باحث

يا رحلتي بالخطاوي التيلة نحلم كتير لكن بقدرة قليلة نجري في طريقنا على كل صورة نبعد مسافة ثم نيجي مسافة يا رحلتي وانحلي السلام عليكم ورحمة الله وبركاته. الحمد لله والصلاة والسلام على رسول الله - 00:00:00ضَ

انا راكب الطيارة من واشنطن وفي الطريق الى بيتسبرج مدينة في ولاية بنسلفانيا لالقاء محاضرة عن الاسلام في الجامعة وقبل اقلاع الطائرة شعرت كده ان الشخص اللي جنبي مش مستريح وعمال يبص علي كده فقلت يا فتاح يا عليم يا رزاق يا كريم عاوزين نخلص - 00:01:10ضَ

النهاردة اه في الوقت ده بعد حداشر سبتمبر كانت بتتكرر حوادث اخراج المسلمين من الطائرات وكان يكفي ان اي شخص ابيض يشير الى اي شخص عربي او مسلم ويقول انا غير مستريح لوجود هزا الشخص. فيتم اخراجه من الطائرة. ده كان بيحصل على طول - 00:01:29ضَ

بصيت انا على الافندي اللي قاعد جنبي ده لقيته راجل كده ابيض وشيك جدا ولابس بدلة وكرافتة شيك. قلت لنفسي ده باشارة منه كده هينزلني من الطيارة على طول وانا ما عنديش وقت بصراحة وعاوز اوصل في معادي. لان الكلمة بتاعتي في الجامعة بمجرد وصولي مباشرة - 00:01:47ضَ

المسألة مش متحملة تأخير النهاردة خالص طلعت الكارت الشخصي بتاعي ومديت ايدي وسلمت عليه وقلت له بفاضل سليمان امام الجامعة الامريكية في واشنطن دي سي. واديته الكارت بتاعي العرف ان هو لازم يعرف نفسه هو كمان - 00:02:06ضَ

طلع الكارت بتاعه وسلم علي وقال لي فلان الفلاني عضو الكونجرس الامريكي طبعا في نفسي قلت ايه ده هي الناس دي بتركب مع الشعب كده عادي من غير حراسة ودرجة اولى يعني زي الناس اللي عندنا كده - 00:02:23ضَ

المهم الطيارة اقلعت بفضل الله وانا فيها وبدأنا نتكلم مع بعض سألني انت ليه جاي بيتسبرج قلت له انا عندي محاضرة عن الاسلام في الجامعة. وبصراحة اتكلمت بطريقة تنمي عنده شعور الاحتياج لحضور المحاضرة - 00:02:37ضَ

قال لي طيب انا عاوز استفيد من المحاضرة دي وخلاص تمام تعال معي الجامعة احضرها. قال لي لا لا لا انا مش فاضي خالص. انا جاي اجازة قصيرة اربع ايام اقضيها مع اسرتي - 00:02:54ضَ

لكن انت قلت انك بتشتغل في واشنطن صح؟ قلت له صح. قال لي طيب ما تيجي مكتبي في الكونجرس او مبنى وتديني المحاضرة في مكتبي لما نرجع الاسبوع اللي جاي - 00:03:05ضَ

ماشي اشوف جدولي. طبعا انا فرحان جدا من جوايا بس مش مبين يعني بتقل عليه آآ اخد الكارت الشخصي بتاعه تاني وكتب لي على ضهر الكارت رقم خاص مباشر على سكرتيرته الشخصية وقال لي اتصل بهزا - 00:03:17ضَ

الرقم واقول لها انا الجنتل مان اللي كان مع عضو الكونجرس في الطائرة. وقال لي هي هتديك موعد على طول يعني واضح انه مهتم المهم رجعت الاسبوع اللي بعده. اتصلت بالرقم اللي هو كتبه. ما قلتش الكلام اللي قاله بقى لا جنتل مان ولا طيارة ولا بتاع. مجرد قلت لها انا عاوز موعد مع الكونجرس - 00:03:35ضَ

تحت امرك عضو الكونجرس آآ بابه مفتوح لكل الناس. حضرتك محتاج موعد في اي يوم بالضبط. قلت لها في اي يوم يكون عنده ساعة كاملة فاضية ليه الهي يا فندم عضو الكونجرس ما عندوش ساعة فاضية لحد. حضرتك بالكتير هتاخد عشر دقايق الى ربع ساعة - 00:03:57ضَ

طبعا انا راجل رايح اقدم الاسلام ولابد من احترامي واعطاء الاسلام وضعه. قلت لها بصي بقى من فضلك ابلغيه ان اللي كان معك على الطائرة من واشنطن لبيتس برج الاسبوع الماضي بيعتزر عن مقابلتك وبيقول لك مش هيقدر ييجي الا لو هتدي له - 00:04:16ضَ

ساعة كاملة لان اللي انت طالبه منه سيستغرق على الاقل ساعة انت حضرتك متأكد انك عايز توصل الرسالة دي لان ممكن جدا يرفض يقابلك بعدها من فضلك وصلي الرسالة دي بالزبط - 00:04:34ضَ

اتصلت بي بعد ربع ساعة وقالت لي انت مين بالزبط بمجرد ما قلت له رسالتك قال لي ادي له ساعة في اي يوم حتى لو اضطريت تغيري جدولي يناسبك يا فندم يوم الاربع الساعة كزا قلت لها مناسب - 00:04:48ضَ

لبست طبعا الحتة الشيك اللي عندي ورحت بقى في موعدي كده على مبنى الكونجرس. دخلت على الراجل مكتبه لقيته بيقوم بيستقبلني استقبال حار ويقول لي فاضل صديقي بيضمني صديق ايه احنا ركبنا جمب بعض الطيارة خمسة واربعين دقيقة - 00:05:03ضَ

انا كنت قال لي قال لي انا كنت بتكلم امبارح مع وفد من السلطة الفلسطينية بيزور الكونجرس وطلع لي الكروت بتاعتهم مش عارف واحد اسمه نبيل عمرو وواحد اسمه مش عارف ايه - 00:05:19ضَ

ادته المحاضرة عن الاسلام آآ وقلت له طيب آآ ايه الاخبار قال لي صدقني يا فاضل الكلام ده يجب يعرفه كل عضو في الكونجرس احنا نعرف عكس الكلام ده بالزبط - 00:05:29ضَ

وممكن اقول لك حاجة انت اول واحد يخليني اشعر بالندم منذ خمستاشر سنة قال لي لاني مارست معك اللي بننتقده في الناس لما بيعملوه انا لقيتك عربي ضخم معك شنطة كبيرة حطيتها فوق راسي - 00:05:45ضَ

جلست جنبي وطلعت ورقة من جيبك وقربتها من عينيك جدا عشان ما لاحزش مكتوب فيها ايه بنزرة سريعة لاحزت ان فيها كلام باللغة العربية قلت بس الطيارة دي مش هتوصل بيتسبرج النهاردة. لسة هاضغط على الزر استدعي المضيفة اقول لها اني مش مستريح لوجودك عشان تخرجك من الطيارة - 00:06:06ضَ

انت مديت ايدك لتصافحني وقلت لي فاضل سليمان امام الجامعة الامريكية في واشنطن دي سي جعلتني اشعر بالندم الشديد. لان للاسف وقعت فيما يقع فيه الاخرون وبننتقدهم لما بيمارسوه يقصد العنصرية - 00:06:26ضَ

قلت له خليني اشرح لك انا شكلي عربي لان ما فيش جراحة تجميل بلاستيك سيرجيري هتغير ده ولو حاولت العب فيه سانتهي مسل مايكل جاكسون. لا انا بقيت ابيض ولا هاعرف ارجع اسود تاني. طبعا وقتها كان مايكل جاكسون عايش. والناس كانت بتتكلم في الموضوع ده في الجرايد. لكن - 00:06:43ضَ

عرفت ان هو كان مريض او كده انا ضخم لاني كنت بطل سباحة سبعتاشر سنة. واحنا السباحين بناكل كتير بس للاسف لما بنتوقف عن السباحة ما بنتوقفش عن الاكل. دي مرحلة اسمها الايس بريكينج - 00:06:59ضَ

يعني بدوب التلج اللي بيني وبينه بيبقى بالدعابة انا معي شنطة كبيرة ومنتفخة لان شركات الطيران يا فندم في بلد حضرتك بتضيع الشنط احيانا وبتجيب الحقائب في الرحلة اللي بعدها - 00:07:12ضَ

وانا بضطر لحمل احتياجاتي للمحاضرة اللي انا فيها على الطيارة عشان ما اقدرش انتظر الشنطة بتاعتي تيجي في الرحلة اللي بعدها فباخد الكمبيوتر والبروجكتور والكابلات بتاعتي وكل الحاجات اللي انا محتاجها ضروري - 00:07:25ضَ

دي اسمها مرحلة اشراك الاخر في تحمل المسئولية والخطأ. بعدين قلت له انا بقى قربت الورقة من وجهي عشان ما حدش يشوف اللي فيها لان بالفعل منعت من ركوب الطائرة قبل كده بسبب وجود ايات قرآنية في اوراق كنت بقراها في المطار - 00:07:41ضَ

دي مرحلة القاء المسئولية بقى على الطرف الاخر واشعاره بالظلم اللي اللي بيقع علينا احنا العبرة الحقيقة من القصة دي النهاردة هي اننا لازم نحول كل موقف نتعرض له الى فرصة دعوية - 00:07:59ضَ

انت جالس في باص في طائرة تعرف تتكلم عن الاسلام وتشرحه ببساطة ده لازم. لو وقفنا مسيحي في الشارع وقلنا له كلمنا عن المسيحية يقول لك المسيح مات علشانا نختلف معه لكن كلامه روحاني ومدخل جيد لشرح العقيدة بتاعته. طب وقف مسلم في الشارع كده واسأله عن الاسلام. هيقعد يهرش تلات دقايق في راسه يقول لك ايه - 00:08:15ضَ

احنا ما بناكلش خنزير قل له طب قل لي حاجة تانية عن الاسلام. هيهرش تلات دقايق في راسه يقول لك ايه احنا ما بنشربش خمرة هو ده رقم واحد ورقم اتنين اللي اتقال على الاسلام - 00:08:36ضَ

ولا رقم مليون وواحد ومليون واتنين اللي يتقال عن الاسلام لازم كل واحد فينا يتعلم ازاي يدعو الناس. مش لازم يبقى عندنا مليار وستمية مليون محاضر بيدي محاضرات عن الاسلام. لكن لازم كل واحد فينا على الاقل لما - 00:08:46ضَ

ما يسأل عن الاسلام يعرف ازاي يتكلم بطريقة جميلة وروحانية لكن ده يحتاج الى تعلم وتدريب السلام عليكم ورحمة الله. واشوفكم بكرة بازن الله وموضوع جديد. خدنا سكك كتيرة فنمشي مع - 00:09:00ضَ

واحلى من الكبيرة في وسط المرور الزراعة في المعاني وتمسك في الاماني الى اني الاغاني انا خايف يا بكرة ما تسيبش زكراك بيبقى ضايع نايف راح يطوينا النسيان بوسنا مش بريئة. اكيد عايزين طريقة - 00:09:17ضَ

في هالحقيقة ما نجري في المكان - 00:10:07ضَ