نريد اليوم ان نتكلم عن الاساس القلبي للحركة عن قلوبنا صحيح لن اتكلم عنه كلاما علميا محيطا او شاملا او مستقصيا لكن انا اقصد انه وصدقوني لا يمكن نبني حركة راشدة ولا حركة صحيحة ولا حركة متجهة الى النصر ولا - 00:00:00ضَ

الى احداث نتيجة الا بناء على قلوب نظيفة طاهرة وهذه هي سنة الدين افضل من عمل لهذا الدين كان النبي عليه الصلاة والسلام ومع ذلك القرآن قال له انك برغم انك تحمل المنهج الصحيح. وبرغم انك محمد رسول الله صلى الله عليه وسلم - 00:00:39ضَ

خير خير الناس خير من خلقه الله خير الخلق جميعا انما مع ذلك لو هذه المضغة اللي هي قلبك لم يكن نظيفا سليما طاهرا نقيا ما نجحت الدعوة وما وصلت الى شيء. يقول عز وجل ولو كنت فظا - 00:01:06ضَ

القلب غليظ القلب لانفضوا من حولك ولزلك لا تقوم الدعوة الا بقلب يجمع القلوب ائذنوا لنا بوقفة ثم نعود مرة اخرى وجزاكم الله خيرا ان شاء الله بسم الله الرحمن الرحيم. ايها الاخوة - 00:01:26ضَ

كما اقول لا يمكن ان تبني عملا سياسيا راشدا ناجحا يصلح امة الا اذا كان مبنيا على نظافة الصدور. نظافة القلوب واوعوا حد يأتي في ذهنه نموذج امريكا وفرنسا وانجلترا وما الى ذلك يقول هذه بلاد تعمل والقلوب فيها - 00:01:50ضَ

ما فيها فانتم تدركون ان امريكا مثلا تعاني الان من انها هي تأكل نفسها. يعني هي وصلت الى الهيمنة على الاخرين وعلى السلطان العالمي وعلى الامبراطورية العالمية فاذا بها من داخلها من داخلها - 00:02:20ضَ

المرعب البعبع عندهم انهم متصورين ان امريكا سوف تضرب من داخلها من خلال شعبها وهذا الدمار الموجود فيها يجعلهم يبنون على اساس استقدام نماذج للمهاجرين علشان تقوية المجتمع الامريكي عن طريق نماذج من المهاجرين لان النموذج الامريكي بيحاولوا يصلحوه ويضيفوا اليه في نفس الوقت ويهتموا - 00:02:40ضَ

والاجيال القادمة انما كمبدأ عام كما قلت لكم لا يمكن في منهجنا في شرعتنا في طريقتنا انك تبني اي نوع من انواع العمل او توصل الى نتيجة او توصل الى تحقيق اهدافك بدون قلب نظيف طاهر تؤسس عليه العمل. احنا اتكلمنا - 00:03:09ضَ

عن الوعي عن الفهم عن الادراك لكن هذا الوعي اذا كان على قلب كقلوب الذئاب قلوب محترقة حقد هتلاقي ان العمل يتدمر وكما قلت لكم القرآن الله يقول لرسوله صلى الله عليه وسلم انت برغم انك خير خلق الله - 00:03:31ضَ

وبرغم انك الرحمة المهداة وبرغم من انك معك المنهج الذي فيه صلاح البشر انما لو كان قلبك ليس لانفضت هذه الجموع ولو كنت فظا غليظ القلب لانفضوا من حولك. خلاص مش هيبقى في جمع مش هتبقى في - 00:03:52ضَ

امة لذلك تعلمنا ان احنا لازم ما ينفعش نبني الا على الاساس القلبي النظيف. طيب الشيوعيين مش كده اليساريين مش كده العلمانيين مش كده الليبراليين مش كده اللي اللي اللي ما لناش دعوة. نحن نتكلم عن منهج لابد ان تكون فيه - 00:04:12ضَ

القلب وعلشان اقول لحضراتكم طبعا ده مش موضوعي ان انا ادلل لكم او اثبت لكم ان قلوبنا لابد ان تكون طاهرة انما بس انا عايز ازكر نموذج لاية تتكلم عن القلوب اذا صلحت ونموذج لاية واحدة بس. تتكلم عن القلوب اذا فسدت. تلاقي القلب اذا - 00:04:33ضَ

ففسد الله تعالى يقول فانها لا تعمى الابصار ولكن تعمى القلوب. التي في الصدور تعمى العمى تصور قلب اعمى القضية كلها مبنية على انه لا يفلح يوم القيامة الا من اتى الله بقلب سليم. فتيجي القلب تلاقيه عميان. اذا ما عمي - 00:04:58ضَ

القلب تعطل. وفي المقابل يقول تعالى عن ناس معينين محددين يشير اليهم كده يقولوا اولئك كتب في قلوبهم الايمان كلمة كبيرة جدا كتب في يعني ابقى قدام اتنين واحد الايمان مكتوب في قلبه. والتاني اعمى القلب - 00:05:22ضَ

شايف الفارق ده هو الفارق اللي احنا بنتكلم عن انه لا يمكن تأسيس دعوة لا يمكن تأسيس رسالة لا يمكن تنسيق غرس راية لا يمكن اطلاق عمل الا بناء على طهر في القلب ونظافة وتوجه الى الله سبحانه وتعالى - 00:05:47ضَ

ولزلك احنا لا يمكن ابدا ان احنا يعني نتوقع انه في نتيجة تحدث ما لم تكن القلوب التي تحمل الرسالة قد الرسالة دي. ولذلك اليهود بيخدعونا لكن احنا ممنوع نخدع - 00:06:07ضَ

فييجي واحد يقول لك طب ما انا لازم الاعبهم. اقول له لأ. هم يعملون بالخديعة ونحن منصورون بالامانة. هو كده شرع الله وان يريدوا ان يخدعوك فان حسبك الله. حاجة اية غريبة جدا مقابل الخديعة هناك هذه الاستقامة. طب دول الناس دول بيسخروا من - 00:06:28ضَ

وبيتريقوا علينا وبيشتمونا ويسيئون الينا منهجنا نحن. ولذلك احنا بنقول الدعوة دي مش هينفع تتأسس الا بناء على القلب السليم. وانا عايز اقول لكم حاجة عشان تعرفوا ازا كنتم عايزين تعملوا دعوة وتفشل. انتم حرين جايز تعمل جهد كبير وعايز ترميه في البحر انت حر لكن انا بكلمك عن دعوة تنجح. ايام - 00:06:48ضَ

الصحابة والتابعين وتابعي التابعين الدعوة انتشرت في العالم. كل بلد دخلته الدعوة فضلت فيه ما خرجتش ابدا. فضلوا مسلمين زي مصر مثلا مصر جاءتها الدعوة مع الصحابة دعوة خلاص استقروا. زي آآ آآ العراق زي آآ اسيا - 00:07:15ضَ

اسيا جنوب شرق اسيا اندونيسيا وماليزيا انما لما مرت عشرة قرون خمسة قرون سبعة قرون ثلاثة قرون تغير الناس شوية. قاموا لما دخلوا اماكن زي الاندلس بس فضلوا فيها مدة - 00:07:35ضَ

وبعدين لما ضعفت قواتهم العسكرية انقلبت صحيح بالقهر وبالبطش وبالطغيان انما انقلبت البلاد اللي دخلوا فيها وارتدت ورجعت تاني ما هياش اسلامية ايه الفرق؟ الفرق ان الداعية صاحب الرسالة لو كان قلبه نظيفا الناس بتلتقط الاشارة القلبية وتتمكن - 00:07:53ضَ

كان الهدى من قلبه والشيء التاني انه لو ما التقطش الاشارة القلبية بالعكس بتبقى المسألة ظاهرة عشان كده يا اخواني احنا ان شاء الله عز وجل هيكون عندنا يعني اولا اولا هيبقى المبدأ عندنا انه لا هينفع وعي ولا عزم ولا عمل ولا شيء بدون التأسيس - 00:08:15ضَ

قلبي للافراد الذين يقوم عليهم العمل وتقوم عليهم الحركة. عشان كده ان شاء الله احنا بقى المرة دي مش بنتكلم كلام علمي ولا كلام دعوي ولا كلام وعزي لأ احنا بنتكلم كلام - 00:08:41ضَ

حركي كلام تطبيقي كلام تنفيذي كلام نقوله النهاردة وننفذه بكرة ان نحن بمنتهى الوضوح نؤسس حركتنا على قلوبنا ان تكون طاهرة. وبالتالي هيكون عندنا مشروع خصوصا في شهر شعبان ورمضان. احنا احنا اليوم اول شعبان. شعبان ورمضان شهرين ستين يوم سيكون عند - 00:08:57ضَ

انا هذا المشروع الذي نتوحد عليه جميعا اللي هو اننا نريد ان نوجد انفسنا تحت شعار ايه بقى؟ تحت شعار كلمة اتقى قلب رجل واحد منكم. عايزين نخلي هذه القلوب تفضل تتجمع وتضبط - 00:09:25ضَ

ادائها القلبي بحيث يوجد متوسط قلبي عام يتجمع الناس بناء عليه على اتقى قلب رجل واحد منا طيب هل ده ممكن؟ ممكن بس سددوا وقاربوا يعني بنحاول نقترب ونفضل نقترب. طب هنوصل بكده ازاي بكلمة - 00:09:46ضَ

واحدة مشروع ضخم جدا اللي هو المدارسة. المدارسة شغلتنا هتبقى ان احنا هنعمل جلسة يومية كل واحد يعملها مع اخوانه في المكان اللي هو فيه. ويحاول يجمع لها اكبر عدد من العاملين. مش انت مش دي مش دعوة - 00:10:06ضَ

مش دعوة مطلقة دي دي للعاملين لمن يريدوا ان يتحرك. احنا مش عايزين نبقى صادقين وعايزين نبتدي ننطلق لا انطلاقة الا من خلال هذا الاساس. ولذلك الجلسة دي ليه بنقول هتبقى يومية - 00:10:27ضَ

لانها لابد ان يحدث فيها تدارس لمدة طويلة كورس زي ما بيسموه ستين يوم او يبقى اقل من كده اربعين ما فيش مانع خمسة واربعين تلاتين خمسة وتلاتين انما يوميا - 00:10:44ضَ

الجلسة دي جلسة للاستماع استماع مثلا هزا اللقاء بالذات المحاضرة او اللقاء الكلام اللي بنقوله ده استماع ثم ايقاف عشر دقايق مسلا ولا حاجة ثم ايقاف وبعدين تدارس. تدارس ليه؟ لان انا لن اقول - 00:11:00ضَ

التأسيس العلمي كله ولا التأسيس العملي ولا الاثار العملية مش التأسيس. ليس التأسيس العلمي ولا الاثار العملية كلها لأ انت اللي مطالب تعمل كده لان انا هعطيك سطر واعطيك عنوان اعطيك فكرة انما انت مطالب - 00:11:20ضَ

وانت سواء رجل او امرأة شاب او فتاة يعني هذا الكلام قد يكون فتيات بالعكس اقدر عليه كمان. وخصوصا مع روحانيات رمضان وان فيها قيام وان الايام فيها بتتغير بطريقة معينة واختار الوقت اللي انت عايزه. تختار له بعد الفجر مجموعة - 00:11:39ضَ

بقيت على كده مفيش مانع مجموعة تانية قالت لأ انا الانسب ليا بعد العصر وقبل المغرب مفيش مانع مجموعة تالتة قالت بعد التراويح بعد القيام مجموعة رابعة قالت عند منتصف الليل اختاروا الوقت الذي يناسب همتكم - 00:11:59ضَ

ما فيش قالب وانما نجلس لنتدارس علشان نتكلم. واحد يتكلم من الناحية العلمية. واحد بيورد سنن. واحد بيورد اثار. واحد بيحكي تجربة واحد بينشيء بيحكي اعتراض واحد بيرد على الاعتراض ولا مانع ابدا ان احنا نتكلم - 00:12:16ضَ

عن نقطة واحدة عشر تيام. احنا مش عايزين نخلص. يعني ليس مقصود ان انا ادي لك تلاتين آآ آآ تلاتين نقطة تخلصها في تلاتين يوم لا لا لا ما فيش كده - 00:12:38ضَ

انت طالما الموضوع معك حي وتشعر فيه بانه تدارس من اجل التطبيق اشتغل كده. لان هذا المشروع هو مشروع انشاء امة انشاء امة موضوع تجهيز امة وقد يكون هذا غائب على فكرة. يعني قد يكون - 00:12:51ضَ

اه اه ائمة العمل احيانا ينشغلون بالاداء ينشغلون بالتجويد ينشغلون يعني بالتنظير ينشغلون بمراجعة المراحل والخطوات وقد تسقط الناحية القلبية مع الانشغال. نحن الان نريد ان نبني امة كما يقول كما ورد في الاثر ان قلوبهم كافئدة الطير - 00:13:14ضَ

كقلوب الطير نظيفة طاهرة نقية سبحان الله سبحان الله قلوب كقلوب الطير. عارف قلب العصفور؟ كقلوب الطير قلوب الطير هذه كل ما تفكر فيه تسبيح الله عز وجل وهي تؤدي تخرج الصبح تأخذ رزقها وتعود وهي تؤدي. هذا المشروع مشروع المدارسة لازم يكون يومي - 00:13:42ضَ

ما ينفعش يبقى يوم ويوم لان احنا عايزين نستحضر فمش هي مش علم مش ثقافة مش معلومات هو كوين انشاء حالة شعورية حالة قلبية لانه احنا هنأسس بناء على كده هنؤسس عليها بناء على - 00:14:11ضَ

عليها ناس تنزل الى المعركة وتحارب وتقتل وتقتل. هنؤسس عليها ناس تدعو الى الله. هتؤسس عليها ناس تخوض المخاطر هنؤسس عليها اه ناس يقومون بعمل تربوي عميق تربية عميقة هنؤسس عليها مليون حاجة - 00:14:31ضَ

فما اقدرش اأسس على قلب خربان لازم اؤسس على قلب سليم فعلا. عشان كده وهنحتاج الاخ اللي يحضر من العلمية والاخ اللي يستحضر التجارب العملية عشان كده لازم تبقى مدارسة ما ينفعش واحد وما ينفعش الحقيقة اتنين برضو. يعني انا اتمنى الا يقل عدد - 00:14:51ضَ

اربعة. علشان يبقى في ثراء ونقعد نسمع وندرس ونشوف ازاي التطبيق وازاي الاعتراضات. ويبقى في تساؤلات وجايز اتمكن انا من اني اكون معكم بصورة ما يوميا حول نقاط قلبية ازا امكن حتى ولو ان انا يعني اسجلها كلماحات - 00:15:11ضَ

ارسلها بصورة او باخرى. لكن على كل حال هو ده البدء البدء اللي هو غرسة وتأسيس القلوب. طب هندرس ايه بقى؟ شف انا النهاردة هقول لحضراتكم وهحاول اخليه برضو بقدر المستطاع بترقيم بس انا مش لا اقصد الترتيب قوي. انما انا الان اعطيك ما - 00:15:31ضَ

يمكن ان يكون محلا للتدارس بحيس ان انت يبقى عندك نقطة ثم نقطة تانية ثم تالتة ثم رابعة ثم خمسة وخلص ان شاء الله نقطة واحدة ان شاء الله نقطتين لكن تسعى من اجل اصلاح هذا القلب لان زي ما قلت لك المسافة واسعة جدا بين اولئك كتب في قلوبهم الايمان - 00:15:56ضَ

وبين فانها لا تعمى الابصار ولكن تعمى القلوب التي في الصدور. العمى وكتابة الايمان شيء يعني الحقيقة فارق مهول اول نقطة يا اخواني نحن قوم قلوبنا دي لا تريد شيئا اطلاقا من الدنيا - 00:16:16ضَ

دي اول صفة لازم تحطها في نفسك. ما فيش حاجة اسمها في الاسلام ما فيش حاجة اسمها طموح في الدنيا طموح في الدنيا دي كلمة مزورة دخيلة لا يوجد ما فيش حاجة اسمها كده ابدا - 00:16:42ضَ

الا لما فسدت العصور نحن لا نريد شيئا اطلاقا البتة في الدنيا. يقول تعالى تلك الدار الاخرة نجعلها للذين لا يريدون ارادة لا يريدون علوا في الارض ولا فسادا والعاقبة للمتقين. جايز تقول لي طب ده عن العلو عن الفساد وليس - 00:16:59ضَ

هيبان دلوقتي هقول لك طب لا نريد شيئا اطلاقا يعني ايه يعني ايه لا نريد شيئا اطلاقا؟ لازم تعرفوا يا اخواني انه اساس الحزن مش بيقولوا لكم ان في حالة اكتئاب والناس حزانة وبيدوروا على السعادة مش لاقيينها وانخفضت درجة الشعور بالسعادة - 00:17:27ضَ

اساس الحزن في الدنيا كله حاجة واحدة بس وارجوكم راجعوا هذا الكلام هتوقيلوا به اساس الحزن سببه الحزن في الدنيا هي انك تريد شيئا في الدنيا الناس عايزة فلما ما بيتحققلهاش بتحزن - 00:17:52ضَ

ولما يتحقق لها بس يتحقق لغيرها اكتر منه تحزن. يقول لك ده انا شغاله ده انا كنت زميله في المدرسة. انا باكسب دلوقتي عشر تلاف جنيه بس هو بيكسب عشرين الف جنيه يحزن برضو. ولو حققت اللي انا عايزه اسعد شوية صغيرين كده يوميها الله انا جبت - 00:18:17ضَ

ثم بعد قليل ابدأ اقلق على ما استفدته وهل هيقل ولا هيحافز على المستوى؟ هل هترفد؟ هل هيحصل هبوط في السوق؟ هل هيحصل فافضل منشغل به في ظل الحزن ملازم طول ما انا عايز - 00:18:37ضَ

شوف كلمة عاوز يشوف العوز ده احفظوها دي معادلة. العوز هو سبب الحزن. شيل العوز من القلب طهر قلبك من انك عايز والله لا تكاد تشعر بالحزن ما هو تحزن من ايه - 00:18:53ضَ

صحيح في حد ممكن يعوز غصب عنه لانه مش عوزان وهو عوزان حد تاني يعني امه عايزة آآ زوجته عايزة بنته عايزة فيبقى هو بيسعى في لكن انا بتكلم اهو. الذين يريدون الدنيا لابد ان يعيشوا حزانى - 00:19:12ضَ

ان شاء الله يا رب يبقوا مليارديرات بل ملطي ملياردير. ملطي ملياردير زي ما بيقولوا. يعني متعدد المليارات. بل مئات المليارات يظل حزينا لسبب او لاخر. عشان كده احنا عايزين نشيل كلمة اننا نريد احنا مش عايزين حاجة. خالص - 00:19:33ضَ

لا نريد مالا لا نريد جاها لا نريد سلطانا لا نريد ثناء الناس لا نريد الافضلية على الناس لا نريد لازم واسمع بقى التعبير ده لازم نمرة واحد تعمله لو عايز تشتغل فعلا - 00:19:53ضَ

وعايز فعلا تعمل ولوجه الله فعلا لازم لو انت ناوي تشتغل النهاردة لازم امبارح بالليل تذبح الطموح ذبح الطموح في الدنيويات يعني. في الدنيويات لا سباق. ولذلك الاية بتقول وفي ذلك فليتنافس المتنافسون - 00:20:15ضَ

ما فيش تنافس في الدنيا. لا ولزلك الحديس نهى نهي صريح ان لا تنافسوا ما ينفعش اتنافس على امور الدنيا ابدا. عشان كده ذبح الطموح. انا عايز ابقى الريس. عايز ابقى الاغنى. عايز ابقى الاقدر. عايز - 00:20:36ضَ

انقل بيتي. الله! بس يا استاز هذا الكلام فعلا احنا الواحد بيبقى يعني يأمل يطمح في شيء والله ان كان لابد وهو غلط برضو بس خلي الامور بسيطة انه ليه؟ لما يجي لك الحاجة ابقى اعملها - 00:20:53ضَ

يجي لك فلوس اشتري بها. انا عندي عربية آآ يعني مسلا آآ مها الكعه جاتلي فلوس اشتري عربية غالية ميجراش حاجة ان شاء الله تشتري احسن عربية في الدنيا بس كده لما جاتلك انما يفضل الواحد يقول انا هدفي في عشر سنين - 00:21:11ضَ

مين؟ يبقى عندي واحد اتنين تلاتة اربعة خمسة يظل كانه بياكل في نفسه. زي ما يكون بينافس نفسه زي ما يكون ولذلك يا اخواني نحن لا نريد شيئا وصدقوني كلما وجدت ارادة الدنيا في القلب - 00:21:29ضَ

احزن القلب ويغم ويهم ويضجر وينقطع انما خلص القلب من هذه التعلقات تلاقي المسألة اختلفت القلب بيبتدي يفوق يتنفس عارف لما انت بتروح تغير فلتر الهوا بتاع العربية يقول لك عشان العربية تتنفس لان التراب واللي واللي - 00:21:47ضَ

تسد مسام الهوا مش عارف تعمل ايه اكتر تسلك بنزين اكتر وتقطع ويحصل ايه فانت بتروقها روقان قلب هو ده انك تشيل من عليها هذا الركام ولذلك الاية عجيبة الشكل والله عجيبة الشكل يقول لن تنالوا البر. اطمنوا مش هتوصلوا ان شاء الله يا رب تقلبوا - 00:22:16ضَ

الدنيا رأسا على عقب لن تنالوا البر خالص؟ قال لا حتى تنفقوا مما تحبون. كل ما تتعلق بحاجة تطلع منها علشان التعلق ده هو ده سواد هو ده حالة الزيت المشحم الذي يكسو القلب فتشعر بحزن شديد - 00:22:42ضَ

لابد ان فنحن يا اخواني قوم لا نريد شيئا لا نتعلق بشيء عايز تلبس احسن حاجة ده اداء في فرق في فرق بين الاداء وبين التعلق بشيء. يعني اضرب لك مثل - 00:23:10ضَ

حضرتك عايز تروح الامتحان او عايز تروح شغلك فبتفطر الصبح الفطار ده اداء. ازا قدرت تفطر يعني. اداء لكن انت مش بايت تحلم بالفطار انت بايت تحلم بالامتحان صح ولا لأ؟ فيه بقى العكس انا عازمك بكرة على الغدا في فندق فاخر فجايز - 00:23:28ضَ

تحلم بالاكل ايه اللي خلى الاولاني ما يحلمش بالاكل وخلى التاني يحلم بالاكل انه الاولاني ده عنده بكرة حاجة اكبر اللي هي الامتحان فمش وقته حاجة تانية واحد دخل عليه في مكتبه موزف كده درجة عشرة داخل فوجئ بانه معالي الوزير قدامه - 00:23:55ضَ

تلاقيه عينه زغللت وينظر الى الوزير باجلال واكبار ومش عارف يلفت نظره عنه وشايف اللي حوالين الوزير وايوه يا فندم وتحت امرك بكرة صدقوني بكرة يدخل عليه الوزير ولا كأن الوزير موجود. ليه؟ لانه يدخل عليه الوزير بكرة في صحبة السيد رئيس الجمهورية جاي - 00:24:18ضَ

يزور المصلحة فتجد الزغللة اصبحت لرئيس الجمهورية ومش شايف الوزرا اللي حواليه لانه بقى في حاجة اكبر فالانسان اذا ما اراد الاقل عاش اسير الحزن. واذا ما تجرد منه سمت روحه. احنا يا اخواني لا نريد - 00:24:39ضَ

ابدا اطلاقا ان نقف تحت شعار اننا نريد اننا نتعلق. ادي نقطة النقطة التانية ان الكلام اللي انا بقوله ده كلام صعب مش سهل اللي انا قلته من شوية ده حلو قوي بس اطبقه ازاي يا استاز؟ ده ده صعب - 00:24:59ضَ

كلام صعب ليه لانه بيني وبينك احنا تربية بيوتنا تربية آآ اسرنا معيشتنا بيئتنا وبيئتنا كلها تعلق انا اتولدت لقيت امي عايزة من ابويا فلوس عشان نجيب كزا وابويا بيقول لها ادعي لي ده انا نازل عشان عايز اجيب كزا. واشتغل كزا اقوم احقق الفجير الفلاني. وخالتي سمعتها بتقول لوالدتي كزا وعمي بيقول - 00:25:21ضَ

لوالدي كزا ولما نزلت في الشارع وقفت عالناصية الشباب اللي معايا عايز يغير الموبايل وده عايز يغير العربية ولما رحت المدرسة لقيت كذا ولما رحت يا استاز انا نبت هذه البيئة. ما تكلمنيش في الموعظة في المسجد من فوق المنبر ربع - 00:25:52ضَ

ساعة وتتصور ان هي هتجري في تربية البيئة كلها ما تقوليش كده. ما تقوليش ان التيار السياسي اللي اللي متربي على ان هو بيسعى لكي ياخذ الحكم ويصير هو الوزير وهو رئيس الوزراء وهو اللي ينتصر. ما تقوليش ان انا محتاج - 00:26:12ضَ

من هذا التيار السياسي ان هو يتجرد من من رغباته يبقى كده لوجه الله والوطن والمصلحة ازاي انت عارف ان ده مترقب عايز يبقى رئيس باي طريقة مستقتل. وده نفسه يدخل الوزارة فمستقتل وده نفسه يسقط كزا - 00:26:32ضَ

مستقتل ازاي متصور انك في ربع ساعة تطلع على المنبر في الجمعة تقول للناس طهروا قلوبكم قلوبكم بتتطهر بلاش سزاجة ولذلك انا اللي قلت لكم الكلام ده مش انتم اللي رديتوا به علي - 00:26:51ضَ

وانا بقوله لكم علشان اقول لكم نتخلص منه ازاي ببساطة طبعا برضه للمرة التانية انا مش بتكلم بالكامل ولا باستقصاء كامل ولا بناحية علمية انا بس بدي ومضات تفتح الموضوعات اللي مطلوب انكم تتدارسوها وتسمعوا الدعاة والعلماء وماذا قالوا في هذا - 00:27:08ضَ

الحل بسيط اللي هو وصدقوني قبل ما اقول لكم الحل ما فيش حل غير كده انتم كزابين وانا كزاب ومجتمعنا كزاب اذا لم يتعلم انه لما يحب يعمل حاجة يعملها بجد - 00:27:32ضَ

انما تقعد تسمع ويعجبك الكلام ولما تيجي تطبقه تقول مش هينفع لزلك اللي هقولهولك ده شيء سهل جدا دلوقتي بديل بس سهل تعمله انت مش قاعد تتدارس علشان تسمع معلومة علمية هتروح تقولها في درس بكرة في حتة تانية انت. شيلوا الكلام ده من زهنكم خالص. انت - 00:27:51ضَ

اتكلم الوقتي علشان تبقى من الذين يستمعون القول فيتبعون احسنه لازم تتعودوا ان نتبع ننفز نطبق الحل بسيط وهو ان انا ما دام عرفت ان هي دي البيئة اللي انا طالع منها وده نبت مجتمعي ان انا اغير البيئة - 00:28:14ضَ

اغير الشيء اللي انا نبت منه لازم اغيره ده. لازم ما ينفعش ابقى ابن طبعا جزى الله اباءنا كل خير. بس انا بتكلم بصفة عامة ما ينفعش ابقى ابن ابويا وابن امي وابن عمي وابن خالتي وابن جيراني وابن مجتمعي وجاري اللي فوق سمعتم - 00:28:37ضَ

بيتخانق مع جاره اللي جنبه عشان كل واحد منهم عايز متر زيادة لأ متر ناقص لازم اشيل البيئة دي خالص شكرا جزيلا واصنع لنفسي بيئة جديدة لا تأمرني الا بخير - 00:28:57ضَ

يا عم الشيخ قل كلام عملي اجيبها منين البيئة الحلوة اللي لا تأمرني الا بخير الصالحين نفسهم مش كتير ده انت حتى المشايخ يمكن لما يعرض علي الف شيخ يعجبني عشرة وما يعجبنيش الباقي. جايز اجيبها منين البيئة الحلوة دي! ولذلك - 00:29:15ضَ

ده طبعا الكلام ده انا بقوله من غير رد بس عليه دلوقتي يعني انا لا اقصد اقراره انما بقول لك اللي بيتقال لازم تصنع بيئة اخرى انا هقول لك ايه هي البيئة دي - 00:29:37ضَ

البيئة دي يا اخواني مش البشر. مش الناس اللي انا عايش بينهم انا محتاج اخرج بنسبة ما من الحياة اللي انا عايش فيها دي واعمل لنفسي بيئة اخرى خيالية سمعت واحد مرة من الجماعة - 00:29:49ضَ

يعني المبدعين يعني يقول ايه؟ يقول عالم نجيب محفوز عالم توفيق الحكيم عالم طه حسين جو الايام جو الثلاثية جو كذب نحن مش معقول الناس تتغنى بالقصاصين ومنهم المنحرف ومنهم اللي مش منحرف - 00:30:06ضَ

ولا اتغنى لا اتغنى بي بديني بمنهجي عشان كده انا عايز الناس تعيش الجو بمعايشة خمس اشياء خمس اشياء هتعيشهم ازاي دول؟ دول حاجات مش موجودة في المجتمع بتاعنا اول حاجة تعايش الرسول عليه الصلاة والسلام - 00:30:38ضَ

اول حاجة مش ده النموزج ولا بنكسب ولا لقد كان لكم في رسول الله حضرتك عاجبك جمال عبدالناصر وانت عاجبك كارل ماركس وانت عاجبك آآ سعد زغلول وانت معجب مصطفى كامل وانت معجب بفلان وانت معجب بفلان طيب هل انت صادق في انك مسلم فتريد ان تعرف محمدا صلى الله عليه وسلم - 00:31:05ضَ

الزعيم القائد السياسي الامام القدوة الرسول النبي الحاكم العادل المربي الداعية هل انت صادق طب بس آآ لو سمحت اعرفه ازاي؟ اه شف بقى هي الوسائل. اما سيديهات اما شرايط كاسيت اما كتب - 00:31:28ضَ

وكتيبات انزل يومين تلاتة في السوق اروح المكتبات انقي حاجات اما النت اما اما اما اما اما اما اما اما اما اما اما اما اما لان انا مش مطلوب مني اقرا مقال عن الرسول ده انا عايز اقرا الحواديت بتاعته القصص واحدة واحدة. عمل ايه هنا؟ عمل ايه هنا؟ عمل ايه؟ لحد ما - 00:31:50ضَ

حد مع مع قصصه. ايها الاخوة هذا اعلان مهم. المقصود بالمعايشة انك لما تسرح تجد نفسك امبارح في عالم النبي عليه الصلاة والسلام. خمس حاجات ان تعايش النبي صلى الله عليه وسلم بالتفاصيل - 00:32:08ضَ

وان تتدارس القصص وتتأثر به وتفهم معانيه. نمرة اتنين ان تعايش الصالحين الصالحين قصص الصالحين قراءة برضه واستماع برضه. يعني السلسلة دي عن الصحابة. السلسلة دي عن التابعين. السلسلة دي عن - 00:32:29ضَ

واحد كاتب ناس لقيتهم وبنشوف ناس كتير من الصالحين في حياتنا موجودين اقرأ عن الصالحين وعن الصلاح الشيء التالت اللي تقرأ عنه يبقى قلنا تعايش اه الرسول عليه الصلاة والسلام تعايش الصالحين تعايش - 00:32:50ضَ

الاخرة تعيش عيشة الاخرة هو انا هيحصل لي ايه على الميزان هيحصل لي ايه على الصراط هيحصل لي ايه هيحصل ايه للناس اللي على الاعراف الشبابيك اللي في على السور اللي بين الجنة والنار ده هيحصل ايه - 00:33:09ضَ

يوم البعث هيحصل ايه لو انا علي دين؟ هيحصل ايه لو انا صليت كويس؟ هيحصل ايه؟ هيحصل ايه مش ما هو كلنا عارفين اجمالا اللي يعمل صالح هيخش الجنة واللي - 00:33:31ضَ

يعمل سوءة يخش النار ده ده كده ده كده الفساد ازا ازا اقتصرت على الكلمة الثقافية النتيجة ان هي دون معايشة. وعلى فكرة ده سبب الكارثة اللي احنا كلنا واقعين فيها - 00:33:43ضَ

ان احنا واخدين الدين على انه معلومة زي المعادلة الكيميائية او الجبرية. واحد زائد واحد يساوي اتنين فبتاخدها كمعلومة لكن ما فيش معايشة انما في بعض الاحيان وانا لا انسى - 00:33:56ضَ

عند شرح بعض الاحاديث المشهورة المتكررة واللي بيشرحها نفسه لم يتمالك نفسه من شدة البكاء لما اكتشف فيها كل مع انه بيقولها كل يوم انما لما شرحها المعايشة فانت مطلوب تعايش الاخرة بمعنى تعرف منازل الاخرة. تعرف ازاي مين الناس اللي اللي ستمد يد الرحمة الى النار وتستخرجهم ويدخلون - 00:34:11ضَ

الجنة بانهم عملوا ايه اللي هيرحم ارملة اللي هي لازم تعايش وبالتفصيل تحكي الحكاية وبعدين الصراط وبعدين الميزان وبعدين البعث وبعدين الحشر وبعدين الجنة وبعدين النار وبعدين يعني بعدين القبر وبعدين تتكلم في تعايش مش تاخد معلومات - 00:34:36ضَ

سيادتك مش واخد معلومات عشان تروح تقولها بكرة في درس تبقى حافزها لأ يا بيه ده الكلام ده اللي مضيعنا ومخلينا كلنا عاملين حاجة وظيفية تعايشها حقيقة. الشيء الرابع الذي يلزمك ان تعايشه - 00:34:59ضَ

ان تعايش رب العالمين. الله من هو الله من هو الله ده الكفرة ولا اللي دخلوا جهنم دخلوا لانهم مش فاهمين كويس. قالوا وما رب العالمين ايه ده مين رب العالمين؟ وما قدروا الله حق قدره. طب حق قدره دي اجيبها انا منين انا شخصيا - 00:35:16ضَ

حق قدره وما قدروا الله حق قدره فدخلوا جهنم طب وانا هبقى حق قدر يهديه منين ده محتاجة مني شغل جامد جدا ظنوا بالله ظنا فربنا قال وذلك ظنكم الذي ظننتم بربكم اهلككم ارداكم - 00:35:44ضَ

ضيعكم ظن طب انا عايز احسن الظن بالله اعرفه كويس اعرفه ازاي وعايش طب وعايشه ازاي؟ يا سلام! ده ده تفسير ايات القرآن اللي بتتكلم عن ربنا. الله لا اله الا هو الحي القيوم. مش دي اشهر اية - 00:36:04ضَ

قل هو الله احد مش دي اشهر اية؟ الحمد لله رب العالمين الرحمن الرحيم. مش دي اشهر اية؟ اقرأوا تفسير الايات التي تتكلم عن الله. عايز اشرب العالمين علشان تحبه علشان تعرف انعمه علشان تعرف سابغ فضله علشان عينك تدمع وتقول يا رب. شف - 00:36:20ضَ

الحاجة الخامسة انت تعايش زي ما انا قلت لك اهو تعايش الرسول والصالحين من كل الاجيال والاخرة وتعايش رب العالمين. والحاجة الخامسة والاخيرة وعايش قضايا الاسلام شوف الناس اللي في الشيشان - 00:36:40ضَ

ولا في كسوفه اقرأ قصة اللي عملوه عشان تعرف انك صغير اوي شوف كشمير شوف اللي حصل شوف الائمة الذين بعثوا الدعوة الاسلامية في بلاد الاسلام. عش قضايا الاسلام. صدقوني يا اخواني لو انك عايشت - 00:37:03ضَ

هذه الامور الخمسة الله ورسوله وعباده الصالحين اه اه الاخرة وقضايا الاسلام هتلاقي نفسك في بيئة مختلفة. يعني ايه بيئة مختلفة؟ اقول لك بقى يعني انا وانا سني اربعتاشر خمستاشر سنة - 00:37:22ضَ

راكب اتوبيس نازل من بيتي راكب اتوبيس رايح المدرسة والله العزيم لا هتلاقي نفسك بتفكر في بيتك ولا في الاتوبيس ولا في المدرسة قاعد مسيطر على ذهنك مسلا سعد ابن ابي وقاص - 00:37:46ضَ

انت قعدت تقرا عنه وتتدارسه وتعايشه وقاعد تتناقش مع اخوانك لحد ما شعرت بعاطفة سعد ابن ابي وقاص ده انه كان عاطفة جياشة كانها فرشة المدينة كلها وعرفت عنه فتفضل عايش - 00:38:02ضَ

هكذا توجد البيئة اللي تلاقي ذهنك بيتعلق بها تلاقي املك بيتعلق بها تلاقي روحك بتتعلق بها. لو تعلقت بالصالحين وبالرسول وبالله عز وجل وبالاخرة موقفها ستعيش بيئة مختلفة. وانت محتاج تعيش بها مختلفة علشان تلحق قلبك. لانه القلب ازا فضل القلب ده ها عامل زي - 00:38:19ضَ

القطنة البيضا واعملوا لو سمحتم التجربة دي مع انكم عارفين نتيجتها. انا عارف انكم عارفين نتيجتها. بس لو سمحتم اعملوها. اعملوها عشان تشوفوها. اعملوها وانا كمان اعملها ان شاء الله - 00:38:45ضَ

بازن الله هات اشتري باكو قطن كده قطنة بيضا قطن طبي جميل وبلاها مية وحطها في طبق بنور ولا طبق نظيف جدا عشان اللي ما عندوش طبق بنور. طبق نظيف جدا - 00:38:59ضَ

واحطها ستجدها وسبها لبكرة هتلاقيها قاعدة تجمع سواد. القلب ده زي السفنجة على حسب اللي حواليها وبعدين حط السفنجة دي في اوضة فيها مدخنين وهاتها بكرة شمها تلاقي ريحتها دخان. حطها في اوضة معطرة وهاتها بكرة تلاقي راحات - 00:39:14ضَ

رائحتها عطر هي كده القلب عبارة عن سفنجة قطنة وضعتها في بيئة فلا تعرض احنا عارفين البيئات المحيطة طبينة مش هينفع اعيش في وسط الناس وانا مش قادر اعيش في وسط هذه الامور الخمسة. وهقول لكم سر خطير جدا - 00:39:34ضَ

انت عارف الصحابة اول ما بدأت الدعوة الاسلامية ليه كان قيام الليل فريضة عليهم نص الليل او اكتر او اقل شوية فريضة فريضة اقول لك ليه لان القرآن كان باللغة اليومية بتاعتهم. اللغة العادية بتاعتهم. فكان بالنسبة لهم فاهمينه قوي لغته اللي بيتكلم بها - 00:39:56ضَ

وفي نفس الوقت له متعة في بناؤه اللغوي اما تقرأ القرآن هتلاقيه في هذه الامور الخمسة. يكلمك عن الله يكلمك عن رسول الله. يكلمك عن انباء الصالحين من السابقة يكلمك عن الاخرة يكلمك عن قضايا الاسلام الكفار والمسلمين بيعملوا ايه في بعض - 00:40:18ضَ

فهو لما يقعد طول الليل او نص الليل يقرأ القرآن هو بياخد مدة طويلة عاملة زي الفلتر زي المصفى يعني. بيصفي قلبه بانه يسمع عن والرسول والصالحين والاخرة وقضايا الاسلام باللغة التي يحبها بالموسيقى التي يحبها فيخرج - 00:40:41ضَ

من الليل اللي قعد نص الليل نص الليل ده لما يقل خالص يطلع اربع ساعات. نصفه او انقص منه قليلا او زد عليه ورتل القرآن ترتيلا يقعد اربع ساعات يتدارس كل ليلة - 00:41:06ضَ

يا الله مرة تانية عشان احنا بنحب اصل الدروشة والوعظ وخلاص. دا واحد بيقعد كل ليلة اربع ساعات يعيش عيشة الناس دول بدل عيشة مين؟ بدل عيشة قريش بدل عيشة الكافرين - 00:41:20ضَ

بدل عيشة المشركين فيبقوا هم برة عندهم صاحبات الرايات الحمر عاملين بيوت دعارة وعندهم اللي بيشربوا خمر وعندهم كزا وانا بدخل اربع ساعات اتدارس هو ده ازا كنتم ناويين بجد - 00:41:38ضَ

ننقز قلوبنا علشان نعرف نؤسس عمل عمل احنا مش عايزين نؤسس عمل يكرر انحرافات تاريخية ضخمة في تاريخ الاسلام والمسلمين عايز تؤسس عمل قدامك شعبان ورمضان وشعبان ما ادراك ما شعبان - 00:41:57ضَ

الشهر الذي يطلع الله سبحانه وتعالى اطلاعه السنوي سبحانه وتعالى عن الزمان وانما هكذا ترفع الاعمال الى الله عز وجل في شهر شعبان من كل سنة شهر عرض الاعمال على ربنا ورمضان بعده ادي هدود. دي شغلتك بقى. تقعد - 00:42:17ضَ

تبدل البيئة تبدل البيئة ما تقوليش البيئة اللي انا عايش ما هو دول اللي في شغلي. ما هو اصل انت قاعد مع مين؟ والله انا بطول زيادة عن اللزوم ما لهاش لازمة. انا عايز اخلص. بس على كل - 00:42:37ضَ

انا قاعد مع زملائي في العمل ما ينفعوش مع جيراني في السكن ما ينفعوش مع ابويا وامي على عيني وراسي بس مش هو دي التربية الاسلامية عايزها مع مع صحابي في اللي بقف معهم على الناصية مش هم دول اومال فين منين بتجيب؟ منين القطنة؟ منين الرائحة - 00:42:50ضَ

هتأتي في السفنجة فلازم يا اخواني تبدل اعمل معروف تبدل البيئة. طب امتى يا شيخنا هنعمل الكلام ده يعني احنا اتفقنا هنعرف ازاي الخمس حاجات دول عن طريق زي ما قلت لكم بقى الاسطوانات والسيديهات والديفيهات وال كاسيتات والكتب والكتيب - 00:43:10ضَ

والمدارسة والقعدة والجلسة وكل ده طب امتى ؟ اه مش بالصدفة ولا ولا على حسب الزروف لازم عن طريق الترتيب اللي بيسموه الوظيفة الصوفية يسموها الوظيفة. يعني توظف نفسك عليها اللي هي ادومه وان قل - 00:43:33ضَ

فالوظيفة يعني ايه الوظيفة؟ يعني لازم تثبت الزمان والمكان لازم تثبت الزمان والمكان. تقول لي ان انا كل يوم بعد صلاة الفجر. طبعا يا ريت تبقى الكلام ده الصبح الحقيقة. لا يا ريت. افرض بقى - 00:43:54ضَ

الصبح لا ده انا بصحى متأخر ويدوبك على الحق الشغل خلاص يبقى بالليل قبل ما تنام. لأ ده انا برجع تعبان اتصرف بقى يا استاز. انت اختار المعاد مش انا اللي هختاره لك - 00:44:10ضَ

العصر الصبح الضهر آآ وبس ايه بقى؟ وانت فاضي يعني ايه فاضي؟ يعني لما لما التليفون المحمول يرن مش هتشوفه الشاشة مين اللي مش مش هترد لأ مش هتسمع جرس - 00:44:20ضَ

قالت له اخالي ما فيش حد ينده عليك. رح انزل المسجد عشر دقايق بين صلاتين واقعد كده في جنب لازم وقت خالي في خلوة فاضي او في مدارسة ومحدد وما فيش لا موبايل بيرن ولا ابنك بينده عليك ولا والدك عايزك في حاجة وانما انت بتقول لهم عن ازنكم انا رايح المسجد وهرجع بالمغرب - 00:44:36ضَ

تقعد بين المغرب والعشاء في مسجد لوحدك او مع حد تتدارسه النهاردة سعد بن ابي وقاص وبكرة برضه سعد بن ابي وقاص وبعده برضه سعد سيدنا ابي وقاص وبعده وبعد لحد ما نخلصه. وبعدين هناقش سيدنا موسى ونتدارس وبعدين موقف الحشر وبعدين صفة الله - 00:45:00ضَ

الله الجليل وبعدين قضية كشمير وبعدين هكذا اذا عاش الانسان في هذه القضايا نجا من بيئته. طيب انا برضو عايز ابني البيئة الجديدة اللي انا بعملها على اساس ناس حية قدامي وانا شايفهم - 00:45:20ضَ

ناس صالحين واحنا عشنا بقى طول العمر دي اعتبرها نمرة تلاتة عشنا طول العمر بنقول صحبة الصالحين وبنقول لك ازرع نفسك زرع في بيئة الايمان والتقوى والهدى لكن هيجي واحد وكلكم وكلنا لازم نعمل كده. يقول لك يا عم الشيخ هم فين الصالحين - 00:45:46ضَ

دنا من قرية كزا اللي موجود في القرية كلها تلاتة بس هم اللي اسأل الله انهم يكونوا صالحين. طبعا ان شاء الله اكتر من كده بكتير بس انا يعني ولما بالاقي حد من - 00:46:10ضَ

طالحين كمان ما بيبقاش فاضي لي اصاحبه ازاي؟ ده راجل قاعد يدرس علم شرعي ولا بيسافر ولا عنده برضو اموره وانا برضو عندي امور وان حد فاضي هجيب منين الصالحين انت قاعد تقول لي صحبة الصالحين صحبة الصالحين اجيب منين الصالحين - 00:46:22ضَ

والاجابة حاضرة وواضحة ومش انا اللي مؤلفها وانما هي ايضا في دين الله ان الله عز وجل شرع لنا صحيح صحبة الصالحين لكن كانه قال بس ازا ما لقيتوش الصالحين ازا لم تجدوا الصالحين - 00:46:41ضَ

انا هقول لكم حاجة بدلها ابحثوا عن الناس في وقت صلاحهم في وقت رقة قلوبهم. يعني ايه؟ يعني واحد عادي يعني من المتوسط العام. بس ابنه لا قدر الله صدمته - 00:47:05ضَ

طيارة فهو في حالة قلبية من من محاولة الصبر واللجوء الى الله ومكابدة الالم واحد تاني امه في المستشفى بين الموت والحياة في غرفة العناية المركزة. تروح تلاقي قلوب والله يا اخي الكريم واحد تبقى انت اللي قاعد - 00:47:25ضَ

طول العمر تدعوه الى الله وترقق قلبه وهو ما فيش فايدة. تأتي في لحظة تجد قلبه ده صار رقيقا جدا جدا في غاية الرقة لانه بين الخوف والرجاء يعصره الخوف من شيء والرجاء في شيء. يتمنى النجاة ويخاف من الفشل - 00:47:47ضَ

في البحر مثلا والمركب مش عارف ايه وبيقول تجد قلوب ولزلك روحوا للناس في عنابر في قسم الحوادث في غرفة العناية المركزة الذي مات له ميت فجأة عارف تروح لمين كمان؟ روح للتائب حديثا - 00:48:10ضَ

يا سلام الانسان واحد من الاتنين يا اما عمل زنب شديد فوجعه قوي فاصبح وانا حتى الان والله يا اخواني اقسم لكم بالله قابلت رجلا من يمكن من تلاتين سنة وانا راجل شيخ وبدي دروس في الجامع - 00:48:34ضَ

من تلاتين سنة وفي مركز مرموق وشاب شاب وهو لعله لا يذكر لعله يعني لا يتوقع هذا لا لازم يكون يذكره لكن لعله لا يتوقع ولعله تغير ورجع وحش تاني الله اعلم اسأل الله الا يكون كذلك وان يكون على خير - 00:48:57ضَ

قابلته من تلاتين سنة او بالادق من من يعني مسلا من تسعة وعشرين او تمانية وعشرين سنة سنة خمسة وتمانين آآ حاجة زي كده يعني هذا الشاب كان شاب عادي جدا لا يصلي ربما - 00:49:16ضَ

بل كان لا يصلي ولا ولا ولا انما وقع في ذنب لاول مرة استعظمه جدا فلقيته والله طول التمانية وعشرين سنة دي لا انسى هذا المنزر شفت عنين عاملة زي ثمرتي الطماطم زي القوطة الحمرا - 00:49:33ضَ

من البكاء لا يرقأ له دمع مش مش راضي وبيتزلزل وقاعد يقول اعمل ايه؟ طب اروح السعودية عشان يقيموا علي الحد طيب يعني احمل ايه؟ وتقول له ما تقول له يقول لك لا مش كفاية مش معقول. وبعدين تقول له يرجع تاني معقول كذا وتحس ان هو خلاص - 00:49:57ضَ

هذا الشخص في هذا الوقت هو لا يعلم انه اثر في الشيخ اللي هو سأله تمانية وعشرين سنة هذا عبد نادم مع انه جايز بعد كده الله اعلم ايه اللي حصل له انا ما شفتوش بعد كده. ولا اعرفه ولا فاكره ولو شفته قدامي وقال لي انا فلان ما افتكروش ولا افتكر اسمه. انما هذا الشكل لا - 00:50:21ضَ

زالوا يخاطب قلبي انا شخصيا من ساعتها حتى الان. وكان في منصب مرموق من المناصب المرموقة للشباب يعني مسلا واحد يتعين مسلا وكيل نيابة سفير في الخارجية مش عارف حاجة يعني بتلمع كده - 00:50:41ضَ

طبعا انا فاكر بس يعني بتلمع لكن لا انسى هذا الشاب ابدا والله اعلم يمكن اقترف تعود لا قدر الله هذا الجرم بعد ذلك. انما لحظة الندم البالغة جعلت قلبي انا ينفعل - 00:50:58ضَ

كذلك لحظة التوبة. واحد لسه جديد واحد يقول والله ما كنت اعرف توفي لنا ميت من يومين كنا مشغولين بهذا الامر عليه رحمة الله ورضوانه انا شاهد على الفترة التي انتقل فيها من من من يعني من العربدة كان جاهلا لا يعلم - 00:51:16ضَ

ثم هداه الله بدعوة امرأة فتاة ذهب اليها ليتزوجها هداه الله بدعوتها والله. جزاها الله خيرا يا سلام! فتحول ورأيت هذا التحول. هذا الشخص والله ما اتذكر والله ما اتذكر انني نفعته - 00:51:38ضَ

باكثر مما نفعني بل نفعني الله به اضعافا وانا رأيت فالتائب فانت روح للتائب روح للنادم روح للامل في رحمة الله روح لمن مات له ميت روح واحذرك انك تكرر المرواح - 00:52:01ضَ

لنفس النوع باستمرار هو هو. اوعى تعمل كده لان زي زي الحانوتي الحانوتي بيكفن كل يوم ويغسل كل يوم لكن خلاص تعود على الامر لم يعد فيه جديد انت محتاج جديد فتذهب اليوم - 00:52:22ضَ

لليتامى يتيم ابوه ميت اعرف يتيما مكسورا لكنه علم بمسألة ازاي تعامل اليتيم. فاذا عملته بالطريقة الواردة في السنة يغضب ويثور في داخله لانه عرف انه صار محل اشفاق. فاصبح اشفاقك عليه ان تعامله معاملة الند احيانا - 00:52:40ضَ

بصورة تحتاج فيها لمزيد من الحساسية علشان تتحبب اليه من غير ما ينكسر وتروح بيتك تبكي على اللي مش عارف حتى تطبطب عليه مش عارف تاخده في حضنك مش عارف تمسح على شعره. لانه عارف ان الكلام ده معناه ان الناس تبحث عن ايه؟ انه يتيم. شف اسمع - 00:53:05ضَ

ابحث عن المكسورين مش انت مش لاقي بيئة صالحة خلاص دور على لحظة صالحة عند شخص. واحد عادي بس دي لحظة صلاحه انه تائب انه نادم. انه كسير انه بعد ما كان ملء السمع والبصر وانا شفت هذا - 00:53:28ضَ

واحد ملئ السمع والبصر بس اصبح ممدد في الفراش فكل ما يدخل عليه واحد يبكي الولد يبكي الراجل اللي في السرير يبكي ليه؟ كلمة صعبان عليه نفسه يعني ايه؟ يعني كنت ثم صرت - 00:53:48ضَ

ده انا لما بحب اتقلب من على جنبي اليمين على ضهري بييجوا اتنين يقلبوني مع بعض بالتساوي علشان العمود الفقري ما يحصلش فيه كزا صعبت عليه نفسه. هذا يكون شف الحديث بيقول ايه؟ بيقول رح زور المريض لانك لو زرته لوجدت الله عند - 00:54:03ضَ

له مش دي مش الحديس كده يوم القيامة الله يقول للعبد مرضت فلم تعدني ما جتش تزورني فيقول العبد يا ربي كيف اعودك كيف تمرض وانت رب العالمين فيقول له مرض عبدي فلان - 00:54:23ضَ

ولو عدته لوجدتني عنده. هو ده اللي بيحرك القلب. انت رايح للعبد اللي ربنا عنده ربنا عنده روح له بقى روح له بقى روح طب ما عنديش حد قريبي ولا صاحبي مريض هو لازم قريبك ولا صاحبك ما تروح يا اخي مستشفى بولاق الدكرور المستشفى المنيرة ومستشفى احمد ماهر وشف الغلابة - 00:54:43ضَ

اللي يمكن المستشفى مش راضية تدخلهم روح وشوف علشان القلب ينكسر يقول النبي النبي صلى الله عليه وسلم يقول ابغوني عايزني ابغوني في الضعفاء فيكم روح للضعيف امسح على رأس اليتيم اطعم المسكين - 00:55:07ضَ

شف الغلبانة الغلبانة اللي في الشارع وبدأت مش بدأت الفت ان يعتدوا عليها بالكلام الجنسي ولا بالمعاكسات لانها لازم تاكل عيش مش لازم تبيعوا مناديل روح روح للكسير روح للكسير لتجبؤ حتى لو ما معكش فلوس - 00:55:33ضَ

روح فرحه بكلمة روح قول له نكتة يا اخي. رح يعني سليه تروح بسورة او باخرى الحقيقة لا يبقى في هذا الا مسألة صحبة الصالحين حقيقة بقى. لأ الصالحين موجودين - 00:55:58ضَ

بس انواع فيهم واحد مسلا يخاف من القرش الحرام واحد يخاف من النظرة الحرام. واحد لا يؤخر الصلاة. واحد لا يترك صلاة المسجد تلمس الصالحين وانكسر معهم - 00:56:18ضَ