باحث

بسم الله الرحمن الرحيم الحمد لله رب العالمين والصلاة والسلام على اشرف المرسلين سيدنا محمد وعلى اله وصحبه ومن تبعه باحسان الى يوم الدين وبعد كل عام وانتم بخير سبحان الله! مضت اول ليلة من رمضان - 00:00:00ضَ

بعتبر ان انتهاء اول ليلة واول يوم من رمضان وخلاص يعني حقيقة انا دايما بشبه رمضان للتشبيه للنبي صلى الله عليه وسلم ضربه لاشراط الساعة الكبرى وقال صلى الله عليه وسلم - 00:00:26ضَ

الآيات الآيات اللي هي الكبرى العلامات الكبرى للساعة العشر الكبرى للساعة. الآيات كخرزات منزومات في عقد اذا انقطع العرض انفرطت الخلاصات تشبيه بسيط قوي للنبي انتم عارفين السبحة السبحة دي لو في يوم من الايام انا ماسكها كده. ومرة واحدة الخيط بتاعها اتقطع. ايه اللي بيحصل - 00:00:45ضَ

ايه اللي بيحصل؟ بتلاقي كله اتفرط ورا بعضه. رمضان كده. الايام الجميلة كده والله يا اخوانا والله امبارح انا طول الليل في حالة من الكرب لا يعلمه الا الله. والله. فعلا قام نايم بالليل مكروب جدا - 00:01:15ضَ

لان عارف هيجري مننا. هيجري منا. والايام دي هتجري جدا من بين ايدينا. وسبحان والله كلها ايام. يومين تلاتة. ونقول سبحان الله! احنا يا جماعة ان شاء الله هنصلي العيد هنا اهو في المكان اللي جنب المسجد هنا بازن الله. ونفاجئ - 00:01:35ضَ

فإني رمضان دخل علينا ان العيد دخل علينا ونرجع سبحان الله القلوب تبقى في لهفة وشوق كده مرة تانية تقول ياه امتى بقى ييجي رمضان؟ لسة ان شاء الله على رمضان ميت يوم. آآ ازا كانت الحياة اصلا كلها كده فما بالكم بالايام الجميلة اللي احنا بنعيشها ايام رمضان - 00:01:55ضَ

علشان كده انا ده بيديني دايما دافع ان احنا نكسب الايام الجميلة دي. ونخرج من الايام العظيمة دي باكبر قدر ممكن من الحسنات عايز عايزين يكون عندنا ذكاء في التعاون مع هذه الايام. ربنا يا رب يعيني واياكم على حسن استغلال هذه الايام. وان احنا نكون - 00:02:15ضَ

على الايام الجميلة ان شاء الله دي بازن الله ان شاء الله يا رب يا رب نكون من العتقاء اللي ربنا عز وجل يعتق رقابهم من النار. هنبدأ ان شاء الله باذن الله - 00:02:35ضَ

كالعادة دايما مع سلسلة جديدة من السلاسل اللي نقرب بها من ربنا سبحانه وتعالى. السنة اللي فاتت كنا اتكلمنا في مسجد الصديق عن آآ الصحابة رضوان الله عليهم وقلت لكم احنا محتاجين قوي نوجد لشبابنا قدوات آآ يمتثلوا بهديهم - 00:02:45ضَ

السنة دي انا قلت لازم بقى السنة دي ان شاء الله تبقى السلسلة بتاعتنا بقى عن اعظم قدوة. عن سيدنا حبيبنا النبي صلى الله عليه وسلم. هنخلي السلسلة بتاعتنا على مدار رمضان ان شاء الله من اول يوم النهارده بازن الله لحد اخر يوم ان شاء الله تكون بازن الله - 00:03:05ضَ

سيرة النبي محمد صلى الله عليه وسلم. احنا مش هندرس السيرة عشان الغزوات وبس. لان ده من وجهة نظري كنظرة اكاديمية ان احنا نقدم للناس السيرة بتاعة النبي ان هو غزوات بس. ان النبي كانت سيرته حرب بس. مع اني لما حسبت الايام اللي - 00:03:25ضَ

النبي قضاها في الغزوات بالنسبة لعمر النبي صلى الله عليه وسلم لا تمسل الا اتنين لخمسة في المية من حياة النبي صلى الله عليه وسلم. يعني احنا دايما بنعلم السيرة للناس غزوة بدر وغزوة احد وغزوة الخندق وغزوة تبوك ومؤتة ومش عارف ايه. انا لما جيت حسبت ايامها يعني - 00:03:45ضَ

كانت يومين. بدري كانت يوم. غزوة الخندق عشرة خمستاشر يوم. لما جيت حسبت عدد الايام اللي قضاها النبي صلى الله عليه وسلم في الغزوات. بالنسبة للتلاتة وعشرين سنة بتوع النبي وجدت انها لا تمثل الا من اتنين لخمسة في المية - 00:04:05ضَ

حياة النبي احنا دايما بنسلط الضوء على الخمسة في المية. وبننسى تماما الخمسة وتسعين في المية من حياة النبي صلى الله عليه وسلم احنا هندرس السيرة بطريقة جديدة. طريقة نتعلم منها اداب واخلاق وسلوك. طريقة نتعلم منها - 00:04:25ضَ

قد ايه النبي صلى الله عليه وسلم كان وصاه للارحام وكان بار بالوالدين؟ طريقة نتعلم منها قد ايه النبي صلى الله عليه وسلم كانوا رحيم مع الناس. طريقة نتعلم منها ازاي - 00:04:45ضَ

النبي اتعامل مع اليهود والنصارى اللي كانوا في المدينة. هنتعلم من خلال السيرة ازاي النبي كان اب؟ وازاي النبي صلى الله عليه وسلم كان زوج هنتعلم من خلال السيرة ازاي النبي صلى الله عليه وسلم دوره ما كانش قاصر انه يبلغ الوحي للناس يحطوا لهم حديسين تلاتة مع ايتين تلاتة ويسيبهم ويمشي. لأ ده احنا - 00:04:55ضَ

هنشوف ازاي النبي كان بيعايش الفقراء وكان بيتعايش مع المساكين. ازاي ازاي النبي صلى الله عليه وسلم كان بيتعايش مع المرضى اللي كان بيبقى مريض في ازاي كان النبي بيبقى معاه؟ هنشوف النبي صلى الله عليه وسلم ازاي كان بيتعامل مع اهل البلاء واهل المحن؟ ازاي كان دايما بيبقى واقف قصادهم؟ وواقف معهم وبياكل - 00:05:15ضَ

على ايديهم علشان يخرجوا من هذا البلاء. هنتعلم من النبي صلى الله عليه وسلم الانسانية ازاي النبي كان انسان في التعامل مع الخلق؟ الانسانية للاسف اللي فقدت في زمنا الا ما رحم ربي عز وجل. قلما تلاقي حد النهاردة. افتح بس اخر سماعتين. قلب - 00:05:35ضَ

تلاقي حد النهاردة بيتعامل معك كانسان. للاسف كلنا مقروص من حتة ان اللي بيتعامل معي بيتعامل معي عشان مصلحة احنا هنتعلم ازاي النهاردة نتعامل مع مع الناس كانسان انا اتعامل معه كانسان. مش اتعامل معه بشيء دنيوي ابدا. كل ده هيكون - 00:05:55ضَ

سيرة النبي صلى الله عليه وسلم. والسؤال المقدمة بالنسبة لنا لنا كلنا هيكون مقدمة بين ايدين السيرة. هو انت ليه اخترت السيرة احنا ليه اخترنا سلسلة السيرة؟ علشان يعني ندرسها مع بعض. سلسلة السيرة بالنسبة لي بناء - 00:06:15ضَ

انا ببني بيها يعني ياسين ابني الصغير دهو ربنا يحفزه يا رب ابني لابنائنا في المنطقة يا سيدي الصغير دهو انا عايز ابنيه يبقى راجل. ومعنى راجل راجل في الدين وراجل في الدنيا. ده مش هيكون ابدا الا من خلال السيرة. آآ - 00:06:35ضَ

عايز حضرتك يا بشمهندس تطلع من السيرة مش واحد. انا عايزك تطلع بالف راجل. سيدنا خالد ابن الوليد رضي الله عنه عنه لما طلب النجدة من النبي من سيدنا ابو بكر الصديق رضي الله عنه قال له انا هبعت لك جيش من الف فارس - 00:06:55ضَ

هيبعت له كم؟ ها؟ الف. ففوجئ ان خالد بن الوليد جاي له واحد بس اللي هو سيدنا القعقاع ابن عمرو. ابو بكر الصديق بعت واحد بس وباعت مع القعقاع ابن عمرو ورقة بيقول له يا خالد انا بعت لك واحد بالف. واحد بالف - 00:07:15ضَ

انت لازم تكون الواحد ده. انت لازم تكون الواحد ده. الواحد اللي بالف. سيدنا ابو طلحة رضي الله عنه النبي صلى الله عليه وسلم كان بيقول صوت ابي طلحة في الجيش خير من الف فارس. صوته - 00:07:35ضَ

طب وقلبه؟ طب وهو كله على بعضه بكام؟ متخيلين معي؟ النبي بيقول لابي طلحة الانصاري انت وجودي في الجيش عندي افضل من ده صوتك صوتك في الجيش افضل من الف فارس. سيدنا عمرو بن العاص جزاه الله عنا خيرا. من اكتر - 00:07:55ضَ

الصحابة اللي اللي حبه مسيطر على قلبي. عارفين ليه؟ لان كل خير اهل مصر فيه كان السبب فيه عمرو بن العاص لان هو اللي فتح مصر عمرو بن العاص وهو داخل لمصر بيفتح مصر قابل شوية صعوبات في الفتح. فبعت لسيدنا عمر ابن الخطاب رسالة قال له انا انا عايز مدد - 00:08:15ضَ

ابعت لي مدد فسيدنا عمر ابن الخطاب رضي الله عنه قال له يا عمرو انا هبعت لك اربعة باربع تلاف. هبعت لك مجموعة من الرجالة اللي النبي بناهم بسيرته انا هبعت لك اربعة باربع تلاف. احنا عايزين النمازج دي - 00:08:35ضَ

عايزين الراجل اللي بامة. عايزين كل واحد منا عارفين عايزين عايزين من خلال السيرة نبني الشاب الشهم راجل الشهم عايزين الراجل اللي يبقى عايش وسطنا كده فعلا الراجل ده بالف راجل. كانوا بيقولوا - 00:08:55ضَ

قولوا عن محمد بن وهزة وده بقى مش صحابي. ده واحد في جيل اتباع اتباع التابعين. كانوا بيقولوا محمد ابن ود تسع خير من الف جيش. مش من الف راجل ده من ايه؟ ده من الف جيش. وكانوا بياخدوا محمد ابن واسع بس في الجهاد وفي الغزوات - 00:09:15ضَ

يقولوا وجود وسطنا امان. احنا عايزين الناس دي. احنا عايزين الناس دي. مش هننال ابدا قضية بناء الفرد مسلم الا بالشخصية دي. الشخصية اللي اتبنت من خلال المسلسلات والافلام على الميوعة. وسوء الخلق وقلة الادب - 00:09:35ضَ

عايزين نهدم الشخصية دي علشان نبني الشخصية الجديدة. الشخصية اللي شافت زمان مدرسة المشاغبين في التلفزيون فطلعوه على المدرسين في المدارس فبقى فيه شتيمة وتهزيق وقلة ادب في مدارسنا. والمدرس بيتضرب بالمطاوي في المدارس. ده لان للاسف احنا ما وجدناش للناس المنهج - 00:09:55ضَ

اللي نبني به شباب وفي الاخر عاملين لنا مسلسل عاملين لنا فيلم الفيلم ده شوفوا هم بيبنوا في امتنا ايه واحنا عايزين عملوا فيلم لمدرسة لاولاد في اعدادي المدرسة دي بتبني علاقات والعياذ بالله في الحرام مع الشباب مع اولاد تالتة - 00:10:15ضَ

تانية اعدادي ويتعمل الفيلم ويتنشر على الشباب وعلى اولادنا. النهاردة الولد وهو قاعد في المدرسة والمدرسة بتشرح له بيفكر في ايه هو الولد اللي كان في الفيلم وقع الابلة ازاي؟ وانا اوقع ابلة ازاي؟ ده الاعلام اللي بيصور لنا الان - 00:10:35ضَ

وده قضية البناء اللي بيبنيه هؤلاء الفسدة. بيبنوا اولاد منفصلين تماما عن الدين. لما يطلع النهاردة برنامج من اشهر البرامج المزيعة تنزل في الشارع شوفوا بيبنوا ايه وبيغرسوا ايه في قلوب ولادنا. وان المزيعة تنزل في الشارع تسأل الشباب هو انت هتصوم رمضان - 00:10:55ضَ

النهاردة السنة دي ويجي واحد يقول لها والله العظيم بالنص كده واحد يقول لها لو رمضان تلاتين يوم انا هيبقى تسعة وعشرين بس هصوم تسعة عشرين فبتقول له ليه؟ قال لها اصل اليوم الاخير بابا اقف قدام محل الخمرة فمش هينفع اصوم. وواحد تاني يقول لها لأه اصوم ازاي؟ انا ممكن اصوم يوم ويوم - 00:11:15ضَ

ولما تقابل شاب من شبابنا اللي بيصلي في المساجد وملتزم بدينه. الشاب الدين الشاب المؤدب اللي من بيت متربي صح ييجي يقول لها ايوة طبعا انا هصوم رمضان ان شاء الله. معقول! هو فيه حد لسة بيصوم! انتم عايزين تغرسوا ايه! ايوة بفضل الله تعالي شوفي المسجد عامل ازاي - 00:11:35ضَ

اولاد وبنات عاملين ازاي؟ محبين للصيام ومحبين انا ليه ليه بيعرضوا ده؟ هو ده بناء شبابنا بقى يبقى ما نلومش النهاردة ولادنا اللي قاعدين في الشارع فاطرين. وما نلومش ولادنا اللي قاعدين في الشارع بمطاوي وسكاكين وسواطير. ما هو شاف بقى في الكليب بتاع ما فيش صاحب - 00:11:55ضَ

صاحب اللي بيقول له طلع سلاحك واتعامل. ما هو ده البناء اللي بيتبنى في شبابنا. لا لا احنا عايزين من سيرة النبي صلى الله عليه وسلم. ندي بقى الانسان الجديد. ندي انسان على دين. نبني انسان محترم. نبني انسان على خلق. فقضية السيرة بالنسبة لي - 00:12:15ضَ

انا ليه هدرس سيرة وهنتدارس مع بعض كلنا السيرة؟ لان السيرة بالنسبة لنا قضية بناء. احنا بنبني بها مجتمع. بنبني بها ام بنبني بها ان شاء الله الاولاد الشباب الصغيرين اللي قاعدين قدامي دول شباب الجمال ربنا يا رب يبارك فيكم. ارجو من وراء دراسة السيرة ان كل واحد من - 00:12:35ضَ

يطلع بالف ان شاء الله. ان كل واحد من دول يطلع بامة ان شاء الله باذن الله. نعم. مش سامع والله طبعا طبعا ولا يزال الخير موجود في الامة الى قيام الساعة ان شاء الله. يبقى اذا كل اللي انا - 00:12:55ضَ

عايز اوصل له من خلال السيرة احنا عايزين نبني. دي جزئية الاولانية. الجزئية التانية من اهم الحاجات اللي بتدفعني دفع لتعلم السيرة ان قلوبنا كلها ترتبط باصحاب النبي بالنبي صلى الله عليه وسلم. ان قلوبنا تحب النبي. ولا يمكن ابدا انسان - 00:13:15ضَ

بيحب حد لا يمكن ابدا انسان يحب حد وهو ما يعرفوش. ودايما بيقولوا على قدر المعرفة بيكون الحب هم كانوا بيقولوا كما ثبت ان رجلا اتى النبي صلى الله عليه وسلم فسأله - 00:13:35ضَ

فاعطاه غنما بين جبلين. فعاد الى قومه فقال يا قومي انني قد ادركت رجلا يعطي عطاء من لا يخشى الفقر فكان الرجل يأتي لرسول الله صلى الله عليه وسلم ولا يريد الا الدنيا. الواحد كان ييجي للنبي من دول هو عايز دنيا بس - 00:13:55ضَ

فلا يزال يصاحب رسول الله ويجلس معه حتى يكون رسول الله صلى الله عليه وسلم احب الناس اليه علشان يكون النبي احب الناس اليه. كان عمرو بن العاص رضي الله عنه بيقول والله هو بيموت - 00:14:15ضَ

كما في صحيح مسلم حديث عبدالرحمن بن شماسة المهري لقد كنت على اطباق ثلاث. وبيذكر بقى مرحلة من المراحل التلاتة فبيقول لقد وكان رسول الله صلى الله عليه وسلم ابغض الناس اليه. كان ابغض الناس لي هو رسول الله - 00:14:35ضَ

فوالله لا زلت اسمع منه واجالسه حتى اصبح احب الناس الى قلبي. ووالله لو قلتم صف لنا رسول الله صلى الله عليه وسلم عجزت. فما كانت عيني تستطيع ان ترفع في وجهه صلى الله عليه وسلم - 00:14:55ضَ

الكلمة اللي كانت دايما مكررة. صحابي كان اسمه الطفيل ابن عمرو الدوسي. بيقول انا جيت لمكة علشان احج فزالت قريش تحذرني من هذا الرجل يقولون احذر هذا الرجل. ساحر كاهن يفرق بين الرجل وزوجه. ويفرق بين الاخ - 00:15:15ضَ

ويفرق بين الوالد وولده. خد بالك منه. قال فوالله ما كدت اسمع منه كلام الله عز وجل. حتى اذا اصبح من احب الناس الى قلبي. احب النبي كل الحب لنضعفوه. قعدوا معه وكلموه - 00:15:35ضَ

تقل لسعد ابن ابي وقاص لما مرض مرض شديد جدا. ويفاجأ وهو قاعد في البيت ان الباب بيخبط فلما يفتح يقولوا له يا سعد هذا رسول الله بالباب يستأذن في عيادتك. النبي جاي يزورك. ممكن تقول لي - 00:15:55ضَ

سعد ابن ابي وقاص ناحية النبي دلوقتي كان شكله عامل ازاي؟ ولو كان بيحب قيراط دلوقتي بقى بيحبه ازاي؟ متخيل معي لما في يوم من الايام حد من الصحابة كان عنده طفل صغير كده وبيحضر دايما مع النبي المجلس بتاعه. ومرة واحدة النبي فقد الرجل فبيسأل - 00:16:15ضَ

هو الراجل فين ؟ قالوا له يا رسول الله ده ابنه مات. وقاعد في البيت حزين. ويفاجئ هذا الرجل ان الباب بيخبط. ويلاقي النبي على باب البيت واقف مستنيه. متخيلين؟ متخيلين قد ايه كانوا بيحبوا النبي - 00:16:35ضَ

هيفوه وقعدوا معه. وسمعوا منه شافوا اخلاقه وشافوا طباعه وشافوا سلوكه. وهي دي السيرة اللي احنا عايزين ننقلها للناس. فاحنا عايزين النهاردة نعلم الناس السيرة علشان الناس تزداد حب في النبي صلى الله عليه وسلم. مش هنحبه غير لما نعرفه. صدقوني وكل ما هتزداد - 00:16:55ضَ

معرفة بالنبي صلى الله عليه وسلم هيزاد حبه يعني مثلا. لما اقول لكم عبدالرحمن بن ابي عقيل بيقول دخلت على النبي صلى الله عليه وسلم وهو نائم على حصير قد اثر في جنبه. والحصير اثر في جنب النبي صلى الله عليه وسلم. فقلت يا رسول الله - 00:17:15ضَ

اه الا تسأل ربك ملكا كملك سليمان؟ انت رسول الله. انت انت سيد الناس. نايم على حصير والحصير اثر في جنبك؟ ما تسأل ربك عز وجل انه يديك ملكك ملك سليمان. فالنبي يقول له يا ابا عبدالرحمن يا ابا يقول له يا عبدالرحمن. ان لصاحبكم عند ربكم لشأن - 00:17:35ضَ

ووالله ما من نبي الا وله دعوة مستجابة. انا عندي دعوة مستجابة. لو دعيت ان انا انام على انام في قصور وعلى الحرير الدعوة ولكن يا عبدالرحمن ما من نبي الا وكانت له دعوة مستجابة. فمنهم من جعلها في دنيا زي سيدنا سليمان - 00:17:55ضَ

رب هب لي ملكا لا وهب لي ملكا ايه؟ لا ينبغي لاحد بعدي. ومنهم من دعا بها على قوم زي نوح ربي لا تذر على الارض من كافرين زيارا. طب وانت يا رسول الله لما - 00:18:15ضَ

ادعوا بقى الله واني ادخرت دعوتي ها شفاعة لامتي يوم القيامة. لما ادرس الحديس ده من سيرته انا سهل علي جدا ان ولادي وهم بيموتوا بين ايديا. النبي كان عنده سبع اولاد. ستة منهم ماتوا في حياته. وهو بيموت جبريل يوحي - 00:18:25ضَ

طيب خد بالك يا محمد ان فاطمة اول واحدة من اهلك هتموت بعدك. ست اولاد بيموتوا بين ايدين النبي صلى الله عليه وسلم. كان سهل جدا يرفع ايديه ويقول يا رب - 00:18:45ضَ

لا خليهم معي لحد ما اموت. سهلة ولا مش سهلة؟ سهلة. هتستجاب ولا لا؟ لا لا لا. انا هشوف ولادي بيموتوا بين ايديا وهصبر وهتحمل ومش هستغل الدعوة دي علشان ان شاء الله وانا واقف بين ايدين ربنا يوم القيامة اقول له يا رب انا عايز امتي دي كلها تخش الجنة. نحبه ولا ما نحبوش - 00:18:55ضَ

لما السيدة عائشة تقول انا في يوم من الايام لقيت النبي صاحي من الصبح كده نفسه ما شاء الله متفائلة وراضية وجميلة كده. فقلت استغل انا الموقف ده فقل له يا رسول الله علمني دعاء ادعو به. فقال لها يا عائشة قولي رب اغفر لي وتب علي - 00:19:15ضَ

فقلت يا رسول الله انها لدعوة قوية. فقال النبي صلى الله عليه وسلم يا عائشة والله انها لدعوتي لقومي في كل في صلاة اصليها. في كل صلاة بتصليها انت بتدعي لنا يا رسول الله؟ اه. ما هو بيحبك - 00:19:35ضَ

لما تقف على الاحاديث دي تحبه جدا. لما واحنا بندرس السيرة هنشوف ان النبي واقف طول الليل على رجليه. رافع ايديه ويعيط يبكي وربنا سبحانه وتعالى ينزل جبريل يا جبريل انزل الى محمد وسله ما يبكيه وربنا اعلم. ينزل جبريل يا محمد من - 00:19:55ضَ

فالنبي يقول له يا جبريل امتي امتي. انا خايف على امتي جدا. فيطلع جبريل لربنا ويقول له يا رب محمد بيقول امتي امتي. فيقول الله لجبريل يا جبريل انزل الى محمد وقل له يا محمد انا سنرضيك في امتك ولا نصومك - 00:20:15ضَ

ما تخافش. احنا هنرضيك في امتك. ما تحبهوش. لما اعرف ان والله العظيم امهاتنا ما بيعملوا كده يعني امي حبها لي تقعد ربع ساعة نص ساعة ساعة تدعي لي. ممكن تقوم تنام وكل ما تقوم من النوم تدعي لي - 00:20:35ضَ

ان مين الام اللي تفضل من بعد صلاة العشاء لحد الفجر واقفة تعيط وتبكي وتقول يا رب ولادي. امهاتنا فاضلات وبيحبونا وبيدعوا لنا كتير بس مش هيبقى زي النبي. صلى الله عليه وسلم. نحبه؟ اه نحبه. لو ده وصل لنا من خلال سيرته نحبه جدا - 00:20:55ضَ

نحبه جدا. فانا عايز ادرس السيرة علشان ازداد محبة بالنبي للنبي صلى الله عليه وسلم. وبالتالي ايماني يكمل لان منا لا يكمن حتى يكون حب رسول الله صلى الله عليه وسلم في قلوبنا احب الينا من ابائنا وامهاتنا واولادنا ومن انفسنا. كما في الصحيحين لا - 00:21:15ضَ

احدكم حتى اكون احب اليه من والده وولده والناس اجمعين. صح؟ اسألكم سؤال جرت عادة اباءنا الكرام وهم قاعدين مع بعض في الشغل. كل واحد منهم يفخر بابني. ابني ما شاء الله داخل كلية هندسة. بفضل الله هذا بيطلع الاول. ده بفضل الله ابني بقى - 00:21:35ضَ

هيفتح شركة ويبقى حاجة كبيرة جدا. اصل هو بيحب ابنه فبيتكلم على ابنه كتير. صح؟ طب واحنا عن النبي في حياتنا قد ايه؟ علشان نعرف احنا الحب فين بالظبط؟ دور السيرة دور - 00:21:55ضَ

حبنا للنبي يعلم. يزيد. وده اللي احنا عايزينه من ورا سيرة النبي صلى الله عليه وسلم. تلاتة ليه عايزين نتعلم سيرة؟ عايزين سيرة علشان يبقى فهمنا للقرآن اعلى. طب وايه علاقة السيرة بالقرآن؟ القرآن ما هو الا عبارة عن سيرة للنبي صلى الله عليه وسلم - 00:22:15ضَ

صور كاملة نزلت من القرآن في سيرة النبي صلى الله عليه وسلم. يعني سورة الانفال كلها. نازلة علشان ايه؟ نازلة عشان طب سورة الاحزاب نازلة عشان غزو تخندق. طب وسورة التوبة نازلة عشان تبوك؟ طب وسورة الحشر نازلة عشان - 00:22:35ضَ

بني النضيف. طب وال عمران نازلة علشان غزوة احد. الله! ده اذا القرآن بيحكي لنا سيرة النبي صلى الله عليه وسلم. الايات المكية كلها بتصور لك واقع النبي صلى الله عليه وسلم. سورة القمر اقتربت الساعة وانشق يعني ايه اقتربت الساعة وانشق القمر؟ اعرف - 00:22:55ضَ

قلت له وانا بدرس السيرة ان المشركين طلبوا من النبي اية. طب ايه الاية اللي انتم عايزينها؟ شق لنا القمر فاشار النبي فانشق القمر رأوا ان القمر فلقتي القمر ما بين جبل. الجبل كده نص كده ونص كده. نصه على يمين الجبل نصه على شمال الجبل. فهمت الصورة - 00:23:15ضَ

من خلال السيرة. الله سبحانه وتعالى بيقول اولما اصابتكم مصيبة قد اصابتم مثليها؟ قلتم ان هذا قل هو من عند انفسكم. معنى الاية ايه؟ اولما اصابتكم مصيبة يعني يوم احد لما مات منكم سبعين؟ قد اصبتم مثليها - 00:23:35ضَ

يعني يوم بدر لما قتلتم سبعين واسرتم من المشركين سبعين. سألت يا رب احنا ليه اتغلبنا في احد؟ قل هو من عند انفسكم. لان النبي قال لكم ما بتنزلوش من على جبل - 00:23:55ضَ

انتم خليفتوا امر النبي ونزلتم. ده الاية بالنسبة لي بقت واضحة اوي. الله بيقول سبحانه وتعالى في صوت قفل يسألونك عن الانفال قل الانفال لله والرسول فاتقوا الله واصلحوا ذات بينكم واطيعوا الله ورسوله ان كنتم مؤمنين - 00:24:05ضَ

الاية ويعني ايه انفاله يعني ايه الكلام ده كله؟ ارجع للسيرة اعرف ان بعد ما ربنا نصر الصحابة رضوان الله عليهم يوم بدر وكان فيه غنائم كتير جدا بدأوا بينهم وبين بعض ده يقول انا عايز دي وده يقول انا عايز دي. وده بدأوا فيه خلاف حصل على مسألة تقسيم الغنائم. فربنا نزل سورة الانفال - 00:24:25ضَ

يسألونك عن الانفال قل الانفال لله وللرسول. ما حدش فيكم يتكلم يقول انا لي ايه ومش لي ايه. اللي يحكم بينكم في قضية الانفال هو الله اوعوا في يوم من الايام تكون الانفال سبب ان انتم بينكم وبين بعض تتفرقوا. فاتقوا الله وايه واصلحوا ذات بينكم. مش الدنيا اللي تفرقكم. معقولة - 00:24:45ضَ

اه قال الله سبحانه وتعالى وما رميت اذ رميت ولكن الله رمى. الاية دي معناها ايه؟ يوم غزوة بدر النبي صلى الله عليه وسلم لما شاف المشركين عددهم كبير جدا. اخذ النبي كفا من تراب وحصبه في وجوههم. فيقول الصحابي فوالله - 00:25:05ضَ

ما رأيت واحدا اصابته من كومة الرمل اللي النبي رماها الا وكان صريعا يوم بدر. فربنا يقول للنبي وما رميت اذ رميت ولكن الله ولكن الله رمى. لما ربنا سبحانه وتعالى يقول في سورة الاحزاب من المؤمنين رجال. صدقوا ما عاهدوا الله - 00:25:25ضَ

عليه فمنهم من قضى نحبه ومنهم من ينتظر وما بدلوا تبديلا. قرأنا الاية وعدت علينا. الاية دي سببها لما ندرس السيرة نفهمها كويس. ونعرف ان الاية دي نزلت في انس ابن النضر. اللي كان غاب عن غزوة بدر وما كانش يعرف ان في غزوة - 00:25:45ضَ

كان زعلان جدا انه فاتته غزوة مع النبي صلى الله عليه وسلم. فقال لان احياني الله عز وجل فاشهدني مشهدا مع رسول الله ليرين الله عز وجل ما اصنع فكانت النتيجة ان لما شهد احد دخل وقاتل قتال شديد جدا جدا جدا حتى اعطاه الله الشهادة. فمنهم من قضى - 00:26:05ضَ

منهم اللي مات ومنهم من ينتظر نزلت في مين؟ نزلت في طلحة بن عبيد الله رضي الله عنه. اللي كان النبي بيسميه شهيد يمشي على وجه لما ايديه اتشلت يوم غزوة احد وهو يدافع عن رسول الله صلى الله عليه وسلم. فهو كان عاهد الله من قبل فوفى بهذا العهد - 00:26:25ضَ

ولكن ومنهم من ينتظر لانه ما نالش الشهادة ما ماتش ولكن اتشلت ايده. فكان النبي يقول من سره ان ينظر الى شهيد يمشي على وجه فلينظر الى فلينظر الى طرحة. دراسة السيرة تخليني افهم القرآن. تخليني افهم القرآن - 00:26:45ضَ

دراسة السيرة تخليني كمان احبابي الكرام من اهم الامور اللي تخليني كمان ادرس السيرة ان انا اهو اتعلم الفقه. الفقه مادة الفقه هتعلمها من خلال السيرة على فكرة. المادة العظيمة - 00:27:05ضَ

مادة الفقه اللي يدرس سيرة النبي كويس يبقى فقيه من فقهاء الامة. حد يجي يسألني دلوقتي يقول لي يا شيخ انا كنت والله في شغلي وعلى ما جيت انا لسه داخل المسجد حالا وما صلتش ضهر وعصر. اعمل ايه؟ اللي درس سيرة يقدر ياخد الفقه من خلال السيرة - 00:27:25ضَ

يوم غزوة الخندق النبي واقف هو والصحابة بيحرسوا الخندق. فشغلوا عن صلاة الضهر والعصر والمغرب واذن لصلاة العشاء النبي صلى الله عليه وسلم رد الله الكافرين لم ينالوا خيره وكفى الله المؤمنين القتال. النبي صلى ازاي في اليوم ده؟ ها - 00:27:45ضَ

بيصلي ازاي؟ امر بلال فاذن فصلى الظهر. ثم اقام فصلى العصر. ثم اقام فصلى المغرب ثم اقام فصلى العشاء. يبقى الشاب اللي جه قال لي انا كان عندي شغل وما صليتش ضهر وعصر. هنقول له ايه؟ صل الضهر وبعد كده العصر طالما بمجرد ما العذر انكشف صلي الضهر والعصر مع بعض - 00:28:05ضَ

احنا خدنا الحكم الفقهي ده منين؟ من سيرة. واحد يقول لي انا انا في الجيش. والجو في الجيش برد جدا جدا جدا وكلنا بفضل الله بنقوم نصلي الفجر. بس احنا بنجد صعوبة في استخدام الماية. الماية نازلة تلج بنتكهرب من الماية اللي بتنزل على ايدينا - 00:28:25ضَ

مواقع احنا شفناه واحنا في الجيش ييجي شاب اصابته جنابة ويقول لي اغتسل عشان اصلي الفجر ده لو اغتسل هيموت هيموت فيها من شدة البرد لما كنا في الجيش كان البرد واحنا واقفين في الخدمة تلاقي جلدك كله حصل كده آآ صوابع - 00:28:45ضَ

فدي ورمت بقت قد كده ابانا طبعا اللي دخلوا الجيش وشافوا البرد عارفين الكلام ده. فحد ييجي يقول لي طب انا اتوضأ ازاي ولا اغتسل ازاي؟ هقول له في الوقت ده - 00:29:05ضَ

روحي اتيمم طب ما هو فيه مية. اقول لك لا ما انا درست في السيرة ان النبي لما بعت سيدنا عمرو بن العاص في غزوة زات السلاسل واصابته جنابة في - 00:29:15ضَ

ليلة شديدة البرد. هو بيقول فخشيت على نفسي اذا اغتسلت ان اهلك. فتيممت وصليت. الصحابة حكوا الكلام ده للنبي بعد ما رجعوا فالنبي بيقول لعمرو يا عمرو اصليت باصحابك وانت جون؟ انت صليت بالصحابة وانت جنب؟ يقول له يا رسول الله اصابتني جنابة في ليلة شديدة البرد - 00:29:25ضَ

فخشيت على نفسي ان اغتسلت ان اهلك. خشيت على نفسي ان لو اغتسلت ان انا اموت. فتذكرت قول الله عز وجل ولا تقتلوا انفسكم الا الله كان بكم رحيما. فما زدت الا ان تيممت وصليت. فضحك النبي اقرارا لفعل عمرو ابن العاص. العالم الفقيه. من خلال السيرة - 00:29:45ضَ

قل له لا. اتيمم وصل الفجر والصبح لو قدرت تسخن مية وتغتسل اغتسل. طيب ولو ما عهوش مية بقى اصلا؟ في بعض الاماكن في جيش الماية فهو قليلة تاخد ازازة الماية اتنين لتر لليوم كله. يجي يقول لك يا شيخ طب انا اشرب بقى الماية ولا اتوضى بها؟ تقول له ايه؟ اشرب طبعا. طب - 00:30:05ضَ

الصلاة والعبادة اتيمم لها. اتيمم لها. الكلام ده اتعلمناه منين؟ اتعلمناه من سيرة النبي صلى الله عليه وسلم. هنكون فهاء بعد ما نمضي ان شاء الله دراسة السيرة كاملة عن رسول الله صلى الله عليه وسلم. ندرس السيرة ليه كمان؟ السيرة واحة للاخلاق - 00:30:25ضَ

السيرة بتاعت النبي صلى الله عليه وسلم واحة للاخلاق. حتى في عز الحرب. النبي بيحارب. وتزعلني من النبي صلى الله عليه وسلم الاخلاق. سيدنا حذيفة كيف او ابوه لما هربوا من مكة عهدوا اهل مكة ان هم ما يقاتلوش مع النبي صلى الله عليه وسلم. فلما ادركوا النبي صلى الله عليه - 00:30:45ضَ

في غزوة بدو النبي خارج لبدر سيدنا حذيفة طالع مع النبي صلى الله عليه وسلم بيقول له يا رسول الله انا طالع بس انا كنت عاهدتهم. فالنبي صلى الله عليه وسلم قال له ارجع يا - 00:31:05ضَ

حذيفة انت مش هتطلع معنا للقتال. هو عيد مين؟ اعايد مين؟ الكفرة. وهو هيعمل ايه دلوقتي ده هينصر النبي وهينصر الدين. النبي يقول له لأ. علشان يعرفوا ان احنا بنفي بالعهد. علشان يعرفوا ان احنا بنفي بالعهد - 00:31:15ضَ

لما يجي واحد من اكتر الناس اللي قتلت النبي وحاربت النبي وبهدلت النبي اخر بهدلة. والنبي صلى الله عليه وسلم دخل مكة فاتح بعد ما يخش مكة وهو فاتح لمكة ييجي الراجل ده يروح للنبي مع سيدنا عثمان ابن عفان ياخد - 00:31:35ضَ

عبدالله بن ابي صرح اللي النبي اهدر دمه. النبي هو داخل مكة اهدر دم اربعة. هم اكتر اربعة ازوا النبي صلى الله عليه وسلم جه عثمان بن عفان ومعه عبدالله بن ابي صرح ده علشان النبي يدي له الامان. فالنبي يقول له عثمان بيقول للنبي ادي له الامان يا رسول الله. والنبي ساكت - 00:31:55ضَ

الناحية التانية. عثمان يقول له يا رسول الله ادي له الامانة. النبي ساكت ودي وشه الناحية التانية. فبعد اما عثمان بعد ما النبي ادى لعبدالله ابدأ بيصالح علشان خاطر عثمان ويخرج عثمان وعبدالله بن ابي صرح النبي بيقول الم يكن منكم رجل رشيد؟ رآني قد اعرضت بوجهي عنه - 00:32:15ضَ

يقم اليه ليضرب رأسه فقالوا يا رسول الله هلا اومأت بعينك؟ كده بس. كده هو وما لكش دعوة. فقال صلى الله عليه وسلم شف واحد للادب والخلق. فقال صلى الله عليه وسلم ما كان لنبي ان تكون له خائنة اعين - 00:32:35ضَ

هنتعلم ده من سيرته. احفزوها ما كان لنبي ان تكون له ايه؟ خائنة اعينه مش احنا اللي نعمل كده. مش الانبياء اللي يعملوا كده. هنعلم الناس وكلنا نتعلم الاول واحدة تعلم. احنا انا اول واحد مستفيد من سلسلة السيرة - 00:32:55ضَ

انا شرحت السيرو قبل كده حوالي سبع مرات بفضل الله. دي المرة التامنة. وكل مرة بتتعلم جديد من حياة النبي صلى الله عليه وسلم. هنتعلم النبي في الاخلاق يعني ايه صبر. عانى كتير. عانى كتير. علشان نصبر في شوية الحر بتوع صلاة التراويح - 00:33:15ضَ

امبارح الناس خارجة ساحت من الحر. نصبر شوية علشان ربنا سبحانه وتعالى. نصبر شوية عشان نخاف من الله كويسين. واحنا مغفورين لنا باذن الله عز وجل. هنتعب هل من السيرة الصبر زي ما قلت لكم الان؟ النبي كان له سبع اولاد. تخيل ستة من اولاد النبي ماتوا في حياته. صابر صلى الله عليه وسلم - 00:33:35ضَ

تقول عائشة كان يمر علينا الهلال تلو الهلال تلو الهلال تلت شهور ولا يوقد في بيت النبي صلى الله عليه وسلم نار. ما بيطبخوش ما فيش اكل؟ صابر صلى الله عليه وسلم صابر. فيه حديس كل اما اقرأه عن النبي صلى الله عليه وسلم قال بيترجم بيتزلزل من جوة. يقول والله - 00:33:55ضَ

طهي لقد اوذيت في الله وما يؤذى احد. ولقد عذبت في الله وما يعذب احد ولقد كان يمر علي الليلة تلو الليلة تلو الليلة ولا يوجد في بيتي ما يواري ابط بلال. ما فيش في بيتي شوية اكل - 00:34:15ضَ

انت عارف لما تكون حاجة صغيرة تحطها تحت الابط كده تتدارى. النبي يقول انا ما كانش عندي حاجة اصلا آآ قبضت بلال يريها حتى وان كانت صغيرة ما عنديش في البيت ما عنديش في - 00:34:35ضَ

شوية رز قد كده. رسول الله اه اه رسول الله. هيتعلم منه الصبر على المشقة اللي قابلها في حياته. هنتعلم منه رحمته. هنتعلم منه انسانيته. لما وفد مودرن ييجوا ويخشوا مسجد النبي صلى الله عليه وسلم. وبين عليهم الفقر - 00:34:45ضَ

احنا كم مرة بعض الناس بعض الناس كم مرة يجي له واحد واقع في كرب شديد جدا وكل اللي يعمله لا حول ولا قوة الا بالله لا حول ولا قوة الا بالله - 00:35:05ضَ

لا يا اخواننا لا يا اخواننا النبي صلى الله عليه وسلم اول ما شاف الناس دول فقراء ومحتاجين فعلا قال جليل فطمعر وجه رسول الله صلى الله عليه وسلم وشه طعمها حرف وشه اتغير ثم قام في الناس خطيبا ويهتز المنبر من كلام النبي - 00:35:15ضَ

يا جماعة تصدق احدكم بصاع تمر من صاع بر من صاع شعيره من ثوبه من من كذا من كذا. بيقول فضل النبي صلى الله عليه وسلم يحث للناس على التصدق - 00:35:35ضَ

لدرجة ان انا شفت بين ايدين النبي قومين كبيرين كده من طعام وثياب. فرأيت وجه النبي كأنه مذهبة. حتة دهب. فرحان. ده اللي بيتعامل بانسانية مع واحد فقير. هنتعلم الانسانية منه صلى الله عليه وسلم. هنتعلم الانسانية منه انه في يوم من الايام لما يشوف طفل صغير بيعيط في المدينة - 00:35:45ضَ

يقعد النبي في الارض ويقعد يضحكه ما يسيبهوش لحد ما يضحكه بعد ما بكوا. هنعرف في سيرته صلى الله عليه وسلم انه في يوم من الايام يخرج حد من الصحابة كان داعي النبي للطعام فخارج هو والصحابة رايحين للصحابي ده لم يقابل الحسين في الشارع بيلعب كان بيلعب مع الاطفال - 00:36:05ضَ

فالنبي صلى الله عليه وسلم اول ما شاف الحسين بدأ يلعب مع الحسين يعمل له كده فالحسين ييجي كده يقوم جاي كده فالنبي يعمل له كده وفضل النبي ايه يحلق عليه كده - 00:36:25ضَ

وبعد كده قام واخد الحسين واحتضنه وباسه وحضنه. ورفعوا الحسين لفوق كده وقال اللهم اني احبه فاحبه. واحبب من يحبه ايه ده! ده رسول! اه. اه ده رسول. بيتعامل ازاي؟ كان بيتعامل ازاي كانسان؟ هنتعلم من سيرة النبي صلى الله عليه وسلم - 00:36:35ضَ

كذلك ايضا بنتعلم من سيرة مبادئ الاسلام بالكلية وتعاليم الاسلام هنتعلم من السيرة ايضا فهم عقيدتنا. العقيدة بتاعتنا نتعلمها ايضا من الصيام. من اهم الامور ايضا المتعلقة بالسيرة هنرقق قلوبنا من خلال درس الصين. هنرقق قلوبنا من خلال دراسة الصيام. في بعض اوقات وسط زحمة الحياة كده الناس قلوبها - 00:36:55ضَ

شد شوية. طبيعي من خلال بلطة الحياة ندرس سيره عشان قلوبنا ترجع تاني رقيقة. يقول ابن الجوزي رحمه الله رأيت الاشتغال بالفقه وسماع الحديث لا يكاد يكفي في صلاح القلب. ممكن نتعلم فقه ونتعلم الحديس بس مش الحاجات دي اللي بترقى قلوبنا - 00:37:25ضَ

الا ان تمزج هذه العلوم بالرقائق والنظر في سير النبي صلى الله عليه وسلم وسير السلف الصالح. اول ما تنزل سيرة النبي صلى الله عليه وسلم قال لك يرق جدا يرق جدا. تبقى رقيق القلب جدا جدا جدا بدراسة الصيام. آآ كذلك ايضا ندرس السيرة - 00:37:45ضَ

لان احنا من خلال السيرة هنعرف كل صغيرة وكبيرة في حياة النبي. وبالتالي نرزق الاتباع لهذه الصغائر والكبائر في حياة النبي. لما اعرف النبي من خلال السيرة كان بياكل ازاي؟ بيخرج ازاي؟ كان النبي اذا عاد من سفر اول حاجة يعملها يخش المسجد. لما ندرس الحاجات دي كلها نرزق متابعة النبي صلى الله عليه وسلم. كل ما هتعلم - 00:38:05ضَ

بصيروا معنى جديد هحوله لتطبيق لعمل. وبعد ما احوله لعمل تكون دي سعادة الانسان. ابن القيم كان بيقول فالله سبحانه وتعالى جعل سعادة الدارين بمتابعته صلى الله عليه وسلم. السعادة في الدنيا والاخرة متوقفة على اتباعنا للنبي صلى الله عليه وسلم. وجعل شقاوة الدارين في - 00:38:25ضَ

وفتيه صلى الله عليه وسلم فلاتباعه لله يتبعوه الهدى والامن والفلاح والعزة والكفاية والنصرة والولاء والتأييد طيب العيش في الدنيا والاخرة ولمخالفيه. الذلة والصغار والخوف والضلالة والخذلان والشقاء في الدنيا والاخرة. لذا تحتم علينا دراسة - 00:38:45ضَ

لازم واجب علينا ان احنا بقى ندرس سيرته. علشان نعرف هو كان بيتعامل ازاي. فنعمل كما كان يعمل صلى الله عليه وسلم. ندرس النبي صلى الله عليه وسلم لان ابن القيم رحمه الله كان بيقول كلمة مهمة جدا قال وهذه المعرفة بسيرته تونس العمل. المعرفة بسيرة - 00:39:05ضَ

تورث العمل وهذا العمل هو زاد الاخرة. كلمة جميلة اوي. قال لان هذه المعرفة اي بسيرة النبي صلى الله عليه وسلم هي المثمرة للعمل وهذا العمل هو زالز الاخرة. هو زاد الاخرة. عايزين ندرس سيرة النبي صلى - 00:39:25ضَ

صلى الله عليه وسلم علشان من خلال سيرته ما فيش شبهة تهز ايماننا. النبي بتاعكم اهو تسعة. صح؟ مش بيقولوا لنا كده؟ اتجوز تسعة ها؟ اشمعنا يعني هو اللي اتجوز تسعة ده يبقى واحد بيفكر في دين ولا بيفكر في الاسلام؟ حاشاه حاشاه صلى الله عليه وسلم عن ذلك. هترد ازاي - 00:39:45ضَ

دينكم اسلام انتشر بالسيف. هنرد ازاي؟ هنرد ازاي؟ واحنا الان بنعيش في زمن الشبهات دي بنعيش في زمن الشبهات دي من خلال سيرته نعرف صلى الله عليه وسلم نعرف كويس جدا - 00:40:15ضَ

انه صلى الله عليه وسلم يعني لا ما كانش النساء خالص في حياته صلى الله عليه وسلم. الا من الجانب الانساني انما انه يتزوج علشان النساء ابدا. كان تزوج الجميلات. كان تزوج الابكار. ما تزوج رسول الله بكرا قط - 00:40:35ضَ

الا عائشة اقول لك اعجب من كده؟ بل كان صلى الله عليه وسلم لا يتزوج امرأة الا من وراء حكمة عظيمة. يعني صفية بنت حي بن اخطب زوجها مات ابوها مات. اخوها مات ولا عائلة لها. فالنبي يتزوجها ليعولها. امه - 00:40:55ضَ

وحبيبة بنت ابي سفيان تطلع تهاجر للحبشة وزوجها يتنصر في الحبشة وبعد كده يموت. وهي في بلد غربة تخيل واحدة هاجرت بدينها للحبشة. وبعد ما هاجرت بدينها للحبشة. زوجها يتنصر وكانت فاجعة لام حبيبة. رضي الله عنها. وبعد كده يموت - 00:41:15ضَ

عبيد الله ابن جحش زوجها في الحبشة وتصبح امرأة غريبة في بلاد الحبشة. فالنبي صلى الله عليه وسلم من المدينة يرسل في طلب زواجها ويتزوجها وهي في بلاد الحبشة. علشان يسري عن قلبها بعد المصيبة اللي اصابتها. ام سلمة يموت زوجها. وهي عندها - 00:41:35ضَ

عيال كتير ولما النبي اتقدم لها قالت له يا رسول الله انني امرأة ذات عيال. انا عندي عيال كتير. اللي عايز يتزوج امرأة ما بيدورش على عيال لها. الواحد النهاردة لو فكر في يوم من الايام تزوج مرة تانية او كده او حصلت له مشكلة مع زوجته اولية فطلق فعايز يجوز مرة تانية فيقولوا له عندنا واحدة على دين وعلى خلق وجمال بس عندها اربع خمس ست عيال - 00:41:55ضَ

هيتجوزها؟ لأه طبعا. النبي يقول لها انا هكون ارحم بهؤلاء الاولاد اكتر منك. ما تقلقيش ويتزوج النبي ام سلمى وهي ذات اولاد. عشان نعرف انه ما كانش زواجه علشان ننساه. ده كان زواجه رحمة بالنساء دول - 00:42:15ضَ

اللي خلاص ما عدش ما عدش لهم كفيل خلاص بعد موت ازواج او الابناء او الاخوان اخواتها او ابوه او كده. سبحان الله! تقدر من خلال السنة تقول بقى زوج يتزوج لو كان بيدور على نساء ما كانش تزوج خديجة - 00:42:35ضَ

ده اكبر منه بخمستاشر سنة. النهاردة كل شاب النهاردة عايز يتزوج يقول لك انا عايز ايه؟ انا عايزها مش عارف من تمنتاشر لواحد وعشرين سنة. ولو في يوم من الايام قلنا له عندها خمسة وعشرين ستة وعشرين يقول لك لأه كبرت. كفاية من لا لا ما ينفعش - 00:42:55ضَ

النبي تزوج خديجة وهي عندها اربعين سنة. اربعين سنة. وهو لسه في قمة شبابه. صلى الله عليه وسلم. اربعين سنة وهو كان عنده خمسة وعشرين سنة معقول حفصة مات جوزها بنت بنت عمر رضي الله عنه. حفصة مات زوجها. وعمر يلف على الصديق - 00:43:15ضَ

رضي الله عنه يقول له آآ يعني تأيمت حفصة الك فيها حاجة؟ ويلف على عثمان يقول له الك فيها حاجة؟ والنبي صلى الله عليه وسلم يرى الفطار قلب عمر على ابنته حفصة فيتزوج رسول الله بحفصة بنت عمر. وتكون زوجته. معقولة! يبقى ده اللي كان بيدور على - 00:43:35ضَ

ده اللي كان بيدور على النساء. تقدر من خلال السيرة ترد على اي شبهة. تثار حول النبي صلى الله عليه وسلم اللي يقول لك اصل الاسلام انتشر بالسيف. قل له هي غزوة بدر. مين اللي راح للنبي صلى الله عليه وسلم في المدينة؟ بدر قبل المدينة بمية - 00:43:55ضَ

خمستاشر كيلو. المشركين خارجين للنبي البدر. طب وفي احد؟ النبي راح لمكة؟ لا ده هم اللي جولوا في احد. طب وبنوا النضيف اصل اليهود حاولوا يقتلوا النبي وغدروا بالعهد. طب وفي الاحزاب المشركين هم اللي جم للنبي في المدينة. الله - 00:44:15ضَ

يبقى هو ده اللي انتشر بالسيف اهدي لسيرة النبي صلى الله عليه وسلم اقف على ممكن اي شبهة ممكن تثار في يوم من الايام وانا واقف على ارض صلبة واقدر ارد بفضل الله. انا بفضل الله دار السيرة. كذلك ايضا دراسة السيرة بتعظم الايمان في القلب - 00:44:35ضَ

عارفين ليه؟ لان بنقف فيها على لان دروس السيرة بنقف فيها عدد كتير من الجوانب المتعلقة دلائل نبوة النبي صلى الله عليه وسلم. يعني النبي صلى الله عليه وسلم كان بيقول حاجات في - 00:44:55ضَ

وقتها ما كنتش اتصدى. ولكن صدقت فكانت من دلائل النبوة. ان النبي صلى الله عليه وسلم يوم غزوة بدر يقول للصحابة قبل غزوة بدر بيوم هذا مصنع ابي جهل غدا. ابو جهل هيموت هنا بكرة - 00:45:25ضَ

وعقبة ابن ابي معيط هيموت هنا. وعقبة ابن شايبة هيموت هنا. وفلان هيموت هنا. ابن مسعود بيقول فوالله والله والله ما فارق مصرع كل واحد منهم المكان اللي النبي صلى الله عليه وسلم اشار اليه. قبلها بيوم. دلائل النبوة. لما ندرسها - 00:45:45ضَ

من خلال سيرة النبي صلى الله عليه وسلم يزداد ايماننا. النبي في غزوة تبوك لما فقد الماء ما عدش معه مية والصحابة خلاص هيموتوا من العطش النبي صلى الله عليه وسلم باناء فيضع النبي صلى الله عليه وسلم يده في هذا الاناء فيثور الماء من بين اصابعه صلى الله عليه وسلم. لما نقف على هذه - 00:46:05ضَ

دلائل يزداد ايماننا وتصديقنا بهذا الدين العظيم. يوم النبي صلى الله عليه وسلم وهو مهاجر. لما سراقة ابن مالك طالع علشان يقبض على النبي الصلاة والسلام والصحابة وابو بكر الصديق رضي الله عنه. والنبي يدعو اليه فالفرس بتاعه يقع ويقوم ويدعو عليه الفرس يقع. والنبي بعد كده يقول له يا سراقة كيف بك - 00:46:25ضَ

اذا لبست تاج كسرى. يا ترى انت هيبقى وضعك ايه يوم ما تكون كده في يوم من الايام؟ وانت حاطط التاج بتاعك اسرع دماغك كسرى مين؟ ده انت خارج من بلدك مطرود. انت مطرود من مكة يا رسول الله. فيقول سبحان الله - 00:46:45ضَ

وجه في خلافة عمر لما جابوا بكنوز كسرى وقيصر دخل آآ سراقة بن مالك بن جعشم لمسجد النبي صلى الله عليه وسلم فيلاقي الكنوز بتاعة كسرى ويلاقي التاج محطوط فوق كده. وعمر يخش المسجد وسراقة واقف. فعمر بيقول هو - 00:47:05ضَ

ماسك التاب كده فيقول ان قوما عفوا عن مثل هذا انهم لامناء. لما يكون في جيش عنده من الامانة ان التاج العزيم بتاع كسرى ده ما حدش يكمرو في جنب كده او ياخده لما نلاقي عند الجيش امان لدرجة ان هما جايبين التاج بتاع كسرى انهم لامناء - 00:47:25ضَ

فيرد عليه حد من الصحابة فيقول له يا عمر عففت ها فعفوا. ولو خنت لخان فيوم سراقة بن مالك ويقول له يا عمر كان من رسول الله يوم كذا وكذا وكذا فيقوم عمر ويخش على الكنوز دي وياخد التاج ويحطه على - 00:47:45ضَ

يا الله الكلام اللي كان من ان من كم سنة؟ من تقريبا على سبيل التحديد من تمانية وعشرين سنة. هو النبي قعد عشر سنين في المدينة وفتح فارس كان تقريبا - 00:48:05ضَ

كان سنة خمستاشر هجرية خمسة وعشرين سنة. من خمسة وعشرين سنة النبي قال له يا سلاقة هيجي عليك يوم تلبس مين؟ ويلبس ده الكسرة لما اقف على دلائل النبوة دي سبحان الله! ايماني يزداد. ايماني يزداد. وبالتالي نص ديني - 00:48:25ضَ

يكمن من خلال سيرة النبي صلى الله عليه وسلم وده خلاصة كلامنا النهاردة. ان نص الدين نقدر نستفيده من خلال السيرة. ازاي؟ ما هو الدين على اشهد ان لا اله الا الله واشهد ان محمدا رسول الله. اشهد ان محمدا رسول الله. هنشوف في عملي من خلال سيرة النبي محمد صلى الله عليه وسلم. السيرة يا جماعة السيرة - 00:48:45ضَ

دي مأثر ابائنا واجدادنا. السيرة دي مأثر اباءنا واجدادنا واختم معكم بهذا الاصل المهم. اوروبا ما عندهاش مآثر ما عندهمش حد يطلعوه في الافلام قدوات عظيمة كده. فعملوا لك سوبر مان - 00:49:05ضَ

الراجل الوهمي اللي بيساعد الناس. صح؟ وعملوا لك رامبو الشخصية الاسطورية اللي ما لهاش وجود اصلا. اصل هو ما عندهوش حد يقول ايه؟ انا عندي اهو احنا عندنا احنا عندنا لما احد العلماء الغربيين قال لي في كتاب العظماء مية مية اعظمهم محمد - 00:49:25ضَ

وان كنت طبعا انا معترض على الكتاب كلية وجزئية طبعا. لان النبي لا يقارن ببشر. النبي اذا قول انه قارن بالانبياء بس. لا يقام الا ان هم شافوا ان فعلا عظيم جدا صلى الله عليه وسلم. احنا السيرة دي مآثر ابائنا واجدادنا. لذا - 00:49:45ضَ

كان الحسين ابن علي رضي الله عنه ودي بقى النقطة اللي انا حبيت اختم بها. عشان تكون هي الثابتة دايما في دماغنا كلنا. الحسين ابن علي رضي الله عنه كان يقول كنا نعلم الحسين بن علي ابو علي بن ابي طالب. الحسين ريحانة النبي صلى الله عليه وسلم حفيد النبي. بيقول كنا نعلم - 00:50:05ضَ

سيرة النبي صلى الله عليه وسلم كما نعلم السورة من القرآن. احنا كنا بنتعلم سيرة النبي زي ما بنتعلم ايه؟ زي ده ده منهج بقى يعني احنا المفترض ان كل واحد فينا النهاردة يعلم زي ما بيعلم ابنه قل هو الله احد يعلم ابنه ايه؟ ده منهج التربية بتاعنا. اللي لازم ده - 00:50:25ضَ

نهتم به؟ وقال الامام الزهري رحمه الله علم السير علم الدنيا والاخرة. بس نختم بكده دي الكلمة الجميلة ان علم السير ده علم الدنيا والاخرة. تستفيد فيه دنيتك وتستفيد في اخرتك. آآ السيو دي - 00:50:45ضَ

نأثر ابائنا واجدادنا نأثر حبيبنا النبي صلى الله عليه وسلم لازم نتعلمها ونستفيد منها. ان شاء الله بإذن الله تبارك وتعالى. ان شاء الله كل يوم بدءا من بكرة ان شاء الله - 00:51:05ضَ

هندرس سيرة النبي صلى الله عليه وسلم. ان شاء الله هنحدد الوقت بقى بازن النهاردة واحنا طولنا شوية. انما كل يوم ان شاء الله هي الدرس بتاعنا. ساعة الا ربع بالزبط - 00:51:15ضَ

ان شاء الله بازن الله ونفتح ربع ساعة للاسئلة. بحيس يبقى الدرس كله على بعضه ساعة بس. ليه؟ عشان برضو الناس تجتهد في قراءة القرآن والارتباط في القرآن القرآن في هذا الشهر الكريم. جزاكم الله خيرا ونبدأ ان شاء الله من بكرة سيرة الحبيب المصطفى صلى الله عليه وسلم. هذا وصلى الله على نبينا محمد وعلى اله وصحبه وسلم - 00:51:25ضَ

- 00:51:45ضَ