. فقال يا رب - 00:12:38ضَ

عصيتك فلم اجد عقوبة. فكأن الله الهمه ان اني حرمتك حلاوة مناجاتي. انا ما حرمتكش رزق الاجساد بس العقوبة جت في رزق الارواح. وهو اعظم من رزق الاجساد. رزق. الله الرزاق. بيعمل ايه في حياتك - 00:12:58ضَ

خيرات جبارة. تغييرات جبارة في حياة الانسان اللي اسم الله الرزاق. هيسكن في قلبه. عرفنا يا شباب؟ عرفنا لما بنقول اللهم ارزقنا. اللهم وارزقنا يا خير الرازقين. يبقى انا بطلب من ربنا ايه! ده انا بطلب من ربنا كل حاجة. ده انا باطلب من ربنا رزق الارواح ورزق الاجساد ويفتح لي في الطاعة وباطلب من ربنا الجنة - 00:13:18ضَ

وباطلب من ربنا الفلوس وباطلب من ربنا الجواز. حتى لو انت متجوز مرة وبتطلب من ربنا كل حاجة. انت ما بتقولش يا رب انا عايز اتجوز تاني. انت بتقول يا رب ايه - 00:13:38ضَ

ارزقني ها يا رب يبقى فيه دعوات زكية. ها من غير ما اللي حواليك يفهموا فيه ايه ؟ انت تفهم انت عايز ايه. يبقى اللهم ارزقني نية بتشمل كل كل حاجة انت محتاجها في معاشك وهتخلي حياتك جميلة. ولا يملكها لك احد الا الله. اسم الله الرزاق. بيعمل ايه في حياتك بقى؟ اول حاجة - 00:13:48ضَ

بيبهرك. بيبهرك ازاي؟ ازاي يبهرك؟ يعني ايه الرزاق يا جماعة؟ الرزاق يعني خالق الارزاق الارزاق وموصل الارزاق. الله اكبر. يبقى الرزاق دي يعني اللي بيعمل تلات حاجات. رقم واحد خالق الارزاق خلقها. بس لو مجرد ان ربنا خلقها طب يعني ممكن التفاحاية دي جاية لنا من لبنان يبقى مجرد ان ربنا خلقها - 00:14:08ضَ

انت استفدت ايه؟ يعني رقم اتنين مقدر الارزاق اللي كل واحد منكم الوقت يا شباب ربنا كاتب له رزقه كاتب له رزقه من الزرية ورزقه من ملامحك وطولك ورزقك في الوزيفة ورزقك في الشهادة ورزقك في الزوجة. ورزقك في مستقبلك ودخلك في كل لحظة من لحظات حياتك كام. وكاتب - 00:14:38ضَ

يقول لك عدد انفاسك الموت هو انتهاء رزقك من الاكسجين. الموت هو انتهاء رزقك من كل بق مية ربنا كتبه لك وكل لقمة ربنا كتبها لك. ساعتها تموت بقى. ساعتها تموت خلاص. لان رزقك خلص. ما عدش لك رزق في الدنيا دهيت. اول حاجة خالق الارض - 00:14:58ضَ

اتنين مقدرها يعني ايه مقدرها؟ يعني اللي مقسم لكل واحد ولكل واحدة كل واحدة هتتجوز مين؟ وهتتجوزوا ازاي؟ تتجوزوا امتى؟ هتخلف منه كم عيل هات كل حاجة رزق يا اخوان يبقى مقدر للارزاق. لو بس ربنا خالق الارزاق ومقدر الارزاق انت تطمن! يبقى انت جاي تطمنت! لأ. لو - 00:15:18ضَ

وربنا ما بيوصلش الارزاق انا مش هاطمن. ما هي دي دي ربنا سبحانه وتعالى آآ خلقها. وربنا قدرها لي. ها ولكن ديت في امريكا ولا في لبنان ولا في استراليا هاجيبها ازاي ؟ يبقى انا هتطلع روحي عشان اجيب كل حاجة ربنا كتبها لي في الرزق. موصل - 00:15:38ضَ

معنى مهول مهول معنى توصيل الارزاق ده. زي ما هناخد الوقتي ونحاول نعيش بقلوبنا بازن الله مع هزا المعنى. خالق الارزاق خالق الارزاق يا اخواننا فيه سبعة مليون نوع كائن مختلفين على وجه البر واتنين مليون في البحر. العلماء بيقولوا اصلا كل الانواع اللي اكتشفت ديت ما تجيش - 00:15:58ضَ

عشرة في المية من المخوات اللي موجودة على وجه الارض. وبيقولوا الموضوع ممكن يبقى اكتر من عشرين مليون نوع كائن حي. والبعض قال حوالي مية مليون نوع كائن حي. فتخيل بقى - 00:16:18ضَ

خلق الارزاق لكل دول. اللي خلق الارزاق لما كان اسبوع شباب الجامعات بتستسنى تستضيفه الجامعة هنا عشر تلاف شاب. الجامعة بتتقلب يتفقوا مع الفنادق ومع عن كل المطاعم ويتقلب الدنيا في الطباخين جوة الجامعة ليه؟ عشر تلاف بني ادم هنفطرهم ونغديهم ونعشيهم. امال بقى - 00:16:28ضَ

لو كل واحد من دول له اكل غير التاني. وده الملح بتاعه غير ده. وده بياكل مسلوق وده ني في دي ودي سوتيه. وكل واحد منهم له نوعية غير التاني - 00:16:48ضَ

وكل واحد منهم له مواعيد اكل غير التاني. وله حاجات في اكله غير التاني. كانت الجامعة يحصل لها ايه بقى؟ كانت الناس تتجنن فيها تأكل عشر تلاف ازاي! امال ربنا - 00:16:58ضَ

اللي كل يوم على صباحية ربنا سبعة مليار بني ادم في الانسان بس. عايز تعرف عدد الحشرات اضرب عدد البني ادمين في متين. يعني حوالي الف حوالي الف وربعميت مليار مليار حشرة على وجه الارض. غير تسع تلاف نوع طيور غير خمسين الف - 00:17:08ضَ

آآ الجمبري بس والقشريات غير تلاتين الف نوع اسماك غير عشرين مليون نوع كائن حي كل نوع عدده قد ايه؟ كل دول الصبح رزقنا يا رب بعد الضهر غدانا يا رب. بالليل عشانا يا رب. خالق الارزاق داهي كلها. ازا كان عشر تلاف واحد تأكيلهم دي حاجة - 00:17:28ضَ

وكل واحد رزقه غير التاني. وكل واحد اكله غير التاني. وكل واحد نزام حياته في الاكل غير التاني. خالق الارزاق. اتنين مقدر الارزاق يعني ايه مقدر يعني التفاحة دي من وهي مزروعة في لبنان مكتوب عليها اسم مين - 00:17:48ضَ

مكتوب عليها اسمي. انت بتبص لي كده ليه يا جدع انت وهو. الحمد لله ان الرزق بايد ربنا. باصين لي حتى في عضم التفاحة! يبقى القطمة دي مكتوب عليها ايه - 00:18:08ضَ

واحدة بتقول لزوجها انا مش عارفة ايه العمل الصالح اللي انت عملته عشان ربنا يرزقك بي. قال لها ده انا كل حياتي كبائر مقدر الارزاق. بق الماية نازل في الشلالات. بتاعة وسط افريقيا - 00:18:18ضَ

انت مكتوب عليها اسمك انت. بق الماية اللي انت بتشربه ده بتاعك انت. اللقمة دي بتاعتك انت. مكتوب عليها اسمك انت. مقدر الارزاق سبحانه وتعالى. الحاجة التالتة موصل الارزاق. ياه! موصل الارزاق يا جماعة! ازاي رزقك ده بيوصل لك! ازاي - 00:18:38ضَ

الحيتان في قيعان البحار فيه مخلوقات بحرية تحت تحت قاع البحر بعشرين الف متر. الرزق بيوصل لها ازاي؟ الفران اللي عايشة على قمة جبال الهيمار والقرود الرزق بيوصل لهم ازاي؟ الدببة اللي في القطب الشمالي. الرزق بيوصل لهم ازاي؟ النمل اللي موجود في البراري. المخلوقات اللي عايشة - 00:18:58ضَ

قلب الغابات الاستوائية يا اخوانا بيقول لك معظم غابات الارض ما فيش رجل بني ادم دخلتها اصلا. الرزق بيوصل لهم ازاي؟ في ازاي الارزاق توصل لكل دول من الافلام اللي احنا بنشوف المشهد الختامي بتاعها وما نشوفش بدايتها. مشهد آآ آآ يعني فيه مئات الملايين من اسماك السردين - 00:19:18ضَ

عند شواطئ اوروبا عايشة هناك. فيه بقى عند امريكا الجنوبية شاطئ امريكا الجنوبية. فيه بقى ملايين الحيتان واسماك القرش والطيور اللي هي ما عندهاش حاجة تاكلها في الوقت ده. ما بين دول وما بين دول قد ايه يا اخوانا؟ ما بين دول ودول قد ايه؟ اتناشر الف كيلو متر. المحيط الاطلنطي ده - 00:19:38ضَ

ما بين شاطئ اوروبا وما بين شاطئ امريكا الجنوبية. ده ربع مساحة الكرة الارضية. في عشرين في المية من مية الكرة الارضية. اتناشر الف كيلو متر. طيب دي هي رزق اللي هناك دول. طب ازاي هياكلوها؟ ربنا يبعت تيارات ماية بسرعة تمانين كيلو في الساعة. الطيارات دي - 00:19:58ضَ

مقلبة الاعشاب الخضراء وتاخدها وتجري في سرعة الطيارات. يقوم مئات الملايين من اسماك السردين هتتجنن على الاكل ده. فيفضل مئات الملايين من اسماك السردين تجري ورا الاعشاب الخضراء تجري. لحد ما الطيارات تاخدها لحد شواطئ امريكا الجنوبية تفاجأ - 00:20:18ضَ

بملايين من الحيتان واسماك القرش الحوت الوجبة بتاعته الواحدة اتنين طن سمكة يجيبها منين؟ ربنا بيديها له مش هيديك انت مش هيديك انت اللي بتعبده ولا بتسجد له. ويا اللي عايش عشانه. اطمن. اطمن. موصل الارزاق. تلاقي الطيور - 00:20:38ضَ

قاعدة تنزل تاكل بمئات الالاف. والحيتان بالالاف واسماك القرش بالالاف. كل ده يا اخوانا مش الطيور هي اللي اتناشر الف كيلو عشان تاخد رزقها. ده الرزق هو اللي مشي اتناشر الف كيلو عشانها. الرزق هو اللي راح لها لحد - 00:20:58ضَ

عندها. ولو ما كانش راح لها كانت ضاعت. كانت ماتت من الجوع. الرزق هو اللي راح لها لحد عندها. موصل الارزاق. عشان كده في الدعاء اللهم يا من ترشي الاثر اللهم يا من ترزق النعاب في عشبه. اللهم يا من ترزق النعاب فقال وما النعاب - 00:21:18ضَ

ان عبده ابن الغراب. الغراب اسود والغرابة سودا. فيخلفوا الغراب الصغنن ابيض. فلما يلاقوه ابيض ينكروه ده مش ابننا ولا ها فيقوموا راميينه. تخيلوا بقى مخلوق ضعيف. عاجز. ما بيشوفش للسعمة. لسه ما لوش ريش. لسه ما لوش - 00:21:38ضَ

اجمعها امه وابوه راموه. يعني ميت ميت وهالك هالك. ربنا يخلق له غدد عند منقاره افرز مادة تجزب الديدان. الديدان تيجي لحد فين ؟ لحد بقه. التيدان واحد لحد بوقه - 00:21:58ضَ

ربنا وصل رزقه لحد منقاره. وهو عاجز لا يملك اي وسيلة. سبحان موصل الارزاق سبحان من تكفل بتوصيل الارزاق. النهاردة يعني بزاكر كده باشيل ورقة لقيت فتفوت البسكوت كده وانا باكل مرة وقعت فبشيلها كده من على المكتب وقلت سبحان الله! ممكن ده رزق نملة دلوقتي على الارض هرميها هتوصل لها ربنا هيوصل لها رزقها. زي - 00:22:18ضَ

ربنا بيوصل الارزاق للدنيا دي كلها. ممكن واحد يتدخل في شغلك عشان يرفدك. تقوم انت هيقطع عيشي. يا ابني يا سازج. ده انت في باب تاني وربنا هيفتحه لك اعظم ميت مرة لولا ان ده اتقفل ما كانش التاني هيتفتح. ياما وكل حياتنا مليانة قصص بهذا المنظر يبقى اول حاجة - 00:22:48ضَ

اسم الله الرزاق بيبهرك. بيبهرك بمعانيه التلاتة الخطيرة. المتكفل بخلق الارزاق. اتنين المتكفل تقسيم الارزاق وتقدير الارزاق وتوزيع الارزاق. تلاتة المتكفل بتوصيل الارزاق من ايام ما كان البشر اتنين لحد ما بقى البشر سبعة مليار. وكل واحد له قصة غير التاني. وربنا بيوصلها لك - 00:23:08ضَ

حب مش يعني انا ممكن مسلا تقول لي تتصل بي الله يكرمك آآ انا بس آآ جعان آآ هات لي بس اكل من المطعم الفلاني. وما علش الله يكرمك. انا باحب السلطة هات لي اتنين كيلو طماطم وخيار كده معك وانت جاي بس من بتاع الخضار وربنا يبارك فيك بقى. عدي على اي محل بقى حلويات كده تجيب لي حتتين جاتو - 00:23:38ضَ

ومعلش ربنا يحفزك انا بحب اقزقز كده تسالي عدي على المقلة هات لي مش عارف ايه. وربنا يبارك فيك السوبر ماركت بقى ايه حاجة ساقعة كده وانت جاي والله بقى فانا جاي لك اصلا انا مش طايق. اقوم كابب لك الحاجة وماشي. شف بقى السحابة ربنا جابها لك ازاي. السحابة دي لو نزلت الماية اللي فيها - 00:23:58ضَ

هتبقى تسونامي سماوية. السحابة دي بيبقى فيها مئات الالاف من اطنان الماية. لو نزلت الماية اللي فيها كلها مرة واحدة السحابة فتح نزلت على البشر تسونامي تميت كل شيء. تبيد كل شيء. الماية في السرعات العالية بتشق الفولاز. تبيد كل شيء - 00:24:18ضَ

انما ربنا نزلها لك نقطة نقطة. وعلى قد احتياجك وبعد كده تمشي. بعد ما تروي لك حياتك وتروي لك كل حاجة. ده بيوصلها لك وكمان بحب وكمان برفق. اتنين اسم الله الرزاق بيعمل فيك ايه؟ اسم الله الرزاق بيطمنك. بيطمنك بيطمنك يا كل واحد - 00:24:38ضَ

انشغلت عن الرزاق بسبب الرزق. يا كل واحد عصيت الرزاق بسبب الرزق. يا كل واحد ما عندكش وقت للرزاق. اصل انا مشغول بالرزق. اسم الله الرزاق بيطمنك. لي واحد قريبي. قريبي. كنت مرة بزوره كده في عيد من الاعياد اسلم عليه. فهو كان فقير جدا - 00:24:58ضَ

جدا وبقى مليونير جدا. فيعني فبيقول لي انا اصلا يعني ازاي بقى اختلى فجأة؟ بيقول لواحد صاحبي رجل اعمال مسافر تركيا عشان يشتغل عشان يتاجر هناك ويجيب حاجات مضايع وكده. فبيقول لي فبيقول لي فخدني معه ونس. خده معه ايه؟ ونس كده يعني ازا مسلا - 00:25:18ضَ

انا مسافر وانس اقوم واخد مسلا ايه آآ اي حد. آآ اخده معي ايه ؟ اتونس به هناك كده. فبيقول لي انا ماشي هناك بقى قعد يتمشى هو ما لوش وظيفة هناك رايحها - 00:25:38ضَ

اكتر من بيونس بيونس الراجل والفسحة بيقول لي لقيت حاجات حديد كده مرمية راميينها. فالحاجات الحديد دي ايه دي؟ ده الحديد ده قاعدة مع بيستخدم عندنا في الريف الفلاحين بيستخدموه في الحصاد والحرت وبتتباع عندنا بعشر تلاف جنيه الواحدة. فبقول لهم هو ايه ده؟ قالوا لي ده حاجات بنرميها - 00:25:48ضَ

فيها ما لهاش اي قيمة عندنا وبنرميها ده ده قريبي. اهي اللي كسر النفس. ايه اللي لقيتهم هناك بيرموها لان هو طبعا هناك بقى السكك غير هنا خالص في الزراعة والحاجات - 00:26:08ضَ

لان ما لهاش اي قيمة عندهم ولا تساوي شيء. قلت له ما استوردها. طبعا برخص التراب. يجيبها هنا يبيعها بكم؟ بالافات. بقى مليونير في لحظة في لحظة الله قادر كنا ستاشر واحد كده صحبة. شلة واحدة في الدفعة بتاعتنا. اخري في في كلية الطب ستاشر والله يا اخوانا كان منا من لا يجد - 00:26:18ضَ

يعني يجد قوت يومه بالعافية. يعني المعظم كان حالته المادية صعبة جدا. اول ستاشر واحد اتجوزوا في الدفعة. اول ستاشر والله انا لما شفت يعني فتح الله الله على المجموعة كلها. افتكرت كلمة عبدالرحمن بن عوف ظننت اني لو رفعت حجرا لوجدت تحته ذهبا. الناس الملتزمة المتدينة بتوع صلاة الجماعة - 00:26:38ضَ

او صلاة الفجر اللي شايلة هم الدعوة الى الله. اكتر ناس ربنا فتح لها في الرزق. اكتر ناس بقيت امشي كده. بعد كزا سنة سبحان الله العظيم اقابل واحد من اصحابي طحن وراح وعمل وموت نفسه. واقول سبحان الله العظيم يعني في النهاية في النهاية يعني اللهم لك الحمد - 00:26:58ضَ

اللهم لك الحمد. يا اخوانا عايزين نعرف يعني ايه اسم الرزاق بيطمنك. يعني ايه بيطمنك ؟ سيدنا آآ الحسن البصري رحمه الله لما سمع قول الله سبحانه وتعالى فورب السماء والارض انه لحق. وفي السماء رزقكم وما توعدون. قال قاتل الله اقواما اقسم الله - 00:27:18ضَ

لهم فلم يصدقوه. ربنا بيطمنك. ما انتاش عايز تطمن ليه؟ مش عايز تصدق ربنا سبحانه وتعالى ليه؟ شوفوا ربنا بيطمنا ازاي شوفي ربنا بيقول لك رزقك مضمون. رزقك مضمون يا ابني. ربنا وقدر فيها اقواتها. من - 00:27:38ضَ

قبل ما ربنا يخلقك بخمسين الف سنة قدر فعل ماضي. زي ما ربنا يقول الله الذي رزق خلقكم ثم رزقكم. يا رب رزقنا فعل ماضي يا رب انا لسة ما رزقتش. رزق ماضي. يا عم القصة خلصت. ورزقك اتكتب وهيجي لك هيجي لك. وقدر فيها اقواتها - 00:27:58ضَ

يعني اللي يقول لك آآ الماية هتقل وما عدش هيبقى فيه مية وهتقوم الحربة عشان اه ممكن تقوم الحروب بس افتعال من الدول الكبيرة عشان تسيطر هم ما بيغيروش حاجة في الحياة غير بالحروب. دي الوسيلة بتاعتهم دايما يعني التغييرات الكبيرة في المناطق وكده. انما فعلا ماية ربنا بيقول قدر فيها اقواتها - 00:28:18ضَ

غير بق مية هيشربوا انسان على وجه الارض ربنا كتبه لاخر غنمة هتتدبح لاخر دجاجة وماشية هتتدبح وبقرة لاخر حاجة هتتدبح قدر فيها اقواتها. اوعى تصدق ان ربنا خلق مخلوق وما خلقلوش من قبل ما ييجي بخمسين الف سنة رزقه. زي ما انت كده مسلا مسافر مسلا برة - 00:28:38ضَ

خلص اربع سنين في جامعة اجنبية ابوك يقول لك يا ابني انا لا عايزك تمد ايدك لحد ولا عايزك تتزل لحد ولا عايز نتفضح قدام حد ولا عايزك تمد ايدك على حاجة - 00:28:58ضَ

انت يا ابني مصاريفك لاربع سنين دي كم؟ اكلك كم؟ شربك كم؟ فسحة كم؟ طيرانك رايح جاي في الاجازات كم؟ سكنك مصاريف دراستك كام ؟ كل حاجة كام ؟ المبلغ اهو. اوعى تمد ايدك على حاجة حرام، واوعى تزل نفسك لحد. اهي - 00:29:08ضَ

قدر فيها اقواتها بتذلوا نفسكم ليه؟ بتقول فلان هيقطع عيشي ليه؟ بتقول اجيب منين ليه؟ بتمد ايدك على بوم ليه بتنشغل عن الرزاق بسبب الرزق ليه ؟ يعني انت يا اللي مديت ايدك على الحرام كانت جاية لك في الحلال - 00:29:28ضَ

بس انت استعجلت وخدتها في الحرام. كانت جاية لك لو صبرت وهتخش بها الجنة جات لك في الحرام وهتخش بها النار. هي كانت رزقك. بس انت اللي ما صبرتش تاخدها من حلال. الا ان تموت نفس حتى تستكمل رزقها - 00:29:48ضَ

يا اخي ده رزقك وانت جنين. لا بتصلي ولا بتصوم ولا بتعبد. مش هيرزقك الوقت ليه؟ يا اخي ده رزق اليهودي ورزق الملحد. مش هيرزقك انت ليه ؟ يا اخي ده رزق الفران والحشرات والنمل في مجاهيل الارض. مش هيرزقك انت ليه ؟ ليه ربنا مش - 00:30:08ضَ

زوقك انت اسم الاثر. قالت يا ابن ادم. خلقت السماوات والارض. رزقك مضمون. يا ابني رزقك مضمون. يا ابني ما تزلش نفسك ما تقلقش نفسك والله. عشان كده يا اخواننا في كل الاسماء الحسنى نقول سبحان الله! اما نحكي بقى عن قصص العجائب والكرامات اللي - 00:30:28ضَ

حصلت للعبد ربنا بها الا اسم الله الرزاق. كل اللي رزقوا رزقوا بطرق عجيبة. كل اللي رزقوا. يعني احكي اقعد مع شباب آآ يعني يحكي لك لما تخرج ربنا عمل له ايه ؟ اقعد مع الاغنيا. عقلك يتوب. يتوه يقول لك كل القصة دي كان بدايتها ايه ؟ اقعد مع الناس اللي - 00:30:48ضَ

اتجوزت ازاي ؟ قصص يا اخواننا هو ربنا في الرزق السنة كده. يرزقه من حيس لا يحتسب. هي سنة كده ان ربنا ملا الرزق بالعجائب عشان الكل ينبهر عشان الكل ينبهر برزق الله سبحانه وتعالى. في الاثر. يا ابن ادم خلقت السماوات والارض ولم اعي - 00:31:08ضَ

خلقهن افاعييني رغيف خبز اسوقه اليك. ازاي مش مصدق ان رزقك مضمون خربت السماوات. السماوات دي لما تبص لها كده تقول اللي خلق دي ما يقدرش يرزقني انا. حاجة تتوه العقل يا جماعة. يعني السماوات دي بتتقسم - 00:31:28ضَ

المسافات بسرعة الضوء. يعني يقول لك لو انت راكب مركبة آآ عربية ماشية بسرعة الضوء تلف حوالين الكرة الارضية من خط الاستواء تمن مرات في الثانية. تمن مرات في الثانية الواحدة. قال لك عشان توصل لطرف مجرة التبانة بالعربية دي بعد ميت الف سنة. عشان توصل لطرف - 00:31:48ضَ

كون المرصود بالتلسكوبات مية وستين مليار سنة. مليار سنة. اللي خلق الملكوت ورد والمسافات ما بين مجرة التبانة اللي فيها متين وخمسين مليار نجم ديت يقول لك الفرق اقرب نجم لنا. لو ركبت العربية اللي ماشية بسرعة الضوء دي توصل له بعد اربع سنين. بعد اربع سنين. بيقول لك المسافات ما - 00:32:08ضَ

النجوم مزهلة زي مسافة ما بين مركب في البحر الاحمر ومركب في المحيط الاطلنطي كده. مسافات مزهلة. اللي خلق الملكوت ده كله. ما يقدرش يرزقك ما يقدرش يعمل لك لقمة العيش بتاعتك. ما يقدرش زي الصورة اللي احنا سمعناها في صلاة المغرب اللي بتحكي لك قصة رغيف العيش. هنتكلم في الاخر بقى بازن الله - 00:32:28ضَ

سبحانه وتعالى على هزه القصة المزهلة. قصة رغيف العيش وقصة بق الماية اللي ربنا سبحانه وتعالى عمله عشانك. ما يقدرش يرزقك. الراجل اللي كان ماشي في المجاعة ولقى واحد فرحان يقول له ايه انت فرحان؟ قال له لي سيد يملك حديقتين. كيف اخاف؟ طب انا ليه يا رب؟ يملك السماوات والارض - 00:32:48ضَ

الملأ لتنفد. يمينه سحاء الليل والنهار. اخاف ازاي على رزقي؟ يا اخوانا المفروض ما يبقاش ده حالنا. المفروض ان احنا نبقى اغنى ناس في الدنيا كلها زي الصحابة. الصحابة كانوا اغنى ملطيم اليونيرات في العالم كله. بعد ما هاجروا وشالوا وحكموا - 00:33:08ضَ

بقوا اغنى ملط مليونيرات في العالم كله ليه؟ هو الدين اصلا بيتسبب في سعة الارزاق ساعة رهيبة ولكن للاسف الشديد احنا مش مطمنين ما احناش مطمنين. ازاي حتى بق الماية ربنا بيجيبه لك؟ يا عم اطمن. يا عم والله العزيم رزقك مضمون. ربنا جعل عشان بق الماية اللي يجي لك ده ربنا جعل - 00:33:28ضَ

تسعة وسبعين في المية من مساحة الارض مية. الشمس بتبخر في السانية ستاشر مليون طن. ستاشر مليون طن مية. في السانية الواحدة مليون طن مية. يعني خمسمية الف مليار طن في السنة. بيطلعوا يبقوا سحاب. حاولوا يسيطروا على السحاب ويخلوا - 00:33:48ضَ

المطر ينزل في ايه ده ولا ما فيش الكلام ده! كنت في السعودية السما متكربسة سحاب. ما فيش نقطة تنزل. سبحان الرزاق! مش رزقهم ده كل سحابة ماشية عارفة هتنزل الماية بتاعتها فين. مش لزوم ده. سبحان الله! ينزل الماية ستاشر مليون طن في السانية. تنزل عشان - 00:34:08ضَ

الماية اللي مكتوب عليه اسمك. بتاعك انت اطمن. اطمن ربنا عمل عشانك ايه. اطمن ربنا سبحانه وتعالى. يا عبادي كلكم الا من اطعمت فاستطعموني اطعمكم. فاستكسوني آآ آآ اكسكم يا عبادي لو ان اولكم واخركم وانسكم وجنتك. هو انت مش مصدق - 00:34:28ضَ

ممكن اكلك ده انت لو اولك واخرك وانسك وجنك قاموا واتسألوني فاعطيت كل واحد مسألته ما نقص زلك من ملك شيئا. ده انا لو البشرية هي كلها في الثانية الواحدة طلبت كل الارزاق ادها لها. ولا يعيني هزا ما اقدرش ارزقك انت. ما اقدرش اديك انت. رزقك مضمون يا ابني - 00:34:48ضَ

انما توعدون لصادق. الطير اللي بيجأر وامه بتأكله في بقه مش بينادوا على امه ده بيقول يا الله! يا رزاق يا الله اه عشان كده ربنا سبحانه وتعالى قال ان الله هو الرزاق ذو القوة المتين. يعني ايه؟ اصل قضية الرزق عائزة قوة رهيبة رهيبة - 00:35:08ضَ

دي القوة المتين سبحانه وتعالى ولله المثل الاعلى. يعني الله هو الرزاق. بس يعني ايه ذو القوة؟ ذو القوة لما حبوا يعملوا السد العالي. كان فيه معبد هناك كده في الحتة بتاعة السد العالي. سبعين دولة تعاونوا عشان ينقلوه من مكانه. جن واحد انا اتيك به قبل ان يرتد اليك. قبل ان تقوم من مقامه - 00:35:28ضَ

جن واحد اية الكرسي تحرق اقوى جن. الله قادر. قوة البشر شف مهولة قد ايه. وقوة الله سبحانه وتعالى فوق هذه القوى كلها من اولها لاخرها. ذي القوة المتين. يعني ايه المتين؟ المتين ده ولله المسل الاعلى يقول لك الكرسي ده متين. يعني انا مسلا آآ آآ واحد ميت كيلو مسلا يقوم قاعد - 00:35:48ضَ

ايه يقول لك يستحمل طب في واحد متين كيلو يستحمل. طب لو تلتميت كيلو يستحمل. طب لو الف كيلو! المتين ارمي كل حمولك عليه. مهما ما زادت حمولة كيشلها. لما كان بيوفر رزق اتنين على وجه الارض من الاف السنين. والوقت بيوفر رزق سبعة مليار ولا يعيي هذا - 00:36:08ضَ

سبحانه وتعالى مهما رميت حمولك عليه. عشان كده ربنا بيقول للبشر وفي السماء رزقكم. رزقك مش في العيادة. رزقك مش في المحل. رزقك مش في السوبر ماركت رزقك مش في السوق. رزقك في السما. رزقك عند الله سبحانه وتعالى. محتاجة تصدق. رزقك - 00:36:28ضَ

اعند الله بيد الله. اطمن. اطمن وحط في بطنك شادر بطيخ. يبقى تاني حاجة في اسم الله الرزاق. اول حاجة ان هو بيبهرك. تاني حاجة ان هو بيطمنك بيطمنك عشان كده اسم الله الرزاق ده بيقول لك اوعي تيأسي عديت خمسة وتلاتين سنة وما اتجوزتيش اوعي تيأسي. انت اتخرجت وبقالك خمس ست سنين لا لاقي شغل ولا عارف - 00:36:48ضَ

اوعى تيأس اوعى تيأس اللي حاولت تدور على عروسة واتنين وعشرة ومش اوعى تيأس. رزقك عند ربنا بس انت اطلبه صح. واوعى تكسل في طلبه. واحد صاحبي بيسأل مرة يعني واحد آآ يعني بيفلح في الغيط يعني - 00:37:08ضَ

ميته بيفلح في الارض. فبيقول له لو انت زي ايام زمان الارض بتتروي بالمطر بالمطر. كنت تضيع صلاة الفجر؟ قال له لأ طبعا عمري ما كنت ابتغوا عند الله الرزق يا جماعة. ودي النقطة التالتة اسم الله الرزاق بيفهمك. بيفهمك الطريق للدنيا. وعلى فكرة - 00:37:28ضَ

ده اخطر نقطة في اسم الله الرزاق. دي اخطر نقطة ان اسم الله الرزاق بيفهمك. بيفهمك الطريق للدنيا. الطريق جواز ما تعرفش تاخد من ربنا شقة بركعتين! ده انت غلبان اوي! والله العزيم ده انت غلبان قوي. ما تعرفش تاخد من ربنا شغلانة بركعتين - 00:37:48ضَ

هو انت غلبان للدرجة دي ؟ ما تعرفيش تتجوزي بقيام الليل يا اخواننا ربنا سبحانه وتعالى لو في كل شيء. ولكن ان العجز وعدم معرفة الله وقلة الثقة في الله. وقلة العزم في عبادة - 00:38:08ضَ

لا توصل لدرجة ان شباب امة مش عارف يتجوز الله اكبر احنا وصلنا للعجز للدرجة ديت ما تعرفش ترفع البطالة عن نفسك وتشتغل بركعتين ما تعرفش هو هو الرزق بالركعتين بس ما فيش رزق بالسعي. لأ ما احنا في الاخر هنقول اسم الله الرزاق بينشطك. بينشطك - 00:38:28ضَ

ويخليك ما شاء الله لا قوة الا بالله. قمة الكفاءة والجهد والاجتهاد. اللي فاهم اسم الله الرزاق ده اللي لو انت فاتح شركة احسن واحد تعينه عندك. لانه هيبقى انشط - 00:38:48ضَ

واحد اصلا واكتر واحد عنده نشاط في الامر وفي وفي امر الرزق ان انا دلوقتي بتكلم في حتة تانية بقى. انا بتكلم في اخطر نقطة في الدرس كله. اسم الله الرزاق بيفهمني - 00:38:58ضَ

الطريق للدنيا الطريق لكل رزق من ارزاق الدنيا. يقول لك كيف تصبح مليونير؟ كيف تصبح عايزين نصدق يا اخوانا بقف مع الشباب يقول لك ضايعة ضايعة خربانة خربانة. يا ابني هو انت مصدق! الرزاق ولا مش مصدق الرزاق! ما انتش مصدقه! فيه ناس مش مصدقة يا جماعة! فيه ناس مش مصدق - 00:39:08ضَ

ان الرزق بييجي غير بيمشوا في مناكبها. بس هو ده الباب الوحيد. ما فيش باب تاني خالص. وفيه ناس مصدقة بس انا حلول ربنا بقى عشان ربنا يفرجها عليا من عنده ها لازم هتقعدوا تقولوا لي بقى بتصلي الفجر ولا لأ ؟ وبتصلي الخمس فروض ولا لأ ؟ وبتغض بصري! لا يا عم! الحلول اللي هتخنقني - 00:39:28ضَ

زي حلول البنك الدولي دي مش عايزها. الحلول دي ايه ايه يا ابني فرط من قسورة! يا ابني ربنا انه كان بي حفية. اسهل حد تاخد منه هو الله سبحانه وتعالى عايزين نصدق عايزين النساء تصدق ان زي ما الجمال بيتجوز بقدرة الله قيام الليل بيجوز عايزين الشباب - 00:39:48ضَ

ان زي ما الوسايط بتشغل بقدرة الله صلاة الجماعة والدعاء بيشغل. عايزين نرجع تاني صدق بالحسنى نصدق في قمة على ان اسباب السماء بيقضى بها الارزاق. وبتأتي بها الارزاق. الطريق للدنيا. اسم الرزاق بيفهمك. بيفهمك ايه - 00:40:08ضَ

ان انت المفروض لو انت فاهم الاسم ده حالتك ما تبقاش كده. يبقى حق الله. امال ايه يا عم هو الصالحين ليه مش آآ مش اغنيا بقى لما انت بتقول الكلام ده ؟ اول حاجة الصحابة كانوا اغنى مليونيرات - 00:40:28ضَ

بداية يعني انما كثير من الصالحين يا جماعة هو اصلا لا يطلب هزه الامور. ليه؟ لانه مشغول بحاجات تانية اصلا. يعني هو لو ربنا جاب مليون جنيه اعمل بهم ايه يعني؟ انا مش ده التريند بتاعي اومال التريند بتاع حضرتك ايه ؟ يا عم انا عايز ربنا يديني الانس دي. انا عايز احصل معرفة الله. انا عايز انصر - 00:40:38ضَ

هو ده اللي شاغلني. مش عارفين ابن تيمية وبعض الصالحين يعني لما اتقال له لما لم تتزوج قال لو ذكرت لفعلت. انا مش مشغول بالكلام ده. انما فعليا الطاعة بتجيب دنيا اه الطاعة بتجيب دنيا. الطاعة بتجيب رزق! ايوة الطاعة بتجيب رزق. الصلاة! واحد صاحب محل بيقول لي بيقول لي انا الديان - 00:40:58ضَ

وخلاص كح التراب. خلاص من الفقر والضيق والهم اللي انا فيه. واداينت وكنت هقفل التجارة بتاعتي. ما بيصليش بيقول واحد معدي علي قال لي يا عم صل عشان ربنا يفتحها في وشك. بيقول لي بيقول لي رحت اصلي رجعت انا ما اعرفش الزباين دول جم منين. انا ما اعرفش - 00:41:18ضَ

بقى شكله ايه! ربنا فتحها ليه لما صلى السيدة عائشة بتقول عجبت لمن لا يصلي الفجر! كيف يرزق! ادي باب تعرف ترزق بالصلاة! فيه باب تاني اه فيه تاني الدعوة الى الله. ايه ؟ الدعوة الى الله. الدعوة الى الله سبب رزق. الدعوة الى الله من اعظم اسباب الرزق في الحياة. انك تشيل مسئولية دين الله - 00:41:38ضَ

عبدالرحمن بن عوف لما هاجر مع النبي شال هم الدين بيقول ظننت اني لو رفعت حجرا لوجدت تحته ذهبا. من كتر ما ربنا فتح عليه شايل هم الدين فربنا يحمل عنه هم الدنيا. شايل هم الدعوة فربنا يحمل عنه هم الرزق. شاء من جعل همه هو الله كفاه الله هم كل شيء - 00:41:58ضَ

الصحابة اللي خارجين في الغزوة. وخلاص جراب التمر اللي النبي عليه الصلاة والسلام اداه لهم خلص. خرج لهم حوت مش سمكة بوري. حوت من الماية فضلوا ياكلوا فيها اسابيع. اسابيع قاعدين ياكلوا فيها وجابوا منها للنبي عليه الصلاة والسلام. ايه الرزاق - 00:42:18ضَ

اللي شايل هم الدين ده ربنا بيفتحها ليه ؟ من حيس لا يحتسب. الرزاق يا اخوان عشان كده النبي عليه الصلاة والسلام كان بيقول لسيدنا علي بن ابي طالب. هو خارج يقاتل اليهود في - 00:42:38ضَ

فمستني الغنائم والحصن ده لو ما كانش اتفتح كان الصحابة ماتوا من الجوع. الصحابة مستنيين يفتحوه عشان ياكلوا ويشربوا. فالنبي بيقول للعاد استنى استنى لان يهدي الله بك رجلا واحدا خير لك من حمر النعم. خير يعني الخير اللي هييجي في حياتك. بسبب دعوة واحد - 00:42:48ضَ

اذ يلتزم على ايديك احسن من قطيع من الابل ييجي في حياتك. واحد لما كنت في بنجلاديش واحد من من بتوع جنوب شرق اسيا لما سمع عن التنصير في افريقيا فباع بيته ومراته قعدت مع اهلها يعني زي ما انا اللي مراته عشة كده حاجة بسيطة خالص كده مكان - 00:43:08ضَ

العمارة اللي باعها وسافر افريقيا وواجه التنصير هناك. فيعني سبحان الله العظيم مراته وهي نايمة سمعت في عشة الدجاج اللي هي جنب الحاجة الصغيرة بتاعتها البسيطة خالص صوت كده فالمهم يعني اكتشفوا ان فيه صقر دخل في العشة دي. فطبعا بقى اما طلعوا الصقر ده والطريقة بتاعته انتم عارفين الصقر بكام يا جماعة - 00:43:28ضَ

في واحد لسه بايع سهر في السعودية بمليون ونص. مليون ونص. في صقور متباعة في مرسى مطروح بنص مليون جنيه. ها فالصقر بيوصل تمنه بعض انواعه بتوصل الاركان اشترت البيت اللي جوزهم اللي جوزها باعه وفضل معه فلوس رجع من الدعوة الى الله لقى البيت رجع تاني وزيادة عليه من رزق الله - 00:43:48ضَ

وتعالى. الله قادر سبحانه وتعالى. الله قادر. فربنا فتح لنا باب الدعوة الى الله. ربنا فتح لنا باب الصلاة. ربنا فتح لنا باب الصلاة اه. يا ابن ادم انفق وانفق - 00:44:08ضَ

عليك الصلاة ادي حديقة وادي حديقة. الحديقة دي ربنا قال للسحابة اسقى حديقة فلان. بالامر والحديقة دي ربنا خسف بها الارض الحديقة بتاعة اصحاب الجنة في سورة القلم. اشمعنى دي واشمعنى دي ؟ دول كانوا بيتصدقوا. الراجل ده كان بيتصدق بتلت ما يملك. انما التانيين دول - 00:44:18ضَ

منعوا الصدقة عن خلق الله سبحانه وتعالى. الصدقة ابواب كتير من الرزق نكمل بعد الاذان ان شاء الله. الحمد لله وكفاه. وصلاة وسلاما على عباده الذين طبعا انا مش عارف نعمل ايه يا اخواني لانها تقريبا دلوقتي خلصت ربع الدرس. فاحنا المفروض نصبر مع بعض بقى لحد ما نخلص - 00:44:38ضَ

كله مستحملين يا رجالة؟ معنا للصبح ان شاء الله بازن الله يجوز مد العشاء الى انتم عارفين يعني ان شاء الله بازن الله يجوز مد العشاء لحد ثلث الليل يعني وممكن اكتر من كده كمان ولا انتم لكم اقوال تانية فقهية ماشيين وراها؟ لكم اقوال اخرى؟ انتم خايفين كده ليه - 00:44:58ضَ

على فكرة من الارزاق الكلمة اللي انا باقولها دي يعني انت ممكن تحضر درس للشيخ احمد جلال الدكتور عبدالرحمن الصاوي للشيخ علي قاسم ممكن ييجي كلمة على لسان الداعي الى الله الكلمة دي تحل لك مشكلة في حياتك دي رزق من ربنا لك. ده من ارزاق الله. يا ترى انت ربنا رزقك ايه النهاردة؟ يا ترى ايه الحاجة اللي هي رزقك النهاردة - 00:45:18ضَ

انت خرجت برزق ايه يعني الكلمة اللي بتتقال دي رزق يا اخواني في الله ان ربنا ده معنى الرزق ده معنى مهول. اللي يفهم معنى الرزق ده عقله يتوه وهو بيقول اللهم ارزقني يا خير الرازقين. حاله يتوه. عارفين المسل بتاع الحريقة اللي قامت في مستشفى المجانين؟ كل اللي لابسين ابيض دكاترة وممرضات جريوا - 00:45:38ضَ

وكل المجانين بقى اللي لابسين واللي مش لابسين واللي لابسين اي حاجة جروا من باب تاني. لو انت في مستشفى المجانين ساعتها بس مش مجنون يعني بتزور حد من الناس يعني - 00:45:58ضَ

تجري وراء العاقلين ولا وراء المجانين؟ اهو ده اللي حصل في المجتمع المصري دلوقتي. وفي مجتمعات عربية كتير. حريقة الفقر اتقضت. حريقة الفقر طريقة البطالة حريقة العنوسة. حريقة الازمة الاقتصادية. حريق حرايق اقتصادية مرعبة وحرايق اجتماعية - 00:46:08ضَ

مرعبة ولعت في المجتمعات بتاعتنا في هزه الفترة تجري ورا اللي جروا على الرزاق ولا تجري مع اللي ادوا ضهرهم تجري مع العاقلين ولا تجري مع الماجرين؟ يا عم ده ده اللي جرم الباب ده كتير اوي اوي اوي. يا عم مجانين. يا عم والله العزيم كل واحد هيدي ضهره للرزاق - 00:46:28ضَ

ظروف اللي احنا فيها ديت ده بيتجنن على نفسه. الشاب اللي اول ما يتخرج من الدفعة حفلة التخرج الراقصة فلانة المغنية فلانة يا ربي يا ابني ده انت خارج مادد ايديك بتشحت من ربنا بتقول له رزق يا رب. مستقبلي يا رب - 00:46:48ضَ

عندي شقة ولا ابويا سايب لي فلوس اتجوز بها. ولا فيه شغل اشتغل وخارج تبارز الرزاق بالمعاصي كنت في احوج لحزة في رزقه. زي طالب السانوية العامة. اللي ييجي يعصي ربنا في السانوية العامة ويتفرج على موقع اباحية. يا ابني ده انت في اكتر سنة محتاج - 00:47:08ضَ

الرزاق فيها في حياتك. وان رزق ربنا لك بنص درجة يغير لك مستقبل حياتك. يا ابني انت محتاج الرزاق دلوقتي. الشاب اللي يتخرج يدفع رشوة عشان شغلانة. هو انت بالرشوة عايز الرزق من الرزاق؟ البنت اللي تتخرج من الجامعة خلاص ما اتجوزتيش. هتعيشي لي كده في دار - 00:47:28ضَ

رابعة العدوية لحد امتى ؟ يلا الحقي البسي. يلا الحقي غيري. يلا الحقي. اتصاحبي. يلا الحقي يا بنتي انت هتقعدي هتقعدي لنا في البيت تعملي ايه عشان تاخد الرزق تعصي الرزاق. قضية كبيرة قوي يا اخوانا اللي يوم حفلة الجواز بتاعته يجيب راقصات ويجيب مغنيين. يا ابني ده انت في الليلة دي بتقول - 00:47:48ضَ

يا رب ارزقني الزرية تبدأها بالمعصية وانت بتستنطر رزق الله. سبحانه وتعالى الامة كلها محتاجة اسم الرزاق يغير لها تفكيرها محتاج التفكير يتغير. ابواب كتير اوي. ربنا فتحها لك عشان الرزق فتح لك باب صلة الرحم. من اراد ان يبسط له في رزقه - 00:48:08ضَ

فليصل رحمه. يبسط يعني لو عايز تبقى غني. يبسط له في رزقه. يعني لو عايز تبقى غني اوي. لو عايز تبقى راجل عندك فلوس كتير وقابلاك كتير. فليصل رحمك اجري على صلة الرحم بسرعة. العبادة. العبادة من اعظم ابواب الرزق. كلما كلما صغت استمرار. كلما دخل عليها زكريا - 00:48:28ضَ

يا رب وجد عندها رزقا. شف بعد كلمة المحراب رزقا. كل ما تعبد ترزق كل ما تعبد ترزق. كل ما تعبد ترزق وترزق ايه؟ فاكهة في الصيف وفاكهة الصيف في الشتاء. يعني غير الشباب كلهم. تتخرج تلاقي ربنا بيفتح لك ابواب غير كل الناس. تلاقي ربنا بيفتح لك ابواب غير كل البنات - 00:48:48ضَ

ازاي ؟ هو من عند الله. من عند العبادة. قل ما يعبأ بكم ربي لولا دعاؤكم او لولا عبادتك. لولا عبادتك ربنا يشيل عنك اعباء الحياة ايه الدعاء ربنا رزق سليمان مملكة مملكة بالدعاء. ربنا رزق ابن - 00:49:08ضَ

دولة دولة الحجاز بالدعاء. ربنا رزق سيدنا محمد خالد ابن الوليد مؤسس امبراطورية الاسلام في الارض بالدعاء. ربنا رزق ربنا ممكن يرزقك ايه بالدعاء. انك انت تثق في كلمة يا رب انها ممكن تغير لك حياتك. ركز في الدعاء مع الرزاق. ركز انك تدعي الرزاق بالرزق - 00:49:28ضَ

وشف ربنا ممكن يغير لك حياتك قد ايه. العبادة. الدعاء الاستغفار. الحديس اللي صححه الشيخ احمد شاكر في مسند الامام احمد. من لزم الاستغفار لزم يعني بقى ملازم له. ها بقى ملازم. من لزم الاستغفار جعل الله له من كل هم فرجا. ومن كل ضيق مخرجا. ورزقه من - 00:49:48ضَ

حيث لا يحتسب من لزم الاستغفار. لزم الاستغفار. الشاب اللي كان في الحرم اللي بيقول لي اسبوع استغفار. واحد صاحب سلسلة فنادق. جاي بيقول له امسك له حسابات الفنادق كلها. واجوزك بنتي بيقول لي ما اعرفوش. ولا عمري شفته ولا سعيت له هو اللي جه قاعد جنبي في الحرم وانا قاعد استغفر رب - 00:50:08ضَ

وهو اللي عرض علي كل ده وانا قاعد استغفر ربنا. الشاب قعد يكلمني ويبكي. من لزم الاستغفار جعل الله له من كل هم فرجا من كل ضيق مخرجا ورزقه من حيث لا يحتسب. ربنا فاتح لك ابواب كتير. فقير ليه؟ كل الابواب دي ربنا فتحها لنا للرزق فقراء ليه - 00:50:28ضَ

بنكسل في عبادته ليه؟ مش مصدقينه ليه؟ ما هو ابواب اهي عامله بهذه الابواب وشف ربنا سبحانه وتعالى هيعمل لك ايه المفروض ان الناس اللي امة محمد دي كانت تبقى اغنى الميت ملياردير الاوائل على العالم كان يبقوا من امة محمد اصلا. ليه؟ لانها المفروض الامة اللي بتعمل الكلام ده - 00:50:48ضَ

لما ادينا ضهرنا للرزاق عشان الارزاق بقينا افقر خلق الله. بقينا افقر دول العالم. للاسف الشديد. اربعة يبقى اسم الله بيبهرك آآ موصل الارزاق وخالق الارزاق ومقدر الارزاق. اتنين اسم الله الرزاق بيطمنك. رزقك مضمون. مضمون - 00:51:08ضَ

مضمون الواحد كان عايز يجيب قصص كتير في النقطة دي بس يعني سبحان الله على قد الوقت يعني ايه القصص رهيبة وكلها واقعية وكلها من حياة الناس اللي قاعدين قدامنا دلوقتي تلاتة اسم الله الرزاق بيفهمك. الطريق الى الدنيا. عايز دنيا؟ الطريق الى الدنيا اهو - 00:51:28ضَ

الطريق الى الدنيا انك تقبل على الرزاق. اخر نقطة بقى نخلصها النهاردة بازن الله سبحانه وتعالى. ويعني ربنا ييسر بقى ايه؟ بعد كده بقى ايه ممكن نكمل الكلام بعد كده لان فيه نقاط في غاية الاهمية. اسم الله الرزاق بيوفر لك عمرك. بيوفر لك عمرك. الموضوع مش جري وحوش يا ابني - 00:51:48ضَ

اوعى تفتكر ان الرزق ها هيروح. رزق مش هيروح. عشان كده فامشوا في مناكبها. امشي ليه؟ انا لما اكون مستعجل اركب تاكسي وبسرعة الله يكرمك. يا عم صلاة الجنازة هتفوتني! انما لما يكون صاحبك مستنيك وانا يا عم سهران طول الليل وقاعد مستنيك! ومش هامشي! لحد ما تيجي! بتروح مشي بقى سلانسيه! خلاص - 00:52:08ضَ

امشوا ليه؟ امشي ليه؟ لان رزقك مستنيك ما تخافشي. الموضوع مش بجري الوحوش. الموضوع مش الجري اللي الناس بتعمله لأ على رزقك وكل حاجة ولكن انك انت عقلك يتوه من اجل الجنيه لأ للاسف الشديد يا اخواني في الله يوم ما اتخرجت آآ من الكلية اول يوم - 00:52:28ضَ

اتخرجت فيه من الكلية. يعني انا راجع من امتحانات سنة ساتة اخر امتحان العملي بقى والتحرير بتاع مادة الجراحة. خلصتهم مروح اول ساعة لي لحتى صلاة الضهر في المسجد اللي جنب بيتنا. اول ساعة لي وانا متخرج. صليت الضهر وخارج. فطبعا بقى بيبقى احساس غريب - 00:52:48ضَ

كده بقى ايه انت بادئ حياتك. الان بدأت الحياة والمسؤولية عن الحياة. فخارج من المسجد كده فلقيت اتنين متساويين. يعني اتنين سائلين فما في واحدة منهم صعبت علي اوي. فقمت حاطط في جيبي ايه ؟ مسلا مسلا يعني معي عشرة جنيه وجنيه مسلا. فقمت حاطط عشرة جنيه كده في حتة وانا - 00:53:08ضَ

ها عشان اديها للي صعبان علي. وجنيه بقى للي قريبة مني خالص ومش صعبانة علي مش منفعل معها يعني. يعني ايه ما فحاطط الجنيه عشان اديه للقريبة اللي مش صعبانة علي لقيت التانية البعيدة جرت خطفت على ايدي. قامت واخدة الجنيه والتانية اهي - 00:53:28ضَ

اللي خدت العشرة جنيه. فقلت سبحان الله! قمت ماشي. فطالع بقى العمارة بتاعتنا. فكان بييجي بقى ايه اه عمال قمامة يشيلوا بقى القمامة من الشقق يعني فلقيت اتنين عمال قمامة بيشيلوا الايه القمامة من الشقق. وانا طالع كده وكان بير السلم بتاعنا واسع. يعني ابص منه كده اشوف ده في الدور التاني وده في الدور - 00:53:48ضَ

فلقيت اللي بعيد عني هو ده اللي بحبه وصعبان علي بقى وايه ؟ فبرضه نفس القصة. العشرة جنيه مسلا حاططها بقى تحت عشان ده اللي ياخدها والجنيه بقى للتاني عشان - 00:54:08ضَ

ما ينفعش ادي لده واسيبش ده يعني اللي مش متعاطف معه. باطلع الحاجة الاقل لقيت التاني شافني باحط ايدي في جيبي. جري جري هجم على ايدي. قام هو اللي واخد الاقل - 00:54:18ضَ

والتاني هو اللي خد الايه ؟ هو اللي خد الايه ؟ قلت سبحان الله! اللي جري مش هو اللي خد. ده هو اصلا سبحان الله! انا كنت انا اللي اروح له وانا اللي اوصل له اللي تلهف ده وطمع وجري ده هو ده ونسي صاحبه. والمهم ان هو اللي ياخد هو ده اللي ما خدش اصلا. هو - 00:54:28ضَ

هو ده اللي خد اقل حاجة. فحسيت ان هو درس للواحد وهو لسه في اول يوم في حياته العملية. اوعى تفتكر انها جري وحوش. اوعى تفتكر ان الموضوع بييجي بالطريقة ديت - 00:54:48ضَ

ساعات غيرك يسعى عشان انت تاخد. سبحان الله! طبعا المفروض بقى المرة الجاية الكلام هيتزبط يا جماعة. يعني فيه سعي وفيه شغل وكل حاجة. ولكن ايه يعني ترتيب الكلام كده بقدر الله سبحانه وتعالى. ساعات غيرك يسى عشان انت تاخد والله يا اخوانا هي دي الحياة. احنا ما بنقولش كلام فيه اي حاجة غريبة. يعني ساعات غير - 00:54:58ضَ

يعني انا في سانوية عامة احد الناس حبايبي قوي قرر ان هو يحسن ويحسن دي بقى والناس كلها وقفت في وشه وانا لازم احسن. وانا يعني ايه كل ما ادخل امتحان يجي لي - 00:55:18ضَ

اللجنة يقول لي زاكرت النزرية وعمل جينات قبل امتحان الاحياء. يا ابني جينات مين يا عم! ده الاحياء دي اكتر مادة مزاكرها اصلا. عمري ما قريت حياة بتقول كزا. ادخل الاقيها سؤال - 00:55:28ضَ

امتحان واحد اداني نص اسئلته والله لم اكن اعلم منها والله سؤال واحد قبل ما ادخل اللجنة بالقيمة والله على باب اللجنة والناس داخلة قال لي اربع اسئلة والله دخلت لقيت الامتحان تمن اسئلة منهم الاربعة اللي قالهم لي - 00:55:38ضَ

احفظهم لي قبل ما ادخل نص درجة الامتحان. انا اما جيت احسب ده اداني ايه ربنا رزقني به قد ايه؟ لقيت اكتر من خمسة في المية عارف يعني ايه خمسة في المية في المجموع؟ يعني مش كنت دخلت الكلية اللي كنت دخلت حاجة تانية خالص وبعيدة خالص سبحان الله العزيم يعني ده - 00:55:58ضَ

حسن عشان رزقك عشان ربنا يجيب لي الرزق بتاعي. سبحان الله الواحد يفتكر بقى وهو مصمم ان ولا صلاة تروح عليه في الجامع. حتى ليلة الامتحان حتى الفجر يوم الامتحان. حتى في وسط الدروس ما فيش حاجة اسمها ان الادان يدن وانا قاعد آآ ودني من طين ودن من عجين. حتى في التلات شهور اللي قبل الامتحان. سبحان الله! ما فيش حاجة بتضيع مع الله - 00:56:18ضَ

ما فيش حاجة بتضيع مع الرزاق سبحانه وتعالى. فالموضوع مش جري وحوش. الموضوع مش ارمي وانسى وما فيش احيانا بتتعامل مع بعض الطلبة اللي بيبقوا مسلا اوائل في كليتهم تيجي تكلمه عن الدين يحسسك ان انت بتكلمه عن مصيبة هتاخد تفوقه. منين؟ واجيب وقت منين؟ دي هدومك للمزاكرة. دي هدومك - 00:56:38ضَ

عايز تتعامل كده انت حر. انما هي مش كده. ولا عمرها هتبقى كده. ولا هتيجي كده. واذا لم يكن من الله عون للفتى. فاول ما يجني عليه اجتهاده انا خلصت الاربع عناصر دول ان شاء الله بازن الله يعني آآ نكمل باقي العناصر المهمة جدا جدا جدا وفي غاية الخطورة نعيش مع اسم - 00:56:58ضَ

الله رزقه فرصة بقى ان فيه حاجات جميلة بقى يعني وبعض يعني امسلة الحياة يعني ممكن حتى نحاول ندرس بقى ايه الغني فلاني والغني الناس دي جابت سروتها ازاي ؟ والله يا اخوانا قصص اختناء الناس تضحك. قصص جواز الشباب تضحك. قصص الشغل بتاعة الناس - 00:57:18ضَ

تجار اشتغلت تضحك هو ده اللي جاب ده اي والله ربنا قادر يا اخواننا ربنا قادر ربنا قادر انه يرزقك وانه يفتح عليك ولكن انت امن بالرزاق واعبد الرزاق واقبل على الرزاق. آآ توصية الدرس النهاردة لان انا يعني احد اخواني معنا هنا. شيخ احمد انا عايزه بس في دقيقة واحدة كده - 00:57:38ضَ

بيقول لنا قصة لزيزة كده في دقيقة آآ عن موقف في الرزق حصل له في وقت كان هو محتاج فيه يعني فلوس. آآ وانا فكرت ان انا اعمل كده النهاردة اصلا - 00:57:58ضَ

ان انا اجيب لكم مجموعة من رجال الاعمال آآ او التجار او الناس اللي ربنا فتح علينا وكل واحد ياخد دقيقتين كده ويقول هي البداية بتاعته كانت ايه يعني ممكن الشيخ احمد بس الموقف بتاعه صغير وبسيط ولكن هو لزيز. وحلو فهنسمعه وبازن الله سبحانه وتعالى بعد كده نصلي العشاء وبعد كده فواكه بارتي - 00:58:08ضَ

بازن الله الرزاق آآ آآ اوعى تخرج النهاردة من غير ما تاخد قرار. اوعى تاكل حرام. ربك اسمه الرزاق. اوعى تاكل حرام. اوعى تبدأ حياتك بحرام اوعى تمد ايدك على حرام. اوعى كل ما هتتقي الله في مصدر دخلك كل ما ربنا يفتحها لك اكتر. الله الرزاق. اوعى تزل نفسك لحد. اوعى تتكسر - 00:58:28ضَ

لحد عشان الفلوس. مش بقول لك اتجلفن على الناس بقى وحط رجل على رجل بقى وحط حذاءك في وش الناس. انا لا مش بقول كده. انما اوعى سل هو قلبك يتعلق ان حد في ايده رزقك ولا في ايده لقمة عيشك. ولا في ايده مصلحتك. الله بس هو الرزاق سبحانه وتعالى. اعرف ربنا سبحانه وتعالى صح - 00:58:48ضَ

اوعى الحاجة التالتة اوعى تنشغل عن الرزاق بسبب الرزق. اعظم سبب للرزق هو الاتصال بالرزاق. والتملق الى الرزاق وعبادة والاقبال على الرزاق. فابتغوا عند الله الرزق. فابتغوا عند الله الرزق. آآ آآ اسع على رزقك. ما تبقاش - 00:59:08ضَ

هايل لان الرزق مش معناه انك تكسل ولا معناه انك انت تقعد في مكان زي ما ناخد المرة الجاية بازن الله سبحانه وتعالى فانصر من العناصر آآ درس الرزاق مش درس ضد السعي - 00:59:28ضَ

ولكنه درس ضد الهم. ضد انك انت تخسر دينك بسبب هم الرزق. ولكنه ليس ضد السعي على رزقك ابدا ابدا ابدا. قولوا قول هذا واستغفر الله لي ولكم - 00:59:38ضَ