باحث

الحمد لله رب العالمين احمده واستعينه واستهديه واستغفره. ونعوذ بالله من شرور انفسنا ومن سيئات اعمالنا. انه من يهده الله فهو المهتد. ومن يضلل فلن تجد له وليا مرشدا الى ونصلي ونسلم على المبعوث رحمة للعالمين. سيدنا محمد وعلى اله وصحبه - 00:00:12ضَ

ومن تبع هداه. اما بعد طيب تلخيص سريع للي حصل المرة اللي فاتت ايه حكاية التوازن التربوي ده؟ قلنا كل فرد فينا بيتكون من اربع حاجات رئيسية. مم مين فاكر - 00:00:42ضَ

الكبد والطحال وايه كمان؟ العقل والقلب والروح والجسد. عقل قلب روح جسد. وكل حاجة من دول ربنا سبحانه وتعالى بيديها ضعيفة او فاضية. وبيدينا ادوات نقويها او نملاها فالقلب ربنا بيقول هو الذي اخرجكم من بطون امهاتكم لا تعلمون شيئا. وجعل لكم السمع والابصار والافئدة - 00:01:02ضَ

لعلكم تشكرون. فخلقنا بعقول فارغة وادانا ادوات لملأ هذه العقول بالعلوم والمعارف يبقى لما انا اكتسب العلوم والمعارف دي اسمها تربية معرفية. ودي تربية للعقل. واحد مسك كتاب التفسير قرأ كتاب تفسير انت ربيت عقلك. قريت كتاب للشيخ قرضاوي ربيت عقل - 00:01:38ضَ

قريت كتاب في الفيزياء بتنمي عقلك. طب والانسان لما يكسل في تربية العقل يبدأ يصاب بالجهل. والجهل يوقع الانسان في الشبهات ويوقع الانسان في البدع. ويوقع الانسان في الكفر كمان - 00:02:08ضَ

نيجي بقى للقلب ربنا سبحانه وتعالى خلقنا كل مولود يولد على الفطرة. فالقلب جاهز بالفطرة للايمان ولكن يجب شحنه بالايمان تماما مثل بطارية الموبايل. اللي بتموت منك كل يوم لازم تشحنها لمدة ساعة - 00:02:29ضَ

كزلك القلب له طريقة لشحنه يبقى تربية القلب دي اسمها التربية الايمانية. او التربية القلبية. دي اللي سيدنا ابراهيم ما اتكسفش يطلبها من ربنا وسيدنا ابراهيم ابو الانبياء وطلب التربية الايمانية. قال ربي ارني كيف تحيي الموتى؟ قال اولم تؤمن؟ قال بلى ولكن - 00:02:49ضَ

ليطمئن قلبي. فكلنا قلوبنا تحتاج الى التربية. وده اللي احنا بصدده في هذه الدورة تربية الايمان. التربية الايمانية هنتعامل مع القلب طيب خليني اقول لكم حاجة بقى عشان بالنسبة للموبايلات. احنا محتاجين تمويل للفيلم الجديد في مؤسسة جسور - 00:03:14ضَ

فايه رأيكم الموبايل اللي يضرب نبيعه في مزاد وندي فلوسه لمؤسسة جسور. متفقين؟ متفقين من فضلك لا تغلق الموبايل. خلاص. نيجي بقى نتكلم في الروح. ربنا سبحانه وتعالى ادانا ونفس وما سواها. فالهمها فجورها وتقواها. قد افلح من زكاها وقد خاب من دساها - 00:03:44ضَ

ادانا روح قابلة للفجور والانفلات. وقابلة ايضا للتزكية. والتنمية احنا دي دورة بعدها ان شاء الله بعد ما نخلص الشهرين دول هنخش شهرين تانيين تنمية روحية هنتدرب فيها على ايه؟ على الاخلاص لله وعلى التواضع الحقيقي - 00:04:16ضَ

الغير مصطنع. تكون فعلا انسان متواضع. نيجي على بعد كده التربية بتاعة الجسم التربية الحركية. يعني ايه؟ يعني انت دلوقتي واحد طلبت العلم وبقى عندك ثقافة. وقويت قلبك بالايمان. وما شاء الله - 00:04:46ضَ

دخلت التربية الروحية وماشي على عليها تمام وبقيت راجل متواضع ومخلص. لكن كسلان. لا تتحرك بهذا العلم ولا يدفعك هذا الايمان لخدمة مجتمعك. فتبقى انسان خامل. مجتمعك لا يستفيد منك. يبقى احنا نريد - 00:05:06ضَ

نتحرك في المجتمع ايضا بالدعوة. دي التربية الحركية. انا ما عنديش دي ولا عندي الاولانية. انا عندي التربية الايمانية التربية الروحية ناخدهم بس الاول وبعد كده ربنا يبقى يسهلها ان شاء الله. التربية العقلية والتربية المعرفية هي بطلب العلم. تقرأ ودي ان شاء الله لها - 00:05:26ضَ

بس عندنا من الدقيق تعرف انت تختار ازاي قراءاتك والحاجات دي. طيب بسم الله الرحمن الرحيم. نبدأ بقى بداية التربية الايمانية صلي على رسول الله. دلوقتي عايزك تتخيل كده ان انت ماشي في الشارع لقيت راجل سكران - 00:05:46ضَ

ومدروخ ونايم في الارض نايم خالص. وعارف انه سكران ليه ؟ لان جنبه ازايز خمرة واقعة عايز تعظه. عايز توعظه. هتقول له ايه؟ مين يقول لي كده تقول له ايه؟ لأ بص حضرتك اللي حاضر الدورة دي قبل كده انا عارفه كويس - 00:06:06ضَ

صح. ما ينفعش توعظه لانه نايم. يبقى انت لازم توقظه. لازم تفوقه الاول حلو اوي. هو ده نفس الكلام. انت دلوقتي قلبك نايم. وعايز الايمان لازم تصحيه الاول. لازم نوقظ القلوب بتاعتنا من غفلتها - 00:06:36ضَ

ثم نبدأ نسير بها نحو الله فعايزين نحل المشكلة دي. عشان تحل المشكلة لازم تدركها. ايه هي المشكلة؟ ايه هي مشكلتي ايه هي مشكلة مجتمعنا؟ ايه مشكلة العالم كله هي المشكلة الازلية ضعف الايمان - 00:07:06ضَ

عندنا مشكلة ضعف ايمان عايزين نتعامل معها. يبقى لازم نتعامل مع القلب. بس القلب نايم. يبقى لازم نصحي القلب نصحيه ونصلحه. ليه؟ عشان يبقى قلب سليم. يوم لا ينفع مال ولا بنون. الا من اتى الله بقلب سليم - 00:07:27ضَ

بس مش هينفع نصلحه الا لما نفوقه نفوقه ازاي شف يا سيدي كما ان ايقاظ النائم قبل وعظه مهم ايقاظ القلب قبل شحنه بالايمان. مهم نوقظه ازاي بقى بالخشية لازم اخوفه. بالخوف من الله. وده دور الخوف من الله - 00:07:47ضَ

اوقد القلب بس. اول ما ايقظته في اساليب اخرى بقى تشحنه بالايمان. ربنا بيقول سبحانه وتعالى تذكروا من يخشى. ويقول تعالى ان في ذلك لعبرة لمن يخشى وانذر به الذين يخافون. فلابد من تخويف - 00:08:16ضَ

القلب الرسول عليه الصلاة والسلام بيقول من خاف ادلج. ومن ادلج بلغ المنزل. الا ان سلعة الله غالية. الا ان سلعة الله غالية. الا ان سلعة الله الجنة. يعني ايه؟ من خاف ادلج الدلجة - 00:08:46ضَ

هو المشي ليلا. المسافر اللي خايف هيمشي بالليل عشان يقطع المسافة. هو مش اول ما الدنيا هيقوم قاعد مريح في الصحرا لتاني يوم بعد اتناشر ساعة يبتدي يمشي تاني لا لا لأ بالليل هيمشي هيولع حاجة وهيمشي فمن خاف ادلج ومن - 00:09:09ضَ

ادلج بلغ المنزل. هيوصل. الا ان سلعة الله غالية. الا ان سلعة الله والله الجنة كل حاجة بتخشها بتمن تخش تركن بطمن ده انت بتركن في الشارع قدام المسجد بتمن. ما حدش بيرحمك. كل حاجة لها تمن. اشمعنى الجنة اللي ببلاش - 00:09:29ضَ

الجنة بقى دي سلعة ربنا وغالية لابد من تضحية. ولكن لابد من اننا نخاف اولا. الخوف اللي بنتكلم عنه خوف جيبي مش سلبي. لان الخوف بتاعنا ده تخويف القلب يدفع للعمل. الخوف عادة يخلي الانسان ما يعملش - 00:09:56ضَ

خايف يعمل حادسة ما يسوقش ويقعد في البيت. خايف يا مش عارف ايه ما يروحش. فالخوف عادة سلبي. احنا الخوف بتاعنا ايجابي يخلي الانسان يعمل. واما من جاءك يسعى وهو يخشى. هو عشان يخشى - 00:10:19ضَ

سعى الى العلم وسعى الى المعرفة وسعى الى الايمان. فالخوف اللي بنتكلم عنه خوف ايجابي. لزلك انا هتكلم النهاردة من كتاب اسمه التوهم. التوهم بتاع واحد اسمه الامام الحارث المحاسب - 00:10:39ضَ

والتوهم يعني التخيل. بيقول لك توهم ان يعني تخيل ان فهو ايه ده حتى انا ده كنت اديت المحاضرة دي بالانجليزي في امريكا وسميناها يعني مستشفى الخيال. ده مكان تدخل فيه تتعالج. انك تتخيل - 00:10:59ضَ

تخيل ايه بقى؟ هنتخيل نفسنا متنا فانت النهاردة كده هاخدك في رحلة كده في الموت. عشان ما يخوفكش. اخوف حضرتك لو حاسس انك عايز تغمض عينك في اي لحزة كده وانت بتتخيل غمض. عايزاك تخاف من غمض. تخاف من الموت يعني تخاف من لقاء ربنا يعني - 00:11:29ضَ

تخيل كده انك وانت راجع النهاردة كده عملت حادسة وجاء لك ملك الموت ايه شعورك بقى وانت شايفه قدامك كده داخل عليك بيمد ايده يطلع من بوقك روحك هتقول له ايه ؟ استنى اديني فرصة. صح؟ اديني مهلة. فتح عينك وخلاص دلوقتي خلاص - 00:11:55ضَ

فتح هنا بقى وركز معنا. لو اداك مهلة اربعة وعشرين ساعة. تخيل كده الاربعة وعشرين ساعة دول هيبقى شكلهم ايه خلاص انت دلوقتي رجعت عملت حادسة ملك الموت قلت له ابوس ايدك اديني اربعة وعشرين ساعة. مش هيحصل لكن هو تخيل انه قال لك اوكي - 00:12:22ضَ

خد اربعة وعشرين ساعة هتعمل ايه؟ هترجع تفتح عمرو اديب؟ اتكلم بصراحة هترجع تتفرج على التليفزيون؟ من الاخر يعني مع احترامنا للجميع يعني. هترجع تتفرج على التليفزيون؟ لأ مش هيحصل. هترجع تقوم الليل على طول. بكرة طبعا صيام. شف بقى لها اخر مرة افطر فيها - 00:12:42ضَ

يلا اعملوا لي فول وبيض. لا لا بكرة هتصوم. انت متخانق مع والدك ووالدتك. هترجع تبوس ايديهم. وهتبرهم وهتوصل الرحم المقطوعة. صح؟ هتمسك نوتة التليفونات وتطلع نمرة عمك وخالك وخالتك والناس اللي بقى لك سنين ما سألتش - 00:13:02ضَ

وتعيد الحقوق الى اهلها. في حاجة انت شاكك فيها كده موجودة عندك وهي مش بتاعتك. او انت شاكك ان انا مش من حقك. هتكلم حد وهتستسمحه. او هترجعها. وهتكلم اللي اغتبته وتقول له سامحني. انا جبت سيرتك كده - 00:13:22ضَ

مرة غصب عني وانا متضايق. ايه هي الحاجات اللي انت هتعملها في الاربعة وعشرين ساعة دي؟ دي الليلة لما ترجع تكتب كده حاجة اسمها قائمة الامنيات. الاشياء التي تتمنى ان تمهل عند - 00:13:42ضَ

الموت يوم عشان تعملها. قائمة امنياتك ايه؟ ده اول واجب علينا النهاردة طبعا المهلة هتقصد. عشان تبقوا عارفين يعني. ما فيش حد هيقدر يتعامل مع ملك الموت ويقنعه انه يأجله. المهلة - 00:14:02ضَ

وهيبدأ ملك الموت يجذب روحك. من قدمك. استشعر كده الالام مش الام بس الجسدية. ده الام نفسية قلق. انا خلاص بموت. شريط سينما هيمر قدام حياتك كلها عملت فيها ايه ؟ وهتفتكر الذنوب ارتكبتها من عشرين - 00:14:22ضَ

سنة وكت ناسيها وانت بتموت بتفتكرها. اه خايف منها جسدية والام نفسية والروح بتنزع من الجسم. وقلق لانك بتنتظر رؤية وجه ملك الموت. انت عارف ان هو دخل لكن ما شفتش وجهه لسه. ومنتظر بقى وجهه هيكون وجه جميل ولا وجه قبيح - 00:14:52ضَ

يا ترى ايه بقى ايه اللي هيحصل ؟ لو بصيت في وجه ملك الموت لو كان وجهه جميل هيظهر ويقول لك ابشر يا ولي الله. برضى الله وثواب الله في لحزتها هتدرك انك قد فزت. انك قد نجوت - 00:15:22ضَ

وهتشعر بالاطمئنان. القلق هيتحول الى اطمئنان وهدوء وفرح وانت بتموت هتفرح. لا شفت وجه ولا ملك الموت جميل وبيقول لك ابشر يا اول حاجة يعملها هيطمنك ابشر يا ولي الله برضا الله وثواب الله - 00:15:52ضَ

هنبدأ او لا قدر الله يظهر لك بوجه قبيح ويقول ابدي ابشر يا عدو الله بغضب الله وعقاب الله. فتدرك انك قد هلكت انك قد خسرت ويتحول القلق الى انفعال ويأس - 00:16:16ضَ

وحزن ممكن يحصل دلوقتي على لو حبينا نعرف مين اول واحد هيموت فينا مش هنلم تواريخ الميلاد منكم ونشوف اكبر واحد فينا يمكن اصغر واحد. وده الغريب في مسألة الموت. شوفوا - 00:16:46ضَ

سبحانه وتعالى بيقول الذي خلق الموت والحياة ليبلوكم ايكم احسن عملا. يبلوك يعني يمتحنكم يختبركم كل اختبار له نقطة بداية ونقطة نهاية. يجي لك كده الورقة بتاعة الامتحانات يقول لك ايه امتحان مادة الرياضيات. يبدأ في الساعة الثامنة وينتهي في الساعة العاشرة - 00:17:08ضَ

قال لك اهو نقطة البداية ونقطة النهاية. حياتنا بقى دي اختبار لكن ربنا اعلم لك نقطة النهاية الاول لانها هي الغريبة. الذي خلق الموت. نقطة النهاية والحياة نقطة البداية ليبلوكم ايكم احسن عملا. الغريب في نقطة النهاية بتاعتنا ان - 00:17:38ضَ

آآ ورقة الاجابة بتتشد في اي لحزة. ما حدش عارف هيتشد امتى. فلازم باستمرار تكون عامل اللي عليك مت هيبدأ الحساب في القبر. ما بين بقى موتك والمقبرة ده الواجب اللي عليك الاسبوع ده هابقى اقوله لك. تعمل فيه ايه ؟ ده ورد تاني بقى. وده - 00:18:05ضَ

ده واجب الاسبوع ده بس. عشان الواجب ده مخيف شوية. وبعض الاخوات بالزات بيكسلوا يقول لك ما قدرناش نعمل الواجب. ليه اصلي خفت. خفت ايه؟ خفت اخاف. ما احنا عايزينك تخافي. ايوا. فالواجب ده هنعمله ان شاء الله الاسبوع ده بس - 00:18:35ضَ

بنصحي القلب بس. بعد كده عندنا واجبات تانية خالص وممتعة جدا ولزيزة جدا. المهم دخلت القبر جا لك الملكين نادوا عليك يا فلان او يا فلانة. جلست والكفن وقع كده. على جنابك والقطن اللي حاطينه في مناخيرك وفي ودانك راح واقع في حجرك. وهتسأل - 00:18:55ضَ

اما ربنا هيثبتك على الاجابة يا اما هتحتار في الامر ولن تلهم الاجابة. بيقول ان العبد اذا وضع في قبره وتولى عنه اصحابه اللي راحوا دفنوه مش هيستنوا هيسيبوك. وانه ليسمع قرع نعالهم. وانت - 00:19:25ضَ

انت سامع اقدامهم ماشية وسايبينك يأتيه الملكان يجي له ملكين فيقعدانه يقعد فيقولان له ما كنت تقول في هذا الرجل كنت بتقول ايه في الرجل؟ اللي احنا اللي ارسل اليك. المؤمن يقول - 00:19:55ضَ

اشهد انه عبد الله ورسوله فيقال له انظر الى مقعدك من النار قد ابدلك الله به مقعدا من الجنة. فانت لو مؤمن يقال لك شايف المقعد ده في النار بص يا نهار ابيض - 00:20:15ضَ

يقول لك ما تخافش اطمن ربنا ابدلك به مقعد في الجنة. فالنبي عليه الصلاة والسلام بيقول فيراهما جميعا. فتشوف ده وده ده شعور بمنتهى الفرحة. منتهى الاحساس بالفوز. ويقوموا ضاربين برجلهم جانب القبر - 00:20:39ضَ

انفرج القبر عن النار وترى الحريق بتاع النار. والحريق متأجج نار متأججة ومقبلة فتنظر الى ما صرف الله عنك فتفرح وتزداد سرورا كل ما تشوف هذا العذاب الشديد اللي ربنا نجاك منه توقن بانك قد - 00:21:01ضَ

سلمت ثم يضربوا جانب القبر الاخر فينفرد اجعل الجنة بزينتها ونعيمها انهارها. ويقال لك يا عبد الله او يا امة الله الله انظري الى ما اعد الله لك. فهذا هو منزلك وهذا مصيرك - 00:21:28ضَ

السرور يزداد اكتر والفرح يزداد اكتر والقلب يطمئن اكتر انك بتعاين بتشوف بنفسك مش كنت انت كنت بتسمع بس قبل كده انت شفت بنفسك نعيم الجنة وعذاب النار وعارف ان ربنا - 00:22:00ضَ

نجاك من دي ودخلك دي شيء جميل. او يحصل العكس. لا قدر الله. انك تنظر الى الجنة بنعيمها ويقال لك ابدلك الله بهذه النار. هنا يحصل العكس يحصل انك توقن يعني يزداد - 00:22:17ضَ

غمك وهمك يصبح لا شعور لك الا الحسرة والندم وهكذا في القبر واحد ورا التاني الى ان يكتمل الموتى ويصبح لا يوجد احياء على الارض. خلاص كله يموت. تقوم القيامة تخلو الارض من السكان - 00:22:40ضَ

كلهم لا يبقى عليها لا انسان ولا حيوان ولا حشرة ولا انس ولا جن ولا حاجة خالص حتى الملائكة هتموت كله هيموت. كله يخمد لا حركة لا حس. لا شخص يرى - 00:23:10ضَ

ولا يبقى الا الجبار. ويقول لمن الملك اليوم ما فيش حتى حد يرد فيقول لله الواحد الجبار. ثم الله سبحانه وتعالى يحيي بعض الملائكة فيبدأ ينادي المنادي كل الخلائق تقوم للعرض على - 00:23:32ضَ

الله يا ترى بقى وانت في القبر واقع الصوت ده بينادي ببداية يوم القيامة والعرض على الله هيبقى وقع عليك ايه؟ هتقول ايه الحمد لله مطمئنة هتبقى ولا تبقى قلقان - 00:24:03ضَ

استحضر بقى الشعور. شعور القلق. تدعى انك تقف امام الله الواحد القهار لتحاسب يدعو الداعي تنشق الارض فوقك. قم اقف هتقف وتلاقي كل الدنيا واقفة جنبك. كله عريان. كله مغبر. كله مطرب - 00:24:26ضَ

ما انتاش عارف تفتح عينك من التراب تبقى لك ملايين سنة تحت في التربة. تدعك بقى عينيك وتشيل التراب تشيل. وتشيل من ودانك وخبر وكله كده حواليك واقف حواليك. وبعدين نبدأ نتحرك كلنا نحو الصوت. في - 00:24:58ضَ

الصوت جاي بيدعونا الكل يتحرك نحو الصوت. يومئذ يتبعون الداعي لا عوج له. وخشعت الاصوات للرحمن. فلا تسمع الا همسا. واحنا ماشيين كلنا نحو الصوت وانت مش سامع غير همس - 00:25:18ضَ

حواليك ناس بتكلم بعض احنا رايحين فين؟ احنا بنعمل ايه؟ ما حدش بيجرؤ يعلي صوته احسن يتجاب وضع مخيف. والكل ماشي ذليلا منكسرا الى ارض المحشر ما حدش بيفكر بقى الا في حاجة واحدة بس. هيحصل ايه؟ هتسأل عن ايه؟ وانت ماشي كده هتشوف مين - 00:25:38ضَ

بابا اللي انت بتحبه اللي واحشك من زمان. وماما اهي ومراتك وجوزك ولادك الناس اللي كانوا قرة عينك في الدنيا كت بتأنس بهم هتشوفهم هتبقى مش طايق تبص في وشهم - 00:26:06ضَ

ولا فارقين معك. وهم هيشوفوك هيتجاهلوك يوم يفر المرء من اخيه وامه وابيه وصاحبته وبنيه لكل امرئ منهم يومئذ شأن يغنيه. كله في نفسه. انت متخيل! متخيل حجم الرعب نشوف دول بقى لك ملايين السنين ما شفتهمش وواحشينك. ولا هيفرقوا معك ولا انت هتفرق معهم - 00:26:26ضَ

كل واحد في شأنه وصلنا ارض المحشر. ايه ده! امم. زحمة فزيعة. الناس كلها من لدن ادم محشورة انس وجن وحاجة محشر بجد اسمها اردل محشر ناس محشورة فيها كل عريان وحافي ومغبر - 00:27:02ضَ

والكل خايف لكن اكتر ناس خايفة هم كانوا اكتر ناس امانا في الدنيا الملوك الرؤساء الناس اللي امنوا في الدنيا اكتر ناس امنوا في الدنيا اكتر ناس خايفة يوم القيامة - 00:27:27ضَ

عليه الصلاة والسلام بيقول لا يجمع الله على عبد امنين ولا خوفين. خفت في الدنيا من ربنا ربنا يأمنك يوم القيامة. ما خفتش من ربنا في الدنيا تخاف بقى يوم القيامة. وهكزا. الكل مزلول الكل - 00:27:46ضَ

منكسر ولكن اكثر ناس انكسارا هم اكتر ناس كسروا الناس في الدنيا. وزلوا الناس في الدنيا الشرطة اللي بتعزب وبتعمل وبتكهرب. اكتر ناس مسدودة ما بتكلمش عن رجال الشرطة الكويسين. ما بتكلمش عن رجال الشرطة اللي بيحمونا. انا بتكلم عن اللي بيتجاوز حدوده. ده صنف - 00:28:06ضَ

من رحمة ربنا بالرسول عليه الصلاة والسلام اللي ما ورنوش بيتعزبوا ازاي صنفان من اهل النار لم اراهما يوم القيامة. لا لم اراهما. يعني رحمة بالنبي عليه الصلاة والسلام ربنا ما - 00:28:36ضَ

بتعزبه ازاي ؟ لانه مش هيتحمل يشوف. نساء كاسيات عاريات مائلات مميلات شعورهن كاسنمة والتانيين مين ؟ قوم في ايديهم سياط كرابيج كاذناب البقر يضربون بها الناس ناس بتعزب في امن الدولة - 00:28:54ضَ

حشر محشر كله محشور حر جدا. زحمة جدا. والحيوانات تبدأ نازلة من الجبال جاية كمان. هو فيه مكان كله الوحوش اسود بس احنا مش خايفين منها. هي نفسها نازلة مكسورة. كله نازل مكسور. الشياطين نازلة - 00:29:17ضَ

مكسورة ذليلة خائفة كله. وايه بقى في في الزحمة دي موجات بتزق بعض. وتركنا بعضه يومئذ يموج في بعض موجات بتزق بعض صوت رهيب مرة واحدة في الظلام ومرة واحدة السماء بتصبح زي - 00:29:38ضَ

حاسب دايب بتغلي ويقوم نازل منها اجسام كبيرة دول الملائكة. نازلين راخرين على ارض المحشر لدرجة ان العباد ما بيفهموش ايه دول. فيسألوهم افيكم ربنا ايه دول اشكال غريبة جدا. واجسام غريبة جدا - 00:30:04ضَ

وحر بقى. الشمس تدنو من الرؤوس. الشمس حرارتها حرارة الشمس مجموعة لمدة الاف السنين في هذا اليوم. وقريبة من الرؤوس جدا فيبدأ الناس تغرق في عرقها. اللي عرقه واصل لغاية كعبه. اللي عرقه واصل لغاية جانبه. اللي عرقه واصل لغاية - 00:30:31ضَ

شحمة ودنه ده مطلع بقه كده عشان ايه ما يشربش عرق. واللي بيلجم بالعرق يلجم يعني العرق عمال يصب في بقه طب ما فيش يعني احنا ما فيناش حتة حلوة في حتة واحدة حلوة. الواحد في الحر بيدور على حتة ايه؟ ضل - 00:30:57ضَ

ما فيش حتة ظل يوم القيامة الا ظل عرش الرحمن. اعد لاصناف معينة من الناس. منهم شاب نشأ في طاعة الله عشان كده انتم عندكم فرصة مش موجودة عندنا احنا. انت لسه شاب انا كهل. انت شاب - 00:31:19ضَ

ما تسيبش الفرصة دي ما تضيعش الفرصة انك تنشأ في طاعة الله عشان بنت ضحكت عليك او انت عشان ولد ضحك عليك. او ولد اداك سيجارة او واحد اداك مش عارف قرص ايه. ما تضيعش الفرصة دي انت شاب - 00:31:43ضَ

انشأ في طاعة الله تلاقي الضل يوم القيامة وشايف ناس بتغرق في عرقها والشمس بتدنو منها ويقولوا يا رب ريحنا بقى ولو للنار. لان القعدة الوقفة طولت. الوقفة دي طولها قد ايه ؟ خمسين الف سنة في الحر ده لا شاربة ولا اكلة - 00:32:03ضَ

ولا حاجة الناس يقولوا ياللا بقى ان شاء الله على النار ويبدأ نلاقي الانبياء داخلين. سيدنا ادم داخل وراه نوح وراه موسى وراه عيسى وراه وابراهيم ناس هتجري دول يجروا يتلموا على ده. ودول يتلموا على ده. ودول يتلموا بده. يا نبي الله اشفع لنا عند ربك. الحساب يقوم بس ان شاء الله - 00:32:27ضَ

عمار بس يبدأ بقى مش قادرين نقف اكتر من كده. فيقول كل واحد فيهم ان ربي قد غضب اليوم غضبا لم يغضب قبله من سيبوني في حالي نفسي نفسي. مش هاكلم ربنا. مش مش هاشفع ما اقدرش. ما اقدرش لا تتخيلوا الغضب. الله - 00:32:53ضَ

ازا كان الانبياء مشفقين كده على نفسهم. خايفين كده. اومال احنا حالنا ايه؟ انت حالك ايه بقى وقتها؟ ايها العاصي ايها المتمادي. ويقبل النبي صلى الله عليه وسلم. فالناس تذهب له - 00:33:14ضَ

انت خاتم المرسلين. اشفع عند ربك. فيحاول خلاص فيذهب فيسجد تحت العرش. ويثني على الله ويقول يا حنان يا من ان يا رحيم يا رحيم ويسأل الله بدء الحساب ويقبل الله شفاعة النبي صلى الله عليه وسلم. وهذه هي الشفاعة العامة للخلق كلهم. حتى الكفار ويبدأ الحساب. فالضلمة تتحول - 00:33:34ضَ

الى نور واشرقت الارض بنور ربها ووضع الكتاب. يعني السجلات تنزل تتحط. كل حاجة فيها مدونة مش مكتوبة كده. لا. سجل صوت وصورة كله كله قضي فيديو وهيتعرض. واشرقت الارض بنور ربها ووضع الكتاب - 00:34:10ضَ

وجيء بالنبيين والشهداء وقضي بينهم بالحق وهم لا يظلمون. يتقابل في اي بيز. النبيين والشهداء. ويجي الناس ويقضى بين الناس بالحق. امال ايه حكاية الشهداء؟ يعني ايه شهداء؟ هو شهيد يعني ايه؟ يعني شاهد. انتم عارفين الشاهد؟ بيدخل المحكمة - 00:34:36ضَ

ما هو امن هو مش متهم. المتهم داخل المحكمة خايف. الشاهد شاهد. ده كلمة شهيد. فبييجي النبيين والشهداء ويحضروا ويعرض بقى الناس كلها. ويبدأ الحساب اخونا الامام النهاردة قرأ في اول ركعة يوم يجمع الله الرسل فيقول - 00:35:01ضَ

ماذا اجبتم؟ ربنا يومها هيسأل الرسل. دول في اي بيز هيسألهم حصل معكم ايه في الدنيا؟ اجابوكم وقالوا ايه؟ فالرسل يقولوا لا علم لنا انك انت علام الغيوب انت يعني ايه؟ من الذهول بتاع الموقف نسيوا. ده الرسل. اللي - 00:35:31ضَ

كده هينسوا من ذهول الموقف. امال انت وضعك ايه؟ انت هيبقى حالك ايه؟ فكر في ده. فكر اليوم ده ليه ليه اتبرأ منك ابوك وامك واخواتك ليه تبرأوا منك وعملوا نفسهم مش عارفينك ليه؟ عشان اليوم ده يوم - 00:36:01ضَ

صعب اوي لكن لابد اننا نجهز له من النهاردة. تخيل نفسك بقى وانت واقف كده وتبدأ الصحف تتطاير الصحف بقى اللي هي الايه السجلات بتاعتك. الشهادة تتطاير وتنزل في الايدين. في اللي بتنزل في ايده - 00:36:21ضَ

مبروك نجا. اللي نزل في الشمال اه خسر. ففي ناس عارفة نفسها هتحط ايديها الشمال ورا ضهرها. تقوم جاية لها من وراء ضهرها. يجي له الشهادة من ورا ضهره خلاص. اعصابك عاملة ازاي وقتها؟ وانت شايف الصحف بتتطاير وبتنزل ده في اليمين وده في الشمال وده ورا - 00:36:41ضَ

اعصابك هنا هتبقى عاملة ايه وينادى على واحد واحد. يتشاف حساب واحد. طيب هيبدأ ينادى على واحد واحد وهتشوف حساب الناس. هنا في الدنيا يا جماعة لما بنشوف حد بيحصل له حاجة كويسة او بياخد حاجة كويسة - 00:37:01ضَ

احيانا بنشعر ايه بالغيرة او ياه طب يعني انا كنت اولى هناك العكس. اول ما واحد يطلع مؤمن وصالح ويتقال له انت من اهل الجنة. وياللا سلام يا جماعة انا رايح على الجنة. انت هتشعر بالامل. ايه الحمد لله ده فيه ناس بتروح الجنة. هتبقى فرحان - 00:37:24ضَ

وكل ما عدد رحيم الجنة يكتر كل ما انت هتفرح وتشعر بالامل. وكل ما واحد هيطلع من اهل الكفر او اهل النفاق او اهل معصية ويتفضح على رؤوس الاشهاد ويبقى رايح على النار انت هتشعر بالخوف - 00:37:44ضَ

لان ايه ده العملية ده فيه ناس بتروح النار. انت متخيل اعصابك عاملة ازاي وانت شايف واحد وواحد بيتحاسب تخيل نفسك بقى وانت الملايكة مجرجراك وماشي وصحيفتك في ايدك. اليمين او الشمال. طبعا ان شاء الله اليمين بازن الله - 00:38:03ضَ

تقف امام الله يبقى احساسك ايه؟ هو بيقول لك يا عبدي يا احمد يا يا هدى هندك باسمك. على فكرة هتتنده باسمك. ليه ما فعلت كذا وكذا ليه عملت كده؟ الم ارسل اليك رسولا؟ الم انزل لك كتابا؟ هي الاية دي - 00:38:23ضَ

وتقرأ عليك الاية. مش نزلت عليك. ليه ما نفزتش؟ الم انعم عليك بكذا وكذا؟ انا مش هديتك صحة انا مش اديتك مال. انا مش اديتك كزا. ليه؟ ليه ما سمعتش الكلام؟ لماذا لم تستحي - 00:38:53ضَ

في مني استحي من الله. ده احنا بنستحي من بعض ده الواحد لو ماشي في العربية ومراته راكبة جنبه بيبقى ما شاء الله غاضب بصره تمام مستحي من مراته. ولو ابوه اللي جنبه - 00:39:13ضَ

مستحي من ابوه عمه مستحي من عمه. الله مستحي من ابو مراتك وابوك وعمك. الا تستحي من الله عامل ربنا بالحياء ده ربنا بيستحي انه العبد مننا العاصي يرفع يديه ويدعو الله فيردهما صفرا - 00:39:33ضَ

ربنا يا اخي بيستحي يرد ايدينا فاضية. انت ما تستحيش من الله. ويقول ما الذي غرك بي ايه اللي غرك بي؟ اسمع هنمشي على الصراط. ضلمة يوم ترى المؤمنين والمؤمنات يسعى نورهم بين ايديهم يعني قدامهم. نور منور لهم - 00:39:55ضَ

قدامهم وبايمانهم في ايديهم اليمين معهم حاجة بينوروا بها. استلموها بتنور ها؟ بشرى اليوم جنات. تجري من تحتها الانهار خالدين فيها. ذلك هو الفوز العظيم يا رب نبقى من دول يا رب نمشي كده وتنور لنا نور ماشي قدامنا نور عمال ينور وكمان مدينا نور زيادة عشان نيجي بيمين وشمال ونتفرج بقى ويا - 00:40:28ضَ

وبنبشر بالجنات. بشراكم اليوم جنات. يعني ملايكة على الصفين بيقولوا لك. مبروك مبروك الجنة. جنة هتروح انت رايحها دلوقتي شف الفرحة اللي انت فيها ماشي وراك مين بقى؟ المنافقين ما عندهمش نور - 00:40:58ضَ

انت وانت مسافر على الطريق الصحراوي بالليل. مضلل والنور بتاع عربيتك اتحرق. بتقطر عربية منورة نور عالي وتفضل تجري وراها ماشي وراها عشان تمشي في النور بتاعها يوم يقول المنافقون والمنافقات للذين امنوا انظرونا يعني انتظرونا نقتبس - 00:41:18ضَ

من نوركم هنمشي معكم في النور بتاعكم. قيل ارجعوا ورائكم فالتمسوا نورا. هيتقال لهم ارجع ورا وخد نور من هنا هناك فهيدوروا فضرب بينهم بسور له باب. اول ما هيتدوروا يرجعوا يلاقوا سور راح نازل بينهم وبين بعض - 00:41:45ضَ

باطنه فيه الرحمة من ناحية المؤمنين. وظاهره من قبله العذاب احنا مش كنا معكم ينادونهم الم نكن معكم قالوا بلى لا احنا كنا مع بعض مش بس هنا على الصراط احنا كنا مع بعض في الدنيا. قالوا بلى - 00:42:06ضَ

ولكنكم فتنتم انفسكم. انتم عملتم كده في نفسكم. فتنتوا نفسكم في الدنيا. وتربصتم وارتبطم وغرتكم الاماني حتى جاء امر الله وغركم بالله الغرور يعني فضلت تعمل كده في نفسك. خلي بالك الشيطان جه دوره في الاخر. الشيطان ان كيد الشيطان كان ضعيفا. الشيطان ده ضعيف جدا - 00:42:26ضَ

بس انت بتفضل تضعف مناعتك لغاية ما يقدر هو عليك تفتن نفسك فتنت نفسك. اتقال لك الحاجات دي غلط عملتها. الاماكن دي لأ رحتها. ما اتقال لك بلاش وتربصتم بالمؤمنين فضلتم تتريقوا عليهم فضلتم تنتزروهم عشان تبهدلوهم وتضربوهم تعملوهم - 00:42:56ضَ

وارتبطتم الله انا هتعاقب على الارتياب! ده الارتياب ده عمل قلبي وربنا هيحاسبني على عمل قلبي ده ارتياب طب لو واحد ارتاب في زوجته وهي عرفت مش من حقها تزعل منه - 00:43:23ضَ

تزعل منه ليه ؟ هو ضربها قلمين ده ارتاب بس لأ بين المحبين ما فيش ارتياب ترتاب في مين في ربنا؟ ترتاب في مين في الرسول عليه الصلاة والسلام؟ اياك ترتاب في الرسول عليه الصلاة والسلام. عندك سؤال فورا - 00:43:44ضَ

تيجي تسأل ما تسيبش نفسك للشيطان ابدا. وغرتكم الاماني الكزب. الاماني. فاكر نفسك هتعيش كتير. يقول لك ابويا مات عنده ستين سنة وانا لسة عندي اربعين سنة. لسة قدامي عشرين سنة. هيص هيص يا عم مش هتموت دلوقتي. هو كده. طول الامل. فاكر نفسك - 00:44:02ضَ

لسه هتعيش حتى جاء امر الله وغركم بالله الغرور. فاليوم لا يؤخذ منكم فدية ولا من الذين كفروا مأواكم النار هي مولاكم وبئس المصير. حاجة خطيرة هتتسأل يوم القيامة عمرك - 00:44:22ضَ

افلتوا في ايه ؟ عشت كم سنة؟ تلاتين اربعين عملت فيهم ايه ؟ هتقول ايه ؟ تفكر كده ؟ يلا احنا يوم القيامة اهو شايف ده خالد بن الوليد واهو عمرو بن العاص. واهو الامام النووي. وكل واحد فيهم عمل حاجات فزيعة - 00:44:42ضَ

ده فتح مصر وده يعني سيف الله المسلول وده كتب كتب عملت انت ايه بقى؟ يلا جاوب ما تقول كنت بعمل ايه ؟ كنت بصلي خمس مرات في اليوم ده عشان نفسك. عملت ايه ؟ لدينك. سبت دي في الدنيا - 00:45:02ضَ

ركز بقى ركز مش انت هتتسأل عن عمرك فيما افنيته في ايه ان شاء الله؟ قدام التليفزيون على الفيسبوك هتقول ايه لربنا؟ ركز في الوقت. ركز في الزمن. ما لك؟ من اين اكتسبته؟ جبته منين؟ من اين لك هزا - 00:45:22ضَ

جسمك فيما ابليته. استهلكت طاقتك وجسمك وقوتك في ايه؟ في زلم الناس في الحرام ام في مساعدة الناس ام في الحلال وقتك فيما ضيعته لسانك لما نطقت به فيه كذا وكذا ليه قلت الكلام القزر ده ؟ اصل يا ربي كان خلاص يعني كل اللي بيقوله لا النار مش زحمة يعني - 00:45:42ضَ

تساعد كل ما فيش حاجة اسمها الكل كان بيقول يا رب. انت ما سمعتش حديث الرسول عليه الصلاة والسلام. اللي بيقول لا يكن احدكم ان مع اذا احسن الناس احسن واذا اساءوا اساء يعني ما حدش يبقى طرطور. الناس تحسن نحسن. الناس تسيء نسيء - 00:46:12ضَ

لأ الناس هتحسن هنحسن والناس هتسيئ هنحسن. ليه ؟ عشان احنا مش امعة. المسلم له شخصية. ما بنمشاش ما بنمشيش احنا مش بلدين. احنا لنا شخصية لن ننساق دي مسألة مهمة جدا عشان الفساد عمال يكتر واحنا ابتدينا ننسى نفسنا. عينك - 00:46:32ضَ

ليه ما نظرت بها الى كذا وكذا؟ اذنك لما سمعت بها كذا وكذا. ابوك موجود وامك موجودة وزوجك موجود وجارك موجود وولادك موجودين. وبتتسأل الكلام ده قدامهم. وبتعرض الاعمال قدام - 00:46:59ضَ

الغم اما يغفر لك فلا تعرض. وربنا يستر عليك واما الفضيحة على رؤوس الاشهاد. فيلم بيتعرض قدام الناس. انت بتعمل كده ده فيه حاجات صغيرة قوي الواحد لو عملها. وبعدين اكتشف ان الناس شايفاه بيبقى حاسس انه مكسوف. حاجات ايه يعني مش حرام - 00:47:19ضَ

يعني تحط ايدك في مناخيرك مسلا. شف خد بالك الناس شايفاك مكسوف جدا. ايه اللي حصل ده! امال بقى اللي بالي بالك. اللي بالي بالك. كل واحد عارف اللي باني باله بتاعه. عملت ايه لوحدك؟ ده بقى لما يتعرض - 00:47:49ضَ

قدام الناس هتعمل ايه ؟ اه. ربنا ممكن يقول لك يا عبدي انا سترتها عليك في الدنيا واغفرها لك اليوم. يا رب يا رب. لولا يا جماعة ان ما فيش موت في هزا - 00:48:09ضَ

هزا اليوم كت مت من الفرح. يعني لما ربنا يقول لك ويخبرك ان انت آآ طب يا جماعة الشباب يطلعوا وشوية عشان تفضى اماكن لاخوانهم في الخلف. تفسحوا في المجالس. يلا تقاربوا تقاربوا - 00:48:29ضَ

شوفوا يا جماعة المكان ده واخد عدد قد ايه ؟ سبحان الله! لان الناس بتحب بعض فبنستحمل بعض. الدنيا على وسعها لا تسع متباغضين وسموا الخياط للمتحابين ميدان الدنيا دي كلها ضيقة على اتنين بيكرهوا بعض. لكن خرم الابرة زي ما يكون ميدان للناس اللي بتحب بعض - 00:48:49ضَ

المكان ده فيه بركة. ده بيت ربنا. فشوف انت قاعد وده كوعه في جنبك. وده ركبته في ضهرك ومستريح ومش عايز تتوب. تروح السينما عشان ما فيش بركة. قاعد كده على كرسي فخم اوي وبتاع ولونه احمر وكده - 00:49:26ضَ

وبس اللي جنبك يطلع ايده على الايد اللي بينكم الاول. تبقى تفرك وبتنفخ ومتضايق ومش طايق نفسك. ليه؟ عشان المكان ما فيش فيه بركة. فالقضية قضية بركة ربنا طيب ان شاء الله بقى نقطة كتابنا بايه؟ بايمانا. يا رب - 00:49:44ضَ

يحصل ايه بقى؟ اسمع فاما من اوتي كتابه بيمينه. فيقول هاء مقرؤك اني ظننت اني ملاق حسابي. يعني ايه؟ يعني كنت فاكر نفسي هتحاسب وما تحاسبش! لأ ما تحاسبش. لان فيه تلات سجلات لكل واحد زي ما قلنا. سجل الحسنات. سجل السيئات. ودول - 00:50:12ضَ

الدور عليهم. حسنة بعشرة الى سبعمئة ضعف. والله يضاعف لمن يشاء. والحسنة في مكة بميت الف. والسيئة بسيئة واحدة واتبع السيئة الحسنة تمحها. المشكلة في السجل التالت. لو اتحاسبت عليه رحنا في داهية. اللي هو سجل - 00:50:42ضَ

النعم لزلك هو بيقول هاؤم اقرؤوا كتابي اني ظننت اني ملاق حسابي كنت فاكر نفسي هتحاسب. فهو في عيشة راضية. في جنة عالية قطوفها دانية. كلوا واشربوا. هنيئا بما اسلفتم في الايام - 00:51:02ضَ

ايامي الخالية. الخالية من الاكل والشرب. الايام اللي كنتم بتصوموا فيها. يا اما بقى الفضيحة قدام الاب والام والزوجة والجيران والاولاد ويشوفوك في فيلم سينما وانت بتعصي. والملائكة تناديك والشهداء والانبياء الفي اي بيز اللي قاعدين ينادوك ويقولوا يا كزاب لعنة الله على الظالمين - 00:51:32ضَ

اسمع سورة هود ومن اظلم ممن افترى على الله كذبا اولئك يعرضون على ربهم ويقول الاشهاد انبياء والشهداء والملائكة اللي بيشهدوا للمحاكمة ها؟ هؤلاء الذين كذبوا على ربهم الا لعنة الله على الظالمين! انت متخيل! سيدنا محمد يلعنك يوم القيامة! انت متخيل! الشهداء - 00:52:02ضَ

يلعنوك يوم القيامة يقولوا عليك كزاب منافق ساعتها مشاعر الحسرة تقطعك ندم فزيع وانت بتتاخد من قفاك وبتخرج قدام الناس والصحيفة في شمالك. واما من اوتي كتابه بشماله فيقول يا ليتني لمغوتك - 00:52:37ضَ

كتابي حسرة ولم ادري ما حسابي. يا ليتها كانت القاضية. يا ريتها كانت موتة وما فيش بعدها ما اغنى عني ماليا. حساباتك دي كلها ولا حاجة. هلك عني قانية ربنا يقول لك انا - 00:53:03ضَ

غضبان عليك. عليك لعنتي. لن اغفر لك عظيم ما اتيت. الاشياء الفظيعة اللي انت عملتها لن يغفرها لك ولن اتقبل منك ما عملت. خذوه فغلوه ثم الجحيم صلوه. ثم في سلسلة - 00:53:36ضَ

زرعها سبعون ذراعا فاسلكوه. تدخل من دبرك تطلع من بقك. تبقى كده زي الخروف متعلق تتشوي في النار. ليه؟ لانه كان لا يؤمن بالله العظيم. ولا يحض على عامل مسكين مش لا يطعم المسكين. لا يحض. يعني ما بيحضش الاخرين. يعني العمل الجماعي مهم. يبقى التطوع - 00:53:56ضَ

ومهم يبقى الحث حث الاخرين على الاطعام مهم. فليس له اليوم ها هنا حميم ولا طعام الا من غسلين. لا يأكله الا الخاطئون اكل مش نضيف شوك بينزل يقطع مغلي بيقطع حاجة صعبة. ربنا يعافينا يبقى - 00:54:26ضَ

لاخرتنا قبل فوات الاوان. او ان نستحي من الله الان. دايما كده احد الصالحين كان دايما كل شوية يطلع ورقة من جيبه يبص فيها ويدخلها تاني. طلع ورقة يبص فيها ويدخلها تاني. بعد ما مات طلعوا الورقة دي لقوا مكتوب فيها - 00:54:56ضَ

الله معي. الله شاهدي. الله ناظر الي. كل ما يوسوس له الشيطان شوية يطلع يقرأ الله معي. الله شاهدي. الله ناظر الي. الواجب بتاعنا الاسبوع ده هتكتب قائمة الامنيات لما ترجع النهاردة. وتحتفز بها هنحتاجها في وسط - 00:55:16ضَ

الدورة بتاعتنا. لو انت وانت مروح جالك ملك الموت. واستسمحته في اربعة وعشرين ساعة. واداك اربعة وعشرين اكتب ايه هي الاشياء اللي تتمنى انك تعملها قبل ما تموت. ثانيا ورد اسمه ورد - 00:55:46ضَ

الموت هنعمله من هنا لغاية الاسبوع الجاي تلات مرات مسلا على الاقل. يوم او يوم لأ كده انك هتدخل في اوضة فاضية. هتقول لي ما فيش اوضة فاضية والدنيا دوشة عندنا. بالليل انت جوة سريرك تخيل نفسك - 00:56:06ضَ

بتموت. مت خلاص. متخيل وهم جايين يصحوك الصبح وانت ما بتصحاش وابتدوا يهزوك بانفعال. وابتدوا يصرخوا وابتدوا بسرعة يتكلموا دكتور. والدكتور جه عمل لك عينك جس النبض وقال لهم البقاء لله. وهم بقى بيبكوا عليك وبيغطوك وبيبرسوك. وجابوا لك - 00:56:26ضَ

يغسلك. قلب نفسك كده وانت متخيل نفسك بتتغسل. وبعد كده تتخيل نفسك بتتكفي وبعد كده تخيل نفسك بتتحط في صندوق. والصندوق بيتشال وانت عمال تترجرج وتتخبط جوة. وبعدين بينزلوك عليك من غير لا ركوع ولا سجود صلاة باربع تكبيرات. ورحوا شايلينك تاني وحطوك في العربية بتاعة نقل الموتى - 00:56:56ضَ

وجريوا عليك على المقبرة واخشالوك ومن الصندوق ونزلوا بك في القبر وراحوا قافلين عليك. دي الحتة اللي احنا ما اتكلمناش فيها النهاردة اللي هي من الموت غاية القبر بس تخيلها خلال الاسبوع ده تلات مرات. هتاخد منك ربع ساعة كده كل يوم. وانت بتستشعرها - 00:57:26ضَ

الاخوات ارجوكم اعملوها. بنيجي نراجع الواجب مع الناس يبقى اخواتي يقول لك ايه بصراحة ما قدرتش ليه خفت؟ ايوة ما انا عارف انك خفت. ما عنديش انك تخاف بس والله ما هنعيد الواجب ده طول الدورة تاني. بس المرة دي لازم نوقظ القلب - 00:57:46ضَ

لازم نصحي القلوب يا جماعة. يا ريت نزور القبور مرة واحدة خلال الاسبوع. ده واجب. يا ريت ايه؟ انا اسف. مش يا ريت هنزور القبور. اطلع على قبور مدينة نصر. قبور مصر الجديدة. وخش وزور قبر. التحدي ما تعرفوش - 00:58:06ضَ

نقول السلام عليكم دار قوم مؤمنين. انتم السابقون ونحن بكم ان شاء الله لاحقون. ها بايه؟ انتم في دار الحق دلوقتي. وشايفين الحق. انا لسة في الدنيا تنصحوني اعمل ايه؟ تخيل هيقولوا لك ايه؟ كم الايه من اللي انت بتعمله وبطل ايه من اللي انت بتعمله وزود ايه على اللي انت - 00:58:26ضَ

راجع نفسك وراجع اعمالك وانت في القبور. مرة بس طول الاسبوع ده اكتب وصيتك. هتروح بقى تنزل لي الوصية الشرعية من على البتاع وان ما تعملوش وتصوتوا علي. انا مش ده اللي اقصده. عندك قرشين اكتب - 00:58:56ضَ

كده عايز يتقسموا ازاي ؟ هتقول لي طبعا التقسيم حسب الشرع انا عارف. بس انت لك الحق التلت تطلعه هفتكر التلت لله ولا ولا خمسة في المية كفاية ولا نسيب الباقي للعيال برضو عشان لسة متمسك بالدنيا دا انت بتموت. فكر هتقدر - 00:59:16ضَ

هتطلع ايه؟ انت محتاج تدي فلوسك. انت محتاج تطلعها على روحك. فكر هتعمل ايه؟ اصل الدنيا المال هو علامة الدنيا وبعدين هنبدأ بقى ورد ماشي معنا على طول بعد كده. قبل ما نصلي كده - 00:59:46ضَ

هنعمل حاجة اسمها ورد الالحاح. قبل ما نصلي بعد ما نصلي هنلح على الله ان يصلح قلوبنا اللهم اصلح قلبي. اللهم اعطني القلب السليم. تفضل تلح تلح تلح على الله انه يصلح قلبك. وانه يجعل عندك قلب سليم. كتاب التوازن التربوي اللي ما قرأهوش يا جماعة يقرا - 01:00:06ضَ

او يكمل الكتاب الصغير مش كبير. لكن كتاب مهم جدا انك بتفهم نفسك. ده الكتالوج اللي بتفهم به الاجهزة بتاعتك المختلفة دي الاربعة ازاي بيتم تنميتك؟ الكتاب ده رائع جدا وكويس واحسبه على خير. وفيديو بتاع المرة اللي - 01:00:36ضَ

فاتت اللي ما اتفرجش عليه يتفرج عليه. واللي اتفرج على الفيديو بتاع النهاردة ده يعني لما ينزل بكرة ولا بعده اتفرجوا عليه تاني. واستشعروا الكلام دوت من هنا ورايح الدورة دي بتركز على ان كل حاجة هنعملها كل حاجة من هنا ورايح بتدبر وبفهم. خلاص ما فيش طلقة. خلاص - 01:00:56ضَ

جزاكم الله خيرا وبارك الله فيكم. الدورة دي على فكرة ما فيش فيها اسئلة. انتم انتم نفسكم مش راضيين تسألوا صح؟ كل واحد اي مخ في وشه يروح. حاجة يعني ولا - 01:01:16ضَ

واخد ترامادول بس هي الدورة دي كده. دي مش دورة فقهية ولا احنا هنسأل فيها اسئلة - 01:01:26ضَ