باحث

السلام عليكم ورحمة الله وبركاته تعالوا بقى النهاردة نبدأ نطبق الشريعة انا عايز كل واحد فيكم دلوقتي يفكر معي كده. انا هاطبق الشريعة ازاي اكتب في الورقة اللي قدامك. اول حاجة هتطبقها ايه - 00:00:00ضَ

واحد بيقول لي ايه كان بيقول لي اللي يشتم شتيمة مش كويسة في في الشارع نجلده. عشان ده حد بتاع قزف قزف المحصنات واحد تاني بيقول لي لأ احنا واحد بيقول لي مش عارف اعمل ايه - 00:00:14ضَ

يا جماعة احنا هنطبق الشريعة بالتدريج دي حاجة ما حدش يختلف عليها ابدا سيدنا عمر ابن عبدالعزيز اللي هو يعتبر خامس الخلفاء الراشدين من حيث العدل يعني ابنه كان سخن برضه كده زيكم - 00:00:32ضَ

عايز يطبق كل حاجة مرة واحدة وقال له يا ابا انت مش بتطبق فيه الشريعة كلها مرة واحدة ليه ؟ قال له يا بني اني اخاف ان احمل الناس على الحق دفعة واحدة فيدفعوه دفعة واحدة. انا وانا هاغصب الناس على كل حاجة مرة واحدة هيدفعوا كل حاجة مرة واحدة - 00:00:45ضَ

ان الله قد ذم الخمر في القرآن مرتين وحرمها في الثالثة. ده ربنا ذم الخمر مرتين في القرآن وقال عليهم مش كويسة. وتالت مرة حرمها. يبقى كل شيء هيبقى بالتدريج. اول - 00:01:02ضَ

حاجة يا جماعة هندي الناس حقوقها حقوق الانسان قبل ما تطبق عليهم عقوبات اديهم حقهم الاول وبعد كده حاسبهم. اشهر وثيقة في مجال حقوق الانسان صدرت لحد النهاردة هي وثيقة اسمها الاعلان العالمي لحقوق الانسان - 00:01:12ضَ

صدر عن الامم المتحدة عام الف تسعمية تمانية واربعين انا لما كنت عايش في امريكا من حوالي سبع سنين آآ وبعد احداث حداشر سبتمبر بدأ هجوم كبير على الاسلام هناك. فحبيت ان انا بدافع عن الاسلام في بعض الامور. فلقيت موضوع حقوق الانسان ده موضوع فيه هجوم كبير جدا علينا - 00:01:31ضَ

فجبت الوثيقة دي ونزلتها بالكامل من على الويب سايت بتاع الامم المتحدة لقيتها تلاتين بند وابتديت اقارنها بالقرآن الكريم كوثيقة اعلان حقوق انسان صدر بقبلها بالف وربعميت سنة ما بعاملوش كانه كتاب ربنا خالص هنا. وحاططهم جنب بعض وقلت نقارنهم ونشوف - 00:01:49ضَ

وكل املي اني كنت الاقي خمسين الى ستين في المية من حقوق الانسان. بتاعة الامم المتحدة موجودة عندنا في القرآن الكريم. عشان خاطر واحنا بنبص الامريكان بصوا يا غرب احنا - 00:02:06ضَ

خمسين في المية او ستين في المية من حقوق الانسان اللي عندكم موجودة عندنا من الف وربعمية سنة وفوجئت بمفاجأة غريبة مية في المية من حقوق الانسان بتاعة الاعلان العالمي لحقوق الانسان موجودة عندي في القرآن الكريم - 00:02:16ضَ

وفوجئت بمفاجأة اكبر من كده اني لقيت حقوق انسان في القرآن الكريم لحد النهاردة لسة مش موجودة في الاعلان العالمي لحقوق الانسان اسأل نفسك ليه ليه القديم يبقى اشمل من الجديد - 00:02:30ضَ

القديم ومش اقدم خمسين سنة ده اقدم الف وربعميت سنة. مش مفروض مفروض يكون الجديد اشمل ولكن لا الجديد طالع من عند الانسان فبياخد نفس اوصاف الانسان غير كامل. الانسان غير كامل. ممكن يكون جميل - 00:02:43ضَ

بس مش كامل انما القديم ده من عند ربنا الكمال لله وحده. ازا هو الوحيد اللي كان انا هقرا لكم نصف المادة خمسة وعشرين في الاعلان العالمي لحقوق الانسان. شو دين نطبقها عندنا ازاي - 00:02:59ضَ

لكل شخص الحق في مستوى من المعيشة كاف للمحافظة على الصحة والرفاهية له ولاسرته ويتضمن ذلك التغذية والملبس والمسكن والعناية الطبية. وكذلك الخدمات الاجتماعية اللازمة. وله الحق في تأمين معيشته في - 00:03:15ضَ

البطالة والمرض والعجز والترمل والشيخوخة وغير ذلك من فقدان وسائل العيش نتيجة لزروف خارجة عن ارادته. ده عندنا بيتطبق بايه بقى الزكاة يبقى انا اول ما هطبق في الشريعة الاسلامية - 00:03:33ضَ

الزكاة ربنا بيقول والذين في اموالهم حق معلوم للسائل والمحروم. يبقى الزكاة ما هياش آآ اموال تبرعات ما هياش تضامن ولا تكافل خالص. واللي هيطبق ده مش هيبقى وزارة التضامن الاجتماعي. التضامن الاجتماعي تشوف التبرعات والحاجات الخيرية. ده مش خير ده حق - 00:03:47ضَ

حق للفقراء عندنا ما كانش بيطلع قبل كده الدولة كان لازم تقوم بدورها فيه ربنا بيقول سبحانه وتعالى في سورة التوبة انما الصدقات اللي هي الزكاة للفقراء والمساكين والعاملين عليها والمؤلفة قلوبهم وفي الرقاب والغارمين وفي سبيل الله وابن السبيل فريضة - 00:04:07ضَ

من الله هذه فريضة. ده مش مش آآ مش حاجة هنجب بها على الناس. تعال بقى ايه المشكلة؟ طب ما احنا كنا بندفع زكاة. لأ بطريقة فردية. اللي عايز يدفع بيدفع ولا مش عايز يدفع ما يدفعش - 00:04:27ضَ

انما الاصل في الزكاء هو ان الدولة هي التي تجمع الزكاة من الناس وهي اللي تعيد انفاق الزكاة وتعيد توزيع الزكاة. ليه؟ لان الفقراء في المناطق اللي حوالين المناطق بتاعة الاغنياء بيتخموا باموال الزكاة - 00:04:39ضَ

وفي فقراء في النجوع وفي آآ قرى نائية عايشين عيشة صعبة جدا انا رحت لقرية السنة اللي فاتت في بني سويف اعلنها اليونسكو افقر قرية في مصر. طبعا افقر قرية في مصر افقر قرية في - 00:04:54ضَ

عالم عشان تبقوا عارفين لا صرف صحي ولا نور ولا مية نضيفة خالص حاجة صعبة جدا الناس بتعمل تقضي حاجتها آآ بتعمل تواليت يعني واخد بالك ازاي؟ في جردل جوة الاوضة. منزر مش معقول يا جماعة شفنا منازر غريبة - 00:05:09ضَ

يبقى الاصل ان الدولة تقوم بدورها وتجمع لي بقى اتنين ونص في المية من اموال الادخارات الاموال المدخرة بتاعة المدخرين اللي ما احتاجوش الاموال دية لمدة سنة كاملة. يعني ايه؟ يعني اموال بجد بجد ما احناش محتاجينها - 00:05:25ضَ

الا لما الولاد دخلوا المدارس احتجناها عشان نشتري حاجات لازمة لهم ولا لما خدنا الولاد وطلعنا مارينا في الصيف احتجناها الله! يعني الفلوس دي فعلا مش محتاجينها ربنا بيقول لك الطلعة منها اتنين ونص في المية بس للفقراء للمرضى للايتام للجوعى - 00:05:41ضَ

للناس الغير قادرة على الزواج خمسة في المية من الانتاج الزراعي يبقى بيزرع مانجة بيزرع خضار اي حاجة بتطلع هيتدفع عليها زكاء خمسة في المية خد بقى عندك نوع الزكاء الجديد ده اللي انت ما كناش بنسمع عنه قبل كده. اسمه زكاة الركاز. عشرين في المية من اي شيء بيخرج من بطن الارض. بترول مصر لوحدها مية خمسة - 00:06:00ضَ

وعشرين مليار حجم انتاج بترولها السنة اللي فاتت عشرة مليار غاز. طبعا عشرة مليار ده عشان خاطر آآ بنبيع الغاز بسعر آآ اقل من التكلفة لكن ان شاء الله لما يتعدل سعره هيبقى اربع اضعاف ده - 00:06:24ضَ

خمسة وتلاتين مليار دهب ده من منجم واحد بس منجم دهب السكري. آآ من جبل السكري. لسة كمان بقى عندنا منجم اخر اسمه مش عارف حماشة ولا ايه. ده ان شاء الله يطلع لنا - 00:06:38ضَ

اكتر من كده. منجنيز فوسفات بتاع ابو طرطور. المحاجر بتاعة الرخام. كل ما يخرج من خيرات ربنا بيقول لك لك فيه تمانين في المية. وعشرين في المية للفقراء ما تنسوهمش - 00:06:48ضَ

ما تاكلوش عليهم حقوقهم احنا بنتكلم عن عشرات المليارات خمسين ستين سبعين مليار كل سنة هيروحوا للفقراء العشوائيات اقلبوها تملك المال ده للفقير. خلي بالك بقى من حاجة بعض الناس يقول لك ايه - 00:07:01ضَ

بس كده انتم هتزودوا البطالة. الناس هتشتغل ليه؟ لما يكون واحد ما بيشتغلش وبيجي له فلوس تكفيه اكل وشرب وصحة وكل حاجة ما يشتغلش انت كده بتزود البطالة. بالعكس ده الزكاة هي اللي بتقضي على البطالة - 00:07:19ضَ

ليه الزكاة عبارة عن ايه؟ الزكاء ان انت بتنقل كمية من المال من جيوب الاغنياء اللي هم بطبيعتهم بيميلوا للادخار. ادي كده واحد غني خمسمية جنيه يحطها له في جيبه - 00:07:33ضَ

بعد سنة تطلعها من جيب الجاكتة زي ما هي. ما احتاجهاش انما ادي خمسمية جنيه لواحد فقير وتعالى بعد ساعة. ييجي ما تلاقيش منهم ولا جنيه. ليه؟ نزل جري اشترى احتياجاته ولوازمه وحاجات كان نفسه فيها وجابها واه وولاده عايزين ياكلوا - 00:07:44ضَ

ومستلزمات مدارس وحاجات كتيرة يبقى انت بتنقل خمسين ستين سبعين مليار من جيوب الاغنياء الى جيوب الفقراء بالتالي في نفس اللحزة بينزلوا فين؟ في السوق يبقى حصل زيادة في الطلب على البضائع - 00:07:58ضَ

يبقى بالتالي عايزين نواجه زيادة الطلب دية بزيادة انتاج يبقى بالتالي في فرص عمل بتتفتح هتتفتح بمرتبات مجزية للناس مش هتيجي تشتغل مجزية وقلة طب ما هو قاعد هياخد فلوس - 00:08:13ضَ

هتكفيه. لكن لازم يكون بقى فلوس المرتبات بتكفي وتفيض والناس ممكن تدخر منها. عشان في اغراء انها تنزل تشتري انها تنزل تشتغل الرئيس اوباما رئيس امريكا عمل ايه في الفين وتسعة؟ عشان يقضي على الركود الاقتصادي - 00:08:27ضَ

راح جاب سبعميت مليار دولار وخد موافقة الكونجرس انه يديهم للفقراء ونزلهم وقال لهم ايه؟ دي اخر اموال موجودة. حافزوا عليها وادخروها؟ ابدا. قال لهم ابوس ايديكم انزلوا اصرفوها. ليه - 00:08:41ضَ

عجلة الاقتصاد تدور. بص الكلام ده موجود عندنا من الف وربعمية سنة ازاي. ربنا سبحانه وتعالى بيقول ما افاء الله على رسوله من اهل القرى. خلي بالك الرسول هنا هو الحكومة - 00:08:54ضَ

والفلوس اللي جاية دية من اهل القرى الفلوس اللي بتجمع من القرى ومن المدن اموال الزكوات واموال الضرائب ما افاء الله على رسوله من اهل القرى. فلله وللرسول ولذي القربى واليتامى والمساكين وابن السرير. بص ليه بقى؟ العلة راشينال - 00:09:05ضَ

كي لا يكون دولة بين الاغنياء منكم. عشان المال ما يتحصرش في حلقة مفرغة بين الاغنياء. الغني ده بيشتري من الغني ده الفيلا بتاعته. والغني ده بيشتري من الغني ده اليخت بتاعه. والغني ده بيشتري من الغني ده المرسيدس بتاعته. والفقراء قاعدين بيتفرجوا على الفلوس عمالة تلف قدامهم - 00:09:24ضَ

وهم مش بيطولوا منها حاجة. والفقراء دول هم اكتر من خمسة وتسعين في المية من الشعب. فانت لما تكسر الحلقة دي وتطلع فلوس من الخمسة في المية الدقيقة للخمسة وتسعين في المية هي دي القوة الضاربة اللي بتنزل بتحط فلوس في السوق وبتدور عجلة الاقتصاد - 00:09:45ضَ

يبقى ازا بعد ما نطبق ده ايه بقى العشوائيات والمناطق الفقيرة والمناطق اللي مش نضيفة حاجة صعبة جدا ومجاري ضاربة وما فيش نور وما فيش كل ده بينقلب الى عمارات - 00:10:02ضَ

مش هقول فخمة لكن لائقة لائقة بالاستخدام الادمي. لائقة بيعني ايه مصري مصري يقدر يعيش فيها وهو محترم نفسه وولاده يبصوا له بصة محترمة مدارس حكومية بتبقى في منتهى في مستوى المدارس الاجنبية مستوى المدارس الدولية لان بقى لها - 00:10:18ضَ

آآ ميزانية معقولة بتنفق على البحث العلمي وبتنفق على المعامل وبتنفق على تدريس الاولاد مش هيبقى فقير في مصر في سنتين اتنين لا فقير ولا جائع ولا واحد مريض بيموت لانه مش قادر يعمل عملية. ولا واحد مش قادر يتزوج لانه ما معهوش فلوس - 00:10:38ضَ

كل ده هيتغير. بعد كده بقى هل في حد هيسرق اقدر اقول ان اكتر من خمسة وتسعين في المية من السرقات هتنتهي ومش هيكون لها وجود. وهيفضل خمسة في المية بس يمكن او اقل من معدل السرقات الموجود دلوقتي. بس ده مش هيكون عشان واحد ياكل او يشرب او يجيب حاجة لولاده - 00:10:59ضَ

كله خلاص متغطي. ده يكون عشان واحد بيشم يرويه هنا بقى ساعتها نبقى نتكلم بعدين هنعاقب هزا الشخص ازاي اشوفكم ان شاء الله في الحلقة الجاية عشان نشوف ايه بعد كده اللي هنطبقه من الشريعة - 00:11:16ضَ

سلام عليكم - 00:11:28ضَ