انه رب العباد وخير زاد. بسمه الكافي تمسك. انا رأيت انا رحيت الرزق لو تحس بالاختناق كل هم حماتي مات كله محزون كسير يحمل اما الكبير ليس غير الله يرجى. انه نعم النصر - 00:00:00

السلام عليكم ورحمة الله وبركاته. لا زلنا في اجمل رحلة في الوجود. رحلة الى الله رحلة الى فهم اسم الله التاسع يا جماعة احنا دلوقتي في المرة التانية من معاني اسم الله الواسع وهنبدأ نتكلم عن المعاني بقى. المرة اللي فاتت كانت مقدمة بس نفرح بجمال - 00:01:00

اسم ومعاوي يعني دلالات هزا الاسم الجميل انما المرة دي هنتكلم عن معاني اسم الله الواسع المعنى الاول لاسم الله الواسع اللي عطاؤه يسع احتياجاتك. اللي عنده حل لجميع مشاكل حياتك. لما واحد يقول لك الموضوع ده في وسعي - 00:01:30

يعني في امكانياتي يعني في قدراتي. يعني الموضوع ده في طاقتي ان انا اعمله بكل سهولة. عشان كده الله الواسع. يعني اللي عطاؤه يشمل حل جميع مشاكل الحياة لا يوجد مشكلة في الحياة لا يسع الله حلها - 00:01:50

لا يوجد هم من الهموم لا يسع الله ان هو يفرجه. لا يوجد مرض من الامراض لا يسع الله ان هو يشفيه. عشان كده لما الانسان انسان نسي ربنا. ربنا يعني الانسان نسي ان ربنا يقدر يعمل له ايه. وربنا عمل له ايه فعلا؟ التعاسة والكآبة اللي - 00:02:04

كتير جدا يا جماعة عايشين فيها وحياتهم ضيقة. رغم ان ربنا واسع بسبب عدم رؤية نعم الله. عدم رؤية ربنا عمل لك ايه ؟ وربنا يقدر يعمل لنا ايه ؟ يعني الحمد لله لما دخلت مستشفى سبعة وخمسين في آآ يعني في ظروف قبل كده يعني آآ الله يرحم - 00:02:24

جميعا فوجئت وانا بشوف الاطفال وحالات السرطان عند الاطفال. فوجئت ان البلع البلع يا جماعة طلع معجزة والله. الواحد كان متخيل ان عادي انا بشرب بق مية ده طلعت معجزة كبيرة اوي. فوجئت ان انا اقدر اخد نفسي - 00:02:44

ده طلع معجزة كبيرة جدا. فوجئت ان انسان يقدر يحرك ايده. ده ده طلعت معجزة كبيرة اوي. الواحد شاف حالات جوة علمته ان آآ احيانا ربنا بيبتلينا في بعض حاجات اداها لنا عشان يعرفنا او يفوقنا ان دي كانت معجزات. بس احنا مش واخدين بالنا منها. كل دي طلعت - 00:03:00

فوجئت ان قدرة انسان انه ينطق كلمتين بيكونوا جملة صغيرة دي طلعت معجزة كبيرة اوي معجزة عظيمة اوي من ربنا. عشان كده لما بتوقن ان ربنا يسع بقدرته حل جميع مشاكل حياتك. وتشوف ربنا عمل لك فعلا ايه. وحل لك مشاكل - 00:03:20

في حياتك فعلا قد ايه الحياة ما بتبقاش ضيقة. الحياة بتبقى واسعة اوي ما الدليل اهو اللي وسعها عليك في كل ده ما يوسعش عليك بعد كده ليه اللي خلق السما الواسعة دي ما يقدرش يوسعها عليك. اللي وسع لك حياتك انا حياتي واسعة ده انا حياتي ضيقة متهيأ لك - 00:03:40

بيتهيأ لك والله العزيم انت نسأل الله العفو والعافية انت لو جربت ان ايد تقف هتعرف يعني ايه الحياة ضيقة. انت لو جربت ان ما فيش سمع او ما فيش بصر هتعرف يعني ايه الحياة ضيقة - 00:03:57

الله يعافي مرضى المسلمين اجمعين. انت لو امكانية واحدة من امكانيات جسمك اللي ربنا خلى حركتك فيها واسعة. وامكانياتك في الحياة واسعة. امكانية واحدة راحت انت حضرتك ممكن تقف وتتشال الحياة بتبقى واسعة اوي. وصدرك بيبقى واسع قوي في الحياة. لما تتصل باسم الله الواسع سبحانه وتعالى. المعنى التاني - 00:04:07

لاسم الله الواسع. اللي يقدر يوسعها عليك فوق تصورك دنيا واخرة. وده المعنى اللي احنا قضينا اول حلقة في بعض دي ملامح لها يا جماعة. لان القصص اللي ربنا وسعها عليهم بعد ما كانت ضيقة لا تحصى يا اخواننا ده دي قصة الحياة كلها. دي قصة حياة كل واحد - 00:04:27

مننا اصلا. احنا كنا زمان ايه! احنا كنا زمان امكانياتنا ايه! والوقت اللي احنا فيه ده بقى ازاي! ربنا سبحانه وتعالى اجوزنا وربنا ادانا ذرية وربنا ادانا السكن وربنا ادانا العربية اللي نركبها وربنا ربنا يوسع علينا اوي بس احنا اللي مش شايفين. شباب كتير اوي حلم حياته شقة مية - 00:04:47

خمسين متر عشان ينفع يتجوز فيها. ونسي ان الله واسع الملك. وان ربنا اللي يملك السماوات والارض دي ويملك المجرات. ربنا واسع الملك ليه ما توسعش افقك وتطمع في ربنا ويبقى رجاءك في ربنا اكبر من كده ربنا يقدر يوسعها عليك فوق ما تتصور. لو اتقفل باب - 00:05:07

اوعى تحبط لان ربنا عنده الف باب ومليون باب تاني للفرج يقدر يفتحهم عليك. عشان كده اسم الله الواسع اسم يخليك من غلاء الاسعار. لان كلما ضاقت الدنيا اتسع عطاء الله سبحانه وتعالى. انا عايز اقف هنا وقفة يا جماعة ان - 00:05:27

ربنا سبحانه وتعالى الانسان يا اخوانا لما بيتولد آآ ربنا يقول اعلموا انما الحياة الدنيا لعب ولهو وزينة وتفاخر بينكم وتكاثر في الاموال والاولاد. يعني الانسان آآ في الاول خمس سنين في حياته بيبقى ايه يعني عايز يلعب بعد - 00:05:47

كده بيبدأ بقى لأ انا عايز بلايستيشن عايز لهو بقى انا عايز موبايل ادخل العب جينز بعد كده بيبدأ بقى لأ انا عايز اخد بالي من نفسي زينة بقى انا عايز البس - 00:06:07

حلوة انا عايز اتشيك. الانسان يا جماعة كل ما بيكبر كل ما احتياجاته بتكبر. وكل ما بيكبر كل ما الوسع بيوسعها عليه اكتر يعني احتياجاتك لما بتزيد الدنيا ما بتقلش. يعني انا لو انا لابس نفس الهدوم اللي انا لبستها يوم ما اتولدت. انا كل ما جسمي هيكبر كل ما الهدوم هتتقطع - 00:06:17

وهتضيق علي مش هينفع. فتخيل انت مش بس جسمك بيكبر. انت احتياجاتك بتكبر. وعطاء ربنا الواسع لك. بايكتر. فعطاء ربنا واسع فرجه كلما ضاقت الزروف آآ آآ الله بيوسع من عنده سبحانه وتعالى. لما واحد يقول لك انا ساكن في شقة واسعة. يعني ايه - 00:06:37

يعني بنتحرك فيها من غير اي ضيق. يعني مهما زاد عدد الضيوف اللي بيجوا لنا ومهما زاد عدد الاسرة. الشقة واسعة احنا مرتاحين جدا يبقى الله الواسع اللي يقدر يخليك تعيش حياة بلا ضيق. يعني الاسم ده بيتكلم عن قدرة الله على التوسعة - 00:06:57

ان ربنا قادر يوسعها عليك عشان تتجوز. قادر يوسعها عليك عشان تسد احتياجات المعيشة. ما هو انت احتياجاتك وانت متجوز غير وانت عندك عيلين ومراتك في بطنها عيل تالت غير وانت عيالك في التعليم والجامعة الاحتياجات بتزيد والواسع بيزود من عنده السعة. كنت قاعد - 00:07:16

آآ مع واحد من اصحابي واحبابي آآ صاحب شركة كبيرة فكنا بنتكلم مع بعض آآ بيقول لي انا في فترة من الفترات والله يا جماعة ده دي قريب جدا يعني. يعني كنت في عمرة وانا قاعد معه في - 00:07:36

الشركة بتاعته فبيقول لي انا من فترة من الفترات كنت فقير جدا. انا بدأت حياتي مش لاقي اكل اصلا. بيقول لي انا جيت هنا وانا في البلد الغربة وما معييش جنيه اكل لدرجة ان انا سافرت عشان اشتغل آآ قعدت خمستاشر يوم ما عنديش مأوى خلاص قعدت عند - 00:07:48

الناس لحد ما اتكسفت. فبيقول قعدت في المسجد النبوي قعدت بقى لي خمستاشر يوم. بيقول مرة بعد الفجر كنت آآ جاي انام وانا جعان جدا جعان ما فيش فلوس اجيب اي حاجة اكلها. وبقى لي خمستاشر يوم بنام في المسجد. ما فيش شغل. مش عارف اروح فين! ما ليش مكان. بيقول وانا جاي انام - 00:08:08

بيقول لي كده ما كانش امنيتي في الحياة غير حاجتين. انا يا جماعة وانا جاي اسمع انا متوقع انه هيقول لي مسلا امنيتي في الحياة ان ربنا يرضى عني. فوجئت ان هو خدني في حتة تانية - 00:08:27

خالص. بيقول لي انا ما كانتش امنيتي في الحياة غير حاجتين وانا جاي انام في المسجد النبوي. ان انا لاقي اجيب سندوتش طعمية اكله وان انا الاقي علبة عصير برتقان اللي هي السن توب. اشربها بيقول ما عييش نمت في مكاني. بيقول صحيت من النوم بعد شوية في - 00:08:37

المسجد النبوي لقيت قدامي كيس. محطوط فيه سندوتش طعمية وعلبة عصير برتقان سن توب والله العظيم يا جماعة. بيقول انا ببص كده لقيت واحد من بعيد بيشاور قل لي ان دول لك يعني واحد ايه بيتصدق عليه كده. بيقول انا انا نسيت بقى الموقف خالص واستبشرت ان انا يا رب انا ما كلمتش مخلوق يا رب - 00:08:56

رب انا حسيت انها رسالة من ربنا. انا ربنا ما انا يا رب انت عالم باللي جوايا! عالم بخواطري! عالم يا رب انا يا رب ما كلمتش مخلوق ان انا عايزاه! ما فيش مخلوق في الدنيا - 00:09:16

ما فيش انس ولا جن يعلم ده. انت جبتها لحد عندي يا رب. كانك بتقول لي انا عالم بكل رغبة جوة نفسيتك. ما فيش ما فيش حد في الدنيا يقدر يعرف اللي جوة نفسيتك. انا اعلم اللي جوة نفسيتك. بيقول لي صاحبي ده من هزا اليوم. ربنا هزا اليوم ربنا فتح علي في الرزق - 00:09:26

لحد ما بقى شريك في شركة تجارية كبيرة جدا فضل ومنة الله سبحانه وتعالى وربنا وسع عليه في الرزق جدا بفضل ومنة الله. في اللحزة اللي انا كنت قاعد معه في الشركة بتاعته وهو بيحكي لي فضل ربنا عليه. قد ايه وربنا وسعها قد ايه؟ فربنا قادر انه يوسعها عليك. اوعى تفتكر الا انك انت شاب صغير - 00:09:46

اوعى تفتكر لان الشاب الجميل الخلوق المتدين اللي متقدم لبنتك الدنيا ضيقة عليه ربنا يوسع عليه بكرة. عشان ما تندمش بكرة. اوعى تفتكر يعني لا تدري لعل الله يحدث بعد ذلك امرا. ربنا قادر يوسعها على زوجتك. بدل ما تضايقها ممكن بكرة تتمنى - 00:10:06

ان هي بس كانت تفضل جنبك. ربنا قادر انه يوسعها على الشاب اللي انت رفضته رغم تدينه واخلاقه وشخصيته. وكل المزافي يا جماعة ربنا هيوسع ربنا مش هيسيبها ضيقة ابدا. واحد من الشباب في القاهرة كان بيقول انا لما كنت في اول جوازي لما كان حد بيديني هدية كرتونة بيض. انا كنت باروح - 00:10:26

زوجتي في بداية زواجي وانا طاير من الفرح. بالنسبة لي ان انا معي كرتونة بيض دي حاجة سروة. الشاب ده يا جماعة بيقول ربنا وسع علي في رزقي رزقي وسع علي فجأة لدرجة ان انا الوقتي بقيت بتصدق بالعربية. يعني بيقول عربيتي لما باجي اعلي الموديل فيه - 00:10:46

فيل جديد نزل اعلي الموديل. اقول طب وانا هابيعها ليه ؟ انا مش محتاج طب انا اصلا. فامه تصدق بها على حد من صحابي ولا على شاب في بداية حياته. واشتري انا - 00:11:06

عربية جديدة احدس موديل ياه سبحان الله! ربنا يوسع اوي يا جماعة! والله الاسم ده بيملى قلوبنا فرح واستبشار الكلام ده حقيقة. احنا بنتكلم مع حقائق يا اخوانا اوعوا تكونوا فاكرين الكلام ده كلام عزيم - 00:11:16

الكلام ده حقيقي. الكلام ده هو اللي بيحرك الحياة حوالينا. اسألوا رجال الاعمال. انا ما فيش راجل اعمال اعرفه الا وما كانش آآ باشا ولا حاجة ده كان فقير وغلبان لحد ما في يوم ربنا فتح له باب صفقة قلبت له حياته ونقلته نقلة تانية. اسم الله الواسع ده. كل راجل اعمال - 00:11:28

يفتش عنه في الماضي بتاعه. هيكتشف ان لولا اسم الله الواسع. ما كانش اصلا وصل لحاجة ولا راح ولا جه. اسم الله الواسع ده. انا عايز اقول لكم ان فيه شعوب - 00:11:48

محتاجة تفكر في الاسم ده بعد ما بقوا دول وبقوا ملك وبقى عندهم جيوش افتكر يا عم جدودك ما كانش حاجة اصلا ربنا وسعها عليكم قد ايه اسم الله الواسع ده. لو كل البشر فتشوا في الماضي بتاعهم هيعرفوا ان الاسم ده من غيره ما كانوش وصلوا لحاجة. اي واحد متجوز وعنده اربع - 00:11:58

اعيال وبيقول لك مصاريف العيال كتير حبيب قلبي انت فاكر اما كنت متخرج من الكلية ما فيش في جيبك تمن الميكروباص اللي تروح تستلم به شهادة بتاعتك انت منين جبت شقة وجواز وعفش ودهب وشبكة ومصاريف فرح وخلف عيال - 00:12:18

وصرفت على عيالك حبيبي الله الواسع. البصمة بتاعة شواهد اسم الله الواسع في حياتنا كلنا. كلنا ربنا بيوسع علينا. وعايزين كمان يا رب كمال يا رب. ما هو الواسع من الطمعش في انه يوسع علينا كمان وكمان ليه ؟ عشان كده في اسوأ لحزة - 00:12:38

الانسان حاسس ان الدنيا ضاقت عليه فيها لحزة الطلاق لحزة خلاص واحد وواحدة بيتهم بينهار وكل واحد فيهم حاسس ان الدنيا سودا. وحاسس ان هو مش عارف هيعيش من غير التاني ازاي. الواسع بيقول لهم وان يتفرقا - 00:12:57

يغني الله كلا من سعته. لو الدنيا ضاقت عليك انا اقدر اوسعها عليك. واقدر افرجها عليك. فالوحيد اللي ما لوش بديل في حياتك وحياتك هو ربنا سبحانه وتعالى. المعنى التالت. المعنى التالت والجميل اوي من آآ معاني اسم الله الواسع - 00:13:18

الله الواسع اللي عطاؤه يعم الجميع. ما تضيقش دماغك بقى. هنا بقى نتكلم تحسد ليه ؟ لما تشوف نعمة في ايد غيرك تبص له ليه يا ابني انت يا ابني يعني عارفين لما عشرة بيشحتوا فراحوا لواحد غني فواحد مد ايده للغني فادا له الف - 00:13:39

دولار. فقام التسعة متشكلين مع الغني انت ليه في ايدك الف دولار! يا حبيبي ما تروح للي ادى له. ما هو اللي ادى له يديك. ما هو نفس الغني ونفس الكريم ونفس الواسع - 00:13:59

انت وهو يعني انت واللي خد زي بعض عنده. وهو ربنا هو ربكم. الاية دي باحبها اوي اوي اوي اوي يا جماعة. يعني تخيلوا يا جماعة لو واحدة جت في العيد كده ام وعملت خمسين كيلو كحك - 00:14:09

ربنا اعانها وقدرت انها تعمل لولادها خمسين كيلو كحك. هل انت متخيل انك ممكن تدخل البيت بعد يومين تلاقي اتنين من ولادها بيتخانقوا ويتشاكلوا عشان كحكة سب لي الكحكة لأ سيب لي انا الكحكة لأ طبعا. ليه ؟ لانه كتير ما حدش هيبص للي في ايدي التاني اهو ده معنى من معاني اسم الله الواسع - 00:14:25

ان الخير عند ربنا كتير اوي فاحسد اخويا ليه؟ احسد حد على النعمة اللي في ايديه ليه؟ وربنا بيقول وهو ربنا وربكم. انتم عارفين الاية دي معناها ايه يا جماعة؟ يعني ايه وهو ربنا وربكم - 00:14:45

اليهود لما النبي عليه الصلاة والسلام نزل عليه القرآن فاليهود حسده النبي عليه الصلاة والسلام. فقالوا لا لا لا ربنا مش ممكن يدي للعرب ابدا كتاب سماوي فربنا قال للنبي قل لهم هو ربنا بتاعكم انتم بس ؟ يعني هو ربنا بتاع اليهود فنزل لهم توراة. انما ربنا مش بتاع العرب فمش هيديهم قرآن. وهو ربنا هو ربكم - 00:15:01

اللي اداكم يدينا ما يديناش ليه! وهو ربنا ولنا اعمالنا ولكم اعمالكم زي ما انتم عملتم اعمال صالحة. ربنا اصطفاكم بسببها! طب ما احنا بنصوم ونقوم وبنعمل اعمال ربنا يصطفينا بسببها اية جميلة قوي يا جماعة القرآن جميل. بس احنا قاعدين آآ يعني زي اللي بيعد ورق بانكنوك كده قاعدين آآ نعد الحرف بعشر حسنات - 00:15:21

السلام عليكم. انما احنا لو فكرنا في كل كلمة كل كلمة في القرآن بتدينا معلومة عن ربنا ممكن تغير حياتنا. وهو ربنا وربكم. لما تشوف واحد غني ما تحسدوش. لان رب الاغنياء هو ربك. رب اغنى مية ملياردير في العالم هو ربك رب بيل جيتس واستيفن كوفي وكل - 00:15:41

المليارديرات اللي في العالم والمسك هو ربك. رب هو ربك آآ رب السعداء هو ربك. يبقى ما تبصش للسعداء اه شف بيضحك ازاي! شف باله رايق ازاي! يا حبيبي ما البال الرايق ده من خزاين ربنا! والسعادة من خزاينه! والضحك من خزاينه! زي ما اداهم - 00:16:01

الملك زي ما الملك اداهم الملك يقدر يديك. فربنا سبحانه وتعالى آآ الواسع رب الملوك هو ربك. رب الاغنياء هو ربك. آآ ادى المراكز لاصحاب المراكز ولواجهات هو ربك اللي ادى الشهادات والبورد الامريكي والزمالة البريطانية والماستر والام دي هو ربك - 00:16:21

اداهم كل اللي نفسهم فيه يقدر يديك اللي انت نفسك فيه. ربنا يقدر ان هو يديك. فتغير من حد ليه وتحسد حد ليه ؟ اللي اداهم يديك آآ وده من اخطر اسار اسم الله الواسع في الحياة يا جماعة - 00:16:41

انه بيقضي على الحسد ما هو احسن ليه ؟ طب باطلب من اللي اداك ؟ بدل ما احسدك ما هو ربي زي ما هو ربك. وممكن يديني زي ما اداك. سبحان الله العزيم وقفت في الشارع ابص على البيوت وابص عشواء بحب قوي يا جماعة اقف في الشارع - 00:16:57

ايه وببص على البيوت والشقق واقف من فوق كوبري كده وابص على العربيات اللي رايحة وجاية المنزر ده بيخطف قلبي دايما. باحس كتير قوي لربنا ورا المنزر ده. عايزين نقف ونفكر. قعدت ابص على الشقق على العربيات اللي رايحة وجاية واقول سبحانك يا واسع. كل - 00:17:14

دول وسعهم رزق الله انا بركب طيارة وانا مسافر ابص من شباك الطيارة كده وانا اللي طالع من البلد اللي انا طالع منها او انا نازل في البلد اللي انا نازل فيها. اشوف شوارع بقى من - 00:17:34

عيد عربيات شرايين عربيات رايحة جاية. اقعد ابص كده كل عربية من دول كل واحد فيها وراه قصص. كل واحد منهم وراه تدبير لرزق وراه تدبير لحياته كل دول وسعهم رزق الله. كل دول وسعهم تدبير الله. كل دول وسعهم علم الله - 00:17:44

ورأفة الله ورحمة الله. كل دول ربنا بيرتب لهم. كل دول وسعهم عطاء الله. وكرم الله. اللي يعرف الله الوقت. يعني انا عايز اقول لك انت ما انت الا قصة من وسط المليارات دي ايه! انا عايز اقول لك ان انت انت يعني ان ربنا يوسعها عليك دي مش حاجة صعبة على ربنا يعني مش اضافة كبيرة يعني - 00:18:04

واحد من ملايين الاغنياء اللي ربنا وسع عليهم. واحد من ملايين المؤمنين اللي ربنا اداهم اليقين والولاية. واحد من ملايين الدعاة اللي ربنا استعملهم وشرفهم بالكلام عنه. واحد من ملايين العباد اللي بيقفوا بين ايدين ربنا يقوموا الليل. يبقى كل اللي نفسك فيه دين او دنيا ربنا يقدر يديه لك لانه انت كتير. لما - 00:18:24

قل يا رب المشارق والمغارب. الدعوة دي بتزلزل قلبي. عارفين ليه يا جماعة؟ لاني بافتكر فيه كم قصة فرج وشفاء وعافية ورزق واستعمال واصطفاء في المشارق والمغارب. يقينا في ملايين القصص يا رب. يا رب خليني قصة من القصص دي. اللهم اهدنا في - 00:18:44

من هديت لسة النهاردة وانا يعني يعني يعني باصلي في اول اليوم كده فالدعوة دي حسيت انها مرتبطة باسم الله الواسع اوي وانا باقول ربنا اللهم اهدني فيمن هديت. يا رب ده انت هديت مليارات. انا يا رب قصة من قصص الهداية. انت واسع يا رب. وعافنا فيمن عافيت - 00:19:04

فايت يا رب انت عافيت مليارات الناس. انا يا رب قصة جديدة وتولنا فيمن توليت. انت الموضوع بسيط اوي عند الواسع آآ اللي يعرف الله الواسع ما ييأسش ابدا. ما يجيلوش احباط ابدا. لانه يعلم ان ربنا قادر انه يوسعها عليه. ويفرجها عليه في اي لحزة مهما كانت - 00:19:24

سيئة. فاوعى تقفل دماغك مع ربنا. اوعى تقول طب منين ؟ يا جدع عيب. يا جدع عيب انت تعلم ايه! اوعى تقول طيب آآ مريم يا جماعة قالت لسيدنا زكريا لما قال لها انت جبتي الاكل ده منين؟ الرزق ده منين؟ رزق الشتا في الصيف والصيف في الشتا ده منين؟ قالت هو من عند الله - 00:19:45

عشان كده تضييق الدماغ مع ربنا هو اكبر سبب للانتحار واكبر سبب للاحباط. خلي افقك واسع مع الواسع. لانه يقدر يوسعها عليك مهما كانت ضيقة آآ يعني ان شاء الله بازن الله اكمل معكم المعنى الجميل اوي ده والمعاني الجميلة اوي بتاعة اسم الله الواسع. ولكن من اول الحلقة الجاية احنا في رحلة يا جماعة - 00:20:05

احنا في رحلة مع اسم الله الواسع. في رحلة سعة صدرنا وسعة افقنا في الحياة. اسم الله الواسع بيفتح افقك. بيخليك بدل مكان اخر احلامك شقة مية وخمسين متر لا لا لا لا ده انا كنت بطلب على باطلب على قدري. انا هطلب على قدر سعة قدرة الله. والسعة - 00:20:25

النبي سيدنا سليمان قال رب هب لي ملكا لا ينبغي لاحد من بعدي. اصل هو ما بيطلبش على قدره. هو بيطلب على قدر الله الواسع. سبحانه وتعالى. اللهم برحمتك يا من وسعت رحمتك كل شيء. سعنا برحمتك. اللهم وسع علينا ارزاقنا. يا رب وسعها من عندك يا رب - 00:20:45

يا رب افرجها من عندك. يا رب يا رب دبرها من عندك يا رب. اللهم اسعنا برحمتك اللهم ارزقنا الملك الواسع في الفردوس الفردوس الاعلى. اللهم وسع علينا في ديننا ودنيانا يا ارحم الراحمين. اللهم اسعنا برحمتك يا حي يا قيوم. برحمتك - 00:21:04

نستغيث اصلح لنا شأننا كله ولا تكلنا الى انفسنا طرفة عين. سبحانك اللهم وبحمدك اشهد ان لا اله الا انت. استغفرك واتوب اليك. انه رب العباد. حبه هو باسمه الكافي تمسك انا رأيت - 00:21:24

انا رأيت الرزق لو تحس بالاختناق كل هم وسر حماتي رب العباد. حب هو خير زاد بسمه الكافي تمسك ان رأيت رب العباد - 00:21:52