باحث

الحمد لله واشهد ان لا اله الا الله وحده لا شريك له. واشهد ان محمدا ورسوله صلى الله عليه وسلم. اما بعد آآ ما زلنا في سلسلة اساسيات الطريق الى الله - 00:00:00ضَ

قلنا ان احنا بنتكلم عن ما هي الامور التي ينبغي ان يبدأ بها السالك الى الله سبحانه وتعالى. هي الاولويات هي الامور التي من غيرها ما ينفعش يبقى اسمك على الطريق. ولا ينفع يبقى اسمك ملتزم ولا ان تدعي الالتزام اساسيات. ما ينفعش ما تكونش عندك - 00:00:20ضَ

لزلك بدأنا السلسلة دي بالكلام عن الصدق. في طلب الهداية وطلب الطريق. سم اتكلمنا عن اليقين اللي هو القوة الدافعة اللي هتحركك في الطريق وبعد كده اتكلمنا عن اه محاسبة النفس محاسبة النفس. بعد كده انتقلنا للكلام عن التوبة - 00:00:40ضَ

لان التوبة هي نتيجة محاسبة النفس. بعد كده ازا قرر الانسان ان يتوب الى الله سبحانه وتعالى فلابد كما اه شرحنا في محاسبة نفس فاكرين قلنا انا لما بحاسب نفسي لازم الاول احاسبها على الفرائض قبل النوافل. احاسبه على الفرائض - 00:01:00ضَ

قبل النوافل واحاسبها على ترك المحرمات قبل ترك المكروهات اندية اولويات. اولويات ان انت تبدأ بالفرائض قبل النوافل. فاذا اراد الانسان ان يتوب لازم الاول قبل ما يبتدي يتشتت مجهوده ويبتدي - 00:01:20ضَ

ضيع وقته عشان يسلك الطريق صح لازم الاول ينظر في الفرائض والمحرمات. ما هي الفرائض الضائعة؟ وما هي المحرمات التي يقع فيها. ثم يبدأ بالاهم فالمهم. يبدأ باولى الفرائض واعظم المحرمات. الاول يخلص من دول. بعد كده يتدرج في - 00:01:35ضَ

ويتدرج في ترك المحرمات. بعد كده نتكلم في المستحبات. ما فيش مشكلة انك تعمل مستحبات مع السكة ديت مش لازم تخلص كل فرائض المحرمات عشان تبدأ تعمل مستحبات او تترك مكروهات لكن بقول الاولوية في تفكيرك. لكن اللي يتيسر لك اعمله. اللي يتيسر معك اعمله. ما توقفش حاجة عشان حاجة. ما تقولش انا مش - 00:01:55ضَ

اصلي نوافل الا لما آآ مسلا ابطل انزر للنساء. طب انا لما ابطل الربا هبتدي اصوم هبتدي اقرأ قرآن. اللي يتيسر لك اعمله. لكن انا بقول لو انت بترتب اولوياتك ترتبها ازاي في دماغك. فانا اريد ان اسلك الطريق. اريد ان اكون يعني على الطريق الصحيح. فبماذا ابدأ - 00:02:15ضَ

لابد الانسان يفكر اول ما يبدأ هيفكر دلوقتي انا ايه هي نقطة الانطلاق؟ في هداية في الهداية. ما الذي يريده الله سبحانه وتعالى من السالك اليه. ما الذي ينبغي عليه؟ ما هي اول شيء الله تعالى يريد ويحبه سبحانه وتعالى. لا شك انك انت لازم تفكر نمرة واحد - 00:02:35ضَ

الحاجة اللي هتبدأ بها ديت في التصحيح ان تكون اهم عبادة. نمرة واحد. نمرة اتنين ان تكون عبادة قوية. لان انك انت محتاج دفعة للامام. ما ينفعش بدايتك في الطريق الى الله تكون ضعيفة. انت عايز زقة كده تنتشلك واحد ايه؟ غارز في بحر رمال - 00:02:55ضَ

ما ينفعش شدة خفيفة. عايز واحد يزقه زقة جامدة عشان يطلع وبعد كده على مهلنا. فلابد ان تكون عبادة قوية. لابد ان يكون لها اثر سريع اثر سريع. لابد انها تكون معينة على غيرها. ساعدني على الباقي. ما انا مش هعمل دي وبعد كده لا انا عايز واحدة - 00:03:15ضَ

يسعدني في بداية الطريق. لابد ان تكون هذه العبادة تكفر السيئات الماضية بقوة. لان انا عايز ابدأ على نضافة لان السيئات وملاحقة السيئات بتعطلني. وكل ما ابدأ اقع تاني لان في سوابق وفي سجل سيئات بيتابعني - 00:03:35ضَ

فالعبادة اللي عايز ابدأ بها لازم تكون معينة. تمحو الماضي. تعين على الجديد. تكون قوية سريعة التأثير. وتكون هي اهم على الاطلاق. لذلك اذا بحثت في كل العبادات ستجد ان العبادة التي تجتمع فيها كل هذه الصفات هي الصلاة - 00:03:55ضَ

الصلاة ما ينفعش واحد عايز يبدأ يلتزم او واحد سالك الطريق وما زال عنده خلل في الصلاة. ما ينفعش انك انت بقى لك شهور او سنين في طريق الله سبحانه وتعالى تحضر دروس علم. ربيت لحيتك آآ بتحفظ قرآن لكن ما زال هناك خلل في الصلاة. ما زال - 00:04:15ضَ

الاخ ما بيصليش الفجر. او عنده مشكلة في الصلاة ديت يقوم يصلي ويقوم ما يصليش. يقوم يصلي يومين ما يصليش. او احيانا يجمع المغرب والعشاء لما يبقى تعبان شوية ولا بتاع احيانا لما يوم ما بيصلي الفجر يضيع منه الضهر ويجمعه مع العصر كارسة كبيرة - 00:04:35ضَ

وهو اسمه آآ الاخ واسمه الشيخ واسمه الملتزم. وهو فاكر ان هو ما بيعملش حاجة غلط واحنا الحمد لله بنحضر دروس وبنحفظ قرآن وعنده مشكلة في اكبر واهم عبادة عمر رضي الله عنه كان يرسل لاهل الامصار كتابا - 00:04:52ضَ

يقول اعلموا ان اهم اموركم عندي الصلاة. فمن حفظها فقد حفظ دينه ومن ضيعها فهو لما سواها اضيعة. يعني انا لو هحاسب على حاجة هحاسب على الصلاة والصلاة دي اهم حاجة عندي - 00:05:06ضَ

انبهوا الناس ان عمر يقول لكم اهم حاجة عندي الصلاة لما لا؟ عمر نفسه رضي الله عنه كان اماما في هذا الامر. عمر لما طعن طعن طعن في الصلاة انتم تعلمون. فلما افاق من طعنته قال - 00:05:26ضَ

صلى الناس الدم بينزل. اول ما اول كلمة قالها. هم ضربوها وهو بيصلي ايمان بالناس. بس هو هو واعر. طب الناس عملوا ايه؟ فاول ما قال اصلى الناس؟ قال يا عمر وانت في هذا الامر؟ فقال لا حظ في الاسلام لمن ترك الصلاة - 00:05:41ضَ

لاحظ في الاسلام لمن ترك الصلاة. قال دعوني اصلي. قالوا صلى عمر وجرحه يثعب دما. بطنه مفتوحة والدم بيجري اه وهو عمر رضي الله عنه يصلي والجرح ينزف دما لانه لا يستطيع ان يوقف الدماء. طب ما اصليش لا تصلي. اصلي ازاي؟ صلي كده. طالما مش قادر توقف الدم - 00:06:02ضَ

قال الحسن البصري رحمه الله قال اذا هانت عليك الصلاة فما الذي يعز عليك في دينك؟ لو الصلاة سهلة بالنسبة لك. لو الموضوع مش مشكلة. الحمد لله ما بنعملش حاجة غلط. بس انا عندي مشكلة بس في الصلاة. اللي هو الحمد لله ما كل حاجة تمام. بس انا الصلاة بس هي اللي موقعة - 00:06:22ضَ

ازا هانت عليك الصلاة فما الذي يعز عليك في دينك؟ وقال بعض السلف اعلم ان قدر الاسلام في قلبك على قدر الصلاة التي تصليها على قدر الصلاة تعظيمك للصلاة هو ده تعظيمك للاسلام. فالصلاة هي اول الامر. منطلق - 00:06:40ضَ

الهداية. بداية الطريق. ليه؟ ليه لازم ابدأ بالصلاة؟ ابدأ بالصلاة فعلا وكيفية وكمية يعني اصلي واصلي صح واصلي صح دي هتيجي لنا في دروس تانية. لكن انا النهاردة الاول اصلي. ازاي اصلي؟ الدرس اللي جاي ان شاء الله. لكن - 00:07:00ضَ

لازم اصلي. ولازم اصلي الخمس صلوات. ولازم ما اقطعش في الصلاة. والا تبقى البداية هتطول اوي. لو حبيت توصل لربنا وانت في الصلاة. لكن لو بدأت الصلاة اتزبطت نمرة واحد الدنيا هتنجز معك انجاز غير عادي. اول شيء ليه؟ لازم ابدأ بالصلاة - 00:07:20ضَ

لان الصلاة لو ما اتزبطتش ما لوش لازمة اللي انت بتعمله. كله لان النبي عليه الصلاة والسلام قال اول اول ما يحاسب عليه العبد يوم القيامة الصلاة. فاذا صلحت صلح سائر العمل. واذا فسد - 00:07:40ضَ

فسد سائر العمل. في رواية فاذا صلحت فقد افلح وانجح فقد افلح وانجح هيعدي يبقى هي مش بس الصلاة بتعينك على الطريق. لأ الصلاة بتجبر النقص في اي شيء. يعني لو الصلاة تمام وفي نقص في حاجة تانية - 00:07:55ضَ

الصلاة تأتي تجبر النقص. اما لو كان النقص في الصلاة فلا يجبره شيء تاني ازا كنت في الطريق الى الله عندك كمال في الصلاة ونقص في غير الصلاة فكمال الصلاة يجبر نقص غير الصلاة. وازا كان - 00:08:16ضَ

عندك كمال في غير الصلاة ونقص في الصلاة فلا يوجد شيء. يجبر نقص الصلاة الا الصلاة. لزلك لما لما في الحديث قال آآ انزر في الصلاة على الديفين اتمها كتبت تامة فان لم يتمها قال الله انزروا هل لعبدي من تطوع؟ فتتمون به الفريضة. فلا يجبر الصلاة الا الايه؟ الا الصلاة - 00:08:33ضَ

تمام؟ صلاة النوافل بتجبر لك الايه؟ الخلل في في الفريضة. مش بس الصلاة ازا صلحت صلح سائر العمل لأ دي كمان اسناء العمل بتاعها تمحو الاثار السيئة للسيئات الماضية. فان النبي عليه الصلاة والسلام قال الصلوات الخمس مكفرات - 00:08:53ضَ

لما بينهن الجمعة الى الجمعة مكفرات لما بينهن. قال النبي عليه الصلاة والسلام يوسف للصحابة المشهد يعني. ازاي الصلاة دي تمحو لك الاثار سواد السيئات القديمة او السيئة الحالية قال ارأيتم لو ان نهرا - 00:09:13ضَ

بباب احدكم يغتسل منه في اليوم خمس مرات. هل يبقى من درنه شيء؟ قالوا لا. قال كذلك الصلوات الخمس امس مكفرات لما بينهن. لو واحد عنده نهر قدام البيت وكل يوم بيستحمى خمس مرات. كل يوم يستحمى خمس مرات - 00:09:32ضَ

ايه رأيك فيه؟ يلمع. لو عملت كده ايدك عليه يزيق. هو ده. ابيض يا ورد. زي الفل. واخد بالك؟ والقطنة ما بتكدبش معروف. يبقى الولد ايه؟ تمام. ميت فل وعشرة. هي الصلاة كده. صل الخمس صلوات في اوقاتها مع الخشوع وتمام الاداء. تطلع - 00:09:55ضَ

كده كل يوم تطلع ابيض. ما في سيئة واحدة. غير اللي فات اللي فات اتمسح والجديد بيتمسح وقتي بقى. كل صلاة تمحو الايه؟ قال النبي عليه الصلاة والسلام تحترقون تحترقون تحترقون. حتى اذا جاءت - 00:10:15ضَ

صلاة الظهر محتها وهكذا كما جاء في الحديث. المهم ان الصلاة نمرة واحد اول ما تحاسب عليه يوم القيامة من غير الصلاة ما فيش ما فيش يعني نفع كبير لغيرها من الاعمال العكس اذا صلحت الصلاة جبرت كل نقص يوم القيامة هي في الدنيا تكفر لك السيئات - 00:10:30ضَ

ماضيا تكفر لك السيئات البينية بين الصلوات كانك تغتسل في اليوم خمس مرات نمرة تلاتة احنا قلنا وصية عمر وقلنا لماذا الصلاة؟ وآآ قضية ايه؟ محو السيئات والاعانة نمرة تلاتة لو ان الانسان - 00:10:51ضَ

حضرات الوفاة وجلس على فراش الموت خلاص بيموت يعني. واحب ان هو يتكلم مع اهله بكلمة واحدة هيموت بماذا سيتكلم؟ لا شك ان هو هيقول اهم حاجة. اخطر حاجة. خلي بالكم من كذا. كذا دي هينقيها من الف كلمة في دماغه - 00:11:09ضَ

لان هو عنده فرصة يقول كلمة واحدة طب اذا كان الذي يموت رجل صالح بلا شك ان كلامه ينبغي ان يعتبر. الراجل الصالح عنده خبرة طويلة في الصلاح. وهيقول لنا كلمة هيوصينا بها. توصينا بايه يا عم الشيخ؟ انت اللي بتقابل شيخ بتقول له - 00:11:30ضَ

اه اه اديني نصيحة مش كده؟ انصحني نصيحة بالله عليك. نصيحة واحدة وانت عارف ان هو هينقي لك نصيحة فايدة. هي كلمة واحدة. قل امنت بالله ثم استقم كما جاء رجل الى - 00:11:45ضَ

عليه الصلاة والسلام. طب لو الراجل ده بيموت بقى والنبي يا عم الشيخ قل لنا نصيحة قبل ما تموت. هيجمع حياته كلها في كلمة واحدة طب لو الراجل ده نبي لا يبقى الكلام اخطر - 00:11:55ضَ

يبقى دي خلاصة خبرة ليست عادية. طب لو كان الرجل ده هو رسول الله عليه الصلاة والسلام هيختصر حياته كلها في كلمة. وهيقول لنا كلمة واحدة اضبط لنا كل حاجة. وحيوصي وصية واحدة وما فيش وقت يقول اكتر من كلمة - 00:12:07ضَ

النبي عليه الصلاة والسلام يقول كما شاهد الصحابة وسمعوا قال الصلاة الصلاة وما ملكت ايمانكم فلم يزد النبي عليه الصلاة والسلام في العبادات سي الما ملكة اي ممكن دي معاملات. لكن العبادات ما ذكر النبي عليه الصلاة والسلام الا الصلاة. كان يقول ازا صلحت صلح ايه - 00:12:22ضَ

سائر العمل. يعني ازبط الصلاة كل حاجة هتمشي. كل حاجة هتكمل. ما زبطتش الصلاة ما فيش امل. ادى لك المفتاح بتاع كل حاجة. عشان كده انا قلت لك في البداية - 00:12:45ضَ

لو انت اول التزامك زبطت الصلاة كله سهل. وهتلاقي الدنيا بتجيب بعضيها بسهولة جدا. خاصة لو صليت في المسجد خاصة لو صليت في المساجد اما انك بدأت بداية غير الصلاة هتطول اوي وفي الاخر هتوصل للصلاة بعد ما تكون قطعت شوط طويل على الفاضي. وهتكتشف في نهاية الطريق ان الام - 00:12:55ضَ

ان الدنيا ما اتزبطتش الا لما الصلاة نفسها اتزبطت. فانا باختصر عليك الطريق. ابدأ بالصلاة. خمس صلوات مش اربعة. اربعة مش هتعمل معك شغل لازم خمس صلوات في اليوم والليلة - 00:13:15ضَ

تمام؟ يبقى وصية النبي عليه الصلاة والسلام بتدي لك ملمح. ليه الصلاة؟ ليه المفروض ابدأ بها؟ لان النبي عليه الصلاة والسلام يعتبر دي اللي زبط دي خلاص طلع بالفايدة طلع بالفايدة ازبط الصلاة ينضبط لك كل شيء. يبقى دي نمرة تلاتة - 00:13:29ضَ

نمرة اربعة ليه المفترض ابدأ بالصلاة لما ابدأ الطريق الى الله لان النبي عليه الصلاة والسلام اعتبر الصلاة دي اهم شيء. وصريحة وقالها وواضحة. قال اعلموا ان خير اعمالكم عندي - 00:13:48ضَ

الصلاة وقال عليه الصلاة والسلام الصلاة خير موضوع الصلاة خير موضوع. يبقى انا من اجل الصلاة ينبغي ان اترك كل شيء. لان لا يوجد موضوع اهم من الصلاة. لا يوجد عمل اهم من - 00:14:03ضَ

الصلاة ما ينفعش واحد يقول ما بتصليش ليه؟ يقول لك اصل انا مشغول. وقتي ما بيسمحش. فالشيخ آآ وقت مزاكرة وايام امتحانات وانا ما اعرفش اصلي مني وقت وانا لازم ازاكر. اصل انا عندي شغل والمحل واكل عيشي. اصل انا صنعتي ولازم مش عايز اضيع وقت عشان دي وقت الناس. اصل انا في - 00:14:19ضَ

شغلي باتشغل شوية. اصل انا في البيت وكنت مشغولة بالعيال واصل المطبخ خدني ونسيت نفسي. الكلام ده كله كلام فارغ اصل عمل عبادة كلام فارغ لا حديث ولا اثر عن صحابي - 00:14:40ضَ

العمل عبادة دي كلمة الناس اخترعتها. علشان تبرر لنفسها ترك الصلاة العمل عبادة ازا صحت النية. نعم. لو لك نية صالحة في العمل يكون عبادة ومن شروط ان يكون العمل عبادة الا يلهي عن الصلاة - 00:14:56ضَ

فاذا الهى العمل عن الصلاة لم يكن عبادة بلا شك بل كان عبادة لما تفعلوا؟ تعس عبد الدرهم تعس عبده الدينار تعس عبده القطيف والخميصة تعس وانتكس. واذا شيك فلا انتقش - 00:15:12ضَ

يبقى انت سبت الصلاة ليه؟ عشان المزاكرة انت الان العمل فعلا ده عبادة. لكن عبادة للمزاكرة. سبت الصلاة ليه؟ علشان المحل العمل ده عبادة لكن عبادة للمال. الجنيه والدرهم والدولار والدينار. سبت الصلاة ليه؟ عشان العيال هذا العمل عبادة للعيال - 00:15:30ضَ

لانك قدمت هؤلاء على الله سبحانه وتعالى العمل لكي يكون عبادة. اشترط فيه. اولا العمل نفسه يكون حلال. نمرة اتنين يكون فيه نية اصلا. ان ما فيش نية خلاص لا اجر ولا وزر. نمرة تلاتة - 00:15:51ضَ

ان الا يمنع هذا العمل من الصلاة. اذا منع من الصلاة كان وبالا على صاحبه يوم القيامة. لان الصلاة خير موضوع. ازا كان العمل عبادة جدلا فان الصلاة ام العبادات. اصل العبادات. ما ينفعش واحد يقدم اخوه على امه. مش كده؟ ولا ابنه على امه - 00:16:07ضَ

كذلك ما ينفعش حد يقدم اي عبادة على الصلاة ازا كان المجاهدين في الحرب بيصلوا رغم ان هم في معركة وجهاد. ده عبادة بقى ايه؟ وش صرف. قال النبي عليه الصلاة والسلام اعلموا ان رأس الامر الاسلامي - 00:16:28ضَ

وعموده الصلاة وذروة سنامه الجهاد في سبيل الله. رغم ان ذروة سنام الاسلام هو الجهاد في سبيل الله لم يأذن الله للمجاهدين اتركوا الصلاة لزلك شرع الصلاة ليه؟ الخوف لو انت بتقاتل العدو صل. طب انا مش عارف اقف اصلي. صل وانت بتجري. اصلي وانا بجري؟ اه. واركع طب اركع واسجد ازاي؟ اومئ برأسك - 00:16:46ضَ

شادي رومي برأسي. اومئ اعمل اشارة. انوي ما فيش حل فان خفتم فرجالا او ركبانا. حافظوا على الصلوات والصلاة الوسطى وقوموا لله قانتين. فان خفتم فرجالا رجال مش رجالة يعني رجال يعني اشياء على رجليكم. او ركبانا يعني راكبين - 00:17:12ضَ

راكبين سيارة دبابة طيارة. هتصلي في الطيارة. هتصلي في الدبابة. لكن تسيب الصلاة مش مسموح لك بكده. المريض مسموح له يسيب الصلاة؟ لأ. المسافر مسموح له يسيب الصلاة؟ لأ الناس في عرفة ينفع يسيبوا الصلاة؟ لأ. ما في عبادة في الاسلام تمنع من الصلاة. يعني ما تجيش بقى تقول لي العمل عبادة. ازا كان باقول لك الجهاد ما ينفعش - 00:17:32ضَ

يمنع من الصلاة. المرض ما ينفعش يمنع من الصلاة. يبقى ازاي العمل؟ تدعي وتزعم ان هو حجة عشان تسيب الصلاة. فضلا عن المزاكرة وهي اقل من العمل مزاكرة تتأجل. مزاكرة تضغط نفسك فيها. وما فيش بركة لو تركت الصلاة من اجل الايه؟ من اجل المزاكرة - 00:17:59ضَ

الصلاة خير موضوع. الصلاة خير الاعمال كما قال النبي عليه الصلاة والسلام. ليه لازم ابدأ في طريقي الى الله بالصلاة؟ نمرة خمسة خمسة لان هذه بداية منطقية. متناسقة مع الشرع - 00:18:17ضَ

لان النبي عليه الصلاة والسلام لما بين اركان الاسلام جعل الصلاة هي الركن الثاني. قال بني الاسلام على خمس شهادة ان لا اله الا الله ان محمدا رسول الله واقام الصلاة. جعل الصلاة نمرة اتنين طبعا كلنا مسلمين يبقى احنا في نمرة كم دلوقتي؟ نمرة اتنين. ولما النبي عليه الصلاة - 00:18:32ضَ

والسلام ارسل معاذ الى اهل اليمن. قال فليكن اول ما تدعوهم اليه ان يوحدوا الله. فاذا عرفوا ذلك فاعلمهم الله افترض عليهم خمس صلوات في اليوم والليلة. فاذا عرفوا ذلك فاخبرهم ان الله افترض عليهم زكاة - 00:18:52ضَ

تؤخذ من اغنيائهم فترد الى فقرائهم. تمام؟ يبقى معنى ذلك ان هم لو ما استجابوش للصلاة ما لوش لازمة تقول لهم على الايه؟ على الزكاة اذا صلحت صلح سائر العمل وازا فسدت فسد سائر العمل. لما تقرأ حديث النبي عليه الصلاة والسلام عن رب العزة قال يا ربنا جل شأنه - 00:19:11ضَ

ما تقرب الي عبدي بشيء احب الي مما افترضته عليه. ولا يزال عبدي يتقرب الي بالنوافل. يبقى انا لما احب اقرب لربنا قوي ابدأ بالفرائض. طب انا ايه اولى الفرائض ابدأ بها المنطقي؟ ابدأ باهم فريضة عند الله. ايه هي اهم فريضة عند الله؟ الصلاة. يبقى هذه البداية منطقية - 00:19:31ضَ

اي بداية تختلف عن هذه البداية هي تضييع للاوقات. ستظل تضيع وقتك الى ان تبدأ بالصلاة. لابد ان تبدأ دايما بالصلاة فهذه هي بداية المنطقية. طيب ليه لازم ابدأ برضو بالصلاة في طريق الى الله؟ لانك انت في بداية الطريق - 00:19:51ضَ

انت عندك مشاكل كتير. انا الصلاة فيها مشاكل وموضوع البنات فيه مشاكل وموضوع الاغاني فيه مشاكل وموضوع السجاير فيه مشاكل وموضوع الصداقة فيه مشاكل ابدأ به ولا ايه؟ ابدأ بالصلاة. وبعدين ما لكش دعوة بقى بس صل صح وخمس صلوات - 00:20:09ضَ

لان الصلاة تعمل لك حاجتين. لو زبطت الصلاة هتعمل حاجتين. واحد هتعينك على باقي الطاعات. قال الله يا ايها الذين امنوا استعينوا بالصبر والصلاة. ان الله مع الصابرين. نمرة اتنين هتعينك على ترك المنكرات. قال الله ان - 00:20:26ضَ

تنهى عن الفحشاء والمنكر وجاء قوم الى النبي عليه الصلاة والسلام قالوا ان فلان يقيم الليل كله فاذا اصبح سرق المال فقال النبي عليه الصلاة والسلام ستمنعه صلاته ستمنعه صلاته. يعني لو بيصلي صح هيبطل السرقة ديت. هيبطل السرقة ديت. لذلك اقول لك نصيحة - 00:20:46ضَ

حافظ على الصلاة دايما. مهما كان حافظ على الصلاة دايما مهما كان بتزني حافز على الصلاة. بتسرق حافظ على الصلاة. بتعمل العادة السرية اغتسل وحافز على الصلاة. مش محجبة لابسة ضيق - 00:21:15ضَ

شيلي اسدال معك وخش صلي في اي مكان في مسجد الكلية في الشغل صلي حتى لو مش محجبة. صلي اوعى تنقطع عن الصلاة الشيطان هيجي يقول لك انت بتعمل عادة سرية. تصلي ازاي - 00:21:36ضَ

لو صليت تبقى منافق انت بتزني انت بتسرق انت مش محجبة تبقي بوشين تصلي ومش محجبة تصومي ومش محجبة وتقري قرآن ومش محجبة لما الشيطان يقول لك كده قل له يا واد يا مؤمن - 00:21:52ضَ

يا واد ايه يا واد يا مؤمن ده الحل الشيطان ما يتمناش منك اعظم من الامنية ديت انك تسيب الصلاة. هو دي اللي عايز يوصل له. دي اهم من اللي انت بتعمله - 00:22:08ضَ

هو عايز يوصل انك انت تسيب الصلاة ربنا جل شأنه قال جاء رجل للنبي عليه الصلاة والسلام قال له قبلت امرأة قبلة فنزل فيه قول الله تعالى قال له ايه الحل؟ قال نزل قول الله تعالى اقم الصلاة. طرفي النهار وزلفا من الليل. ان الحسنات - 00:22:22ضَ

يذهبن السيئات. ذلك ذكرى للذاكرين. يذهبن السيئات يعني يذهبن الذنب ويذهب الرغبة فيها. يبقى انا لما اصلي هجد نفسي مش عايز بعد كده عمل. اعمل الحاجة الغلط دي. هلاقي اسأل اخوة كتير التزموا بالصلاة. يقول لك مش عارف لقيت نفسي بقيت بكره الاغاني كده ما عرفش ليه. لقيت نفسي بطلت - 00:22:40ضَ

لقيت نفسي قفلت من اصحابي كده ما بقتش زي الاول. لقيت نفسي عايز اتصدق وعايز اطلع عمرة كله بدأ كده بالعكس لو ان الشيطان ظفر منك بترك الصلاة يبقى هو ضامن انك انت - 00:23:00ضَ

ستستمر على اللي انت سبت الصلاة عشانه وزدت الطين بلة بانك انت سبت الصلاة. لان ربنا سبحانه وتعالى ربط بين الضياع وبين ترك الصلاة قال تعالى فخلف من بعدهم خلف اضاعوا الصلاة واتبعوا الشهوات. فسوف يلقون غيا. قال العلماء لما اضاعوا الصلاة - 00:23:15ضَ

تابعوا الشهوات. ولو انهم اقاموا الصلاة لما وقعوا في الايه؟ لما وقعوا في الشواهد. فان الصلاة تنهى عن الفحشاء والمنكر. واتبع الحسنة تمحها. ومن ضيع الصلاة فهو لما سواها اضيع لذلك. مهما كنت بتعمل حافظ على الصلاة - 00:23:35ضَ

فاحنا قلنا الصلاة هتنجز معك. دايما اللي داخل في طريق الالتزام يبقى السؤال ده من بتاعه. يقول لك بص يا شيخ عندي مشاكل كتير اصلا بنات وسجاير مش عايز اقول لك بلاوي. سيبك من كل ده. صل بس. يا - 00:23:54ضَ

لما يجي لك واحد قلت لكم النصيحة دي قبل كده. اما يجي لك واحد عايز يلتزم هيروح داخل لك بايه؟ بكمية سيئات تحس ان انت قدامه جهل. مش كده يعني - 00:24:16ضَ

كان فيه بص اصل انت ما تعرفش. اصل انت شيخ طيب. انا بهدلت الدنيا. المهم يعني قبل ما يخش لك يعقدك خالص. اللي هو يحسسك ان ايه؟ ان لو كل الناس تابت انا ما ينفعش اتوب. صعب صعب. الشيطان لو تاب هتوب معه - 00:24:26ضَ

فاهم ازاي؟ المهم ان هو هيعقد لك الدنيا. سيبك من كل دوت وما تستدرجش معي في الكلام. قل له بص خليك زي ما انت. بس صل الخمس صلوات بس. وركز معه في ان هو يتقن الصلاة - 00:24:46ضَ

وبعد كده ادي له درس في القرآن. حفزه قرآن وحببه في القرآن. وانا اعتمادي على ايتين بالزبط. اول اية ان الصلاة تنهى عن الفحشاء والمنكر. تاني اية ان هذا القرآن يهدي التي هي اقوم. ركز معي في الاتنين دول بس سبه بقى. هيجي لك لوحده بقى - 00:25:01ضَ

شوية. بيقول لك ايه السجاير ده ؟ مش عارف ايه السجاير دي مش عارف ما بقتش احبها. عارف يا شيخ القرآن ده جميل اوي. انا بدأت اقلل من الاغاني كده واسمع - 00:25:21ضَ

كتير دلوقتي. آآ بفكر اسيب البنت. اصحابي بقيت اقفل منهم. مش عارف بقيت اقعد معهم ما بقتش بتبسط زي الاول. هو كده سيبه سيبه هو شوية كده هتلاقي كل ده راح. كل ده راح. الصلاة التركيز عليها حتى في فهمك للصلاة في الدعوة بينفعك - 00:25:31ضَ

انا لما ابدأ مع المدعو ابدأ معه بايه؟ انجز مع نفسك. اصلك انت لو قعدت مع نفسك تحاول انت وهو تغير له المنكر اللي هو عليه هيطول وصعب. لكن انا حجيب وسيلة - 00:25:51ضَ

قوية جدا مضمونة فيها شهادة من رب العالمين. الصلاة. ازبط الصلاة وانت بتساعد برضو. بس انت جبت ايه؟ جبت حاجة جامدة قوي معك بتزق جامد زوق جامد وهتنجز معك. طيب ليه المفترض ابدأ بالصلاة؟ لان انا لما ببدأ الالتزام العلماء - 00:26:01ضَ

لما تبدأ الطريق الى الله ابدأ الاول بالتخلية وبعد كده اعمل الايه؟ التحلية. يعني ايه الكلام ده؟ بيقول لك التخلية قبل التحلية. يعني ايه التخلية؟ التخلية يعني نضف الاول وبعد كده ابني على نضيف يعني التحلية. انا عايز ازرع ارض. الارض معفنة ومليانة زبالة ومليانة جسس ومليانة مش عارف ايه وبتاع. ما ينفعش ازرعها على الوضع ده - 00:26:21ضَ

لازم الاول انضفها وبتاع وبعد كده ازرع. كزلك القلب لو بدأت انت الطريق كده على طول ولسه في زبالات الزنوب والمعاصي. بتبقى انت بتحط ايه بتحط اه اه عسل على طين وخل على على تمر يعني العملية ايه بايزة خالص. ما بتطلعش بمنتج جيد. فلازم المنتج اللي ابدأ به يزيح على طول - 00:26:47ضَ

الصلاة بداية بها بيتنضف بسرعة انا مش هقعد اركز بردو مش مش طبيعي ان انا اقعد اركز ترك الزنوب الاول وبعد كده اعمل واجبات ما هو ترك الواجبات زنوب يعني انا عايز حاجة تنجز يعني تنضف بسرعة عشان انا عايز - 00:27:07ضَ

ابدأ بقى عايز ابدأ ابني عايز ابدأ احفز قرآن ويجيب اسر معي ما هو انا المشكلة ببدأ بدأت بدايات كتير. باحفظ قرآن مش لاقي اثر القرآن. بقوم الليل مش حاسس بحاجة. بتصدق فين الثمرات الصدقة اللي بتقولوا عليها - 00:27:21ضَ

عشان انت بتبني على مشاكل. القلب لسه عايز شغل. عايز حاجات كتير تنضف. عشان لما تبني تلاقي فلما بتبدأ بالصلاة بتعمل اسرع وسيلة تطهير. انا عايز وسيلة سريعة. وعشان انا ببني فمش عايز ابني على الهوا ومش عايز ابني على الفاضي - 00:27:35ضَ

فالصالة بتنجز معك. قال النبي عليه الصلاة والسلام ان العبد المسلم لا يصلي الصلاة يريد بها وجه الله فتتهافت عنه ذنوبه كما تتهافت الاوراق عن هذه الشجرة. انا جبت شجرة كده في الخريف وهزيتها - 00:27:56ضَ

كده تنزل كل الاوراق اللي فيها. كذلك الزنوب تتهافت عن المسلم ازا صلى. وقال عليه الصلاة والسلام ان العبد اذا قام يصلي اوتي بذنوبه كلها. كلها فوضعت على رأسه وعلى عاتقيه - 00:28:17ضَ

فكلما ركع او سجد تساقطت عنه. اتحط كل زنوبك على راسك وعلى كتافك. تركع تقع تسجد تقع خالص ممكن يطلع الانسان من صلاة واحدة وقد غفر له كل الذنوب. وهذا اخبر عنه النبي عليه الصلاة والسلام. من صلى صلاة - 00:28:35ضَ

لا يحدث فيها نفسه. لا يحدث فيها نفسه. خرج من صلاته كيوم ولدته امه طبعا ده ايه حاجة عالية قوي يعني. ممكن تقعد حياتك كلها عشان تزبط صلاة زي ديت. صلاة لا تحدث فيها نفسك قط. ما سرحتش لحزة فيها - 00:28:55ضَ

فده بقى ايه؟ تحدي بقى بينك وبين يعني ده مشروع حياة. انك انت كل مسلا سنة ولا حاجة تعمل لك ركعتين من دول يعني ايه؟ يعدلوا السنة كلها. ما لكن الموضوع ده بييجي في التمرين ما هو انت لو ما لكش تمارين ان انت بتوصل لتسعين في المية وخمسة وتسعين في المية وسبعة وتسعين في المية عمرك ما هتجيب الصلاة ديت مش هتبدأ يوم ما هتبدأ - 00:29:12ضَ

الصالة ديت اكيد. الموضوع محتاج ايه؟ تمارين طويلة. التمارين دي بتبقى في الفرائض والنوافل وكده. يبقى انا الصلاة بتطهر معي جامد. فبالتالي انا لما بقى احط اي عبادة باجد اثرها بسرعة لان هي اتحطت على نضافة. تمام - 00:29:32ضَ

لماذا ابدأ بالصلاة؟ تمانية الى ان الصلاة ازا ضاعت فما الذي بقي من دينك مهما فعلت ما الذي بقي من دينك؟ مهما فعلت. النبي عليه الصلاة والسلام بيوصف اخر الزمان. بيقول في اخر الزمان الناس دينها يضيع - 00:29:47ضَ

الناس دينها يضيع. فقال عليه الصلاة والسلام اول ما يرفع من الناس الامانة واخر ما يبقى من دينهم الصلاة يعني الناس يوم ما الدين هيبتدي يروح اول حاجة هتروح من الناس الامانة - 00:30:05ضَ

في ناس يعني ما بتصدقش بعض. بتخون بعض ما تسقش في بعض ما بقاش فيه ضمير لا في شغل ولا في عمل ولا في صنعة ولا ولا في بيع ولا في شراء والناس بقت خلاص قفلت من بعض - 00:30:22ضَ

بس يفضل دايما الصلاة موجودة. اخر حاجة الناس بتسيبها الصلاة. حط بقى المقياس ده على نفسك يبقى لما لما الصلاة تضيع يبقى دينك كله ضاع. لم يبق منه شيء. قال عليه الصلاة والسلام لتنقضن عرى الاسلام عروة - 00:30:32ضَ

اروى كأن حاجة كده لها ايه عروات وانت قاعد تفك واحدة واحدة. قال فكلما انتقضت عروة تشبث الناس بما بعدها بما بعدها امسكه في اللي بعديه يقول لك طب خلينا نمسك في دي. خلاص اللي اللي ضاع ضاع طب نلحق الباقي - 00:30:49ضَ

قال فاولهن نقضا الحكم. الحكم بالشريعة دي اول حاجة قال واخرهن نقضا الصلاة. معنى زلك ازا انتقضت عروة الصلاة يبقى لم يبقى في الاسلام عروة لا حظ في الاسلام لمن ترك الصلاة. لماذا ابدأ بالصلاة - 00:31:06ضَ

لان احنا قلنا ان اول حاجة التوحيد. مش كده؟ الايمان. بعد زلك الصلاة. الصلاة شبه الايمان يعني الصلاة والايمان اعتبرهم حاجة واحدة. ليه؟ لان ربنا سبحانه وتعالى سمى الصلاة في القرآن ايمان. والنبي - 00:31:27ضَ

عليه الصلاة والسلام سمى الصلاة ايمان. الصلاة سماها ايمان. يعني هي والايمان زي بعض. ييجوا مع بعض يمشوا مع بعض قال الله سبحانه وتعالى. الصحابة كانوا بيصلوا الاول لبيت المقدس - 00:31:46ضَ

راحت القبلة اتحولت للبيت الحرام. فالصحابة قالوا طب بالنسبة للصلاة اللي صلاها من بيت المقدس ايه نزامها؟ اتحسبت ما اتحسبتش اتقبلت ما اتقبلتش. فنزل قول الله تعالى قال وما كان الله ليضيع ايمانكم. ان الله من الناس العروف الرحيم. قال العلماء يعني وما كان الله ليضيع - 00:32:01ضَ

يبقى ربنا سمى الصلاة يا اخوانا ايمان. والنبي عليه الصلاة والسلام قال الطهور شطر الايمان الوضوء نص الايه؟ نص الصلاة على احد المعاني. الطهور شطر الايمان. فالنبي عليه الصلاة والسلام سمى الصلاة ايه؟ ايمان - 00:32:21ضَ

وعد النبي عليه الصلاة والسلام ترك الصلاة كفر قال بين الشرك بين الرجل وبين الكفر والشرك ترك الصلاة. قال العهد الذي بيننا وبينهم الصلاة. فمن تركها فقد كفر وكان رجل يدعى محجن ابن ادرع الاسلمي. جالس مع النبي عليه الصلاة والسلام. فاذن للصلاة - 00:32:41ضَ

فقام النبي عليه الصلاة والسلام وصلى ثم عاد فوجد محجن في مكانه قال ما منعك ان تصلي؟ الست بمسلم الست بمسلم معنى الكلام انك لو انك لست بمسلم ما انت لا تصلي. اما ان كنت مسلما فكان ينبغي ان تصلي. لان تركك للصلاة دليل على عدم - 00:33:06ضَ

اسلامك وقال عمر رضي الله عنه لا حظ في الاسلام من ترك الصلاة. وقال ابن مسعود من ترك الصلاة فلا دين له قال ابن مسعود من ترك الصلاة فلا دين له - 00:33:28ضَ

فلا دين لهم بعد لما بيسمع احاديث ترك الصلاة وترك الصلاة كفر وهذه الاشياء ايه رأيك يا عم الشيخ ما اصل الكلام ده مش كفر كفر يعني في ناس كتير من العلماء - 00:33:46ضَ

قالوا ان هي مش كفر اكبر. وان المسألة دي فيها خلاف. والراجح ان هو مش كفر اكبر دا كفر اصغر. طيب انا اقول كما شيخنا الشيخ محمد اسماعيل مقدم حفظه الله. كان يقول انا اريد ان اهمس همسة في اذن تارك الصلاة - 00:33:58ضَ

اترضى ان يكون دينك محل خلاف بين العلماء. انا عايز افهم حاجة والعلماء مختلفين. ان انت كافر ولا صحابي يعني كافر ولا صديق ولا هم مختلفين انت كافر ولا زنديق - 00:34:16ضَ

فاجر اثم قال الشيخ اترضى ان يكون دينك محل خلاف بين العلماء. ففريق يقول انت كافر كفر اكبر. مخرج من الملة لا لا ترث لا تورث لا تغسل لا تكفن لا يصلى عليك. يفرق بينك وبين زوجتك فورا - 00:34:35ضَ

لا تصلح وليا لابنتك لانك كافر لا تدفن في مدافن المسلمين. وبين فريق يقول انت فاجر. زنديق اشد عند الله من الزاني والسارق وشارب الخمر قال ابن القيم رحمه الله اتفقت كلمة المسلمين اتفقت كلمة المسلمين على ان تارك الصلاة المفروضة عمدا اشد - 00:34:59ضَ

عند الله من الزاني والسارق وشارب الخمر ايه معنى انك انت ملتزم وما بتصليش الفجر ايه معنى انك انت بتحضر دروس؟ ايه معنى انك منقبة او محجبة؟ او انك انت بتحفظ قرآن وما بتصليش الفجر - 00:35:27ضَ

هل تعلم انك في اليوم الذي تتعمد فيه ترك صلاة الفجر انك تستقبل هذا اليوم تستقبل هذا اليوم بذنب اشد من والزنا وشرب الخمر وكل يوم لا تصلي فيه الفجر متعمدا تستقبل هذا اليوم بذنب اشد عند الله من القتل والسرقة والزنا وشرب الخمر - 00:35:50ضَ

اي شيء يصلح اذا ترك الانسان الصلاة فهذه همسة في اذن تارك الصلاة. ابدأ بالصلاة. صحح الصلاة. لا حظ في الاسلام لمن ترك الصلاة لماذا الصلاة انك انت لو عملت الصلاة نمرة عشرة بتطمن. بتطمن ايه بقى؟ نطمن انك انت ان شاء الله ان شاء الله شكلي - 00:36:13ضَ

كده مش منافق. ولو الصلاة مخرومة حتى لو بتعمل كل حاجة صح تشك انك انت منافق فورا لان فعل الصلاة على الوجه الصحيح دليل على الايمان فان الله سبحانه وتعالى قال عن المنافقين واذا قاموا اذا قاموا الى الصلاة قاموا كسالى. يراؤون الناس ولا - 00:36:42ضَ

تذكرون الله الا قليلا. فاذا قاموا. يعني ينفع ابقى بصلي ومنافق برضو وهي عادي يعني. المنافقين كانوا بيصلوا. بس ما كانوش بيصلوا الصلاة التمام صلوا صلاة اي كلام. كروتة عشان بس ايه النبي يشوفهم وبتاع ويعدوا. لكن صلاة صلاة لا لا المنافق لا يصلي صلاة سليمة ولا صحيحة. لا يذكرون الله الا ايه - 00:37:08ضَ

قليلة النبي عليه الصلاة والسلام بقى بين الحاجة العالية بقى قال عليه الصلاة والسلام من صلى لله اربعين يوما في جامعة يدرك التكبيرة الاولى كتبت له براءتان براءة من النار وبراءة من النفاق - 00:37:28ضَ

دي بقى اللي يعرف يعملها بقى ايه؟ دي برضو من المشاريع الاستراتيجية في الحياة. يعني الصلاة نفسها ممكن الصلاة نفسها مشروع جيد. ممتاز. مهم. في بقى داخل الصلاة مشاريع استراتيجية. اللي هي انت ايه بترسم على كبير اللي هو مشروع حياة. يعني لو افترضت تفضل طول حياتك بتحاول فيه - 00:37:51ضَ

نقلنا المشروع الاول ايه انك تصلي ركعتين لا تحدث فيهما نفسك. ده مشروع حياة يعني افضل طول حياتك صلي وحاول مرة في حياتك تصلي ركعتين من غير ما توسوس من غير ما تسرح. مشروع حياة ممكن تنجح فيه مرة في حياتك - 00:38:08ضَ

مش مشكلة لو وفقت لها حلو اتغفر لك كل ذنوبك. المشروع التاني مشاريع الحياة انك تفضل تقاوح في صلاة الجماعة لغاية ما تجيب اربعين يوم تكبيرة احرام ممكن تقعد في الموضوع ده سنة سنتين عشر سنين مش مهم. بس صدقني لو فعلا بزلت وتعبت في الموضوع ده هتوصل له. كتير من الاخوة بيحاول في - 00:38:24ضَ

ما بيوصلش ليه؟ لان هو فاكر ان هيجيبها من اول مرة. هو فاكر الموضوع سهل. يعني ايه؟ يعني يلا بنا يا اخوانا ايه؟ هظبط ايه؟ اربعين يوم تكبيرة احرام اخد البراءة من النفاق وانام الننة - 00:38:44ضَ

ايه ده ؟ طول ما نيتك كده عمرك ما هتجيبهم ابدا. هو معلش هو اللي خد برامج النفاق ينفع يبقى منافق بعديها؟ ينفع ينام؟ لا دي مين اللي بياخدها دي يا اخوانا؟ بياخدها واحد اصلا بيموت في صلاة - 00:38:54ضَ

الجماعة ديت. راشق في صلاة الجماعة. راشق صف اول ده العادي بتاعه. ونيته ان لو جاب الاربعين هيكمل عادي. هخليهم تمانين ومية والف والفين ده اللي بيوفق الماكين بتاع النشان ده مش بيوفق في العادة لان هو اصلا ناوي بعد ما يجيبهم يريح - 00:39:07ضَ

انا انزل ايه؟ ليلة سبعة وعشرين. صلي تهجد واريح. اعمل اللي انت عايزه بعد كده. بص انا اصوم يوم عرفة. بس كل زنوبي عيش حياتك. ولا اقول لك عش حياتك سنتين وبيكفر سنتين. مش مهم يعني. بقى بتاع النشان ده مش ممكن ما يتقبلش اصلا. ده ده ناوي - 00:39:28ضَ

ربنا بعد ما يعمل الزنب. بعد ما يعمل الطاعة. فبالتالي مش بتيجي مع اللي بينشن على فكرة. بتيجي مع واحد مدمن صلاة جماعة. انا بقول لك الفايدة وبقول لك التجربة - 00:39:48ضَ

مدمن صلاة جماعة. مدمن تكبيرة احرام. ومش هتيجي من اول مرة. ولا التانية ليه؟ ليه ربنا بيعمل فيها كده؟ لكي يرى صدقك. هتكمل ولا مش هتكمل في واحد من اول مرة باظت معه - 00:39:58ضَ

بقى بيجي على الركعة التالتة والخامسة يعني ما ايه ما لوش دعوة بالدنيا دي. خلاص بقى مش طالبة بقى خلاص انا بتعب نفسي على ايه مش عايز تيجي معي هو انت بتنشن. لما انت نيتك انا باجي هنا الفضل لتكبيرة الاحرام. والله ربنا اكرمني بالاربعين انا باحاول اهو. ما اكرمنيش انا برضو ايه؟ موازب سابت - 00:40:12ضَ

مش هتغير ابدا. جبتهم بتكمل عادي. في ناس بتجيبهم يا اخواننا بالتمانين والمية والسنة. وفي ناس بتغيب اربعين وتقع وبعد كده اربعين تانية وتقع في اربعين تالتة في ناس جايبة اربعينات كتير. سعيد بن المسيب عارفين جاب كام صح؟ قال سعيد بن المسيب - 00:40:30ضَ

لقد صليت خمسين سنة لا ارى الا الامام ما فيش اي قفا قدامي امام بس. بيقول خمسين سنة بصلي الامام قدامي بس. لو ادركت تكبيرة الاحرام كم سنة؟ خمسين احنا بنتكلم في اربعين - 00:40:50ضَ

يعني احنا كل حياتنا بتبتدي تحاول توصل لاربعين يوم. ده جايب خمسين سنة تكبيرة احرام. يعني انت ايه مع نفسك ها؟ يعني انت حتى لو جبت الاربعين يوم اعرف انك ما عملتش حاجة يعني - 00:41:11ضَ

الناس بتجيب بالسنين من السنين تكبيرة الاحرام. لكن انا عايز اقوله لك حاول. ده من المشاريع الاستراتيجية الحياتية. ان انت تفضل حياتك كلها بتصلي في المسجد علشان يمكن ربنا يكرمني بالموضوع دوت. ما اكرمكش مش معنى كده انك في المنافق. احنا بنقول ان الراجل ده خد براءة. يعني اهجم من الاخر. بس ممكن غيره عادي مش يعني اللي ما جابش - 00:41:22ضَ

منافق لا بس ده يعني جاب حاجة عالية قوي حاجة عالية اوي. اللي بيحافز على الموضوع ده يوم القيامة هيبان بقى هيبان لو نجيت من النفاق في الدنيا هتفوز بميزة كبيرة جدا يوم القيامة. انك يوم القيامة - 00:41:42ضَ

ستسجد لله سبحانه وتعالى. في موقف عصيب رهيب. وصفه الله تعالى قال يوم يكشف عن ساق ويدعون الى السجود فلا يستطيعون. خاشعة ابصارهم. بص الخشوع ترهقهم ذلة وقد كانوا يدعون الى السجود وهم سالمون - 00:42:00ضَ

انت سالم الان معافى. لمازا لا تسجد؟ لمازا لا تصلي؟ قال النبي عليه الصلاة والسلام فيسجد لله كل مؤمن ومؤمنة واما الذي كان يسجد في الدنيا رياء وسمعة فاذا هم ان يسجد وجد ظهره طبقا واحدا - 00:42:25ضَ

لزق كده بحيس ان هو يجي يسجد يروح واقع. ما يسجدش يقع على ضهره يجد ظهره طبقا واحدا نتعارف على طول في الموقف ده. انت بتصلي لله في الدنيا عشان اليوم ده - 00:42:45ضَ

عشان ربنا ربنا يكشف عن ساقه تجد نفسك تسجد بسهولة جدا. لانك انت ايه العلامة بتاعته؟ ازا دعيت الى السجود في الدنيا تأتي فورا. حي على الفلاح بتحس به لما بتسمع حاجة على الفلاح دي. بتحس انك سهل خالص لما تلاقي الموضوع سهل يبقى انت هناك هتبقى سهل. صعب تقيل على قد تقله هنا يبقى تقله هناك. صعب - 00:43:02ضَ

جدا مستحيل هي مش هتسجد هناك. وقد كانوا يدعون الى السجود وهم سالمون. على قدر خفة قيامك الى الصلاة هنا لما بتسمعي الازان بتعملي ايه؟ تسيبي اللي في ايدك وتروحي للصلاة سعيدة وسايبة كل الدنيا. لما بتسمع ان ده بتلاقي نفسك خفيف كده رايح المسجد وفرحان قوي ارحنا بها يا بلال - 00:43:23ضَ

كل ما كانت خفيفة هنا كل ما كان سجودك اسرع هناك وكل ما كانت تقيلة على قلبك صعبة مستحيلة نفس الطريقة هتبقى هناك يوم يكشف عن ساق بل ابن مسعود رضي الله عنه - 00:43:44ضَ

كان بيوصف اللي ما بيجيش صلاة الجماعة انه منافق. مش منافق عادي منافق معلوم النفاق قال ابن مسعود من احب ان يلقى الله غدا مسلما فليصلي هذه الصلوات حيث ينادى بهن. فانهن - 00:43:58ضَ

هدي النبي عليه الصلاة والسلام. المهم في الحديث قال ولقد رأيتنا وما وقد رأيتنا يؤتى بالرجل يهادى بين الرجلين. شايلينه اتنين حتى يقام في الصف. ولقد رأيتنا وما يتخلف عنه - 00:44:23ضَ

الا منافق معلوم النفق. يعني المنافق النص نص نص كان بييجي منافق مع العلوم الفقهية كل الدنيا عارفة انه منافق. فمش فارقة معه ييجي يصلي ما يصليش مش فارق معه ما كانش بيجي يصلي. لكن المنافق اللي نص الناس عارفينه نصهم مش عارفينه كان بييجي احسن الباقيين - 00:44:39ضَ

يعرفوا. يبقى المنافق كان بيجي يصلي في الجماعة. بس النص نص. لكن المنافق معلوم النفاق هو الذي كان لا يصلي في الجماعة. خالص لذلك قال النبي عليه الصلاة والسلام اثقل صلاة على المنافقين الفجر والعشاء. ولو علموا ما فيهما لاتوهما ولو ايه - 00:44:55ضَ

حبوا ولو حبوا. تيجي زاحف على ايدك ورجلك عشان تشهد فضل صلاة الفجر في المسجد. فضل صلاة العشاء في المسجد قال النبي عليه الصلاة والسلام من صلى العشاء في جماعة فكأنما قام نصف الليل - 00:45:15ضَ

ومن صلى الفجر في جماعة فكأنما قام الليل كله. يبقى انت لو قمت الليل وصليت الفجر في جماعة يبقى انت قمت الليل مرتين وصليت الفجر في جماعة. ركعتي الفجر خير من الدنيا وما فيها. يبقى انا لما ببدأ بالصلاة بطمن نفسي - 00:45:32ضَ

ان شاء الله انا مش منافق. ان شاء الله انا بادئ صح. نمرة حداشر لماذا ابدأ بالصلاة؟ لان الصلاة شعار المؤمن. يعني اذا ذكرت كلمة مؤمن ذكر بجوارها الايه؟ الصلاة. وترك الصلاة شعار - 00:45:49ضَ

اهل الجحيم اذا ذكر الجحيم كان اول ما يذكر في الجحيم ترك الصلاة. تعال نقرأ الله جل في علاه قال قد افلح المؤمنون الذين هم في صلاتهم خاشعون. قال الله والمؤمنون والمؤمنات بعضهم اولياء بعض - 00:46:07ضَ

يأمرون بالمعروف وينهون عن المنكر ويقيمون الصلاة ويؤتون الزكاة ويطيعون الله ورسوله اولئك سيرحمهم الله ان الله عزيز حكيم. جاء رجل الى النبي عليه الصلاة والسلام قال ارأيت ان صليت المكتوبات؟ واديت الزكاة وصمت رمضان - 00:46:31ضَ

ثم قمت فممن انا؟ قال انت من الصديقين والشهداء. انت من الصديقين والشهداء. يبقى دي ارتباط الايمان بالصلاة. تعال على الناحية التانية يقول اهل الايمان قال تعالى كل نفس بما كسبت رهينة - 00:46:51ضَ

الا اصحاب اليمين. في جنات يتساءلون عن المجرمين. ما سلككم في سقر قالوا لم نك من المصلين ولم نك نطعم المسكين. وكنا نخوض مع الخائضين. وكنا نكذب بيوم الدين. ذكروا ترك الصلاة - 00:47:11ضَ

قبل زكر الايه؟ التكذيب بيوم الدين. علموا من اين اوتوا؟ طبعا لا شك التكزب ليوم الدين اشد يعني. لكن ذنب الصلاة ده ما كانوش متوقعين انه كبير كده عارفين التكذيب كبير لكن الصلاة تركها للدرجة دي - 00:47:31ضَ

اول ما جه في بنهم ايه؟ الصلاة دي. قالوا لم نك من المصلين. اول حاجة افتكرها المعذبين في سقر قالوا لم نك من المصلين قال تعالى فويل للمصلين الذين هم عن صلاتهم ساهون. قال المفسرون قالوا ليست هذه في من ترك الصلاة - 00:47:50ضَ

انما هذه في من يؤخر الصلاة عن وقتها. صل الضهر مع العصر بدون عذر. صلي ضهر وعصر ومغرب بالليل. بيقول لك انا يا شيخ برجع من الشغل اجيبهم كلهم بالليل - 00:48:10ضَ

انت المذكور في هذه الاية. فويل قيل ويل هو وادي في جهنم سحيق. يستغيث منه اهل جهنم ويل للمصلين الذين هم عن صلاتهم ساهون. فكيف الحال بمن لا يصلي؟ فكان هذه الاية نزلت - 00:48:20ضَ

قال فخلف من بعدهم خلف اضاعوا الصلاة قالوا كانوا يجمعون الصلوات ما بيصلوش بس لا ده بيجمعوا الصلاة بس بص الهادي في سورة القيامة. اربط الرابطة دي قال تعالى فلا صدق - 00:48:38ضَ

ولا صلى. ولكن كذب وتولى. حط كل كلمة قدام التانية. يبقى صدق قدامها ايه كذب صلى قدامها ايه؟ تولى. يبقى الذي ترك الصلاة فقد تولى عن الله. ما ينفعكش حاجة خلاص. ربنا زكر الصلاة بس. قال ما صلاش - 00:48:54ضَ

ما صلاش يبقى كده بالنسبة لي تولى اولى لك فاولى ثم اولى لك فاولى. يعني انتظر من العقوبة ما الله به عليم نقول اليست اقامة الصلوات الخمس؟ في اليوم والليلة - 00:49:13ضَ

اهون من شرب الصديد ومقطعات الحديد ومعاناة العذاب الشديد. ان تترك الفراش وتنزل لتصلي رغم المطر اهون ام تبكي الدماء وانت تصرخ في سقر. ان تكون اليوم من المصلين وتنعم غدا برفقة النبي الحبيب. ام تترك الصلاة فتصرخ غدا لم نك من المصلين فلا - 00:49:34ضَ

مغيث ولا مجيب فاختر لنفسك لماذا ابدأ بالصلاة؟ لان الصلاة حفز رعاية. يعني هي في الطريق تصونك. تصونك عن اي حاجة بقى. اي ضرر الصلاة تعمل لك حماية. قال النبي عليه الصلاة والسلام يا غلام احفظ الله احفظك. ولا يوجد - 00:50:09ضَ

اولى بهذه الكلمة من الايه؟ من الصلاة. قال تعالى حافظوا على الصلوات والصلاة الوسطى قال النبي عليه الصلاة والسلام لا يحافظ على الوضوء الا مؤمن. ده الوضوء. ما بالك بالصلاة - 00:50:36ضَ

زلك الصلاة بالزات والوضوء اتزكر فيهم الحفظ دوت. اربطها بقى باحفظ الله يحفزك. يبقى من حفظ الصلاة كان انعم الناس. لحفظ الله سبحانه وتعالى. يحفظك في في اهلك في اموالك - 00:50:50ضَ

قال سعيد ابن المسيب كان يصلي فاذا رأى ابنه في البيت زاد في الصلاة فاذا انهى الصلاة قال يا بني والله حين اراك ازيد في صلاتي. رجاء يحفظك الله. انا بشوفك بزود الصلاة. لاني اعلم ان الصلاة بتاعتي دي - 00:51:03ضَ

تؤثر فيك في حفظك. قال واما الجدار فكان لغلامين يتيمين في المدينة. وكان تحته كنز لهما وكان ابوهما صالحا. فاراد ربك ان يبلغا اشدهما ويستخرجا كنزهما رحمة من ربك. صلاح الوالد طب ده ده ده حفظ - 00:51:26ضَ

الاولاد طب هو كان ايه في حال حياته بقى؟ ازا كان ده ولاده اتحفظوا وحفظ اموالهم. فما بالك هو في حياته كيف كان؟ انا عايز الامان برضو. انا عايز اعيش مطمئن. عايز اعيش سعيد - 00:51:46ضَ

عايز اعيش مستريح البال. عايز ابقى مسرور. عايز ابقى يعني الهم والغموم والكدور تزهب عني لا يمكن ان يكون لذلك لغير المصلي ان الانسان خلق يا اخواننا هلوعا اذا مسه الشر جزوعا. واذا مسه الخير منوعا الا المصلين. مش اي مصلين. الذين - 00:51:56ضَ

على صلاة دائمون. يبقى ما تقولش هي الصلاة مش جايبة معي ليه؟ اما لان العدد فيه مشكلة او الكيفية فيها مشكلة. النهاردة بنتكلم على العدد بس. المرة الجاية هنتكلم على الكيفية دي. خمس صلوات في اليوم والليلة. ما فيش هزار في الموضوع ده. دي بداية الطريق - 00:52:18ضَ

قال النبي عليه الصلاة والسلام من صلى الصبح فهو في ذمة الله فلا يطلبنكم الله من ذمته بشيء فان من يطلبه من ذمته بشيء يدركه ثم يكبه في وجهه على نار جهنم. يعني اللي ييجي جنب اللي بيصلي الصبح ده هيتعاقب - 00:52:39ضَ

حيترمى في نار جهنم. عشان جه جنب واحد بيصلي الصبح. فاللي بيصلي الصبح ده في عون الله. في رعاية الله. في امن الله. مش معنى كده مش هيحصل لك ضرر - 00:53:02ضَ

ان ان حصل لك فان الله باذن الله يحفزك. ويعاقب بشدة اللي ييجي عليك. لانك انت في معية الله سبحانه وتعالى. العكس من اعرض عن ذكر الله تعالى فانه قد فتح بابا لعدوه يتملكه. بمعنى يا اخواننا ان انا طول ما انا بصلي انا قافل باب. الباب - 00:53:12ضَ

لما اسيب الصلاة الباب ده ايه؟ يريح مني. لما يريح مني يخش لي بقى الشيطان ويلعب بي زي ما هو عايز. قال تعالى ومن يعش يعش عن ذكر الرحمن نقيض له شيطانا فهو له قرين - 00:53:32ضَ

قيل للنبي عليه الصلاة والسلام ارأيت رجلا نام حتى اصبح. فقال ذاك رجل بال الشيطان في اذني يعني لعب به استخف به واستهزأ به ذاك رجل بال الشيطان في اذنه. تخيل لو ان الله تركك للشيطان. ماذا يفعل بك - 00:53:51ضَ

افتتخذونه وذريته اولياء من دوني وهم لكم عدو. بئس للظالمين بدلا بئس للظالمين بدلا قال تعالى عن من تركوا للشيطان. قال استحوذ عليهم الشيطان. فانساهم ذكر الله. اولئك حزب الشيطان. الا - 00:54:14ضَ

ان حزب الشيطان هم الخاسرون. فاذا وقعت في يد عدوك وقعت في يد من لا يرحم. من لا يرحم. يلعب بك يضيعك يدمرك يقتلك قتلا. يبقى انت اصلا ترك الزكر كان سبب في استيلاءه عليك. وبعد ما يستولى عليك يزيدك في ترك الزكر. يا هو من يعش عن ذكر الرحمن ايه؟ نقيض له شيطانا - 00:54:39ضَ

ما يمسكك استحوز عليهم الشيطان فانساهم بقى خالص زكر الله. فصمام الامان صلاة. صل ربنا يحفزك في الشيطان. تترك الصلاة هتترك كل شيء لان الشيطان سيلعب ويك اذا تركت الصلاة - 00:55:01ضَ

لماذا اصلي؟ لماذا ابدأ بالصلاة؟ نمرة تلتاشر لان الصلاة سبب للرزق. ودي من المحفزات انا دلوقتي اكيد اي واحد فينا يا اخواننا يحب بيحب المال وتحبون المال حبا جما. ان الانسان لربه قال قال وانه لحب الايه؟ الخير ايه؟ نشهد - 00:55:18ضَ

اي اي حد فينا جبل على حب الرزق. بس حسب النوايا بقى في حد بيحبه عشان لله وفي حد بيحبه. فالمهم ان صلحت النية فده شيء جبل لي يعني فلما علم الله من الانسان انه يحب زلك - 00:55:37ضَ

بين له ان الصلاة سبب في زيادة الارزاق. اشمعنى الصلاة من دايما الصلاة يا اخوانا بتتعارض مع الوقت. يعني الصيام عادي. هصوم مش هيأسر معي في حاجة يعني. الزكاة مش برضه. لكن الصلاة دي يعني انت كل يوم - 00:55:52ضَ

استطع من وقتك ساعة ونص على الاقل عشان تصلي. لو قعدت تحسبها بالورقة والقلم هتلاقي ان انت بتخسر كتير ماديا. لو قاعد في محل ولا قاعد بيزاكر ولا قاعد لف بقى على اكل عيشه ولا واحدة في البيت بتعمل شغل بيت؟ لو حصلتها تقول لك ساعة ونص انا اعمل فيها ايه؟ اعمل فيها حاجات كتير قوي. ساعة ونص ده انا زاكر زاكر خلص اكتر - 00:56:08ضَ

ساعة ونص ده انا ده انا اجيب يومية احسبها انت زي ما تحسبها لكن الله سبحانه وتعالى له حسابات اخرى ربنا بين انك تسيب اسباب الرزق وتصلي ده يجيب لك رزق اكتر من انك انت تمسك في اسباب الرزق وما تصليش - 00:56:31ضَ

وفيه البركة وفيه الخير انت بتقول لي ايه اللي يطمني ان هو الرزاق معلش هو الرزاق هو اللي بيقول لك صل. يبقى تطمن ولا تقلق هو الرزاق اللي بيقول لك صل - 00:56:51ضَ

نجاحك في الامتحان هو اللي بيقول لك صلي. اللي في ايده ودماغك دي تشتغل او تقفل هو اللي بيقول لك صل. اللي في ايده انك انت تخش تتنح في في البوكليت ولا - 00:57:06ضَ

هو اللي بيقول لك صل شغل مخك لأ ده انت بتقول له انت الرزاق! طب انا مش هصلي لك ويا رب ارزقني بقى ها. يا رب انجح يا رب. بس معلش مش هاصلي عشان خاطر مزاكرة. يا رب اجيب اعلى الدرجات - 00:57:16ضَ

انت متناقض انت متناقض. انت بتعاصيه بتطلب منه. تقول له مش هصلي لك بس عايزك ترزقني. ومش هصلي لك بس عايزك تنجحني اصل الصلاة بتضيع وقتي. اصل الصلاة كنت كلت فيها جبت يومية على كده خلصت الصلاة ديت - 00:57:36ضَ

انت بتدمر نفسك لزلك ربنا جاب بقى نصوص كتير عشان يطلع من دماغك المفهوم دوت. بالزات بقى كان التركيز في صلاة الجمعة. صلاة الجمعة دي فيها ساعة ونص هتضيع لنا ساعة ونص - 00:57:58ضَ

وفي عز السوء ويوم جمعة والناس كلها اكل عيشها في الوقت دوت. تقول لي اروح اصلي! اقرا بقى السياق. يا ايها الذين اول حاجة لو مؤمن هتصدق الكلام اللي جاي دوت. اذا نودي للصلاة من يوم الجمعة فاسعوا الى ذكر الله - 00:58:15ضَ

ودار البيع ودار المذاكرة وزاروا اه شغل البيت. وزاروا كل حاجة الساعة يا شيخة طب اروح على الركعة التانية انا عندي امتحان بكرة زاروا البيع سيب كل حاجة في ايدك ربنا اللي بيقول لك كده - 00:58:32ضَ

اللي في ايده كل حاجة بيقول لك كده احترس ذلكم خير لكم ان كنتم تعلمون. فاذا قضيت الصلاة فانتشروا في الارض وابتغوا من فضل الله. واذكروا الله كثيرا لعلكم تفلحون. واذا رأوا تجارة او لهوا انفضوا - 00:58:49ضَ

وتركوك قائما. قل ما عند الله خير من اللهو من التجارة. والله ايه؟ خير الرازقين. يعني احسن من حساباتك اللي في دماغك. ربنا هيديك احسن من اللي انت بتحسبه في دماغك. بس لو انت مصدق ربنا. يا ايها الذين امنوا لا تلهكم - 00:59:05ضَ

اموالكم ولا اولادكم عن ذكر الله ومن يفعل زلك فاولئك هم الخاسرون. ابن مسعود رضي الله عنه كان يمشي في السوق قبيل صلاة الجمعة وللصلاة فاذن للصلاة فوجد الناس كلها في السوق جريت. زمان بقى ايام ايام الصحابة - 00:59:25ضَ

حاجة مشهد عجيب جدا من الصعود فرح جدا جدا. ماشي في السوق واتأزن تصلي. لقى كل الناس قفلت لوحدها. لا فيه بقى يا جماعة وامر بالمعروف ونهى عن المنكر ولا في - 00:59:42ضَ

هو لوحدهم كل الناس قفلت وتجري تجري في الشوارع ان الصوت فرحي جدا. قال اولئك الذين قال الله فيهم رجال لا تلهيهم تجارة ولا بيع عن ذكر الله واقام الصلاة وايتاء الزكاة يخافون يوما - 00:59:52ضَ

يتقلب فيه القلوب والابصار. كمل الاية بقى ليجزيهم الله احسن ما عملوا. وازيدهم من فضله. والله يرزق من يشاء بغير حساب قال الله للنبي عليه الصلاة والسلام. وامر اهلك بالصلاة - 01:00:06ضَ

واصطبر عليها لا نسألك رزقا. نحن نرزقك. والعاقبة للتقوى. تخيلوا يا اخواننا والله المثل اعلى انت في شغل وفي ساعة بريك في النص الناس في الشغل قالوا لك في ساعة بريك. قلت لهم يا اخوانا الساعة بريك دي يعني - 01:00:23ضَ

لو آآ خدتها عادي يعني ما تأثرش على على آآ المرتب. قالوا لك لا لا ما تأثرش خالص طب لو اشتغلت فيها قالوا هتاخد خصم. نعم! لو اشتغلت في الساعة البريك تاخد خصم خصم! ده انت احتمال ما تاخدش مرتب خالص. لأ ده انا - 01:00:44ضَ

هعيش في الساعة البريك دي ما لكش دعوة بي. قل لي بس الساعة بريك هتلاقيني بجري من الشغل. يعني اخدها عادي ولو خدتها وخدتها بضمير هندي لك مكافأة. اخر الشهر الله حلوة قوي الساعة البريك دي. يا ريت كل الساعات البريك كده. هي كده يا اخواننا ونلاقي المسل - 01:01:06ضَ

ربنا بيقول لك خد واستريح. سب شغلك رح صل. سب المزاكرة وروح صل. سيب شغل البيت روحي صلي. ولو رحت وسبت كل ده لو رحت وسبت كل ده هتاخد مكافأة اكتر من اللي كنت هتعملها لو انت سبتني وكملت في شغلك. وعارف لو ما رحتش وخدت الراحة دي هعاقبك - 01:01:24ضَ

وهعزبك يوم القيامة وهحرمك من رزقي في الدنيا عرض جميل جدا. الصلاة راحة يا اخوانا راحة. ده الواحد بتيجي الصلاة دي هسيب الشغل. هصلي. اخيرا اي حجة اسيب المزاكرة فاكرة يعني ايه اي حاجة ما انت برضو بتريح يعني. المدير لله المسل الاعلى بيقول لك ريح تعال لي استمتع بالصلاة وهكافئك - 01:01:44ضَ

ولو ما جتش هعاقبك. انا الرزاق وباقول لك كده. ازا كان انت صدقت المدير اللي مش رزاق فما بالك اللي بيتكلم هو الرزاق نفسه سبحانه وتعالى وما خلقت الجن والانس الا ليعبدون ما اريد منهم من رزق وما اريد ان يطعمون ان الله هو الرزاق ذو القوة المتين. قال النبي عليه الصلاة والسلام ثلاثة - 01:02:08ضَ

كلهم ضامن على الله. ان عاش رزق وكفي وان مات ادخله الله الجنة قال من دخل بيته فسلم. ايه ده بس كده؟ ده اول واحد. سهلة جدا من دخل بيته ايه؟ فسلم. يا اخواننا الموضوع ده احيانا - 01:02:30ضَ

خش بيتك سلم. يقول لك دي مراتي يعني سلم على مراتي! ايوة سلم ما هي دي اللي جوة يعني وما فيش حد تاني يعني. سلم قل السلام عليكم فيعني خش في ناس بتخش كده على الموضوع على طول. ازيك يا حاجة لأ سلم. سلم على العيال. دخلت البيت فاضي سلم برضو - 01:02:47ضَ

اول واحد من دخل بيته فسلم. تاني فهو ضامن على الله ومن خرج الى المسجد هو ضامن على الله. ومن خرج في سبيل الله فهو ضامن على الله. لو انا عايز اقول لك نصيحة لا تنشغل بالمضمون - 01:03:06ضَ

وانشغل بالمأمور. ايه هو المضمون الرزق قال النبي عليه الصلاة والسلام لو ان ابن ادم يهرب من رزقه كما يهرب من الموت لادركه رزقه كما يدركه الموت ان روح القدس نافس في روعي ان نفسا لن تموت حتى تستكمل اجلها وتستوعي رزقها فاتقوا الله - 01:03:25ضَ

واجمل في الطلب. اطلبوا طلبا جميلا واعلموا ان ما عند الله لا ينال الا بطاعته. يبقى انت ازاي عايز الرزق من؟ من الله وانت تعصيه صباح مساء. انشغل لا تنشغل بما ضمن الله لك وانشغل بالمأمور. انت مش عارف انت من اهل الجنة ولاهل النار. بس انت عارف ان رزقك لن يتغير. لماذا اصلي؟ ولماذا - 01:03:50ضَ

ابدأ بها حتى تتقي المصائب لان بدايتك معترك الصلاة ممكن تجلب عليك وبال شديد جدا. البداية دي بتحميك من تتابع المصائب. ومن اعرض عن زكري فان له معيشة ضنكا واصل اصول الذكر قال الله اقم الصلاة - 01:04:13ضَ

لذكري يبقى انا اعرض عن ذكري اهم حاجة تنزل عليها الايه؟ الصلاة. قال النبي عليه الصلاة والسلام من ترك الصلاة فكأنما وتر اهله وماله انا عايزك تتخيل التخيل دوت يعني ايه تترك الصلاة؟ يعني انت روحت من الشغل لقيت بيتك محروق كله وعيالك ومراتك كلهم متفحمين. ايه شعورك - 01:04:31ضَ

المفترض ده يبقى شعورك لو ضاعت منك صلاة. لان هو ده اللي حصل فعلا لما تركت صلاة من ترك صلاة فكأنما وتر اهله وماله قال النبي عليه الصلاة والسلام من ترك صلاة العصر فقد حبط عمله. امور صعبة. اخيرا نمرة خمستاشر لماذا ينبغي - 01:04:55ضَ

في ان ابدأ بالصلاة. لان الصلاة هي امنية اهل القبور ولو خرج الينا اي احد من القبر فقلنا له تمنى لقال اتمنى ان اصلي فان النبي عليه الصلاة والسلام مر على قبر قد دفن قريبا. فقال للصحابة ان ركعتين - 01:05:17ضَ

مما تحقرون وتنفلون يزيدهما هذا في عمله احب اليه من سائر دنياكم. يعني صاحبنا ده نفسه دلوقتي يصلي ركعتين. نفسه. الركعتين اللي انت بتكروتهم اللي هم تحية مسجد بتخبطهم في نص دقيقة دول. دول اللي هم على على على عجالتهم وعلى انهم ما فيهمش حاجة - 01:05:41ضَ

يعني ده يتمناهم. ما بالك بقى بصلاة فريضة. فما بالك بصلاة خاشعة كاملة؟ ده يتمنى اي حاجة. اي ركعتين انه لما دخل القبر عرف يعني ايه الصلاة واعرف يعني ايه ترك الصلاة في القبر - 01:06:06ضَ

ابراهيم ابن زيد ابي الرياح القيسي. فرياح القيسي قال يا ابا اسحاق كانت كنية ابراهيم بن زيد. قال هلم بنا نزور اهل الاخرة. قال اين اهل الاخرة فقال في المقابر قال هلم بنا فذهبوا الى المقابر وجلسا - 01:06:21ضَ

رياح القيسي وقال يا ابا اسحاق ما ترى هؤلاء يتمنون اذا تمنوا فقال ابو اسحاق ان يردوا الى الدنيا فيستمتعون بطاعة الله ويصلحون ما افسدوه. فقال رياح القيسي نحن يا ابا اسحاق الان في هذه الامنية. فهلم بنا نعمل - 01:06:38ضَ

فقال ابراهيم بن زيد والله لقد رأيت رياح القيسي في اجتهاد لم ارى مثله قط بعد هذا اليوم. ولقد سيسيرا بعدها ثم مات سبحان الله شوفوا الموعظة دي قال له الناس دي لو اتمنوا يتمنوا ايه؟ قال له يتمنوا يصلوا ويصوموا ويعملوا كل حاجة صح. قال له احنا عايشين اهو - 01:07:05ضَ

الامنية تيجي نصدق ونعمل اللي هم نفسهم يعملوه ما تيجي يلا احنا عايشين دلوقتي ما تيجي كل واحد فينا يتوب دلوقتي حالا من اي صلاة تاركها ويعزم عزما اكيدا الا يضيع الصلاة من اليوم. ابدا مهما كان - 01:07:27ضَ

يستعين بعد بذلك صحبة صالحة ساعده صحبة بتصلي لازم. لازم يبقى حواليك ناس بتصلي. ما ينفعش يبقى حواليك ناس ما بتصليش. مش هتنفع. لازم حواليك مجموعة بتصلي. يصحوك يشجعوك يبقوا - 01:07:45ضَ

وانتم بتزاكروا ينزلوا مع بعض وانتم بتخرجوا ما يعطلوكش. لازم اصحابك يكونوا بيصلوا. اختار ناس بتصلي قارن بين تعب الصلاة والتعب في نار جهنم واختر لنفسك على الاقل اطلب بها الرزق والعافية والصحة والحفز. وتجنب بها السخط والمرض والبلايا والمحن - 01:08:01ضَ

اذا كانت البداية بالصلاة يا اخواني كانت بداية صحيحة. واذا لم نبدأ في الطريق الى الله بالصلاة. يبقى سنستغرق وقتا طويلا جدا. لكن الصلاة تقتصر علينا الطريق انا انصحكم بكتابين رائعين. الكتاب الاول كتاب لماذا نصلي - 01:08:22ضَ

هو كتاب كبير لكن الشيخ اختصره. شيء الدكتور محمد اسماعيل المقدم. بنسميها مختصر لمازا نصلي؟ لازم تقراه. وكتاب تاني اسمه تعظيم قدر الصلاة دكتور احمد فريد تعظيم قدر الصلاة الدكتور احمد فريد ومختصر لمازا نصلي للدكتور محمد اسماعيل مقدم مهم جدا. يبقى بقى امر واحد ان احنا نصلي ازاي - 01:08:38ضَ

يعني انت بتقول لي آآ ما طب ما انا باصلي. فيه واحد بيقول لي طب ما انا باصلي. كل اللي انت بتقوله ده انا مش آآ اه ما هي مش اي صلاة - 01:08:58ضَ

ان الصلاة تنهى عن الفحشاء والمنكر دي الصلاة صلاة معينة. الصلاة التي فيها تدبر خشوع آآ آآ يعني فهم لما تفعل في الصلاة. طيب آآ الصلاة دي ازاي؟ ده المرة الجاية هقوله لكم. ان شاء الله الدرس القادم كيف نخشع في الصلاة؟ هياخد مننا درس او درسين. الصلاة حاجة وكيف نصلي ده ايه - 01:09:04ضَ

موضوع تاني عشان تجيب معك بسرعة ان شاء الله المرة القادمة. جزاكم الله خيرا والحمد لله رب العالمين - 01:09:24ضَ