باحث

طيب بسم الله والحمد لله والصلاة والسلام على رسول الله صلى الله عليه وسلم وبعد. آآ هنبدأ النهاردة ان شاء الله مسألة علاج امراض القلوب. وانا سبحان الله كنت آآ ربنا سبحانه وتعالى كان وضع في قلبي كده ان انا اجيب يعني انا دايما بحب احتفظ اوي - 00:00:00ضَ

بالاسئلة اللي بتبقى جاية من الجامعة. الاسئلة بتبقى جاية في النوادي. بحيس الاسئلة دي بيبقى فيها كثير من المعاني المهمة بالنسبة لنا. ودايما كل ما تكون القصة حد مننا عايشها بنقدر من خلالها فعلا ان احنا نعالج او نقول المشكلة يا جماعة كانت هنا. والمفترض احنا نعالج المشكلة كده. وسبحان الله يعني - 00:00:20ضَ

انا جاي يعني بجهز الاوراق وبطلعها فعلا وحطيتها. وسبحان الله انا نسيت فانا سبحان الله جا لي الان سؤال سؤال طويل شوية هو بيعبر برضه عن فتنة من فتن القلوب. اللي هي فتنة الشهوات. هنحاول ان شاء الله بعد ما نخلص الدرس النظري ناخد جانب عملي. وده اللي هيبقى جاي - 00:00:40ضَ

معي ان شاء الله في التلات دروس الجايين. اقدر اعرف المشكلة فين واقدر اعالج. واسأل الله سبحانه وتعالى ان يسترنا في الدنيا والاخرة. وبالنسبة للرسالة انا يعني اي حاجة ممكن توضح مين صاحبة الرسالة انا طبعا همحوها تماما. بحيس تكون هي دي مشكلة عامة. مشكلة وظاهرة واضحة جدا جدا. نحاول بقدر المستطاع ان احنا - 00:00:59ضَ

نحلها سويا ان شاء الله تبارك وتعالى. آآ في البداية احبابي تعالوا مع بعض نذكر بس عدة قواعد كده متعلقة آآ آآ آآ الامور اللي هي النظرية في مسألة علاج آآ القلوب وبعد ذلك بازن الله تبارك وتعالى ناخد الدرس العملي - 00:01:19ضَ

سريعا كده ان شاء الله تبارك وتعالى. واسأل الله سبحانه وتعالى ان يبارك لنا في الوقت. واسأله سبحانه وتعالى ان يشرح صدورنا. وينور عقولنا حتى نعي آآ عن كلامه ونعي عن كلام النبي محمد صلى الله عليه وسلم. مما لا شك فيه انا اصلت الدروس الماضية ان اخطر مرض ممكن يبتلى به - 00:01:39ضَ

العبد هو مرض القلب. وقلت لكم ان كما قال مالك ابن دينار وغيره ما ضرب العبد بعقوبة اعظم من عقوبة قسوة القلب. ان القلب ده يكون مريض. وذلك لان مرض البدن احبابي مهما كان المرض ده خطير. اظن اخطر الامراض دلوقتي في الدنيا السرطان مثلا. اخطر المرض ده المرض - 00:01:59ضَ

الخطير ده لو اصاب الانسان ان شاء الله قال النبي صلى الله عليه وسلم قال الله عز وجل اذا مرض العبد انا قيدت عبدي فله عندي عهد اي بالمرض فله عندي عهد. ان اعافه اذره يمشي على الارض وليس عليه خطيئة. وان اقبضه ادخله الجنة. فمرض بدنه ما شاء الله وصلوا - 00:02:19ضَ

انما والعياذ بالله المرض لما يكون جاي في القلب ده والعياذ بالله بيهلك بيرمي في جهنم على طول. وقلت لكم ان اعظم يعني اقل القليل من امراض القلوب ازا دبت في القلب بتهلكه. وذلك - 00:02:36ضَ

لان النبي صلى الله عليه وسلم قال يدخل النار من كان في قلبه مثقال ذرة من كبر. مش الكبر سيطر على قلبه لأ ده النبي صلى الله عليه وسلم بيقول لنا مثقال ذرة كبر - 00:02:51ضَ

في قلبه ضيعته. فما بالكم بقى لما المرض يزداد اوي ويكلبش في القلب كده. اسأل الله سبحانه وتعالى ان يطهر قلوبنا. كيف تعامل مع اصحاب امراض القلوب. انا النهاردة باتكلم اهو عن نفسي. انا باكلم نفسي النهاردة. انا انسان مريض القلب. حقيقة انا انسان مريض القلب - 00:03:01ضَ

على سبيل التمثيل لا حقيقة انا انسان مريض القلب. وعايز حد يتعامل معي هيتعامل معي ازاي؟ للاسف مشكلتنا لسه ام من امتنا امبارح بتكلمني ابنها عمل شوية مشاكل فبتقول لي هجيب بابني وانا جاية. بس الولد خايف ييجي - 00:03:21ضَ

الولد خايف ييجي بيقول اصل انا لو جيت معك للشيخ الشيخ هيقيم علي الحد. هم بيظنوا الان ان الملتزمين لما بينظروا لغير الملتزم ان انت فينبغي علي من البداية ان احنا يكون قبل ما اقول احنا يا جماعة انا بعد دلوقتي مجموعة من الاخوات او او مجموعة من الاخوة يكونوا بعد كده مربين فاضلين - 00:03:39ضَ

حب الناس ويعلموا الناس ويفهموا الناس ويعالجوا امراض القلوب اللي عند الناس. لازم اولا ان انا لما اشوف انسان صاحب مرض قلبي والعياذ بالله لا ينبغي علي ان اكون مثبطا له او معيرا له او مغلقا لباب الرحمة في وجهه او داعيا عليه. بل الاصل - 00:04:00ضَ

الخوف عليه والدعاء له. داء الاصل. الاصل ان انت يا اختي بعد كده ان شاء الله لما ربنا يكرمك وتبدأي تعالجي الناس من امراض القلوب اللي في قلوبهم. ما ما ينفعش ابدا تعايريها - 00:04:20ضَ

ايه ده انت كزا. ما ينفعش ابدا تثبطيها. ده انت ما فيش منك امل. ما ينفعش ابدا ان انت تغلقي باب التوبة. ده خلاص ده انت الى جهنم وبئس المصير. ما - 00:04:33ضَ

ما ينفعش ابدا ان انا ادعي عليها وروح ربنا مش عارف يعمل ايه. لا لا لا. ليس هذا هو الاصل. بل الاصل ان انا ابقى خايف عليه. انا شفتك مسلا على معصية الاصل انا اكون خايف عليك - 00:04:43ضَ

الاصل ان انا ما اكنش عون الشيطان عليك. بل الاصل ان انا اخد بايديك لربنا سبحانه وتعالى حديث عجيب جدا جدا والله لما وانا بحضر درس كده وقفت عليه تعجبت وقلت سبحان الله فارق كبير. بين تعاملنا مع المذنب ومن تعامل - 00:04:53ضَ

النبي مع المذنب. حديث رواه احمد باسناد حسن من حديس عبدالله بن مسعود قال اني لاذكر اول رجل قطعت يده في السرقة فلما نظرت الى وجه النبي واحد حرامي. اتمسك وجابوه للنبي صلى الله عليه وسلم. فلما رآه النبي صلى الله عليه وسلم رأينا - 00:05:09ضَ

اسف في وجهه رأينا الايه؟ للاسف في وجهه مش عشان اختها اللي كانت بتنافسها في الطاعة بقت احسن منها آآ او وقعت في معصية او حاجة تتريق عليها او تسد باب الرحمة في وشها - 00:05:29ضَ

او لان هي عصت ربنا تدي لها ضهرها وما عدتش تكلمها فرأينا الاسف في وجه النبي صلى الله عليه وسلم. انتم عارفين يعني ايه الاسف يعني البكاء يا رسول الله لما النبي قال مروا ابا بكر فليصلي بالناس السيدة عائشة بتقول يا رسول الله - 00:05:41ضَ

ان ابا بكر رجل اسيف حزين اذا قرأ القرآن سيبكي. رأينا الاسف في وجه النبي صلى الله عليه وسلم. لازم حضرتك لما تشوفي انسانة بعدت عن ربنا لازم هي تشوف في وشك انك زعلانة عليها. لازم هي تشوف في وشك انك حريصة عليها. مش انك متكبرة عليها او بتبصي لها من من فوق اوي وهي تحت خالص. فرأيت - 00:05:57ضَ

ان الاسف في وجه النبي صلى الله عليه وسلم فقلنا يا رسول الله كانك كرهت قطع يده. احنا لما بصينا في وشك حسينا يا رسول الله انك كاره ان ايد الراجل - 00:06:17ضَ

الحرامي ده تتقطع. فقال صلى الله عليه وسلم وما يمنعني وما يمنعني لا تكونوا عونا للشيطان على اخيكم. لا كونوا عونا للشيطان على اخيكم. نفس المعنى ده رأيناه مع النبي صلى الله عليه وسلم وهو بيرجم آآ الغامدية لما خالد شتمها. لما خالد - 00:06:27ضَ

شتمها وقال يا خالد لا تشتمها ولما جه برضو عبدالله ابن حمار اللي كان بيشرب الخمر والنبي صلى الله عليه وسلم اقام عليه الحد وبرضه واحد من الصحابة شتمه. فقال لا تكونوا عونا للشيطان على اخيكم - 00:06:47ضَ

لا تكونوا عونا للشيطان على اخيكم. يعني في اليوم اللي هتيجي لك اخت من اخواتك عندها مرض قلبي. وانت تشتد عليها انت في اللحظة دي بتعملي حاجة معينة دي انك بتعيني الشيطان ايه؟ عليها انك بتمكني الشيطان منها اكتر. لان هي ازا لم تجد قوة تقويها على الشيطان بتكون النتيجة ان الشيطان - 00:07:00ضَ

بيسيطر عليها وهو ده المعنى اللي احنا لازم نفهمه. وكان ابن مسعود رضي الله عنه يقول اذا رأيتم الرجل منكم قار فذنبا فلا تدعوا عليه. شفت واحد على معصية اوعي تدعي اوعوا تدعوا عليه. ولا تسبوه - 00:07:20ضَ

ولكن ادع الله ان يعافيه. ادع الله ان يعافيه. شوفوا فهمهم ازاي يتعاملوا مع الناس اللي عندهم قسوة في القلب. ازاي النبي كان بيتعامل مع الناس اللي عنده قسوة في قلبي يعني اللسانة ده عنده مرض في قلبه اسمه مرض شهوة المال. سرق علشان شهوة المال. النبي لما شافه النبي وهو بيقطع ايده او - 00:07:35ضَ

فوكل النبي حد يقطع ايديه. النبي كان حزين النبي كان حزين. احنا محتاجين لما نيجي نعالج الناس او نعالج امراض قلوب الناس. محتاجين ان الناس يشوفوا مننا المعنى ده. محتاجين الناس يشوفوا مننا المعنى - 00:07:55ضَ

اوعى في يوم من الايام تكون آآ او حضرتك تكوني سبب انك تقفلي الباب في وش الناس. النبي صلى الله عليه وسلم ذكر لنا نفس المعنى ده في حديث ابي هريرة وكان رجلان - 00:08:08ضَ

من بني اسرائيل متوخيان وكان احدهما مذنبا والاخر مجتهدا في العبادة. خدوا بالكم في التعامل وليه النبي بيذكر هذا الكلام؟ عشان يقول لك اوعى انت كانسان مربي هتربي الناس بعد كده او هتداوي امراض الناس. اوعى تعمل زي ما العابد ده عمل. وكان الاخ مجتهدا في العبادة. خد بالك من الفرق بين المجتهد في العبادة والمجتهد في العلم. فارق - 00:08:18ضَ

كبير جدا العالم لما يشوف المذنب بيعمل ايه حريصوا عليه خايف عليه. انما مجتهدا في العبادة جاهل ما بيفهمش حاجة اصلا. مش فاهم. وكان الاخر مجتهدا في العبادة. وكان لا يزال المجتهد يرى - 00:08:38ضَ

على الذنب فيقول له اقصر. فوجده يوما على ذنب فقال له اقصر. قال خلني وربي ابعثت علي رقيبا. فقال والله لا يغفر الله لك وفي رواية والله لا تدخل الجنة ابدا - 00:08:52ضَ

كانت النتيجة ان صاحبنا العابد ده اترمى في نار ليه؟ لانه في يوم من الايام يأس الناس في يوم من الايام قفل الباب في وش الناس فاول كلمة لابد ان احنا نؤكد عليها. انتم يا بنات يا اللي الواحد بيجتهد معكم ان انتم تكونوا ان شاء الله مربيات بعد ذلك. اوعوا في يوم من الايام تقفلوا الباب في وش حد - 00:09:07ضَ

اوعوا في يوم من الايام تعيروا حد. اوعوا في يوم من الايام تكلموا حد من طرف مناخيركم. ولكن الاصل ان انتم وانتم بتعلموا الناس وانتم يا شباب وانتم بتدووا امراض - 00:09:26ضَ

يعني خليه يشوف منك انك زعلان عليه. كما كان النبي صلى الله عليه وسلم يصنع. النبي حزين. فرأينا الاسف في وجه رسول صلى الله عليه وسلم. وكان الحسن للاسف للاسف دي بنراها بعض الناس ربنا عصمه من الذنب. وواحد تاني زميله وقع في الذنب يعيره به - 00:09:36ضَ

قال الحسن رحمة الله عليه من رمى اخاه بذنب لم يمت حتى يبتلى بهذا الذنب يبقى اذا القاعدة الاولى في قواعد العلاج لما تيجي تعالجي حد لازم حتما ولابد انه يرى مننا حزننا عليه. يرى مننا الشفقة - 00:09:56ضَ

يرى مننا ان انا زعلان وخايف عليه. كده انا باخد بايديه لطريق الطاعة وفي نفس الوقت بييأس الشيطان منه لازم نفهم كويس جدا الجزئية دي. النبي صلى الله عليه وسلم قال لا تكونوا عونا للشيطان على ها؟ على اخيكم. ادي القاعدة الاولى - 00:10:14ضَ

القاعدة التانية لازم من البداية الانسان اللي جا لي وقلبه مريض لازم افهمه من البداية ان مسألة التوبة والرجوع الى الله سبحانه وتعالى مش مجرد كلام بيتقال. التوبة او الرجوع لربنا سبحانه وتعالى اللي عايز فعلا ان ربنا سبحانه وتعالى يصلح له قلبه. لا يكون هذا ابدا بمجرد كلام - 00:10:35ضَ

يا جماعة اللي عايز يقرب من ربنا اكتر او اللي عايز ان هو يصلح من حال قلبه. عمرها ابدا ما هذا هيكون بالكلام. ولكن لابد يكون في الفعل. لازم نفهم كده. والاخوات - 00:10:55ضَ

افهموا كده. انا انا زعلان على حالي. يا فرحتي. يا فرحتي ان انا زعلان على حالي او الاخت زعلانة على حالها ومدايقة ان هي مقصرة في جنب الله او متضايقة ان هي عندها مرض في قلبها وقاعدة ليل نهار ما بتتحركش. استفدنا ايه - 00:11:05ضَ

علشان كده علمائنا قالوا لنا القاعدة التانية للي عايز ربنا سبحانه وتعالى يداوي له قلبه لابد ان احنا نبين للناس او نبين لانفسنا ان التوبة او تغيير او اصلاح القلب لا يكون بالاماني انما يكون بالعمل. لا يكون بالاماني انما يكون بالعمل. قال علي بن الحسين زين العابدين - 00:11:20ضَ

انما التوبة بالعمل والرجوع من الامر وليست التوبة بالكلام ليست التوبة بالكلام انما التوبة بالعمل. وقال ابراهيم ابن ابي عبلة قال دخلت على عمر ابن عبدالعزيز المسجد فسمعته يقول يا ابراهيم اسمعوا يا جماعة اسمعوا اسمعوا الكلام ده. يا ابراهيم بلغني ان موسى قال عليه الصلاة والسلام الهي - 00:11:40ضَ

الهي ما الذي يخلصني من عقابك؟ ما الذي يخلصني من عقابك؟ ويبلغني رضوانك وينجيني من سخطك يا رب ايه الحاجات اللي تخليني انال رضوانك وابعد عن سخطك وابقى امن من عقوبتك. فقال الله سبحانه يا موسى الاستغفار - 00:12:06ضَ

لسان والندم بالقلب والترك بالجوارح. ان انا لو عايز اصلح قلبي مش هقعد قاعد في بيتي وزعلان ان ده حالي. لا ده اللي هتكون نتيجة ان المرض هيزداد ولكن ينبغي ان انا احول التوبة دي الى عمل وكان الحسن يقول ان المؤمن ليذنب الذنب فلا يزال به كئيب - 00:12:26ضَ

حتى يدخل به الجنة. المؤمن لما بيذنب ذنب بيفضل به كئيب حزين على الذنب ده. الكآبة دي او الحزن ده بيدفعه ان قلبه من جواه يندم ان عينه ممكن تبكي ان جوارحه كلها تقوم تصلي وتعبد ربنا وتجتهد في طاعة الله عز وجل. الكآبة دي اللي تحولت الى عمل - 00:12:46ضَ

تدخلك الجنة. قال الحسن ان الرجل او ان المؤمن ليذنب الذنب فما يزال به كئيبا حتى يدخل به الجنة. الذنب دخله الجنة ان الذنب خلاه حزين. زي ما هو دايما حال كتير جدا من اخواتنا واخوانا. زي ما نشوف صاحبة الرسالة قال اصيبت بمرض نفسي بسبب حزنها على معصيتها. حزنها - 00:13:06ضَ

تقصرها. المعنى ده انا مش عايز الكآبة تخلينا نكتئب. انا عايز الكآبة تحولنا لايه؟ ها؟ لعمل. ده حولنا لعمل. الاستغفار باللسان كما قال الله لموسى الاستغفار باللسان والندم بالقلب والترك بالجوارح - 00:13:26ضَ

وكان عطية العوف يقول بلغني انه من بكى على خطيئته محيت عنه يبقى اذا عايزين نفهم الناس يا جماعة اللي جاي من البداية عايز يعالج قلبه من البداية خلينا واضحين. اللي جاي علشان يسمع كلام في امراض القلوب او ياخد دورة في امراض القلوب - 00:13:41ضَ

او ياخد مزكرات وتترمى ده لن يصلح الله عز وجل له قلبا. وانما يصلح الله قلب الانسان اذا تحرك. علشان كده ما لك بن دينار كان بيقول والله لو اعلم ان قلبي يصلح على كناسة لذهبت والقيت قلبي هناك. انا لو حاسس ان قلبي هيتغير ان انا ارمي نفسي في مزبلة - 00:13:57ضَ

والله هاروح ارمي نفسي في مزبلة. ما لك ابن انس لما كان بيشعر ان في قلبه قسوة يقول فكنت اذهب الى محمد بن المنكدر فانظر الى وجهه فيذهب فتذهب قسوة القلب ناس بتتحرك. الصحابي راح للنبي قال له يا رسول الله جئت اشكو اليك قسوة قلبي. انا جاي اقول لك قلبي بقى قاسي. اعمل ايه؟ النبي يرشده للعمل - 00:14:17ضَ

في القاعدة التانية يا اخواني واخواتي لازم نوضح الان للانسان اللي جاي وبيقول لي انا مريض القلب اقول له عندك استطاعة انك تشتغل عندك استطاع انك تتحرك عندك استطاع انك تعمل يقول لي لأ انا هفضل حزين. اقول له خليك حزين وحزنك ده هيزود المرض اكتر - 00:14:37ضَ

تخيلوا معي نضرب مثال كده عشان القاعدة دي تخيلوا واحد مريض تخيلوا واحد مريض اصيب بكآبة بسبب المرض. زعلان اوي بسبب المرض. ففضل قاعد في بيته حزين يعيط انه مريض - 00:14:54ضَ

الانسان ده ممكن في يوم من الايام يعالج ممكن لا ولكن امتى يعالج انه يروح للدكتور ويقول له الوضع ويسمع منه. وبعد كده يتابع معه ويروح له مرة واتنين وتلاتة. والدكتور يكتب له الدواء ويدفع فلوس. يدفع فلوس علشان - 00:15:08ضَ

دوا اول مرة يجيبش نتيجة يروح للدكتور تاني ويكتب له جرعة اقوى ويروح لدكتور تالت ويكتب له جرعة رابعة لحد ما ربنا يجيب الشفاء. هو ده اللي ربنا بيشفيه. انما - 00:15:25ضَ

يقول انا او تقول انا مريضة القلب وتفضل قاعدة في بيتها ما بتتحركش ولا بتعمل اي حاجة لصالح القلب. لأ عمر ما ربنا يصلح القلب. فاذا لابد لمن اراد ان يصلح قلبه - 00:15:35ضَ

المفروض انه يبدأ ايه ها يتحرك محمد ابن المنكدر زي ما ذكرتوه قبل ذلك كان يطلع لما بيحس بقسوة في قلبه كده يطلع جري على المقابر يقعد جنب مقبرة ويقعد يعيط - 00:15:45ضَ

فواحد من التلامذة بتوعه يقولوا ياه ده اكيد واحد من اهله حن للفراقه. تاني يوم يقول انا شفته في مقبرة تانية قاعد جنبها بيعيط. فقلت معقول ده واحد تاني قريبه - 00:15:56ضَ

بيعيط. اليوم التالت والرابع والخامس فقلت لأ مش معقول كل دول بقى اهله يعني. فسألت احد اقرانه فقلت ما يصنع محمد بن المنكدر؟ يذهب الى احد من اهله فيبكي بجوارها فيقول لا ليس هذا يصنع. كل هؤلاء اهله. كل اللي في المقابر دول اهله. ولكنه رجل يجد القسوة - 00:16:06ضَ

وفي قلبك فيذهب هناك ليحرك قلبه. ده واحد بيحرك قلبه ده واحد بيحرك قلبه. يبقى اللي هنقول له النهاردة انت عايز تتعالج؟ يقول اه. اقول له طب يلا نبدأ قيام ليل. يقول لا اصل مش عارف اصلي. اقول له لأ اصل انا مش اه طب نصوم النهاردة يقول اصل - 00:16:26ضَ

انت مش قادر اصل الجو حر يبقى ده لن يداوي قلبه ابدا. مداواة مرض القلب لابد فيها ايه؟ ها حركة وسعي. يا جماعة بعض الناس بيسافر اوروبا ويدفع مئات الالاف علشان يتعالج. ده آآ بفضل الله عز وجل اذا شاء الله عز وجل بيرجع بفضل الله يعني مشفي ومعافى - 00:16:41ضَ

خد بكل الاسباب اتحرك وبذلوا بذل المال وبذل الجهد علشان ايه؟ علشان يعافى. يبقى اذا القاعدة التانية لما يجي لي حد مريض القلب لازم اعمل لازم اقول له من البداية يا جماعة احنا محتاجين عمل. يبقى القاعدة الاولى ايه يا محمد - 00:17:01ضَ

طيب القاعدة الاولى لا تغلق الباب في وجه احد. لا تثبط احد بل المريض لما يجي لك يرى في وجهك الايه الرحمة والخوف والحزن عليه. القاعدة التانية لابد ان نوضح للناس ان صلاح القلوب هيحتاج مننا لايه؟ لعمل. الامر التالت - 00:17:19ضَ

لابد من تفريغ القلب لابد كده لما تتكلمي مع اختك جاية تقول لك انا حاسة ان انا فتنت مسلا بشابة او كده. لابد لما تكلميها لازم تفرغي لها قلبها الاول - 00:17:43ضَ

لان هي لا يمكن تقولي لها تقومي ايام وتصلي قيام ليل هي مش هتحس بقيام ليل اصلا. ليه؟ لان قلبها مليان مليان ذنوب ومعاصي والعياذ بالله قال بعض السلف كما ان الاناء اذا ملأت فصببت فيه شيئا فاض - 00:17:57ضَ

فكذلك القلب اذا ملئ بالذنوب والمعاصي فلا تنفعه المواعظ ولا ينفعه العمل. تخيل معي دلوقتي كوباية ماية حطيته تحت الحنفية والكوباية اتملت خلاص لعينها. وبدأت تفتح الحنفية. وانت بتفتح الحنفية. الماية الزيادة اللي نازلة بتعمل ايه؟ مش هتخش في كوباية. دا هتطلع برة - 00:18:12ضَ

ليه؟ لان الاناء خلاص اتملى. وهكذا القلب. القلب اللي مليان ذنوب ومعاصي. او مليان فتن وامراض مهما اجتهدنا نقول له صلي قيام ليل. اقرأ قرآن اذكر ربنا هيقول لك انا مش عارف اصلا. انا مش قادر اصلا. ما هو ده امر طبيعي. ليه؟ يقول لك ما انا صليت قبل كده ومش عارف وما حستش انا قرأت قرآن قبل كده ومش - 00:18:32ضَ

ليه؟ هو المشكلة ان احنا بدأنا مع المريض ده غلط. المريض ده لازم نقول له انت لازم الاول تقتل نفسك توبة. تقتل نفسك استغفار. لازم تفرغ قلبك قلبك ده لازم يتفرغ كده نفضي اللي فيه وبعد كده نرجع ايه نملاه من جديد وده القاعدة اللي احنا دايما بنسميها عندنا التخلية قبل ها قبل التحلية - 00:18:52ضَ

التخلية قبل التحلية. خدت بالك؟ تخيل معي كوباية فيها مسلا شاي. وبردت وانت حطيتها مسلا في الحوض في المطبخ. وانت عايز تشرب مية لو جيت فتحت الماية على كوباية الشاي. ايه اللي بيحصل - 00:19:12ضَ

اللي بيحصل ان الكوباية لما تتملى بس مش هتبقى مية نضيفة. ده هي تبقى مية مليانة ايه؟ مليانة آآ طفل شاي وشاي مش هي دي المية اللي انت عايزها كان لازم الاول تعمل ايه يا محمد؟ ها؟ لازم فضي اللي فيها الاول. فضي اللي فيها علشان الماية تبقى نقية. فعلشان كده الخطوة التالتة اللي هتعامل فيها مع نفسي انا كانسان - 00:19:27ضَ

مريض القلب ان انا هقتل نفسي استغفار. هقتل نفسي توبة. هقتل نفسي ندم. لان دموع الندم دي لما بتنزل من العين قبل ما انزل في الارض او على هدومك او جسمك بتنزل على القلب تمسحه تنضفه. وده اللي احنا بنسميه دايما. عارفين اللي عنده فشل كلوي ربنا يا رب يعافينا ويعافيكم - 00:19:47ضَ

وعنده غسيل كلى كل فترة. عارفين ايه قصة غسيل الكلى؟ هو سحب الدم واحلال دم تاني. وادخال دم تاني على ما افهم يعني في حدود علمي ونفس الكلام مريض القلب. مريض القلب احنا محتاجين نفضي القلب مما وقع فيه من امراض وذنوب ومعاصي وسيئات وكبائر - 00:20:07ضَ

القلب علشان يبقى القلب مستوي عشان بعد كده لما نقرأ القرآن يبقى مستوعب. لما نقول له نصلي قيام ليل يبقى مستوعب. علشان كده كان النبي صلى الله عليه وسلم بيقول لنا ايه؟ ان العبد اذا اذنب ذنبا نكتت له في قلبه ايه؟ الحديس اللي احنا خدناه الدرس اللي فات قلت لكم ده من رحمة ربنا. انه قال نكتت له في - 00:20:27ضَ

قلبه وما قلش نكتت له ايه ؟ لكنا اتفضحنا. كنا هنتفضح. لو نكتت له في وجهه. فاذا تاب ونزع واستغفر صقل قلبه يرجع الاب قلب تاني ايه ابيض. القلب الابيض ده اللي يقدر بعد كده بقى يستوعب. يا حبايبي لما ربنا يقول كلا بل ها ران على قلوبهم - 00:20:45ضَ

العلماء قالوا الران ده هو عبارة ذنب على الذنب. فاذا ذكر لا يتذكر واذا وعظ لا تنفعه الموعظة. ليه؟ تخيل معي النهاردة تخيل معي النهاردة انا يعني القلب ده متغطي بعدة اغلفة - 00:21:05ضَ

خدت بالك؟ علي ران وعليه غولف وقالوا قلوبنا غلف وعليه اقفال وعليه ختم. كل الحاجات دي موجودة على القلب. ييجي الخشوع عايز يخش القلب الصورة ممكن يخش فمش هيعرف يخش اصلا. فبتكون النتيجة الاساسية ان الانسان مننا بيبقى آآ يعني اذنب من فترة - 00:21:21ضَ

ورجع بقى يقول انا انا هصلي بقى ويبدأ يصلي فعلا ويصلي الله اكبر. ومع ذلك مش حاسس يجي يقرأ القرآن. حاسس القرآن تقيل جدا على قلبه. صح اصل انت ما فضيتش الاول فضوا يا جماعة فضوا القلوب. فضوا المعاصي اللي جوة علشان القلب بعد كده يبدأ يستوعب. علشان كده ابو سليمان الدراني رحمة الله عليه كان - 00:21:41ضَ

يقول فرغوا القلوب حتى حتى تعي الموقف بين يدي الله عز وجل. اللي عايز فعلا يعيش بقى انه واقف بين ايدين ربنا دلوقتي ده لن يكون ابدا الا بعد تفريغ الايه؟ اللي بعد تفريغ القلب. فالخطوة التالتة المهمة جدا لازم نبدأ مع الناس من البداية مع اول - 00:22:01ضَ

خطوة يا جماعة الطائر توبوا يا جماعة استغفروا. حاول دايما انك تشغل بال المريض قلبيا ده ان الاستغفار ده هو النجاة. بعد فضل الله عز وجل قال المعتمر بن سليمان قال لي ابي ان لقمان الحكيم قال لابنه اي بني عود لسانك اللهم اغفر لي - 00:22:21ضَ

هو ده المعالج الناجح. اللي بيقول لابنه اللي عمل معاصي وعنده مشاكل في قلبه عود لسانك الاستغفار. انك تقول رب اغفر لي. فان لله في ساعات لا لا يرد فيها سائلان - 00:22:41ضَ

عود نفسك طول ما انت ماشي في الشارع يا محمد اللهم اغفر لي. راكب العربية اللهم اغفر لي. عود نفسك دايما يا حسام. طول ما انت ماشي اللهم اغفر لي. قولي للاخت اللي جاية لك تقولي - 00:22:55ضَ

انا مريضة جدا قولي لها عودي نفسك انك تقولي اللهم اغفر لي. ليه؟ لان لله عز وجل ساعات لا يرد فيها سائلا. وقال الحسن اكثروا في رواية داوموا في رواية ادمنوا ادمنوا الاستغفار في بيوتكم وعلى موائدكم وفي طرقكم وفي اسواقكم وفي - 00:23:05ضَ

واينما كنتم فانكم لا تدرون متى تنزل المغفرة فانكم لا تدرون متى تنزل المغفرة. انا عايز اشغل الانسان اللي جاي وعنده والعياذ بالله مرض في قلبه. عايز اقول له خد بالك احنا محتاجين نطهر القلب محتاجين - 00:23:25ضَ

نخلي القلب ننضف القلب. فلما هنضف القلب هتكون النتيجة ان كل حاجة عندنا ايه؟ هتبقى سهلة بعد كده. علشان كده بنقول القاعدة التالتة في علاج مرض القلب لو عايز فعلا انك تكون معالج ناجح. لو عايزة فعلا تكوني معالجة ناجحة. لو عايز بالفعل اتغير من حال قلبك - 00:23:41ضَ

فرغ قلبك مرض قلبك. انك وانت ساجد بتستغفر وانت راكع بتستغفر. وانت ماشي بتستغفر وعلى وانت بتاكل بتستغفر. كل حاجة بتستغفر. النبي صلى الله عليه وسلم علمنا هذا الاصل النبي صلى الله عليه وسلم كان دايما يحب يعمل حاجات قدام الصحابة كده حتى يقتدوا به. ابن عمر بيقول احنا كنا بنعد للنبي في المجلس الواحد رب اغفر لي وتب علي. كم مرة - 00:23:59ضَ

مائة مرة والنبي يقول انه لا يغان على قلبي وانني لاستغفر الله في اليوم سبعين مرة. توبوا الى الله واستغفروه فاني اتوب اليه واستغفر سبعين مرة. في رواية مائة مرة - 00:24:21ضَ

ده كله ليه؟ هو النبي عايش بالمعنى ده. عايش بمعنى لابد من تفريغ القلب. النبي صلى الله عليه وسلم تقول عائشة كنت ذات يوم من الليل فتحسست النبي عمال ادور عليه كده فمش لقتوش فوقع في قلبي انه ايه؟ ذهب الى احدى نسائه. فكنت اتحسسه فوقعت يدي على قدمه - 00:24:33ضَ

قل سبحانك وبحمدك اللهم اغفر لي يقول سبحانك وبحمدك اللهم اغفر لي. سبحانك وبحمدك اللهم اغفر لي. ده وانت ساجد اه وانا ساجد. فقالت عائشة سبحان الله يا رسول الله - 00:24:53ضَ

انت في شأن وانا في شأن اخر. ده انت عمال تفرغ قلبك وانا مش هنا اصلا خالص. ده انا كنت نايمة تفريغ القلب انك وانت جنب زوجك نايمين مع بعض على السرير الواحد هو نايم وبيشخر وانت لسانك لا يفطر عن الذكر. هو ده المعنى - 00:25:06ضَ

او العكس انت نايم زوجتك نايمة ومش عارف في سابع نومة وانت لسانك لا يفرغ عن الذكر. زوجتك راكبة معك في العربية وانت ساكت لسانك لا يفرغ عن الذكر وهكذا اللي عايز فعلا ربنا يشفي له قلبه يأكد على هذا المعنى - 00:25:24ضَ

يبقى اذا فتحنا له الباب واكدنا له ان العمل ده لازم نجتهد فيه وهيحتاج العمل مش هيحتاج كلام نبدأ نفرغ له قلبه. بعد ما القلب اتفرغ نبدأ بقى نبدأ مرحلة الايه؟ التحلية بقى. نبدأ نحلي له قلبه ونبدأ نملى له قلبه. ممكن يقول لي من - 00:25:41ضَ

بداية من قراءة القرآن يا ابو حميد. ومع ذلك انا لسة ما حستش بطعمه. انا صليت ومش حاسة بطعم الصلاة. ما هو لازم من البداية نفهم ان احنا لما هنبدأ تحليل - 00:25:59ضَ

القلب مش من اول يوم هنجد الثمرة. دي نقطة من النقاط اللي دايما بتعمل لنا مشاكل. اللي دايما بتبعدنا عن ربنا. ان انا بظن ان انا في اليوم اللي خلاص انا تبت فيه - 00:26:09ضَ

ورجعت لربنا وهقرأ قرآن بقى ان انا في اليوم ده خلاص هجد طعم الايمان وهرجع الى سابق العهد. لا يا اخواني. لازم نفهم كويس جدا ان كان مننا اذا كان مبتلى بمرض قلبي. وبعد ذلك تاب وقرر انه يفرغ قلبه وفرغ قلبه. انت لسه بتبدأ من جديد - 00:26:19ضَ

لسه بتبدأ من جديد. عشان كده كان علي رضي الله عنه يقول ان الايمان يبدأ في القلب في صورة نقطة بيضاء. نقطة لسه ده انت لسه اول يوم عبارة عن نقطة يوم ورا التاني ورا التالت ورا الرابع مع الزيادة في العمل والمعاهدة بتكون النتيجة ان ربنا بيعمل لك ايه ؟ بتبدأ انت تحس بقى بطعم الايمان - 00:26:37ضَ

بتبدأ تحس بطعم الايمان. ولكن تحتاج الى مداومة واستمرار. يعني مش اول يوم النهاردة بعد ما فرغت القلب وكترنا من تواب الاستغفار انا هستشعر طعم الايمان ده قلبك لسه برضو في حالة نقاهة لا يمكن ابدا يا اخواني انا سائلكم بربكم. واحد عمل عملية وليكن مثلا اخطر الامراض زي ما قلت لكم الان مرض السرطان - 00:26:58ضَ

عمل عملية واستئصل السرطان ده خلاص شاله. فرغ جسمه من المرض ده. وهو لسه في المستشفى وهو اول يوم في العملية بعد ده اول يوم في العملية بيطلع من العملية يلعب ماتش كورة - 00:27:18ضَ

ممكن لا يمكن ده راجل جسمه مفتوح ومتبهدل وحالته حالة. وهكذا مرض القلب. ده لازم الاول يخش في فترة نقاهة وبعد كده يبدأ ايه؟ تعود اليه قوته تدريجيا لحد ما شاء الله ربنا سبحانه وتعالى يعينه ويقويه ويقويه. ده معنى لازم نفهمه. لان ده نقطة من اخطر النقاط اللي بيبدأ الشيطان - 00:27:33ضَ

صعب علينا. اهو اهو انت ما اتقبلتيش. ولا انت اتقبلت. ما انت لو كنت اتقبلت كان زمانك حسيت بطعم الطاعة اللي كانت موجودة زمان. حسيت بطعم الخشوع بتاع زمان. حسيت بالقرآن زي زمان. كان زمانك بتعيطي زي زمان. صح؟ ده باب من ابواب الشيطان. احنا لسة خارجين من مرض خطير - 00:27:54ضَ

احنا لسه الان في دور النقاهة. القوة هتبدأ ترجع لنا بس ايه واحدة واحدة لا نتعجل. اضرب لكم مثال اخر زي ما ضربت بمثال المريض اللي في اضرب لكم نموذج اخر بمريض برضه بمثال اخر. واحد عايز يكون عنده شجرة تفاح. هل من اول يوم بياخد فيه البذرة وبيرميها في - 00:28:14ضَ

الارض تاني يوم الصبح بيروح ياخد التفاحة بياخدها يا محمود؟ لأ طبعا بياخدها يا نور؟ لأ طبعا ولكن لازم يزرع وكل يوم يروح من بدري ويشتغل. تبدأ البذرة دي تطلع النبتة انها تطلع الساق يطلع بعد كده آآ ساق اقوى ساق اقوى او فروع واوراق - 00:28:34ضَ

بعد فترة من المعاهدة والتعب والنصب بتكون النتيجة ان بتطلع له الايه؟ الثورات. احنا مش عايزين نتعجل ولكن نجتهد بقدر المستطاع ونكون دايما قدامنا القاعدة اللي وضعها سيدنا علي. ان الامام لما بيعود في القلب يعود كانه نقطة نور بسيطة جدا جدا جدا - 00:28:54ضَ

وبعد كده ايه اللي بيحصل؟ ها يبدأ ايه؟ يزداد. وبعد ذلك يبدأ يزداد. طيب باي شيء نبدأ هنبدأ بايه نبدأ باهم شيء عندنا من الاشياء اللي ربنا سبحانه وتعالى بيصلح بها القلب - 00:29:11ضَ

وهي القرآن وربنا سبحانه وتعالى في كثير من ايات القرآن وضح لنا قالوا يا جماعة يا اللي عندكم امراض للقلب ركزوا في القرآن شوية. انا هذكر الامر ده بس دلوقتي - 00:29:29ضَ

ونخش في الجانب العملي من درس النهاردة القرآن قراءة القرآن باستمرار حفظا وعملا وقراءة وتدبرا داء العبد لربنا سبحانه وتعالى بيصلح له قلبه. اللي يبدأ يرجع للقرآن. قال الله سبحانه وننزل من القرآن ما هو شفاء ورحمة - 00:29:40ضَ

مؤمنين وقال الله عز وجل قل هو للذين امنوا هدى وشفاء. قال الله سبحانه وتعالى يا ايها الناس قد جاءتكم موعظة من ربكم وايه وشفاء لما لما في الصدور الايات دي كلها كده بتوضح لنا ان ربنا بيقول لكم اللي حسان في قلبه مرض يبدأ يرجع للقرآن تاني. حفظا تروح على ايد شيخ وتبدأ تحفز - 00:30:02ضَ

شوفي اخت من الاخوات تبدأي تحفظي على ايديها جميل او سماعا زي ما كان سيدنا عمر لما خدنا في عبقرية عمر الدرس الماضي لما كان عمر رضي الله عنه يقول لابي موسى شوقنا الى ربنا يا ابا موسى فيسمع منه - 00:30:27ضَ

القرآن نطبقها عملي في شيخ انا بحب الصوت جدا. مثلا الشيخ مشاري او مسلا انا احب الشيخ المنشاوي مسلا. اسمع له كتير. يبدأ قلبك يتحرك سيدنا عبدالله بن مسعود كان بيقول لما تيجي تقرأ القرآن لا تهزوه هز الشعر - 00:30:41ضَ

ولكن قفوا عند عجائبه وحركوا به القلوب. وحركوا به القلوب فنبدأ بالقرآن. هي العودة الصادقة مرة ثانية للقرآن. الصحابة رضوان الله عليهم اظن ان اخطر الامراض كانت موجودة في قلوبهم طبعا قبل الاسلام - 00:30:57ضَ

يكفي ان مرض زي مرض الكفر والشرك كان موجود في قلوبهم ومع ذلك لما نزل القرآن نزل على قلوبهم هدى وشفاء ورحمة علشان كده وجدنا ان الصحابة بقوا الصحابة رضوان الله عليهم. لو عشنا بالقرآن كما عاشوا لطهرت قلوبنا كما طهرت قلوبهم. علشان - 00:31:15ضَ

قال آآ ابن القيم رحمه الله ويا ريت يا جماعة نركزوا اوي اوي في الايات دي في الكلام ده. قال ابن القيم رحمه الله وبالجملة فلا شيء انفع للقلب من - 00:31:35ضَ

قراءة القرآن بالتدبر والتفكر ما فيش شيء انفع للقلب. عشان كده بدأت به. انفع للقلب من قراءة القرآن بالتدبر والتفكر. فانه جامع لجميع منازل ثائرين واحوال العاملين ومقامات العارفين وهو الذي يورث المحبة والشوق والخوف والرجاء - 00:31:47ضَ

والانابة والتوكل وسائر الاحوال التي بها حياة القلب وكماله. وكذلك يسجر عن جميع الصفات والافعال المذمومة بها فساد القلب وهلاكه. اسمعوا اللي جاية دي. فلو علم الناس ما في القرآن بالتدبر لاشتغلوا بها عن كل ما سواه - 00:32:10ضَ

احنا لو عرفنا قدر قراءة القرآن بالتدبر والله لننشغل بهذا عن اي دواء اخر يبقى فتح كلامه بجملة رائعة وانهاب جملة رائعة. فبالجملة فلا شيء انفع للقلب من قراءة القرآن بالتفكر والتدبر. وختم بقوله - 00:32:30ضَ

لو علم الناس ما في القراءة ما في قراءة القرآن بالتدبر لاشتغلوا بها عن كل ما سواه وقال النبي صلى الله عليه وسلم ان تجعل القرآن ربيع قلبي ونورا صدري ربيع قلبي ونور صدري وجلاء حزني وذهابها غمي - 00:32:48ضَ

قال ابن القيم وقوله ان تجعل القرآن ربيع قلبي ونور صدري يجمع اصلي الحياة الحياة والنور فان الربيع هو المطر الذي يحيا به الارض فينبت الربيع فالنبي صلى الله عليه وسلم ويكأنه يسأل ربه - 00:33:08ضَ

ان يحيي قلبه بالقرآن كما يحيي الارض ها كما يحيي الماء الايه كما يحيي الماء الارض الميتة يبقى العودة الصادقة للقرآن ان انت ترجع تاني لو ما فيش شغل اقعد مع زمايلي بنقرأ قرآن - 00:33:30ضَ

انك ترجع تاني تسمع قرآن واكون على يقين ان كل اية بتنزل في هذا القلب تنزل عليه هدى وشفاء. زي ما انت بتاخد كده شريط الدوا حباية ورا التانية ورا التالتة. لحد - 00:33:48ضَ

ما تخلص الجرعة اللي فيها ستين حباية ربنا يشفيك. فكذلك ايضا ايات القرآن تنزل على قلبك اية اية يشرح الله بها الصدر وينير بها القلب ويجعل الله سبحانه وتعالى هذه الايات شفاء لما في صدورنا وقلوبنا. تعالوا مع بعض بقى ننتقل الى - 00:34:01ضَ

آآ الدرس العملي الدرس العملي نشوف صورة او نموذج من النماذج القلبي لما يكون فيه ايمان وامتى الايمان بينزل وامتى الايمان ده يطلع يعود تاني وازاي نعالج المشكلات اللي بتتقال. اذكر لكم الموقف. وبعد كده ان شاء الله تبارك وتعالى نبدأ نتكلم بقى. نبدأ نتكلم عن - 00:34:21ضَ

ازاي اقدر اعالج مشكلة لما تيجي لي مشكلة زي دي السلام عليكم ورحمة الله وبركاته. آآ انا انا طبعا كل حاجة هتدل على هي مين اللي مش هقولها. من الله عز وجل علي بالالتزام منذ اربع سنوات اطيلت هذه السنوات - 00:34:41ضَ

انا ابحث عن صحبة صالحة تعينني على ديني وطاعة ربي ولكني لم اجد فكنت اجاهد نفسي وحدي على طاعة الله. كنت استمع الى العلماء وانفذ ما يقولونه وهنا النقطة دي نحط عليها كده رقم واحد ان اول حاجة اثر في ايمان الاخت دي هو ايه - 00:34:56ضَ

ها آآ ان هي بتسمع كتير عن العلماء وايه الحاجة التانية وتنفذ. الامر التالت انها كانت خلاص مش معنى ان انا لوحدي ان انا خلاص ابعد لأ ده انت لوحدك هنيئا لك غربتك. فطوبى للغرباء. الاخت ما شاء الله بتقول انا كنت بجاهد نفسي. ودي المرحلة التالتة. يبقى كانت بتجاهد - 00:35:16ضَ

نفسها تسمع للعلماء تطبق ما تسمع. وكنت اقرأ في كتب التربية الايمانية وتهذيب النفوس. واحاول تهذيب نفسي بقدر الامكان ودي جزئية في غاية الاهمية. ان طلبها للعلم الدائم والمستمر والقراءة في الكتب اللي بتعالج القلوب ادت ان ايمانها ايه؟ ها؟ يزيد ويعلو - 00:35:37ضَ

كان لدي همة عالية في الالتزام والمشكلة يبقى اذا لحد هنا الاخت بتدي لنا ايه الاشياء اللي ممكن تخلي الامام بتاعنا ايه ها يعلى. بتقول المشكلة انني كنت اذهب الى احدى المكتبات - 00:35:57ضَ

بمكان ما وكان هناك اخ يزعم انه ملتزم وطالب علم ويحفز بعض الاحاديث. اخذ يجذبني بكلامه اخذ يجذبني بكلامه في بداية الامر رغم ان يجلبني بكلامه في بداية بدأ في بداية الامر بانه معالج للقرآن وكان عندما ينظر الي يقول انت مريضة بالمس او السحر او شيء من هذا - 00:36:12ضَ

القبيل فاخذ يعالجني بطرق غريبة لم يستخدم فيها لا اية ولا ولا حديث وانا احاسبته من الصالحين ولم اكن اشك في تصرفاته. علما بانني لم تكن لدي خبرة في معاملة الرجال او مكرهم. والله يا شيخ - 00:36:41ضَ

آآ كنت آآ مش عارف ايه يعني اتصل به في اتصلت به بالشيخ في الهاتف لاسأله عن فتوى لابعد نفسي اه بتقول ان هي كانت الاخت بتخاف ان هي حتى تسأل شيخ من المشايخ في التليفزيون - 00:36:57ضَ

عشان كانت خايفة على نفسها من الفتنة وقاضي المستطاع كانت بتبعد ودي نقطة خامسة تدلنا هي ليه كانت سابتة؟ ان هي كانت عند مواطن الفتن بتعمل ايه؟ بتبعد ماشي. ثم بعد ذلك اخذ الطريق انه صرح لي انه يحبني ويريدني للزواج - 00:37:15ضَ

واخذ يأخذني بكلماته. ولكن لما جاء للبيت آآ رفض اهلي لانهم يرون اني ما زلت صغيرة. وانا طيب هذا الشخص بدأ بانه يريد او صورة لي فرفضت ولكن كان يقنعني بالدين - 00:37:33ضَ

كان يقنعني بالدين. فسألت بعض الداعيات في مسجد ما فاحت لي ذلك. فرأى الصورة ثم رآني حقيقة بعد ان كشفت امامه وجهي. ثم بدأ يطلب مني طلبات لا تجوز وظللت ارفض كل ذلك. وابكي وكنت اشعر انني موضوعة في ابتلاء - 00:37:48ضَ

ولكنني ضعيفة في هذا الامر. كان يقول انه يريد هذا النوع من الالتزام وكان يبرر لنفسه كل شيء. كنت عندما اذهب الى المكتبة خدوا من دي كنت كلما اذهب الى المكتبة اقول له اليست هذه خلوة؟ مش ده حرام؟ فيقول نحن في مكتبة عامة - 00:38:06ضَ

نحن في مكتبة عامة. كنت اقول لو انت متساهل فيقول متساهل معك انت. فاقول له لابد ان تكون هناك مراقبة لله عز وجل يقول كل هذا كان سببا في ان انخفض الالتزام في قلبي - 00:38:26ضَ

وبدأ بعد ذلك في معاملة اخرى معي حتى انه كان يريد والعياذ بالله الوصول معي الى الفاحشة ولكن حفظني الله كان يطلب مني ان استغل اهلي وان افعل ما يريد - 00:38:42ضَ

وان اقدم لهم النصيحة وبعد ذلك تبت الى الله وكسرت الشريحة اللي كان بيكلمها عليه وغيرت الرقم لكي لا يعرف رقم هاتفي الجديد ولم اعد الى هذا المكان لانني عندما اذهب فقط الى اول الشارع اتذكر معاصية فيأتيني انهيار عصبي. المشكلة الان يا شيخ انني منذ ستة شهور وانا في - 00:39:02ضَ

في هذه الحالة لم اعد استطيع العبادة بعد ان كنت ساقرأ ورد القرآن خمس اجزاء خمس اجزاء في اليوم الواحد واقوم الليل واكثر من جلسات الضحى كل يوم واوراد الاذكار وغيرها مع غض البصر. الان لم اعد استطيع ان افعل - 00:39:22ضَ

كل هذا انا لست ادري يا شيخ كيف يكون الشخص قريبا من الله ثم يبتلى بفعل المعاصي قبل هذه الفترة عندما كان يحاورني هذا الشاب اقول اسأل الله سبحانه وتعالى ان يتوب علي وان وان يعفو عني فيما ابتلاني به من هذه المعصية. آآ ماذا افعل؟ جزاكم الله خيرا - 00:39:37ضَ

هنا في بلاء حصل. هنا دي اظن قصة آآ منتشرة جدا ومكروهة جدا. ممكن الشاب ده يكون شيخ على الفيسبوك كنت بسأله اسئلة وبدأت المسألة تتطور لحد ما وقعت كان معها في القرص كان في عاهة في العمل. تعالوا مع بعض النهاردة لما نشوف آآ ان البنت دي ابتليت الان بمرض في القلب - 00:39:57ضَ

في البداية نبدأ نقسم كده حياتها لتلات اطوار الطور الاول هو طور الالتزام والهداية والقرب من الله. الطور التاني نزول المرض في القلب بجزء يسير الى ان تطور الى العياذ بالله مصائب. ثم بعد ذلك طور ما بعد الايه - 00:40:20ضَ

ما بعد الرجوع الى الله بسبب هذا الذنب. تعالوا مع بعض نقسم كده الامور دي علشان نبدأ نعرف المشكلة فين. وانا عايزكم انتم بقى اللي بتبدأوا تقولوا لي من خلال القواعد اللي احنا كنا بندرسها مع بعض - 00:40:38ضَ

واحد البنت دي ربنا يا رب يحفظها ويكرمها ويثبتها على طاعتك. ويردها الى دينه ردا جميلا. ابتداء البنت دي في بداية الامر التزامها قوتها وطاعتها وبعدها عن المعصية. ايه السبب وراه - 00:40:48ضَ

ايه السبب وراه ؟ اسمع منكم ها قل اول حاجة سماع الدروس والقرب من العلماء وتنفيذ كلامهم ادي حاجتين. ايه كمان؟ حسام جميل ايه كمان اجتهد في عبادتهم ومجاهدتها لنفسها. ايه كمان؟ قالته في اخر درس. اخر ورقة - 00:41:03ضَ

اه ابتعادها عن الفتن كانت اي فتنة بتيجي تقرب منها كانت بتبعد عنها. الامر اللي بعد كده اللي هي قالته في الاخر ان هي كان وردها في القرآن خمس اجزاء - 00:41:26ضَ

المحافظة على جلسات الضحى محافظة على اوراد الاذكار بتاعة الصباح والمساء. محافزة على جزء من قيام الليل وهكذا. هنا القلب قوي. ليه؟ لان القلب خدت تلات حاجات واحد بتقول انا كنت ببعد عن الفتن وهذه هي الحمية اللي احنا خدناها الدرس اللي فات حمية القلب عن مواطن الفتنة. صح؟ اتنين القلب - 00:41:36ضَ

ان شاء الله اخذ ما يؤيد قوته اللي هي الايه؟ قلناها درس فات الايمان والايه؟ واوراد الطاعة. واوراد الطاعة. وبعد ذلك كانت لا تفعل المعاصي وابتعد عنها قدر المستطاع. وده الايه؟ وكانت مداومة على الاستغفار والتوبة. وده اللي احنا كنا بنسميه استفراغ القلب للمواد السيئة - 00:41:58ضَ

طيب بعد كده المشكلة بدأت منين المشكلة بدأت منين المشكلة بدأت ان هي سمحت لنفسها بمعصية وان كانت صغيرة ودي دايما مشكلة امراض القلوب بتبدأ بحاجة بسيطة وبعد كده تبقى ايه - 00:42:18ضَ

تبقى مصيبة تبقى مصيبة ان هي بدأت بمجرد كلمة معه انت رايحة تشتري كتاب تشتري الكتاب وتمشي انما ما يقولكيش انت كذا لأ اعملي كذا. اوعوا يا جماعة في يوم من الايام نسمح لانفسنا بالاختلاط - 00:42:35ضَ

تحت اي مسمى كان مشكلة الاخت ان هي بدأت بمعصية. مرض القلب دخل في قلبها بسبب معصية. الا وهي الاختلاط. تحت بقى اي مسمى تحت مسمى الدعوة تحت مسمى آآ عمل الدعوي في الجامعة. العمل الدعوي على الصفحات بتاعة الفيسبوك. تحت مسمى آآ مسلا العمل الخيري. تحت مسمى لا يسمح - 00:42:49ضَ

ابدا بهذا الامر فورا اخت ما شاء الله في قمة الالتزام وهو اخ بيقول ان هو حافظ وعامل ومسوي واتفرج ماذا حدث لهم؟ المشكلة جت منين بدأت بمعصية. هنا المعصية بدأت تنزل في القلب - 00:43:12ضَ

واحنا قلنا ان اخطر ما يفسد على انسان قلبه. الدرس اللي فات كنا قلنا ايه المعصية نزلت في القلب بدأ القلب يبوز يبقى اذا من البداية اللي عايز نفسه يحفظ نفسه من الفتن يواظب على اوراده وطاعته وقربه من الله. اللي عايز فعلا ربنا سبحانه وتعالى يثبته لا - 00:43:26ضَ

نفسه لارض الفتنة المشكلة استصغارها للذنب. كانت كل شوية تروح تقول له طب كذا يقول لها لأ كذا. طب انت بتروحي ليه؟ ما هي دي غلطة التانية. الغلطة التانية المفترض ان انا عرفت - 00:43:45ضَ

ان الارض دي ارض فتنة. هذا الانسان مريض القلب حتما ولا بد. وبخاصة لما قالت بعد كده ثم اكتشفت بعد ذلك انه متزوج ولديه اولاد كان يتسلى بي وكان يتسلى بي. يبقى اذا ايه اللي خلى المرض اللي عنده والعياذ بالله المرض القلبي اللي موجود عنده؟ ليه انت قال عندها؟ لان هي سمحت لنفسها ان - 00:43:57ضَ

هي تكون موجودة فين في بيئة فتنة وده اللي احنا اتكلمنا عليه المرة اللي فاتت. قلنا ان اللي بيمرض القلب واحد الذنوب وده اللي هي عملته. اتنين ايه كمان وجودها في بيئة مليانة مرض - 00:44:20ضَ

احسنتم اللي احنا خدناه الدرس اللي فات انتقال العدوى. هو عنده مرض قلبي وانت شايفة الكلام ده هي بتقول انا كنت بقول له انت متساهل. انت ما بتراقبش ربنا احنا نازلين نخاف في ربنا وكان هو بيتساهل. هو دا انسان مريض القلب. فالقرب من الانسان مريض القلب. ايه اللي حصل؟ ها؟ ادى له ايه على طول - 00:44:35ضَ

ادى له العدوى. الامر التالت استظهار الزنب. استظهار الزنب وعدم تقدير ان الذنب ده ممكن يوصل لذنب اخر ودي نقطة لازم نأكد عليها اخواني ويا احبابي مرض القلب ان ما كنتش هتتعامل معه بحسم هتضيع وهتتعب - 00:44:54ضَ

كان آآ سهل بن عبدالله التساري يقول ليست اللعنة ليست اللعنة بالسواد في الوجه ولكن اللعنة ان تذنب الذنب الصغير فلا تخرج منه الى ما هو اكبر منه. ما تخرجش منه الا لشيء اكبر منه - 00:45:12ضَ

هو ده اللي كان بيحصل. المسألة في البداية كانت مجرد كلام سؤال عن كتاب كانت النتيجة بعد كده ان ايه اللي حصل؟ ها المسألة ايه تكبر هي دي بقى اللعنة - 00:45:28ضَ

ان الانسان لا ينتقم من ذنب الا الى ذنب اكبر منه. وهنا المرض بعد ما كان بسيط في القلب يبدأ المرض ايه؟ يكبر والعياذ بالله. الشاب ده النتيجة الاساسية ان بسبب آآ الاستمرار في الذنوب كانت النتيجة ان انسلخ من قلبه استقباح الذنب وده اللي احنا اتكلمنا عليه الدرس اللي فات. ان من عقوبة - 00:45:39ضَ

ذنب على القلب انه ينسلخ من القلب تعظيم الذنب فتراب مبيح لنفسه. تخيل كلام ابن القيم والله بالنص لو حد معه المذكرة بتاعة الدرس اللي فات هيجد الكلام ده انه بصوا فيزداد في قلبه - 00:45:59ضَ

يدافع المعصية ويقل في قلبه دافع التوبة فلا تزال فلا يزال دافع التوبة يقل ودافع المعصية يزيد حتى يستمرئها ويستبيحها لنفسه. مش ده الكلام اللي احنا خدناه الدرس الماضي؟ يبقى اذا اللي عايز ربنا سبحانه وتعالى يشفي قلبه فورا سيب الفتنة - 00:46:13ضَ

ابعد عنها فورا ابعد عنها. ليه؟ لان المشكلة البداية بدأت بكلمة وهي بتقول النهاية هو كان عايز يوصل فين للفاحشة والعياذ بالله لازم نقدر الخطر. الهم النفسي اللي البنت موجودة فيه الان. والكرب اللي هي عايشاه الان ده امر ناتج ببساطة جدا جدا جدا عن ايه - 00:46:33ضَ

عن الذنب عن الذنب لان من مشاكل الذنب لما الذنب ده بينفجر في حياة الانسان بيصيبه والعياذ بالله بضنك المعيشة. ضنك المعيشة ده لفظ القرآني. اللفظ الحياتي بتاعنا مهمومة كئيبة عندها توتر نفسي عندها مش عارف ايه وهكذا. ومن اعرض عن ذكري فان له معيشة ضنكا - 00:46:55ضَ

كانت مشكلة الذنب اللي وقعت فيه ان المشكلة لما الذنب انفجر لاعادة عارفة تصلي. مش هو ده الكلام اللي بنقوله؟ لا عادت عارفة تصلي ولا عادت عارفة تعبد رب وده الكلام اللي علمائنا علموه لنا. لما قالوا لنا ان العبد لا يذنب الذنب يحرم به الايه - 00:47:16ضَ

يحرم به الطاعة. ابن مسعود واحد بيقول له مش قادر اصلي الجماعة. قال والله ما حرمت الجماعة الا بذنب ولما كلموا الفضيل بن عياض واحد بيقول له مش قادر اقوم الليل قال له قيدتك ذنوبك - 00:47:33ضَ

يبقى اذا اللي الاخت فيه الان مش مرض نفسي تروح فيه عند مستشفى مجانين او تروح فيه لطبيب نفسي لأ ده دي اثار المعاصي عليك ده دي من اثار المعاصي عليك - 00:47:48ضَ

طيب اه عايزين بقى حد كده النهاردة طب تعال خدنا درس النهاردة الان احنا جاي لنا انسان مريض القلب جاي لنا انسان مريض القلب انسان مريض القلب ده وهي جاية بتقول الان ان هي مصابة بهم شديد ومحتاجة نصيحة - 00:48:00ضَ

انت دلوقتي آآ شايف ان هي تبدأ منين وعايزك تطبق القواعد اللي انت خدتها النهاردة مع الاخت دي توجه لها نصيحة. يا ترى تقول لها ايه وتحاول بقى اهو ده التطبيق العملي. انا عايز النهاردة انت الان مربي. انت الان انسان بتجتهد انك تعالج بنت الان مصابة بمرض في قلبها. يا ترى - 00:48:22ضَ

تبدأ الكلام معها منين؟ سلام عليكم. عليكم السلام يا فندم. هو انا يعني فيه نقطتين ممكن اتكلم فيهم بس؟ هو اولا وحتة الموازبة على الطاعة ممكن تورث في القلب اللي هو الامن من مكر الله. جميل. زي مسلا ابليس وقارون. وصلوا وصلوا لدرجة من - 00:48:42ضَ

من الطاعة اللي هم يعني حسوا ان هم خلاص ان هم وصل لمرحلة ان هو خلاص هو اعلى اعبد اهل الارض او اللي هو خلاص مش هيقع في معصية. فدوت يعني بيدي للانسان - 00:49:02ضَ

امن من مكر الله فده بيكون سبب اللي هو وقوع في المعاصي يعني يزيد بقى في المعاصي. رائع جدا. النقطة التانية اللي هو انما تأكل الذئب من الغنم القاسي. فهو فانا اعتقد اللي هو الواحد مهما كان الواحد لما بيقع بيلاقي اخ بيشده الصديق اه او - 00:49:12ضَ

ساحب يعني الواحد لما بيبعد صديقي لو فعلا اخ في الله هو هيحس به قبل ما انا احس. فهو يبدأ يشدني تاني لطريق التوبة آآ عايزك الان انت اتعرضت عليك الاخت دلوقتي ان هي مريضة ومحتاجين ان احنا نوجه لها نصيحة. تمام. اول حاجة النهاردة هو بادئ ببدء - 00:49:32ضَ

طبعا هي استعانة بالله. والتوبة والندم على المعصية. الامر التاني اللي هو تفريغ القلب من المعاصي والشهابات والشهوات عن طريق الندم على ما فات. والبكاء. جميل. المواظبة على الطاعات. والتدبر واستشعار الايات - 00:49:52ضَ

طيب تعالوا بقى مع بعض كده آآ انا كده بدأت خلاص الحمد لله يعني خلاص بدأت الحمد لله اثق ان القواعد بالنسبة لنا بدأت بقت سهلة. بس هتحتاج تمرس تعالوا مع بعض كده نشوف النهاردة نعمل لنفسنا خطوات نقول لاختنا ايه؟ نقول لها انت اختنا - 00:50:12ضَ

واحنا خايفين عليك جدا وحريصين عليك جدا. واحنا والله العظيم يعني نشعر بما انت فيه الان. ويمكن انا من جوايا حزين حزن اكتر منك بسبب ان انت بعدت عن ربنا سبحانه وتعالى شوية. وانا خايف عليك. ده كله لازم اقوله. الاخت تقوله الاخت والاخ يقوله الاخ - 00:50:32ضَ

احنا خايفين عليك آآ احنا لازم والله انا وانا بقرأ كلام الاخت والله العظيم انا فعلا من جوايا انا كنت بتقطع فعلا حقيقة لان ده لما اشوف انسان بعد قام ربنا انا ابقى خايف عليه جدا فانا عايز اقول لها احنا والله كلنا خايفين عليك ونسأل الله سبحانه وتعالى انه يثبتك على ما انت عليه الان من التوبة والرجوع الى الله سبحانه وتعالى - 00:50:52ضَ

ونسأل الله سبحانه وتعالى انه يطهر قلبك من كل هذه المعاصي. وكويس جدا ان انت بدأت تاخدي خطوات. يبقى الامر الاول ان لازم اختنا للان. لازم اختنا الان لو حد من زميلتها عارفين قصتها ولما اتقالت الكلام عرفت هي مين لازم اخواتها كلهم ياخدوها في حضنها كده. في حضنهم كده وتحس منهم ان هم خايفين - 00:51:14ضَ

وتحس منهم ان هم مشفقين عليها. وازا كانت الاخت بتقول هي وحدها ففي عندنا اكتر من مية اخت جوة. اكتر من مية وخمسين اخت جوة. المية وخمسين دول كلهم اخواتك وكلهم حريصين عليك. وكلهم ياخدوا بايديك ان شاء الله تبارك وتعالى. ويعينوك على طاعة ربنا سبحانه وتعالى. فالامر الاول لازم الناس تشوف لازم الاخت - 00:51:34ضَ

ترى من اخواتها الان اللي يعرفوها حب لها وخوف عليها وحرص عليها. مش معنى اللي هي ازنبت ندوس عليها برجلينا زي ما بعض الناس بتعمل. آآ والد كريم آآ ايام ما كنت بدي في صابر نص ايام ما كنت اتنقلت هناك آآ آآ جا لي بيقول لي انا اول مرة انا باسمع الدروس وكده فحبيت اجيب بنتي. فجبت بنتي فقامت اخت من - 00:51:54ضَ

الطاقم واخدة شريط عن الحجاب وقامت رمياه في حجرها كده وقالت لها اسمعي بقرف كده. كل ده عشان بنتي كانت لابسة ضيق شوية. كانت النتيجة ان البنت آآ كرهت المسجد مش عايزة تخش - 00:52:14ضَ

ويقول لي فين وفين ان البنت خلاص اقنعتها ان هي تجي لي تاني هنا المشكلة فين؟ هنا البنت خرجت من المسجد ومش عايزة ترجع تاني. احنا هنا عملنا ايه لا تكونوا ها عونا للشيطان على اخيكم. لا تكونوا عونا للشيطان على اختكم. ولكن خدوها واحضنوها وقولوا لها احنا معك مش هنسيبك. الاخوات - 00:52:25ضَ

الاخوات والاخوة مع الاخوة وهكذا. الامر التاني نقول لها يا اختي اللي حصل شيء كبير مش بسيط وينبغي ان احنا نقتل نفسنا الفترة الجاية طاعة وعبادة. خدوا بالكم من ترتيب الكلام هنعمل ايه - 00:52:45ضَ

خدوا بالكم من ترتيب الكلام هنعمل ايه. واحد لازم تشوف مننا الحرص والخوف عليها. اتنين يا اختي ما ينفعش ابدا آآ ان اللي اتعمل ده يعني ده مصيبة كبيرة جدا. هيحتاج مننا الندم. هيحتاج مننا العمل. انت عندك قدرة ان احنا نبدأ نشتغل مع بعض؟ ايوة انا عايزة انا عايز ارجع لربنا. وده اللي الاخت قالته. خلاص - 00:52:59ضَ

يبقى فورا الان فورا الان نبدأ بقى نبدأ بايه؟ التفريغ وبالتفريغ يكون بايه؟ زي ما الاخت ما شاء الله قالت ربنا يا رب يكرمها ويثبت اقدامها يا رب على طاعته. قالت اول حاجة وبعد ذلك انا تبت الى الله سبحانه وتعالى. هي دي المرحلة - 00:53:19ضَ

الصحيحة اللي هي بدأت بها. مرحلة تفريغ القلب من الذنوب والمعاصي. جزئية وكسرت الشريحة وغيرت الرقم. دي جزئية بقى لازم نأكد عليها لازم نأكد عليها. وهتيجي ان شاء الله الدرس القادم باذن الله. ان اذا كان في اثر للذنب موجود لازم يتشال. فورا. انت عارف قاتل الماتش - 00:53:34ضَ

وكان بيقتل ليه؟ علشان ايه عشان البيئة سيب البيئة اطلع برة هي الان كانت طريقة التواصل بينهم وبين بعض ايه ؟ التليفون. كسري الشريحة كسروا لي الشريحة وهاتوا رقم جديد وما شاء الله ربنا رزقها الفهم لهذا الامر - 00:53:54ضَ

لازم هي زي ما تقول كده انا بدأت اتوب. هو بقى هنا بقى. بس التوبة هنا عندنا هتبقى كلام؟ لأ. ده لازم ندم القلب لازم دمع العين لازم الاخت كده تفتكر او تعظم بقى تعظم ما صنعته. وانا انصحها انصحها تخش النهاردة على الصفحة ان شاء الله وتسمع الدرسين - 00:54:09ضَ

آآ اللي فاتوا مش بتاع امبارح ده السنين اللي فاتوا بتوع القناة اللي هو القنابل الموقوتة واحد وقنابل موقوتة اتنين. انا اتكلمت فيهم عن اثار الذنوب والمعاصي على الانسان في الدنيا وفي الاخرة - 00:54:29ضَ

ده يخلي الانسان يترعب فيبدأ باقي العمل يبدأ هنا بقى مرحلة الايه؟ آآ العمل. جميل؟ طيب بعد كده بعد كده نبدأ نقول لها الكآبة اللي عندها دي. حسام هتجاوب او - 00:54:39ضَ

جاوب انت. الكآبة اللي عندها دي او الحزن اللي عندها او ضيق النفس او اللي هي بتقول عليه انهيار عصبي تقول لها ايه لأ هو احنا عايزين نحلل بس الكلام شوية - 00:54:52ضَ

اتفضل ومن اعرض عن ذكري. الحاجة التانية نقول ان الكلام ده ان شاء الله تكون دافع على طول كده. جميل جدا جميل جدا كلامك رائع وفعلا نقول لها الكآبة دي ده دي عقوبة بسبب الذنب اللي فات - 00:55:13ضَ

واحنا عايزين الكآبة دي. انا عايز الكآبة دي فعلا. ليه؟ لان الحسن كان بيقول ان المؤمن ليذنب الذنب فيصبح به كئيبا حتى يدخل به احنا عايزين الكآبة دي مش عايزينك تسيبيها. لان الكآبة دي هتخليكي تدفعك دايما للعمل الصالح. احنا مش عايزين توصل والعياذ بالله لامراض نفسية شديدة - 00:55:31ضَ

ايه ده احنا عايزين الكآبة والحزن اللي يحرق القلب فيخلي القلب يعمل. رائع جدا. انا عايز بس اؤكد على جزئية مهمة جدا. عايز ااكد على جزئية مهمة جدا ان هي برضه حزينة وزعلانة بسبب ان لسة حالها ما وصلش للايه ؟ للحال. هي الحمد لله تابت. وكسرت الشريحة وعملت وبعدت. حتى الشارع ما عادتش بتروح وجزاهم - 00:55:52ضَ

الله خيرا على كده. ولكن هي الان بتقول انا حاسة بتعب نفسي. التعب النفسي ده تحليله حاجة من اتنين. يا اما يكون ده اثر من اسار الذنب اللي في تقولي لي طب ما انا تبت - 00:56:12ضَ

هاقول لك ده حزن لان انت مش قادرة توصلي الى الدرجة اللي انت كنت فيها كنت بتقرأي قرآن وبتعملي طاعات! فانت حزينة ان انت لسة في تقصير في الطاعة. حزينة لسة في آآ ما وصلناش للدرجة بتاعة زمان. نقول لها ايه - 00:56:24ضَ

ايوة هي دي هي دي نقول لها خدي بالك ان مش في بين عشية وضحاها ترجعي للحالة اللي انت كنت عليها فين؟ الاول. ولكن بعد التوبة سيدنا علي كان قاعدة كده فاكرينها - 00:56:39ضَ

ان الايمان في القلب يبدأ بايه بنقطة بيضاء او نقطة نور صغيرة الكآبة دي بسبب ان انت حاسة ان القلب لسة مش مليان بالطاعة. لأ ده الطاعة جوة قلبك دلوقتي نقطة نور بسيطة. ان شاء الله هتجتهدي في العبادة في الطاعة مش قادر - 00:56:55ضَ

صل صل كمان. مش حاسة بالصلاة. صل ما تسأليش عن انا حاسة ولا مش حاسة دلوقتي. اقرأي قرآن. مش حاسة. اقرئي برضو. هتكوني النتيجة مرة مرة مرة في مرة هيبدأ الايمان ايه ها؟ يزداد يزداد يزداد. اختم لكم بمثال بسيط اوي. عشان اقول لكم ممكن القلب في بداية الامر ما يتحركش - 00:57:11ضَ

ولكن هييجي بعد كده بالنفخة يتحرك. انا في يوم من الايام مسلا مسلا عملت عزومة. العزومة دي زوجتي خدت كل البنات في مكان وانا خدتكم في مكان وقعدنا فانا شايف ما شاء الله عندنا جوة مسلا ميت اخت او مية وخمسين اخت مسلا حضور - 00:57:31ضَ

فقمنا عاملين ايه؟ قمت عامل ايه؟ قلت اجيب لهم مسلا ايه ده مش هيكفيهم سوق الجملة لو جبت لهم موز. قلنا مسلا نجيب لهم مسلا ايه ميت كيلو مسلا موز مسلا - 00:57:50ضَ

او مسلا الخمسين كيلو موز. خمسين كيلو رحت للراجل الفكهاني قلت له انا عندي ما شاء الله وحوش عايزين خمسين كيلو مزة. فبدأ ايه؟ يجيب لي كده يحطه على الميزان - 00:58:01ضَ

جاب سنج الحديد يساوي خمسين كيلو وحطها في كفة. وبدأ يطلع من السباطة اللي هي اللفة دي ويحطها. الميزان بيتحرك بيتحرك؟ لأ. طب خد اللفة التانية اللي الميزان بيتحرك لأ اللفة التالتة والرابعة والخامسة والساتة بيتحرك لأ ده سابت وكأن السنج الحديد دي خلاص سابتة مبتتحركش - 00:58:11ضَ

كل ما بيحط ايه اللي بيحصل اه لحد ما يوصل مسلا عند ايه عند تسعة عند مسلا ستة واربعين سبعة واربعين يجي يحط تلاقي الايه بدأ يتحرك التحرك هيبقى بلفة موز - 00:58:38ضَ

لأ ده التحرك هيبقى بايه ده صابع موز ممكن يحرك لا لا لا لا ده ممكن خلاص ده هو وصل بقوا الاتنين قصاد بعض. ده انت لو نفخت كده هتلاقي الايه؟ النفخة دي بتأثر وبتحرك. الله! طب ما هو - 00:58:55ضَ

شوية ما كانش بيتحرك هو ايه اللي حصل؟ ما هو خلاص الكفة اتملت موز. فكانت النتيجة ان بعد كده التأثر بقى ايه؟ بسيط جدا. زي الصحابة كده. كان النبي بيقرأ - 00:59:11ضَ

عليهم القرآن ما كانش لسه التحرك بسيط. طب بدأوا يقرأوا ويحفزوا ويسمعوا من النبي والكلام ده. بعد كده الواحد منهم كان لما بيسمع الاية ايه اللي بيحصل مش بيبكي عمر رضي الله عنه زي ما هنعرف في درس النهاردة كان لما بيتقرأ سمع اية ان عذاب ربك لواقع اغشي عليه ومرض قعد اسبوع في السرير - 00:59:24ضَ

واصبح الى التأثر بايه باية اصبح التأثر النهاردة بكلمة. واحد يكلمه كلمة يعيط ليه اصل خلاص الكفة اتبلت. لا لا لأ. القلب اتملى خلاص القلب اتملى وهو ده المراد وصل المعنى وصل يا ابو حميد؟ طيب - 00:59:47ضَ

نكتفي ان شاء الله بهذا القدر. اتفضل اعرف ازاي بردو هيكون بسبب معصية طيب انا عايز طب معلش ابدأوا المزاكرات بالاخوات عشان عددهم بس ضخم شوية. وهنا بقى ايه كل تلاتة اربعة يعني كل اتنين تلاتة عارفين بعض ايه يبقوا مع بعض كده - 01:00:05ضَ

يعني مسلا مجموعة رسالة مسلا تاخد مسلا مزكرات. ماشي ماشي؟ تعال يا حسن. تعال يا حازم تعال داخل المزاكرات دي جوة. داخل المزكرات دي جوة يلا عشان يوزعوها. ويا ريت بس الاخوات ياخدوا غياب. الاخوات ياخدوا غياب. آآ امتى اعرف ان - 01:00:33ضَ

طيب احنا اولا بس نقفل على درس النهاردة كده. اسأل الله سبحانه وتعالى ان يحفظنا واياكم. ونكمل ان شاء الله الدرسين الجايين. برضه الامور اللي هي النظرية في مسألة علاج القلب - 01:00:53ضَ

ناخد برضو السؤالين تلاتة كده يبقى هم دول العملي بتاعنا في الدرس - 01:01:03ضَ