باحث

بسم الله الرحمن الرحيم. الحمد لله والصلاة والسلام على رسول الله صلى الله عليه واله وصحبه ومن والاه. وبعد. اتكلمت معكم في درس امبارح حوالين قول الله سبحانه وتعالى وجوه يومئذ خاشعة. عاملة ناصبة تصلى نارا حمير - 00:00:11ضَ

وقلنا ازاي ان الوجوه دي يوم القيامة تبقى ذليلة؟ رغم ان ربنا سبحانه وتعالى وصفها في الدنيا ان هم كانوا بيعملوا اعمال خير كتير وبيتعبدوا لله كتير. ومع زلك ربنا في الاخرة لما حاسبهم قال تصلى نارا حامية تسقى من عين انية. وقلت لكم ده - 00:00:35ضَ

خلوه شوية اسباب ولكن اهم الاسباب دي النية يعني اهم الاسباب دي فعلا النية. نيتهم في الاعمال اللي عملوها وتعبوا فيها ما كانتش خالصة لوجه الله سبحانه وتعالى ولانها ما كانتش خالصة لوجه الله سبحانه وتعالى. الله سبحانه وتعالى لم يقبل هذه الاعمال - 00:00:54ضَ

تعالوا بقى نعكس بقى نعكس النهاردة واقول لكم قد ايه النية الصالحة اللي ربنا سبحانه وتعالى يراها من قلبك قد ايه ربنا سبحانه وتعالى بيكرمك بها كرم كبير جدا اتكلمنا امبارح عن المرائين اللي بيعملوا اعمال لغير وجه الله. تعالوا نتكلم النهاردة عن قلوب المخلصين - 00:01:16ضَ

الناس الطيبة اللي نواياها دايما صالحة الناس اللي دايما ما شاء الله لا قوة الا بالله قلوبها دي آآ نقية بفضل الله سبحانه وتعالى عايز بس من البداية اقول لكم ان علمائنا كانوا دايما بيقولوا تعلموا النية فانها ابلغ عند الله عز وجل من العمل - 00:01:38ضَ

اتعلم ازاي تتاجر مع الله عز وجل بنيتك الصالحة والعلماء كانوا دايما بيقولوا لنا عليكم بالايرادات اللي هي النوايا. فان الله لا يريد منكم الا هي الا الايرادات دي. ربنا دايما - 00:01:59ضَ

بينظر سبحانه وتعالى على الارادات علشان كده دايما بقول لكم سبحان الله ممكن اتنين يكونوا بيصلوا معنا في المسجد هنا. واحد جاي بقلب مخلص لله سبحانه وتعالى اللي جنبه مرائي جاي بيراقب صلاته - 00:02:14ضَ

الاتنين بينهم كما بين السماء والارض. الفرق بين الاتنين ايه؟ هو القلب. النية اللي موجودة في القلب النبي صلى الله عليه وسلم علمنا ان النية الصالحة بتاعتك كل اما كانت مخلصة لوجه الله العمل البسيط اللي انت عملته ده يبقى - 00:02:31ضَ

كبير قوي عند ربنا سبحانه وتعالى سيدنا النبي صلى الله عليه وسلم بيقول في الحديث رب درهم سبق مائة الف درهم. يعني في واحد التصدق بدرهم واحد واحد تصدق بميت الف درهم - 00:02:50ضَ

في ظلكم مين اللي يسبق بمقاييسنا احنا كبشر. مقاييسنا احنا كبشر. واحد اتصدق بجنيه واحد صدق بميت الف جنيه. مين اعلاهم عند الله قدرا اللي دفع مية الف جنيه الا ان النبي يقول لنا لأ ، ده اللي دفع الجنيه ده سبق عند ربنا سبحانه وتعالى اللي دفع مية الف - 00:03:10ضَ

الفرق بين الاتنين ايه؟ النية اللي جواه. عرف ازاي يتاجر مع ربنا سبحانه وتعالى بنيته في غزوة تبوك النبي دعا الصحابة ان هم يتصدقوا باموالهم علشان يجهزوا جيش اللي طالع يقاتل - 00:03:30ضَ

انا عايز اقول لك قد ايه نيتك جواك لما تكون دايما مليانة خير عطاء ربنا لك فوق تصورك ابو بكر الصديق جاب ماله كله عمر جاب نص ماله سيدنا عبدالرحمن بن عوف جاب اتناشر اوقية دهب - 00:03:49ضَ

وواحد من الصحابة راح البيت يبص ما فيش فلوس طب نجيب شوية تمر نديهم للنبي الجيش ياخدهم وهو ماشي ما فيش قام وقف بين ايدين ربنا وشف النية لما تكون خالصة والله. النية لما تكون صالحة - 00:04:07ضَ

واقف بين ايدين ربنا سبحانه وتعالى وقال له يا رب دعانا نبيك للصدقة وانت تعلم انني لا املك من الدنيا شيئا يا رب لا املك الا عرضي. واني امسيت اتصدق بعرضي على من وقع فيه - 00:04:25ضَ

ما هو دي دي الحاجة الوحيدة اللي انا املكها تاني يوم في صلاة الفجر شوفوا النية الصالحة هو دفع فلوس زي الصديق ولا زي عمر ولا زي ابو ولا زي عثمان - 00:04:44ضَ

ولكن عمل بسيط بنية صالحة تفرق كتير قوي عند ربنا سبحانه وتعالى سيدنا النبي صلى الله عليه وسلم يطلع بعد صلاة الفجر يخطب في الناس. اين المتصدق بعرضه البارحة طب والنبي عرف منين ؟ ما هو جبريل نزل له. ايوة جبريل عرف منين ؟ ما هو ربنا اطلع على نية الراجل ده - 00:04:56ضَ

فقال لجبريل انزل بقى بشر الراجل ده. نزل جبريل على رسول الله صلى الله عليه وسلم ويطلع النبي يقول اين المتصدق بعرضه البارحة؟ فيقول انا يا رسول الله ووالله ما اردت الا الخير - 00:05:23ضَ

فيقول النبي صلى الله عليه وسلم ابشر فلقد تقبل الله صدقتك مع الزكاة المفروضة انت تساويت عند ربنا مع ابي بكر عمر وعثمان وعبد الرحمن بن عوف انت بقى زيك زيهم - 00:05:37ضَ

زيك زيهم. انتم الاتنين واحد اه. ليه علب الصورة دي علب الصورة دي علشان كانت دايما نيته خالصة لوجه الله سبحانه وتعالى وكل ما الانسان منا هيعمل عمله وان كان بسيط اوي. بس لوجه الله بيفرق كتير جدا عند ربنا سبحانه وتعالى - 00:05:52ضَ

تلاقي سبحان الله تلاقي واحد من جواه قلبه كده عمال يتعصر كده انا نفسي اطلع احج وما عييش فلوس. بس انا ايه انا هاجتهد بقدر المستطاع. اعمل جمعية من هنا استنى مكافأة نهاية الخدمة من هنا - 00:06:14ضَ

حوش قرش من هنا استلف قرش من هنا انا ما اعرفش اكون تمن الحج المبلغ الكبير ده. بس ربنا لما اطلع على قلب هذا الرجل المطلع على قلب هذا الرجل انه من جواه بالفعل من جواه بالفعل انا نفسي اعمل عمل صالح ومش قادر لما ربنا بيطلع على قلوب - 00:06:33ضَ

انه يرى فيها الخير ده ربنا سبحانه وتعالى بيبارك لنا في العمل ده وينميه لنا ويبقى كبير اوي ويوفق الراجل ده للحج ويطلع يحج وهيرجع بذنب مغفور وسعي مشكور ليه ؟ رأى الله من قلبه خير شوفوا قانون حطوه قدام عينيكم ما تنسهوش ابدا - 00:06:53ضَ

اوعوا تنظروا ابدا لاعمالكم. انا عايز اعمل عمل كبير. ما تبصش للعمل الكبير بص دايما للعمل الصغير اللي يكبر بالنية الصالحة اللي جوة قلبك القانون ربنا بيقوله لنا في القرآن قانون في القرآن. بسم الله الرحمن الرحيم. ان يعلم الله في قلوبكم خيرا ها - 00:07:14ضَ

يؤتكم خيرا ربنا لما بيطلع على قلبك لما بيطلع على قلبك ويرى ان القلب ده فيه خير كبير اوي والله العزيم عملك الصغير ده بيجبر عند ربنا كبير قوي ويمكن حكيت لكم قبل كده قصة احد اخوانا. حد بسيط جدا اه الراجل نقاش - 00:07:35ضَ

واللي جاي على قد اللي رايح ووقت كورونا والدنيا مزنوقة وما فيش فلوس وسبحان الله حب يبسط والدته. مش هيعمل بقى مع حد فقير ولا مع والدته. عايز يبسطها قال لي والله بدور في جيبي اقلب في جيبي ما فيش في جيبي الا عشرة جنيه - 00:07:54ضَ

جبت لها كارت شحن ورحت قلت لها ده هدية مني لك. عشرة جنيه ايه! معلش ابنك النهاردة بيقول لك انا عايز اجيب حاجة حلوة بتدي له عشرة جنيه بس هو ما بصش على العمل الكبير - 00:08:13ضَ

بص على الحاجة البسيطة اللي احنا نعملها بس بالنية الصالحة تكبر عند ربنا. وخد بالك ان ربنا قال ازا وجدت في قلبك هذه النية الصالحة يؤتيكم خيرا. يقول لي والله يا شيخ انا نازل من عند والدتي على السلم تيجي لي مكالمة واحد صاحبي جايب لي عمارة كاملة شغل - 00:08:28ضَ

النقاشة فيها من الالف للياء لي انا لوحدي. يطلع منها قد ايه فلوس لي؟ الوف هو ايه العشرة جنيه اللي طلعها؟ ما انا قلت لكم ربنا سبحانه وتعالى لا ينظر ان العمل بتاعك كبير ولا صغير؟ ولكن ربنا سبحانه وتعالى بينظر - 00:08:49ضَ

على قلبك وانت بتعمل ده تلاقي اتنين مشكلة بين زوج وزوجة. والدنيا والعة وخلاص رايحين لطلاق ومحاكم ومشاكل والدنيا مقلوبة. وراجل صالح يقول انا احاول اخش اصلح بينهم. شف ربنا يقول ان الاصلاح متوقف على نية اللي داخلين يصلحوا - 00:09:06ضَ

لو قلوبهم بالفعل ربنا لقى من قلوبهم ان هم عايزين يصلحوا ربنا ينظر للنية دي فيوفقهم للاصلاح. الدليل على كده من القرآن ايه ان يريدا اصلاحا لو قلوبهم راحة فعلا عايزين نصلح بين الاتنين ان يريدا اصلاحا ها يوفق الله - 00:09:30ضَ

انهما رغم ان المشاكل الكبيرة اوي دي اه رغم المشاكل الكبيرة اوي. طب ليه ربنا وفق؟ ما هي النية ما هي النية والله؟ هي النية والله. النية البسيطة دهي بتفرق كتير اوي - 00:09:51ضَ

واحد منكم قاعد معكم دلوقتي. قاعد معكم حالا اهو. هو سواق تاكس جاب في يوم بيقول لي انا ركبت معي واحدة قالت لي مستشفى الاورام. ودلوقتي الساعة اتنين وانتم عارفين شارع البحر وزحمة شارع البحر. بس الست مريضة وشكلها فعلا واقعة واقعة - 00:10:08ضَ

والشيطان يقول لي ده هي شكلها كمان ما عهاش فلوس مش تديك الفلوس. ولا هتديك نص بنديرة. يقول لي والله العظيم لقيت نفسي ببص السما كده وبقول علشانك يا رب - 00:10:30ضَ

عشانك يا رب ولو ما عهاش فلوس انا مش عايز. قلت لها تعالي يا ماما اركبي. تعالي يا ماما اركبي وركبت معي في العربية. وربنا العالم الحر في شارع البحر كان عامل ازاي؟ والزحمة كانت عملت ازاي؟ بس خلاص انا خدتها بيني وبين ربنا - 00:10:46ضَ

جاية نازلة بتقول لي يا ابني عايز كم اللي معك يا حاجة؟ فالمهم ادتني العشرين جنيه ومشت يقول لي بس انا الوقت ضاع. في الزحمة وفي الحر والبهدلة اصل انا خدتها لله بقى. يقول لي والله مطرح ما نزلت يركب معي واحد يقول لي انا عايزك - 00:11:04ضَ

معي في كم مشوار النهاردة وان شاء الله هبسطك وهديك بزيادة. يقول لي اقسم بالله يا شيخ احمد انا عملت معه كم مشوار؟ لو هيطلع لي منهم في المشاوير العادية - 00:11:23ضَ

ميت جنيه الراجل اداني خمسمية جنيه دي جت منين؟ الرزق الموسع ده جه منين؟ هي الرزق الموسع ده جه من عند نية صالحة كانت موجودة جوة قلب الراجل ده وهو بيعمل ده ربنا يا رب يبارك فيه ويحفظه يا رب. احسبه كذلك ولا يزكي على الله احد. النية الصالحة اللي كانت موجودة في المشوار الاولاني - 00:11:33ضَ

هي اللي ربنا سبحانه وتعالى جزاه باقي اليوم بقى ويبسطه ويفرحه ويسعده انك دايما تعمل كده سبحان الله انا اعرف حد شف ابوه حارمه من الميراس ومنعه من المش عارف ايه وعاطي لاخواته التانيين قد ايه وبيدي لهم قد ايه - 00:11:57ضَ

الحب ده لما تعب ما كنش بيجري عليه الا ابنه ده رغم ان كل الناس يقولوا له انت ازاي تعمل كده وما ينفعش ده حرمك من الميراس وادى لاخواتك وميزهم وما ادالكش هو يقول لأ لله - 00:12:14ضَ

وياخد العجلة بتاعته اللي عليها الصندوق لقدام فيها الاكل قبل ما ياكل مع ولاده يروح يأكل ابوه ويخلص مع ابوه ويرجع ياكل مع اهله هل يا ترى العمل اللي فيه نية صالحة ده علشان ربنا عشان ربنا بس؟ بيضيع؟ لا ربنا سبحانه وتعالى يبارك له في ذريته - 00:12:27ضَ

بقيت من له الرضا يرضى واحد منهم مدرس قد الدنيا ما شاء الله لا قوة الا بالله. ربنا موسع عليه جدا مخلي الراجل اللي كان بيجري على ابوه ده خل ابوه ده ما شاء الله لا قوة - 00:12:46ضَ

عايش حياة ما بعدها حياة. افضل مليون مرة من اللي كان عايشها قبل كده. مين اللي حنن قلب الابن على الاب لان لما ربنا اطلع على قلبه فلقى ان هو كان بيعمل عمل صالح بينه وبين ربنا عشان الاب ده رغم ان الاب ده ظالم. تلاقي ولاده بعد كده - 00:13:00ضَ

ايما كرم. ليه؟ هي النية الصالحة. علشان كده علمائنا كانوا بيعلمونا يقولوا لنا ما تبصوش لعمل كبير ولا صغير. ولكن اهم حاجة انت تبص على ايه بص على نيتك تبص على قلبك - 00:13:18ضَ

لان لما ربنا بيطلع على قلبك وبيلاقي فيه خير عطاء ربنا سبحانه وتعالى بيكون بلا حدود في في واحنا بنصلي في صلاة المغرب احنا بنقرأ قصة يوسف عليه الصلاة والسلام صح - 00:13:31ضَ

هو ليه ربنا وسع على يوسف اوي كده عليه الصلاة والسلام في زنكم ليه؟ ليه ربنا يقول كذلك مكنا ليوسف؟ ليوسف عليه الصلاة والسلام يبقى عزيز مصر وفلوس مصر كلها - 00:13:45ضَ

فتحت ايديه لشطارته لا والله. ولكن ربنا قال لنا سبحان الله معنى جميل اوي. قال كذلك لنصرف عنه السوء والفحشاء انه من عبادنا الايه؟ اه المخلصين. في القراءة الاخرى المخلصين. اصل قلبه كان نضيف - 00:13:59ضَ

النوايا دايما كانت كويسة. كان دايما يبص على العمل الصالح ونية صالحة. علشان كده ربنا مكن له. وهتلاقوا دايما والله كل واحد ربنا سبحانه وتعالى وسع عليه في الدنيا دي لما تيجي تدور كده وتنبش كده هتلاقي دايما نية صالحة في عمل صالح هي اللي - 00:14:17ضَ

حياة ناس كتير جدا جدا جدا. علشان كده قاعدة النهاردة بتقول اوعوا في حياتكم تبصوا عمل كبير ولا عمل صغير. ولكن عنيكم تبقى على الايه ؟ ان النية تكون خالصة لوجه الله سبحانه وتعالى. وعلى قدر اخلاصك على قدر ما بيكون عطاء ربنا سبحانه وتعالى لك - 00:14:37ضَ

وخروج النهاردة وانتم حافظين الاية دي ان يعلم الله في قلوبكم خيرا يؤتكم ايه؟ خيرا. العلماء يقولوا خيرا دي جت منكرة علشان تفيد التعظيم هيديك خير عظيم وتفيد الكثرة وتفيد العموم وتفيد الشمول. ليه؟ ناس كانت بتتاجر مع ربنا بايه - 00:14:57ضَ

بقلوبها بس كده. هذا وصلى الله على نبينا محمد وعلى اله وصحبه - 00:15:17ضَ