باحث

الحمد لله كفى وصلاة وسلاما على عباده الذين اصطفى. اما بعد تخيل معي لو انت يعني عشان نوصل لفكرة مهمة جدا يا جماعة. تخيل لو انت واحد راح يتدرب ملاكمة - 00:00:00ضَ

بعد مرتين تلاتة كده حس انه بقى قوي فقال للكابتن بتاعه انا عايز ادخل انا عايز ادخل بطولة الجمهورية في الملاكمة. يا عم انت لسة مستواك ما يجبش. انا عايز اروح ام - 00:00:20ضَ

اولمبيات في الملاكمة دخل بطولة الجمهورية اطحن ونام في الارض من اول دقيقة. انت انت فاهم طريق الالتزام ده معناه ايه؟ انت فاهم طريق الدين ده بمعنى ايه؟ انت داخل في معركة مع ابليس. خد بالك انت خبرتك في معاملة ابليس على قد عمرك. خبرة ابليس في معاملتك ابليس بقى له الاف السنين. بيشتغل - 00:00:30ضَ

الصالحين والصديقين بيشتغل على كل الناس. فابليس خبرته جبارها في معاملتك. عشان ما تتجابش لمس كتاف. انت لازم تستعد للمعركة دي كويس ما تتوهمش يعني انا فاكر مرة كان عندنا مؤتمر في آآ دعوي في آآ اسيوط تقريبا فنزلنا من المطار كنا رايحين طيران نزلنا من المطار ففي - 00:00:50ضَ

واحد كان بياخدنا آآ واحد يعني من اخوانا يعني كان بيستقبلنا فكان لسة جايب عربية جديدة. العربية دي كانت هيونداي آآ حاجة عالية كده بس هيونداي يعني في حاجة كوري حاجة من النواحي دي يعني. يا ما هياش الماني ما يعني ايه آآ هو كان اول مرة ينزل بالعربية على الارض - 00:01:10ضَ

اول مرة فالعربية فعلا كانت شكلها في الوقت ده جميل جدا. وانا كنت حاسس انها راكب حاجة بقى ايه ما حصلتش في الدنيا. انا مش فاهم انها شوية ورق. انا مش فاهم انها حتة صفيح. انا - 00:01:29ضَ

مش فاهم ان العربيات الكوري دي بعد مية وخمسين بعد سرعة المية وخمسين بتبقى حتة ورقة طايرة على الارض. اي حاجة تقوم قلباها. واحنا طايرين بقى وطاير على سرعة مية - 00:01:39ضَ

وستين وطرق الصعيد متسفلتة. وتغريك انك تدوس بنزين. زهر موتوسيكل صغير. الموتوسيكل بس ما كانش ايه زابط نفسه كده شوية. فصاحبنا اللي سايق العربية حاول انه يتفاداه. بيحاول يتفاداه انا لقيت نفسنا احنا كنا اربعة في العربية. العربية بقت حتة ورقة قاعدة تلف زي - 00:01:49ضَ

هي حتة زي بالزبط كده ما تدحرج كده يعني حصواية ولا حاجة قاعدة تلف لحد ما رست على آآ يعني يعني على حرف آآ آآ الهاوية كده. يعني كان لو كان بعد كده كمان كنا اتعجننا بقى. خرجنا طبعا من العربية بعد اربع خمس لفات في الهوا. انا يعني كلنا كنا معتقدين ان احنا متنا متنا يا - 00:02:09ضَ

يعني يعني انا افتكرت ساعتها آآ عارفين نزرية الوزة المدبوحة. فانا واقف مستني اقع ما بقعش. هاقع اهو ما بقعش. ابص للي حواليا ما بيقعوش وبعد كده بدأنا ايه عندنا جرأة ان احنا نشوف كده الدنيا حوالينا فلقينا اللهم لك الحمد وقاموا جايبين لنا عربية تانية وقمنا مكملين المؤتمر اللي كنا رايحين فيه ولكن العربية اتعدت - 00:02:29ضَ

بقت حتة كفتة كده. اتعلمت من الموقف ده ايه؟ انك انت ما تتوهمش انك راكب يعني ما تتوهمش حاجة فوق الواقع بتاعك. ما تتوهمش حاجة اعلى من الحقيقة اللي انت فيها. انت خد بالك. انت ممكن وانت ماشي في الطريق لربنا تيجي لك حتة فتنة صغيرة. زي الموتوسيكل الصغير اللي زهر لنا كده. حتة - 00:02:49ضَ

فتنة ما تساويش. واحدة على السوشيال ميديا تبعت لك واحدة اصلا يعني يعني بعيدة جدا على ان حد يبص لها. ممكن اي فتنة صغيرة تلاقي نفسك اتقلبت اربع قلبات ومش كل واحد بتتقلب بالعربية - 00:03:09ضَ

اربع قلبات بيطلع سليم. الغالب ما بيطلعش اصلا منها. فانت خد بالك انت لازم تبقى عارف. انت لازم تمتن نفسك. انت لازم تمتن دينك. انت لازم تشتغل على تربيتك. انت لازم عارف لما واحد مسلا خد ابتدائية فانت بتتكلم معه فبتقول له يا ابني لازم تكمل تعليم. يقول لك يعني ايه اكمل تعليم. ده انا خدت ابتدائية. يا ابني انت من غير - 00:03:24ضَ

كمل تعليم ما لكش ستين لازمة في المجتمع اصلا. يا عم انت انا مش فاهم ان ده انا خدت عربي وخدت حساب. وخدت انجليزي وعرفت مش عارف ايه! يا عم انت مش عارف انا خدت ايه! ده انا ديناصور نائم! انت مش متخيل! يا ابني كمل تعليمك هتروح في داهية! هي دي - 00:03:44ضَ

الكلمة اللي انا جاي آآ اقولها لك. كملوا تعليمكم يا جماعة. كملوا تربيتكم. كملوا طريقة تربية في الدين. لان واحد يقول لك ده انا حضرت دروس. يا حبيبي ما هو مش كفاية - 00:04:04ضَ

ده انا مرة رحت لشيخ تحت مسجد اداني نص كتاب آآ نص فقه طهارة وخدت كلام كبير قوي يا حبيبي اللي انت بتعمله ده. يا ابني كل ده ديوان التزام. كل ده ما يجيش اولى ابتدائي التزام اصلا. حبيبي لازم تكمل بناءك وتكمل تربيتك. انا الوقت اللي قلت لك انزل لو سمحت انت هتنزل النهر داهو. نهر النيل - 00:04:14ضَ

تقعد تعدي لحد الناحية التانية في طلخا. فقلت لي تمام. وايه يعني؟ ده انا سباح ماهر جدا. جيت تنزل لقيت مليون واحد زيك بالزبط كده نايم على ضهره وكده على الماية ومبرق ومطلع لسانه مات. مليون جسة قدامك في النيل. يعني لو انت عاقل اول حاجة تسألها هي الناس دي غرقت ليه - 00:04:34ضَ

لو الموضوع مجرد سباحة انا يعني انا بعرف اعوم. انما مليون جسة لأ لازم اسأل هي الناس دي غرقت ليه؟ ما هو انا نازل في مكان اللي منه يتعدوا على الصوابع. والاصل الغرق. انا قلت لك مسلا خد العربية دي وسافر مصر. انت ماشي لقيت مليون عربية مولعة على الطريق. لأ يبقى انا لازم افهم الاول - 00:04:54ضَ

الطريق ده ايه مشكلته؟ مليون واحد كانوا في وقت من الاوقات ولحد قريب بيسمعوا دروس دينية وبيحضروا ايفنتات دينية وبيسمعوا مقاطع دينية العربية بتاعته اتقلبت في اي حاجة. ليه؟ لانه ما حطش نفسه في المكان الصح. لانه ما اتحصنش بالصحبة الصالحة. لانه ما عرفش يعني ايه اللهم يا مقلب القلوب ثبت قلبي على دينك - 00:05:14ضَ

لانه ما ترباش. لانه ما دخلش في بيئة ايمان. لانه ما ربطش طوق نجاة. فاول ما ظهر له موتوسيكل صغير وهو على طريق الدين اول ما ظهر له فتنة دنيا صغيرة انشغالا شغل دنيوي اي حاجة صغيرة اتقلب وما طلعش تاني. خلاص بقى زي الوزة المدبوحة - 00:05:34ضَ

حق وحقيقي بقى ماشي في الارض كدهو وانا اهو والله يا جماعة ده انا زي الفل ان شاء الله انا راجع تاني للدين وراجع تاني وهو مدبوح اصلا. هو ايمانه جواه مدبوح هو دينه جواه مدبوح - 00:05:54ضَ

هو متهيأ له ان هو هو مخدوع في شكله. مخدوع في آآ في حاجات معينة او بعض مزاهر تداول في حياته. انما حقيقة هو بعيد. هو بعيد مش عايزين نعيش في واقع وهمي. الالتزام يا جماعة او قرار التوبة عامل زي طوق نجاة. يعني انت في وقت من الاوقات ممكن كنت بعيد عن التدين - 00:06:04ضَ

وآآ واحد يعني اللي بيغرق في بحر فلما بيترمى له طوق نجاة. طوق النجاة بيمسك فيه وبيكلبش في طوق النجاة لحد ما بيعوم للشط. انما لما بيوصل للشط ما ينفعش - 00:06:24ضَ

يعيش جوة طوق نجاة ما فيش حد بيعيش يقول لك انا الحمد لله انا انا خدت طوقنا جه وهعيش فيه بقى وهتجوز فيه وهخلف فيه وهربي عيالي فيه وهبني مشروع كمان اخد حتة كده ده - 00:06:34ضَ

اخره يوصلك للشط اما بتوصل للشط لازم تاخد ارض ولازم تبني بيت عشان تعيش فيه. انت الوقتي المقطع اللي انت سمعته اسر فيك الدرس اللي انت سمعته فيك. الحاجات دي كلها كانت طوق نجاة. فين حياة الدين بقى؟ لازم تبني لنفسك جوة الدين. لازم تفهم ان الدين ده حياة يا جماعة. الدين ده طريق - 00:06:44ضَ

الدين ده طريق كبير عامل زي رقم المحمول كده ما ينفعش لو انا بقى اسمك ايه ابراهيم لو انا بتصل بابراهيم واتصلت بالحداشر رقم صح بس غيرت رقم مكان رقم هيرد علي آآ آآ ابو ابو احمد من - 00:07:04ضَ

في اسوان مسلا بتصل بالراجل هنا ده حاجة تانية خالص. ده ده هم نفس الحداشر رقم. الطريق له ترتيب. ما ينفعش. ما ينفعش انك انت جوة الطريق بدماغك. يا اخوانا اللي عايز يكمل لازم يفهم ان الطريق مش سهل. ولازم يفهم ان هو لازم يتربى ولازم يتبنى. ولازم يغير تفكيره في الدين. ولازم يبقى اكثر جدية - 00:07:21ضَ

في طاعة ربنا سبحانه وتعالى لان الجسس كتير المنتكسين كتير اوي. انت داخل في طريق تدين فيه مئات الالاف مئات الاف مين ؟ انا من وانا قدك انا انا كان فيه مئات الالاف من الملتزمين معنا في الجامعة والدروس وخطب الجمعة ولا واحد منهم عاد موجود الوقتي. اللي مكمل منهم اللي بقوا دعاة - 00:07:41ضَ

بس يعني ما حدش عنده وجوده دلوقتي اصلا. بعدها بخمس سنين كل دول راحوا وجه غيرهم. والمساجد اتملت تاني والخطب اتملت تاني. وبعد كده عليه العوض بعدها بخمس سنين جه غيرهم على فكرة انت كل ست سبع سنين في المجتمع تلاتة اربعة مليون شاب بيلتزموا وبيتوبوا لربنا وبعد خمس سنين كل - 00:08:01ضَ

الموتوسيكل اللي بيطلع في طريق كل واحد منهم يقوم مقلوب وعليه العوض. والسلام عليكم قصص قصيرة. معظم الملتزمين اللي انا شفتهم في حياتي قصص قصيرة لحد ما اتقلبوا انت ناوي تكمل ولا مش ناوي تكمل؟ انت عايز تكمل مع ربنا ولا مش عايز تكمل مع ربنا؟ انت عايز تعمل حاجة في الدين ولا مش عايز تعمل حاجة في الدين؟ انت عايز يبقى لك مستقبل مع الله ولا مش عايز يبقى لك مستقبل مع - 00:08:21ضَ

الله. القصة مش سهلة يا اخوانا. الله سبحانه وتعالى يقول ولقد علمنا المستقدمين منكم ولقد علمنا المستأخرين. يعني انا اعلم اللي بيطلع لقدام واللي بيرجع لورا يا رب ما فيش حد واقف في النص ما فيش حد واقف في النص. انت يا بتطلع لقدام يا بترجع لورا - 00:08:41ضَ

حدش واقف في النص ما في يعني الكلمة اللي احنا سمعناها دلوقتي دي. الكلمة دي يا تطلعك لقدام يا ترجعك لورا. يا اما بعدها اه انا لازم اتربى. انا لازم احط نفسي في المكان الصح. انا ما ينفعش احط نفسي في المكان - 00:08:57ضَ

غلط انا ما ينفعش احط نفسي وسط صحبة هم. يعني ناس عندها هم دين بس هي ما عندهاش همة. ما ينفعش اصح واحط نفسي وسط صحبة دم بارد. يعني ناس - 00:09:08ضَ

من برة ملتزم ولكن دمهم بارد. اللي هو شايل قضية امة ولا قضية فلسطين ولا قضية دعوة. ولا قضية ان ربنا يستعمله. ولا القضايا دي اصلا في دماغه خالص يعني. هو خلاص يعني ايه رضا - 00:09:18ضَ

الدين بحاجات معينة كده وشكله بقى حلو وبيصلي الخمس فروض. والسلام عليكم. ولا ينفع احط نفسي وسط صحبة تضييع اعمار. وسط ناس يعني هي مش ناجحة اصلا لا دين ولا دنيا. هتبرد لي دمي وهتضيعني. انا لازم احط نفسي وسط صحبة همة. انا لازم احط نفسي وسط شركاء نجاح. انا لازم افهم - 00:09:28ضَ

يعني ايه شركاء نجاح؟ انا لازم احط نفسي في المكان الصح بقى. ما ينفعش انا حاطط نفسي في مكان غلط بقى لي مدة لازم اتربى ولازم اتبنى من الاحاديس اللي ترعب اي واحد - 00:09:48ضَ

وتفهموا يعني ايه واحد ما كملش تربيته. عارف بالظبط كده واحد مسلا ايه ؟ قال لك انا مش هاكمل تعليمي. يا ابني كمل مش هاكمل تعليمي. ده مش هيفهم الوقتي. ده مش هيفهم - 00:09:58ضَ

غير بعد خمستاشر سنة. اما يشوف اصحابه اللي يكملوا تعليمهم وصلوا لايه. اما يشوفوا اما يشوف آآ هو اتبهدل قد ايه بعد كده لانه ما كملش. بالزبط كده اللي مش هيكمل تربية - 00:10:08ضَ

اما بعد خمستاشر سنة يشوف بقى صحابه اللي يكملوا تربية. اللي يكملوا طلب علم. اللي يكملوا حفز قرآن. اللي يكمله بيئة ايمان. اللي يكمله صحبة همة شف دول وصلوا لايه هيحزن على نفسه بعد كده. آآ حديس النبي عليه الصلاة والسلام والحديس في البخاري - 00:10:18ضَ

ان المؤمنين بيعدوا مع بعض عارف بيعدوا مع بعض ايه زي شلل كده مجموعات يعني. زي ما كانوا في الدنيا مجموعات صحبة يعني. ففي ناس منهم بتعدي فبعد ما بتعدي من على الصراط - 00:10:35ضَ

طبعا الصراط بيقع فيه ناس بيحتبس عليه ناس يعني يقفوا يتحبسوا عليه كده يبقوا اصحاب اعراف. يقعدوا يكملوا يوم القيامة على الصراط وجهنم تحتهم. لا بيقع ولا بيكمل. يعني بيصاب عليه اصابات ناس بس بيكملوا. فدول عدوا فبيبصوا لقوا فيه ناس من اصحابهم الصالحين. الملتزمين مع - 00:10:45ضَ

مش معهم. فيقفوا آآ اجروا على الجنة. جنة ايه! يقولون يا ربنا كيف ننعم واخواننا في النار! انا هابقى بتمتع وصاحبي اللي انا كنت باحضر معه ايفنتات كنت بصلي معه الفجر في الجامع. واللي كنا بنحضر مع بعض دروس واللي كنا بنعتكف مع بعض في العشرة الاواخر. واللي كنا بنطلع مع بعض عمرة وصاحبي بيولع في جهنم. يا رب - 00:11:05ضَ

كيف نلعب اخواننا في النار؟ ما اقدرش يا رب. فالرسول عليه الصلاة والسلام بيوصف مناشدتهم لله. واقفين انا مش هاقدر ادخل الجنة واخويا في النار فربنا يقول لهم ايه؟ فربنا يحرم صورهم على النار. ويقول لهم ادخلوا النار. ادخلوا النار. طلعوا اخوانكم من النار. طلعوا الصحبة بتاعتكم - 00:11:25ضَ

الرسول عليه الصلاة والسلام يقول في صحيح البخاري فيخرجون من عرفوا. كلمة يخرجون من عرفوا دي كلمة توجع القلب اوي. يعني مين اللي عارفك يخرجك ساعتها مين اللي عارفك؟ يعني يخرجون من عارف ودي كلمة انت تخرج بها لاي شاب برة الوقتي. تقول له يا ابني مين الصالح اللي عارفك لو انت زنوبك وقعتك يوميها - 00:11:44ضَ

وشف واحد يدخل جهنم يخرج اخوه. اخوه ده بقى حتة فحمة. جهنم خلته فحمة. فده مش خارج شايل اخوه كده على كتفه. واخوه بقى مجروح وبينزف دم دم مين يا ابني ده شال حتة فحمة. لسة هتترمي في نهر الحياة عشان يرجع بني ادم تاني. ده دخل يا بخت من كان صاحبه راجل. بس انا مش باقول الحديس ده عشان كده. انا - 00:12:04ضَ

بقول الحديس ده عشان الكلمة اللي هم بيقولوها لربنا عشان ربنا يشفعهم في اخوانهم. يقولوا له يا رب اخواننا كانوا يصلون معنا. معنا وكان يصومون معنا وكانوا يعملون معنا. يا رب ده احنا كنا بقية ايمان مع بعض. يا رب ده احنا كنا آآ صحبة صالحة مع بعض. الله! امال لما هم كانوا يصلون معكم - 00:12:24ضَ

يصومون معكم ايه اللي وقعهم في جهنم؟ ايه اللي وقع الناس دي في النار؟ اللي وقع الناس دي في النار يا جماعة بالتأكيد كبيرة من الكبائر. بالتأكيد معصية سر ما كانش حد عارف عنها حاجة. هو كويس قدام الناس. بس ما كانش قادر على نفسه هو لوحده. اصل خد بالك انت مهما آآ - 00:12:44ضَ

مهما كان معك صحبة صالحة انت معزم حياتك لوحدك فيها. يعني ما حدش مش ممكن هتجيب صحبة صالحة التلات ساعات اللي بتقضيهم في البيت بالليل لما تروح. وانت قاعد قدام السوشيال ميديا اقعد جنبك - 00:13:01ضَ

تبقى احسن اقع في اي حاجة ولا الطم في اي مقطع وحش انت انت معظم حياتك لوحدك مهما كان عندك صحبة صالحة. الحتة اللي لوحدك دي محتاجة دين. الناس دي اللي - 00:13:11ضَ

ضيعها انها ما كملتش تربية. ان هي افتكرت ان هو انا كده ملتزم. لأ يا حبيبي انت لازم تكمل بقى. لازم تتبنى. لازم تتربى. لازم تكمل طريق الرسول عليه الصلاة والسلام يقول ينام الرجل النوم ينام النومة دي مش معناها راح يعسل تعسلة بعد العصر كده نام على مخدة. ينام النوم يعني يغفل الغفلة - 00:13:21ضَ

الرسول بيقول لك ينام الرجل النوم فتقبض الامانة من قلبه زي ما النبي بيقول ولن تعود قلوب الى ما كانت عليه. يصحى يلاقي قلبه اتغير وهو مش عارف يرجعه تاني - 00:13:41ضَ

مش عارف يرجع القلب المقبل على الله ده تاني. ما هوش عارف يجيب القلب المنور بتاعه ده تاني. مش عارف. ما هواش عارف الله سبحانه وتعالى بيوصف قلوب الصالحين بيقول - 00:13:52ضَ

الزجاجة اللي هو القلب يعني كأنها كوكب دري. انت لو انا فتحت قلبك الوقتي وبصيت على صدرك كده من جوة هلاقي كوكب دري قدامي شفت المفاجأة! شفت الصدمة! ربنا بيوصف قلوب الصالحين انها كوكب درية. يعني ايه درية؟ درية دي في اللغة يعني منطلق من دفع لا يتوقف. قلب - 00:14:02ضَ

منطلق في الطاعة قلب وثاب. قلب عايز يطيع ربنا. عايز يوصل لربنا باي طريقة. قلب متلهف على العمل الصالح. هو ده القلب بتاعك. وذرية يعني منور ليل نهار ما بيغيبش نوره في السما. انت قلبك موصول بالليل النهار. انت قلبك عايش مع الله ليل نهار زي النبي عليه الصلاة والسلام. يا عائشة ان عيني تنام ولا ينام - 00:14:22ضَ

قلبي. اخواني في الله القرآن بيوصف منظر رهيب. رهيب بعد حوار منظر يقهر. بعد حوار طويل دار بين سيدنا موسى وبين بني اسرائيل. وهو بيقنعهم انهم يدخلوا قدس يدخلوا الارض المقدسة. يدخلوا يفتحوا فلسطين وفي الاخر قالوا له انا ها هنا قاعدون. الكلمة دخلت في قلب موسى كانها سكينة - 00:14:42ضَ

الكلمة طعنة موسى كأنها طلقة نار دخلت جوة قلبه. سيدنا موسى وقف في اخر مشهد له في حياته في القرآن. وهو بيقول لربنا فلسطين اهي يا رب. بس ما فيش - 00:15:04ضَ

فلسطين اهي ما فيش رجالة. احنا واقفين على بعد اه كيلو متر ولا اتنين كيلو متر منها. شايفينها بعنينا. بس ما فيش رجالة. اه ربي اني لا املك الا نفسي - 00:15:14ضَ

فيش حد عايزين رجالة يا جماعة الدين محتاج رجالة. رجالة في الهم بتاعها. تبقى راجل في الهم بتاعك. عارف ابو ايوب الانصاري لما كان رايح فتح آآ تركيا آآ آآ رايح فتح تركيا وهو آآ كان عنده فوق التسعين سنة. وقال ما ابقت لنا اية النفير جنبا ننام عليه. اللي هو انفروا - 00:15:24ضَ

صفافا وثقالا ما اقدرش انام. تسعين سنة ولا احفاده خارجين يجاهدوا معه. وهو مصمم انه يجاهد في سبيل الله. وهو في السفينة في البحر في المحيط الهادي فكان بيموت فقال لهم اذا انا مت فلا تلقوا جسدي في البحر. ما ترمونيش في البحر. استنوا شوية. لحد ما نلاقي جزيرة استنوا شوية. ليه بقى؟ قال لهم - 00:15:44ضَ

حتى اذا لقيت الله قلت يا رب جاهدت فيك حيا وجاهدت فيك ميتا. انا يا رب كنت مع الجيش وانا حي وكنت مع الجيش وانا جوز وميت. انسان عنده هم في الدين. انسان بيفكر في قدام. انت بتفكر لقدام بالمنزر ده. اكتر عشر تيام انا كنت مريض اكتئاب فيهم. انا نزلت لقيت بلد ضلمة - 00:16:04ضَ

ضلمة ما فيش فيها كهربا آآ يعني مسلا رايحين نصلي الفجر فالشيخ بيقول لي مسلا آآ آآ انا سابقك على المسجد فالشيخ مسلا زي ما كان حجاج كده والله مش شايفه اصلا انت وانت وسط الغابات يعني لما حبوا يكرمونا اوي نزلونا وسط الغابات. حاجة مكان يعني وحشة لا تتخيلها - 00:16:24ضَ

يعني مهما قعدنا نوصف فيها غير الناموس بقى والحمد لله الواحد رجع بمماليكنا انتي ملاريا بالطب اسمها ملاريا خبيسة يعني اخطر نوع من انواع الملاريا يعني اللهم لك الحمد. نسأل الله العفو والعافية. فكانت ايام صعبة جدا. فوانا بقى في وسط هزه الايام بقى والليالي بتاعة اوغندا ما اوصفلكش يعني. ما فيش حاجة اصلا. يعني - 00:16:44ضَ

ليالي اوغندا انا كنت بصحى كل يوم الساعة حداشر بالليل اقعد اصلي قيام ليل الفجر. مش علو ايمان ولا علو همة لان ما فيش حاجة تانية اعملها. يعني خلاص تقعد تصلي قيام ليل لحد الفجر وبعد الفجر نبدأ نطلع بقى نايه في الدعوة الى الله لحد المغرب او لحد العشاء وبعد كده ترجع - 00:17:04ضَ

تنام لك الساعتين وبعد كده ايه تصحى يعني من اجل انك انت ايه تتصبر على هزه الايام بقيام الليل. وانا بقى في هزه الرحلة الدعوية ولقيت واحد بيكلمني عارفين الشيخ السميط الله يرحمه. الشيخ السميط ده حداشر مليون افريقي اسلموا على ايديه. شيخ السميط ده يعني امام دعوة غير المسلمين في العالم في في - 00:17:19ضَ

في السنين اللي فاتت دي فكان واحد بيقول لي بقى اما نزل هنا اما كان في اوغندا بيقول كان قاعد هو وزوجته على باب آآ بيتهم كده في اوغندا البيوت هناك آآ بيوت هناك قشة يا جماعة. يعني افتكر عمدة قرية كان بيقول لنا آآ وانا واقف معه بيقول تخيلوا عود كبريت يولع في القاضي كان - 00:17:39ضَ

القاضي بتاع القرية. آآ القرية دي كانت مسلمة. تخيلوا عود كبريت يولع في القاضي وفي بيته كله. يعني كان يعني بيتكلم ايه؟ كان بيكلم الناس اللي معه ان هم يبنوا له بيت يعني بدل قاعد الشيخ السميط هو وزوجته قدام البيت بالليل وبيقول لها لو اهل الجنة في النعيم - 00:17:59ضَ

احنا في ده يبقى الجنة دي حاجة لا توصف. انا لا اتخيل ان فيه نعيم اعظم من اللي احنا فيه ولو كان الجنة انت متخيل بقى انت واحد مستصعب الموضوع ومستصعب البلد ومستصعب الناموس ومستصعب الوحشة ومستصعب الضلمة ومستصعب ان ما فيش كهربا وتلاقي - 00:18:19ضَ

واحد خبطها في دماغي. الشيخ السميط كان هنا وبيقول الكلمة دي. ايوة يا جماعة المرجلة بقى. المرجلة في ناس عندها رجولة في همتها. في ناس عندها رجولة في التضحية بتاعتها - 00:18:38ضَ

لما باتخيل لما بزور شهداء احد في اي عمرة. وتخيل لحزة البعس. شهداء احد دول هيطلعوا ازاي؟ ما هو كل واحد بيبعث على ما مات عليه. ده ده سيدنا حمزة طالع وشايل كبده وكبده ده مفروم لحمة مفرومة كده. في ايديه وطالع يجري في في على حوض النبي عليه الصلاة والسلام. عبدالله بن جحش شايل امعاءه وشال - 00:18:48ضَ

ودانه وشال مناخيره لانه اتقطع حتت. واتمثل وبيجري على النبي عليه الصلاة والسلام. مصعب ابن عمير بقى واحد قايم اربع حتت. ايده اتقطعت لوحدها وايده التانية لوحدها. ورقبته بعيد عن جسمه ده واحد قايم اربع حتت وبيجري على النبي عليه الصلاة والسلام. انت هتقوم تقرب من النبي بايه؟ ايه اللي انت هتقرب من النبي عليه الصلاة والسلام؟ بواحد من اخوانا مرة - 00:19:08ضَ

حلم ان هو على حوض النبي فقاعد يزاحم بقى ويزق عشان يطلع قدام. فواحد بص له في الرؤية قال له مش بالدراع. الهنا الموضوع ما عدش الدراع ده كان في الدنيا - 00:19:28ضَ

بتاخد حاجة قدام. انما انت الوقتي ما عدتش دراع. انت الوقتي مقامك على حسب انت كنت ايه في الدنيا ثم يبعثكم فيه. يبعثكم فيه في العمل اللي انت مت عليه. وهو الذي يتوفاكم بليل ويعلم ما جرحتم بالنهار. ثم يبعثكم فيه انت بتقوم في اللي انت - 00:19:38ضَ

كنت بتعمله. انت من الوقت بتفرش قبرك. انت من دلوقتي بتفرش يوم القيامة بتاعك. هتقابل ربنا تقول لربنا ايه؟ ايه اللي انت مجهزه للقاء الله سبحانه وتعالى؟ العلماء قالوا ان الغافل - 00:19:55ضَ

اشد من العاصي. قالوا لان العاصي بيعمل معاصي فهو ساعات هيفوق وهيقرف من نفسه. قالوا انما الغافل ده لا بيعمل معاصي ولا بيعمل طاعات. وفاكر ان هو ماشي في ما فيش حاجة اسمها ماشي في النص ولا لمن شاء منكم ان يتقدم او يتأخر. عايز تطلع لقدام ولا ترجع لورا ؟ لا والله حضرتك انا عايز اقف في النص. ما فيش في النص يا حبيبي - 00:20:05ضَ

ما فيش في النص الموضوع ده مش موجود. ده الاوبشن ده مش موجود اصلا في الدنيا انت الوقتي الكلام اللي بتسمعه ايه ؟ يطلعك لقدام يا يرجعك لورا ويقسي قلبك اصلا. لانك انت لم تستجيب لله سبحانه وتعالى فيه. عايزين نكمل تربيتنا يا جماعة - 00:20:25ضَ

عايزك تهتم بتربيتك. عايزك تهتم ببنائك. عايزك تهتم انك انت تكمل طريقك لربنا سبحانه وتعالى. ما فيش في الدين مستقبل ما فيش في الدين مستقبل لواحد ما كملش البناء بتاعه التربية بتاعته. الراجل كانوا يعملون ويصومون ويصلون وقع في النار من على الصراط. ليه؟ لان الطريق طويل انت محتاج انك - 00:20:41ضَ

انت تكمل الطريق مع الله سبحانه وتعالى. حبيب الله محمد عليه الصلاة والسلام. يقول اتدرون اول من يدخل الجنة من خلق الله؟ عارفين من الاوائل على البشرية؟ قالوا لهم ايه؟ قال لهم الفقراء المهاجرين - 00:21:01ضَ

يعني كان فقير يعني من الاول كده. واحد كان عنده ظروف مادية. وكان عنده احتياجات مادية. وكان عنده عوارض. وكان عنده شغل كتير عشان يقدر يصرف. العوارض ما هياش مانع من انك تنطلق الى الله. وبعد كده النبي وصفهم لهم بقى. قال لهم الذين تسد بهم الثغور. كانوا رجالة. كانوا مع الاسلام رجالة. فضل يتبنى - 00:21:11ضَ

لحد ما وقف على ثغر من ثغور الدعوة الى الله. ويتقى بهم المكاره. كان راجل ويموت احدهم وحاجته في صدره لا يستطيع لها قضاء. كان عنده احلام في الدنيا زيه زي اي شاب. وكان عنده طموحات في الدنيا وكان نفسه يعمل حاجات كتير اوي. بس هو احيانا كان بيتحط في مفارق صعبة بس كان بيختار صح - 00:21:31ضَ

هل انت مستعد للمفارق الصعبة؟ انت جاهز للمفارق اللي انت هتتحط فيها تتحط فيها في الحياة. جايز النبي عليه الصلاة والسلام واقف على منبر الجمعة بيخطب الجمعة. والمدينة المنورة في اللحزة دي الحديس ده - 00:21:51ضَ

في صحيح ابن حبان والحديث سابت عن النبي عليه الصلاة والسلام. فالنبي عليه الصلاة والسلام بيخطب الجمعة وكان الوقت ده فيه مجاع يعني فيه ازمة غزائية في المدينة المنورة. ازمة غزائية يعني السلع - 00:22:03ضَ

الاساسية مش موجودة. والاسعار بتاعتها غلط جدا. والنبي بيخطب جت قافلة دحية الكلبي. دحية الكلبي ده صحابي من اصحاب النبي عليه الصلاة والسلام. ولكن في الوقت ده كان لسة كافر. كان لسة ما اسلمش. وكان تاجر كبير جدا وكان تاجر زكي جدا. دحية الكلبية كانت القوافل بتاعته نزامها كلها ان عبارة عن بيتاجر في السلع - 00:22:15ضَ

الغزائية الاساسية بس. يعني يتاجر في الحاجات اللي زي الزيت الحاجات الاساسية بس. وكان عامل فريق فني مع القافلة بتاعته اول ما بينزل اي بلد الفريق يقعد يدق الطبول يقلب البلد كلها. فتجارة ولهو في نفس الوقت. الصحابة سمعوا بصوت قافلة داحية الكلبي. الكل عرف طبعا ان دي قافلة ضحك - 00:22:35ضَ

سلبي وسلع اساسية والحق يا اما هتخلص القافلة من غير ما تلحق انك انت تحط تموين في بيتك والحق بالاسعار اللي موجودة. وصوت الطبول صوت الفريق الفني اللي معه الصحابة كلهم خرجوا وسابوا النبي عليه الصلاة والسلام. ما قعدش مع النبي عليه الصلاة والسلام غير حداشر واحد وامرأة - 00:22:55ضَ

حداشر راجل وامرأة ست بس بمية راجل. حداشر راجل وامرأة. الحداشر راجل منهم جابر ابن عبدالله الانصاري وابو بكر وعمر. النبي عليه الصلاة والسلام قال للي فضلوا ايه عشان تعرف انت من اللي هيفضلوا ولا من اللي هيجروا على الدنيا. ما دام افرق من المفارق الصعبة. ربنا قال في القرآن كده ان الله مبتليكم بنار. مش مبتليكم بمصيبة - 00:23:13ضَ

بنار مبتليك بدنيا. ربنا هيختبرك بدنيا. هي الدنيا دي ايه؟ هي الدنيا دي ده اسر دنيوي للطاعنة متدين. فربنا اداني فرصة في الدنيا عشان ربنا بيحبني. لأ يا حبيبي. فرصة الدنيا اللي اكرام من ربنا بسبب دينك هي الفرصة اللي هتساعدك وتسندك اكتر في طريق الدعوة. الدنيا اللي - 00:23:33ضَ

تخطفك من الدعوة وهتخطفك من التربية دي وبال عليك. ده دي مش دنيا ده دي فتنة ربنا بيمتحنك بها. ان الله مبتليكم بنهر. هتنجح في خبر ولا لأ ؟ الرسول عليه الصلاة والسلام قال للحداشر اللي قعدوا قدامه. قال لهم والله لو تتابعتم حتى لم يبق منكم احد. لو كان كله خرج - 00:23:53ضَ

بما فيهم انتم الحداشر لسال بكم الوادي نارا. كانت ولعت بكم. كان ربنا نزل صعقة على اهل المدينة المنورة. او عايز تبدل قوما غيركم هو ربنا مش محتاج حد سبحانه وتعالى انت اللي محتاج ربنا. انت اللي محتاج ان ربنا يستعملك. هو كده كده ربنا ينصر دينه. وربنا بيغرس لدينه بكلتا يديه سبحانه وتعالى. كما قال النبي صلى الله عليه وسلم - 00:24:13ضَ

القضية انا عايز شرف ان انا كنت من جنودك يا رب. ان انا وقفت مع الاسلام في الازمة اللي هو فيها دي. ان انا كنت شغال في الدعوة. انا كنت باتكلم عنك يا رب. انا كنت باتكلم عنك. انا كنت - 00:24:35ضَ

شغل لي دينك والناس كلها مشغولة بالدنيا. انا كنت مشغول بك انت. فالنبي عليه الصلاة والسلام قال لهم والله لو لو تتابعتم فلم يبق منكم احد. لو كله كان خرج - 00:24:45ضَ

لا سال بكم الوادي نارا. كان ربنا ساب المدينة دي هتولع. اه زي ما الناس دلوقتي اللي بيبعد عن الدين هو اللي بيعيش في حريقة. حريقة جوة قلبه وحريقة جوة دماغه هو اللي بيشرب - 00:24:55ضَ

مخدرات بيشرب ليه؟ عشان يسكت ده ويسكت ده. يسكت دماغه ويسكت نفسيته. ربنا سبحانه وتعالى الانسان اللي بينشغل بالله ربنا بيهدي له ده وبيهدي له ده عايزين نكمل تربية. لان فيه مفارق صعبة انت هتمتحن فيها. عايزين نكمل تربية. لانك انت لازم تنشن على الفردوس الاعلى. ايه قيمة الدنيا؟ لو في الاخر - 00:25:05ضَ

ما دخلتش الفردوس الاعلى. ايه قيمة الدنيا لو في الاخر ما خدتش مقام عالي في الجنة؟ الله سبحانه وتعالى يقول في سورة ال عمران وسارعوا. سارعوا بسرعة بسرعة بسرعة خد بالك ده المقام الاقل. المقام - 00:25:24ضَ

لسه في مقام سابقه. وسارعوا ما ينفعش ما تجيبش جيد جدا. عيب يعني آآ هات امتياز. يعني ده ده اقل حاجة ينفع تعملها. لان امتياز في هل الاخر سهل جدا. امتياز في امتحان الاخرة حاجة بسيطة بازن الله سبحانه وتعالى. فربنا يقول وسارعوا الى مغفرة من ربكم وجنة عرضها السماوات والارض. في سورة الحديد - 00:25:34ضَ

بقى ربنا بيقول سورة الحديد دي سورة ها عارف الحدود الناس اللي بتوسع حدود الدين في الارض ففي سورة الحديد ربنا بيقول وسابقوا لا مش سارعوا. سابقوا دي مسابقة بقى. يبقى الجنة بتاعة سابقه اوسع واكبر. طب ايه الفرق بين سارعه وسابقه - 00:25:54ضَ

كل واحد هيزاكر هيجيب تسعين في المية في السانوية العامة. انما مش كل واحد هيزاكر هيطلع من العشرة الاوائل على الجمهورية. اهي دي. يبقى الجنة فيها درجات لكل واحدة يسارع - 00:26:14ضَ

وفيها درجات بالعدد مش هياخدها غير الاوائل بس. ايه اللي منعك انك تسارع؟ وايه اللي منعك انك تسابق؟ وايه اللي منعك انك تتنافس على الدرجات العليا من الجنة؟ ايه اللي مانعك انك انت ينام الرجل النوم فتقبض الامانة من قلبه؟ انا ما ينفعش انام. ما ينفعش تنام - 00:26:24ضَ

ما ينفعش انت مش جاي هنا تنام. انت مش جاي هنا تغفل. طب ما اغفلش ازاي حط نفسك في المكان الصح وانت ما تغفلش. حط نفسك وسط صحبة لو جيت راسك تقع حد منهم يزقك ويقول لك - 00:26:41ضَ

فوق اصحى حط نفسك وسط ناس ايقاظ. حط نفسك وسط صحبة همة. الله سبحانه وتعالى يقول يوم القيامة وجعلنا بينهم موبقا. بينهم اي علاقتهم وتواصلهم زات البين اي زات العلاقة وزات الوصل. وجعلنا بينهم جعلنا صحوبيتهم لبعض موبقا. ودوا بعض في ستين مصيبة. ليه - 00:26:51ضَ

لان هم في الدنيا صرفوا بعض عن الله سبحانه وتعالى. صاحبك اللي جنبك ده بيقربك من ربنا ولو يبعدك عن الله سبحانه وتعالى. الرسالة اللي احنا عايزين نقولها يا جماعة - 00:27:11ضَ

هي ان آآ الطريق اللي ربنا له قواعد والوصول لربنا له قواعد وزي ما الكلام اللي انا سمعته اول ما جيت ان فيه حتميات يقول لك الاستمرار مش عارف حتمية الوصول يعني ايا ما كان بقى الموضوع فيه حتميات في الطريق لربنا. اللي مش هيتربى مش هيوصل لحاجة. ما فيش ما فيش ما فيش بمعنى ما فيش - 00:27:21ضَ

اللي مش هيتربى في الدين وهيطلب علم في الدين ويحفز شيء من القرآن في الدين. ويدخل مشاريع تربوية في الدين. ده يا جماعة بالزبط بالزبط زي اللي في الدنيا اللي ما اتعلمش دنيا. اللي ما دخلش اعدادي وسانوي. اللي ما اترباش مش هيوصل لحاجة في الدين. ما لوش مستقبل. عايز يبقى لك مستقبل في الدين؟ ولا مش - 00:27:41ضَ

عايز يبقى لك مستقبل في الدنيا. عايز تعيش في سي في وهمي وهمي ويديها لك انك انت حاجة في الدين كويسة بس انت حقيقة عارفين اللي كان على الفيس نزل آآ انا معي اجازة من جامعة كامبريدج - 00:28:01ضَ

في التنمية البشرية والادارة والقيادة والتدريب والكوتشينج والميتا كوتشينج والذكاء العاطفي وعلم الشخصيات وانماط الشخصية واضطرابات ايه يا عم في ايه يا عم آآ هو نفسه بعد سنتين نزل تريقة على نفسه. قال له يا جماعة انا كنت نصاب ما تزعلوش مني يعني. انا كنت وهمي - 00:28:11ضَ

فيه ناس في الالتزام عايشة في سي في وهمي هو يا ابني ده مش هيخليك تقدر ان الشيطان هيجيبك لمسة كتاف هي اول مشكلة. في اول فتنة. عربيتك هتتقلب مع اول موتوسيكل دنيا يطلع لك. هتبقى جسة من الجسس اللي انتكست - 00:28:29ضَ

انت الوقت صاحي استغل لحظة يقاستك استغل انك انت دلوقتي صاحي. استغل انك انت دلوقتي فايق. آآ هو يا جماعة انا قلت لكم في النص عشان تاخدوا بالكم. الصحبة اربع انواع. فيه صحبة همة وفيه صحبة هم - 00:28:42ضَ

وفي صحبة دم بارد وفي صحبة تضييع اعمار دول انواع صحبة الملتزمين مش آآ آآ صحبة الهمة اللي هو آآ يلا بقى اما نايه يلا اما نحفظ القرآن مع بعض. يلا اما نعمل ندخل معهد تربوي مع بعض - 00:28:55ضَ

يلا ما نطلب علم مع بعض. صحبة همة. ما ضاعش وقته اصلا. هو راجل اعمال في الدين. اه ده ده علاقات هتنقل حياتك. هتحطك في مكان تاني. صحبة الهم اللي هو - 00:29:09ضَ

نفسه يبقى حلو في الدين ولكن هو لا يملك الا هم ما عندوش همة. هو بتاع هم وخلاص. آآ صحبة الدم البارد وهو واحد متدين وممكن يبقى شكله حلو كتدين - 00:29:19ضَ

قوم كده مربي لحيته وممكن يبقى بيصلي في الجامع ولكن هو دمه بارد. ما عندوش اي طموحات في الدعوة ولا طلب العلم ولا التغيير. ما عندوش اي طموحات في حاجة. هو مبسوط كده هو - 00:29:29ضَ

يعني ايه وهو ماشي سعيد كده. فده دم بارد هيبرر لك دمك. النوع الرابع صحبة تضييع الاعمار. آآ ده بقى الناس الفاشلة. في واحد فاشل دينيا اصلا ده انت هتصاحبه ده هيديها لك عمرك. فلازم تحط نفسك اه اه في وسط طب اجيب صحبة الهمة منين؟ اجيب الصحبة الحلوة منين؟ اه اللي عايز يكلم بنات بيروح يقف في - 00:29:39ضَ

المكان اللي فيه بنات ويبدأ يلغي دي ودي لحد ما حاجة تلقط. اللي عايز صحبة الهمة بيروح بيئة الايمان. بيروح تحفيظات القرآن بيروح المعاهد تربوية بروح الاماكن اللي فيها صحبة همة ويبدأ يلاغي فيبدأ يتعرف عليهم. فحط نفسك في المكان الصح تكسب - 00:29:59ضَ

آآ بصوا يا رجالة انا زمان كنت باحفز يعني انا لما تلاقيني باحفز آآ لما تلاقيني بسخن وخلاص اعرف ان انا الوقتي يعني في هزه الايام يعني او في هزه السنوات الاخيرة اعرف ان انا تقييمي للي قاعدين قدامي مش عالي. اعرف انها - 00:30:17ضَ

اللي قاعدين قدامي ان هم في مرحلة لسة بدري اوي اوي اوي اوي. فيادوبك هو لسة في مرحلة طوق النجاة. انا ما بصيت في وشكم انا حاسس ان انتم مش في مرحلة طوق النجاة. انتم - 00:30:32ضَ

وفي مرحلة اللي بقى على الشط وعايز يعرف حياته بقى. بصوا يا حبيبنا آآ آآ زمان آآ آآ الواحد كان آآ انا عايز الناس تقوم الليل فاقعد خطبة عن قيام الليل. طب خطبة عن الدعوة اللي الواحد لقاه بعد كده الكلام ده مش هيطلع لا قوامين ولا هيطلع دعاء الى الله - 00:30:42ضَ

آآ آآ بالزبط كده زي ما اجيب واحد مسلا في تالتة ابتدائي آآ اكلمه مسلا على ايه آآ ايه الحاجة العالية اللي في الدنيا؟ هو انت بتقول لي انا خايف انتكس انا في - 00:31:00ضَ

اجوان بتقول انا انتكس هو اللي بيدخل التعليم يا جماعة. بيخاف ينتكس! يا حبيبي هو دخل في مسار قهري. هو هيخلص ابتدائي يدخل اعدادي يخلص اعدادي يدخل سانوي يخلص تاني يدخل - 00:31:10ضَ

هو ما فيش حاجة اسمها انا خايف ان انا انتكس والاقي نفسي ما عدتش عايز اكمل تعليم. ما فيش الكلام ده لو مشيت في سكة منهجية انت بتكمل. طب واحد بقى وهو صغير انا لو واحد في اولى اعدادي لقيته ماشي وماسك كتاب الفيزيا بتاع تالتة سانوي. ده - 00:31:20ضَ

هو علو همة وزكاء وعبقرية ولا ده واحد دماغه تعبانة ده يا ابني اصبر كل حاجة جاية. لو انتم مشيتوا صح انا اللي انا مشغول به الوقتي يا جماعة ازاي يبقى فيه خط سير - 00:31:36ضَ

ازاي يبقى فيه خط سير بحق وحقيقي؟ مش ازاي يبقى فيه كلام بيسخن ؟ ما احنا قعدنا نسخن سنين طويلة لحد ما كان زورنا الواحد بيروح بيته في الاخر زوره - 00:31:50ضَ

فوق من كتر التسخين. من كتر التسخين ومن كتر الزعيق. هو مش ده اللي هيغيرك. مش ده اللي هيخليك راجل. مش ده اللي هيخليك بكرة توصل لقيام الليل. اللي هيخليك بكرة - 00:32:00ضَ

بكرة تبقى قوام وهيخليك بكرة تبقى داعي الى الله انك تمشي في الطريق المنهجي. طريق بقى نبدأ نطلب علم نبدأ بقى نحفظ قرآن نبدأ بقى نتربى مع بعض او نبدأ بقى ندخل - 00:32:10ضَ

في طريق تربوي. طب والكلام ده اجيبه منين؟ لما تصاحب الناس دي. لما تصاحب الناس دي. الناس اللي هي عندها طريق منهجي. ساعتها تلاقي الطريق بقى بسيط جدا الموضوع بقى سهل جدا. انت دلوقتي واقف هنا. يا جماعة شارع جيهان انا رايح شارع جيهان. تيجي معي شارع جيهان. والله ده انا بالقاهرة ومروح. حجاج. تيجي معي شارع - 00:32:20ضَ

جيهان يا عم والله العزيم ده انا رايح دمياط ومن برة برة. ابراهيم تيجي معه شارع جيهان والله ده انا هاركب توكتوك واطلع منه. يا جماعة حد ييجي معه عشان ما فيش شرع شهادة - 00:32:40ضَ

يا حبيبي اصبر بس امشي لحد شارع جيهان. اول ما تقف على ناصية شارع جيهان هتلاقي الوف مؤلفة داخلة. حد ييجي معي؟ كلنا معك. حط نفسك في المكان الصح تلاقي الدنيا كلها بتزقك لقدام. حط نفسك في المكان الغلط تلاقي الدنيا كلها واقفة في وشك. وتلاقي الدنيا كلها معارضاك. يبقى ازا انا ما عدتش - 00:32:50ضَ

نفس الوقت ايه ؟ ازاي تقوم الليل؟ ولا ازاي تطلب علم ولا طب افرض قمت الليل ها آآ دخلنا كيف بقى ايه آآ اجود قيام الليل وكيف اخشع؟ طيب خشعت كيف اسبت - 00:33:10ضَ

آآ طب سبت لأ انا انا عايز حل يا جماعة. احنا عايزين حل. الحل هو بيئة الايمان الحل هو صحبة الهمة. الحل انك تحط نفسك في المكان الصح. هتلاقي عارفين يا اخواننا من الاخر كده هجيبها لكم. عارفين اللي راكب طيارة؟ واحد راكب طيارة - 00:33:23ضَ

اندونيسيا. فاول ما ركب اه حد فيكم سافر حتت الشرق البعيدة اوي ديت انا سافرت بنجلاديش كانت طيارة تلتاشر ساعة تقريبا. آآ انت بتطلع من هنا مسلا العصر تروح هناك تلاقي لسة يعني فالتوقيت اصلا آآ التوقيت عكس بعضه - 00:33:39ضَ

اصلا يعني صعبة الولوجية بتاعتك بتترمى لما بتوصل هناك. اما كت سافرت كنت خارج مع التبليغ والدعوة يعني. في مؤتمر العالمي بتاعهم في بنجلاديش في افاق حلوة لانهما بيئة من بيئات النجاح فرقت معي جدا. فرقت معي في حاجات كتير جدا في معاني الدعوة. وده برضو اللي انا قصدي عليه. حط نفسك في المكان الناجح. حط نفسك وسط الناس الناجحة - 00:33:55ضَ

انت معظم فشلك مش بسبب انك فاشل. ولا بسبب ان همتك ضعيفة. ولا بسبب انك قليل المواهب. بسبب انك حاطط نفسك في اماكن هي اصلا مليانة انت مصاحب ناس ما فيش حد منهم عايز يعمل حاجة. فانت عامل زي تريلة جوة حارة عايزة تلف تلف مية وتمانين درجة يوتيرن. مش هتقدر - 00:34:16ضَ

مش ممكن انت لازم تخرج من الحتة اللي انت فيها دي انت لازم تحط نفسك في حتة تفوقك هو النبي هاجر ليه ؟ عشان بقية الايمان. هو اول حاجة بناها دار الارقم ليه ؟ عشان بيت الايمان. هو اول حاجة بناها قباء ليه ؟ عشان - 00:34:36ضَ

الايمان يا جماعة فكرة انه يبني مكان للناس الناجحة اه فصل الاوائل. بقية الايمان دي فصل الفائقين. الفائقين في الدين بقى. فتخيل بقى انت ركبت الطيارة اول ما ركبت كده قمت نايم وقمت بقى ايه ولو الطيارة فيها السرير كمان ولا الكرسي اتعمل سرير صحيت لقيت الطيارة تك نزلت على الارض نزل على الارض ازاي - 00:34:50ضَ

كنت نايم. ايوة بس انت راكب حاجة شغالة ماشية. فاللي بينضم لصحبة نجاح وبيئة ايمان وناس ماشية على الطريق وناس مستيقزة وصاحية عايزة توصل لربنا بيبقى عامل زي اللي ركب طيارة ونام. حتى وانت نايم. حتى وانت غافل انت قاعد تقطع الاف الكيلومترات وانت نايم. فحتى وانت نايم تصحى تلاقي نفسك - 00:35:11ضَ

قطعت المسافات. الطريق بيبقى سهل يا جماعة. طول ما انت لوحدك الطريق صعب اوي. اوي اوي اوي اوي. يعني الجماعة رحمة والفرقة عذاب. مش الفرقة الفرقة في الالتزام يعني المتدين اللي لوحده عايش معذب. طب معذب ليه؟ ما هو متدين معذب. لان ربنا جعل الرحمة في انك انت تبقى مع صحبة النجاح. مع صحبة - 00:35:31ضَ

خلاصة الكلمة يعني يعني او خلاصة الموضوع حط نفسك في المكان الصح تكسب وتفوز حط نفسك وسط ناس ناجحة. وسط ناس صاحية. وسط ناس منطلقة. اركب الطيارة. تلاقي نفسك الموضوع بقى سهل جدا - 00:35:51ضَ

طيب اجيب الناس الناجحة دي منين؟ نفس القصة اللي الولد اللي عايز يكلم بنات منها حط نفسك في المكان اللي الناس دي فيه. ليه؟ اه لاغي يا حط نفسك الاول في المكان الصح - 00:36:10ضَ

هتروح آآ الصيدلية ابوس ايدك انا عايز بسبوسة نص كيلو بسبوسة. مراتي بتتوحم على بسبوسة والولا هيموت في بطنها بسبب يا عم وقسما برب العزة ما عنديش بسبوسة تقوم داخل العطار بسبوسة والله يا ابني انت مجنون يا ابني البسبوسة في الحلويات. صحبة الهمة في بقية الايمان يا ابني - 00:36:20ضَ

آآ بصوا يا جماعة انا حاسس ان انا غلس جدا مش عارف ليه! لا خلاص. آآ لا لا لا ما انا هاقول لك الغلاسة فين. آآ انا حاسس ان انا غلي هي - 00:36:40ضَ

غلسة اللي بيفهم بيبقى غلس ليه ؟ بص يا ابني هو انت ما قدامكش بدايل اصلا! انت موهوم ان عندك اوبشنز! انت ما عندكش اوبشنز يعني بالزبط كده احنا قاعدين قعدة. تخيل قعدة تانية غير دي. فواحد بيقول لي وتخيل مسلا ان كل اللي فيها مسلا في مرحلة اعدادي او ابتدائي او كده. فواحد بيقول ايه؟ ازاي اصنع - 00:36:50ضَ

اصنع روبوت ازاي فواحد قال له ايه آآ هتكمل ابتدائية وبعد كده هتدخل اعدادية وبعد كده دخول سانوية وتدخل كلية هندسة وتدخل زكاء اصطناعي. او تدخل كلية زكاء اصطناعي على طول - 00:37:10ضَ

فواحد قال طب انا انا عندي سؤال. ايه؟ ازاي اعمل عملية جراحية واشيل ورم من الكبد؟ ابتدائي. هاكمل ابتدائية وبعد كده سانوي. وتجيب وبعد كده تدخل كلية طب وتتخصص جراحة وتحضر ماجستير ودكتوراه فواحد قال طب استنى استنى بس انا انا انا عايز اخترع اختراع في الكيميا آآ اخترع - 00:37:24ضَ

ازاي؟ هنكمل ابتدائي وبعد كده طالع اعدادي وبعد كده ندخل سانوي وبعد كده اقول لكم كلمة وما تزعلوش مني انتم بتستعبطوا يا ابني ما هو ما فيش يا بني كل احلامك دي ما تزعلش مني هي نوع من انواع من انواع ايه؟ النصب الالتزامي مسلا - 00:37:44ضَ

احنا اتعودنا ان احنا نبقى نصابين. احنا خلاص من قلة التعليم وقلة التربية في وسط المتدينين. كله اتعلم النصب ازاي اتعلم دعوة؟ ده صبايا يعني ولا عايز تتعلم دعوة بجد؟ - 00:38:02ضَ

اه عارف بالظبط كده واحد بيقول لواحد اه ما ينفعش تصلي من غير وضوء. قال له تصدق عملتها ونفعت؟ اه بالزبط كده. يا ابني ما ينفعش يشتغل في الدعوة من غير تربية. طب ايه رأيك بقى ان انا - 00:38:13ضَ

كل جمعة. ها. والناس بتتبسط. وبيعيطوا كمان. ما انت نصاب يعني انت واحد نصاب وطلعت على المنبر فهمت لك ازاي تجيب لك حديسين وتعمل لك بداية انما انت نصاب الامام علي بن ابي طالب معدي على واحد قاعد يوعظ الناس في الجنة والنار. فبيقول له هل تعلمت الناسخ والمنسوخ؟ قال لا. قال هلكت واهلكت. انا - 00:38:23ضَ

قالب النسخ والمنسوخ يا ابني لازم تتبنى عشان تعرف تدي. فواحد ده قام قايل له طب استنى بس استنى. انا الوقتي انا انا انا عايز اخترع دواء واحطه في الصيدلية هتكمل ابتدائي واعدادنا سنة. فواحد قال له طب بص يا مولانا انا عايز اتعلم ازاي اسوق طيارة؟ هتكمل ابتدائي فواحد قال له ايه تاني؟ واحدة قالت له والعزاب امرضت - 00:38:43ضَ

يا ابني ما في كل اللي انتم قاعدين تقولوه كيف اقوم الليل؟ كيف اتعلم الدعوة؟ كيف اعمل ما فيش آآ هتدخل بيت ايمان وهتصاحب صحبتهن ماشيين طريق بناء منهجي وهتبدأ يبقى عندك منهجية في حفز القرآن وطلب العلم والتربية فهتبدأ تتعلم الدين بحق وحقيقي وهتبدأ تفهم ان - 00:39:03ضَ

كل الكلام اللي انتم شايفينه لغوريتمات ده موضوع بسيط جدا. بس تحط نفسك في المكان الصح. اللي كان بييجي مع النبي عليه الصلاة والسلام زي خالد بن الوليد بعد اربع شهور كان بيبقى قائد جيش - 00:39:23ضَ

اربع شهور بس مع النبي عليه الصلاة والسلام. لسة بقى له مية وعشرين يوم في بيت الايمان مع النبي عليه الصلاة والسلام. وبقى حامي اللواء مؤتة. ليه؟ لانه دخل في مكان منهجي - 00:39:33ضَ

فكان المنهجي بيربيك بسرعة. بينطقك بسرعة ابو بكر الصديق بعد يوم. خرج جاب ستة من العشرة المبشرين بالجنة. بعد يومين ليه؟ لانه دخل في الليلة دي دخل فيها دار ارقم. الليلة دي فهم فيها - 00:39:43ضَ

حبيب قلبي ما ما يعني ما فيش ريموت كنترول ما فيش حاجة بالريموت كنترول في الطريق. آآ آآ هتحط نفسك في المكان الصح هتتعلم. آآ في ناس ايقاظ يقول لك انا رايح اتعلم في كامبريدج. انا رايح اتعلم في انا رايح اتعلم في - 00:39:57ضَ

انا بيرجع بيبقى قائد من قادة العالم. ليه؟ لانه حط نفسه في المكان الصح. بس انا هتعب وهتبهدل ما هو ما فيش بديل يا حبيبي. آآ طب اقل من كده خلاص - 00:40:11ضَ

يا جماعة انا بشوف الوقتي بعد الكليات الخاصة ما فتحت انا بشوف دلوقتي مناظر والله العظيم بيقشعر ليها بدني من التضحيات التي لا اتخيل ان يعني حد قريبنا كده ساكن قدامنا آآ بنته آآ جابت كلية عالية في سينا - 00:40:21ضَ

في سيناء انا انا انا كل ما بيسافروا انا انا مش قادر اتخيل فواحد قال لي طب انت لو مكانها هتعمل ايه يعني انت لو مكان الناس دي ده لو عيل من عيالك هتعمل ايه ؟ فلقيت فرجعت طبعا ورا لو قال من عيالي. لأ احتمال افكر بقى ساعتها فعلا. اعمل ايه ؟ الله! التضحية دي كلها ليه - 00:40:40ضَ

لاني لازم احط نفسي في المكان اللي بيطلع الحاجة اللي انا عايزها انت كل مشكلتك انك مش حاطط نفسك في المكان الصح بس - 00:40:59ضَ