كتاب انزلناه اليك مبارك ليدبرون اياته وليتذكر اولوا الالباب اعوذ بالله من الشيطان الرجيم. بسم الله والحمد لله والصلاة والسلام على رسول الله صلى الله عليه وسلم رب اشرح لي صدري ويسر لي امري واحلل عقدة من لساني يفقهوا قولي - 00:00:05

يقول النبي صلى الله عليه وسلم ما اجتمع قوم في بيت من بيوت الله يتلون كتاب الله ويتدارسونه فيما بينهم الا نزلت عليهم السكينة وغشيتهم الرحمة وحفته الملائكة وذكرهم الله فيمن عنده. ويقول النبي صلى الله عليه وسلم - 00:00:56

من سلك طريقا يلتمس فيه علما سهل الله له به طريقا الى الجنة. وقال صلى الله عليه وسلم لله ملائكة طوافون في الارض يلتمسون حلق الذكر فاذا وجدوا قوما يذكرون الله تنادوا - 00:01:16

هلموا الى حاجتكم فيأتون فيحفون المجلس باجنحتهم الى السماء الدنيا فيسألهم ربهم وهو اعلم بهم فيما اجتمع عبادي عايز بس تأمل اللطف اللي في الحديث ده تودد ربنا سبحانه وتعالى - 00:01:34

فيما اجتمع بادئ الناس دي مجتمعين ليه؟ قالوا يا رب يذكرونك ويسبحونك ويحمدونك فيقول فهل رأوني فيقولون لا يا رب لم يروك. فيقول فكيف لو رأوني ما يسألون عبادي يا رب يسألونك الجنة - 00:01:50

فيقول فهل رأوها؟ فيقولون لا يا رب لم يروها. فيقول فكيف لو رأوها مما يستجير عبادي يا رب يستجيرون من النار فيقول فهل رأوها؟ فيقولون لا يا رب لم يروها. فيقول فكيف لو رأوها؟ اشهدكم يا ملائكتي اني قد غفرت لهم - 00:02:06

في رواية اشهدكم يا ملائكتي اني قد امنتهم مما يخافون واعطيتهم ما يرجون خايفين من النار؟ امنتهم مما يخافون واعطيتهم ما يرجون فيقول الملك يا رب فيهم فلان ليس منهم انما جاء لحاجة - 00:02:25

معدي كده اقعد وخلاص انما جاء لحاجة فقال هم القوم لا يشقى بهم جليسهم الله فبفضل ربنا سبحانه وتعالى ونعمته علينا ان احنا نجتمع في المجلس المبارك ده طيب احنا - 00:02:43

آآ الدرس اللي فات كنا بنتكلم عن سورة الفاتحة. اتكلمنا عن اه اسماء السورة وعن فضائل السورة. وبعدين وقفات مع الايات كان من الحاجات المركزة جدا في سورة الفاتحة هي قضية الدعاء - 00:03:01

لما تتأمل في السورة من بداية السورة كلمنا عن الاستعاذة وبعدين بسملة وبعدين الحمد والثناء على الله الحمد لله رب العالمين الرحمن الرحيم. ما لك يوم الدين. اياك نعبد واياك نستعين. وبعدين ايه - 00:03:17

اهدنا الصراط المستقيم فانت مطالب ان انت سبعتاشر مرة في اليوم بتدعي بايه بالهداية وده يخلينا نتأمل هي مسألة الهداية حاجة مهمة قوي كده يعني ان ربنا يهديني دي حاجة مهمة - 00:03:33

عشان ادعي سبعتاشر مرة لو انا في الفجر اتنين مرتين ده اللي انت غير السنن ده الفروض بس في الفجر مرتين الضهر اربع مرات يبقى ستة واربعة في العصر يبقى عشرة وتلاتة المغرب اه تلتاشر واربعة يبقى سبعتاشر - 00:03:50

مرة في اليوم بتدعي ان ربنا يهديك قلنا ان الهداية نوعين حد فاكر؟ هداية ارشاد وهداية ايه توفيق قراية الارشاد اللي بيقوم بها الانبياء والرسل والدعاة والمصلحين ان قال تعالى - 00:04:06

وانك لتهدي الى صراط مستقيم الهداية الارشاد دي ان ربنا سبحانه وتعالى يدلك على الطريق قال تعالى ونفس وما سواها فالهمها فجورها وتقواها قال تعالى والله يدعو الى دار السلام ويهدي من يشاء الى صراط مستقيم. ان ربنا - 00:04:24

يدلك على الطريق يهديك يبعت لك الرسل وينزل الكتب. قال تعالى واما ثمود فهديناه فاستحبوا العمى على الهدى ربنا هداهم لنا بايه؟ بالرسول ارسل الرسل هم استحبوا العمى على الهدى. فدي اسمها هداية الارشاد - 00:04:44

هداية التوفيق ان ربنا سبحانه وتعالى يوفقك للعمل والهداية دي لا يملكها احد الا الله. سبحانه وتعالى. قال تعالى انك لا تهدي من احببت. ولكن الله يهدي من يشاء فاحنا بندعي ربنا ان ربنا يدلنا على الطريق - 00:05:03

وان ربنا ييسر لنا العبادة. يوفقنا له زي ما كان النبي عليه الصلاة والسلام يقول يقول واهدني ويسر الهدى لي واهدني ان انا اعرف الطريق ان انا احب الصلاة ان ربنا يشرح صدري للطاعة دي واهدني ويسر الهدى لي ان تبقى سهلة. ابقى قادر اعملها. لان زي ما قلنا ان في ناس كتير هو عارف الصح - 00:05:22

بس مش قادر يعمله. عارف ان هو المفروض يصلي صلاة الفجر في وقتها في المسجد بس تقيلة عليه. عارفة ان هي المفروض آآ تقطع العلاقة اللي مش كويسة دي بس - 00:05:46

تقيلة عليها ففكرة ان انا بدعي بالهداية دي قضية مهمة جدا ان اعظم نعمة اعظم نعمة. ربنا سبحانه وتعالى ينعم بها على العبد هي نعمة ايه؟ نعمة الهداية يعني ايه قيمة ايه قيمة ان انت تبقى - 00:05:56

يعني مسلا اغنى واحد في الدنيا وساكن في في قصر وعندك ومتجوز اجمل واحدة في العالم وعندك تيارات وعربيات وبتسافر اي بلد انت عائزها؟ ماشي؟ ايه قيمة ده كله لو انت ما تعرفش ربنا - 00:06:11

ايه قيمة ده؟ لو الانسان ده ما بيصليش ايه قيمته في في الاخرة صفر ولا حاجة قال تعالى فلا نقيم لهم يوم القيامة وزنا. ما لوش وزن ليه؟ لان القيمة كلها ان انت هيبقى في ايمان وعمل صالح - 00:06:29

ودي بتيجي من الهداية. فاعظم نعمة مش ان انت يبقى معك فلوس ولا انت تبقى مشهور ولا انت تبقى قوي. اعظم نعمة ان ربنا ايه يهديك فعشان كده بندعي سبعتاشر مرة في يوم غير نوافل تقول يا رب اهديني. يا رب اهدني وكأنك مستشعر ان انت ممكن تضل - 00:06:47

احنا مشكلتنا ان احنا حاسين بايه بنوع من الامان كأننا خلاص ما فيش لحظة خوف زي ما كنا بنقول سيدنا ابراهيم كان بيدعي بيقول ايه؟ قال واجنبني وبني ان نعبد الاصنام - 00:07:07

سيدنا ابراهيم اللي بنى الكعبة اللي كسر الاصنام وهو آآ شاب بيقول ايه بيقول يا رب واجنبني وبني ان نعبد الاصنام سيدنا يوسف قال قال ربي قد اتيتني من الملك وعلمتني من تأويل الاحاديث. فاطر السماوات والارض انت وليي في الدنيا والاخرة ايه - 00:07:21

توفني مسلما والحقني بالصالحين يعني كأن الصالحين سبقوا يا رب ايه دخلني معهم ده ده مين سيدنا يوسف تسمع الصحابة يقولون عن النبي صلى الله عليه وسلم كان اكثر دعاءه صلى الله عليه وسلم اللهم يا مقلب القلوب ثبت قلبي على دينك - 00:07:42

فاعظم نعمة هي نعمة الهداية واعظم دعاء هو طلب الهداية في اعزم سورة سورة الفاتحة ماشي؟ خلينا النهاردة نتكلم عن الدعاء كأن احنا خدنا جزء من من العشر اجزاء بتاعة اعمال سورة الفاتحة وهنتكلم عنه النهاردة. ان احنا عايزين العبادة دي نقرب منها. نفهم يعني ايه دعاء - 00:08:03

نفهم يعني ايه اسم الله المجيب؟ يعني الناس على اربع اصناف اما واحد هو مستكفي بالنعمة ركزوا في الكلام ده. واحد حياته فيها استقرار مستقر فمش حاسس ان هو محتاج ايه - 00:08:24

يدعي ربنا. قال تعالى كلا ان الانسان ليطغى امتى ان رآه استغنى. لما يبقى عنده كل النعم والحياة مستقرة وكل الدنيا ماشية تمام. مش حاسس ان هو محتاج يدعي ربنا في حاجة - 00:08:39

ده اول واحد تاني واحد في واحد عنده يأس من الاسباب يعني بيدعي الدعوة بس شايف ان هي ايه مستحيل بيسقط الاسباب الدنيوية على قدرة ربنا سبحانه وتعالى. ان هي ما دام في الدنيا مستحيلة يبقى هتبقى ايه؟ صعبة جدا الدعوة دي - 00:08:54

فبيدعي وهو يائس ماشي او النوع التالت اللي دعا دعوات وربنا سبحانه وتعالى ما استجابش الدعاء ده دعا والدعاء اتأخر فحاسس بنوع من الايه؟ من الغضب كده. ان هو انا دعيت وربنا ما استجبش - 00:09:15

الدعاء بتاعي فدول تلات انواع انواع بشر مع الدعاء. ماشي؟ لما نيجي نتكلم نفصل بقى ازاي نحل المشاكل دي. اول حاجة عايزين نعرف فضل الدعاء. فضل عبادة الدعاء. يعني ايه حجم العبادة دي عند ربنا سبحانه وتعالى؟ النبي عليه الصلاة والسلام قال الدعاء هو العبادة - 00:09:33

الدعاء هو العبادة ثم قرأ وقال ربكم ادعوني استجب لكم. ان الذين يستكبرون عن عبادتي سيدخلون جهنم داخرين يعني ايه الدعاء هو العبادة يعني ليه النبي عليه الصلاة والسلام سمى الدعاء عبادة؟ هو العبادة. يعني كل العبادة ايه؟ دعاء. اشمعنى؟ اشمعنى الدعاء؟ انا هسألك سؤال انت لما بتطلب من حد - 00:09:54

آآ آآ فلوس. الطلب ده فيه نوعين اول حاجة بقول ان انا فقير وان انا محتاج الفلوس دي وتاني حاجة بقول ان انت ايه ان انت غني ان انت قادر - 00:10:19

فلما بطلب منك مساعدة. اول حاجة انا بقول ان انا عاجز مش قادر اعمل الحاجة دي. وبقول ان انت ايه قادر ان انت تعمل ده. فمجرد الانسان بيدعي ربنا يرفع - 00:10:33

ايده ويدعو بيقر ان هو ايه ان هو عبد وان هو فقير وان هو ضعيف وان هو عاجز وان في حاجات هو مش قادر يعملها والنص التاني بيقر ان الله سبحانه وتعالى سميع بصير مجيب - 00:10:43

قادر سبحانه وتعالى غني رزاق. فالدعاء بيجمع العبودية بين التزلل والافتقار وبين الاعتراف بقدرة ربنا والاسماء والصفات. فاهمين يعني ايه النبي عليه الصلاة والسلام قال الدعاء هو العبادة فالانسان اللي ما بيدعيش شف ربنا قال ايه؟ قال وقال ربكم ادعوني - 00:11:00

استجب لكم. ان الذين يستكبرون عن دعاء عن عبادتي سيدخلون جهنم داخرين ولزلك النبي صلى الله عليه وسلم قال من لم يسأل الله يغضب عليه تخيل ان واحد ما بيدعيش هو ما بيدعيش ليه - 00:11:19

هو انت مش محتاج حاجة من ربنا؟ يعني ما عندكش مشكلة في حياتك ما فيش زنب معين في حياتك محتاج تتوب منه فالانسان اللي ما بيدعيش ده انسان ايه مستكبر قال ان الذين يستكبرون عن عبادته - 00:11:39

سيدخلون جهنم داخرين. فده معنى قول النبي صلى الله عليه وسلم الدعاء هو العبادة. لما نتكلم نشوف حديس النبي صلى الله عليه وسلم. حديس ابي ذر. قال قال رسول الله صلى الله عليه - 00:11:52

فيما يروي عن الله تبارك وتعالى انه قال يا عبادي اني حرمت الظلم على نفسي وجعلته بينكم محرما فلا كظالموا يا عبادي عايزك بس ركز بس في النداء ده الله سبحانه وتعالى يتكلم ينادي على العباد. يقول يا عبادي - 00:12:02

كلكم ضال الا من هديته فاستهدوني اهدكم فاستهدوني الالف والسين والتاء ده اسمه ايه طلب يعني كلكم ضال يعني كل البشر. كلكم ضال الا من هديتم. فاستهدوني يعني اطلبوا مني الهداية - 00:12:25

اهديكم يا عبادي كلكم جائع الا من اطعمته فاستطعموني اطعمكم يا عبادي كلكم عار الا من كسوته. فاستكسوني اكسكم يا عبادي انكم تخطئون بالليل والنهار. وانا اغفر الذنوب جميعا فاستغفروني - 00:12:46

اغفر لكم شوف تأمل كلكم ضال الا من هديته طلب ايه الهداية. فربنا سبحانه وتعالى بيعلمنا ان احنا ندعي نطلب الهداية كلكم جائع الا من اطعمته فاستطعموني اطعمكم. ان انت تطلب منه ايه؟ الرزق - 00:13:08

تطلب منه الرزق. وبعدين كلكم عار الا من كسوته فاستكسوني اكسكم. تطلب منه الستر تخيل كده لو ربنا ما سترشرش العبد تخيل تخيل انت تعمل معصية تعمل معصية تتفضح ما فيش ستر - 00:13:28

كان بعض السلف يقول الحمد لله الذي لم يجعل للذنوب رائحة الحمد لله الذي لم يجعل ايه الزنوبي رائحة ان انت ما بتعملش معصية بيطلع ريحة او بيطلع علامة كده بعد الزنب - 00:13:47

فتخيل نعمة الستر فربنا بيقول لك اطلب الهداية اطلب الهدية واطلب الرزق واطلب الستر كلكم عار الا من كسوته فاستكسوني اكسكم اطلب المغفرة. يا عبادي انكم تخطئون بالليل والنهار. وانا اغفر الذنوب جميعا. فاستغفروني اغفر لكم - 00:14:01

ثم قال يا عبادي انكم لن تبلغوا ضري فتضروني. ولن تبلغوا نفعي فتنفعوه. عشان يترسخ جوة قلب العبد ان الطاعة دي الطاعة بتاعتنا الصلاة والصيام اي نوع من انواع العبادة دي هتزود في ملك ربنا حاجة - 00:14:21

يعني لن تبلغوا ضري فتضرني ولن تبلغوا نفعي فتنفعوني ثم قال يا عبادي لو ان اولكم واخركم وانسكم وجنكم كانوا على اتقى قلب رجل واحد منكم عايزك تتخيل كده ان البشر من لدن ادم عليه السلام حتى قيام الساعة - 00:14:40

كل الناس دي ايه على اتقى قلب رجل واحد منكم يعني على طخوة النبي صلى الله عليه وسلم كل الناس بتصلي وكل الناس بتتعبد كل الناس على تقوى النبي ده هيزود في ملك ربنا حاجة - 00:15:00

يعني هو ربنا محتاج العبادة بتاعتنا سبحانه وتعالى خالص قال ما زاد ذلك في ملكي شيئا ولو ان اولكم واخركم وانسكم وجنكم كانوا على افجر قلب رجل واحد منهم. ما نقص ذلك من ملك شيء - 00:15:16

يعني ولا الطاعة هتزود في في ملك ربنا سبحانه وتعالى ولا المعصية ايه هتنقص من ملكه سبحانه وتعالى. طب احنا بنعبده ليه؟ عشان انت يعني انت لما بتصلي لما بتغض بصرك لما اه بتسمع قرآن لما بتحفظ قرآن انت اللي بتستفيد - 00:15:34

الصدقة دي انت اللي بتنتفع بها. قال تعالى ان احسنتم احسنتم ايه لانفسكم وان اسأتم فلها يعني العبادة بتاعتي عشان يترسخ في زهني اصل احيانا بعض الناس هو بيمن على ربنا بالعبادة. ان هو انا صليت - 00:15:49

يعني صدقت صدقت انا لبست الحجاب انا عملت كزا في بداية ما انزل على النبي قال ولا تمنن تستكثر ما تمنش على ربنا. انت اصلا انت المستفيد بالعبادة دي. الله سبحانه وتعالى غني - 00:16:07

عن الطاعة بتاعتها وغنية عن المعصية فعشان يترسق في زهنك شف الحديس بيقول لك في البداية طلب الهداية والرزق الستر المغفرة وبعدين بيقول لك سبحانه وتعالى غني غنية عن الطاعة وغنية عن المعصية - 00:16:23

وبعدين يقول لك ايه؟ يا عبادي شوف النداء لو ان اولكم واخركم وانسكم وجنكم قاموا في صعيد واحد فسألوني فاعطيت كل انسان مسألته انا بس قبل ما نكمل عايز اتخيل المشهد - 00:16:40

تخيل كده ان البشر من بداية سيدنا ادم لحد يوم القيامة لو ان اولكم اولكم واخركم وانسكم وجنكم. انس والجن قاموا في صعيد واحد. كله قام ايه في نفس الوقت فسألوني - 00:16:59

فاعطيت كل انسان منهم مسألته قال ما نقص ذلك مما عندي الا كما ينقص المخيط الابرة اذا ادخل البحر وتحط الابرة في البحر في حاجة بتاخد حاجة من البحر خالص - 00:17:17

فربنا عايز يقول لك ايه؟ يريد سبحانه وتعالى ان هو يقول لك ايه ان هو غني كريم. خزائنه لا تنفذ ان لو كل البشر قاموا في نفس الوقت كل واحد بيدعي فسألوني فاعطيت كل انسان مسألته. يعني ده واحد بيدعي بالرزق. واحد بيدعي بالعيال. واحد بيدعي بالزوجة. واحد بيدعي - 00:17:33

بالهداية واحد بيدعي بالتوبة والمغفرة كل واحد بيدعي دعاء سبحان الله لما كانوا عاملين في في الكعبة في الطواف الدور اللي هو الكوبري ده لما تقف على الكوبري اللي فوق كده او تقف في الصحن اللي فوق وتبص على الناس وهي بتطوف عدد مهول - 00:17:53

خاصة في رمضان عدد ما اقول من البشر بيضيفوا. جنسيات مختلفة وكل واحد بيدعي في اتجاه اللي بتدعي ربنا يشفي ابنها. واللي بتدعي بالولد كل واحد بيدعي بلغات مختلفة تقعد تبص كده - 00:18:12

قل سبحان الذي لا يشغله سمعا سمع انت عمرك كده وانت بتدعي واحد صاحبك بيدعي جنبك قلت له اسكت شوية عشان ادعي انت ما بيجيش في زهنك كده خالص ليه - 00:18:27

لان انت متيقن ان ربنا ايه سامعك وسامعه فشوفوا عظمة الدعاء ان انت بتقر ان ربنا سميع لا يشغله سمع عن سمع ومجيب يعني يجيب سؤالك ويجيب سؤاله. عارفين معنى ايه؟ معنى المجيب ايه - 00:18:40

معنى اسم الله المجيب لما انا مسلا انده على حسام قل له يا حسام فيقول لي ايه نعم حسام اسمه هنا ايه مجيب لما اقول له حسام مسلا خد الكتاب ده وديه هناك - 00:18:57

ده اسمه ولا طلبت منه ايه؟ طلب. فلما حسام يعمل ده يعمله اسمه مجيب فاما الاجابة تكون اجابة سؤال ان انا سألت مسلا ربنا ان ربنا يهديني او ان ربنا يعلمني - 00:19:12

ماشي؟ فربنا يهديك او يعلمك ده اسمه اجابة السؤال. ماشي؟ او اجابة ايه؟ طلب مسألة يا رب ارزقني يا رب آآ آآ مسلا عايز رزق معين المال معين. يا رب عايز الوزيفة الفلانية - 00:19:27

فاما الاجابة تكون بالعلم يعلمك حاجة او يهديك اول اجابة ان يكون ايه يعطيك عطاء فاهمين معناه؟ فوالله سبحانه وتعالى سمى نفسه المجيب المجيب. يعني هو سبحانه وتعالى لا يكون الا مجيبا. يعني يستحيل في حق الله ان انت تدعي وربنا ما يستجبش - 00:19:43

صح ولا غلط يعني ربنا سبحانه وتعالى قال وقال ربكم ادعوني استجب لكم وقال واذا سألك عبادي عني فاني قريب اجيب دعوة الداع اذا دعان ماشي فهنا يستحيل في حق الله ان الانسان يدعي وربنا ما يستجبش - 00:20:07

هنتكلم دلوقتي طب لو انا دعيته والدعوات دي بتروح فين؟ وليه الدعوات بتتأخر؟ هنتكلم دلوقتي عن معنى ده لكن خلينا نكمل معنى الحديس ده قال لو ان اولكم واخركم وانسكم وجنكم قاموا في صعيد واحد فسألوني فاعطيت كل انسان مسألته - 00:20:27

ما نقص او ما نقص ذلك مما عندي الا كما ينقص المخيط اذا ادخل البحر. يا عبادي انما هي اعمالكم احصيها لكم ثم اوفيكم اياه. فمن وجد خيرا فليحمد الله. ومن وجد غير ذلك فلا يلومن الا نفسه. شف الحديث ده يقول لك كان ابو ادريس اذا حدث بهذا الحديث جثا على ركبتيه - 00:20:44

الراوي اللي بيروي الحديس ده لما كان يحدث الحديس ينزل على ركبه من عظمة الحديس ده شوف اه حديس ابي هريرة قال قال رسول الله صلى الله عليه وسلم ان الله يقول - 00:21:09

انا عند ظن عبدي بي وانا معه اذا دعاني وانا معه اذا دعاني. رواه البخاري ومسلم. طيب انا دلوقتي بدعي دعوة واحيانا الدعاء ده بيتأخر فانا عايز اعرف بما ان الله سبحانه وتعالى مجيب ويستحيل في حق الله ان ربنا يرد السائل - 00:21:24

انا عايز اعرف الدعوة بتروح فين؟ ما هو انا في دعوات دعيتها وربنا ما استجابش صح ولا غلط؟ يعني كم واحد دعا دعوة في حياته وما فيش الدعوة دي ما ما فيش اجابة - 00:21:43

كتير جدا كلنا اغلبنا صح طب الدعاء بيروح فين اسمعوا الحديس ده. صل على النبي عن ابي سعيد ان النبي صلى الله عليه وسلم قال ما من مسلم يدعو بدعوة ليس فيها اثم ولا قطيعة رحم الا - 00:21:53

اعطاه الله بها احدى ثلاث ماشي؟ يبقى الدعوة شرط ان هي تكون ايه ليس فيها اثم فبتعيش بمعصية او بدعي على حد ظلم يعني او قطيعة رحم او قطيعة رحم - 00:22:10

الا اعطاه الله بها احدى ثلاث. اما ان تعجل له دعوته يعني اما ان ربنا سبحانه وتعالى يستجيب الدعاء ازا كان الدعاء ده فيه ايه خير لك فيعجل الدعاء. انت دعيت بدعوة فربنا يستجيب - 00:22:25

واما ان يدخرها له في الاخرة اما ان ربنا ما يستجيبش دعاءك خالص والدعاء ده ربنا يدخره لك في ايه في الاخرة ماشي؟ واما ان يصرف عنه من السوء مثلها. يبقى اول حاجة ربنا يستجيب - 00:22:41

او يدخرها لك في الاخرة او ان يصرف عنك من السوء يعني ايه يعني انت بتدعي مسلا وتقول يا رب آآ ارزقني مسلا الحاجة الفلانية دي. فوانت بتدعي الدعاء ده ربنا ما استجابش. بس كان فيه ابتلاء نازل عليك مرض - 00:22:59

ولا ولا حادسة ولا حاجة صعبة جدا كانت هتحصل لك فربنا يصرف عنك بالدعاء ده فاهمين معنى ده فكده كده الدعاء ايه كده كده مستجاب اما يستجيب واما يؤخر الدعاء لمصلحة - 00:23:14

لك او ان هو يدخر الدعاء ده في الاخرة وانت تكون فعلا لما يروح يوم القيامة ويرى ما اعد الله له من الاجر يتمنى ان ربنا ما كانش استجاب ولا دعوة في الدنيا - 00:23:34

او ان ربنا يصرف عنك من السوء. فكده كده شف الصحابة قالوا ايه؟ قالوا يا رسول الله اذا نكثر قال الله اكثر طب نكتر بقى الدعاء ما دام الموضوع حلو كده؟ قال الله اكثر. قال وعن سلمان - 00:23:47

عن النبي صلى الله عليه وسلم قال الحديس ده جميل قال صلى الله عليه وسلم ان الله حيي كريم يستحي اذا رفع الرجل اليه يديه ان يردهما صفرا خائبتين عايزة بس تشوف انت بني ادم - 00:24:02

ماشي وانت ممكن تكون معك اكل مسلا وانت راجل غني ماشي في الشارع فلقيت حد مسكين قوي وشكله صعب عليك وطلب منك الاكل ده او حاجة. بتعمل ايه تستحي تتكسف صح - 00:24:26

يعني تبقى عايز طبعا لو انت يعني ايه مش طفل كله انت اغلب انت قاعد بتاكل وحسيت ان حد في حد جعان فانت ايه بتتكسف حتى لو انت مش تدي له بس انت حسيت بنوع من ايه - 00:24:39

من الحياء ان حد يسألك سؤال وانت ما تردش فشوف ولله المثل الاعلى. قال صلى الله عليه وسلم ان الله حيي ربنا يستحي مني انا يعني انا انا العبد فقير ربنا يستحي مني انا - 00:24:51

ان الله حيي كريم يستحي اذا رفع الرجل اليه يديه واحد يرفع ايده ويقول يا رب يا رب اديني كزا. الله سبحانه وتعالى يستحي من العبد ده ان ايده دي تنزل كده ايه - 00:25:09

فاضية ان يردهما صفرا خائبتين صفرا يعني ايه؟ ما فيهاش حاجة. فانت عمرك ما هترفع ايدك وتدعو بصدق وحضور قلب الا وربنا ايه هيستجيب سبحانه وتعالى ايدك دي مش هتنزل فاضية ممكن يديك السؤال بتاعك او يديك حاجة احسن مني - 00:25:21

زي ما هنتكلم دلوقتي وقال عن ابي هريرة رضي الله عنه قال اقرب ما يكون العبد من ربه وهو ساجد فاكثروا من الدعاء. وبعدين تتأمل ان لما تعرف معاني اسم الله المجيب - 00:25:43

بان الله سبحانه وتعالى حيي كريم يستحي اذا رفع العبد يديه وتشوف الحديس ده وبعدين تستغرب احنا ما بندعيش ليه يعني مشكلتنا ان احنا ما بندعيش غير لما تبقى في ايه - 00:25:58

مشكلة اول لما تتحط في بلاء ومصيبة تدعو واذا مس الانسان ايه الضر دعانا لجنبه او قائما او قاعدا فلما كشفنا عنه اول لما الانسان يتكشف عنه الدور ده يقول ايه - 00:26:13

مر شف كلمة مر دي ايه؟ كأن طب يا حاج انت كنت لسه بتدعي من يومين وربنا نجاك من المصيبة. انت كنت بتعيط بعد ما خلاص عارف ايام السانوية العامة - 00:26:29

امتحانات تلاقي ما شاء الله رايح راجع من على المسجد والراجل زبوبة الصلاة طلعت له من الشهرين بتوع الامتحانات دول انت خلص امتحانات من هنا يا حاج تفتح سناب شات تلاقيه مارينا ومنزل - 00:26:40

يا عم فين التقوى والايمان فهنا الانسان اول لما يتحط في مصيبة يدعي وخد بالك ده ده مش انسان وحش. يعني اللي بيلجأ لربنا في المصايب ده كويس. بس الافضل ايه - 00:26:54

اللي اللي هو يستقيم اللي يدعي في الرخاء وفي في الضراء في السراء والضراء ماشي؟ شف الحديث ده قال عن ابي هريرة رضي الله عنه ان رسول الله صلى الله عليه وسلم قال - 00:27:08

ينزل ربنا تبارك وتعالى كل ليلة الى السماء الدنيا والله سبحان الله يعني كلنا اغلبنا يعني عارفين الحديس صح الله سبحانه وتعالى ينزل كل ليلة الى السماء الدنيا نزولا يليق بجلاله وكماله سبحانه وتعالى ليس كمثله شيء وهو السميع البصير - 00:27:22

ماشي وبعدين شف ان ده والله اول لما بقرأ الحديس ده احس ان احنا فعلا يعني ايه الجحود ده جفاء جهل قال حين يبقى ثلث الليل الاخر. يقول من يدعوني - 00:27:42

فاستجيب له تخيل كل ليلة الله سبحانه وتعالى ينادي على العباد ها مين يدعو فاستجيب له من يسألني فاعطيه من يستغفرني فاغفر له كل ليلة وذلك كل ليل ومع زلك تلاقي في الوقت ده الناس ايه اللي نايم واللي قاعد على الفيسبوك واللي قاعدة بتكلم صاحبها واللي سهران بيلعب بلايستيشن واللي قاعد بيعمل - 00:28:01

ويغفل ان ده وقت تنزل الله سبحانه وتعالى وقت تحقيق الاحلام فعلا ده وقت السحر ده جوف الليل الثلث الاخير دوت تحقيق الاحلام بتاعتك معجزات تتحقق في الوقت ده. طيب احنا نكتفي بهذا القدر سبحانك اللهم وبحمدك اشهد ان لا اله الا انت استغفرك واتوب اليك - 00:28:32