باحث

النبوية المطهرة في الدرس اللي فات اتكلمنا عن دعوة الرسول صلى الله عليه وسلم لستة من الخزرج في السنة الحداشر من البعثة وعن حركة هؤلاء الستة بالاسلام في يثرب وكيف عادوا في العام الثاني عشر في موسم الحج؟ وكان عددهم وصل لاتناشر. وعمل الرسول صلى الله عليه وسلم مع الاتناشر دولت البيعة المشهورة ببيعة - 00:00:00ضَ

عقبة الاولى وكانت هذه البيعة بتهتم في الاساس بالعقيدة السليمة والاخلاق الحسنة وطاعة الرسول صلى الله عليه وسلم. ورجع الاتناشر انصاري الى المدينة المنورة ومعهم مصعب ابن عمير رضي الله عنه علشان يعلمهم ويعلم اهل المدينة الاسلام. واتكلمنا عن نشاط مصعب ابن عمير مع اسعد ابن زرارة - 00:00:22ضَ

رضي الله عنهما في عملية الدعوة في المدينة المنورة في خلال السنة تلتاشر من البعثة. كلمنا عن دعوة اسيد ابن حضيري وسعد ابن معاذ. وشفنا ازاي اسلام انتشر في المدينة حتى لم تبقى دار من دور الانصار الا ودخلها الاسلام. ومرت الايام وانتهت السنة الثالثة عشرة من البعثة - 00:00:42ضَ

ورجع مصعب ابن عمير رضي الله عنه وارضاه الى مكة. واخبر الرسول صلى الله عليه وسلم بوضع المدينة وامكانيات المدينة وعدد المسلمين وامكانيات واخلاقهم وتربوياتهم يعني ادى صورة كاملة عن الوضع في المدينة. في موسم الحج يا اخواني في سنة تلاتاشر من البعثة حضر - 00:01:02ضَ

المسلمون من المدينة الى مكة. ليه؟ لمقابلة الرسول صلى الله عليه وسلم والاستماع منه. خلي بالكم ان معظم المسلمين دولت ما شافوش الرسول اصلا وكل الاسلام اللي اتعلموه واللي عرفوه عرفوه عن طريق مصعب رضي الله عنه - 00:01:22ضَ

وطبعا الوفد المسلم ده جه من يثرب جوة الوفد الثربي الكبير. الوفد الكبير ده كان فيه مشركين وفيه مسلمين. الوفد تقريبا كان عدده تلتمية تقريبا منهم خمسة وسبعين مسلم تلاتة وسبعين من الرجال وامرأتان. الغريب يا اخواني ان المشركين اللي كانوا في الوفد ده ما كانوش - 00:01:39ضَ

يعرفوا اكتر المسلمين. يعني المسلمين من الانصار كانوا مش معروفين في المدينة باسلامهم. سبحان الله! مع ان دعوة مصعب ابن عمير كانت علانية بيقعد وسط كل الناس وبيكلم كل الناس. لكن واضح ان اللي كان بيسلم ما كانش بيبيع للاسلام. مراعاة لظروف المدينة وكثرة المشركين ووجود اليهود - 00:01:59ضَ

وغير ذلك من العوامل. كل ده كان مخلي الدعوة علانية لكن التربية سرية. وقدر مصعب بن عمير رضي الله عنه انصار انهم يكيفوا ظروفهم بحيث تتناسب مع ظروف المدينة المنورة في ذلك الوقت. الخمسة وسبعين انصاري دول كان في بينهم وبين الرسول - 00:02:19ضَ

صلى الله عليه وسلم ميعاد في موسم الحج سنة تلاتاشر من البعثة. لكن هم ما يعرفوش الرسول صلى الله عليه وسلم هيكلفهم بايه ولا عايز منهم ايه كل اللي يعرفوه هو الاتفاق اللي اتعمل مع اصحاب بيعة العقبة الاولى. الاتفاق ده ما كانش فيه حاجة زي ما قلنا غير العقيدة والاخلاق وطاعة الرسول صلى الله - 00:02:39ضَ

وسلم. معظمها تكليفات فردية مش مطلوب منهم حرب ولا جهاد. وما كانش فيها زي ما قلنا المرة اللي فاتت اي طلب للنصرة لان الرسول صلى الله عليه وسلم كان وضع الاتناشر بتوع بيعة العقبة الاولى. وكان عارف ان امكانياتهم مهما كبرت فهي برضو محدودة. فلحد دلوقتي ما حدش طلب من الانصار - 00:02:59ضَ

انهم يستضيفوا الرسول صلى الله عليه وسلم والمؤمنين في مكة الى المدينة المنورة. ومع ذلك ومع ان ما فيش تكليف للانصار بالموضوع ده الا ان الانصار سبحان الله هم اللي كانوا بيدوروا على الموضوع ده. سبحان الله! هم اللي بيدوروا على موضوع النصرة والمساعدة والاستضافة. لرسول الله - 00:03:19ضَ

المؤمنين في مكة. كلمة جميلة قوي قوي قالها جابر ابن عبدالله رضي الله عنه وهو من الستة الانصار الاوائل الذين اسلموا في السنة من البعثة ثم بيعه بعد ذلك بسنة في بيعة العقبة الاولى. كلمة جميلة جدا قالها وهم لسة في المدينة قبل ما ييجوا مكة. وبتوضح حاجات كتير اوي - 00:03:39ضَ

قال جابر فقلنا اي نحن الانصار. فقلنا حتى متى نترك رسول الله صلى الله عليه وسلم يطرد في جبال مكة ويخاف ثم يقول فرحل اليه منا ثلاثة وسبعون رجلا. يا الله! يعني الانصار يا اخواني هم الذين سعوا - 00:03:59ضَ

الى نصرة رسول الله صلى الله عليه وسلم. قبل ان يطلب منهم ذلك. سبحان الله! والرسول صلى الله عليه وسلم لم يطلب منهم ان يأتوا بهذا العدد الكبير في هذا - 00:04:19ضَ

الموسم لكن هم اللي جمعوا من انفسهم هذا العدد الكبير عشان ايه؟ علشان يقنعوا الرسول صلى الله عليه وسلم بالذهاب معهم الى المدينة. هم الذين يبحثون عن التكاليف هم الذين يبحثون عن الواجبات الشاقة والصعبة في الاسلام. وفارق ضخم هائل لاخوانه - 00:04:29ضَ

بين الذي يبحث عن الدعوة والنصرة والجهاد وبين الذي يبحث عنه الناس ليقوم بامر الاسلام والجهاد. فارق ضخم فعلا رغبة الانصار ديت هتفسر لنا مواقفهم اللي هنقولها دلوقتي في بيت العقبة الثانية. وهتفسر لنا مواقف الانصار بعد كده في كل سيرة الرسول - 00:04:49ضَ

صلى الله عليه وسلم. الانصار فعلا يا اخواني كانوا انصار للدين بمعنى الكلمة. عمرهم سبحان الله عمرهم ما فكروا في حاجة لنفسهم عاشوا للدين عاشوا للاسلام عاشوا للناس عاشوا لغيرهم من المسلمين ما ابلغ الوصف الذي وصفهم به ربهم سبحانه وتعالى عندما - 00:05:09ضَ

قال ويؤثرون على انفسهم ولو كان بهم خصاصة. سبحان الله! الاية ديت بتلخص كل قصة الانصار. ومش هتعرف تستوعب المواقف العظيمة بتاعة الانصار الا في ضوء هذا المعنى الجميل. الذي اشار اليه الله عز وجل في كتابه الكريم. الانصار وصلوا مكة - 00:05:29ضَ

مع الوفد بتاعهم وبدأوا يرتبوا الميعاد الخطير اللي هيتم بينهم وبين الرسول صلى الله عليه وسلم. دلوقتي الرسول صلى الله عليه وسلم عايز يرتب معك بينه وبين خمسة وسبعين واحد. ومش عايز حد يعرف بالمعدة ابدا. الميعاد ده في منتهى الخطورة. دي تجهيزات في غاية السرية تسبق - 00:05:49ضَ

قيام دولة المسلمين. طيب ازاي هيقابل خمسة وسبعين واحد من غير ما حد ياخد باله؟ مشكلة. وبعدين الرسول يا اخواني ما يقدرش يقابل ممثلين عن الخمسة وسبعين لان الخمسة وسبعين دول من بطون مختلفة فروع مختلفة من الاوس والخزرج. اه هم في الاخر قبيلتين بس فيهم بطون كثيرة جدا - 00:06:09ضَ

عندنا فروع كثيرة وجايز مش كلهم يوافق على الشروط اللي هيقولها الرسول صلى الله عليه وسلم. والموضوع خطير جدا جدا. ما ينفعش الرسول صلى الله عليه وسلم يروح المدينة وبعدين هناك يكتشف ان كتير منهم مش قد المسئولية. او ان فيهم حد معترض على وجود الرسول او معترض على بعض بنود الاتفاق - 00:06:29ضَ

كان لازم يقابلهم كلهم ويتأكد انهم كلهم موافقين على الموضوع ده بكل ابعاده. ويبقى تقريبا تقريبا اتفاقه مع كل واحد فيهم اتفاق شخصي. زي ما هنشوف بعد كده كل واحد كان بيبايعه وبيسلم عليه بايديه عشان يأكد البيعة معه هو بالذات. بمعنى انه يطمن - 00:06:49ضَ

من كل واحد بعينه انه موافق على كل بنود الاتفاق. يبقى لازم يقابل الخمسة وسبعين كلهم. طب ازاي في زحمة الحج ديت مكة الصغيرة دي هيقابلهم ازاي يقابلهم من غير ما حد خالص في مكة ياخد باله. تعالوا نشوف الرسول صلى الله عليه وسلم عمل ايه؟ اولا اختار - 00:07:09ضَ

الرسول صلى الله عليه وسلم ان الميعاد يكون في اخر ليلة من ليالي الحج. يعني في ليلة الثالث عشر من ذي الحجة. طب اشمعنى الليلة دي بالذات. لان الحجاج هيرجعوا لبلادهم في اليوم التاني على طول. في اليوم التاني مباشرة. فلو حد حس من اهل قريش يعني ان فيه لقاء - 00:07:29ضَ

تم على بال ما يفكروا يهجموا على الوفد يكون الوفد خلاص مشي. يبقى دي اول نقطة مهمة جدا جدا. ان خلى اللقاء في اخر ايام الحج الحاجة التانية ان خلى ساعة اللقاء يعني ده بالنسبة لليوم طب بالنسبة للساعة الساعة كم؟ خليها ساعة عجيبة جدا. اختار الرسول ان يكون اللقاء في الثلث - 00:07:49ضَ

اوسط من الليل. سبحان الله! طب ليه الوقت ده بالزات؟ لان غالبا كل الناس في مكة هتكون نايمة في الوقت ده. اللي هينام متأخر اخر نومه للتلت الاولاني من الليل. واللي هيصحى بدري هيصحى في التلت الاخراني من الليل. لكن التلت الاوسط ده في الغالب كل الناس هتبقى نايمة - 00:08:09ضَ

الحاجة التالتة المكان هيقعدوا فين ؟ اختار الرسول صلى الله عليه وسلم مكان بعيد خالص عن زحمة الحجاج. اختار الشعب الايمن من العقبة. مكان خالص ما فيش حد اصلا من الحجاج عامل مخيمات فيه. الحاجة الرابعة وخلي بالك مهمة جدا جدا. الرسول صلى الله عليه وسلم ما قالش لحد - 00:08:29ضَ

خالص عن الميعاد ده. ما قالش لحد من المسلمين في مكة كلها الا تلاتة بس. تلاتة هيكون لهم دور في الاجتماع. وده مش شك في المسلمين يا اخواني بس هو مش عايز حد يغلط بكلمة فيكشف الموضوع. فاللي ما لوش دعوة بالموضوع ما فيش داعي انه يعرف الميعاد. التلاتة اللي قال لهم - 00:08:49ضَ

كانوا العباس عمه وكان ساعتها لسة مشرك. وابو بكر وعلي رضي الله عنهم اجمعين. العباس لانه هيكون مشارك في الاجتماعات وابو بكر وعلي لتأمين المكان ومراقبة مداخل الشعب اللي هيتم فيه اللقاء. يبقى دي الحاجة الرابعة. الحاجة الخامسة ان الانصار كمان لازم - 00:09:09ضَ

ياخدوا بالهم وهم جايين وبالزات ان معهم في الوفد متين خمسة وعشرين مشرك. نازلين معهم في نفس الخيام. ورئيس الوفد يا اخواني برضو مشرف وهو عبدالله ابن ابي ابن سلول اللي هيكون بعد كده زعيم المنافقين. فلازم ياخدوا الحذر الكافي. يقول كعب بن ما لك رضي الله عنه وارضاه. احد - 00:09:29ضَ

المشاركين في بقية العقبة الثانية يقول فنمنا تلك الليلة مع قومنا في رحالنا حتى اذا مضى ثلث الليل اي ثلث الليل الاول خرج من رحالنا لميعاد رسول الله صلى الله عليه وسلم نتسلل تسلل القطا مستخفين. القطا طائر صغير شبه الحمامة - 00:09:49ضَ

فكانوا بيخرجوا واحد واحد او اتنين اتنين لحد ما جم كلهم في المكان المتفق عليه. والرسول صلى الله عليه وسلم برضه جه في نفس الميعاد ومعاه العباس رضي الله عنه. اول ما جه الرسول عليه الصلاة والسلام بعت سيدنا ابو بكر سيدنا علي كل واحد على مدخل من مداخل الشعب للمراقبة وبدأ - 00:10:09ضَ

مباشرة الاجتماع العجيب اللي هيغير بعد كده سبحان الله من خريطة الارض كلها. الاجتماع كان وقت قصير جدا مع ان احداثه كبيرة جدا جدا لكن ما شاء الله كان فيه بركة كبيرة جدا في الوقت - 00:10:29ضَ

وسبحان الله يا اخواني الاجتماع ده زي ما بنقول هيغير خريطة الارض. والواحد لازم يسأل نفسه اين كان اعداء الله وقت ان تم الاجتماع المهيب سبحان الله! اين كان ابو جهل والوليد ابن المغيرة وعتبة ابن ربيعة وغيرهم من قادة قريش. اين - 00:10:43ضَ

احبار اليهود حيي بن اخطب وكعب بن الاشرف وغيرهم. اين كان كسرى وقيصر؟ سبحان الله! كل الناس ديت كانت نايمة. كلهم كانوا ما حدش كان داري بالاجتماع اللي بيتم ده مع ان كلهم بعد كده عروشهم هتتزلزل نتيجة الاجتماع دهوت. ده والله يا اخواني - 00:11:03ضَ

اسمه تدبير رب العالمين سبحانه وتعالى. شيء فعلا لا يتخيله عقل. مجموعة بهذه القلة وهذا الضعف في هذا المكان الذي لا يرى على خريطة الارض وبعد كده الاجتماع ده هيكون سبب في تغيير كل شيء على الارض في غضون سنوات قلائل. سبحان الله! بدأت مراسم المباحث - 00:11:23ضَ

اثاث شديدة الاهمية. كلمة الافتتاح كانت للعباس ابن عبدالمطلب عم رسول الله صلى الله عليه وسلم. وكان لسه مشرك زي ما قلنا وواضح ان الرسول يا اخواني كان مطمن له تماما وكان جايبه لاداء دور سياسي معين. ايه هو الدور ده؟ احنا ممكن نستغرب ازاي يجيب واحد - 00:11:43ضَ

المشرك في مباحثات بهذه الخطورة. الدور ده هو توضيح مكانة بني هاشم في مكة. بحيث انه لو الانصار هياخدوا الرسول صلى الله عليه وسلم فياخدوه وهما عارفين ان له عزوة وعيلة وقبيلة كبيرة. فيعرفوا انهم لازم يكونوا بديل حقيقي لبني هاشم. مش مجرد - 00:12:03ضَ

وطبعا كون العباس مشرك بيدي بعد سياسي قوي جدا جدا. وهي ان بني هاشم كلها سواء كانت مؤمنة او كافرة هي مع رسول الله صلى الله عليه وسلم. غير لو جه مسلا حمزة عمو المؤمن لان الانصار ممكن يقولوا انه جه علشان مؤمن مش علشان بيمثل بني هاشم - 00:12:23ضَ

وهنشوف في كلام العباس رضي الله عنه ما يثبت هذه التحليلات. قال العباس يا معشر الخزرج والعرب كانت بتسمي اهل المدينة كلهم خزرج يعني سواء كانوا اوس او خزرج. يا معشر الخزرج ان محمدا صلى الله عليه وسلم منا حيث قد علمتم وقد منعناه من قومنا - 00:12:43ضَ

فهو في عز من قومه ومنعة في بلده. وانه ابى الا الانحياز اليكم واللحوق بكم. فان كنتم ترون انكم وافون بما دعوتموه اليه ومانعوه ممن خالفه فانتم وما تحملتم من ذلك. وان كنتم ترون انكم مسلمون - 00:13:03ضَ

وخاذلوه بعد الخروج اليكم. فمن الان فدعوه فانه في عزة ومنعة من قومه وبلده. يبقى انتهت افتتاحية العباس سريعة موجزة ووضح الدور اللي هو جاي علشانه. وجه دور الانصار في الكلام. والحقيقة يا اخواني الانصار كانوا - 00:13:23ضَ

في منتهى الادب كان في ردود كتيرة جدا جدا ممكن يقولوها للعباس ويخشوا معه في جدل عقيم. كان ممكن يقولوا مثلا كيف تقول انه في عز وفي منعة وهو في جوار المطعم ابن عدي من بني نوفل ولم يقف بجواره احد من بني هاشم - 00:13:43ضَ

وكان ممكن يقولوا طب انت بتقول ان الرسول صلى الله عليه وسلم ابى الا ان ينحاز الينا. طيب هو عمل كده وانتم عارضين عليه المناعة فعلا اللي عمل كده علشان اوذي وضرب وظلم ورجم بالحجارة وسب والقي التراب على رأسه والقيت عليه - 00:14:03ضَ

رحموا الشاة وانتم بتتفرجوا عليه زي ما بقية الناس بتتفرج. كنتم فين؟ وهو بيلف ويدور على القبائل واحدة ورا التانية وعلى مسمع منكم المرأة والقبائل كلها رافضاه تماما وانتم ساكتين. بل على العكس يا ريتكم ساكتين. ده ابو لهب اللي هو عمه ماشي وراه بيقول لا - 00:14:23ضَ

صدقوه انه صابئ كذاب. اين كنت ايها العباس ايها الهاشمي العزيز والرسول صلى الله عليه وسلم بيعاني كل المعاناة ديت قدامكم وقدام كل بني هاشم. كنتم فين ؟ كان ممكن الانصار يقولوا كل الكلام ده. واكتر منه يا اخوان. لو كانت هذه المباحثات مباحثات - 00:14:43ضَ

سياسية بحتة. يعني لو كانت هذه العملية عبارة عن عملية سياسية عايزين نحققوا فيها اكبر المصالح ويستغلوا الظرف الحرج اللي الرسول صلى الله عليه وسلم فيه لكن الوضع بالانصار ما كانش كده يا اخواني ابدا. المباحثات ما كانتش سياسية دنيوية ابدا ابدا. المباحثات كانت ايمانية بحتة - 00:15:03ضَ

الانصار جم للرسول صلى الله عليه وسلم ليكونوا انصاره وليكونوا اتباعه وليكونوا طوع ارادته. جاءوا وهم يعلمون ان المنة والفضل لله ولرسوله. وان العمل والبذل عليهم وعلى المسلمين جميعا. كانوا فاهمين دورهم كويس اوي علشان - 00:15:23ضَ

كده قالوا في منتهى الادب في ادب رفيع فعلا قالوا قد سمعنا ما قلت. بيكلمه العباس رضي الله عنه. قد سمعنا ما قلت فتكلم يا رسول الله فخذ لنفسك ولربك ما احببت. كل اللي انت عايزه هنعمله. وبدأ الرسول صلى الله عليه وسلم يتكلم. والحقيقة - 00:15:43ضَ

كلام الرسول صلى الله عليه وسلم كان كلاما عجيبا جدا جدا. سبحان الله! لا يفقهه الا من ادرك طبيعة هذا الدين الرسول يا اخواني وهو في هذا الموقف الصعب الحرج وقد ضاقت عليه الارض بما رحبت. سبحان الله! تهيأت له فرصة - 00:16:03ضَ

كبيرة ليذهب لبلد كريم. سبحان الله! في هذا الظرف يعرض على الانصار شروطا لقبول استضافته. شروط في منتهى مشقة شروط شاقة عسيرة لم يعرضها على احد امن من قبل. الرسول يا اخواني كان من عادته انه ييسر على الناس تماما امر - 00:16:23ضَ

الايمان كان يقبل ان يقوم الرجل بالفرائض فقط لا يؤدي النوافل وكان يقول افلح ان صدق ان صدق دخل الجنة سبحان الله مش بس كده ده كان يدي الاموال عشان يتألف قلوب الناس للايمان. اما الان فهو في هذا الموقف الحرج فانه يشترط شروط - 00:16:43ضَ

قاسية قاسية فعلا. ليه كده يا اخوة يا اخوات؟ ليه؟ كل ذلك لانه صلى الله عليه وسلم الان لا يبني فردا. بل ابني امة. فرق كبير جدا جدا انك تبني فرد صالح. بس عايش لحاله وعايش لنفسه. وعايش لاسرته - 00:17:03ضَ

انك تبني فرد صالح في زهنه وتفكيره انه يشيل هم الامة الاسلامية. فرض ما يعرفش ينام وهو شايف حواليه منكر وشايف حواليه ظلم وكفر. فرض لو شاف اخوه بيتزلم لازم ينصره. لو شاف حد بيمس كرامة الامة الاسلامية يقوم يدافع عن - 00:17:23ضَ

الامة بالزبط بالزبط زي ما يكون بيدافع عن ابنه او زوجته او امواله او حياته. هو ده الفرض المسلم اللي الرسول صلى الله عليه وسلم كان عايز في البيعة ديت بيعة العقبة الثانية علشان كده قال لهم الكلام ده بس هو برضه كان عارف بيكلم مين كان عارف انه بيكلم ناس فعلا - 00:17:43ضَ

فعلا قد المسئولية كان بيكلم الانصار. قال لهم ايه الرسول صلى الله عليه وسلم قال تبايعوني على وهيبتدي بقى يقول خمس بنود صعبة جدا وركزوا معي البند الاول السمع والطاعة. في النشاط والكسل. سبحان الله! السمع في النشاط سهل. لكن السمع في - 00:18:03ضَ

الكسل صعب صعب جدا. وكان ممكن يقول تبايعوني على السمع والطاعة ويسكت. لكن الغرض هو توضيح الرؤية تماما مكسل ولا نشيط لازم تسمع كلام الرسول صلى الله عليه وسلم. البند التاني وعلى النفقة في العسر واليسر - 00:18:27ضَ

برضو النفقة في اليسر سهلة لكن النفقة في العسر محتاجة ناس معينة. البند الثالث وعلى الامر بالمعروف والنهي عن المنكر هو ده دور الامة الاسلامية مع غيرها من الامم. البند الرابع وعلى ان تقوموا في الله لا تأخذكم في الله لومة لائم - 00:18:47ضَ

الجهاد وكلمة الحق يا اخواني. البند الخامس وعلى ان تنصروني اذا قدمت اليكم. وتمنعوني مما تمنعون منه انفسكم وازواجكم وابناءكم. مش بس تمنعوني لأ تمنعوني مما تمنعون منه انفسكم وازواجكم وابناءكم - 00:19:07ضَ

حبك لرسولك وحبك لدينك وحبك لامتك بالزبط لازم يكونوا اكتر زي حبك لنفسك وحبك لزوجتك واولادك واضح ان الرسول يا اخواني كان بيبني مسلم من طراز خاص جدا جدا جدا. مسلم هيشيل هم الامة كلها. نقدر - 00:19:27ضَ

كده نفهم الفرق المهول المهول بين بيعة العقبة الاولى والثانية شتان يا اخواني. في الاولى كان الرسول صلى الله عليه وسلم فردا مسلما مؤمنا يتصف بعقيدة سليمة وباخلاق حميدة لا يسرق لا يزني لا يقتل طبعا ده كله جميل جميل جدا - 00:19:47ضَ

ان تبني امة فانت تحتاج لما هو اعلى. تحتاج لبذل وعطاء ودماء تحتاج لمكابدة لصبر لقوة تحمل لتجرد بناء الامم يا اخواني محتاج لناس من نوع خاص جدا زي اللي الرسول عليه الصلاة والسلام كان بيشترط عليهم الشروط الصعبة ديت - 00:20:07ضَ

اما ان يكتفي المؤمن بالاعتقاد الصحيح وبالصلاة والصوم واجتناب الكبائر من سرقة وزنا وقتل فهذا جزء من الاسلام ايوة هو جزء مهم جدا جدا لكن في النهاية هو جزء من الاسلام. الناس يا اخوة تحتاج لمن يقودها الى الخير. الاسلام عايز اللي يدافع - 00:20:27ضَ

ما اكثر من يعتدي على حرمات المسلمين. مين هيدافع ومين هيحمي مين هيجاهد ويكافح؟ مين هيبلغ رسالة ربنا لكل الارض هو ده الفرق بين البيعة الاولى والبيعة الثانية. ويكفي يا اخواني ان البيعة الاولى والتي اهتمت ببناء الفرد - 00:20:51ضَ

ولكن دون جهاد عرفت في التاريخ باسم بيعة النساء. بينما عرفت بيعة العقبة الثانية بهذه الشروط الصعبة بانها بيعة الحق وبيعة الجهاد ده كان كلام الرسول صلى الله عليه وسلم. يا ترى الانصار ردوا قالوا ايه؟ عادة في المفاوضات الناس بتناقش كل بند على حدة - 00:21:11ضَ

والله البند ده موافقين عليه البند ده رافضينه ده عايزين فيه تعديل الكلام ده بيحصل عادة في اي مفاوضات سياسية لكن احنا قلنا قبل كده ان طار حاجة تانية الانصار فعلا انصار. قالوا ايه؟ قام البراء بن معرور رضي الله عنه بيتكلم عن وفد الانصار. كان رئيس الوفد - 00:21:33ضَ

المسلم فقال رضي الله عنه وسبحان الله لما تعرف ان البراءة بن معرور رضي الله عنه وارضاه لم يسلم الا منذ ايام اسلم وهو جاي في طريقه من المدينة المنورة الى مكة سبحان الله. لكنه كعادة الانصار ولد عملاقا. قال البراء بن معرور رضي الله عنهم - 00:21:53ضَ

والذي بعثك بالحق نبيا. خل بالك بقى له فقط تلات ايام في الاسلام. والذي بعثك بالحق نبيا لنمنعنك مما امنع منه ازرنا ازرنا يعني نسائنا. لنمنعنك مما نمنع منه ازرنا. فبايعنا يا رسول الله. خلي بالك - 00:22:15ضَ

هو اللي بيترجى الرسول صلى الله عليه وسلم. فبايعنا يا رسول الله. وبعدين يقول ايه؟ يقول فنحن والله ابناء الحرب وابناء الحلقة ورثناها كابرا عن كابر. يعني يا اخواني بيشجعه. بيشجعه على البيعة. شايفين قد ايه اشتياق الانصار للبيع على الجهاد؟ هو ده - 00:22:35ضَ

ربنا ينصره. لكن سبحان الله! والبراء يتكلم اعترض كلامه مين؟ ابو الهيثم ابن التيهان رضي الله عنه وارضاه طبعا من الصحابة الاجلاء ومن القدماء الناس اللي اسلمت في بيعة العقبة الاولى. قال يا رسول الله ان بيننا وبين الرجال - 00:22:55ضَ

وانا قاطعوها. مين الرجال دولت؟ اليهود. يعني في بيننا عهود مع اليهود. وانا قاطعوها. فهل عسيت ان نحن فعلنا ذلك. ثم اظهرك الله ان ترجع الى قومك وتدعن يا الله هذا كلام في منتهى الخطورة يا اخواني - 00:23:15ضَ

هو الحقيقة موقف الانصار خطير جدا خطير فعلا. هم عاملين معاهدات مع اليهود وهيقطعوا المعاهدات ديت. طب ايه اللي هيحصل؟ لو الرسول صلى الله عليه وسلم جه منتشر ووضعه استقر يا ترى هيرجع تاني مكة؟ طب لو رجع مكة هم هيعملوا ايه مع اليهود؟ لكن واحد ممكن يقول بس الاعتراض ده فيه تطاول - 00:23:35ضَ

على الرسول صلى الله عليه وسلم. يعني ازاي تفترض ان ممكن يسيبك وانت محتاج له؟ لكن الحقيقة يا اخواني ابو الهيثم ما شاء الله من الصحابة اجلاء العقلاء جدا جدا. الكلام ده كمله بمسابة التحميس والدفع للانصار انهم يبايعوا. هو متأكد ان الرسول صلى الله عليه - 00:23:55ضَ

مش هيعمل كده لكنه خايف ان حد من الانصار المشاركين في البيعة يكون بيفكر التفكير دهوت يكون خايف من اليهود خايف من مستقبل المدينة فلو هو ابو الهيثم رضي الله عنه اثار هذه النقطة في هذه اللحظات هيقفل كل ابواب الشيطان وهيريح الانصار. عشان كده اتكلم - 00:24:15ضَ

يا ترى كان رد فعل الرسول ايه لاعتراض ابي الهيثم؟ يا ترى زعل؟ يا ترى قال له انت ازاي تقول كلام زي ده؟ يا ترى ايد الحرية بتاعته؟ يا ترى قال له - 00:24:35ضَ

كيف لا تحسن الظن يا ابا الهيثم في قولي وفي فعلي وانا من انا؟ يا ترى عمل الحاجات ديت؟ ابدا ابدا يا اخواني الرسول ما عملش اي في حاجة من الحاجات ديت عارفين عمل ايه ؟ سبحان الله تبسم. صلى الله عليه وسلم. اه والله يا اخواني. تبسم ثم قال بل الدم الدم - 00:24:45ضَ

الهدم الهدم انا منكم وانتم مني احارب من حاربتم واسالم من سالمتم. يا سبحان الله! كلام جميل! يا ترى يا اخواني قدر القيادة بينقص لو حد من الجنود اعترض على نقطة ما يريد التوضيح؟ ابدا يا اخواني ابدا - 00:25:05ضَ

القيادة الواثقة من نفسها لا يجب ان تغضب لهذا ابدا بل على العكس. القيادة الواعية مش مفروض تخوف الناس. مش مفروض ان هي افواه الناس مفروض تشجع كل الناس انهم يقولوا كل اللي في صدرهم. وساعتها الناس هتحس ان القيادة ديت بتاعتهم مش مفروضة عليهم - 00:25:25ضَ

زي ما الرسول بيقول انا منكم وانتم مني. وبعدين برضه الرسول بيعلمنا ان كل انسان اي انسان يا اخواني قابل للمناقشة وللحساب وللاستجواب لانه في النهاية بشر والبشر قد يخطئون بل لابد ان يخطئون. ومش شرط ان هو يكون غلطان - 00:25:45ضَ

برضه بس نعرف وجهة نزره بنستفسر بنتعلم بنضيف بنحزف بنعدل علشان نوصل للافضل هي دي العلاقة السليمة بين وبين الجند وبعدين يا اخوان الجندي لو حس ان القائد معه في نفس المشكلة يشكو مما يشكو منه يتألم مما يتألم منه والله الجندي - 00:26:05ضَ

ده هيدي كل اللي عنده. لكن على النقيض من كده. لو الجندي حس بتكبر القائد وحس بسعادة القائد وقت حزن الجنود وترفي وقت بؤس الجنود واني وقت خوف الجنود وراحته وقت تعب الجنود لو حس الجندي بالحاجات دي كلها مستحيل يعرف - 00:26:25ضَ

اشتغل بحماسة مستحيل يشتغل بجدية مستحيل. لانه فقد مصداقية القائد. فقد قدوة القائد. الرسول مش كده يا اخواني قال في منتهى الصدق وفي منتهى التعاطف مع ابي الهيثم والانصار بل الدم الدم والهدم الهدم. انا منكم وانتم - 00:26:45ضَ

مني احارب من حاربتم واسالم من سلمتم. طبعا الانصار اتشجعوا جدا لما سمعوا الكلمات الجميلة ديت. وقاموا بسرعة لبيع الرسول صلى الله عليه وسلم لكن سبحان الله حصلت معارضة تانية مباشرة بعد هذا الكلام قام العباس ابن عبادة - 00:27:05ضَ

رضي الله عنه وارضاه يخاطب قومه قبل ان يبايعوا ابو الهيثم كان بيخاطب الرسول صلى الله عليه وسلم المرة دي العباس بيخاطب الانصار بيقول لهم ايه بيقول لهم استنوا شوية ما تتسرعوش. اعرفوا انتم هتبايعوا على ايه. قال هل تدرون على ما تبايعون هذا الرجل؟ انتم متخيلين - 00:27:25ضَ

خطورة البيعة؟ قالوا نعم. فقال العباس بن عبادة بيوضح لهم. قال انكم تبايعونه على حرب الاحمر والاسود من الناس يعني كل الناس فان كنتم ترون انكم اذا نهكت اموالكم مصيبة واشرافكم قتلا اسلمتموه - 00:27:45ضَ

فمن الان فهو والله ان فعلتم يعني لو سلمتموه ان فعلتم خزي الدنيا والاخرة. وان كنتم ترون انكم وافون له بما دعوتموه اليه على نهكت الاموال وقتل الاشراف فخذوه فهو والله خير الدنيا والاخرة - 00:28:05ضَ

اخره الموضوع مش سهل فكروا كويس. طبعا العباس ابن عبادة من السابقين وعارف كويس قوي هو بيبيع على ايه. لكن خايف ان حد من الانصار ما يكونش مستوعب التضحيات دي كلها. فبيحاول ان هو يوضح الرؤية على قد ما يقدر للانصار. رد الانصار على العباس قالوا ايه - 00:28:25ضَ

قالوا فانا نأخذه على مصيبة الاموال وقتل الاشراف. سبحان الله! يبقى خلاص لازم يبايعوا. نفسهم يبايعوا. فقاموا ويبايعه لكن قبل ما يبايعه سأله ايه هو التمن لمصيبة الاموال وقتل الاشراف؟ ايه هو التمن للطاعة المطلقة في - 00:28:45ضَ

والكسل ايه هو التمن للنفقة في العسر واليسر؟ للامر بالمعروف والنهي عن المنكر. ايه هو التمن للجهاد والنصرة وحرب الاحمر والاسود من الناس. قالوا فما لنا بذلك يا رسول الله؟ ان نحن وفينا بذلك. بكل هذه التضحيات الا - 00:29:05ضَ

- 00:29:25ضَ