باحث

السلام عليكم ورحمة الله وبركاته. بسم الله الرحمن الرحيم. الحمد لله والصلاة والسلام على رسول الله صلى الله عليه واله وصحبه ومن والاه وبعد. وصلنا بفضل الله تبارك وتعالى الى مرحلة دفن الميت. ولازم حضرتك تكون على علم في حالة حدوث وفاة لا قدر الله تبقى - 00:00:01ضَ

عارف كويس جدا الميت ده هيتدفن ازاي؟ والدفن ده انما يوكل لاهل الخبرة. يعني ما ينفعش ابني الميت يقول انا احق بابويا فانا اللي اخش ادفن لا لان الدفن ده له اصول. فتعالوا مع بعض برضو نبقى عارفين الاصول علشان ما فيش حد يضحك علينا في موطن زي ده. ازاي - 00:00:28ضَ

زي بالفعل الدفن يكون على هدي النبي صلى الله عليه وسلم. ويكون بالطريقة الصحيحة السليمة. اول حاجة لازم نكون واخدين بالنا منها ان الميت انما يوضع في قبره لازم ننتبه لديه. رقم واحد على جنبه الايمن. رقم اتنين مستقبلا - 00:00:48ضَ

القبلة. ليه بنقول الكلام ده؟ لان النبي صلى الله عليه وسلم قال في الحديث عن القبلة قبلتكم احياء واموات. القبلة دي مش بنتجه لها في وقت الصلاة واحنا عايشينه بس؟ لا لا لا ده دي القبلة بتاعتنا - 00:01:08ضَ

لو احنا عايشين واحنا ميتين. فاول حاجة تتأكد منها لو لك عزيز بيدفن عينك تبقى على القبر كده والدفان بيدفع علشان ما يخشش يرمي ويطلع. ما هو اهم حاجة عنده السبوبة الا من رحم الله. فاول حاجة نكون متأكدين ان الميت اللي دخل نكون - 00:01:28ضَ

موضوع على جنبه الايمن مستقبل القبلة. ازاي عمليا بقى؟ ازاي عمليا دلوقتي؟ تعال يا حبيبي. يكون دي الطريقة الصحيحة على الجانب الايمن مستقبل للايه؟ رقم اتنين نتأكد وهذه ايضا من السنن المستحبات ان الميت يكون متكئ - 00:01:48ضَ

على الجدار نقربه اوي من الجدار ونخليه متكئ شبه اتكاءة يسيرة كده على الجدار. ونقوم بسنده ترب من امامه وخلفه. ليه بيعملوا كده؟ قال لك حتى لا ينقلب الميت على ايه؟ على وجهه. فاحنا اولا يكون على جنبه - 00:02:08ضَ

يمين. رقم اتنين ها مستقبل القبلة. ورقم تلاتة يكون متكئ بالجدار ونسنده بالتراب من الجهتين. لو عملنا كده بفضل الله الامور بقت زي الفل. النقطة الرابعة حكم تلقين الميت في القبر. ايه رأيكم هل نلقن الميت في القبر؟ اه كده ولا ولا - 00:02:28ضَ

طيب صلوا على رسول الله صلى الله عليه وسلم. اكثر العلماء على ان ذلك من المباح وقالوا احنا المفترض نكتفي بالتلقين اللي كان قبل الايه؟ قبل الوفاة. قبل الوفاة. قينوا موتاكم لا اله الا الله. فانه من كان اخر - 00:02:48ضَ

كلامه من الدنيا لا اله الا الله دخل الايه؟ دخل الجنة. فالعلماء هنا قالوا خلاص نقتصر على هذا التلقين. طيب من اراد ان يلقن الميت الامام احمد في رواية عنه بتقول بالكراهة ورواية عنه بتقول بالاستحباب ورواية عنه بتقول بالاباحة. تلات روايات. على اي شيء وقع هذا الخلاف؟ قال لك اصل - 00:03:08ضَ

الناس بقى بتتجمع. اهل بالكم اتجمعوا وينطقوا بصوت واحد كلهم مع بعض. يا فلان ابن فلانة. ادي اول غلطة. قل ما كنت تقول في الدنيا لا اله الا الله. فالامام احمد قال السورة دي هي اللي غلط. وانما لو كان هذا الرجل الذي يدفن. قال للميت - 00:03:28ضَ

قل ما كنت تقول في الدنيا لا اله الا الله فشيخ الاسلام ابن تيمية رحمة الله عليه قال هذا من الامور المباحة التي لا شيء فيها باذن الله عز وجل - 00:03:48ضَ

تمام كده؟ ما نتشاكلش على القبر نلقن ولا ما نلقنش؟ لان المقام مقام عظة واعتبار. تلاقي ناس تتشاكل تقول ما تلقنش لان التلقين بدعة. وناس تقول لا ده التلقين سنة ومباحة يمسكوا في بعض ويتشاكلوا مع بعض على القبر. مش هو ده مكانه. مكان الخلافات دي في الاماكن العلمية نتكلم يجوز ولا لا - 00:03:58ضَ

انما على القبر لا خلاف. رقم اربعة ينفع نفتح قبر واحد لسه ميت ونحط معه ميت جديد؟ ايه رأيكم ما هي دي من المسائل اللي بتتكرر علينا كتير. الراجل مات اول امبارح زوجته يا عيني الوفية التقية النقية ما تحملتش - 00:04:18ضَ

ماتت هي كمان بعديه باربع خمس ست سبع تيام. او بلاش زوجته لان الستات والرجالة كل واحد في مكان. اخوه مات ابنه مات او الابن مات والاب ما تحملش الاب مات. فهل يجوز دفن اتنين او تلاتة مع بعض في قبر واحد؟ الاجابة لا. حتى نتيقن - 00:04:38ضَ

قانوننا بان الامر ان الاولاني ده خلاص ايه؟ تحلل وانتهى. الا في حالة واحدة تكلم عنها العلماء قالوا الا في وجود ضرورة. يعني ايه في حالة وجود ضرورة؟ لا قدر الله لا قدر الله وباء انتشر بين الناس والناس بتموت باعداد رهيبة جدا - 00:04:58ضَ

كانت الدولة في حرب وحرب شديدة وعدد القتلى كتير ينفع ندفن في مدافن جماعية؟ الاجابة نعم يجوز. فلقد ثبت ان النبي صلى الله عليه وسلم في غزوة احد مات من اصحابه سبعين واحد. واعطاهم الله عز وجل الكرامة والشهادة. فكان النبي صلى الله عليه وسلم يقول - 00:05:18ضَ

واوسعوا واعمقوا واجمعوا بين الرجلين والثلاثة في قبر واحد. ليه؟ في موت كتير لا قدر الله وبقى زي قرون ده مثلا نزل في اماكن كانت الناس بتموت باعداد كبيرة جدا. ينفع هنا ندفن في مقابر جماعية؟ نعم يجوز. ولكن العلماء قالوا ومن المستحب ان - 00:05:38ضَ

بينهم يعني ايه يفصل بينهم؟ نحط الجسد الاول نعمل عازل من التراب الجسد الثاني نعمل عازل من التراب الجسد الثالث. تمام كده يبقى هل يجوز ان احنا ندفن اكتر من حد؟ اه يجوز ان احنا ندفن اكتر من حد. الحمد لله خلصنا الدفن وقفلنا نعمل ايه؟ هنا النبي صلى الله عليه وسلم كان بيعلمنا - 00:05:58ضَ

انه اذا فرغ من الدفن. اول ما نقفل خلاص اول ما نقفل. نعمل ايه؟ ها؟ كان صلى الله عليه وسلم يقول استغفروا لاخيكم وسلوا له التثبيت فانه الان يسأل. يبقى على طول في الوقت ده احنا كلنا نعمل ايه؟ الناس تقوم - 00:06:18ضَ

القبر قدامي اهو تقوم عاطية ضهرها للقبلة تعطي ضهرها القبلة وترفع ايديها وتقعد تدعو غلط غلط ولكن هنا انا هعمل ايه؟ لا ده انا هادي وجه لايه؟ للقبلة. اعطي وجهي للقبلة. وارفع ايديا وادعو لهذا الانسان الذي مات. ومن المستحب - 00:06:38ضَ

ودي بقى دايما بشوفها في اهل الوفاء. الناس الوفية. مش آآ تخلص الدفن وتطلع تجري علشان تقسم المواريث ولكن بتفضل واقفة على القبر قدر ساعة. لا تصنع شيئا الا انها تدعو لهذا الرجل الذي توفي. او لهذه المرأة التي توفيت - 00:06:58ضَ

عملا بحديث عمرو بن العاص رضي الله عنه في صحيح مسلم فاذا انا مت فكونوا عند قبري قدر ساعة استأنس بكم وانا اراجع رسل ربي. هو بيسمع؟ هو بيسمعنا؟ يعني لو كلنا قاعدين ندعي له كده الان بيسمعنا؟ اه هو بيسمعنا دلوقتي - 00:07:18ضَ

لان النبي صلى الله عليه وسلم قال ثم يرجعون عنه وانه ليسمع ايه؟ قرع نعالهم. يسمع قرع نعالهم. فهو بيسمعنا الان. فمن المستحبات نقف على القبر شوية. يا جماعة بعض من اهل الميت ياخدوا العزاء علشان ما تكونش فيه مشقة على الناس اللي جاية. علشان تحضر - 00:07:38ضَ

دفنك بعض من اهل الميت يقسموا نفسهم يقسموا نفسهم مجموعة تطلع لاخذ العزاء ومجموعة اخرى واقفة على القبر تدعو الله سبحانه وتعالى على عشان الراجل اللي عاش طول حياته متمرمط علشانا ده الراجل اللي عاش طول حياته تعبان وشقيان علشان يضمن لولاده حياة كريمة يلاقي ولاده في موطن هو - 00:07:58ضَ

فعلا محتاجهم فيه. ومن اشد المواطن اللي الاهل بيبقوا محتاجين فيها. فيها اولادهم هو لحظة الموت هذه. بعض الاخطاء للاسف الناس بتقع فيها. هل يجوز الدفن في الدور التاني؟ احنا عندنا المقابر دور اول على الارض وبعد كده دور تاني. فهل يجوز الدفن في الدور التاني - 00:08:18ضَ

بصوا يا جماعة الدفن عندنا في الاسلام له صورتين. الصورة الاولى في باطن الارض وده اللي بيتسمى اللحد. وده الافضل. وسورة تانية اسمها الشهق وده ان احنا ندفن على وش الارض. والاتنين كويسين بس اللحد هو الافضل. يعني حضرتك لو رحت بفضل الله مسلا - 00:08:38ضَ

المدينة النبوية المباركة هتلاقي ولو حضرت جنازة هتلاقيهم بيحفروا في باطن الارض ويدخلوا الميت تحت. ليه؟ طب احنا ليه ما بنعملش زيهم؟ نقول يا جماعة خدوا بالكم احنا هنا في مصر لجأنا الى الدفن على على وجه الارض لان اختلاف التربة بينا وبينهم كبير قوي. هو لو - 00:08:58ضَ

يحفر ميت متر ما فيش مية صحراء انما انا النهاردة انت لو بصابعك كده خربشت التربة بتاعة الارض بتاعتنا تطلع مية وبالتالي انا لو عملت حفر في باطن الارض وحطيت الميت انا بحط انا كده بهينه. ايه اللي بقى الناس الافاضل اللي موجودين دلوقتي واستغلوا العلم الحديس وبدأوا يجيبوا - 00:09:18ضَ

مواد عازلة وبدأوا فعلا يخلوا الدفن بتاعهم دفن شرعي. انا شفتها كتير هنا. يعمل ايجاب مهندس. احفر يا عم حفر كويس جدا. عمل العيون تحت باطن الارض وبعد كده ايه جاب مهندسين عملوا مواد بيسموها مواد عازلة للمية تمنع دخول الماية. ده جزاه الله خير بس دي ناس معاه فلوس ربنا يوسع عليه - 00:09:38ضَ

انما عموم المسلمين احنا النهاردة ندفن على وش الارض علشان لو دفنا في وطن الارض الميت يهان. طيب السؤال بقى دفن الدور التاني فالدور الاولاني خلاص عرفت ان هو جائز. طب الدخل في الدور الثاني؟ لا. نقول لا يدفن في الدور الثاني الا لضرورة. احنا العيلة كلها ما فيش فيها الا اربع عيون. واحدة فوق - 00:09:58ضَ

للنساء وواحدة فوق وواحدة تحت للرجال. اللي تحت بتاعة الرجال مليانة وفيه واحد لسه مدفون امبارح. هنفتح عليه ففي هذه الحالة اللي هي حالة الضرورة احنا هنعمل ايه ندفن في الدور التاني وده بيكون في حالة الضرورة بس. يعني انا لو عندي العين اللي تحت فاضية لا يجوز لي ان انا اطلعه فين؟ في - 00:10:18ضَ

الدور الساني. طيب ينفع بقى نكتب بقى يا ايتها النفس المطمئنة ارجعي الى ربك راضية مرضية. ونكتب بقى الايات الجميلة في ان المتقين في جنات ونهر في مقعد صدق عند مليك مقتدر. ونبدأ بعمل لوح وحاجات من كده. لأ حرام. نهى النبي صلى الله عليه وسلم عن - 00:10:38ضَ

تابت على القبر. القبر يا جماعة لا يكتب عليه شيء. الا مثلا اذا كنا هنكتب تاريخ الدفن علشان لو عائزين ندفن بعد كده نبقى عارفين ده مات امتى ؟ انما بقى اللي بيحصل النهاردة من التفاخر بين الناس باليقط الرخام وكتابة ايات قرآنية وشهادة للميت ان هو دلوقتي - 00:10:58ضَ

في الجنة ونعيمها ده كله طبعا لا يجوز والنبي صلى الله عليه وسلم نهى عن الكتابة على القبر. من الاخطاء ايضا ان نلاقي بعض الناس متكئة على القبر تلاقيه القبر في ضهره كده. تلاقيه واقف على القبر عامل كده. رجلك على القبر النبي صلى الله عليه وسلم نهى ان يتكأ على القبر. او ان - 00:11:18ضَ

يجلس عليه ونهى النبي صلى الله عليه وسلم عن ان توطأ المقابر. كل دي من النواهي اللي لازم تكون واضحة قدامنا. القبر ده له حرمة القبر ده له حرمة ما ينفعش ان الناس بتعمله. اخر حاجة وهختم بها ايه رأيكم بقى ان احنا نجيب مهندس زكور ويزبط - 00:11:38ضَ

هنا شكل القبر من برة كده ويعمل لنا عليه شوية زخارف اسلامية جميلة. وجوة يحط لنا شوية ليدات جميلة وليد ابيض وليد بنفسجي وليد بمبة والله بيحصل والله بيحصل. فايه رأيكم؟ ايه رأيكم نجيب مهندس زكوري يزبط لنا وينجب تكييف كمان؟ كأن الميت - 00:11:58ضَ

خلاص جوة هيحميه من الحر. لا خدوا بالكم يا جماعة نهى النبي صلى الله عليه وسلم عن تجسيص القبور. وكانوا زمان قالوا ايه؟ كانوا يعني كان يجيب القص اللي هو الجير الابيض. فكانوا عايزين يزينوا القبور فيجيبوا القص اللون الابيض كده ويدهنوها كده علشان يبقى القبر شكله حلو - 00:12:18ضَ

هو مميز. لأ غلط طبعا. المقام مش مقام زينة. الزينة دي بتاعة الدنيا. مقام اخرة. المقام ده مقام اخرة. فالناس اللي بتزين القبور وبتجيب مهندس الزكور علشان تزبط القبور. نقول فقراء المسلمين اولى من الفلوس اللي بتترمى دي. ويجي العيال يخشوا ياخدوا بعد كده الحاجة يسرقوها وياخدوها ويمشوا. لا - 00:12:38ضَ

النبي صلى الله عليه وسلم عنه ان تجصص القبور او ان يبنى عليها. جزاكم الله خيرا. هذا وصلى الله على نبينا محمد وعلى اله وصحبه وسلم - 00:12:58ضَ