باحث

النهاردة ان شاء الله هنتكلم عن انواع الخبر. هتقول لي ايه ده؟ انتم كمان طلعتوا الخبر انواع؟ انتم ما سبتوش حاجة في حالها اقول لك يا عم ما تزعلش ما انت لما بتروح تشتري قهوة اول سؤال بيسأله لك الراجل عايزها نوعها ايه؟ ولما بتروح تشتري شاي اول سؤال بيسأله لك عايزه نوعه ايه - 00:00:00ضَ

فما جتش على الخبر يعني ما تبقاش متشدد المهم قبل ما نتكلم النهاردة عن انواع الخبر لازم افكرك الاول يعني ايه مبتدأ ويعني ايه خبر؟ المبتدأ هي الكلمة اللي انا ببدأ بها الجملة الاسمية. جميل جدا - 00:00:16ضَ

زي لما اقول الصلاة نور هنا كلمة الصلاة انا بدأت بها الجملة الاسمية بتاعتي فبعربها مبتدأ. مبتدأ مرفوع وعلامة رفعه الضمة والخبر هو الكلمة اللي بتخبرني عن المبتدأ وقلت لك المرة اللي فاتت في الفيديو اللي فات بتاع تعلم الاعراب تلاتة ان الخبر عشان تطلعه بسهولة تعال بعد المبتدأ وحط بعديها ما له او مالها. تعال هنا بعد - 00:00:29ضَ

صلاة وحط كلمة مالها وقل الصلاة مالها؟ الاجابة هتبقى نور. يبقى نور هي الخبر. يبقى بسأل على الخبر بماله او مالها بعد المبتدأ. ندخل ندخل بقى في درسنا النهاردة اللي هو انواع الخبر. اول نوع عندي من انواع الخبر هو الخبر المفرد - 00:00:52ضَ

يعني ايه خبر مفرد؟ الخبر المفرد هو الكلمة الواحدة. بس ما تكونش فعل. يعني ايه الكلام ده؟ بيقول لي يعني الخبر المفرد بيبقى عبارة عن كلمة واحدة بس. والكلمة الواحدة - 00:01:07ضَ

ما تبقاش فعل. هتقول لي ايه ده! هو الخبر ينفع يجي اكتر من كلمة؟ هقول لك اه زي لما اقول لك المعلم مخلص. دي جملة اسمية. المعلم مبتدأ. المعلم ماله مخلص. يبقى مخلص خبر. الخبر هنا بيبقى عبارة عن كلمة واحدة بس - 00:01:17ضَ

اما يسألني الخبر هنا نوعه ايه؟ اقول له الخبر هنا نوعه مفرد. خل بالك لو هو سألني يعني وانا باعرب ما باقولوش خبر مفرد مرفوع بالضمة. لأ انا بعلمه عادي خبر مرفوع وعلامة رفعه الضمة. لكن لو هو سألني تحت في الاستخراج الخبر ده نوعه ايه؟ اقول له الخبر ده نوعه مفرد - 00:01:33ضَ

او زي لما اقول المعلم ان مخلصان. دي جملة اسمية. المعلم ان هنا مبتدأ مرفوع وعلامة رفعه الالف. المعلم ان ما لهم؟ مخلصان. مخلصان. خبر مرفوع علامة رفع الالف. هتقول لي لأ لأ واحدة واحدة علي بقى عشان انا مش فاهم الحتة دي - 00:01:53ضَ

منين بتقول لي ان كلمة مخلصان خبر مفرد؟ ومنين كلمة مخلصان دي مثنى اصلا؟ ازاي يعني اقول لك لأ انت كده بقى كنت سرحان مني. انا قلت لك معنى كلمة المفرد هو الخبر لما يكون كلمة واحدة بس. ده معناها. مش معنى المفرد ان هو ما ينفعش يجي مثنى ولا جمع - 00:02:08ضَ

لأ عادي بيجي مثنى وجمع عادي خالص وانما المقصود بالمفرد هو الخبر لما يكون كلمة واحدة بس مش فعل. كلمة واحدة مش فعل او زي لما اقول لك المعلمون مخلصون. المعلمون مبتدأ ومخلصون هنا خبر مرفوع وعلامة رفعه الواو. ده يا سيدي الخبر المفرد باختصار - 00:02:24ضَ

تاني نوع عندي من انواع الخبر هو الخبر الجملة. الخبر الجملة؟ اه. هتقول لي طب يعني ايه خبر جملة؟ هقول لك الخبر الجملة يعني جملة كلها على بعض خبر. بناخدها - 00:02:43ضَ

ده كده شرو على بعض. وبما ان الجملة عندي بتنقسم لنوعين اسمية وفعلية يبقى الخبر عندي برضو الجملة هينقسم لنوعين. خبر جملة اسمية وخبر جملة فعلية. نتكلم الاول على خبر الجملة الاسمية. هتقول لي طب واحدة واحدة. يعني ايه خبر جملة اسمية الاول؟ هقول لك يعني ايه بس بعد ما اديك المسال ده. الف - 00:02:53ضَ

متى خلقها جميل. دي جملة اسمية صح؟ هتقول لي صح؟ هقول لك طلع لي مبتدأ. هتقول لي مش محتاجة فقاقة دي؟ المبتدأ هو كلمة الفتاة. هقول لك الله ينور عليك - 00:03:13ضَ

ينفع اقول الفتاة خلقها واسكت؟ يعني تخيل كده ان واحد راح لاهله يقنعهم ان يتقدموا لواحدة هو بيحبها. فبيقول لهم الفتاة خلقها وسكت. ساعتها هيلاقي كائن الشبشب بيطير في الجو ويلزق في وشه. المهم ان كلمة خلقها لوحدها ما اخبرتنيش عن الفتاة. وفي نفس الوقت ما - 00:03:23ضَ

ما ينفعش اقول الفتاة جميل. الله! يعني معنى كده ما فيش خبر؟ لأ فيه خبر. ازاي؟ بص يا سيدي خدها نصيحة. ادام الجملة الاسمية بتاعتك مفهومة يبقى لازم يبقى فيها خبر. ادان مفهومة. فالخبر هنا بنقول عليه هي كلمة خلقها جميل على بعض. خبر جملة اسمية. هتقول لي طب ما انا كده في الامتحان هتوه - 00:03:43ضَ

مش هعرف اطلع خبر الجملة الاسمية. هقول لك لأ ما تخافش مش هتوه. لان انا هحط لك شروط على اساسه تطلع خبر الجملة الاسمية. خبر الجملة الاسمية له شرطين الشرط الاولاني ان هم يبقوا كلمتين. يعني يبقوا كلمتين على بعض هم اللي بيخبروني عن الفتاة - 00:04:03ضَ

ده الشرط الاول. يعني انا لو جيت هنا اطبق الشرط ده واسأل نفسي الفتاة ما لها؟ الاجابة على بعض هتبقى خلقها جميل. يبقى الشرط الاول خبر الجملة الاسمية ان هو يبقى كلمتين. الشرط التاني وهو مهم جدا جدا ان الجملة دي اللي هي مكونة من كلمتين اللي هم خبر يبقى فيها ضمير - 00:04:19ضَ

عائد على المبتدأ. هتقول لي يعني ايه بيبقى فيها ضمير عائد على المبتدأ؟ هقول لك يعني الكلمتين اللي انا بقول عليهم خبر جملة اسمية دول لازم كلمة منهم يبقى فيها - 00:04:39ضَ

كضمير عايدة على المبتدأ يعني كلمة خلقوها هنا فيها ضمير اللي هو الهاء ده عايد على الفتاة. فهنا بنقول ان الشرطين بتوعي اتحققوا. ان الخبر هنا عندي مكون من كلمتين اللي هو خلقها جميل على بعض - 00:04:49ضَ

لان انا لما انا سألت قلت الفتاة ما لها؟ الاجابة كانت على بعض خلقها جميل. والشرط التاني ان لازم يبقى في كلمة من الكلمتين دول ضمير عائد على ابتدأ اللي هو موجود في كلمة خلقها. الهاء هنا عايدة على الفتاة - 00:05:03ضَ

فلو الشرطين بتوعك تحققوا زي الجملة دي بنقول لك ساعتها مبارك عليك يا سيدي الخبر بتاعك جملة اسمية. هتقول لي بس انا عندي سؤال هموت واسأله. هقول لك اسأل ما تموتش. انت غالي علينا ومحتاجينك - 00:05:19ضَ

هتقول لي طيب لو جا لي في الامتحان وحط لي خط تحت كلمة خلقها جميل على بعض اقول له خبر مرفوع وعلامة رفعه الضمة هقول لك لأه طبعا. هتقول لي الله! مش انت قلت لي خلقها جميل على بعض خبر؟ هقول لك اه. بص يا سيدي. الخبر - 00:05:31ضَ

جملة والخبر اللي احنا هناخده التالت النوع التالت اللي هو اسمه شبه جملة. ده ما لوش دعوة بالاعراب. يعني ما بيتعربش في القطعة. ده له دعوة بالاستخراج. بيجي تحت يقول لك - 00:05:46ضَ

فاخرج لي خبر جملة اسمية. استخرج لي خبر جملة فعلية بس. اما لو حط لك خط تحت اي كلمة بتعربها على حسب موقعها في الجملة تقول لي طيب امال انا هنا كلمة خلقها وكلمة جميل اعرب كل كلمة فيهم ايه؟ هقول لك ما تخافش انا هقول لك اعرابهم بس انت ركز معي وافهم الاول يعني ايه - 00:05:56ضَ

خبر جملة اسمية. او زي لما اقول لك المسلم صلاته خاشعة. المسلم هنا عندي مبتدأ صح؟ فبالتالي ادام فيه مبتدأ يبقى فيه خبر المسلم ماله؟ صلاته خاشعة على بعض. يبقى ده بنسميه خبر جملة. جميل. كده انا عايز اتأكد ان الخبر اللي قدامي ده خبر جملة اسمية. هروح ادور على - 00:06:16ضَ

كشارتين اشوفهم يتحققوا ولا لأ الشرط الاول في الخبر الجملة الاسمية انه يبقى كلمتين. هنا فعلا الخبر كلمتين صلاته خاشعة. الشرط التاني انه يبقى فيه ضمير عائد على في اي كلمة من الكلمتين - 00:06:35ضَ

لو بصينا على كلمة صلاته مش الهاء دي عايدة على المسلم اللي هي المبتدأ هتقول لي اه هقول لك بس يبقى كده الشرطين بتوعي اتحققوا. ان الخبر هنا عندي مقاوم - 00:06:51ضَ

من كلمتين وفي ضمير عائد على المبتدأ يبقى مبارك عليك يا سيدي. الخبر هنا خبر جملة اسمية. او زي لما اقول لك مصر شعبها طيب. مصر هنا مبتدأ يبقى لازم يبقى فيه خبر. هدور على الخبر ازاي؟ احط مالها بعد المبتدأ. مصر مالها؟ شعبها طيب على بعض - 00:07:01ضَ

ده خبر نوعه ايه؟ هرجع اتأكد من الشرطين. الخبر هنا عندي كلمتين؟ اه شعبها طيب على بعض. جميل. فيه ضمير عايد على المبتدأ في اي كلمة من اتنين اه كلمة شعبها فيها ضمير عايد على مصر اللي هي المبتدأ يبقى كده الشرطين بتوعي اتحققوا يبقى مبارك عليك يا سيدي الخبر بتاعك هنا - 00:07:19ضَ

خبر جملة اسمية. هتقول لي طب خلاص انا فهمت خبر الجملة الاسمية بس مش فاهم بردو كلمة خلقها اعربها ايه وكلمة جميل اعربها ايه؟ يعني لو حط لي تحتها في الامتحان. عامل معها ايه - 00:07:39ضَ

قبل ما اقول لك تعمل معها ايه هسألك سؤال الاول. انت فهمت خبر الجملة الاسمية؟ هتقول لي اه فهمته. هقول لك يعني متأكد ان انت تعرف تطلعه بسهولة؟ هتقول لي ايوه متأكد خلاص ما انا معي الشرط - 00:07:52ضَ

هجرب الشرطين بتوعي هتأكد ان الخبر بتاعي كلمتين وهتأكد ان في ضمير عائد على المبتدأ. هقول لك طيب يا سيدي. اول ما تعرف ان الخبر بتاعك خبر جملة اسمية اعرف ان الكلمة الاولى فيه بتعرب مبتدأ ثاني مرفوع وعلامة رفعه الضمة. والكلمة التانية بتعرب خبر للمبتدأ الثاني. هتقول لي ازاي - 00:08:02ضَ

يقول لك احفز الاول القاعدة دي وبعد كده هقول لك ازاي. يبقى انت دلوقتي لما اسألك خبر الجملة الاسمية بيعرب ايه؟ هتقول لي الكلمة الاولى بتعرب مبتدأ ثاني. والكلمة التانية بتعرب خبر للمبتدأ الثاني. تاني تاني خبر الجملة الاسمية بيعرب ايه؟ الكلمة الاولى بتعرب مبتدأ ثاني. والكلمة التانية بتعد - 00:08:22ضَ

خبر للمبتدأ الثاني. دي هتحفظها الاول. وبعد كده هفهمك يعني ايه الكلام ده؟ احنا عندنا هنا كلمة الفتاة قلنا الخبر بتاعها كلمة خلقها جميل فبنقول خلقها جميل على بعض. خبر جملة اسمية. يعني ايه خبر جملة اسمية؟ يعني دي جملة اسمية منفصلة بزاتها. لو دخلنا جوة الجملة الاسمية. الجملة الاسمية بتتكون - 00:08:42ضَ

من ايه؟ بتتكون من مبتدأ وخبر. اللي هي كلمة خلقها دي مبتدأ. وكلمة جميل دي خبر هتقول لي تمام. امال ايه موضوع الثاني دي؟ مبتدأ ثاني؟ هقول لك لان كده هيبقى عندي مبتدئين وراء بعض. اللي هي الفتاة مبتدأ وخلقها مبتدأ. فانا لازم - 00:09:02ضَ

اللي قدامي اللي انا فاهم ان كلمة خلقها دي مبتدأ ثاني غير كلمة الفتاة. هتقول لي ايه اللخبطة اللي احنا فيها دي؟ هقول لك يا سيدي ما تتلخبطش احفظها. خبر - 00:09:19ضَ

الجملة الاسمية الكلمة الاولى مبتدأ ثاني والكلمة الثانية خبر للمبتدأ الثاني. ده بالنسبة للاعراب. لكن لو قال لك استخرج انت بتطلع له وتقول له الخبر ده نوع وخبر جملة والسلام عليكم ورحمة الله وبركاته. هتقول لي تمام انا كده فهمت خبر الجملة الاسمية. هقول لك جميل. خد بقى الجملة دي وحلها لي - 00:09:29ضَ

العلم اساس التقدم. هتقول لي بقى سب لي الطلعة دي. ايه الجملة دي سهلة جدا. العلم مبتدأ مرفوع وعلامة رفعه الضمة. الخبر بتاعي هنا خبر جملة اسمية. اللي هي اساس التقدم على بعض لان لما سألت العلم ما له؟ هقول لك اساس التقدم. هقول لك الله ينور عليك اجابتك غلط. هتقول لي ليه؟ اجابتي غلط ليه؟ هقول لك - 00:09:48ضَ

ارجع للشروط اللي احنا حطيناها في خبر الجملة الاسمية وانت تعرف اجابتك غلط ليه. اول شرط هتقول لي ان هم يبقوا كلمتين. هتقول لي طب ما دي كلمتين اساس التقدم على بعض كلمتين - 00:10:08ضَ

طب والشرط التاني فين الضمير اللي عائد على العلم؟ كلمة اساس فيها ضمير عايدة على المبتدأ هتقول لي لا كلمة التقدم فيها ضمير عائد على المبتدأ هتقول لي لأ. هقول لك في الحالة دي ادام الخبر بتاعك كلمتين بس ما فيهوش ضمير. عائد على المبتدأ يبقى الخبر بتاعك - 00:10:18ضَ

هنا خبر مفرد. هتقول لي طب انهي كلمة فيهم الا خبر؟ هقول لك حط كلمة مال وانت هتعرف. العلم ماله اساس يبقى اساس لوحدها هي اللي خبر. هتقول لي بس انا لو قلت العلم واساس وسكت انا كده ممكن ما افهمش حاجة. هاقول لك مش موضوعنا - 00:10:36ضَ

الخبر هنا عندي ادمج جملة اسمية يبقى خبر مفرد. وقلت لك عشان اتأكد من الخبر ازاي بحط كلمة ما له بعد العلم اللي هي المبتدأ. العلم ما له؟ اساس. يبقى - 00:10:52ضَ

اساس هي اللي خبر. هتقول لي طب التقدم اعربها ايه؟ هقول لك مضاف اليه مجرور وعلامة جره الكسرة. ولو انت مش فاهم المضاف اليه هتلاقيه على قناتنا على اليوتيوب المهم عندي اللي انا جبت لك المسال ده علشان ااكد لك على نقطة مهمة جدا الا وهي ان الخبر بتاعك لو كان كلمتين بس ما فيهوش ضمير عايد على المبتدأ يبقى شكرا - 00:11:02ضَ

ده مش خبر جملة اسمية. النوع التاني من خبر الجملة هو الخبر الجملة الفعلية. وده خبر سهل جدا. زي لما اقول الطالب يزاكر دروسه. هنا بدأ عندي كلمة الطالب وادام فيه مبتدأ يبقى فيه خبر. الطالب ما له؟ يزاكر. يبقى الكلمة اللي اخبرتني او الجزء اللي اخبرني عن الطالب هي كلمة - 00:11:22ضَ

فيديو يزاكر يزاكر دروسه. بس احنا اتفقنا اتفاق قبل كده ان الخبر المفرد بيبقى كلمة واحدة بس ما ينفعش يبقى فعل افرد بقى ان الخبر جه فعل بنسميه خبر جملة فعلية. من الاخر كده. اول ما تلاقي بعد المبتدأ - 00:11:42ضَ

فعل والفعل ده هو اللي اخبرك عن المبتدأ على طول الخبر بتاعك جملة فعلية هتقول لي ازاي اعرف هو اخبرني ولا لأ هقول لك حط كلمة ما له او ما لها بعد المبتدأ. ولو لقيت الاجابة الفعل على طول الخبر بتاعك جملة فعلية - 00:11:57ضَ

او زي لما اقول المعلم يشرح الدرس. المعلم مبتدأ صح؟ اه تمام. المعلم ما له يشرح الدرس يبقى يشرح هنا عندي خبر جملة فعلية. الجملة الفعلية كلها هي اللي خبر. هتقول لي طب ايه شروط خبر الجملة الفعلية؟ اعرفه منين - 00:12:13ضَ

شروط انه لازم يبدأ بفعل. ده الشرط اللي انا عايزه. وفيه شرط تاني مش محتاج تحفزه ان الجملة خبر الجملة الفعلية بيبقى فيه ضمير مستتر. عايد على المبتدأ اللي هو يزاكر مين اللي بيزاكر الطالب. يبقى كان هنا في ضمير عايد على الطالب - 00:12:30ضَ

المهم مش موضوعنا ده يبقى اللي انا عايز اركز لك عليه ان خبر الجملة الفعلية لازم يبدأ بفعل. هتقول لي طيب في الامتحان لما يحط لي خط تحت كلمة يزاكر لوحدها او دروس - 00:12:48ضَ

لوحدها او الكلمتين مع بعض اعربها ايه؟ هقول لك احنا اتفقنا ان ما ينفعش في القطعة يحط لك خط تحت حاجة وتقول له الخبر هنا خبر جملة. الخبر الجملة ده - 00:12:58ضَ

فعل الاستخراج بس. هتقول لي طيب امال انا هعرب يزاكر ايه؟ هقول لك عادي خالص زي ما انت متعود. يزاكر ده فعل صح؟ يبقى من اول الفعل هبدأ جملة جديدة - 00:13:08ضَ

يزاكر ده فعل نوعه ايه؟ مضارع. يبقى فعل مضارع مرفوع وعلامة رفعه الضمة. هتقول لي طب افرض حط لي خط تحت كلمة دروسه. هقول لك عادي هبدأ من اول وللفعل زي ما احنا متعودين ان الجملة بتبدأ من اقرب فعل. هو مين اللي بيزاكر؟ الطالب بيزاكر ايه؟ دروسه. يبقى دروسه - 00:13:18ضَ

مفعول به منصوب وعلامة نصبه الفتحة وكذلك الجملة اللي تحتيها المعلم يشرح الدرس. لو قال لي في الاستخراج طلع لي خبر جملة وبين نوعه هقول له يشرح خبر جملة فعلية. اما لو - 00:13:38ضَ

ايه في الاعراب وحط لي خط تحت يشرح لأ انا هعربها عادي. هقول له فعل مضارع مرفوع وعلامة رفعه الضمة. طب حط لي خط تحت الدرس على اقرب فعل واحط هو مين واطلع الفاعل؟ هو مين اللي بيشرح المعلم؟ بس الفاعل مستتر. بيشرح ايه؟ الدرس. يبقى الدرس مفعول به منصوب وعلامة - 00:13:51ضَ

نصبي الفتحة. ولو عندك مشكلة في الجملة الفعلية ارجع لدرس تعلم الاعراب اتنين وانت هتفهمه كويس ان شاء الله. تالت خبر عندي هو خبر الشبه الجملة. يعني ايه خبر شبه جملة. خبر شبه الجملة هو عبارة عن نوعين. النوع الاول هو الخبر لما يكون ظرف. والنوع التاني لما الخبر يبقى جر ومجرور. زي لما اقول لك - 00:14:11ضَ

عصفور فوق الشجرة. هنا دي جملة اسمية صح؟ اه العصفور هنا مبتدأ. جميل جدا. عايز تجيب الخبر حط كلمة ما له او مالها بعد المبتدأ العصفور ما له؟ الاجابة ايه؟ فوق الشجرة. ادام الجملة مفهومة يبقى في خبر. فين الخبر هنا؟ بقول لك ادام الخبر بتاعك بدأ بظرف او - 00:14:31ضَ

الكلمة اللي اخبرتك عن المبتدأ ظرف يبقى هنا بنسمي الخبر شبه جملة. هتقول لي طيب مين فيهم الخبر؟ كلمة فوق لوحدها ولا كلمة فوق شجر على بعض هو الصح المفروض اختار كلمة فوق الواحدة. يعني لو قال لي استخرج خبر شبه جملة اكتب له كلمة فوق. لكن لو حضرتك كتبت فوق الشجرة - 00:14:51ضَ

على بعض ما فيش مشكلة. نرجع تاني لموضوعنا. الكلام ده لما يقول لك استخرج. طب افرض حط لك خط تحت كلمة فوق وقال لك اعرب. لا فوق دي ايه؟ ظرف - 00:15:11ضَ

والاسم اللي بيجي بعد الزرف بيعرب ايه؟ اللي هي كلمة الشجرة مضاف اليه مجرور وعلامة جره الكسرة. يبقى اما يقول لك اعرب بتعرب على حسب موقعها في الجملة زي ما انت متعود - 00:15:21ضَ

لكن لما يقول لك استخرج بقى خبر وباين نوعه هو ده درسنا النهاردة. او زي لما اقول لك الفلاح بين الاغصان. هنا الفلاح مبتدأ. عايز اجيب الخبر بين الاغصان. يبقى هنا بين الاغصان هي اللي اخبرتني عن المبتدأ. لكن هنا بادئة بزرف اللي هي كلمة باينة. يبقى على طول ده خبر شبه جملة - 00:15:31ضَ

وانا بستخرج خبر شبه جملة بكتب الزرف بس. طب لو كتبت الزرف والكلمة اللي بعديه؟ ما فيش مشكلة. لكن الافضل ان انا اكتب الزرف بس. او الخبر التاني لما يجي لي شبه جملة - 00:15:51ضَ

لما يكون جر مجرور. زي لما اقول لك المعلم في الفصل. هنا لما اسألك المعلم ما له؟ الاجابة تبقى ايه؟ في الفصل. يعني جملة مفهومة. فكلمة في الفصل على بعض - 00:16:01ضَ

باقول لك عليها خبر شبه جملة. في الاستخراج. لكن لو حط لك خط تحت كلمة الفصل هتقول له ايه؟ اسم مجرور وعلامة جره الكسرة. فهنا الجزء اللي اخبرني هي كلمة في الفصل على بعض. فلما يقول لي استخرج خبر شبه جملة بطلع له في الفصل على بعض. اللي هو حرف الجر والاسم المجرور. او زي لما اقول لك - 00:16:11ضَ

فتاة كالقمر. الفتاة هنا مبتدأ. الفتاة ما لها؟ كالقمر. فكالقمر هي اللي اخبرتني عن الفتاة. لكن هنا بادئة بحرف جر اللي هو فبنقول عليها خبر شبه جملة. ليه؟ علشان اللي اخبرني عن الفتاة هو حرف الجر والاسم المجرور. انا كده خلصت وانا عارف ان انا طولت عليكم لكن في نقطة بس - 00:16:31ضَ

ملحوظة لازم اقول لك عليها الخبر بتاعك لما يبدأ بزرف او يبدأ بحرف جر لكن الزرف ده او حرف الجر ده يبقى فيه ضمير عائد على المبتدأ بيبقى خبر جملة - 00:16:51ضَ

هتقول لي ازاي يعني اقول لك يعني انا لو قلت لك العصفور فوقه ماء. هنا العصفور مبتدأ العصفور ما له فوقه ماء هي اللي اخبرتني عن العصفور. فممكن واحد كلمة فوقه بادئة بظرف يبقى الخبر هنا عندي شبه جملة. هقول له لأ احنا حطينا قاعدة مع بعض ان الظرف بتاعك لو جه فيه ضمير اعرف على طول ان - 00:17:04ضَ

الخبر بتاعك هنا جملة اسمية. نفس القصة لما اقول لك الفصل فيه معلم هنا الخبر عندي اللي هي فيه معلم هي اللي اخبرتني عن الفصل لكن عندي الخبر هنا بادئ بحرف الجر فيه فممكن واحد يقول لي ده خبر شبه جملة. هاقول له لأ. هنا حرف الجر فيه ضمير. وادام حرف الجر فيه ضمير - 00:17:26ضَ

يبقى على طول اعرف ان الخبر ده خبر جملة اسمية. هتقول لي طب ازاي؟ هقول لك لان كان اصل الجملة الفصل معلم فيه. العصفور تاء فوقه. هتقول لي طب انا هاعرفها ازاي ؟ او ايه الضابط بتاعها ؟ هاقول لك احفزها دلوقتي ان الزرف لما يجي خبر بس يبقى فيه ضمير على طول الخبر ده جملة - 00:17:46ضَ

وان حرف الجر لما ييجي خبر ويبقى فيه ضمير على طول ده خبر جملة اسمية. وانا هابقى اوضح النقطة دي في حلقة تانية علشان انا طولت عليكم النهاردة ما تنساش لو الفيديو عجبك تعمل له شير علشان الناس كلها تستفيد. وما تنساش تشترك في القناة بتاعتنا على اليوتيوب. والسلام عليكم ورحمة الله وبركاته - 00:18:06ضَ